മനുഷ്യൻ മരിക്കാ​നാ​ണോ ദൈവ​ത്താൽ സൃഷ്ടി​ക്ക​പ്പെ​ട്ടത്‌?

നേരെ മറിച്ച്‌ മരണത്തി​ലേക്ക്‌ നയിക്കുന്ന അനുസ​ര​ണ​ക്കേ​ടി​നെ​തി​രെ യഹോവ ആദാമിന്‌ മുന്നറി​യിപ്പ്‌ നൽകി. (ഉൽപ. 2:17) പിൽക്കാ​ലത്ത്‌ ദൈവം ഇസ്രാ​യേ​ല്യർക്ക്‌ സമയത്തി​നു മുമ്പേ അവരെ മരണത്തി​ലേക്ക്‌ നയി​ച്ചേ​ക്കാ​വുന്ന നടത്തയ്‌ക്കെ​തി​രെ പോലും മുന്നറി​യിപ്പ്‌ നൽകി. (യെഹെ. 18:31) കാല​ക്ര​മ​ത്തിൽ, മനുഷ്യ​വർഗ്ഗ​ത്തി​നു​വേണ്ടി മരിക്കാൻ അവൻ തന്റെ പുത്രനെ അയച്ചു, അത്‌ ആ കരുത​ലിൽ വിശ്വാ​സം അർപ്പി​ക്കു​ന്നവർ നിത്യ​ജീ​വൻ ആസ്വദി​ക്കേ​ണ്ട​തി​നാ​യി​രു​ന്നു.—യോഹ. 3:16, 36.

സാധാ​ര​ണ​യാ​യി മനുഷ്യ​രു​ടെ ആയുർ​ദൈർഘ്യം 70 അല്ലെങ്കിൽ 80 വർഷങ്ങ​ളാ​ണെന്ന്‌ സങ്കീർത്തനം 90:10 പറയുന്നു. മോശ എഴുതി​യ​പ്പോൾ അതു സത്യമാ​യി​രു​ന്നു, എന്നാൽ ആരംഭം മുതൽ അങ്ങനെ​യാ​യി​രു​ന്നില്ല. (ഉൽപ. 5:3-32 താരത​മ്യം ചെയ്യുക.) എബ്രായർ 9:27 പറയുന്നു, “ഒരിക്കൽ എന്നേക്കു​മാ​യി മരിക്കുക എന്നത്‌ മനുഷ്യന്‌ നിശ്ചയി​ക്ക​പ്പെ​ട്ടി​രി​ക്കു​ന്നു.” അതും എഴുത​പ്പെ​ട്ട​പ്പോൾ സത്യമാ​യി​രു​ന്നു. എന്നാൽ പാപി​യായ ആദാമി​ന്റെ മേൽ ദൈവം ന്യായ​വി​ധി ഉച്ചരി​ക്കു​ന്ന​തി​നു മുമ്പ്‌ അങ്ങനെ​യാ​യി​രു​ന്നില്ല.

നാം വാർദ്ധ​ക്യം പ്രാപി​ക്കു​ക​യും മരിക്കു​ക​യും ചെയ്യു​ന്നത്‌ എന്തു​കൊണ്ട്‌?

എന്നേക്കും ജീവി​ക്കാ​നു​ളള പ്രതീ​ക്ഷ​യോ​ടെ പൂർണ്ണ​രാ​യി​ട്ടാണ്‌ യഹോവ ആദ്യ മാനു​ഷ​ദ​മ്പ​തി​കളെ സൃഷ്ടി​ച്ചത്‌. അവർക്ക്‌ സ്വത​ന്ത്ര​മ​നസ്സ്‌ നൽക​പ്പെ​ട്ടി​രു​ന്നു. സ്‌നേ​ഹ​ത്തിൽ നിന്നും അവൻ അവർക്കു വേണ്ടി ചെയ്‌തി​ട്ടു​ളള എല്ലാറ​റി​നെ​യും സംബന്ധി​ച്ചു​ളള വിലമ​തിപ്പ്‌ നിമി​ത്ത​വും അവർ അവരുടെ സ്രഷ്ടാ​വി​നെ അനുസ​രി​ക്കു​മോ? അങ്ങനെ ചെയ്യു​ന്ന​തി​നു​ളള തികഞ്ഞ​പ്രാ​പ്‌തി  അവർക്കു​ണ്ടാ​യി​രു​ന്നു. ദൈവം ആദാമി​നോട്‌ പറഞ്ഞു: “നൻമതിൻമ​ക​ളു​ടെ അറിവി​ന്റെ വൃക്ഷത്തെ സംബന്ധി​ച്ചാ​ണെ​ങ്കിൽ നീ അതിൽ നിന്ന്‌ ഭക്ഷിക്ക​രുത്‌, എന്തു​കൊ​ണ്ടെ​ന്നാൽ നീ അതിൽ നിന്ന്‌ ഭക്ഷിക്കുന്ന നാളിൽ നീ തീർച്ച​യാ​യും മരിക്കും.” ഒരു സർപ്പത്തെ വക്താവാ​യി ഉപയോ​ഗി​ച്ചു​കൊണ്ട്‌ യഹോ​വ​യു​ടെ കൽപ്പന ലംഘി​ക്കാൻ സാത്താൻ ഹവ്വായെ വശീക​രി​ച്ചു. ആദാം തന്റെ ഭാര്യയെ ശാസി​ച്ചില്ല, മറിച്ച്‌ വിലക്ക​പ്പെട്ട കനി ഭക്ഷിക്കു​ന്ന​തിന്‌ അവളോട്‌ ചേർന്നു. തന്റെ വചനമ​നു​സ​രിച്ച്‌ തന്നെ യഹോവ ആദാമി​ന്റെ​മേൽ മരണവി​ധി ഉച്ചരിച്ചു, എന്നാൽ പാപി​ക​ളായ ആ ദമ്പതി​കളെ വധിക്കു​ന്ന​തി​നു മുൻപ്‌ അവർ മക്കളെ ജനിപ്പി​ക്കാൻ യഹോവ കരുണാ​പൂർവ്വം അനുവ​ദി​ച്ചു.—ഉൽപ. 2:17; 3:1-19; 5:3-5; ആവർത്തനം 32:4-ഉം വെളി​പ്പാട്‌ 12:9-ഉം താരത​മ്യം ചെയ്യുക.

റോമ. 5:12, 17, 19: “ഏക മനുഷ്യ​നാൽ [ആദാം] പാപവും പാപത്താൽ മരണവും ലോക​ത്തി​ലേക്ക്‌ പ്രവേ​ശി​ച്ചു, അങ്ങനെ എല്ലാവ​രും പാപം ചെയ്‌തി​രി​ക്കു​ക​യാൽ മരണം സകല മനുഷ്യ​രി​ലേ​ക്കും വ്യാപി​ച്ചു—. . . .ഒരു മനുഷ്യ​ന്റെ ലംഘന​ത്താൽ മരണം രാജാ​വാ​യി വാണു . . . ഒരു മനുഷ്യ​ന്റെ അനുസ​ര​ണ​ക്കേ​ടി​നാൽ അനേകർ പാപി​ക​ളാ​യി​ത്തീർന്നു.”

1 കൊരി. 15:22: “ആദാമിൽ എല്ലാവ​രും മരിക്കു​ന്നു.”

“വിധി” എന്ന മുഖ്യ​ശീർഷ​ക​വും കൂടെ കാണുക.

ശിശുക്കൾ മരിക്കു​ന്നത്‌ എന്തു​കൊണ്ട്‌?

സങ്കീ. 51:5, JB: “ഞാൻ കുററ​മു​ള​ള​വ​നാ​യി ജനിച്ചു​വെന്ന്‌, എന്നെ ഗർഭം ധരിച്ച നിമിഷം മുതൽ ഒരു പാപി​യാ​ണെന്ന്‌ നീ അറിയു​ന്നു.” (ഇയ്യോബ്‌ 14:4; ഉൽപത്തി 8:21 കൂടെ കാണുക.)

റോമ. 3:23; 6:23: “എല്ലാവ​രും പാപം ചെയ്‌തി​രി​ക്കു​ന്നു, ദൈവ​തേ​ജ​സ്സിൽ കുറവു​ള​ള​വ​രാ​യി​ത്തീർന്നി​രി​ക്കു​ന്നു . . . പാപം നൽകുന്ന ശമ്പളം മരണമ​ത്രേ.”

ചില​രോട്‌ പറയ​പ്പെ​ട്ടി​ട്ടു​ള​ള​തു​പോ​ലെ ദൈവം കുട്ടി​കളെ അവരുടെ മാതാ​പി​താ​ക്ക​ളിൽ നിന്ന്‌ “എടുത്തു​കൊ​ണ്ടു” പോകു​ന്നില്ല. ഭൂമി വേണ്ടത്ര ആഹാരം ഉൽപ്പാ​ദി​പ്പി​ക്കു​ന്നു​ണ്ടെ​ങ്കി​ലും സ്വാർത്ഥത നിറഞ്ഞ രാഷ്‌ട്രീ​യ​വും വ്യാപാ​ര​പ​ര​വു​മായ ഘടകങ്ങൾ അത്‌ ഏററവു​മ​ധി​കം ആവശ്യ​മാ​യി​രി​ക്കു​ന്ന​വർക്ക്‌ വിതരണം ചെയ്യു​ന്ന​തി​നെ മിക്ക​പ്പോ​ഴും തടസ്സ​പ്പെ​ടു​ത്തു​ക​യും അതുവഴി വികല​പോ​ഷ​ണ​ത്താ​ലു​ളള മരണത്തിന്‌ ഇടയാ​ക്കു​ക​യും ചെയ്യുന്നു. മുതിർന്ന​വ​രെ​പ്പോ​ലെ തന്നെ ചില കുട്ടികൾ അപകട​ങ്ങ​ളിൽ മരണമ​ട​യു​ന്നു. എന്നാൽ നാം എല്ലാം പാപം അവകാ​ശ​മാ​ക്കി​യി​രി​ക്കു​ന്നു; നാമെ​ല്ലാ​വ​രും അപൂർണ്ണ​രാണ്‌. എല്ലാവ​രും—നല്ലവരും ചീത്തയാ​ളു​ക​ളും—കാല​ക്ര​മ​ത്തിൽ മരിക്കുന്ന ഒരു വ്യവസ്ഥി​തി​യി​ലേക്ക്‌ നാം ജനിച്ചു. (സഭാ. 9:5) കുട്ടി​കളെ അവരുടെ മാതാ​പി​താ​ക്ക​ളു​മാ​യി പുനരു​ത്ഥാ​ന​ത്താൽ വീണ്ടും കൂട്ടി​ച്ചേർക്കാൻ യഹോവ ‘അതിയാ​യി ആഗ്രഹി​ക്കു​ന്നു,’ അതിന്‌ സ്‌നേ​ഹ​പൂർവ്വ​ക​മായ കരുതൽ ചെയ്‌തി​ട്ടു​മുണ്ട്‌.—യോഹ. 5:28, 29; ഇയ്യോ. 14:14, 15; യിരെ​മ്യാവ്‌ 31:15, 16; മർക്കോസ്‌ 5:40-42 താരത​മ്യം ചെയ്യുക.

മരിച്ചവർ എവി​ടെ​യാണ്‌?

ഉൽപ. 3:19: “നിലത്ത്‌ തിരി​കെ​ച്ചേ​രു​ന്ന​തു​വരെ നിന്റെ മുഖത്തെ വിയർപ്പിൽ നീ അപ്പം ഭക്ഷിക്കും, എന്തു​കൊ​ണ്ടെ​ന്നാൽ നീ നിലത്തു നിന്ന്‌ എടുക്ക​പ്പെ​ട്ടി​രി​ക്കു​ന്നു.  നീ പൊടി​യാ​കു​ന്നു, നീ പൊടി​യി​ലേക്ക്‌ തിരി​കെ​ച്ചേ​രു​ക​യും ചെയ്യും.”

സഭാ. 9:10: “ചെയ്യാൻ നിന്റെ കൈ കണ്ടെത്തു​ന്ന​തൊ​ക്കെ​യും നിന്റെ ശക്തി​യോ​ടെ​തന്നെ ചെയ്യുക.’ എന്തു​കൊ​ണ്ടെ​ന്നാൽ നീ ചെല്ലുന്ന സ്ഥലമായ ഷീയോ​ളിൽ [“ശവക്കു​ഴി​യിൽ,” KJ, Kx; “മരിച്ചവരുടെ ലോകത്ത്‌,” TEV] പ്രവൃ​ത്തി​യോ ഉപായ​മോ അറിവോ ജ്ഞാനമോ ഇല്ല.”

മരിച്ചവരുടെ അവസ്ഥ എന്ത്‌?

സഭാ. 9:5: “ജീവി​ച്ചി​രി​ക്കു​ന്ന​വർക്ക്‌ തങ്ങൾ മരിക്കു​മെന്ന്‌ ബോധ​മുണ്ട്‌; എന്നാൽ മരിച്ച​വരെ സംബന്ധി​ച്ചി​ട​ത്തോ​ളം അവർക്ക്‌ യാതൊ​ന്നി​നെ​ക്കു​റി​ച്ചും ബോധ​മില്ല.”

സങ്കീ. 146:4: “അവന്റെ ആത്മാവ്‌ പുറത്തു​പോ​കു​ന്നു, അവൻ തന്റെ നില​ത്തേക്ക്‌ തിരി​കെ​പ്പോ​കു​ന്നു; അന്നുതന്നെ അവന്റെ ചിന്തകൾ [“ചിന്തകൾ,” KJ, Dy-ൽ 145:4; “അവന്റെ സകല ചിന്തയും,” NE; “ആസൂത്രണങ്ങൾ,” RS, NAB] നശിക്കു​ന്നു.”

യോഹ. 11:11-14: “‘നമ്മുടെ സുഹൃത്ത്‌ ലാസർ വിശ്ര​മി​ക്കു​ക​യാണ്‌, എന്നാൽ അവനെ ഉറക്കത്തിൽ നിന്ന്‌ ഉണർത്താൻ ഞാൻ അങ്ങോട്ട്‌ പോവു​ക​യാണ്‌.’ . . . യേശു അവരോട്‌ തുറന്നു പറഞ്ഞു: ‘ലാസർ മരിച്ചു​പോ​യി.’” (കൂടാതെ സങ്കീർത്തനം 13:3)

ശരീരം മരിക്കു​മ്പോ​ഴും തുടർന്നു ജീവി​ക്കു​ന്ന​താ​യി മനുഷ്യ​ന്റെ ഏതെങ്കി​ലും ഭാഗമു​ണ്ടോ?

യെഹെ. 18:4: “പാപം ചെയ്യുന്ന ദേഹി [“ദേഹി,” RS, NE, KJ, Dy, Kx; “മനുഷ്യൻ,” JB; “വ്യക്തി,” TEV]—അതുതന്നെ മരിക്കും.”

യെശ. 53:12: “അവൻ മരണ​ത്തോ​ളം തന്നെ തന്റെ ദേഹിയെ [“ദേഹി,” RS, KJ, Dy; “ജീവൻ,” TEV; “തന്നെത്തന്നെ,” JB, Kx, NAB] ഒഴുക്കി​ക്ക​ളഞ്ഞു.” (മത്തായി 26:38 താരത​മ്യം ചെയ്യുക.)

“ദേഹി” “ആത്മാവ്‌” എന്നീ മുഖ്യ​ശീർഷ​ക​ങ്ങ​ളും കൂടെ കാണുക.

മരിച്ചവർക്ക്‌ ജീവി​ച്ചി​രി​ക്കു​ന്ന​വരെ ഏതെങ്കി​ലും വിധത്തിൽ സഹായി​ക്കാ​നോ ഉപദ്ര​വി​ക്കാ​നോ കഴിയു​മോ?

സഭാ. 9:6: “അവരുടെ സ്‌നേ​ഹ​വും അവരുടെ ദ്വേഷ​വും അവരുടെ അസൂയ​യും ഇപ്പോൾത്തന്നെ നശിച്ചു​പോ​യി​രി​ക്കു​ന്നു, അവർക്ക്‌ മേലാൽ അനിശ്ചി​ത​കാ​ല​ത്തോ​ളം സൂര്യ​നു​താ​ഴെ ചെയ്യ​പ്പെ​ടാ​നു​ളള യാതൊ​ന്നി​ലും ഒരു ഓഹരി​യു​മില്ല.”

യെശ. 26:14: “അവർ മരിച്ച​വ​രാണ്‌; അവർ ജീവി​ക്കു​ക​യില്ല. മരണ​ത്തോ​ടെ ബലഹീ​ന​രാ​യി​ത്തീർന്ന അവർ എഴു​ന്നേൽക്കു​ക​യില്ല.”

മരിച്ചവരെന്നു പ്രഖ്യാ​പി​ക്ക​പ്പെ​ട്ട​ശേഷം ജീവനി​ലേക്ക്‌ തിരികെ വരുത്ത​പ്പെ​ട്ട​വ​രും മറെറാ​രു ജീവി​ത​ത്തെ​പ്പ​ററി സംസാ​രി​ച്ച​വ​രു​മാ​യ​വ​രു​ടെ റിപ്പോർട്ടു​കൾ സംബന്ധി​ച്ചെന്ത്‌?

സാധാ​ര​ണ​യാ​യി ഒരു വ്യക്തി​യു​ടെ ശ്വാ​സോ​ച്ഛ്വാ​സ​വും ഹൃദയ​മി​ടി​പ്പും  നിലച്ച്‌ പല മിനി​റ​റു​കൾക്ക്‌ ശേഷമാണ്‌ സാവകാ​ശം ശരീര കോശ​ങ്ങ​ളി​ലെ ജീവശക്തി ഇല്ലാതാ​കാൻ തുടങ്ങു​ന്നത്‌. ശരീരം മരവി​പ്പി​ക്കു​ക​യാ​ണെ​ങ്കിൽ ആ പ്രക്രിയ മണിക്കൂ​റു​ക​ളോ​ളം താമസി​പ്പി​ക്കാൻ കഴിയും. ഇക്കാര​ണ​ത്താൽ ചില​പ്പോൾ ഒരു വ്യക്തിയെ കാർഡി​യോ​പൾമ​നറി പുനർജീ​വി​പ്പി​ക്കൽ പ്രക്രി​യ​യി​ലൂ​ടെ വീണ്ടും ജീവനി​ലേക്ക്‌ കൊണ്ടു​വ​രിക സാദ്ധ്യ​മാണ്‌. അവർ “വൈദ്യ​ശാ​സ്‌ത്ര​പ​ര​മാ​യി” പറഞ്ഞാൽ മരിച്ച​വ​രാണ്‌, എന്നാൽ അവരുടെ ശരീര​കോ​ശങ്ങൾ അപ്പോ​ഴും ജീവനു​ള​ള​വ​യാ​യി​രു​ന്നു.

“വൈദ്യ​ശാ​സ്‌ത്ര​പ​ര​മായ” മരണത്തിൽനിന്ന്‌ തിരികെ വരുത്ത​പ്പെട്ട അനേക​മാ​ളു​കൾ യാതൊ​ന്നും ഓർമ്മി​ക്കു​ന്നില്ല. മററു​ചി​ലർ പറന്നു​ന​ട​ന്ന​താ​യി തോന്നി​യെന്ന്‌ റിപ്പോർട്ടു ചെയ്യുന്നു. ചിലർ സുന്ദര​മായ ദൃശ്യങ്ങൾ കണ്ടതായി പറയുന്നു; മററു ചിലർ ആ അനുഭ​വ​ത്തിൽ ഭയവി​ഹ്വ​ല​രാ​യി​ത്തീർന്നു.

ഈ അനുഭ​വ​ങ്ങ​ളി​ലേ​തി​നെ​ങ്കി​ലും വൈദ്യ​ശാ​സ്‌ത്ര​പ​ര​മായ ഒരു വിശദീ​ക​ര​ണ​മു​ണ്ടോ?

ദി അരി​സോണ റിപ്പബ്ലി​ക്കി​ന്റെ വൈദ്യ​ശാ​സ്‌ത്ര എഡിററർ ഇപ്രകാ​രം എഴുതി: “അനസ്‌തേ​ഷ്യ​യു​ടെ​യോ രോഗ​ത്തി​ന്റെ​യോ പരിക്കി​ന്റെ​യോ ഫലമായി ശാരീ​രിക ശക്തി ഏററം കുറഞ്ഞ അവസ്ഥയി​ലാ​യി​ത്തീ​രു​മ്പോൾ ശാരീ​രിക പ്രവർത്ത​ന​ങ്ങ​ളു​ടെ സ്വതേ​യു​ളള നിയ​ന്ത്രണം അതിന​നു​സ​രിച്ച്‌ കുറയു​ന്നു. അങ്ങനെ ന്യൂറോ ഹോർമോ​ണു​ക​ളും നാഡീ​വ്യൂ​ഹ​ത്തി​ലെ കാറെ​റ​ക്കൊ​ലാ​മൈൻസും സ്വത​ന്ത്ര​മാ​ക്ക​പ്പെ​ടു​ക​യും അനിയ​ന്ത്രി​ത​മായ അളവിൽ ഒഴുകു​ക​യും ചെയ്യുന്നു. അതിന്റെ ഫലം, മററു പ്രത്യ​ക്ഷ​ത​ക​ളോ​ടൊ​പ്പം ചിത്തവി​ഭ്രാ​ന്തി​യാണ്‌, ബോധാ​വ​സ്ഥ​യി​ലേക്ക്‌ മടങ്ങി വരു​മ്പോൾ മരിച്ചിട്ട്‌ മടങ്ങി വന്നതാണ്‌ എന്ന്‌ വിശദീ​ക​രി​ക്ക​പ്പെ​ടു​ക​യും ചെയ്യുന്നു.”—മേയ്‌ 28, 1977, പേ. C-1; കൂടാതെ ജർമ്മൻ വൈദ്യ​ശാ​സ്‌ത്ര​പ്ര​സി​ദ്ധീ​ക​രണം ഫോർട്ട്‌ക്രി​സ്‌റേറ ദെർ മെഡി​സിൻ, നമ്പർ 41, 1979; സൈ​ക്കോ​ളജി ററുഡേ, ജനുവരി 1981.

എന്നാൽ പുനർജീ​വി​പ്പി​ക്ക​പ്പെ​ട്ട​വ​രു​ടെ സാക്ഷ്യം, മരിച്ചവർ പ്രത്യ​ക്ഷ​പ്പെ​ടു​ക​യും സംസാ​രി​ക്കു​ക​യും ചെയ്‌ത​വ​രു​ടെ അനുഭ​വ​ത്താൽ ഉറപ്പാ​ക്ക​പ്പെ​ടു​ന്നി​ല്ലേ?

മരിച്ച​വ​രു​ടെ അവസ്ഥയെ സംബന്ധിച്ച്‌ മേലു​ദ്ധ​രിച്ച തിരു​വെ​ഴു​ത്തു​കൾ ദയവായി വീണ്ടും വായി​ക്കുക. ദൈവ​ത്തി​ന്റെ സത്യവ​ചനം മരിച്ച​വ​രു​ടെ അവസ്ഥ​യെ​ക്കു​റിച്ച്‌ നമ്മോട്‌ എന്താണ്‌ പറയു​ന്നത്‌?

മനുഷ്യർ മറിച്ച്‌ വിശ്വ​സി​ക്ക​ണ​മെന്ന്‌ ആഗ്രഹി​ക്കു​ന്നത്‌ ആരാണ്‌? അനുസ​ര​ണ​ക്കേട്‌ മരണം കൈവ​രു​ത്തും എന്ന്‌ യഹോവ നമ്മുടെ ആദ്യമാ​താ​പി​താ​ക്കൾക്ക്‌ മുന്നറി​യി​പ്പു കൊടു​ത്ത​ശേഷം അതിന്‌ വിപരീ​ത​മാ​യി സംസാ​രി​ച്ച​താ​രാണ്‌? “[സാത്താ​നാൽ ഉപയോ​ഗി​ക്ക​പ്പെട്ട; വെളി​പ്പാട്‌ 12:9 കൂടെ കാണുക] സർപ്പം സ്‌ത്രീ​യോട്‌ പറഞ്ഞു: ‘നിശ്ചയ​മാ​യും നിങ്ങൾ മരിക്കു​ക​യില്ല.’” (ഉൽപ. 3:4) തീർച്ച​യാ​യും, പിൽക്കാ​ലത്ത്‌, ആദാമും ഹവ്വായും മരിക്കുക തന്നെ ചെയ്‌തു. അപ്പോൾ ന്യായ​യു​ക്ത​മാ​യി ശരീരം മരിച്ച​ശേ​ഷ​വും മനുഷ്യ​ന്റെ ഒരു ആത്മീയ ഭാഗം തുടർന്ന്‌ ജീവി​ക്കു​ന്നു എന്നുളള ആശയം ആരുടെ കണ്ടുപി​ടു​ത്ത​മാണ്‌? നാം കണ്ടുക​ഴി​ഞ്ഞ​തു​പോ​ലെ ദൈവ​ത്തി​ന്റെ വചനം പറയു​ന്നത്‌ അതല്ല. പുരാതന ഇസ്രാ​യേ​ല്യർക്കു​ളള ദൈവ​ത്തി​ന്റെ നിയമം മരിച്ച​വ​രോട്‌ ആലോചന ചോദി​ക്കു​ന്ന​തി​നെ “അശുദ്ധ​വും” “മ്ലേച്ഛവു​മായ” ഒരു ആചാര​മാ​യി കുററം വിധിച്ചു. (ലേവ്യ. 19:31; ആവ. 18: 10-12; യെശ. 8:19) ജീവി​ച്ചി​രി​ക്കു​ന്നവർ മരിച്ചു​പോയ തങ്ങളുടെ പ്രിയ​പ്പെ​ട്ട​വ​രോ​ടാണ്‌ ബന്ധപ്പെ​ട്ടി​രു​ന്ന​തെ​ങ്കിൽ സ്‌നേ​ഹ​വാ​നായ ഒരു ദൈവം ആ ആചാരത്തെ കുററം വിധി​ക്കു​മാ​യി​രു​ന്നോ? നേരെ​മ​റിച്ച്‌, ഭൂതാ​ത്മാ​ക്കൾ മരിച്ച വ്യക്തി​ക​ളാ​ണെന്ന്‌ ഭാവി​ക്കു​ക​യും ഒരു വ്യാജം നിലനിർത്ത​ത്ത​ക്ക​ധാ​രണ നൽകി​ക്കൊണ്ട്‌ മനുഷ്യ​വർഗ്ഗത്തെ വഴി​തെ​റ​റി​ക്കു​ക​യു​മാ​ണെ​ങ്കിൽ അത്തരം വഞ്ചനയ്‌ക്കെ​തി​രെ തന്റെ ദാസൻമാ​രെ സംരക്ഷി​ക്കു​ന്നത്‌ ദൈവ​ത്തി​ന്റെ ഭാഗത്തെ സ്‌നേ​ഹ​മാ​യി​രി​ക്കു​ക​യി​ല്ലേ?—എഫേ. 6:11, 12.

മരിച്ചവർക്കുവേണ്ടി വിലാപം കഴിക്കുന്ന പരമ്പരാ​ഗത ആചാര​ങ്ങ​ളിൽ യഹോ​വ​യു​ടെ സാക്ഷികൾ പങ്കെടു​ക്കാ​ത്ത​തെ​ന്തു​കൊ​ണ്ടാണ്‌?

പ്രിയപ്പെട്ട ഒരാളു​ടെ മരണത്തിൽ ദുഃഖി​ക്കുക എന്നത്‌ സ്വാഭാ​വി​ക​മാണ്‌, അത്‌ ഉചിത​മാ​യി പ്രകടി​പ്പി​ക്കു​ക​യും ചെയ്യാം

തന്റെ അടുത്ത സുഹൃ​ത്താ​യി​രുന്ന ലാസർ മരിച്ച​ശേഷം “യേശു കണ്ണീർ വാർത്തു”. (യോഹ. 11:35) ചില സന്ദർഭ​ങ്ങ​ളിൽ മരണ​ത്തോ​ടു​ളള ബന്ധത്തിൽ ദൈവ​ദാ​സൻമാർ അനുഭ​വിച്ച ദുഃഖം തീവ്ര​മാ​യി​രു​ന്നി​ട്ടുണ്ട്‌.—2 ശമു. 1:11, 12.

എന്നാൽ പുനരു​ത്ഥാന പ്രത്യാശ നിമിത്തം ക്രിസ്‌ത്യാ​നി​ക​ളോട്‌ ഇപ്രകാ​രം പറയ​പ്പെ​ട്ടി​രി​ക്കു​ന്നു: “പ്രത്യാ​ശ​യി​ല്ലാത്ത മററു​ള​ളവർ ദുഃഖി​ക്കു​ന്ന​തു​പോ​ലെ നിങ്ങൾ ദുഃഖി​ക്കാ​തി​രി​ക്കേ​ണ്ട​തിന്‌ മരണത്തിൽ നിദ്ര​കൊ​ള​ളു​ന്ന​വ​രെ​ക്കു​റിച്ച്‌ നിങ്ങൾക്ക്‌ അറിവി​ല്ലാ​തി​രി​ക്ക​രുത്‌ എന്ന്‌ ഞങ്ങൾ ആഗ്രഹി​ക്കു​ന്നു.”—1 തെസ്സ. 4:13.

മരണത്തോട്‌ ബന്ധപ്പെട്ട എല്ലാ ആചാര​ങ്ങ​ളും യഹോ​വ​യു​ടെ ദാസൻമാർ തളളി​ക്ക​ള​യു​ന്നി​ല്ല

ഉൽപ. 50:2, 3: “തന്റെ പിതാ​വിന്‌ സുഗന്ധ​വർഗ്ഗ​മി​ടു​വാൻ യോ​സേഫ്‌ തന്റെ ദാസൻമാ​രായ വൈദ്യൻമാ​രോട്‌ കൽപ്പിച്ചു . . . അവർ അവനു​വേണ്ടി തികച്ചും നാൽപ്പതു ദിവസ​മെ​ടു​ത്തു, കാരണം സുഗന്ധ​വർഗ്ഗ​മി​ടു​ന്ന​തിന്‌ നാൽപ്പതു ദിവസ​മെ​ടു​ക്കു​ന്നത്‌ പതിവാ​യി​രു​ന്നു.”

യോഹ. 19:40: “അവർ യേശു​വി​ന്റെ ശരീര​മെ​ടുത്ത്‌ യഹൂദൻമാർ ശരീരം അടക്കുന്ന മര്യാ​ദ​പ്ര​കാ​രം അത്‌ സുഗന്ധ​വർഗ്ഗ​ത്തോ​ടു​കൂ​ടെ ശീലയിൽ പൊതി​ഞ്ഞു​കെട്ടി.”

ദൈവവചനത്തോട്‌ യോജി​പ്പി​ല​ല്ലാത്ത ആചാരങ്ങൾ അവനെ പ്രസാ​ദി​പ്പി​ക്കാൻ ആഗ്രഹി​ക്കു​ന്ന​വ​രാൽ ഒഴിവാ​ക്ക​പ്പെ​ടു​ന്നു

ചില ആചാരങ്ങൾ ഒരുവന്റെ ദുഃഖം പരസ്യ​പ്പെ​ടു​ത്താൻ വേണ്ടി​യു​ള​ള​വ​യാണ്‌. എന്നാൽ യേശു പറഞ്ഞു: “[ദുഃഖം നിമിത്തം] നിങ്ങൾ ഉപവസി​ക്കു​മ്പോൾ കപടഭ​ക്തി​ക്കാ​രെ​പ്പോ​ലെ വാടിയ മുഖം കാണി​ക്കു​ന്നത്‌ നിർത്തുക. എന്തു​കൊ​ണ്ടെ​ന്നാൽ തങ്ങൾ ഉപവസി​ക്കു​ന്നു എന്ന്‌ മററു​ള​ളവർ കാണേ​ണ്ട​തിന്‌ അവർ തങ്ങളുടെ മുഖം വിരൂ​പ​മാ​ക്കു​ന്നു. അവർക്ക്‌ അവരുടെ പ്രതി​ഫലം മുഴു​വ​നാ​യി ലഭിച്ചു കഴിഞ്ഞു എന്ന്‌ സത്യമാ​യി ഞാൻ നിങ്ങ​ളോട്‌ പറയുന്നു. എന്നാൽ നിങ്ങളോ ഉപവസി​ക്കു​മ്പോൾ മനുഷ്യ​രല്ല രഹസ്യ​ത്തി​ലു​ളള നിങ്ങളു​ടെ പിതാവ്‌ നിങ്ങൾ ഉപവസി​ക്കു​ന്ന​താ​യി കാണേ​ണ്ട​തിന്‌ നിങ്ങളു​ടെ തലയിൽ എണ്ണ പൂശു​ക​യും മുഖം കഴുകു​ക​യും ചെയ്യുക;  അപ്പോൾ രഹസ്യ​ത്തിൽ നിങ്ങളെ കാണുന്ന നിങ്ങളു​ടെ പിതാവ്‌ നിങ്ങൾക്ക്‌ പ്രതി​ഫലം തരും.”—മത്താ. 6:16-18.

ചില ആചാരങ്ങൾ മനുഷ്യന്‌ ശരീര​ത്തി​ന്റെ മരണത്തെ അതിജീ​വി​ക്കുന്ന ഒരു ദേഹി​യു​ണ്ടെ​ന്നും അതു​കൊണ്ട്‌ ജീവ​നോ​ടി​രി​ക്കു​ന്നവർ ചെയ്യു​ന്ന​തെ​ന്താ​ണെന്ന്‌ അവർ തിരി​ച്ച​റി​യു​ന്നു​ണ്ടെ​ന്നു​മു​ളള വിശ്വാ​സത്തെ പ്രതി​ഫ​ലി​പ്പി​ക്കു​ന്നു. എന്നാൽ ബൈബിൾ പറയുന്നു: “മരിച്ച​വർക്ക്‌ . . . യാതൊ​ന്നി​നെ​ക്കു​റി​ച്ചും ബോധ​മില്ല.” (സഭാ. 9:5) കൂടാതെ, “പാപം ചെയ്യുന്ന ദേഹി—അതുതന്നെ മരിക്കും.”—യെഹെ. 18:4.

അനേകം ആചാരങ്ങൾ മരിച്ച​വർക്ക്‌ ജീവി​ച്ചി​രി​ക്കു​ന്ന​വ​രു​ടെ സഹായം ആവശ്യ​മു​ണ്ടെന്ന വിശ്വാ​സ​ത്തിൽ നിന്ന്‌ അല്ലെങ്കിൽ അവരെ തൃപ്‌തി​പ്പെ​ടു​ത്തു​ന്നി​ല്ലെ​ങ്കിൽ അവർ ജീവി​ച്ചി​രി​ക്കു​ന്ന​വരെ ഉപദ്ര​വി​ക്കു​മെന്ന ഭയത്തിൽ നിന്ന്‌ ഉളവാ​യി​രി​ക്കു​ന്നു. എന്നാൽ മരിച്ചവർ സുഖവും ദുഃഖ​വും അനുഭ​വി​ക്കു​ന്നില്ല എന്ന്‌ ദൈവ​ത്തി​ന്റെ വചനം കാണിച്ചു തരുന്നു. “അവന്റെ ആത്മാവ്‌ പുറത്തു​പോ​കു​ന്നു, അവൻ തന്റെ നില​ത്തേക്ക്‌ തിരികെ പോകു​ന്നു; അന്നുതന്നെ അവന്റെ ചിന്തകൾ നശിക്കു​ന്നു.” (സങ്കീ. 146:4; 2 ശമുവേൽ 12:22, 23 കൂടെ കാണുക.) “അവരുടെ സ്‌നേ​ഹ​വും അവരുടെ ദ്വേഷ​വും അവരുടെ അസൂയ​യും നശിച്ചു​പോ​യി​രി​ക്കു​ന്നു, സൂര്യന്‌ താഴെ ചെയ്യ​പ്പെ​ടേണ്ട യാതൊ​ന്നി​ലും മേലാൽ അനിശ്ചി​ത​കാ​ല​ത്തോ​ളം അവർക്ക്‌ ഒരു ഓഹരി​യു​മില്ല.”—സഭാ. 9:6.

‘അത്‌ ദൈവ​ത്തി​ന്റെ ഇഷ്ടമാണ്‌’

നിങ്ങൾക്ക്‌ ഇങ്ങനെ മറുപടി പറയാം: ‘അത്‌ സർവ്വസാ​ധാ​ര​ണ​മായ ഒരു വിശ്വാ​സ​മാണ്‌. എന്നാൽ ഇതു സംബന്ധിച്ച്‌ ദൈവം തന്നെ എന്തു പറയുന്നു എന്ന്‌ കണ്ടുപി​ടി​ക്കു​ന്നത്‌ സഹായ​ക​മാ​ണെന്ന്‌ ഞാൻ കണ്ടെത്തി​യി​രി​ക്കു​ന്നു.’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: (1) ‘(ഉൽപത്തി 2:17 വായി​ക്കുക.) ഒരു പ്രത്യേക സംഗതി ചെയ്‌താൽ അവന്റെ ജീവൻ നഷ്ടപ്പെ​ടു​മെന്ന്‌ ഒരു പിതാവ്‌ തന്റെ പുത്ര​നോട്‌ പറഞ്ഞാൽ പുത്രൻ അത്‌ ചെയ്യാൻ പിതാവ്‌ ആഗ്രഹി​ക്കു​ന്നു​വെന്ന്‌ നിങ്ങൾ പറയു​മോ?’ (2) ‘അപ്പോൾ മനുഷ്യ​വർഗ്ഗത്തെ സംബന്ധി​ച്ചു​ളള ദൈവ​ത്തി​ന്റെ ഇഷ്ടം വാസ്‌ത​വ​ത്തിൽ എന്താണ്‌? യേശു പറഞ്ഞു: “പുത്രനെ കാണു​ക​യും [അതായത്‌ യേശു വാസ്‌ത​വ​ത്തിൽ ദൈവ​ത്തി​ന്റെ പുത്ര​നാ​ണെന്ന്‌ തിരി​ച്ച​റി​യു​ക​യും അംഗീ​ക​രി​ക്കു​ക​യും] അവനിൽ വിശ്വാ​സം അർപ്പി​ക്കു​ക​യും ചെയ്യുന്ന ഏവനും നിത്യ​ജീ​വൻ ലഭിക്ക​ണ​മെ​ന്ന​താണ്‌ എന്റെ പിതാ​വി​ന്റെ ഇഷ്ടം, ഒടുക്കത്തെ നാളിൽ ഞാൻ അവനെ ഉയർത്തെ​ഴു​ന്നേൽപ്പി​ക്കും.” (യോഹ. 6:40)’

‘മനുഷ്യർ എന്നും മരിച്ചു​കൊ​ണ്ടി​രി​ക്കും’

നിങ്ങൾക്ക്‌ ഇങ്ങനെ മറുപടി പറയാം: ‘തീർച്ച​യാ​യും അതുത​ന്നെ​യാണ്‌ നമ്മുടെ നാൾവരെ മനുഷ്യർക്കു സംഭവി​ച്ചു​കൊ​ണ്ടി​രി​ക്കു​ന്നത്‌, അല്ലേ?’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: ‘എന്നാൽ വെളി​പ്പാട്‌ 21:3, 4 (അല്ലെങ്കിൽ യെശയ്യാവ്‌ 25:8)ൽ ദൈവം നൽകി​യി​രി​ക്കുന്ന അത്ഭുത​ക​ര​മായ വാഗ്‌ദാ​നം കുറി​ക്കൊ​ള​ളുക.’

 ‘നിങ്ങളു​ടെ സമയം തീരു​മ്പോൾ അത്‌ സംഭവി​ക്കു​ന്നു’

നിങ്ങൾക്ക്‌ ഇങ്ങനെ മറുപടി പറയാം: ‘നിങ്ങൾ വിചാ​രി​ക്കു​ന്ന​തു​പോ​ലെ അനേക​മാ​ളു​കൾ വിചാ​രി​ക്കു​ന്നു. പുരാതന ഗ്രീക്കു​കാ​രിൽ അനേകർ ഇതേ വീക്ഷണം പുലർത്തി​യി​രു​ന്നു എന്ന്‌ നിങ്ങൾ അറിഞ്ഞി​രു​ന്നോ? ഓരോ മനുഷ്യ​ന്റെ​യും ആയുർ​ദൈർഘ്യം നിർണ്ണ​യി​ക്കുന്ന മൂന്നു ദേവത​മാ​രു​ണ്ടാ​യി​രു​ന്നു​വെന്ന്‌ അവർ വിശ്വ​സി​ച്ചി​രു​ന്നു. എന്നാൽ ജീവിതം സംബന്ധിച്ച്‌ ബൈബിൾ തികച്ചും വ്യത്യ​സ്‌ത​മായ ഒരു വീക്ഷണ​മാണ്‌ അവതരി​പ്പി​ക്കു​ന്നത്‌.’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: (1) ‘(സഭാ​പ്ര​സം​ഗി 9:11 വായി​ക്കുക.) ദൃഷ്ടാന്തം: ഒരു കെട്ടി​ട​ത്തിൽ നിന്ന്‌ ഒരു സിമൻറ്‌ കട്ട വഴിയെ നടന്നു​പോ​കുന്ന ഒരാളു​ടെ തലയിൽ അടർന്നു വീണേ​ക്കാം. ദൈവ​മാ​ണോ അതിന്‌ ഇടയാ​ക്കി​യത്‌? അങ്ങനെ​യാ​ണെ​ങ്കിൽ ശ്രദ്ധയി​ല്ലായ്‌മ സംബന്ധിച്ച്‌ കെട്ടിട ഉടമയെ കുററ​പ്പെ​ടു​ത്തു​ന്നത്‌ ന്യായ​മാ​യി​രി​ക്കു​മോ? . . . ബൈബിൾ പറയു​ന്ന​പ്ര​കാ​രം വഴി​പോ​ക്കനെ സംബന്ധി​ച്ചി​ട​ത്തോ​ളം സിമൻറ്‌ കട്ട വീണ​പ്പോൾ അവി​ടെ​യാ​യി​രു​ന്നു എന്നത്‌ ആസൂ​ത്രണം ചെയ്യാ​ഞ്ഞ​തും മുൻകൂ​ട്ടി​ക്കാ​ണാൻ കഴിയാ​ഞ്ഞ​തു​മായ ഒരു സംഗതി​യാ​യി​രു​ന്നു.’ (2) ‘നാം തെററായ നടത്ത ഒഴിവാ​ക്കു​ന്നു​വെ​ങ്കിൽ നാം നമ്മുടെ ജീവനെ സംരക്ഷി​ക്കു​ന്നു എന്ന്‌ ബൈബിൾ നമ്മോട്‌ പറയുന്നു. (സദൃ. 16:17) നിങ്ങൾ ഒരു പിതാ​വോ മാതാ​വോ ആണെങ്കിൽ നിങ്ങളു​ടെ കുട്ടി​ക​ളു​ടെ കാര്യ​ത്തിൽ നിങ്ങൾ ആ തത്വം ബാധക​മാ​ക്കു​മെന്ന്‌ എനിക്ക്‌ ഉറപ്പുണ്ട്‌. ജീവന​ഷ്ട​ത്തിൽ കലാശി​ച്ചേ​ക്കാ​വുന്ന കാര്യങ്ങൾ സംബന്ധിച്ച്‌ നിങ്ങൾ അവർക്ക്‌ മുന്നറി​യിപ്പ്‌ കൊടു​ക്കു​ന്നു. ഇന്ന്‌ മുഴു മനുഷ്യ​വർഗ്ഗ​ത്തി​നും​വേണ്ടി യഹോവ അതുത​ന്നെ​യാണ്‌ ചെയ്‌തു​കൊ​ണ്ടി​രി​ക്കു​ന്നത്‌.’ (3) ‘ഭാവി​യിൽ എന്താണ്‌ സംഭവി​ക്കാൻ പോകു​ന്നത്‌ എന്ന്‌ യഹോ​വ​ക്ക​റി​യാം. അവൻ പറയുന്ന കാര്യങ്ങൾ അവഗണി​ക്കു​ന്ന​വ​രു​ടേ​തി​നേ​ക്കാൾ വളരെ ദീർഘ​മായ ജീവിതം നമുക്ക്‌ എങ്ങനെ ആസ്വദി​ക്കാൻ കഴിയു​മെന്ന്‌ ബൈബി​ളി​ലൂ​ടെ അവൻ നമ്മോട്‌ പറയുന്നു. (യോഹ. 17:3; സദൃ. 12:28)’ (“വിധി” എന്ന മുഖ്യ​ശീർഷ​ക​വും കൂടെ കാണുക.)