ക്രിസ്‌തു​മസ്സ്‌ ബൈബി​ളി​നെ അടിസ്ഥാ​ന​മാ​ക്കി​യു​ളള ഒരു ആഘോ​ഷ​മാ​ണോ?

ആഘോഷത്തിന്റെ തീയതി

മക്ലി​ന്റോ​ക്കി​ന്റെ​യും സ്‌​റ്രേ​റാ​ങ്ങി​ന്റെ​യും വിജ്ഞാ​ന​കോ​ശം ഇപ്രകാ​രം പറയുന്നു: “ക്രിസ്‌തു​മസ്സ്‌ ആചരണം ദിവ്യ നിയോ​ഗ​പ്ര​കാ​ര​മു​ള​ള​തോ പുതിയ നിയമ​ത്തിൽ ഉത്ഭവി​ച്ച​തോ അല്ല. ക്രിസ്‌തു​വി​ന്റെ ജൻമദി​നം പുതിയ നിയമ​ത്തിൽ നിന്നോ തീർച്ച​യാ​യും മറേറ​തെ​ങ്കി​ലും ഉറവിൽ നിന്നോ തിട്ട​പ്പെ​ടു​ത്താൻ കഴിയു​ക​യില്ല.”—(ന്യൂ​യോർക്ക്‌, 1871), വാല്യം II, പേ. 276.

യേശു​വി​ന്റെ ജനന സമയത്ത്‌ രാത്രി​യിൽ ആട്ടിട​യൻമാർ വയലിൽ ആയിരു​ന്നു​വെന്ന്‌ ലൂക്കോസ്‌ 2:8-11 കാണി​ക്കു​ന്നു. യേശു​വി​ന്റെ കാലത്തെ അനുദിന ജീവിതം എന്ന [ഇംഗ്ലീഷ്‌] പുസ്‌തകം ഇപ്രകാ​രം പ്രസ്‌താ​വി​ക്കു​ന്നു: “ആട്ടിൻകൂ​ട്ടങ്ങൾ . . . ശീതകാ​ലം ആലയിൽ കഴിക്കു​ന്നു; ഇതിൽ നിന്ന്‌ തന്നെ ക്രിസ്‌തു​മ​സ്സി​ന്റെ പരമ്പരാ​ഗത തീയതി ശരിയാ​യി​രി​ക്കാൻ സാദ്ധ്യ​ത​യില്ല എന്നു കാണാം, എന്തു​കൊ​ണ്ടെ​ന്നാൽ ആട്ടിട​യൻമാർ വയലി​ലാ​യി​രു​ന്നു എന്ന്‌ സുവി​ശേഷം പറയുന്നു.” (ന്യൂ​യോർക്ക്‌ 1962), ഹെൻട്രി ദാനി​യേൽ-റോപ്‌സ്‌, പേ. 228.

ദി എൻ​സൈ​ക്ലോ​പ്പീ​ഡിയ അമേരി​ക്കാ​നാ നമ്മോ​ടി​പ്ര​കാ​രം പറയുന്നു: “ഡിസംബർ 25 ക്രിസ്‌തു​മ​സ്സാ​യി സ്ഥാപി​ച്ച​തി​ന്റെ കാരണം അത്ര വ്യക്തമല്ല, എന്നാൽ മകര സംക്രാ​ന്തി​യോ​ട​നു​ബ​ന്ധിച്ച്‌ പകലിന്‌ ദൈർഘ്യം വർദ്ധിച്ചു തുടങ്ങു​മ്പോൾ ‘സൂര്യന്റെ ജൻമദി​നം’ ആഘോ​ഷി​ക്കാൻ നടത്ത​പ്പെ​ട്ടി​രുന്ന പുറജാ​തി ഉൽസവ​ത്തോട്‌ ഒത്തുവ​രാ​നാണ്‌ ഈ തീയതി തെര​ഞ്ഞെ​ടു​ത്തത്‌ എന്നാണ്‌ പൊതു​വേ​യു​ളള അഭി​പ്രാ​യം. . . . റോമൻ സാററർനാ​ലി​യ​യും (കൃഷി​ദേ​വ​നായ സാറേ​റ​ണി​നും സൂര്യന്റെ പുതുക്കം പ്രാപിച്ച ശക്തിക്കും അർപ്പി​ത​മായ ഉൽസവം) ഇതേ സമയത്താ​യി​രു​ന്നു. ചില ക്രിസ്‌തു​മസ്സ്‌ ആചാരങ്ങൾ ഈ പുരാതന പുറജാ​തി ആഘോ​ഷ​ത്തിൽ നിന്ന്‌ ഉത്ഭവി​ച്ച​വ​യാ​ണെന്ന്‌ വിശ്വ​സി​ക്ക​പ്പെ​ടു​ന്നു.”—(1977), വാല്യം 6, പേ. 666.

ദി ന്യൂ കാത്തലിക്‌ എൻ​സൈ​ക്ലോ​പ്പീ​ഡിയ ഇപ്രകാ​രം സമ്മതിച്ചു പറയുന്നു: “ക്രിസ്‌തു​വി​ന്റെ ജനന തീയതി നമുക്ക്‌ അറിഞ്ഞു​കൂ​ടാ. സുവി​ശേ​വി​വ​ര​ണങ്ങൾ ദിവസ​മോ മാസമോ സൂചി​പ്പി​ക്കു​ന്നില്ല . . . എച്ച്‌. ഉസെനർ നിർദ്ദേ​ശി​ക്കു​ന്ന​തും ഇന്ന്‌ പൊതു​വേ പണ്ഡിതൻമാർ അംഗീ​ക​രി​ച്ചി​രി​ക്കു​ന്ന​തു​മായ സിദ്ധാ​ന്ത​മ​നു​സ​രിച്ച്‌ ക്രിസ്‌തു​വി​ന്റെ ജൻമദി​നം മകരസം​ക്രാ​ന്തി​യാ​യി  നിശ്ചയി​ക്ക​പ്പെട്ടു (ജൂലിയൻ കലണ്ടർ പ്രകാരം ഡിസംബർ 25, ഈജി​പ്‌റ​റു​കാ​രു​ടെ കലണ്ടറിൽ ജനുവരി 6), എന്തു​കൊ​ണ്ടെ​ന്നാൽ സൂര്യൻ അതിന്റെ വടക്കോ​ട്ടു​ളള നീക്കം ആരംഭിച്ച ഈ ദിവസം മിത്രാ ദേവന്റെ പുറജാ​തി ഭക്തൻമാർ ഡിയെസ്‌ നത്താലിസ്‌ ശാലിസ്‌ ഇൻവിക്തി (അജയ്യനായ സൂര്യന്റെ ജൻമദി​നം) ആഘോ​ഷി​ച്ചു. ഔറേ​ലി​യൻ 274 ഡിസംബർ 25-ന്‌ സൂര്യ​ദേ​വനെ സാമ്രാ​ജ്യ​ത്തി​ന്റെ മുഖ്യ മദ്ധ്യസ്ഥ​നാ​യി പ്രഖ്യാ​പി​ക്കു​ക​യും ക്യാമ്പസ്‌ മാർഷി​യൂ​സി​ലെ ക്ഷേത്രം സൂര്യ​ദേ​വന്‌ സമർപ്പി​ക്കു​ക​യും ചെയ്‌തു. റോമിൽ സൂര്യാ​രാ​ധന വിശേ​ഷാൽ ശക്തമാ​യി​രുന്ന കാലത്താണ്‌ ക്രിസ്‌തു​മസ്സ്‌ ഉത്ഭവി​ച്ചത്‌.”—(1967), വാല്യം III, പേ. 656.

ജ്ഞാനികൾ അല്ലെങ്കിൽ വിദ്വാൻമാർ ഒരു നക്ഷത്ര​ത്താൽ നയിക്ക​പ്പെ​ടു​ന്നു

ആ വിദ്വാൻമാർ യഥാർത്ഥ​ത്തിൽ കിഴക്കു നിന്നുളള ജോതി​ഷ​ക്കാ​രാ​യി​രു​ന്നു. (മത്താ. 2:1, 2, NW; NE) ജോതി​ഷ​ത്തിന്‌ അനേക​മാ​ളു​ക​ളു​ടെ​യി​ട​യിൽ ഇന്ന്‌ നല്ല പ്രചാരം ലഭിച്ചി​ട്ടു​ണ്ടെ​ങ്കി​ലും ബൈബി​ളിൽ അതിനെ ശക്തമായി കുററം വിധി​ച്ചി​രി​ക്കു​ന്നു. (“വിധി” എന്ന മുഖ്യ ശീർഷ​ക​ത്തിൻകീ​ഴിൽ 144, 145 പേജുകൾ കാണുക.) താൻ കുററം വിധിച്ച കാര്യങ്ങൾ ചെയ്‌തു​കൊ​ണ്ടി​രു​ന്ന​വരെ ദൈവം നവജാത ശിശു​വാ​യി​രുന്ന യേശു​വി​ന്റെ അടു​ത്തേക്ക്‌ നയിക്കു​മാ​യി​രു​ന്നോ?

നക്ഷത്രം ഈ ജോതി​ഷ​ക്കാ​രെ ആദ്യം ഹെരോ​ദാ​വി​ന്റെ അടു​ത്തേ​ക്കും പിന്നീട്‌ യേശു​വി​ന്റെ അടു​ത്തേ​ക്കും നയിച്ചു​വെ​ന്നും ഹെരോ​ദാവ്‌ പിന്നീട്‌ യേശു​വി​നെ കൊല്ലാൻ ശ്രമി​ച്ചു​വെ​ന്നും മത്തായി 2:1-16 കാണി​ക്കു​ന്നു. ഈ ജോതി​ഷ​ക്കാ​ര​ല്ലാ​തെ മററാ​രെ​ങ്കി​ലും ആ “നക്ഷത്രം” കണ്ടതായി ഒരിട​ത്തും പരാമർശ​ന​മില്ല. അവർ പോയ​ശേഷം ശിശു​വി​നെ സംരക്ഷി​ക്കാൻ വേണ്ടി ഈജി​പ്‌റ​റി​ലേക്ക്‌ പലായനം ചെയ്യാൻ യഹോ​വ​യു​ടെ ദൂതൻ ജോസ​ഫിന്‌ മുന്നറി​യിപ്പ്‌ നൽകി. ആ “നക്ഷത്രം” ദൈവ​ത്തിൽനി​ന്നു​ളള ഒരു അടയാ​ള​മാ​യി​രു​ന്നോ അതോ ദൈവ​പു​ത്രനെ നശിപ്പി​ക്കാൻ ശ്രമിച്ച ആരിൽ നിന്നെ​ങ്കി​ലു​മു​ള​ള​താ​യി​രു​ന്നോ?

പരമ്പരാ​ഗത ക്രിസ്‌തു​മസ്സ്‌ കലാരൂ​പ​ങ്ങ​ളിൽ ചിത്രീ​ക​രി​ക്കു​ന്ന​തു​പോ​ലെ അവർ ശിശു​വായ യേശു​വി​നെ ഒരു പുൽത്തൊ​ട്ടി​യിൽ കിടക്കു​ന്ന​താ​യി കണ്ടു​വെന്ന്‌ ബൈബിൾ വിവരണം പറയു​ന്നില്ല എന്ന്‌ കുറി​ക്കൊ​ള​ളുക. ജോതി​ഷ​ക്കാർ അവിടെ എത്തിയ​പ്പോൾ യേശു​വും അവന്റെ മാതാ​പി​താ​ക്ക​ളും ഒരു വീട്ടിൽ വസിക്കു​ക​യാ​യി​രു​ന്നു. അപ്പോ​ഴത്തെ യേശു​വി​ന്റെ പ്രായം സംബന്ധി​ച്ചാ​ണെ​ങ്കിൽ ജോതി​ഷ​ക്കാ​രിൽ നിന്ന്‌ കിട്ടിയ വിവര​ത്തി​ന്റെ അടിസ്ഥാ​ന​ത്തിൽ ബേത്‌ല​ഹേം പ്രദേ​ശത്തെ രണ്ടു വയസ്സും അതിൽ കുറവും പ്രായ​മു​ളള എല്ലാ ആൺകു​ട്ടി​ക​ളെ​യും നശിപ്പി​ക്കാൻ ഹേരോ​ദാവ്‌ ഉത്തരവി​ട്ടു.—മത്താ. 2:1, 11, 16.

ആഘോഷത്തിന്റെ ഭാഗമാ​യി സമ്മാനം കൊടു​ക്കൽ; സാന്താ​ക്ലോസ്‌, ക്രിസ്‌തു​മസ്സ്‌ ഫാദർ മുതലാ​യ​വരെ സംബന്ധിച്ച കഥകൾ

ക്രിസ്‌തു​മസ്സ്‌ സമ്മാനം കൊടു​ക്കുന്ന സമ്പ്രദാ​യം ജോതി​ഷ​ക്കാർ ചെയ്‌ത​തി​നെ അടിസ്ഥാ​ന​മാ​ക്കി നിലവിൽ വന്നിട്ടു​ള​ളതല്ല. മുകളിൽ കാണി​ച്ച​തു​പോ​ലെ യേശു​വി​ന്റെ ജനനസ​മ​യത്തല്ല അവർ വന്നത്‌. കൂടാതെ അവർ അന്യോ​ന്യം സമ്മാനങ്ങൾ കൈമാ​റു​കയല്ല ചെയ്‌തത്‌ മറിച്ച്‌ ശ്രേഷ്‌ഠ​രായ ആളുകളെ സന്ദർശി​ക്കു​മ്പോൾ  അന്നു ചെയ്യാ​റു​ണ്ടാ​യി​രു​ന്ന​തു​പോ​ലെ കുട്ടി​യായ യേശു​വിന്‌ കാഴ്‌ച​കൊ​ടു​ക്കു​ക​യാണ്‌ ചെയ്‌തത്‌.

ദി എൻ​സൈ​ക്ലോ​പ്പീ​ഡിയ അമേരി​ക്കാ​നാ ഇപ്രകാ​രം പറയുന്നു: “സാററർനാ​ലി​യ​യു​ടെ സമയത്ത്‌ . . . ആഘോ​ഷ​ങ്ങൾക്ക്‌ പ്രമു​ഖ​സ്ഥാ​ന​മു​ണ്ടാ​യി​രു​ന്നു, അന്യോ​ന്യം സമ്മാനങ്ങൾ കൈമാ​റു​ക​യും ചെയ്‌തി​രു​ന്നു.” (1977, വാല്യം 24, പേ. 299) അനേക സന്ദർഭ​ങ്ങ​ളി​ലും ക്രിസ്‌തു​മസ്സ്‌ സമ്മാനങ്ങൾ കൊടു​ക്കു​ന്ന​തി​ലെ മനോ​ഭാ​വം അതാണ്‌—അന്യോ​ന്യം സമ്മാനങ്ങൾ കൈമാ​റുക. അത്തരം സമ്മാനം നൽകലിൽ പ്രതി​ഫ​ലി​ക്കുന്ന മനോ​ഭാ​വം യഥാർത്ഥ സന്തുഷ്ടി കൈവ​രു​ത്തു​ന്നില്ല. എന്തു​കൊ​ണ്ടെ​ന്നാൽ അത്‌ മത്തായി 6:3, 4; 2 കൊരി​ന്ത്യർ 9:7 എന്നിവി​ട​ങ്ങ​ളിൽ കാണ​പ്പെ​ടുന്ന ക്രിസ്‌തീയ തത്വങ്ങൾക്ക്‌ എതിരാണ്‌. തീർച്ച​യാ​യും സ്‌നേ​ഹ​ത്തി​ന്റെ ഒരു പ്രകട​ന​മാ​യി ഒരു ക്രിസ്‌ത്യാ​നിക്ക്‌ മററു​ള​ള​വർക്ക്‌ മററു സന്ദർഭ​ങ്ങ​ളിൽ സമ്മാനങ്ങൾ കൊടു​ക്കാൻ കഴിയും, താൻ ആഗ്രഹി​ക്കു​ന്നത്ര കൂടെ​ക്കൂ​ടെ അങ്ങനെ ചെയ്യു​ക​യു​മാ​വാം.

കുട്ടികൾ എവിടെ വസിക്കു​ന്നു എന്നതിന്റെ അടിസ്ഥാ​ന​ത്തിൽ സാന്താ​ക്ലോസ്‌, സെൻറ്‌ നിക്കോ​ളസ്‌, ഫാദർ ക്രിസ്‌തു​മസ്സ്‌, പീയർ നോയൽ, ക്‌നെ​ക്‌ററ്‌ റൂ​പ്രെ​ക്‌ററ്‌, ദി മേജയ്‌, ജൾട്ടോം​ററൺ എന്ന കുട്ടി​ഭൂ​തം (അല്ലെങ്കിൽ ജൂലെ​നി​സ്സർ) അല്ലെങ്കിൽ ലാ ബെഫാന എന്നറി​യ​പ്പെ​ടുന്ന ഒരു മന്ത്രവാ​ദി​നി, സമ്മാനങ്ങൾ കൊണ്ടു​വ​രു​ന്ന​താ​യി കുട്ടി​ക​ളോട്‌ പറയ​പ്പെ​ട്ടി​രി​ക്കു​ന്നു. (ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ 1984, വാല്യം 3, പേ. 414) തീർച്ച​യാ​യും ഈ കഥകളിൽ ഒന്നും വാസ്‌ത​വ​ത്തിൽ സത്യമല്ല. അത്തരം കഥകൾ പറയു​ന്നത്‌ കുട്ടി​ക​ളിൽ സത്യ​ത്തോ​ടു​ളള സ്‌നേഹം കെട്ടു​പണി ചെയ്യു​മോ, കൂടാതെ അത്തരം ആചാരങ്ങൾ ദൈവത്തെ സത്യത്തിൽ ആരാധി​ക്ക​ണ​മെന്ന്‌ പഠിപ്പിച്ച യേശു​വി​നെ ബഹുമാ​നി​ക്കു​ന്നു​വോ?—യോഹ. 4:23, 24.

മതപരമായ കാരണ​ങ്ങ​ളാ​ല​ല്ലാ​ത്തി​ട​ത്തോ​ളം കാലം അ​ക്രൈ​സ്‌ത​വ​മായ ഉത്ഭവങ്ങ​ളു​ളള ആഘോ​ഷ​ങ്ങ​ളിൽ പങ്കു​ചേ​രു​ന്ന​തി​നോട്‌ എന്തെങ്കി​ലും എതിർപ്പു​ണ്ടോ?

എഫേ. 5:10, 11: “കർത്താ​വിന്‌ സ്വീകാ​ര്യ​മാ​യി​രി​ക്കു​ന്നത്‌ എന്തെന്ന്‌ ഉറപ്പു വരുത്തി​ക്കൊ​ണ്ടി​രി​ക്കുക; ഇരുട്ടി​ന്റെ നിഷ്‌ഫല പ്രവൃ​ത്തി​ക​ളിൽ അവരോട്‌ കൂട്ടാ​ളി​ക​ളാ​കു​ന്നത്‌ നിർത്തുക, മറിച്ച്‌, അവയെ ശാസി​ക്ക​യ​ത്രേ വേണ്ടത്‌.”

2 കൊരി. 6:14-18: “നീതി​ക്കും അധർമ്മ​ത്തി​നും തമ്മിൽ എന്തു കൂട്ടായ്‌മ? അല്ലെങ്കിൽ വെളി​ച്ച​ത്തിന്‌ ഇരുളു​മാ​യി എന്തു പങ്ക്‌? കൂടാതെ, ക്രിസ്‌തു​വി​നും ബെലി​യാ​ലി​നും തമ്മിൽ എന്ത്‌ യോജിപ്പ്‌? അല്ലെങ്കിൽ വിശ്വ​സ്‌ത​നായ ഒരാൾക്ക്‌ അവിശ്വാ​സി​യു​മാ​യി എന്ത്‌ ഓഹരി​യാ​ണു​ള​ളത്‌? ദേവാ​ല​യ​ത്തിന്‌ വിഗ്ര​ഹ​ങ്ങ​ളോട്‌ എന്ത്‌ യോജി​പ്പാ​ണു​ള​ളത്‌? . . . ‘“അതു​കൊണ്ട്‌ അവരു​ടെ​യി​ട​യിൽ നിന്ന്‌ പുറ​പ്പെട്ട്‌ വേർപെ​ട്ടി​രി​പ്പിൻ,” എന്ന്‌ യഹോവ പറയുന്നു, “അശുദ്ധ​മാ​യ​തി​നെ തൊടു​ന്നത്‌ നിർത്തുക;”’ ‘“എന്നാൽ ഞാൻ നിങ്ങളെ സ്വീക​രി​ക്കും . . . നിങ്ങൾ എനിക്ക്‌ പുത്രൻമാ​രും പുത്രി​മാ​രും ആയിരി​ക്കും” എന്ന്‌ സർവ്വശ​ക്ത​നായ യഹോവ അരുളി​ച്ചെ​യ്യു​ന്നു.’” (യഹോ​വ​യോ​ടു​ളള യഥാർത്ഥ സ്‌നേ​ഹ​വും അവനെ പ്രസാ​ദി​പ്പി​ക്കാ​നു​ളള ശക്തമായ ആഗ്രഹ​വും വൈകാ​രി​ക​മാ​യി ആകർഷ​ക​മാ​യി​രു​ന്നേ​ക്കാ​വുന്ന ക്രിസ്‌തീയ വിരുദ്ധ ആചാര​ങ്ങ​ളിൽ നിന്ന്‌ വിട്ടു​പോ​രാൻ ഒരു വ്യക്തിയെ സഹായി​ക്കും. യഹോ​വയെ യഥാർത്ഥ​ത്തിൽ അറിയു​ക​യും സ്‌നേ​ഹി​ക്കു​ക​യും  ചെയ്യുന്ന ഒരു വ്യക്തി, വ്യാജ​ദൈ​വ​ങ്ങളെ ബഹുമാ​നി​ക്കു​ക​യോ വ്യാജ​ത്തിന്‌ പ്രോൽസാ​ഹനം കൊടു​ക്കു​ക​യോ ചെയ്യുന്ന ആചാരങ്ങൾ ഉപേക്ഷി​ക്കു​ന്ന​തി​നാൽ തന്റെ സന്തോഷം നഷ്ടപ്പെ​ടു​ന്നു എന്ന്‌ ഒരിക്ക​ലും വിചാ​രി​ക്കു​ക​യില്ല. യഥാർത്ഥ സ്‌നേഹം അയാൾ അനീതി​യി​ലല്ല സത്യത്തിൽ സന്തോ​ഷി​ക്കാൻ ഇടയാ​ക്കും. 1 കൊരി​ന്ത്യർ 13:6 കാണുക.)

പുറപ്പാട്‌ 32:4-10 താരത​മ്യം ചെയ്യുക. ഇസ്രാ​യേ​ല്യർ ഈജി​പ്‌റ​റു​കാ​രു​ടെ ഒരു മതാചാ​രം കടമെ​ടു​ക്കു​ക​യും “യഹോ​വക്ക്‌ ഒരു ഉൽസവം” എന്ന്‌ അതിന്‌ ഒരു പുതിയ പേരു കൊടു​ക്കു​ക​യും ചെയ്‌തു എന്ന്‌ കുറി​ക്കൊ​ള​ളുക. എന്നാൽ അതിന്‌ യഹോവ അവരെ കഠിന​മാ​യി ശിക്ഷിച്ചു. ഇന്ന്‌ വിശേ​ഷ​ദി​വ​സ​ങ്ങ​ളോട്‌ അനുബ​ന്ധിച്ച്‌ 20-ാം നൂററാ​ണ്ടി​ലെ ആചാരങ്ങൾ മാത്രമെ നാം കാണു​ന്നു​ളളു. ചിലത്‌ നിരു​പ​ദ്ര​വ​ക​ര​മാ​ണെന്ന്‌ തോന്നി​യേ​ക്കാം. എന്നാൽ ഇവ എന്തിൽ നിന്ന്‌ ഉത്ഭവി​ച്ചു​വോ ആ പുറജാ​തി മതാചാ​രങ്ങൾ യഹോവ നേരിട്ട്‌ കണ്ടിട്ടുണ്ട്‌. അവന്റെ വീക്ഷണം നമുക്ക്‌ പ്രധാ​ന​മാ​യി​രി​ക്കേ​ണ്ട​തല്ലേ?

ദൃഷ്ടാന്തം: ഒരു മാന്യ​വ​ക്തി​യു​ടെ ജൻമദി​നം ആഘോ​ഷി​ക്കാ​നെന്ന്‌ പറഞ്ഞ്‌ ഒരു കൂട്ടം ആളുകൾ അയാളു​ടെ വീട്ടി​ലേക്ക്‌ കടന്നു​ചെ​ല്ലു​ന്നു​വെന്ന്‌ വിചാ​രി​ക്കുക. അയാൾ ജൻമദി​നാ​ഘോ​ഷ​ങ്ങളെ അനുകൂ​ലി​ക്കു​ന്നില്ല. അമിത തീററി​യി​ലോ കുടി​യി​ലോ അഴിഞ്ഞ നടത്തയി​ലോ ആളുകൾ ഏർപ്പെ​ടു​ന്നത്‌ കാണാൻ അയാൾ ആഗ്രഹി​ക്കു​ന്നില്ല. എന്നാൽ അവരിൽ ചിലർ ഇതെല്ലാം ചെയ്യു​ക​യും അദ്ദേഹ​ത്തി​നൊ​ഴി​കെ മറെറ​ല്ലാ​വർക്കും സമ്മാനങ്ങൾ കൊണ്ടു​വ​രി​ക​യും ചെയ്യുന്നു! അതി​നെ​ല്ലാ​മു​പ​രി​യാ​യി അദ്ദേഹ​ത്തി​ന്റെ ഒരു ശത്രു​വി​ന്റെ ജൻമദി​നം അവർ ആഘോ​ഷ​ത്തി​നാ​യി തെര​ഞ്ഞെ​ടു​ക്കു​ന്നു. ആ മനുഷ്യന്‌ എന്ത്‌ തോന്നും? നിങ്ങൾ അതിൽ ഉൾപ്പെ​ടാൻ ആഗ്രഹി​ക്കു​മോ? ക്രിസ്‌തു​മസ്സ്‌ ആഘോഷം കൊണ്ട്‌ കൃത്യ​മാ​യും ഇതു തന്നെയാണ്‌ ചെയ്യു​ന്നത്‌.

ഈസ്‌റററിന്റെയും അതി​നോട്‌ ബന്ധപ്പെട്ട ആചാര​ങ്ങ​ളു​ടെ​യും ഉത്ഭവ​മെ​ന്താണ്‌?

ദി എൻ​സൈ​ക്ലോ​പ്പീ​ഡിയ ബ്രിട്ടാ​നിക്ക ഇപ്രകാ​രം അഭി​പ്രാ​യ​പ്പെ​ടു​ന്നു: “പുതിയ നിയമ​ത്തി​ലോ അപ്പോ​സ്‌ത​ലിക പിതാ​ക്കൻമാ​രു​ടെ എഴുത്തു​ക​ളി​ലോ ഈസ്‌ററർ തിരു​നാ​ളി​ന്റെ ആചരണം സംബന്ധിച്ച്‌ യാതൊ​രു സൂചന​യു​മില്ല. ചില പ്രത്യേക സമയങ്ങ​ളു​ടെ പവിത്രത എന്നത്‌ ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളു​ടെ മനസ്സിൽ ഇല്ലാതി​രുന്ന ഒരാശ​യ​മാ​യി​രു​ന്നു.”—(1910), വാല്യം VIII, പേ. 828.

ദി കാത്തലിക്‌ എൻ​സൈ​ക്ലോ​പ്പീ​ഡിയ നമ്മോട്‌ ഇപ്രകാ​രം പറയുന്നു: “വസന്തത്തി​ന്റെ മടങ്ങി​വ​ര​വി​നോട്‌ ബന്ധപ്പെട്ട ഒട്ടനവധി പുറജാ​തി ആചാര​ങ്ങ​ളാണ്‌ ഈസ്‌ററർ ആയിത്തീർന്നത്‌. മുട്ട വസന്താ​രം​ഭ​ത്തിൽ പൊട്ടി​മു​ള​യ്‌ക്കുന്ന ജീവന്റെ പ്രതീ​ക​മാണ്‌ . . . മുയൽ ഒരു പുറജാ​തി പ്രതീ​ക​മാണ്‌, അത്‌ എന്നും ഉർവര​ത​യു​ടെ ഒരു ചിഹ്നമാ​യി​രു​ന്നി​ട്ടുണ്ട്‌.”—(1913), വാല്യം V, പേ. 227.

അലക്‌സാ​ണ്ടർ ഹിസ്‌ലോ​പ്പി​നാ​ലു​ളള ദി ററൂ ബാബി​ലോൺസ്‌ എന്ന പുസ്‌ത​ക​ത്തിൽ നാം ഇപ്രകാ​രം വായി​ക്കു​ന്നു: “ഈസ്‌ററർ എന്ന പദത്തിന്റെ തന്നെ അർത്ഥ​മെ​ന്താണ്‌? അത്‌ ക്രിസ്‌തീ​യ​മായ ഒരു പേരല്ല. അത്‌ അതിന്റെ കൽദയ ഉത്ഭവം അതിന്റെ നെററി​യിൽ തന്നെ വഹിക്കു​ന്നു. ഈസ്‌ററർ എന്നത്‌ ആകാശ​രാ​ജ്ഞി​യായ ബേൽറ​റി​സി​ന്റെ സ്ഥാന​പ്പേ​രു​ക​ളിൽ ഒന്നായ അസ്‌റ​റാർട്ടെ മാത്ര​മാണ്‌. അവളുടെ പേര്‌, . . . അസ്സീറി​യൻ സ്‌മാ​ര​ക​ങ്ങ​ളിൽ  ലേയാർഡ്‌ കണ്ട പ്രകാരം ഇസ്‌താർ എന്നാണ്‌. . . . അതാണ്‌ ഈസ്‌റ​റ​റി​ന്റെ ചരിത്രം. അതിന്റെ ആഘോഷ സമയ​ത്തോട്‌ ബന്ധപ്പെ​ട്ട​തും ജനപ്രീ​തി നേടി​യി​ട്ടു​ള​ള​തു​മായ ആചാരങ്ങൾ അതിന്റെ ബാബി​ലോ​ണ്യ സ്വഭാവം സംബന്ധിച്ച ചരി​ത്ര​ത്തി​ന്റെ സാക്ഷ്യ​ത്തിന്‌ വേണ്ടത്ര ഉറപ്പ്‌ നൽകുന്നു. ദുഃഖ​വെ​ള​ളി​യാ​ഴ്‌ച​യി​ലെ ചൂടുളള കുരി​ശ​പ്പ​ങ്ങ​ളും പാസ്‌ക്കൽ ദിവസത്തെ അല്ലെങ്കിൽ ഉയർപ്പ്‌ ഞായറാ​ഴ്‌ചത്തെ ചായമ​ടിച്ച മുട്ടക​ളും ഇന്നത്തെ​പ്പോ​ലെ​തന്നെ കൽദായ മതചട​ങ്ങു​ക​ളി​ലും ഉണ്ടായി​രു​ന്നു.”—(ന്യൂ​യോർക്ക്‌, 1943), പേ. 103, 107, 108; യിരെ​മ്യാവ്‌ 7:18 താരത​മ്യം ചെയ്യുക.

പുതുവൽസരാഘോഷങ്ങൾ ക്രിസ്‌ത്യാ​നി​കൾക്ക്‌ അസ്വീ​കാ​ര്യ​മാ​ണോ?

ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ പറയുന്ന പ്രകാരം “റോമാ​ക്കാർ ആ ദിവസത്തെ [ജനുവരി 1] ഗെയി​റ​റു​ക​ളു​ടെ​യും വാതി​ലു​ക​ളു​ടെ​യും തുടക്ക​ങ്ങ​ളു​ടെ​യും ദേവനായ ജാനസിന്‌ സമർപ്പി​ച്ചു. ജനുവരി മാസത്തി​ന്റെ ആ പേരു തന്നെ—മുമ്പോ​ട്ടും പിൻപോ​ട്ടു​മാ​യി നോക്കുന്ന—രണ്ടു മുഖങ്ങ​ളു​ളള ജാനസിൽ നിന്നാണ്‌ വന്നിട്ടു​ള​ളത്‌.”—(1984), വാല്യം 14, പേ. 237.

പുതു​വൽസ​ര​ദി​ന​ത്തി​ന്റെ തീയതി​യും അതിന്റെ ആഘോ​ഷ​ത്തോ​ടു ബന്ധപ്പെട്ട ആചാര​ങ്ങ​ളും വിവിധ രാജ്യ​ങ്ങ​ളിൽ വ്യത്യ​സ്‌ത​ങ്ങ​ളാണ്‌. അനേകം സ്ഥലങ്ങളിൽ മദ്യപിച്ച്‌ മദോൻമ​ത്ത​രാ​യി നടക്കു​ന്നത്‌ ആഘോ​ഷ​ങ്ങ​ളു​ടെ ഭാഗമാണ്‌. എന്നിരു​ന്നാ​ലും റോമർ 13:13 ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “പകൽ സമയ​ത്തെ​ന്ന​പോ​ലെ നമുക്ക്‌ മര്യാ​ദ​യാ​യി നടക്കാം; വെറി​ക്കൂ​ത്തു​ക​ളി​ലും മദ്യപാ​ന​ങ്ങ​ളി​ലു​മല്ല, നിയമ​വി​രുദ്ധ ലൈം​ഗിക വേഴ്‌ച​ക​ളി​ലും അഴിഞ്ഞ നടത്തയി​ലു​മല്ല, പിണക്ക​ത്തി​ലും അസൂയ​യി​ലു​മല്ല.” (1 പത്രോസ്‌ 4:3, 4; ഗലാത്യർ 5:19-21 കൂടെ കാണുക.)

“മരിച്ച​വ​രു​ടെ ആത്മാക്കൾ”ക്കായുളള ഓർമ്മ​പ്പെ​രു​ന്നാ​ളു​ക​ളു​ടെ പിമ്പി​ലു​ള​ള​തെ​ന്താണ്‌?

ദി എൻ​സൈ​ക്ലോ​പ്പീ​ഡിയ ബ്രിട്ടാ​നി​ക്ക​യു​ടെ 1910-ലെ പതിപ്പ്‌ ഇപ്രകാ​രം പറയുന്നു: “മരിച്ച​വ​രു​ടെ തിരു​നാൾ . . . റോമൻ കത്തോ​ലിക്ക സഭയിൽ മരിച്ചു​പോയ വിശ്വാ​സി​ക​ളു​ടെ ഓർമ്മ​ക്കാ​യി​ട്ടു​ളള ദിവസ​മാണ്‌. മരണ സമയത്ത്‌ ലഘുവായ പാപങ്ങ​ളിൽ നിന്ന്‌ ശുദ്ധീ​ക​രി​ക്ക​പ്പെ​ടാ​ത്ത​വ​രും അല്ലെങ്കിൽ അവരുടെ ലംഘനങ്ങൾ സംബന്ധിച്ച്‌ പരിഹാ​രം ചെയ്യാ​ത്ത​വ​രു​മായ വിശ്വാ​സി​ക​ളു​ടെ ദേഹി​കൾക്ക്‌ ദൈവ​ത്തി​ന്റെ ദർശനം ലഭിക്കു​ക​യി​ല്ലെ​ന്നും അത്‌ ലഭിക്കു​ന്ന​തിന്‌ പ്രാർത്ഥ​ന​ക​ളാ​ലും കുർബാന അർപ്പി​ക്കു​ന്ന​തി​നാ​ലും അവരെ സഹായി​ക്കാൻ കഴിയു​മെ​ന്നു​മു​ളള വിശ്വാ​സത്തെ അടിസ്ഥാ​ന​മാ​ക്കി​യു​ള​ള​താണ്‌ ഈ ആഘോഷം. . . . മരിച്ച​വ​രു​ടെ തിരു​നാ​ളി​നോ​ട​നു​ബ​ന്ധി​ച്ചു​ളള ചില ജനരഞ്‌ജ​ക​മായ വിശ്വാ​സങ്ങൾ പുറജാ​തി ഉത്ഭവമു​ള​ള​തും സ്‌മര​ണാ​തീ​ത​കാ​ലം പഴക്കമു​ള​ള​വ​യു​മാണ്‌. പല കത്തോ​ലിക്ക രാജ്യ​ങ്ങ​ളി​ലെ​യും കൃഷീ​വ​ലൻമാർ, മരിച്ചു പോയവർ അന്നേദി​വസം തങ്ങളുടെ മുൻഭ​വ​ന​ങ്ങ​ളി​ലേക്ക്‌ മടങ്ങി വരു​മെ​ന്നും ജീവ​നോ​ടി​രി​ക്കു​ന്ന​വ​രു​ടെ ഭക്ഷണത്തിൽ പങ്കു​ചേ​രു​മെ​ന്നും വിശ്വ​സി​ക്കു​ന്നു.”—വാല്യം I, പേ. 709.

ദി എൻ​സൈ​ക്ലോ​പ്പീ​ഡിയ അമേരി​ക്കാ​നാ പറയുന്നു: “ഹാലോ​വീൻ എന്ന തിരു​നാ​ളു​മാ​യി ബന്ധപ്പെട്ട ആചാരങ്ങൾ ക്രിസ്‌തീയ കാലത്തി​നു​മു​മ്പു​ളള ഡ്രൂയിഡ്‌ മതചട​ങ്ങു​ക​ളിൽ നിന്ന്‌ വന്നിട്ടു​ള​ള​വ​യാണ്‌ എന്ന്‌ കണ്ടെത്താ​വു​ന്ന​താണ്‌.  കെൽറ​റു​കൾക്ക്‌ രണ്ടു പ്രമുഖ ദേവൻമാ​രു​ടെ തിരു​നാ​ളു​ക​ളു​ണ്ടാ​യി​രു​ന്നു—സൂര്യ​ദേ​വ​നും സാം​ഹെ​യിൻ എന്ന്‌ പേരുളള മരിച്ച​വ​രു​ടെ ദേവനും. ആ ദേവന്റെ തിരു​നാ​ളാ​കട്ടെ കെൽറ​റിക്‌ പുതു​വൽസര പിറവി​യു​ടെ ദിനമായ നവംബർ 1-ന്‌ ആയിരു​ന്നു. മരിച്ച​വ​രു​ടെ ഈ തിരു​നാൾ ക്രമേണ ക്രിസ്‌തീയ മതചട​ങ്ങു​ക​ളു​ടെ ഭാഗമാ​ക്ക​പ്പെട്ടു.”—(1977), വാല്യം 13, പേ. 725.

മരിച്ച​വ​രു​ടെ ആരാധന എന്ന [ഇംഗ്ലീഷ്‌] പുസ്‌തകം ഈ ഉത്ഭവത്തി​ലേക്ക്‌ വിരൽ ചൂണ്ടുന്നു: “എല്ലാ പുരാതന ജനതക​ളു​ടെ​യും ഐതി​ഹ്യ​ങ്ങൾ പ്രളയ​കാ​ലത്തെ സംഭവ​ങ്ങ​ളോട്‌ ഇണച്ചു ചേർക്ക​പ്പെ​ട്ടി​രി​ക്കു​ന്നു . . . ഈ സംഭവ​ത്തി​ന്റെ ഓർമ്മ​ക്കാ​യു​ളള, മരിച്ച​വർക്കു​വേ​ണ്ടി​യു​ളള വലിയ ആഘോഷം പരസ്‌പരം ഏതാണ്ട്‌ ബന്ധപ്പെട്ടു കിടക്കുന്ന രാഷ്‌ട്ര​ങ്ങ​ളിൽ മാത്രമല്ല സമു​ദ്ര​ങ്ങ​ളാ​ലും നൂററാ​ണ്ടു​ക​ളു​ടെ അകലത്താ​ലും വേർപെ​ട്ടു​കി​ട​ക്കുന്ന ജനതക​ളി​ലും ആചരി​ക്ക​പ്പെ​ടു​ന്നു എന്ന വസ്‌തു​ത​യാൽ ഈ വാദത്തി​ന്റെ പ്രാബ​ല്യം വ്യക്തമാ​ക്ക​പ്പെ​ട്ടി​രി​ക്കു​ന്നു. കൂടാതെ ഈ വിശേ​ഷ​ദി​വസം, എല്ലാവ​രാ​ലും ഏതാണ്ട്‌ ഒരേ ദിവസ​ത്തിൽ, അതായത്‌ മോശ​യു​ടെ വിവര​ണ​മ​നു​സ​രിച്ച്‌ പ്രളയം നടന്ന, നമ്മുടെ നവംബ​റി​നോട്‌ ഒത്തു വരുന്ന രണ്ടാം മാസം പതി​നേ​ഴാം തീയതി തന്നെ, ആഘോ​ഷി​ക്ക​പ്പെ​ടു​ന്നു.” (ലണ്ടൻ, 1904, കേണൽ ജെ. ഗാർണി​യർ, പേ. 4) അപ്രകാ​രം ഈ ആഘോ​ഷങ്ങൾ വാസ്‌ത​വ​ത്തിൽ നോഹ​യു​ടെ കാലത്ത്‌ അവരുടെ ദുഷ്ടത നിമിത്തം ദൈവം നശിപ്പിച്ച ആളുക​ളു​ടെ ബഹുമാ​നാർത്ഥ​മാണ്‌ ആരംഭി​ച്ചത്‌.—ഉൽപ. 6:5-7; 7:11.

“മരിച്ച​വ​രു​ടെ ആത്മാക്കളെ” അവർ മറെറാ​രു മണ്ഡലത്തിൽ ജീവി​ച്ചി​രു​ന്നാ​ലെ​ന്ന​വണ്ണം ബഹുമാ​നി​ക്കുന്ന അത്തരം വിശേ​ഷ​ദി​വ​സങ്ങൾ മരണ​മെ​ന്നത്‌ പൂർണ്ണ​മായ അബോ​ധാ​വ​സ്ഥ​യാ​ണെ​ന്നു​ളള ബൈബി​ളി​ന്റെ വിവര​ണ​ത്തോട്‌ യോജി​പ്പി​ലല്ല.—സഭാ. 9:5, 10; സങ്കീ. 146:4.

മാനുഷ ദേഹി​യു​ടെ അമർത്ത്യ​ത​യി​ലു​ളള വിശ്വാ​സ​ത്തി​ന്റെ ഉത്ഭവം സംബന്ധിച്ച്‌ 101, 102 പേജു​ക​ളി​ലെ “മരണം” എന്ന മുഖ്യ​ശീർഷ​ക​വും 379, 380 പേജു​ക​ളി​ലെ “ദേഹി” എന്ന മുഖ്യ​ശീർഷ​ക​വും കാണുക.

വാലന്റൈൻ ദിനാ​ഘോ​ഷ​ത്തി​ന്റെ ഉത്ഭവം എങ്ങനെ​യാ​യി​രു​ന്നു?

ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ നമ്മോട്‌ ഇപ്രകാ​രം പറയുന്നു: വാലൻന്റൈൻ ദിനം വരുന്നത്‌ വാല​ന്റൈൻ എന്നു പേരുളള രണ്ട്‌ വ്യത്യസ്‌ത ക്രിസ്‌തീയ രക്തസാ​ക്ഷി​ക​ളു​ടെ തിരു​നാൾ ദിനത്തി​ലാണ്‌. എന്നാൽ ആ ദിന​ത്തോട്‌ ബന്ധപ്പെട്ട ആചാരങ്ങൾ സാദ്ധ്യ​ത​യ​നു​സ​രിച്ച്‌ എല്ലാ ഫെബ്രു​വരി 15-ാം തീയതി​യും ആഘോ​ഷി​ക്ക​പ്പെട്ടു പോന്ന ലൂപ്പർക്കാ​ലിയ എന്ന്‌ വിളി​ക്ക​പ്പെ​ട്ടി​രുന്ന റോമൻ തിരു​നാ​ളിൽ നിന്നു​മാണ്‌ വന്നിട്ടു​ള​ളത്‌. ആ തിരു​നാൾ സ്‌ത്രീ​ക​ളു​ടെ​യും വിവാ​ഹ​ത്തി​ന്റെ​യും ദേവി​യായ ജൂണോ​യു​ടെ​യും പ്രകൃതി ദേവനായ പാൻദേ​വ​ന്റെ​യും ബഹുമാ​നാർത്ഥ​മാണ്‌ നടത്തി​യി​രു​ന്നത്‌.”—(1973), വാല്യം 20, പേ. 204.

മാതാക്കളുടെ ബഹുമാ​നാർത്ഥം ഒരു ദിവസം നീക്കി​വ​ച്ചി​രി​ക്കുന്ന ആചാര​ത്തി​ന്റെ തുടക്കം എങ്ങനെ​യാണ്‌?

ദി എൻ​സൈ​ക്ലോ​പ്പീ​ഡിയ ബ്രിട്ടാ​നിക്ക ഇപ്രകാ​രം പറയുന്നു: “ഈ ആഘോഷം  പുരാതന ഗ്രീസ്സി​ലെ മാതൃ ആരാധ​ന​യിൽ നിന്നും വന്നിട്ടു​ള​ള​താണ്‌. ദൈവ​ങ്ങ​ളു​ടെ​യെ​ല്ലാം മാതാ​വായ സിബെൽ അല്ലെങ്കിൽ റീയയു​ടെ ബഹുമാ​നാർത്ഥ​മു​ളള മതപര​മായ ചടങ്ങുകൾ സഹിതം ഔപചാ​രി​ക​മായ മാതൃ ആരാധന ഏഷ്യാ​മൈ​ന​റി​ലെ​ല്ലാം മാർച്ചു​മാ​സ​ത്തി​ന്റെ മദ്ധ്യത്തിൽ നടത്ത​പ്പെ​ട്ടി​രു​ന്നു.”—(1959), വാല്യം 15, പേ. 849.

ഒരു ജനതയു​ടെ രാഷ്‌ട്രീയ ചരി​ത്ര​ത്തി​ലെ സംഭവ​ങ്ങ​ളു​ടെ ഓർമ്മ ആചരി​ക്കുന്ന ചടങ്ങു​ക​ളോ​ടു​ളള ക്രിസ്‌ത്യാ​നി​ക​ളു​ടെ വീക്ഷണത്തെ ഏതു ബൈബിൾ തത്വങ്ങൾ വിശദീ​ക​രി​ക്കു​ന്നു?

യോഹ. 18:36: “യേശു [റോമൻ ഗവർണ​റോട്‌] ഇങ്ങനെ ഉത്തരം പറഞ്ഞു: ‘എന്റെ രാജ്യം ഈ ലോക​ത്തി​ന്റെ ഭാഗമല്ല.’”

യോഹ. 15:19: “നിങ്ങൾ [യേശു​വി​ന്റെ അനുയാ​യി​കൾ] ലോക​ത്തി​ന്റെ ഭാഗമാ​യി​രു​ന്നെ​ങ്കിൽ ലോകം അതിന്റെ സ്വന്തമാ​യ​തി​നെ സ്‌നേ​ഹി​ക്കു​മാ​യി​രു​ന്നു. എന്നാൽ നിങ്ങൾ ലോക​ത്തി​ന്റെ ഭാഗമ​ല്ലാ​ത്ത​തി​നാൽ, ഞാൻ നിങ്ങളെ ലോക​ത്തിൽ നിന്ന്‌ തെര​ഞ്ഞെ​ടു​ത്ത​തി​നാൽ, ആ കാരണ​ത്താൽ ലോകം നിങ്ങളെ ദ്വേഷി​ക്കു​ന്നു.”

1 യോഹ. 5:19: “മുഴു ലോക​വും ദുഷ്ടനാ​യ​വന്റെ അധികാ​ര​ത്തിൻ കീഴിൽ കിടക്കു​ന്നു.” (യോഹ​ന്നാൻ 14:30; വെളി​പ്പാട്‌ 13:1, 2; ദാനി​യേൽ 2:44 ഇവ താരത​മ്യം ചെയ്യുക.)

മററ്‌ പ്രാ​ദേ​ശി​ക​വും ദേശീ​യ​വു​മായ വിശേ​ഷ​ദി​വ​സ​ങ്ങൾ

അവ അനേക​മാണ്‌. അവയെ​ല്ലാം ഇവിടെ ചർച്ച​ചെ​യ്യുക സാദ്ധ്യമല്ല. എന്നാൽ മുകളിൽ കൊടു​ത്തി​രി​ക്കുന്ന ചരി​ത്ര​പ​ര​മായ വിവരങ്ങൾ ഏതെങ്കി​ലും ഒരു വിശേ​ഷ​ദി​വസം സംബന്ധിച്ച്‌ എന്താണ്‌ നോ​ക്കേ​ണ്ടത്‌ എന്നുളള സൂചന നൽകുന്നു. ചർച്ച​ചെ​യ്യ​പ്പെ​ട്ടി​രി​ക്കുന്ന ബൈബിൾ തത്വങ്ങൾ യഹോ​വക്ക്‌ പ്രീതി​ക​ര​മാ​യത്‌ ചെയ്യുക എന്നത്‌ ജീവി​ത​ത്തിൽ ഏററം പ്രധാ​ന​മാ​യി വച്ചിരി​ക്കു​ന്ന​വർക്ക്‌ മതിയായ മാർഗ്ഗ​നിർദ്ദേശം നൽകുന്നു.