യഹോ​വക്ക്‌ യഥാർത്ഥ​ത്തിൽ ഇവിടെ ഭൂമി​യിൽ ഒരു സ്ഥാപന​മു​ണ്ടോ?

ആ ചോദ്യ​ത്തിന്‌ ഉത്തരം കൊടു​ക്കു​ന്ന​തിന്‌ പിൻവ​രുന്ന കാര്യങ്ങൾ പരിഗ​ണി​ക്കുക:

ദൈവത്തിന്റെ സ്വർഗ്ഗീയ സൃഷ്ടികൾ, ദൂതൻമാർ, സംഘടി​ത​രാ​ണോ?

ദാനി. 7:9, 10: “സിംഹാ​സ​നങ്ങൾ പ്രതി​ഷ്‌ഠി​ക്ക​പ്പെ​ടു​ക​യും നാളു​കൾക്ക്‌ പുരാ​ത​ന​നാ​യവൻ ഉപവി​ഷ്ട​നാ​വു​ക​യും ചെയ്യു​ന്ന​തു​വരെ ഞാൻ നിരീ​ക്ഷി​ച്ചു​കൊ​ണ്ടി​രു​ന്നു. അവന്റെ വസ്‌ത്രം ഹിമം പോലെ വെളു​ത്ത​തും അവന്റെ ശിരസ്സി​ലെ മുടി ശുദ്ധി​യു​ളള ആട്ടിൻരോ​മം പോ​ലെ​യു​മാ​യി​രു​ന്നു. അവന്റെ സിംഹാ​സനം അഗ്നിജ്വാ​ല​യും അവന്റെ രഥച​ക്രങ്ങൾ കത്തുന്ന തീയു​മാ​യി​രു​ന്നു. ഒരു അഗ്നിനദി അവന്റെ മുമ്പിൽ നിന്ന്‌ പുറ​പ്പെട്ട്‌ ഒഴുകി. ആയിര​മാ​യി​രം പേർ അവന്‌ ശുശ്രൂഷ ചെയ്‌തു​കൊ​ണ്ടി​രു​ന്നു; പതിനാ​യി​രം പതിനാ​യി​രം പേർ അവന്റെ മുമ്പാകെ നിന്നു. ന്യായ​വി​സ്‌താര സഭ ഇരുന്നു, തുറക്ക​പ്പെട്ട പുസ്‌ത​ക​ങ്ങ​ളും ഉണ്ടായി​രു​ന്നു.”

സങ്കീ. 103:20, 21: “അവന്റെ വചനത്തി​ന്റെ ശബ്ദം കേട്ട്‌ അവന്റെ ആജ്ഞ അനുസ​രി​ക്കുന്ന വീരൻമാ​രാ​യി അവന്റെ ദൂതൻമാ​രാ​യു​ളേ​ളാ​രെ യഹോ​വയെ വാഴ്‌ത്തുക. അവന്റെ ഇഷ്ടം ചെയ്യുന്ന ശുശ്രൂ​ഷ​ക​രാ​യി അവന്റെ സകല സൈന്യ​ങ്ങ​ളു​മാ​യു​ളേ​ളാ​രെ യഹോ​വയെ വാഴ്‌ത്തുക.” (ഒരു “സൈന്യം” സംഘടി​പ്പി​ക്ക​പ്പെട്ട ഒരു കൂട്ടമാണ്‌.)

 കഴിഞ്ഞ കാലങ്ങ​ളിൽ ദൈവം എങ്ങനെ​യാണ്‌ ഭൂമി​യി​ലു​ളള തന്റെ ദാസൻമാർക്ക്‌ നിർദ്ദേ​ശങ്ങൾ എത്തിച്ചു​കൊ​ടു​ത്തി​ട്ടു​ള​ളത്‌?

യഹോ​വ​യു​ടെ ആരാധകർ എണ്ണത്തിൽ കുറവാ​യി​രു​ന്ന​പ്പോൾ അവൻ നോഹ​യെ​യും അബ്രഹാ​മി​നെ​യും പോ​ലെ​യു​ളള കുടും​ബ​ത്ത​ല​വൻമാർക്ക്‌ നിർദ്ദേ​ശങ്ങൾ നൽകു​ക​യും അവർ അവരുടെ കുടും​ബ​ങ്ങ​ളോ​ടു​ളള യഹോ​വ​യു​ടെ വക്താക്ക​ളാ​യി സേവി​ക്കു​ക​യും ചെയ്‌തു. (ഉൽപ. 7:1, 7; 12:1-5) യഹോവ ഇസ്രാ​യേ​ല്യ​രെ ഈജി​പ്‌റ​റിൽ നിന്ന്‌ വിടു​വി​ച്ച​പ്പോൾ അവൻ മോശ​യി​ലൂ​ടെ അവർക്ക്‌ നിർദ്ദേ​ശങ്ങൾ നൽകി. (പുറ. 3:10) സീനായ്‌ പർവ്വത​ത്തി​ങ്കൽ വച്ച്‌ അവരുടെ ആരാധ​ന​യെ​യും അന്യോ​ന്യ​മു​ളള അവരുടെ ബന്ധങ്ങ​ളെ​യും ഭരിക്കാ​നു​ളള നിയമ​ങ്ങ​ളും ചട്ടങ്ങളും നൽകി​ക്കൊണ്ട്‌ ദൈവം ഒരു ജനതയെന്ന നിലയിൽ ജനങ്ങളെ സംഘടി​പ്പി​ച്ചു. (പുറ. 24:12) ആരാധന സംബന്ധിച്ച കാര്യ​ങ്ങ​ളിൽ നേതൃ​ത്വ​മെ​ടു​ക്കാ​നും യഹോ​വ​യു​ടെ നിബന്ധ​നകൾ സംബന്ധിച്ച്‌ ജനങ്ങളെ പഠിപ്പി​ക്കാ​നും അവൻ ഒരു പൗരോ​ഹി​ത്യം സ്ഥാപിച്ചു; ജനങ്ങൾക്ക്‌ ആവശ്യ​മായ പ്രബോ​ധ​ന​വും മുന്നറി​യി​പ്പും നൽകാൻ ചില സന്ദർഭ​ങ്ങ​ളിൽ അവൻ പ്രവാ​ച​കൻമാ​രെ​യും എഴു​ന്നേൽപ്പി​ച്ചു. (ആവ. 33:8, 10; യിരെ. 7:24, 25) അപ്രകാ​രം യഹോവ വ്യക്തി​ക​ളായ ആരാധ​ക​രു​ടെ പ്രാർത്ഥന കേട്ടി​രു​ന്നെ​ങ്കി​ലും അവർക്കു​വേ​ണ്ടി​യു​ളള പ്രബോ​ധ​നങ്ങൾ അവൻ ഒരു സ്ഥാപന​ക്ര​മീ​ക​ര​ണ​ത്തി​ലൂ​ടെ നൽകി.

സത്യാ​രാ​ധ​കരെ യേശു​ക്രി​സ്‌തു​വി​ലൂ​ടെ തന്നോട്‌ ഏകീഭ​വി​പ്പി​ക്കാൻ ആരംഭി​ക്കു​ന്ന​തി​നു​ളള സമയം ആഗതമാ​യ​പ്പോൾ തന്റെ വക്താവാ​യി സേവി​ക്കു​ന്ന​തിന്‌ ദൈവം അവനെ ഭൂമി​യി​ലേക്ക്‌ അയച്ചു. (എബ്രാ. 1:1, 2) പിന്നീട്‌ പൊ. യു. 33-ലെ പരിശു​ദ്ധാ​ത്മാ​വി​ന്റെ പകര​ലോ​ടെ ക്രിസ്‌തീയ സഭ സ്ഥാപി​ക്ക​പ്പെട്ടു. യേശു സ്വർഗ്ഗ​ത്തി​ലേക്ക്‌ തിരികെ പോയ ശേഷം ഈ സഭ വ്യക്തി​ക​ളായ ക്രിസ്‌ത്യാ​നി​കളെ പ്രബോ​ധി​പ്പി​ക്കു​ന്ന​തി​നും അവരുടെ ശ്രമങ്ങൾ സംയോ​ജി​പ്പി​ക്കു​ന്ന​തി​നു​മു​ളള യഹോ​വ​യു​ടെ ക്രമീ​ക​ര​ണ​മാ​യി​ത്തീർന്നു. പ്രാ​ദേ​ശിക സഭകളിൽ നേതൃ​ത്വ​മെ​ടു​ക്കു​ന്ന​തിന്‌ മേൽവി​ചാ​ര​കൻമാ​രു​ണ്ടാ​യി​രു​ന്നു, ഒരു കേന്ദ്ര ഭരണ സംഘം ആവശ്യ​മായ തീരു​മാ​നങ്ങൾ എടുക്കു​ക​യും പ്രവർത്ത​ന​ങ്ങളെ സമന്വ​യി​പ്പി​ക്കു​ന്ന​തിന്‌ സഹായി​ക്കു​ക​യും ചെയ്‌തു. വ്യക്തമാ​യും, ഭൂമി​യിൽ സത്യ​ക്രി​സ്‌ത്യാ​നി​കൾ അടങ്ങുന്ന ഒരു സ്ഥാപനത്തെ യഹോവ ആസ്‌തി​ക്യ​ത്തി​ലേക്ക്‌ കൊണ്ടു വന്നിരു​ന്നു.—പ്രവൃ. 14:23; 16:4, 5; ഗലാ. 2:7-10.

ഭൗതിക സൃഷ്ടി സംബന്ധിച്ച യഹോ​വ​യു​ടെ പ്രവർത്തനം അവന്‌ ഒരു സ്ഥാപന​മു​ണ്ടെന്ന്‌ സൂചി​പ്പി​ക്കു​ന്നു​വോ?

യെശ. 40:26: “നിങ്ങളു​ടെ കണ്ണുകളെ മേലോ​ട്ടു​യർത്തി നോക്കുക. ഇവയെ സൃഷ്ടി​ച്ച​താർ? അത്‌ അവയുടെ സൈന്യ​ത്തെ സംഖ്യാ​ക്ര​മ​ത്തിൽ പുറ​പ്പെ​ടു​വി​ക്കു​ന്ന​വ​നും അവയെ​യെ​ല്ലാം പേർ ചൊല്ലി വിളി​ക്കു​ന്ന​വ​നു​മാണ്‌. ചലനാത്മക ഊർജ്ജ​ത്തി​ന്റെ സമൃദ്ധി നിമി​ത്ത​വും അവൻ ബലത്തിൽ ഊർജ്ജ​സ്വ​ല​നാ​ക​യാ​ലും അവയിൽ ഒന്നു​പോ​ലും ഇല്ലാതെ പോകു​ന്നില്ല.” (ഒററപ്പെട്ട നക്ഷത്ര​ങ്ങ​ളു​ടെ സവി​ശേ​ഷ​തകൾ വ്യത്യ​സ്‌ത​ങ്ങ​ളാ​ണെ​ങ്കി​ലും അവ വ്യൂഹ​ങ്ങ​ളാ​യി കൂട്ടി​ച്ചേർക്ക​പ്പെ​ട്ടി​രി​ക്കു​ക​യും അന്യോ​ന്യം ബന്ധപ്പെട്ട്‌ ചലിക്കു​ക​യും ചെയ്യുന്നു. ഗ്രഹങ്ങൾ അവയുടെ നിശ്ചിത ഭ്രമണ​പ​ഥ​ങ്ങ​ളിൽ സമയകൃ​ത്യ​ത​യോ​ടെ നീങ്ങുന്നു. എല്ലാ മൂലക​ങ്ങ​ളു​ടെ​യും ഓരോ ആററത്തി​ലും  കാണ​പ്പെ​ടുന്ന ഇലക്‌​ട്രോ​ണു​കൾക്കും ഭ്രമണ​പ​ഥ​ങ്ങ​ളുണ്ട്‌. എല്ലാ ഭൗമിക വസ്‌തു​ക്ക​ളു​ടെ​യും ഘടന പരസ്‌പര യോജി​പ്പി​ലു​ളള ചില ഗണിത​ശാ​സ്‌ത്ര മാതൃ​ക​കൾക്കൊ​ത്ത​വ​ണ്ണ​മാ​ക​യാൽ കണ്ടുപി​ടി​ക്ക​പ്പെ​ടു​ന്ന​തിന്‌ മുമ്പു​തന്നെ ചില മൂലക​ങ്ങ​ളു​ടെ ആസ്‌തി​ക്യം ശാസ്‌ത്ര​ജ്ഞൻമാർക്ക്‌ മുൻകൂ​ട്ടി​പ്പ​റ​യാൻ കഴിഞ്ഞു. ഇതെല്ലാം അസാധാ​ര​ണ​മായ സംവി​ധാ​ന​പാ​ട​വ​ത്തി​ന്റെ തെളിവ്‌ നൽകുന്നു.)

യഥാർത്ഥ ക്രിസ്‌ത്യാ​നി​കൾ ഒരു സംഘടിത ജനമാ​യി​രി​ക്കു​മെന്ന്‌ ബൈബിൾ പ്രകട​മാ​ക്കു​ന്നു​ണ്ടോ?

മത്താ. 24:14; 28:19, 20: “രാജ്യ​ത്തി​ന്റെ ഈ സുവാർത്ത സകല ജനതകൾക്കും ഒരു സാക്ഷ്യ​ത്തി​നാ​യിട്ട്‌ നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും അപ്പോൾ അവസാനം വരും.” “ആകയാൽ പോയി . . . പഠിപ്പി​ച്ചും സ്‌നാ​പ​ന​പ്പെ​ടു​ത്തി​യും​കൊണ്ട്‌ സകല ജനതക​ളി​ലെ​യും ആളുകളെ ശിഷ്യ​രാ​ക്കി​ക്കൊൾക.” (ഒരു സ്ഥാപന​മി​ല്ലാ​തെ ഇതെങ്ങ​നെ​യാണ്‌ സാദ്ധ്യ​മാ​വുക? ഈ വേലക്കു വേണ്ടി യേശു തന്റെ ആദിമ ശിഷ്യൻമാ​രെ പരിശീ​ലി​പ്പി​ച്ച​പ്പോൾ ഓരോ​രു​ത്ത​രും തങ്ങൾക്ക്‌ ഇഷ്ടമു​ളേ​ള​ട​ത്തു​പോ​യി തങ്ങൾക്ക്‌ ബോധിച്ച വിധത്തിൽ തങ്ങളുടെ വിശ്വാ​സം പങ്കുവ​യ്‌ക്കാ​നല്ല അവരോട്‌ പറഞ്ഞത്‌. അവൻ അവരെ പരിശീ​ലി​പ്പി​ക്കു​ക​യും അവർക്ക്‌ നിർദ്ദേ​ശങ്ങൾ നൽകു​ക​യും സംഘടി​ത​മായ ഒരു രീതി​യിൽ അവരെ അയക്കു​ക​യു​മാണ്‌ ചെയ്‌തത്‌. ലൂക്കോസ്‌ 8:1; 9:1-6; 10:1-16 കാണുക.)

എബ്രാ. 10:24, 25: “ചിലർ ഒരു പതിവാ​ക്കി​യി​രി​ക്കു​ന്ന​തു​പോ​ലെ നമ്മുടെ കൂടി​വ​ര​വു​കളെ ഉപേക്ഷി​ക്കാ​തെ, തമ്മിൽ പ്രബോ​ധി​പ്പി​ച്ചു​കൊണ്ട്‌ നമുക്ക്‌ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും അന്യോ​ന്യം ഉൽസാ​ഹി​പ്പി​ക്കാം. നാൾ അടുത്തു​വ​രു​ന്നതു കാണു​മ്പോൾ അത്‌ അധിക​മ​ധി​ക​മാ​യി ചെയ്യാം.” (എന്നാൽ അവർക്കു കൂടി​വ​രാൻ കഴിയുന്ന ക്രമമായ മീററിം​ഗു​ക​ളോ​ടു​കൂ​ടിയ ഒരു സ്ഥാപന​മി​ല്ലാ​യി​രു​ന്നെ​ങ്കിൽ ഈ കൽപന അനുസ​രി​ക്കാൻ തക്കവണ്ണം ഒരുവൻ താൽപ​ര്യ​ക്കാ​രെ എങ്ങോ​ട്ടാണ്‌ നയിക്കുക?)

1 കൊരി. 14:33, 40: “ദൈവം കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ​മ​ത്രേ.” . . . എല്ലാ കാര്യ​ങ്ങ​ളും മാന്യ​മാ​യും ക്രമീ​കൃ​ത​മാ​യും നടക്കട്ടെ.” (സഭാ​യോ​ഗ​ങ്ങ​ളി​ലെ ക്രമീ​കൃ​ത​മായ നടപടി​ക്ര​മ​ങ്ങ​ളാണ്‌ അപ്പോ​സ്‌ത​ല​നായ പൗലോസ്‌ ഇവിടെ ചർച്ച​ചെ​യ്യു​ന്നത്‌. ഈ നിശ്വസ്‌ത ബുദ്ധി​യു​പ​ദേശം ബാധക​മാ​ക്കു​ന്ന​തിന്‌ സ്ഥാപന​ത്തോ​ടു​ളള ആദരവ്‌ ആവശ്യ​മാണ്‌.)

1 പത്രോ. 2:9, 17: “നിങ്ങളോ അന്ധകാ​ര​ത്തിൽ നിന്ന്‌ തന്റെ അത്ഭുത പ്രകാ​ശ​ത്തി​ലേക്ക്‌ നിങ്ങളെ വിളി​ച്ച​വന്റെ സൽഗു​ണ​ങ്ങളെ ഘോഷി​ക്കേ​ണ്ട​തിന്‌ തെര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹിത വർഗ്ഗവും വിശുദ്ധ ജനതയും ഒരു പ്രത്യേക സമ്പത്തായ ജനവു​മാ​കു​ന്നു. . . . മുഴു​സ​ഹോ​ദ​ര​വർഗ്ഗ​ത്തോ​ടും സ്‌നേ​ഹ​മു​ണ്ടാ​യി​രി​ക്കുക.” (ഒരു പ്രത്യേക വേല നിർവ്വ​ഹി​ക്കു​ന്ന​തി​നു​വേണ്ടി തങ്ങളുടെ ശ്രമം തിരി​ച്ചു​വി​ട​പ്പെ​ടുന്ന ആളുക​ളു​ടെ സംഘടന ഒരു സ്ഥാപന​മാണ്‌.)

ദൈവത്തിന്റെ വിശ്വസ്‌ത ദാസൻമാ​രാ​യി​രി​ക്കു​ന്നവർ കേവലം ക്രൈ​സ്‌ത​വ​ലോ​ക​ത്തി​ലെ വിവിധ സഭകളിൽ ചിതറി​ക്കി​ട​ക്കുന്ന വ്യക്തികൾ ആണോ?

2 കൊരി. 6:15-18: “വിശ്വ​സ്‌ത​നായ ഒരു വ്യക്തിക്ക്‌ ഒരു അവിശ്വാ​സി​യു​മാ​യി  എന്തു പങ്കാണു​ള​ളത്‌? . . . ‘അതു​കൊണ്ട്‌ അവരുടെ ഇടയിൽ നിന്ന്‌ പുറത്തു​ക​ട​ക്കു​ക​യും നിങ്ങ​ളെ​ത്തന്നെ വേർപെ​ടു​ത്തു​ക​യും ചെയ്യുക’ എന്ന്‌ യഹോവ അരുളി​ചെ​യ്യു​ന്നു. ‘അശുദ്ധ​മാ​യത്‌ എന്തെങ്കി​ലും തൊടു​ന്ന​തിൽ നിന്ന്‌ ഒഴിഞ്ഞി​രിക്ക’; ‘ഞാൻ നിങ്ങളെ കൈ​ക്കൊ​ള​ളു​ക​യും നിങ്ങൾക്കു ഒരു പിതാ​വാ​യി​രി​ക്കു​ക​യും നിങ്ങൾ എനിക്ക്‌ പുത്രൻമാ​രും പുത്രി​മാ​രും ആയിരി​ക്കു​ക​യും ചെയ്യും,’ എന്ന്‌ സർവ്വശ​ക്ത​നായ യഹോവ അരുളി​ച്ചെ​യ്യു​ന്നു.” (തങ്ങളുടെ ജീവിത ഗതി​കൊണ്ട്‌ തങ്ങൾ യഥാർത്ഥ​ത്തിൽ അവിശ്വാ​സി​ക​ളാ​ണെന്ന്‌ തെളി​യി​ക്കുന്ന ആളുക​ളോ​ടു​കൂ​ടെ ഒരു വ്യക്തി ആരാധ​ന​യിൽ പങ്കു ചേരു​ന്ന​തിൽ തുടരു​ന്നു​വെ​ങ്കിൽ അയാൾ ദൈവ​ത്തി​ന്റെ ഒരു വിശ്വസ്‌ത ദാസനാ​ണോ? “മഹാബാ​ബി​ലോൺ” എന്ന മുഖ്യ ശീർഷകം കാണുക.)

1 കൊരി. 1:10: “സഹോ​ദ​രൻമാ​രെ, നിങ്ങൾ എല്ലാവ​രും യോജി​പ്പിൽ സംസാ​രി​ക്ക​ണ​മെ​ന്നും നിങ്ങളു​ടെ​യി​ട​യിൽ ഭിന്നത ഭവിക്കാ​തെ നിങ്ങൾ ഒരേ മനസ്സി​ലും ഒരേ ചിന്തയി​ലും ഉചിത​മാ​യി യോജി​പ്പി​ലാ​യി​രി​ക്ക​ണ​മെ​ന്നും നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തിൽ ഞാൻ നിങ്ങളെ പ്രബോ​ധി​പ്പി​ക്കു​ന്നു.” (അത്തരം ഐക്യം ക്രൈ​സ്‌ത​വ​ലോ​ക​ത്തി​ലെ വിവിധ സഭകൾക്കി​ട​യിൽ ഇല്ല.)

യോഹ. 10:16: “ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കുണ്ട്‌, അവയെ​യും ഞാൻ കൊണ്ടു​വ​രേ​ണ്ട​താ​കു​ന്നു, അവ എന്റെ സ്വരം ശ്രവി​ക്കും, അവ ഏക ആട്ടിൻകൂ​ട്ട​വും ഏക ഇടയനു​മാ​കും.” (അങ്ങനെ​യു​ള​ള​വരെ യേശു ഒരു ആട്ടിൻകൂ​ട്ട​ത്തി​ലേക്ക്‌ കൊണ്ടു​വ​രു​മെ​ന്ന​തി​നാൽ അവർക്ക്‌ ക്രൈ​സ്‌ത​വ​ലോ​ക​ത്തി​ലെ മതങ്ങളിൽ ചിതറി​ക്ക​പ്പെട്ട നിലയി​ലാ​യി​രി​ക്കാൻ കഴിയു​ക​യില്ല എന്നത്‌ വ്യക്തമല്ലേ?)

നമ്മുടെ നാളിൽ യഹോ​വ​യു​ടെ ദൃശ്യ​സ്ഥാ​പനം എങ്ങനെ തിരി​ച്ച​റി​യ​പ്പെ​ടാൻ കഴിയും?

(1) അത്‌ വാസ്‌ത​വ​ത്തിൽ യഹോ​വ​യു​ടെ നാമത്തെ മഹത്വീ​ക​രി​ച്ചു​കൊണ്ട്‌ ഏക സത്യ​ദൈ​വ​മെ​ന്ന​നി​ല​യിൽ അവനെ സമുന്ന​ത​നാ​ക്കി കാണി​ക്കു​ന്നു.—മത്താ. 4:10; യോഹ. 17:3.

(2) യഹോ​വ​യു​ടെ പരമാ​ധി​കാ​ര​ത്തി​ന്റെ സംസ്ഥാ​പകൻ, ജീവന്റെ മുഖ്യ​കാ​ര്യ​സ്ഥൻ, ക്രിസ്‌തീയ സഭയുടെ ശിരസ്സ്‌, വാഴുന്ന മശി​ഹൈക രാജാവ്‌ എന്നീ നിലക​ളിൽ യേശു​ക്രി​സ്‌തു​വി​ന്റെ ജീവൽപ്ര​ധാ​ന​മായ സ്ഥാനം അത്‌ പൂർണ്ണ​മാ​യി അംഗീ​ക​രി​ക്കു​ന്നു.—വെളി. 19:11-13; 12:10; പ്രവൃ. 5:31; എഫേ. 1:22, 23.

(3) അതിന്റെ എല്ലാ പഠിപ്പി​ക്ക​ലു​കൾക്കും പെരു​മാ​ററം സംബന്ധിച്ച നിലവാ​ര​ങ്ങൾക്കും ബൈബി​ളി​നെ അടിസ്ഥാ​ന​മാ​ക്കി​ക്കൊണ്ട്‌ അത്‌ ദൈവ​ത്തി​ന്റെ നിശ്വസ്‌ത വചന​ത്തോട്‌ അടുത്തു പററി​നിൽക്കു​ന്നു.—2 തിമൊ. 3:16, 17.

(4) അത്‌ ലോക​ത്തിൽ നിന്ന്‌ വേർപെ​ട്ടി​രി​ക്കു​ന്നു.—യാക്കോ. 1:27; 4:4.

(5) യഹോവ തന്നെ വിശു​ദ്ധ​നാ​യി​രി​ക്കു​ന്ന​തു​കൊണ്ട്‌ അത്‌ അതിന്റെ അംഗങ്ങൾക്കി​ട​യിൽ ധാർമ്മി​ക​ശു​ദ്ധി സംബന്ധിച്ച ഒരു ഉയർന്ന നിലവാ​രം പാലി​ക്കു​ന്നു.—1 പത്രോ. 1:15, 16; 1 കൊരി. 5:9-13.

(6) നമ്മുടെ നാളി​ലേക്ക്‌ ബൈബിൾ മുൻകൂ​ട്ടി​പ്പറഞ്ഞ വേല നിർവ്വ​ഹി​ക്കു​ന്ന​തിന്‌ അത്‌ അതിന്റെ മുഖ്യ ശ്രമങ്ങൾ നടത്തുന്നു, അതായത്‌ മുഴു​ലോ​ക​ത്തി​ന്റെ​യും  സാക്ഷ്യ​ത്തി​നാ​യു​ളള രാജ്യ​ത്തി​ന്റെ സുവാർത്ത​യു​ടെ പ്രസംഗം.—മത്താ. 24:14.

(7) മാനുഷ അപൂർണ്ണ​തകൾ ഉണ്ടെങ്കി​ലും അതിന്റെ അംഗങ്ങൾ സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം എന്നീ ദൈവാ​ത്മാ​വി​ന്റെ ഫലങ്ങൾ നട്ടുവ​ളർത്തു​ക​യും ഉൽപാ​ദി​പ്പി​ക്കു​ക​യും ചെയ്യുന്നു; പൊതു ലോക​ത്തിൽ നിന്ന്‌ അവരെ വേർതി​രി​ച്ചു നിറു​ത്തുന്ന അളവോ​ളം അവർ അങ്ങനെ ചെയ്യുന്നു.—ഗലാ. 5:22, 23; യോഹ. 13:35.

യഹോവയുടെ സ്ഥാപന​ത്തോട്‌ നമുക്ക്‌ എങ്ങനെ ആദരവ്‌ പ്രകട​മാ​ക്കാൻ കഴിയും?

1 കൊരി. 10:31: “എല്ലാം ദൈവ​മ​ഹ​ത്വ​ത്തി​നാ​യി ചെയ്യുക.”

എബ്രാ. 13:17: “നിങ്ങളു​ടെ​യി​ട​യിൽ നേതൃ​ത്വ​മെ​ടു​ക്കു​ന്ന​വരെ അനുസ​രിച്ച്‌ അവർക്ക്‌ കീഴട​ങ്ങി​യി​രി​ക്കുക, എന്തു​കൊ​ണ്ടെ​ന്നാൽ കണക്കു​ബോ​ധി​പ്പി​ക്കേ​ണ്ട​വ​രെന്ന നിലയിൽ അവർ നിങ്ങളു​ടെ ദേഹി​കളെ കാവൽ ചെയ്യുന്നു.”

യാക്കോ. 1:22: “വചനത്തി​ന്റെ കേൾവി​ക്കാർ മാത്ര​മാ​യി​രി​ക്കാ​തെ അതിനെ ചെയ്യു​ന്ന​വ​രാ​യി​രി​ക്കുക.”

തീത്തോ. 2:11, 12: “അഭക്തി​യും ലൗകിക മോഹ​ങ്ങ​ളും നിരാ​ക​രി​ക്കാ​നും സുബോ​ധ​ത്തോ​ടും നീതി​യോ​ടും ദൈവിക ഭക്തി​യോ​ടും​കൂ​ടെ ജീവി​ക്കാ​നും നമ്മെ പ്രബോ​ധി​പ്പി​ച്ചു​കൊണ്ട്‌ എല്ലാത്തരം ആളുകൾക്കും രക്ഷ കൈവ​രു​ത്തുന്ന ദൈവ​ത്തി​ന്റെ അനർഹദയ പ്രത്യ​ക്ഷ​മാ​ക്ക​പ്പെ​ട്ടി​രി​ക്കു​ന്നു.”

1 പത്രോ. 2:17: “മുഴു സഹോ​ദ​ര​സ​മൂ​ഹ​ത്തെ​യും സ്‌നേ​ഹി​ക്കുക.”