പാഠം 34

അനു​യോ​ജ്യ​മായ ദൃഷ്ടാ​ന്ത​ങ്ങൾ

1, 2. ദൃഷ്ടാ​ന്തങ്ങൾ ഒരു പ്രസം​ഗ​ത്തി​നു​വേണ്ടി എന്തു ചെയ്യു​ന്നു​വെന്നു ചുരു​ക്ക​മാ​യി പ്രകട​മാ​ക്കുക.

¹ ഒരു പ്രസം​ഗകൻ ദൃഷ്ടാ​ന്തങ്ങൾ ഉപയോ​ഗി​ക്കു​മ്പോൾ അയാൾ യഥാർഥ​ത്തിൽ തന്റെ സദസ്സിന്റെ മനസ്സിൽ അർഥവ​ത്തായ ചിത്രങ്ങൾ പതിപ്പി​ക്കു​ന്നു. ദൃഷ്ടാ​ന്തങ്ങൾ താത്‌പ​ര്യ​ത്തെ ഉത്തേജി​പ്പി​ക്കു​ക​യും മൂല്യ​വ​ത്തായ ആശയങ്ങളെ പ്രദീ​പ്‌ത​മാ​ക്കു​ക​യും ചെയ്യുന്നു. അവ ഒരുവന്റെ ചിന്താ​പ്ര​ക്രി​യയെ ഇളക്കു​ക​യും പുതിയ ആശയങ്ങൾ ഗ്രഹി​ക്കുക കൂടുതൽ എളുപ്പ​മാ​ക്കി​ത്തീർക്കു​ക​യും ചെയ്യുന്നു. നന്നായി തിര​ഞ്ഞെ​ടുത്ത ദൃഷ്ടാ​ന്തങ്ങൾ ബൗദ്ധി​ക​മായ ആകർഷ​ണത്തെ വൈകാ​രി​ക​മായ സ്വാധീ​ന​ത്തോ​ടു സംയോ​ജി​പ്പി​ക്കു​ന്നു. ഫലം വസ്‌തു​ത​ക​ളു​ടെ ലളിത​മായ പ്രസ്‌താ​വ​ന​കൾക്കു മിക്ക​പ്പോ​ഴും അസാധ്യ​മായ ഒരു ശക്തി​യോ​ടെ സന്ദേശം ധരിപ്പി​ക്ക​പ്പെ​ടു​ന്നു എന്നതാണ്‌. ദൃഷ്ടാ​ന്തങ്ങൾ അനു​യോ​ജ്യ​മാ​ണെ​ങ്കി​ലേ ഇതു സത്യമാ​യി​രി​ക്കു​ന്നു​ളളു. അവ നിങ്ങളു​ടെ വിവര​ങ്ങൾക്ക്‌ അനു​യോ​ജ്യ​മാ​യി​രി​ക്കണം.

² ചില​പ്പോ​ഴൊ​ക്കെ, മുൻവി​ധി​യെ അല്ലെങ്കിൽ പക്ഷപാ​തത്തെ തരണം​ചെ​യ്യു​ന്ന​തിന്‌ ഒരു ദൃഷ്ടാന്തം ഉപയോ​ഗി​ക്കാൻ കഴിയും. അതിനു വിവാ​ദാ​ത്മ​ക​മായ ഒരു ഉപദേശം അവതരി​പ്പി​ക്കു​ന്ന​തി​നു​മു​മ്പു തടസ്സവാ​ദ​ങ്ങളെ തുടച്ചു​നീ​ക്കാൻ കഴിയും. ദൃഷ്ടാ​ന്ത​ത്തിന്‌, നിങ്ങൾക്ക്‌ ഇങ്ങനെ പറയാം: “ഒരു പിതാ​വും ശിക്ഷയാ​യി തന്റെ കുട്ടി​യു​ടെ കൈ ചുട്ടു​പൊ​ള​ളുന്ന അടുപ്പിൻമേൽ വെക്കു​ക​യില്ല.” “നരകോ”പദേശത്തെ അവതരി​പ്പി​ക്കുന്ന അത്തര​മൊ​രു ദൃഷ്ടാന്തം പെട്ടെ​ന്നു​തന്നെ “നരക”ത്തെസം​ബ​ന്ധിച്ച വ്യാജ മതവി​ശ്വാ​സത്തെ അറെക്ക​ത്ത​ക്ക​താ​ക്കും, തന്നിമി​ത്തം കൂടുതൽ അനായാ​സം അതു ത്യജി​ക്ക​പ്പെ​ടു​ന്നു.

3-6. ഏത്‌ ഉറവു​ക​ളിൽനി​ന്നു ദൃഷ്ടാ​ന്തങ്ങൾ എടുക്കാം?

³ ദൃഷ്ടാ​ന്തങ്ങൾ പല രൂപങ്ങ​ളി​ലാ​യി​രി​ക്കാ​വു​ന്ന​താണ്‌. അവയ്‌ക്കു സാദൃ​ശ്യ​ങ്ങ​ളോ താരത​മ്യ​ങ്ങ​ളോ ഉപമക​ളോ രൂപക​ങ്ങ​ളോ വ്യക്തി​പ​ര​മായ അനുഭ​വ​ങ്ങ​ളോ മാതൃ​ക​ക​ളോ ആയിരി​ക്കാ​വു​ന്ന​താണ്‌. അവ പല ഉറവു​ക​ളിൽനി​ന്നു തിര​ഞ്ഞെ​ടു​ക്കാൻ കഴിയും. അവയ്‌ക്കു ചേതന​വും അചേത​ന​വു​മായ സൃഷ്ടി​വ​സ്‌തു​ക്കളെ കൈകാ​ര്യം​ചെ​യ്യാൻ കഴിയും. അവയ്‌ക്കു സദസ്സിന്റെ തൊഴി​ലു​ക​ളി​ലോ മനുഷ്യ​ല​ക്ഷ​ണ​ങ്ങ​ളി​ലോ സ്വഭാ​വ​വി​ശേ​ഷ​ങ്ങ​ളി​ലോ ഗൃഹസാ​മാ​ന​ങ്ങ​ളി​ലോ അല്ലെങ്കിൽ ഭവനങ്ങൾ, കപ്പലുകൾ മുതലാ​യി മനുഷ്യ​രു​ടെ നിർമാ​ണ​ങ്ങ​ളി​ലോ അധിഷ്‌ഠി​ത​മാ​യി​രി​ക്കാൻ കഴിയും. എന്നിരു​ന്നാ​ലും ഏതു ദൃഷ്ടാന്തം ഉപയോ​ഗി​ച്ചാ​ലും, അതു പ്രസം​ഗ​കന്റെ ഒരു ഇഷ്ട ദൃഷ്ടാ​ന്ത​മാ​യ​തു​കൊ​ണ്ടു മാത്രമല്ല, പിന്നെ​യോ അവസര​വും വിവര​ങ്ങ​ളും നിമി​ത്ത​മാ​യി​രി​ക്കണം അതു തിര​ഞ്ഞെ​ടു​ക്കു​ന്നത്‌.

⁴ മുന്നറി​യി​പ്പി​ന്റെ ഒരു വാക്ക്‌. കണക്കി​ല​ധി​കം ദൃഷ്ടാ​ന്ത​ങ്ങൾകൊ​ണ്ടു പ്രസം​ഗ​ത്തിന്‌ അമിത​സ്വാ​ദു വരുത്ത​രുത്‌. അവ ഉപയോ​ഗി​ക്കുക, എന്നാൽ അമിത​മാ​യി ഉപയോ​ഗി​ക്ക​രുത്‌.

⁵ ദൃഷ്ടാ​ന്ത​ങ്ങ​ളു​ടെ ഉചിത​മായ ഉപയോ​ഗം ഒരു കലയാണ്‌. അതിനു വൈദ​ഗ്‌ധ്യ​വും പരിച​യ​വും ആവശ്യ​മാണ്‌. എന്നാൽ അവയുടെ ഫലപ്ര​ദ​ത്വ​ത്തെ​ക്കു​റിച്ച്‌ എത്ര പറഞ്ഞാ​ലും അധിക​മാ​കു​ക​യില്ല. ദൃഷ്ടാ​ന്തങ്ങൾ ഉപയോ​ഗി​ക്കാൻ പഠിക്കു​ന്ന​തി​നു നിങ്ങൾ ദൃഷ്ടാ​ന്ത​ങ്ങ​ളു​ടെ അടിസ്ഥാ​ന​ത്തിൽ ചിന്തി​ക്കാൻ പഠിക്കണം. നിങ്ങൾ വായി​ക്കു​മ്പോൾ ഉപയോ​ഗി​ച്ചി​രി​ക്കുന്ന ദൃഷ്ടാ​ന്തങ്ങൾ ശ്രദ്ധി​ക്കുക. നിങ്ങൾ കാര്യ​ങ്ങളെ നോക്കി​ക്കാ​ണു​മ്പോൾ ക്രിസ്‌തീയ ജീവി​ത​ത്തി​ന്റെ​യും ശുശ്രൂ​ഷ​യു​ടെ​യും അടിസ്ഥാ​ന​ത്തിൽ അവയെ​ക്കു​റി​ച്ചു ചിന്തി​ക്കുക. ഉദാഹ​ര​ണ​ത്തിന്‌, ഒരു ചട്ടിയി​ലെ ചെടി വാടി​ക്ക​രി​ഞ്ഞ​താ​യി കാണു​ന്നു​വെ​ങ്കിൽ നിങ്ങൾക്ക്‌ ഇങ്ങനെ ചിന്തി​ക്കാ​വു​ന്ന​താണ്‌.  “സൗഹൃദം ഒരു ചെടി പോ​ലെ​യാണ്‌. തഴച്ചു​വ​ള​രു​ന്ന​തിന്‌ അതിനു വെളള​മൊ​ഴി​ച്ചു​കൊ​ടു​ക്കണം.” ഇന്നു ചിലയാ​ളു​കൾ ബഹിരാ​കാ​ശ​യാ​ത്ര​യു​ടെ അടിസ്ഥാ​ന​ത്തിൽ മാത്രമേ ചന്ദ്രനെ നോക്കി​ക്കാ​ണു​ന്നു​ളളു. ക്രിസ്‌ത്യാ​നി അതിനെ ദൈവ​ത്തി​ന്റെ കൈ​വേ​ല​യാ​യി, അവിടു​ത്തെ സൃഷ്ടി​യി​ലെ ഒരു ഉപഗ്ര​ഹ​മാ​യി, നമ്മുടെ അനുദി​ന​ജീ​വി​തത്തെ ബാധി​ക്കു​ന്ന​തും വേലി​യേ​റ​റ​ങ്ങ​ളും ഇറക്കങ്ങ​ളും ഉണ്ടാകാൻ ഇടയാ​ക്കു​ന്ന​തു​മാ​യി എന്നേക്കും നിലനിൽക്കുന്ന ഒരു വസ്‌തു​വാ​യി വീക്ഷി​ക്കു​ന്നു.

⁶ ഒരു പ്രസംഗം തയ്യാറാ​കു​മ്പോൾ, ലളിത​മായ ദൃഷ്ടാ​ന്തങ്ങൾ മനസ്സി​ലേക്ക്‌ അനായാ​സം വരുന്നി​ല്ലെ​ങ്കിൽ വാച്ച്‌ ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ ബന്ധപ്പെട്ട വിവരങ്ങൾ പരി​ശോ​ധി​ക്കുക. അവിടെ ദൃഷ്ടാ​ന്തങ്ങൾ ഉപയോ​ഗി​ച്ചി​ട്ടു​ണ്ടോ​യെന്നു കാണുക. പ്രസം​ഗ​ത്തി​ലെ മുഖ്യ​പ​ദ​ങ്ങ​ളെ​യും അവ നിങ്ങളു​ടെ മനസ്സിൽ ഉളവാ​ക്കുന്ന ചിത്ര​ങ്ങ​ളെ​യും കുറിച്ചു ചിന്തി​ക്കുക. ഇവയിൽ കെട്ടു​പണി ചെയ്യുക. എന്നാൽ യോജി​ക്കാത്ത ഒരു ദൃഷ്ടാന്തം, ഒരു ദൃഷ്ടാ​ന്ത​വു​മി​ല്ലാ​തി​രി​ക്കു​ന്ന​തി​നെ​ക്കാൾ മോശ​മാ​ണെ​ന്നോർക്കുക. പ്രസംഗ ഗുണ​ദോ​ഷ​ഫാ​റ​ത്തിൽ പട്ടിക​പ്പെ​ടു​ത്തി​യി​രി​ക്കുന്ന “ദൃഷ്ടാ​ന്തങ്ങൾ വിവര​ങ്ങൾക്ക​നു​യോ​ജ്യം” എന്നതു പരിചി​ന്തി​ക്കു​മ്പോൾ ഓർത്തി​രി​ക്കേണ്ട ഈ സംഗതി​യു​ടെ പല വശങ്ങളുണ്ട്‌.

7-9. ലളിത​മായ ദൃഷ്ടാ​ന്തങ്ങൾ വളരെ ഫലപ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

⁷ ലളിതം. ഒരു ലളിത​മായ ദൃഷ്ടാന്തം ഓർത്തി​രി​ക്കാൻ ഏറെ എളുപ്പ​മാണ്‌. അതു വാദഗ​തി​യിൽ ഗണ്യമായ പങ്കുവ​ഹി​ക്കു​ന്നു, അത്‌ സങ്കീർണ സ്വഭാ​വ​ത്താൽ വാദഗ​തി​യു​ടെ വിലയി​ടി​ക്കു​ന്നില്ല. യേശു​വി​ന്റെ ദൃഷ്ടാ​ന്തങ്ങൾ മിക്ക​പ്പോ​ഴും ഏതാനും ചില വാക്കു​ക​ളെ​ക്കാൾ കൂടുതൽ ആയിരു​ന്നില്ല. (ദൃഷ്ടാ​ന്ത​ത്തിന്‌, മത്തായി 13:31-33; 24:32, 33 കാണുക.) ലളിത​മാ​യി​രി​ക്കു​ന്ന​തിന്‌, സാങ്കേ​തി​ക​സം​ജ്ഞകൾ മനസ്സി​ലാ​കു​ന്ന​താ​യി​രി​ക്കണം. ഒരു ദൃഷ്ടാ​ന്ത​ത്തി​നു വളരെ​യ​ധി​കം വിശദീ​ക​രണം ആവശ്യ​മാ​ണെ​ങ്കിൽ അത്‌ അമിത​മായ ഭാണ്ഡമാണ്‌, അതു തളളി​ക്ക​ള​യു​ക​യോ ലളിത​മാ​ക്കു​ക​യോ ചെയ്യുക.

⁸ യേശു വലിയ കാര്യങ്ങൾ വിശദീ​ക​രി​ക്കാൻ ചെറിയ കാര്യ​ങ്ങ​ളും പ്രയാ​സ​മു​ളള കാര്യങ്ങൾ വിശദീ​ക​രി​ക്കാൻ പ്രയാ​സം​കു​റഞ്ഞ കാര്യ​ങ്ങ​ളും ഉപയോ​ഗി​ച്ചു. ഒരു ദൃഷ്ടാന്തം ഒരു സമയത്തു കണക്കി​ല​ധി​കം ഘടകങ്ങൾ അവതരി​പ്പി​ക്കാ​തെ അനായാ​സം മനസ്സിൽ ചിത്രീ​ക​രി​ക്കാ​വു​ന്ന​താ​യി​രി​ക്കണം. അതു കുറി​ക്കു​കൊ​ള​ളു​ന്ന​തും ഈടു​റ​റ​തു​മാ​യി​രി​ക്കണം. അത്തരം ദൃഷ്ടാ​ന്തങ്ങൾ എളുപ്പ​ത്തിൽ തെററാ​യി പ്രയോ​ഗി​ക്ക​പ്പെ​ടു​ന്നില്ല.

⁹ ഒരു ദൃഷ്ടാന്തം അതു വിശദീ​ക​രി​ക്കാൻ ഉദ്ദേശി​ച്ചി​രി​ക്കുന്ന വിവര​ങ്ങ​ളോ​ടു പൂർണ​മാ​യും സമാന്ത​ര​മാ​ണെ​ങ്കിൽ ഏററവും നല്ലതാണ്‌. ദൃഷ്ടാ​ന്ത​ത്തി​ന്റെ ഏതെങ്കി​ലും വശം അനു​യോ​ജ്യ​മ​ല്ലെ​ങ്കിൽ അത്‌ ഉപയോ​ഗി​ക്കാ​തി​രി​ക്കു​ക​യാ​യിരി​ക്കും മെച്ചം. ആരെങ്കി​ലും യോജി​ക്കാത്ത വശങ്ങ​ളെ​ക്കു​റി​ച്ചു ചിന്തി​ക്കു​ക​യും അതിന്റെ ഫലം നഷ്ടപ്പെ​ടു​ക​യും ചെയ്യും.

10, 11. ദൃഷ്‌ടാ​ന്ത​ങ്ങ​ളു​ടെ പ്രയുക്തത വ്യക്തമാ​ക്കേ​ണ്ട​തെ​ന്തു​കൊ​ണ്ടെന്നു പ്രകട​മാ​ക്കുക.

¹⁰ പ്രയുക്തത വ്യക്തമാ​ക്കു​ന്നു. ഒരു ദൃഷ്ടാ​ന്ത​ത്തി​ന്റെ പ്രയുക്തത കാണി​ക്കു​ന്നി​ല്ലെ​ങ്കിൽ, ചിലർക്കു പോയിൻറു മനസ്സി​ലാ​യേ​ക്കാം, എന്നാൽ അനേകർക്കു മനസ്സി​ലാ​കു​ക​യില്ല. പ്രസം​ഗ​കനു ദൃഷ്ടാന്തം വ്യക്തമാ​യി മനസ്സി​ലു​ണ്ടാ​യി​രി​ക്കണം, അതിന്റെ ഉദ്ദേശ്യം അറിയു​ക​യും വേണം. ദൃഷ്ടാ​ന്ത​ത്തി​ന്റെ മൂല്യം എവിടെ സ്ഥിതി​ചെ​യ്യു​ന്നു​വെന്ന്‌ അയാൾ ലളിത​മാ​യി പ്രസ്‌താ​വി​ക്കണം. (മത്തായി 12:10-12 കാണുക.)

¹¹ ഒരു ദൃഷ്ടാന്തം നിരവധി വിധങ്ങ​ളിൽ ബാധക​മാ​ക്കാൻ കഴിയും. ദൃഷ്ടാ​ന്ത​ത്തി​നു​മു​മ്പോ അതിനു​ശേ​ഷ​മോ കേവലം പ്രസ്‌താ​വി​ക്കുന്ന ഒരു തത്ത്വം സ്ഥാപി​ക്കു​ന്ന​തിന്‌  അത്‌ ഉപയോ​ഗി​ക്കാൻ കഴിയും. ദൃഷ്ടാ​ന്ത​ത്താൽ തെളി​യി​ക്ക​പ്പെ​ടുന്ന വാദത്തി​ന്റെ പരിണ​ത​ഫ​ലങ്ങൾ സ്ഥിര​പ്പെ​ടു​ത്തി​ക്കൊണ്ട്‌ അതു ബാധക​മാ​ക്കാൻ കഴിയും. അല്ലെങ്കിൽ ദൃഷ്ടാ​ന്ത​ത്തി​ലെ പോയിൻറു​കൾക്കു വാദഗ​തി​യോ​ടു​ളള സാദൃ​ശ്യ​ങ്ങ​ളി​ലേക്കു ശ്രദ്ധ ആകർഷി​ച്ചു​കൊ​ണ്ടു​മാ​ത്രം അതു ബാധക​മാ​ക്കാൻ കഴിയും.

12-14. ചേരുന്ന ഒരു ദൃഷ്‌ടാ​ന്തം ഏതെന്നു നിർണ​യി​ക്കു​ന്ന​തിന്‌ എന്തു സഹായി​ക്കും?

¹² പ്രധാ​ന​പ്പെട്ട പോയിൻറു​കൾ ദൃഢീ​ക​രി​ക്കു​ന്നു. നിങ്ങൾ ഒരു ദൃഷ്ടാ​ന്ത​ത്തെ​ക്കു​റി​ച്ചു ചിന്തി​ക്കാ​നി​ട​യാ​യ​തു​കൊ​ണ്ടു​മാ​ത്രം അത്‌ ഉപയോ​ഗി​ക്ക​രുത്‌. മുഖ്യ പോയിൻറു​കൾ എന്താ​ണെന്ന്‌ അറിയാൻ പ്രസംഗം അപഗ്ര​ഥി​ക്കു​ക​യും അനന്തരം അവ വ്യക്തമാ​യി മനസ്സി​ലാ​ക്കി​ക്കൊ​ടു​ക്കു​ന്ന​തി​നു സഹായി​ക്കാൻ ദൃഷ്ടാ​ന്തങ്ങൾ തിര​ഞ്ഞെ​ടു​ക്കു​ക​യും ചെയ്യുക. ചെറിയ പോയിൻറു​കൾക്കു ശക്തമായ ദൃഷ്ടാ​ന്തങ്ങൾ ഉപയോ​ഗി​ക്കു​ക​യാ​ണെ​ങ്കിൽ സദസ്യർ മുഖ്യ പോയിൻറു​കൾക്കു പകരം ചെറിയ പോയിൻറു​കൾ ഓർത്തി​രു​ന്നേ​ക്കാം. (മത്തായി 18:21-35; 7:24-27 കാണുക.)

¹³ ദൃഷ്ടാന്തം വാദഗ​തി​യെ മറയ്‌ക്ക​രുത്‌. സദസ്സ്‌ ഓർത്തി​രി​ക്കു​ന്നത്‌ അതായി​രു​ന്നേ​ക്കാം, എന്നാൽ ദൃഷ്ടാന്തം മനസ്സി​ലേക്കു വരു​മ്പോൾ, അതു പ്രദീ​പ്‌ത​മാ​ക്കാൻ ഉദ്ദേശി​ച്ചി​രുന്ന പോയിൻറും മനസ്സി​ലേക്കു തിരികെ വരണം. അതു വരുന്നി​ല്ലെ​ങ്കിൽ, ദൃഷ്ടാന്തം കണക്കി​ല​ധി​കം പ്രമു​ഖ​മാ​യി​ത്തീർന്നി​രി​ക്കു​ന്നു.

¹⁴ ഒരു പ്രസംഗം തയ്യാറാ​കു​ക​യും ദൃഷ്ടാ​ന്തങ്ങൾ തിര​ഞ്ഞെ​ടു​ക്കു​ക​യും ചെയ്യു​മ്പോൾ ഊന്നി​പ്പ​റ​യേണ്ട പോയിൻറു​ക​ളോ​ടു​ളള താരത​മ്യ​ത്തിൽ ദൃഷ്ടാ​ന്ത​ത്തി​ന്റെ മൂല്യം തൂക്കി​നോ​ക്കുക. അത്‌ ഈ പോയിൻറു​കളെ പ്രബലി​ത​മാ​ക്കു​ന്നു​വോ? അത്‌ അവ മുന്തി​നിൽക്കാ​നി​ട​യാ​ക്കു​ന്നു​വോ? അതു പോയിൻറു​കൾ മനസ്സി​ലാ​ക്കാ​നും ഓർക്കാ​നും എളുപ്പ​മാ​ക്കു​ന്നു​വോ? ഇല്ലെങ്കിൽ, അത്‌ അനു​യോ​ജ്യ​മായ ഒരു ദൃഷ്ടാ​ന്തമല്ല.

**********

15, 16. ദൃഷ്‌ടാ​ന്തങ്ങൾ സദസ്സിന്‌ അനു​യോ​ജ്യ​മാ​യി​രി​ക്കേ​ണ്ട​തെ​ന്തു​കൊ​ണ്ടെന്നു വിശദീ​ക​രി​ക്കുക.

¹⁵ ദൃഷ്ടാ​ന്തങ്ങൾ വിവര​ങ്ങൾക്ക​നു​യോ​ജ്യ​മാ​യി​രി​ക്ക​ണ​മെന്നു മാത്രമല്ല, അവ നിങ്ങളു​ടെ സദസ്സിന്‌ അനുരൂ​പ​മാ​ക്കു​ക​യും വേണം. ഇതു ഗുണ​ദോഷ ഫാറത്തിൽ “ദൃഷ്ടാ​ന്തങ്ങൾ സദസ്യർക്ക​നു​യോ​ജ്യം” എന്നു വേറിട്ടു പട്ടിക​പ്പെ​ടു​ത്തി​യി​രി​ക്കു​ന്നു. ബത്ത്‌-ശേബയു​മാ​യു​ളള ദാവീ​ദി​ന്റെ പാപത്തിൽ അദ്ദേഹത്തെ തിരു​ത്താൻ നാഥാനെ വിളി​ച്ച​പ്പോൾ അദ്ദേഹം ഒരു സാധു​മ​നു​ഷ്യ​ന്റെ​യും അയാളു​ടെ ഏക ആട്ടിൻകു​ട്ടി​യു​ടെ​യും ദൃഷ്ടാന്തം തിര​ഞ്ഞെ​ടു​ത്തു. (2 ശമൂ. 12:1-6) ഈ ദൃഷ്ടാന്തം നയപൂർവ​ക​മാ​യി​രു​ന്നു​വെ​ന്നു​മാ​ത്രമല്ല, അതു ദാവീ​ദിന്‌ അനു​യോ​ജ്യ​വു​മാ​യി​രു​ന്നു, കാരണം അദ്ദേഹം ഒരു ഇടയനാ​യി​രു​ന്നു. അദ്ദേഹ​ത്തി​നു പെട്ടെന്നു പോയിൻറ്‌ പിടി​കി​ട്ടി.

¹⁶ സദസ്സിലെ മിക്കവ​രും പ്രായ​മു​ള​ള​വ​രാ​ണെ​ങ്കിൽ ചെറു​പ്പ​ക്കാർക്കു​മാ​ത്രം ആകർഷ​ക​മായ ദൃഷ്ടാ​ന്തങ്ങൾ ഉപയോ​ഗി​ക്ക​രുത്‌. എന്നാൽ കോ​ളെജ്‌ വിദ്യാർഥി​ക​ളു​ടെ ഒരു സംഘത്തിന്‌ അത്തരം ദൃഷ്ടാ​ന്തങ്ങൾ തികച്ചും ഉചിത​മാ​യി​രി​ക്കാം. ചില​പ്പോൾ പ്രായ​മു​ള​ള​വ​രും ചെറു​പ്പ​ക്കാ​രും പുരു​ഷൻമാ​രും സ്‌ത്രീ​ക​ളു​മ​ട​ങ്ങിയ ഒരു സദസ്സി​നു​വേണ്ടി രണ്ടു വിപരീ​ത​വീ​ക്ഷ​ണ​ങ്ങ​ളിൽ ദൃഷ്ടാ​ന്ത​ങ്ങളെ സമീപി​ക്കാൻ കഴിയും.

17-19. ദൃഷ്ടാ​ന്തങ്ങൾ നിങ്ങളു​ടെ സദസ്സിന്‌ ആകർഷ​ക​മാ​കു​ന്ന​തിന്‌ അവ എവി​ടെ​നിന്ന്‌ എടു​ക്കേ​ണ്ട​താണ്‌?

¹⁷ പരിചി​ത​മായ സാഹച​ര്യ​ങ്ങ​ളിൽനിന്ന്‌ അടർത്തി​യെ​ടു​ക്കു​ന്നു. ദൃഷ്ടാ​ന്തങ്ങൾ ഉളവാ​ക്കു​ന്ന​തി​നു നിങ്ങൾ സമീപ​ത്തു​ളള വസ്‌തു​ക്കളെ ഉപയോ​ഗി​ക്കു​ന്നു​വെ​ങ്കിൽ അവ നിങ്ങളു​ടെ സദസ്സിനു പരിചി​ത​മാ​യി​രി​ക്കും. യേശു ഇതു ചെയ്‌തു. കിണറ​റി​ങ്കലെ സ്‌ത്രീ​യോ​ടാ​യി അവിടു​ന്നു തന്റെ ജീവദാ​യ​ക​ഗു​ണ​ങ്ങളെ വെളള​ത്തോട്‌ ഉപമിച്ചു. അവിടു​ന്നു ജീവി​ത​ത്തി​ലെ അപൂർവ കാര്യ​ങ്ങ​ളെയല്ല, നിസ്സാര  സംഗതി​കളെ ആശ്രയി​ച്ചു. അവിടു​ത്തെ ദൃഷ്ടാ​ന്തങ്ങൾ തന്റെ സദസ്സി​ലു​ള​ള​വ​രു​ടെ മനസ്സിൽ അനായാ​സം ഒരു ചിത്രം നൽകി, അല്ലെങ്കിൽ അവ തങ്ങളുടെ സ്വന്തം ജീവി​ത​ത്തി​ലെ വ്യക്തി​പ​ര​മായ ഏതെങ്കി​ലും അനുഭ​വത്തെ പെട്ടെന്ന്‌ അവരെ അനുസ്‌മ​രി​പ്പി​ച്ചു. അവിടു​ന്നു പഠിപ്പി​ക്കാൻ ദൃഷ്ടാ​ന്തങ്ങൾ ഉപയോ​ഗി​ച്ചു.

¹⁸ ഇന്നും അതു​പോ​ലെ​യാണ്‌. വീട്ടമ്മ​മാർക്കു ബിസി​ന​സ്‌ലോ​ക​ത്തെ​ക്കു​റിച്ച്‌ അറിയാ​മാ​യി​രി​ക്കും, എന്നാൽ അവരുടെ അനുദി​ന​ജീ​വി​ത​ത്തി​ലെ കാര്യ​ങ്ങൾകൊണ്ട്‌, അവരുടെ മക്കൾ, അവരുടെ ഗാർഹി​ക​ക​ട​മകൾ, വീട്ടിൽ ഉപയോ​ഗി​ക്കുന്ന സാമ​ഗ്രി​കൾ എന്നിങ്ങ​നെ​യു​ളള ദൃഷ്ടാ​ന്ത​ങ്ങ​ളാൽ നിങ്ങളു​ടെ പ്രസ്‌താ​വ​ന​കളെ വിശദ​മാ​ക്കു​ന്നു​വെ​ങ്കിൽ അതാണു മെച്ചം.

¹⁹ തീർച്ച​യാ​യും തദ്ദേശീ​യ​മായ എന്തി​നെ​യെ​ങ്കി​ലും, ഒരുപക്ഷേ ആ പ്രത്യേക പ്രദേ​ശ​ത്തി​നു മാത്ര​മു​ളള എന്തി​നെ​യെ​ങ്കി​ലും, അടിസ്ഥാ​ന​പ്പെ​ടു​ത്തി​യു​ളള ദൃഷ്ടാ​ന്ത​ങ്ങ​ളും ഫലകര​മാണ്‌. പ്രാ​ദേ​ശി​ക​വാർത്ത​ക​ളി​ലെ ഇനങ്ങൾപോ​ലെ ജനസമു​ദാ​യ​ത്തിൽ സുപ്ര​സി​ദ്ധ​മായ ഒടുവി​ലത്തെ സംഭവ​ങ്ങ​ളും ഹിതക​ര​മെ​ങ്കിൽ ഉചിത​മാണ്‌.

20-22. ദൃഷ്ടാ​ന്ത​ങ്ങ​ളു​ടെ ഉപയോ​ഗ​ത്തിൽ ഒഴിവാ​ക്കേണ്ട ചില കെണികൾ പറയുക.

²⁰ ഹിതകരം. ഉപയോ​ഗി​ക്ക​പ്പെ​ടുന്ന ഏതു ദൃഷ്ടാ​ന്ത​വും ഒരു ബൈബിൾചർച്ചക്കു ചേരു​ന്ന​താ​യി​രി​ക്കണം. പ്രസ്‌പ​ഷ്ട​മാ​യി ദൃഷ്ടാ​ന്തങ്ങൾ ധാർമി​ക​ത​യു​ടെ കാര്യ​ത്തിൽ സംശയ​മു​ള​വാ​ക്കു​ന്നത്‌ ആയിരി​ക്ക​രുത്‌. തെററാ​യി വ്യാഖ്യാ​നി​ക്ക​പ്പെ​ടു​മെ​ങ്കിൽ ദ്വയാർഥ​മു​ളള പ്രസ്‌താ​വ​നകൾ ഒഴിവാ​ക്കുക. സംശയ​മു​ണ്ടെ​ങ്കിൽ വിട്ടേ​ക്കുക എന്നതാണ്‌ അനുവർത്തി​ക്കാ​വുന്ന ഒരു നല്ല നയം.

²¹ ദൃഷ്ടാ​ന്തങ്ങൾ നിങ്ങളു​ടെ സദസ്സിലെ ഒരുത്ത​രെ​യും അനാവ​ശ്യ​മാ​യി മുഷി​പ്പി​ക്ക​രുത്‌, വിശേ​ഷാൽ പുതു​താ​യി സഹവസി​ക്കു​ന്ന​വരെ. ഈ കാരണ​ത്താൽ, നിങ്ങളു​ടെ ചർച്ചയിൽ യഥാർഥ​ത്തിൽ പ്രശ്‌ന​മാ​യി​രി​ക്കാത്ത ഉപദേ​ശ​പ​ര​മോ വിവാ​ദാ​ത്മ​ക​മോ ആയ കാര്യങ്ങൾ ഉന്നയി​ക്കു​ന്നതു നന്നായി​രി​ക്ക​യില്ല. ഉദാഹ​ര​ണ​ത്തിന്‌, നിങ്ങൾ രക്തപ്പകർച്ച​യോ പതാകാ​വ​ന്ദ​ന​മോ പോലു​ളള ഒരു ദൃഷ്ടാന്തം ഉപയോ​ഗി​ക്കു​ക​യില്ല, പ്രസം​ഗ​ത്തി​ന്റെ മുഖ്യ പോയിൻറ്‌ അങ്ങനെ​യു​ള​ള​വ​യ​ല്ലെ​ങ്കിൽ. ആരെങ്കി​ലും പിൻവാ​ങ്ങി​യേ​ക്കാം, അല്ലെങ്കിൽ ഇടറി​യേ​ക്കാം. നിങ്ങളു​ടെ പ്രസം​ഗ​ത്തി​ലെ ഒരു പോയിൻറ്‌ അങ്ങനെ​യു​ളള കാര്യങ്ങൾ ചർച്ച​ചെ​യ്യു​ക​യെ​ന്ന​താ​ണെ​ങ്കിൽ അതു വ്യത്യ​സ്‌ത​മാണ്‌. അപ്പോൾ അവയെ​സം​ബ​ന്ധി​ച്ചു ന്യായ​വാ​ദം ചെയ്യാ​നും നിങ്ങളു​ടെ സദസ്സിനെ ബോധ്യ​പ്പെ​ടു​ത്താ​നും നിങ്ങൾക്ക്‌ ഒരു അവസര​മുണ്ട്‌. എന്നാൽ നിങ്ങൾ ചർച്ച​ചെ​യ്യുന്ന മൂല്യ​വ​ത്തായ സത്യങ്ങൾക്കെ​തി​രെ നിങ്ങളു​ടെ സദസ്സിനു മുൻവി​ധി​യു​ള​വാ​കാൻ അനുവ​ദി​ച്ചു​കൊ​ണ്ടു നിങ്ങളു​ടെ ഉദ്ദേശ്യ​ത്തെ പരാജ​യ​പ്പെ​ടു​ത്ത​രുത്‌.

²² അതു​കൊണ്ട്‌, നിങ്ങളു​ടെ ദൃഷ്ടാ​ന്തങ്ങൾ തിര​ഞ്ഞെ​ടു​ക്കു​ന്ന​തിൽ വിവേചന ഉപയോ​ഗി​ക്കുക. അവ അനു​യോ​ജ്യ​മാ​ണെന്നു തിട്ട​പ്പെ​ടു​ത്തുക. അവ നിങ്ങളു​ടെ വിവര​ങ്ങൾക്കും സദസ്സി​നും ചേരു​ന്ന​താ​ണെ​ങ്കിൽ അവ അങ്ങനെ​യാ​യി​രി​ക്കും.

[അധ്യയന ചോദ്യ​ങ്ങൾ]