പാഠം 11

എല്ലാ ദിവസ​വും നല്ല സംസാരം ഉപയോ​ഗി​ക്കൽ

1. നമ്മുടെ സംസാ​രത്തെ യഹോ​വക്കു പ്രസാ​ദ​ക​ര​മാ​ക്കു​ന്ന​തെന്ത്‌?

¹ “യഹോവേ, എന്റെ വായിലെ വാക്കു​ക​ളും . . . നിനക്കു പ്രസാ​ദ​മാ​യി​രി​ക്കു​മാ​റാ​കട്ടെ.” (സങ്കീ. 19:14) ഇതു നമ്മുടെ കാര്യ​ത്തിൽ സത്യമാ​യി​രി​ക്കു​ന്ന​തിന്‌, നാം ശരിയായ കാര്യ​ങ്ങ​ളെ​ക്കു​റിച്ച്‌ ഒരു ദൈവ​ദാ​സനു യോജി​ക്കുന്ന രീതി​യിൽ സംസാ​രി​ക്കേ​ണ്ട​തുണ്ട്‌. രാജ്യ​ഹാ​ളി​ലോ വയൽശു​ശ്രൂ​ഷ​യി​ലോ ആയിരി​ക്കു​മ്പോൾ മാത്രമല്ല, എല്ലാ ദിവസ​വും നാം വിശ്വ​സ്‌ത​ദൈ​വ​ദാ​സ​രാ​ണെന്നു നമ്മുടെ സംസാരം തെളി​യി​ക്കാൻ നാം ആഗ്രഹി​ക്കു​ന്നു. അപ്പോൾ നാം നമ്മുടെ ഭവനങ്ങ​ളി​ലും ജോലി​സ്ഥ​ല​ത്തും സ്‌കൂ​ളി​ലും ഉപയോ​ഗി​ക്കുന്ന ഭാഷ നമ്മുടെ ശുശ്രൂ​ഷക്ക്‌ അനുകൂ​ല​ഫലം കൈവ​രു​ത്തും.—2 കൊരി. 6:3.

2, 3. നമ്മുടെ സംസാ​ര​രീ​തി​യും വാക്കു​ക​ളു​ടെ തിര​ഞ്ഞെ​ടു​പ്പും പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

² നമ്മുടെ സംസാ​ര​രീ​തി പ്രധാ​ന​മാണ്‌. ഇതിൽ നമ്മുടെ മുഖഭാ​വ​വും സ്വരവും പോലും ഉൾപ്പെ​ടു​ന്നു. യഹോ​വ​യു​ടെ ദാസരെന്ന നിലയി​ലു​ളള നമ്മുടെ സന്തുഷ്ടി നമ്മുടെ മുഖത്തു പ്രകട​മാ​യി​രി​ക്കണം. ഒരു സൗഹൃ​ദ​രീ​തി​യും ഊഷ്‌മ​ള​മായ പുഞ്ചി​രി​യും ആളുകളെ ആകർഷി​ക്കു​ന്നു. നാം സംസാ​രി​ക്കുന്ന ബൈബിൾസ​ത്യ​ങ്ങൾ ഗൗരവ​മു​ള​ള​വ​യാ​ണെ​ന്നി​രി​ക്കെ, അവ ഹൃദ​യോ​ദ്ദീ​പ​ക​വു​മാണ്‌. അതു​കൊണ്ട്‌ ഉത്സാഹ​ഭ​രി​ത​രാ​യി​രി​ക്കുക! “നിർജീ​വ​മായ” സംസാരം നമ്മുടെ പ്രത്യാ​ശാ​സ​ന്ദേ​ശ​ത്തി​നു ചേരു​ന്നതല്ല.

³ നിങ്ങൾ നല്ല സംസാരം പരിചി​ത​മാ​ക്കു​മ്പോൾ വാക്കു​കൾക്കും ശൈലി​കൾക്കും “വ്യക്തി​ത്വം” ഉണ്ടെന്നു നിങ്ങൾ തിരി​ച്ച​റി​യും. അവ കയ്‌പു​ള​ള​തോ മധുര​മു​ള​ള​തോ മൃദു​ല​മോ കടുത്ത​തോ സൗഹാർദ​പ​ര​മോ ശത്രു​താ​പ​ര​മോ കെട്ടു​പ​ണി​ചെ​യ്യു​ന്ന​തോ ധൈര്യം കെടു​ത്തു​ന്ന​തോ ആയിരി​ക്കാൻ കഴിയും. അപ്പോൾ ശരിയായ പദമോ ശൈലി​യോ തിര​ഞ്ഞെ​ടു​ക്കു​ന്നതു മർമ​പ്ര​ധാ​ന​മാണ്‌. സത്യവ​ച​നങ്ങൾ,  രാജ്യ​ത്തി​ന്റെ സുവാർത്ത, ഉൾപ്പെ​ട്ടി​രി​ക്കു​മ്പോൾ ഇതു വിശേ​ഷാൽ അങ്ങനെ​ത​ന്നെ​യാണ്‌.

4. നമുക്കു നമ്മുടെ പദസമ്പത്ത്‌ എങ്ങനെ വിപു​ല​പ്പെ​ടു​ത്താം?

⁴ നിങ്ങളു​ടെ പദസമ്പത്തു വിപു​ല​മാ​ക്കൽ. ഏതു നിഘണ്ടു​വി​ലേ​ക്കു​മു​ളള ഒരു എത്തി​നോ​ട്ടം പ്രകട​മാ​ക്കു​ന്ന​തു​പോ​ലെ, യഹോ​വയെ സ്‌തു​തി​ക്കു​ന്ന​തിന്‌ ഉപയോ​ഗി​ക്കാ​വുന്ന പദങ്ങൾക്കു കുറവില്ല. എന്നാൽ ചോദ്യം ഇതാണ്‌, ലഭ്യമായ പദശേ​ഖരം നിങ്ങൾ എത്ര നന്നായി ഉപയോ​ഗി​ക്കു​ന്നു? വായി​ക്കു​മ്പോൾ നിങ്ങൾക്കു പൂർണ​മാ​യി മനസ്സി​ലാ​കാത്ത വാക്കുകൾ നിഘണ്ടു​വിൽ നോക്കു​ന്നു​ണ്ടോ, അല്ലെങ്കിൽ ലേഖനം വായി​ച്ചു​ക​ഴി​യു​മ്പോൾ നിഘണ്ടു നോക്കു​ന്ന​തിന്‌ അടയാ​ള​പ്പെ​ടു​ത്തു​ന്നു​ണ്ടോ? ഇതു നിങ്ങളു​ടെ പദസമ്പത്തു വർധി​പ്പി​ക്കു​ന്ന​തി​നു നിങ്ങളെ സഹായി​ക്കും. നിങ്ങൾക്ക​റി​യാ​വു​ന്ന​തും എന്നാൽ അനുദി​ന​സം​സാ​ര​ത്തിൽ ഉപയോ​ഗി​ക്കാ​ത്ത​തു​മായ അനേകം വാക്കുകൾ ഉണ്ടെന്നും നിങ്ങൾ കണ്ടെത്തും. ഉചിത​മാ​യി​രി​ക്കു​മ്പോൾ അവ ഉപയോ​ഗി​ക്കു​ന്ന​തിന്‌ ഒരു ബോധ​പൂർവ​ക​മായ ശ്രമം നടത്തുക. നന്നായി സംസാ​രി​ക്കാ​നു​ളള പ്രാപ്‌തി നട്ടുവ​ളർത്തി​ക്കൊ​ണ്ടി​രി​ക്കു​ന്നത്‌ ഒരു ക്രിസ്‌തീയ ശുശ്രൂ​ഷകൻ അല്ലെങ്കിൽ വിദ്യാർഥി എന്ന നിലയിൽ നിങ്ങളു​ടെ താത്‌പ​ര്യ​ത്തിന്‌ അനുഗു​ണ​മാണ്‌.

5, 6. വാക്കുകൾ ഉചിത​മാ​യി ഉപയോ​ഗി​ക്കാൻ പഠിക്കു​ന്ന​തിന്‌ എന്തു നമ്മെ സഹായി​ക്കും?

⁵ ഉചിത​മായ പദം ഉപയോ​ഗി​ക്കാൻ പഠിക്കുക. രണ്ടു പദങ്ങൾക്കു വ്യത്യസ്‌ത സാഹച​ര്യ​ങ്ങ​ളിൽ ഉപയോ​ഗി​ക്കു​ന്ന​തിന്‌, സമാന​മെ​ങ്കി​ലും അല്‌പം വ്യത്യ​സ്‌ത​മായ അർഥങ്ങൾ ഉണ്ടായി​രി​ക്കാം. നിങ്ങൾ ഇതു കുറി​ക്കൊ​ള​ളു​ന്നു​വെ​ങ്കിൽ, നിങ്ങളു​ടെ ശ്രോ​താ​ക്കളെ മുഷി​പ്പി​ക്കു​ന്നത്‌ ഒഴിവാ​ക്കു​ക​യും നിങ്ങളു​ടെ സംസാ​ര​ത്തി​ന്റെ വ്യക്തതയെ മെച്ച​പ്പെ​ടു​ത്തു​ക​യും ചെയ്യും. ഒരു നല്ല നിഘണ്ടു നോക്കു​ന്നതു സഹായ​ക​മാണ്‌. ചില നിഘണ്ടു​ക്കൾ ഓരോ പദത്തി​നും കീഴിൽ അതിന്റെ പര്യാ​യ​പ​ദ​ങ്ങ​ളും (സർവസ​മ​മ​ല്ലെ​ങ്കി​ലും സമാന​മായ അർഥമു​ളള പദങ്ങൾ) വിപരീ​ത​പ​ദ​ങ്ങ​ളും (ഏറെക്കു​റെ വിപരീ​താർഥ​മു​ളള പദങ്ങൾ) കൊടു​ക്കു​ന്നു. അങ്ങനെ ഒരേ ആശയത്തി​നു വിഭിന്ന പദങ്ങൾ മാത്രമല്ല, വ്യത്യസ്‌ത അർഥ​ഭേ​ദ​ങ്ങ​ളും നിങ്ങൾ കാണുന്നു. ഉചിത​മായ സാഹച​ര്യ​ങ്ങൾക്ക്‌ ഉചിത​മായ പദം തേടു​മ്പോൾ ഇതു വളരെ സഹായ​ക​മാണ്‌. ഉചിത​മായ പദത്തിന്റെ ഉപയോ​ഗം അനാവ​ശ്യ​മാ​യി നീട്ടി​ക്കെട്ടി പറയു​ന്ന​തിൽനി​ന്നു നിങ്ങളെ തടയു​ക​യും കാര്യ​ത്തി​ലേക്കു വരാൻ നിങ്ങളെ സഹായി​ക്കു​ക​യും ചെയ്യുന്നു. പദബാ​ഹു​ല്യം ആശയങ്ങളെ മുക്കി​ക്ക​ള​യാൻ പ്രവണത കാട്ടുന്നു. അതു​കൊണ്ട്‌ ഏതാനും വാക്കു​ക​ളിൽ ആശയ​പ്ര​ക​ടനം നടത്താൻ ശീലി​ക്കുക. നിങ്ങൾ അതു നന്നായി ചെയ്യു​മ്പോൾ ഭംഗി​യും അർഥവും കൂട്ടുന്ന വർണനാ​ത്മ​ക​പ​ദ​ങ്ങൾകൊ​ണ്ടു നിങ്ങളു​ടെ ആശയ​പ്ര​കാ​ശ​നത്തെ വൈവി​ധ്യ​മാർന്ന​താ​ക്കാൻ തുടങ്ങുക.

⁶ നിങ്ങൾ നിങ്ങളു​ടെ പദസമ്പത്തു വിപു​ല​മാ​ക്കു​മ്പോൾ, പുതിയ വാക്കു​ക​ളു​ടെ അടിസ്ഥാ​ന​ത്തിൽ മാത്രം ചിന്തി​ക്കാ​തെ പ്രത്യേക സ്വഭാ​വ​വി​ശേ​ഷ​ത​ക​ളു​ളള വാക്കുകൾ പരിചി​ന്തി​ക്കുക: വീര്യം പ്രകട​മാ​ക്കുന്ന ക്രിയ​ക​ളും ഭംഗി പകരുന്ന നാമവി​ശേ​ഷ​ണ​ങ്ങ​ളും വിരസത ഒഴിവാ​ക്കാൻ സഹായി​ക്കുന്ന സംക്ര​മ​ണ​പ​ദ​ങ്ങ​ളും ഊഷ്‌മളത പ്രകട​മാ​ക്കു​ന്ന​തും ദയാസ്വ​ര​ത്തി​ലു​ള​ള​തു​മായ പദങ്ങളും തന്നെ. സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ വായി​ക്കു​മ്പോൾ തിര​ഞ്ഞെ​ടു​ക്കാൻ കഴിയുന്ന വൈവി​ധ്യ​മാർന്ന ഒട്ടേറെ പദങ്ങളും ശൈലി​ക​ളും നിങ്ങൾക്കു കുറി​ക്കൊ​ള​ളാൻ കഴിയും.

7, 8. വിപു​ല​മായ ഒരു പദസമ്പ​ത്തി​നോ​ടു​ളള ബന്ധത്തിൽ ഏത്‌ അപകട​ങ്ങ​ളെ​ക്കു​റി​ച്ചു നാം അറിഞ്ഞി​രി​ക്കണം?

⁷ തീർച്ച​യാ​യും വിപു​ല​മായ ഒരു പദസമ്പ​ത്തി​ന്റെ ഉദ്ദേശ്യം കഴിവു പ്രദർശി​പ്പി​ക്കുക എന്നതല്ല. നമ്മുടെ ലക്ഷ്യം നമ്മുടെ കേൾവി​ക്കാ​രിൽ വ്യക്തി​പ​ര​മായ ഒരു  മതിപ്പു​ള​വാ​ക്കുക എന്നതല്ല, വിവരങ്ങൾ ധരിപ്പി​ക്കുക എന്നതാണ്‌. നമ്മുടെ വീക്ഷണം അപ്പോ​സ്‌ത​ല​നായ പൗലോസ്‌ പ്രകട​മാ​ക്കി​യ​തി​നോ​ടു യോജി​പ്പി​ലാ​യി​രി​ക്കണം: “സഭയിൽ പതിനാ​യി​രം വാക്കു അന്യഭാ​ഷ​യിൽ സംസാ​രി​ക്കു​ന്ന​തി​നെ​ക്കാൾ അധികം മററു​ള​ള​വ​രെ​യും പഠിപ്പി​ക്കേ​ണ്ട​തി​ന്നു ബുദ്ധി​കൊ​ണ്ടു അഞ്ചുവാ​ക്കു പറവാൻ ഞാൻ ഇച്ഛിക്കു​ന്നു.” (1 കൊരി. 14:9, 19) ഒരുവന്റെ സംസാരം മനസ്സി​ലാ​ക്കു​ന്ന​തി​നു വളരെ പ്രയാ​സ​മാ​ണെ​ങ്കിൽ അത്‌ അന്യഭാ​ഷ​യിൽ സംസാ​രി​ക്കു​ന്ന​തു​പോ​ലെ​തന്നെ ആയിരി​ക്കാം. അതു​പോ​ലെ​തന്നെ, വിശദാം​ശ​ങ്ങൾക്കു വിലക​ല്‌പി​ക്കു​ക​യി​ല്ലാ​ത്ത​വ​രു​ടെ കാര്യ​ത്തിൽ അനാവ​ശ്യ​മാ​യി സാങ്കേ​തി​ക​മാ​കു​ന്നത്‌ ഒഴിവാ​ക്കു​ന്നതു ജ്ഞാനമാണ്‌. സാധാരണ സംഭാ​ഷ​ണ​ത്തിൽപോ​ലും സങ്കീർണ​മായ സംസാ​രം​കൊ​ണ്ടും നീണ്ട പദങ്ങൾകൊ​ണ്ടും നമ്മുടെ ശ്രോ​താ​ക്ക​ളിൽ മതിപ്പു​ള​വാ​ക്കാൻ നാം ശ്രമി​ക്ക​രുത്‌. നമുക്കു പറയാ​നു​ള​ളതു നമ്മുടെ ശ്രോ​താ​ക്കൾ ഗ്രഹി​ക്കു​ന്നതു കൂടുതൽ പ്രധാ​ന​മാണ്‌. സദൃശ​വാ​ക്യ​ങ്ങൾ 15:2 അനുസ​രിച്ച്‌, “ജ്ഞാനി​യു​ടെ നാവു നല്ല പരിജ്ഞാ​നം പ്രസ്‌താ​വി​ക്കു​ന്നു” എന്ന്‌ ഓർക്കുക. എളുപ്പം മനസ്സി​ലാ​കുന്ന നല്ല വാക്കു​ക​ളു​ടെ തിര​ഞ്ഞെ​ടുപ്പ്‌, നമ്മുടെ സംസാരം അവ്യക്ത​വും അരസി​ക​വു​മാ​യി​രി​ക്കാ​തെ നവോൻമേ​ഷ​പ്ര​ദ​വും ഉത്തേജ​ക​വു​മാ​യി​രി​ക്കാൻ സഹായി​ക്കു​ന്നു.—കൊലൊ. 4:6.

⁸ വാക്കുകൾ ശരിയാ​യി പറയാൻ പഠിക്കു​ന്ന​തും മൂല്യ​വ​ത്താണ്‌. അവ ശരിയാ​യി ഉച്ചരി​ക്കുക. നിങ്ങൾക്ക്‌ ഒരു നിഘണ്ടു പരി​ശോ​ധി​ക്കാ​വു​ന്ന​താണ്‌, ചില വാക്കുകൾ മററു​ള​ളവർ ഉച്ചരി​ക്കു​ന്നത്‌ എങ്ങനെ​യാ​ണെന്നു നിരീ​ക്ഷി​ക്കാ​വു​ന്ന​തു​മാണ്‌. ഇത്‌ ഉച്ചാര​ണ​ത്തി​ലു​ളള അശ്രദ്ധ ഒഴിവാ​ക്കാൻ നിങ്ങളെ സഹായി​ക്കും. അനുദിന സംസാ​ര​ത്തിൽ ഒഴിവാ​ക്കേണ്ട മററ്‌ അപകടങ്ങൾ വാക്കു​ക​ളു​ടെ അസ്‌പ​ഷ്ട​മായ ഉച്ചാര​ണ​വും വാക്കു​ക​ളു​ടെ അവസാ​ന​ഭാ​ഗങ്ങൾ വിഴു​ങ്ങു​ന്ന​തു​മാണ്‌. നിങ്ങളു​ടെ പല്ലിനി​ട​യി​ലൂ​ടെ സംസാ​രി​ക്ക​രുത്‌. നല്ല സംസാ​ര​രീ​തി ഉപയോ​ഗി​ക്കുക. വ്യക്തമാ​യി ഉച്ചരി​ക്കാൻ നിങ്ങളു​ടെ വായ്‌ പൊളി​ക്കുക.

9-12. നാം ഏതു തരം സംസാരം ഒഴിവാ​ക്കണം, എന്തു​കൊണ്ട്‌?

⁹ ഒഴിവാ​ക്കേണ്ട ഭാഷ. നമ്മുടെ അനുദിന ജീവി​ത​ത്തിൽ ഏതുതരം ഭാഷ ഒഴിവാ​ക്ക​ണ​മെ​ന്ന​തു​സം​ബ​ന്ധി​ച്ചു ദൈവ​വ​ചനം നമ്മെ വഴികാ​ട്ടു​ന്നു. ദൃഷ്ടാ​ന്ത​ത്തിന്‌, അപ്പോ​സ്‌ത​ല​നായ പൗലോസ്‌ “കളിവാ​ക്കു” പോലെ “ചേർച്ച​യ​ല്ലാ​ത്തവ” ഒഴിവാ​ക്കാൻ നമ്മെ ബുദ്ധ്യു​പ​ദേ​ശി​ക്കു​ന്നു. (എഫെ. 5:3, 4) അശ്ലീല​വും അസഭ്യ​വു​മായ വാക്കു​ക​ളും ശൈലി​ക​ളും നാം ഒഴിവാ​ക്കണം. പൗലോസ്‌ ഇങ്ങനെ​യും എഴുതി: “കേൾക്കു​ന്ന​വർക്കു കൃപ ലഭി​ക്കേ​ണ്ട​തി​ന്നു ആവശ്യം​പോ​ലെ ആത്മിക​വർദ്ധ​നെ​ക്കാ​യി നല്ല വാക്കല്ലാ​തെ ആകാത്തതു ഒന്നും നിങ്ങളു​ടെ വായിൽനി​ന്നു പുറ​പ്പെ​ട​രു​തു.” (എഫെ. 4:29) അതു​കൊ​ണ്ടു ക്രിസ്‌ത്യാ​നി​കൾ ചീത്തവാ​ക്കു​ക​ളും പരുഷ​മായ സംസാ​ര​വും ഒഴിവാ​ക്കി​യേ തീരൂ. അങ്ങനെ​യു​ളള ഭാഷ തങ്ങൾ പറയു​ന്ന​തി​നു ദൃഢത കൊടു​ക്കു​ന്നു​വെന്നു ചിലർ വിചാ​രി​ക്കു​ന്നു. എന്നാൽ ശക്തമായ അനേകം നല്ല വാക്കു​ക​ളുണ്ട്‌. അങ്ങനെ​യു​ളള ആളുക​ളോ​ടു സംസാ​രി​ക്കു​മ്പോൾ നാം അവരുടെ പരുഷ​മായ സംസാ​രത്തെ അനുക​രി​ക്കേണ്ട ആവശ്യ​മില്ല. ലളിത​മായ ഭാഷ സഹായ​ക​മാ​യി​രി​ക്കാ​വു​ന്ന​താണ്‌, എന്നാൽ അതു ശുദ്ധവും ശരിയു​മാ​യി​രി​ക്കണം.

¹⁰ വ്യാക​ര​ണ​പ്ര​യോ​ഗ​ത്തി​നു വിരു​ദ്ധ​മായ ചില പദങ്ങളും സംസാ​ര​രീ​തി​യും​കൂ​ടെ ഒഴിവാ​ക്കണം. അത്തരം സംസാരം മിക്ക​പ്പോ​ഴും ലൗകി​ക​വി​നോ​ദകർ ഉപയോ​ഗി​ക്കു​ന്ന​തോ ആധുനി​ക​ഗാ​ന​ങ്ങ​ളിൽ പ്രചാ​ര​ത്തിൽ വരുത്തു​ന്ന​വ​യോ ആണ്‌. ആളുകൾ അവ അനുക​രി​ക്കാൻ പ്രവണത കാട്ടുന്നു. എന്നാൽ ക്രിസ്‌ത്യാ​നി​കൾ  അങ്ങനെ​യു​ളള സംസാ​ര​മാ​തൃ​കകൾ സ്വീക​രി​ക്കു​ന്നതു നല്ലതല്ല. അങ്ങനെ ചെയ്യു​ന്നതു നമ്മെ ലോക​ത്തോ​ടും അതിന്റെ ജീവി​ത​രീ​തി​യോ​ടും മമതാ​ബ​ന്ധ​മു​ള​ള​വ​രാ​യി തിരി​ച്ച​റി​യി​ക്കും. കുററ​ക​ര​മോ അധാർമി​ക​മോ ആയ ജീവി​ത​രീ​തി​യു​ളള മയക്കു​മ​രു​ന്നു കച്ചവട​ക്കാർക്കും മററു ചിലർക്കും മിക്ക​പ്പോ​ഴും സ്വന്തം പദസം​ഹിത ഉണ്ട്‌, ആകസ്‌മിക ശ്രോ​താ​വിന്‌ അനായാ​സം വ്യക്തമാ​കാത്ത രീതി​യിൽ വാക്കുകൾ ഉപയോ​ഗി​ക്കു​ന്ന​തു​തന്നെ. എന്നാൽ നമ്മുടെ സംസാ​ര​നി​ല​വാ​രം അത്തരം ലൗകി​ക​സ്വാ​ധീ​ന​ങ്ങ​ളാൽ ബാധി​ക്ക​പ്പെ​ട​രുത്‌.—റോമ. 12:2.

¹¹ അനാദ​ര​പൂർവ​ക​മായ ഭാഷ ഒഴിവാ​ക്കാൻ ക്രിസ്‌ത്യാ​നി​കൾ ശ്രദ്ധയു​ള​ള​വ​രാ​യി​രി​ക്കണം. ചില ആളുകൾ കേവലം സംസാ​ര​ത്തി​നു ദൃഢത കൂട്ടാൻ അല്ലെങ്കിൽ ഒരു ചീത്തവാ​ക്കി​നു പകരം “ദൈവം,” “കർത്താവ്‌” എന്നും “യേശു,” “ക്രിസ്‌തു” എന്നുമു​ളള പദങ്ങൾ ഉപയോ​ഗി​ക്കു​ന്നു. “ദൈവം” “യേശു” എന്നീ പദങ്ങളിൽനിന്ന്‌ ഉത്ഭൂത​മാ​യി​ട്ടു​ളള മററ്‌ അനാദ​ര​പൂർവ​ക​മായ പദങ്ങൾ കേവലം പ്രി​യോ​ക്തി​ക​ളാണ്‌, തന്നിമി​ത്തം വ്യാ​ക്ഷേ​പ​ക​ങ്ങ​ളെന്ന നിലയിൽ ആക്ഷേപാർഹ​വു​മാണ്‌.—പുറ. 20:7; മത്താ. 5:34-37.

¹² ആളുകൾ പറയു​ന്ന​തും ചെയ്യു​ന്ന​തും ചില​പ്പോൾ നമ്മെ അലോ​സ​ര​പ്പെ​ടു​ത്തി​യേ​ക്കാം. എങ്കിൽപോ​ലും, ഒരു ക്രിസ്‌ത്യാ​നി കോപ​ത്തോ​ടെ​യോ അസഭ്യ​വാ​ക്കു​ക​ളോ​ടെ​യോ മറുപടി പറയു​ന്നത്‌ അനുചി​ത​മാ​യി​രി​ക്കും. അപ്പോ​സ്‌തലൻ ഇങ്ങനെ പറയുന്നു: “നിങ്ങളും കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടു​ക​ള​വിൻ.” (കൊലൊ. 3:8) അതു​കൊ​ണ്ടു മററു​ള​ള​വ​രു​ടെ സംസാരം നിങ്ങളെ അലോ​സ​ര​പ്പെ​ടു​ത്തി​യാ​ലും നിങ്ങളു​ടെ ആവേശത്തെ നിയ​ന്ത്രി​ക്കു​ന്ന​താണ്‌ ജ്ഞാനമാർഗം.—സദൃ. 14:29; യാക്കോ. 3:11.

13-16. നമ്മുടെ വ്യാക​ര​ണ​വും സംസാ​ര​ശീ​ല​ങ്ങ​ളും മെച്ച​പ്പെ​ടു​ത്താൻ നമ്മെ എന്തു സഹായി​ക്കും?

¹³ ഉചിത​മായ വ്യാക​രണം. തങ്ങളുടെ വ്യാക​രണം ഏററവും നല്ലത​ല്ലെന്നു ചിലർ തിരി​ച്ച​റി​ഞ്ഞേ​ക്കാം. ഒരുപക്ഷേ അവർ മറെറാ​രു രാജ്യത്തു വളർന്നു, അല്ലെങ്കിൽ തങ്ങൾ ചെറു​പ്പ​മാ​യി​രു​ന്ന​പ്പോൾ അധികം സ്‌കൂൾവി​ദ്യാ​ഭ്യാ​സ​ത്തിന്‌ അവസര​മു​ണ്ടാ​യി​രു​ന്നില്ല. അവർ നിരു​ത്സാ​ഹ​പ്പെ​ട​രുത്‌; പകരം, സുവാർത്ത​ക്കു​വേണ്ടി അവർ മെച്ച​പ്പെ​ടു​ന്ന​തിന്‌ ആത്മാർഥ​മായ ശ്രമം ചെലു​ത്തണം. സ്വീക​രി​ക്കാ​വുന്ന പ്രയോ​ജ​ന​ക​ര​മായ പടിക​ളുണ്ട്‌. ഉദാഹ​ര​ണ​ത്തിന്‌, കുടും​ബ​വാ​യന അങ്ങനെ​യു​ളള തിരു​ത്ത​ലു​കൾ വരുത്തു​ന്ന​തി​നു​ളള അവസരങ്ങൾ പ്രദാ​നം​ചെ​യ്യു​ന്നു. വ്യാക​രണം സംബന്ധി​ച്ചു നമ്മൾക്ക​റി​യാ​വു​ന്ന​തി​ല​ധി​ക​വും മററു​ള​ള​വ​രു​ടെ സംസാരം കേട്ടാണു നാം പഠിക്കു​ന്നത്‌. അതു​കൊണ്ട്‌, പക്വത​യു​ളള, നല്ല വിദ്യാ​ഭ്യാ​സ​മു​ളള സഹോ​ദ​രൻമാർ സംസാ​രി​ക്കു​ന്നത്‌ അവധാ​ന​പൂർവം ശ്രദ്ധി​ക്കുക. ബൈബി​ളും സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളും നിങ്ങൾ വായി​ക്കു​മ്പോൾ വാക്യ​ഘ​ട​ന​യെ​ക്കു​റി​ച്ചും വിവിധ സാഹച​ര്യ​ങ്ങ​ളിൽ ഉപയോ​ഗി​ച്ചി​രി​ക്കുന്ന വാക്കു​ക​ളു​ടെ രൂപ​ത്തെ​ക്കു​റി​ച്ചും ബോധ​മു​ള​ള​വ​രാ​യി​രി​ക്കുക. ഈ നല്ല മാതൃ​ക​കൾക്ക​നു​യോ​ജ്യ​മാ​യി നിങ്ങളു​ടെ സ്വന്തം സംസാ​രത്തെ രൂപ​പ്പെ​ടു​ത്തുക.

¹⁴ ചെറു​പ്പ​ക്കാർ സ്‌കൂ​ളിൽ പഠിക്കു​മ്പോൾ നല്ല വ്യാക​ര​ണ​വും ഭാഷാ​ശൈ​ലി​യും പഠിക്കാ​നു​ളള അവസരത്തെ പ്രയോ​ജ​ന​പ്പെ​ടു​ത്തണം. ഏതെങ്കി​ലും വ്യാകരണ നിയമ​ത്തി​ന്റെ കാരണം നിങ്ങൾക്കു തിട്ടമി​ല്ലാ​ത്ത​ട​ത്തോ​ളം കാലം നിങ്ങളു​ടെ അധ്യാ​പ​ക​നിൽനി​ന്നു കൂടു​ത​ലായ വിവരങ്ങൾ തേടുക. നിങ്ങൾ സ്ഥിരപ​രി​ശ്രമം ചെയ്യു​ന്ന​തി​നു നല്ല കാരണ​മുണ്ട്‌, എന്തെന്നാൽ നിങ്ങൾ തീർച്ച​യാ​യും സുവാർത്ത​യു​ടെ ഫലപ്ര​ദ​നായ ഒരു ശുശ്രൂ​ഷ​ക​നാ​യി​രി​ക്കാൻ ആഗ്രഹി​ക്കു​ന്നു.

 ¹⁵ എല്ലാ ദിവസ​വും നല്ല സംസാരം ഉപയോ​ഗി​ക്കാൻ കഠിന​ശ്രമം ചെയ്യുക. തന്റെ അനുദി​ന​സം​ഭാ​ഷ​ണ​ങ്ങ​ളിൽ വൃത്തി​കെട്ട സംസാ​ര​ശീ​ല​ങ്ങ​ളിൽ മുഴു​കു​ന്ന​യാൾക്കു പ്രത്യേക അവസര​ങ്ങ​ളിൽ നന്നായി സംസാ​രി​ക്കാൻ പ്രാപ്‌ത​നാ​കു​ന്ന​തി​നു പ്രതീ​ക്ഷി​ക്കാൻ കഴിയു​ക​യില്ല. അതിനു പരിശീ​ലനം ആവശ്യ​മാണ്‌. എന്നാൽ നിങ്ങൾ സാധാരണ ജീവി​ത​സാ​ഹ​ച​ര്യ​ങ്ങ​ളിൽ ഗുണ​മേൻമ​യു​ളള സംസാരം ഉപയോ​ഗി​ക്കു​ന്നു​വെ​ങ്കിൽ, അപ്പോൾ പ്ലാററ്‌ഫാ​റ​ത്തി​ലാ​യി​രി​ക്കു​മ്പോ​ഴോ ദൈവ​ത്തി​ന്റെ സത്യ​ത്തെ​ക്കു​റി​ച്ചു മററു​ള​ള​വ​രോ​ടു സാക്ഷീ​ക​രി​ക്കു​മ്പോ​ഴോ അത്‌ അനായാ​സ​മാ​യും സ്വാഭാ​വി​ക​മാ​യും വരും.

¹⁶ എല്ലാ ദിവസ​വും നല്ല സംസാരം ശീലി​ക്കു​ന്നതു നമ്മുടെ മനസ്സു​ക​ളെ​യും ഹൃദയ​ങ്ങ​ളെ​യും ഇമ്പകര​മായ വാക്കു​കൾകൊ​ണ്ടു നിറയ്‌ക്കാൻ സഹായി​ക്കു​ന്നു, അവയാൽ നമുക്കു യഹോ​വ​യു​ടെ രാജ്യം മുഖേ​ന​യു​ളള തന്റെ മഹത്തായ ഉദ്ദേശ്യ​ത്തോ​ടു​ളള വിലമ​തി​പ്പു പ്രകട​മാ​ക്കാൻ കഴിയും. അപ്പോൾ നമുക്ക്‌ ലൂക്കൊസ്‌ 6:45-ലെ യേശു​ക്രി​സ്‌തു​വി​ന്റെ വാക്കു​ക​ളു​ടെ സത്യത അനുഭ​വ​പ്പെ​ടും: “നല്ല മനുഷ്യൻ തന്റെ ഹൃദയ​ത്തി​ലെ നല്ല നിക്ഷേ​പ​ത്തിൽനി​ന്നു നല്ലതു പുറ​പ്പെ​ടു​വി​ക്കു​ന്നു.”

[അധ്യയന ചോദ്യ​ങ്ങൾ]