പാഠം 5

ഒരു നല്ല ശ്രോ​താ​വാ​യി​രി​ക്കുക

1-5. ശ്രദ്ധി​ക്കു​ക​യെ​ന്ന​തി​ന്റെ അർഥ​മെ​ന്താണ്‌, അതു സഭാമീ​റ​റിം​ഗു​ക​ളിൽ വിശേ​ഷാൽ മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹ യഹോ​വ​യു​ടെ ഒരു ശുശ്രൂ​ഷ​ക​നെന്ന നിലയി​ലു​ളള നിങ്ങളു​ടെ പുരോ​ഗതി ഒരു ഗണ്യമായ അളവിൽ നിങ്ങൾ എങ്ങനെ ശ്രദ്ധി​ക്കു​ന്നു​വെ​ന്ന​തി​നെ ആശ്രയി​ച്ചി​രി​ക്കു​ന്നു. നിങ്ങളു​ടെ ജീവി​ത​ത്തി​ലു​ട​നീ​ളം, ശ്രദ്ധിക്കൽ പഠനത്തിൽ ഒരു പ്രധാന പങ്കുവ​ഹി​ക്കു​ന്നു. നിങ്ങൾ ചിന്താ​പൂർവ​ക​മായ അവധാ​ന​ത്തോ​ടെ കേൾക്കു​മ്പോൾ നിങ്ങൾ ശ്രദ്ധി​ക്കു​ക​യാ​ണു ചെയ്യു​ന്നത്‌. എന്നാൽ നിങ്ങളു​ടെ ശ്രദ്ധ പറയുന്ന കാര്യ​ത്തിൽ കേന്ദ്രീ​ക​രി​ക്കു​ന്നി​ല്ലെ​ങ്കിൽ, വാക്കുകൾ ബധിര​കാ​തു​ക​ളി​ലാണ്‌ വീഴു​ന്നത്‌. നിങ്ങളെ ഭാഗി​ക​മാ​യി മാത്രം ശ്രദ്ധി​ച്ചി​ട്ടു​ളള ആളുക​ളോ​ടു നിങ്ങൾ സംസാ​രി​ച്ചി​ട്ടു​ണ്ടെ​ന്നു​ള​ള​തി​നു സംശയ​മില്ല. അവർ നിങ്ങ​ളോട്‌ എത്ര കൂടെ​ക്കൂ​ടെ യോജി​ച്ചാ​ലും അവർക്കു യഥാർഥ​ത്തിൽ ആശയങ്ങൾ മനസ്സി​ലാ​കു​ന്നി​ല്ലെ​ന്നും തന്നിമി​ത്തം നിങ്ങൾ പറഞ്ഞതിൽനി​ന്നു യഥാർഥ പ്രയോ​ജനം കിട്ടു​ന്നി​ല്ലെ​ന്നും നിങ്ങൾ അറിഞ്ഞു. അതു​കൊണ്ട്‌ എല്ലാ സമയങ്ങ​ളി​ലും, വിശേ​ഷി​ച്ചു ദിവ്യ​വി​ദ്യാ​ഭ്യാ​സ​ത്തി​ന്റെ ഒരു പാഠപ​ദ്ധ​തി​യിൽ സംബന്ധി​ക്കു​മ്പോൾ നന്നായി ശ്രദ്ധി​ക്കു​ന്ന​വ​രാ​യി​രി​ക്കാൻ നാം എത്ര ജാഗ്ര​ത​യു​ള​ള​വ​രാ​യി​രി​ക്കണം! സദൃശ​വാ​ക്യ​ങ്ങൾ 1:5 പ്രസ്‌താ​വി​ക്കു​ന്ന​തു​പോ​ലെ: “ജ്ഞാനി കേട്ടിട്ടു [ശ്രദ്ധിക്കുകയും, NW] വിദ്യാ​ഭി​വൃ​ദ്ധി പ്രാപി”ക്കും.

² സഭാമീ​റ​റിം​ഗു​കൾ യഹോ​വ​യു​ടെ സ്ഥാപന​ത്തി​ലൂ​ടെ നമുക്കു പ്രദാ​നം​ചെ​യ്യുന്ന വിദ്യാ​ഭ്യാ​സ​പ​രി​പാ​ടി​യു​ടെ ഭാഗമാണ്‌. ഏകാ​ഗ്ര​മാ​യി ശ്രദ്ധി​ക്കു​ന്ന​തി​നാൽ നാം യഹോ​വ​യോ​ടും നമ്മുടെ വിദ്യാ​ഭ്യാ​സ​ത്തി​നു​വേ​ണ്ടി​യു​ളള അവിടു​ത്തെ കരുത​ലി​നോ​ടും ആദരവു കാണി​ക്കു​ന്നു. എന്നാൽ നമ്മുടെ ഘടനയും നാം ചില സമയങ്ങ​ളിൽ നമ്മുടെ ശ്രദ്ധ പതറി​പ്പോ​കാൻ അനുവ​ദി​ക്കു​ന്ന​തി​നു പ്രവണ​ത​കാ​ട്ടി​യേ​ക്കാ​മെ​ന്ന​തും ദൈവ​ത്തിന്‌ അറിയാം. തന്നിമി​ത്തം താൻ പ്രദാ​നം​ചെ​യ്യുന്ന സമൃദ്ധ​മായ  ആത്മീയാ​ഹാ​ര​ത്തിൽനി​ന്നു ഭക്ഷിക്കാ​നു​ളള തന്റെ ക്ഷണത്തിൽ അവിടുന്ന്‌ ഇങ്ങനെ ദൃഢമാ​യി പറയുന്നു: “എന്റെ വാക്കു ശ്രദ്ധിച്ചു കേട്ടു നൻമ അനുഭ​വി​പ്പിൻ, . . . നിങ്ങൾ ചെവി ചായിച്ചു എന്റെ അടുക്കൽ വരുവിൻ; നിങ്ങൾക്കു ജീവനു​ണ്ടാ​കേ​ണ്ട​തി​ന്നു കേട്ടു​കൊൾവിൻ.” (യെശ. 55:2, 3) നാം നിത്യ​ജീ​വൻ പ്രാപി​ക്കു​ക​യും ആ സമ്മാനം നേടാൻ മററു​ള​ള​വരെ സഹായി​ക്കു​ക​യും ചെയ്യണ​മെ​ങ്കിൽ, നാം ദൈവ​ത്തി​ന്റെ ചിന്തകൾ സൂക്ഷ്‌മ​മാ​യി ശ്രദ്ധി​ക്കു​ക​യും ഗ്രഹി​ക്കു​ക​യും ചെയ്യേ​ണ്ട​തുണ്ട്‌.—എബ്രാ. 1:1, 2; 2:1.

³ ശ്രദ്ധാ​പൂർവം കേൾക്കു​ന്നത്‌ ഉചിത​മായ താഴ്‌മ​യെ​യും പ്രകട​മാ​ക്കു​ന്നു, താഴ്‌മ​യു​ള​ള​വ​രാ​യി​രി​ക്കാൻ നമു​ക്കെ​ല്ലാം നല്ല കാരണ​മുണ്ട്‌. നമു​ക്കെ​ല്ലാം മറെറാ​രാ​ളിൽനി​ന്നു പഠിക്കാൻ കഴിയും. നമുക്കാർക്കും സകലവും അറിയാൻപാ​ടില്ല. പ്രസം​ഗി​ക്കുന്ന ആളിന്‌ ഒഴുക്കോ പ്രാപ്‌ത​നായ പ്രസം​ഗ​കന്റെ മറേറ​തെ​ങ്കി​ലും ഗുണമോ ഇല്ലെങ്കിൽപോ​ലും അദ്ദേഹം പറയു​ന്ന​തി​ലു​ളള നമ്മുടെ ശ്രദ്ധയാ​ലും പ്രതി​ക​ര​ണ​ത്താ​ലും സഹായ​വും പ്രോ​ത്സാ​ഹ​ന​വും കൊടു​ക്കാൻ യഥാർഥ താഴ്‌മ നമ്മെ നയി​ക്കേ​ണ്ട​താണ്‌. നമുക്കു മുമ്പു തോന്നി​യി​ട്ടി​ല്ലാത്ത ഏതെങ്കി​ലും വീക്ഷണ​കോ​ണത്തെ അല്ലെങ്കിൽ അർഥവ്യാ​പ്‌തി​യെ അദ്ദേഹം സ്‌പർശി​ച്ചേ​ക്കു​മോ എന്ന്‌ ആരറി​യു​ന്നു? ആത്മീയ​മാ​യി പറഞ്ഞാൽ യഹോ​വക്കു ശിശു​ക്ക​ളു​ടെ വായിൽനി​ന്നു പ്രകാ​ശനം പ്രദാ​നം​ചെ​യ്യാൻ കഴിയും.—മത്താ. 11:25.

⁴ സൂക്ഷ്‌മ​ശ്രദ്ധ കൊടു​ക്കു​ന്നതു സഭാമീ​റ​റിം​ഗു​ക​ളോ​ടു​ളള ബന്ധത്തി​ലും മർമ​പ്ര​ധാ​ന​മാണ്‌, എന്തെന്നാൽ നാം പഠിക്കുന്ന കാര്യങ്ങൾ നമ്മുടെ ജീവി​ത​ത്തിൽ ബാധക​മാ​ക്കേ​ണ്ട​താണ്‌. “സൂക്ഷ്‌മ​പ​രി​ജ്ഞാ​നം” നേടു​ന്ന​തി​ലൂ​ടെ​യാ​ണു നാം പുതിയ വ്യക്തി​ത്വം ധരിക്കാൻ പ്രാപ്‌ത​രാ​കു​ന്നത്‌. (കൊലോ. 3:9, 10, NW) എന്നാൽ നാം അവധാ​ന​പൂർവം ശ്രദ്ധി​ക്കു​ന്നി​ല്ലെ​ങ്കിൽ, നാം വിശദാം​ശ​ങ്ങൾക്കു ശ്രദ്ധ​കൊ​ടു​ക്കു​ന്ന​തിൽ പരാജ​യ​പ്പെ​ടു​ന്നു​വെ​ങ്കിൽ, നമ്മുടെ ജീവി​ത​ത്തിൽ ഏതു മാററങ്ങൾ ആവശ്യ​മാ​ണെന്നു നാം പൂർണ​മാ​യി ഗ്രഹി​ക്കാ​തി​രു​ന്നേ​ക്കാം, തന്നിമി​ത്തം നമ്മുടെ ആത്മീയ​വ​ളർച്ചക്കു തടസ്സം നേരി​ട്ടേ​ക്കാം. വാചാ​പു​ന​ര​വ​ലോ​ക​ന​ത്തിന്‌ അല്ലെങ്കിൽ എഴുത്തു​പു​ന​ര​വ​ലോ​ക​ന​ത്തി​നു ശരിയായ ഉത്തരങ്ങൾ നൽകു​ന്ന​തും പ്രധാ​ന​മാണ്‌. എന്നാൽ വയൽശു​ശ്രൂ​ഷ​യിൽ, നാം വെച്ചു​പു​ലർത്തുന്ന മഹത്തായ പ്രത്യാ​ശ​യു​ടെ കാരണം ചോദി​ക്കുന്ന ഏവർക്കും ശരിയായ ഉത്തരം കൊടു​ക്കാൻ നാം പ്രാപ്‌ത​രാ​കു​ന്നത്‌ എത്രയ​ധി​കം പ്രധാ​ന​മാണ്‌!

⁵ മററു​ള​ളവർ പറയു​ന്ന​തി​നു സൂക്ഷ്‌മ​ശ്രദ്ധ കൊടു​ക്കുന്ന ശീലം നിങ്ങൾ നട്ടുവ​ളർത്തു​മ്പോൾ, കേൾക്കുന്ന കാര്യങ്ങൾ ഓർക്കു​ന്ന​തി​നു​ളള നിങ്ങളു​ടെ പ്രാപ്‌തി നിങ്ങൾ മെച്ച​പ്പെ​ടു​ത്തും.

6-8. ഒരു പ്രസംഗം നടക്കു​മ്പോൾ നിങ്ങളു​ടെ മനസ്സിനെ അലഞ്ഞു​തി​രി​യു​ന്ന​തിൽനി​ന്നു തടയാൻ എങ്ങനെ കഴിയും?

⁶ ശ്രദ്ധി​ക്കുന്ന വിധം. യോഗ​ങ്ങ​ളിൽ നമ്മെ പതറി​ക്കാൻ മററു കാര്യ​ങ്ങളെ അനുവ​ദി​ക്കു​ന്നത്‌ എളുപ്പ​മാണ്‌. അന്നു സംഭവിച്ച കാര്യ​ങ്ങ​ളിൽ നാം ശ്രദ്ധ വ്യാപ​രി​പ്പി​ച്ചേ​ക്കാം അല്ലെങ്കിൽ നാളെ ചെയ്യേണ്ട എന്തി​ലെ​ങ്കി​ലും ശ്രദ്ധാ​ലു​ക്ക​ളാ​യേ​ക്കാം. എന്നാൽ പറയു​ന്നത്‌ ഒരുവൻ ഏകാ​ഗ്ര​മാ​യി ശ്രദ്ധി​ക്കു​ന്നി​ല്ലെ​ങ്കിൽ ഹാജരാ​കു​ന്ന​തി​ന്റെ ഉദ്ദേശ്യ​മെന്ത്‌? അതു​കൊണ്ട്‌ ഓരോ​രു​ത്ത​രും തനിക്കു​തന്നെ ശിക്ഷണം കൊടു​ക്കേ​ണ്ട​തുണ്ട്‌, തന്റെ ചിന്താ​ധാ​ര​യ്‌ക്കു കർശന​മാ​യി കടിഞ്ഞാ​ണി​ടേ​ണ്ട​തുണ്ട്‌. നടന്നു​കൊ​ണ്ടി​രി​ക്കുന്ന ചർച്ചക്കു പൂർണ​ശ്രദ്ധ കൊടു​ക്കു​ന്ന​തി​നും മനസ്സ്‌ അലഞ്ഞു​തി​രി​യാൻ അനുവ​ദി​ക്കാ​തി​രി​ക്കു​ന്ന​തി​നും ഒരുവനു ദൃഢനി​ശ്ച​യ​മു​ണ്ടാ​യി​രി​ക്കണം. അത്‌ ഒരുവൻ ചർച്ച​ചെ​യ്യുന്ന വിഷയ​ത്തിന്‌ അന്യമായ സകല ചിന്തക​ളു​ടെ​മേ​ലും  മാനസി​ക​മായ ഒരു മറ വലിച്ചി​ടു​ന്ന​തു​പോ​ലെ​യാ​യി​രി​ക്കണം. അതാണു ശ്രദ്ധാ​കേ​ന്ദ്രീ​ക​രണം.

⁷ അലഞ്ഞു​തി​രി​യുന്ന മനസ്സിൽനി​ന്നോ ദിവാ​സ്വ​പ്‌നം കാണുന്ന ശീലത്തിൽനി​ന്നോ നിങ്ങ​ളെ​ത്തന്നെ സംരക്ഷി​ക്കു​ന്ന​തി​നു​ളള ഒരു നല്ല മാർഗം പ്രസം​ഗകൻ ഉപയോ​ഗി​ക്കുന്ന ആശയങ്ങ​ളും തിരു​വെ​ഴു​ത്തു​ക​ളും സംബന്ധി​ച്ചു കുറി​പ്പു​കൾ ഉണ്ടാക്കു​ക​യാണ്‌. കുറി​പ്പു​കൾ ചുരു​ക്കുക, കാരണം വളരെ​യ​ധി​കം കുറി​പ്പു​കൾ നിങ്ങളു​ടെ ശ്രദ്ധയെ പതറി​ക്കും, അതേസ​മയം ചുരുക്കം ചിലതു നിങ്ങളു​ടെ ശ്രദ്ധാ​കേ​ന്ദ്രീ​ക​ര​ണത്തെ സഹായി​ക്കും. ഈ കുറി​പ്പു​കൾ പിന്നീ​ടൊ​രു സമയത്തു നിങ്ങൾക്കു മൂല്യ​വ​ത്താ​യി​രി​ക്കാം. എന്നാൽ നിങ്ങൾ ഒരിക്ക​ലും അവ വീണ്ടും ഉപയോ​ഗി​ക്കു​ന്നി​ല്ലെ​ങ്കിൽപോ​ലും അവ, പറയുന്ന കാര്യ​ത്തിൽ നിങ്ങളു​ടെ ശ്രദ്ധ പതിപ്പി​ക്കാൻ സഹായി​ക്കു​ക​തന്നെ ചെയ്യുന്നു. ചർച്ച​ചെ​യ്യുന്ന വിഷയ​ത്തിൽ നിങ്ങൾ ആഴമായി ആമഗ്നനാ​കു​ന്നു, പ്രസം​ഗ​കന്റെ മുഖ്യ വാദങ്ങളെ കൃത്യ​മാ​യി തിട്ട​പ്പെ​ടു​ത്താ​നും കഴിയു​ന്നു.

⁸ സാധാ​ര​ണ​സം​ഭാ​ഷ​ണ​ത്തിൽ ചർച്ച​ചെ​യ്യുന്ന വിഷയം​സം​ബ​ന്ധി​ച്ചു മറുകക്ഷി ബുദ്ധി​പൂർവ​ക​മായ ചോദ്യ​ങ്ങൾ ഉന്നയി​ക്കു​ന്നു​വെ​ങ്കിൽ അയാൾ ശ്രദ്ധി​ക്കു​ന്നു​ണ്ടെ​ന്നു​ള​ള​തി​ന്റെ ഒരു നല്ല സൂചന​യാ​ണത്‌. അങ്ങനെ​തന്നെ, തയ്യാർചെ​യ്‌തു നടത്തുന്ന ഒരു പ്രസംഗം ശ്രദ്ധി​ക്കു​മ്പോൾ നിങ്ങൾ നിർമാ​ണാ​ത്മ​ക​മായ ചോദ്യ​ങ്ങൾ ഉന്നയി​ക്കു​ക​യും അനന്തരം പ്രസം​ഗകൻ അവയ്‌ക്ക്‌ ഉത്തരം പറയു​മോ​യെന്നു നിരീ​ക്ഷി​ക്കു​ക​യും ചെയ്യു​ന്നതു നിങ്ങളു​ടെ മനസ്സു വിഷയ​ത്തിൽ ഉണ്ടെന്നു​ള​ള​തി​ന്റെ ഒരു നല്ല തെളി​വാണ്‌. മററു​ള​ള​വ​യു​ടെ കൂട്ടത്തിൽ, അവതരി​പ്പി​ക്ക​പ്പെ​ടുന്ന വിവരങ്ങൾ നിങ്ങൾക്ക്‌ എങ്ങനെ ഉപയോ​ഗി​ക്കാൻ കഴിയു​മെന്നു നിങ്ങ​ളോ​ടു​തന്നെ ചോദി​ക്കുക.

9. ഒരു പ്രസംഗം ശ്രദ്ധി​ക്കു​മ്പോൾ താരത​മ്യേന വേഗത്തി​ലു​ളള ചിന്താ​നി​രക്ക്‌ പ്രയോ​ജ​ന​ക​ര​മാ​യി എങ്ങനെ ഉപയോ​ഗി​ക്കാൻ കഴിയും?

⁹ ഒരു സാധാരണ മനുഷ്യൻ പ്രസം​ഗ​കനു സംസാ​രി​ക്കാൻ കഴിയു​ന്ന​തി​നെ​ക്കാൾ വളരെ വേഗത്തിൽ ചിന്തി​ക്കു​ന്നു, ബാഹ്യ​ചി​ന്തകൾ മനസ്സിൽ കടക്കാൻ സമയം അനുവ​ദി​ച്ചു​കൊ​ണ്ടു​തന്നെ. ശരാശരി ചിന്താ​നി​രക്കു മിനി​റ​റിൽ 400 വാക്കു​ക​ളാ​ണെന്നു കണക്കാ​ക്ക​പ്പെ​ട്ടി​രി​ക്കു​ന്നു, എന്നാൽ സംസാ​ര​ത്തി​ന്റെ ശരാശരി നിരക്കു മിനി​റ​റിൽ ഏതാണ്ട്‌ 125 വാക്കു​ക​ളാണ്‌. എന്നിരു​ന്നാ​ലും, അവതരി​പ്പി​ക്ക​പ്പെ​ടുന്ന വിവര​ങ്ങ​ളെ​ക്കു​റി​ച്ചു ചിന്തി​ക്കു​ക​യും അതു സംഗ്ര​ഹി​ക്കു​ക​യും അതു പുനര​വ​ലോ​കനം ചെയ്യു​ക​യും അങ്ങനെ അതു മനസ്സിൽ ദൃഢമാ​യി പതിപ്പി​ക്കു​ക​യും ചെയ്യു​ന്നു​വെ​ങ്കിൽ ഈ ചിന്താ​വേ​ഗത്തെ നമുക്കു പ്രയോ​ജ​ന​ക​ര​മാ​യി വിനി​യോ​ഗി​ക്കാൻ കഴിയും.

10, 11. ശ്രദ്ധി​ക്കു​ന്ന​തിൽ ശരിയായ ആന്തരം ഒരു സഹായ​മാ​യി​രി​ക്കാൻ കഴിയു​ന്നത്‌ എങ്ങനെ?

¹⁰ ഒരു പ്രസം​ഗ​കനു സമർപ്പി​ക്കാ​നു​ളള പ്രധാന പോയിൻറു​കൾ മനസ്സി​ലാ​ക്കാ​നു​ളള മറെറാ​രു സഹായം ശരിയായ ആന്തര​ത്തോ​ടെ ശ്രദ്ധി​ക്കു​ക​യാണ്‌. പ്രസം​ഗ​കന്റെ വിവര​ങ്ങ​ളെ​യും അവതര​ണ​രീ​തി​യെ​യും വിമർശി​ക്കു​ക​യെന്ന കാഴ്‌ച​പ്പാ​ടിൽ ശ്രദ്ധി​ക്കു​ക​യെ​ന്നതു നമ്മുടെ ലക്ഷ്യമല്ല. ശുശ്രൂ​ഷാ​സ്‌കൂ​ളിൽ നിയമിത മേൽവി​ചാ​ര​ക​നാ​ണു ഗുണ​ദോ​ഷം കൊടു​ക്കാ​നു​ളള ഉത്തരവാ​ദി​ത്വ​മു​ള​ളത്‌. അതു​കൊ​ണ്ടു പ്രസം​ഗ​കനു സമർപ്പി​ക്കാ​നു​ളള ഉപയോ​ഗ​പ്ര​ദ​മായ ഏതു വിവര​ങ്ങ​ളി​ലും ശ്രദ്ധ കേന്ദ്രീ​ക​രി​ക്കാൻ നമ്മിൽ ശേഷി​ച്ച​വരെ അതു സ്വത​ന്ത്ര​രാ​ക്കു​ന്നു.

¹¹ വീണ്ടും, സ്‌കൂൾ മേൽവി​ചാ​രകൻ വിദ്യാർഥി​പ്ര​സം​ഗ​കർക്കു ഗുണ​ദോ​ഷം കൊടു​ക്കു​മ്പോൾ, കൊടു​ക്ക​പ്പെട്ട ഗുണ​ദോ​ഷ​ത്തോ​ടു താൻ യോജി​ക്കു​ന്നു​ണ്ടോ ഇല്ലയോ എന്നു മറെറാ​രു വിദ്യാർഥി തീരു​മാ​നി​ക്കു​ന്നതു മിക്ക​പ്പോ​ഴും നിർമാ​ണാ​ത്മ​കമല്ല. എന്നാൽ അതേ ഗുണ​ദോ​ഷം തനിക്കു ബാധക​മാ​ണോ​യെ​ന്നും തനിക്ക്‌  അതിൽനി​ന്നു വ്യക്തി​പ​ര​മാ​യി എന്തു പ്രയോ​ജനം നേടാൻ കഴിയു​മെ​ന്നും തന്നോ​ടു​തന്നെ ചോദി​ക്കു​ന്നതു തീർച്ച​യാ​യും അയാൾക്കു ഗുണക​ര​മാ​യി​രി​ക്കും. അങ്ങനെ നല്ല ശ്രോ​താ​വാ​യി​രി​ക്കു​ന്ന​തി​നാൽ തന്റെ പുരോ​ഗതി പ്രസം​ഗി​ക്കു​ന്ന​തി​നു താൻ നിയോ​ഗി​ക്ക​പ്പെ​ടുന്ന അവസര​ങ്ങ​ളിൽ പരിമി​ത​പ്പെ​ടു​ത്തു​ന്ന​തി​നു പകരം ചെയ്യ​പ്പെ​ടുന്ന ഓരോ പ്രസം​ഗ​ത്താ​ലും പുരോ​ഗ​മി​ക്കാൻ അയാൾ സഹായി​ക്ക​പ്പെ​ടു​ന്നു.

12. ഏതു വിധത്തിൽ കുട്ടി​കൾക്കു നല്ല ശ്രോ​താ​ക്ക​ളാ​യി​രി​ക്കാൻ പഠിക്കു​ന്ന​തി​നു കഴിയും?

¹² യുവജ​ന​ങ്ങ​ളും കൊച്ചു​കു​ട്ടി​ക​ളും കൂടെ ശ്രദ്ധി​ക്കുന്ന ശ്രോ​താ​ക്ക​ളാ​യി​രി​ക്കാൻ പഠിപ്പി​ക്ക​പ്പെ​ടണം. അവർ തങ്ങളുടെ മാതാ​പി​താ​ക്ക​ളു​ടെ നിരീ​ക്ഷ​ണ​ദൃ​ഷ്ടി​യി​ലാ​യി​രി​ക്കുന്ന ഒരു സ്ഥലത്ത്‌ ഇരിക്കു​ന്നു​വെ​ങ്കിൽ അതു സഹായ​ക​മാണ്‌. അവർക്കു വായി​ക്കാൻ കഴിയു​മെ​ങ്കിൽ, ഉപയോ​ഗി​ക്ക​പ്പെ​ടുന്ന പ്രസി​ദ്ധീ​ക​ര​ണ​ത്തി​ന്റെ സ്വന്തം പ്രതി ഉണ്ടായി​രി​ക്കു​ന്നത്‌ അവർക്കു പ്രോ​ത്സാ​ഹ​ന​മാണ്‌. പൊതു​വേ പറഞ്ഞാൽ, പരിപാ​ടി​യി​ലേ​ത​ല്ലാത്ത വിവര​ങ്ങ​ളിൽ ശ്രദ്ധ വ്യാപ​രി​പ്പി​ക്കാൻ അവരെ അനുവ​ദി​ക്കു​ന്നതു മൗഢ്യ​മാണ്‌. ശ്രദ്ധി​ക്കു​ന്ന​തി​നു​ളള ഒരു പ്രചോ​ദ​ന​മാ​യി, അവർ വീട്ടി​ലെ​ത്തു​മ്പോൾ പഠിച്ച ചില കാര്യങ്ങൾ ആവർത്തി​ക്കാൻ അവരോട്‌ ആവശ്യ​പ്പെ​ടു​മെന്ന്‌ അവരെ ധരിപ്പി​ക്കാൻ കഴിയും. യോഗ​ത്തിൽ പറഞ്ഞ എന്തെങ്കി​ലും അവർ തീർച്ച​യാ​യും ഓർക്കു​ന്നു​വെ​ങ്കിൽ അല്ലെങ്കിൽ അതിന്റെ കുറി​പ്പു​ണ്ടാ​ക്കു​ന്നു​വെ​ങ്കിൽ അവരെ ഊഷ്‌മ​ള​മാ​യി അഭിന​ന്ദി​ക്കണം.—ആവ. 31:12.

13, 14. ഭക്ഷ്യശീ​ല​ങ്ങൾക്കു നമ്മുടെ ശ്രദ്ധി​ക്ക​ലി​നെ എങ്ങനെ ബാധി​ക്കാൻ കഴിയും?

¹³ യോഗ​സ​മ​യ​ത്തി​നു തൊട്ടു​മുമ്പ്‌ ഒരു കട്ടിയായ ഭക്ഷണം​ക​ഴി​ക്കു​ന്നത്‌ ഒഴിവാ​ക്കു​ന്ന​തിൽ നാം ശ്രദ്ധാ​ലു​ക്ക​ളാ​ണെ​ങ്കിൽ ശ്രദ്ധാ​കേ​ന്ദ്രീ​ക​രണം കൂടുതൽ എളുപ്പ​മാണ്‌, അല്ലെങ്കിൽ അത്‌ ഉറക്കം വരുത്തും. കാരണം ശരീര​ത്തി​ന്റെ കഴിവു​കൾ ദഹനത്തിൽ ശ്രദ്ധി​ക്കു​ന്ന​തിന്‌ ആയാസ​പ്പെ​ടു​ന്നു, ഒരുവന്റെ ചിന്താ​പ്ര​ക്രി​യയെ പ്രവർത്തി​പ്പി​ക്കു​ന്ന​തി​നു കുറച്ചു​മാ​ത്രം അവശേ​ഷി​പ്പി​ച്ചു​കൊ​ണ്ടു​തന്നെ. അങ്ങനെ മാനസി​ക​ഗ്ര​ഹണം മന്ദഗതി​യി​ലാ​കു​മ്പോൾ പ്രതി​ക​ര​ണ​മോ ആഴമായ വിലമ​തി​പ്പോ കൂടാതെ, പറയു​ന്നതു കേവലം ഉദാസീ​ന​മാ​യി കേൾക്കു​ന്ന​തി​ന്റെ അല്ലെങ്കിൽ പൂർണ​മാ​യും ഉറങ്ങി​പ്പോ​കു​ന്ന​തി​ന്റെ അപകട​മുണ്ട്‌.

¹⁴ ഒരുപക്ഷേ അതിലും പ്രധാനം, നൽക​പ്പെ​ടുന്ന പ്രബോ​ധ​ന​ത്തി​നു​വേണ്ടി ക്രമമാ​യി സന്നിഹി​ത​നാ​കാൻ നിങ്ങളു​ടെ കാര്യാ​ദി​കൾ പട്ടിക​പ്പെ​ടു​ത്തു​ന്ന​താണ്‌. അനേകം സ്‌കൂ​ളു​ക​ളിൽ വിദ്യാർഥി​കൾ ക്ലാസ്സു​ക​ളിൽ കയറാ​തി​രി​ക്കു​ക​യും പിന്നീടു വിവരങ്ങൾ സ്വയം പുനര​വ​ലോ​കനം ചെയ്യാൻ ശ്രമി​ക്കു​ക​യും ചെയ്യുന്നു. എന്നാൽ നിങ്ങൾ കേൾക്കാത്ത പ്രബോ​ധ​ന​ത്തിൽനി​ന്നു നിങ്ങൾക്ക്‌ അശേഷം പ്രയോ​ജനം കിട്ടു​ക​യില്ല. യോഗ​ങ്ങൾക്കു ഹാജരാ​കു​ന്ന​തിൽനി​ന്നു നിങ്ങളെ തടയാൻ കുടും​ബ​ത്തെ​യോ സുഹൃ​ത്തു​ക്ക​ളെ​യോ അനുവ​ദി​ക്ക​രുത്‌. ദൈവ​വ​ച​ന​ത്തിൽനിന്ന്‌ അവതരി​പ്പി​ക്ക​പ്പെ​ടുന്ന സത്യങ്ങൾ ജീവപാ​ല​ക​മായ ക്രമ​ത്തോ​ടെ കേൾക്കു​ന്ന​തി​നു നിങ്ങൾ ഹാജരാ​കു​ന്നു​വെന്ന്‌ ഉറപ്പു​വ​രു​ത്തുക.

15, 16. യോഗ​ങ്ങ​ളി​ലെ നമ്മുടെ ശ്രദ്ധി​ക്കൽപ്രാ​പ്‌തി​യെ നമുക്ക്‌ എങ്ങനെ പരി​ശോ​ധി​ക്കു​ക​യും മെച്ച​പ്പെ​ടു​ത്തു​ക​യും ചെയ്യാൻ കഴിയു​മെന്നു വിശദീ​ക​രി​ക്കുക.

¹⁵ നിങ്ങളു​ടെ ശ്രദ്ധിക്കൽ പ്രാപ്‌തി​യെ പരി​ശോ​ധി​ക്കൽ. നാം ഓരോ വാരത്തി​ലും അഞ്ചുമ​ണി​ക്കൂർ സഭാമീ​റ​റിം​ഗു​ക​ളിൽ ചെലവ​ഴി​ക്കു​ന്നു. ആ സമയത്തി​ന്റെ അധിക​ഭാ​ഗ​ത്തും ശ്രദ്ധി​ച്ചു​കൊ​ണ്ടു പഠിക്കു​ന്ന​തി​നു​ളള അവസരം നമുക്കുണ്ട്‌. നിങ്ങൾ വ്യക്തി​പ​ര​മാ​യി ആ സമയത്തെ പരമാ​വധി ഉപയോ​ഗ​പ്പെ​ടു​ത്തു​ന്നു​ണ്ടോ? ഓരോ വാരത്തി​ലും പരസ്യ​പ്ര​സം​ഗകൻ പരിചി​ന്തി​ക്കുന്ന നല്ല വിവര​ങ്ങ​ളിൽ എന്തുമാ​ത്രം നിങ്ങൾ ഓർമി​ക്കു​ന്നു? ശുശ്രൂ​ഷാ​സ്‌കൂ​ളി​ലും സേവന​യോ​ഗ​ത്തി​ലും സംബന്ധി​ച്ച​ശേഷം ഓരോ പ്രസം​ഗ​ത്തി​ന്റെ​യും മുഖ്യ ആശയം സ്വന്തവാ​ക്കു​ക​ളിൽ പ്രസ്‌താ​വി​ക്കാൻ നിങ്ങൾക്കു കഴിയു​മോ? അതോ ചില സമയങ്ങ​ളിൽ,  പരിപാ​ടി നടത്തി​യത്‌ ആരായി​രു​ന്നു​വെ​ന്നു​പോ​ലും നിങ്ങൾക്ക്‌ ഓർക്കാൻ കഴിയു​ന്നി​ല്ലെന്നു നിങ്ങൾ കണ്ടെത്തു​ന്നു​വോ? ഒരുപക്ഷേ ശ്രദ്ധ കേന്ദ്രീ​ക​രി​ക്കു​ന്ന​തി​നു കുറി​പ്പു​കൾ എഴുതി​ക്കൊ​ണ്ടു​പോ​ലും വർധിച്ച ശ്രമം ചെലു​ത്തു​ന്ന​തി​നാൽ നിങ്ങൾക്കു കൂടുതൽ പൂർണ​മാ​യി പ്രയോ​ജ​ന​മ​നു​ഭ​വി​ക്കാൻ കഴിയു​മോ? അതു പരീക്ഷി​ക്കുക. അനന്തരം ചർച്ചയി​ലെ മുഖ്യാ​ശ​യങ്ങൾ യോഗ​ങ്ങൾക്കു​ശേഷം മററു​ള​ള​വ​രു​മാ​യി പുനര​വ​ലോ​കനം ചെയ്യുക.

¹⁶ വാരം​തോ​റു​മു​ളള നമ്മുടെ യോഗ​ങ്ങ​ളിൽ പലതി​ലും ചോദ്യ​ങ്ങൾ ചോദി​ക്കു​ക​യും സദസ്യരെ അഭി​പ്രാ​യം പറയാൻ ക്ഷണിക്കു​ക​യും ചെയ്യുന്നു. ആ അഭി​പ്രാ​യങ്ങൾ മിക്ക​പ്പോ​ഴും മണിക്കൂ​റു​ക​ളോ​ളം നടത്തിയ വ്യക്തി​പ​ര​മായ പഠന​ത്തെ​യും വർഷങ്ങ​ളി​ലെ അനുഭ​വ​ജ്ഞാ​ന​ത്തെ​യും പ്രതി​ഫ​ലി​പ്പി​ക്കു​ന്നു. മററു​ള​ളവർ അഭി​പ്രാ​യങ്ങൾ പറയു​മ്പോൾ നിങ്ങൾ യഥാർഥ​ത്തിൽ അവർ പറയു​ന്നതു ശ്രദ്ധി​ക്കു​ന്നു​ണ്ടോ? അവർ പൂർത്തി​യാ​ക്കി​ക്ക​ഴി​യു​മ്പോൾ അവർ പറഞ്ഞതി​ന്റെ സാരം നിങ്ങളു​ടെ സ്വന്തവാ​ച​ക​ത്തിൽ ആവർത്തി​ക്കാൻ കഴിയ​ത്ത​ക്ക​വണ്ണം നിങ്ങൾ അവധാ​ന​പൂർവം ശ്രദ്ധി​ക്കു​ന്നു​വോ? അതുതന്നെ ചെയ്യാൻ ശ്രമി​ക്കുക, നിങ്ങൾ എത്രയ​ധി​കം​കൂ​ടെ യഥാർഥ​ത്തിൽ കേൾക്കു​ന്നു​വെ​ന്ന​തിൽ നിങ്ങൾ സന്തോ​ഷി​ക്കും.

17. ഖണ്ഡികകൾ വായി​ക്കു​മ്പോൾ നമ്മുടെ ശ്രദ്ധയെ പിടി​ച്ചു​നിർത്തു​ന്ന​തിന്‌ എന്തു സഹായി​ക്കും?

¹⁷ ഈ യോഗ​ങ്ങ​ളിൽ വളരെ​യ​ധി​കം വായന​യും നടത്ത​പ്പെ​ടു​ന്നു. വീക്ഷാ​ഗോ​പുര അധ്യയ​ന​ത്തി​ലും പുസ്‌ത​കാ​ധ്യ​യ​ന​ത്തി​ലും അധ്യയ​ന​ഭാ​ഗത്തെ ഖണ്ഡികകൾ വായി​ക്ക​പ്പെ​ടു​ന്നു. വായി​ക്കു​ന്നതു നിങ്ങൾ യഥാർഥ​ത്തിൽ ശ്രദ്ധി​ക്കു​ന്നു​ണ്ടോ, അതോ വായനാ​സ​മ​യത്തു നിങ്ങൾ നിങ്ങളു​ടെ മനസ്സ്‌ അലഞ്ഞു​തി​രി​യാൻ അനുവ​ദി​ക്കു​ന്നു​വോ? വാഗ്രൂ​പേ​ണ​യു​ളള അഭി​പ്രാ​യ​ങ്ങ​ളിൽ ഉൾപ്പെ​ടു​ത്താൻ സമയമ​നു​വ​ദി​ക്കാത്ത ധാരാളം വിശദാം​ശങ്ങൾ ഖണ്ഡിക​ക​ളി​ലുണ്ട്‌. അനന്തരം അഭി​പ്രാ​യം പറയു​ന്ന​വ​രാ​ലു​ളള മുഖ്യാ​ശ​യ​ങ്ങ​ളു​ടെ ആവർത്തനം വിവരങ്ങൾ മനസ്സിൽ വ്യക്തമാ​യി പതിപ്പി​ക്കാൻ സഹായി​ക്കു​ന്നു. യോഗ​ങ്ങ​ളിൽ വായി​ക്കു​ന്ന​തെ​ല്ലാം നാം യഥാർഥ​മാ​യി ശ്രദ്ധി​ക്കു​ന്നു​വെ​ങ്കിൽ നമുക്ക്‌ എത്രയ​ധി​കം പഠിക്കാൻ കഴിയും! നിങ്ങൾ നിങ്ങളു​ടെ ദൃഷ്ടികൾ അച്ചടിച്ച വിവര​ങ്ങ​ളിൽ കേന്ദ്രീ​ക​രി​ക്കു​ക​യും അതു​പോ​ലെ​തന്നെ ശ്രദ്ധി​ക്കു​ക​യും ചെയ്യു​ന്നു​വെ​ങ്കിൽ അങ്ങനെ ചെയ്യാൻ അതു നിങ്ങളെ സഹായി​ക്കും.

18-20. ഉത്സുക​രായ ശ്രദ്ധാ​ലു​ക്കൾക്ക്‌ എങ്ങനെ പ്രതി​ഫലം ലഭിക്കു​ന്നു?

¹⁸ ഉത്സുക​രായ ശ്രോ​താ​ക്കൾക്കു പ്രതി​ഫലം കിട്ടുന്നു. പഠിക്കാൻ വളരെ​യ​ധി​കം ഉണ്ടെന്നും സാധ്യ​മാ​കു​ന്ന​ട​ത്തോ​ളം സ്വീക​രി​ക്കാൻ തങ്ങൾ ആകാം​ക്ഷ​യു​ള​ള​വ​രാ​ണെ​ന്നും ഉത്സുക​രായ ശ്രോ​താ​ക്കൾ തിരി​ച്ച​റി​യു​ന്നു. അവർ സദൃശ​വാ​ക്യ​ങ്ങൾ 2:3, 4-ലെ ബുദ്ധ്യു​പ​ദേശം ശ്രദ്ധി​ക്കു​ന്നു: ‘ബോധ​ത്തി​ന്നാ​യി വിളി​ക്കുക. . . വിവേ​ക​ത്തി​ന്നാ​യി ശബ്ദം ഉയർത്തുക . . . അതിനെ വെളളി​യെ​പ്പോ​ലെ അന്വേ​ഷി​ക്കുക.’ അവർ അന്വേ​ഷണം നടത്തു​മ്പോൾ യഹോവ അവരെ അനു​ഗ്ര​ഹി​ക്കു​ന്നു, എന്തു​കൊ​ണ്ടെ​ന്നാൽ “എങ്കിൽ നീ യഹോ​വാ​ഭക്തി ഗ്രഹി​ക്ക​യും ദൈവ​പ​രി​ജ്ഞാ​നം കണ്ടെത്തു​ക​യും ചെയ്യും. . . അങ്ങനെ നീ നീതി​യും ന്യായ​വും നേരും സകലസൻമാർഗ്ഗ​വും ഗ്രഹി​ക്കും.”—സദൃ. 2:5, 9.

¹⁹ നല്ല ശ്രോ​താ​ക്ക​ളാ​യി​രി​ക്കു​ന്ന​തി​നു നാം നമുക്കു​തന്നെ ശിക്ഷണം കൊടു​ക്ക​ണ​മെ​ന്നു​ള​ളതു സത്യമാണ്‌. എന്നാൽ അത്‌ എത്ര പ്രതി​ഫ​ല​ദാ​യ​ക​മാണ്‌! നമ്മുടെ ആത്മീയ​വ​ളർച്ച അനായാ​സം പ്രകട​മാ​യി​ത്തീ​രു​ന്നു. നമ്മുടെ ജീവി​ത​ത്തിൽ പ്രയോ​ജ​ന​ക​ര​മായ മാററങ്ങൾ വരുത്ത​പ്പെ​ടു​ന്നു. പ്ലാററ്‌ഫാ​റ​ത്തിൽനി​ന്നും വയൽശു​ശ്രൂ​ഷ​യി​ലും സുവാർത്ത അറിയി​ക്കു​ന്ന​തി​നു​ളള നമ്മുടെ പ്രാപ്‌തി മെച്ച​പ്പെ​ടു​ന്നു.

 ²⁰ വ്യക്തി​പ​ര​മായ പഠനത്തി​നു​ളള നമ്മുടെ സമയം വളരെ പരിമി​ത​മാ​യി​രി​ക്കാ​മെ​ന്നി​രി​ക്കെ, സഭാമീ​റ​റിം​ഗു​ക​ളിൽ വളരെ​യ​ധി​കം ശ്രദ്ധി​ക്കു​ന്ന​തി​നു​ളള അവസരം നമു​ക്കെ​ല്ലാ​മുണ്ട്‌. അപ്പോൾ നമ്മുടെ ശ്രദ്ധി​ക്ക​ലി​ന്റെ ഗുണം എത്ര പ്രധാ​ന​മാണ്‌! നാം കേൾക്കുന്ന കാര്യ​ങ്ങ​ളിൽ നമ്മുടെ യഹോ​വാ​സേ​വ​ന​വും നിത്യ​ജീ​വ​നും ഉൾപ്പെ​ട്ടി​രി​ക്കു​ന്ന​തു​കൊ​ണ്ടു “നിങ്ങൾ എങ്ങനെ കേൾക്കു​ന്നു [ശ്രദ്ധിക്കുന്നു, NW] എന്നു സൂക്ഷി​ച്ചു​കൊൾവിൻ” എന്ന യേശു​വി​ന്റെ ബുദ്ധ്യു​പ​ദേശം എത്ര ഉചിത​മാണ്‌!—ലൂക്കൊ. 8:18.

[അധ്യയന ചോദ്യ​ങ്ങൾ]