പാഠം 8

തയ്യാറാ​ക​ലി​ന്റെ മൂല്യം

1-5. തയ്യാറാ​കൽ ആർക്കാണു വില​പ്പെ​ട്ട​താ​യി​രി​ക്കു​ന്നത്‌, എന്തു​കൊണ്ട്‌?

¹ ജനതകൾക്കു​വേ​ണ്ടി​യു​ളള അപ്പോ​സ്‌ത​ല​നായ പൗലോസ്‌, തന്റെ സഹശു​ശ്രൂ​ഷ​ക​നായ തീത്തോ​സി​നെ “സകലസൽപ്ര​വൃ​ത്തി​ക്കും ഒരുങ്ങി​യി​രി​പ്പാൻ . . . [ക്രിസ്‌ത്യാ​നി​കളെ] ഓർമ്മ​പ്പെ​ടു​ത്തുക” എന്നു ശക്തമായി ഉപദേ​ശി​ച്ചു. (തീത്തൊ. 3:1) അതിന്റെ അർഥം ഏതോ ഭാവി​പ്ര​വർത്ത​ന​ത്തിന്‌ അവർ മനസ്സി​ലും മനോ​ഭാ​വ​ത്തി​ലും ഒരുങ്ങി​യി​രി​ക്ക​ണ​മെ​ന്നാ​യി​രു​ന്നു.

² വാസ്‌ത​വ​മാ​യി, ഏതു തരം ദിവ്യാ​ധി​പത്യ ഉദ്യമ​ത്തി​ലും തയ്യാറാ​കൽ മൂല്യ​വ​ത്താണ്‌. തീർച്ച​യാ​യും, നിങ്ങൾ ഒരു പ്രത്യേക പ്രവർത്ത​ന​ത്തിൽ ആദ്യമാ​യി പങ്കെടു​ക്കു​മ്പോൾ, ആ മണ്ഡലം നിങ്ങൾക്കു പുതി​യ​താ​യ​തു​കൊ​ണ്ടു കൂടു​ത​ലായ തയ്യാറാ​കൽ ആവശ്യ​മാണ്‌. എന്നാൽ നിങ്ങളു​ടെ അറിവി​ന്റെ നിക്ഷേപം വർധി​ക്കു​ന്ന​തോ​ടെ, നിങ്ങൾ കഴിഞ്ഞ കാലങ്ങ​ളിൽ നടത്തിയ പഠന​ത്തെ​യും നേടി​യി​ട്ടു​ളള അനുഭ​വ​പ​രി​ച​യ​ത്തെ​യും പ്രയോ​ജ​ന​പ്പെ​ടു​ത്താൻ കഴിയു​മെന്നു നിങ്ങൾ കണ്ടെത്തു​ന്നു. എന്നിരു​ന്നാ​ലും, ഒരു പ്രത്യേക ജോലി​നി​യ​മനം നിങ്ങൾ എത്ര പ്രാവ​ശ്യം കൈകാ​ര്യം ചെയ്‌താ​ലും തയ്യാറാ​കൽ എല്ലായ്‌പോ​ഴും മൂല്യ​വ​ത്താണ്‌.

³ ഒരു പ്രസം​ഗ​നി​യ​മനം ലഭിച്ചി​ട്ടു​ള​ള​വർക്കു മാത്രമല്ല, സുവാർത്ത​യു​ടെ നല്ല യോഗ്യ​ത​യു​ളള ഒരു ശുശ്രൂ​ഷ​ക​നാ​യി​രി​ക്കാൻ ആഗ്രഹി​ക്കുന്ന ഏതൊ​രാൾക്കും തയ്യാറാ​കൽ ആവശ്യ​മാണ്‌. മാസങ്ങ​ളോ​ള​മോ വർഷങ്ങ​ളോ​ള​മോ വീടു​തോ​റു​മു​ളള വേലയിൽ പങ്കെടു​ത്ത​ശേഷം നിങ്ങൾ പ്രവർത്ത​ന​ത്തി​നു പോകുന്ന ഓരോ പ്രാവ​ശ്യ​വും തയ്യാറാ​ക​ലി​നു മുമ്പ​ത്തെ​പ്പോ​ലെ അത്രതന്നെ സമയം ആവശ്യ​മി​ല്ലെന്നു നിങ്ങൾ കണ്ടെത്തു​ന്നു. എന്നിരു​ന്നാ​ലും തയ്യാറാ​കു​ക​തന്നെ ചെയ്യു​ന്നു​വെ​ങ്കിൽ, നിങ്ങൾ എല്ലായ്‌പോ​ഴും കൂടുതൽ ഫലപ്ര​ദ​നാ​യി​രി​ക്കും. അങ്ങനെ​ത​ന്നെ​യാണ്‌ ഒരു ബൈബി​ള​ധ്യ​യനം നടത്തുന്ന കാര്യ​വും. നിങ്ങൾ നടത്തിയ ആദ്യത്തെ ബൈബി​ള​ധ്യ​യ​ന​ത്തി​നു വളരെ​യ​ധി​കം തയ്യാറാ​കൽ ആവശ്യ​മാ​യി​രു​ന്നു. എന്നിരു​ന്നാ​ലും നിങ്ങൾ എത്ര പ്രാവ​ശ്യം ആ വിഷയം അധ്യയനം നടത്തി​യി​ട്ടു​ണ്ടെ​ങ്കി​ലും നിങ്ങളു​ടെ പ്രത്യേക അധ്യേ​താ​വി​നെ മനസ്സിൽ പിടി​ച്ചു​കൊണ്ട്‌ അതു വീണ്ടും പുനര​വ​ലോ​ക​നം​ചെ​യ്യു​ക​യാ​ണെ​ങ്കിൽ നിങ്ങൾ മെച്ചമാ​യി അധ്യയനം നടത്തു​ന്ന​താ​യി​രി​ക്കും. നിങ്ങൾ പ്ലാററ്‌ഫാ​റ​ത്തിൽ പ്രസം​ഗി​ക്കു​മ്പോ​ഴും ഇതുതന്നെ സത്യമാണ്‌. വർഷങ്ങ​ളി​ലൂ​ടെ നേടിയ അനുഭ​വ​പ​രി​ചയം വളരെ സഹായ​ക​മാണ്‌. എന്നാൽ നിങ്ങൾ ഒരു പ്രസംഗം നടത്താൻ പോകു​ക​യാ​ണെന്നു മുന്നമേ അറിവു​കി​ട്ടു​ന്ന​ടത്തു തയ്യാറാ​കൽ കൂടാതെ അതു നടത്താൻ ഒരിക്ക​ലും ശ്രമി​ക്ക​രുത്‌.

⁴ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ കാര്യ​ത്തിൽ, തയ്യാറാ​കൽ നമു​ക്കെ​ല്ലാം വളരെ മൂല്യ​മു​ള​ള​താണ്‌. ഓരോ വിദ്യാർഥി​ക്കും സ്‌കൂൾപ​രി​പാ​ടി​യു​ടെ ഒരു പ്രതി​യുണ്ട്‌, അതിൽനിന്ന്‌ ഏതു തീയതി​യി​ലും വിശേ​ഷ​വൽക്ക​രി​ക്കാ​നു​ളള ബൈബി​ള​ധ്യാ​യങ്ങൾ അല്ലെങ്കിൽ മററു വിവരങ്ങൾ കുറി​ക്കൊ​ള​ളാൻ കഴിയും. നിങ്ങൾക്ക്‌ എത്രയ​ധി​കം തയ്യാറാ​കൽ നടത്താൻ കഴിയു​മോ അത്രയ​ധി​കം പ്രയോ​ജനം സ്‌കൂ​ളിൽനി​ന്നു കിട്ടും. മുൻകൂ​ട്ടി​യു​ളള തയ്യാറാ​ക​ലി​ന്റെ മൂല്യം തിരി​ച്ച​റി​യു​ന്ന​തി​ലു​ളള പരാജ​യ​ത്തി​നു നിങ്ങളിൽനി​ന്നു യഥാർഥ പ്രയോ​ജ​ന​ങ്ങ​ളിൽ അനേക​വും കവർന്നു​ക​ള​യാൻ കഴിയും.

 ⁵ തയ്യാറാ​കു​ന്ന​തി​നു സമയം വേണം, എന്നാൽ ഫലങ്ങൾ ശ്രമത്തി​നു തക്ക മൂല്യ​മു​ള​ള​താണ്‌. തയ്യാറാ​കൽ വാചാ​പു​ന​ര​വ​ലോ​ക​ന​ങ്ങ​ളിൽ സഹായ​ക​മാ​യി പങ്കെടു​ക്കുക സാധ്യ​മാ​ക്കു​ന്നു​വെന്നു മാത്രമല്ല, അതു യഹോ​വ​യു​ടെ മനസ്സു കിട്ടു​ന്ന​തി​നും സത്യത്തി​ന്റെ “നിർമല ഭാഷ”യിലുളള നിങ്ങളു​ടെ ഗ്രാഹ്യം മെച്ച​പ്പെ​ടു​ത്തു​ന്ന​തി​നും നിങ്ങളെ സഹായി​ക്കു​ക​യും ചെയ്യുന്നു. (സെഫ. 3:9, NW) സ്‌കൂ​ളി​നു​വേണ്ടി മുന്നമേ തയ്യാറാ​കു​ന്നത്‌ ഒരു ശീലമാ​ക്കു​ന്ന​തിന്‌, നിങ്ങൾക്കു നിങ്ങളു​ടെ സ്വന്തം കുടും​ബാം​ഗ​ങ്ങ​ളോ​ടൊ​ത്തോ സുഹൃ​ത്തു​ക്ക​ളോ​ടൊ​ത്തോ അത്തരം വായന​യും പഠനവും നടത്താൻ ക്രമീ​ക​രി​ക്കാ​വു​ന്ന​താണ്‌. തീർച്ച​യാ​യും, സ്‌കൂ​ളിൽ പേർ ചാർത്തി​യി​ട്ടു​ളള എല്ലാവർക്കും പ്രസം​ഗങ്ങൾ നടത്താ​നു​ളള അവസര​ങ്ങ​ളുണ്ട്‌, അവ തയ്യാറാ​കു​ന്ന​തു​സം​ബ​ന്ധി​ച്ചു​ളള കുറെ നിർദേ​ശങ്ങൾ സഹായ​ക​മാ​യി​രി​ക്കും.

6. ശുശ്രൂ​ഷാ​സ്‌കൂ​ളി​ലെ ഒരു വായനാ​നി​യ​മ​ന​ത്തി​നു നാം എങ്ങനെ തയ്യാറാ​കണം?

⁶ വായനാ​നി​യ​മ​നങ്ങൾ. ദിവ്യാ​ധി​പത്യ ശുശ്രൂ​ഷാ​സ്‌കൂൾ പരിപാ​ടി​യു​ടെ ഭാഗമാ​യി വായനാ​നി​യ​മ​നങ്ങൾ ക്രമമാ​യി പട്ടിക​പ്പെ​ടു​ത്തി​യേ​ക്കാം. അത്തര​മൊ​രു നിയമ​ന​ത്തി​നു​വേണ്ടി തയ്യാറാ​കു​ന്ന​തി​നു വിവരങ്ങൾ ശ്രദ്ധാ​പൂർവം വായി​ക്കുക. പേരു​ക​ളു​ടെ​യും പ്രയാ​സ​മു​ളള വാക്കു​ക​ളു​ടെ​യും ഉച്ചാരണം പരിചി​ത​മാ​ക്കുക. തടസ്സമോ കൃത്യ​ത​യി​ല്ലാ​യ്‌മ​യോ കൂടാതെ സംഭാ​ഷ​ണ​രീ​തി​യിൽ ഒഴു​ക്കോ​ടെ​യു​ളള ഒരു അവതരണം സാധി​ക്കു​ന്ന​തിന്‌ ഉച്ചത്തിൽ വായി​ച്ചു​ശീ​ലി​ക്കുക. അനുവ​ദി​ച്ചി​രി​ക്കുന്ന സമയം​കൊ​ണ്ടു വിവരങ്ങൾ അവതരി​പ്പി​ക്കാൻ കഴിയു​മെന്നു തിട്ട​പ്പെ​ടു​ത്തു​ന്ന​തി​നു ശ്രദ്ധാ​പൂർവം പരി​ശോ​ധന നടത്തുക.

7-11. പ്രസി​ദ്ധീ​ക​രി​ച്ചി​രി​ക്കുന്ന ഒരു ലേഖന​ത്തിൽനിന്ന്‌ ഒരു പ്രസംഗം വികസി​പ്പി​ക്കു​മ്പോൾ ഉപയോ​ഗി​ക്കാ​നു​ളള പ്രത്യേക വിവരങ്ങൾ തിര​ഞ്ഞെ​ടു​ക്കു​ന്ന​തിൽ ഏതു പരിഗ​ണ​നകൾ  സഹായി​ക്കും?

⁷ പ്രസി​ദ്ധീ​ക​രി​ച്ചി​രി​ക്കുന്ന ഒരു ലേഖന​ത്തിൽനിന്ന്‌ ഒരു പ്രസംഗം രൂപ​പ്പെ​ടു​ത്തൽ. ഇത്തരം പ്രസം​ഗ​ത്തിൽ ചെയ്യേണ്ട ആദ്യസം​ഗതി നിയമിത ഭാഗം ശ്രദ്ധാ​പൂർവം വായി​ക്കു​ക​യാണ്‌. മുഖ്യ പോയിൻറു​ക​ളു​ടെ അടിയിൽ വരയ്‌ക്കു​ക​യോ ഒരു കടലാ​സു​തു​ണ്ടിൽ മുഖ്യ പോയിൻറു​ക​ളു​ടെ ഒരു ബാഹ്യ​രേഖ എഴുതു​ക​യോ ചെയ്യുക. വികസി​പ്പി​ച്ചി​രി​ക്കുന്ന മുഖ്യാ​ശ​യ​ങ്ങ​ളു​ടെ ഒരു വ്യക്തമായ വീക്ഷണം നേടുക. ഇപ്പോൾ, അനുവ​ദി​ച്ചി​രി​ക്കുന്ന സമയത്തു നിങ്ങൾക്ക്‌ ഉപയോ​ഗി​ക്കാൻ കഴിയു​ന്ന​തി​നെ​ക്കാൾ കൂടുതൽ വിവരങ്ങൾ ഉണ്ടായി​രി​ക്കാ​നി​ട​യു​ള​ള​തു​കൊ​ണ്ടു നിങ്ങൾ ഏതെല്ലാം തിര​ഞ്ഞെ​ടു​ക്കും? ചില കാര്യങ്ങൾ വിവര​ങ്ങ​ളു​ടെ തിര​ഞ്ഞെ​ടു​പ്പി​നെ പ്രയോ​ജ​ന​ക​ര​മാ​യി ഭരി​ച്ചേ​ക്കാം: (1) നിങ്ങളു​ടെ സദസ്സും രംഗവി​ധാ​ന​വും—വിവരങ്ങൾ ഒരു പ്രാ​യോ​ഗി​ക​വി​ധ​ത്തിൽ എങ്ങനെ ഉപയോ​ഗി​ക്കാൻ കഴിയു​മെന്നു പ്രകട​മാ​ക്കാൻ ഒരു രംഗവി​ധാ​നം സഹായി​ക്കു​മെ​ങ്കിൽ; കൂടാതെ (2) നിങ്ങളു​ടെ വിഷയ​വും വിവര​ങ്ങ​ളു​ടെ പ്രത്യേക പ്രയു​ക്ത​ത​യും.

⁸ നിങ്ങളു​ടെ സദസ്സിനെ പരിഗ​ണി​ച്ചു​കൊണ്ട്‌, പ്രസി​ദ്ധീ​ക​രി​ക്ക​പ്പെ​ട്ടി​രി​ക്കുന്ന ലേഖന​ത്തിൽനിന്ന്‌ അവർ രസകര​വും പ്രയോ​ജ​ന​ക​ര​വു​മെന്നു കണ്ടെത്തുന്ന വിവരങ്ങൾ തിര​ഞ്ഞെ​ടു​ക്കാൻ നിങ്ങളാ​ഗ്ര​ഹി​ക്കും. പ്രസി​ദ്ധീ​ക​രി​ക്ക​പ്പെട്ട ലേഖന​ത്തി​ലെ ചില ഖണ്ഡികകൾ ഒരു പ്രത്യേ​ക​സ​ദ​സ്സി​നു വളരെ കടുപ്പ​മു​ള​ള​താ​ണെന്നു തോന്നു​ന്നു​വെ​ങ്കിൽ മററു ഖണ്ഡിക​ക​ളിൽ കേന്ദ്രീ​ക​രി​ക്കുക. കൂടാതെ, തിര​ഞ്ഞെ​ടുത്ത ഏതാനും ചില തിരു​വെ​ഴു​ത്തു​കൾ നിങ്ങൾ പറയുന്ന കാര്യ​ങ്ങ​ളു​ടെ കാരണങ്ങൾ വ്യക്തമാ​ക്കും. നിങ്ങൾ നിങ്ങളു​ടെ സദസ്സിനെ പരിഗ​ണി​ക്കു​ന്നു​വെ​ങ്കിൽ വളരെ​യ​ധി​കം വിവരങ്ങൾ ഉൾപ്പെ​ടു​ത്താൻ ശ്രമി​ക്കു​ക​യില്ല, എന്തു​കൊ​ണ്ടെ​ന്നാൽ നിങ്ങൾ ധൃതി​കൂ​ട്ടു​ക​യാ​ണെ​ങ്കിൽ മൂല്യ​ത്തി​ല​ധി​ക​വും നഷ്ടപ്പെ​ടും. അതു​കൊ​ണ്ടു ചുരുക്കം ചില പോയിൻറു​കൾ നന്നായി കൈകാ​ര്യം​ചെ​യ്യു​ന്ന​താ​ണു നല്ലത്‌.

 ⁹ വിദ്യാർഥി​പ്ര​സം​ഗ​ത്തിൽ അനേക​ത്തി​ന്റെ​യും കാര്യ​ത്തിൽ നിങ്ങളു​ടെ അവതര​ണ​ത്തിന്‌ ഒരു പ്രത്യേക രംഗവി​ധാ​ന​മു​ള​ളതു പ്രയോ​ജ​ന​ക​ര​മാണ്‌. വീടു​തോ​റു​മു​ളള വേലയിൽ ആരോ​ടെ​ങ്കി​ലും സംസാ​രി​ക്കു​ന്ന​തു​പോ​ലെ നിങ്ങൾക്കു വിവരങ്ങൾ അവതരി​പ്പി​ക്കാ​വു​ന്ന​താണ്‌; അല്ലെങ്കിൽ അത്‌ ഒരു മടക്കസ​ന്ദർശ​ന​ത്തിൽ ഒരു ചോദ്യ​ത്തിന്‌ ഉത്തരം​കൊ​ടു​ക്കു​ന്ന​താ​യി​രി​ക്കാം; അല്ലെങ്കിൽ ഒരുപക്ഷേ അനൗപ​ചാ​രിക സാക്ഷീ​ക​രണം നടത്തു​ന്ന​താ​യി​രി​ക്കാം. നിങ്ങളു​ടെ സ്വന്തം കുട്ടി​ക​ളിൽ ഒരാ​ളോ​ടു ഒരു സംഗതി വിശദീ​ക​രി​ക്കു​ന്ന​താ​യി​ട്ടു​പോ​ലും നിങ്ങൾക്ക്‌ അത്‌ അവതരി​പ്പി​ക്കാ​വു​ന്ന​താണ്‌. ഉപയോ​ഗി​ക്കാ​വുന്ന മററ​നേകം രംഗവി​ധാ​ന​ങ്ങ​ളുണ്ട്‌. ഒരു രംഗവി​ധാ​നം ഉപയോ​ഗി​ക്കു​മ്പോൾ പ്രധാ​ന​പ്പെട്ട സംഗതി അതു സാധ്യ​മാ​കു​ന്നത്ര പ്രാ​യോ​ഗി​ക​മാ​യി​രി​ക്ക​ണ​മെ​ന്നു​ള​ള​താണ്‌. അതു​കൊ​ണ്ടു രംഗവി​ധാ​ന​ത്തി​ന്റെ സംഗതി​ക്കു ശ്രദ്ധാ​പൂർവം ചിന്ത കൊടു​ക്കുക. മററു പ്രസാ​ധ​ക​രു​മാ​യും അതു ചർച്ച ചെയ്യുക, കാരണം അവർക്കു നല്ല കുറെ നിർദേ​ശങ്ങൾ ഉണ്ടായി​രി​ക്കാം.

¹⁰ നിങ്ങൾ ഏതു വിഷയം തിര​ഞ്ഞെ​ടു​ത്തി​രി​ക്കു​ന്നു, വിവര​ങ്ങ​ളു​ടെ എന്തു ബാധക​മാ​ക്ക​ലാ​ണു നിങ്ങൾ നടത്താൻ പോകു​ന്നത്‌? പ്രസി​ദ്ധീ​ക​രി​ച്ചി​രി​ക്കുന്ന ലേഖന​ത്തിൽനിന്ന്‌ അതനു​സ​രി​ച്ചു വിവരങ്ങൾ തിര​ഞ്ഞെ​ടു​ക്കുക. നിങ്ങളു​ടെ വിഷയ​ത്തി​നും നിങ്ങളു​ടെ പ്രസം​ഗ​ത്തി​ന്റെ ലക്ഷ്യത്തി​നും യഥാർഥ​ത്തിൽ സംഭാ​വ​ന​ചെ​യ്യാത്ത ആശയങ്ങൾ ഒഴിവാ​ക്കുക. പൊതു​വേ പറഞ്ഞാൽ, ഉൾപ്പെ​ടു​ത്തേണ്ട ആശയങ്ങൾ ആ ലേഖന​ത്തിൽ ഉണ്ട്‌, അതു​കൊ​ണ്ടു പുറത്തു​നി​ന്നു​ളള വളരെ​യ​ധി​കം വിവരങ്ങൾ കൊണ്ടു​വ​രു​ന്ന​തി​നെ​ക്കാൾ മെച്ചം ലേഖന​ത്തിൽ കേന്ദ്രീ​ക​രി​ക്കു​ക​യാണ്‌. തീർച്ച​യാ​യും സമുചി​ത​മായ ഒരു ദൃഷ്ടാ​ന്ത​മോ നിയമി​ത​വി​വ​ര​ങ്ങ​ളു​ടെ മൂല്യം വിലമ​തി​ക്കാൻ നിങ്ങളു​ടെ സദസ്സിനെ സഹായി​ക്കുന്ന മറെറ​ന്തെ​ങ്കി​ലും ആശയമോ ഉൾപ്പെ​ടു​ത്താൻ പാടി​ല്ലെന്ന്‌ അതിന്‌ അർഥമില്ല. സാധ്യ​മാ​കു​മ്പോൾ, തീർച്ച​യാ​യും എല്ലാവർക്കും ഏററവു​മ​ധി​കം പ്രയോ​ജനം കിട്ടത്ത​ക്ക​വണ്ണം വിവരങ്ങൾ നിങ്ങളു​ടെ സദസ്സിനു ബാധക​മാ​ക്കുക.

¹¹ നിങ്ങളു​ടെ വിഷയ​വും രംഗവി​ധാ​ന​വും തിര​ഞ്ഞെ​ടു​ത്ത​ശേഷം പ്രസി​ദ്ധീ​ക​രി​ച്ചി​രി​ക്കുന്ന ലേഖന​ത്തി​ലെ ചില ഖണ്ഡികകൾ നിങ്ങളു​ടെ പ്രസം​ഗ​ത്തി​നു ചേരു​ന്നി​ല്ലെന്നു നിങ്ങൾ കണ്ടെത്തി​യേ​ക്കാം. എല്ലാ ഖണ്ഡിക​ക​ളി​ലെ​യും ആശയങ്ങൾ ഉപയോ​ഗി​ക്കാൻ നിങ്ങ​ളോട്‌ ആവശ്യ​പ്പെ​ടു​ന്നില്ല. എന്നാൽ ഇതു ചെയ്യുക: വിവര​ങ്ങ​ളു​ടെ ന്യായ​മെന്നു തോന്നുന്ന ഒരു വലിയ ഭാഗം ഉപയോ​ഗി​ക്കാൻ നിങ്ങളെ അനുവ​ദി​ക്കുന്ന ഒരു വിഷയ​വും രംഗവി​ധാ​ന​വും തിര​ഞ്ഞെ​ടു​ക്കാൻ ശ്രമി​ക്കുക.

12. തിരു​വെ​ഴു​ത്തു​ക​ളു​ടെ ഒരു നിയമിത പട്ടിക ഒരു പ്രസം​ഗ​മാ​യി രൂപ​പ്പെ​ടു​ത്തു​ന്ന​തി​നു നമുക്ക്‌ എങ്ങനെ നീങ്ങാ​വു​ന്ന​താണ്‌?

¹² തിരു​വെ​ഴു​ത്തു​ക​ളു​ടെ ഒരു പട്ടിക ഒരു പ്രസം​ഗ​മാ​യി രൂപ​പ്പെ​ടു​ത്തൽ. ഒരുപക്ഷേ ചർച്ചയ്‌ക്കു​വേ​ണ്ടി​യു​ളള ബൈബിൾ വിഷയങ്ങൾ എന്ന ചെറു​പു​സ്‌ത​ക​ത്തിൽനി​ന്നോ തിരു​വെ​ഴു​ത്തു​ക​ളിൽനി​ന്നു ന്യായ​വാ​ദം ചെയ്യൽ എന്ന പുസ്‌ത​ക​ത്തിൽനി​ന്നോ ചില​പ്പോ​ഴൊ​ക്കെ തിരു​വെ​ഴു​ത്തു​ക​ളു​ടെ ഒരു പട്ടിക നിങ്ങൾക്കു നിയമി​ച്ചു​ത​ന്നേ​ക്കാം, അവ നിങ്ങളു​ടെ ഭാഷയിൽ ലഭ്യമാ​ണെ​ങ്കിൽ. അപ്പോൾ നിങ്ങളു​ടെ ലക്ഷ്യം ഈ തിരു​വെ​ഴു​ത്തു​കളെ ഒരു സാധാരണ പ്രസം​ഗ​മാ​യി​ട്ടോ വയൽശു​ശ്രൂ​ഷ​യി​ലേ​തു​പോ​ലെ​യു​ളള ഒരു അവതര​ണ​മാ​യി​ട്ടോ രൂപ​പ്പെ​ടു​ത്തു​ക​യാണ്‌. പട്ടിക​യിൽ അനുവ​ദി​ച്ചി​രി​ക്കുന്ന സമയത്തു തീർക്കാ​വു​ന്ന​തിൽ കൂടുതൽ തിരു​വെ​ഴു​ത്തു​ക​ളു​ണ്ടെ​ങ്കിൽ നിങ്ങൾ ഉപയോ​ഗി​ക്കാൻ ആഗ്രഹി​ക്കു​ന്നവ തിര​ഞ്ഞെ​ടു​ക്കുക. ലഭ്യമായ സമയത്തു ഫലകര​മാ​യി ഉൾപ്പെ​ടു​ത്താ​വു​ന്ന​തിൽ കൂടുതൽ ഉപയോ​ഗി​ക്കാ​തി​രി​ക്കു​ന്ന​താണ്‌ ഏററവും നല്ലത്‌.  നിങ്ങൾ ഉപയോ​ഗി​ക്കാൻ പോകുന്ന ഓരോ തിരു​വെ​ഴു​ത്തും പിന്നീടു വിശക​ലനം ചെയ്യുക. അത്‌ ഉപയോ​ഗി​ക്കു​ന്ന​തി​നു​ളള നിങ്ങളു​ടെ കാരണം നിർണ​യി​ക്കുക. ഓരോ തിരു​വെ​ഴു​ത്തി​ന്റെ​യും അവതരി​പ്പി​ക്കൽ അതുപ​യോ​ഗി​ക്കു​ന്ന​തി​നു​ളള കാരണ​ത്തിൽ ശ്രദ്ധ കേന്ദ്രീ​ക​രി​ക്കത്തക്ക വിധത്തിൽ അവതരണം തയ്യാറാ​കുക. കൂടാതെ, നിങ്ങൾ തിരു​വെ​ഴു​ത്തു വായി​ക്കുന്ന രീതി അതിന്റെ മുഖ്യ​ഭാ​ഗ​ത്തി​നു ദൃഢത കൊടു​ക്കണം. ഒടുവിൽ, അതിന്റെ ബാധക​മാ​ക്കൽ മുഖ്യ ആശയം വ്യക്തമാ​ക്കും.

13-15. ഒരു പ്രസം​ഗ​ത്തി​നു​ളള അടിസ്ഥാ​ന​മാ​യി പ്രസി​ദ്ധീ​കൃ​ത​മായ പ്രത്യേക വിവരങ്ങൾ നിർദേ​ശി​ച്ചി​ട്ടി​ല്ലാ​ത്ത​പ്പോൾ ഒരു നിയമി​ത​വി​ഷയം ഒരു പ്രസം​ഗ​മാ​യി രൂപ​പ്പെ​ടു​ത്തു​ന്ന​തി​നു പ്രയോ​ജ​ന​ക​ര​മാ​യി ഏതു നടപടി​കൾ സ്വീക​രി​ക്കാ​വു​ന്ന​താണ്‌?

¹³ വിഷയം മാത്രം നിയമി​ച്ചു​ത​രു​മ്പോൾ. ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലാ​യാ​ലും, സേവന​യോ​ഗ​ത്തി​ലാ​യാ​ലും മററു പരിപാ​ടി​ക​ളി​ലാ​യാ​ലും, ഒരു വിഷയം മാത്രം നിയമി​ച്ചു​ത​ന്നു​കൊണ്ട്‌ ഒരു പ്രസംഗം നടത്താൻ നിങ്ങ​ളോട്‌ ആവശ്യ​പ്പെ​ടുന്ന അവസര​ങ്ങ​ളു​ണ്ടാ​യി​രി​ക്കാം. അവതര​ണ​ത്തി​ന്റെ അടിസ്ഥാ​ന​മാ​യി ഉപയോ​ഗി​ക്കാൻ വിവര​ങ്ങ​ളൊ​ന്നും നിങ്ങൾക്കു നൽകു​ന്നില്ല. അങ്ങനെ​യു​ളള സന്ദർഭ​ങ്ങ​ളിൽ ശുപാർശ​ചെ​യ്യുന്ന നടപടി​ക്രമം ഇതാണ്‌: നിങ്ങളു​ടെ മനസ്സിൽ തെരച്ചിൽ നടത്തി വികസി​പ്പി​ക്കാൻ അർഹത​യു​ള​ള​താ​ണെന്നു നിങ്ങൾ വിശ്വ​സി​ക്കുന്ന ആശയങ്ങൾ കുറി​ച്ചി​ടുക. ആ ആദ്യ പടി പ്രധാ​ന​മാണ്‌. ഇതായി​രി​ക്കാം നിങ്ങളു​ടെ പ്രസംഗം അതിന്റെ രൂപ​പ്പെ​ടു​ത്ത​ലിൽ പുതു​മ​യു​ള​ള​താ​യി​രി​ക്കു​മോ അതോ മററു​ള​ള​വ​രു​ടെ ആശയങ്ങ​ളു​ടെ ഒരു ആവർത്ത​നം​മാ​ത്ര​മാ​യി​രി​ക്കു​മോ എന്നു നിർണ​യി​ക്കു​ന്നത്‌. അതു ലക്ഷ്യമി​ല്ലാത്ത കുറെ തെരച്ചി​ലും വായന​യും തടയു​ക​യും ചെയ്‌തേ​ക്കാം, കാരണം അതു നിങ്ങളു​ടെ ഗവേഷ​ണ​ത്തി​ന്റെ പരിധി​യെ പരിമി​ത​പ്പെ​ടു​ത്തി​യി​രി​ക്കും. അതിൽപ​ര​മാ​യി, അതു നിങ്ങളു​ടെ വ്യക്തി​ത്വ​ത്തിന്‌ അന്യമായ ഒരു ശൈലി​യി​ലല്ല, നിങ്ങളു​ടെ സ്വന്തം സംസാ​ര​ശൈ​ലി​യിൽ ഒരു പ്രസംഗം നടത്തു​ന്ന​തിൽ കലാശി​ക്കാൻ കൂടുതൽ സാധ്യ​ത​യുണ്ട്‌. നിങ്ങളു​ടെ വിഷയ​ത്തെ​ക്കു​റി​ച്ചു പക്വത​യു​ളള ആളുക​ളു​മാ​യി സംസാ​രി​ക്കു​ന്ന​തും സഹായ​ക​മാ​യി​രി​ക്കാം. വിഷയം വികസി​പ്പി​ക്കാ​വുന്ന രീതി സംബന്ധിച്ച്‌ അവർക്കു നല്ല കുറെ ആശയങ്ങൾ ഉണ്ടായി​രി​ക്കാം.

¹⁴ അടുത്ത​താ​യി ഒരു കൊൺകോ​ഡൻസി​ന്റെ​യും സൊ​സൈ​റ​റി​യു​ടെ ഇൻഡക്‌സു​ക​ളു​ടെ​യും സഹായ​ത്തോ​ടെ ബൈബി​ളി​ലും മററു പ്രസി​ദ്ധീ​ക​ര​ണ​ങ്ങ​ളി​ലും ഗവേഷണം നടത്തി​ക്കൊ​ണ്ടു നിങ്ങളു​ടെ സ്വന്തം വിവര​ങ്ങ​ളോ​ടു കൂട്ടാൻ നിങ്ങൾ സജ്ജനാണ്‌. സാധാ​ര​ണ​യാ​യി ആദ്യം വിഷയ​വി​വരം പരി​ശോ​ധി​ച്ചു​കൊണ്ട്‌, ഗവേഷ​ണ​ത്തി​നു​പ​യോ​ഗി​ക്കുന്ന ഏതു പ്രസി​ദ്ധീ​ക​ര​ണ​ത്തിൽനി​ന്നും നിങ്ങൾക്ക്‌ ഏററവും കൂടുതൽ പ്രയോ​ജനം നേടാൻ കഴിയും. പിന്നീടു നിങ്ങൾക്ക്‌ അത്യന്തം സഹായ​ക​മാ​യി​രി​ക്കുന്ന വിവരങ്ങൾ എവിടെ കണ്ടെത്താ​മെന്നു കാണാൻ ഇൻഡക്‌സ്‌ പരി​ശോ​ധി​ക്കുക. ഉചിത​മാ​യതു തിര​ഞ്ഞെ​ടു​ക്കു​ന്നതു നിങ്ങൾക്കു വളരെ​യ​ധി​കം സമയലാ​ഭം വരുത്തും. നിങ്ങളു​ടെ വായന​യിൽ എങ്ങനെ​യാ​യാ​ലും നിങ്ങളു​ടെ ഇപ്പോ​ഴത്തെ വിഷയ​ത്തോ​ടു ബന്ധമി​ല്ലാ​ത്ത​താ​യി നിങ്ങൾ കണ്ടുമു​ട്ടുന്ന രസകര​മായ മററു പോയിൻറു​ക​ളാൽ വ്യതി​ച​ലി​പ്പി​ക്ക​പ്പെ​ടു​ന്ന​തി​ന്റെ അപകട​മുണ്ട്‌. നിങ്ങൾക്ക്‌ ഉപയോ​ഗി​ക്കാൻ കഴിയുന്ന ഭാഗങ്ങൾ മാത്രം അടയാ​ള​പ്പെ​ടു​ത്തി​ക്കൊണ്ട്‌ വിവര​ങ്ങ​ളി​ലൂ​ടെ കണ്ണോ​ടി​ച്ചു​പോ​കു​ന്ന​തി​നാൽ ഈ അപകടം ഒഴിവാ​ക്കുക. മിക്ക​പ്പോ​ഴും നിങ്ങൾ ചെയ്യേ​ണ്ടി​യി​രി​ക്കു​ന്നത്‌ ഓരോ ഖണ്ഡിക​യു​ടെ​യും മുഖ്യാ​ശ​യ​വാ​ചകം ശ്രദ്ധി​ക്കു​ക​യും അനന്തരം നിങ്ങളു​ടെ ഉപയോ​ഗ​ത്തിന്‌ ഏററവും ഉചിത​മാ​യി തോന്നുന്ന ഖണ്ഡിക​കൾമാ​ത്രം വായി​ക്കു​ക​യു​മാണ്‌.

¹⁵ നിങ്ങളു​ടെ സ്വന്തം ആശയങ്ങ​ളും മററു ഉറവു​ക​ളിൽനി​ന്നു ശേഖരി​ച്ച​വ​യും കൈവ​ശ​മു​ളള സ്ഥിതിക്ക്‌ ഇപ്പോൾ നിങ്ങൾക്ക്‌ അനുവ​ദി​ച്ചി​ട്ടു​ളള സമയത്തു വികസി​പ്പി​ക്കാൻ  കഴിയുന്ന അതിവി​ശി​ഷ്ട​മായ ആശയങ്ങൾ മാത്രം തിര​ഞ്ഞെ​ടു​ക്കാൻ നിങ്ങൾ സജ്ജനാണ്‌. ഈ സമൃദ്ധ​മായ വിവര​ങ്ങ​ളിൽനി​ന്നു തിര​ഞ്ഞെ​ടു​ക്കു​മ്പോൾ: ഇതു പ്രാ​യോ​ഗി​ക​മാ​ണോ? ഇതു രസകര​മാ​ണോ? ഇത്‌ എന്റെ വിഷയത്തെ പ്രദീ​പ്‌ത​മാ​ക്കു​മോ? എന്നിങ്ങ​നെ​യു​ളള ചോദ്യ​ങ്ങൾ നിങ്ങ​ളോ​ടു​തന്നെ ചോദി​ക്കുക.

16, 17. കുറി​പ്പു​കൾ എഴുതു​ന്ന​തു​സം​ബ​ന്ധിച്ച്‌ ഏതു നിർദേ​ശങ്ങൾ നൽക​പ്പെ​ടു​ന്നു?

¹⁶ കുറി​പ്പെ​ടു​ക്കൽ. ഏതു പ്രസം​ഗ​നി​യ​മ​ന​ത്തി​നും വേണ്ടി​യു​ളള തയ്യാറാ​ക​ലി​ലും ഗവേഷ​ണ​ത്തി​ലും ഉരുത്തി​രി​യുന്ന നിരവധി ആശയങ്ങൾ രേഖ​പ്പെ​ടു​ത്തു​ന്ന​തിന്‌ ഏതെങ്കി​ലും മാർഗം ആവശ്യ​മാണ്‌. ചില വിദ്യാർഥി​കൾ ചെറിയ കാർഡു​ക​ളോ കടലാ​സു​തു​ണ്ടു​ക​ളോ ഉപയോ​ഗി​ച്ചു​കൊ​ണ്ടു പ്രസം​ഗ​ത്തിൽ ഉപയോ​ഗി​ക്കാ​നു​ളള ഏതെങ്കി​ലും മുഖ്യാ​ശയം ഓരോ​ന്നി​ലും എഴുതു​ന്നതു സഹായ​ക​മാ​ണെന്നു കണ്ടെത്തി​യി​രി​ക്കു​ന്നു.

¹⁷ കുറി​പ്പു​കൾ വളരെ ഹ്രസ്വ​മാ​യി​രി​ക്കേ​ണ്ട​താണ്‌, സാധാ​ര​ണ​യാ​യി ആശയം നിങ്ങളെ ഓർമി​പ്പി​ക്കാൻ മാത്രം മതിയാ​യത്‌. ഇതിന്റെ പ്രയോ​ജനം മററാ​രിൽനി​ന്നെ​ങ്കി​ലും കടംവാ​ങ്ങിയ പദപ്ര​യോ​ഗ​ങ്ങ​ളോ​ടും വാചക​ങ്ങ​ളോ​ടും കർശന​മാ​യി പററി​നിൽക്കാ​തെ വാചി​ക​മായ ഒരു അവതരണം നടത്തു​ന്ന​തി​നു ഹ്രസ്വ​മായ കുറി​പ്പു​കൾ സഹായ​ക​മാ​ണെ​ന്നു​ള​ള​താണ്‌. ആവശ്യ​മെ​ങ്കിൽ വീണ്ടും പേജും ഖണ്ഡിക​യും കണ്ടുപി​ടി​ക്കാൻ കഴിയ​ത്ത​ക്ക​വണ്ണം നിങ്ങളു​ടെ ആശയങ്ങ​ളു​ടെ ഉറവുകൾ കുറി​ച്ചി​ടുക. പ്രമാ​ണ​മെന്ന നിലയിൽ ആശ്രയി​ക്കാൻപോ​കുന്ന ഓരോ മുഖ്യ തിരു​വെ​ഴു​ത്തും​കൂ​ടെ കുറി​ച്ചി​ടുക. ധാരാ​ള​മാ​യി മാററി​യെ​ഴു​ത്തു നടത്തേ​ണ്ട​തി​ല്ലാ​തെ പ്രസം​ഗ​ത്തി​ന്റെ തയ്യാറാ​ക​ലി​ന്റെ സമയത്തു പുതിയവ കൂട്ടി​ച്ചേർക്കാ​നും ചിലതു നീക്കം​ചെ​യ്യാ​നും കഴിയു​മെ​ന്ന​താ​ണു കാർഡു​ക​ളു​ടെ അല്ലെങ്കിൽ തുണ്ടു​ക​ട​ലാ​സു​ക​ളു​ടെ മറെറാ​രു പ്രയോ​ജനം.

18. നാം ഒരുക്ക​പ്പെട്ട ഒരു ജനമാ​യി​രി​ക്കാൻ ആഗ്രഹി​ക്കേ​ണ്ട​തെ​ന്തു​കൊണ്ട്‌?

¹⁸ ഒരുക്ക​പ്പെട്ട ഒരു ജനം. ഏതു ദിവ്യാ​ധി​പത്യ നിയമ​ന​ത്തോ​ടു​മു​ളള ബന്ധത്തിൽ ഗൃഹപാ​ഠത്തെ അവഗണി​ക്കാ​നു​ളള ഏതെങ്കി​ലും പ്രവണത ഉണ്ടെങ്കിൽ, യഹോ​വ​യു​ടെ അംഗീ​കാ​രം കിട്ടേ​ണ്ട​വ​രു​ടെ ഭാഗത്തെ ഒരുക്ക​ത്തി​ന്റെ മൂല്യം​സം​ബ​ന്ധി​ച്ചു വിചി​ന്തനം ചെയ്യു​ന്നതു നല്ലതാണ്‌. ദൃഷ്ടാ​ന്ത​ത്തിന്‌, യോഹ​ന്നാൻസ്‌നാ​പകൻ “യഹോ​വ​ക്കു​വേണ്ടി ഒരുക്ക​പ്പെട്ട ഒരു ജനത്തെ തയ്യാറാ​ക്കാൻ” നിയോ​ഗി​ക്ക​പ്പെട്ടു. (ലൂക്കോ. 1:17, NW) ആ “ഒരുക്ക​പ്പെട്ട” ഇസ്ര​യേ​ല്യർ തങ്ങൾക്കു​വേണ്ടി യഹോ​വ​യു​ടെ മനസ്സി​ലു​ണ്ടാ​യി​രുന്ന വേല ചെയ്യാൻ പ്രാപ്‌ത​രാ​ക​ത്ത​ക്ക​വണ്ണം തങ്ങളോ​ടു​ളള അവിടു​ത്തെ ഇടപെ​ട​ലു​ക​ളാൽ പ്രയോ​ജ​ന​ക​ര​മാ​യി കരുപ്പി​ടി​പ്പി​ക്ക​പ്പെ​ടാൻ തങ്ങളേ​ത്തന്നെ അനുവ​ദിച്ച ജനമാ​യി​രു​ന്നു. നമ്മേസം​ബ​ന്ധി​ച്ചും അങ്ങനെ​ത​ന്നെ​യാണ്‌: ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​നെ പൂർണ​മാ​യി പ്രയോ​ജ​ന​പ്പെ​ടു​ത്തി​ക്കൊ​ണ്ടും ഓരോ നിയമ​ന​ത്തി​ന്റെ​യും തയ്യാറാ​കൽ നന്നായി നടത്തി​ക്കൊ​ണ്ടും യഹോവ ഒരുക്കി​യി​രി​ക്കുന്ന ഈ വിദ്യാ​ഭ്യാ​സ​പ​രി​പാ​ടി​യാൽ കരുപ്പി​ടി​പ്പി​ക്ക​പ്പെ​ടാൻ നാം നമ്മേത്തന്നെ അനുവ​ദി​ക്കു​ന്നു. ഈ വിധത്തിൽ നാമും ദൈവ​ത്തി​ന്റെ ശുശ്രൂ​ഷ​ക​രെ​ന്ന​നി​ല​യിൽ ഫലപ്ര​ദ​മായ സേവന​ത്തി​നു സജ്ജീകൃ​ത​രാ​യി​ത്തീ​രു​ന്നു.

[അധ്യയന ചോദ്യ​ങ്ങൾ]