പാഠം 14

നയമു​ള​ളവർ, അതേസ​മയം ദൃഢത​യു​ള​ള​വർ

1. നാം നയം നട്ടുവ​ളർത്തേ​ണ്ടത്‌ എന്തു​കൊണ്ട്‌?

¹ യേശു തന്റെ ശിഷ്യൻമാ​രെ പ്രസം​ഗി​ക്കാൻ അയച്ച​പ്പോൾ, അവർ പറയു​ന്ന​തി​ലും ചെയ്യു​ന്ന​തി​ലും വിവേചന ഉപയോ​ഗി​ക്ക​ണ​മെന്ന്‌ അവിടു​ന്നു വ്യക്തമാ​ക്കി. താൻ അവരോ​ടു​കൂ​ടെ ഉണ്ടായി​രി​ക്കു​മെന്ന്‌ അവിടു​ന്നു വാഗ്‌ദത്തം ചെയ്‌തെ​ങ്കി​ലും അനാവ​ശ്യ​മായ പ്രയാ​സങ്ങൾ വരുത്തി​ക്കൂ​ട്ടുന്ന ഒരു വിധത്തിൽ അവർ പ്രവർത്തി​ക്ക​രു​താ​യി​രു​ന്നു. (മത്താ. 10:16) തങ്ങളുടെ ഇടയിൽപോ​ലും ക്രിസ്‌ത്യാ​നി​കൾ ചിന്താ​ശൂ​ന്യ​മാ​യി അന്യോ​ന്യം ഉപദ്ര​വി​ക്കാ​തി​രി​ക്കാൻ തങ്ങളുടെ സംസാ​ര​ത്തി​ലും പ്രവൃ​ത്തി​ക​ളി​ലും വിവേചന ഉപയോ​ഗി​ച്ചേ​തീ​രൂ. (സദൃ. 12:8, 18) അതു​കൊ​ണ്ടു നയം നട്ടുവ​ളർത്തേണ്ട ആവശ്യ​മുണ്ട്‌.

2. നയം എന്നതിന്റെ അർഥ​മെ​ന്താണ്‌?

² “മററു​ള​ള​വ​രോട്‌ ഇടപെ​ടു​മ്പോൾ എന്തു പറയു​ന്നത്‌ അല്ലെങ്കിൽ ചെയ്യു​ന്നത്‌ ഉചിത​മാ​ണെ​ന്നു​ളള തിരി​ച്ച​റിവ്‌” എന്നും “ഇടർച്ച​വ​രു​ത്താ​തെ മററു​ള​ള​വ​രോട്‌ ഇടപെ​ടാ​നു​ളള പ്രാപ്‌തി” എന്നും നയം നിർവ​ചി​ക്ക​പ്പെ​ടു​ന്നു. നയമു​ള​ള​വ​രാ​യി​രി​ക്കു​ക​യെ​ന്നാൽ മററു​ള​ള​വർക്കു വ്രണി​ത​വി​കാ​രങ്ങൾ ഉണ്ടാകാ​തി​രി​ക്കാൻ സംസാ​ര​ത്തി​ലും പ്രവൃ​ത്തി​യി​ലും കൃപയു​ള​ള​വ​രാ​യി​രി​ക്കുക എന്നാണർഥം. നാം കാര്യങ്ങൾ പറയു​ക​യും ചെയ്യു​ക​യും ചെയ്യുന്ന വിധത്താൽ ഇടർച്ച​ക്കി​ട​യാ​ക്കാൻ നാം ആഗ്രഹി​ക്കു​ന്നില്ല. എന്നിരു​ന്നാ​ലും, പറയു​ക​യോ ചെയ്യു​ക​യോ ചെയ്യുന്ന കാര്യ​ങ്ങ​ളാൽ നാം മററു​ള​ള​വർക്ക്‌ ഒരിക്ക​ലും ഇടർച്ച​വ​രു​ത്തു​ക​യില്ല എന്ന്‌ ഇതിനർഥ​മില്ല, കാരണം ബൈബി​ളി​ന്റെ സന്ദേശം​തന്നെ ചിലർക്ക്‌ ഇടർച്ച​യാണ്‌.  (റോമ. 9:33; 2 കൊരി. 2:15, 16) അതു​കൊണ്ട്‌, നാം ശീലത്തിൽ നയമു​ള​ള​വ​രാ​ണെ​ങ്കി​ലും നാം ദൈവ​ത്തി​ന്റെ സത്യത്തി​നു​വേണ്ടി ദൃഢത​യു​ള​ള​വർകൂ​ടെ​യാണ്‌.

3. ആത്മാവി​ന്റെ ഫലം നയത്തിന്റെ അടിസ്ഥാ​ന​മാ​യി​രി​ക്കു​ന്നത്‌ എങ്ങനെ​യെന്നു വിശദീ​ക​രി​ക്കുക.

³ നാം ദൈവാ​ത്മാ​വി​ന്റെ ഫലം പ്രകട​മാ​ക്കു​ന്നു​വെ​ങ്കിൽ, നമ്മുടെ ദൈനം​ദി​ന​ജീ​വി​ത​ത്തിൽ നയമു​ള​ള​വ​രാ​യി​രി​ക്കുക പ്രയാ​സമല്ല. ആ ഫലമാണു നയത്തിന്റെ അടിത്തറ അഥവാ അടിസ്ഥാ​നം. (ഗലാ. 5:22, 23) ദൃഷ്ടാ​ന്ത​ത്തിന്‌, സ്‌നേ​ഹ​ത്താൽ പ്രേരി​ത​നാ​കുന്ന ഒരാൾ മററു​ള​ള​വരെ അലോ​സ​ര​പ്പെ​ടു​ത്താൻ ആഗ്രഹി​ക്കു​ന്നില്ല, എന്നാൽ അവരെ സഹായി​ക്കു​ന്ന​തിന്‌ അയാൾക്ക്‌ ആത്മാർഥ​മായ ആഗ്രഹ​മുണ്ട്‌. ദയ പ്രകട​മാ​ക്കുന്ന ആൾ താൻ കാര്യങ്ങൾ ചെയ്യുന്ന വിധത്തിൽ ശാന്തനാ​യി​രി​ക്കും. ആത്മനി​യ​ന്ത്രണം നട്ടുവ​ളർത്തി​യി​രി​ക്കു​ക​യും പീഡാ​ക​ര​മായ സാഹച​ര്യ​ങ്ങ​ളിൽ ശാന്തനാ​യി സ്ഥിതി​ചെ​യ്യു​ക​യും ചെയ്യുന്ന ആൾ തന്റെ വീക്ഷണം മറെറാ​രാ​ളെ​ക്കൊ​ണ്ടു സ്വീക​രി​പ്പി​ക്കാൻ അത്യന്തം സാധ്യ​ത​യുണ്ട്‌. മറിച്ച്‌, ആവേശം കൊള​ളു​ന്ന​വ​നോ ക്ഷിപ്ര​കോ​പി​യോ വെട്ടി​ത്തു​റന്നു കാര്യങ്ങൾ പറയാ​നും അങ്ങനെ താൻ ആരോടു സംസാ​രി​ക്കു​ന്നു​വോ അവരുടെ ശത്രുത ഉണർത്താ​നു​മി​ട​യുണ്ട്‌. (സദൃ. 15:18) നമ്മുടെ സംസാ​ര​വും പ്രവർത്ത​ന​ങ്ങ​ളും ന്യായ​ബോ​ധ​മു​ള​ള​വരെ അകററു​ന്നതല്ല, ആകർഷി​ക്കു​ന്ന​താ​യി​രി​ക്കണം.

4-8. (എ) നമുക്കു നമ്മുടെ വീടു​തോ​റു​മു​ളള ശുശ്രൂ​ഷ​യിൽ എങ്ങനെ നയം പ്രകട​മാ​ക്കാൻ കഴിയും? (ബി) നയത്തിനു വിട്ടു​വീഴ്‌ച ആവശ്യ​മാ​ണോ? അതിൽ എന്ത്‌ ഉൾപ്പെ​ട്ടി​രി​ക്കു​ന്നു?

⁴ വയൽശു​ശ്രൂ​ഷ​യിൽ നയം പ്രയോ​ഗി​ക്കൽ. വീടു​തോ​റു​മു​ളള ശുശ്രൂ​ഷ​യിൽ വീട്ടു​കാ​രന്‌ ഉത്‌ക​ണ്‌ഠ​യു​ളള കാര്യ​ങ്ങ​ളിൽ നിങ്ങളു​ടെ സംഭാ​ഷണം ആരംഭി​ക്കു​ക​യും ദൈവ​രാ​ജ്യം എങ്ങനെ പരിഹാ​രം വരുത്തു​മെന്നു കാണി​ക്കു​ക​യും ചെയ്യു​ന്ന​തി​നാൽ നിങ്ങൾക്കു നയം പ്രകട​മാ​ക്കാൻ കഴിയും. അയാളു​ടെ നീതി​സ്‌നേ​ഹ​ത്തെ​യും ന്യായ​ബോ​ധ​ത്തെ​യും മെച്ചപ്പെട്ട കാര്യ​ങ്ങൾക്കാ​യു​ളള ആഗ്രഹ​ത്തെ​യും ഉണർത്തുക. അയാളു​ടെ മതവീ​ക്ഷ​ണ​ങ്ങളെ കളിയാ​ക്കു​ന്നത്‌ അല്ലെങ്കിൽ കുററം വിധി​ക്കു​ന്നത്‌ അയാളു​ടെ മനസ്സ്‌ അടയ്‌ക്കു​കയേ ഉളളു. അതു​കൊ​ണ്ടു വിവാദം ഇളക്കി​വി​ടുന്ന കാര്യ​ങ്ങ​ളെ​ക്കു​റി​ച്ചു സംസാ​രി​ക്കു​ന്ന​തി​നു പകരം ആളുകൾ പൊതു​വേ ശരി​യെന്നു അംഗീ​ക​രി​ക്കുന്ന കാര്യങ്ങൾ ആകർഷ​ക​മാ​യി സംസാ​രി​ക്കുക. കൂടുതൽ വിവാ​ദാ​ത്മ​ക​മായ കാര്യ​ങ്ങ​ളി​ലേക്കു നീങ്ങേ​ണ്ടത്‌ ആവശ്യ​മാ​ണെ​ങ്കിൽ, ആദ്യം വീട്ടു​കാ​ര​നു​മാ​യി യോജി​പ്പു​ളള എന്തെങ്കി​ലും പോയിൻറു കണ്ടുപി​ടി​ക്കു​ക​യും ആ യോജി​പ്പി​നെ ഊന്നി​പ്പ​റ​യു​ക​യും ചെയ്യുക. രാജ്യ​വും അതിന്റെ അനു​ഗ്ര​ഹ​ങ്ങ​ളു​മാ​കുന്ന പ്രത്യാ​ശാ​ജ​ന​ക​മായ സത്യങ്ങൾ നിങ്ങൾക്കു വീട്ടു​കാ​രന്റെ മനസ്സിൽ പതിപ്പി​ക്കാൻ കഴിയു​മെ​ങ്കിൽ വ്യക്തി ദൈവ​ത്തി​ന്റെ അനർഹ​ദ​യയെ വിലമ​തി​ക്കാ​നി​ട​യാ​കു​മ്പോൾ മററു കാര്യങ്ങൾ തക്ക സമയത്തു തിരു​ത്ത​പ്പെ​ടും.

⁵ നയമുളള ആൾ താൻ ആരുമാ​യി സംസാ​രി​ക്കു​ന്നു​വോ അയാൾ സംഭാ​ഷ​ണ​ത്തിൽ ഉൾപ്പെ​ടാ​നും അയാളു​ടെ വീക്ഷണങ്ങൾ വെളി​പ്പെ​ടു​ത്താ​നും പ്രോ​ത്സാ​ഹി​പ്പി​ക്കു​ന്ന​തി​നു സകല ശ്രമവും ചെയ്യുന്നു. പൗലോസ്‌, താൻ ആരോടു സാക്ഷീ​ക​രി​ച്ചോ അവരുടെ വീക്ഷണ​കോ​ണ​ത്തിൽ ചിന്തി​ക്കാൻ ശ്രമി​ക്കു​ക​യും അങ്ങനെ സുവാർത്തക്ക്‌ അനുകൂ​ല​മാ​യി ശക്തമായ വാദങ്ങൾ ഉന്നയി​ക്കാൻ മെച്ചമാ​യി പ്രാപ്‌ത​നാ​കു​ക​യും ചെയ്‌തു. (1 കൊരി. 9:20-22) നാം അതുതന്നെ ചെയ്യേ​ണ്ട​തുണ്ട്‌. മററാ​ളു​ക​ളു​ടെ സാഹച​ര്യ​ങ്ങ​ളോട്‌, അവർ ആരായി​രി​ക്കു​ന്നു​വോ അതായി​രി​ക്കു​ന്ന​തി​ന്റെ​യും അവർ വിശ്വ​സി​ക്കു​ക​യും സംസാ​രി​ക്കു​ക​യും ചെയ്യു​ന്ന​തു​പോ​ലെ വിശ്വ​സി​ക്കു​ക​യും സംസാ​രി​ക്കു​ക​യും ചെയ്യു​ന്ന​തി​ന്റെ​യും കാരണ​ത്തോ​ടു പുലർത്തുന്ന ഒരു സഹതാ​പ​പൂർവ​ക​മായ വീക്ഷണം, നയപൂർവം  സഹാനു​ഭാ​വ​ത്തോ​ടെ അവരോട്‌ ഇടപെ​ടാൻ ഒരുവനെ സഹായി​ക്കും. ജീവി​ത​ത്തി​ലെ വ്യത്യസ്‌ത സാഹച​ര്യ​ങ്ങ​ളോ വ്യത്യസ്‌ത അനുഭ​വ​ങ്ങ​ളോ ഒരു വ്യത്യസ്‌ത പ്രമാ​ണ​ത്തി​ലു​ളള ആശ്രയ​മോ ആയിരി​ക്കാം അവരുടെ ചിന്താ​രീ​തി​യു​ടെ കാരണം. മറേറ കക്ഷിയു​ടെ ചിന്തസം​ബ​ന്ധി​ച്ചു കുറെ സൂചന കിട്ടി​ക്ക​ഴി​ഞ്ഞാൽ നിങ്ങൾക്ക്‌ ആ വ്യക്തി ചിന്തി​ക്കുന്ന വിധവും അങ്ങനെ ചിന്തി​ക്കു​ന്ന​തി​നു​ളള അയാളു​ടെ കാരണ​ങ്ങ​ളും അറിയാ​ത്ത​തു​നി​മി​ത്തം ഉണ്ടാകാ​വുന്ന അനാവ​ശ്യ​മായ ഇടർച്ചക്ക്‌ ഇടയാ​ക്കാ​തെ ഒരു ക്രിയാ​ത്മ​ക​മായ വിധത്തിൽ സുവാർത്ത​യു​ടെ അവതര​ണ​ത്തി​ലേക്കു കടക്കാൻ കഴിയും.

⁶ മറേറ​യാ​ളു​ടെ വീക്ഷണ​ത്തി​ന്റെ പരിഗണന ശരിസം​ബ​ന്ധി​ച്ചു​ളള ഒരു വിട്ടു​വീ​ഴ്‌ചയെ അർഥമാ​ക്കു​ന്നില്ല. നയം വസ്‌തു​ത​ക​ളു​ടെ വളച്ചൊ​ടി​ക്കലല്ല. എല്ലാ സമയങ്ങ​ളി​ലും ശരിയാ​യ​തി​നോ​ടു​ളള ദൃഢമായ പററി​നിൽപ്പ്‌ ഉണ്ടായി​രി​ക്കണം. അല്ലെങ്കിൽ ഒരു വ്യക്തി നയം പ്രകട​മാ​ക്കു​ന്ന​തി​നു പകരം താൻ സത്യം​സം​ബ​ന്ധി​ച്ചു വിട്ടു​വീഴ്‌ച ചെയ്യു​ക​യാ​ണെന്നു കണ്ടെത്തി​യേ​ക്കാം. താൻ നീതി​സ്‌നേ​ഹ​ത്തി​നു പകരം മാനു​ഷ​ഭ​യ​ത്താൽ പ്രേരി​ത​നാ​കു​ന്ന​താ​യി അയാൾ കണ്ടെത്തി​യേ​ക്കാം. എന്നിരു​ന്നാ​ലും, നയത്തിൽ സത്യം​സം​ബ​ന്ധിച്ച വിട്ടു​വീഴ്‌ച ഉൾപ്പെ​ടു​ന്നി​ല്ലെ​ന്നി​രി​ക്കെ അതിൽ സമയനിർണയം, അതായത്‌, ചില വിവരങ്ങൾ വെളി​പ്പെ​ടു​ത്താ​നു​ളള തക്ക സമയം നിർണ​യി​ക്കു​ന്നത്‌ ഉൾപ്പെ​ടു​ന്നു. ചില​പ്പോൾ, പറഞ്ഞ എന്തെങ്കി​ലും കേവലം അവഗണി​ക്കു​ന്നതു നയമാണ്‌. ചില കാര്യങ്ങൾ പിൽക്കാ​ല​ത്തേക്ക്‌, ഒരു വ്യക്തി അതിനു​വേണ്ടി തയ്യാറാ​കു​ന്ന​തു​വരെ, മാററി​വെ​ക്കു​ന്നത്‌ ഏററവും നന്നായി​രു​ന്നേ​ക്കാം. യേശു തന്റെ ശിഷ്യൻമാ​രോ​ടു പറഞ്ഞ​പ്ര​കാ​രം: “ഇനിയും വളരെ നിങ്ങ​ളോ​ടു പറവാൻ ഉണ്ടു; എന്നാൽ നിങ്ങൾക്കു ഇപ്പോൾ വഹിപ്പാൻ കഴിവില്ല.” (യോഹ. 16:12) അതു​കൊ​ണ്ടു നാം ആരോടു സംസാ​രി​ക്കു​ന്നു​വോ അയാ​ളോ​ടു യോജി​ക്കാ​തി​രു​ന്നേ​ക്കാ​മെ​ങ്കി​ലും, നാം തെററായ ഏത്‌ ആശയവും സത്വരം ചൂണ്ടി​ക്കാ​ണി​ക്കേ​ണ്ട​തില്ല. നാം അതു ചെയ്‌താൽ അത്‌ അയാളു​ടെ മനസ്സ്‌ അടയ്‌ക്കാ​നും കൂടു​ത​ലായ ചർച്ചയെ തടയാ​നും മാത്ര​മാ​യി​രി​ക്കാം ഉപകരി​ക്കു​ന്നത്‌.

⁷ സംഭാ​ഷ​ണ​മ​ധ്യേ ഒരു വീട്ടു​കാ​രൻ ബൈബി​ളിൽനി​ന്നു താൻ തെററാ​ണെന്നു പറയുന്ന അനേകം കാര്യങ്ങൾ ഉന്നയി​ക്കു​മ്പോൾ ചുരു​ങ്ങിയ സമയം​കൊണ്ട്‌ എല്ലാ തടസ്സവാ​ദ​ങ്ങ​ളെ​യും നയപൂർവം ഖണ്ഡിക്കുക പ്രയാ​സ​മാണ്‌. അവയിൽ മിക്കതും അവഗണി​ക്കു​ന്ന​തും പരിചി​ന്തി​ക്കുന്ന പ്രത്യേക കാര്യ​ത്തോ​ടു ബന്ധമു​ള​ള​തു​മാ​ത്രം ചർച്ച​ചെ​യ്യു​ന്ന​തു​മാണ്‌ മിക്ക​പ്പോ​ഴും ഏററവും നല്ലത്‌. അല്ലെങ്കിൽ വീട്ടു​കാ​രൻ ലൗകിക തർക്കങ്ങ​ളി​ലേക്കു നിങ്ങളെ വലിച്ചി​ഴ​ക്കാൻ ശ്രമി​ച്ചേ​ക്കാം. അങ്ങനെ​യു​ളള ലൗകി​ക​പ്ര​ശ്‌ന​ങ്ങൾക്കു ബൈബി​ളി​ന്റെ ഉത്തരം കൊടു​ത്തു​കൊ​ണ്ടു നയപൂർവം ഉൾപ്പെടൽ ഒഴിവാ​ക്കുക. ഈ വിധത്തിൽ നിങ്ങൾ യേശു​വി​ന്റെ ദൃഷ്ടാന്തം അനുക​രി​ക്കു​ന്ന​താ​യി​രി​ക്കും.—മത്താ. 22:15-22.

⁸ കുപി​ത​നായ ഒരു വീട്ടു​കാ​രനെ കണ്ടുമു​ട്ടു​മ്പോൾ നയമു​ള​ള​വ​നും അതേസ​മയം ദൃഢത​യു​ള​ള​വ​നു​മാ​യി​രി​ക്കുക. കേവലം അയാളെ ശാന്തനാ​ക്കാൻ ശ്രമി​ക്കു​ന്ന​തി​നു സത്യം​സം​ബ​ന്ധി​ച്ചു വിട്ടു​വീഴ്‌ച ചെയ്യരുത്‌. പകരം അയാൾ അങ്ങനെ വിചാ​രി​ക്കു​ന്ന​തെ​ന്തു​കൊ​ണ്ടെന്നു ഗ്രഹി​ക്കാൻ ശ്രമി​ക്കുക, ഒരുപക്ഷേ അയാൾക്ക്‌ ആ വീക്ഷണ​ഗതി ഉളള​തെ​ന്തു​കൊ​ണ്ടെന്ന്‌ അയാ​ളോ​ടു ചോദി​ക്കു​ക​പോ​ലും ചെയ്യുക. അദ്ദേഹം അഭി​പ്രാ​യം പറയു​ന്നു​വെ​ങ്കിൽ, നിങ്ങളു​ടെ വിചാ​ര​ത്തി​ന്റെ  കാരണം അയാളെ അറിയി​ക്കാൻ ആഗ്രഹി​ക്കു​ന്നു​വെന്നു നിങ്ങൾക്കു പറയാ​വു​ന്ന​താണ്‌. എന്നാൽ നിങ്ങൾക്കു സംഭാ​ഷണം എത്ര ദീർഘി​പ്പി​ക്കാൻ കഴിഞ്ഞാ​ലും ഏററവും നല്ല ഫലം ലഭിക്കു​ന്നതു നയത്തി​നാ​യി​രി​ക്കും. സദൃശ​വാ​ക്യ​ങ്ങൾ 15:1-ലെ ബുദ്ധ്യു​പ​ദേശം ഓർക്കുക: “മൃദു​വായ ഉത്തരം ക്രോ​ധത്തെ ശമിപ്പി​ക്കു​ന്നു. കഠിന​വാ​ക്കോ കോപത്തെ ജ്വലി​പ്പി​ക്കു​ന്നു.” എന്നിരു​ന്നാ​ലും, ചിലയാ​ളു​കൾ ന്യായ​ബോ​ധ​മി​ല്ലാ​ത്ത​വ​രാ​ണെന്നു പ്രകട​മാ​ക്കു​ന്നു​വെ​ങ്കിൽ, കേവലം സ്ഥലം വിടു​ന്ന​താണ്‌ ഏററവും നല്ലത്‌.—മത്താ. 7:6.

9, 10. നമ്മുടെ ക്രിസ്‌തീ​യ​സ​ഹോ​ദ​രൻമാ​രോട്‌ ഇടപെ​ടു​മ്പോൾ നയം ആവശ്യ​മാ​ണോ?

⁹ ക്രിസ്‌തീ​യ​സ​ഹോ​ദ​രൻമാ​രോ​ടു നയമു​ള​ളവർ. യഹോ​വയെ അറിയാ​ത്ത​വ​രോട്‌ ഇടപെ​ടു​ന്ന​തിൽ നാം നയം നട്ടുവ​ളർത്ത​ണ​മെ​ന്നു​മാ​ത്രമല്ല, നമ്മുടെ ആത്മീയ സഹോ​ദ​രൻമാ​രോട്‌ ഇടപെ​ടു​മ്പോ​ഴും നമുക്ക്‌ അത്‌ ആവശ്യ​മാണ്‌. ചില​പ്പോൾ വയൽശു​ശ്രൂ​ഷ​യിൽ വളരെ നയമു​ള​ള​വ​രായ സഹോ​ദ​രീ​സ​ഹോ​ദ​രൻമാർ തങ്ങളുടെ സഹോ​ദ​ര​ബ​ന്ധ​ങ്ങ​ളിൽ നയമു​ള​ള​വ​രാ​യി​രി​ക്കേ​ണ്ട​തി​ന്റെ ആവശ്യകത മറന്നേ​ക്കാം. സ്‌നേ​ഹ​ത്തി​ന്റെ​യും ഐക്യ​ത്തി​ന്റെ​യും ആത്മാവു കെട്ടു​പ​ണി​ചെ​യ്യു​ന്ന​തി​നും നല്ല അനുദി​ന​ബ​ന്ധങ്ങൾ ഉണ്ടായി​രി​ക്കു​ന്ന​തി​നും യഹോ​വ​യു​ടെ സ്ഥാപന​ത്തിൽ സംസാ​ര​ത്തി​ലും പ്രവൃ​ത്തി​ക​ളി​ലു​മു​ളള ശാന്തത മർമ​പ്ര​ധാ​ന​മാണ്‌. “ആകയാൽ അവസരം കിട്ടും​പോ​ലെ നാം എല്ലാവർക്കും, വിശേ​ഷാൽ സഹവി​ശ്വാ​സി​കൾക്കും നൻമ​ചെ​യ്യുക” എന്ന്‌ പൗലോസ്‌ പറഞ്ഞു.—ഗലാ. 6:10.

¹⁰ നാം നമ്മുടെ സഹോ​ദ​രൻമാ​രിൽ, വിശേ​ഷിച്ച്‌ അവരുടെ ആത്മീയ താത്‌പ​ര്യ​ങ്ങ​ളിൽ, തത്‌പ​ര​രാണ്‌. കാരണം നമ്മളെ​ല്ലാം യഹോ​വ​യു​ടെ സ്ഥാപന​ത്തി​ലാണ്‌. (ഫിലി. 2:2, 4) എന്നിരു​ന്നാ​ലും, തന്റെ സഹോ​ദ​രൻമാ​രിൽ താത്‌പ​ര്യ​മെ​ടു​ക്കു​മ്പോൾത്തന്നെ താൻ ഒരുപക്ഷേ ചോദി​ക്കേണ്ട കാര്യ​മി​ല്ലാത്ത ബുദ്ധി​മു​ട്ടി​പ്പി​ക്കുന്ന ചോദ്യ​ങ്ങൾ ചോദി​ച്ചു​കൊണ്ട്‌ അവരുടെ വ്യക്തി​പ​ര​മായ കാര്യ​ങ്ങ​ളിൽ തലയി​ട​രു​തെന്നു നയമുളള ആൾ മനസ്സി​ലാ​ക്കു​ന്നു. നയം “പരകാ​ര്യ​ത്തിൽ ഇടപെ​ടു​ന്ന​വനാ”യിരി​ക്കു​ന്നത്‌ ഒഴിവാ​ക്കാൻ നമ്മെ സഹായി​ക്കും.—1 പത്രൊ. 4:15.

11. സഭയിലെ മൂപ്പൻമാ​രു​ടെ ഭാഗത്തെ നയത്തിന്റെ ആവശ്യത്തെ തിരു​വെ​ഴു​ത്തു​കൾ സൂചി​പ്പി​ക്കു​ന്നത്‌ എങ്ങനെ?

¹¹ സഭയിലെ പ്രശ്‌നങ്ങൾ കൈകാ​ര്യം​ചെ​യ്യുന്ന മൂപ്പൻമാർക്കു നയം വിശേ​ഷാൽ മൂല്യ​വ​ത്താണ്‌. അപ്പോ​സ്‌ത​ല​നായ പൗലോസ്‌ ക്രിസ്‌തീയ സഭയിലെ വഴിപി​ഴ​ച്ച​വ​രോട്‌ ഇടപെ​ടേ​ണ്ടത്‌ എങ്ങനെ​യെ​ന്നു​ളള നിർദേ​ശങ്ങൾ തിമോ​ഥെ​യോ​സി​നു കൊടു​ത്ത​പ്പോൾ ശാന്തത​യും ദയയു​മു​ണ്ടാ​യി​രി​ക്കേ​ണ്ട​തി​ന്റെ ആവശ്യം ഊന്നി​പ്പ​റഞ്ഞു: “കർത്താ​വി​ന്റെ ദാസൻ ശണ്‌ഠ ഇടാതെ എല്ലാവ​രോ​ടും ശാന്തനും . . . ദോഷം സഹിക്കു​ന്ന​വ​നു​മാ​യി അത്രേ ഇരി​ക്കേ​ണ്ടതു. . . . പിശാ​ചി​നാൽ പിടി​പെട്ടു കുടു​ങ്ങി​യ​വ​രാ​ക​യാൽ അവർ സുബോ​ധം പ്രാപി​ച്ചു . . . ദൈ​വേഷ്ടം ചെയ്യു​മോ എന്നും വെച്ചു അവരെ സൌമ്യ​ത​യോ​ടെ പഠിപ്പി​ക്കേ​ണ്ട​തും ആകുന്നു.” (2 തിമൊ. 2:24-26) അതു​പോ​ലെ​തന്നെ അറിയാ​തെ ഒരു തെററായ നടപടി സ്വീക​രി​ച്ചി​രി​ക്കുന്ന ഒരു സഹോ​ദ​രനെ സമീപി​ക്കു​മ്പോൾ “സൌമ്യ​ത​യു​ടെ ആത്മാവ്‌” ഉപയോ​ഗി​ക്കാൻ അപ്പോ​സ്‌ത​ല​നായ പൗലോസ്‌ ബുദ്ധ്യു​പ​ദേ​ശി​ച്ചു. (ഗലാ. 6:1) അങ്ങനെ​യു​ള​ള​വരെ ബുദ്ധ്യു​പ​ദേ​ശി​ക്കു​മ്പോൾ മൂപ്പൻമാർ നയമു​ള​ള​വ​രാ​യി​രി​ക്കേ​ണ്ട​തുണ്ട്‌, എന്നാൽ അതേസ​മയം നീതി​യു​ടെ തത്ത്വങ്ങൾക്കു​വേണ്ടി ദൃഢത​യു​ള​ള​വ​രാ​യി​രി​ക്കണം.

12, 13. നമ്മുടെ ഭവനങ്ങ​ളിൽ നയം മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹² മററു​ള​ള​വ​രോട്‌ ഇടപെ​ടു​ന്ന​തി​ലു​ളള നമ്മുടെ നയം കുടും​ബ​വൃ​ത്ത​ത്തി​ലു​ള​ള​വ​രെ​യും ഉൾപ്പെ​ടു​ത്തണം. കുടും​ബ​ത്തി​ലു​ള​ള​വരെ നമുക്കു നന്നായി അറിയാ​വു​ന്ന​തു​കൊണ്ട്‌  അവരോ​ടു പരുഷ​രോ ദയയി​ല്ലാ​ത്ത​വ​രോ ആയിരി​ക്കാൻ കാരണ​മില്ല. നയപൂർവ​ക​മായ ഇടപെ​ട​ലിന്‌ അവരും അർഹത​യു​ള​ള​വ​രാണ്‌. അവർ പരുഷ​മോ പരിഹാ​സ്യ​മോ പരുക്ക​നോ ആയ സംസാ​ര​ത്താൽ അകററ​പ്പെ​ടും. മററു കുടും​ബാം​ഗങ്ങൾ യഹോ​വ​യു​ടെ ദാസര​ല്ലെ​ങ്കിൽ, അവരോ​ടു സംസാ​രി​ക്കു​മ്പോൾ നമുക്കു നയം ഒഴിവാ​ക്കാ​മെന്ന്‌ അതിനർഥ​മു​ണ്ടോ? യാതൊ​രു പ്രകാ​ര​ത്തി​ലു​മില്ല, എന്തെന്നാൽ അവിശ്വാ​സി​ക​ളു​മാ​യി ഇടപെ​ടു​മ്പോ​ഴത്തെ നയം, അവർ എന്നെങ്കി​ലും സത്യാ​രാ​ധന സ്വീക​രി​ക്കു​ന്ന​തിൽ കലാശി​ച്ചേ​ക്കാം.—1 പത്രൊ. 3:1, 2.

¹³ നാം ഇടപെ​ടു​ന്നതു പൊതു​ജ​ന​ങ്ങ​ളോ​ടോ നമ്മുടെ ആത്മീയ​സ​ഹോ​ദ​രീ​സ​ഹോ​ദ​രൻമാ​രോ​ടോ നമ്മുടെ സ്വന്തം കുടും​ബ​ങ്ങ​ളോ​ടോ ആയാലും ദിവ്യാ​ധി​പ​ത്യ​ന​യ​ത്തി​ന്റെ ഉപയോ​ഗം വളരെ​യ​ധി​കം സദ്‌ഫലം ഉളവാ​ക്കു​ന്നു. അതിനു കേൾവി​ക്കാ​ര​നിൽ പ്രസാ​ദ​മ​ധു​ര​മായ ഒരു ഫലമുണ്ട്‌, സദൃശ​വാ​ക്യ​ങ്ങൾ 16:24 പ്രകട​മാ​ക്കു​ന്ന​തു​പോ​ലെ: “ഇമ്പമുളള വാക്കു തേൻക​ട്ട​യാ​കു​ന്നു; മനസ്സിന്നു മധുര​വും അസ്ഥികൾക്കു ഔഷധ​വും തന്നേ.” തീർച്ച​യാ​യും അപ്പോൾ നിങ്ങൾ കണ്ടുമു​ട്ടുന്ന ഓരോ​രു​ത്തർക്കും പ്രയോ​ജ​നം​ചെ​യ്യാ​നു​ളള ഒരു ശക്തമായ ആഗ്രഹ​ത്താൽ പ്രേരി​ത​രാ​യി നയം നട്ടുവ​ളർത്തുക.

[അധ്യയന ചോദ്യ​ങ്ങൾ]