പാഠം 18

നിങ്ങളു​ടെ ഉത്തരങ്ങൾ മെച്ച​പ്പെ​ടു​ത്തൽ

1, 2. നമ്മളെ​ല്ലാം നല്ല ഉത്തരങ്ങൾ പറയു​ന്ന​തിൽ ബദ്ധശ്ര​ദ്ധ​രാ​യി​രി​ക്കേ​ണ്ടത്‌ എന്തു​കൊണ്ട്‌?

¹ ക്രിസ്‌ത്യാ​നി​ക​ളെ​ല്ലാം നല്ല ഉത്തരങ്ങൾ പറയാ​നു​ളള പ്രാപ്‌തി നട്ടുവ​ളർത്തണം. അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “ഓരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ.” (കൊലൊ. 4:6) നമ്മുടെ ഉത്തരങ്ങൾ മെച്ച​പ്പെ​ടു​ത്താൻ നാം കഠിന​ശ്രമം ചെയ്യു​ന്നതു സ്വാഭാ​വി​ക​മാണ്‌. നാം നന്നായി ഉത്തരം പറയു​മ്പോൾ അതു നമുക്കു യഥാർഥ ഉല്ലാസം  കൈവ​രു​ത്തു​ന്നു: “താൻ പറയുന്ന ഉത്തരം ഹേതു​വാ​യി മനുഷ്യ​നു സന്തോഷം വരും; തക്ക സമയത്തു പറയുന്ന വാക്കു എത്ര മനോ​ഹരം!”—സദൃ. 15:23.

² നിങ്ങളു​ടെ ഉത്തരങ്ങൾ മെച്ച​പ്പെ​ടു​ത്തേ​ണ്ട​തി​ന്റെ ആവശ്യം നിങ്ങൾക്കു വ്യക്തി​പ​ര​മാ​യി തോന്നു​ന്നു​ണ്ടോ? സഭാ​യോ​ഗ​ങ്ങ​ളി​ലെ നിങ്ങളു​ടെ പങ്കുപ​റ​റ​ലിൽ നിങ്ങൾ പൂർണ​മാ​യും സംതൃ​പ്‌ത​നാ​ണോ? അതോ യഥാർഥ​ത്തിൽ നിങ്ങൾക്കു വളരെ​യ​ധി​കം ഉല്ലാസം കൈവ​രു​ത്തുന്ന എന്തെങ്കി​ലും അഭിവൃ​ദ്ധി വരുത്താ​നു​ണ്ടോ? നിങ്ങളു​ടെ വയൽശു​ശ്രൂ​ഷ​യിൽ, നിങ്ങൾ ഒരു സാഹച​ര്യ​ത്തെ വ്യത്യ​സ്‌ത​മാ​യി കൈകാ​ര്യം ചെയ്‌തി​രു​ന്നെ​ങ്കി​ലെന്ന്‌ ആശിക്കുന്ന സമയങ്ങ​ളു​ണ്ടോ? ഇതു നമ്മേസം​ബ​ന്ധി​ച്ചെ​ല്ലാം സത്യമാണ്‌, തന്നിമി​ത്തം നമ്മുടെ ഉത്തരങ്ങളെ നമുക്ക്‌ എങ്ങനെ മെച്ച​പ്പെ​ടു​ത്താൻ കഴിയു​മെന്ന്‌ ഒരുമി​ച്ചു പരിചി​ന്തി​ക്കു​ന്നതു പ്രയോ​ജ​ന​ക​ര​മാണ്‌.

3, 4. ഒരു യോഗ​സ​മ​യത്ത്‌ ഒരൊററ ചോദ്യ​ത്തി​നു വിവിധ അഭി​പ്രാ​യങ്ങൾ പറയാ​വു​ന്ന​തെ​ങ്ങനെ?

³ സഭാമീ​റ​റിം​ഗു​കൾ. യഹോ​വ​യു​ടെ സാക്ഷി​ക​ളു​ടെ മിക്ക സഭകളി​ലും വീക്ഷാ​ഗോ​പുര അധ്യയ​ന​ത്തി​ലോ സഭാപു​സ്‌ത​കാ​ധ്യ​യ​ന​ത്തി​ലോ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ വാചാ​പു​ന​ര​വ​ലോ​ക​ന​ത്തി​ലോ ചിലർ ചോദ്യ​ങ്ങൾക്കു​ളള ഉത്തരങ്ങ​ളു​മാ​യി എല്ലായ്‌പോ​ഴും ഒരുങ്ങി​യി​രി​ക്കു​ന്ന​താ​യി ശ്രദ്ധി​ക്ക​പ്പെ​ടു​ന്നു. ഇതു യാദൃ​ച്ഛി​ക​സം​ഭ​വമല്ല. അവർ യഹോ​വ​യു​ടെ ജനത്തോ​ടൊ​ത്തു​ളള വർഷങ്ങ​ളി​ലെ പഠന​ത്തെ​യും സഹവാ​സ​ത്തെ​യും പ്രയോ​ജ​ന​പ്പെ​ടു​ത്തു​ക​യാ​യി​രി​ക്കാം; എന്നാൽ മിക്ക സന്ദർഭ​ങ്ങ​ളി​ലും ഇപ്പോ​ഴത്തെ തയ്യാറാ​ക​ലും ഒരു വലിയ ഘടകമാണ്‌. വിവരങ്ങൾ മുന്നമേ പഠിക്കാൻ ലക്ഷ്യം​വെ​ക്കു​ന്ന​തി​നാൽ പുതു​താ​യി സഹവസി​ക്കു​ന്ന​വർക്കു​പോ​ലും നല്ല ഉത്തരങ്ങൾ പറയാൻ കഴിയും.—സദൃ. 15:28.

⁴ ഒരു ചോദ്യ​ത്തിന്‌ ആദ്യം ഉത്തരം പറയു​ന്നതു നിങ്ങളാ​ണെ​ങ്കിൽ, അതിനു നേരി​ട്ടു​ളള ഉത്തരം കൊടു​ത്തു​കൊ​ണ്ടു വ്യക്തമായ ധാരണ പ്രകട​മാ​ക്കു​ന്നതു സാധാ​ര​ണ​യാ​യി നല്ലതാണ്‌. എന്നാൽ ആരെങ്കി​ലും ചോദ്യ​ത്തിന്‌ ഉത്തരം പറഞ്ഞു​ക​ഴി​ഞ്ഞെ​ങ്കിൽ ചർച്ച അവിടെ അവസാ​നി​ക്ക​ണ​മെന്നു വിചാ​രി​ക്ക​രുത്‌. നിങ്ങൾക്ക്‌ അതേ ചോദ്യം സംബന്ധി​ച്ചു​ളള കൂടു​ത​ലായ അഭി​പ്രാ​യ​ങ്ങൾക്കു ഈ കാര്യ​ങ്ങ​ളിൽ ഏതെങ്കി​ലും ചെയ്യാ​വു​ന്ന​താണ്‌: ഉത്തരം വിശദീ​ക​രി​ക്കുക, ഖണ്ഡിക​യി​ലെ തിരു​വെ​ഴു​ത്തു​കൾ ഉത്തരത്തെ എങ്ങനെ തെളി​യി​ക്കു​ന്നു​വെന്നു കാണി​ക്കുക, അല്ലെങ്കിൽ ചർച്ച​ചെ​യ്യ​പ്പെ​ട്ടു​കൊ​ണ്ടി​രി​ക്കുന്ന കാര്യങ്ങൾ നമ്മുടെ സ്വന്തം ജീവി​തത്തെ എങ്ങനെ ബാധി​ക്കു​ന്നു​വെന്നു ചൂണ്ടി​ക്കാ​ട്ടുക. വിവരങ്ങൾ ലോകാ​വ​സ്ഥ​ക​ളെ​യോ വ്യാജ​മ​താ​ചാ​ര​ങ്ങ​ളെ​യോ കുറി​ച്ചു​ള​ള​താ​ണെ​ങ്കിൽ, ഖണ്ഡിക പറയു​ന്ന​തി​ന്റെ സത്യതയെ പ്രദീ​പ്‌ത​മാ​ക്കുന്ന ഒരു അനുഭ​വ​ത്തെ​യോ ഒരു പ്രാ​ദേ​ശി​ക​സാ​ഹ​ച​ര്യ​ത്തെ​യോ കുറിച്ചു നിങ്ങൾക്ക്‌ അഭി​പ്രാ​യം പറയാ​വു​ന്ന​താണ്‌. ഇതു ചർച്ചയെ സമ്പന്നമാ​ക്കു​ന്നു.

5. ചുരു​ക്കി​യും ഒരുവന്റെ സ്വന്തവാ​ക്കു​ക​ളി​ലും ഉത്തരം പറയു​ന്നതു നല്ലതാ​യി​രി​ക്കു​ന്നത്‌ എന്തു​കൊണ്ട്‌?

⁵ ഉത്തരങ്ങൾ ഹ്രസ്വ​വും കുറി​ക്കു​കൊ​ള​ളു​ന്ന​തു​മാ​യി​രി​ക്കു​മ്പോൾ അവയ്‌ക്കു സാധാ​ര​ണ​യാ​യി കൂടുതൽ ഘനമു​ണ്ടാ​യി​രി​ക്കും, ശ്രദ്ധി​ക്കു​ന്ന​വ​രിൽ കൂടുതൽ ആഴത്തിൽ പതിയു​ക​യും ചെയ്യുന്നു. മിക്ക​പ്പോ​ഴും അത്തരം ഉത്തരങ്ങൾ ജ്ഞാനപൂർവ​ക​മാണ്‌. ആരെങ്കി​ലും മുഴു​ഖ​ണ്ഡി​ക​യി​ലെ​യും ആശയങ്ങ​ളി​ലൂ​ടെ കാടു​ക​യ​റു​ന്നു​വെ​ങ്കിൽ യാതൊ​ന്നും മുന്തി​നിൽക്കു​ന്നില്ല, ശ്രോ​താ​ക്കൾ സാധാ​ര​ണ​യാ​യി ചോദ്യ​ത്തി​ന്റെ ഖണ്ഡിത​മായ ഉത്തരം സംബന്ധി​ച്ചു വളരെ​യ​ധി​കം ജ്ഞാനി​ക​ളാ​യി​ത്തീ​രു​ന്നില്ല. കൂടാതെ, അഭി​പ്രാ​യം പറയു​ന്ന​യാ​ളി​ന്റെ സ്വന്തം വാക്കു​ക​ളി​ലു​ളള ഉത്തരങ്ങ​ളാ​ണു സാധാ​ര​ണ​യാ​യി ഏററവും സഹായകം. ഈ രീതി​യി​ലു​ളള അഭി​പ്രാ​യം​പ​റയൽ വിവരങ്ങൾ സ്വന്തമാ​ക്കാൻ ഉത്തരം​പ​റ​യു​ന്ന​യാ​ളെ സഹായി​ക്കു​ന്നു, ഉപയോ​ഗി​ക്ക​പ്പെ​ടുന്ന  വാചക​രീ​തി മിക്ക​പ്പോ​ഴും മററു​ള​ള​വർക്കു മുമ്പു പിടി​കി​ട്ടാ​തി​രുന്ന ആശയങ്ങൾ ഗ്രഹി​ക്കു​ന്ന​തിന്‌ അവരെ സഹായി​ക്കു​ന്നു. ശുശ്രൂ​ഷാ​സ്‌കൂ​ളി​ലെ നിങ്ങളു​ടെ പ്രസം​ഗങ്ങൾ ഈ പ്രാപ്‌തി വളർത്തി​യെ​ടു​ക്കു​ന്ന​തി​നു നിങ്ങളെ സഹായി​ക്കു​ന്നു.

6. ചോദ്യം ചോദി​ക്കു​മ്പോൾ ഉത്തരം പറയാൻ ഒരുങ്ങി​യി​രി​ക്കു​ന്ന​തു​സം​ബ​ന്ധി​ച്ചു നമുക്ക്‌ എങ്ങനെ മെച്ച​പ്പെ​ടാൻ കഴിയും?

⁶ ഉത്തരങ്ങൾ പറയാൻ ഒരുക്ക​മു​ള​ളവർ ആയിരി​ക്കു​ന്ന​തി​ലും നിങ്ങൾക്കു മെച്ച​പ്പെ​ടാൻ കഴിയു​മോ? ഇതിൽ മുൻകൂ​ട്ടി​യു​ളള തയ്യാറാ​കൽ ഉൾപ്പെ​ടു​ന്നു. എന്നാൽ ഖണ്ഡിക വായി​ച്ചു​കൊ​ണ്ടി​രി​ക്കു​മ്പോൾ അല്ലെങ്കിൽ മററു​ള​ളവർ അഭി​പ്രാ​യം പറഞ്ഞു​കൊ​ണ്ടി​രി​ക്കു​മ്പോൾ ആ തയ്യാറാ​കൽ നടത്തരുത്‌, കാരണം നിങ്ങൾക്കു യോഗ​ത്തി​ന്റെ പ്രയോ​ജ​ന​ത്തി​ല​ധി​ക​വും നഷ്ടമാ​കും. നിങ്ങളു​ടെ ഉത്തരങ്ങൾ മുന്നമേ അടയാ​ള​പ്പെ​ടു​ത്തു​ന്നത്‌ ഒരു ശീലമാ​ക്കുക. നിങ്ങൾ നീണ്ട വാചക​ങ്ങൾക്കോ വാക്യ​ങ്ങൾക്കോ പകരം ചുരു​ക്കം​ചില മുഖ്യ​വാ​ക്കു​ക​ളു​ടെ അടിയിൽമാ​ത്ര​മാ​ണു വരച്ചി​രി​ക്കു​ന്ന​തെ​ങ്കിൽ, അപ്പോൾ ആ മുഖ്യ​വാ​ക്കു​ക​ളി​ലേ​ക്കു​ളള ഒരു എത്തി​നോ​ട്ടം നിങ്ങളു​ടെ മനസ്സി​ലേക്ക്‌ ആ ആശയം തിരി​കെ​വ​രു​ത്തും, നിങ്ങൾ ഉത്തരം പറയു​ന്ന​തി​നു തയ്യാറു​മാ​യി​രി​ക്കും. ഒരു ഖണ്ഡിക​യു​ടെ ചോദ്യം “എ” “ബി” ഭാഗങ്ങ​ളാ​യി പിരി​ച്ചി​രി​ക്കു​ക​യാ​ണെ​ങ്കിൽ, വിവര​ങ്ങ​ളു​ടെ ഏതു ഭാഗം “എ”യ്‌ക്ക്‌ ആണെന്നും ഏതു ഭാഗം “ബി”യ്‌ക്ക്‌ ആണെന്നും മാർജി​നിൽ കൊടു​ക്കുന്ന ഒരു സൂചന അധ്യയ​ന​നേ​താ​വി​ന്റെ മുമ്പിൽക​ടന്ന്‌ അഭി​പ്രാ​യങ്ങൾ പറയു​ന്നത്‌ ഒഴിവാ​ക്കാൻ നിങ്ങളെ സഹായി​ക്കും. വിവര​ങ്ങൾക്കു തയ്യാറാ​ക്കിയ ചോദ്യ​ങ്ങൾ ഇല്ലെങ്കിൽപോ​ലും സദസ്യ​പ​ങ്കു​പ​ററൽ ഉളള​പ്പോൾ മുഖ്യാ​ശ​യങ്ങൾ എന്നു നിങ്ങൾക്കു തോന്നു​ന്നത്‌ അടയാ​ള​പ്പെ​ടു​ത്തു​ന്നത്‌ അപ്പോ​ഴും സഹായ​ക​മാണ്‌. ഇതു സ്വതഃ​പ്രേ​രി​ത​മാ​യി അഭി​പ്രാ​യം​പ​റ​യുക സാധ്യ​മാ​ക്കും, അങ്ങനെ സജീവ​മായ ഒരു ചർച്ചക്കു സംഭാ​വ​ന​ചെ​യ്യും. യോഗ​ത്തിൽ ഒരു പ്രാവ​ശ്യം ഉത്തരം പറഞ്ഞ​ശേഷം ശേഷിച്ച ഉത്തരം​പ​റ​ച്ചിൽ മററു​ള​ള​വർക്കാ​യി വിടാൻ കഴിയു​മെന്നു നിഗമ​നം​ചെ​യ്‌തു​കൊ​ണ്ടു നിങ്ങൾ പിൻമാ​റി​നിൽക്ക​രുത്‌. യഥേഷ്ടം അഭി​പ്രാ​യം പറയാൻ സന്നദ്ധനാ​യി​രി​ക്കുക.

7. യോഗ​ങ്ങ​ളിൽ അഭി​പ്രാ​യം പറയാ​നു​ളള ഉത്തരവാ​ദി​ത്വം നമു​ക്കെ​ല്ലാം തോ​ന്നേ​ണ്ടത്‌ എന്തു​കൊണ്ട്‌?

⁷ മററു​ള​ള​വർക്കു മെച്ചമാ​യി അഭി​പ്രാ​യം പറയാൻ കഴിയു​മെന്നു വിചാ​രി​ക്കു​ന്ന​തി​നാൽ ചിലർക്ക്‌ ഉത്തരങ്ങൾ പറയു​ന്ന​തി​നു പേടി​യാ​യി​രി​ക്കാം. എന്നാൽ പങ്കെടു​ക്കു​ന്ന​തി​നു​ളള നമ്മുടെ വ്യക്തി​ഗ​ത​മായ ഉത്തരവാ​ദി​ത്വം തിരി​ച്ച​റി​യാൻ ബൈബിൾ നമ്മെ ശക്തമായി ഉപദേ​ശി​ക്കു​ന്നു. അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “പ്രത്യാ​ശ​യു​ടെ സ്വീകാ​രം [പരസ്യപ്രഖ്യാപനം, NW] നാം മുറുകെ പിടി​ച്ചു​കൊൾക; . . . ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക.” (എബ്രാ. 10:23-25) ഉത്തരങ്ങൾ പറയു​ന്ന​തി​നാൽ നാം മററു​ള​ള​വരെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും ഉത്സാഹി​പ്പി​ക്കു​ന്നവർ ആയിത്തീ​രു​ന്നു, അവരുടെ ഹൃദയ​ങ്ങളെ ഊഷ്‌മ​ള​മാ​ക്കി​ക്കൊ​ണ്ടും അവരെ പ്രോ​ത്സാ​ഹി​പ്പി​ച്ചു​കൊ​ണ്ടും തന്നെ. കൂടാതെ നമുക്കും പ്രയോ​ജ​നങ്ങൾ കിട്ടുന്നു, കാരണം നാം കൊടു​ക്ക​ലി​ന്റെ സന്തോഷം അനുഭ​വി​ക്കു​ക​യും അങ്ങനെ വ്യക്തി​പ​ര​മായ പ്രോ​ത്സാ​ഹനം നേടു​ക​യും ചെയ്യുന്നു.

8-12. വയൽശു​ശ്രൂ​ഷ​യിൽ തടസ്സവാ​ദങ്ങൾ കൈകാ​ര്യം​ചെ​യ്യു​ന്നതു സംബന്ധി​ച്ചു ചില നിർദേ​ശങ്ങൾ നൽകുക.

⁸ വയൽശു​ശ്രൂ​ഷ​യിൽ തടസ്സവാ​ദ​ങ്ങൾക്ക്‌ ഉത്തരം പറയൽ. വ്യക്തി​പ​ര​മാ​യി പഠിക്കു​ക​യും യോഗ​ങ്ങൾക്കു ഹാജരാ​കു​ക​യും ചെയ്യു​ന്ന​തിൽ നിങ്ങൾക്കു ക്രമമു​ണ്ടെ​ങ്കിൽ വീടു​തോ​റു​മു​ളള ശുശ്രൂ​ഷ​യിൽ ചോദ്യ​ങ്ങൾക്ക്‌ ഉത്തരം പറയാൻ പ്രയാ​സ​മി​ല്ലെന്നു നിങ്ങൾ കണ്ടെത്തും. എന്നാൽ ചോദി​ക്കുന്ന ഒരു ചോദ്യ​ത്തി​ന്റെ ഉത്തരം നിങ്ങൾക്ക്‌ അറിയാൻപാ​ടി​ല്ലെ​ങ്കിൽ, വീട്ടു​കാ​ര​നോട്‌ അതു  പറയാൻ മടിക്ക​രുത്‌. അനന്തരം വിവരങ്ങൾ ശേഖരി​ച്ചു മടങ്ങി​വ​രാ​മെന്നു വാഗ്‌ദാ​നം​ചെ​യ്യുക. വ്യക്തിക്ക്‌ ആത്മാർഥ​ത​യു​ണ്ടെ​ങ്കിൽ നിങ്ങൾ അതു ചെയ്യു​ന്ന​തിൽ അയാൾ സന്തുഷ്ട​നാ​യി​രി​ക്കും.

⁹ അങ്ങനെ​യു​ളള ചോദ്യ​ങ്ങൾക്കു​പു​റമേ, നിങ്ങൾ ചില​പ്പോൾ തടസ്സവാ​ദ​ങ്ങളെ അഭിമു​ഖീ​ക​രി​ച്ചേ​ക്കാം. നിങ്ങൾ അവ എങ്ങനെ കൈകാ​ര്യം ചെയ്യും? നിങ്ങൾ തടസ്സവാ​ദ​ങ്ങൾക്ക്‌ ഉത്തരം പറയു​ന്ന​തി​നു​മുമ്പ്‌, ആ വ്യക്തി​യു​ടെ ചിന്ത​യെ​ക്കു​റി​ച്ചു ചിലത്‌ അറിയു​ന്നതു സഹായ​ക​മാണ്‌. അയാളു​ടെ തടസ്സവാ​ദ​ത്തിന്‌ ഇടയാ​ക്കു​ന്നത്‌ എന്തെന്നു നിങ്ങൾക്കു ചോദി​ക്കാ​വു​ന്ന​താണ്‌. ദൃഷ്ടാ​ന്ത​ത്തിന്‌, നിങ്ങൾ ക്രിസ്‌തു​വിൽ വിശ്വ​സി​ക്കു​ന്നി​ല്ലെന്ന്‌ ഒരു വ്യക്തി കേട്ടി​രി​ക്കു​ന്ന​താ​യി തടസ്സം പറഞ്ഞേ​ക്കാം, എന്നാൽ യഥാർഥ​ത്തിൽ ത്രി​ത്വോ​പ​ദേശം മുഖാ​ന്തരം അയാൾ കേവലം കുഴഞ്ഞു​പോ​യി​രി​ക്കു​ക​യാണ്‌. അനേകം തടസ്സവാ​ദങ്ങൾ അങ്ങനെ​യു​ളള തെററി​ദ്ധാ​ര​ണ​ക​ളു​ടെ ഫലമാണ്‌. ഒരു ചർച്ചയി​ലേക്കു കടക്കു​ന്ന​തി​നു​മു​മ്പു മുഖ്യ​പ​ദ​ങ്ങ​ളു​ടെ അർഥം സംബന്ധി​ച്ചു പരസ്‌പ​ര​ധാ​ര​ണ​യിൽ എത്തി​ച്ചേ​രു​ന്നതു പ്രധാ​ന​മാണ്‌. യഥാർഥ​ത്തിൽ, ഇതു തടസ്സവാ​ദ​ത്തിന്‌ ഉത്തരം കൊടു​ക്കു​ക​യും ഈ പോയിൻറി​ന്റെ കൂടു​ത​ലായ ചർച്ച അനാവ​ശ്യ​മാ​ക്കി​ത്തീർക്കു​ക​യും ചെയ്‌തേ​ക്കാം.

¹⁰ തടസ്സവാ​ദങ്ങൾ ഉന്നയി​ക്ക​പ്പെ​ടു​മ്പോൾ, ആ സംഗതി നിങ്ങളെ എതിരാ​ളി​ക​ളാ​ക്കി​ത്തീർക്കുന്ന എന്തെങ്കി​ലു​മാ​ക്കു​ന്ന​തി​നു​പ​കരം സാധ്യ​മാ​യ​ടത്ത്‌, പരസ്‌പ​ര​താ​ത്‌പ​ര്യ​മു​ളള ഒന്നാക്കി​ത്തീർക്കു​ന്ന​തും നല്ലതാണ്‌. അതു​കൊണ്ട്‌ ഒരു തടസ്സവാ​ദത്തെ അഹിത​ക​ര​മോ അരോ​ച​ക​മോ ആയി കരുതു​ന്ന​തി​നു​പ​കരം അതിനെ വീട്ടു​കാ​രനു യഥാർഥ​ത്തിൽ താത്‌പ​ര്യ​മു​ളള ഒരു പോയിൻറ്‌ എന്ന നിലയിൽ കാണുക. ഇതു മനസ്സിൽപി​ടി​ച്ചു​കൊണ്ട്‌, അയാൾ ഈ സംഗതി ഉന്നയി​ച്ച​തിൽ നിങ്ങൾക്കു സന്തോ​ഷ​മു​ണ്ടെന്ന്‌ അയാ​ളോ​ടു പറയാ​വു​ന്ന​താണ്‌. തുടർന്നു​ളള സംഭാ​ഷ​ണ​ത്തി​ന്റെ താക്കോ​ലാ​യി അതിനെ പരിഗ​ണി​ക്കുക, ബൈബിൾസ​ത്യ​ങ്ങൾ സ്വീക​രി​ക്കാൻ വ്യക്തി​യു​ടെ മനസ്സിനെ തുറ​ന്നേ​ക്കാ​വുന്ന ഒന്നായി​ത്തന്നെ. നിങ്ങൾക്കു തടസ്സവാ​ദ​ങ്ങളെ നേരി​ടേ​ണ്ടി​വ​രുന്ന സാഹച​ര്യ​ങ്ങൾ നിങ്ങളു​ടെ പ്രസം​ഗ​ങ്ങ​ളിൽ ഉൾപ്പെ​ടു​ത്തി​ക്കൊണ്ട്‌ ഇതു ശുശ്രൂ​ഷാ​സ്‌കൂ​ളിൽ പരിശീ​ലി​ക്കാൻ പാടില്ലേ?

¹¹ നിങ്ങൾ ഒരു താത്‌പ​ര്യ​ക്കാ​ര​നോ​ടു സംസാ​രി​ക്കുന്ന ചില സമയങ്ങ​ളിൽ, നിങ്ങളു​ടെ ചർച്ചയെ അലങ്കോ​ല​പ്പെ​ടു​ത്തു​ന്ന​തി​നു വേറെ ആരെങ്കി​ലും തടസ്സവാ​ദങ്ങൾ ഉന്നയി​ക്കു​ന്നു. അത്തര​മൊ​രു സാഹച​ര്യ​ത്തിൽ, തെളി​വു​നൽകു​ന്ന​തി​ന്റെ ഭാരം തടസ്സവാ​ദം ഉന്നയിച്ച ആളു​ടെ​മേൽ നിങ്ങൾക്കു തിരികെ വെക്കാ​വു​ന്ന​താണ്‌. യേശു​ക്രി​സ്‌തു തന്റെ പ്രസം​ഗത്തെ പ്രതി​ബ​ന്ധ​പ്പെ​ടു​ത്താൻ ശ്രമിച്ച എതിരാ​ളി​കളെ മിണ്ടാ​താ​ക്കാൻ എതിർചോ​ദ്യ​ങ്ങൾ ചോദി​ച്ചു. (മത്താ. 22:41-46) അതു​കൊണ്ട്‌ ഏതെങ്കി​ലും കാര്യം​സം​ബ​ന്ധിച്ച്‌ ഒരു തറപ്പിച്ച പ്രസ്‌താ​വന ചെയ്യുന്ന ആളിൻമേ​ലാ​ണു തെളിവു നൽകാ​നു​ളള ഭാരം ഉചിത​മാ​യി സ്ഥിതി​ചെ​യ്യു​ന്ന​തെന്ന്‌ ഓർത്തി​രി​ക്കു​ന്നതു നല്ലതാണ്‌. ദൃഷ്ടാ​ന്ത​ത്തിന്‌, ഒരു വീട്ടു​കാ​രൻ ത്രിത്വ​വി​ശ്വാ​സം ക്രിസ്‌ത്യാ​നി​കൾക്ക്‌ ആവശ്യ​മാ​ണെന്നു സൂചി​പ്പി​ക്കുന്ന ഒരു സ്വരത്തിൽ “നിങ്ങൾ ത്രിത്വ​ത്തിൽ വിശ്വ​സി​ക്കു​ന്നി​ല്ല​ല്ലോ” എന്നു നിങ്ങ​ളോ​ടു പറയു​ന്നു​വെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ബൈബിൾ പഠിപ്പി​ക്കു​ന്ന​തെ​ല്ലാം ഞാൻ വിശ്വ​സി​ക്കു​ന്നു. ഞാൻ ആ ഉപദേശം വിശ്വ​സി​ക്കേ​ണ്ടത്‌ എന്തു​കൊ​ണ്ടെന്ന്‌ ദയവായി നിങ്ങൾക്കു ബൈബി​ളിൽനിന്ന്‌ എനിക്കു കാണി​ച്ചു​ത​രാ​മോ?” അപ്പോൾ സത്യമാ​ണെന്നു മറുകക്ഷി അവകാ​ശ​പ്പെ​ടു​ന്ന​തി​നെ പിന്താ​ങ്ങാൻ തെളിവു നൽകാ​നു​ളള ഭാരം ആ കക്ഷിക്കാണ്‌.

 ¹² തിരു​വെ​ഴു​ത്തു​കൾ സ്വീക​രി​ക്കു​ന്ന​താ​യി അവകാ​ശ​പ്പെ​ടുന്ന ഏതൊ​രു​വ​നു​മു​ളള ഏററവും ആധികാ​രി​ക​മായ ഉത്തരം ദൈവ​ത്തി​ന്റെ സ്വന്തം വചനത്തിൽനി​ന്നു നേരിട്ട്‌ എടുക്കു​ന്ന​താണ്‌. അതു നാം വ്യക്തി​പ​ര​മാ​യി പറഞ്ഞേ​ക്കാ​വുന്ന എന്തി​നെ​ക്കാ​ളും വളരെ​യ​ധി​കം ബോധ്യം വരുത്തു​ന്ന​താണ്‌. തീർച്ച​യാ​യും ഉത്തരങ്ങൾ കൊടു​ക്കു​മ്പോൾ, നിങ്ങളു​ടെ ചോദ്യ​കാ​രന്റെ മനോ​ഭാ​വം ഗണ്യമാ​ക്കാ​തെ എല്ലായ്‌പോ​ഴും ശാന്തരാ​യി നില​കൊ​ള​ളു​ക​യും മര്യാദ പ്രകട​മാ​ക്കു​ക​യും ചെയ്യുക. ഇത്‌ ഒരു ദൈവ​ശു​ശ്രൂ​ഷ​കനു യോഗ്യ​മാണ്‌.

13, 14. ഭവന​ബൈ​ബി​ള​ധ്യ​യ​ന​ങ്ങ​ളിൽ, അധ്യേ​താ​വിൽനി​ന്നു​ളള ചോദ്യ​ങ്ങൾ എങ്ങനെ കൈകാ​ര്യം​ചെ​യ്യാം?

¹³ ബൈബി​ള​ധ്യ​യ​ന​ങ്ങ​ളിൽ. ബൈബി​ള​ധ്യ​യ​ന​ങ്ങ​ളിൽ സാധാ​ര​ണ​യാ​യി കാര്യ​ങ്ങൾസം​ബ​ന്ധി​ച്ചു ന്യായ​വാ​ദം​ചെ​യ്യാൻ സഹായ​ക​മായ സൗഹാർദ​പ​ര​വും വിശ്ര​മ​ക​ര​വു​മായ ഒരു അന്തരീ​ക്ഷ​മുണ്ട്‌. അതു​കൊണ്ട്‌, നിങ്ങൾ ഒരു അധ്യേ​താ​വി​ന്റെ ചോദ്യ​ത്തിന്‌ ഉത്തരം പറഞ്ഞ​ശേഷം അയാൾക്കു തൃപ്‌തി​യാ​യോ എന്നു ചോദി​ക്കു​ന്നത്‌ ഒരു നല്ല നടപടി​യാണ്‌. ചില പോയിൻറു​കൾ ഇപ്പോ​ഴും അയാളു​ടെ മനസ്സിൽ അവ്യക്ത​മാ​യി​രി​ക്കാം. ഒരു പ്രത്യേക ഉത്തരം സംബന്ധി​ച്ചു നിങ്ങൾക്കു തിട്ടമി​ല്ലെ​ങ്കിൽ അയാൾക്കു​വേണ്ടി അത്‌ ആരായാ​മെന്നു വാഗ്‌ദാ​നം​ചെ​യ്യുക. കൂടു​ത​ലായ സഹായം ആവശ്യ​മാ​ണെ​ങ്കിൽ, കൂടുതൽ പരിച​യ​സ​മ്പ​ന്ന​നായ ഒരു പ്രസാ​ധ​ക​നോ​ടു നിങ്ങൾക്ക്‌ അന്വേ​ഷി​ക്കാ​വു​ന്ന​താണ്‌. ബൈബിൾസ​ന്ദേ​ശ​ത്തിൽ ആഴമേ​റിയ ഉൾക്കാഴ്‌ച നേടാൻ നിങ്ങൾ ആരെ​യെ​ങ്കി​ലും സഹായി​ക്കു​മ്പോൾ, സുവി​ശേ​ഷ​ക​നായ ഫിലി​പ്പോസ്‌ എത്യോ​പ്യൻഷ​ണ്ഡന്റെ ചോദ്യ​ങ്ങൾക്ക്‌ ഉത്തരം കൊടു​ത്തു​കൊണ്ട്‌ അയാളെ സഹായി​ച്ച​തു​പോ​ലെ നിങ്ങൾ അയാൾക്കു ജീവന്റെ വഴിയിൽ തുടക്ക​മി​ട്ടു​കൊ​ടു​ക്കു​ക​യാ​യിരി​ക്കാം.—പ്രവൃ. 8:26-39.

¹⁴ കാല​ക്ര​മ​ത്തിൽ ഒരു ബൈബി​ള​ധ്യ​യ​ന​ത്തിൽ ഉന്നയി​ക്ക​പ്പെ​ടുന്ന സകല ചോദ്യ​ങ്ങൾക്കും ഉത്തരം കൊടു​ക്കാ​തെ നിങ്ങളു​ടെ ശേഷിച്ച അധ്യയ​ന​വി​വ​ര​ങ്ങ​ളിൽ പരിചി​ന്തി​ക്ക​പ്പെ​ടുന്ന ചിലത്‌ അവശേ​ഷി​പ്പി​ക്കു​ന്നതു മെച്ചമാ​യി​രി​ക്കാം. കൂടാതെ, അധ്യേ​താ​വി​ന്റെ സ്വന്തം പുരോ​ഗ​തി​യെ മുൻനിർത്തി അയാൾക്കു​തന്നെ ഗവേഷ​ണം​ചെ​യ്‌ത്‌ എങ്ങനെ ഉത്തരങ്ങൾ കണ്ടുപി​ടി​ക്കാ​മെന്ന്‌ കാണി​ച്ചു​കൊ​ടു​ക്കു​ന്നതു നല്ലതാണ്‌. സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളു​ടെ സൂചി​ക​ക​ളോ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്നതിലെ ഉചിത​മായ ഒരു അധ്യാ​യ​മോ പോ​ലെ​യു​ളള ബൈബി​ള​ധ്യ​യന സഹായി​ക​ളി​ലേക്കു നിങ്ങൾക്ക്‌ അയാളെ നയിക്കാ​വു​ന്ന​താണ്‌. അനന്തരം അയാൾ എന്തു വിവരം കണ്ടെത്തി​യെ​ന്നും അതുസം​ബ​ന്ധിച്ച്‌ അയാളു​ടെ ഗ്രാഹ്യ​മെ​ന്തെ​ന്നും പിന്നീട്‌ അയാ​ളോ​ടു ചോദി​ക്കുക. അയാളു​ടെ ചോദ്യ​ങ്ങൾക്കു കേവലം ഉത്തരം​കൊ​ടു​ക്കു​ന്നതല്ല, അയാളു​ടെ ആത്മീയ​വ​ളർച്ച മനസ്സിൽ കരുതുക.

15-18. അധികാ​രി​കൾക്കു​വേണ്ടി ചോദ്യ​ങ്ങൾക്ക്‌ ഉത്തരം​കൊ​ടു​ക്കാൻ ക്ഷണിക്ക​പ്പെ​ടു​മ്പോൾ ഏതു മനോ​ഭാ​വ​മാ​ണു നമുക്ക്‌ ഉണ്ടായി​രി​ക്കേ​ണ്ടത്‌?

¹⁵ അധികാ​രി​ക​ളു​ടെ മുമ്പാകെ വിളി​ച്ചു​വ​രു​ത്ത​പ്പെ​ടു​മ്പോൾ. പീഡന​ത്തി​ന്റെ കാര്യം ചർച്ച​ചെ​യ്‌ത​പ്പോൾ, അപ്പോ​സ്‌ത​ല​നായ പത്രോസ്‌ ഇങ്ങനെ പറഞ്ഞു: “ക്രിസ്‌തു​വി​നെ നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി വിശു​ദ്ധീ​ക​രി​പ്പിൻ. നിങ്ങളി​ലു​ളള പ്രത്യാ​ശ​യെ​ക്കു​റി​ച്ചു ന്യായം ചോദി​ക്കുന്ന ഏവനോ​ടും സൌമ്യ​ത​യും ഭയഭക്തി​യും പൂണ്ടു പ്രതി​വാ​ദം പറവാൻ എപ്പോ​ഴും ഒരുങ്ങി​യി​രി​പ്പിൻ.” (1 പത്രൊ. 3:14, 15) നിയമ​കോ​ട​തി​ക​ളു​ടെ മുമ്പാ​കെ​യോ നാം എന്തു വിശ്വ​സി​ക്കു​ന്നു​വെ​ന്നും നാം ആ വിധത്തിൽ വിശ്വ​സി​ക്കു​ന്നത്‌ എന്തു​കൊ​ണ്ടെ​ന്നും നമ്മോടു ചോദി​ക്കാൻ അധികാ​ര​മു​ളള നിയമ​ത്തി​ന്റെ പ്രതി​നി​ധി​ക​ളു​ടെ മുമ്പാ​കെ​യോ ഒരു പ്രതി​വാ​ദം നടത്താൻ നാം ക്ഷണിക്ക​പ്പെ​ട്ടേ​ക്കാ​വുന്ന അവസര​ങ്ങ​ളുണ്ട്‌. “ക്രിസ്‌തു​വി​നെ നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി വിശു​ദ്ധീ​ക​രി​പ്പിൻ” എന്ന്‌ അപ്പോ​സ്‌തലൻ  ബുദ്ധ്യു​പ​ദേ​ശി​ക്കു​ന്നു. നിങ്ങളു​ടെ ഹൃദയ​ത്തിൽ, ആഴത്തിൽ നിങ്ങൾ കർത്താ​വായ യേശു​ക്രി​സ്‌തു​വിന്‌ ഏററവും ഉയർന്ന ബഹുമാ​നം, അശുദ്ധ​മാ​ക്ക​പ്പെ​ടാൻ പാടി​ല്ലാത്ത ഒരു പവി​ത്ര​സ്ഥാ​നം, കൊടു​ക്കു​ന്നു​വെന്ന്‌ ഉറപ്പു​ണ്ടാ​യി​രി​ക്കുക. അപ്പോൾ ഉത്‌ക​ണ്‌ഠക്കു കാരണ​മു​ണ്ടാ​യി​രി​ക്ക​യില്ല. സർവഭൂ​മി​യു​ടെ​യും​മേൽ രാജാ​വാ​യി ദൈവ​ത്താൽ അഭി​ഷേകം ചെയ്യ​പ്പെ​ട്ടി​രി​ക്കു​ന്ന​വനെ നാം പ്രസാ​ദി​പ്പി​ക്കു​ന്നു​വെ​ങ്കിൽ ഉയർന്ന സ്ഥാനങ്ങ​ളി​ലു​ളള മനുഷ്യർ എങ്ങനെ പ്രതി​ക​രി​ച്ചേ​ക്കാ​മെ​ന്നു​ള​ള​തിൽ അസ്വസ്ഥ​രാ​കാൻ കാരണ​മില്ല.

¹⁶ എന്നിരു​ന്നാ​ലും, റോമർ 13:1-7-ൽ വിവരി​ച്ചി​രി​ക്കുന്ന ബുദ്ധ്യു​പ​ദേ​ശ​ത്തി​നു ചേർച്ച​യിൽ, അധികാ​ര​സ്ഥ​രോട്‌ ആദരവു​ള​ള​വ​രാ​യി​രി​ക്കുക. നിങ്ങളു​ടെ ചോദ്യ​കാ​രൻ നിങ്ങളു​ടെ​മേൽ തെററായ ആന്തരങ്ങൾ ആരോ​പി​ക്കു​ക​യോ യഹോ​വ​യു​ടെ സാക്ഷി​ക​ളോട്‌ എതിർപ്പു​ള​ള​വ​നാ​യി സ്വയം പ്രകട​മാ​ക്കു​ക​യോ ചെയ്യു​മ്പോൾപോ​ലും പരുഷ​മായ ഒരു മറുപ​ടി​കൊ​ണ്ടു പകരം വീട്ടരുത്‌. (റോമ. 12:17, 21; 1 പത്രൊ. 2:21-23) ഒരു സാക്ഷ്യം കൊടു​ക്കാ​നാ​ണു നിങ്ങൾ അവിടെ എത്തിയി​രി​ക്കു​ന്ന​തെന്ന്‌ ഓർമി​ക്കുക. ഈ അധികാ​രി​ക​ളി​ലൊ​രാൾ ചെവി​കൊ​ടു​ത്തേ​ക്കു​മോ? അതു കുറഞ്ഞ​പക്ഷം പ്രസം​ഗ​വേ​ല​യോ​ടു​ളള കൂടുതൽ അനുകൂ​ല​മായ ഒരു മനോ​ഭാ​വ​ത്തിൽ കലാശി​ക്കു​മോ? നിങ്ങളു​ടെ നടത്തയും നിങ്ങളു​ടെ സംസാ​ര​വും സത്യത്തി​ന്റെ വഴിയു​ടെ ഒരു നല്ല പ്രദർശനം ആയിരി​ക്കട്ടെ.—മത്താ. 10:18-20.

¹⁷ വളരെ കുറച്ചു പറയു​ന്നതു ജ്ഞാനമാ​യി​രി​ക്കുന്ന സമയങ്ങ​ളു​മു​ണ്ടാ​യി​രി​ക്കാം. അപ്പോ​സ്‌ത​ല​നായ പൗലോസ്‌ വിചാ​ര​ണ​ചെ​യ്യ​പ്പെ​ട്ടു​കൊ​ണ്ടി​രുന്ന​പ്പോൾ ചെയ്‌ത​തു​പോ​ലെ തെളി​വു​നൽകാ​നു​ളള ഭാരം എതിരാ​ളി​ക​ളു​ടെ​മേൽ വെക്കാൻ നിങ്ങൾ കേവലം ആഗ്രഹി​ച്ചേ​ക്കാം. (പ്രവൃ. 24:10-13) അല്ലെങ്കിൽ മൗനമാ​യി​രി​ക്കാൻപോ​ലും നിങ്ങൾക്കു തീരു​മാ​നി​ക്കാ​വു​ന്ന​താണ്‌. ദുഷ്ടമ​നു​ഷ്യർക്കു തങ്ങളുടെ ചോദ്യ​ങ്ങൾക്ക്‌ ഉത്തരം​കി​ട്ടു​ന്ന​തിൽ ആത്മാർഥ​മായ ആഗ്രഹ​മി​ല്ലാ​തി​രി​ക്കെ, നിങ്ങളെ കബളി​പ്പി​ക്കാ​നോ കളിപ്പി​ക്കാ​നോ അവർ ശ്രമി​ക്കു​ന്നു​വെ​ങ്കിൽ ഏററവും നല്ല മാർഗം ഇതായി​രി​ക്കാം. (ലൂക്കൊ. 23:8, 9) അല്ലെങ്കിൽ, നിങ്ങളി​ലൂ​ടെ നിങ്ങളു​ടെ സഹസാ​ക്ഷി​കൾക്കു ദോഷം​ചെ​യ്യാൻ അവർ ശ്രമി​ക്കു​ന്ന​തു​കൊ​ണ്ടു മൗനമാ​യി​രി​ക്കു​ന്നതു ജ്ഞാനമാ​ണെന്നു നിങ്ങൾ വിചാ​രി​ച്ചേ​ക്കാം. സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ പറഞ്ഞു: “ദുഷ്ടൻ എന്റെ മുമ്പിൽ ഇരിക്കു​മ്പോൾ എന്റെ വായ്‌ കടിഞ്ഞാ​ണി​ട്ടു കാക്കും.” (സങ്കീ. 39:1, 2) വിശേ​ഷിച്ച്‌, സത്യ​ക്രി​സ്‌ത്യാ​നി​ത്വ​ത്തോട്‌ ഉഗ്രമായ എതിർപ്പു​ളള ദേശങ്ങ​ളിൽ ‘മിണ്ടാ​തി​രി​പ്പാ​നു​ളള സമയവും’ ‘സംസാ​രി​പ്പാ​നു​ളള സമയവും’ തമ്മിൽ വേർതി​രി​ച്ച​റി​യാൻ പ്രാപ്‌ത​രാ​യി​രി​ക്കേണ്ട ആവശ്യ​മുണ്ട്‌.—സഭാ. 3:7.

¹⁸ ചോദ്യ​ങ്ങൾക്ക്‌ ഉത്തരം പറയാ​നു​ളള യഹോ​വ​യു​ടെ ദാസൻമാ​രു​ടെ പ്രാപ്‌തി​യെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ ഒരു ബ്രിട്ടീഷ്‌ പത്രം ഇങ്ങനെ പറഞ്ഞു: “സാക്ഷി ചെയ്യുന്ന സകലത്തി​നും പിന്നിൽ തീർച്ച​യാ​യും ഒരു തിരു​വെ​ഴു​ത്തു കാരണം സ്ഥിതി​ചെ​യ്യു​ന്നു. തീർച്ച​യാ​യും അവരുടെ ഒരു അടിസ്ഥാന ഉപദേശം ബൈബിൾ മുഴു​വ​നാ​യും അക്ഷരീ​യ​മാ​യും സമ്പൂർണ​മാ​യും സത്യമാ​ണെ​ന്നു​ളള അംഗീ​ക​ര​ണ​മാണ്‌. അവരുടെ രണ്ടാമത്തെ ശക്തി ഇതിൽ സ്ഥിതി​ചെ​യ്യു​ന്ന​താ​യി തോന്നു​ന്നു; അവർക്കു സകല ചോദ്യ​ങ്ങൾക്കും ഉത്തരം നൽകാൻ കഴിയും.” ആളുക​ളു​ടെ കുഴപ്പി​ക്കുന്ന ചോദ്യ​ങ്ങൾക്ക്‌ ഉത്തരം പറയാ​നു​ളള നമ്മുടെ പ്രാപ്‌തി സാധ്യ​മാ​ക്കു​ന്നതു ദൈവ​ത്തി​ന്റെ വചനവും അതിലു​ളള നമ്മുടെ ആശ്രയ​വു​മാണ്‌. സകല ബഹുമ​തി​യും മാനവും അവിടു​ത്തേ​ക്കു​ള​ള​താണ്‌. എന്നാൽ നമ്മുടെ ഉത്തരങ്ങൾ  മെച്ച​പ്പെ​ടു​ത്താൻ ശ്രമി​ക്കു​ന്ന​തി​നാൽ നാം യഹോ​വക്കു വർധിച്ച മഹത്ത്വം കൈവ​രു​ത്തു​ക​യും നമ്മുടെ സ്വന്തം സന്തോഷം വർധി​പ്പി​ക്കു​ക​യും ദൈവ​വു​മാ​യു​ളള സമാധാ​ന​ത്തി​ന്റെ പാതയി​ലേക്കു മററു​ള​ള​വരെ നടത്തു​ക​യും ചെയ്യുന്നു.

[അധ്യയന ചോദ്യ​ങ്ങൾ]