പാഠം 12

വാചാ​പ്ര​സം​ഗ​വും തൽക്ഷണ​പ്ര​സം​ഗ​വും

1, 2. പ്രസം​ഗി​ക്കാൻ യഹോവ നമ്മെ സഹായി​ക്കു​ന്നത്‌ എങ്ങനെ?

¹ “എന്നാൽ നിങ്ങളെ ഏല്‌പി​ക്കു​മ്പോൾ എങ്ങി​നെ​യോ എന്തോ പറയേണ്ടു എന്നു വിചാ​ര​പ്പെ​ടേണ്ട; പറവാ​നു​ള​ളതു ആ നാഴി​ക​യിൽ തന്നേ നിങ്ങൾക്കു ലഭിക്കും. പറയു​ന്നതു നിങ്ങൾ അല്ല, നിങ്ങളിൽ പറയുന്ന നിങ്ങളു​ടെ പിതാ​വി​ന്റെ ആത്മാവ​ത്രേ.” (മത്താ. 10:19, 20) ആ വാക്കുകൾ യേശു​വി​ന്റെ ആദിമ​ശി​ഷ്യർക്ക്‌ അത്ഭുത​ക​ര​മായ ഉറപ്പു കൈവ​രു​ത്തി​യി​രി​ക്കണം. അവ ഗവൺമെൻറ്‌ ഉദ്യോ​ഗ​സ്ഥൻമാ​രു​ടെ മുമ്പാകെ ഒരു സാക്ഷ്യം കൊടു​ക്കാൻ ആഹ്വാ​നം​ചെ​യ്യ​പ്പെ​ടു​മ്പോൾ ഇന്നത്തെ സുവാർത്ത​യു​ടെ ദൈവ​ശു​ശ്രൂ​ഷ​ക​രെ​യും ശക്തീക​രി​ക്കു​ന്നു. ഇതിന്‌, ഒന്നാം നൂററാ​ണ്ടി​ലെ ക്രിസ്‌തീയ സാക്ഷി​ക​ളിൽ ചില​രെ​പ്പോ​ലെ ഇന്നത്തെ യഹോ​വ​യു​ടെ ക്രിസ്‌തീയ സാക്ഷി​കൾക്ക്‌ അത്ഭുത​ക​ര​മായ “ജ്ഞാനത്തി​ന്റെ വചനവും” “പരിജ്ഞാ​ന​ത്തി​ന്റെ വചനവും” ലഭിക്കു​ന്നു​വെന്ന്‌ അർഥമില്ല. (1 കൊരി. 12:8) എന്നിരു​ന്നാ​ലും, നാം നല്ല ഒരു ദിവ്യാ​ധി​പത്യ വിദ്യാ​ഭ്യാ​സ​ത്തി​നു​ളള അവസരം ആസ്വദി​ക്കു​ക​തന്നെ ചെയ്യുന്നു, വാഗ്‌ദത്തം ചെയ്‌തി​രു​ന്ന​തു​പോ​ലെ, ആവശ്യം വരു​മ്പോൾ ദൈവ​ത്തി​ന്റെ ആത്മാവു നമ്മുടെ മനസ്സി​ലേക്ക്‌ ഉത്തരങ്ങൾ തിരികെ കൊണ്ടു​വ​രു​ന്നു.

 ² ബൈബി​ള​ധ്യ​യ​ന​ങ്ങ​ളി​ലും ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലും മററു സഭാമീ​റ​റിം​ഗു​ക​ളി​ലും നിങ്ങൾക്കു ലഭിക്കുന്ന പരിശീ​ലനം നിമിത്തം നിങ്ങൾ ബൈബിൾ പരിജ്ഞാ​ന​ത്തി​ന്റെ ഒരു വിപു​ല​മായ ശേഖരം സ്വരൂ​പി​ക്കു​ന്നു. നിങ്ങൾ നീതി​യു​ടെ അടിസ്ഥാ​ന​ത​ത്ത്വ​ങ്ങ​ളും നിങ്ങളു​ടെ സ്വന്ത ജീവി​ത​ത്തിൽ വിവിധ സാഹച​ര്യ​ങ്ങ​ളിൽ അവ എങ്ങനെ ബാധക​മാ​ക്കാ​മെ​ന്നും പഠിക്കു​ന്നു. പിന്നീടു വയൽശു​ശ്രൂ​ഷ​യിൽ ബദ്ധശ്ര​ദ്ധ​രാ​യി​രി​ക്കു​ന്ന​തി​നാൽ നിങ്ങൾ മററു​ള​ള​വ​രോ​ടു സംസാ​രി​ക്കു​ന്ന​തിൽ പരിചയം നേടുന്നു, നിങ്ങൾ സമ്പാദിച്ച വിവരങ്ങൾ അറിയി​ച്ചു​കൊ​ടു​ത്തു​കൊ​ണ്ടു​തന്നെ. നിങ്ങൾ ഈ സംസാരം വാചാ​പ്ര​സം​ഗ​രീ​തി​യി​ലോ തൽക്ഷണ​പ്ര​സം​ഗ​രൂ​പ​ത്തി​ലോ നടത്തുന്നു.

3. വാചാ​പ്ര​സം​ഗ​വും തൽക്ഷണ​പ്ര​സം​ഗ​വും തമ്മിലു​ളള വ്യത്യാ​സം വിശദീ​ക​രി​ക്കുക.

³ അടുത്തു ബന്ധമു​ണ്ടെ​ങ്കി​ലും, ഈ രണ്ടു തരം പ്രസം​ഗങ്ങൾ സർവസ​മമല്ല. ഒരുപക്ഷേ ഒരു ദൃഷ്ടാന്തം വ്യത്യാ​സം വ്യക്തമാ​ക്കും. നിങ്ങൾ ഒരു വീട്ടു​കാ​രനെ സമീപി​ക്കു​ന്നു​വെ​ന്നും മനസ്സിൽ അപ്പോൾത്തന്നെ രൂഢമൂ​ല​മായ ബാഹ്യ​രേ​ഖ​യു​ളള തയ്യാറാ​ക്ക​പ്പെട്ട ഒരു അവതരണം നടത്താൻ തുടങ്ങു​ന്നു​വെ​ന്നു​മി​രി​ക്കട്ടെ. ആ ബാഹ്യ​രേ​ഖക്കു പുറമേ നിങ്ങൾ വിവരങ്ങൾ വികസി​പ്പി​ക്കാൻ ഉപയോ​ഗി​ക്കുന്ന കൃത്യ​മായ വാക്കുകൾ മനഃപാ​ഠ​മാ​ക്കി​യി​ട്ടില്ല. നിങ്ങൾ വാചാ​പ്ര​സം​ഗം നടത്തു​ക​യാണ്‌. എന്നാൽ അപ്പോൾ മുൻകൂ​ട്ടി​ക്കാ​ണാഞ്ഞ ഏതോ തടസ്സവാ​ദം വീട്ടു​കാ​രൻ ഉന്നയി​ക്കു​ന്നു, അതിനു​വേണ്ടി നിങ്ങൾ പ്രത്യേക തയ്യാറാ​കൽ നടത്തി​യി​ട്ടില്ല. എന്നിരു​ന്നാ​ലും രാജ്യ​ഹാ​ളി​ലെ നിങ്ങളു​ടെ പരിശീ​ലനം നിമിത്തം നിങ്ങളു​ടെ ബൈബിൾവി​ജ്ഞാ​ന​ശേ​ഖ​ര​ത്തിൽനിന്ന്‌ എന്തെങ്കി​ലും അഭി​പ്രാ​യ​മോ വിശദീ​ക​ര​ണ​മോ കൊടു​ക്കാൻ നിങ്ങൾ സജ്ജനാണ്‌. ഈ ഘട്ടത്തിൽ നിങ്ങളു​ടേതു മുന്നാ​ലോ​ച​ന​കൂ​ടാ​തെ നിർമി​ച്ചു നടത്തുന്ന തൽക്ഷണ​പ്ര​സം​ഗ​മാ​ണെന്നു പറയാൻ കഴിയും.

4. ഫലപ്ര​ദ​മായ ഒരു വാചാ​പ്ര​സം​ഗ​ത്തിന്‌ ഏതു തയ്യാറാ​കൽ ആവശ്യ​മാണ്‌?

⁴ വാചാ​പ്ര​സം​ഗം. വീടു​തോ​റു​മു​ളള ഒരു അവതര​ണ​മാ​യാ​ലും പ്ലാററ്‌ഫാ​റ​ത്തിൽനി​ന്നു​ളള ഒരു പ്രസം​ഗ​മാ​യാ​ലും ഫലകര​മായ വാചാ​പ്ര​സം​ഗ​ത്തി​ന്റെ മുഖ്യ​ഘ​ടകം തയ്യാറാ​ക​ലാണ്‌. നിങ്ങൾ ഒരു വാചാ​പ്ര​സം​ഗം നടത്താ​നി​രി​ക്കു​ക​യാ​ണെ​ങ്കിൽ വികസി​പ്പി​ക്കാ​നു​ളള പല മുഖ്യ പോയിൻറു​കൾ സഹിതം ഒരു നല്ല ബാഹ്യ​രേഖ തയ്യാറാ​ക്കുക. മുഖ്യ പോയിൻറു​ക​ളിൻ കീഴിൽ ഉപോൽബ​ല​ക​ങ്ങ​ളായ ആശയങ്ങ​ളും തെളി​വു​ക​ളും തിരു​വെ​ഴു​ത്തു​ക​ളും ദൃഷ്ടാ​ന്ത​ങ്ങ​ളും നിങ്ങൾക്കു പട്ടിക​പ്പെ​ടു​ത്താൻ കഴിയും, തന്നിമി​ത്തം യഥാർഥ​ത്തിൽ വിജ്ഞാ​ന​പ്ര​ദ​മായ ഒരു പ്രസംഗം അവതരി​പ്പി​ക്കാൻ നിങ്ങൾ തയ്യാറാ​യി​രി​ക്കും. നിങ്ങൾ ഉപയോ​ഗി​ക്കാൻ പോകുന്ന കൃത്യ​മായ വാക്കുകൾ ഒഴിച്ച്‌ എല്ലാം മുന്നമേ നിശ്ചയി​ക്കുക.

5-7. വാചാ​പ്ര​സം​ഗ​ത്തി​ന്റെ പ്രയോ​ജ​നങ്ങൾ പറയുക.

⁵ വാചാ​പ്ര​സം​ഗ​രീ​തി​ക്കു പല പ്രയോ​ജ​ന​ങ്ങ​ളുണ്ട്‌. ഒന്ന്‌ അതു യഥേഷ്ടം മാററം​വ​രു​ത്താൻ അനുവ​ദി​ക്കു​ന്നു എന്നതാണ്‌. ഒരു ലിഖി​ത​പ്ര​സം​ഗം വായി​ക്കു​മ്പോ​ഴോ ഓർമ​യിൽനി​ന്നു പറയു​മ്പോ​ഴോ വാസ്‌ത​വ​മാ​യി​രി​ക്കു​ന്ന​തു​പോ​ലെ, നിങ്ങൾക്ക്‌ അതിൽനി​ന്നു വ്യതി​ച​ലി​ക്കാൻ കഴിയാ​ത്ത​വണ്ണം വിവരങ്ങൾ അത്ര അയവി​ല്ലാ​തെ ക്രമീ​ക​രി​ച്ചി​രി​ക്കു​കയല്ല. അവസാന നിമി​ഷ​ത്തി​ലെ വികാ​സങ്ങൾ, ആസൂ​ത്രണം ചെയ്‌ത പ്രസം​ഗ​ത്തിൽ കുറെ മാററങ്ങൾ ആവശ്യ​മാ​ക്കി​യേ​ക്കാം. പ്ലാററ്‌ഫാ​റ​ത്തി​ലേക്കു പോകു​ന്ന​തി​നു തൊട്ടു​മു​മ്പു പുതിയ താത്‌പ​ര്യ​ക്കാ​രു​ടെ അപ്രതീ​ക്ഷി​ത​മായ ഒരു വലിയ സംഖ്യ സദസ്സി​ലു​ണ്ടെന്നു നിങ്ങൾ കാണു​ന്നു​വെ​ന്നി​രി​ക്കട്ടെ. വാചാ​പ്ര​സം​ഗ​രീ​തി വാദങ്ങൾ പൂർണ​മാ​യി ഗ്രഹി​ക്കു​ന്ന​തിന്‌ അവരെ സഹായി​ക്കാൻ മാററങ്ങൾ വരുത്തു​ന്ന​തി​നു നിങ്ങളെ അനുവ​ദി​ക്കു​ന്നു. അല്ലെങ്കിൽ ഒരുപക്ഷേ സദസ്സിൽ സ്‌കൂൾപ്രാ​യ​ത്തി​ലു​ളള അനേകം യുവജ​നങ്ങൾ  ഉണ്ടെന്നു നിങ്ങൾ കാണുന്നു എന്നിരി​ക്കട്ടെ. വിവരങ്ങൾ അവരുടെ ജീവി​തത്തെ എങ്ങനെ ബാധി​ക്കു​ന്നു​വെന്നു മനസ്സി​ലാ​ക്കാൻ അവരെ സഹായി​ക്കു​ക​യെന്ന ലക്ഷ്യം മുൻനിർത്തി നിങ്ങളു​ടെ ദൃഷ്ടാ​ന്ത​ങ്ങ​ളും ബാധക​മാ​ക്ക​ലും ക്രമീ​ക​രി​ക്കാൻ കഴിയും.

⁶ വാചാ​പ്ര​സം​ഗ​ത്തി​ന്റെ രണ്ടാമത്തെ പ്രയോ​ജനം അതിനു നിങ്ങളു​ടെ മനസ്സിനെ ഉത്തേജി​പ്പി​ക്കുന്ന ഫലമു​ണ്ടെ​ന്നു​ള​ള​താണ്‌. അതു പുതിയ ആശയങ്ങൾ വികസി​പ്പി​ക്കു​ന്ന​തി​നു നിങ്ങൾക്കു ഗണ്യമായ സ്വാത​ന്ത്ര്യ​മ​നു​വ​ദി​ക്കു​ന്നു. മിക്ക​പ്പോ​ഴും വിലമ​തി​പ്പു​ളള, പ്രതി​ക​ര​ണ​മു​ളള, ഒരു സദസ്സിനെ നിങ്ങൾ അഭിമു​ഖീ​ക​രി​ക്കു​മ്പോൾ നിങ്ങൾ ഉത്സാഹ​ഭ​രി​ത​നാ​കു​ക​യും പുതിയ ആശയങ്ങൾ നിങ്ങളു​ടെ മനസ്സി​ലേക്ക്‌ ഒഴുകി​വ​രു​ക​യും ചെയ്യുന്നു, ഒരു വാചാ​പ്ര​സം​ഗ​ത്തിൽ അനായാ​സം ഉൾക്കൊ​ള​ളി​ക്കാൻ കഴിയുന്ന ആശയങ്ങൾതന്നെ.

⁷ ഇത്തരം പ്രസം​ഗ​ത്തി​ന്റെ മൂന്നാ​മത്തെ പ്രയോ​ജനം അതു നിങ്ങളു​ടെ ശ്രോ​താ​ക്ക​ളിൽ ദൃഷ്ടി പതിപ്പി​ക്കാ​നും നിങ്ങളെ അനുവ​ദി​ക്കു​ന്നു​വെ​ന്ന​താണ്‌. ഇത്‌ അവരു​മാ​യു​ളള നിങ്ങളു​ടെ ആശയവി​നി​മ​യത്തെ മെച്ച​പ്പെ​ടു​ത്തു​ന്നു. ഫലം നിങ്ങൾ പറയു​ന്ന​തിന്‌ അവർ കുറേ​ക്കൂ​ടെ അടുത്ത ശ്രദ്ധ കൊടു​ക്കാ​നി​ട​യു​ണ്ടെ​ന്നു​ള​ള​താണ്‌. നിങ്ങൾക്കു നിങ്ങളു​ടെ വിഷയം അറിയാ​മെന്നു ശ്രോ​താ​ക്കൾക്കു തോന്നും, കാരണം നിങ്ങൾക്ക്‌ എല്ലായ്‌പോ​ഴും എഴുത​പ്പെട്ട ഏതെങ്കി​ലും വിവര​ത്തിൽ ദൃഷ്ടി പതിപ്പി​ക്കേ​ണ്ട​തില്ല. കൂടാതെ, നിങ്ങൾക്കു സദസ്സിന്റെ പ്രതി​ക​ര​ണ​വും ശ്രദ്ധി​ക്കാൻ സാധി​ക്കു​ന്നു. അവരുടെ താത്‌പ​ര്യം കുറയു​ക​യാ​ണെന്നു കാണു​ക​യാ​ണെ​ങ്കിൽ ഈ പ്രയാസം തരണം​ചെ​യ്യു​ന്ന​തി​നു നിങ്ങൾക്കു നടപടി​കൾ സ്വീക​രി​ക്കാ​വു​ന്ന​താണ്‌. അതു​കൊണ്ട്‌, ഇത്തരം അവതര​ണ​രീ​തി ഊഷ്‌മ​ള​വും സംഭാ​ഷ​ണ​പ​ര​വു​മായ ഒരു അവതര​ണ​ത്തിന്‌, ഹൃദയം തുറന്നു​ളള ഒരു പ്രസം​ഗ​ത്തിന്‌, സഹായ​ക​മാണ്‌.

8-10. വാചാ​പ്ര​സം​ഗ​ത്തി​ന്റെ കാര്യ​ത്തിൽ മുൻകൂ​ട്ടി​ക്കാ​ണാത്ത അപകടങ്ങൾ എങ്ങനെ ഒഴിവാ​ക്കാൻ കഴിയും?

⁸ എന്നിരു​ന്നാ​ലും, വാചാ​പ്ര​സം​ഗ​ങ്ങ​ളു​ടെ കാര്യ​ത്തിൽ മറഞ്ഞി​രി​ക്കുന്ന ചില അപകട​ങ്ങ​ളുണ്ട്‌; എന്നാൽ ഇവ ഒഴിവാ​ക്കാൻ കഴിയും. ദൃഷ്ടാ​ന്ത​ത്തിന്‌, പ്രസം​ഗകൻ കൂടു​ത​ലാ​യി വളരെ​യ​ധി​കം ആശയങ്ങൾ ചേർക്കു​ന്ന​തു​കൊണ്ട്‌ അയാളു​ടെ പ്രസം​ഗ​ത്തി​നു കൂടുതൽ സമയ​മെ​ടു​ക്കു​ന്നു. കൂടാതെ, മനസ്സി​ലേക്കു വരുന്ന ആശയങ്ങൾ സ്വതഃ​പ്രേ​രി​ത​മാ​യി അവതരി​പ്പി​ക്കാ​നു​ളള പ്രസം​ഗ​കന്റെ സ്വാത​ന്ത്ര്യം നിമിത്തം അയാൾ ആസൂ​ത്രണം ചെയ്‌തി​രു​ന്ന​തി​നെ​ക്കാൾ വളരെ​ക്കൂ​ടു​തൽ സമയ​മെ​ടു​ത്തു ചില പോയിൻറു​കൾ വിശദീ​ക​രി​ച്ചേ​ക്കാം. പ്രസം​ഗ​ത്തി​ന്റെ ഓരോ ഭാഗത്തി​നും അനുവ​ദി​ച്ചി​രി​ക്കുന്ന സമയം നിങ്ങളു​ടെ ബാഹ്യ​രേ​ഖ​യിൽ കുറി​ക്കു​ന്ന​തി​നാൽ നിങ്ങൾക്ക്‌ ഇതി​നെ​തി​രെ ജാഗ്രത പാലി​ക്കാൻ കഴിയും. പിന്നീട്‌ ഈ പട്ടിക​യോട്‌ അടുത്തു പററി​നിൽക്കുക.

⁹ പോയിൻറു​കൾ വിട്ടു​പോ​കു​ന്ന​തി​ന്റെ​യോ അപൂർണ​മോ കൃത്യ​മ​ല്ലാ​ത്ത​തോ ആയ പ്രസ്‌താ​വ​നകൾ ചെയ്യു​ന്ന​തി​ന്റെ​യോ ഉപോൽബ​ല​ക​മായ വേണ്ടത്ര തെളി​വി​ല്ലാ​തെ അവകാ​ശ​വാ​ദങ്ങൾ പുറ​പ്പെ​ടു​വി​ക്കു​ന്ന​തി​ന്റെ​യോ അപകട​വു​മുണ്ട്‌. നിങ്ങൾ ധൃതി​കൂ​ട്ടാ​തെ, ക്രമമാ​യി കുറി​പ്പു​ക​ളിൽ നോക്കു​ന്നു​വെ​ങ്കിൽ വിവര​ങ്ങ​ളോ​ടു പററി​നിൽക്കു​ന്ന​തി​നും വിട്ടു​പോ​ക​ലും തെററു​ക​ളും ഒഴിവാ​ക്കു​ന്ന​തി​നും നിങ്ങൾക്കു കഴി​യേ​ണ്ട​താണ്‌. ഉപോൽബ​ല​ക​മായ തെളി​വു​ക​ളും തിരു​വെ​ഴു​ത്തു​ക​ളും സഹിതം വികസി​പ്പി​ക്കാ​നു​ളള പല മുഖ്യ പോയിൻറു​ക​ളോ​ടെ ഒരു നല്ല ബാഹ്യ​രേഖ ഉണ്ടാക്കു​ന്ന​തി​നാൽ തെളി​വി​ല്ലാത്ത പ്രസ്‌താ​വ​നകൾ ചെയ്യു​ന്ന​തി​ന്റെ അപകടം ഒഴിവാ​ക്കാൻ നിങ്ങൾക്കു കഴിയും.

 ¹⁰ ഒരു വാചാ​പ്ര​സം​ഗ​ത്തി​ന്റെ വാക്കുകൾ മനഃപാ​ഠ​മാ​ക്കേണ്ട ആവശ്യ​മി​ല്ലെ​ന്നി​രി​ക്കെ, ഉചിത​മായ വാചക​ഘടന പരിശീ​ലി​ക്കാ​വു​ന്ന​താണ്‌, ചിന്താ​ധാര മനസ്സിൽ രൂഢമൂ​ല​മാ​ക്കു​ന്ന​തി​നാ​ലും നിങ്ങൾ സഹായി​ക്ക​പ്പെ​ടു​ന്നു. ഈ വിധത്തിൽ നിങ്ങൾക്കു തരംതാഴ്‌ന്ന ഭാഷയും വാക്കു​ക​ളു​ടെ മോശ​മായ തിര​ഞ്ഞെ​ടു​പ്പും ഒഴിവാ​ക്കാൻ കഴിയും. നിങ്ങളു​ടെ അനുദിന സംഭാ​ഷ​ണ​ത്തിൽ നല്ല ഭാഷ ഉപയോ​ഗി​ക്കാൻ നിങ്ങൾ ശ്രമി​ക്കു​ന്നു​വെ​ങ്കിൽ, ഒരു പ്രസംഗം നടത്തു​മ്പോൾ അത്‌ ഏറെ എളുപ്പ​മാ​യി​ത്തീ​രും. അപ്പോൾപോ​ലും നിങ്ങൾക്ക്‌ ഒരു ലിഖി​ത​പ്ര​സം​ഗ​ത്തി​ലെ അതിവി​ശിഷ്ട ശൈലി​ക​ളും വ്യാക​ര​ണ​കൃ​ത്യ​ത​യും ഇല്ലാതി​രു​ന്നേ​ക്കാ​മെ​ന്നതു സത്യം​തന്നെ, എന്നാൽ നിങ്ങളു​ടെ സംഭാ​ഷ​ണ​രീ​തി​യാൽ ഇതിന്‌ നന്നായി പരിഹാ​രം കാണാൻ കഴിയും. കൂടാതെ, പ്രസംഗം നിർവ​ഹി​ക്കു​ന്ന​തി​നു മുമ്പ്‌ അതു പല പ്രാവ​ശ്യം പുനര​വ​ലോ​കനം ചെയ്യു​ന്ന​തിൽ ശ്രദ്ധി​ക്കുക. അതു മനസ്സിൽ നിശ്ശബ്ദ​മാ​യി ചെയ്‌താൽ മതി​യെന്നു ചിലർ കണ്ടെത്തു​ന്നു. എന്നാൽ അത്‌ ഉച്ചത്തിൽ നിർവ​ഹി​ച്ചു പരിശീ​ലി​ക്കു​ന്നതു വിശേ​ഷാൽ സമയത്തി​ന്റെ കാര്യ​ത്തിൽ വളരെ സഹായ​ക​മാ​ണെന്ന്‌ അനേകർ കണ്ടെത്തു​ന്നു.

11, 12. ഒരു പ്രസം​ഗ​കന്‌ ഒരു ബാഹ്യ​രേഖ ഉണ്ടായി​രി​ക്കു​ന്നത്‌ സുരക്ഷ​യാ​യി​രി​ക്കു​ന്ന​തെ​ന്തു​കൊണ്ട്‌?

¹¹ കാല​ക്ര​മ​ത്തിൽ, പരിശീ​ല​നം​കൊ​ണ്ടു പ്രസം​ഗ​ത്തി​ന്റെ ഓരോ പോയിൻറി​നും ഏതാനും ചില വാക്കുകൾ മാത്ര​മാ​യി ബാഹ്യ​രേഖ കുറയ്‌ക്കാൻ നിങ്ങൾക്കു പെട്ടെന്നു കഴി​യേ​ണ്ട​താണ്‌. ഇവയും, നിങ്ങൾ ഉപയോ​ഗി​ക്കാൻ പോകുന്ന തിരു​വെ​ഴു​ത്തു​ക​ളു​ടെ സൂചന​യു​മെ​ല്ലാം അനായാ​സം പരി​ശോ​ധി​ക്കാൻ കഴിയുന്ന ഒരു കാർഡിൽ അല്ലെങ്കിൽ ഒരു ഷീററ്‌ കടലാ​സിൽ പട്ടിക​പ്പെ​ടു​ത്താ​വു​ന്ന​താണ്‌. ശുശ്രൂ​ഷാ​സ്‌കൂ​ളി​ലെ ഒരു വിദ്യാർഥി​പ്ര​സം​ഗം​പോ​ലെ, ദൈർഘ്യം കുറഞ്ഞ പ്രസം​ഗ​ങ്ങ​ളു​ടെ ബാഹ്യ​രേഖ മനഃപാ​ഠ​മാ​ക്കാൻ ചിലർ കൂടുതൽ ഇഷ്ടപ്പെ​ട്ടേ​ക്കാ​മെ​ങ്കി​ലും എന്തെങ്കി​ലും ശല്യമോ ഓർമ​പ്പി​ശ​കോ നിങ്ങളു​ടെ ചിന്താ​ധാ​രയെ തടസ്സ​പ്പെ​ടു​ത്തു​ന്ന​പക്ഷം നോക്കു​ന്ന​തി​നു ഹ്രസ്വ​മായ ഒരു ബാഹ്യ​രേഖ കൈയി​ലു​ണ്ടാ​യി​രി​ക്കു​ന്ന​തി​നു വിരോ​ധ​മില്ല. ഒരു പരസ്യ​പ്ര​സം​ഗം പോലെ, ദൈർഘ്യ​മേ​റിയ പ്രസം​ഗ​ങ്ങൾക്കു പ്രസം​ഗ​സ​മ​യത്തു നോക്കു​ന്ന​തി​നു വിശദ​മായ ബാഹ്യ​രേഖ ഉണ്ടായി​രി​ക്കു​ന്നതു സാധാ​ര​ണ​യാ​യി പ്രാ​യോ​ഗി​ക​ജ്ഞാ​ന​ത്തി​ന്റെ മാർഗ​മാണ്‌.

¹² വാചാ​പ്ര​സം​ഗ​രീ​തി വീടു​തോ​റു​മു​ളള ശുശ്രൂ​ഷ​യിൽ വളരെ മൂല്യ​വ​ത്താണ്‌. എന്തു​കൊ​ണ്ടെ​ന്നാൽ വീട്ടു​കാ​രൻ ഒരു തടസ്സവാ​ദം ഉന്നയി​ക്കു​ക​യോ ഏതെങ്കി​ലും വിധത്തിൽ തടസ്സ​പ്പെ​ടു​ത്തു​ക​യോ ചെയ്യു​മ്പോൾ പരിചി​ന്തി​ക്കുന്ന പോയിൻറു​ക​ളിൽനിന്ന്‌ അല്‌പം വ്യതി​ച​ലി​ച്ചു തടസ്സവാ​ദത്തെ നേരി​ടു​ക​യും അനന്തരം തയ്യാറാ​യി​വന്ന വിവരങ്ങൾ തുടരു​ക​യും ചെയ്യുക സാധ്യ​മാണ്‌. അവതര​ണ​ത്തി​ന്റെ കൃത്യ​മായ വാക്കുകൾ ഓർമ​യിൽ വെക്കു​ക​യാ​ണെ​ങ്കിൽ അത്തര​മൊ​രു തടസ്സത്തെ നേരി​ടു​ന്ന​തും അനന്തരം പ്രസംഗം പുനരാ​രം​ഭി​ക്കു​ന്ന​തും പ്രയാ​സ​മാ​യി​രി​ക്കും.

13-15. നാം എപ്പോ​ഴാണ്‌ തൽക്ഷണം പ്രസം​ഗി​ക്കു​ന്നത്‌, ഏതു തയ്യാറാ​കൽ ഉൾപ്പെ​ട്ടി​രി​ക്കു​ന്നു?

¹³ തൽക്ഷണ​പ്ര​സം​ഗം. “തൽക്ഷണം” എന്ന പദം “തയ്യാറാ​ക​ലി​ല്ലാ​തെ, ഒരുക്ക​മി​ല്ലാ​തെ, മുന്നാ​ലോ​ചന കൂടാതെ ചെയ്യുന്ന” എന്നർഥ​മു​ള​ള​താ​യി നിർവ​ചി​ക്ക​പ്പെ​ട്ടി​രി​ക്കുന്ന “ഇം​പ്രോം​ററു” എന്ന ഇംഗ്ലീഷ്‌ പദത്തിന്റെ പരിഭാ​ഷ​യാണ്‌. എന്നാൽ വിഷയ​മോ പോയി​ന്റോ സംബന്ധിച്ച്‌ അശേഷം തയ്യാറാ​ക​ലി​ല്ലാ​യി​രു​ന്നു​വെന്ന്‌ അതിനർഥ​മു​ണ്ടോ? ഇല്ല, എന്തെന്നാൽ യഥാർഥ​മായ സകല പഠിപ്പി​ക്ക​ലി​നും തയ്യാറാ​കൽ ഉണ്ടായി​രി​ക്കണം. എന്നിരു​ന്നാ​ലും, ഒരു പ്രത്യേക വിഷയം​സം​ബ​ന്ധി​ച്ചു നിങ്ങൾ സംസാ​രി​ക്കേ​ണ്ട​താ​ണെന്നു മുൻകൂ​ട്ടി​യു​ളള അറിയി​പ്പു  ലഭിക്കാ​തി​രു​ന്നേ​ക്കാ​വുന്ന അവസര​ങ്ങ​ളുണ്ട്‌, തന്നിമി​ത്തം നിങ്ങൾ അതിന്റെ ഒരു ചർച്ചക്ക്‌ പ്രത്യേ​കം തയ്യാറാ​കു​ന്നില്ല. ഇതു വീടു​തോ​റു​മു​ളള പ്രസം​ഗ​ത്തിൽ കണ്ടുമു​ട്ടിയ വീട്ടു​കാ​രൻ ഒരു ചോദ്യം ഉന്നയി​ക്കു​മ്പോ​ഴാ​യി​രി​ക്കാം. അല്ലെങ്കിൽ അതു മടക്കസ​ന്ദർശ​ന​ങ്ങ​ളി​ലോ ഭവന​ബൈ​ബി​ള​ധ്യ​യ​ന​ങ്ങ​ളി​ലോ അനൗപ​ചാ​രി​ക​സാ​ക്ഷീ​ക​രണം നടത്തു​മ്പോ​ഴോ ആയിരി​ക്കാം, അല്ലെങ്കിൽ ഒരു കോട​തി​യു​ടെ​യോ ഒരു സമിതി​യു​ടെ​യോ മുമ്പാകെ വരുത്ത​പ്പെ​ടു​മ്പോൾ ആയിരി​ക്കാം. അങ്ങനെ​യു​ളള സന്ദർഭ​ങ്ങ​ളിൽ വിവര​ങ്ങ​ളു​ടെ ക്രമീ​ക​ര​ണ​വും പദപ്ര​യോ​ഗ​ങ്ങ​ളും തൽക്ഷണ​മാ​യി​രി​ക്കും, എന്നാൽ നിങ്ങളു​ടെ ദിവ്യാ​ധി​പ​ത്യ​പ​ഠ​ന​ങ്ങ​ളിൽനി​ന്നു കൈവന്ന പശ്ചാത്തല വിജ്ഞാനം, പറയാ​നു​ള​ള​തി​ന്റെ അടിസ്ഥാ​നം നൽകും. അതു​കൊ​ണ്ടു നാം തൽക്ഷണ​പ്ര​സം​ഗം എന്നു വിളി​ച്ചേ​ക്കാ​വു​ന്ന​തും മുൻകൂ​ട്ടി​യു​ളള തയ്യാറാ​ക​ലിൽ അടിസ്ഥാ​ന​പ്പെ​ട്ടി​രി​ക്കു​ന്നു, തയ്യാറാ​കൽ ആ പ്രത്യേക അവസര​ത്തി​നു​വേണ്ടി ആസൂ​ത്ര​ണം​ചെ​യ്‌ത​ത​ല്ലാ​യി​രി​ക്കാ​മെ​ങ്കി​ലും.—യെശ. 50:4.

¹⁴ നിങ്ങൾ എന്തെങ്കി​ലും പറയാൻ വിളി​ക്ക​പ്പെ​ടാ​നി​രി​ക്കു​ക​യാ​ണെന്ന്‌ ഏതാനും മിനി​റ​റു​കൾക്കു മുമ്പെ​ങ്കി​ലും നിങ്ങൾ മനസ്സി​ലാ​ക്കു​ന്നു​വെ​ങ്കിൽ, തയ്യാറാ​ക​ലാ​യി നിങ്ങൾക്കു സ്വീക​രി​ക്കാ​വുന്ന പ്രയോ​ജ​ന​ക​ര​മായ പടിക​ളുണ്ട്‌. ഒന്നാമ​താ​യി ഉൾപ്പെ​ടു​ത്തേണ്ട ഒന്നോ രണ്ടോ മുഖ്യ പോയിൻറു​കൾ തീരു​മാ​നി​ക്കുക. ഉചിത​മായ ചുരു​ക്കം​ചില തിരു​വെ​ഴു​ത്തു​കൾ ഉൾപ്പെടെ ഉപോൽബ​ല​ക​മായ കുറെ വാദങ്ങൾ തിര​ഞ്ഞെ​ടു​ക്കുക. അനന്തരം ഹ്രസ്വ​മായ ഒരു മുഖവു​ര​യ്‌ക്കു കുറെ ചിന്ത കൊടു​ക്കുക. ഇപ്പോൾ, ആവശ്യ​മെ​ങ്കിൽ, നിങ്ങൾ പ്രസം​ഗി​ച്ചു​തു​ട​ങ്ങാൻ തയ്യാറാണ്‌. ദൃഷ്ടാ​ന്ത​ത്തിന്‌, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ഒരു വിദ്യാർഥി​പ്ര​സം​ഗ​കന്‌ അവസാന നിമി​ഷ​ത്തിൽ ഒരു പകരക്കാ​രൻ വേണ്ട​പ്പോൾ ഇത്‌ ആവശ്യ​മാ​യി വരാം.

¹⁵ സത്യത്തിന്‌ പെട്ടെന്ന്‌ ഒരു സാക്ഷ്യം കൊടു​ക്കാൻ ആഹ്വാ​നം​ചെ​യ്യ​പ്പെട്ട യഹോ​വ​യു​ടെ ശുശ്രൂ​ഷ​ക​രു​ടെ ദൃഷ്ടാ​ന്തങ്ങൾ തിരു​വെ​ഴു​ത്തു​ക​ളി​ലുണ്ട്‌. ഇവരിൽ ഒരാൾ സ്‌തേ​ഫാ​നോസ്‌ ആയിരു​ന്നു. അദ്ദേഹം സന്നദ്രീ​മി​ലേക്കു ബലമായി കൊണ്ടു​പോ​ക​പ്പെ​ടു​ക​യും കളളസാ​ക്ഷി​ക​ളാൽ കുററ​മാ​രോ​പി​ക്ക​പ്പെ​ടു​ക​യും ചെയ്‌തു. അദ്ദേഹ​ത്തി​ന്റെ ഇളക്കി​മ​റി​ക്കുന്ന തൽക്ഷണ​പ്ര​സം​ഗം പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ 7-ാം അധ്യാ​യ​ത്തിൽ വായി​ക്കാ​വു​ന്ന​താണ്‌. അഥേന​ക്കാർ അപ്പോ​സ്‌ത​ല​നായ പൗലോ​സി​നെ പിടി​ക്കു​ക​യും അരയോ​പ​ഗ​സി​ലേക്കു കൊണ്ടു​പോ​കു​ക​യും അദ്ദേഹ​ത്തി​ന്റെ വിശ്വാ​സ​ങ്ങൾസം​ബ​ന്ധി​ച്ചു ചോദ്യം​ചെ​യ്യു​ക​യും ചെയ്‌തു. അദ്ദേഹ​ത്തി​ന്റെ വിശി​ഷ്ട​മായ തൽക്ഷണ​പ്ര​സം​ഗം പ്രവൃ​ത്തി​കൾ 17-ാം അധ്യാ​യ​ത്തിൽ കാണ​പ്പെ​ടു​ന്നു.

16-18. വിദ്യാർഥി​കൾ ഒരു ലിഖി​ത​പ്ര​സം​ഗം ഉപയോ​ഗി​ക്കു​ന്ന​തി​നെ അല്ലെങ്കിൽ പ്രസം​ഗങ്ങൾ മനഃപാ​ഠ​മാ​ക്കു​ന്ന​തി​നെ അപേക്ഷി​ച്ചു വാചാ​പ്ര​സം​ഗം പരിശീ​ലി​ക്കു​ന്ന​തി​നു മുൻഗണന കൊടു​ക്കേ​ണ്ടത്‌ എന്തു​കൊണ്ട്‌?

¹⁶ ഏററവും നല്ല രീതി. ചില​പ്പോൾ തങ്ങളുടെ വിദ്യാർഥി​പ്ര​സം​ഗ​ങ്ങൾക്കു തുടക്ക​ക്കാർ ഒരു ലിഖി​ത​പ്ര​സം​ഗം ഉപയോ​ഗി​ക്കാൻ ആഗ്രഹി​ക്കു​ന്നു. പൊതു​വേ ഇത്‌ ഏററവും നല്ല രീതിയല്ല. അവർ ഇതിൽനി​ന്നു പിൻമാ​റാൻ പെട്ടെ​ന്നു​തന്നെ ഒരു ശ്രമം ചെയ്യണം, കാരണം അതു സദസ്യ​സ​മ്പർക്ക​വും സംഭാ​ഷ​ണ​ഗു​ണ​വും കുറച്ചു​ക​ള​യു​ന്നു. നാം തീർച്ച​യാ​യും ലിഖി​ത​പ്ര​സം​ഗങ്ങൾ ഉപയോ​ഗി​ക്കുന്ന സന്ദർഭ​ങ്ങ​ളുണ്ട്‌, എന്നാൽ നിങ്ങൾക്ക്‌ ഒരു വായനാ​നി​യ​മനം ഉളള​പ്പോൾ അവയ്‌ക്ക്‌ പരിശീ​ലനം കിട്ടുന്നു. നിങ്ങളു​ടെ മററു പ്രസം​ഗങ്ങൾ കുറി​പ്പു​ക​ളിൽനി​ന്നു യഥേഷ്ടം സംസാ​രി​ക്കാൻ ഉപയോ​ഗി​ക്കുക.

 ¹⁷ ചില വിദ്യാർഥി​കൾ സകല കുറി​പ്പു​ക​ളും ഒഴിവാ​ക്കാൻ പ്രസം​ഗങ്ങൾ മനഃപാ​ഠ​മാ​ക്കാൻ ശ്രമി​ക്കു​ന്നു. എന്നാൽ മനഃപാ​ഠ​മാ​ക്കി നടത്തുന്ന പ്രസം​ഗ​ങ്ങൾക്കു സുനി​ശ്ചി​ത​മായ ന്യൂന​തകൾ ഉണ്ട്‌. അവയ്‌ക്ക്‌ അനുകൂ​ല​ന​ക്ഷ​മ​ത​യില്ല, സ്വാഭാ​വി​ക​ത​യില്ല, മർമ​പ്ര​ധാ​ന​മായ ഒരു ഭാഗം മറന്നു​പോ​കാ​നു​ളള സാധ്യ​ത​യു​മുണ്ട്‌. മുഖവു​ര​യി​ലെ​യോ ഉപസം​ഹാ​ര​ത്തി​ലെ​യോ ചുരു​ക്കം​ചില മുഖ്യ​വാ​ച​കങ്ങൾ മനഃപാ​ഠ​മാ​ക്കു​ന്നത്‌ ഉചിത​മാ​യി​രി​ക്കാം, എന്നാൽ മുഴു പ്രസം​ഗ​ത്തി​നും അതു യോജി​ച്ചതല്ല.

¹⁸ ഏററവും നല്ല രീതി സാധാ​ര​ണ​യാ​യി വാചാ​പ്ര​സം​ഗ​മാണ്‌. വയൽശു​ശ്രൂ​ഷ​യിൽ ഉപയോ​ഗി​ക്ക​പ്പെ​ടു​ന്നത്‌ അതാണ്‌, അവിടെ നാം യഥാർഥ​ത്തിൽ വാചാ​പ്ര​സം​ഗ​രീ​തി​യിൽ ചിന്തി​ക്കാൻ പരിശീ​ലി​പ്പി​ക്ക​പ്പെ​ടു​ന്നു. അതു​പോ​ലെ, സഭാമീ​റ​റിം​ഗു​ക​ളിൽ വളരെ കൂടെ​ക്കൂ​ടെ ഉപയോ​ഗി​ക്കേ​ണ്ടതു വാചാ​പ്ര​സം​ഗ​രീ​തി​യാണ്‌, കാരണം അതു സദ്‌ഫ​ലങ്ങൾ കൈവ​രു​ത്തുന്ന നമ്മുടെ സന്ദേശ​ത്തി​ന്റെ ആത്മാർഥ​വും ഋജുവുമായ ഒരു അവതര​ണ​ത്തിന്‌ അനുവ​ദി​ക്കു​ന്നു. അതു​കൊ​ണ്ടു നിരന്തരം അതു പരിശീ​ലി​ക്കുക. ചില സമയങ്ങ​ളിൽ നാം ഒരു തൽക്ഷണ​പ്ര​സം​ഗം നടത്താൻ ആഹ്വാ​നം​ചെ​യ്യ​പ്പെ​ട്ടാ​ലും നാം അതിനു തയ്യാറാ​യി​രി​ക്കും, എന്തെന്നാൽ നാം വാചാ​പ്ര​സം​ഗ​ത്തി​നും തൽക്ഷണ​പ്ര​സം​ഗ​ത്തി​നും സുസജ്ജ​രാ​കു​ന്ന​തിൽ യഹോവ ശ്രദ്ധി​ക്കു​ന്നു. നമ്മുടെ ശുശ്രൂ​ഷ​യിൽ രണ്ടിനും അവയുടെ ഉചിത​മായ സ്ഥാനമുണ്ട്‌.

[അധ്യയന ചോദ്യ​ങ്ങൾ]