പാഠം 4

വായി​ക്കു​ക​യും ഓർത്തി​രി​ക്കു​ക​യും ചെയ്യുന്ന വിധം

1, 2. നാം വായി​ക്കു​ന്നത്‌ ഓർത്തി​രി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹ തങ്ങളുടെ സ്വന്തം വിനോ​ദ​ത്തി​നു​വേണ്ടി ഒരു നേര​മ്പോ​ക്കി​നു വായി​ക്കു​ന്ന​വർക്കു തങ്ങൾ വായി​ക്കു​ന്നത്‌ ഓർത്തി​രി​ക്കു​ന്നതു പ്രധാ​നമല്ല. എന്നാൽ തൊഴി​ലി​നു​വേണ്ടി പഠിക്കുന്ന ഒരാ​ളെ​സം​ബ​ന്ധി​ച്ച​ട​ത്തോ​ളം, അയാൾ തന്റെ പാഠപു​സ്‌ത​ക​ങ്ങ​ളിൽ വായി​ക്കു​ന്നത്‌ ഓർത്തി​രി​ക്കു​ന്നതു മർമ​പ്ര​ധാ​ന​മാണ്‌. പരീക്ഷ​യിൽ വിജയി​ക്കു​ന്ന​തും തിര​ഞ്ഞെ​ടുത്ത തൊഴി​ലിൽ പ്രവേ​ശി​ക്കു​ന്ന​തും അതിനെ ആശ്രയി​ച്ചി​രി​ക്കു​ന്നു. എന്നിരു​ന്നാ​ലും, ഒരു ക്രിസ്‌തീ​യ​ശു​ശ്രൂ​ഷകൻ വായി​ക്കു​ന്നത്‌ ആകസ്‌മി​ക​മാ​യി​ട്ടോ കാര്യ​മാ​യി​ട്ടോ ആയാലും അത്‌ ഓർത്തി​രി​ക്കേ​ണ്ട​തി​ന്റെ വർധിച്ച ആവശ്യ​മുണ്ട്‌. അയാളു​ടെ ലക്ഷ്യം യഹോ​വ​യോ​ടു കൂടുതൽ അടുക്കു​ക​യും  യഹോ​വക്കു സ്‌തുതി കരേറ​റു​മാ​റു തന്റെ ശുശ്രൂ​ഷയെ മെച്ച​പ്പെ​ടു​ത്തു​ക​യു​മാണ്‌.—ആവ. 17:19.

² ക്രിസ്‌ത്യാ​നി​യു​ടെ പ്രധാന വായനാ​വ​സ്‌തു​ക്കൾ ബൈബി​ളും ബൈബിൾ മനസ്സി​ലാ​ക്കു​ന്ന​തി​നു യഥാർഥ സഹായം നൽകുന്ന പ്രസി​ദ്ധീ​ക​ര​ണ​ങ്ങ​ളു​മാണ്‌. നിത്യ​ജീ​വ​നി​ലേക്കു നയിക്കു​ന്നതു ബൈബി​ളിൽ കാണ​പ്പെ​ടുന്ന അറിവാ​ണെന്ന്‌ അയാൾക്ക​റി​യാം. ഈ വായന​യാണ്‌ ഒരു ഫലപ്ര​ദ​നായ ശുശ്രൂ​ഷ​ക​നാ​യി​രി​ക്കാൻ അയാളെ സജ്ജനാ​ക്കു​ന്നത്‌, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ നമുക്കു മുഖ്യ​താ​ത്‌പ​ര്യ​മു​ള​ളത്‌ ഈ വായന​യി​ലാണ്‌.

3, 4. വായി​ക്കു​ന്ന​തി​നു നാം നല്ലതു തിര​ഞ്ഞെ​ടു​ക്കേ​ണ്ടത്‌ എന്തു​കൊണ്ട്‌?

³ വായന​യി​ലൂ​ടെ നമ്മുടെ മനസ്സി​ലേക്കു വിവരങ്ങൾ സ്വീക​രി​ക്കു​ന്ന​തി​നെ നമ്മുടെ ഉദരത്തി​ലേക്ക്‌ ആഹാരം സ്വീക​രി​ക്കു​ന്ന​തി​നോ​ടു താരത​മ്യ​പ്പെ​ടു​ത്താൻ കഴിയും. രണ്ടു സംഗതി​ക​ളി​ലും നാം നല്ലതു തിര​ഞ്ഞെ​ടു​ക്കേ​ണ്ട​താണ്‌. കേവലം തന്റെ വിശപ്പു ശമിപ്പി​ക്കു​മ്പോൾപോ​ലും ഭക്ഷിക്കുന്ന ആൾ ദഹിക്കാ​ത്ത​തോ ശരീര​ത്തി​നു യഥാർഥ ഗുണം ചെയ്യാ​ത്ത​തോ, അതിലും മോശ​മാ​യി, തനിക്കു വിഷബാധ ഏല്‌പി​ക്കു​ന്ന​തോ തന്റെ ഉദരത്തി​ലേക്കു സ്വീക​രി​ക്കു​ന്നതു മൗഢ്യ​മാണ്‌. ഏററം നല്ല ഫലങ്ങൾക്കു​വേണ്ടി, നീണ്ടു​നിൽക്കുന്ന പ്രയോ​ജ​ന​ങ്ങൾക്കു​വേണ്ടി, നമ്മുടെ ശരീരങ്ങൾ ആഹാരം അനായാ​സം ദഹിപ്പി​ക്കു​ക​യും സ്വാം​ശീ​ക​രി​ക്കു​ക​യും ചെയ്യണം.

⁴ നമ്മുടെ വായന​യു​ടെ കാര്യ​ത്തി​ലും അങ്ങനെ​ത​ന്നെ​യാണ്‌. വായന ആകസ്‌മി​ക​മാ​യ​താ​യാ​ലും കാര്യ​മാ​യ​താ​യാ​ലും നാം ഉൾക്കൊ​ള​ളു​ന്നതു മാനസി​ക​മാ​യി ദഹിപ്പി​ക്കാ​വു​ന്ന​താ​യി​രി​ക്കണം, അതു നമ്മുടെ മനസ്സു​കൾക്കു നിലനിൽക്കുന്ന പ്രയോ​ജനം ചെയ്യു​ന്ന​താ​യി​രി​ക്കണം. അസത്യ​മോ ഭക്തി​കെ​ട്ട​തോ അധാർമി​ക​മോ ആയതും തന്നിമി​ത്തം ആത്മീയ​ദ​ഹ​ന​ക്കേടു വരുത്തു​ന്ന​തു​മായ വിവര​ങ്ങൾകൊ​ണ്ടു മനസ്സിനെ പോഷി​പ്പി​ക്കു​ന്നതു ബുദ്ധി​ശൂ​ന്യ​മാ​ണെ​ന്നു​ള​ളതു വ്യക്തമാണ്‌. (ഫിലി. 4:8) മൂല്യ​മി​ല്ലാത്ത വിവരങ്ങൾ വായി​ച്ചു​കൊ​ണ്ടു സമയം പാഴാ​ക്കു​ന്ന​തെ​ന്തിന്‌? ഭക്ഷിക്കു​ന്ന​തി​നു നാം നല്ലതു തിര​ഞ്ഞെ​ടു​ക്കു​ന്ന​തു​പോ​ലെ, വായി​ക്കേ​ണ്ട​തും തിര​ഞ്ഞെ​ടു​ക്കണം.

5, 6. നാം വ്യക്തി​പ​ര​മായ വായന​യ്‌ക്കു സമയം പട്ടിക​പ്പെ​ടു​ത്തേ​ണ്ടത്‌ എന്തു​കൊണ്ട്‌, അങ്ങനെ​യു​ളള വായന എപ്പോൾ നടത്താ​വു​ന്ന​താണ്‌?

⁵ വ്യക്തി​പ​ര​മായ വായന​യ്‌ക്കു​ളള പട്ടിക. വായി​ക്കു​ന്ന​തി​നു ശരിയായ തരം വിവരങ്ങൾ തിര​ഞ്ഞെ​ടു​ത്ത​ശേഷം നിങ്ങൾ അടുത്ത പടി സ്വീക​രി​ക്കേ​ണ്ട​തുണ്ട്‌. അതു നിങ്ങളു​ടെ പ്രത്യേക ജീവി​ത​രീ​തി​ക്കു യോജി​ക്കുന്ന ഒരു വായനാ​പ​ട്ടിക ഏർപ്പെ​ടു​ത്തു​ക​യാണ്‌. നിങ്ങൾ വായന​യ്‌ക്കു​വേണ്ടി പ്രത്യേക ദിവസ​ങ്ങ​ളോ സായാ​ഹ്ന​ങ്ങ​ളോ വേർതി​രി​ക്കു​ന്ന​തിൽ പരാജ​യ​പ്പെ​ടു​ന്നു​വെ​ങ്കിൽ നിങ്ങളു​ടെ ശ്രമങ്ങൾ വിജയി​ക്കാ​ത്ത​വണ്ണം തീർത്തും യാദൃ​ച്ഛി​ക​മാ​യി​രി​ക്കാ​നി​ട​യുണ്ട്‌.—പ്രവൃ. 17:11.

⁶ ചിന്താ​പൂർവ​ക​മായ വായന​യ്‌ക്കു വേണ്ടത്ര സമയവും പരി​ശോ​ധിച്ച വിവരങ്ങൾ വിചി​ന്ത​നം​ചെ​യ്യു​ന്ന​തിന്‌ അനുകൂ​ല​മായ ചുററു​പാ​ടു​ക​ളും ആവശ്യ​മാണ്‌. എന്നാൽ നിങ്ങളു​ടെ മുഴു​വാ​യ​ന​യും നടത്തു​ന്നത്‌ നീണ്ട പഠനഘ​ട്ട​ങ്ങ​ളി​ലാ​യി​രി​ക്കു​ക​യില്ല. ഓരോ ദിവസ​വും കുറച്ചു വായി​ക്കു​ന്ന​തി​നു പത്തോ പതിന​ഞ്ചോ മിനി​ററു മാത്രം വേർതി​രി​ക്കാൻ കഴിയു​മെ​ങ്കിൽ നിങ്ങൾക്ക്‌ എന്തുമാ​ത്രം നേട്ടമു​ണ്ടാ​ക്കാൻ കഴിയു​മെ​ന്ന​തിൽ നിങ്ങൾ അതിശ​യി​ച്ചു​പോ​കും. ചിലർ അതിരാ​വി​ലെ​യോ രാത്രി​യിൽ ഉറങ്ങാൻ കിടക്കു​ന്ന​തി​നു മുമ്പോ ആയിരി​ക്കും ഈ വായന നടത്തു​ന്നത്‌. മററു ചിലർ ലൗകിക ജോലി​സ്ഥ​ല​ത്തേ​ക്കോ സ്‌കൂ​ളി​ലേ​ക്കോ പൊതു​വാ​ഹ​ന​ത്തിൽ സഞ്ചരി​ക്കു​മ്പോ​ഴോ ഉച്ചഭക്ഷ​ണ​സ​മ​യ​ത്തോ വായി​ക്കു​ന്നു. ചില  ഭവനങ്ങ​ളിൽ, ഓരോ ദിവസ​വും ഒരു ഭക്ഷണത്തി​നു​ശേഷം അല്ലെങ്കിൽ ഉറങ്ങാൻ കിടക്കു​ന്ന​തി​നു തൊട്ടു​മു​മ്പു മുഴു​കു​ടും​ബ​വും അഞ്ചോ പത്തോ മിനി​ററ്‌ ഒരുമി​ച്ചി​രു​ന്നു വായി​ക്കു​ന്നു. ക്രമം, ദൈനം​ദി​ന​മു​ളള കുറെ വായന, സദ്‌ഫ​ലങ്ങൾ ഉളവാ​ക്കു​ന്നു.

7. ബൈബിൾവാ​യ​ന​യി​ലെ നമ്മുടെ ലക്ഷ്യം എന്തായി​രി​ക്കണം?

⁷ നിങ്ങളു​ടെ വ്യക്തി​പ​ര​മായ പട്ടിക​യിൽ ബൈബിൾ വായി​ക്കു​ന്ന​തി​നു​തന്നെ കുറെ സമയം ഉൾപ്പെ​ടു​ത്തണം. അതു പുറം​ച​ട്ട​മു​തൽ പുറം​ച​ട്ട​വരെ മുഴുവൻ വായി​ക്കു​ന്ന​തിൽ വലിയ മൂല്യ​മുണ്ട്‌. ഓരോ ദിവസ​ത്തി​ലും അല്ലെങ്കിൽ ഓരോ ആഴ്‌ച​യി​ലും കുറെ അധ്യാ​യ​ങ്ങ​ളോ പേജു​ക​ളോ വായി​ക്കു​ന്ന​തി​നാൽ ഇതു സാധി​ക്കാ​വു​ന്ന​താണ്‌. എന്നിരു​ന്നാ​ലും, വായി​ക്കു​ന്ന​തി​ലു​ളള നിങ്ങളു​ടെ ലക്ഷ്യം ഒരിക്ക​ലും വിവരങ്ങൾ വായി​ച്ചു​തീർക്കുക എന്നതു​മാ​ത്ര​മാ​യി​രി​ക്ക​രുത്‌, പിന്നെ​യോ ഓർത്തി​രി​ക്കാ​നു​ളള ലക്ഷ്യ​ത്തോ​ടെ അതിന്റെ ആകമാ​ന​മായ വീക്ഷണം കിട്ടുക എന്നതാ​യി​രി​ക്കണം. അതു പറയു​ന്ന​തു​സം​ബ​ന്ധി​ച്ചു ചിന്തി​ക്കാൻ സമയ​മെ​ടു​ക്കുക. ബൈബിൾ വായി​ക്കു​മ്പോൾ ലഭിക്കാ​വു​ന്ന​തി​ലേ​ക്കും നല്ല ആത്മീയാ​ഹാ​ര​മാ​ണു ഭക്ഷിക്കു​ന്ന​തെന്നു നിങ്ങൾക്ക്‌ എല്ലായ്‌പോ​ഴും ദൃഢവി​ശ്വാ​സ​മു​ണ്ടാ​യി​രി​ക്കാൻ കഴിയും.

8, 9. നമ്മുടെ വായനാ​പ​രി​പാ​ടി​യിൽ വേറെ ഏതു വിവരങ്ങൾ ഉൾപ്പെ​ടു​ത്തു​ന്നതു പ്രയോ​ജ​ന​ക​ര​മാ​യി​രി​ക്കും?

⁸ വീക്ഷാ​ഗോ​പുര അധ്യയ​ന​ത്തി​ലും മററു സഭാമീ​റ​റിം​ഗു​ക​ളി​ലും പരിചി​ന്തി​ക്കേണ്ട വിവരങ്ങൾ തയ്യാറാ​കു​ന്ന​തി​നു​ളള വായന​യ്‌ക്കും സമയം ആവശ്യ​മാണ്‌. യോഗ​ങ്ങ​ളിൽ അഭി​പ്രാ​യം പറയുന്ന കാര്യം മനസ്സിൽപി​ടി​ക്കു​ന്നതു നല്ലതാണ്‌, എന്നാൽ ഉത്തരങ്ങൾ കണ്ടുപി​ടി​ക്കു​ന്നതു നിങ്ങളു​ടെ മുഖ്യ ലക്ഷ്യമാ​ക്ക​രുത്‌. മറിച്ച്‌, നിങ്ങൾ വായി​ക്കു​ന്നതു മനസ്സി​ലാ​ക്കാൻ ശ്രമി​ക്കു​ക​യും അതു നിങ്ങളു​ടെ സ്വന്തം ജീവി​തത്തെ എങ്ങനെ ബാധി​ക്കു​ന്നു​വെന്നു പരിചി​ന്തി​ക്കു​ക​യും ചെയ്യുക.

⁹ ഇനി വാരം​തോ​റു​മു​ളള സഭയുടെ അധ്യയ​ന​ത്തിന്‌ ഉപയോ​ഗി​ക്കാത്ത വീക്ഷാ​ഗോ​പുര ലേഖന​ങ്ങ​ളു​മുണ്ട്‌. ഉണരുക! മാസി​ക​യും അതിന്റെ ഏടുക​ളിൽ വിജ്ഞാ​ന​പ്ര​ദ​മായ ഒട്ടേറെ വിവരങ്ങൾ നൽകു​ന്നുണ്ട്‌. നിങ്ങളു​ടെ ഭാഷയി​ലു​ളള സൊ​സൈ​റ​റി​യു​ടെ പഴയ പ്രസി​ദ്ധീ​ക​ര​ണങ്ങൾ നിങ്ങൾ വായി​ച്ചി​ട്ടു​ണ്ടോ? വിവരങ്ങൾ വായി​ക്കു​ന്ന​തി​നു നിങ്ങൾക്കു സമയമു​ണ്ടാ​ക്കാൻ കഴിയു​ന്ന​ട​ത്തോ​ളം നിങ്ങൾക്കു​വേണ്ടി ഒരു അനു​ഗ്രഹം കരുതി​വെ​ച്ചി​ട്ടുണ്ട്‌. ഒരുവന്റെ ആത്മീയ​വ​ളർച്ച​യു​ടെ അളവ്‌ അയാളു​ടെ വായനാ​ശീ​ല​ങ്ങ​ളു​ടെ ക്രമ​ത്തെ​യും ഗുണ​ത്തെ​യു​മാണ്‌ ഒരു വലിയ അളവിൽ ആശ്രയി​ച്ചി​രി​ക്കു​ന്നത്‌.

10-17. നാം വായി​ക്കു​ന്ന​തിൽ അധിക​വും ഓർത്തി​രി​ക്കാൻ ഏതു നടപടി​കൾ നമ്മെ സഹായി​ക്കും?

¹⁰ ഓർമി​ക്കു​ന്ന​തി​നു​ളള സഹായി​കൾ. വായി​ക്കു​ന്ന​തിൽനി​ന്നു പൂർണ​പ്ര​യോ​ജനം ലഭിക്കു​ന്ന​തിന്‌, നാം അത്‌ ഓർത്തി​രി​ക്കേ​ണ്ട​തുണ്ട്‌. തങ്ങളുടെ ഓർമ​ശക്തി മോശ​മാ​യ​തു​കൊണ്ട്‌ ഓർക്കു​ന്നി​ല്ലെന്ന്‌ ആളുകൾ മിക്ക​പ്പോ​ഴും പറയും. എന്നിരു​ന്നാ​ലും, അനേക​രു​ടെ സംഗതി​യി​ലും അതു കേവലം പരിശീ​ലി​പ്പി​ക്ക​പ്പെ​ടാ​ത്ത​തോ പ്രവർത്തി​പ്പി​ക്കാ​ത്ത​തോ ആയ ഓർമ​ശ​ക്തി​യാ​യി​രി​ക്കാം. നമ്മുടെ വായന​യിൽനി​ന്നു പരമാ​വധി പ്രയോ​ജനം നേടാൻ ശ്രമി​ക്കു​ന്നതു ജ്ഞാനമാർഗ​മാണ്‌. വായിച്ച വിവരങ്ങൾ പെട്ടെന്നു മറക്കു​ക​യാ​ണെ​ങ്കിൽ പ്രയോ​ജ​ന​ത്തി​ല​ധി​ക​വും നഷ്ടമാ​കും. ഓർത്തി​രി​ക്ക​ത്ത​ക്ക​വണ്ണം വായി​ക്കാൻ നാം പഠി​ക്കേ​ണ്ട​തുണ്ട്‌. പരിച​യ​സ​മ്പ​ന്ന​രായ വായന​ക്കാർക്കു പ്രയോ​ജ​നം​ചെ​യ്‌തി​ട്ടു​ളള നിരവധി നിർദേ​ശ​ങ്ങ​ളുണ്ട്‌. അവ നിങ്ങളെ സഹായി​ച്ചേ​ക്കാം.

¹¹ നിങ്ങൾ വായി​ക്കു​മ്പോൾ, വാക്കുകൾ പെറുക്കി വായി​ക്കു​ന്ന​തി​നു പകരം പദപ്ര​യോ​ഗ​ങ്ങ​ളോ പദസമൂ​ഹ​ങ്ങ​ളോ കൂട്ടി​വാ​യി​ക്കാൻ ശ്രമി​ക്കുക. അതു നിങ്ങളു​ടെ  വായന​യ്‌ക്കു വേഗം കൂട്ടുക സാധ്യ​മാ​ക്കു​ക​യും വാക്കു​ക​ളു​മാ​യി മല്ലിടു​ന്ന​തി​നു​പ​കരം ആശയങ്ങൾ ഗ്രഹി​ക്കു​ന്ന​തി​നു നിങ്ങളെ സഹായി​ക്കു​ക​യും ചെയ്യും. സാധാരണ വായന​യ്‌ക്കു വാക്കുകൾ ഉച്ചരി​ക്കു​ക​യോ വായി​ക്കു​മ്പോൾ ചുണ്ടുകൾ അനക്കു​ക​യോ ചെയ്യരുത്‌. ഒരു മുഖ്യാ​ശയം മനസ്സിൽ പതിപ്പി​ക്കാ​ന​ല്ലാ​ത്ത​പക്ഷം പിമ്പോ​ട്ടി​റങ്ങി വായി​ക്കുന്ന ശീലമി​ട​രുത്‌. തീർച്ച​യാ​യും ഘനമായ, സങ്കീർണ​മായ, വിവര​ങ്ങ​ളു​ടെ കാര്യ​ത്തിൽ ശരിയായ ആശയം കിട്ടുന്നു എന്ന്‌ ഉറപ്പു​വ​രു​ത്തു​ന്ന​തി​നു നിങ്ങൾ സാവധാ​ന​ത്തിൽ വായി​ക്കേ​ണ്ട​തുണ്ട്‌. നിങ്ങൾ ഉച്ചത്തി​ലോ ഒരു മന്ദസ്വ​ര​ത്തിൽ പോലു​മോ അതു വായി​ക്കേ​ണ്ട​താ​വ​ശ്യ​മാ​യി​രി​ക്കാം. (സങ്കീ. 1:2) ദൃഷ്ടാ​ന്ത​ത്തിന്‌, സങ്കീർത്ത​ന​ങ്ങ​ളും സദൃശ​വാ​ക്യ​ങ്ങ​ളും ശീഘ്ര​വാ​യ​ന​യ്‌ക്കല്ല, പിന്നെ​യോ ധ്യാന​ത്തി​നു​വേണ്ടി എഴുതി​യ​താണ്‌.—സങ്കീ. 77:11, 12.

¹² പെൻസിൽ കൈയിൽ വെച്ചു​കൊ​ണ്ടും മുഖ്യ​പ​ദ​ങ്ങ​ളു​ടെ അടിയിൽ വരച്ചു​കൊ​ണ്ടും വീണ്ടും പരി​ശോ​ധി​ക്കാൻ നിങ്ങൾ ആഗ്രഹി​ച്ചേ​ക്കാ​വുന്ന പ്രത്യേക ആശയങ്ങൾ മററു പ്രകാ​ര​ത്തിൽ കുറി​ച്ചി​ട്ടു​കൊ​ണ്ടും വായി​ക്കു​ന്നു​വെ​ങ്കിൽ അതും സഹായ​ക​മാണ്‌. എന്നിരു​ന്നാ​ലും, അടിയിൽവ​ര​യ്‌ക്കൽ വിരള​മാ​യേ നടത്താവൂ, കാരണം അമിത​മാ​കു​മ്പോൾ അതു മുഖ്യാ​ശ​യ​ങ്ങളെ വേർതി​രി​ച്ചെ​ടു​ക്കുക എന്ന ഉദ്ദേശ്യ​ത്തെ പരാജ​യ​പ്പെ​ടു​ത്തു​ന്നു. നിങ്ങൾ വിശേ​ഷാൽ വിലപ്പെട്ട ഏതെങ്കി​ലും വിശദീ​ക​രണം അല്ലെങ്കിൽ വീടു​തോ​റു​മു​ളള ശുശ്രൂ​ഷ​യിൽ ഏതെങ്കി​ലും പൊതു തടസ്സവാ​ദത്തെ നേരി​ടാൻ ഉപയോ​ഗി​ക്കാ​വുന്ന ഒരു വാദമു​ഖം കാണു​മ്പോൾ നിങ്ങളു​ടെ പുസ്‌ത​ക​ത്തി​ന്റെ പിൻഭാ​ഗത്തു പേജും ഖണ്ഡിക​യും കുറി​ച്ചി​ടു​ന്നതു സഹായ​ക​മാ​യി​രി​ക്കും. അങ്ങനെ​യെ​ങ്കിൽ ആവശ്യ​മു​ള​ള​പ്പോൾ അതു പെട്ടെന്നു കണ്ടുപി​ടി​ക്കാൻ കഴിയും. തീർച്ച​യാ​യും പുസ്‌തകം നിങ്ങളു​ടെ സ്വന്തമ​ല്ലെ​ങ്കിൽ ഒരിക്ക​ലും അതിൽ വരയ്‌ക്ക​രുത്‌.

¹³ നിങ്ങൾക്കു നിർത്ത​ലും വിചി​ന്ത​ന​വും കൂടാ​തെ​യും ഇപ്പോൾത്തന്നെ ആ വിഷയം​സം​ബ​ന്ധിച്ച്‌ അറിയാ​വുന്ന വസ്‌തു​ത​ക​ളു​മാ​യി വിവരങ്ങൾ താരത​മ്യ​പ്പെ​ടു​ത്താ​തെ​യും വെറുതെ ഒരു ലേഖന​മോ പുസ്‌ത​ക​മോ വായി​ച്ചു​തീർക്കാ​വു​ന്നതല്ല—പ്രമുഖ ആശയങ്ങൾ ഓർത്തി​രി​ക്കാൻ നിങ്ങൾ യഥാർഥ​ത്തിൽ ആഗ്രഹി​ക്കു​ന്നു​വെ​ങ്കിൽ പാടില്ല. നൽകി​യി​രി​ക്കുന്ന കാരണ​ങ്ങ​ളും നിഗമ​ന​ങ്ങളെ പിന്താ​ങ്ങു​ന്ന​തി​നു സമർപ്പി​ച്ചി​രി​ക്കുന്ന വാദങ്ങ​ളും ഗൗനി​ച്ചു​കൊണ്ട്‌, വായി​ക്കു​ന്നതു വിശക​ലനം ചെയ്യാൻ പഠിക്കുക. കൂടാതെ, നിങ്ങളു​ടെ ജീവി​ത​ത്തി​നു ബാധക​മാ​കു​ന്ന​തും അനുദിന ജീവി​ത​ത്തി​നു ഒരു വഴികാ​ട്ടി​യാ​യ​തു​മായ തത്ത്വങ്ങൾ അന്വേ​ഷി​ക്കുക. നിങ്ങൾക്ക്‌ അവ എങ്ങനെ ബാധക​മാ​ക്കാ​മെന്നു പരിചി​ന്തി​ക്കാൻ സമയ​മെ​ടു​ക്കുക.

¹⁴ സൊ​സൈ​റ​റി​യു​ടെ ബയൻറിട്ട പുസ്‌ത​ക​ങ്ങ​ളിൽ ഒന്നിന്റെ കാര്യ​മായ വായന​യിൽ ആദ്യം ശീർഷ​ക​വും ഉളളട​ക്ക​ത്തി​ന്റെ യുക്തി​പൂർവ​ക​മായ ക്രമവും പരിചി​ന്തി​ക്കു​ന്നതു മിക്ക​പ്പോ​ഴും സഹായ​ക​മാണ്‌. ഇതു നിങ്ങളു​ടെ മനസ്സിൽ ആകമാ​ന​മായ വിഷയം പതിപ്പി​ക്കും. നിങ്ങൾ ഒരു മാസി​കാ​ലേ​ഖ​ന​മോ ഒരു പുസ്‌ത​ക​ത്തി​ലെ അധ്യാ​യ​മോ വായി​ക്കാൻ ഒരുങ്ങു​മ്പോൾ ആദ്യം വിവിധ ഉപതല​ക്കെ​ട്ടു​കൾ നോക്കുക. ഇവ പ്രതി​പാ​ദ്യ​വി​ഷയം വികസി​പ്പി​ക്കു​ന്ന​തി​ന്റെ ക്രമം കാണി​ക്കു​ന്നു. മുഖ്യാ​ശയ വാചകങ്ങൾ ശ്രദ്ധി​ക്കാൻ ജാഗരൂ​ക​രാ​യി​രി​ക്കുക, സാധാ​ര​ണ​യാ​യി അവ ഓരോ ഖണ്ഡിക​യു​ടെ​യും ആരംഭ​ത്തിൽ പ്രത്യ​ക്ഷ​പ്പെ​ടു​ന്നു. അവ ആ ഖണ്ഡിക എന്തി​നെ​ക്കു​റി​ച്ചാ​ണെന്നു നിങ്ങ​ളോ​ടു ചുരു​ക്കി​പ്പ​റ​യും. നിങ്ങൾ വായി​ച്ചു​കൊ​ണ്ടി​രി​ക്കുന്ന വിഷയ​ത്തി​ന്റെ ആകമാ​ന​മായ വീക്ഷണം ലഭിക്കു​ന്ന​തിൽ ശ്രദ്ധ കേന്ദ്രീ​ക​രി​ക്കുക.

 ¹⁵ മറെറാ​രു നിർദേശം നിങ്ങൾ വായി​ക്കു​ന്നതു വിഭാ​വ​ന​ചെ​യ്യാൻ ശ്രമി​ക്കാ​നാണ്‌, ഓർക്കു​ന്ന​തിന്‌ ഒരു സഹായ​മെന്ന നിലയിൽ മാനസി​ക​ചി​ത്രങ്ങൾ ഉണ്ടാക്കി​ക്കൊ​ണ്ടു​തന്നെ. അഭി​നേ​താ​ക്ക​ളെ​യും പശ്ചാത്ത​ല​ത്തെ​യും ഭാവന​യിൽ കാണു​ക​യും ശബ്ദങ്ങളും സ്വരങ്ങ​ളും കേൾക്കു​ക​യും വാസനകൾ മണക്കു​ക​യും ഭക്ഷണവും പാനീ​യ​വും രുചി​ക്കു​ക​യും ഒരു സാഹച​ര്യ​ത്തി​ന്റെ സന്തോഷം അല്ലെങ്കിൽ സന്താപം പങ്കു​വെ​ക്കു​ക​യും ചെയ്യുക. വർണി​ക്ക​പ്പെ​ടുന്ന രംഗത്തു നിങ്ങ​ളേ​ത്തന്നെ നിർത്താൻ ശ്രമി​ക്കുക. ബൈബിൾവി​വ​ര​ണത്തെ ഭംഗ്യ​ന്ത​രേണ പുനരു​ത്‌പാ​ദി​പ്പി​ക്കാൻ ഭാവനാ​പൂർവം സകല ഇന്ദ്രി​യ​ങ്ങ​ളെ​യും പ്രവർത്ത​ന​ക്ഷ​മ​മാ​ക്കാൻ കഴിയും. ബൈബിൾച​രി​ത്ര​ത്തി​ന്റെ ഭാഗങ്ങൾ ഈ വിധത്തിൽ കൂടുതൽ അനായാ​സ​മാ​യി ഓർമ​യി​ലേക്കു വരുത്താൻ കഴിയും.

¹⁶ നിങ്ങൾ ഒരു അധ്യാ​യ​ത്തി​ന്റെ അവസാ​ന​ത്തി​ലേക്കു വരു​മ്പോൾ അതിനെ അന്തിമ​മാ​യി മാനസിക പുനര​വ​ലോ​കനം ചെയ്യുക. പിന്നീടു നിങ്ങളു​ടെ മാനസിക ബാഹ്യ​രേ​ഖയെ ലിഖി​ത​വി​വ​ര​ങ്ങ​ളു​മാ​യി വീണ്ടും താരത​മ്യ​പ്പെ​ടു​ത്തുക.

¹⁷ സാധ്യ​മെ​ങ്കിൽ, നിങ്ങൾ വായിച്ച പോയിൻറു​കൾ മററാ​രെ​ങ്കി​ലു​മാ​യി ചർച്ച​ചെ​യ്യുക, അവ നിങ്ങളു​ടെ മനസ്സിൽ പുതു​മ​വി​ടാ​തെ നിൽക്കു​മ്പോൾതന്നെ അങ്ങനെ ചെയ്യുക. അവയെ​ക്കു​റി​ച്ചു​ളള ആശയ​പ്ര​ക​ടനം നിങ്ങളു​ടെ മനസ്സിലെ ധാരണ​കളെ ആഴമു​ള​ള​താ​ക്കും, അതേസ​മയം മറേറ ആൾക്ക്‌ ആ വിഷയം​സം​ബ​ന്ധി​ച്ചു​ളള നിങ്ങളു​ടെ അറിവി​നെ അവസ​രോ​ചി​ത​മാ​യി വർധി​പ്പി​ക്കാൻ കഴി​ഞ്ഞേ​ക്കാം. നിങ്ങൾ പ്രാ​യോ​ഗി​ക​മായ ഏതെങ്കി​ലും വയലാ​ശ​യങ്ങൾ കണ്ടെത്തി​യെ​ങ്കിൽ എത്രയും വേഗം അവ നിങ്ങളു​ടെ പ്രസം​ഗ​ശു​ശ്രൂ​ഷ​യിൽ ഉപയോ​ഗി​ക്കുക. ഇതും വിവരങ്ങൾ നിങ്ങളു​ടെ സ്‌മര​ണ​യിൽ ഉറപ്പി​ക്കും.

18-20. നന്നായി വായി​ക്കാൻ പഠിക്കു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁸ ഫലപ്ര​ദ​മായ വായന​യു​ടെ മൂല്യം. വായന​യ്‌ക്കു നമ്മുടെ ജീവി​ത​ത്തിൽ നേരി​ട്ടു​ളള ഒരു സ്വാധീ​ന​മുണ്ട്‌. നാം ചെയ്യുന്ന വേലയു​ടെ തരവും നാം വളർത്തി​യെ​ടു​ക്കുന്ന വൈദ​ഗ്‌ധ്യ​ങ്ങ​ളും നമ്മുടെ ജീവി​താ​സ്വാ​ദ​ന​വും ആത്മീയ​വ​ളർച്ച​യു​മെ​ല്ലാം നമ്മുടെ വായനാ​പ്രാ​പ്‌തി​യോ​ടു ബന്ധപ്പെ​ട്ടി​രി​ക്കു​ന്നു. ഈ വായനാ​പ്രാ​പ്‌തി​യി​ല്ലെ​ങ്കിൽ ഒരുവനു പഠനത്തി​ന്റെ​യും അനുഭ​വ​ത്തി​ന്റെ​യും സമൃദ്ധി​യി​ല​ധി​ക​വും നിഷേ​ധി​ക്ക​പ്പെ​ടു​ക​യാണ്‌. വ്യവസ്ഥാ​പി​ത​മായ ഒരു ഭവന വായനാ​പ​രി​പാ​ടി​യാൽ മാതാ​പി​താ​ക്കൾക്കു തങ്ങളുടെ മക്കളെ വായി​ക്കാൻ പരിശീ​ലി​ക്കു​ന്ന​തി​നു സഹായി​ക്കാൻ കഴിയും. ചില​പ്പോ​ഴൊ​ക്കെ ഉച്ചത്തിൽ വായി​ക്കു​ന്ന​തിന്‌, ദൃഷ്ടാ​ന്ത​ത്തി​നു തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ എന്ന ചെറു​പു​സ്‌ത​ക​ത്തിൽനിന്ന്‌ അന്നത്തെ വാക്യ​വും അഭി​പ്രാ​യ​ങ്ങ​ളും വായി​ക്കു​ന്ന​തിന്‌, നിങ്ങളു​ടെ മക്കളോട്‌ ആവശ്യ​പ്പെ​ടു​ന്നതു നല്ലതാണ്‌. നിങ്ങൾ ഒഴുക്കു​ളള ഒരു വായന​ക്കാ​ര​ന​ല്ലെ​ങ്കിൽ, ഓരോ ദിവസ​വും പതിന​ഞ്ചു​മു​തൽ മുപ്പതു​വരെ മിനി​ററു പരിശീ​ലി​ക്കു​ന്നതു വളരെ പ്രയോ​ജ​ന​ക​ര​മാ​യി​രി​ക്കും. ചുരു​ക്കം​ചില മാസങ്ങൾകൊ​ണ്ടു നിങ്ങൾക്കു തൃപ്‌തി​ക​ര​മായ ഫലങ്ങൾ അനുഭ​വ​പ്പെ​ടും.

¹⁹ നല്ല വായനാ​ശീ​ല​ങ്ങ​ളും വായന​യ്‌ക്കും ഗവേഷ​ണ​ത്തി​നും വേണ്ടി പട്ടിക​പ്പെ​ടു​ത്തിയ സമയങ്ങ​ളും ഇവിടെ വിവരിച്ച വിവിധ നിർദേ​ശ​ങ്ങ​ളു​ടെ പ്രയോ​ഗ​വും നിങ്ങളു​ടെ ശുശ്രൂ​ഷാ​പ്രാ​പ്‌തി​യെ അതിയാ​യി മെച്ച​പ്പെ​ടു​ത്തും. നിങ്ങളു​ടെ ജീവി​ത​ത്തി​ലും ശുശ്രൂ​ഷ​യി​ലും ബാധക​മാ​ക്ക​ത്ത​ക്ക​വണ്ണം ദൈവ​ത്തി​ന്റെ വില​യേ​റിയ വചനങ്ങൾ അധിക​മാ​യി ഓർത്തി​രി​ക്കാൻ നിങ്ങൾ പ്രാപ്‌ത​രാ​കും. ഇവിടെ നൽകിയ പോയിൻറു​കൾ പ്രാവർത്തി​ക​മാ​ക്കു​ന്നു​വെ​ങ്കിൽ പ്രായ​മു​ള​ള​വർക്കു​പോ​ലും  തങ്ങളുടെ ഓർമ​ശക്തി മെച്ച​പ്പെ​ടു​ത്താൻ കഴിയും. പ്രയോ​ജനം കിട്ടാൻ കഴിയാ​ത്ത​വി​ധം പ്രായം കൂടി​പ്പോ​യെന്ന്‌ ആരും വിചാ​രി​ക്ക​രുത്‌.

²⁰ ഒരു പുസ്‌ത​ക​ത്തിൽ തന്റെ മഹത്തായ ഉദ്ദേശ്യ​ങ്ങൾ വിവരി​ച്ച​തി​നു​ളള ദൈവ​ത്തി​ന്റെ കാരണം തന്റെ അത്ഭുത​പ്ര​വൃ​ത്തി​ക​ളെ​ല്ലാം മനുഷ്യ​മ​ക്കളെ അറിയി​ക്കു​ക​യും അവർ ദീർഘ​നാൾ അവ ഓർത്തി​രി​ക്കു​ക​യും ചെയ്യുക എന്നതാ​യി​രു​ന്നു. (സങ്കീ. 78:5-7) ഈ കാര്യ​ത്തി​ലെ ദൈവ​ത്തി​ന്റെ ഔദാ​ര്യ​ത്തോ​ടു​ളള നമ്മുടെ വിലമ​തിപ്പ്‌ ആ ജീവദാ​യ​ക​മായ വചനം വായി​ക്കു​ന്ന​തി​ലും ഓർത്തി​രി​ക്കു​ന്ന​തി​ലു​മു​ളള നമ്മുടെ ഉത്സാഹ​ത്താൽ ഏററം നന്നായി പ്രകട​മാ​ക്ക​പ്പെ​ടു​ന്നു.

[അധ്യയന ചോദ്യ​ങ്ങൾ]