പാഠം 35

വിവരങ്ങൾ വയൽശു​ശ്രൂ​ഷക്കു പററു​ന്നത്‌

1-3. നമ്മുടെ വിവരങ്ങൾ വയൽശു​ശ്രൂ​ഷക്കു പററു​ന്ന​താ​ക്കാൻ പഠിക്കു​ന്നതു മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹ ഇന്നു ക്രിസ്‌തീ​യ​ശു​ശ്രൂ​ഷ​ക​രെന്ന നിലയി​ലു​ളള നമ്മുടെ വേലയു​ടെ ഒരു വലിയ ഭാഗം ബൈബി​ളി​നെ​ക്കു​റി​ച്ചു വളരെ​ക്കു​റ​ച്ചു​മാ​ത്ര​മ​റി​യാ​വുന്ന ആളുക​ളോ​ടു ദൈവ​വ​ചനം പ്രസം​ഗി​ക്കു​ന്ന​തും അവരെ പഠിപ്പി​ക്കു​ന്ന​തും ആണ്‌. അവരിൽ ചിലർക്ക്‌ ഒരിക്ക​ലും ഒരു ബൈബിൾ ഉണ്ടായി​രു​ന്നി​ട്ടില്ല; മററു ചിലർക്കു കേവലം ഒരു പ്രതി ഷെൽഫിൽ ഇരുപ്പുണ്ട്‌. അതിന്റെ അർഥം നാം അവരോ​ടു പറയു​ന്ന​തി​ന്റെ പൂർണ​പ്ര​യോ​ജനം അവർക്കു കിട്ടണ​മെ​ങ്കിൽ നാം അതിനെ അവരുടെ സാഹച​ര്യ​ങ്ങ​ളോ​ടു പൊരു​ത്ത​പ്പെ​ടു​ത്ത​ണ​മെ​ന്നാണ്‌. നാം സന്ദേശ​ത്തി​നു മാററം​വ​രു​ത്തു​ന്നു​വെന്നല്ല, പിന്നെ​യോ അവർക്കു മനസ്സി​ലാ​കുന്ന ഭാഷയിൽ അതു പ്രസ്‌താ​വി​ക്കാൻ ഒരു പ്രത്യേക ശ്രമം ചെയ്യു​ന്നു​വെ​ന്നാണ്‌. യഥാർഥ​ത്തിൽ ഈ വിധത്തിൽ നമ്മുടെ വിവരങ്ങൾ പൊരു​ത്ത​പ്പെ​ടു​ത്താൻ ആവശ്യ​പ്പെ​ടു​ന്നതു നമുക്കു​തന്നെ അത്‌ എത്ര സമഗ്ര​മാ​യി അറിയാ​മെ​ന്നു​ള​ള​തി​ന്റെ ഒരു പരി​ശോ​ധ​ന​യാണ്‌.

² പൊരു​ത്ത​പ്പെ​ടു​ത്തു​ക​യെ​ന്നാൽ പുതിയ അവസ്ഥകളെ നേരി​ടു​ന്ന​തി​നു പരിഷ്‌ക​രി​ക്കുക, അനുരൂ​പ​പ്പെ​ടു​ത്തുക എന്നാണ്‌. അതിന്റെ അർഥം ഒരുവ​നു​തന്നെ അല്ലെങ്കിൽ മറെറാ​രു​വനു സംതൃ​പ്‌തി​യാ​കു​മാറ്‌ എന്തി​നെ​യെ​ങ്കി​ലും അനുര​ഞ്‌ജ​ന​പ്പെ​ടു​ത്തുക എന്നാണ്‌. വിവരങ്ങൾ വയൽശു​ശ്രൂ​ഷക്കു പററു​ന്ന​താ​ക്കുന്ന സംഗതി​യെ​ക്കു​റി​ച്ചു​ളള പരിചി​ന്തനം, വയൽശു​ശ്രൂ​ഷ​യി​ലോ മറേറ​തെ​ങ്കി​ലും പ്രസം​ഗ​ത്തി​ലോ അവതര​ണ​ങ്ങളെ ഒരു പ്രത്യേ​ക​സ​ദ​സ്സി​നും വിശേ​ഷാൽ വയൽശു​ശ്രൂ​ഷ​യിൽ കണ്ടുമു​ട്ടുന്ന പുതിയ താത്‌പ​ര്യ​ക്കാർക്കും ലളിത​വും മനസ്സി​ലാ​ക്കാ​വു​ന്ന​തു​മാ​ക്കേ​ണ്ട​തി​ന്റെ ആവശ്യ​ക​തയെ ദൃഢീ​ക​രി​ക്കേ​ണ്ട​താണ്‌. അതു​കൊണ്ട്‌, സ്‌കൂ​ളിൽ ഈ ഗുണം മെച്ച​പ്പെ​ടു​ത്താൻ പരി​ശ്ര​മി​ക്കു​മ്പോൾ നിങ്ങൾ എല്ലായ്‌പോ​ഴും നിങ്ങളു​ടെ സദസ്സിനെ വീടു​തോ​റു​മു​ളള സാക്ഷീ​ക​ര​ണ​ത്തിൽ കണ്ടുമു​ട്ടുന്ന ആളുകളെ വീക്ഷി​ക്കു​ന്ന​തു​പോ​ലെ വീക്ഷി​ക്കേ​ണ്ട​താണ്‌.

³ നിങ്ങൾ ഈ ഗുണം മെച്ച​പ്പെ​ടു​ത്താൻ ശ്രമി​ക്കു​മ്പോൾ നിങ്ങളു​ടെ പ്രസംഗം വീടു​തോ​റു​മു​ളള ഒരു അവതര​ണ​ത്തി​ന്റെ രൂപത്തി​ലാ​യി​രി​ക്ക​ണ​മെന്ന്‌ ഇതിന്‌ അർഥമില്ല. സ്‌കൂ​ളി​നു​വേണ്ടി നടപ്പു​വർഷ​ത്തി​ലെ നിർദേ​ശ​ങ്ങ​ളിൽ വിവരി​ച്ചി​രി​ക്കു​ന്ന​തു​പോ​ലെ സകല പ്രസം​ഗ​ങ്ങ​ളും അവതര​ണ​രീ​തി​യിൽ ഒരു​പോ​ലെ​യാ​യി​രി​ക്കും. അതിന്റെ അർഥം അവതര​ണ​രൂ​പ​മെ​ന്താ​യി​രു​ന്നാ​ലും നിങ്ങൾ വികസി​പ്പി​ക്കുന്ന വാദങ്ങ​ളും ഉപയോ​ഗി​ക്കുന്ന ഭാഷയും വയലിൽ കണ്ടുമു​ട്ടുന്ന ആളുകൾക്കാ​യി ഉപയോ​ഗി​ക്കുന്ന തരമാ​യി​രി​ക്കും എന്നാണ്‌. നിങ്ങളു​ടെ സംസാ​ര​ത്തി​ല​ധി​ക​വും വയൽശു​ശ്രൂ​ഷ​യിൽ നിർവ​ഹി​ക്കു​ന്ന​തി​നാൽ, വയൽസേ​വ​ന​ത്തിൽ കണ്ടുമു​ട്ടുന്ന മിക്കവർക്കും മനസ്സി​ലാ​ക്കാ​വുന്ന ഒരു തലത്തിൽ ലളിത​മാ​യി സംസാ​രി​ക്കേ​ണ്ട​തി​ന്റെ ആവശ്യ​ത്തെ​ക്കു​റി​ച്ചു ബോധ​വാൻമാ​രാ​കാൻ ഇതു നിങ്ങളെ സഹായി​ക്കേ​ണ്ട​താണ്‌. പാഠം 21-ൽ ഈ ഗുണത്തി​നു​വേണ്ടി നിങ്ങൾക്കു കുറെ ഒരുക്കം ലഭിച്ചി​ട്ടുണ്ട്‌. ഇപ്പോൾ അതിന്റെ മുന്തിയ ആവശ്യ​വും പ്രാധാ​ന്യ​വും നിമിത്തം അതു വേറിട്ടു കൈകാ​ര്യം​ചെ​യ്യു​ന്ന​താണ്‌.

4, 5. നമ്മുടെ പദപ്ര​യോ​ഗങ്ങൾ പൊതു​ജ​ന​ങ്ങൾക്കു മനസ്സി​ലാ​ക്കാ​വു​ന്ന​താ​ക്കേ​ണ്ടത്‌ എന്തു​കൊ​ണ്ടെന്നു വിശദീ​ക​രി​ക്കുക.

⁴ പദപ്ര​യോ​ഗങ്ങൾ പൊതു​ജ​ന​ങ്ങൾക്കു ഗ്രഹി​ക്കാ​വു​ന്ന​താ​ക്കു​ന്നു. ഈ ഗുണത്തി​ന്റെ ആവശ്യം വീടു​തോ​റു​മു​ളള ശുശ്രൂ​ഷ​യി​ലും  പുതിയ അധ്യയ​ന​ങ്ങ​ളി​ലും ചില സഹോ​ദ​രങ്ങൾ ഉപയോ​ഗി​ക്കുന്ന പദപ്ര​യോ​ഗ​ങ്ങ​ളാൽ പ്രകട​മാ​ക്ക​പ്പെ​ടു​ന്നു. തിരു​വെ​ഴു​ത്തു​ക​ളെ​ക്കു​റി​ച്ചു​ളള നമ്മുടെ ഗ്രാഹ്യം പൊതു​വേ അറിയ​പ്പെ​ടാത്ത ഒരു പദസം​ഹിത നമുക്കു നൽകി​യി​ട്ടുണ്ട്‌. നാം “ശേഷിപ്പ്‌,” “വേറെ ആടുകൾ” മുതലായ പദങ്ങൾ ഉപയോ​ഗി​ക്കു​ന്നു. നാം നമ്മുടെ സംസാ​ര​ത്തിൽ അവ ഉപയോ​ഗി​ക്കു​ന്നു​വെ​ങ്കിൽ, വയൽസേ​വ​ന​ത്തിൽ നാം കണ്ടുമു​ട്ടുന്ന ആളുകൾക്ക്‌ അത്തരം പദപ്ര​യോ​ഗങ്ങൾ സാധാ​ര​ണ​യാ​യി യാതൊ​രു ആശയവും കൊടു​ക്കു​ന്നില്ല. മനസ്സി​ലാ​കു​ന്ന​താ​യി​രി​ക്കാൻ അനു​യോ​ജ്യ​മായ ഒരു പര്യാ​യ​പ​ദ​ത്തി​ന്റെ ഉപയോ​ഗ​ത്താ​ലോ വിശദീ​ക​ര​ണ​ത്താ​ലോ അവ വ്യക്തമാ​ക്കേ​ണ്ട​താണ്‌. “അർമ​ഗെ​ദ്ദോ​നെ”യും “രാജ്യ​ത്തി​ന്റെ സ്ഥാപന”ത്തെയും കുറി​ച്ചു​ളള സൂചന​ങ്ങൾക്കു പോലും അവയുടെ സാർഥ​ക​ത​സം​ബ​ന്ധിച്ച കുറെ വിശദീ​ക​ര​ണ​മി​ല്ലെ​ങ്കിൽ അധിക​മായ അർഥ​മൊ​ന്നു​മു​ണ്ടാ​യി​രി​ക്കു​ക​യില്ല.

⁵ ഈ വശം പരിഗ​ണി​ക്കു​മ്പോൾ നിങ്ങളു​ടെ ഉപദേ​ശകൻ തന്നോ​ടു​തന്നെ ഇങ്ങനെ ചോദി​ക്കു​ന്ന​താ​യി​രി​ക്കും, ബൈബിൾസ​ത്യം പരിചി​ത​മ​ല്ലാത്ത ഒരു വ്യക്തിക്ക്‌ ആ പോയിൻറ്‌ അഥവാ പദം മനസ്സി​ലാ​കു​മോ? അങ്ങനെ​യു​ളള ദിവ്യാ​ധി​പ​ത്യ​പ​ദങ്ങൾ ഉപയോ​ഗി​ക്കു​ന്ന​തിൽനിന്ന്‌ അദ്ദേഹം നിങ്ങളെ അവശ്യം നിരു​ത്സാ​ഹ​പ്പെ​ടു​ത്തു​ക​യില്ല. അവ നമ്മുടെ പദസമ്പ​ത്തി​ന്റെ ഭാഗമാണ്‌, പുതിയ താത്‌പ​ര്യ​ക്കാർ അവ പരിചി​ത​മാ​ക്കാൻ നാം ആഗ്രഹി​ക്കു​ന്നു. എന്നാൽ നിങ്ങൾ ഈ പദങ്ങളി​ലേ​തെ​ങ്കി​ലും ഉപയോ​ഗി​ക്കു​ന്നു​വെ​ങ്കിൽ അവയെ വിശദീ​ക​രി​ക്കു​ന്നു​ണ്ടോ​യെന്ന്‌ അദ്ദേഹം നിരീ​ക്ഷി​ക്കു​ന്ന​താ​യി​രി​ക്കും.

6-8. നമ്മുടെ പ്രസം​ഗങ്ങൾ തയ്യാറാ​കു​മ്പോൾ നാം അനു​യോ​ജ്യ​മായ പോയിൻറു​കൾ തിര​ഞ്ഞെ​ടു​ക്കാൻ ശ്രദ്ധയു​ള​ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

⁶ അനു​യോ​ജ്യ​മായ പോയിൻറു​കൾ തിര​ഞ്ഞെ​ടു​ക്കു​ന്നു. രംഗവി​ധാ​നത്തെ ആശ്രയി​ച്ചു നിങ്ങൾ ഉപയോ​ഗി​ക്കുന്ന പദങ്ങൾ വ്യത്യ​സ്‌ത​മാ​യി​രി​ക്കു​ന്ന​തു​പോ​ലെ, വയൽസേ​വ​ന​ത്തിൽ അവതരി​പ്പി​ക്കു​ന്ന​തി​നു​ളള ആശയങ്ങ​ളു​ടെ തിര​ഞ്ഞെ​ടു​പ്പു വ്യത്യ​സ്‌ത​മാ​യി​രി​ക്കും. കാരണം സാധാ​ര​ണ​ഗ​തി​യിൽ ഒരു പുതിയ താത്‌പ​ര്യ​ക്കാ​ര​നു​മാ​യി ചർച്ച​ചെ​യ്യാൻ നാം തിര​ഞ്ഞെ​ടു​ക്കു​ക​യി​ല്ലാത്ത ചില കാര്യ​ങ്ങ​ളുണ്ട്‌. അങ്ങനെ​യു​ളള സാഹച​ര്യ​ങ്ങ​ളിൽ വിവര​ങ്ങ​ളു​ടെ തിര​ഞ്ഞെ​ടു​പ്പു തികച്ചും നിങ്ങളു​ടേ​താണ്‌. എന്നാൽ നിങ്ങൾക്കു സ്‌കൂ​ളിൽ ഒരു പ്രസം​ഗ​നി​യ​മനം നൽക​പ്പെ​ടു​മ്പോൾ, നിങ്ങൾ ഉൾപ്പെ​ടു​ത്തേണ്ട വിവരങ്ങൾ നിങ്ങൾക്കു​വേണ്ടി നേരത്തെ തിര​ഞ്ഞെ​ടു​ത്തി​രി​ക്കു​ക​യാണ്‌. നിങ്ങൾക്കു​ളള ഏക തിര​ഞ്ഞെ​ടു​പ്പു നിയമ​ന​ഭാ​ഗത്ത്‌ അടങ്ങി​യി​രി​ക്കു​ന്ന​തിൽനി​ന്നു മാത്ര​മാണ്‌. നിങ്ങൾ എന്തു ചെയ്യണം?

⁷ ഒന്നാമ​താ​യി, നിങ്ങൾക്ക്‌ ഉപയോ​ഗി​ക്കാ​നു​ളള പോയിൻറു​കൾസം​ബ​ന്ധി​ച്ചു പരിമി​തി ഉളളതു​കൊണ്ട്‌, ഉചിത​മായ ഏററവും കൂടുതൽ പോയിൻറു​കൾ തിര​ഞ്ഞെ​ടു​ക്കാൻ അനുവ​ദി​ക്കുന്ന ഒരു രംഗവി​ധാ​നം നിങ്ങളു​ടെ പ്രസം​ഗ​ത്തി​നു​വേണ്ടി തീരു​മാ​നി​ക്കണം. നിങ്ങൾ തിര​ഞ്ഞെ​ടു​ക്കുന്ന പോയിൻറു​ക​ളി​ലും അവ പ്രസം​ഗ​ത്തി​ന്റെ സാഹച​ര്യ​ങ്ങ​ളോട്‌ എങ്ങനെ യോജി​ക്കു​ന്നു​വെ​ന്നു​ള​ള​തി​ലും നിങ്ങളു​ടെ ഉപദേ​ശകൻ തത്‌പ​ര​നാ​യി​രി​ക്കും. കാരണം, പരിചി​ന്തി​ക്ക​പ്പെ​ടുന്ന ഈ ഗുണത്തിൽ നിങ്ങൾ വയൽസേ​വ​ന​ത്തി​ന്റെ വിവിധ വശങ്ങൾക്കു വ്യത്യ​സ്‌ത​തരം വിവരങ്ങൾ ആവശ്യ​മാ​ണെന്നു പ്രകട​മാ​ക്കു​ക​യാണ്‌. ദൃഷ്ടാ​ന്ത​ത്തിന്‌, വീടു​തോ​റു​മു​ളള ഒരു പ്രസംഗം നടത്തു​മ്പോൾ നിങ്ങൾ ഉപയോ​ഗി​ക്കുന്ന അതേ വിവരങ്ങൾ ഒരു പുതിയ താത്‌പ​ര്യ​ക്കാ​രനെ യോഗ​ത്തി​നു ക്ഷണിക്കു​മ്പോൾ  നിങ്ങൾ ഉപയോ​ഗി​ക്കു​ക​യില്ല. അതു​കൊണ്ട്‌, നിങ്ങളു​ടെ പ്രസം​ഗ​നി​യ​മനം ഒരു വീട്ടു​കാ​ര​നു​മാ​യു​ളള ചർച്ച ആവശ്യ​മാ​ക്കി​യാ​ലും അല്ലെങ്കിൽ അത്‌ ഒരു ക്രമമായ പ്ലാററ്‌ഫാറപ്രസംഗമായിട്ടായിരിക്കണമെങ്കിലും, പറയുന്ന കാര്യ​ങ്ങ​ളാ​ലും നിയമി​ത​ഭാ​ഗ​ത്തു​നി​ന്നു നിങ്ങൾ തിര​ഞ്ഞെ​ടു​ക്കുന്ന പോയിൻറു​ക​ളാ​ലും നിങ്ങൾ സംബോ​ധ​ന​ചെ​യ്യുന്ന പ്രത്യേക സദസ്സിനെ തിരി​ച്ച​റി​യി​ക്കുക.

⁸ പോയിൻറു​കൾ അനു​യോ​ജ്യ​മാ​ണോ അല്ലയോ എന്നു തീരു​മാ​നി​ക്കു​ന്ന​തി​നു നിങ്ങളു​ടെ ഉപദേ​ശകൻ പ്രസം​ഗ​ത്തി​ന്റെ ഉദ്ദേശ്യം പരിഗ​ണി​ക്കും. വീടു​തോ​റു​മു​ളള സന്ദർശ​ന​ത്തിൽ നിങ്ങളു​ടെ ഉദ്ദേശ്യം സാധാ​ര​ണ​യാ​യി പഠിപ്പി​ക്കു​ക​യും കൂടുതൽ പഠിക്കാൻ വീട്ടു​കാ​രനെ പ്രചോ​ദി​പ്പി​ക്കു​ക​യു​മാണ്‌. ഒരു മടക്കസ​ന്ദർശ​ന​ത്തിൽ നിങ്ങളു​ടെ ഉദ്ദേശ്യം താത്‌പ​ര്യം വളർത്തി​യെ​ടു​ക്കു​ക​യും സാധ്യ​മെ​ങ്കിൽ ഒരു ഭവന​ബൈ​ബി​ള​ധ്യ​യനം തുടങ്ങു​ക​യു​മാണ്‌. അത്‌ ഒരു അധ്യയ​നത്തെ തുടർന്നു​ളള അവതര​ണ​മാ​ണെ​ങ്കിൽ, അപ്പോൾ അതു വീട്ടു​കാ​രനെ ഒരു യോഗ​ത്തി​നു ഹാജരാ​കാ​നോ വയൽസേ​വ​ന​ത്തി​ലേർപ്പെ​ടാ​നോ പ്രോ​ത്സാ​ഹി​പ്പി​ക്കു​ക​യും മററു​മാണ്‌.

9, 10. നമ്മൾ തിര​ഞ്ഞെ​ടുത്ത പോയിൻറു​കൾ അനു​യോ​ജ്യ​മാ​ണോ​യെന്നു നമുക്ക്‌ എങ്ങനെ തീരു​മാ​നി​ക്കാൻ കഴിയും?

⁹ തീർച്ച​യാ​യും, സേവന​ത്തി​ന്റെ ഒരേ വശത്തു​പോ​ലും, നിങ്ങളു​ടെ സദസ്സു​നി​മി​ത്തം നിങ്ങളു​ടെ പോയിൻറു​ക​ളു​ടെ തിര​ഞ്ഞെ​ടു​പ്പു വ്യത്യാ​സ​പ്പെ​ട്ടേ​ക്കാം. അതു​കൊണ്ട്‌ ഇതും കണക്കി​ലെ​ടു​ക്കണം. നിങ്ങളു​ടെ ഉദ്ദേശ്യ​ത്തിന്‌ അനു​യോ​ജ്യ​മ​ല്ലാത്ത നിയമി​ത​ഭാ​ഗത്തെ പോയിൻറു​കൾ പ്രസം​ഗ​ത്തിൽ ഉൾപ്പെ​ടു​ത്ത​രുത്‌.

¹⁰ ഈ വസ്‌തു​ത​ക​ളു​ടെ വീക്ഷണ​ത്തിൽ പ്രസംഗം തയ്യാറാ​കു​ന്ന​തി​നു മുമ്പു രംഗവി​ധാ​നം തിര​ഞ്ഞെ​ടു​ക്കണം. നിങ്ങ​ളോ​ടു​തന്നെ ചോദി​ക്കുക: ഞാൻ എന്തു നേടാൻ ആഗ്രഹി​ക്കു​ന്നു? ഈ ഉദ്ദേശ്യം സാക്ഷാ​ത്‌ക​രി​ക്കു​ന്ന​തിന്‌ ആവശ്യ​മായ പോയിൻറു​കൾ ഏതൊ​ക്കെ​യാണ്‌, പ്രസം​ഗ​ത്തി​ന്റെ സാഹച​ര്യ​ങ്ങൾക്കു യോജി​ച്ച​താ​ക്കാൻ ഈ പോയിൻറു​കളെ എങ്ങനെ പരിഷ്‌ക​രി​ക്കണം? ഈ കാര്യങ്ങൾ നിങ്ങൾ തീരു​മാ​നി​ച്ചു​ക​ഴി​ഞ്ഞാൽ, പ്രയാ​സം​കൂ​ടാ​തെ അനു​യോ​ജ്യ​മായ പോയിൻറു​കൾ തിര​ഞ്ഞെ​ടു​ക്കാ​നും വിവരങ്ങൾ വയൽശു​ശ്രൂ​ഷക്കു പററുന്ന വിധം അവതരി​പ്പി​ക്കാ​നും കഴിയും.

11-13. നാം അവതരി​പ്പി​ച്ചി​രി​ക്കുന്ന വിവര​ങ്ങ​ളു​ടെ പ്രാ​യോ​ഗി​ക​മൂ​ല്യം ചൂണ്ടി​ക്കാ​ട്ടു​ന്നതു മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹¹ വിവര​ങ്ങ​ളു​ടെ പ്രാ​യോ​ഗി​ക​മൂ​ല്യം ഊന്നി​പ്പ​റ​യു​ന്നു. വിവര​ങ്ങ​ളു​ടെ പ്രാ​യോ​ഗി​ക​മൂ​ല്യം ഊന്നി​പ്പ​റ​യു​ക​യെ​ന്നാൽ അവ വീട്ടു​കാ​രനെ സംബന്ധി​ക്കു​ന്ന​താ​ണെന്ന്‌, അവ അയാൾക്ക്‌ ആവശ്യ​മു​ള​ള​താ​ണെന്ന്‌, അല്ലെങ്കിൽ ഉപയോ​ഗി​ക്കാൻ കഴിയു​ന്ന​താ​ണെന്ന്‌, വ്യക്തമാ​യും സ്‌പഷ്ട​മാ​യും കാണി​ച്ചു​കൊ​ടു​ക്കുക എന്നാണ്‌. പ്രസം​ഗ​ത്തി​ന്റെ തുടക്കം​മു​തൽതന്നെ “ഇത്‌ എന്നെ ഉൾപ്പെ​ടു​ത്തു​ന്നു” എന്നു വീട്ടു​കാ​രൻ തിരി​ച്ച​റി​യണം. ഇതു സദസ്യ​ശ്രദ്ധ പിടി​ച്ചെ​ടു​ക്കാൻ ആവശ്യ​മാണ്‌. എന്നാൽ, ആ ശ്രദ്ധ നിലനിർത്താൻ വിവര​ങ്ങ​ളു​ടെ അതേ വ്യക്തി​പ​ര​മായ ബാധക​മാ​ക്കൽ പ്രസം​ഗ​ത്തി​ലു​ട​നീ​ളം പരസ്‌പ​ര​യോ​ജി​പ്പോ​ടെ തുട​രേ​ണ്ട​താ​വ​ശ്യ​മാണ്‌.

¹² ഇതിൽ കേവലം സദസ്യ​സ​മ്പർക്ക​ത്തെ​ക്കാ​ളും ന്യായ​വാ​ദം​ചെ​യ്യാൻ നിങ്ങളു​ടെ സദസ്സിനെ സഹായി​ക്കു​ന്ന​തി​നെ​ക്കാ​ളു​മ​ധി​കം ഉൾപ്പെ​ട്ടി​രി​ക്കു​ന്നു. ഇപ്പോൾ നിങ്ങൾ കുറേ​ക്കൂ​ടെ മുമ്പോ​ട്ടു പോകു​ക​യും വീട്ടു​കാ​രനെ വിവര​ങ്ങ​ളു​ടെ ബാധക​മാ​ക്ക​ലിൽ കൊള​ളി​ക്കു​ക​യും ചെയ്യണം. വയൽശു​ശ്രൂ​ഷ​യിൽ നമ്മുടെ ഉദ്ദേശ്യം ദൈവ​വ​ച​ന​ത്തി​ലെ സത്യം ആളുകളെ പഠിപ്പി​ക്കു​ക​യും രക്ഷാമാർഗം പഠിക്കാൻ അവരെ സഹായി​ക്കു​ക​യു​മാണ്‌. അതു​കൊണ്ട്‌, നയത്തോ​ടും പരിഗ​ണ​ന​യോ​ടും​കൂ​ടെ,  നിങ്ങൾക്കു പറയാ​നു​ള​ളതു ശ്രദ്ധി​ക്കു​ന്ന​തി​ന്റെ​യും അതനു​സ​രി​ച്ചു പ്രവർത്തി​ക്കു​ന്ന​തി​ന്റെ​യും പ്രാ​യോ​ഗിക പ്രയോ​ജ​നങ്ങൾ നിങ്ങളു​ടെ വീട്ടു​കാ​രനു കാണി​ച്ചു​കൊ​ടു​ക്കണം.

¹³ ഈ ഗുണവശം ഒടുവി​ലാ​ണു പറഞ്ഞി​രി​ക്കു​ന്ന​തെ​ങ്കി​ലും, അത്‌ അതിനു പ്രാധാ​ന്യം തീരെ കുറവാ​യ​തു​കൊ​ണ്ടല്ല. അതു മർമ​പ്ര​ധാ​ന​മായ ഒരു പോയിൻറാണ്‌, ഒരിക്ക​ലും അവഗണി​ക്കാൻ പാടി​ല്ല​താ​നും. അതു മെച്ച​പ്പെ​ടു​ത്താൻ ശ്രമി​ക്കുക, എന്തു​കൊ​ണ്ടെ​ന്നാൽ അതു വയൽശു​ശ്രൂ​ഷ​യിൽ മൂല്യ​വ​ത്താണ്‌. നിങ്ങൾ പറയു​ന്നതു വീട്ടു​കാ​രന്റെ സ്വന്തം ജീവി​ത​ത്തിൽ കുറെ മൂല്യ​മു​ള​ള​താ​ണെന്ന്‌ അയാൾക്കു വ്യക്തമാ​യി കാണാൻ കഴിയാ​ത്ത​പക്ഷം അല്‌പ​സ​മ​യം​പോ​ലും അയാളു​ടെ ശ്രദ്ധ പിടി​ച്ചു​നിർത്താൻ നിങ്ങൾക്കു കഴിയു​ക​യില്ല.

[അധ്യയന ചോദ്യ​ങ്ങൾ]