പാഠം 27

വിഷയ​പ്ര​തി​പാ​ദ്യ​വും മുഖ്യ പോയിൻറു​ക​ളും പ്രദീ​പ്‌ത​മാ​ക്കൽ

1-4. ഒരു പ്രസം​ഗ​ത്തി​ന്റെ വിഷയ​പ്ര​തി​പാ​ദ്യം എന്നതി​നാൽ അർഥമാ​ക്കു​ന്ന​തെ​ന്തെന്നു വിശദീ​ക​രി​ക്കുക.

¹ ഓരോ പ്രസം​ഗ​ത്തി​നും ദിശാ​നിർദേശം കൊടു​ക്കു​ന്ന​തി​നും അതിന്റെ ഭാഗങ്ങ​ളെ​യെ​ല്ലാം പ്രസാ​ദാ​ത്മ​ക​മായ ഒരു വിധത്തിൽ ബന്ധിപ്പി​ക്കു​ന്ന​തി​നും ഒരു വിഷയ​പ്ര​തി​പാ​ദ്യം ആവശ്യ​മാണ്‌. നിങ്ങളു​ടെ വിഷയ​പ്ര​തി​പാ​ദ്യം എന്തുത​ന്നെ​യാ​യി​രു​ന്നാ​ലും അതു മുഴു പ്രസം​ഗ​ത്തി​ലും വ്യാപ​രി​ക്കണം. അതു നിങ്ങളു​ടെ പ്രസം​ഗ​ത്തി​ന്റെ സാരമാണ്‌; ഒരുപക്ഷേ അത്‌ ഒററവാ​ക്യ​ത്തിൽ പറയാൻ കഴിയും, എന്നിരു​ന്നാ​ലും  അതിൽ അവതരി​പ്പി​ക്ക​പ്പെ​ടുന്ന വിവര​ങ്ങ​ളു​ടെ ഓരോ വശവും ഉൾപ്പെ​ടും. വിഷയ​പ്ര​തി​പാ​ദ്യം സദസ്സിലെ എല്ലാവർക്കും സ്‌പഷ്ട​മാ​യി​രി​ക്കണം, അതിന്‌ ഉചിത​മാ​യി ദൃഢത കൊടു​ക്കു​ക​യാ​ണെ​ങ്കിൽ അതു സ്‌പഷ്ട​മാ​യി​രി​ക്കും.

² ഒരു പ്രസം​ഗ​ത്തി​ന്റെ വിഷയ​പ്ര​തി​പാ​ദ്യം “വിശ്വാ​സം” പോലെ കേവലം വിശാ​ല​മായ ഒരു വിഷയമല്ല; അത്‌ ആ വിഷയ​ത്തി​ന്റെ പരിചി​ന്തി​ക്ക​പ്പെ​ടുന്ന പ്രത്യേ​ക​വ​ശ​മാണ്‌. ദൃഷ്ടാ​ന്ത​ത്തിന്‌, വിഷയ​പ്ര​തി​പാ​ദ്യം “നിങ്ങളു​ടെ വിശ്വാ​സം—അതെ​ത്ര​ത്തോ​ളം എത്തുന്നു?” എന്നതാ​യി​രി​ക്കാം. അല്ലെങ്കിൽ അതു “ദൈവത്തെ പ്രസാ​ദി​പ്പി​ക്കാൻ വിശ്വാ​സം ആവശ്യം” എന്നോ “നിങ്ങളു​ടെ വിശ്വാ​സ​ത്തി​ന്റെ അടിസ്ഥാ​നം” എന്നോ “വിശ്വാ​സ​ത്തിൽ വളർന്നു​കൊ​ണ്ടി​രി​ക്കുക” എന്നോ ആയിരി​ക്കാം. ഈ വിഷയ​പ്ര​തി​പാ​ദ്യ​ങ്ങ​ളെ​ല്ലാം വിശ്വാ​സ​ത്തിൽ കേന്ദ്രീ​ക​രി​ക്കു​ന്നു​വെ​ങ്കി​ലും അവ ഓരോ​ന്നും വിഷയത്തെ ഒരു വ്യത്യസ്‌ത വിധത്തിൽ വീക്ഷി​ക്കു​ക​യും തികച്ചും വ്യത്യസ്‌ത രൂപങ്ങ​ളി​ലു​ളള വികസി​പ്പി​ക്കൽ ആവശ്യ​മാ​ക്കി​ത്തീർക്കു​ക​യും ചെയ്യുന്നു.

³ ചില സന്ദർഭ​ങ്ങ​ളിൽ, നിങ്ങൾ നിങ്ങളു​ടെ വിഷയ​പ്ര​തി​പാ​ദ്യം തിര​ഞ്ഞെ​ടു​ക്കു​ന്ന​തി​നു മുമ്പു വിവരങ്ങൾ ശേഖരി​ക്കേ​ണ്ട​തു​ണ്ടാ​യി​രി​ക്കാം. എന്നാൽ പ്രസം​ഗ​ബാ​ഹ്യ​രേഖ സംബന്ധി​ച്ചു​ളള തയ്യാറാ​കൽ തുടങ്ങു​ന്ന​തി​നു​മുമ്പ്‌ അല്ലെങ്കിൽ മുഖ്യ പോയിൻറു​കൾ തിര​ഞ്ഞെ​ടു​ക്കു​ന്ന​തി​നു മുമ്പു വിഷയ​പ്ര​തി​പാ​ദ്യം വ്യക്തമാ​യി സ്ഥാപി​ക്ക​പ്പെ​ടണം. ഉദാഹ​ര​ണ​ത്തിന്‌, ഓരോ ഭവന ബൈബി​ള​ധ്യ​യ​ന​ത്തെ​യും തുടർന്നു യഹോ​വ​യു​ടെ സാക്ഷി​ക​ളു​ടെ സ്ഥാപന​ത്തെ​ക്കു​റി​ച്ചു ചർച്ച​ചെ​യ്യാൻ നിങ്ങളാ​ഗ്ര​ഹി​ച്ചേ​ക്കാം. അതു വിശാ​ല​മായ ഒരു വിഷയ​മാണ്‌. ഈ വിഷയം​സം​ബ​ന്ധിച്ച്‌ എന്തു പറയു​മെന്നു തീരു​മാ​നി​ക്കു​ന്ന​തിന്‌, നിങ്ങൾ സദസ്സി​നെ​യും പ്രസം​ഗ​ത്തി​ന്റെ ഉദ്ദേശ്യ​ത്തെ​യും പരിഗ​ണി​ക്കണം. ഇതിന്റെ അടിസ്ഥാ​ന​ത്തിൽ നിങ്ങൾക്ക്‌ ഒരു വിഷയ​പ്ര​തി​പാ​ദ്യം തിര​ഞ്ഞെ​ടു​ക്കാം. നിങ്ങൾ ഒരു പുതിയ ആളെ സേവന​ത്തിന്‌ ഇറക്കാൻ ശ്രമി​ക്കു​ക​യാ​ണെ​ങ്കിൽ, യഹോ​വ​യു​ടെ സാക്ഷികൾ വീടു​തോ​റും പ്രസം​ഗി​ച്ചു​കൊ​ണ്ടു യേശു​ക്രി​സ്‌തു​വി​നെ അനുക​രി​ക്കു​ന്നു​വെന്നു പ്രകട​മാ​ക്കാൻ നിങ്ങൾക്കു തീരു​മാ​നി​ക്കാ​വു​ന്ന​താണ്‌. അതായി​രി​ക്കും നിങ്ങളു​ടെ വിഷയ​പ്ര​തി​പാ​ദ്യം. നിങ്ങൾ പറയു​ന്ന​തെ​ല്ലാം യഹോ​വ​യു​ടെ സാക്ഷികൾ എന്ന വിശാ​ല​മായ വിഷയ​ത്തി​ന്റെ ആ വശം വികസി​പ്പി​ക്കാ​നാ​യി​രി​ക്കും.

⁴ നിങ്ങളു​ടെ പ്രസം​ഗ​ത്തിൽ നിങ്ങൾക്ക്‌ ഒരു വിഷയ​പ്ര​തി​പാ​ദ്യ​ത്തി​നു ദൃഢത കൊടു​ക്കാൻ എങ്ങനെ കഴിയും? ആദ്യമാ​യി നിങ്ങൾ നിങ്ങളു​ടെ ഉദ്ദേശ്യ​ത്തി​നു യോജി​ക്കുന്ന ഉചിത​മായ ഒരു വിഷയ​പ്ര​തി​പാ​ദ്യം തിര​ഞ്ഞെ​ടു​ക്കണം. ഇതിനു മുൻകൂ​ട്ടി​യു​ളള തയ്യാറാ​കൽ ആവശ്യ​മാണ്‌. വിഷയ​പ്ര​തി​പാ​ദ്യം തിര​ഞ്ഞെ​ടു​ക്കു​ക​യും അതിനു ചുററു​മാ​യി നിങ്ങളു​ടെ പ്രസം​ഗത്തെ വികസി​പ്പി​ക്കു​ക​യും ചെയ്‌തു​ക​ഴി​ഞ്ഞാൽ നിങ്ങൾ തയ്യാറാ​ക്കി​യി​രി​ക്കുന്ന ബാഹ്യ​രേ​ഖ​യ​നു​സ​രി​ച്ചു നിങ്ങൾ പ്രസം​ഗി​ക്കു​ക​യാ​ണെ​ങ്കിൽ വിഷയ​പ്ര​തി​പാ​ദ്യം മിക്കവാ​റും സ്വതവേ ഊന്നി​പ്പ​റ​യ​പ്പെ​ടും. എന്നിരു​ന്നാ​ലും, യഥാർഥ പ്രസം​ഗാ​വ​ത​ര​ണ​ത്തിൽ ഇടവി​ട്ടി​ട​വി​ട്ടു വിഷയ​പ്ര​തി​പാ​ദ്യ​ത്തി​ലെ മുഖ്യ​വാ​ക്കു​ക​ളു​ടെ​യോ കേന്ദ്ര ആശയത്തി​ന്റെ​യോ ആവർത്തി​ക്കൽ വിഷയ​പ്ര​തി​പാ​ദ്യം അനായാ​സം ബോധ്യ​പ്പെ​ടു​ത്തുന്ന കാര്യം ഉറപ്പാ​ക്കും.

5, 6. ഒരു വിഷയ​പ്ര​തി​പാ​ദ്യം ഉചിത​മാ​ണോ​യെന്നു നിങ്ങൾക്ക്‌ എങ്ങനെ നിർണ​യി​ക്കാൻ കഴിയും?

 ⁵ ഉചിത​മായ വിഷയ​പ്ര​തി​പാ​ദ്യം. ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ഉചിത​മായ ഒരു വിഷയ​പ്ര​തി​പാ​ദ്യം ഉണ്ടായി​രി​ക്കു​ന്നതു മിക്ക​പ്പോ​ഴും പ്രശ്‌നമല്ല, കാരണം അനേകം സന്ദർഭ​ങ്ങ​ളിൽ നിങ്ങൾക്ക്‌ ഒന്നു നൽക​പ്പെ​ടു​ന്നു. എന്നാൽ നടത്താൻ നിങ്ങ​ളോട്‌ ആവശ്യ​പ്പെ​ടുന്ന എല്ലാ പ്രസം​ഗ​ത്തെ​സം​ബ​ന്ധി​ച്ചും ഇതു സത്യമല്ല. അതു​കൊ​ണ്ടു വിഷയ​പ്ര​തി​പാ​ദ്യ​ത്തി​നു ശ്രദ്ധാ​പൂർവ​ക​മായ പരിഗണന കൊടു​ക്കു​ന്നതു ജ്ഞാനമാണ്‌.

⁶ ഒരു വിഷയ​പ്ര​തി​പാ​ദ്യം ഉചിത​മാ​ണോ​യെന്ന്‌ എന്താണു തീരു​മാ​നി​ക്കു​ന്നത്‌? പല കാര്യ​ങ്ങ​ളാണ്‌. നിങ്ങൾ നിങ്ങളു​ടെ സദസ്സി​നെ​യും നിങ്ങളു​ടെ ഉദ്ദേശ്യ​ത്തെ​യും വിവരങ്ങൾ നിയമി​ച്ചു​ത​ന്നി​ട്ടു​ണ്ടെ​ങ്കിൽ അവയെ​യും പരിഗ​ണി​ക്കണം. വിഷയ​പ്ര​തി​പാ​ദ്യ​ത്തി​നു ദൃഢത കൊടു​ക്കാത്ത പ്രസം​ഗ​ങ്ങ​ളാ​ണു നിങ്ങൾ ചെയ്യു​ന്ന​തെ​ങ്കിൽ, ഏതെങ്കി​ലും കേന്ദ്ര ആശയത്തി​നു ചുററു​മാ​യി​ട്ട​ല്ലാ​യി​രി​ക്കാം നിങ്ങളു​ടെ പ്രസംഗം യഥാർഥ​ത്തിൽ പടുത്തു​യർത്തു​ന്നത്‌. നിങ്ങൾ യഥാർഥ​ത്തിൽ വിഷയ​പ്ര​തി​പാ​ദ്യ​ത്തി​നു സംഭാ​വ​ന​ചെ​യ്യാത്ത കണക്കി​ലേറെ പോയിൻറു​കൾ നിങ്ങളു​ടെ പ്രസം​ഗ​ത്തിൽ ഉൾപ്പെ​ടു​ത്തി​യേ​ക്കാം.

7, 8. ഒരുവനു വിഷയ​പ്ര​തി​പാ​ദ്യം പ്രദീ​പ്‌ത​മാ​ക്കാൻ കഴിയുന്ന വിധങ്ങൾ കാണി​ച്ചു​കൊ​ടു​ക്കുക.

⁷ വിഷയ​പ്ര​തി​പാ​ദ്യ​പ​ദങ്ങൾ അല്ലെങ്കിൽ ആശയം ആവർത്തി​ക്കു​ന്നു. ഒരു പ്രസം​ഗ​ത്തി​ന്റെ സകല ഭാഗങ്ങ​ളും വിഷയ​പ്ര​തി​പാ​ദ്യ​ത്തെ പ്രദീ​പ്‌ത​മാ​ക്കാ​നി​ട​യാ​ക്കാൻ കഴിയുന്ന ഒരു മാർഗം വിഷയ​പ്ര​തി​പാ​ദ്യ​ത്തിൽ പ്രസ്‌താ​വി​ച്ചി​രി​ക്കുന്ന മുഖ്യ​പ​ദ​ങ്ങ​ളോ വിഷയ​പ്ര​തി​പാ​ദ്യ​ത്തി​ന്റെ കേന്ദ്രാ​ശ​യ​മോ ആവർത്തി​ക്കു​ക​യാണ്‌. സംഗീ​ത​ത്തിൽ, ഒരു വിഷയ​പ്ര​തി​പാ​ദ്യം മുഴു​ര​ച​ന​യു​ടെ​യും സ്വഭാ​വ​മാ​യി​രി​ക്ക​ത്ത​ക്ക​വണ്ണം മിക്ക​പ്പോ​ഴും ആവർത്തി​ക്ക​പ്പെ​ടുന്ന ഒരു കവിത​യാണ്‌. യഥാർഥ​ത്തിൽ, അതു തിരി​ച്ച​റി​യാ​വു​ന്ന​താ​ക്കാൻ പൊതു​വേ ചുരു​ക്കം​ചില നടപടി​കൾ മാത്രം മതി. കവിത ഒരേ രൂപത്തിൽ എല്ലായ്‌പോ​ഴും വീണ്ടും പ്രത്യ​ക്ഷ​പ്പെ​ടു​ന്നില്ല. ചില​പ്പോൾ കവിത​യു​ടെ ഒന്നോ രണ്ടോ പദപ്ര​യോ​ഗങ്ങൾ മാത്രമേ വരുന്നു​ളളു, ചില​പ്പോ​ഴൊ​ക്കെ വിഷയ​പ്ര​തി​പാ​ദ്യ​ത്തിൽ നിന്നുളള ഒരു വ്യതി​യാ​നം ഉപയോ​ഗി​ക്ക​പ്പെ​ടു​ന്നു. എന്നാൽ ഒരു വിധത്തി​ല​ല്ലെ​ങ്കിൽ മറെറാ​രു വിധത്തിൽ രചയി​താ​വു മുഴു​സം​ഗീ​ത​ത്തി​ലും വ്യാപ​രി​ക്ക​ത്ത​ക്ക​വ​ണ്ണ​വും അതിന്റെ സ്വഭാ​വ​മാ​യി​രി​ക്ക​ത്ത​ക്ക​വ​ണ്ണ​വും വിദഗ്‌ധ​മാ​യി തന്റെ കവിത രചനയി​ലു​ട​നീ​ളം നെയ്‌തു​ചേർക്കു​ന്നു.

⁸ ഒരു പ്രസം​ഗ​ത്തി​ന്റെ വിഷയ​പ്ര​തി​പാ​ദ്യ​ത്തെ​സം​ബ​ന്ധി​ച്ചും അങ്ങനെ​ത​ന്നെ​യാ​യി​രി​ക്കണം. ആവർത്തി​ക്ക​പ്പെ​ടുന്ന മുഖ്യ​പ​ദങ്ങൾ അല്ലെങ്കിൽ വിഷയ​പ്ര​തി​പാ​ദ്യ ആശയം ഒരു സംഗീ​ത​ര​ച​ന​യി​ലെ ആവർത്തി​ക്കുന്ന കവിത​പോ​ലെ​യാണ്‌. ഈ പദങ്ങളു​ടെ പര്യാ​യ​ങ്ങ​ളോ അല്ലെങ്കിൽ കേന്ദ്ര വിഷയ​പ്ര​തി​പാ​ദ്യ ആശയത്തി​ന്റെ പുനഃ​പ​ദ​വി​ന്യാ​സ​മോ വിഷയ​പ്ര​തി​പാ​ദ്യ​ത്തി​ന്റെ ഒരു വ്യതി​യാ​ന​മാ​യി ഉതകുന്നു. വിരസ​മാ​യി​ത്തീ​രാ​തി​രി​ക്കാൻ വിവേ​ക​പൂർവം ഉപയോ​ഗി​ക്ക​പ്പെ​ടുന്ന അത്തരം മാർഗങ്ങൾ വിഷയ​പ്ര​തി​പാ​ദ്യം മുഴു പ്രസം​ഗ​ത്തി​ന്റെ​യും സ്വഭാ​വ​പ​ര​മായ പ്രകാ​ശ​ന​മാ​യി​രി​ക്കാൻ ഇടയാ​ക്കും, അതു നിങ്ങളു​ടെ സദസ്സു ഗ്രഹി​ച്ചു​കൊ​ണ്ടു​പോ​കുന്ന മുഖ്യ ആശയവു​മാ​യി​രി​ക്കും.

**********

9-13. ഒരു പ്രസം​ഗ​ത്തി​ലെ മുഖ്യ പോയിൻറു​കൾ എന്താ​ണെന്നു വിശദീ​ക​രി​ക്കുക. ഉദാഹ​രി​ക്കുക.

⁹ നിങ്ങളു​ടെ പ്രസം​ഗ​ത്തി​ന്റെ വിഷയ​പ്ര​തി​പാ​ദ്യം തീരു​മാ​നി​ച്ച​ശേഷം തയ്യാറാ​ക​ലി​ലെ അടുത്ത നടപടി അതു വികസി​പ്പി​ക്കു​ന്ന​തി​നു നിങ്ങൾ ഉപയോ​ഗി​ക്കാൻ പ്ലാൻചെ​യ്യുന്ന മുഖ്യ പോയിൻറു​കൾ തിര​ഞ്ഞെ​ടു​ക്കു​ക​യാണ്‌. നിങ്ങളു​ടെ പ്രസംഗ ഗുണ​ദോ​ഷ​ച്ചീ​ട്ടിൽ ഇത്‌ “മുഖ്യ​സം​ഗ​തി​കൾ എടുത്തു​പ​റഞ്ഞു” എന്നു പട്ടിക​പ്പെ​ടു​ത്തി​യി​രി​ക്കു​ന്നു.

¹⁰ ഒരു പ്രസം​ഗ​ത്തി​ലെ മുഖ്യ​സം​ഗ​തി​കൾ എന്തൊ​ക്കെ​യാണ്‌? അവ കേവലം രസകര​മായ ആശയങ്ങ​ളോ സന്ദർഭ​വ​ശാൽ ചുരു​ക്ക​മാ​യി പ്രസ്‌താ​വി​ക്കുന്ന പോയിൻറു​ക​ളോ അല്ല. അവ പ്രസം​ഗ​ത്തി​ന്റെ മുഖ്യ​ഭാ​ഗ​ങ്ങ​ളാണ്‌, കുറെ ദീർഘ​മാ​യി വികസി​പ്പി​ക്കുന്ന ആശയങ്ങൾ. അവ ഷെൽഫു​ക​ളു​ടെ ഒരു ഭാഗത്ത്‌ എന്താണി​രി​ക്കു​ന്ന​തെന്നു തിരി​ച്ച​റി​യാൻ ഒരുവനെ സഹായി​ക്കുന്ന പലചര​ക്കു​ക​ട​യി​ലെ ഷെൽഫ്‌ലേ​ബ​ലു​ക​ളോ അടയാ​ള​ങ്ങ​ളോ പോ​ലെ​യാണ്‌. അവ ആ ഭാഗത്ത്‌ എന്തെല്ലാം ഉൾപ്പെ​ടു​ത്താം,  എന്തെല്ലാം അതിനു പുറത്താ​യി​രി​ക്കണം എന്നതിനെ ഭരിക്കു​ന്നു. ധാന്യങ്ങൾ എന്ന ലേബലിൻ കീഴിൽ ജാമു​ക​ളും ജല്ലിക​ളും അസ്ഥാന​ത്താ​യി​രി​ക്കും, അവ ആളുകളെ കുഴപ്പ​ത്തി​ലാ​ക്കുക മാത്രമേ ചെയ്യു​ന്നു​ളളു. കാപ്പി​യും തേയി​ല​യും എന്ന അടയാ​ള​ത്തിൻകീ​ഴിൽ അരി ഉൾപ്പെ​ടു​ക​യില്ല. അമിത തിക്കലോ അമിത ഭാരം​ക​യ​റ​റ​ലോ നിമിത്തം ഷെൽഫ്‌ ലേബലു​കൾ മറഞ്ഞി​രി​ക്കു​ന്നു​വെ​ങ്കിൽ എന്തെങ്കി​ലും കണ്ടുപി​ടി​ക്കുക പ്രയാ​സ​മാ​യി​രി​ക്കും. എന്നാൽ അടയാ​ളങ്ങൾ വ്യക്തമാ​യി ദൃശ്യ​മാ​ണെ​ങ്കിൽ, ഒരു വ്യക്തിക്കു തന്റെ മുമ്പാ​കെ​യു​ള​ളതു പെട്ടെന്നു തിരി​ച്ച​റി​യാൻ കഴിയും. നിങ്ങളു​ടെ പ്രസം​ഗ​ത്തി​ന്റെ മുഖ്യ​സം​ഗ​തി​കൾ സംബന്ധിച്ച്‌ അങ്ങനെ​യാണ്‌. അവ ഗ്രഹി​ക്കാ​നും ഓർത്തി​രി​ക്കാ​നും കഴിയു​ന്ന​ട​ത്തോ​ളം കാലം നിങ്ങളു​ടെ സദസ്സിന്‌ ഉപസം​ഹാ​രം​വരെ പിന്തു​ട​രു​ന്ന​തി​നു വളരെ കുറച്ചു കുറി​പ്പു​കൾ മതിയാ​കും.

¹¹ മറെറാ​രു ഘടകം. മുഖ്യ പോയിൻറു​ക​ളു​ടെ തിര​ഞ്ഞെ​ടു​പ്പും ഉപയോ​ഗ​വും സദസ്സി​നും പ്രസം​ഗ​ത്തി​ന്റെ ഉദ്ദേശ്യ​ത്തി​നും അനുസ​ര​ണ​മാ​യി വ്യത്യാ​സ​പ്പെ​ടും. ഇക്കാര​ണ​ത്താൽ, ഉപദേ​ശകൻ മുന്നമേ നടത്തി​യി​രി​ക്കാ​വുന്ന പോയിൻറു​ക​ളു​ടെ സ്വേച്ഛാ​പ​ര​മായ തിര​ഞ്ഞെ​ടു​പ്പി​ന്റെ അടിസ്ഥാ​ന​ത്തി​ലല്ല, പിന്നെ​യോ വിദ്യാർഥി​യു​ടെ മുഖ്യ പോയിൻറു​ക​ളു​ടെ ഉപയോ​ഗ​ത്തി​ന്റെ അടിസ്ഥാ​ന​ത്തി​ലാ​ണു സ്‌കൂൾ മേൽവി​ചാ​രകൻ വിദ്യാർഥി​യു​ടെ മുഖ്യ​സം​ഗ​തി​ക​ളു​ടെ തിര​ഞ്ഞെ​ടു​പ്പി​നെ വിലയി​രു​ത്തേ​ണ്ടത്‌.

¹² തിര​ഞ്ഞെ​ടു​പ്പു നടത്തു​മ്പോൾ, സാരവ​ത്താ​യവ മാത്രം തിര​ഞ്ഞെ​ടു​ക്കുക. അതു​കൊണ്ട്‌ ഒരു പോയിൻറി​നെ സാരവ​ത്താ​ക്കു​ന്നത്‌ എന്താ​ണെന്നു ചോദി​ക്കുക. അതില്ലാ​തെ പ്രസം​ഗ​ത്തി​ന്റെ ഉദ്ദേശ്യം നേടാൻ കഴിയി​ല്ലെ​ങ്കിൽ അതു സാരവ​ത്താണ്‌. ദൃഷ്ടാ​ന്ത​ത്തിന്‌, മറുവില എന്ന ഉപദേശം പരിച​യ​മി​ല്ലാത്ത ഒരു വ്യക്തി​യു​മാ​യു​ളള അതിന്റെ ചർച്ചയിൽ ഭൂമി​യി​ലെ യേശു​വി​ന്റെ മനുഷ്യ​ത്വം സ്ഥാപി​ക്കു​ന്നതു മർമ​പ്ര​ധാ​ന​മാണ്‌. അല്ലാത്ത​പക്ഷം, അവിടു​ത്തെ ബലിയു​ടെ അനു​യോ​ജ്യ​ഗു​ണം പ്രകട​മാ​ക്കുക അസാധ്യ​മാ​യി​രി​ക്കും. തന്നിമി​ത്തം നിങ്ങൾ ഇതിനെ ചർച്ചയു​ടെ മുഖ്യ പോയിൻറു​ക​ളി​ലൊ​ന്നാ​യി പരിഗ​ണി​ക്കും. എന്നാൽ ത്രിത്വം ഒരു വ്യാജ​സ​ങ്ക​ല്‌പ​മാ​ണെന്ന്‌ ഈ ആളിനു തെളി​യി​ച്ചു​കൊ​ടു​ത്തി​ട്ടു​ണ്ടെ​ങ്കിൽ, ഒരു മനുഷ്യ​നെന്ന നിലയിൽ യേശു​വി​നു​ണ്ടാ​യി​രുന്ന സ്ഥാന​ത്തെ​ക്കു​റി​ച്ചു​ളള ചർച്ചക്കു രണ്ടാം​സ്ഥാ​നമേ ഉണ്ടായി​രി​ക്കു​ക​യു​ളളു, കാരണം അത്‌ അംഗീ​ക​രി​ക്ക​പ്പെ​ട്ടു​ക​ഴി​ഞ്ഞി​രി​ക്കു​ക​യാണ്‌. ഇതു നിമിത്തം യേശു​വി​ന്റെ മറുവി​ല​യു​ടെ അനു​യോ​ജ്യ​മൂ​ല്യം സ്ഥാപി​ക്കുക താരത​മ്യേന ലളിത​മാ​യി​രി​ക്കും. ആ സന്ദർഭ​ത്തിൽ യേശു​വി​ന്റെ മനുഷ്യ​ത്വ​ത്തി​ന്റെ പരിചി​ന്തനം സാരവ​ത്താ​യി​രി​ക്ക​യില്ല.

¹³ തന്നിമി​ത്തം നിങ്ങ​ളോ​ടു​തന്നെ ചോദി​ക്കുക, എന്റെ സദസ്സിന്‌ ഇപ്പോൾത്തന്നെ എന്ത്‌ അറിയാം? എന്റെ ഉദ്ദേശ്യം സാധി​ക്കാൻ ഞാൻ എന്തു സ്ഥാപി​ക്കണം? നിങ്ങൾക്ക്‌ ആദ്യത്തെ ചോദ്യ​ത്തിന്‌ ഉത്തരം അറിയാ​മെ​ങ്കിൽ, അറിയാ​വുന്ന സകല കാര്യ​ങ്ങ​ളും താത്‌കാ​ലി​ക​മാ​യി മാററി​വെ​ച്ചു​കൊ​ണ്ടും ശേഷി​ക്കുന്ന സകല പോയിൻറു​ക​ളും സാധ്യ​മാ​കു​ന്ന​തി​ലേ​ക്കും കുറഞ്ഞ കൂട്ടങ്ങ​ളാ​യി തിരി​ച്ചു​കൊ​ണ്ടും വിവരങ്ങൾ ശേഖരി​ക്കു​ന്ന​തി​നാൽ രണ്ടാമ​ത്തേ​തി​നു നിങ്ങൾക്ക്‌ ഉത്തരം പറയാൻ കഴിയും. ഈ കൂട്ടങ്ങൾ നിങ്ങൾ സദസ്സിന്‌ അവതരി​പ്പി​ക്കുന്ന ആത്മീയാ​ഹാ​രം എന്തായി​രി​ക്കു​മെന്നു തിരി​ച്ച​റി​യി​ക്കുന്ന അടയാ​ള​ങ്ങ​ളാ​യി​ത്തീ​രു​ന്നു. ഈ ലേബലു​കൾ അഥവാ മുഖ്യ പോയിൻറു​കൾ ഒരിക്ക​ലും മൂടി​പ്പോ​കു​ക​യോ മറഞ്ഞു​പോ​കു​ക​യോ ചെയ്യരുത്‌. അവ നിങ്ങളു​ടെ മുന്തി​നിൽക്കേണ്ട മുഖ്യ​സം​ഗ​തി​ക​ളാണ്‌.

14-17. നമുക്ക്‌ ആവശ്യ​ത്തി​ല​ധി​കം മുഖ്യ പോയിൻറു​കൾ ഉണ്ടായി​രി​ക്കാൻ പാടി​ല്ലാ​ത്ത​തി​ന്റെ കാരണങ്ങൾ നൽകുക.

¹⁴ ആവശ്യ​ത്തി​ല​ധി​കം മുഖ്യ പോയിൻറു​കൾ പാടില്ല. ഏതു വിഷയ​ത്തി​ലും സാരവ​ത്താ​യവ കുറച്ചു​മാ​ത്രമേ കാണു​ക​യു​ളളു. ഭൂരി​പക്ഷം സന്ദർഭ​ങ്ങ​ളി​ലും  അവയെ ഒരു കൈയി​ലെ വിരലു​ക​ളിൽ എണ്ണാം. നിങ്ങൾക്ക്‌ അവ അവതരി​പ്പി​ക്കാ​നു​ളള സമയം പരിഗ​ണി​ക്കാ​തെ​തന്നെ ഇതു സത്യമാണ്‌. ആവശ്യ​ത്തി​ല​ധി​കം പോയിൻറു​കൾ മുന്തി​നിൽക്കാ​നി​ട​യാ​ക്കു​ന്ന​തി​നു ശ്രമി​ക്കുന്ന പൊതു​കെ​ണി​യിൽ അകപ്പെ​ട​രുത്‌. ഒരു പലചര​ക്കു​കട വളരെ വലുതാ​യി​ത്തീ​രു​ക​യും കണക്കി​ല​ധി​കം ഇനങ്ങൾ ഉണ്ടായി​രി​ക്കു​ക​യും ചെയ്യു​മ്പോൾ ഒരുവൻ മാർഗ​നിർദേ​ശ​ങ്ങൾക്കാ​യി ചോദി​ക്കേ​ണ്ടി​വ​ന്നേ​ക്കാം. നിങ്ങളു​ടെ സദസ്സിനു ന്യായ​മാ​യി ഒരു ഇരുപ്പിൽ വ്യത്യ​സ്‌ത​മായ കുറെ ആശയങ്ങളേ ഗ്രഹി​ക്കാൻ കഴിയൂ. നിങ്ങളു​ടെ പ്രസംഗം എത്ര നീളു​ന്നു​വോ അത്രയ്‌ക്ക്‌ അതു ലളിത​മാ​ക്ക​പ്പെ​ടണം, നിങ്ങളു​ടെ മുഖ്യ പോയിൻറു​കൾ കൂടുതൽ കൃത്യ​മാ​യി നിർവ​ചി​ക്ക​പ്പെ​ട്ട​തു​മാ​യി​രി​ക്കണം. അതു​കൊ​ണ്ടു നിങ്ങളു​ടെ സദസ്സി​നെ​ക്കൊണ്ട്‌ അനേകം കാര്യങ്ങൾ ഓർമി​പ്പി​ക്കാൻ ശ്രമി​ക്ക​രുത്‌. അവർ തീർച്ച​യാ​യും മനസ്സി​ലാ​ക്കി​പ്പോ​ക​ണ​മെന്നു നിങ്ങൾ വിചാ​രി​ക്കുന്ന പോയിൻറു​കൾ തിര​ഞ്ഞെ​ടു​ക്കു​ക​യും അനന്തരം അവയെ​ക്കു​റി​ച്ചു സംസാ​രി​ച്ചു​കൊ​ണ്ടു നിങ്ങളു​ടെ സമയ​മെ​ല്ലാം ചെലവ​ഴി​ക്കു​ക​യും ചെയ്യുക.

¹⁵ ആവശ്യ​ത്തി​ല​ധി​കം പോയിൻറു​ക​ളു​ണ്ടോ ഇല്ലയോ എന്നു തീരു​മാ​നി​ക്കു​ന്നത്‌ എന്താണ്‌? ലളിത​മാ​യി പറഞ്ഞാൽ ഏതെങ്കി​ലും ആശയം വിട്ടു​ക​ള​ഞ്ഞാ​ലും പ്രസം​ഗ​ത്തി​ന്റെ ഉദ്ദേശ്യം സാധി​ക്കാ​മെ​ങ്കിൽ ആ പോയിൻറ്‌ ഒരു മുഖ്യ പോയിൻറല്ല. പ്രസംഗം പൂർത്തി​യാ​ക്കു​ന്ന​തിന്‌ ആ പോയിൻറു ഒരു ബന്ധമാ​യി​ട്ടോ ഒരു ഓർമി​പ്പി​ക്ക​ലാ​യി​ട്ടോ ഉപയോ​ഗി​ക്കാം, എന്നാൽ ഒഴിവാ​ക്കാൻ കഴിയാ​ത്ത​വ​യെ​പ്പോ​ലെ അതു മുന്തി​നിൽക്ക​രുത്‌.

¹⁶ മറെറാ​രു സംഗതി, ഓരോ പോയിൻറും വിജയ​പ്ര​ദ​മാ​യും സമ്പൂർണ​മാ​യും വികസി​പ്പി​ക്കാൻ നിങ്ങൾക്കു വേണ്ടത്ര സമയമു​ണ്ടാ​യി​രി​ക്കണം. ഒരു ചുരു​ങ്ങിയ സമയം​കൊ​ണ്ടു വളരെ​യ​ധി​കം പറയണ​മെ​ങ്കിൽ സദസ്സിന്‌ അറിയാ​വുന്ന കാര്യങ്ങൾ ഏററവും കുറയ്‌ക്കണം. അപരി​ചി​ത​മായ ഘടകങ്ങ​ളൊ​ഴി​ച്ചു മറെറ​ല്ലാം നീക്കം​ചെ​യ്‌തി​ട്ടു ബാക്കി​യു​ളളവ സദസ്സിനു മറക്കുക പ്രയാ​സ​മാ​യി​രി​ക്ക​ത്ത​ക്ക​വണ്ണം സുവ്യ​ക്ത​മാ​ക്കുക.

¹⁷ ഒടുവിൽ, നിങ്ങളു​ടെ പ്രസംഗം ലാളി​ത്യ​ത്തി​ന്റെ ഒരു ധാരണ കൊടു​ക്കണം. ഇത്‌ എല്ലായ്‌പോ​ഴും അവതരി​പ്പി​ക്ക​പ്പെ​ടുന്ന വിവര​ങ്ങ​ളു​ടെ അളവിനെ ആശ്രയി​ച്ചി​രി​ക്കു​ന്നില്ല. ഒരുപക്ഷേ നിങ്ങളു​ടെ പോയിൻറു​കൾ കൂട്ടങ്ങ​ളാ​യി തിരി​ക്കുന്ന രീതി​യാ​യി​രി​ക്കാം അത്‌. ദൃഷ്ടാ​ന്ത​ത്തിന്‌, സകലവും തറയുടെ മധ്യത്തിൽ കൂട്ടി​യി​ട്ടി​രി​ക്കുന്ന ഒരു കടയി​ലേക്കു നിങ്ങൾ ചെല്ലു​ക​യാ​ണെ​ങ്കിൽ, അതു കൂടി​ക്കി​ട​ക്കു​ന്ന​താ​യും അത്യന്തം കുഴച്ചിൽ ഉണ്ടാക്കു​ന്ന​താ​യും കാണ​പ്പെ​ടും. എന്തെങ്കി​ലും കണ്ടുപി​ടി​ക്കാൻ നിങ്ങൾക്കു പ്രയാ​സ​മു​ണ്ടാ​യി​രി​ക്കും. എന്നാൽ എല്ലാം ഉചിത​മാ​യി ക്രമീ​ക​രി​ച്ചി​രി​ക്കു​ക​യും ബന്ധപ്പെട്ട ഇനങ്ങ​ളെ​ല്ലാം ഒരേ കൂട്ടത്തിൽ ഉൾപ്പെ​ടു​ത്തു​ക​യും ഒരു വിഭാഗ അടയാളം കൊടു​ക്കു​ക​യും ചെയ്‌തി​ട്ടു​ള​ള​പ്പോൾ ഫലം വളരെ പ്രസാ​ദാ​ത്മ​ക​മാ​യി​രി​ക്കും, ഏതിന​വും അനായാ​സം കണ്ടുപി​ടി​ക്കാൻ കഴിയും. നിങ്ങളു​ടെ ചിന്തകൾ ഏതാനും​ചില മുഖ്യ ആശയങ്ങ​ളിൻകീ​ഴിൽ മാത്രം ഉൾപ്പെ​ടു​ത്തു​ന്ന​തി​നാൽ നിങ്ങളു​ടെ പ്രസം​ഗത്തെ ലളിത​മാ​ക്കുക.

18. മുഖ്യ പോയിൻറു​കൾ എങ്ങനെ വികസി​പ്പി​ക്കണം?

¹⁸ മുഖ്യ ആശയങ്ങൾ വെവ്വേറെ വികസി​പ്പി​ക്കുക. ഓരോ മുഖ്യ ആശയവും തനിയെ നിൽക്കണം. ഓരോ​ന്നും വെവ്വേറെ വികസി​പ്പി​ക്കണം. ഇതു നിങ്ങളു​ടെ മുഖവു​ര​യി​ലോ ഉപസം​ഹാ​ര​ത്തി​ലോ മുഖ്യ​ത​ല​ക്കെ​ട്ടു​ക​ളു​ടെ ഒരു ചുരു​ങ്ങിയ ബാഹ്യ​രേ​ഖ​യോ സംഗ്ര​ഹ​മോ ഉണ്ടായി​രി​ക്കു​ന്ന​തിൽനി​ന്നു തടയു​ന്നില്ല. എന്നാൽ പ്രസം​ഗ​ത്തി​ന്റെ ഉടലിൽ നിങ്ങൾ ഒരു സമയത്ത്‌ ഒരു മുഖ്യ ആശയ​ത്തെ​ക്കു​റി​ച്ചു​മാ​ത്രം  സംസാ​രി​ക്കണം, സന്ധികൾക്കോ ദൃഢത​ക്കോ ആവശ്യ​മാ​യി​രി​ക്കാ​വു​ന്ന​ട​ത്തോ​ളം​മാ​ത്രം അതിവ്യാ​പ​ന​മോ മടങ്ങി​പ്പോ​ക്കോ അനുവ​ദി​ച്ചു​കൊ​ണ്ടു​തന്നെ. ഒരു വിഷയ​ബാ​ഹ്യ​രേഖ ഉണ്ടാക്കാൻ പഠിക്കു​ന്നതു മുഖ്യ പോയിൻറു​കൾ വെവ്വേറെ വികസി​പ്പി​ക്കു​ന്നു​വോ എന്നു നിർണ​യി​ക്കു​ന്ന​തിൽ അതിയാ​യി സഹായി​ക്കു​ന്നു.

19-21. ഉപ പോയിൻറു​കൾ എങ്ങനെ വിനി​യോ​ഗി​ക്കണം?

¹⁹ ഉപ പോയിൻറു​കൾ മുഖ്യ ആശയങ്ങ​ളിൽ കേന്ദ്രീ​ക​രി​ക്കു​ന്നു. തെളി​വി​ന്റെ പോയിൻറു​ക​ളോ തിരു​വെ​ഴു​ത്തു​ക​ളോ അവതരി​പ്പി​ക്ക​പ്പെ​ടുന്ന മററു വിവര​ങ്ങ​ളോ മുഖ്യ ആശയത്തിൽ ശ്രദ്ധ കേന്ദ്രീ​ക​രി​ക്കു​ക​യും അതിനെ വിപു​ല​പ്പെ​ടു​ത്തു​ക​യും ചെയ്യണം.

²⁰ തയ്യാറാ​കു​മ്പോൾ, സകല ഉപ പോയിൻറു​ക​ളും അപഗ്ര​ഥി​ക്കു​ക​യും ആ മുഖ്യ പോയിൻറി​നെ വ്യക്തമാ​ക്കു​ക​യോ തെളി​യി​ക്കു​ക​യോ വിപു​ല​പ്പെ​ടു​ത്തു​ക​യോ ചെയ്യു​ന്ന​തി​നു നേരിട്ടു സംഭാ​വ​ന​ചെ​യ്യു​ന്ന​തു​മാ​ത്രം നിലനിർത്തു​ക​യും ചെയ്യുക. അപ്രസ​ക്ത​മായ എന്തും നീക്കം​ചെ​യ്യ​പ്പെ​ടണം. അതു പ്രശ്‌നത്തെ കുഴയ്‌ക്കു​ക​യേ​യു​ളളു.

²¹ ഒരു മുഖ്യ ആശയ​ത്തോ​ടു ബന്ധപ്പെട്ട ഏതു പോയിൻറും നിങ്ങൾ പറയു​ന്ന​തി​ലൂ​ടെ ആ ചിന്ത​യോ​ടു നേരിട്ടു ബന്ധപ്പെ​ടു​ത്തണം. സദസ്സു ബാധക​മാ​ക്കട്ടെ എന്നു വെക്കരുത്‌. ബന്ധം വ്യക്തമാ​ക്കുക. ബന്ധം എന്താ​ണെന്നു പറയുക. പറയാ​ത്തതു സാധാ​ര​ണ​യാ​യി മനസ്സി​ലാ​ക്കു​ക​യില്ല. മുഖ്യ ആശയത്തെ വെളി​വാ​ക്കുന്ന മുഖ്യ​പ​ദങ്ങൾ ആവർത്തി​ക്കു​ന്ന​തി​നാ​ലോ മുഖ്യ പോയിൻറി​ന്റെ ആശയം ഇടവി​ട്ടി​ട​വിട്ട്‌ ആവർത്തി​ക്കു​ന്ന​തി​നാ​ലോ ഇതു നിർവ​ഹി​ക്കാൻ കഴിയും. നിങ്ങളു​ടെ സകല ഉപ പോയിൻറു​ക​ളും പ്രസം​ഗ​ത്തി​ന്റെ മുഖ്യ പോയിൻറു​ക​ളിൽ കേന്ദ്രീ​ക​രി​ക്കു​ക​യും ഓരോ മുഖ്യ പോയിൻറും വിഷയ​പ്ര​തി​പാ​ദ്യ​ത്തോ​ടു ബന്ധിപ്പി​ക്കു​ക​യും ചെയ്യുന്ന കല നിങ്ങൾ വശമാ​ക്കു​മ്പോൾ നിങ്ങളു​ടെ പ്രസം​ഗങ്ങൾ, നിർവ​ഹി​ക്കുക എളുപ്പ​വും മറക്കുക പ്രയാ​സ​വു​മാ​ക്കുന്ന ഉല്ലാസ​പ്ര​ദ​മായ ഒരു ലാളി​ത്യം കൈവ​രി​ക്കും.

[അധ്യയന ചോദ്യ​ങ്ങൾ]