പാഠം 29

ശരിയായ ഉച്ചാര​ണ​ത്തോ​ടെ ഒഴുക്കു​ളള, സംഭാ​ഷ​ണ​പ​ര​മായ, പ്രസം​ഗാ​വ​ത​ര​ണം

1-4. ഒഴുക്കി​ല്ലാ​യ്‌മ​യു​ടെ കാരണ​ങ്ങ​ളും ലക്ഷണങ്ങ​ളും പട്ടിക​പ്പെ​ടു​ത്തുക.

¹ പ്രസംഗം നടത്തു​ന്ന​തിന്‌ ഒരു സദസ്സിന്റെ മുമ്പാകെ എഴു​ന്നേ​റ​റു​നിൽക്കു​മ്പോൾ നിങ്ങൾ മിക്ക​പ്പോ​ഴും ശരിയായ വാക്കു​കൾക്കു​വേണ്ടി തപ്പുന്ന​താ​യി കണ്ടെത്തു​ന്നു​വോ? അല്ലെങ്കിൽ ഉച്ചത്തിൽ വായി​ക്കു​മ്പോൾ നിങ്ങൾ ചില പദങ്ങൾ തെററി​ക്കു​ന്നു​വോ? എങ്കിൽ നിങ്ങൾക്ക്‌ ഒഴുക്കി​ന്റെ കാര്യ​ത്തിൽ ഒരു പ്രശ്‌ന​മുണ്ട്‌. ഒഴുക്കു​ളള ഒരു വ്യക്തി വാക്കു​ക​ളു​ടെ ഉപയോ​ഗ​ത്തിൽ നിപു​ണ​നാണ്‌. ഒരു “വാചാലൻ,” അതായത്‌, ചിന്താ​ശൂ​ന്യ​മാ​യും ആത്മാർഥ​ത​യി​ല്ലാ​തെ​യും വാക്കുകൾ യഥേഷ്ടം പ്രയോ​ഗി​ക്കു​ന്നവൻ എന്ന്‌ അതിനർഥ​മില്ല. അത്‌ അനായാ​സ​മാ​യും സ്വത​ന്ത്ര​മാ​യും പ്രവഹി​ക്കുന്ന നിർവി​ഘ്‌ന​മോ സുഖ​പ്ര​ദ​മാ​യി ലളിത​മോ ആയ സംസാ​ര​മാണ്‌. ഒഴുക്കു പ്രസംഗ ഗുണ​ദോ​ഷ​ച്ചീ​ട്ടിൽ പ്രത്യേക ശ്രദ്ധയ്‌ക്കാ​യി പട്ടിക​പ്പെ​ടു​ത്തി​യി​രി​ക്കു​ന്നു.

² പ്രസം​ഗി​ക്കു​മ്പോൾ, ഒഴുക്കി​ല്ലാ​യ്‌മ​യു​ടെ കൂടുതൽ സാധാ​ര​ണ​മായ കാരണങ്ങൾ വ്യക്തമായ ചിന്തയു​ടെ​യും വിവര​ങ്ങ​ളു​ടെ തയ്യാറാ​ക​ലി​ന്റെ​യും അഭാവ​മാണ്‌. അതു ദുർബ​ല​മായ പദസമ്പ​ത്തിൽനി​ന്നോ വാക്കു​ക​ളു​ടെ മോശ​മായ തിര​ഞ്ഞെ​ടു​പ്പിൽനി​ന്നോ സംജാ​ത​മാ​യേ​ക്കാം. വായന​യിൽ ഒഴുക്കി​ല്ലായ്‌മ സാധാ​ര​ണ​യാ​യി  ഉച്ചത്തിൽ വായി​ക്കു​ന്ന​തി​ലു​ളള പരിശീ​ല​ന​ത്തി​ന്റെ അഭാവം നിമി​ത്ത​മാണ്‌, എന്നിരു​ന്നാ​ലും ഇവി​ടെ​യും പദപരി​ജ്ഞാ​ന​ത്തി​ന്റെ അഭാവം വീഴ്‌ച​ക്കോ വിക്കലി​നോ ഇടയാ​ക്കും. വയൽശു​ശ്രൂ​ഷ​യിൽ, ഒഴുക്കി​ല്ലായ്‌മ ഈ ഘടകങ്ങ​ളു​ടെ ഒരു സങ്കലന​വും ഒപ്പം ഭയവും അനിശ്ചി​ത​ത്വ​വും നിമി​ത്ത​മാ​യി​രി​ക്കാം. അവിടെ പ്രശ്‌നം വിശേ​ഷാൽ ഗൗരവ​മു​ള​ള​താണ്‌, കാരണം ചില സന്ദർഭ​ങ്ങ​ളിൽ നിങ്ങളു​ടെ സദസ്സു നിങ്ങളെ കേൾക്കാ​തെ അക്ഷരീ​യ​മാ​യി ഇറങ്ങി​പ്പോ​യേ​ക്കാം. രാജ്യ​ഹാ​ളിൽ നിങ്ങളു​ടെ സദസ്സ്‌ അക്ഷരീ​യ​മാ​യി ഇറങ്ങി​പ്പോ​കു​ക​യില്ല, എന്നാൽ അവരുടെ മനസ്സ്‌ അലഞ്ഞു​തി​രി​യു​ക​യും നിങ്ങൾ പറയു​ന്ന​തി​ല​ധി​ക​വും നഷ്ടമാ​കു​ക​യും ചെയ്യും. അതു​കൊണ്ട്‌ അതു ഗൗരവ​മു​ളള ഒരു സംഗതി​യാണ്‌; ഒഴുക്കു തീർച്ച​യാ​യും സമ്പാദി​ക്കേണ്ട ഒരു ഗുണമാണ്‌.

³ അനേകം പ്രസം​ഗ​കർക്ക്‌ പദം കിട്ടാതെ വരു​മ്പോൾ “ഉം-ഏ” അല്ലെങ്കിൽ സമാന​മായ ശബ്ദങ്ങൾ പുറ​പ്പെ​ടു​വി​ക്കുന്ന അസ്വാ​സ്ഥ്യ​ജ​ന​ക​മായ വികൃ​ത​ശീ​ല​ങ്ങ​ളുണ്ട്‌. നിങ്ങളു​ടെ സംസാ​ര​ത്തോട്‌ അങ്ങനെ​യു​ളള ശബ്ദങ്ങൾ കൂട്ടു​ന്ന​തി​ന്റെ ആവൃത്തി​യെ​ക്കു​റി​ച്ചു നിങ്ങൾക്ക്‌ അറിവി​ല്ലെ​ങ്കിൽ, നിങ്ങൾ അവ പറയുന്ന ഓരോ പ്രാവ​ശ്യ​വും ശ്രദ്ധി​ക്കാ​നും നിങ്ങൾക്കു പിന്നാലെ അവ ആവർത്തി​ക്കാ​നും ഒരാളെ ഏർപ്പാ​ടു​ചെ​യ്യുന്ന ഒരു പരിശീ​ല​ന​യോ​ഗം നടത്താൻ ശ്രമി​ക്കാ​വു​ന്ന​താണ്‌. നിങ്ങൾ അതിശ​യി​ച്ചു​പോ​കും.

⁴ മററാ​ളു​കൾ എല്ലായ്‌പോ​ഴും പിറ​കോ​ട്ടു​പോ​ക്കോ​ടെ, അതായത്‌ ഒരു വാചകം തുടങ്ങി​യി​ട്ടു സ്വയം തടസ്സ​പ്പെ​ടു​ത്തു​ക​യും വീണ്ടും ആവർത്തി​ക്കു​ക​യും ചെയ്‌തു​കൊ​ണ്ടു സംസാ​രി​ക്കു​ന്നു. ഈ ദുശ്ശീലം നിങ്ങളെ ബാധി​ച്ചി​ട്ടു​ണ്ടെ​ങ്കിൽ, നിങ്ങളു​ടെ അനുദിന സംസാ​ര​ത്തിൽ അതിനെ തരണം​ചെ​യ്യാൻ ശ്രമി​ക്കുക. ആദ്യം ചിന്തി​ക്കു​ന്ന​തി​നും ആശയം വ്യക്തമാ​യി മനസ്സിൽ പതിപ്പി​ക്കു​ന്ന​തി​നും ബോധ​പൂർവ​ക​മായ ഒരു ശ്രമം നടത്തുക. പിന്നീടു നിർത്താ​തെ അല്ലെങ്കിൽ ഇടയ്‌ക്കു​വച്ച്‌ ആശയങ്ങൾ മാററാ​തെ മുഴു ആശയവും പറയുക.

5-10. ഒരു പ്രസം​ഗ​കന്റെ ഒഴുക്കു മെച്ച​പ്പെ​ടു​ത്താൻ ഏതു നിർദേ​ശങ്ങൾ നൽക​പ്പെ​ടു​ന്നു?

⁵ മറെറാ​രു കാര്യം. നാം ആശയ​പ്ര​ക​ടനം നടത്തു​മ്പോൾ വാക്കുകൾ ഉപയോ​ഗി​ക്കാൻ ശീലി​ച്ചി​ട്ടുണ്ട്‌. അതു​കൊണ്ട്‌ എന്തു പറയാ​നാ​ണു നാം ആഗ്രഹി​ക്കു​ന്ന​തെന്നു നമുക്കു കൃത്യ​മാ​യി അറിയാ​മെ​ങ്കിൽ വാക്കുകൾ സ്വാഭാ​വി​ക​മാ​യി വരണം. നിങ്ങൾ വാക്കു​ക​ളെ​ക്കു​റി​ച്ചു ചിന്തി​ക്കേ​ണ്ട​തില്ല. യഥാർഥ​ത്തിൽ, പരിശീ​ല​ന​ത്തി​നു​വേണ്ടി നിങ്ങളു​ടെ മനസ്സിൽ ആശയം വ്യക്തമാ​ണെ​ന്നു​മാ​ത്രം ഉറപ്പു​വ​രു​ത്തു​ക​യും നിങ്ങൾ പ്രസംഗം അവതരി​പ്പി​ച്ചു​വ​രു​ന്ന​ത​നു​സ​രി​ച്ചു വാക്കു​ക​ളെ​ക്കു​റി​ച്ചു ചിന്തി​ക്കു​ക​യും ചെയ്യു​ന്നത്‌ ഏറെ നല്ലതാണ്‌. നിങ്ങൾ അതു ചെയ്യു​ക​യും, നിങ്ങളു​ടെ ചിന്ത നിങ്ങൾ പറയുന്ന വാക്കു​ക​ളി​ലാ​യി​രി​ക്കാ​തെ ആശയത്തിൽ പതിപ്പി​ക്കു​ക​യും ചെയ്യു​ന്നു​വെ​ങ്കിൽ വാക്കുകൾ സ്വതേ വരേണ്ട​തും നിങ്ങളു​ടെ ആശയങ്ങൾ നിങ്ങൾക്കു യഥാർഥ​ത്തിൽ തോന്നുന്ന പ്രകാരം പ്രകാ​ശി​പ്പി​ക്ക​പ്പെ​ടേ​ണ്ട​തു​മാണ്‌. എന്നാൽ നിങ്ങൾ ആശയങ്ങൾക്കു​പ​കരം വാക്കു​ക​ളെ​ക്കു​റി​ച്ചു ചിന്തി​ക്കാൻ തുടങ്ങി​യാ​ലു​ടനെ നിങ്ങളു​ടെ പ്രസംഗം തടസ്സ​പ്പെ​ടും.

⁶ ഒഴുക്കു​സം​ബ​ന്ധിച്ച നിങ്ങളു​ടെ പ്രശ്‌നം വാക്കു​ക​ളു​ടെ തിര​ഞ്ഞെ​ടു​പ്പി​ന്റെ സംഗതി​യാ​ണെ​ങ്കിൽ, അപ്പോൾ പദസമ്പത്തു പുഷ്ടി​പ്പെ​ടു​ത്തു​ന്ന​തി​നു ക്രമമായ കുറെ പഠനം ആവശ്യ​മാണ്‌. വീക്ഷാ​ഗോ​പു​ര​ത്തി​ലും സൊ​സൈ​റ​റി​യു​ടെ മററു പ്രസി​ദ്ധീ​ക​ര​ണ​ങ്ങ​ളി​ലും നിങ്ങൾക്കു പരിചി​ത​മ​ല്ലാത്ത പദങ്ങൾ പ്രത്യേ​കം ശ്രദ്ധി​ക്കു​ക​യും അവയിൽ ചിലതു നിങ്ങളു​ടെ അനുദിന പദസമ്പ​ത്തി​നോ​ടു കൂട്ടു​ക​യും ചെയ്യുക.

 ⁷ വായന​യി​ലെ ഒഴുക്കി​ല്ലായ്‌മ പൊതു​വേ വാക്കുകൾ പരിചി​ത​മ​ല്ലാ​ത്ത​തു​കൊ​ണ്ടാ​യ​തി​നാൽ, നിങ്ങളു​ടെ പ്രശ്‌ന​മ​താ​ണെ​ങ്കിൽ നിങ്ങൾ ക്രമമാ​യും വ്യവസ്ഥാ​പി​ത​മാ​യും ഉച്ചത്തിൽ വായി​ച്ചു​ശീ​ലി​ക്കു​ന്നതു നല്ലതാണ്‌.

⁸ ഇതു ചെയ്യാൻ കഴിയുന്ന ഒരു മാർഗം ഒന്നോ രണ്ടോ ഖണ്ഡികകൾ തിര​ഞ്ഞെ​ടുത്ത്‌ ആ ഭാഗത്തെ മുഴു ആശയവും നിങ്ങൾക്കു പരിചി​ത​മാ​കു​ന്ന​തു​വരെ ശ്രദ്ധാ​പൂർവം അതു മൗനമാ​യി വായി​ക്കു​ക​യാണ്‌. ആവശ്യ​മെ​ങ്കിൽ അടയാ​ള​പ്പെ​ടു​ത്തി​ക്കൊണ്ട്‌ ആശയസ​മൂ​ഹ​ങ്ങളെ വേർതി​രി​ക്കുക. പിന്നീട്‌ ഈ ഭാഗം ഉച്ചത്തിൽ വായി​ച്ചു​ശീ​ലി​ക്കാൻ തുടങ്ങുക. പരിശീ​ലി​ക്കു​മ്പോൾ, ഒരൊററ വിഘ്‌ന​മോ തെററായ സ്ഥലങ്ങളി​ലെ നിർത്ത​ലോ കൂടാതെ മുഴു ആശയസ​മൂ​ഹ​ങ്ങ​ളും വായി​ക്കാൻ കഴിയു​ന്ന​തു​വരെ അത്‌ ആവർത്തി​ച്ചു വായി​ക്കുക.

⁹ പരിച​യ​മി​ല്ലാ​ത്ത​തോ പ്രയാ​സ​മു​ള​ള​തോ ആയ വാക്കുകൾ നിങ്ങൾക്ക്‌ അനായാ​സം പറയാ​റാ​കു​ന്ന​തു​വരെ വീണ്ടും വീണ്ടും ഉച്ചരി​ക്കണം. ആ വാക്കു മാത്ര​മാ​യി പറയാൻ നിങ്ങൾക്കു കഴിഞ്ഞ​ശേഷം, കൂടുതൽ പരിചി​ത​മായ വാക്കു​ക​ളേ​പ്പോ​ലെ​തന്നെ അനായാ​സം അതു വാചക​ത്തോ​ടു ചേർക്കാൻ കഴിയു​ന്ന​തു​വരെ ആ വാക്കട​ങ്ങി​യി​രി​ക്കുന്ന മുഴു വാചക​വും വായി​ക്കുക.

¹⁰ കൂടാതെ, കാഴ്‌ച-വായന ക്രമമാ​യി ശീലി​ക്കുക. ദൃഷ്ടാ​ന്ത​മാ​യി നിങ്ങൾ കാണുന്ന ആദ്യ​പ്രാ​വ​ശ്യം​തന്നെ ദിനവാ​ക്യ​വും അഭി​പ്രാ​യ​ങ്ങ​ളും എല്ലായ്‌പോ​ഴും ഉച്ചത്തിൽ വായി​ക്കുക. ഒരു സമയത്ത്‌ ഒരു വാക്കു​മാ​ത്രം കാണാതെ പൂർണ​മായ ആശയങ്ങൾ വെളി​പ്പെ​ടു​ത്തുന്ന കൂട്ടങ്ങ​ളാ​യി വാക്കു​കളെ ഉൾക്കൊ​ള​ളാൻ നിങ്ങളു​ടെ കണ്ണിനെ അനുവ​ദി​ക്കു​ന്നതു ശീലമാ​ക്കുക. നിങ്ങൾ ശീലി​ക്കു​ന്നു​വെ​ങ്കിൽ, ഫലകര​മായ പ്രസം​ഗ​ത്തി​ന്റെ​യും വായന​യു​ടെ​യും ഈ മർമ​പ്ര​ധാ​ന​മായ ഗുണം നിങ്ങൾക്കു സ്വായ​ത്ത​മാ​ക്കാൻ കഴിയും.

**********

11-15. സംഭാ​ഷ​ണ​ഗു​ണം ഉപയോ​ഗി​ക്ക​പ്പെ​ടുന്ന പദങ്ങളെ ആശ്രയി​ച്ചി​രി​ക്കു​ന്ന​തെ​ങ്ങനെ?

¹¹ ഗുണ​ദോ​ഷ​ച്ചീ​ട്ടിൽ കുറി​ച്ചി​രി​ക്കുന്ന മറെറാ​രു അഭികാ​മ്യ​മായ സവി​ശേഷത “സംഭാ​ഷ​ണ​ഗു​ണം” ആണ്‌. അതു ദൈനം​ദി​ന​ജീ​വി​ത​ത്തിൽ നിങ്ങൾക്കു​ളള ഒന്നാണ്‌. എന്നാൽ ഒരു പ്രസംഗം നടത്താൻ എഴു​ന്നേ​റ​റു​നിൽക്കു​മ്പോൾ നിങ്ങൾക്ക്‌ അതുണ്ടോ? ഒരു വലിയ കൂട്ട​ത്തോ​ടു​പോ​ലും അനായാ​സം സംഭാ​ഷണം നടത്തുന്ന ആളുകൾ മിക്ക​പ്പോ​ഴും “ഒരു പ്രസംഗം നടത്താൻ” മുന്നമേ തയ്യാറാ​കാൻ ക്ഷണിക്ക​പ്പെ​ടു​മ്പോൾ വളരെ ഔപചാ​രി​ക​മായ രീതി​യും ഏറെക്കു​റെ “ഉപദേ​ശ​രീ​തി”യും അവലം​ബി​ക്കു​ന്നു. എന്നാൽ പരസ്യ​പ്ര​സം​ഗ​ത്തി​ന്റെ ഏററവും ഫലകര​മായ രീതി സംഭാ​ഷ​ണ​ശൈ​ലി​യാണ്‌.

¹² സംഭാ​ഷ​ണ​പ​ര​മായ പദങ്ങൾ ഉപയോ​ഗി​ക്കു​ന്നു. സംഭാ​ഷ​ണ​രീ​തി​യി​ലു​ളള പ്രസം​ഗ​ത്തി​ന്റെ ഫലപ്ര​ദ​ത്വ​ത്തി​ല​ധി​ക​വും ഉപയോ​ഗി​ക്ക​പ്പെ​ടുന്ന പദങ്ങളെ ആശ്രയി​ച്ചി​രി​ക്കു​ന്നു. ഒരു വാചാ​പ്ര​സം​ഗം തയ്യാറാ​ക്കു​മ്പോൾ, അച്ചടി​യിൽ കാണ​പ്പെ​ടു​ന്ന​തു​പോ​ലെ​ത​ന്നെ​യു​ളള ശൈലി​കൾ ആവർത്തി​ക്കു​ന്നതു പൊതു​വേ നല്ലതല്ല. ലിഖി​ത​ശൈലി വാമൊ​ഴി​യിൽനി​ന്നു വ്യത്യ​സ്‌ത​മാണ്‌. അതു​കൊണ്ട്‌ ഈ ആശയങ്ങൾക്കു നിങ്ങളു​ടെ വ്യക്തി​പ​ര​മായ സ്വന്തം ശൈലി​യ​നു​സ​രി​ച്ചു രൂപം കൊടു​ക്കുക. സങ്കീർണ​മായ വാചക​ഘടന ഒഴിവാ​ക്കുക.

¹³ പ്ലാററ്‌ഫാ​റ​ത്തി​ലെ പ്രസംഗം നിങ്ങളു​ടെ അനുദിന ആശയ​പ്ര​ക​ട​നത്തെ പ്രതി​ഫ​ലി​പ്പി​ക്കണം. നിങ്ങൾ “ഭാവം നടിക്കാൻ” ശ്രമി​ക്ക​രുത്‌. എന്നാലും, നിങ്ങളു​ടെ  തയ്യാറാ​ക്ക​പ്പെട്ട പ്രസംഗം അനുദി​ന​സം​സാ​ര​ത്തെ​ക്കാൾ സ്വാഭാ​വി​ക​മാ​യി മെച്ചമാ​യി​രി​ക്കും, കാരണം നിങ്ങളു​ടെ ആശയങ്ങൾ മുന്നമേ കൂടുതൽ ശ്രദ്ധ​യോ​ടെ ചിന്തി​ച്ചെ​ടു​ത്തി​ട്ടു​ള​ള​താണ്‌, കൂടുതൽ ഒഴു​ക്കോ​ടെ വരുക​യും ചെയ്യും. തത്‌ഫ​ല​മാ​യി, നിങ്ങളു​ടെ പദപ്ര​യോ​ഗ​ങ്ങൾതന്നെ മെച്ചമായ വാചക​രീ​തി​യി​ലാ​യി​രി​ക്കണം.

¹⁴ ഇത്‌ അനുദി​ന​പ​രി​ശീ​ല​ന​ത്തി​ന്റെ മൂല്യ​ത്തിന്‌ ഊന്നൽ കൊടു​ക്കു​ന്നു. സംസാ​ര​ത്തിൽ നാട്യം പാടില്ല. ഗ്രാമ്യ​ഭാഷ ഒഴിവാ​ക്കുക. നിങ്ങൾക്കു​ണ്ടാ​യി​രി​ക്കാ​വുന്ന വ്യത്യ​സ്‌ത​മായ ഓരോ ആശയവും ധരിപ്പി​ക്കു​ന്ന​തിന്‌ ഒരേ പദപ്ര​യോ​ഗ​ങ്ങ​ളു​ടെ​യും ശൈലി​ക​ളു​ടെ​യും നിരന്തര ആവർത്തനം ഒഴിവാ​ക്കുക. അർഥവ​ത്താ​യി സംസാ​രി​ക്കാൻ പഠിക്കുക. നിങ്ങളു​ടെ അനുദി​ന​സം​ഭാ​ഷ​ണ​ത്തിൽ അഭിമാ​നി​ക്കുക, അപ്പോൾ നിങ്ങൾ പ്ലാററ്‌ഫാ​റ​ത്തി​ലാ​യി​രി​ക്കു​മ്പോൾ കൂടുതൽ അനായാ​സം വാക്കുകൾ വരുക​യും നിങ്ങൾ ഏതു സദസ്സി​നും നിറപ്പ​കി​ട്ടാർന്ന​തും അനായാ​സ​വും സ്വീകാ​ര്യ​വു​മായ ഒരു സംഭാ​ഷ​ണ​ഗു​ണ​ത്തോ​ടെ പ്രസം​ഗി​ക്കാൻ പ്രാപ്‌ത​നാ​കു​ക​യും ചെയ്യും.

¹⁵ വയൽശു​ശ്രൂ​ഷ​യിൽ ഇതു വിശേ​ഷാൽ സത്യമാണ്‌. വിദ്യാർഥി​പ്ര​സം​ഗ​ങ്ങ​ളിൽ നിങ്ങൾ ഒരു വീട്ടു​കാ​രി​യോ​ടാ​ണു സംസാ​രി​ക്കു​ന്ന​തെ​ങ്കിൽ വയൽസേ​വ​ന​ത്തി​ലാ​യി​രി​ക്കു​ന്ന​തു​പോ​ലെ സ്വാഭാ​വി​ക​വും അനായാ​സ​വു​മായ രീതി​യിൽ അവിടെ ഉപയോ​ഗി​ക്കുന്ന പദങ്ങൾ ഉപയോ​ഗി​ച്ചു​കൊ​ണ്ടു സംസാ​രി​ക്കാൻ ശ്രമി​ക്കുക. ഇത്‌ അനൗപ​ചാ​രി​ക​വും പ്രാ​യോ​ഗി​ക​വു​മായ ഒരു പ്രസം​ഗ​മാ​യി​രി​ക്കും. അതിലും പ്രധാ​ന​മാ​യി, അതു നിങ്ങളെ വയൽശു​ശ്രൂ​ഷ​യി​ലെ കൂടുതൽ ഫലപ്ര​ദ​മായ അവതര​ണ​ങ്ങൾക്കു പരിശീ​ലി​പ്പി​ക്കു​ക​യും ചെയ്യും.

16-19. പ്രസം​ഗാ​വ​ത​ര​ണ​ത്തി​നു സംഭാ​ഷ​ണ​ഗു​ണത്തെ എങ്ങനെ ബാധി​ക്കാൻ കഴിയു​മെന്നു ചൂണ്ടി​ക്കാ​ട്ടുക.

¹⁶ സംഭാ​ഷ​ണ​പ​ര​മായ പ്രസം​ഗ​രീ​തി. സംഭാ​ഷ​ണ​ഗു​ണം ഉപയോ​ഗി​ക്ക​പ്പെ​ടുന്ന പദങ്ങളെ മാത്രം ആശ്രയി​ച്ചി​രി​ക്കു​ന്നില്ല. നിങ്ങളു​ടെ പ്രസം​ഗ​രീ​തി​യും അഥവാ ശൈലി​യും പ്രധാ​ന​മാണ്‌. ഇതിൽ സ്വരവും സ്വര​ഭേ​ദ​വും ശൈലി​യു​ടെ സ്വാഭാ​വി​ക​ത​യും ഉൾപ്പെ​ടു​ന്നു. അത്‌ അനുദിന സംസാ​രം​പോ​ലെ​തന്നെ സ്വതഃ​പ്രേ​രി​ത​മാണ്‌, സദസ്സി​നു​വേണ്ടി വിപു​ല​പ്പെ​ടു​ത്തു​ന്നു​വെ​ങ്കി​ലും.

¹⁷ സംഭാ​ഷ​ണ​പ​ര​മായ പ്രസംഗം വാക്‌പാ​ട​വ​ത്തി​നു കടകവി​രു​ദ്ധ​മാണ്‌. അതിന്‌ “ഉപദേശി”രീതി​യി​ലു​ളള പ്രസം​ഗ​ത്തി​ന്റെ ഘടകങ്ങ​ളൊ​ന്നു​മില്ല, അശേഷം കൃത്രി​മ​ത്വ​മി​ല്ലാ​ത്ത​തു​മാണ്‌.

¹⁸ തുടക്ക​ക്കാ​രായ പ്രസം​ഗ​കർക്കു സംഭാ​ഷ​ണ​ഗു​ണം നഷ്ടപ്പെ​ടുന്ന ഒരു വഴി പദപ്ര​യോ​ഗം​സം​ബ​ന്ധിച്ച മുന്ന​മേ​യു​ളള കണക്കി​ല​ധി​കം സമഗ്ര​മായ തയ്യാറാ​ക​ലി​ലാണ്‌. പ്രസം​ഗാ​വ​ത​ര​ണ​ത്തി​നു തയ്യാറാ​കു​മ്പോൾ, നന്നായി തയ്യാറാ​യി​രി​ക്കു​ന്ന​തി​നു നിങ്ങൾ പ്രായേണ മനഃപാ​ഠ​മാ​ക്കു​ന്ന​തു​വരെ പദാനു​പദം വായി​ക്ക​ണ​മെന്നു വിചാ​രി​ക്ക​രുത്‌. വാചാ​പ്ര​സം​ഗ​ത്തിൽ അവതര​ണ​ത്തി​നു​വേ​ണ്ടി​യു​ളള തയ്യാറാ​കൽ പ്രസ്‌താ​വി​ക്ക​പ്പെ​ടേണ്ട ആശയങ്ങ​ളു​ടെ ശ്രദ്ധാ​പൂർവ​ക​മായ ഒരു പുനര​വ​ലോ​ക​ന​ത്തിന്‌ ഊന്നൽ കൊടു​ക്കണം. ഇവ നിങ്ങളു​ടെ മനസ്സിൽ ഒന്നു മറെറാ​ന്നി​നെ അനായാ​സം പിന്തു​ട​രു​ന്ന​തു​വരെ ചിന്തകൾ അല്ലെങ്കിൽ ആശയങ്ങൾ എന്ന നിലയിൽ പുനര​വ​ലോ​കനം ചെയ്യ​പ്പെ​ടണം. അവ സയുക്തി​കം വികസി​പ്പി​ക്കു​ക​യും നന്നായി ആസൂ​ത്ര​ണം​ചെ​യ്യു​ക​യും ചെയ്‌തി​ട്ടു​ണ്ടെ​ങ്കിൽ ഇതു പ്രയാ​സ​മാ​യി​രി​ക്ക​രുത്‌, പ്രസം​ഗാ​വ​ത​ര​ണ​ത്തിൽ ആശയങ്ങൾ യഥേഷ്ടം അനായാ​സം വരുക​യും ചെയ്യണം. അത്‌ അങ്ങനെ​യാ​യി​രി​ക്കു​ന്ന​തി​നാൽ, ആശയവി​നി​യമം നടത്തു​ന്ന​തി​നു​ളള ആഗ്രഹ​ത്തോ​ടെ അവ പ്രസ്‌താ​വി​ക്ക​പ്പെ​ടു​ന്നു​വെ​ങ്കിൽ സംഭാ​ഷ​ണ​ഗു​ണം അവതര​ണ​ത്തി​ന്റെ ഒരു ഭാഗമാ​യി​രി​ക്കും.

 ¹⁹ നിങ്ങൾക്കു​വേണ്ടി ഇത്‌ ഉറപ്പു​വ​രു​ത്താ​നു​ളള ഒരു മാർഗം സദസ്സിലെ വ്യത്യസ്‌ത വ്യക്തി​ക​ളോ​ടു സംസാ​രി​ക്കാ​നു​ളള ഒരു ശ്രമം​ചെ​യ്യു​ക​യാണ്‌. ഒരു സമയത്തു നേരിട്ട്‌ ഒരാ​ളോ​ടു സംസാ​രി​ക്കുക. ആ വ്യക്തി ഒരു ചോദ്യം ചോദി​ച്ച​താ​യി വിചാ​രി​ക്കുക, അനന്തരം അതിന്‌ ഉത്തരം കൊടു​ക്കുക. ആ പ്രത്യേക ആശയം വികസി​പ്പി​ക്കു​ന്ന​തിൽ നിങ്ങൾ ആ ആളുമാ​യി സ്വകാ​ര്യ​സം​ഭാ​ഷ​ണ​ത്തി​ലേർപ്പെ​ടു​ന്ന​താ​യി സങ്കല്‌പി​ക്കുക. പിന്നീടു സദസ്സിലെ മറെറാ​രാ​ളി​ലേക്കു നീങ്ങു​ക​യും ഇതേ പ്രക്രിയ ആവർത്തി​ക്കു​ക​യും ചെയ്യുക.

20-23. ഒരുവനു തന്റെ വായനയെ സ്വാഭാ​വി​ക​മാ​യി തോന്നി​ക്കാൻ എങ്ങനെ കഴിയും?

²⁰ വായന​യിൽ സംഭാ​ഷ​ണ​രീ​തി നിലനിർത്തു​ന്നത്‌, വശമാ​ക്കാൻ അത്യന്തം പ്രയാ​സ​മു​ളള പ്രസം​ഗ​ഗു​ണ​ങ്ങ​ളിൽ ഒന്നാണ്‌, എന്നിരു​ന്നാ​ലും അത്‌ ഏററവും മർമ​പ്ര​ധാ​ന​വു​മാണ്‌. തീർച്ച​യാ​യും, നമ്മുടെ പരസ്യ​വാ​യ​ന​യി​ല​ധി​ക​വും ബൈബി​ളിൽനി​ന്നാണ്‌, ഒരു വാചാ​പ്ര​സം​ഗ​ത്തോ​ടു​ളള ബന്ധത്തിൽ വാക്യങ്ങൾ വായി​ക്കു​ന്ന​തി​ലാണ്‌. വികാ​ര​ത്തോ​ടും അർഥ​ത്തെ​ക്കു​റി​ച്ചു​ളള ഒരു സൂക്ഷ്‌മ​ബോ​ധ​ത്തോ​ടും​കൂ​ടെ വേണം ബൈബിൾ വായി​ക്കാൻ. അതു സജീവ​മാ​യി​രി​ക്കണം. മറിച്ച്‌, ദൈവ​ത്തി​ന്റെ യഥാർഥ ശുശ്രൂ​ഷകർ മത​വൈ​ദി​ക​രു​ടെ ധർമാ​ഭി​മാ​ന​പ​ര​മായ സ്വര​ഭേദം ഒരിക്ക​ലും നടിക്ക​യില്ല. യഹോ​വ​യു​ടെ ദാസൻമാർ അവിടു​ത്തെ വചനം സ്വാഭാ​വി​ക​ദൃ​ഢ​ത​യോ​ടും ആ പുസ്‌ത​ക​ത്തി​ലെ ജീവനു​ളള ഭാഷ അർഹി​ക്കുന്ന യാഥാർഥ്യ​ബോ​ധ​ത്തോ​ടും​കൂ​ടെ വായി​ക്കും.

²¹ ഇതില​ധി​ക​വും വീക്ഷാ​ഗോ​പു​ര​ത്തി​ന്റെ അല്ലെങ്കിൽ ഒരു പുസ്‌ത​കാ​ധ്യ​യ​ന​ത്തി​ലെ ഖണ്ഡിക​ക​ളു​ടെ വായന​യി​ലും സത്യമാണ്‌. ഇവി​ടെ​യും പദങ്ങളും വാചക​ഘ​ട​ന​യും സംഭാ​ഷ​ണ​പ​ര​മാ​യി സംവി​ധാ​നം ചെയ്‌തതല്ല. അതു​കൊണ്ട്‌, നിങ്ങളു​ടെ വായന​യ്‌ക്ക്‌ എല്ലായ്‌പോ​ഴും സംഭാ​ഷ​ണം​പോ​ലെ തോന്നി​ക്കാൻ കഴിയു​ക​യില്ല. എന്നാൽ നിങ്ങൾ വായി​ക്കു​ന്ന​തി​ന്റെ അർഥം മനസ്സി​ലാ​ക്കി പരമാ​വധി സ്വാഭാ​വി​ക​മാ​യും അർഥപൂർണ​മാ​യും വായി​ക്കു​ന്നു​വെ​ങ്കിൽ, സ്വാഭാ​വി​ക​മാ​യി ഉപയോ​ഗി​ക്കു​ന്ന​തി​നെ​ക്കാൾ ഒരുപക്ഷേ അല്‌പം​കൂ​ടെ ഔപചാ​രി​ക​മാ​യി​ട്ടാ​ണെ​ങ്കി​ലും മിക്ക​പ്പോ​ഴും നിങ്ങൾക്ക്‌ അതിനെ വാചാ​പ്ര​സം​ഗം​പോ​ലെ തോന്നി​ക്കാൻ കഴിയും. അതു​കൊണ്ട്‌, നിങ്ങൾക്കു മുന്നമേ തയ്യാറാ​കാൻ കഴിയു​മെ​ങ്കിൽ, നിങ്ങളെ സഹായി​ക്കുന്ന ഏത്‌ അടയാ​ള​ങ്ങ​ളും കൊടു​ക്കു​ന്നതു നിങ്ങളു​ടെ ശീലമാ​യി​രി​ക്കണം. വിവരങ്ങൾ പ്രാ​യോ​ഗി​ക​വും സ്വാഭാ​വി​ക​വു​മായ ഒരു രീതി​യിൽ അവതരി​പ്പി​ക്കാൻ പരമാ​വധി ശ്രമി​ക്കുക.

²² സംഭാ​ഷ​ണ​പ​ര​മായ വായന​യിൽ അല്ലെങ്കിൽ പ്രസം​ഗ​ത്തിൽ ആത്മാർഥ​ത​യും സ്വാഭാ​വി​ക​ത​യും മുഖ്യ​ഘ​ട​ക​ങ്ങ​ളാണ്‌. നിങ്ങളു​ടെ ഹൃദയം നിറഞ്ഞു​ക​വി​യട്ടെ, നിങ്ങളു​ടെ കേൾവി​ക്കാർക്കു ഹിതക​ര​മാ​യി സംസാ​രിക്ക.

²³ നല്ല സംസാരം ഏതെങ്കി​ലും ഒരു അവസര​ത്തി​നു​വേ​ണ്ടി​മാ​ത്രം ഉപയോ​ഗി​ക്കാൻ കഴിയു​ക​യില്ല, നല്ല ശീലങ്ങ​ളും അങ്ങനെ​യാ​ണ​ല്ലോ. എന്നാൽ നിങ്ങൾ ദിവസ​വും നല്ല സംസാരം ഉപയോ​ഗി​ക്കു​ക​യാ​ണെ​ങ്കിൽ, അതു പ്ലാററ്‌ഫാ​റ​ത്തിൽ പ്രകട​മാ​കും, നിങ്ങൾ വീട്ടിൽ ഉപയോ​ഗി​ക്കുന്ന നല്ല ശീലങ്ങൾ നിങ്ങൾ പൊതു​സ്ഥ​ല​ത്താ​യി​രി​ക്കു​മ്പോൾ എല്ലായ്‌പോ​ഴും പ്രകട​മാ​കു​ന്ന​തു​പോ​ലെ​തന്നെ.

**********

24, 25. മോശ​മായ ഉച്ചാരണം അനഭി​ല​ഷ​ണീ​യ​മാ​യി​രി​ക്കു​ന്നത്‌ എന്തു​കൊണ്ട്‌?

²⁴ ഉച്ചാരണം. ശരിയായ ഉച്ചാര​ണ​വും മൂല്യ​വ​ത്താണ്‌. അതു പ്രസംഗ ഗുണ​ദോ​ഷ​ച്ചീ​ട്ടിൽ വേറിട്ടു പട്ടിക​പ്പെ​ടു​ത്തി​യി​രി​ക്കു​ന്നു. പത്രോ​സും യോഹ​ന്നാ​നും വിദ്യാ​ഭ്യാ​സ​മി​ല്ലാ​ത്ത​വ​രും സാധാ​ര​ണ​ക്കാ​രു​മായ മനുഷ്യ​രാ​ണെന്നു നിരീ​ക്ഷി​ക്ക​പ്പെ​ട്ട​തു​പോ​ലെ,  എല്ലാ ക്രിസ്‌ത്യാ​നി​കൾക്കും വളരെ​യേറെ ലൗകി​ക​വി​ദ്യാ​ഭ്യാ​സം ലഭിച്ചി​ട്ടി​ല്ലെ​ങ്കി​ലും, തെററായ ഉച്ചാരണം നിമിത്തം നമ്മുടെ സന്ദേശ​ത്തി​ന്റെ അവതര​ണ​ത്തി​ന്റെ വിലയി​ടി​ക്കു​ന്നത്‌ ഒഴിവാ​ക്കു​ന്നതു മൂല്യ​വ​ത്താണ്‌. നാം വേണ്ടത്ര ശ്രദ്ധ കൊടു​ക്കുന്ന പക്ഷം അനായാ​സം തിരു​ത്താൻ കഴിയുന്ന ഒന്നാണത്‌.

²⁵ ഒരാളു​ടെ ഉച്ചാരണം വളരെ മോശ​മാ​ണെ​ങ്കിൽ, അയാൾ തന്റെ സദസ്സിന്റെ മനസ്സിൽ തെററായ ആശയങ്ങൾ ധരിപ്പി​ക്കു​ക​പോ​ലും ചെയ്‌തേ​ക്കാം, അതു തീർച്ച​യാ​യും അനഭി​ല​ഷ​ണീ​യ​മാ​യി​രി​ക്കും. ആരെങ്കി​ലും തന്റെ പ്രസം​ഗ​ത്തിൽ ഒരു വാക്കു തെററാ​യി ഉച്ചരി​ക്കു​ന്നതു നിങ്ങൾ കേൾക്കു​മ്പോൾ, അത്‌ ഒരു സ്‌പോട്ട്‌ ലൈറ​റ്‌പോ​ലെ നിങ്ങളു​ടെ മനസ്സിന്റെ മുമ്പിൽ മിന്നു​ന്നു​വെ​ന്ന​താ​ണു പൊതു ഫലം. നിങ്ങൾ അയാളു​ടെ വാദഗതി പിന്തു​ട​രാ​തെ അയാൾ തെററാ​യി ഉച്ചരിച്ച വാക്കി​നെ​ക്കു​റി​ച്ചു ചിന്തി​ച്ചു​തു​ട​ങ്ങു​ക​പോ​ലും ചെയ്‌തേ​ക്കാം. അത്‌, അയാൾ പറയുന്ന കാര്യ​ത്തിൽനിന്ന്‌ അതു പറയ​പ്പെ​ടുന്ന വിധത്തി​ലേക്കു നിങ്ങളു​ടെ ശ്രദ്ധ മാററാ​നി​ട​യാ​ക്കി​യേ​ക്കാം.

26, 27. ഉച്ചാര​ണ​ത്തോ​ടു​ളള ബന്ധത്തിൽ ഏതു പ്രശ്‌നങ്ങൾ പട്ടിക​പ്പെ​ടു​ത്തി​യി​രി​ക്കു​ന്നു?

²⁶ ഉച്ചാര​ണ​ത്തോ​ടു​ളള ബന്ധത്തിൽ മൂന്നു തരത്തി​ലു​ളള പൊതു പ്രശ്‌നങ്ങൾ ഉണ്ടെന്നു പറയാ​വു​ന്ന​താണ്‌. ഒന്നു തീർച്ച​യാ​യും തെററായ ഉച്ചാരണം. അതിൽ അസ്ഥാനത്തു സ്വരാ​ഘാ​തം കൊടു​ക്കു​ന്നു, അല്ലെങ്കിൽ അക്ഷരങ്ങൾക്കു തെററായ ശബ്ദം കൊടു​ക്കു​ന്നു. മിക്ക ആധുനി​ക​ഭാ​ഷ​കൾക്കും സ്വരാ​ഘാ​ത​ത്തി​നു നിയത​മായ മാതൃ​ക​യുണ്ട്‌, എന്നാൽ ഇംഗ്ലീ​ഷ്‌ഭാ​ഷ​യിൽ മാതൃക ഏകരൂ​പമല്ല, അതു പ്രശ്‌നത്തെ കൂടുതൽ പ്രയാ​സ​മു​ള​ള​താ​ക്കു​ന്നു. ഇനി ശരിയാ​ണെ​ങ്കി​ലും അതിശ​യോ​ക്തി​യാർന്ന ഉച്ചാര​ണ​മുണ്ട്‌, അമിത​മായ കൃത്യ​ത​യു​ള​ള​തും കൃത്രി​മ​ത്വ​ത്തി​ന്റെ, ഘനഭാ​വ​ത്തി​ന്റെ പോലും, ധാരണ കൊടു​ക്കു​ന്ന​തു​തന്നെ. ഇത്‌ അഭില​ഷ​ണീ​യമല്ല. മൂന്നാ​മത്തെ പ്രശ്‌നം അശ്രദ്ധ​മായ സംസാ​ര​മാണ്‌, വാക്കു​ക​ളു​ടെ നിരന്ത​ര​മായ കൂട്ടി​ക്കു​ഴ​യ്‌ക്ക​ലാണ്‌, അക്ഷരങ്ങ​ളു​ടെ തെററായ കാഴ്‌ച​യും അല്ലെങ്കിൽ വിട്ടു​പോ​ക്കും അതു​പോ​ലെ​യു​ളള മററു ശീലങ്ങ​ളു​മാണ്‌. അവ ഒഴിവാ​ക്കേ​ണ്ട​താണ്‌.

²⁷ സാധാ​ര​ണ​യാ​യി അനുദിന സംസാ​ര​ത്തിൽ നാം സുപരി​ചി​ത​ങ്ങ​ളായ വാക്കുകൾ ഉപയോ​ഗി​ക്കു​ന്നു; അതു​കൊണ്ട്‌ ഈ ബന്ധത്തിൽ ഉച്ചാരണം ഒരു വലിയ പ്രശ്‌നമല്ല. ഏററവും വലിയ പ്രശ്‌നം സംജാ​ത​മാ​കു​ന്നതു വായന​യി​ലാണ്‌. എന്നാൽ യഹോ​വ​യു​ടെ സാക്ഷികൾ പരസ്യ​മാ​യും സ്വകാ​ര്യ​മാ​യും ധാരാളം വായന നടത്തുന്നു. നാം വീടു​തോ​റും പോകു​മ്പോൾ ആളുകളെ ബൈബിൾ വായി​ച്ചു​കേൾപ്പി​ക്കു​ന്നു. ചില​പ്പോൾ വീക്ഷാ​ഗോ​പുര അധ്യയ​ന​ത്തി​ലോ ഒരു ഭവന​ബൈ​ബി​ള​ധ്യ​യ​ന​ത്തി​ലോ ഒരു സഭാപു​സ്‌ത​കാ​ധ്യ​യ​ന​ത്തി​ലോ ഖണ്ഡികകൾ വായി​ക്കാൻ നാം ക്ഷണിക്ക​പ്പെ​ടു​ന്നു. വായന കൃത്യ​മാ​യി​രി​ക്കു​ന്നത്‌, ഉച്ചാരണം ശരിയാ​യി​രി​ക്കു​ന്നത്‌, മൂല്യ​വ​ത്താണ്‌. അതു ശരിയ​ല്ലെ​ങ്കിൽ, നാം എന്തി​നെ​ക്കു​റി​ച്ചാ​ണു സംസാ​രി​ക്കു​ന്നത്‌ എന്നു നമുക്ക്‌ അറിയാൻ പാടി​ല്ലെ​ന്നു​ളള ധാരണ അതു നൽകുന്നു. അതു സന്ദേശ​ത്തിൽനി​ന്നു ശ്രദ്ധ അകററു​ക​യും ചെയ്യുന്നു.

28-34. ഒരുവനു തന്റെ ഉച്ചാരണം മെച്ച​പ്പെ​ടു​ത്താൻ എങ്ങനെ സഹായി​ക്ക​പ്പെ​ടാൻ കഴിയും?

²⁸ തെററായ ഉച്ചാരണം സംബന്ധിച്ച ഗുണ​ദോ​ഷം അമിത​മാ​ക​രുത്‌. ഒന്നോ രണ്ടോ വാക്കു​ക​ളെ​ക്കു​റിച്ച്‌ എന്തെങ്കി​ലും പ്രശ്‌ന​മു​ണ്ടെ​ങ്കിൽ സ്വകാ​ര്യ​മായ ബുദ്ധ്യു​പ​ദേശം മതിയാ​യേ​ക്കാം. എന്നാൽ ഒരു പ്രസം​ഗ​ത്തി​നി​ട​യിൽ ചുരു​ക്കം​ചില വാക്കുകൾ മാത്രം തെററാ​യി ഉച്ചരി​ച്ചാൽപോ​ലും, അവ നാം ക്രമമാ​യി നമ്മുടെ ശുശ്രൂ​ഷ​യി​ലോ അനുദി​ന​സം​സാ​ര​ത്തി​ലോ ഉപയോ​ഗി​ക്കുന്ന വാക്കു​ക​ളാ​ണെ​ങ്കിൽ വിദ്യാർഥി അവ ശരിയാ​യി ഉച്ചരി​ക്കാൻ പഠി​ക്കേ​ണ്ട​തി​നു സ്‌കൂൾ മേൽവി​ചാ​രകൻ അവയി​ലേക്കു ശ്രദ്ധ ക്ഷണിക്കു​ന്നതു വിദ്യാർഥി​ക്കു സഹായ​ക​മാ​യി​രി​ക്കും.

 ²⁹ നേരേ​മ​റിച്ച്‌, ബൈബി​ളിൽനി​ന്നു വായി​ക്കു​മ്പോൾ, വിദ്യാർഥി ഒന്നോ രണ്ടോ എബ്രാ​യ​പേ​രു​കൾ തെററാ​യി ഉച്ചരി​ക്കാ​നി​ട​യാ​യാൽ ഇതു മുന്തിയ ഒരു ബലഹീ​ന​ത​യാ​യി കരുത​പ്പെ​ടു​ക​യില്ല. എന്നിരു​ന്നാ​ലും, അയാൾ അനേകം പേരുകൾ തെററാ​യി ഉച്ചരി​ച്ചാൽ, ഇതു തയ്യാറാ​ക​ലി​ലെ കുറവി​ന്റെ തെളിവു നൽകും, ഗുണ​ദോ​ഷം കൊടു​ക്കേ​ണ്ട​താണ്‌. ശരിയായ ഉച്ചാരണം തിട്ട​പ്പെ​ടു​ത്താൻ പഠിക്കു​ന്ന​തി​നും അനന്തരം അതു ശീലി​ക്കു​ന്ന​തി​നും വിദ്യാർഥി​യെ സഹായി​ക്കണം.

³⁰ അതിശ​യോ​ക്തി​യാർന്ന ഉച്ചാര​ണ​ത്തെ​ക്കു​റി​ച്ചും അങ്ങനെ​തന്നെ. അത്‌ ഒരു നിരന്തര ശീലമാ​യ​തു​കൊ​ണ്ടു യഥാർഥ​ത്തിൽ പ്രസം​ഗ​ത്തി​ന്റെ വിലയി​ടി​ക്കു​ന്നു​വെ​ങ്കിൽ, വിദ്യാർഥി​ക്കു സഹായം കൊടു​ക്കണം. ശീഘ്രം സംസാ​രി​ക്കു​മ്പോൾ മിക്കയാ​ളു​ക​ളും ചുരു​ക്കം​ചില വാക്കുകൾ കൂട്ടി​ക്കു​ഴച്ചു പറയാൻ പ്രവണ​ത​കാ​ട്ടു​ന്നു​വെന്നു കുറി​ക്കൊ​ളേ​ള​ണ്ട​താണ്‌. ഇതു സംബന്ധി​ച്ചു ഗുണ​ദോ​ഷം കൊടു​ക്കേ​ണ്ട​തില്ല, എന്നാൽ അത്‌ ഒരു നിരന്തര ശീലമാ​ണെ​ങ്കിൽ, ഒരു വിദ്യാർഥി നിരന്തരം വാക്കുകൾ കൂട്ടി​ക്കു​ഴ​ക്കു​ക​യും അയാളു​ടെ സംസാരം മനസ്സി​ലാ​ക്കാൻ പ്രയാ​സ​മാ​യി​ത്തീ​രു​ക​യും ചെയ്യു​ന്നു​വെ​ങ്കിൽ അല്ലെങ്കിൽ അതു സന്ദേശ​ത്തി​ന്റെ വിലയി​ടി​ക്കു​ന്നു​വെ​ങ്കിൽ, അപ്പോൾ അയാൾക്കു സ്‌ഫു​ട​ത​സം​ബ​ന്ധി​ച്ചു കുറെ സഹായം കൊടു​ക്കു​ന്നതു ബുദ്ധി​പൂർവ​ക​മാണ്‌.

³¹ തീർച്ച​യാ​യും, ചില ഭാഷകൾക്കു വ്യത്യസ്‌ത സ്ഥലങ്ങളിൽ സ്വീകാ​ര്യ​മായ ഉച്ചാരണം വ്യത്യാ​സ​പ്പെ​ടാ​മെന്നു നിങ്ങളു​ടെ ഉപദേ​ശകൻ ഓർത്തി​രി​ക്കും. മിക്ക​പ്പോ​ഴും ഇംഗ്ലീഷ്‌ നിഘണ്ടു​ക്കൾ സ്വീകാ​ര്യ​മായ ഒന്നില​ധി​കം ഉച്ചാര​ണങ്ങൾ നൽകുന്നു. അതു​കൊണ്ട്‌ അങ്ങനെ​യു​ളള സന്ദർഭ​ങ്ങ​ളിൽ ഉച്ചാര​ണം​സം​ബ​ന്ധി​ച്ചു ഗുണ​ദോ​ഷം കൊടു​ക്കു​ന്ന​തിൽ അദ്ദേഹം ജാഗ്രത പുലർത്തും. അദ്ദേഹം അതു വ്യക്തി​പ​ര​മായ ഇഷ്ടത്തിന്റെ ഒരു സംഗതി​യാ​ക്കു​ക​യില്ല.

³² നിങ്ങൾക്ക്‌ ഉച്ചാര​ണം​സം​ബ​ന്ധിച്ച്‌ ഒരു പ്രശ്‌ന​മു​ണ്ടെ​ങ്കിൽ, മനസ്സു​വെ​ക്കു​ന്ന​പക്ഷം അതു തിരു​ത്തു​ന്നതു പ്രയാ​സ​മാ​ണെന്നു നിങ്ങൾ കണ്ടെത്തു​ക​യില്ല. പരിച​യ​സ​മ്പ​ന്ന​രായ പ്രസം​ഗ​കർപോ​ലും ഒരു വായനാ​നി​യ​മനം ലഭിക്കു​മ്പോൾ, തങ്ങൾക്കു സുപരി​ചി​ത​മ​ല്ലാത്ത വാക്കുകൾ നിഘണ്ടു എടുത്തു​നോ​ക്കു​ന്നു. അവർ കേവലം പരീക്ഷണം നടത്തു​ന്നില്ല. അതു​കൊണ്ട്‌, നിഘണ്ടു ഉപയോ​ഗി​ക്കുക.

³³ ഉച്ചാരണം മെച്ച​പ്പെ​ടു​ത്താൻ കഴിയുന്ന മറെറാ​രു മാർഗം മറെറാ​രാ​ളെ, വാക്കുകൾ ശരിയാ​യി ഉച്ചരി​ക്കുന്ന ആരെ​യെ​ങ്കി​ലും, വായി​ച്ചു​കേൾപ്പി​ക്കു​ന്ന​തും നിങ്ങൾ തെററി​ക്കുന്ന ഓരോ പ്രാവ​ശ്യ​വും നിർത്തി നിങ്ങളെ തിരു​ത്താൻ അയാ​ളോട്‌ ആവശ്യ​പ്പെ​ടു​ന്ന​തു​മാണ്‌.

³⁴ മൂന്നാ​മത്തെ ഒരു രീതി നല്ല പ്രസം​ഗ​കരെ അവധാ​ന​പൂർവം ശ്രദ്ധി​ക്കു​ന്ന​താണ്‌. ശ്രദ്ധി​ക്കു​മ്പോൾ ചിന്തി​ക്കുക; നിങ്ങൾ ഉച്ചരി​ക്കു​ന്ന​തിൽനി​ന്നു വ്യത്യ​സ്‌ത​മാ​യി അവർ ഉച്ചരി​ക്കുന്ന വാക്കുകൾ കുറി​ക്കൊ​ള​ളുക. അവ എഴുതി​യി​ടുക; അവ നിഘണ്ടു​വിൽ നോക്കു​ക​യും ശീലി​ക്കു​ക​യും ചെയ്യുക. പെട്ടെന്നു നിങ്ങളും ശരിയാ​യി ഉച്ചരി​ക്കും. ഒഴുക്കു​ളള സംഭാ​ഷ​ണ​പ​ര​മായ പ്രസം​ഗാ​വ​ത​ര​ണ​വും അതോ​ടൊ​പ്പം ശരിയായ ഉച്ചാര​ണ​വും നിങ്ങളു​ടെ പ്രസം​ഗ​ത്തി​ന്റെ ഗുണം അതിയാ​യി വർധി​പ്പി​ക്കും.

 [അധ്യയന ചോദ്യ​ങ്ങൾ]