ഭാഗം 5

ഇച്ഛാസ്വാ​ത​ന്ത്ര്യം എന്ന അത്ഭുത​സ​മ്മാ​നം

1, 2. ഏത്‌ അത്ഭുത​ക​ര​മായ സമ്മാനം നമ്മുടെ ഘടനയു​ടെ ഭാഗമാണ്‌?

 ദൈവം കഷ്ടപ്പാട്‌ അനുവ​ദി​ച്ചി​രി​ക്കു​ന്ന​തെ​ന്തു​കൊ​ണ്ടെ​ന്നും അതു സംബന്ധിച്ച്‌ എന്തു ചെയ്യു​മെ​ന്നും ഗ്രഹി​ക്കു​ന്ന​തിന്‌ അവിടുന്ന്‌ നമ്മെ എങ്ങനെ നിർമ്മി​ച്ചു​വെന്നു നാം വിലമ​തി​ക്കേണ്ട ആവശ്യ​മുണ്ട്‌. അവിടുന്ന്‌ ഒരു ശരീര​വും തലച്ചോ​റും മാത്രം തന്നു നമ്മെ സൃഷ്ടി​ക്കു​ന്ന​തി​ല​ധി​കം ചെയ്‌തു. അവിടുന്ന്‌ നമ്മെ മാനസി​ക​വും വൈകാ​രി​ക​വു​മായ പ്രത്യേക ഗുണങ്ങ​ളോ​ടെ​യും സൃഷ്ടിച്ചു.

² നമ്മുടെ മാനസി​ക​വും വൈകാ​രി​ക​വു​മായ ഘടനയു​ടെ ഒരു മുഖ്യ​ഭാ​ഗം ഇച്ഛാസ്വാ​ത​ന്ത്ര്യം ആണ്‌. അതേ, ദൈവം സ്വത​ന്ത്ര​തി​ര​ഞ്ഞെ​ടു​പ്പി​ന്റെ പ്രാപ്‌തി നമുക്കു നൽകി. അതു വാസ്‌ത​വ​ത്തിൽ അവിടത്തെ ഒരു അത്ഭുത​സ​മ്മാ​നം ആയിരു​ന്നു.

നാം നിർമ്മി​ക്ക​പ്പെട്ട വിധം

3-5. നാം ഇച്ഛാസ്വാ​ത​ന്ത്ര്യ​ത്തെ വിലമ​തി​ക്കു​ന്ന​തെ​ന്തു​കൊണ്ട്‌?

³ കഷ്ടപ്പാ​ടി​നു​ളള ദൈവ​ത്തി​ന്റെ അനുവാ​ദ​ത്തിൽ ഇച്ഛാസ്വാ​ത​ന്ത്ര്യം എങ്ങനെ ഉൾപ്പെ​ട്ടി​രി​ക്കു​ന്നു​വെന്നു നമുക്കു പരിചി​ന്തി​ക്കാം. ഒന്നാമ​താ​യി, ഇതു ചിന്തി​ക്കുക: നിങ്ങൾ എന്തു പറയും എന്തു ചെയ്യും, നിങ്ങൾ എന്തു തിന്നും എന്തുടു​ക്കും, നിങ്ങൾ ഏതുതരം ജോലി ചെയ്യും, നിങ്ങൾ എവിടെ, എങ്ങനെ ജീവി​ക്കും എന്നിവ തിര​ഞ്ഞെ​ടു​ക്കാ​നു​ളള സ്വാത​ന്ത്ര്യം ഉണ്ടായി​രി​ക്കു​ന്ന​തി​നെ നിങ്ങൾ വിലമ​തി​ക്കു​ന്നു​വോ? അല്ലെങ്കിൽ നിങ്ങളു​ടെ ജീവി​ത​ത്തി​ന്റെ ഓരോ നിമി​ഷ​ത്തി​ലെ​യും ഓരോ വാക്കും പ്രവർത്ത​ന​വും ആരെങ്കി​ലും നിങ്ങ​ളോട്‌ ആജ്ഞാപി​ക്കാൻ നിങ്ങൾ ആഗ്രഹി​ക്കു​മോ?

⁴ സാമാ​ന്യ​വി​വ​ര​മു​ളള ഒരാളും തന്റെ ജീവിതം പൂർണ്ണ​മാ​യി തന്റെ നിയ​ന്ത്ര​ണ​ത്തിൽനി​ന്നു വിട്ടു​പോ​കാൻ ആഗ്രഹി​ക്കു​ന്നില്ല. എന്തു​കൊ​ണ്ടില്ല? ദൈവം നമ്മെ നിർമ്മിച്ച വിധം നിമി​ത്തം​തന്നെ. ദൈവം മനുഷ്യ​നെ തന്റെ ‘പ്രതി​ച്ഛാ​യ​യി​ലും സാദൃ​ശ്യ​ത്തി​ലും’ സൃഷ്ടി​ച്ചു​വെന്നു ബൈബിൾ നമ്മോടു പറയുന്നു. ദൈവ​ത്തി​നു​ത​ന്നെ​യു​ളള പ്രാപ്‌തി​ക​ളിൽ ഒന്ന്‌ തെര​ഞ്ഞെ​ടു​പ്പിൻ സ്വാത​ന്ത്ര്യ​മാണ്‌. (ഉൽപത്തി 1:26; ആവർത്തനം 7:6) അവിടുന്ന്‌ മനുഷ്യ​രെ സൃഷ്ടി​ച്ച​പ്പോൾ അവർക്ക്‌ അത്ഭുത​ക​ര​മായ അതേ പ്രാപ്‌തി കൊടു​ത്തു—ഇച്ഛാസ്വാ​ത​ന്ത്ര്യ​മെന്ന സമ്മാനം. മർദ്ദക​രായ ഭരണാ​ധി​കാ​രി​ക​ളാൽ അടിമ​ക​ളാ​ക്ക​പ്പെ​ടു​ന്നതു നിരാ​ശാ​ജ​ന​ക​മാ​യി നാം കണ്ടെത്തു​ന്ന​തി​ന്റെ ഒരു കാരണം അതാണ്‌.

⁵ അതു​കൊണ്ട്‌ സ്വാത​ന്ത്ര്യ​ത്തി​നു​ളള വാഞ്‌ഛ യാദൃ​ച്ഛി​കമല്ല, കാരണം ദൈവം സ്വാത​ന്ത്ര്യ​ത്തി​ന്റെ ദൈവ​മാ​കു​ന്നു. ബൈബിൾ ഇപ്രകാ​രം പറയുന്നു: “കർത്താ​വി​ന്റെ [യഹോവയുടെ, NW] ആത്മാവു​ളേ​ള​ടത്തു സ്വാത​ന്ത്ര്യം ഉണ്ട്‌.” (2 കൊരി​ന്ത്യർ 3:17) അതു​കൊണ്ട്‌, ദൈവം നമ്മുടെ ഘടനയു​ടെ​തന്നെ ഒരു ഭാഗമാ​യി  നമുക്ക്‌ ഇച്ഛാസ്വാ​ത​ന്ത്ര്യം നൽകി. നമ്മുടെ മനസ്സു​ക​ളും വികാ​ര​ങ്ങ​ളും എങ്ങനെ പ്രവർത്തി​ക്കു​മെന്ന്‌ അവിടുന്ന്‌ അറിഞ്ഞ​തു​കൊണ്ട്‌ ഇച്ഛാസ്വാ​ത​ന്ത്ര്യം ഉണ്ടെങ്കിൽ നാം അത്യന്തം സന്തുഷ്ട​രാ​യി​രി​ക്കു​മെന്ന്‌ അവിട​ത്തേക്ക്‌ അറിയാ​മാ​യി​രു​ന്നു.

6. ഇച്ഛാസ്വാ​ത​ന്ത്ര്യ​ത്തോ​ടു യോജി​പ്പിൽ പ്രവർത്തി​ക്കു​ന്ന​തി​നു ദൈവം നമ്മുടെ തലച്ചോ​റു നിർമ്മി​ച്ച​തെ​ങ്ങനെ?

⁶ ഇച്ഛാസ്വാ​ത​ന്ത്ര്യ​ത്തോ​ടൊ​പ്പം ചിന്തി​ക്കാ​നും കാര്യാ​ദി​കൾ തൂക്കി​നോ​ക്കാ​നും തീരു​മാ​ന​മെ​ടു​ക്കാ​നും ശരിയും തെററും അറിയാ​നും ഉളള കഴിവു ദൈവം നമുക്കു നൽകി. (എബ്രായർ 5:14) അങ്ങനെ, ഇച്ഛാസ്വാ​ത​ന്ത്ര്യം ബദ്ധിപൂർവ്വ​ക​മായ തെര​ഞ്ഞെ​ടു​പ്പി​ന്റെ അടിസ്ഥാ​ന​ത്തിൽ ആയിരി​ക്കേ​ണ്ടി​യി​രു​ന്നു. നാം നിർമ്മി​ക്ക​പ്പെ​ട്ടതു സ്വന്തമായ ഇഷ്ടമി​ല്ലാത്ത, മനസ്സി​ല്ലാത്ത യന്ത്രമ​നു​ഷ്യ​രെ​പ്പോ​ലെ ആയിരു​ന്നില്ല. മൃഗങ്ങ​ളെ​പ്പോ​ലെ സഹജ ജ്ഞാനത്തിൽനി​ന്നു പ്രവർത്തി​ക്കാ​നു​മാ​യി​രു​ന്നില്ല നാം സൃഷ്ടി​ക്ക​പ്പെ​ട്ടത്‌. പകരം അത്ഭുത​ക​ര​മായ നമ്മുടെ തലച്ചോറ്‌ നമ്മുടെ തിര​ഞ്ഞെ​ടു​പ്പിൻ സ്വാത​ന്ത്ര്യ​ത്തി​നു ചേർച്ച​യിൽ പ്രവർത്തി​ക്കാൻ രൂപക​ല്‌പന ചെയ്യ​പ്പെട്ടു.

ഏററവും നല്ല തുടക്കം

7, 8. ദൈവം നമ്മുടെ ആദ്യമാ​താ​പി​താ​ക്കൾക്ക്‌ ഏതു നല്ല തുടക്കം നൽകി?

⁷ ദൈവം എത്ര കരുത​ലു​ള​ള​വ​നാ​ണെന്നു പ്രകട​മാ​ക്കു​ന്ന​തിന്‌, നമ്മുടെ ആദ്യമാ​താ​പി​താ​ക്ക​ളായ ആദാമി​നും ഹവ്വക്കും ഇച്ഛാസ്വാ​ത​ന്ത്ര്യ​ത്തി​ന്റെ സമ്മാന​ത്തോ​ടൊ​പ്പം ഒരുവൻ ന്യായ​മാ​യി ആഗ്രഹി​ച്ചേ​ക്കാ​വുന്ന സകലതും നൽകു​ക​യു​ണ്ടാ​യി. അവരെ വിശാ​ല​മായ ഒരു ഉദ്യാ​ന​തു​ല്യ പറുദീ​സ​യിൽ ആക്കി. അവർക്കു ഭൗതി​ക​സ​മൃ​ദ്ധി​യു​ണ്ടാ​യി​രു​ന്നു. വാർദ്ധ​ക്യം ചെല്ലു​ക​യോ രോഗം ബാധി​ക്കു​ക​യോ മരിക്കു​ക​യോ ചെയ്യേ​ണ്ട​തി​ല്ലാ​ത്ത​വണ്ണം, അവർക്കു പൂർണ്ണ​ത​യു​ളള മനസ്സു​ക​ളും ശരീര​ങ്ങ​ളും ഉണ്ടായി​രു​ന്നു—അവർക്ക്‌ എന്നേക്കും ജീവി​ച്ചി​രി​ക്കാൻ കഴിയു​മാ​യി​രു​ന്നു. അവർക്കു പൂർണ്ണ​ത​യു​ളള മക്കൾ ഉണ്ടാകു​മാ​യി​രു​ന്നു, അവർക്കും സന്തോ​ഷ​ക​ര​മായ നിത്യ​ഭാ​വി ഉണ്ടായി​രി​ക്കാൻ കഴിയു​മാ​യി​രു​ന്നു. വർദ്ധി​ച്ചു​വ​രുന്ന ജനതതിക്ക്‌ ഒടുവിൽ മുഴു​ഭൂ​മി​യെ​യും ഒരു പറുദീ​സ​യാ​ക്കി​ത്തീർക്കുക എന്ന സംതൃ​പ്‌തി​ക​ര​മായ വേല ഉണ്ടായി​രി​ക്കു​മാ​യി​രു​ന്നു.—ഉൽപത്തി 1:26-30; 2:15.

⁸ നൽക​പ്പെ​ട്ട​തി​നെ​ക്കു​റിച്ച്‌ ബൈബിൾ ഇപ്രകാ​രം പറയുന്നു: “താൻ ഉണ്ടാക്കി​യ​തെ​ല്ലാം ദൈവം നോക്കി, നോക്കൂ! അതു വളരെ നല്ലതാ​യി​രു​ന്നു.” (ഉൽപത്തി 1:31, NW) ബൈബിൾ ദൈവ​ത്തെ​ക്കു​റി​ച്ചും പറയുന്നു: “അവന്റെ പ്രവൃത്തി പൂർണ്ണം ആകുന്നു.” (ആവർത്തനം 32:4, NW) അതേ, സ്രഷ്ടാവ്‌ മനുഷ്യ​കു​ടും​ബ​ത്തി​നു പൂർണ്ണ​ത​യു​ളള ഒരു തുടക്കം നൽകി. അതിന്‌ അതിലും മെച്ചമാ​യി​രി​ക്കാൻ കഴിയി​ല്ലാ​യി​രു​ന്നു. അവിടുന്ന്‌ എത്ര കരുത​ലു​ളള ഒരു ദൈവ​മാ​ണെന്നു തെളിഞ്ഞു!

അതിരു​കൾക്കു​ള​ളി​ലെ സ്വാത​ന്ത്ര്യം

9, 10. ഇച്ഛാസ്വാ​ത​ന്ത്ര്യം ഉചിത​മാ​യി നിയ​ന്ത്രി​ക്ക​പ്പെ​ടേ​ണ്ടത്‌ എന്തു​കൊണ്ട്‌?

⁹ എന്നിരു​ന്നാ​ലും, ഇച്ഛാസ്വാ​ത​ന്ത്ര്യം അതിരി​ല്ലാ​ത്ത​താ​യി​രി​ക്കാൻ ദൈവം ഉദ്ദേശി​ച്ചോ? ഗതാഗത നിയമങ്ങൾ ഒന്നുമി​ല്ലാത്ത, ആർക്കും ഏതു ദിശയി​ലും ഏതു വേഗത​യി​ലും വാഹന​മോ​ടി​ക്കാൻ കഴിയുന്ന, ഒരു തിരക്കു​പി​ടിച്ച നഗരം ഒന്നു ഭാവന​യിൽ കാണുക. ആ അവസ്ഥക​ളിൽ വാഹന​മോ​ടി​ക്കാൻ നിങ്ങൾ ഇഷ്ടപ്പെ​ടു​മോ? ഇല്ല, അതു ഗതാഗത അരാജ​ക​ത്വം ആയിരി​ക്കും, തീർച്ച​യാ​യും പല അപകട​ങ്ങ​ളിൽ കലാശി​ക്കു​ക​യും ചെയ്യും.

¹⁰ ഇച്ഛാസ്വാ​ത​ന്ത്ര്യ​മെന്ന ദിവ്യ​സ​മ്മാ​ന​ത്തി​ന്റെ കാര്യ​ത്തി​ലും അതുത​ന്നെ​യാണ്‌ അവസ്ഥ. അതിരി​ല്ലാത്ത സ്വാത​ന്ത്ര്യം സമൂഹ​ത്തിൽ അരാജ​ക​ത്വ​ത്തെ അർത്ഥമാ​ക്കും. മനുഷ്യ പ്രവർത്ത​ന​ങ്ങളെ നയിക്കു​ന്ന​തി​നു നിയമങ്ങൾ ഉണ്ടായി​രി​ക്കേ​ണ്ട​തുണ്ട്‌. ദൈവ​ത്തി​ന്റെ വചനം പറയുന്നു: “സ്വത​ന്ത്ര​മ​നു​ഷ്യ​രെ​പ്പോ​ലെ പെരു​മാ​റുക, നിങ്ങളു​ടെ സ്വാത​ന്ത്ര്യം ഒരിക്ക​ലും ദുഷ്ടതക്ക്‌ ഒരു ഒഴിക​ഴി​വാ​യി ഉപയോ​ഗി​ക്ക​രുത്‌.” (1 പത്രോസ്‌ 2:16, JB) ഇച്ഛാസ്വാ​ത​ന്ത്ര്യം പൊതു​നൻമ​ക്കു​വേണ്ടി നിയ​ന്ത്രി​ക്കു​ന്ന​തി​നു ദൈവം ആഗ്രഹി​ക്കു​ന്നു. നമുക്കു സമ്പൂർണ്ണ സ്വാത​ന്ത്ര്യ​മല്ല, പിന്നെ​യോ നിയമ​വാ​ഴ്‌ച്ചക്കു വിധേ​യ​മാ​യി ആപേക്ഷിക സ്വാത​ന്ത്ര്യം ഉണ്ടായി​രി​ക്കാൻ അവിടുന്ന്‌ ഉദ്ദേശി​ച്ചു.

ആരുടെ നിയമങ്ങൾ?

11. നാം ആരുടെ നിയമങ്ങൾ അനുസ​രി​ക്കാൻ ഉദ്ദേശി​ക്ക​പ്പെ​ട്ടി​രി​ക്കു​ന്നു?

¹¹ നാം ആരുടെ നിയമങ്ങൾ അനുസ​രി​ക്കാൻ ഉദ്ദേശി​ക്ക​പ്പെട്ടു? ഒന്നു പത്രൊസ്‌ 2:16-ലെ (JB) വാക്യ​ത്തി​ന്റെ മറെറാ​രു ഭാഗം ഇപ്രകാ​രം പറയുന്നു: “നിങ്ങൾ  ദൈവ​ത്തി​ന​ല്ലാ​തെ ആർക്കും അടിമ​കളല്ല.” ഇതു നിഷ്‌ഠൂര അടിമ​ത്തത്തെ അർത്ഥമാ​ക്കു​ന്നില്ല, പിന്നെ​യോ നാം ദൈവ​നി​യ​മ​ങ്ങൾക്കു വിധേ​യ​രാ​യി​രി​ക്കു​മ്പോൾ അത്യന്തം സന്തുഷ്ട​രാ​യി​രി​ക്കാൻ നാം രൂപകൽപന ചെയ്യ​പ്പെ​ട്ടു​വെന്ന്‌ അതർത്ഥ​മാ​ക്കു​ന്നു. (മത്തായി 22:35-40) അവിടത്തെ നിയമങ്ങൾ, മനുഷ്യർ ഉണ്ടാക്കി​യി​ട്ടു​ളള ഏതു നിയമ​ങ്ങ​ളേ​ക്കാ​ളു​മു​പരി, ഏററവും നല്ല മാർഗ്ഗ​നിർദ്ദേശം പ്രദാനം ചെയ്യുന്നു. “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്കു​ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.”—യെശയ്യാ​വു 48:17.

12. ദൈവ​നി​യ​മ​ങ്ങൾക്കു​ള​ളിൽ നമുക്ക്‌ ഏതു തിര​ഞ്ഞെ​ടു​പ്പിൻ സ്വാത​ന്ത്ര്യം ഉണ്ട്‌?

¹² അതേസ​മയം, ദൈവ​നി​യ​മങ്ങൾ അവയുടെ അതിരു​കൾക്കു​ള​ളിൽ വലിയ തിര​ഞ്ഞെ​ടു​പ്പിൻസ്വാ​ത​ന്ത്ര്യം അനുവ​ദി​ക്കു​ന്നു. അതു വൈവി​ധ്യ​ത്തിൽ കലാശി​ക്കു​ക​യും മനുഷ്യ​കു​ടും​ബത്തെ ചേതോ​ഹ​ര​മാ​ക്കു​ക​യും ചെയ്യുന്നു. ലോക​ത്തെ​മ്പാ​ടു​മു​ളള വിവി​ധ​തരം ഭക്ഷണസാ​ധ​നങ്ങൾ, വസ്‌ത്രങ്ങൾ, സംഗീതം, കല, ഭവനങ്ങൾ, എന്നിവ​യെ​ക്കു​റി​ച്ചു ചിന്തി​ക്കുക. മററാ​രെ​ങ്കി​ലും നമുക്കു​വേണ്ടി തീരു​മാ​ന​മെ​ടു​ക്കു​ന്ന​തി​നു​പ​കരം അത്തരം കാര്യ​ങ്ങളൾ നമ്മുടെ താത്‌പ​ര്യ​മ​നു​സ​രി​ച്ചു തിര​ഞ്ഞെ​ടു​ക്കാൻ നാം തീർച്ച​യാ​യും ഇഷ്ടപ്പെ​ടു​ന്നു.

13. നമ്മു​ടെ​തന്നെ നൻമക്കാ​യി നാം ഏതു ഭൗതി​ക​നി​യ​മങ്ങൾ അനുസ​രി​ക്കണം?

¹³ അങ്ങനെ മനുഷ്യ​പെ​രു​മാ​റ​റത്തെ ഭരിക്കുന്ന ദൈവ​നി​യ​മ​ങ്ങൾക്കു വിധേ​യ​രാ​യി​രി​ക്കു​മ്പോൾ അത്യന്തം സന്തുഷ്ട​രാ​യി​രി​ക്കാൻ നാം സൃഷ്ടി​ക്ക​പ്പെ​ട്ടി​രി​ക്കു​ന്നു. അതു ദൈവ​ത്തി​ന്റെ ഭൗതി​ക​നി​യ​മ​ങ്ങൾക്കു കീഴ്‌പ്പെ​ട്ടി​രി​ക്കു​ന്ന​തു​പോ​ലെ​യാണ്‌. ഉദാഹ​ര​ണ​ത്തിന്‌, നാം ഗുരു​ത്വാ​കർഷ​ണ​നി​യ​മത്തെ അവഗണി​ക്കു​ക​യും ഒരു ഉയർന്ന സ്ഥാനത്തു​നി​ന്നു താഴേ​ക്കു​ചാ​ടു​ക​യും ചെയ്‌താൽ നമുക്കു ക്ഷതമേൽക്കും അല്ലെങ്കിൽ മരണം ഭവിക്കും. നാം നമ്മുടെ ശരീര​ത്തി​ന്റെ ആന്തരി​ക​നി​യ​മങ്ങൾ അവഗണി​ക്കു​ക​യും ആഹാരം കഴിക്കു​ന്ന​തും വെളളം കുടി​ക്കു​ന്ന​തും വായു ശ്വസി​ക്കു​ന്ന​തും നിർത്തു​ക​യും ചെയ്‌താൽ നാം മരിച്ചു​പോ​കും.

14. മനുഷ്യർ ദൈവ​ത്തിൽനി​ന്നു സ്വത​ന്ത്ര​രാ​യി​രി​ക്കാൻ സൃഷ്ടി​ക്ക​പ്പെ​ട്ട​വ​ര​ല്ലെന്നു നാം എങ്ങനെ അറിയു​ന്നു?

¹⁴ നാം ദൈവ​ത്തി​ന്റെ ഭൗതി​ക​നി​യ​മ​ങ്ങൾക്കു കീഴ്‌പ്പെ​ടേ​ണ്ട​തി​ന്റെ ആവശ്യ​ത്തോ​ടെ സൃഷ്ടി​ക്ക​പ്പെ​ട്ടി​രി​ക്കു​ന്ന​തു​പോ​ലെ​തന്നെ, ദൈവ​ത്തി​ന്റെ ധാർമ്മി​ക​വും സാമൂ​ഹി​ക​വു​മായ നിയമ​ങ്ങൾക്കും കീഴ്‌പ്പെ​ട്ടി​രി​ക്കേ​ണ്ട​തി​ന്റെ ആവശ്യ​ത്തോ​ടെ സൃഷ്ടി​ക്ക​പ്പെട്ടു. (മത്തായി 4:4) മനുഷ്യർ അവരുടെ സ്രഷ്ടാ​വിൽനി​ന്നു സ്വത​ന്ത്ര​രാ​യി​രു​ന്നു​കൊ​ണ്ടു വിജയം​വ​രി​ക്കാൻ സൃഷ്ടി​ക്ക​പ്പെ​ട്ട​വരല്ല. പ്രവാ​ച​ക​നായ യിരെ​മ്യാ​വു പറയുന്നു: “തന്റെ കാലടി​യെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള​ളതല്ല. യഹോവേ, എന്നെ തിരു​ത്തേ​ണമേ.” (യിരെ​മ്യാവ്‌ 10:23, 24, NW) അതു​കൊണ്ട്‌, ഏല്ലാവി​ധ​ത്തി​ലും മനുഷ്യർ ദൈവ​ത്തി​ന്റെ ഭരണാ​ധി​പ​ത്യ​ത്തി​നു കീഴിൽ ജീവി​ക്കാൻ സൃഷ്ടി​ക്ക​പ്പെ​ട്ടി​രി​ക്കു​ന്നു, തങ്ങളുടെ സ്വന്തമല്ല.

15. ദൈവ​നി​യ​മങ്ങൾ ആദാമി​നും ഹവ്വക്കും ഒരു ഭാരമാ​യി​രി​ക്കു​മാ​യി​രു​ന്നോ?

¹⁵ ദൈവ​നി​യ​മ​ങ്ങ​ളോ​ടു​ളള അനുസ​രണം നമ്മുടെ ആദ്യമാ​താ​പി​താ​ക്കൾക്കു ഭാരം ആയിരി​ക്കു​മാ​യി​രു​ന്നില്ല. പകരം, അത്‌ അവരു​ടെ​യും മുഴു​മ​നു​ഷ്യ​കു​ടും​ബ​ത്തി​ന്റെ​യും ക്ഷേമത്തിൽ കലാശി​ക്കു​മാ​യി​രു​ന്നു. ആദ്യ ജോടി ദൈവ​നി​യ​മ​ങ്ങ​ളു​ടെ പരിമി​തി​കൾക്കു​ള​ളിൽ നിലനി​ന്നി​രു​ന്നെ​ങ്കിൽ എല്ലാവർക്കും ക്ഷേമം ആയിരി​ക്കു​മാ​യി​രു​ന്നു. വാസ്‌ത​വ​ത്തിൽ, നാം ഇന്നു സ്‌നേ​ഹ​മു​ളള ഒരു ഏകീകൃ​ത​കു​ടും​ബ​മെ​ന്ന​നി​ല​യിൽ ഉല്ലാസ​ത്തി​ന്റെ അത്ഭുത​ക​ര​മായ ഒരു പറുദീ​സ​യിൽ ജീവി​ക്കു​മാ​യി​രു​ന്നു! ദുഷ്ടത​യും കഷ്ടപ്പാ​ടും മരണവും ഉണ്ടായി​രി​ക്കു​മാ​യി​രു​ന്നില്ല.

[അധ്യയന ചോദ്യ​ങ്ങൾ]

[11-ാം പേജിലെ ചിത്രം]

സ്രഷ്ടാവ്‌ ഒരു പൂർണ്ണ​ത​യു​ളള തുടക്കം മനുഷ്യർക്കു നൽകി

[12-ാം പേജിലെ ചിത്രം]

ഗതാഗതനിയമങ്ങൾ ഇല്ലെങ്കിൽ തിരക്കു​ളള ഒരു പാതയിൽ വാഹന​മോ​ടി​ക്കാൻ നിങ്ങൾ ആഗ്രഹി​ക്കു​മോ?