ഭാഗം 8

ദൈ​വോ​ദ്ദേ​ശ്യം നിവൃ​ത്തി​യി​ലേക്കു നീങ്ങുന്നു

1, 2. കഷ്ടപ്പാട്‌ അവസാ​നി​പ്പി​ക്കാൻ ദൈവം കരുതൽ ചെയ്‌തു​കൊ​ണ്ടി​രു​ന്ന​തെ​ങ്ങനെ?

 മത്സരി​ക​ളായ മനുഷ്യ​രു​ടെ​യും ഭൂതങ്ങ​ളു​ടെ​യും ഭരണം അനേക​നൂ​റ​റാ​ണ്ടു​ക​ളാ​യി മനുഷ്യ​കു​ടും​ബത്തെ അധോ​ഗ​തി​യി​ലേക്കു വലിച്ചി​ഴ​ക്കു​ക​യാ​യി​രു​ന്നു. എങ്കിലും, ദൈവം നമ്മുടെ കഷ്ടപ്പാ​ടു​കൾ അവഗണി​ച്ചു​ക​ള​ഞ്ഞി​ട്ടില്ല. പകരം, ഈ നൂററാ​ണ്ടു​ക​ളി​ലെ​ല്ലാം ദുഷ്ടത​യു​ടെ​യും കഷ്ടപ്പാ​ടി​ന്റെ​യും പിടി​യിൽനി​ന്നു മനുഷ്യ​രെ മോചി​പ്പി​ക്കു​ന്ന​തിന്‌ അവിടുന്ന്‌ കരുതൽ ചെയ്‌തു​കൊ​ണ്ടാ​ണി​രു​ന്നി​ട്ടു​ള​ളത്‌.

² ഏദെനി​ലെ മത്സരത്തി​ന്റെ സമയത്ത്‌, ദൈവം ഈ ഭൂമിയെ ആളുകൾക്കു​വേണ്ടി ഒരു പറുദീ​സാ​ഭ​വനം ആക്കിത്തീർക്കുന്ന ഒരു ഗവൺമെൻറ്‌ രൂപീ​ക​രി​ക്കാ​നു​ളള തന്റെ ഉദ്ദേശ്യം വെളി​പ്പെ​ടു​ത്താൻ തുടങ്ങി. (ഉൽപത്തി 3:15) പിൽക്കാ​ലത്ത്‌, ദൈവ​ത്തി​ന്റെ മുഖ്യ​വ​ക്താ​വെന്ന നിലയിൽ യേശു വരാൻപോ​കുന്ന ദൈവ​ത്തി​ന്റെ ഈ ഗവൺമെൻറി​നെ തന്റെ പഠിപ്പി​ക്ക​ലി​ന്റെ വിഷയ​മാ​ക്കി​ത്തീർത്തു. മനുഷ്യ​വർഗ്ഗ​ത്തി​ന്റെ ഏകപ്ര​ത്യാ​ശ അതായി​രി​ക്കു​മെന്ന്‌ അവിടുന്ന്‌ പറഞ്ഞു.—ദാനീ​യേൽ 2:44; മത്തായി 6:9, 10; 12:21.

3. ഭൂമി​ക്കു​വേണ്ടി വരാൻപോ​കുന്ന ഗവൺമെൻറി​നെ യേശു എന്തു വിളിച്ചു, എന്തു​കൊണ്ട്‌?

³ യേശു വരാൻപോ​കുന്ന ദൈവ​ത്തി​ന്റെ ആ ഗവൺമെൻറി​നെ, അതു സ്വർഗ്ഗ​ത്തിൽനി​ന്നു ഭരി​ക്കേ​ണ്ടി​യി​രു​ന്ന​തു​കൊണ്ട്‌, “സ്വർഗ്ഗ​രാ​ജ്യം” എന്നു വിളിച്ചു. (മത്തായി 4:17) അതിന്റെ നാഥൻ ദൈവ​മാ​യി​രി​ക്കു​മെ​ന്ന​തു​കൊണ്ട്‌ അവിടുന്ന്‌ അതിനെ “ദൈവ​രാ​ജ്യം” എന്നും വിളിച്ചു. (ലൂക്കൊസ്‌ 17:20) ആ ഗവൺമെൻറി​ന്റെ ഭാഗമാ​യി​ത്തീ​രാ​നു​ള​ള​വ​രെ​ക്കുറി​ച്ചും അത്‌ എന്തു സാധി​ക്കും എന്നതി​നെ​ക്കു​റി​ച്ചും പ്രവച​നങ്ങൾ എഴുതാൻ ദൈവം തന്റെ എഴുത്തു​കാ​രെ ഈ നൂററാ​ണ്ടു​ക​ളി​ലെ​ല്ലാം നിശ്വ​സ്‌ത​രാ​ക്കി.

ഭൂമി​യു​ടെ പുതിയ രാജാവ്‌

4, 5. തന്റെ അംഗീ​കൃത രാജാവ്‌ യേശു​വാ​ണെന്നു ദൈവം എങ്ങനെ പ്രകട​മാ​ക്കി?

⁴ ഏതാണ്ട്‌ രണ്ടായി​രം വർഷങ്ങൾക്കു​മുമ്പ്‌, ദൈവ​രാ​ജ്യ​ത്തി​ന്റെ രാജാ​വാ​യി​ത്തീ​രാ​നു​ള​ള​വ​നെ​ക്കു​റി​ച്ചു​ളള പല പ്രവച​ന​ങ്ങ​ളും നിറ​വേ​റ​റി​യത്‌ യേശു ആയിരു​ന്നു. തന്നെയാ​ണു മനുഷ്യ​വർഗ്ഗ​ത്തിൻമേ​ലു​ളള ആ സ്വർഗ്ഗീയ ഗവൺമെൻറി​ന്റെ ഭരണാ​ധി​കാ​രി​യാ​യി​രി​ക്കാൻ ദൈവം തിര​ഞ്ഞെ​ടു​ത്തി​രി​ക്കു​ന്നത്‌ എന്ന്‌ അവിടുന്ന്‌ തെളി​യി​ച്ചു. യേശു​വി​ന്റെ മരണ​ശേഷം, ദൈവം അവിടത്തെ ശക്തനായ ഒരു അമർത്ത്യ ആത്മജീ​വി​യെന്ന നിലയിൽ സ്വർഗ്ഗീയ ജീവി​ത​ത്തി​ലേക്കു പുനരു​ത്ഥാ​ന​പ്പെ​ടു​ത്തി. അവിടത്തെ പുനരു​ത്ഥാ​ന​ത്തിന്‌ അനേകം ദൃക്‌സാ​ക്ഷി​കൾ ഉണ്ടായി​രു​ന്നു.—പ്രവൃ​ത്തി​കൾ 4:10; 9:1-9; റോമർ 1:1-4; 1 കൊരി​ന്ത്യർ 15:3-8.

⁵ അനന്തരം യേശു “ദൈവ​ത്തി​ന്റെ വലത്തു​ഭാ​ഗത്ത്‌ ഇരുന്നു.” (എബ്രായർ 10:12) ദൈവ​ത്തി​ന്റെ സ്വർഗ്ഗീ​യ​രാ​ജ്യ​ത്തി​ന്റെ രാജാ​വെ​ന്ന​നി​ല​യിൽ നടപടി സ്വീക​രി​ക്കാൻ ദൈവം തന്നെ അധികാ​ര​പ്പെ​ടു​ത്തുന്ന സമയത്തി​നാ​യി അവിടുന്ന്‌ അവിടെ കാത്തി​രു​ന്നു. ഇതു സങ്കീർത്തനം 110:1-ലെ പ്രവചനം നിവർത്തി​ച്ചു, അവിടെ ദൈവം അവിട​ത്തെ​ക്കു​റി​ച്ചു പറയുന്നു: “ഞാൻ നിന്റെ ശത്രു​ക്കളെ നിന്റെ പാദപീ​ഠ​മാ​ക്കു​വോ​ളം നീ എന്റെ വലത്തു​ഭാ​ഗ​ത്തി​രിക്ക.”

6. താൻ ദൈവ​രാ​ജ്യ​ത്തി​ന്റെ രാജാ​വാ​യി​രി​ക്കാൻ യോഗ്യ​നാ​ണെന്ന്‌ യേശു എങ്ങനെ തെളി​യി​ച്ചു?

⁶ ഭൂമി​യി​ലാ​യി​രു​ന്ന​പ്പോൾ, താൻ അത്തരം ഒരു സ്ഥാനത്തി​നു യോഗ്യ​നാ​ണെന്ന്‌ യേശു തെളി​യി​ച്ചു. പീഡനം ഗണ്യമാ​ക്കാ​തെ, ദൈവ​ത്തോ​ടു​ളള തന്റെ നിർമ്മലത പാലി​ക്കാൻ അവിടുന്ന്‌ തീരു​മാ​നി​ച്ചു. അങ്ങനെ ചെയ്‌ത​തി​നാൽ, പരി​ശോ​ധ​ന​യിൻകീ​ഴിൽ ഒരു മനുഷ്യ​നും ദൈവ​ത്തോ​ടു വിശ്വ​സ്‌ത​നാ​യി​രി​ക്കു​ക​യി​ല്ലെന്ന്‌ അവകാ​ശ​പ്പെ​ട്ട​പ്പോൾ സാത്താൻ നുണ പറഞ്ഞു​വെന്ന്‌ അവിടുന്ന്‌ തെളി​യി​ച്ചു. ഒരു പൂർണ്ണ​മ​നു​ഷ്യ​നും ‘രണ്ടാമത്തെ ആദാമും’ ആയ യേശു പൂർണ്ണ​മ​നു​ഷ്യ​രെ സൃഷ്ടി​ച്ച​തിൽ ദൈവ​ത്തി​നു തെററു​പ​റ​റി​യി​ല്ലെന്നു തെളി​യി​ച്ചു.—1 കൊരി​ന്ത്യർ 15:22, 45; മത്തായി 4:1-11.

7, 8. യേശു ഭൂമി​യി​ലാ​യി​രു​ന്ന​പ്പോൾ ഏതു നല്ല കാര്യങ്ങൾ ചെയ്‌തു, അവിടുന്ന്‌ എന്തു പ്രകട​മാ​ക്കി?

⁷ യേശു തന്റെ ശുശ്രൂ​ഷ​യു​ടെ ഏതാനും വർഷങ്ങ​ളിൽ ചെയ്‌ത​ട​ത്തോ​ളം നൻമ ഏതു ഭരണാ​ധി​കാ​രി എന്നു കൈവ​രി​ച്ചി​ട്ടുണ്ട്‌? ദൈവ​ത്തി​ന്റെ പരിശു​ദ്ധാ​ത്മാ​വി​നാൽ ശക്തീക​രി​ക്ക​പ്പെട്ട്‌ യേശു രോഗി​ക​ളെ​യും മുടന്ത​രെ​യും കുരു​ട​രെ​യും ബധിര​രെ​യും ഊമ​രെ​യും സൗഖ്യ​മാ​ക്കി. അവിടുന്ന്‌ മരിച്ച​വരെ ഉയർപ്പി​ക്കു​ക​പോ​ലും ചെയ്‌തു! താൻ രാജ്യാ​ധി​കാ​ര​ത്തിൽ വരു​മ്പോൾ മനുഷ്യ​വർഗ്ഗ​ത്തി​നു​വേണ്ടി ഒരു ആഗോള അളവിൽ ചെയ്യു​ന്നത്‌ ഒരു ചെറിയ തോതിൽ അവിടുന്ന്‌ പ്രകടി​പ്പി​ച്ചു​കാ​ണി​ച്ചു.—മത്തായി 15:30, 31; ലൂക്കൊസ്‌ 7:11-16.

⁸ യേശു ഭൂമി​യി​ലാ​യി​രു​ന്ന​പ്പോൾ വളരെ​യ​ധി​കം നൻമ​ചെ​യ്‌തു, അതു​കൊണ്ട്‌ അവിടത്തെ ശിഷ്യ​നായ  യോഹ​ന്നാൻ ഇപ്രകാ​രം പറഞ്ഞു: “യേശു ചെയ്‌തതു മററു പലതും ഉണ്ടു; അതു ഓരോ​ന്നാ​യി എഴുതി​യാൽ എഴുതിയ പുസ്‌ത​കങ്ങൾ ലോക​ത്തിൽ തന്നെയും ഒതുങ്ങു​ക​യില്ല എന്നു ഞാൻ നിരൂ​പി​ക്കു​ന്നു.”—യോഹ​ന്നാൻ 21:25. a

9. ആത്മാർത്ഥ​ഹൃ​ദ​യ​രായ ആളുകൾ യേശു​വി​ന്റെ ചുററും കൂടി​യ​തെ​ന്തു​കൊണ്ട്‌?

⁹ യേശു ദയയും അനുക​മ്പ​യും ആളുക​ളോ​ടു വളരെ​യ​ധി​കം സ്‌നേ​ഹ​വും ഉളളവ​നാ​യി​രു​ന്നു. അവിടുന്ന്‌ ദരി​ദ്ര​രെ​യും പീഡി​ത​രെ​യും സഹായി​ച്ചു, എന്നാൽ ധനത്തി​ന്റെ​യോ സ്ഥാനമാ​ന​ങ്ങ​ളു​ടെ​യോ അടിസ്ഥാ​ന​ത്തിൽ വേർതി​രി​വു കാണി​ച്ചില്ല. “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ളേ​ളാ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൗമ്യ​ത​യും താഴ്‌മ​യും ഉളളവ​നാ​ക​യാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും. എന്റെ നുകം മൃദു​വും എന്റെ ചുമടു ലഘുവും ആകുന്നു” എന്ന്‌ യേശു പറഞ്ഞ​പ്പോൾ അവിടത്തെ സ്‌നേ​ഹ​പൂർവ്വ​ക​മായ ക്ഷണത്തോട്‌ ആത്മാർത്ഥ​ഹൃ​ദ​യ​രായ ആളുകൾ പ്രതി​ക​രി​ച്ചു. (മത്തായി 11:28-30) ദൈവ​ഭ​യ​മു​ളള ആളുകൾ യേശു​വി​ന്റെ ചുററും കൂടു​ക​യും അവിടത്തെ ഭരണത്തി​നാ​യി നോക്കി​പ്പാർത്തി​രി​ക്കു​ക​യും ചെയ്‌തു.—യോഹ​ന്നാൻ 12:19.

സഹ ഭരണാ​ധി​കാ​രി​കൾ

10, 11. ഭൂമി​യു​ടെ​മേൽ ഭരിക്കു​ന്ന​തിൽ യേശു​വി​നോ​ടു​കൂ​ടെ ആർ പങ്കെടു​ക്കും?

¹⁰ മനുഷ്യ​ഗ​വൺമെൻറു​കൾക്ക്‌ ഉളളതു​പോ​ലെ​തന്നെ ദൈവ​ത്തി​ന്റെ സ്വർഗ്ഗീ​യ​രാ​ജ്യ​ത്തി​നും സഹഭര​ണ​കർത്താ​ക്കൾ ഉണ്ട്‌. ഭൂമിയെ ഭരിക്കു​ന്ന​തിൽ യേശു​വി​നു പുറമേ മററു​ള​ള​വർകൂ​ടെ പങ്കെടു​ക്കേ​ണ്ടി​യി​രി​ക്കു​ന്നു, എന്തെന്നാൽ യേശു തന്റെ ഉററ സഹകാ​രി​ക​ളോട്‌ അവർ മനുഷ്യ​വർഗ്ഗ​ത്തിൻമേൽ രാജാ​ക്കൻമാ​രെ​ന്ന​നി​ല​യിൽ തന്നോ​ടു​കൂ​ടെ ഭരണം നടത്തു​മെന്നു വാഗ്‌ദത്തം ചെയ്‌തു.—യോഹ​ന്നാൻ 14:2, 3; വെളി​പ്പാട്‌ 5:10; 20:6.

¹¹ അതു​കൊണ്ട്‌, യേശു​വി​നോ​ടു​കൂ​ടെ മനുഷ്യ​രു​ടെ ഒരു പരിമി​ത​മായ കൂട്ടവും സ്വർഗ്ഗീ​യ​ജീ​വ​നി​ലേക്ക്‌ ഉയിർപ്പി​ക്ക​പ്പെ​ടു​ന്നു. അവർ മനുഷ്യ​വർഗ്ഗ​ത്തി​നു നിത്യാ​നു​ഗ്ര​ഹങ്ങൾ കൈവ​രു​ത്തുന്ന ദൈവ​ത്തി​ന്റെ രാജ്യം ആയിത്തീ​രു​ന്നു. (2 കൊരി​ന്ത്യർ 4:14; വെളി​പ്പാ​ടു 14:1-3) അതു​കൊ​ണ്ടു മനുഷ്യ​കു​ടും​ബ​ത്തി​നു നിത്യ​മായ അനു​ഗ്ര​ഹങ്ങൾ കൈവ​രു​ത്തുന്ന ഒരു ഭരണത്തി​നു​വേണ്ടി കഴിഞ്ഞ യുഗങ്ങ​ളി​ലു​ട​നീ​ളം യഹോവ അസ്ഥിവാ​ര​മി​ട്ടി​രി​ക്കു​ന്നു.

സ്വത​ന്ത്ര​ഭ​രണം അവസാ​നി​ക്കാ​നു​ള​ളത്‌

12, 13. ഇപ്പോൾ എന്തു​ചെ​യ്യാൻ ദൈവ​രാ​ജ്യം ഒരുങ്ങി​നിൽക്കു​ക​യാണ്‌?

¹² ഈ നൂററാ​ണ്ടിൽ ദൈവം ഭൂമി​യു​ടെ കാര്യാ​ദി​ക​ളിൽ നേരിട്ടു ഇടപെ​ട്ടി​രി​ക്കു​ന്നു. ഈ ലഘുപ​ത്രി​ക​യു​ടെ ഒമ്പതാം ഭാഗം ചർച്ച​ചെ​യ്യു​ന്ന​തു​പോ​ലെ, ക്രിസ്‌തു​വിൻ കീഴി​ലു​ളള ദൈവ​ത്തി​ന്റെ രാജ്യം 1914-ൽ സ്ഥാപി​ക്ക​പ്പെ​ട്ടി​രി​ക്കു​ന്നു​വെ​ന്നും ഇപ്പോൾ സാത്താന്റെ മുഴു വ്യവസ്ഥി​തി​യെ​യും തകർക്കാൻ തയ്യാറാ​യി നില​കൊ​ള​ളു​ക​യാ​ണെ​ന്നും ബൈബിൾപ്ര​വ​ചനം തെളി​യി​ക്കു​ന്നു. ആ രാജ്യം “[ക്രിസ്‌തു​വി​ന്റെ] ശത്രു​ക്കളെ കീഴട​ക്കി​ക്കൊ​ണ്ടു പുറ​പ്പെ​ടാൻ” തയ്യാറാ​യി നിൽക്കു​ക​യാണ്‌.—സങ്കീർത്തനം 110:2, NW.

¹³ ഈ ബന്ധത്തിൽ ദാനീ​യേൽ 2:44-ലെ പ്രവചനം പറയുന്നു: “ആ രാജാ​ക്കൻമാ​രു​ടെ [ഇപ്പോൾ സ്ഥിതി​ചെ​യ്യുന്ന] നാളു​ക​ളിൽ സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം [സ്വർഗ്ഗ​ത്തിൽ] സ്ഥാപി​ക്കും, അതിന്റെ പരമാ​ധി​കാ​രം മറെറാ​രു ജനത്തിനു വിട്ടു​കൊ​ടു​ക്കു​ക​യു​മില്ല [മനുഷ്യ​ഭ​രണം വീണ്ടും ഒരിക്ക​ലും അനുവ​ദി​ക്ക​പ്പെ​ടു​ക​യില്ല]. അത്‌ [ദൈവ​ത്തി​ന്റെ രാജ്യം] ഈ രാജ്യ​ങ്ങ​ളെ​യെ​ല്ലാം  തകർക്കു​ക​യും അവക്ക്‌ ഒരു അവസാനം വരുത്തു​ക​യും അതുതന്നെ എന്നേക്കും നിലനിൽക്കു​ക​യും ചെയ്യും.”—പരിഷ്‌ക്ക​രിച്ച പ്രമാ​ണ​ഭാ​ഷാ​ന്തരം.

14. മനുഷ്യ​ഭ​രണം അവസാ​നി​ക്കു​ന്ന​തി​ന്റെ ഫലമായി വരാൻപോ​കുന്ന ചില പ്രയോ​ജ​നങ്ങൾ ഏവ?

¹⁴ ദൈവ​ത്തിൽനി​ന്നു സ്വത​ന്ത്ര​മായ എല്ലാ ഭരണവും നീക്കം ചെയ്‌ത​ശേഷം ഭൂമി​യു​ടെ​മേ​ലു​ളള ദൈവ​ത്തി​ന്റെ രാജ്യ​ഭ​രണം പൂർത്തി​യാ​കും. രാജ്യം സ്വർഗ്ഗ​ത്തിൽനി​ന്നു ഭരിക്കു​ന്ന​തു​കൊ​ണ്ടു മനുഷ്യർക്ക്‌ അതിനെ ഒരിക്ക​ലും ദുഷി​പ്പി​ക്കാൻ കഴിയില്ല. ഭരണാ​ധി​കാ​രം തുടക്ക​ത്തിൽ എവി​ടെ​യാ​യി​രു​ന്നു​വോ അവിടെ, സ്വർഗ്ഗ​ത്തിൽ ദൈവ​ക​ര​ങ്ങ​ളിൽ ആയിരി​ക്കും. കൂടാതെ ദൈവ​ഭ​രണം മുഴു​ഭൂ​മി​യെ​യും നിയ​ന്ത്രി​ക്കു​ന്ന​തു​കൊ​ണ്ടു മേലാൽ ആരും വ്യാജ​മ​ത​ങ്ങ​ളാ​ലോ തൃപ്‌തി വരുത്താത്ത മാനു​ഷ​ത​ത്ത്വ​ജ്ഞാ​ന​ങ്ങ​ളാ​ലും രാഷ്‌ട്രീയ സിദ്ധാ​ന്ത​ങ്ങ​ളാ​ലു​മോ വഴി​തെ​റ​റി​ക്ക​പ്പെ​ടു​ക​യില്ല. ആ കാര്യ​ങ്ങ​ളൊ​ന്നും സ്ഥിതി​ചെ​യ്യാൻ മേലാൽ അനുവ​ദി​ക്കു​ക​യില്ല.—മത്തായി 7:15-23; വെളി​പ്പാ​ടു 17 മുതൽ 19 വരെയു​ളള അദ്ധ്യാ​യങ്ങൾ.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[18-ാം പേജിലെ ചിത്രം]

ഭൂമിയിലായിരുന്നപ്പോൾ യേശു പുതി​യ​ലോ​ക​ത്തിൽ താൻ എന്തു​ചെ​യ്യു​മെന്നു കാണി​ക്കാൻ രോഗി​കളെ സുഖ​പ്പെ​ടു​ത്തു​ക​യും മരിച്ച​വരെ ഉയർപ്പി​ക്കു​ക​യും ചെയ്‌തു

[19-ാം പേജിലെ ചിത്രം]

ദൈവത്തിന്റെ സ്വർഗ്ഗീ​യ​രാ​ജ്യം തന്നിൽനി​ന്നു സ്വത​ന്ത്ര​മായ സകല ഭരണസ​മ്പ്ര​ദാ​യ​ങ്ങ​ളെ​യും തകർത്ത്‌ അസ്‌തി​ത്വ​ത്തിൽനി​ന്നു നീക്കം​ചെ​യ്യും