ഭാഗം 7

മത്സരത്തി​ന്റെ ഫലം എന്തായി​ത്തീർന്നി​രി​ക്കു​ന്നു?

1-3. യഹോവ ചെയ്‌തതു ശരിയാ​ണെന്നു കാലം തെളി​യി​ച്ചി​രി​ക്കു​ന്ന​തെ​ങ്ങനെ?

 ഭരിക്കാ​നു​ളള ദൈവ​ത്തി​ന്റെ അവകാശം സംബന്ധിച്ച വാദവി​ഷ​യ​ത്തെ​ക്കു​റി​ച്ചാ​ണെ​ങ്കിൽ, ദൈവ​ത്തിൽനി​ന്നു സ്വത​ന്ത്ര​മായ മനുഷ്യ​ഭ​ര​ണ​ത്തി​ന്റെ ഈ നൂററാ​ണ്ടു​ക​ളി​ലെ​ല്ലാം ഫലമെ​ന്താ​യി​രു​ന്നി​ട്ടുണ്ട്‌? മനുഷ്യർ ദൈവ​ത്തെ​ക്കാൾ മെച്ചപ്പെട്ട ഭരണാ​ധി​കാ​രി​ക​ളാ​ണെന്നു തെളി​ഞ്ഞി​ട്ടു​ണ്ടോ? മനുഷ്യൻ മനുഷ്യ​നോ​ടു കാണിച്ച ക്രൂര​ത​യു​ടെ ചരി​ത്ര​ത്തി​ന്റെ അടിസ്ഥാ​ന​ത്തിൽ വിധി​ച്ചാൽ, തീർച്ച​യാ​യും ഇല്ല.

² നമ്മുടെ ആദ്യമാ​താ​പി​താ​ക്കൾ ദൈവ​ഭ​ര​ണത്തെ തിരസ്‌ക്ക​രി​ച്ച​പ്പോൾ, അതേത്തു​ടർന്ന്‌ അനർത്ഥ​മു​ണ്ടാ​യി. അവർ തങ്ങൾക്കു​ത​ന്നെ​യും തങ്ങളിൽനി​ന്നു​ണ്ടായ മുഴു മനുഷ്യ​കു​ടും​ബ​ത്തി​നും കഷ്ടപ്പാടു കൈവ​രു​ത്തി. അവർക്കു തങ്ങളെ​ത്ത​ന്നെ​യ​ല്ലാ​തെ മററാ​രെ​യും പഴിചാ​രാ​നി​ല്ലാ​യി​രു​ന്നു. ദൈവ​വ​ചനം പറയുന്നു: “അവർ തങ്ങളുടെ ഭാഗത്തു വിനാ​ശ​ക​ര​മാ​യി പ്രവർത്തി​ച്ചി​രി​ക്കു​ന്നു; അവർ അവിടത്തെ മക്കളല്ല, തകരാറ്‌ അവരുടെ സ്വന്തമാണ്‌.”—ആവർത്തനം 32:5, NW.

³ ആദാമും ഹവ്വയും ദൈവ​ത്തി​ന്റെ കരുത​ലു​ക​ളിൽനി​ന്നു വ്യതി​ച​ലി​ച്ചു​പോ​യാൽ അവർ ക്ഷയിക്കു​മെ​ന്നും ഒടുവിൽ മരിക്കു​മെ​ന്നു​മു​ളള ദൈവ​ത്തി​ന്റെ മുന്നറി​യി​പ്പി​ന്റെ സത്യത ചരിത്രം തെളി​യി​ച്ചി​രി​ക്കു​ന്നു. (ഉൽപത്തി 2:17; 3:19) അവർ ദൈവ​ഭ​ര​ണ​ത്തിൽനി​ന്നു വ്യതി​ച​ലി​ക്കു​ക​യും കാല​ക്ര​മ​ത്തിൽ ക്ഷയിച്ചു മരിക്കു​ക​യും ചെയ്‌തു.

4. നാം എല്ലാവ​രും അപൂർണ്ണ​രാ​യും രോഗ​ത്തി​നും മരണത്തി​നും വിധേ​യ​രാ​യും ജനിച്ച​തെ​ന്തു​കൊണ്ട്‌?

 ⁴ അവരുടെ സന്തതി​കൾക്കെ​ല്ലാം അതിനു​ശേഷം സംഭവി​ച്ചതു റോമർ 5:12 വിശദീ​ക​രി​ക്കു​ന്ന​തു​പോ​ലെ ആയിരു​ന്നു: “ഏകമനു​ഷ്യ​നാൽ [മനുഷ്യ​വർഗ്ഗ​ത്തി​ന്റെ കുടും​ബ​ത്ത​ല​വ​നായ ആദാം] പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ . . . മരണം സകലമ​നു​ഷ്യ​രി​ലും പരന്നി​രി​ക്കു​ന്നു.” അതു​കൊ​ണ്ടു നമ്മുടെ ആദ്യമാ​താ​പി​താ​ക്കൾ ദൈവ​ത്തി​ന്റെ മേൽവി​ചാ​ര​ക​ത്വ​ത്തി​നെ​തി​രെ മത്സരി​ച്ച​പ്പോൾ അവർ ഊനമു​ളള പാപി​ക​ളാ​യി​ത്തീർന്നു. ജനിതക നിയമ​ങ്ങൾക്കു ചേർച്ച​യിൽ, തത്‌ഫ​ല​മാ​യു​ണ്ടായ അപൂർണ്ണത മാത്രമേ അവർക്കു തങ്ങളുടെ സന്തതി​കൾക്കു കൈമാ​റി​ക്കൊ​ടു​ക്കാൻ കഴിയു​മാ​യി​രു​ന്നു​ളളു. അതു​കൊ​ണ്ടാ​ണു നമ്മളെ​ല്ലാ​വ​രും രോഗ​ത്തി​നും മരണത്തി​നും വിധേ​യ​രാ​യി ഊനമു​ള​ള​വ​രാ​യി ജനിച്ചി​ട്ടു​ള​ളത്‌.

5, 6. യഥാർത്ഥ സമാധാ​ന​വും ഐശ്വ​ര്യ​വും കൈവ​രു​ത്താ​നു​ളള മമനു​ഷ്യ​ന്റെ ശ്രമങ്ങ​ളെ​ക്കു​റി​ച്ചു ചരിത്രം എന്തു പ്രകട​മാ​ക്കി​യി​രി​ക്കു​ന്നു?

⁵ പല നൂററാ​ണ്ടു​കൾ കടന്നു​പോ​യി​രി​ക്കു​ന്നു. സാമ്രാ​ജ്യ​ങ്ങൾ വരുക​യും പോവു​ക​യും ചെയ്‌തി​ട്ടുണ്ട്‌. ചിന്തനീ​യ​മായ സകലതരം ഭരണകൂ​ട​വും പരീക്ഷി​ക്ക​പ്പെ​ട്ടി​രി​ക്കു​ന്നു. എങ്കിലും, മനുഷ്യ​കു​ടും​ബ​ത്തിൽ വീണ്ടും വീണ്ടും ഭീതി​ജ​ന​ക​മായ കാര്യങ്ങൾ സംഭവി​ച്ചി​രി​ക്കു​ന്നു. ആറായി​രം വർഷങ്ങൾക്കു​ശേഷം, മനുഷ്യർ ഭൂവ്യാ​പ​ക​മാ​യി സമാധാ​ന​വും നീതി​യും ഐശ്വ​ര്യ​വും സ്ഥാപി​ക്കുന്ന അളവു​വരെ പുരോ​ഗ​മി​ക്കേ​ണ്ട​താ​യി​രു​ന്നു​വെ​ന്നും ഇപ്പോ​ഴേ​ക്കും അവർ ദയയും അനുക​മ്പ​യും സഹകര​ണ​വും ആകുന്ന അവശ്യ​ഗു​ണ​ങ്ങ​ളിൽ നിപു​ണ​രാ​യി​ത്തീ​രേ​ണ്ട​താ​യി​രു​ന്നു​വെ​ന്നും ഒരുവൻ ചിന്തി​ച്ചേ​ക്കാം.

⁶ എന്നിരു​ന്നാ​ലും യാഥാർത്ഥ്യം നേരേ മറിച്ചാണ്‌. ഇതുവരെ കണ്ടുപി​ടി​ച്ചി​ട്ടു​ളള മനുഷ്യ​ഭ​ര​ണ​ത്തി​ന്റെ ഒരു രൂപവും എല്ലാവർക്കും യഥാർത്ഥ​സ​മാ​ധാ​ന​വും ഐശ്വ​ര്യ​വും കൈവ​രു​ത്തി​യി​ട്ടില്ല. ഈ 20-ാം നൂററാ​ണ്ടിൽ മാത്രം നാസി കൂട്ട​ക്കൊ​ല​യിൽ ലക്ഷങ്ങളെ വ്യവസ്ഥാ​പി​ത​മാ​യി കൊ​ന്നൊ​ടു​ക്കി​യ​തും യുദ്ധങ്ങ​ളിൽ 10 കോടി​യി​ല​ധി​കം പേരെ കൊ​ന്നൊ​ടു​ക്കി​യ​തും നാം കണ്ടിരി​ക്കു​ന്നു. നമ്മുടെ കാലത്ത്‌ അസംഖ്യം ആളുകളെ അസഹി​ഷ്‌ണു​ത​യും രാഷ്‌ട്രീയ ഭിന്നത​ക​ളും നിമിത്തം പീഡി​പ്പി​ക്കു​ക​യോ കൊല്ലു​ക​യോ തടവി​ലാ​ക്കു​ക​യോ ചെയ്‌തി​ട്ടുണ്ട്‌.

ഇന്നത്തെ അവസ്ഥ

7. ഇന്നു മനുഷ്യ​കു​ടും​ബ​ത്തി​ന്റെ അവസ്ഥയെ എങ്ങനെ വർണ്ണി​ക്കാൻ കഴിയും?

⁷ അതിനു​പു​റമേ, ഇന്നു മനുഷ്യ​കു​ടും​ബ​ത്തി​ന്റെ മൊത്ത​ത്തി​ലു​ളള അവസ്ഥ പരിചി​ന്തി​ക്കുക. അക്രമ​വും കുററ​കൃ​ത്യ​വും വിപു​ല​വ്യാ​പ​ക​മാണ്‌. മയക്കു​മ​രു​ന്നു ദുരു​പ​യോ​ഗം പടർന്നു​പി​ടി​ക്കു​ക​യാണ്‌. ലൈം​ഗി​ക​മാ​യി പകരുന്ന വ്യാധി​കൾ സമസ്‌ത​വ്യാ​പ​ക​മാണ്‌. മഹാവ്യാ​ധി​യായ എയ്‌ഡ്‌സ്‌ ദശലക്ഷ​ക്ക​ണ​ക്കി​നാ​ളു​കളെ ബാധി​ച്ചു​കൊ​ണ്ടി​രി​ക്കു​ന്നു. ഓരോ വർഷവും കോടി​ക്ക​ണ​ക്കി​നാ​ളു​കൾ പട്ടിണി​യോ രോഗ​മോ നിമിത്തം മരിക്കു​ന്നു, അതേസ​മയം ചെറി​യൊ​രു കൂട്ടത്തി​നു ധാരാളം ധനമുണ്ട്‌. മനുഷ്യർ ഭൂമിയെ മലീമ​സ​മാ​ക്കു​ക​യും കൊള​ള​യ​ടി​ക്കു​ക​യും ചെയ്യുന്നു. കുടും​ബ​ജീ​വി​ത​വും ധാർമ്മിക മൂല്യ​ങ്ങ​ളും എല്ലായി​ട​ത്തും തകർന്ന​ടി​ഞ്ഞി​രി​ക്കു​ന്നു. സത്യമാ​യും, ഇന്നത്തെ ജീവിതം ‘ഈ ലോക​ത്തി​ന്റെ ദൈവ​മായ’ സാത്താന്റെ വൃത്തി​കെട്ട ഭരണത്തെ പ്രതി​ഫ​ലി​പ്പി​ക്കു​ന്നു. അവൻ യജമാ​ന​നാ​യി​രി​ക്കുന്ന ലോകം സ്‌നേ​ഹ​ശൂ​ന്യ​വും നിർദ്ദ​യ​വും തികച്ചും അഴിമതി നിറഞ്ഞ​തും ആകുന്നു.—2 കൊരി​ന്ത്യർ 4:4.

8. മനുഷ്യ​വർഗ്ഗ​ത്തി​ന്റെ നേട്ടങ്ങളെ യഥാർത്ഥ പുരോ​ഗ​തി​യെന്നു നമുക്കു വിളി​ക്കാൻ കഴിയാ​ത്ത​തെ​ന്തു​കൊണ്ട്‌?

⁸ മനുഷ്യർ അവരുടെ ശാസ്‌ത്രീ​യ​വും ഭൗതി​ക​വു​മായ പുരോ​ഗ​തി​യു​ടെ ഉച്ചാവ​സ്ഥ​യിൽ എത്തുന്ന​തി​നു ദൈവം വേണ്ടു​വോ​ളം സമയം അനുവ​ദി​ച്ചി​രി​ക്കു​ന്നു. എന്നാൽ അമ്പിനും വില്ലി​നും പകരം യന്ത്ര​ത്തോ​ക്കു​ക​ളും ടാങ്കു​ക​ളും ബോംബർ വിമാ​ന​ങ്ങ​ളും ആണവ മി​സൈ​ലു​ക​ളും വന്നിരി​ക്കു​ന്നതു യഥാർത്ഥ​ത്തിൽ പുരോ​ഗ​തി​യാ​ണോ? മനുഷ്യ​നു ശൂന്യാ​കാ​ശ​ത്തി​ലേക്കു യാത്ര​ചെ​യ്യാൻ കഴിയു​മെ​ന്നി​രി​ക്കെ ഭൂമി​യിൽ സമാധാ​ന​ത്തിൽ ഒരുമി​ച്ചു​ജീ​വി​ക്കാൻ കഴിയാ​ത്ത​പ്പോൾ അതു പുരോ​ഗ​തി​യാ​ണോ? രാത്രി​യിൽ, ചില സ്ഥലങ്ങളിൽ  പകൽസ​മ​യ​ത്തു​പോ​ലും, തെരു​വി​ലൂ​ടെ നടക്കാൻ ആളുകൾ ഭയപ്പെ​ടു​മ്പോൾ അതു പുരോ​ഗ​തി​യാ​ണോ?

കാലം പ്രകട​മാ​ക്കി​യി​രി​ക്കു​ന്നത്‌

9, 10. (എ) കഴിഞ്ഞ നൂററാ​ണ്ടു​കൾ വ്യക്തമാ​യി എന്തു പ്രകട​മാ​ക്കി​യി​രി​ക്കു​ന്നു? (ബി) ഇച്ഛാസ്വാ​ത​ന്ത്ര്യം ദൈവം എടുത്തു​ക​ള​യു​ക​യി​ല്ലാ​ത്തത്‌ എന്തു​കൊണ്ട്‌?

⁹ ദൈവ​ഭ​ര​ണത്തെ കൂടാതെ മനുഷ്യർക്ക്‌ അവരുടെ കാലടി​കൾ വിജയ​ക​ര​മാ​യി നയിക്കാൻ കഴിയു​ക​യി​ല്ലെ​ന്നു​ള​ള​താ​ണു നൂററാ​ണ്ടു​ക​ളി​ലെ പരി​ശോ​ധന തെളി​യി​ച്ചി​രി​ക്കു​ന്നത്‌. തിന്നാ​തെ​യും കുടി​ക്കാ​തെ​യും ശ്വസി​ക്കാ​തെ​യും അവർക്കു ജീവി​ക്കാൻ കഴിയാ​ത്ത​തു​പോ​ലെ​തന്നെ അവർക്ക്‌ അതിനും സാദ്ധ്യമല്ല. തെളിവു സ്‌പഷ്ട​മാണ്‌: “നാം ആഹാര​ത്തെ​യും വെളള​ത്തെ​യും വായു​വി​നെ​യും ആശ്രയി​ക്കാൻ സൃഷ്ടി​ക്ക​പ്പെ​ട്ടി​രി​ക്കു​ന്ന​തു​പോ​ലെ​തന്നെ നാം നമ്മുടെ സ്രഷ്ടാ​വി​ന്റെ മാർഗ്ഗ​നിർദ്ദേ​ശ​ത്തി​നു വിധേ​യ​രാ​യി​രി​ക്കാ​നും ഉദ്ദേശി​ക്ക​പ്പെ​ട്ടി​രി​ക്കു​ന്നു.

¹⁰ ദുഷ്ടത അനുവ​ദി​ച്ചു​കൊണ്ട്‌, ഇച്ഛാസ്വാ​ത​ന്ത്ര്യം ദുർവി​നി​യോ​ഗി​ക്കു​ന്ന​തി​ന്റെ സങ്കടക​ര​മായ ഫലങ്ങൾ ദൈവം ഒരിക്കൽ എന്നേക്കു​മാ​യി പ്രകട​മാ​ക്കു​ക​യു​ണ്ടാ​യി. ഇച്ഛാസ്വാ​ത​ന്ത്ര്യം അമൂല്യ​മായ ഒരു സമ്മാന​മാ​യ​തു​കൊ​ണ്ടു മനുഷ്യ​രിൽനിന്ന്‌ അത്‌ എടുത്തു​ക​ള​യു​ന്ന​തി​നു​പ​കരം അതിന്റെ ദുർവ്വി​നി​യോ​ഗം എന്തർത്ഥ​മാ​ക്കു​ന്നു​വെന്നു കാണാൻ ദൈവം അവരെ അനുവ​ദി​ച്ചി​രി​ക്കു​ന്നു. “തന്റെ കാലടി​യെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള​ളതല്ല” എന്നു പറയു​മ്പോൾ ദൈവ​വ​ചനം സത്യം പറയുന്നു. “മനുഷ്യൻ അവന്റെ ദോഷ​ത്തി​നാ​യി മനുഷ്യ​നെ ഭരിച്ചി​രി​ക്കു​ന്നു” എന്ന്‌ അതു പറയു​മ്പോൾ അതും സത്യമാണ്‌.—യിരെ​മ്യാ​വു 10:23; സഭാ​പ്ര​സം​ഗി 8:9, NW.

11. ഏതെങ്കി​ലും രൂപത്തി​ലു​ളള മനുഷ്യ​ഗ​വൺമെൻറ്‌ കഷ്ടപ്പാടു നീക്കം ചെയ്‌തി​ട്ടു​ണ്ടോ?

¹¹ ദൈവം മാനു​ഷ​ഭ​ര​ണ​ത്തിന്‌ ആറായി​രം വർഷ​ത്തേക്കു കൊടുത്ത അനുവാ​ദം കഷ്ടപ്പാട്‌ അവസാ​നി​പ്പി​ക്കാൻ മനുഷ്യൻ അപ്രാ​പ്‌ത​നാ​ണെന്നു ശക്തമായി തെളി​യി​ക്കു​ന്നു. ഒരിക്ക​ലും അവൻ അതു ചെയ്‌തി​ട്ടില്ല. ഉദാഹ​ര​ണ​ത്തിന്‌, ഇസ്ര​യേ​ലി​ലെ ശലോ​മോൻ രാജാ​വി​നു​പോ​ലും അദ്ദേഹ​ത്തി​ന്റെ സകലജ്ഞാ​ന​വും ധനവും ശക്തിയും ഉണ്ടായി​രു​ന്നി​ട്ടും തന്റെ നാളിൽ മനുഷ്യ​ഭ​ര​ണ​ത്തിൽനി​ന്നു​ണ്ടാ​കുന്ന ദുരിതം തീർക്കാൻ കഴിഞ്ഞില്ല. (സഭാ​പ്ര​സം​ഗി 4:1-3) അതു​പോ​ലെ​തന്നെ, നമ്മുടെ നാളി​ലും അതിനൂ​ത​ന​മായ സാങ്കേ​തിക പുരോ​ഗ​തി​യു​ണ്ടാ​യി​രു​ന്നി​ട്ടും ലോക​നേ​താ​ക്കൾക്കു കഷ്ടപ്പാടു നീക്കാൻ കഴിയു​ന്നില്ല. അതിലും മോശ​മാ​യി, ദൈവ​ഭ​ര​ണ​ത്തിൽനി​ന്നു സ്വത​ന്ത്ര​രായ മനുഷ്യർ കഷ്ടപ്പാട്‌ നീക്കം​ചെ​യ്യു​ന്ന​തി​നു​പ​കരം അതു വർദ്ധി​പ്പി​ക്കു​ക​യാ​ണു ചെയ്‌തി​രി​ക്കു​ന്ന​തെന്നു ചരിത്രം തെളി​യി​ച്ചി​രി​ക്കു​ന്നു.

ദൈവ​ത്തി​ന്റെ ദീർഘ​വീ​ക്ഷ​ണം

12-14. ദൈവം കഷ്ടപ്പാട്‌ അനുവ​ദി​ച്ച​തി​ന്റെ ഫലമായി ഏതു ദീർഘ​കാല പ്രയോ​ജ​നങ്ങൾ ലഭിക്കു​ന്നു?

¹² കഷ്ടപ്പാ​ടി​നു​ളള ദൈവ​ത്തി​ന്റെ അനുവാ​ദം നമുക്കു വേദനാ​ജ​ന​ക​മാ​യി​രു​ന്നി​ട്ടുണ്ട്‌. എന്നാൽ ഒടുവിൽ വരാനി​രി​ക്കുന്ന സദ്‌ഫ​ലങ്ങൾ അറിഞ്ഞു​കൊണ്ട്‌ അവിടുന്ന്‌ ഒരു ദീർഘ​വീ​ക്ഷണം സ്വീക​രി​ച്ചി​രി​ക്കു​ന്നു. ദൈവ​ത്തി​ന്റെ വീക്ഷണം ഏതാനും വർഷ​ത്തേ​ക്കോ ഏതാനും ആയിരം വർഷ​ത്തേ​ക്കോ അല്ല പിന്നെ​യോ ലക്ഷക്കണ​ക്കി​നു വർഷ​ത്തേക്ക്‌, അതെ സകല നിത്യ​ത​യി​ലേ​ക്കും സൃഷ്ടി​കൾക്കു പ്രയോ​ജനം ചെയ്യും.

¹³ ഭാവി​യിൽ എന്നെങ്കി​ലും ആരെങ്കി​ലും ഇച്ഛാസ്വാ​ത​ന്ത്ര്യം ദുർവി​നി​യോ​ഗം ചെയ്‌ത്‌, ദൈവം കാര്യങ്ങൾ ചെയ്യു​ന്ന​വി​ധത്തെ ചോദ്യം ചെയ്യുന്ന ഒരു സാഹച​ര്യം ഉണ്ടായാൽ അയാളു​ടെ വീക്ഷണങ്ങൾ തെളി​യി​ക്കാൻ അയാൾക്കു സമയം അനുവ​ദി​ച്ചു​കൊ​ടു​ക്കേണ്ട ആവശ്യ​മു​ണ്ടാ​യി​രി​ക്കു​ക​യില്ല. മത്സരി​കളെ ആയിര​ക്ക​ണ​ക്കി​നു വർഷങ്ങ​ളി​ലേക്ക്‌ അനുവ​ദി​ച്ച​തു​കൊണ്ട്‌ അഖിലാ​ണ്ഡ​ത്തിൽ എവി​ടെ​യും സകലനി​ത്യ​ത​യി​ലും പ്രയോ​ഗി​ക്കാൻ കഴിയുന്ന നിയമ​പ​ര​മായ ഒരു കീഴ്‌വ​ഴക്കം ദൈവം സ്ഥാപി​ച്ചി​രി​ക്കു​ന്നു.

¹⁴ ഈ കാലത്ത്‌, യഹോവ ദുഷ്ടത​യും കഷ്ടപ്പാ​ടും അനുവ​ദി​ച്ച​തു​കൊണ്ട്‌, തന്നോടു യോജി​പ്പി​ല​ല്ലാത്ത  ഒന്നിനും പുഷ്ടി​പ്രാ​പി​ക്കാൻ കഴിയു​ക​യി​ല്ലെന്ന്‌ വേണ്ടവി​ധം ഇതിനകം തെളി​യി​ക്ക​പ്പെ​ട്ടു​ക​ഴി​ഞ്ഞി​രി​ക്കും. മനുഷ്യ​രു​ടെ​യോ ആത്മജീ​വി​ക​ളു​ടെ​യോ സ്വത​ന്ത്ര​മായ ഒരു പദ്ധതി​ക്കും നിലനിൽക്കുന്ന പ്രയോ​ജ​നങ്ങൾ കൈവ​രു​ത്താൻ കഴിയു​ക​യി​ല്ലെന്നു സംശയാ​തീ​ത​മാ​യി തെളി​യി​ക്ക​പ്പെ​ട്ടി​രി​ക്കും. അതു​കൊണ്ട്‌ ഏതു മത്സരി​യെ​യും അപ്പോൾ ഉടൻ നശിപ്പി​ച്ചു​ക​ള​യു​ന്ന​തിൽ ദൈവം പൂർണ്ണ​മാ​യി നീതീ​ക​രി​ക്ക​പ്പെ​ട്ടി​രി​ക്കും. “സകലദു​ഷ്ടൻമാ​രെ​യും അവൻ നശിപ്പി​ക്കും.”—സങ്കീർത്തനം 145:20; റോമർ 3:4.

[അധ്യയന ചോദ്യ​ങ്ങൾ]

[15-ാം പേജിലെ ചിത്രം]

നമ്മുടെ ആദ്യമാ​താ​പി​താ​ക്കൾ ദൈവത്തെ വിട്ടുളള സ്വാത​ന്ത്ര്യം തിര​ഞ്ഞെ​ടു​ത്ത​ശേഷം ഒടുവിൽ വാർദ്ധ​ക്യം പ്രാപി​ച്ചു മരിച്ചു

[16-ാം പേജിലെ ചിത്രം]

ദൈവത്തെക്കൂടാതെയുളള മനുഷ്യ​ഭ​രണം വിപത്‌ക്ക​ര​മെന്നു തെളി​ഞ്ഞി​രി​ക്കു​ന്നു

[കടപ്പാട]

U.S. Coast Guard photo