അധ്യായം 19

ഡെയി​റ​റിം​ഗും കോർട്ടിം​ഗും

1-4. (എ) ഡെയി​റ​റിംഗ്‌ സാധാ​ര​ണ​മാ​യത്‌ എത്ര അടു​ത്തൊ​രു കാലത്തു മാത്ര​മാണ്‌? (ബി) ഡെയി​റ​റിം​ഗി​ന്റെ സമ്പ്രദാ​യം ഇല്ലാത്തി​ടത്ത്‌ വിവാഹം എങ്ങനെ​യാണ്‌ ക്രമീ​ക​രി​ക്ക​പ്പെ​ടു​ന്നത്‌? (സി) അന്തിമ വിശക​ല​ന​ത്തിൽ ഒരു ആചാരം നല്ലതോ ചീത്തയോ എന്ന്‌ തീരു​മാ​നി​ക്കു​ന്ന​തെന്ത്‌?

 സാധാരണ മനുഷ്യ​രെ​ല്ലാ​വ​രും​തന്നെ ജീവി​ത​ത്തിൽ നിന്ന്‌ യഥാർത്ഥ സന്തോഷം ലഭിക്കാ​നാ​ഗ്ര​ഹി​ക്കു​ന്നു. സന്തോ​ഷത്തെ ദൈവാ​ത്മാ​വി​ന്റെ “ഫലങ്ങളി”ലൊന്നാ​യി പട്ടിക​പ്പെ​ടു​ത്തി​ക്കൊണ്ട്‌ ഈ ആഗ്രഹം ഉചിത​മാ​ണെന്ന്‌ ബൈബിൾ പ്രകട​മാ​ക്കു​ന്നു. (ഗലാത്യർ 5:22) അനേകം യുവജ​നങ്ങൾ, വിശേ​ഷിച്ച്‌ പാശ്ചാത്യ നാടു​ക​ളിൽ, സന്തോഷം കണ്ടെത്തു​ന്ന​തി​നു​ളള ഒരു മുഖ്യ ഉപാധി​യാ​യി ഡെയി​റ​റിം​ഗി​നെ വീക്ഷി​ക്കു​ന്നു. മുതിർന്ന​യാ​ളു​ക​ളു​ടെ അസാന്നി​ദ്ധ്യ​ത്തിൽ വിപരീത ലിംഗ​വർഗ്ഗ​ത്തിൽപ്പെട്ട ഒരാളു​മാ​യി സമയം ചെലവ​ഴി​ക്കാൻ അവർ ക്രമീ​ക​രി​ക്കു​ന്നു. ഇതേപ്പ​ററി എന്തുപ​റ​യാൻ കഴിയും?

² പല സ്ഥലങ്ങളി​ലും അതു സർവ്വസാ​ധാ​ര​ണ​മാ​യി​രി​ക്കു​ന്ന​തി​നാൽ അതിൽ കുഴപ്പ​മൊ​ന്നു​മില്ല എന്നു നിങ്ങൾ വിചാ​രി​ച്ചേ​ക്കാം. ദി ഫാമിലി ഇൻ സോഷ്യൽ കോൺടെ​ക്‌സ്‌ററ്‌ എന്ന പുസ്‌തകം വിശദീ​ക​രി​ക്കുന്ന പ്രകാരം അതു എന്നും അങ്ങനെ ആയിരു​ന്നില്ല. “ഇന്നു നാം മനസ്സി​ലാ​ക്കുന്ന തരത്തി​ലു​ളള ഡെയി​റ​റിംഗ്‌ മിക്കവാ​റും ഒന്നാം ലോക​മ​ഹാ​യു​ദ്ധ​ത്തി​നു ശേഷമാണ്‌ നിലവിൽ വന്നത്‌.” അനേക രാജ്യ​ങ്ങ​ളിൽ അത്‌ ഇന്നും ഒരാചാ​ര​മാ​യി​ട്ടില്ല. വാസ്‌ത​വ​ത്തിൽ ഭാവി​വ​ര​നും വധുവും അവരുടെ വിവാ​ഹ​ദി​വ​സം​വരെ തമ്മിൽ കാണാ​തെ​പോ​ലു​മി​രു​ന്നേ​ക്കാം. അവരുടെ വിവാ​ഹ​ത്തി​നു​ളള ക്രമീ​ക​ര​ണങ്ങൾ അവരുടെ മാതാ​പി​താ​ക്ക​ളോ അല്ലെങ്കിൽ ഒരു “വിവാ​ഹ​ദ​ല്ലാ​ളോ” ഒരു “ഇടനി​ല​ക്കാ​ര​നോ” ചെയ്യുന്നു.

³ തീർച്ച​യാ​യും ഡെയി​റ​റിം​ഗും കോർട്ടിം​ഗും സാധാ​ര​ണ​യെ​ന്ന​നി​ല​യിൽ സ്വീക​രി​ക്ക​പ്പെ​ടുന്ന ഒരു രാജ്യ​ത്താണ്‌ നിങ്ങൾ ജീവി​ക്കു​ന്ന​തെ​ങ്കിൽ ചില രാജ്യ​ങ്ങ​ളിൽ ഈ സമ്പ്രദാ​യങ്ങൾ ഇല്ല എന്ന വസ്‌തുത മനസ്സി​ലാ​ക്കാൻ നിങ്ങൾക്ക്‌ ബുദ്ധി​മുട്ട്‌ തോന്നി​യേ​ക്കാം. എന്നാൽ ആ രാജ്യ​ങ്ങ​ളി​ലെ ആളുകൾക്ക്‌ നിങ്ങൾ ജീവി​ക്കുന്ന നാട്ടിലെ ആചാരങ്ങൾ അത്രതന്നെ അമ്പരപ്പ്‌ ഉളവാ​ക്കി​യേ​ക്കാം. ഡെയി​റ​റിം​ഗും  കോർട്ടിം​ഗും ബുദ്ധി​ശൂ​ന്യ​മോ ദ്രോ​ഹ​പ​ര​മോ പോലു​മാ​യി അവർ വീക്ഷി​ച്ചേ​ക്കാം. ഇൻഡ്യ​യിൽനി​ന്നു​മു​ളള ഒരു പെൺകു​ട്ടി പ്രശസ്‌ത​നായ ഒരു പാശ്ചാത്യ വിവാഹ ഉപദേ​ഷ്ടാ​വി​നോട്‌ വിശദീ​ക​രി​ച്ചു: “ഞങ്ങൾ കണ്ടുമു​ട്ടു​ക​യും സൗഹൃ​ദ​ത്തി​ലാ​വു​ക​യും ചെയ്‌ത ഒരു യുവാ​വി​ന്റെ സ്വഭാവം എപ്രകാ​ര​മു​ള​ള​താ​ണെന്ന്‌ നിർണ്ണ​യി​ക്കാൻ ഞങ്ങൾക്കെ​ങ്ങ​നെ​യാണ്‌ കഴിയുക? ഞങ്ങൾ ചെറു​പ്പ​ക്കാ​രും പരിച​യ​മി​ല്ലാ​ത്ത​വ​രു​മാണ്‌. ഞങ്ങളുടെ മാതാ​പി​താ​ക്ക​ളാ​ണെ​ങ്കിൽ പ്രായ​ക്കൂ​ടു​ത​ലു​ള​ള​വ​രും കൂടുതൽ ജ്ഞാനമു​ള​ള​വ​രു​മാണ്‌. ഞങ്ങളെ​പ്പോ​ലെ അത്ര എളുപ്പ​ത്തിൽ അവർ കബളി​പ്പി​ക്ക​പ്പെ​ടു​ക​യില്ല. ഞാൻ വിവാഹം കഴിക്കുന്ന യുവാവ്‌ യോഗ്യ​നാ​യി​രി​ക്ക​ണ​മെ​ന്നത്‌ വളരെ പ്രധാ​ന​പ്പെട്ട ഒരു സംഗതി​യാണ്‌. ഞാൻതന്നെ ആളെ കണ്ടുപി​ടി​ക്കേ​ണ്ടി​വ​രു​ക​യാ​ണെ​ങ്കിൽ എനി​ക്കൊ​രു തെററു​പ​റ​റുക വളരെ എളുപ്പ​മാണ്‌.”

⁴ അതു​കൊണ്ട്‌ നിങ്ങളു​ടെ പ്രദേ​ശ​ത്തു​ള​ളവർ ചെയ്യുന്ന രീതി മാത്രമേ ശരിയാ​യി​ട്ടു​ളളു എന്നു വിചാ​രി​ച്ചു​കൊണ്ട്‌ ഒരു ഇടുങ്ങിയ വീക്ഷണം പുലർത്തു​ന്ന​തി​ലും നല്ലത്‌ നിങ്ങളു​ടെ ചിന്താ​രീ​തി കൂടുതൽ വിശാ​ല​മാ​ക്കു​ക​യാണ്‌. ഏതായാ​ലും അന്തിമ വിശക​ല​ന​ത്തിൽ ഒരു സമ്പ്രദാ​യം നല്ലതോ ചീത്തയോ എന്നു തീരു​മാ​നി​ക്കേ​ണ്ടത്‌ കാര്യങ്ങൾ എങ്ങനെ പര്യവ​സാ​നി​ക്കു​ന്നു അല്ലെങ്കിൽ അതിന്റെ ഫലം എന്താണ്‌ എന്നു നോക്കി​യാ​യി​രി​ക്കണം. ബൈബി​ളിൽ സഭാ​പ്ര​സം​ഗി 7:8-ൽ നാം വായി​ക്കു​ന്നു: “ഒരു കാര്യ​ത്തി​ന്റെ ആരംഭ​ത്തെ​ക്കാൾ അതിന്റെ അവസാനം നല്ലത്‌.” ഡെയി​റ​റിം​ഗും കോർട്ടിം​ഗും സമ്പ്രദാ​യങ്ങൾ നിലവി​ലു​ളള രാജ്യ​ങ്ങ​ളിൽ ഒരു വലിയ ശതമാനം വിവാ​ഹങ്ങൾ ശുഭക​ര​മാ​കു​ന്നില്ല; മറിച്ച്‌ മോച​ന​ത്തിൽ അവസാ​നി​ക്കു​ന്നു എന്ന്‌ നാം സമ്മതി​ക്കേ​ണ്ടി​യി​രി​ക്കു​ന്നു.

 അപ്പോൾ, ഡെയി​റ​റിംഗ്‌ സംബന്ധി​ച്ചെന്ത്‌?

5-8. (എ) സഭാ​പ്ര​സം​ഗി 11:9, 10-ൽ പറഞ്ഞി​രി​ക്കുന്ന കാര്യങ്ങൾ നമ്മുടെ പെരു​മാ​ററം സംബന്ധിച്ച്‌ ഒരു ദീർഘ​വീ​ക്ഷ​ണ​മു​ണ്ടാ​യി​രി​ക്കാൻ നമ്മേ സഹായി​ക്കു​ന്ന​തെ​ങ്ങനെ? (ബി) അനേകം യുവജ​ന​ങ്ങ​ളും ഡെയി​റ​റിംഗ്‌ ആഗ്രഹി​ക്കു​ന്ന​തെ​ന്തു​കൊണ്ട്‌?

⁵ നിങ്ങൾ യുക്തി​പൂർവ്വം കാര്യങ്ങൾ വിശക​ലനം ചെയ്യു​ന്ന​തിൽ വിശ്വ​സി​ക്കു​ന്ന​യാ​ളാ​ണെ​ങ്കിൽ ഡെയി​റ​റിം​ഗി​ന്റെ സമീപ​കാല ഫലങ്ങളെ മാത്രമല്ല ദീർഘ​കാല ഫലങ്ങ​ളെ​ക്കൂ​ടി കണക്കി​ലെ​ടു​ക്കാൻ നിങ്ങളാ​ഗ്ര​ഹി​ക്കും. അത്തരം ദീർഘ​ദൃ​ഷ്ടി​യോ​ടെ കാര്യ​ങ്ങളെ നോക്കി​ക്കാ​ണാൻ നമ്മുടെ സ്രഷ്ടാവ്‌ നമ്മെ സഹായി​ക്കു​ന്നു. യഥാർത്ഥ​വും നിലനിൽക്കു​ന്ന​തു​മായ സന്തോഷം നമുക്കു​ണ്ടാ​യി​രി​ക്കാ​നാണ്‌ അവൻ ആഗ്രഹി​ക്കു​ന്നത്‌. അതു​കൊണ്ട്‌ തന്റെ വചനത്തി​ലൂ​ടെ അവൻ നമ്മെ പ്രോ​ത്സാ​ഹി​പ്പി​ക്കു​ന്നു: “യൗവന​ക്കാ​രാ, നിന്റെ യൗവന​ത്തിൽ സന്തോ​ഷിക്ക; യൗവന​കാ​ല​ത്തിൽ നിന്റെ ഹൃദയം ആനന്ദി​ക്കട്ടെ; നിനക്കി​ഷ്ട​മു​ളള വഴിക​ളി​ലും നിനക്കു ബോധി​ച്ച​വ​ണ്ണ​വും നടന്നു​കൊൾക. എന്നാൽ ഇവയൊ​ക്കെ​യും നിമിത്തം സത്യ​ദൈവം നിന്നെ ന്യായ​വി​സ്‌താ​ര​ത്തി​ലേക്കു വരുത്തും എന്നറിക. ആകയാൽ നിന്റെ ഹൃദയ​ത്തിൽനിന്ന്‌ ശല്യം അകററി, നിന്റെ ദേഹത്തിൽനിന്ന്‌ വിപത്തു നീക്കി​ക്കളക; ബാല്യ​വും യൗവന​വും മായയ​ത്രേ.” (സഭാ​പ്ര​സം​ഗി 11:9, 10) ഇതിന്റെ അർത്ഥ​മെ​ന്താണ്‌?

⁶ നിങ്ങൾ നിങ്ങളു​ടെ യൗവനം ആസ്വദി​ക്ക​ണ​മെ​ന്നും അതേസ​മയം നിങ്ങളു​ടെ പിൽക്കാല ജീവി​തത്തെ ദോഷ​ക​ര​മാ​യി ബാധി​ക്കുന്ന പ്രവൃ​ത്തി​ക​ളി​ലേർപ്പെ​ട​രു​തെ​ന്നും സ്രഷ്ടാവ്‌ ആഗ്രഹി​ക്കു​ന്നു എന്നാണ​തി​ന്റെ അർത്ഥം. ആധുനിക നാളിലെ ഒരെഴു​ത്തു​കാ​രൻ പ്രസ്‌താ​വിച്ച പ്രകാരം, നിർഭാ​ഗ്യ​വ​ശാൽ പലപ്പോ​ഴും അതുതന്നെ സംഭവി​ക്കു​ന്നു: “മനുഷ്യ​വർഗ്ഗ​ത്തിൽ ഭൂരി​പ​ക്ഷ​വും തങ്ങളുടെ അവസാ​ന​വർഷങ്ങൾ സങ്കടക​ര​മാ​ക്കി​ത്തീർക്കാൻ ആദ്യവർഷ​ങ്ങളെ ഉപയോ​ഗി​ക്കു​ന്നു.” നിങ്ങൾക്കതു സംഭവി​ക്കാൻ നിങ്ങളാ​ഗ്ര​ഹി​ക്കു​ന്നില്ല, ഉണ്ടോ? അങ്ങനെ സംഭവി​ക്കാൻ ദൈവ​വും ആഗ്രഹി​ക്കു​ന്നില്ല. എന്നാൽ തങ്ങൾ ചെയ്യുന്ന കാര്യ​ങ്ങൾക്ക്‌ ദൈവം യുവജ​ന​ങ്ങളെ ഉത്തരവാ​ദി​ക​ളാ​ക്കു​ന്നു എന്നും സഭാ​പ്ര​സം​ഗി​യിൽ ബൈബിൾ പ്രകട​മാ​ക്കു​ന്നു. തങ്ങൾ തെര​ഞ്ഞെ​ടു​ക്കുന്ന ഗതിയു​ടെ ഫലങ്ങൾ അനുഭ​വി​ക്കു​ന്ന​തിന്‌ അവരുടെ യൗവനം ഒരു ഒഴിക​ഴി​വാ​യി​രി​ക്ക​യില്ല.

⁷ ഇതെല്ലാം ഡെയി​റ​റിംഗ്‌ എന്ന സംഗതി​യോട്‌ ബന്ധപ്പെ​ട്ടി​രി​ക്കു​ന്നു. എങ്ങനെ? കൊള​ളാം, നിങ്ങ​ളോ​ടു​തന്നെ ചോദി​ക്കുക: “ഞാൻ ഡെയി​റ​റിംഗ്‌ ആഗ്രഹി​ക്കു​ന്ന​തെ​ന്തു​കൊ​ണ്ടാണ്‌?  ഒരു കൂട്ടത്തി​ന്റെ ഭാഗ​മെ​ന്ന​നി​ല​യിൽ എനിക്ക്‌ ആസ്വദി​ക്കാൻ കഴിയാത്ത എന്താണ്‌ ഞാൻ അന്വേ​ഷി​ക്കു​ന്നത്‌? വിപരീ​ത​ലിം​ഗ​വർഗ്ഗ​ത്തിൽപ്പെട്ട ഒരാളു​മാ​യി ജോടി തിരിഞ്ഞു പോകാൻ ഞാൻ ആഗ്രഹി​ക്കു​ന്ന​തെ​ന്തിന്‌?” എതിർലിം​ഗ​വർഗ്ഗ​ത്തിൽപ്പെ​ട്ട​വ​രോ​ടു​ളള നിങ്ങളു​ടെ വർദ്ധി​ച്ചു​വ​രുന്ന ആകർഷ​ണ​മല്ലേ അതിന്റെ അടിസ്ഥാന കാരണം? ഒരാളു​മാ​യി “ഡെയി​റ​റിംഗ്‌” ആഗ്രഹി​ക്കാ​നു​ളള മുഖ്യ​ഘ​ടകം സാധാ​ര​ണ​യാ​യി ശാരീ​രി​ക​മായ ആകർഷ​ക​ത്വ​മാ​ണെന്ന വസ്‌തു​ത​യിൽനി​ന്നും ഇതു വ്യക്തമാണ്‌.

⁸ ഡെയി​റ​റിംഗ്‌ നടത്തുന്ന അനേകം യുവജ​ന​ങ്ങ​ളും ഇപ്പോൾ വിവാ​ഹ​ത്തെ​പ്പ​ററി ഗൗരവ​മാ​യി ചിന്തി​ക്കു​ക​യോ ഇപ്പോൾ ഡെയി​റ​റിംഗ്‌ നടത്തു​ന്ന​യാ​ളെ അവശ്യം വിവാഹ ഇണയായി ആഗ്രഹി​ക്കു​ക​യോ ചെയ്യു​ന്ന​വരല്ല. ഡെയി​റ​റിംഗ്‌ ഒരു ആചാര​മാ​യി അംഗീ​ക​രി​ക്ക​പ്പെ​ട്ടി​രി​ക്കുന്ന മിക്ക സ്ഥലങ്ങളി​ലും അതു ഒരു വിനോ​ദ​മാ​യി, ഒരു സായാ​ഹ്ന​മോ ഒരു വാരാ​ന്ത്യ​മോ ചെലവ​ഴി​ക്കാ​നു​ളള ഒരു രീതി​യാ​യി വീക്ഷി​ക്ക​പ്പെ​ടു​ന്നു. “വ്യത്യസ്‌ത”രായി വീക്ഷി​ക്ക​പ്പെ​ടാൻ ആഗ്രഹി​ക്കാ​ത്ത​തു​കൊണ്ട്‌ അവരുടെ, പ്രായ​ത്തിൽപ്പെട്ട മററു​ള​ളവർ അങ്ങനെ ചെയ്യു​ന്ന​തു​കൊണ്ട്‌, ചിലർ ഡെയി​റ​റിം​ഗു നടത്തുന്നു. എന്നാൽ ഡെയി​റ​റിംഗ്‌ “ശല്യ”ത്തിലേ​ക്കോ “വിപത്തി”ലേക്കു​പോ​ലു​മോ നയി​ച്ചേ​ക്കാം. എന്തു​കൊ​ണ്ടെന്നു നമുക്ക്‌ നോക്കാം.

ശാരീ​രിക സ്‌പർശ​ന​ത്തി​ന്റെ ഫലങ്ങൾ

9-11. (എ) ഡെയി​റ​റിം​ഗിൽ ഏതുതരം ശാരീ​രിക സ്‌പർശ​ന​മാണ്‌ ഉൾപ്പെ​ട്ടി​രി​ക്കു​ന്നത്‌? അതു ക്രമേണ കൂടുതൽ കൂടുതൽ അടുപ്പ​ത്തി​ലേക്കു നീങ്ങാ​നു​ളള ചായ്‌വു​ള​ള​തെ​ന്തു​കൊണ്ട്‌? (ബി) അവിവാ​ഹി​ത​രാ​യ​വ​രു​ടെ കാര്യ​ത്തിൽ അതു പിരി​മു​റു​ക്ക​ത്തി​നു ഇടയാ​ക്കി​യേ​ക്കാ​വു​ന്ന​തെ​ന്തു​കൊണ്ട്‌? (സി) ഇത്തരം സ്‌പർശ​നങ്ങൾ പരസം​ഗ​ത്തി​ലേക്ക്‌ നയിക്കു​ന്നു​വെ​ങ്കിൽ അതു പലതര​ത്തി​ലു​ളള അത്യാ​ഹി​ത​ങ്ങൾക്കി​ട​യാ​ക്കാ​വു​ന്ന​തെ​ന്തു​കൊണ്ട്‌?

⁹ മിക്ക​പ്പോ​ഴും ഡെയി​റ​റിം​ഗിൽ കരം ഗ്രസി​ക്കു​ന്ന​തോ ചുംബി​ക്കു​ന്ന​തോ അതില​പ്പു​റം പോലു​മോ ആയ ശാരീ​രി​ക​സ്‌പർശനം ഉൾപ്പെ​ടു​ന്നു. ആദ്യ​മൊ​ക്കെ മറെറ​യാ​ളി​ന്റെ കൈക​ളിൽ സ്‌പർശി​ക്കു​ന്നതു തന്നെ രോമാ​ഞ്ച​ജ​ന​ക​മാം​വണ്ണം രസകര​മാ​യി​രു​ന്നേ​ക്കാം. എന്നാൽ കുറേ​ക്ക​ഴി​യു​മ്പോൾ പുതുമ നശിച്ച്‌ അതേ ഫലം ഉളവാ​ക്കാ​താ​കു​ന്നു. അതിലു​പ​രി​യാ​യി ചുംബനം ആകർഷ​ക​മാ​യി തോന്നി​യേ​ക്കാം. എന്നാൽ പിന്നീട്‌ അതി​ന്റെ​യും പുതുമ നശിച്ച്‌ ഒരു സാധാ​ര​ണ​സം​ഗ​തി​യാ​യി മാറുന്നു. അതെന്തു​കൊ​ണ്ടാണ്‌?

¹⁰ കാരണം ലൈം​ഗി​കാ​ഗ്രഹം ഉൾപ്പെ​ട്ടി​രി​ക്കു​ന്നി​ടത്ത്‌  ഇതൊ​ക്കെ​യും ഒരു പ്രത്യേക ഫലത്തി​ലേക്കു നയിക്കാ​നു​ദ്ദേ​ശി​ക്ക​പ്പെ​ട്ടി​ട്ടു​ളള ഒരു സംഭവ​പ​ര​മ്പ​ര​യു​ടെ ഭാഗങ്ങ​ളാണ്‌. അതിന്റെ ആദ്യക​ണ്ണി​യാണ്‌ ആദ്യസ്‌പർശനം. അതിന്റെ അവസാനം വിവാ​ഹിത ഇണകൾക്കു മാത്രം അവകാ​ശ​പ്പെ​ട്ട​തെന്ന്‌ ദൈവ​വ​ചനം വ്യക്തമാ​ക്കുന്ന ലൈം​ഗി​ക​ബ​ന്ധ​മാണ്‌. അതിനി​ട​ക്കു​ള​ള​തി​നെ​ല്ലാം ശൃംഖ​ല​യി​ലെ അവസാ​ന​ക​ണ്ണി​യി​ലേക്കു നയിക്കാൻ കഴിയും. അപ്പോൾ നിങ്ങൾ വിവാ​ഹി​ത​ര​ല്ലെ​ങ്കിൽ ആദ്യക​ണ്ണി​യി​ലോ മറേറ​തെ​ങ്കി​ലും കണ്ണിയി​ലോ ആരംഭ​മി​ടു​ന്നത്‌ ബുദ്ധി​പൂർവ്വ​ക​മാ​യി​രി​ക്കു​മോ? അങ്ങനെ ചെയ്‌താൽ അതു മിക്കവാ​റും “ശല്യം” കൈവ​രു​ത്തി​യേ​ക്കാം. എന്തു​കൊണ്ട്‌? കാരണം ഇപ്പോൾ ലഭിക്ക​രു​താത്ത ആ അവസാന കണ്ണിക്കു​വേണ്ടി നിങ്ങളു​ടെ ശരീരം തയ്യാ​റെ​ടു​ക്കാൻ പോവു​ക​യാണ്‌. ലൈം​ഗിക ബന്ധത്തി​നു​ളള ആഗ്രഹം ഉണർത്തി​യിട്ട്‌ അതു സഫലീ​ക​രി​ക്കാ​തെ പോകു​ന്നത്‌ മോഹ​ഭം​ഗ​ത്തി​ലേ​ക്കും പിരി​മു​റു​ക്ക​ത്തി​ലേ​ക്കും നയി​ച്ചേ​ക്കാം.

¹¹ “പരസംഗം” ശല്യം അവസാ​നി​പ്പി​ക്കു​ക​യില്ല, മറിച്ച്‌ അതു “വിപത്തി”ലേക്കു നയി​ച്ചേ​ക്കാം. എങ്ങനെ? പലേ വിധങ്ങ​ളിൽ. അതിന്റെ ഫലമായി ലൈം​ഗിക രോഗങ്ങൾ പിടി​പെ​ട്ടേ​ക്കാം. പെൺകു​ട്ടി ഗർഭം ധരി​ച്ചേ​ക്കാം. അതു അവരുടെ ഭാവി സന്തോ​ഷത്തെ ദോഷ​ക​ര​മാ​യി ബാധി​ക്കാൻ തക്കവണ്ണം അവർ വേണ്ടത്ര തയ്യാ​റെ​ടു​പ്പു കൂടാതെ വിവാ​ഹി​ത​രാ​കാൻ അവരു​ടെ​മേൽ നിർബന്ധം ചെലു​ത്തി​യേ​ക്കാം. അല്ലെങ്കിൽ യുവാവ്‌ വിവാ​ഹ​ത്തിന്‌ വിസമ്മ​തി​ച്ചിട്ട്‌ യുവതി ഭർത്താ​വി​നെ കൂടാതെ ആ കുഞ്ഞിനെ വളർത്തി​ക്കൊ​ണ്ടു വരാൻ നിർബ​ന്ധി​ത​യാ​യേ​ക്കാം. അതുമ​ല്ലെ​ങ്കിൽ അവൾ ഒരു തരത്തി​ലു​ളള കൊല​പാ​ത​ക​മെന്ന്‌ ബൈബിൾ ചൂണ്ടി​ക്കാ​ണി​ക്കുന്ന ഗർഭച്ഛി​ദ്ര​ത്തിന്‌ വിധേ​യ​യാ​കാൻ പ്രലോ​ഭി​പ്പി​ക്ക​പ്പെ​ട്ടേ​ക്കാം. അത്‌ ഒരു “വിപത്ത”ല്ലേ? ഡെയി​റ​റിം​ഗിന്‌ നിങ്ങളു​ടെ മേൽ ഇത്തരം പരിണ​ത​ഫ​ലങ്ങൾ ഉണ്ടാകു​ക​യി​ല്ലെന്ന്‌ നിങ്ങൾക്ക്‌ തീർച്ച​യു​ണ്ടാ​യി​രി​ക്കാം. എന്നാൽ നിങ്ങ​ളെ​പ്പോ​ലെ തന്നെ നിശ്ചയ​മു​ണ്ടാ​യി​രുന്ന അനേകർ ഇത്തരം പ്രശ്‌ന​ങ്ങളെ അഭിമു​ഖീ​ക​രി​ക്കേണ്ട അവസ്ഥയിൽ ചെന്നു ചാടി. അപ്പോൾ യഥാർത്ഥ​ത്തിൽ നിങ്ങൾ വിവാ​ഹ​ത്തി​നു തയ്യാറാ​ണോ അല്ലയോ എന്ന ചോദ്യ​ത്തി​ലേക്കു നാം തിരിച്ചു വരുന്നു.

നിങ്ങളു​ടെ വ്യക്തിത്വ വികാസം

12, 13. ഡെയി​റ​റിംഗ്‌ ഒരുവന്റെ വളർച്ചയെ എങ്ങനെ തടസ്സ​പ്പെ​ടു​ത്തി​യേ​ക്കാം? അതു​കൊണ്ട്‌ ഏതുത​ര​ത്തി​ലു​ളള ബന്ധങ്ങളാ​യി​രി​ക്കാം കൂടുതൽ പ്രയോ​ജ​ന​കരം?

¹² ഡെയി​റ​റിംഗ്‌ നേരിട്ട്‌ ഒരു “വിപത്തി”ലേക്ക്‌ നയിക്കാ​ത്ത​പ്പോൾപോ​ലും  അതിന്‌ മററ്‌ ബുദ്ധി​മു​ട്ടു​കൾക്കി​ട​യാ​ക്കാൻ കഴിയും. അതി​ലൊന്ന്‌ വളരെ വേഗം നിങ്ങളു​ടെ താൽപ​ര്യം ഒരാളി​ലൊ​തു​ങ്ങി നിൽക്കാൻ തക്കവണ്ണം ഇടുങ്ങി​യ​താ​കാൻ ചായ്‌വ്‌ കാണി​ക്കു​ന്നു എന്നതാണ്‌. അത്‌ നിങ്ങൾ വൈകാ​രിക പക്വത​യി​ലേക്കു വളരു​ന്ന​തിന്‌ വളരെ​യ​ധി​കം വ്യത്യസ്‌ത തരത്തി​ലു​ളള ആളുക​ളു​മാ​യി സഹവസി​ക്കേണ്ട ആവശ്യ​മു​ളള സമയത്താ​ണു​താ​നും. നിങ്ങൾ ഒരു യുവാ​വാ​ണെ​ങ്കിൽ ആദ്യം ഒരു യഥാർത്ഥ പുരു​ഷ​നാ​യി വളരു​ന്ന​തിൽ ശ്രദ്ധ കേന്ദ്രീ​ക​രി​ച്ചു​കൊണ്ട്‌ നിങ്ങളു​ടെ സഹവാസം ശരിയാ​യ​തി​നോട്‌ ആദരവു​ളള മററു പുരു​ഷൻമാ​രു​മാ​യി​ട്ടാ​യി​രി​ക്ക​രു​തോ? നിങ്ങൾക്ക്‌ പുരു​ഷത്വ ഗുണങ്ങ​ളും രീതി​ക​ളും അവരിൽനിന്ന്‌ പഠിക്കാൻ കഴിയും. നിങ്ങൾ ഒരു യുവതി​യാ​ണെ​ങ്കിൽ ആദ്യം ഒരു നല്ല സ്‌ത്രീ​യാ​യി​ത്തീ​രാൻ നിങ്ങളെ സഹായി​ക്കാൻ കഴിയു​ന്ന​വ​രോട്‌ സഹവസിച്ച്‌ സ്‌ത്രീ​സ​ഹ​ജ​മായ പ്രാപ്‌തി​ക​ളും രീതി​ക​ളും വികസി​പ്പി​ക്കു​ന്ന​തിൽ എന്തു​കൊണ്ട്‌ താൽപ​ര്യ​മെ​ടു​ത്തു​കൂ​ടാ? ഡെയി​റ​റിംഗ്‌ യഥാർത്ഥ​ത്തിൽ അത്തരം വളർച്ചയെ തടസ്സ​പ്പെ​ടു​ത്തു​ക​യും മന്ദീഭ​വി​പ്പി​ക്കു​ക​യും ചെയ്യുന്നു.

¹³ ഡെയി​റ​റിംഗ്‌ ഒരു ആചാര​മെന്ന നിലയിൽ പ്രചാ​ര​ത്തിൽ വരുന്ന​തിന്‌ മുമ്പ്‌ യുവജ​ന​ങ്ങൾക്ക്‌ സന്തോഷം കൈവ​രു​ത്തുന്ന ധാരാളം കാര്യ​ങ്ങ​ളു​ണ്ടാ​യി​രു​ന്നു. നിങ്ങൾക്കും അങ്ങനെ ഉണ്ടായി​രി​ക്കാൻ കഴിയും. സംഭാ​ഷി​ക്കു​ന്ന​തി​ലും പഠിക്കു​ന്ന​തി​ലും പ്രാപ്‌തി​കൾ വികസി​പ്പി​ക്കു​ന്ന​തി​ലും ഏതെങ്കി​ലും പദ്ധതികൾ പ്രാവർത്തി​ക​മാ​ക്കു​ന്ന​തി​ലും കളിക​ളി​ലേർപ്പെ​ടു​ന്ന​തി​ലും സ്ഥലങ്ങൾ സന്ദർശി​ക്കു​ന്ന​തി​ലും കാഴ്‌ചകൾ കാണു​ന്ന​തി​ലും നിങ്ങൾക്ക്‌ യഥാർത്ഥ സന്തോഷം കണ്ടെത്താൻ കഴിയും. ഈ വക കാര്യങ്ങൾ സ്വന്ത ലിംഗ​വർഗ്ഗ​ത്തിൽപെട്ട ഒരാളു​മാ​യോ ഒരു കൂട്ട​ത്തോ​ടൊ​ത്തോ ചെയ്യു​ന്ന​തിൽ വളരെ​യ​ധി​കം ആസ്വാ​ദ്യത കണ്ടെത്താൻ കഴിയും. ഗ്രൂപ്പിൽപെ​ട്ടവർ എത്രമാ​ത്രം വ്യത്യ​സ്‌ത​രാ​യി​രി​ക്കു​ന്നു​വോ—ചിലർ നിങ്ങളു​ടെ പ്രായ​ത്തി​ലു​ള​ള​വ​രും ചിലർ നിങ്ങ​ളേ​ക്കാൾ മൂത്തവ​രും ചിലർ ഇളയവ​രു​മാ​യി​രി​ക്കാം—അത്രകണ്ട്‌ നിങ്ങളു​ടെ ആസ്വാ​ദ്യത ഏറിയി​രി​ക്കും.

വിവാ​ഹി​ത​രാ​കേ​ണ്ട​തെ​പ്പോൾ?

14, 15. (എ) കൗമാ​ര​പ്രാ​യ​ത്തി​ലു​ളള വിവാ​ഹ​ത്തി​ന്റെ ഔചി​ത്യ​ത്തെ​പ്പ​ററി നിങ്ങൾ എന്തു വിചാ​രി​ക്കു​ന്നു? (ബി) വിവാ​ഹി​ത​രാ​കാ​നു​ളള തങ്ങളുടെ മക്കളുടെ ആഗ്രഹ​ത്തോ​ടു​ളള ബന്ധത്തിൽ മാതാ​പി​താ​ക്കൾക്ക്‌ എന്ത്‌ ഉത്തരവാ​ദി​ത്വ​മാ​ണു​ള​ളത്‌?

¹⁴ എന്നാൽ സ്വാഭാ​വി​ക​മാ​യും ഒരു യുവാ​വോ യുവതി​യോ വിവാഹം ചെയ്യാൻ ആഗ്രഹി​ക്കുന്ന സമയം വന്നെത്തു​ന്നു.  അതിന്‌ ഏററവും ഉചിത​മായ സമയം എപ്പോ​ഴാണ്‌—അതു നിങ്ങൾ കൗമാര പ്രായ​ത്തി​ലാ​യി​രി​ക്കു​മ്പോൾ തന്നെയാ​ണോ? പൊതു​വേ പറഞ്ഞാൽ അങ്ങനെ​യാ​യി​രി​ക്കു​ന്നില്ല. കാരണം കൗമാര പ്രായ​ത്തി​ലെ വിവാ​ഹങ്ങൾ ഒരാളോ രണ്ടു പേരു​മോ കുറച്ചു​കൂ​ടി പക്വത​യി​ലെ​ത്തി​യ​തി​നു ശേഷമു​ളള വിവാ​ഹ​ങ്ങ​ളോ​ളം വിജയി​ക്കു​ന്നില്ല എന്ന്‌ കഠിന യാഥാർത്ഥ്യ​ങ്ങൾ വ്യക്തമാ​ക്കു​ന്നു. ഒരു മാനവ സമുദായ ശാസ്‌ത്രജ്ഞൻ അഭി​പ്രാ​യ​പ്പെ​ട്ട​പ്ര​കാ​രം: “പൊതു​വേ നോക്കി​യാൽ കൗമാ​ര​പ്രാ​യ​ത്തി​ലെ വിവാ​ഹ​ങ്ങ​ളു​ടെ സവി​ശേഷത കുറച്ചു​കൂ​ടി പ്രായ​മാ​യ​വ​രു​ടെ ഇടയിലെ വിവാ​ഹ​ത്തി​ലേ​തി​നേ​ക്കാൾ കൂടിയ നിരക്കിൽ വിവാ​ഹ​മോ​ച​ന​വും അസന്തു​ഷ്ടി​യും ഉണ്ട്‌ എന്നതാണ്‌ എന്ന്‌ ഗവേഷ​ണങ്ങൾ തെളി​യി​ക്കു​ന്നു.”

¹⁵ നേരെ മറിച്ച്‌, അത്തരം ചെറു​പ്പ​ക്കാർക്കി​ട​യി​ലെ വിവാ​ഹങ്ങൾ കർശന​മാ​യി വിലക്കു​ന്ന​തിന്‌ തിരു​വെ​ഴു​ത്തു​പ​ര​മായ അടിസ്ഥാ​ന​മൊ​ന്നു​മില്ല. സാധാ​ര​ണ​യാ​യി ഓരോ രാജ്യ​ത്തെ​യും നിയമങ്ങൾ തങ്ങളുടെ കുട്ടി​ക​ളു​ടെ പരമാ​വധി പ്രയോ​ജ​ന​ത്തി​ലേ​ക്കും സന്തുഷ്ടി​യി​ലേ​ക്കും നയിക്കു​ന്ന​തും അവരുടെ ഉത്തമ താൽപ​ര്യ​ങ്ങൾക്ക്‌ ഉതകു​ന്ന​തെന്ന്‌ തങ്ങൾ വിശ്വ​സി​ക്കു​ന്ന​തു​മായ തീരു​മാ​നങ്ങൾ ചെയ്യു​ന്ന​തിന്‌ തങ്ങളുടെ വിവേചന ഉപയോ​ഗി​ക്കാൻ മാതാ​പി​താ​ക്കളെ അനുവ​ദി​ക്കു​ന്നു. തങ്ങളുടെ അധികാ​ര​ത്തിൻ കീഴി​ലു​ളള പുത്രീ​പു​ത്രൻമാ​രു​ടെ വിവാഹം അനുവ​ദി​ക്കു​ന്ന​തി​നോ അനുവ​ദി​ക്കാ​തി​രി​ക്കു​ന്ന​തി​നോ അവർ തീരു​മാ​നം ചെയ്‌തേ​ക്കാം. തീർച്ച​യാ​യും നമ്മുടെ നാളു​ക​ളി​ലെ അനേകം പ്രശ്‌ന​ങ്ങ​ളും വിവാ​ഹ​ങ്ങ​ളു​ടെ ഉയർന്ന പരാജ​യ​നി​ര​ക്കും അവർ വളരെ​യ​ധി​കം ജാഗ്രത പുലർത്താൻ ഇടയാ​ക്കേ​ണ്ട​താണ്‌. ‘വേഗത്തിൽ വിവാ​ഹി​ത​രാ​വു​ക​യും സാവകാ​ശം പശ്ചാത്ത​പി​ക്കു​ക​യും’ ചെയ്യു​ന്ന​തി​ലും മെച്ചമാ​യി, ചിന്തി​ക്കുന്ന യുവജ​ന​ങ്ങളെ ജാഗ്രത പുലർത്താൻ അതു ഇടയാ​ക്കേ​ണ്ട​താണ്‌. ഒരു വാതി​ലി​ന​പ്പു​റത്ത്‌ എന്താണു​ള​ളത്‌ എന്ന്‌ നിശ്ചയ​മി​ല്ലാ​ത്ത​പ്പോൾ തുറന്നു കിടക്കു​ന്നു എന്ന കാരണ​ത്താൽ അതി​ലേക്കു പാഞ്ഞു​ക​യ​റു​ന്നത്‌ മൗഢ്യ​മാണ്‌.

ഒരു വിവാഹ ഇണയെ തെര​ഞ്ഞെ​ടു​ക്കൽ

16-19. (എ) കോർട്ടിംഗ്‌ അനുവ​ദി​ക്ക​പ്പെ​ട്ടി​രി​ക്കു​ന്നി​ട​ങ്ങ​ളിൽ ഗലാത്യർ 5:13-ലെ തത്വത്തി​ന്റെ ബാധക​മാ​ക്കൽ പ്രയോ​ജ​ന​ക​ര​മെന്ന്‌ തെളി​യു​ന്ന​തെ​ങ്ങനെ? (ബി) കോർട്ടിം​ഗി​ന്റെ ലക്ഷ്യ​മെ​ന്താ​യി​രി​ക്കണം? അതു​കൊണ്ട്‌ അതിൽ ഏർപ്പെ​ടു​ന്നവർ എന്തിന്‌ തയ്യാറാ​യി​രി​ക്കണം? (സി) വിപരീ​ത​ലിം​ഗ​വർഗ്ഗ​ത്തിൽപ്പെട്ട ഒരാളു​മാ​യി പരിച​യ​പ്പെ​ടു​ന്നത്‌ ഒററയ്‌ക്കാ​യി​രി​ക്കു​മ്പോ​ഴാ​യി​രി​ക്കാ​തെ ഒരു കൂട്ടത്തി​ന്റെ ഭാഗമാ​യി​രി​ക്കു​ന്നത്‌ നിങ്ങൾക്ക്‌ ഒരു നേട്ടമാ​യി​രി​ക്കു​ന്ന​തെ​ന്തു​കൊണ്ട്‌?

¹⁶ ചില സ്ഥലങ്ങളിൽ മാതാ​പി​താ​ക്ക​ളി​ലൊ​രാ​ളു​ടെ​യോ  അല്ലെങ്കിൽ മറെറാ​രു മുതിർന്ന​യാ​ളി​ന്റെ​യോ സാന്നി​ദ്ധ്യ​ത്തിൽ മാത്രമേ ഒരു യുവാ​വി​നെ ഒരു പെൺകു​ട്ടി​യോ​ടൊ​പ്പം ആയിരി​ക്കാൻ അനുവ​ദി​ക്കു​ക​യു​ളളു. എന്നാൽ പലേ പാശ്ചാത്യ നാടു​ക​ളി​ലും അങ്ങനെ​യൊ​രാ​ളു​ടെ സാന്നി​ദ്ധ്യ​ത്തി​ല​ല്ലാ​തെ​തന്നെ മിക്ക​പ്പോ​ഴും യുവജ​നങ്ങൾ ഒന്നിച്ചു​കൂ​ടു​ന്നു. അപ്പോൾ കൂടു​ത​ലായ സ്വാത​ന്ത്ര്യം അനുവ​ദി​ക്ക​പ്പെ​ട്ടി​രി​ക്കു​ന്നി​ടത്ത്‌ തന്റെ കോർട്ടിംഗ്‌ യഥാർത്ഥ​ത്തിൽ സന്തോ​ഷ​ക​ര​വും വിജയ​പ്ര​ദ​വു​മായ ഒരു വിവാ​ഹ​ത്തി​ലേക്കു നയിക്കു​മെന്ന്‌ ഉറപ്പു​വ​രു​ത്താൻ ഒരു യുവാ​വി​നോ യുവതി​ക്കോ എന്തു​ചെ​യ്യാൻ കഴിയും എന്നതാണ്‌ പ്രശ്‌നം.

¹⁷ സ്വാത​ന്ത്ര്യം എല്ലായ്‌പ്പോ​ഴും അതോ​ടൊ​പ്പം ഉത്തരവാ​ദി​ത്വ​വും കൈവ​രു​ത്തു​ന്നു. മേൽപ്പറഞ്ഞ പ്രശ്‌ന​മാണ്‌ നിങ്ങൾ ഇപ്പോൾ അഭിമു​ഖീ​ക​രി​ക്കു​ന്ന​തെ​ങ്കിൽ ബൈബി​ളിൽ ഗലാത്യർ 5:13-ൽ പറഞ്ഞി​രി​ക്കുന്ന തത്വം മനസ്സിൽ പിടി​ക്കു​ന്നത്‌ നന്നായി​രി​ക്കും. ക്രിസ്‌തീയ മതം ആശ്ലേഷി​ക്കു​ന്ന​വർക്ക്‌ അതു കൈവ​രു​ത്തു​മാ​യി​രുന്ന ആത്മീയ സ്വാത​ന്ത്ര്യ​ത്തെ​പ്പ​റ​റി​യാ​യി​രു​ന്നു പൗലോസ്‌ അവിടെ സംസാ​രി​ച്ചത്‌. എന്നാൽ ആ തത്വം എല്ലാത്തരം സ്വാത​ന്ത്ര്യ​ത്തി​നും ബാധക​മാണ്‌. വിശേ​ഷി​ച്ചും നാം അതുവഴി നല്ല ഫലങ്ങളും ദൈവാം​ഗീ​കാ​ര​വും നേടാൻ ആഗ്രഹി​ക്കു​ന്നെ​ങ്കിൽ. അപ്പോ​സ്‌തലൻ എഴുതു​ന്നു: “സഹോ​ദ​രൻമാ​രെ, നിങ്ങൾ തീർച്ച​യാ​യും സ്വാത​ന്ത്ര്യ​ത്തി​നാ​യി വിളി​ക്ക​പ്പെ​ട്ടി​രി​ക്കു​ന്നു; ഈ സ്വാത​ന്ത്ര്യം ജഡത്തിന്‌ പ്രോ​ത്സാ​ഹ​ന​മാ​ക്കുക മാത്രം ചെയ്യാതെ സ്‌നേ​ഹ​ത്താൽ അന്യോ​ന്യം സേവി​പ്പിൻ.” യഥാർത്ഥ സ്‌നേഹം ദൈവ​ത്തോ​ടും നാം പ്രേമാ​ഭ്യർത്ഥ​ന​യു​മാ​യി സമീപി​ക്കുന്ന ആൾ ഉൾപ്പെ​ടെ​യു​ളള സഹമനു​ഷ്യ​രോ​ടു​മു​ളള സ്‌നേഹം നമുക്കു​ളള സ്വാത​ന്ത്ര്യം സ്വാർത്ഥ​പ​ര​മാ​യും ഉപദ്ര​വ​ക​ര​മാ​യും ഉപയോ​ഗി​ക്കാ​തി​രി​ക്കാൻ നമ്മെ സഹായി​ക്കും.

¹⁸ ഉചിത​മാ​യും വിവാഹം ലക്ഷ്യമാ​ക്കി വേണം കോർട്ടിംഗ്‌ നടത്താൻ. അതു​കൊണ്ട്‌ ഒരു വ്യക്തി വിവാ​ഹ​ജീ​വി​ത​ത്തി​ന്റേ​തായ ഉത്തരവാ​ദി​ത്വ​ങ്ങൾ ഏൽക്കാൻ തയ്യാറാ​കു​ന്ന​തു​വരെ അത്‌ ആരംഭി​ക്ക​രുത്‌. തീർച്ച​യാ​യും ആരംഭ​ത്തിൽതന്നെ ഒരാളെ വിവാഹം കഴിക്കാൻ ആഗ്രഹി​ക്കു​ന്നോ എന്ന്‌ തിരി​ച്ച​റി​യാൻ നിങ്ങൾക്ക്‌ കഴിയു​ക​യില്ല. അതു​കൊണ്ട്‌ ഏതെങ്കി​ലും ഒരു വ്യക്തി​യിൽ മാത്രം ശ്രദ്ധവ​യ്‌ക്കാൻ ധൃതി കൂട്ടാ​തി​രി​ക്കു​ന്നത്‌ ബുദ്ധി​പൂർവ്വ​ക​മാ​യി​രി​ക്കും. എന്നാൽ വെറും തമാശക്കു വേണ്ടി​മാ​ത്രം “കോർട്ടിംഗ്‌” നടത്തു​ക​യോ പലരു​ടെ​യ​ടു​ത്തും മാറി​മാ​റി പ്രേമ​ലീ​ലകൾ കാട്ടു​ക​യോ ചെയ്യു​ന്നത്‌ ന്യായ​യു​ക്ത​മാ​യി​രി​ക്കു​ന്നില്ല.

 ¹⁹ നിങ്ങൾക്ക്‌ ആരി​ലെ​ങ്കി​ലും പ്രത്യേക “താല്‌പര്യ”മുണ്ടെ​ങ്കി​ലും കുറേ​ക്കാ​ല​ത്തേക്ക്‌ ഒരു കൂട്ടത്തി​ന്റെ ഭാഗമാ​യി കൂട്ടായ പ്രവർത്ത​ന​ങ്ങ​ളിൽ ആ ആളുമാ​യു​ളള സഹവാസം ഒതുക്കി നിർത്താൻ ശ്രമി​ക്കു​ന്നത്‌ ബുദ്ധി​പൂർവ്വ​ക​മാ​യി​രി​ക്കും. എന്തു​കൊണ്ട്‌? കാരണം അങ്ങനെ​യു​ളള സാഹച​ര്യ​ങ്ങ​ളിൽ മിക്ക​പ്പോ​ഴും അയാൾ യഥാർത്ഥ​ത്തിൽ എപ്രകാ​ര​മു​ളള ഒരു വ്യക്തി​യാ​ണെ​ന്നത്‌ സംബന്ധിച്ച്‌ മെച്ചമായ ഒരു ധാരണ നിങ്ങൾക്ക്‌ ലഭിക്കും. എന്തു​കൊ​ണ്ടെ​ന്നാൽ മററാ​രും നമ്മെ പ്രത്യേ​കാൽ ശ്രദ്ധി​ക്കു​ന്നു എന്ന തോന്ന​ലി​ന്റെ സമ്മർദ്ദം ഇല്ലാത്ത​പ്പോ​ഴാണ്‌ നമ്മൾ യഥാർത്ഥ​ത്തിൽ “ആയിരി​ക്കു​ന്ന​തു​പോ​ലെ” പ്രത്യ​ക്ഷ​പ്പെ​ടാൻ ചായ്‌വ്‌ കാണി​ക്കു​ന്നത്‌. എന്നാൽ രണ്ടു പേർ കൂട്ടം വിട്ടു​മാ​റി​ക്ക​ഴി​യു​മ്പോൾ നിങ്ങൾ എന്തായി​രി​ക്കാൻ മറേറ​യാൾ ആഗ്രഹി​ക്കു​ന്നു​വോ അത്തരത്തിൽ പ്രത്യ​ക്ഷ​പ്പെ​ടാൻ, ഒരുപക്ഷേ മറേറ​യാ​ളി​ന്റെ ഇഷ്ടാനി​ഷ്ടങ്ങൾ പ്രതി​ബിം​ബി​പ്പി​ക്കാ​നാണ്‌ സ്വാഭാ​വി​ക​മാ​യി ചായ്‌വ്‌ കാണി​ക്കാറ്‌. ചില​പ്പോൾ ഇതിന്‌ ഒരാളു​ടെ യഥാർത്ഥ വ്യക്തി​ത്വ​ത്തെ മറച്ചു വയ്‌ക്കാൻ കഴി​ഞ്ഞേ​ക്കും. ജോടി തിരിഞ്ഞു കഴിയു​മ്പോൾ ആളുകൾ കൂടുതൽ വൈകാ​രി​ക​മാ​യി അടുക്കാൻ ഇടയാ​കു​ന്നു. അവർ പരസ്‌പരം ഒരു “റോസ്‌ കണ്ണാടി​യി​ലൂ​ടെ” കാണാൻ തുടങ്ങു​ന്നു. അത്തരം ഒരു വികാ​ര​ത്ത​ള​ള​ലി​ന്റെ ഫലമായി രണ്ടു പേർ വിവാ​ഹി​ത​രാ​കു​ന്നു​വെ​ങ്കിൽ മിക്ക​പ്പോ​ഴും അവർ ചില പരുക്കൻ യാഥാർത്ഥ്യ​ങ്ങളെ അഭിമു​ഖീ​ക​രി​ക്കേണ്ടി വരുന്നു.

20-22. (എ) കോർട്ടിം​ഗി​നോ​ടു​ളള സത്യസ​ന്ധ​വും നിസ്വാർത്ഥ​വു​മായ സമീപനം പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) നിങ്ങളു​ടെ ഭാവി ഇണയെ സംബന്ധിച്ച്‌ കോർട്ടിം​ഗി​ലൂ​ടെ നിങ്ങൾക്ക്‌ എന്തു പഠിക്കാൻ കഴിയും? ഒരു ഇണയിൽ ഏതു ഗുണങ്ങ​ളാ​യി​രി​ക്കും നിങ്ങൾ വിശേ​ഷാൽ ആഗ്രഹി​ക്കുക?

²⁰ സാധാ​ര​ണ​യാ​യി ഒരു സ്‌ത്രീ​യിൽ താല്‌പ​ര്യം പ്രകട​മാ​ക്കി​ക്കൊണ്ട്‌ ഒരു പുരു​ഷ​നാണ്‌ പ്രേമാ​ഭ്യർത്ഥന നടത്തു​ന്ന​തിൽ മുൻകൈ എടുക്കു​ന്നത്‌. അയാൾ സത്യസ​ന്ധ​നും അതു സംബന്ധിച്ച്‌ ഗൗരവ​മു​ള​ള​വ​നു​മാ​ണെ​ങ്കിൽ ആ സ്‌ത്രീക്ക്‌ അയാൾ വിവാ​ഹ​ത്തെ​പ്പ​ററി ചിന്തി​ക്കു​ക​യെ​ങ്കി​ലും ചെയ്യുന്നു എന്ന്‌ വിശ്വ​സി​ക്കാൻ മതിയായ കാരണ​മുണ്ട്‌. എങ്കിൽ എന്ത്‌? കൊള​ളാം അവൾ അയാളു​മാ​യി വിവാ​ഹി​ത​യാ​കാൻ ആഗ്രഹി​ക്കു​ന്ന​താ​യി വിശ്വ​സി​ക്കു​ന്നു​വോ എന്ന്‌ തന്നോ​ടു​തന്നെ ചോദി​ക്കാ​നു​ളള കടപ്പാട്‌ അവൾക്കുണ്ട്‌. തന്റെ ഭാവി ഭർത്താ​വാ​യി അയാളെ കരുതാൻ സാദ്ധ്യമല്ല എന്ന്‌ അവൾക്ക്‌ തീർച്ച​യു​ണ്ടെ​ങ്കിൽ  തന്നിൽ അയാൾ ആഴമായ താൽപ​ര്യം വളർത്താൻ അനുവ​ദി​ക്കു​ന്നത്‌ അവളുടെ ഭാഗത്ത്‌ ക്രൂര​ത​യാ​യി​രി​ക്കും. ചിലർ പ്രേമാ​ഭ്യർത്ഥ​ന​കൾക്ക്‌ സമ്മതി​ക്കു​ന്നത്‌ അത്‌ മററു​ള​ള​വ​രു​ടെ ദൃഷ്ടി​യിൽ അവരുടെ ജനസമ്മ​തി​യും യോഗ്യ​ത​യും വർദ്ധി​പ്പി​ക്കു​മെ​ന്നും അതുവഴി മററു യുവാക്കൾ അവരെ ശ്രദ്ധി​ക്കാ​നി​ട​യാ​ക്കു​മെ​ന്നും പ്രതീ​ക്ഷി​ച്ചാണ്‌. തങ്ങൾക്ക്‌ “രംഗത്ത്‌ ഒന്നു ശോഭി​ക്കാ​മെ​ന്നും” രസിക്കാ​മെ​ന്നും കാര്യങ്ങൾ വളരെ ഗൗരവ​ത്തി​ലാ​കു​ന്ന​തി​നു മുമ്പ്‌ രംഗം വിടാ​മെ​ന്നും വിചാ​രിച്ച്‌ ചില യുവാ​ക്ക​ളും അതു​പോ​ലെ പ്രവർത്തി​ച്ചി​ട്ടുണ്ട്‌. എന്നാൽ സ്വാത​ന്ത്ര്യ​ത്തി​ന്റെ അത്തരം സ്വാർത്ഥ​പ​ര​മായ ഉപയോ​ഗം വലിയ ദ്രോ​ഹ​ത്തി​നി​ട​യാ​ക്കു​ന്നു. അത്‌ സുഖ​പ്പെ​ടാൻ മാസങ്ങ​ളോ വർഷങ്ങ​ളോ വേണ്ടി​വ​ന്നേ​ക്കാ​വു​ന്ന​തരം ആഴമായ മുറി​വു​ക​ളേൽപ്പി​ക്കു​ന്നു.

²¹ കോർട്ടിം​ഗി​നു​ളള സ്വാത​ന്ത്ര്യം നിസ്വാർത്ഥ​മാ​യി ഉപയോ​ഗി​ക്കു​ന്നെ​ങ്കിൽ മാത്രമേ അതു പ്രയോ​ജനം കൈവ​രു​ത്തു​ക​യു​ളളു. നിങ്ങൾ ജീവി​ത​ശി​ഷ്ടം ഒത്തുജീ​വി​ക്കാൻ ആഗ്രഹി​ക്കുന്ന ആളുമാ​യി അടുത്തു പരിച​യ​പ്പെ​ടാ​നു​ളള അവസരം അതു പ്രദാനം ചെയ്യുന്നു. അന്യോ​ന്യം എത്ര​ത്തോ​ളം സത്യസ​ന്ധ​രാ​യി​രി​ക്കു​ന്നു എന്നതിനെ ആശ്രയിച്ച്‌ നിങ്ങൾക്ക്‌ ഇഷ്ടാനി​ഷ്ട​ങ്ങ​ളും നിലവാ​ര​ങ്ങ​ളും സ്വഭാ​വ​രീ​തി​ക​ളും വീക്ഷണ​ങ്ങ​ളും അതെ, പ്രകൃ​ത​വും മാനസി​കാ​വ​സ്ഥ​യും പ്രശ്‌ന​ങ്ങ​ളോ​ടും പ്രയാ​സ​ങ്ങ​ളോ​ടു​മു​ളള പ്രതി​വർത്ത​ന​വും എല്ലാം പഠിക്കാൻ കഴിയും. ഉചിത​മാ​യും നിങ്ങൾ ഇത്തരം കാര്യങ്ങൾ അറിയാൻ ആഗ്രഹി​ക്കും: അവൻ അല്ലെങ്കിൽ അവൾ ദയയു​ള​ള​യാ​ളാ​ണോ, മററു​ള​ള​വ​രോട്‌ മഹാമ​ന​സ്‌ക​ത​യും പരിഗ​ണ​ന​യു​മു​ള​ള​യാ​ളാ​ണോ? മാതാ​പി​താ​ക്ക​ളോ​ടും പ്രായ​മാ​യ​വ​രോ​ടു​മു​ളള ബഹുമാ​നം സംബന്ധി​ച്ചെന്ത്‌? വിനയ​ത്തി​ന്റെ​യും എളിമ​യു​ടെ​യും വ്യക്തമായ തെളി​വു​ണ്ടോ, അതോ വമ്പുപ​റ​ച്ചി​ലും മർക്കട​മു​ഷ്ടി​യു​മു​ള​ള​യാ​ളാ​ണോ? ഞാൻ എന്താണ്‌ കാണു​ന്നത്‌, ആത്മനി​യ​ന്ത്ര​ണ​വും സമനി​ല​യു​മാ​ണോ, അതോ ദൗർബ്ബ​ല്യ​വും ബാലി​ശ​ത്വ​വും ഒരുപക്ഷേ ദുർമ്മു​ഖം കാട്ടലും കോപാ​വേശം പോലു​മോ ആണോ? ജീവി​ത​ത്തിൽ ഒരു വലിയ അംശം ജോലി​യാ​യി​രി​ക്കു​ന്ന​തി​നാൽ, അലസത​യു​ടെ​യും ഉത്തരവാ​ദി​ത്വ​മി​ല്ലാ​യ്‌മ​യു​ടെ​യും പണം ദുർവ്യ​യം ചെയ്യു​ന്ന​തി​ന്റെ​യും ലക്ഷണങ്ങൾ കാണാ​നു​ണ്ടോ? ഭാവി പദ്ധതികൾ സംബന്ധി​ച്ചെന്ത്‌? കുടും​ബം പുലർത്താൻ ആഗ്രഹ​മു​ണ്ടോ? അതോ ഏതെങ്കി​ലും പ്രത്യേക തൊഴി​ലി​നോട്‌ അഭിരു​ചി​യു​ണ്ടോ? “കോർട്ടിം​ഗി​ലെ അപകട സൂചനകൾ” എന്ന ശീർഷ​ക​ത്തോ​ടു കൂടിയ ഒരു ലേഖന​ത്തിൽ ഒരെഴു​ത്തു​കാ​രൻ പറഞ്ഞി​രി​ക്കു​ന്നു:  “വിവാ​ഹ​സ​മ്മതം നടത്തി​യ​വ​രെ​യും സന്തുഷ്ട​രും അസന്തു​ഷ്ട​രു​മായ വിവാ​ഹി​ത​രെ​യും സംബന്ധി​ച്ചു​ളള ഞങ്ങളുടെ പഠനം തെളി​യി​ച്ചി​രി​ക്കു​ന്നത്‌ വിവാ​ഹി​ത​രിൽ അസന്തു​ഷ്ട​രാ​യവർ ജീവിത ലക്ഷ്യങ്ങളെ സംബന്ധി​ച്ചും മൂല്യ​ങ്ങളെ സംബന്ധി​ച്ചും ഒട്ടും​തന്നെ യോജി​പ്പി​ലെ​ത്താൻ കഴിയാ​ത്ത​വ​രാ​യി​രു​ന്നു എന്നാണ്‌.”

²² എല്ലാറ​റി​ലു​മു​പരി ദൈ​വോ​ദ്ദേ​ശ്യ​ങ്ങൾക്ക്‌ മറേറ​യാ​ളി​ന്റെ താല്‌പ​ര്യ​ങ്ങ​ളി​ലും പദ്ധതി​ക​ളി​ലും എന്തു സ്ഥാനമാ​ണു​ള​ളത്‌ എന്നറി​യാൻ നിങ്ങൾ ആഗ്രഹി​ക്കേ​ണ്ട​താണ്‌. അതെ, ചിത്രം പൂർത്തീ​ക​രി​ക്കു​മ്പോൾ നിങ്ങൾ അന്യോ​ന്യം എത്രമാ​ത്രം യോജി​ച്ച​വ​രാണ്‌? ഗൗരവ​ത​ര​മായ വ്യത്യാ​സങ്ങൾ ഉണ്ടെങ്കിൽ വിവാഹം കൊണ്ട്‌ സ്വയമേ എല്ലാം നേരെ ആയി​ക്കൊ​ള​ളും എന്ന്‌ വിചാ​രിച്ച്‌ സ്വയം വഞ്ചിത​രാ​ക​രുത്‌. അത്‌ അവയി​ലു​ളള ഉരസൽ കൂടുതൽ രൂക്ഷമാ​ക്കാൻ മാത്ര​മാ​യി​രി​ക്കും ഉപകരി​ക്കുക.

കോർട്ടിം​ഗി​ലെ മാന്യ​മായ നടത്ത

23-26. (എ) വിവാ​ഹി​ത​രാ​കാൻ ആലോ​ചി​ച്ചി​രി​ക്കു​ന്നവർ തമ്മിൽ കരം ഗ്രസി​ക്കു​ന്ന​തും ചുംബി​ക്കു​ന്ന​തും ആലിം​ഗനം ചെയ്യു​ന്ന​തും സംബന്ധിച്ച്‌ നിങ്ങൾക്ക്‌ എന്തു​തോ​ന്നു​ന്നു? (ബി) “അയഞ്ഞ നടത്തയും” “അശുദ്ധി​യും” സംബന്ധിച്ച്‌ ഒരുവൻ കുററ​ക്കാ​ര​നാ​യി​ത്തീർന്നേ​ക്കാ​വു​ന്ന​തെ​ങ്ങനെ? അത്തരം കാര്യങ്ങൾ ഒഴിവാ​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (ഗലാത്യർ 5:19, 21)

²³ മുതിർന്ന​യാ​ളു​ക​ളു​ടെ സാന്നി​ദ്ധ്യം കൂടാതെ സ്വത​ന്ത്ര​മായ സഹവാസം മാതാ​പി​താ​ക്കൾ അനുവ​ദി​ച്ചു​കൊ​ടു​ത്തി​ട്ടു​ളള രാജ്യ​ങ്ങ​ളിൽ കോർട്ടിം​ഗിൽ ഏർപ്പെ​ടുന്ന ജോടി​കൾ മിക്ക​പ്പോ​ഴും സ്‌നേ​ഹ​ത്തി​ന്റെ പ്രകട​ന​മാ​യി കരം ഗ്രസി​ക്ക​ലി​ലും ചുംബ​ന​ത്തി​ലും ആലിം​ഗ​ന​ത്തി​ലും ഏർപ്പെ​ടു​ന്നു. തങ്ങളുടെ പുത്രീ​പു​ത്രൻമാ​രു​ടെ പെരു​മാ​റ​റ​ത്തിൽ ഉണ്ടായി​രി​ക്കാൻ തങ്ങൾ ആഗ്രഹി​ക്കുന്ന നിലവാ​രം സംബന്ധിച്ച്‌ നിർദ്ദേശം കൊടു​ക്കാ​നു​ളള ഉത്തരവാ​ദി​ത്വം തീർച്ച​യാ​യും മാതാ​പി​താ​ക്കൾക്കുണ്ട്‌. ക്രിസ്‌തീയ സഭയിലെ മൂപ്പൻമാർക്ക്‌ ദൈവ​വ​ച​ന​ത്തിൽ കാണ​പ്പെ​ടുന്ന ശരിയായ മാർഗ്ഗ​നിർദ്ദേശക തത്വങ്ങ​ളി​ലേക്ക്‌ യുവജ​ന​ങ്ങ​ളു​ടെ ശ്രദ്ധ തിരിച്ചു വിടാ​വു​ന്ന​താണ്‌. ജീവി​ത​ത്തിൽ ജ്ഞാനപൂർവ്വ​ക​മായ ഒരു ഗതി തെര​ഞ്ഞെ​ടു​ക്കാൻ ആത്മാർത്ഥ​മാ​യി ആഗ്രഹി​ക്കുന്ന ഏതൊ​രാ​ളും സ്വമന​സ്സാ​ലെ​യും സന്തോ​ഷ​ത്തോ​ടെ​യും അത്തരം ബുദ്ധി​യു​പ​ദേ​ശ​ത്തിന്‌ ശ്രദ്ധ കൊടു​ക്കും.

²⁴ വിവാഹ വാഗ്‌ദാ​നം ചെയ്‌തവർ ഉൾപ്പെടെ അവിവാ​ഹി​തർക്കി​ട​യി​ലെ ലൈം​ഗി​ക​ബ​ന്ധ​മായ പരസം​ഗത്തെ ബൈബിൾ  വ്യക്തമാ​യും കുററം​വി​ധി​ക്കു​ന്നതു കൂടാതെ അതു കോർട്ടിം​ഗി​നി​ട​യിൽ ഉണ്ടാകാ​വുന്ന അധാർമ്മി​ക​ത​ക്കും “അശുദ്ധി”ക്കുമെ​തി​രെ മുന്നറി​യിപ്പ്‌ നൽകു​ക​യും ചെയ്യുന്നു. (ഗലാത്യർ 5:19-21) ഈ മുന്നറി​യി​പ്പിന്‌ ശ്രദ്ധ കൊടു​ക്കു​ന്നവർ വളരെ ദുഃഖ​ത്തിൽനിന്ന്‌ തങ്ങളെ​ത്തന്നെ രക്ഷിക്കു​ന്നു. കൂടാതെ അവരുടെ ഏതെങ്കി​ലും ദുഷ്‌പെ​രു​മാ​റ​റ​ത്തി​ന്റെ ഓർമ്മകൾ അവരെ ശല്യ​പ്പെ​ടു​ത്തു​ന്ന​തി​ന്റെ അപകട​ത്തിൽ നിന്നും അവർ ഒഴിവു​ള​ള​വ​രാ​യി​രി​ക്കും. എന്നാൽ ബൈബിൾ നിലവാ​ര​മ​നു​സ​രിച്ച്‌ അശുദ്ധ​മായ പെരു​മാ​റ​റ​മെ​ന്താണ്‌? അതിൽ എന്തെല്ലാം ഉൾപ്പെ​ടാം?

²⁵ പരസ്‌പരം വിവാ​ഹ​ബ​ന്ധ​ത്തി​ലേർപ്പെ​ടാൻ ആലോ​ചി​ക്കു​ന്നവർ തമ്മിൽ കരം ഗ്രസി​ക്കു​ന്നത്‌ സ്‌നേ​ഹ​ത്തി​ന്റെ നിർമ്മ​ല​മായ ഒരു പ്രകട​ന​മാ​യി​രി​ക്കാൻ കഴിയും. അതിന്‌ ഉത്തേജി​പ്പി​ക്കുന്ന ഒരു ഫലമു​ണ്ടെ​ന്നത്‌ സത്യം​തന്നെ. എന്നാൽ അത്‌ സ്വാഭാ​വി​ക​മാണ്‌. അത്‌ അവശ്യം തെററാ​യി​രി​ക്കു​ന്നില്ല. ഒരാൾ വിവാഹം കഴിക്കാൻ ആഗ്രഹി​ക്കു​ന്ന​യാ​ളെ കാണു​ന്ന​തു​തന്നെ ഉത്തേജ​ജ​ന​ക​മാ​യി​രി​ക്കാം. അതു ‘ഹൃദയ​മി​ടി​പ്പി​നു വേഗത കൂട്ടി​യേ​ക്കാം.’ (ഉത്തമഗീ​തം 4:9) എന്നാലും മാനുഷ പ്രകൃ​തി​യ​നു​സ​രിച്ച്‌ ശാരീ​രിക സ്‌പർശനം ലൈം​ഗി​ക​മായ ആകർഷണം “വർദ്ധി​പ്പി​ക്കു​ന്നു.” അതു​കൊണ്ട്‌ അതിനാ​ലു​ണ്ടാ​കാ​വുന്ന  അനന്തര​ഫ​ല​ങ്ങ​ളു​ടെ സാദ്ധ്യത തിരി​ച്ച​റി​യു​ന്ന​തി​നാൽ ചിലർ കോർട്ടിം​ഗി​ന്റെ സമയത്ത്‌ ശാരീ​രിക സ്‌പർശനം സംബന്ധിച്ച്‌ കർശന​മായ നിയ​ന്ത്ര​ണങ്ങൾ സ്വീക​രി​ച്ചേ​ക്കാം. അവരുടെ മനസ്സാ​ക്ഷി​പൂർവ്വ​ക​മായ ആ നിലപാട്‌ സംബന്ധിച്ച്‌ ആരും അവരെ തരംതാ​ഴ്‌ത്തു​ക​യോ കളിയാ​ക്കു​ക​യോ ചെയ്യേ​ണ്ട​തില്ല.

²⁶ വിവാ​ഹി​ത​രാ​കാൻ ആഗ്രഹി​ക്കു​ന്നവർ തമ്മിൽ ചുംബി​ക്കു​ന്ന​തും സ്‌നേ​ഹ​ത്തി​ന്റെ നിർമ്മ​ല​മായ ഒരു പ്രകട​ന​മാ​യി​രി​ക്കാം—അല്ലാ​തെ​യു​മി​രി​ക്കാം. ഏതളവിൽ ലൈം​ഗി​ക​മായ ഉത്തേജനം ഉണ്ടാകു​ന്നു എന്നതാണ്‌ പ്രശ്‌നം. പരസ്‌പരം ലൈം​ഗി​ക​മാ​യി ഉണർത്ത​ത്ത​ക്ക​രീ​തി​യിൽ ചുംബി​ക്കാൻ കഴിയും. ഇത്തരം ഉണർത്തൽ അവരെ ലൈം​ഗിക ബന്ധത്തിന്‌ ഒരുക്കു​ന്നു. എന്നാൽ ആ പദവി ദൈവ​വ​ച​ന​പ്ര​കാ​രം വിവാ​ഹി​തർക്കു മാത്ര​മാ​യി വേർതി​രി​ച്ചി​രി​ക്കു​ന്ന​താണ്‌. ഒരു സ്‌ത്രീ​യും പുരു​ഷ​നും പരസ്‌പരം ലൈം​ഗി​കാ​വ​യ​വ​ങ്ങ​ളിൽ തൊട്ടും തലോ​ടി​യു​മോ മററു വിധങ്ങ​ളി​ലോ ലൈം​ഗി​കാ​സക്തി ഉണർത്താൻ തക്കവണ്ണം പെരു​മാ​റി​ക്കൊണ്ട്‌ മനഃപൂർവ്വ​മാ​യും ധിക്കാ​ര​പൂർവ്വ​വും ദൈവ​നി​യ​മ​ങ്ങളെ കാററിൽ പറത്തു​ന്നു​വെ​ങ്കിൽ അവർ “അശുദ്ധി​യും” “അഴിഞ്ഞ നടത്തയും” സംബന്ധിച്ച്‌ കുററ​ക്കാ​രാണ്‌.

27-30. വിവാ​ഹ​ത്തി​നു മുൻപ്‌ ആസക്തി ഉളവാ​ക്കു​ന്ന​തരം പെരു​മാ​ററം ഒഴിവാ​ക്കു​ന്ന​തിന്‌ എന്തു നല്ല കാരണ​ങ്ങ​ളാ​ണു​ള​ളത്‌?

²⁷ നാം നമ്മോ​ടു​തന്നെ സത്യസ​ന്ധ​രാ​യി​രി​ക്കേ​ണ്ട​തുണ്ട്‌. നമുക്ക്‌ ശക്തമായ ആത്മനി​യ​ന്ത്രണം ഇല്ല എന്ന്‌ നമുക്കു​തന്നെ അറിയാ​മെ​ങ്കിൽ നമ്മു​ടെ​യും മറെറ​യാ​ളി​ന്റെ​യും ഭാവി അപകട​ത്തി​ലാ​ക്കാൻ തക്കവണ്ണം ഭാഗ്യ​പ​രീ​ക്ഷ​ണ​ത്തിന്‌ നാം തയ്യാറാ​ക​രുത്‌. നിങ്ങളു​ടെ കാറിന്റെ ബ്രേക്ക്‌ തകരാ​റി​ലാ​ണെ​ന്ന​റി​ഞ്ഞു​കൊണ്ട്‌ കിഴു​ക്കാം​തൂ​ക്കായ കുന്നിൻചെ​രി​വി​ലൂ​ടെ നിങ്ങൾ കാറോ​ടി​ക്കു​മോ? ആലോ​ചിച്ച്‌ തീരു​മാ​ന​മെ​ടു​ക്കേ​ണ്ടത്‌ തുടങ്ങു​ന്ന​തിന്‌ മുൻപാണ്‌ അതിനു​ശേ​ഷമല്ല. ലൈം​ഗി​ക​മാ​യി ആസക്തി ഉണരാൻ തുടങ്ങി​ക്ക​ഴി​ഞ്ഞാൽ സാധാ​ര​ണ​യാ​യി അതിന്റെ വികാ​സത്തെ തടയുക വളരെ പ്രയാ​സ​മാണ്‌. ലൈം​ഗി​ക​ബന്ധം ആഗ്രഹി​ക്കുന്ന പരിധി​വരെ ആസക്തി വളരാൻ അനുവ​ദി​ക്കു​ന്നവർ വിവാഹം മൂലം ഉളള അവകാശം ഇല്ലാത്ത​പ്പോൾ തങ്ങൾക്കു​തന്നെ പിരി​മു​റു​ക്ക​ത്തി​നും ഇച്ഛാഭം​ഗ​ത്തി​നും ഇടയാ​ക്കു​ന്നു. അതു വളരെ രസകര​മായ ഒരു പുസ്‌തകം വായി​ച്ചിട്ട്‌ അതിന്റെ അവസാന അദ്ധ്യായം നഷ്ടപ്പെ​ട്ടി​രി​ക്കു​ന്ന​താ​യി കണ്ടെത്തു​ന്ന​തു​പോ​ലെ​യാണ്‌.

²⁸ പ്രേമാ​ഭ്യർത്ഥ​ന​യു​ടെ കാലഘ​ട്ട​ത്തിൽ തങ്ങളുടെ  ബന്ധങ്ങളിൽ ഉന്നതനി​ല​വാ​രം പുലർത്തു​ന്നവർ കൂടെ​ക്കൂ​ടെ നിയ​ന്ത്രണം വിട്ട്‌ അടുപ്പം കാണി​ക്കു​ന്ന​വ​രെ​ക്കാൾ മെച്ചമായ രീതി​യിൽ തങ്ങളുടെ വിവാഹ ജീവി​ത​ത്തിന്‌ തുടക്കം കുറി​ക്കു​ന്നു. തന്നിൽനിന്ന്‌ ‘അകററി നിർത്താൻവേണ്ടി താൻ ബദ്ധപ്പെ​ടേ​ണ്ടി​വ​രുന്ന’ ഒരാ​ളോട്‌ എന്തു ബഹുമാ​ന​മാണ്‌ ഒരു പെൺകു​ട്ടിക്ക്‌ തോന്നുക? എന്നാൽ ആദരപൂർവ്വ​ക​മായ നിയ​ന്ത്ര​ണ​വും ആത്മബല​വും പ്രകട​മാ​ക്കുന്ന ഒരു യുവാവ്‌ ബഹുമാ​നം ആർജ്ജി​ക്കു​ന്നു. അത്‌ ഒരു പെൺകു​ട്ടി​യെ സംബന്ധി​ച്ചും സത്യമാണ്‌. അവളുടെ വികാ​രങ്ങൾ ഉണർത്താൻ കുറച്ചു സമയം ആവശ്യ​മാ​യി​രു​ന്നേ​ക്കാ​മെ​ങ്കി​ലും ഒരു പുരു​ഷന്റെ സ്ഥിതി അതല്ല എന്ന്‌ ഒരു പെൺകു​ട്ടി വിശേ​ഷാൽ തിരി​ച്ച​റി​യേ​ണ്ട​തുണ്ട്‌. അയാൾ വളരെ എളുപ്പ​ത്തി​ലും വേഗത്തി​ലും ലൈം​ഗി​ക​മാ​യി ഉണർത്ത​പ്പെ​ടാൻ കഴിയും.

²⁹ കൂടെ​ക്കൂ​ടെ​യു​ള​ള​തും കൂടുതൽ തീവ്ര​ത​ര​മാ​യ​തു​മായ വൈകാ​രിക പ്രകട​നങ്ങൾ അകാലി​ക​മായ വിവാ​ഹ​ത്തി​ലേക്ക്‌ നയി​ച്ചേ​ക്കാം. താരു​ണ്യ​വും യൗവന​വും എന്ന പുസ്‌തകം പറയുന്നു: “കോർട്ടിം​ഗി​ന്റെ ആദ്യഘട്ടം അസാദ്ധ്യ​മാം​വണ്ണം ശൃംഗാ​ര​പ​ര​മാണ്‌. ആ ഘട്ടത്തിൽ വിവാ​ഹ​ത്തിൽ ഏർപ്പെ​ടുന്ന വ്യക്തി ഒരു വിവാ​ഹ​ത്തിൽനിന്ന്‌ ലഭിക്കാത്ത പലതും പ്രതീ​ക്ഷി​ക്കാൻ ഇടയാ​യേ​ക്കാം. ദീർഘ​മായ കോർട്ടിംഗ്‌ മറേറ​യാ​ളെ കുറച്ചു​കൂ​ടി ന്യായ​യു​ക്ത​മായ രീതി​യിൽ മനസ്സി​ലാ​ക്കു​ന്ന​തിന്‌ ഇടയാ​ക്കു​ന്നു. തൽഫല​മാ​യി പരസ്‌പ​ര​ധാ​ര​ണ​യോ​ടു​കൂ​ടിയ ഒരു വിവാഹം സാദ്ധ്യ​മാണ്‌.” എന്നാൽ ദീർഘ​മായ കോർട്ടിം​ഗിന്‌ ആത്‌മ​നി​യ​ന്ത്രണം പാലി​ക്കേ​ണ്ട​തുണ്ട്‌.  അല്ലാഞ്ഞാൽ ലൈം​ഗി​കാ​സക്തി അപകട​ക​ര​മാം​വണ്ണം വികാസം പ്രാപി​ച്ചേ​ക്കാം.

³⁰ കോർട്ടിം​ഗി​ന്റെ കാലത്ത്‌ നിയ​ന്ത്രണം വിട്ട്‌ വികാ​ര​പ്ര​ക​ട​ന​ത്തി​നിട നൽകി​യാൽ അത്‌ വിവാ​ഹാ​നന്തര ജീവി​ത​ത്തിൽ ഗൗരവ​ത​ര​മായ സംശയ​ങ്ങ​ളും ആശങ്കക​ളും ഉണർത്തി​യേ​ക്കാം. ഞങ്ങൾ യഥാർത്ഥ സ്‌നേ​ഹ​ത്തി​ന്റെ പേരി​ലാ​ണോ വിവാ​ഹി​ത​രാ​യത്‌? അതോ ഞങ്ങൾ വികാ​ര​ത്ത​ള​ള​ലിൽ മുങ്ങി​പ്പോ​യ​താ​ണോ? അതു ബുദ്ധി​പൂർവ്വ​ക​മായ ഒരു തീരു​മാ​ന​മാ​യി​രു​ന്നോ? എന്നിങ്ങനെ ദമ്പതികൾ സംശയി​ക്കാൻ തുടങ്ങി​യേ​ക്കാം. ഒരു വ്യക്തി​യെ​ന്ന​നി​ല​യിൽ തന്നെ കണക്കാ​ക്കാ​തെ തന്റെ ശാരീ​രി​കാ​കർഷണം കൊണ്ടു​മാ​ത്ര​മാ​യി​രു​ന്നി​ല്ലേ ഭർത്താവ്‌ തന്നെ വിവാഹം കഴിച്ചത്‌ എന്ന്‌ ചിന്തി​ച്ചു​കൊണ്ട്‌ ഒരു പെൺകു​ട്ടി ഭർത്തൃ​സ്‌നേ​ഹ​ത്തി​ന്റെ ആത്മാർത്ഥ​തയെ സംശയി​ക്കാൻ ചില​പ്പോൾ ചായ്‌വ്‌ കാണി​ച്ചേ​ക്കാം.

31, 32. തങ്ങളുടെ കോർട്ടിം​ഗി​നെ വികല​മാ​ക്കു​ന്ന​തരം വികാ​രോ​ദ്ദീ​പ​ക​മായ പെരു​മാ​ററം ഒഴിവാ​ക്കാൻ പ്രണയ​ബ​ദ്ധർക്ക്‌ എന്ത്‌ സഹായ​ക​മാ​യി​രു​ന്നേ​ക്കാം?

³¹ അതു​കൊണ്ട്‌ നിങ്ങ​ളെ​യും നിങ്ങളു​ടെ ഭാവി സന്തുഷ്ടി​യെ​യും സംരക്ഷി​ക്കു​ന്ന​തിന്‌ വികാ​ര​പ്ര​ക​ട​ന​ത്തിന്‌ ഇടയാ​ക്കുന്ന സാഹച​ര്യ​ങ്ങൾ ഒഴിവാ​ക്കുക. ഏകാന്ത​വും ഇരുണ്ട​തു​മായ സ്ഥലങ്ങൾ നിങ്ങളു​ടെ കോർട്ടിംഗ്‌ മാന്യ​മാ​യി​രി​ക്കാൻ സഹായ​കമല്ല. അതു​പോ​ലെ​തന്നെ അന്യോ​ന്യം ശൃംഗാ​ര​ചേ​ഷ്ടകൾ കാട്ടു​ക​യ​ല്ലാ​തെ മറെറാ​ന്നും ചെയ്യാ​നി​ല്ലാത്ത സാഹച​ര്യ​ങ്ങ​ളും സഹായ​ക​മാ​യി​രി​ക്ക​യില്ല. എന്നാൽ സ്‌കെ​യി​റ​റിംഗ്‌, ടെന്നീസ്‌ എന്നിവ​പോ​ലു​ളള കളികൾ, ഒരു നേരം ഒരുമിച്ച്‌ ഒരു ഹോട്ട​ലിൽനിന്ന്‌ ആഹാരം കഴിക്കൽ ഒരു കാഴ്‌ച​ബം​ഗ്ലാ​വോ മററതു​പോ​ലെ സുന്ദര​വും രസകര​വു​മായ ഒരു സ്ഥലം സന്ദർശി​ക്കൽ തുടങ്ങിയ കാര്യ​ങ്ങ​ളിൽ നിർമ്മ​ല​മായ ധാരാളം ആസ്വാ​ദ്യത കണ്ടെത്താൻ കഴിയും. അടുത്ത പരിച​യ​ക്കാ​രിൽനിന്ന്‌ അകന്നി​രി​ക്കു​ന്ന​തി​നാൽ ഒരളവി​ലു​ളള സ്വകാ​ര്യത ആസ്വദി​ക്കാ​നും അതേ സമയം സകലരിൽ നിന്നും ഒററ​പ്പെ​ട്ടി​രി​ക്കാ​ത്ത​തി​നാ​ലു​ളള സംരക്ഷണം ആസ്വദി​ക്കാ​നും നിങ്ങൾക്കു കഴിയും.

³² കൂടാതെ ആത്മനി​യ​ന്ത്രണം പാലി​ക്കു​ന്ന​തി​നാൽ നിങ്ങൾക്ക്‌ “നഷ്ടമാ​കുന്ന”തിനേ​പ്പ​ററി ചിന്തി​ക്കാ​തെ ഭാവി​യി​ലേക്ക്‌ നിങ്ങൾ എന്തിനാ​യി തയ്യാ​റെ​ടു​ക്കു​ന്നു എന്ന്‌ ചിന്തി​ക്കുക. അപ്പോൾ ഭാവി​കാ​ല​ത്തെ​ല്ലാം നിങ്ങളു​ടെ കോർട്ടിം​ഗി​ലേക്ക്‌ വെറു​പ്പോ​ടെ​യും കുററ​ബോ​ധ​ത്തോ​ടെ​യും അല്ല സന്തോ​ഷ​ത്തോ​ടെ​യും സംതൃ​പ്‌തി​യോ​ടെ​യും നിങ്ങൾക്ക്‌ പിന്തി​രി​ഞ്ഞു നോക്കാൻ കഴിയും.

[അധ്യയന ചോദ്യ​ങ്ങൾ]

[153-ാം പേജിലെ ചിത്രം]

കോർട്ടിംഗ്‌ നിയ​ന്ത്ര​ണ​മി​ല്ലാത്ത കാമ​ചേ​ഷ്ട​ക​ളു​ടെ ഒരു പരമ്പര​യാ​ണെ​ങ്കിൽ വിജയ​ക​ര​മായ വിവാ​ഹത്തെ സംബന്ധിച്ച ഭാവി പ്രതീ​ക്ഷ​കളെ അതെങ്ങനെ ബാധി​ക്കും?

[155-ാം പേജിലെ ചിത്രം]

യുവജനങ്ങൾക്ക്‌ പങ്കുപ​റ​റാ​വുന്ന നിർമ്മ​ല​മായ ആസ്വാ​ദ​നങ്ങൾ ധാരാളം ഉണ്ട്‌