അധ്യായം 6

നിങ്ങളു​ടെ ശരീരത്തെ പരിപാ​ലി​ക്കൽ

1, 2. ഏതെല്ലാം വിധങ്ങ​ളി​ലാണ്‌ മാനു​ഷ​ശ​രീ​രം യഥാർത്ഥ​ത്തിൽ ഒരു അത്ഭുത നിർമ്മി​തി​യാ​യി​രി​ക്കു​ന്നത്‌?

 ജ്ഞാനി​യായ ശലോ​മോൻ മാനു​ഷ​ശ​രീ​രത്തെ വാതി​ലു​ക​ളും ജനലു​ക​ളു​മു​ളള ഒരു വീടി​നോട്‌ ഉപമി​ച്ചി​രി​ക്കു​ന്നു. നൂററാ​ണ്ടു​കൾക്കു​ശേഷം ക്രിസ്‌തീയ അപ്പോ​സ്‌ത​ല​നായ പൗലോസ്‌ അതിനെ “ഈ വാസഗൃ​ഹം” എന്നു വിളിച്ചു. (സഭാ​പ്ര​സം​ഗി 12:3-7; 2 കൊരി​ന്ത്യർ 5:1, 2) ഒരു വീടിന്റെ കാര്യ​ത്തി​ലെ​ന്ന​പോ​ലെ നിങ്ങൾക്ക്‌ നിങ്ങളു​ടെ ശരീര​ത്തിൽനിന്ന്‌ പൂർണ്ണ​പ്ര​യോ​ജനം ലഭിക്ക​ണ​മെ​ങ്കിൽ അതിന്‌ ശരിയായ ശ്രദ്ധ കൊടു​ക്കേ​ണ്ട​തുണ്ട്‌.

² നിങ്ങളു​ടെ ശരീരത്തെ പരിപാ​ലി​ക്കുന്ന കാര്യ​ത്തിൽ നിങ്ങൾ ഏതുതരം വീടു സൂക്ഷി​പ്പു​കാ​ര​നാണ്‌? നിങ്ങളു​ടെ ശരീരത്തെ നിങ്ങൾ വിലമ​തി​ക്കു​ന്നു​ണ്ടോ? നിങ്ങൾ വിലമ​തി​ക്കേ​ണ്ട​താണ്‌. കാരണം മാനു​ഷ​ശ​രീ​രം യഥാർത്ഥ​ത്തിൽ എല്ലാ ഭൗമി​ക​സൃ​ഷ്ടി​ക​ളി​ലും വച്ച്‌ അത്യത്ഭു​ത​ക​ര​മായ ഒരു നിർമ്മി​തി​തന്നെ. ഇന്നോളം കണ്ടുപി​ടി​ക്ക​പ്പെ​ട്ടി​ട്ടു​ളള ഏതൊരു കംപ്യൂ​ട്ട​റി​നേ​ക്കാ​ളും യന്ത്രോ​പ​ക​ര​ണ​ത്തേ​ക്കാ​ളും സങ്കീർണ്ണ​മാണ്‌ നിങ്ങളു​ടെ ശരീരം. അത്‌ അനായാ​സം പ്രവർത്തി​ക്കു​ന്ന​തും അത്ഭുത​ക​ര​മായ കാര്യ​ക്ഷ​മ​ത​യു​ള​ള​തും പരമാ​വധി വഴക്കമു​ള​ള​തു​മാണ്‌. മാനു​ഷ​ശ​രീ​ര​ത്തി​ലെ എല്ലാ അസ്ഥിക​ളും മാംസ​പേ​ശി​ക​ളും രക്തധമ​നി​ക​ളും ഒരു വലപോ​ലെ​യു​ളള നാഡീ​വ്യൂ​ഹ​ങ്ങ​ളും അതോ​ടൊ​പ്പം മററ്‌ അവയവ​ങ്ങ​ളും ശരീര​ഭാ​ഗ​ങ്ങ​ളും എല്ലാം ചേർന്നു ഒററ ഘടക​മെ​ന്ന​പോ​ലെ യോജി​പ്പിൽ പ്രവർത്തി​ക്കു​ന്ന​തോർത്താൽ അതു നമ്മേ അമ്പരപ്പി​ക്കു​ന്നു. അപ്പോ​സ്‌ത​ല​നായ പൗലോസ്‌ എഴുതി​യ​പ്ര​കാ​രം അവയവങ്ങൾ പലതു​ണ്ടെ​ങ്കി​ലും “ശരീരം ഒന്നു” മാത്രം. നാം ഇതു ഓർമ്മ​യിൽ വയ്‌ക്കു​ന്ന​തും “ഒരു അവയവം കഷ്ടം അനുഭ​വി​ക്കു​ന്നു​വെ​ങ്കിൽ അവയവങ്ങൾ ഒക്കെയും കഷ്ടം അനുഭ​വി​ക്കു​ന്നു” എന്നുളള അവന്റെ പ്രസ്‌താ​വ​ന​യു​ടെ അർത്ഥം ഗ്രഹി​ക്കു​ന്ന​തും ഉചിത​മാ​യി​രി​ക്കും. അതെ, ഒരു ശരീര​ത്തിൽ ശതകോ​ടി​ക്ക​ണ​ക്കിന്‌ കോശ​ങ്ങ​ളു​ണ്ടെ​ങ്കി​ലും ശരീരം ഒന്നുതന്നെ. നിങ്ങളു​ടെ യൗവന​വും മുഴു​ജീ​വി​ത​വും പരമാ​വധി ആസ്വദി​ക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ  നിങ്ങളു​ടെ ശരീര​ത്തി​ന്റെ ഒരു ഭാഗ​ത്തെ​യും അവഗണി​ക്കുക സാദ്ധ്യമല്ല.—1 കൊരി​ന്ത്യർ 12:12, 14-26.

3-5. (എ) നിങ്ങൾ നിങ്ങളു​ടെ ശരീര​ത്തിന്‌ എങ്ങനെ ശ്രദ്ധ​കൊ​ടു​ക്കു​ന്നു എന്നതു ആരെയാണ്‌ ബാധി​ക്കു​ന്നത്‌? (റോമർ 14:7, 8) (ബി) ‘നാം വിതക്കു​ന്നതു നാം കൊയ്യും’ എന്ന തത്വം നാം ശരീര​ത്തിന്‌ ശ്രദ്ധ​കൊ​ടു​ക്കുന്ന കാര്യ​ത്തിൽ എപ്രകാ​ര​മാണ്‌ സത്യമാ​യി​രി​ക്കു​ന്നത്‌?

³ എന്നാൽ നിങ്ങളു​ടെ ശരീര​ത്തിന്‌ നിങ്ങളാ​ലാ​വു​ന്നത്ര മെച്ചമായ ശ്രദ്ധ കൊടു​ക്കു​ന്ന​തിന്‌ നിങ്ങൾ ആഗ്രഹി​ക്കാൻ ഇതിലും കൂടു​ത​ലായ, ശക്തമായ കാരണ​വു​മുണ്ട്‌. അത്‌ നിങ്ങളു​ടെ സ്രഷ്ടാ​വി​നും നിങ്ങളു​ടെ മാതാ​പി​താ​ക്കൾക്കും ബഹുമതി കൈവ​രു​ത്താ​നും നിങ്ങളു​ടെ അയൽക്കാർക്ക്‌ നൻമ ചെയ്യാൻ കഴി​യേ​ണ്ട​തി​നു​മാണ്‌. മോശ​മായ നിലയിൽ ഇട്ടിരി​ക്കുന്ന ഒരു വീട്‌ അതിന്റെ രൂപസം​വി​ധാ​യ​ക​നും നിർമ്മാ​താ​വി​നും ബഹുമതി കൈവ​രു​ത്തു​ന്നില്ല. ഉപേക്ഷി​ക്ക​പ്പെട്ട നിലയി​ലും വൃത്തി​ഹീ​ന​മാ​യും ദുർഗന്ധം വമിക്കും​വി​ധ​വു​മാ​യി​രു​ന്നാൽ അത്‌ അടുത്ത ചുററു​പാ​ടു​ക​ളെ​പ്പോ​ലും മോശ​മാ​യി ബാധി​ക്കും. നാം നമ്മുടെ ശരീരത്തെ ശരിയാ​യി പാലി​ക്കാ​തി​രു​ന്നാ​ലും സ്ഥിതി അതുതന്നെ.

⁴ ‘നാം വിതയ്‌ക്കു​ന്നതു നാം കൊയ്യും’ എന്ന ബൈബിൾ തത്വം നമ്മുടെ ശരീര​ത്തിന്‌ ശ്രദ്ധ കൊടു​ക്കുന്ന കാര്യ​ത്തി​ലും സത്യമാണ്‌. (ഗലാത്യർ 6:7) “വിളവ്‌” നന്നായി​രി​ക്കു​ന്ന​തോ മോശ​മാ​യി​രി​ക്കു​ന്ന​തോ നമ്മേത്തന്നെ ആശ്രയി​ച്ചി​രി​ക്കും. കൊയ്‌ത്താ​രം​ഭി​ക്കാൻ ഒരുവൻ അല്ലെങ്കിൽ ഒരുവൾ പ്രായ​മാ​കു​ന്ന​തു​വരെ കാത്തി​രി​ക്കേ​ണ്ട​തില്ല. അതിലും വളരെ വളരെ വേഗം, ചില​പ്പോൾ വളരെ ചെറു​പ്പ​ത്തിൽ തന്നെ അത്‌ ആരംഭി​ക്കും.

⁵ അത്‌ “അസുഖം ബാധി​ക്കു​ന്ന​തി​നെ” ഒഴിവാ​ക്കുന്ന ഒരു സംഗതി മാത്രമല്ല. നല്ല ആരോ​ഗ്യം ആസ്വദി​ക്കാൻ നിങ്ങൾ ആഗ്രഹി​ക്കണം. അത്‌ സന്തോ​ഷ​ത്തി​നും സൽപ്ര​വൃ​ത്തി​കൾക്കും തെളി​വായ ചിന്തയ്‌ക്കും സഹായ​ക​മാണ്‌. അത്‌ മററു​ള​ളവർ നിങ്ങളു​ടെ സാന്നി​ദ്ധ്യം ആഗ്രഹി​ക്കാൻ തക്കവണ്ണം ഹൃദ്യ​മായ ഒരു വ്യക്തി​ത്വ​മു​ണ്ടാ​യി​രി​ക്കാൻ നിങ്ങളെ സഹായി​ക്കും. എങ്കിൽ, ക്രമമായ ശ്രദ്ധ അർഹി​ക്കുന്ന ചില കാര്യങ്ങൾ എന്തൊ​ക്കെ​യാണ്‌?

സമീകൃ​താ​ഹാ​ര​ത്തി​ന്റെ പ്രാധാ​ന്യം

6-8. താഴെ​പ്പ​റ​യു​ന്ന​വ​യോ​ടു​ളള ബന്ധത്തിൽ ഒരു സമീകൃ​താ​ഹാ​ര​ക്ര​മ​ത്തി​ന്റെ പ്രാധാ​ന്യ​ത്തെ​പ്പ​ററി ചില വിശദാം​ശങ്ങൾ നൽകുക (എ) ധാന്യകം, (ബി) മാംസ്യം, (സി) ധാതുക്കൾ, (ഡി) ജീവകങ്ങൾ.

⁶ നിങ്ങൾ കഴിക്കുന്ന ഭക്ഷണം നിങ്ങൾക്ക്‌ ഊർജ്ജം  പ്രദാനം ചെയ്യു​ന്ന​തി​ലും അപ്പുറം കൂടു​ത​ലാ​യി ചിലതു ചെയ്യുന്നു. നിങ്ങളു​ടെ ശരീരത്തെ പരിര​ക്ഷി​ച്ചു നിലനിർത്തു​ന്ന​തി​നാ​വ​ശ്യ​മായ നിർമ്മാണ വസ്‌തു​ക്കൾ അതു നൽകുന്നു. പഞ്ചസാ​ര​യി​ലും റൊട്ടി​യി​ലും ഉരുള​ക്കി​ഴ​ങ്ങി​ലും മററും കണ്ടുവ​രുന്ന ധാന്യകം നിങ്ങൾക്ക്‌ ഊർജ്ജം നൽകുന്നു. എന്നാൽ നിങ്ങളു​ടെ ഭക്ഷണം മിക്കവാ​റും അത്തരം സാധനങ്ങൾ മാത്രം അടങ്ങി​യ​താ​ണെ​ങ്കി​ലെന്ത്‌? മധുര​പാ​നീ​യ​ങ്ങ​ളും മധുര​വ​സ്‌തു​ക്ക​ളും ഭക്ഷിച്ചു കഴിയാൻ ശ്രമി​ച്ചാ​ലോ? അനുദി​നം നടക്കേണ്ട കേടു​പോ​ക്ക​ലി​നാ​വ​ശ്യ​മായ വസ്‌തു​ക്ക​ളു​ടെ പോരാ​യ്‌മ​കൊണ്ട്‌ ശരീര​ത്തിന്‌ തകരാറ്‌ സംഭവി​ക്കാൻ തുടങ്ങു​ന്നു.

⁷ പാലി​ലും പാലട​യി​ലും പയറി​ലും മാംസ​ത്തി​ലും മൽസ്യ​ത്തി​ലും മററും കാണു​ന്ന​യി​നം മാംസ്യം ക്രമമാ​യി നിങ്ങൾക്ക്‌ ആവശ്യ​മാണ്‌. അവ ഇല്ലാഞ്ഞാൽ നിങ്ങളു​ടെ മാംസ​പേ​ശി​കൾ ബലവും ഉറപ്പും ഇല്ലാത്ത​താ​യി​ത്തീ​രു​ക​യും വളർച്ച മുരടി​ച്ചു​പോ​ക​യും ചെയ്യുന്നു. ധാതു​ക്ക​ളും നിങ്ങൾക്കാ​വ​ശ്യ​മാണ്‌. അവ ലഭിക്കാ​ഞ്ഞാൽ നിങ്ങളു​ടെ പല്ലുകൾ ക്ഷയിക്കു​ക​യും അസ്ഥികൾ ബലഹീ​ന​മാ​വു​ക​യും ചെയ്യും. ഇലക്കറി​ക​ളിൽ ധാതുക്കൾ സമൃദ്ധ​മാ​യുണ്ട്‌. നിങ്ങൾക്ക്‌ ജീവകങ്ങൾ ആവശ്യ​മാണ്‌. കാരണം അവയാണ്‌ ശരീര​ത്തി​ന്റെ രാസഘ​ട​നയെ നിയ​ന്ത്രി​ക്കു​ന്നത്‌. കൂടാതെ അവ നമ്മെ ചിലയി​നം രോഗ​ങ്ങ​ളിൽനിന്ന്‌ സംരക്ഷി​ക്കു​ക​യും ചെയ്യുന്നു. ജീവകങ്ങൾ മുഖ്യ​മാ​യും ലഭിക്കു​ന്നത്‌ പഴങ്ങളിൽനി​ന്നും ധാന്യ​ങ്ങ​ളിൽ നിന്നു​മാണ്‌. കൂടാതെ നിങ്ങൾക്ക്‌ ജലം ധാരാളം ആവശ്യ​മാണ്‌. കാരണം അതാണ്‌ രക്തത്തി​ന്റെ​യും കോശ​ദ്രാ​വ​ക​ങ്ങ​ളു​ടെ​യും അടിസ്ഥാ​നം.

⁸ നിങ്ങൾക്ക്‌ അറുപ​തോ എഴുപ​തോ വയസ്സു പ്രായ​മാ​കു​മ്പോൾ മാത്രമല്ല നിങ്ങളു​ടെ നവയൗ​വ​ന​ത്തിൽതന്നെ  നല്ല ഭക്ഷണ​ക്ര​മ​ത്തി​ന്റെ​യോ മോശ​മായ ഭക്ഷണ​ക്ര​മ​ത്തി​ന്റെ​യോ ഫലങ്ങൾ കൊയ്യാൻ കഴിയും. വിദ്യാർത്ഥി​കൾക്ക്‌ നല്ല ക്രമീ​കൃ​താ​ഹാ​രം നൽകി​യ​പ്പോൾ പഠിക്കാ​നു​ളള അവരുടെ പ്രാപ്‌തി മെച്ച​പ്പെ​ട്ട​താ​യി ഗവേഷ​ണങ്ങൾ തെളി​യി​ച്ചി​രി​ക്കു​ന്നു. ഗുണം കുറഞ്ഞ ഭക്ഷണം സാധാ​ര​ണ​യാ​യി കാര്യ​ക്ഷ​മ​ത​യും കുറയ്‌ക്കു​ന്നു. മാത്രമല്ല ആളുകൾ അപകട​ങ്ങ​ളിൽ ചെന്നു ചാടു​ന്ന​തി​നു​ളള സാദ്ധ്യത വർദ്ധി​പ്പി​ക്കു​ന്നു. അത്‌ ശരീര​ത്തി​ന്റെ ആരോ​ഗ്യ​ത്തു​ടി​പ്പും സ്വാഭാ​വിക സൗന്ദര്യ​വും കവർന്നു​ക​ള​യു​ന്നു.

ശുചി​ത്വം ആരോ​ഗ്യ​ത്തി​നു സംഭാവന ചെയ്യുന്നു

9-14. (എ) കൂടെ​ക്കൂ​ടെ കുളി​ക്കു​ന്നത്‌ നിങ്ങളു​ടെ ആരോ​ഗ്യ​ത്തെ എങ്ങനെ​യാണ്‌ സംരക്ഷി​ക്കുക? (ബി) ശാരീ​രിക ശുദ്ധി സംബന്ധിച്ച നിങ്ങളു​ടെ ശീലങ്ങൾ മററു​ള​ളവർ നിങ്ങളെ വീക്ഷി​ക്കുന്ന വിധത്തെ ബാധി​ക്കാ​വു​ന്ന​തെ​ങ്ങനെ, എന്തു​കൊണ്ട്‌? (സി) ക്രമമാ​യും ശ്രദ്ധാ​പൂർവ്വ​വും ദന്തശു​ദ്ധി​വ​രു​ത്തു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌ (ഡി) ശുചി​ത്വം സംബന്ധിച്ച്‌ ബൈബിൾതന്നെ എന്തു പറയുന്നു? (പുറപ്പാട്‌ 30:17-21; മത്തായി 6:17, 18)

⁹ വൃത്തി​യു​ളള ഒരു ഭവനത്തിൽ വസിക്കു​ന്നത്‌ കൂടുതൽ ആസ്വാ​ദ്യ​കര​മാ​യി​രി​ക്കു​ന്ന​തു​പോ​ലെ​തന്നെ നമ്മുടെ ശരീരം ശുചി​യാ​യി സൂക്ഷി​ക്കു​ന്ന​തി​നാൽ നമുക്ക്‌ ജീവിതം കൂടുതൽ മെച്ചമാ​യി ആസ്വദി​ക്കാൻ കഴിയും. കൂടെ​ക്കൂ​ടെ കുളി​ക്കു​ന്നത്‌ ഉൻമേ​ഷ​പ്ര​ദ​വും ആരോ​ഗ്യ​പ്ര​ദ​വു​മാണ്‌. വായു​വി​ലും നിങ്ങൾ സ്‌പർശി​ക്കുന്ന വസ്‌തു​ക്ക​ളി​ലും ഉളള സൂഷ്‌മാ​ണു​ക്ക​ളു​മാ​യി നിങ്ങളു​ടെ ശരീരം നിരന്തരം സമ്പർക്ക​ത്തിൽ വരുന്നു. ഇവയിൽ ചിലത്‌ രോഗ​ങ്ങൾക്കി​ട​യാ​ക്കി​യേ​ക്കാം. സോപ്പ്‌ ഒരു അണുനാ​ശി​നി​യാ​യി പ്രവർത്തി​ക്കു​ന്നു. ജലം അവയെ കഴുകി​ക്ക​ള​യാ​നും ഉപകരി​ക്കു​ന്നു. നിങ്ങളു​ടെ കൈകൾക്ക്‌ പ്രത്യേ​കി​ച്ചും കൂടെ​ക്കൂ​ടെ​യു​ളള ശ്രദ്ധയാ​വ​ശ്യ​മാണ്‌. കാരണം അവകൊണ്ട്‌ ഭക്ഷണം കഴിക്കു​ന്നു; അതു​പോ​ലെ മററു​ള​ള​വ​രേ​യും അവർ ഉപയോ​ഗി​ക്കുന്ന സാധന​ങ്ങ​ളെ​യും സ്‌പർശി​ക്കു​ന്നു.

¹⁰ നിങ്ങൾ ശുചി​ത്വം പാലി​ക്കു​മ്പോൾ നിങ്ങൾക്ക്‌ കൂടുതൽ ഉൻമേഷം തോന്നു​ന്നു എന്നു മാത്രമല്ല നിങ്ങളെ കാണു​ന്ന​വർക്കും നിങ്ങളെ സമീപി​ക്കു​ന്ന​വർക്കും ജീവിതം കൂടുതൽ ഉല്ലാസ​പ്ര​ദ​മാ​ക്കു​ന്നു. വൃത്തി​ഹീ​ന​മാ​യും അടുക്കും ചിട്ടയു​മി​ല്ലാ​തെ​യും കിടക്കുന്ന ഒരു വീടു കാണു​മ്പോൾ അതിൽ വസിക്കു​ന്ന​വ​രെ​ക്കു​റിച്ച്‌ നിങ്ങൾക്ക്‌ എന്ത്‌ അഭി​പ്രാ​യ​മാണ്‌ തോന്നുക? അതു​പോ​ലെ​തന്നെ നിങ്ങളു​ടെ വേഷവി​ധാ​ന​ങ്ങ​ളിൽനിന്ന്‌ നിങ്ങ​ളെ​പ്പ​ററി അഭി​പ്രാ​യം രൂപീ​ക​രി​ക്കാൻ ആളുകൾ ചായ്‌വ്‌ കാണി​ക്കു​ന്നു. നിങ്ങളു​ടെ മുഖത്തും ചെവി​യി​ലും കഴുത്തി​ലും തലമു​ടി​യി​ലും  കൈയി​ലും നഖങ്ങൾക്കി​ട​യി​ലും അടിഞ്ഞു​കൂ​ടുന്ന അഴുക്ക്‌ മററു​ള​ള​വ​രു​ടെ സൗഹൃ​ദ​വും ബഹുമാ​ന​വും ആർജ്ജി​ക്കു​ന്ന​തിന്‌ തടസ്സമാ​യേ​ക്കാം. കൂടാതെ നിങ്ങൾ ശുചി​ത്വം പാലി​ക്കു​ന്നു​വെ​ങ്കിൽ നിങ്ങൾക്ക്‌ കൂടുതൽ ആത്മാഭി​മാ​നം തോന്നാ​നും അത്‌ ഇടയാ​ക്കും.

¹¹ ഒരുവൻ അധികം വ്യായാ​മ​മോ ജോലി​യോ ഒന്നും ചെയ്യാ​ത്ത​പ്പോൾ പോലും ശരീരം വിയർക്കു​ന്നു. വിയർപ്പ്‌ അധിക​മാ​കു​മ്പോൾ അത്‌ നിങ്ങളു​ടെ ശരീര​ത്തിന്‌ ഒരു ദുർഗന്ധം ഉണ്ടാകാൻ ഇടയാ​ക്കു​ന്നു. കൂടെ​ക്കൂ​ടെ കുളി​ക്കു​ന്ന​തും കക്ഷവും അതു​പോ​ലു​ളള ശരീര​ഭാ​ഗ​ങ്ങ​ളും കഴുകു​ന്ന​തും നിങ്ങളു​ടെ സാന്നി​ദ്ധ്യം മററു​ള​ള​വർക്ക്‌ ആസ്വാ​ദ്യ​ക​ര​മാ​ക്കി​ത്തീർക്കാൻ നിങ്ങളെ സഹായി​ക്കും. ശുചി​ത്വ​വും നല്ല ആഹാര​ക്ര​മ​വും നിങ്ങളു​ടെ മുഖകാ​ന്തി വർദ്ധി​പ്പി​ക്കു​ന്ന​തി​നും ഉപകരി​ക്കു​ന്നു.

¹² പ്രത്യേ​കാൽ ശ്രദ്ധ ആവശ്യ​മാ​യി​രി​ക്കുന്ന ഒരു ഭാഗമാണ്‌ നിങ്ങളു​ടെ പല്ല്‌. പല്ലുക​ളിൻമേ​ലോ പല്ലുകൾക്കി​ട​യി​ലോ ഭക്ഷണപ​ദാർത്ഥ​ങ്ങ​ളു​ടെ അംശങ്ങൾ പററി​പ്പി​ടി​ച്ചി​രി​ക്കാം. അവയിൽനി​ന്നു​ണ്ടാ​കുന്ന അമ്‌ളങ്ങൾ നിങ്ങളു​ടെ പല്ലിന്റെ കവടിയെ ആക്രമി​ക്കു​ന്നു. ആവർത്തി​ച്ചു​ളള ആക്രമ​ണ​ത്തി​ന്റെ ഫലമായി ചില​പ്പോൾ ഏതാനും മാസങ്ങൾക്കു​ള​ളിൽ കട്ടിയായ കവടി​യിൽ സുഷി​രങ്ങൾ ഉണ്ടാവു​ക​യും പല്ലുകൾ ദ്രവി​ക്കാ​നാ​രം​ഭി​ക്കു​ക​യും ചെയ്യുന്നു. അല്ലെങ്കിൽ ചില​പ്പോൾ മോണ​യ്‌ക്ക്‌ പഴുപ്പു​ണ്ടാ​ക്കു​ക​യും അതുമൂ​ലം കാല​ക്ര​മ​ത്തിൽ പല്ലുകൾക്ക്‌ ഇളക്കം തട്ടുക​യും ചെയ്‌തേ​ക്കാം. നിങ്ങൾക്ക്‌ അവയിൽ ചിലത്‌ നഷ്ടമാ​യേ​ക്കാം. പല്ല്‌ ദ്രവി​ക്കു​ന്ന​തും നഷ്ടമാ​കു​ന്ന​തും നിങ്ങളു​ടെ സൗന്ദര്യ​ത്തെ കുറയ്‌ക്കു​ന്നു.

¹³ വായ്‌ ശുചി​യാ​യി സൂക്ഷി​ക്കു​ന്നത്‌ വായ്‌ നാററം ഉണ്ടാകു​ന്ന​തി​നെ​തി​രെ ഒരു സംരക്ഷ​ണ​മാണ്‌. എന്നും ധാരാളം വെളളം കുടി​ക്കു​ന്ന​തും സഹായ​ക​മാണ്‌. നിങ്ങളു​ടെ വായ്‌ ഏതാണ്ട്‌ ഒരു വീടിന്റെ വാതിൽ പോ​ലെ​യാ​ണെന്ന്‌ ഓർമ്മി​ക്കുക. ഒരു വീടിന്റെ പുറ​മേ​നി​ന്നു​ളള കാഴ്‌ച​യും അതിന്റെ വാതിൽക്കൽ നിന്നു വരുന്ന ഗന്ധവും നല്ലത​ല്ലെ​ങ്കിൽ ആളുകൾ അതിനെ ഒഴിഞ്ഞു​പോ​കു​ന്ന​തിന്‌ ചായ്‌വു​ള​ള​വ​രാ​യി​രി​ക്കും.

¹⁴ (ഇക്കാര്യ​ത്തിൽ ചിലർ ചെയ്യു​ന്ന​തു​പോ​ലെ) അങ്ങേയ​ററം പോകാ​തി​രി​ക്കെ​ത്തന്നെ, ദൈവ​വ​ച​ന​മായ ബൈബിൾ ശുചി​ത്വം പാലി​ക്കാൻ ഉപദേ​ശി​ക്ക​യും പ്രോ​ത്സാ​ഹി​പ്പി​ക്ക​യും ചെയ്യുന്നു. ഒരുവൻ ആത്മീയ​മാ​യി ശുചി​ത്വ​വും നൈർമ്മ​ല്യ​വും ഉളളവ​നാ​യി​രി​ക്കു​ന്ന​തി​നെ സൂചി​പ്പി​ക്കാൻ ശുദ്ധമായ കരങ്ങളും കുളിച്ചു ശുദ്ധി​യാ​ക്ക​പ്പെട്ട ശരീര​വും പലപ്പോ​ഴും ഉപയോ​ഗി​ക്ക​പ്പെ​ട്ടി​രി​ക്കു​ന്നു.  അപ്പോ​സ്‌ത​ല​നായ പൗലോസ്‌ ബുദ്ധി​യു​പ​ദേ​ശി​ച്ചു: “നമുക്ക്‌ ജഡത്തി​ലെ​യും ആത്‌മാ​വി​ലെ​യും സകല കൻമഷ​വും നീക്കി നമ്മെത്തന്നെ വെടി​പ്പാ​ക്കി ദൈവ​ഭ​യ​ത്തിൽ വിശു​ദ്ധി​യെ തികച്ചു​കൊ​ള​ളാം.” (2 കൊരി​ന്ത്യർ 7:1) നാം നമ്മുടെ ഉളളിൽ, ഹൃദയ​ത്തി​ലും മനസ്സി​ലും ശുദ്ധി​യു​ള​ള​വ​രാ​ണോ? ആണെങ്കിൽ നാം പുറ​മേ​യും ശുദ്ധി​യു​ള​ള​വ​രാ​യി​രി​ക്കാൻ പരി​ശ്ര​മി​ക്കണം.

ശരിയായ വിശ്ര​മ​ത്തി​ന്റെ ആവശ്യം

15-18. (എ) മാനുഷ ശരീര​ത്തിന്‌ വിശ്ര​മ​വും നിദ്ര​യും ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) തുടർന്നു പ്രവർത്തി​ക്കു​ന്ന​തി​നു​ളള ഊർജ്ജം ഉണ്ടെന്നു നിങ്ങൾക്കു തോന്നി​യേ​ക്കാ​മെ​ങ്കി​ലും വേണ്ടത്ര വിശ്ര​മ​മി​ല്ലാ​തി​രു​ന്നാൽ അതു നിങ്ങളെ എങ്ങനെ ബാധി​ക്കും? (സി) നാം നമ്മുടെ ശരീരത്തെ പരിപാ​ലി​ക്കു​ന്നത്‌ നമുക്ക്‌ ദൈവ​ത്തോ​ടു​ളള ആദരവ്‌ പ്രകട​മാ​ക്കു​ന്ന​തെ​ങ്ങനെ?

¹⁵ ഓരോ ദിവസ​വും ദശലക്ഷ​ക്ക​ണ​ക്കിന്‌ ശരീര​കോ​ശങ്ങൾ നശിച്ചു​കൊ​ണ്ടി​രി​ക്കു​ന്നു. അവയുടെ സ്ഥാനത്ത്‌ പുതിയവ നിർമ്മി​ക്ക​പ്പെ​ടണം. വ്യായാ​മ​ത്തി​ന്റെ​യും ജോലി​യു​ടെ​യും ഫലമായി നിങ്ങളു​ടെ ശരീര​ത്തിൽ ചില പാഴ്‌വ​സ്‌തു​ക്കൾ ഉണ്ടാകു​ന്നു. അവ മാംസ​പേ​ശി​ക​ളിൽ അടിഞ്ഞു​കൂ​ടു​ന്നു. ഈ പാഴ്‌ വസ്‌തു​ക്ക​ളാണ്‌ നിങ്ങൾക്ക്‌ ക്ഷീണം തോന്നാ​നി​ട​യാ​ക്കു​ന്നത്‌. ഇങ്ങനെ അടിഞ്ഞു​കൂ​ടി​യി​രി​ക്കുന്ന പാഴ്‌ വസ്‌തു​ക്ക​ളിൽ നിന്ന്‌ നിങ്ങളു​ടെ ശരീരത്തെ സ്വത​ന്ത്ര​മാ​ക്കു​ന്ന​തി​നും അതിനെ കേടു​പോ​ക്കി നല്ല നിലയിൽ സംരക്ഷി​ക്കു​ന്ന​തി​നാ​വ​ശ്യ​മായ പുതിയ കോശങ്ങൾ നിർമ്മി​ക്കു​ന്നത്‌ സാദ്ധ്യ​മാ​ക്കി​ത്തീർക്കു​ന്ന​തി​നും വേണ്ടത്ര വിശ്രമം ആവശ്യ​മാണ്‌. നിങ്ങളു​ടെ കേന്ദ്ര​നാ​ഡീ വ്യൂഹ​ത്തി​നും മസ്‌തി​ഷ്‌ക്ക​ത്തി​നും വിശ്രമം ലഭി​ക്കേ​ണ്ട​തുണ്ട്‌. അവയ്‌ക്കു വിശ്രമം ലഭിക്ക​ണ​മെ​ങ്കിൽ നിങ്ങൾ ഉറങ്ങിയേ മതിയാ​വു.

¹⁶ യുവ​പ്രാ​യ​മാ​യ​തി​നാൽ, കുറച്ചു​റ​ങ്ങി​യാ​ലും നിങ്ങൾക്ക്‌ കുഴപ്പ​മൊ​ന്നും കൂടാതെ മുൻപോ​ട്ടു പോകാം എന്ന്‌ നിങ്ങൾക്ക്‌  തോന്നി​യേ​ക്കാം. എന്നാൽ യൗവന​ത്തി​ലെ ഊർജ്ജ​സ്വ​ല​ത​യും ശക്തിയും നിങ്ങളെ തെററി​ദ്ധ​രി​പ്പി​ക്കാ​നി​ട​യുണ്ട്‌. വേണ്ടത്ര വിശ്രമം ലഭിക്കാ​ത്ത​തിൽ നിന്നു​ള​വാ​കുന്ന സാരമായ തകരാ​റി​ന്റെ ലക്ഷണങ്ങൾ മറച്ചു വയ്‌ക്കാൻ അവയ്‌ക്കു കഴി​ഞ്ഞേ​ക്കാം. വാസ്‌ത​വ​ത്തിൽ, യുവ​പ്രാ​യ​ക്കാ​രു​ടെ വളർന്നു​കൊ​ണ്ടി​രി​ക്കുന്ന ശരീര​ത്തിന്‌ മുതിർന്ന​വ​രു​ടേ​തി​നേ​ക്കാൾ കുറവല്ല, കൂടുതൽ നിദ്ര​യാണ്‌ ആവശ്യ​മാ​യി​രി​ക്കു​ന്നത്‌. വേണ്ടത്ര ഉറക്കമി​ല്ലാ​ഞ്ഞാൽ അത്‌ ഒരുവന്റെ ചിന്താ​പ്രാ​പ്‌തി​യെ തകരാ​റി​ലാ​ക്കു​ക​യും മറവി വർദ്ധി​പ്പി​ക്കു​ക​യും ചെയ്യുന്നു. അതു നമ്മുടെ ശ്രദ്ധയും ശരീര​ത്തി​ന്റെ പ്രതി​കർമ്മ പ്രാപ്‌തി​യും കുറയ്‌ക്കു​ന്നു. അതു നിങ്ങൾക്ക്‌ പിരി​മു​റു​ക്ക​വും അസ്വസ്ഥ​ത​യും ശുണ്‌ഠി​യും തോന്നാ​നി​ട​യാ​ക്കു​ന്നു. സമ്മർദ്ദങ്ങൾ അനുഭ​വ​പ്പെ​ടുന്ന പ്രതി​സന്ധി ഘട്ടങ്ങളിൽ പ്രത്യേ​കി​ച്ചും അത്‌ മററു​ള​ളവർ നിങ്ങ​ളോ​ടൊ​ത്തു പോകു​ന്നത്‌ പ്രയാ​സ​ക​ര​മാ​ക്കി​ത്തീർക്കു​ന്നു.

¹⁷ അതു​കൊണ്ട്‌ നിങ്ങളു​ടെ ശരീര​ത്തിന്‌ ആവശ്യ​മായ വിശ്രമം അതിന്‌ കൊടു​ത്തു​കൊണ്ട്‌ അതി​നോട്‌ സഹകരി​ക്കുക. നിങ്ങൾ ഇന്ന സമയത്തി​നു​ള​ളിൽ ഉറങ്ങണം എന്ന്‌ നിങ്ങളു​ടെ മാതാ​പി​താ​ക്കൾ നിർദ്ദേ​ശി​ക്കു​മ്പോൾ അതിന്റെ ന്യായ​യു​ക്തത തിരി​ച്ച​റി​യുക. ഓരോ രാത്രി​യി​ലും വേണ്ടത്ര ഉറക്കം ലഭിക്കു​ന്ന​തി​നാൽ നിങ്ങൾ ചെയ്യുന്ന ജോലി കൂടുതൽ മെച്ചമാ​യും വേഗത്തി​ലും ചെയ്യാൻ നിങ്ങൾക്കു കഴിയും. ജീവിതം നിങ്ങൾക്കു കൂടുതൽ ആസ്വാ​ദ്യ​ക​ര​മാ​യി തോന്നും. നിങ്ങൾക്കു പരാതി​കൾ ഏറെ ഉണ്ടായി​രി​ക്ക​യില്ല.

¹⁸ നമ്മുടെ ശരീര​ത്തിൽ നാം ആസ്വദി​ക്കുന്ന ജീവന്റെ ദാനത്തെ നാം വിലമ​തി​ക്കു​ന്നു​വെ​ങ്കിൽ നാം അതു നമ്മുടെ സ്രഷ്ടാ​വി​ന്റെ​യും നമുക്കു നിത്യ​ജീ​വൻ ഉണ്ടാ​കേ​ണ്ട​തിന്‌ ജീവനെ നല്‌കിയ അവന്റെ പുത്ര​ന്റെ​യും മഹത്വ​ത്തി​നാ​യി ഉപയോ​ഗി​ക്കേ​ണ്ട​താണ്‌. നാം സ്വാർത്ഥ​പ​ര​മായ കാരണ​ങ്ങ​ളാ​ലോ ഭോഷ​ത്വ​ത്താ​ലോ വെറും അശ്രദ്ധ​യാ​ലോ നമ്മുടെ ശരീരത്തെ അവഗണി​ക്കു​ക​യോ ദുരു​പ​യോ​ഗ​പ്പെ​ടു​ത്തു​ക​യോ ചെയ്യരുത്‌. അല്ലാഞ്ഞാൽ നാം ജീവനു​വേണ്ടി കടപ്പെ​ട്ടി​രി​ക്കു​ന്ന​വ​നോ​ടു​ളള ആദരവി​ല്ലാ​യ്‌മ​യാ​യി​രി​ക്കും പ്രകട​മാ​ക്കു​ന്നത്‌. നമുക്ക്‌ ബൈബി​ളി​ന്റെ ബുദ്ധി​യു​പ​ദേശം അനുസ​രി​ക്കാം: “നിങ്ങൾ തിന്നാ​ലും കുടി​ച്ചാ​ലും മറെറ​ന്തു​തന്നെ ചെയ്‌താ​ലും എല്ലാം ദൈവ​ത്തി​ന്റെ മഹത്വ​ത്തി​നാ​യി ചെയ്‌വിൻ.” തന്റെ സ്‌നേ​ഹ​പൂർവ്വ​ക​മായ കരുത​ലു​ക​ളോ​ടു നിങ്ങൾ കാണി​ക്കുന്ന വിലമ​തി​പ്പി​നെ അവൻ അനു​ഗ്ര​ഹി​ക്കു​ക​യും സമൃദ്ധ​മായ പ്രതി​ഫലം നല്‌കു​ക​യും ചെയ്യും.—1 കൊരി​ന്ത്യർ 10:31.

[അധ്യയന ചോദ്യ​ങ്ങൾ]

[46-ാം പേജിലെ ചിത്രം]

സമീകൃതാഹാരം കഴിക്കു​ന്നത്‌ ആരോ​ഗ്യ​ത്തിന്‌ ജീവൽപ്ര​ധാ​ന​മാണ്‌

[49-ാം പേജിലെ ചിത്രം]

നിങ്ങളുടെ ശരീര​ത്തിൽനിന്ന്‌ പാഴ്‌വ​സ്‌തു​ക്കൾ നീക്കം ചെയ്യു​ന്ന​തിന്‌ വേണ്ടത്ര വിശ്രമം ആവശ്യ​മാണ്‌