അധ്യായം 9

നിങ്ങൾക്ക്‌ വീട്ടിൽ വിരസത അനുഭ​വ​പ്പെ​ടു​ന്നു​വോ?

1-3. (എ) ഇന്ന്‌ അനേകം ഭവനങ്ങ​ളി​ലെ​യും വിരസ​ത​ക്കു​ളള കാരണം എന്താ​ണെ​ന്നാണ്‌ നിങ്ങൾ കരുതു​ന്നത്‌? (ബി) കുടും​ബ​വൃ​ത്ത​ത്തി​നു വെളി​യി​ലേക്കു നിങ്ങളു​ടെ താല്‌പ​ര്യ​ങ്ങൾ വളരു​ന്നത്‌ അവശ്യം തെററാ​ണോ?

 രണ്ടു ഭവനങ്ങൾ കൃത്യ​മാ​യി ഒരു​പോ​ലെ ആയിരി​ക്കു​ന്നില്ല. എങ്കിലും വിരസത അനുഭ​വ​പ്പെ​ടുക എന്നത്‌ യുവജ​ന​ങ്ങൾക്കി​ട​യിൽ ഇന്ന്‌ സാധാ​ര​ണ​മാണ്‌. കഴിഞ്ഞ​കാ​ല​ങ്ങ​ളിൽ അത്‌ അത്ര​ത്തോ​ളം ഉണ്ടായി​രു​ന്നു എന്ന്‌ തോന്നു​ന്നില്ല. വർഷങ്ങൾക്കു​മുമ്പ്‌, കുടും​ബാം​ഗങ്ങൾ ഒത്തു​ചേർന്ന്‌ കൂടുതൽ കാര്യങ്ങൾ ചെയ്‌തി​രു​ന്നു. അതു​കൊണ്ട്‌ അവർ തമ്മിൽ കുറച്ചു​കൂ​ടി അടുത്ത​ബ​ന്ധ​മു​ണ്ടാ​യി​രു​ന്നു. എന്നാൽ ഇന്ന്‌ അനേക യുവജ​ന​ങ്ങ​ളേ​യും സംബന്ധി​ച്ചി​ട​ത്തോ​ളം “ഭവനം” ഭക്ഷണം കഴിക്കു​ന്ന​തി​നും ഉറങ്ങു​ന്ന​തി​നു​മു​ളള ഒരു വീടു മാത്ര​മാണ്‌.

² വിരസത നിങ്ങൾക്ക്‌ എപ്പോ​ഴെ​ങ്കി​ലും ഒരു പ്രശ്‌ന​മാ​ണോ? ആണെങ്കിൽ അതിന്‌ നിങ്ങൾ നിങ്ങളു​ടെ ഭവനത്തിൽ ജീവിതം ആസ്വദി​ക്കു​ന്ന​തി​നെ വളരെ​യേറെ തടസ്സ​പ്പെ​ടു​ത്താൻ കഴിയും. ഒരുപക്ഷേ, ചില​പ്പോൾ വീടു വിട്ടു​പോ​യി നിങ്ങളു​ടേ​തായ, രസകര​മായ ഒരു ജീവിതം കണ്ടെത്താൻ നിങ്ങൾ ആഗ്രഹി​ച്ചേ​ക്കാം.

³ ഒരർത്ഥ​ത്തിൽ യൗവന​ത്തി​ലെ ഒരു സ്വാഭാ​വിക വികാ​സ​മാ​ണിത്‌. നിങ്ങൾ വളരു​ക​യും വികാസം പ്രാപി​ക്കു​ക​യും ചെയ്യു​മ്പോൾ സ്വാഭാ​വി​ക​മാ​യും നിങ്ങളു​ടെ കാഴ്‌ച​പ്പാ​ടും വികസി​ക്കു​ന്നു. നിങ്ങളു​ടെ ജിജ്ഞാസ വർദ്ധി​ക്കു​ന്നു. പുതിയ കാര്യങ്ങൾ പരി​ശോ​ധി​ക്കു​ന്ന​തിന്‌ പരീക്ഷ​ണങ്ങൾ നടത്തു​ന്ന​തിന്‌ നിങ്ങൾ തല്‌പ​ര​രാണ്‌. എന്നാൽ ചോദ്യ​മി​താണ്‌, നിങ്ങളു​ടെ വികസിത വീക്ഷണങ്ങൾ നിങ്ങൾ എപ്രകാ​ര​മാണ്‌ പ്രകടി​പ്പി​ക്കുക? അതു നിങ്ങൾക്ക്‌ ഭവനത്തി​ലെ ജീവിതം വിരസ​മാ​ക്കു​ക​യും മാതാ​പി​താ​ക്ക​ളു​ടെ നിർദ്ദേ​ശ​ങ്ങ​ളും നിയ​ന്ത്ര​ണ​വും നിങ്ങളെ മടുപ്പി​ക്കു​ക​യും ചെയ്യേ​ണ്ട​തു​ണ്ടോ? മിക്ക​പ്പോ​ഴും വിരസ​ത​യു​ടെ യഥാർത്ഥ കാരണ​മെ​ന്താണ്‌? അതിനു​ളള പരിഹാ​ര​മെ​ന്താണ്‌?

മനോ​ഭാ​വ​ത്തിന്‌ വ്യത്യാ​സ​മു​ള​വാ​ക്കാൻ കഴിയും

4-6. (എ) ഒരുവന്‌ വിരസത അനുഭ​വ​പ്പെ​ടു​ന്നോ ഇല്ലയോ എന്ന കാര്യ​ത്തിൽ അവന്റെ മനോ​ഭാ​വം എങ്ങനെ​യാണ്‌ വലിയ ഒരളവു​വരെ ഒരു നിർണ്ണാ​യക ഘടകമാ​യി​രി​ക്കു​ന്നത്‌? (ബി) നിങ്ങളു​ടെ കുടും​ബ​ത്തി​ലെ അന്തരീക്ഷം മെച്ച​പ്പെ​ടു​ത്താൻ വ്യക്തി​പ​ര​മാ​യി നിങ്ങൾക്ക്‌ എന്തു​ചെ​യ്യാൻ കഴിയും? (ഫിലി​പ്യർ 2:3, 4)

⁴ വാസ്‌ത​വ​മാ​യും, സമാധാ​ന​വും സംതൃ​പ്‌തി​യും ലഭിക്കു​ന്നത്‌  പ്രയാ​സ​മാ​ക്കി​ത്തീർക്കുന്ന യഥാർത്ഥ പ്രശ്‌നങ്ങൾ ചില ഭവനങ്ങ​ളി​ലുണ്ട്‌. എന്നാൽ മിക്ക​പ്പോ​ഴും നിങ്ങളു​ടെ ഭവനത്തി​ലെ ജീവിതം ആസ്വാ​ദ്യ​ക​ര​മോ വിരസ​മോ ആയി നിങ്ങൾക്ക്‌ അനുഭ​വ​പ്പെ​ടാ​നി​ട​യാ​ക്കു​ന്നത്‌ നിങ്ങളു​ടെ​തന്നെ മനോ​ഭാ​വ​മാണ്‌. അതെന്തു​കൊ​ണ്ടാണ്‌? കാരണം ചില യുവജ​ന​ങ്ങൾക്ക്‌ ജീവിതം ആസ്വദി​ക്കാൻ കഴിയുന്ന അതേ സാഹച​ര്യ​ത്തിൽ തന്നെ മററു ചിലർക്ക്‌ വിരസത അനുഭ​വ​പ്പെ​ടു​ന്നു. ചിലർക്ക്‌ തങ്ങളുടെ ഭവന ജീവി​തത്തെ സംബന്ധിച്ച്‌ മെച്ചപ്പെട്ട മനോ​ഭാ​വം ഉണ്ടെന്നു​ള​ള​താണ്‌ വ്യത്യാ​സം. അതു​കൊണ്ട്‌ വിരസ​ത​യെ​യും മററ്‌ അനേക പ്രശ്‌ന​ങ്ങ​ളെ​യും നേരി​ടു​ന്നത്‌ അത്തരം കാര്യ​ങ്ങ​ളോ​ടു​ളള നിങ്ങളു​ടെ മനോ​ഭാ​വത്തെ ആശ്രയി​ച്ചി​രി​ക്കുന്ന ഒരു സംഗതി​യാണ്‌.

⁵ എന്തു​കൊണ്ട്‌ ഈ തരത്തിൽ അതിനെ വീക്ഷി​ച്ചു​കൂ​ടാ: ഓരോ കുടും​ബ​ത്തി​നും അതതി​ന്റേ​തായ ഒരു വ്യക്തി​ത്വം ഉണ്ട്‌. ഇത്‌ ഏതെങ്കി​ലും ഒരു വ്യക്തി​യു​ടെ പ്രവർത്ത​ന​ഫ​ല​മാ​യു​ണ്ടാ​കു​ന്നതല്ല. മറിച്ച്‌, കുടും​ബ​ത്തി​ന്റെ സംയുക്ത വ്യക്തി​ത്വ​ത്തിന്‌ ഓരോ​രു​ത്ത​രും സംഭാവന ചെയ്യുന്നു. നിങ്ങളു​ടെ കുടും​ബം ഏതുത​ര​ത്തി​ലു​ള​ള​താണ്‌? നിങ്ങളു​ടെ ഭവനം ഊഷ്‌മ​ള​മായ,  ഉൻമേ​ഷ​പ്ര​ദ​മായ ഒരു സ്ഥലമാ​ണോ? നിങ്ങൾ കുടും​ബ​ത്തി​ലെ മററം​ഗ​ങ്ങ​ളോ​ടു​ളള സഹവാസം ആസ്വദി​ക്കാ​റു​ണ്ടോ? ഭക്ഷണ സമയങ്ങ​ളിൽ രസകര​മായ സംഭാ​ഷ​ണ​മു​ണ്ടോ? ഒരുമിച്ച്‌ കാര്യങ്ങൾ ചെയ്യു​ന്ന​തി​ലും അന്യോ​ന്യം സേവനം ചെയ്യു​ന്ന​തി​ലും നിങ്ങൾ സന്തോഷം കണ്ടെത്താ​റു​ണ്ടോ? അതോ മററു​ള​ള​വ​രിൽ ഒട്ടും തന്നെ താല്‌പ​ര്യ​മി​ല്ലാ​തെ ഓരോ​രു​ത്തർ അവരവ​രു​ടെ വഴിക്കു​പോ​കു​ന്നു​വോ? ഇതിൽ എങ്ങനെ​യാ​യി​രി​ക്കു​ന്ന​താണ്‌ നിങ്ങൾ കൂടുതൽ ഇഷ്ടപ്പെ​ടു​ന്നത്‌?

⁶ കാര്യങ്ങൾ നിങ്ങൾ ആഗ്രഹി​ക്കു​ന്ന​വി​ധ​ത്തിൽ ആയിരി​ക്കാ​ത്ത​പ്പോൾ മററു​ള​ള​വരെ കുററ​പ്പെ​ടു​ത്തുക എളുപ്പ​മാണ്‌. എന്നാൽ പരാതി​പ്പെ​ടു​ന്ന​തി​നു മുമ്പ്‌, ആദ്യം തന്നെ എന്തു​കൊണ്ട്‌ ഇങ്ങനെ ചോദി​ച്ചു​കൂ​ടാ: “കുടും​ബ​ത്തി​ന്റെ വ്യക്തി​ത്വ​ത്തി​നും അതിലെ അന്തരീ​ക്ഷ​ത്തി​നും ഞാൻ എന്തു സംഭാവന ചെയ്യു​ന്നുണ്ട്‌? കാര്യ​ങ്ങളെ മെച്ച​പ്പെ​ടു​ത്താൻ ഞാൻ എത്രമാ​ത്രം ശ്രമം ചെലു​ത്തു​ന്നുണ്ട്‌?” ഒരു കപ്പൽ കൊടു​ങ്കാ​റ​റിൽപ്പെട്ട്‌ അപകടാ​വ​സ്ഥ​യി​ലാ​യി​രി​ക്കു​മ്പോൾ നാവി​ക​രി​ലൊ​രു​വൻ പരാതി പറഞ്ഞു​കൊണ്ട്‌ ഒരു മൂലയിൽ ഇരുന്നാൽ അത്‌ കാര്യ​മായ ഒരു സഹായ​മാ​യി​രി​ക്ക​യില്ല. എല്ലാവ​രും കപ്പലിന്റെ “മേൽത്ത​ട്ടിൽ ഒന്നിച്ചു​കൂ​ടി” ആർത്തി​ര​മ്പുന്ന കടലി​ലൂ​ടെ കപ്പലിനെ അതിന്റെ ലക്ഷ്യസ്ഥാ​ന​ത്തേ​യ്‌ക്കു തന്നെ നയിക്കാൻ കഠിന​ശ്രമം ചെയ്യേണ്ട ഘട്ടമാ​ണത്‌.

7-9. നാം ചെയ്യേ​ണ്ട​തായ ഏതെങ്കി​ലും ജോലി​യിൽ തോന്നി​യേ​ക്കാ​വുന്ന വിരസ​തയെ നേരി​ടാൻ എന്തിന്‌ നമ്മെ സഹായി​ക്കാൻ കഴിയും?

⁷ വിരസ​ത​യെ​പ്പ​ററി പരാതി​പ്പെ​ടുന്ന യുവജ​നങ്ങൾ മിക്ക​പ്പോ​ഴും അവർക്ക്‌ നിർവ്വ​ഹി​ക്കാൻ നൽക​പ്പെ​ടുന്ന കാര്യ​ങ്ങ​ളു​ടെ മൂല്യം തിരി​ച്ച​റി​യു​ന്ന​തിൽ പരാജ​യ​പ്പെ​ടു​ന്നു. ഭവനത്തി​ലോ സ്‌കൂ​ളി​ലോ ജോലി​സ്ഥ​ല​ത്തോ നിങ്ങൾക്ക്‌ എന്തു നിയമ​നങ്ങൾ ലഭിച്ചാ​ലും അതു നിങ്ങളു​ടെ​യും മററു​ള​ള​വ​രു​ടെ​യും ജീവി​തത്തെ ഇപ്പോ​ഴും ഭാവി​യി​ലും എങ്ങനെ ബാധി​ക്കു​ന്നു എന്നു കാണാൻ ശ്രമി​ക്കുക. നിങ്ങൾക്ക​ങ്ങനെ ചെയ്യാ​മെ​ങ്കിൽ ആ ജോലി​കൾ ഒരു ലക്ഷ്യ​ബോ​ധ​ത്തോ​ടെ ചെയ്യാൻ കഴിയും. ജീവിതം ആസ്വദി​ക്കു​ന്ന​തും വിരസത അനുഭ​വ​പ്പെ​ടു​ന്ന​തും തമ്മിലു​ളള വ്യത്യാ​സം അതിലാ​ണ​ട​ങ്ങി​യി​രി​ക്കു​ന്നത്‌.

⁸ വിരസ​മാ​യി നിങ്ങൾക്ക​നു​ഭ​വ​പ്പെ​ടുന്ന ജോലി​കൾ തന്നെ യഥാർത്ഥ​ത്തിൽ നിങ്ങളു​ടെ ഭാവി​വി​ജ​യ​ത്തിൽ ഏററം വലിയ പങ്കുവ​ഹി​ക്കുന്ന ഗുണങ്ങ​ളും ശീലങ്ങ​ളും നിങ്ങളിൽ വളർത്തി​യേ​ക്കാം. ഉദാഹ​ര​ണ​ത്തിന്‌: നിങ്ങൾ ഒരു യുവാ​വാ​ണെ​ങ്കിൽ നിങ്ങൾ എന്നെങ്കി​ലും ഒരു വിമാ​ന​ത്തി​ന്റെ മാതൃക നിർമ്മി​ച്ചി​ട്ടു​ണ്ടോ? ആദ്യം നിങ്ങൾ അനേകം ഭാഗങ്ങൾ ചേർത്ത്‌ അതിന്റെ ചട്ടക്കൂട്‌ നിർമ്മി​ക്കേ​ണ്ടി​യി​രി​ക്കു​ന്നു. അതിനു​ശേഷം ആ ചട്ടം പൊതി​യു​ന്നു. പണി പൂർത്തി​യാ​യി​ക്ക​ഴി​യു​മ്പോൾ ആ ചട്ടക്കൂട്‌ കാണ​പ്പെ​ടു​ക​പോ​ലു​മില്ല. എന്നാൽ അതു നൽകിയ ശക്തിയും രൂപവും ഇല്ലാഞ്ഞാൽ വിമാനം ഉപയോ​ഗ​ശൂ​ന്യ​മാ​യി​രി​ക്കും. അല്ല, നിങ്ങൾ ഒരു യുവതി​യാ​ണെ​ങ്കിൽ  നിങ്ങൾ എന്നെങ്കി​ലും ഒരു വസ്‌ത്രം നിർമ്മി​ച്ചി​ട്ടു​ണ്ടോ? അതു പൂർത്തി​യാ​യ​പ്പോൾ അതിലെ തുന്നലു​കൾ പുറമേ കാണാ​നി​ല്ലാ​യി​രു​ന്നി​രി​ക്കാം. എന്നാൽ ഒളിഞ്ഞി​രി​ക്കുന്ന ആ തുന്നലു​ക​ളി​ല്ലാ​തെ വസ്‌ത്ര​മു​ണ്ടാ​യി​രി​ക്കു​മാ​യി​രു​ന്നില്ല.

⁹ സ്‌കൂ​ളിൽവ​ച്ചോ വീട്ടിൽ ചെയ്യു​ന്ന​തായ കാര്യ​ങ്ങ​ളിൽ നിന്നോ പഠിക്കുന്ന അനേകം കാര്യ​ങ്ങ​ളും അങ്ങനെ​ത​ന്നെ​യാണ്‌. അവയെ​ല്ലാം നിങ്ങളു​ടെ ഭാവി വിജയ​ത്തിന്‌ അടിത്ത​റ​പാ​കാൻ സഹായി​ക്കുന്ന വിപു​ല​മായ ഒരു പദ്ധതി​യു​ടെ ഭാഗമാണ്‌. ലളിത​വും വിരസ​വു​മായ ജോലി​കൾ അല്ലെങ്കിൽ അനുദി​ന​ച​ര്യ​കൾ ആവർത്തി​ച്ചു​പോ​ലും ചെയ്യു​ന്ന​തി​നാൽ നിങ്ങൾക്ക്‌ സഹിഷ്‌ണു​ത​യും നിശ്ചയ​ദാർഢ്യ​വും ആത്മബല​വും സമ്പാദി​ക്കാൻ കഴിയും.

അന്തഃശ​ക്തി​യും വിശാല താല്‌പ​ര്യ​ങ്ങ​ളും

10-12. (എ) “ചെയ്യാൻ ഒന്നും ഇല്ല” എന്ന്‌ ഒരു വ്യക്തി പറയു​മ്പോൾ അയാളു​ടെ സംഗതി​യിൽ സാധാ​ര​ണ​യാ​യി എന്തിന്റെ അഭാവ​മാ​ണു​ള​ളത്‌? (ബി) ആ അഭാവ​ത്തി​നു കാരണ​മാ​ക്കു​ന്നത്‌ ഏതുതരം വിനോ​ദ​ങ്ങ​ളാണ്‌?

¹⁰ ഒഴിവു സമയങ്ങ​ളിൽ മിക്ക​പ്പോ​ഴും കേൾക്കാ​റു​ളള പരാതി​യാണ്‌, “ഓ ഒന്നും ചെയ്യാ​നില്ല.” മിക്ക​പ്പോ​ഴും വില​പ്പെ​ട്ട​തും രസാവ​ഹ​വു​മായ കാര്യങ്ങൾ ചെയ്യാ​നി​ല്ലാ​ത്തതല്ല മറിച്ച്‌ അതിനു​ളള ഉൾ​പ്രേ​ര​ണ​യു​ടെ​യും ഭാവന​യു​ടെ​യും ചിന്തയു​ടെ​യും അഭാവ​മാണ്‌ പ്രശ്‌നം. അല്ലെങ്കിൽ നമുക്കു താല്‌പ​ര്യ​മു​ളള കാര്യ​ങ്ങ​ളു​ടെ മണ്ഡലം വളരെ ഇടുങ്ങി​യ​താണ്‌ എന്നാണ്‌ ഈ പരാതി തെളി​യി​ക്കു​ന്നത്‌.

¹¹ ഇന്നത്തെ വ്യവസ്ഥി​തി അന്തഃശ​ക്തി​യെ പ്രോ​ത്സാ​ഹി​പ്പി​ക്കാൻ ഏറെ​യൊ​ന്നും ചെയ്യു​ന്നില്ല, പ്രത്യേ​കി​ച്ചും സ്വന്തം ഭവനത്തിൽ. ഇന്ന്‌ യുവജ​ന​ങ്ങൾപോ​ലും ചുറു​ചു​റു​ക്കോ​ടെ കാര്യങ്ങൾ ചെയ്യു​ന്ന​തി​നു​പ​കരം വെറും കാഴ്‌ച​ക്കാ​രാ​യി​രി​ക്കാ​നാണ്‌ പരിച​യി​ച്ചി​രി​ക്കു​ന്നത്‌. സിനി​മ​ക​ളും ടെലി​വി​ഷൻ പരിപാ​ടി​ക​ളും വീക്ഷി​ച്ചും റിക്കാർഡു ചെയ്‌ത സംഗീതം ശ്രവി​ച്ചും അല്ലെങ്കിൽ മററാ​രെ​ങ്കി​ലും മത്സരക്ക​ളി​ക​ളിൽ ഏർപ്പെ​ടു​ന്നതു നോക്കി​യി​രു​ന്നും ആണോ നിങ്ങൾ ഭവനത്തിൽ അധിക സമയവും ചെലവ​ഴി​ക്കു​ന്നത്‌?

¹² നിങ്ങൾ തന്നെ എന്തെങ്കി​ലും ചെയ്യു​ന്ന​തി​നേ​ക്കാ​ളും ചെയ്യാൻ പഠിക്കു​ന്ന​തി​നേ​ക്കാ​ളും വളരെ എളുപ്പ​മാ​ണിത്‌. എന്നാൽ കാല​ക്ര​മ​ത്തിൽ അതും വിരസ​ത​യ്‌ക്ക്‌ ഇടയാ​ക്കു​ന്നു. വിനോ​ദ​ത്തി​നു​വേണ്ടി നിങ്ങൾ മററു​ള​ള​വരെ വളരെ​യേറെ ആശ്രയി​ക്കേ​ണ്ടി​വ​രു​ന്നു. ജീവിതം രസകര​മാ​ക്കാൻ എന്തെങ്കി​ലും ചെയ്യാൻ നിങ്ങൾക്ക്‌ കഴിവി​ല്ലാ​താ​കു​ന്നു. കുട്ടി​കളെ സംബന്ധി​ച്ചി​ട​ത്തോ​ളം ഇതു​കൊണ്ട്‌ കുഴപ്പ​മൊ​ന്നു​മില്ല. എന്നാൽ പക്വത പ്രാപി​ച്ചു​കൊ​ണ്ടി​രി​ക്കുന്ന സ്‌ത്രീ​പു​രു​ഷൻമാർക്ക്‌ അതു മതിയാ​കു​ന്നില്ല.

13, 14. നിങ്ങളു​ടെ ഭാഗത്ത്‌ അന്തഃശ​ക്തി​യോ പങ്കുപ​റ​റ​ലോ ആവശ്യ​മാ​യി​രി​ക്കു​ന്ന​തും നിങ്ങൾ ആസ്വദി​ക്കു​ന്ന​തു​മായ ചില പ്രവർത്ത​നങ്ങൾ ഏവ?

 ¹³ നിങ്ങളു​ടെ താല്‌പ​ര്യ​ങ്ങ​ളു​ടെ മണ്ഡലം എത്ര വിശാ​ല​മാണ്‌? നമുക്കു ചെയ്യാ​വുന്ന വിലപ്പെട്ട കാര്യ​ങ്ങ​ളു​ടെ​യും നമുക്കു ഗവേഷണം നടത്താ​വുന്ന വിജ്ഞാ​ന​മ​ണ്ഡ​ല​ങ്ങ​ളു​ടെ​യും പട്ടിക ഏതാണ്ട്‌ അപരി​മി​ത​മാണ്‌. വായന​യ്‌ക്ക്‌ ടെലി​വി​ഷൻ വീക്ഷി​ക്കു​ന്ന​തി​നു​വേ​ണ്ട​തി​നേ​ക്കാൾ കൂടുതൽ ശ്രമം ആവശ്യ​മാണ്‌. എന്നാൽ അതു​കൊണ്ട്‌ വളരെ കൂടിയ പ്രയോ​ജ​ന​വും ലഭിക്കു​ന്നു. ഇന്ന്‌ പുസ്‌ത​ക​ങ്ങ​ളിൽ പ്രതി​പാ​ദി​ക്ക​പ്പെ​ടാ​ത്ത​താ​യി യാതൊ​രു പ്രവർത്തന മണ്ഡലവും വൈദ​ഗ്‌ദ്ധ്യ​വും തൊഴി​ലും സ്ഥലവും ജനതയും മൃഗവും ഒന്നും തന്നെയില്ല. നിങ്ങൾ എത്ര കൂടു​ത​ലാ​യി വായി​ക്കു​ന്നു​വോ അത്രകണ്ട്‌ വായന നിങ്ങൾക്ക്‌ കൂടുതൽ ആസ്വാ​ദ്യ​ക​ര​മാ​യി​ത്തീ​രു​ന്നു; അറിവ്‌ ഉൾക്കൊ​ള​ളാ​നു​ളള നിങ്ങളു​ടെ പ്രാപ്‌തി വർദ്ധി​ക്കു​ക​യും ചെയ്യുന്നു. എന്നാൽ വെറുതെ ‘സമയം കൊല്ലാൻ’ വേണ്ടി​യു​ളള വായന മതിയാ​യി​രി​ക്കു​ന്നില്ല. നിങ്ങൾക്ക്‌ വില​പ്പെ​ട്ട​താ​യി​രി​ക്കാ​വു​ന്നത്‌ എന്ത്‌ എന്ന്‌ നിങ്ങൾ തീരു​മാ​നി​ക്കേ​ണ്ട​തുണ്ട്‌. അപ്പോൾ നിങ്ങൾക്ക്‌ ഒരു ലക്ഷ്യം മുന്നിൽ കണ്ടു​കൊണ്ട്‌ വായി​ക്കാൻ കഴിയും. അതിന്‌ കാര്യങ്ങൾ നിർവ്വ​ഹി​ക്കാൻ നിങ്ങളെ സജ്ജരാ​ക്കി​ക്കൊണ്ട്‌ ഇപ്പോൾ തന്നെയും ഭാവി​യി​ലും നിങ്ങളു​ടെ ജീവി​തത്തെ ധന്യമാ​ക്കാൻ കഴിയും.

¹⁴ തീർച്ച​യാ​യും ചിലർ ചെയ്യാൻ ഇഷ്ടപ്പെ​ടുന്ന കാര്യ​ങ്ങ​ളാ​യി​രി​ക്ക​യില്ല മററു ചിലർ ഇഷ്ടപ്പെ​ടു​ന്നത്‌. ചിലർക്ക്‌ തടി​കൊ​ണ്ടും ലോഹ​ങ്ങൾകൊ​ണ്ടും സാധനങ്ങൾ നിർമ്മി​ക്കു​ന്നത്‌ ഇഷ്ടമാ​ണെ​ങ്കിൽ മററു​ചി​ലർക്ക്‌ ഒരു ക്യാമ​റ​കൊണ്ട്‌ നല്ലനല്ല ചിത്രങ്ങൾ എടുക്കു​ന്ന​തോ ഒരു തോട്ടം വച്ചുപി​ടി​പ്പി​ക്കു​ന്ന​തോ ആയിരി​ക്കാം കൂടുതൽ ഇഷ്ടം. ചില പെൺകു​ട്ടി​കൾക്ക്‌ പാചക​മോ പലഹാ​ര​ങ്ങ​ളു​ണ്ടാ​ക്കു​ന്ന​തോ ഇഷ്ടമാ​ണെ​ങ്കിൽ മററു ചിലർക്ക്‌ തയ്യലോ കേശാ​ല​ങ്കാ​ര​മോ ആയിരി​ക്കാം താല്‌പ​ര്യം. സ്വന്തം ഭവനത്തി​ലോ മററു​ള​ളി​ട​ത്തോ പുതിയ പുതിയ കാര്യങ്ങൾ ചെയ്യാൻ പഠിക്കു​ന്ന​തും മെച്ചപ്പെട്ട നിലയിൽ അതു ചെയ്യാ​നു​ളള വൈദ​ഗ്‌ദ്ധ്യം സമ്പാദി​ക്കു​ന്ന​തും സംതൃ​പ്‌തി കൈവ​രു​ത്തു​ക​യും ജീവിതം രസകര​മാ​ക്കി​ത്തീർക്കു​ക​യും ചെയ്യും.

15-18. (എ) ഒരുവൻ മററു​ള​ള​വർക്കു​വേണ്ടി കാര്യങ്ങൾ ചെയ്യു​ന്നത്‌ ഒരു പതിവാ​ക്കു​ന്നു​വെ​ങ്കിൽ അതു അയാളു​ടെ തന്നെ ജീവി​തത്തെ എങ്ങനെ​യാണ്‌ ബാധി​ക്കു​ന്നത്‌? (പ്രവൃ​ത്തി​കൾ 20:35) (ബി) ഒരു ക്രിസ്‌തീയ യുവാ​വി​നോ യുവതി​യ്‌ക്കോ മററു​ള​ള​വർക്കു​വേണ്ടി ചെയ്യാൻ കഴിയുന്ന ഏററവും വിലപ്പെട്ട കാര്യ​ങ്ങ​ളിൽ ഒന്ന്‌ എന്താണ്‌? (മത്തായി 24:14; 1 തിമൊ​ഥെ​യോസ്‌ 4:16) (സി) വിലപ്പെട്ട ഏതു പരി​ശ്ര​മ​ത്തി​ലും തുടർന്നു നിലനിൽക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁵ നിങ്ങളു​ടെ സ്വന്തം താല്‌പ​ര്യ​പ്ര​കാ​രം എന്തെങ്കി​ലും ചെയ്യാ​നു​ളള  ആവേശം തോന്നാ​ത്ത​പ്പോൾ മററാർക്കെ​ങ്കി​ലും വേണ്ടി എന്തെങ്കി​ലും ചെയ്യരു​തോ? ഇതു സ്വന്തം ഭവനത്തിൽതന്നെ ആരംഭി​ക്കാ​വു​ന്ന​താണ്‌. നിങ്ങൾക്കു വേണ്ടി​ത്ത​ന്നെ​യാ​ണെ​ങ്കിൽ ചെയ്യാൻ നിങ്ങൾക്കു താല്‌പ​ര്യം തോന്നാത്ത ചില ജോലി​കൾ മറെറാ​രാൾക്ക്‌—ഒരു കുടും​ബാം​ഗ​ത്തി​നോ ഒരു സുഹൃ​ത്തി​നോ പ്രത്യേ​കി​ച്ചു സഹായ​മാ​വ​ശ്യ​മാ​യി​രി​ക്കുന്ന ഒരാൾക്കോ—വേണ്ടി ചെയ്യു​മ്പോൾ യഥാർത്ഥ​ത്തിൽ രസകര​മാ​യി​രി​ക്കാൻ കഴിയും. അതു അങ്ങേയ​ററം സംതൃ​പ്‌തി​ദാ​യ​ക​മാണ്‌. അതിനു​ളള അവസര​ങ്ങൾക്കോ അവസാ​ന​മില്ല. നിങ്ങ​ളോട്‌ മററു​ള​ളവർ എന്തെങ്കി​ലും ആവശ്യ​പ്പെ​ടാൻ വേണ്ടി കാത്തി​രി​ക്കാ​തെ മററു​ള​ളവർ പ്രതീ​ക്ഷി​ക്കാത്ത സേവനങ്ങൾ നിങ്ങൾ ചെയ്യു​മ്പോൾ അവർക്കു​ണ്ടാ​കുന്ന ആശ്ചര്യം​തന്നെ നിങ്ങളു​ടെ സന്തോഷം വർദ്ധി​പ്പി​ക്കും. അതൊന്നു പരീക്ഷി​ച്ചു നോക്കുക.

¹⁶ മററു​ള​ള​വർക്കു​വേണ്ടി കാര്യങ്ങൾ ചെയ്‌തു​കൊണ്ട്‌ നിങ്ങൾക്കു പ്രയോ​ജനം അനുഭ​വി​ക്കാ​വുന്ന മറെറാ​രു മാർഗ്ഗം ഇതാണ്‌. ഒരു നൂതന​ക്ര​മത്തെ സംബന്ധി​ച്ചു​ളള ദൈവ​ത്തി​ന്റെ വാഗ്‌ദാ​ന​ത്തിൽ യഥാർത്ഥ​മാ​യും പുളകം കൊള​ളുന്ന യുവജ​നങ്ങൾ ആ സുവാർത്ത മററു​ള​ള​വ​രു​മാ​യി പങ്കുവ​യ്‌ക്കു​ന്നത്‌ അവരുടെ ജീവി​തത്തെ കൂടുതൽ അർത്ഥസ​മ്പു​ഷ്ട​മാ​ക്കു​ന്നു എന്ന്‌ കണ്ടെത്തു​ന്നു. സത്യത്തി​നു​വേണ്ടി വിശപ്പ​നു​ഭ​വി​ക്കു​ന്ന​വരെ കണ്ടെത്തു​ന്ന​തും അവരെ സഹായി​ക്കാൻ കഴിയു​ന്ന​തും വളരെ പ്രതി​ഫ​ല​ദാ​യ​ക​മാണ്‌. ബഹുഭൂ​രി​പക്ഷം ആളുക​ളും സത്യം തളളി​ക്ക​ള​യു​ന്ന​വ​രാണ്‌ എന്ന വസ്‌തുത ഈ പ്രവർത്ത​ന​ത്തി​ന്റെ ഉത്തേജ​ക​മായ ഫലത്തെ മന്ദീഭ​വി​പ്പി​ക്കു​ന്നില്ല. മറിച്ച്‌, അത്‌ ഈ പ്രവർത്ത​നത്തെ കൂടു​ത​ലായ ഒരു വെല്ലു​വി​ളി​യാ​ക്കി​ത്തീർക്കു​ന്നു. എന്നാൽ അതിനും സഹിഷ്‌ണു​ത​യും വിശ്വാ​സ​വും ആവശ്യ​മാണ്‌. ഇവ വിരസ​തയെ കീഴട​ക്കു​ന്ന​തി​നു​ളള മുഖ്യ ഘടകങ്ങ​ളാണ്‌.

¹⁷ ദൈവത്തെ സേവി​ക്കു​ന്ന​വ​രോട്‌ ദൈവ​സേ​വ​ന​ത്തെ​പ്പ​ററി അപ്പോ​സ്‌ത​ല​നായ പൗലോസ്‌ പറയുന്നു: “നൻമ ചെയ്‌ക​യിൽ നാം മടുത്തു പോക​രുത്‌: തളർന്നു പോകാ​ഞ്ഞാൽ തക്കസമ​യത്ത്‌ നാം കൊയ്യും.” (ഗലാത്യർ 6:9) അപ്രകാ​രം തന്നെ ഏതെങ്കി​ലും ഉദ്ദേശ്യ​ത്തിന്‌ ഉതകു​ന്ന​തോ മൂല്യ​മു​ള​ള​തോ ആയ പ്രാപ്‌തി​കൾ വളർത്തി​യെ​ടു​ക്കാൻ നിങ്ങൾ ശ്രമി​ക്കു​മ്പോൾ നിങ്ങളു​ടെ പ്രയത്‌ന​ത്തി​ന്റെ ഫലം നിങ്ങൾക്കു കൊയ്യാൻ കഴിയു​ന്ന​തു​വരെ ആ പരി​ശ്രമം തുട​രേ​ണ്ട​തുണ്ട്‌.

¹⁸ ക്രമേണ നിങ്ങൾക്കു വളർത്തി​യെ​ടു​ക്കാ​വുന്ന മററു പ്രാപ്‌തി​ക​ളി​ലേ​ക്കും കൂടി നിങ്ങളു​ടെ അന്വേ​ഷണം വിശാ​ല​മാ​ക്കാൻ കഴിയും. തല്‌ഫ​ല​മാ​യി നിങ്ങൾ കൂടുതൽ മെച്ചപ്പെട്ട, മററു​ള​ള​വർക്കു കൂടുതൽ താല്‌പ​ര്യം തോന്നുന്ന, വിലപ്പെട്ട, ഒരു വ്യക്തി​യാ​യി​ത്തീ​രു​ന്നു. നിങ്ങളു​ടെ മാതാ​പി​താ​ക്ക​ളും മററു കുടും​ബാം​ഗ​ങ്ങ​ളും നിങ്ങൾ അവരോ​ടൊ​പ്പം ഉണ്ടായി​രി​ക്കു​ന്ന​തിൽ സന്തുഷ്ട​രാ​യി​രി​ക്കും. വീട്ടിൽ വിരസത അനുഭ​വ​പ്പെ​ടു​ന്ന​തിൽനിന്ന്‌ നിങ്ങൾ വിമു​ക്ത​രു​മാ​യി​രി​ക്കും.

[അധ്യയന ചോദ്യ​ങ്ങൾ]

[68-ാം പേജിലെ ചിത്രം]

കടലിൽ കൊടു​ങ്കാ​റ​റു​ള​ള​പ്പോൾ അതു പൂർണ്ണ​മായ സഹകരണം ആവശ്യ​മാ​ക്കി​ത്തീർക്കു​ന്നു. കുടും​ബ​ത്തിൽ പ്രശ്‌നങ്ങൾ ഉളള​പ്പോൾ ശാന്തമായ വഴിക്ക്‌ അതിനെ തിരിച്ചു വിടാൻ നിങ്ങൾ സഹായി​ക്കു​ന്നു​ണ്ടോ?