അധ്യായം 21

ഭൗതിക സമ്പത്തു​കളെ നിങ്ങൾ എങ്ങനെ വീക്ഷി​ക്കു​ന്നു?

1-4. (എ) അനേകം യുവജ​ന​ങ്ങ​ളും തങ്ങൾക്കു​ണ്ടാ​യി​രി​ക്കാൻ ആഗ്രഹി​ക്കുന്ന ഭൗതിക വസ്‌തു​ക്ക​ളിൽ ചിലത്‌ എന്തൊ​ക്കെ​യാണ്‌? (ബി) ഭൗതിക വസ്‌തു​ക്കൾക്ക്‌ അമിത​പ്രാ​ധാ​ന്യം കൊടു​ക്കു​ന്നത്‌ ഒരുവന്‌ ആളുകളെ സംബന്ധിച്ച്‌ വികല​മായ വീക്ഷണം ഉണ്ടായി​രി​ക്കാൻ ഇടയാ​ക്കു​ന്ന​തെ​ങ്ങ​നെ​യാണ്‌?

 വൈവി​ധ്യ​മാർന്ന​തും എല്ലാത്ത​ര​ത്തി​ലു​മു​ളള ആയിര​ക്ക​ണ​ക്കിന്‌ നല്ല സമ്മാനങ്ങൾ കൊണ്ട്‌ അക്ഷരാർത്ഥ​ത്തിൽ നിറച്ചി​രി​ക്കു​ന്ന​തു​മായ ഒരു വീട്‌ നിങ്ങൾക്ക്‌ വിഭാവന ചെയ്യാൻ കഴിയു​മോ? അത്തരത്തി​ലു​ളള ഒരു വീട്ടിൽ വസിച്ചു​കൊണ്ട്‌ കുടും​ബ​ത്തി​ന്റെ ശിരസ്സാ​യി​രി​ക്കുന്ന നിങ്ങളു​ടെ പിതാ​വിൽനിന്ന്‌ അതിൽ പലേ സമ്മാന​ങ്ങ​ളും ലഭിക്കാൻ നിങ്ങൾ ആഗ്രഹി​ക്കു​മോ? ഇപ്പോൾ തന്നെ നിങ്ങൾ അത്തര​മൊ​രു ഭവനത്തി​ലാണ്‌ വസിക്കു​ന്നത്‌—ഭൂമി​യെന്ന ഈ ഗ്രഹത്തിൽ—യഹോ​വ​യാം ദൈവം അത്ഭുത​ക​ര​മാം​വണ്ണം വ്യത്യ​സ്‌ത​ങ്ങ​ളായ അനേകം നല്ല വസ്‌തു​ക്ക​ളെ​ക്കൊണ്ട്‌ അതിനെ നിറച്ചി​രി​ക്കു​ന്നു.

² എന്നാൽ ആശ്ചര്യ​മെന്നു പറയട്ടെ ഈ ഭൗതിക വസ്‌തു​ക്ക​ളിൽ നിന്ന്‌ നമുക്ക്‌ പൂർണ്ണ​മായ ആസ്വാ​ദനം ലഭിക്കു​ന്നത്‌—വാസ്‌ത​വ​ത്തിൽ ജീവി​ത​ത്തിൽ നിന്നു​തന്നെ പൂർണ്ണ​മായ ആസ്വാ​ദനം ലഭിക്കു​ന്നത്‌—നാം നമ്മുടെ ജീവി​ത​ത്തിൽ അവയ്‌ക്കു പ്രമു​ഖ​മായ ഒരു സ്ഥാനം കൊടു​ക്കാ​തി​രി​ക്കു​ന്ന​തി​നെ വളരെ​യ​ധി​കം ആശ്രയി​ച്ചി​രി​ക്കു​ന്നു. അതെ​പ്ര​കാ​ര​മാണ്‌? അത്‌ ഭൗതിക വസ്‌തു​ക്ക​ളെ​ക്കാൾ വളരെ​യേറെ വിലപ്പെട്ട മററു കാര്യങ്ങൾ നമ്മുടെ ജീവി​ത​ത്തി​ലു​ള​ള​തു​കൊ​ണ്ടാണ്‌.

³ ഭൗതിക വസ്‌തു​ക്കൾക്ക്‌ വളരെ​യ​ധി​കം പ്രാധാ​ന്യം കൊടു​ക്കുന്ന ചില യുവജ​ന​ങ്ങളെ നിസ്സം​ശ​യ​മാ​യും നിങ്ങൾക്ക​റി​യാം. മോടി​യു​ളള ഒരു റേഡി​യോ​യോ റെറയി​പ്പ്‌റെ​ക്കാർഡ​റോ സ്‌ററീ​രി​യോ സെറേറാ ഏതെങ്കി​ലും വിശേ​ഷ​പ്പെട്ട വസ്‌ത്ര​ങ്ങ​ളോ ക്യാമ​റാ​യോ ഒരു മോ​ട്ടോർ സ്‌കൂ​ട്ട​റോ ഒരു മോ​ട്ടോർ കാറു​പോ​ലു​മോ സ്വന്തമാ​യി ഉണ്ടായി​രി​ക്കു​ന്നത്‌ ചിലരെ സംബന്ധി​ച്ചി​ട​ത്തോ​ളം ഏററവും വില​പ്പെ​ട്ട​താ​യി അവർക്ക്‌ തോന്നി​യേ​ക്കാം. പലരും പഠനകാ​ര്യ​ത്തി​ലോ കുടും​ബ​കാ​ര്യ​ങ്ങ​ളി​ലോ മറെറ​ന്തി​ലെ​ങ്കി​ലു​മോ ഉളളതിൽ കൂടുതൽ താല്‌പ​ര്യം ഇത്തരം വസ്‌തു​ക്ക​ളോട്‌ കാണി​ക്കു​ന്നു.  നിങ്ങ​ളെ​യും മററു​ള​ള​വ​രെ​യും നിങ്ങൾക്ക്‌ സമ്പാദി​ക്കാൻ കഴിഞ്ഞി​ട്ടു​ളള ഭൗതിക വസ്‌തു​ക്ക​ളു​ടെ അടിസ്ഥാ​ന​ത്തിൽ വിലയി​രു​ത്താ​നും അവർ ചായ്‌വ്‌ കാണി​ക്കു​ന്നു. ഇത്‌ അർത്ഥവ​ത്താ​ണോ?

⁴ ഒരു നിമിഷം ഇതേപ്പ​ററി ചിന്തി​ക്കുക. നിങ്ങൾക്ക്‌ അത്തരം ഭൗതിക വസ്‌തു​ക്കൾ ഉണ്ടായി​രി​ക്കു​ന്ന​തോ ഇല്ലാതി​രി​ക്കു​ന്ന​തോ നിങ്ങൾ ഏതുതരം വ്യക്തി​യാ​ണെ​ന്നു​ള​ള​തിന്‌ ഏതെങ്കി​ലും കാര്യ​മായ മാററം വരുത്തു​ന്നു​വോ? അത്തരം വസ്‌തു​ക്കൾ ഉളളതി​നാൽ നിങ്ങൾ കൂടുതൽ മെച്ചപ്പെട്ട ഒരു വ്യക്തി​യും ഇല്ലാത്ത​തി​നാൽ മോശ​മായ ഒരു വ്യക്തി​യും ആയിരി​ക്കു​ന്നു​വോ? യഥാർത്ഥ​ത്തിൽ ഏററവും വിലപ്പെട്ട സ്വത്തുക്കൾ ഒരു വ്യക്തി​യെ​ന്ന​നി​ല​യിൽ നിങ്ങളു​ടെ മൂല്യം നിർണ്ണ​യി​ക്കു​ന്നവ, നിങ്ങൾക്ക്‌ ഏററവും കൂടുതൽ സംതൃ​പ്‌തി​യും സന്തോ​ഷ​വും കൈവ​രു​ത്തു​ന്നവ, ഒരു വ്യത്യ​സ്‌ത​ത​ര​ത്തി​ലു​ളള സ്വത്തു​ക്ക​ളാണ്‌. കൂടുതൽ വിലപ്പെട്ട ഈ സമ്പാദ്യ​ങ്ങ​ളിൽ ചിലത്‌ എന്തൊ​ക്കെ​യാ​ണെന്ന്‌ നിങ്ങൾക്ക്‌ ഊഹി​ക്കാൻ കഴിയു​മോ?

കൂടുതൽ വിലപ്പെട്ട സമ്പാദ്യ​ങ്ങൾ

5-7. (എ) കൂടു​ത​ലായ ഒരു ഭാഷയു​ടെ​യോ കാര്യങ്ങൾ ചെയ്യാ​നു​ള​ള​വി​ധം സംബന്ധി​ച്ചോ ഉളള അറിവു ഭൗതിക വസ്‌തു​ക്ക​ളെ​ക്കാൾ വില​യേ​റി​യ​താ​യി​രി​ക്കാ​വു​ന്ന​തെ​ങ്ങനെ? (സഭാ​പ്ര​സം​ഗി 7:12) (ബി) ദൈവ​വ​ച​നത്തെ സംബന്ധിച്ച അറിവ്‌ അതിലും പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (സദൃശ​വാ​ക്യ​ങ്ങൾ 15:2; 1 തിമൊ​ഥെ​യോസ്‌ 4:16)

⁵ അറിവി​നെ സംബന്ധി​ച്ചെന്ത്‌? കൂടു​ത​ലാ​യി ഒരു  ഭാഷകൂ​ടി അറിയാ​മാ​യി​രി​ക്കു​ന്ന​തി​ന്റെ മൂല്യത്തെ ഒരു ട്രാൻസി​സ്‌ററർ റേഡി​യോ​യോ ഒരു സ്‌ററീ​രി​യോ സെറേറാ സ്വന്തമാ​യു​ണ്ടാ​യി​രി​ക്കു​ന്ന​തി​ന്റെ മൂല്യ​ത്തോ​ടു താരത​മ്യ​പ്പെ​ടു​ത്തുക. ഈ വക സാധനങ്ങൾ ഉണ്ടായി​രി​ക്കു​ന്ന​തിൽ തീർച്ച​യാ​യും യാതൊ​രു തെററു​മില്ല. നിങ്ങളു​ടെ സ്വന്തം ഭാഷയിൽ ആളുകൾ സംസാ​രി​ക്കു​ന്ന​തും പാടു​ന്ന​തും കേട്ട്‌ നിങ്ങൾക്കാ​സ്വ​ദി​ക്കാൻ കഴിയും. എന്നാൽ കൂടു​ത​ലാ​യി ഒരു ഭാഷകൂ​ടി പഠിക്കു​ന്ന​തി​നാൽ നിങ്ങൾക്ക്‌ ഇപ്പോൾ അറിയാ​വുന്ന ഭാഷ​കൊണ്ട്‌ സാധി​ക്കു​ന്ന​തി​ലും അധിക​മാ​യി ഒരുപക്ഷേ പത്തു​കോ​ടി ആളുക​ളു​മാ​യി കൂടി സംഭാ​ഷി​ക്കാൻ നിങ്ങൾക്ക്‌ കഴിയു​ന്നു. ആ ഭാഷ ഉപയോ​ഗി​ക്കുന്ന ആളുകൾ നിങ്ങളു​ടെ സ്ഥലം സന്ദർശി​ച്ചേ​ക്കാം. അതല്ല മററു രാജ്യ​ങ്ങ​ളി​ലേക്കു യാത്ര ചെയ്യാ​നു​ളള സന്ദർഭം നിങ്ങൾക്കു​ണ്ടാ​വു​ക​യാ​ണെ​ങ്കിൽ ആ പരിജ്ഞാ​നം നിങ്ങളു​ടെ യാത്രയെ കൂടുതൽ ആസ്വാ​ദ്യ​ക​ര​മാ​ക്കി​ത്തീർക്കും.

⁶ കാര്യങ്ങൾ ചെയ്യു​ന്ന​വി​ധം പഠിക്കു​ന്ന​തും അതു​പോ​ലെ​തന്നെ പ്രയോ​ജ​ന​ക​ര​മാണ്‌. ഒരു നല്ല പാചക​ക്കാ​ര​നോ തയ്യൽക്കാ​രി​യോ വിദഗ്‌ദ്ധ​നായ മരപ്പണി​ക്കാ​ര​നോ യന്ത്രസാ​മ​ഗ്രി​കൾ നന്നാക്കാ​ന​റി​യാ​വു​ന്ന​വ​നോ ആയിരി​ക്കു​ന്ന​തി​ന്റെ പ്രയോ​ജ​ന​ത്തെ​പ്പ​ററി ചിന്തി​ക്കുക. നിങ്ങളു​ടെ ജീവി​ത​ത്തിൽ വിലപ്പെട്ട എന്തെങ്കി​ലും നേടു​ന്ന​തിന്‌ ഭാവി​യി​ലേക്ക്‌ കൂടുതൽ പ്രയോ​ജ​ന​പ്പെ​ടു​ന്നത്‌ ഭൗതി​ക​സ്വ​ത്തു​ക്ക​ളേ​ക്കാൾ അധികം ഇത്തരം പ്രാപ്‌തി​ക​ളാ​യി​രി​ക്കും.

⁷ എന്നാൽ ഏററവും വില​പ്പെ​ട്ടത്‌ ദൈവ​വ​ച​നത്തെ സംബന്ധിച്ച അറിവാണ്‌. അത്‌ സത്യമാ​യി​രി​ക്കു​ന്ന​തെ​ന്തു​കൊണ്ട്‌? കാരണം അതു​കൊണ്ട്‌ നിങ്ങൾക്ക്‌ ഹൃദയം തകർന്ന​വ​രും നിരാ​ശ​രു​മാ​യ​വർക്ക്‌ ആശ്വാ​സ​വും പ്രത്യാ​ശ​യും കൈവ​രു​ത്താൻ കഴിയും. ഇത്‌ ഒരു സ്‌ററീ​രി​യോ സെററിൽ നിന്നു​മു​ളള സംഗീ​ത​ത്തിന്‌ ഒരിക്ക​ലും സാധി​ക്കാ​ത്ത​താണ്‌. ദൈവത്തെ സംബന്ധിച്ച സത്യത്തി​ന്റെ പരിജ്ഞാ​ന​ത്താൽ നിങ്ങൾക്ക്‌ വാസ്‌ത​വ​ത്തിൽ ജീവൻ രക്ഷിക്കാൻ കഴിയും. അതു ചെയ്യാൻ കഴിയുന്ന ഏതു ഭൗതിക വസ്‌തു​വി​നെ​പ്പ​റ​റി​യാണ്‌ നിങ്ങൾക്ക്‌ ഓർക്കാൻ കഴിയു​ന്നത്‌? ജ്ഞാനി​യായ മനുഷ്യൻ യുവജ​ന​ങ്ങ​ളോട്‌ താൻ ശുപാർശ ചെയ്യു​ന്നതു വാങ്ങാൻ അവരെ പ്രേരി​പ്പി​ക്കു​ന്ന​തിൽ അതിശ​യ​മില്ല. അദ്ദേഹം പറയുന്നു: “നീ സത്യം വില്‌ക്കു​കയല്ല വാങ്ങു​ക​യ​ത്രെ വേണ്ടത്‌. ജ്ഞാനവും ശിക്ഷണ​വും വിവേ​ക​വും അങ്ങനെ​തന്നെ. നീതി​മാ​ന്റെ അപ്പൻ തീർച്ച​യാ​യും ആനന്ദി​ക്കും; ജ്ഞാനി​യു​ടെ ജനകൻ അവനിൽ സന്തോ​ഷി​ക്കും. നിന്റെ അമ്മയപ്പൻമാർ സന്തോ​ഷി​ക്കും; നിന്നെ പ്രസവി​ച്ചവൾ ആനന്ദി​ക്കും.”—സദൃശ​വാ​ക്യ​ങ്ങൾ 23:23-25.

8-12. (എ) ഒരു വ്യക്തി​യെ​ന്ന​നി​ല​യിൽ നിങ്ങൾ എന്തായി​രി​ക്കു​ന്നു എന്നത്‌ നിങ്ങളു​ടെ ഭൗതിക സ്വത്തു​ക്ക​ളെ​ക്കാൾ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? ബൈബിൾ ഇതു വ്യക്തമാ​ക്കു​ന്ന​തെ​ങ്ങനെ? (ബി) അതു​കൊണ്ട്‌ ഏതു ഗുണങ്ങൾ വളർത്തി​യെ​ടു​ക്കാൻ നാം ശ്രമി​ക്കണം? (ഗലാത്യർ 5:22, 23)

 ⁸ ഒരു സൽപ്പേര്‌ അഥവാ സൽക്കീർത്തി ഭൗതിക വസ്‌തു​ക്ക​ളെ​ക്കാൾ എത്രയോ വില​പ്പെ​ട്ട​താണ്‌ എന്നും​കൂ​ടി പരിചി​ന്തി​ക്കുക. നിസ്വാർത്ഥ​നും സത്യസ​ന്ധ​നും പരി​ശ്ര​മ​ശാ​ലി​യും വിശ്വ​സ്‌ത​നും ബഹുമാ​ന്യ​നു​മാ​യി നിങ്ങൾ അറിയ​പ്പെ​ടു​ന്നെ​ങ്കിൽ വിശി​ഷ്ട​മായ ഏതെങ്കി​ലും പ്രത്യേ​ക​തരം വസ്‌ത്ര​ത്തെ​ക്കാൾ അധിക​മാ​യി അതു നിങ്ങളെ മററു​ള​ള​വർക്കു സ്വീകാ​ര്യ​നാ​ക്കും. അത്തര​മൊ​രു കീർത്തി ഒരു വിലപ്പെട്ട സുഹൃ​ത്തോ സഹപ്ര​വർത്ത​ക​നോ ഒരു തൊഴി​ലാ​ളി​യോ ആയി നിങ്ങളെ ലഭിക്കാൻ മററു​ള​ളവർ ആഗ്രഹി​ക്കാ​നി​ട​യാ​ക്കും. അതു മററു​ള​ള​വരെ സന്ദർശി​ക്കാൻ അവർ നിങ്ങളെ ക്ഷണിക്കു​ന്ന​തി​നോ മററു​ള​ള​വ​രോ​ടൊത്ത്‌ കാര്യങ്ങൾ ചെയ്യു​ന്ന​തി​നോ അവരുടെ നല്ല വസ്‌തു​ക്കൾ കൂട്ടായി ആസ്വദി​ക്കു​ന്ന​തി​നോ ഇടയാ​ക്കി​യേ​ക്കാം. അത്‌ ഒരു ടെലി​വി​ഷൻ സെററി​നേ​ക്കാൾ മെച്ചമാ​യി ഏകാന്തത സംബന്ധിച്ച ഏതു പ്രശ്‌ന​വും പരിഹ​രി​ക്ക​യി​ല്ലേ?

⁹ വാസ്‌ത​വ​ത്തിൽ നമ്മുടെ ജീവി​ത​ത്തി​ലെ സന്തോഷം വളരെ​യ​ധി​കം ആശ്രയി​ച്ചി​രി​ക്കു​ന്നത്‌ നാം വിലമ​തി​ക്ക​പ്പെ​ടു​ന്നു, നാം മററു​ള​ള​വർക്ക്‌ വേണ്ട​പ്പെ​ട്ട​വ​രാണ്‌, നാം അവരുടെ ജീവി​ത​ത്തിന്‌ അല്‌പ​മാ​യെ​ങ്കി​ലും സംഭാവന ചെയ്യുന്നു, നാം ഇല്ലെങ്കിൽ അവർക്ക്‌ നമ്മുടെ അഭാവം അനുഭ​വ​പ്പെ​ടും എന്നും മററു​മു​ളള ബോധ്യ​ത്തെ​യാണ്‌. നല്ല ഗുണങ്ങ​ളിൽ ധനിക​രാ​യി​രി​ക്കു​ന്ന​തി​നാൽ ഭൗതിക വസ്‌തു​ക്ക​ളിൽ സമ്പന്നരാ​യി​രി​ക്കു​ന്ന​തി​ലും വളരെ​യ​ധി​ക​മാ​യി ഏററവും നല്ലയാ​ളു​ക​ളാൽ നിങ്ങൾ വിലമ​തി​ക്ക​പ്പെ​ടാൻ ഇടവരും. സദൃശ​വാ​ക്യ​ങ്ങൾ എന്ന പുസ്‌തകം പറയും പ്രകാരം: “ഹൃദയ​ശു​ദ്ധി ഇഷ്‌ട​പ്പെ​ടു​ന്ന​വന്‌ അവന്റെ അധരലാ​വ​ണ്യം നിമിത്തം രാജാവ്‌ അവന്റെ കൂട്ടു​കാ​ര​നാ​യി​രി​ക്കും.”—സദൃശ​വാ​ക്യ​ങ്ങൾ 22:11.

¹⁰ യുവാ​വായ തിമൊ​ഥെ​യോ​സിന്‌ പൗലോ​സി​നോ​ടൊ​പ്പം അദ്ദേഹ​ത്തി​ന്റെ മിഷനറി യാത്ര​യിൽ രസകര​മായ പല സ്ഥലങ്ങളി​ലേ​ക്കും പോകാ​നാ​യി തെര​ഞ്ഞെ​ടു​ക്ക​പ്പെ​ടാ​നു​ളള പദവി ലഭിച്ചു. ഇതു തിമൊ​ഥെ​യോ​സി​ന്റെ ഭൗതിക സ്വത്തു മുഖാ​ന്ത​ര​മാ​യി​രു​ന്നില്ല. മറിച്ച്‌, ഏഷ്യാ​മൈ​ന​റി​ലെ രണ്ടു നഗരങ്ങ​ളി​ലെ ക്രിസ്‌ത്യാ​നി​ക​ളിൽനിന്ന്‌ അവന്റെ നല്ല ഗുണങ്ങൾ സംബന്ധിച്ച്‌ സാക്ഷ്യം ലഭിച്ച​തി​നാ​ലാ​യി​രു​ന്നു. ഇതിന്റെ ഫലമായി തിമൊ​ഥെ​യോ​സിന്‌ ലഭിച്ച അനുഭ​വ​പ​രി​ചയം വിലമ​തി​ക്കാ​നാ​വാ​ത്ത​താ​യി​രു​ന്നു. അതു പിൽക്കാ​ലത്ത്‌ പ്രത്യേക നിയമ​നങ്ങൾ സ്വീക​രി​ക്കു​ന്ന​തി​നും  അപ്പോ​സ്‌ത​ലന്‌ ആശ്രയി​ക്കാൻ കൊള​ളാ​വുന്ന ഒരു മനുഷ്യ​നാ​യി​രി​ക്ക​ത്ത​ക്ക​വ​ണ്ണ​വും അവനെ യോഗ്യ​നാ​ക്കി. ഭൗതിക വസ്‌തു​ക്കൾക്ക്‌ തിമൊ​ഥെ​യോസ്‌ തന്റെ ജീവി​ത​ത്തിൽ മുഖ്യ​സ്ഥാ​നം കൊടു​ത്തില്ല എന്നത്‌ മാസി​ഡോ​ണി​യാ​യി​ലെ ഫിലിപ്പി സഭയി​ലേക്ക്‌ അവനെ അയക്കുന്ന ഘട്ടത്തിൽ പൗലോസ്‌ ചെയ്‌ത പ്രസ്‌താ​വ​ന​യിൽ നിന്ന്‌ വ്യക്തമാണ്‌: “നിങ്ങളെ സംബന്ധിച്ച്‌ പരമാർത്ഥ​മാ​യി കരുതു​വാൻ അവന്റേ​തു​പോ​ലെ​യു​ളള സ്വഭാ​വ​മു​ളള മററാ​രും എനിക്കില്ല. യേശു​ക്രി​സ്‌തു​വി​ന്റെ കാര്യമല്ല സ്വന്തകാ​ര്യ​മ​ത്രെ എല്ലാവ​രും നോക്കു​ന്നു. അവൻ [തിമൊ​ഥെ​യോസ്‌] തന്നെപ്പ​ററി എന്തു തെളി​യി​ച്ചി​രി​ക്കു​ന്നു എന്ന്‌ നിങ്ങൾ അറിയു​ന്നു​വ​ല്ലോ.”—ഫിലി​പ്പ്യർ 2:19-23.

¹¹ യഥാർത്ഥ സുഹൃ​ത്തു​ക്കൾ, നിങ്ങൾ എന്തായി​രി​ക്കു​ന്നു​വോ അതിന്റെ പേരിൽ നിങ്ങളെ വിലമ​തി​ക്കും. അല്ലാതെ നിങ്ങൾക്കു​ളള ഭൗതിക സ്വത്തിന്റെ പേരിലല്ല. “സ്‌നേ​ഹി​തൻ എല്ലാക്കാ​ല​ത്തും സ്‌നേ​ഹി​ക്കു​ന്നു. അനർത്ഥ​ങ്ങ​ളിൽ പങ്കു​ചേ​രാൻ ഒരു സഹോ​ദരൻ ജനിക്കു​ന്നു.” (സദൃശ​വാ​ക്യ​ങ്ങൾ 17:17, ന്യൂ ഇംഗ്ലീഷ്‌ ബൈബിൾ) അതിലു​പ​രി​യാ​യി നിങ്ങൾ യഹോ​വ​യു​ടെ സേവനത്തെ നിങ്ങളു​ടെ ജീവി​ത​ത്തി​ലെ മുഖ്യ​സം​ഗ​തി​യാ​ക്കു​ന്നു​വെ​ങ്കിൽ അവൻതന്നെ നിങ്ങളു​ടെ സുഹൃ​ത്താ​യി​രി​ക്കും. കൂടാതെ “ഒരുത്തന്റെ വഴികൾ യഹോ​വ​യ്‌ക്കു ഇഷ്ടമാ​യി​രി​ക്കു​മ്പോൾ അവൻ അവന്റെ ശത്രു​ക്ക​ളെ​യും അവനോട്‌ ഇണക്കുന്നു.”—സദൃശ​വാ​ക്യ​ങ്ങൾ 16:7.

¹² അറിവ്‌, നല്ല ഒരു വ്യക്തി​ത്വം, യഥാർത്ഥ സുഹൃ​ത്തു​ക്കൾ എന്നീകാ​ര്യ​ങ്ങൾ കവർച്ച ചെയ്യ​പ്പെ​ടു​ക​യോ സമയവും ഉപയോ​ഗ​വും കൊണ്ട്‌ തീർന്നു​പോ​ക​യോ അവയുടെ മൂല്യം നശിക്കു​ക​യോ ചെയ്‌ക​യില്ല എന്നും​കൂ​ടി തിരി​ച്ച​റി​യുക. എന്നാൽ നിങ്ങളു​ടെ ഭൗതിക സ്വത്തുക്കൾ ആളുകൾ മോഷ്ടി​ക്ക​യോ നശിപ്പി​ക്കു​ക​യോ ചെയ്‌തേ​ക്കാം. അതു​കൊണ്ട്‌ ദൈവ​ത്തി​ന്റെ പുത്രൻ ജ്ഞാനപൂർവ്വം ബുദ്ധി​യു​പ​ദേ​ശി​ച്ചു: “പുഴു​വും തുരു​മ്പും കെടു​ക്കാ​തെ​യും കളളൻമാർ തുരന്നു മോഷ്ടി​ക്കാ​തെ​യു​മി​രി​ക്കുന്ന സ്വർഗ്ഗ​ത്തിൽ നിക്ഷേപം സ്വരൂ​പി​ച്ചു കൊൾവിൻ. നിന്റെ നിക്ഷേപം ഉളേള​ടത്തു നിന്റെ ഹൃദയ​വും ഇരിക്കും.” (മത്തായി 6:20, 21) ദൈവ​ത്തി​ന്റെ അടുത്ത്‌ നിങ്ങൾക്ക്‌ ഒരു സൽപ്പേര്‌ ഉണ്ടായി​രി​ക്ക​യും അതു നിലനിർത്തു​ക​യു​മാ​ണെ​ങ്കിൽ നിങ്ങളു​ടെ ഭാവി സന്തുഷ്ടി സുരക്ഷി​ത​മാ​യി​രി​ക്കും, അതു സുനി​ശ്ചി​ത​മാ​യി​രി​ക്കും. അവന്റെ പുതിയ വ്യവസ്ഥി​തി​യിൽ ഈ ഭൂമി​യി​ലു​ളള നല്ല വസ്‌തു​ക്ക​ളു​ടെ സമ്പത്തു മുഴുവൻ പൂർണ്ണ​മാ​യും ആസ്വദി​ക്കാൻ നിങ്ങൾക്കു കഴിയും.

 ജ്ഞാനവും ബലവും പ്രകട​മാ​ക്കു​ക

13-15. (എ) ഭൗതിക വസ്‌തു​ക്കൾക്കു വേണ്ടി​യു​ളള ആഗ്രഹം നിങ്ങളു​ടെ ജീവി​തത്തെ നിയ​ന്ത്രി​ക്കു​ന്നു​വെ​ങ്കിൽ നിങ്ങൾ ആരെയാ​യി​രി​ക്കും സമ്പന്നമാ​ക്കുക? എന്നാൽ നിങ്ങൾക്കെ​ങ്ങ​നെ​യാ​യി​രി​ക്കും നഷ്ടം സംഭവി​ക്കുക? (മത്തായി 6:33) (ബി) ഭൗതിക വസ്‌തു​ക്കൾ സംബന്ധിച്ച ഏതു വീക്ഷണ​മാണ്‌ സന്തുലി​ത​മാ​യി​രി​ക്കു​ന്നത്‌?

¹³ അപ്പോൾ, പിന്നെ, ഇന്നത്തെ വ്യാപാര വ്യവസ്ഥി​തി അതിന്റെ അതിശ​ക്ത​മായ പ്രചാ​ര​ണ​ങ്ങ​ളാൽ നിങ്ങളു​ടെ ജീവി​തത്തെ ഭൗതിക വസ്‌തു​ക്കളെ ചുററി​പ്പ​ററി പടുത്തു​യർത്താൻ നിങ്ങളു​ടെ മേൽ സമ്മർദ്ദം ചെലു​ത്താൻ അനുവ​ദി​ക്കു​ന്ന​തെ​ന്തിന്‌? നിങ്ങൾ എന്തിന്‌ അവരെ സമ്പന്നരാ​ക്കു​ക​യും അവസാനം യഥാർത്ഥ​ത്തിൽ വിലപ്പെട്ട സംഗതി​കൾ സംബന്ധിച്ച്‌ നിങ്ങ​ളെ​തന്നെ ദരി​ദ്ര​രാ​ക്കു​ക​യും ചെയ്യണം? ഭൗതീ​ക​ത്വ​ത്തി​ന്റെ ഈ ആകർഷ​ണത്തെ ചെറു​ക്കു​ക​യും ഭൗതിക വസ്‌തു​ക്ക​ളെ​ക്കാൾ വിലപ്പെട്ട വസ്‌തു​ക്കൾ തേടി​ക്കൊണ്ട്‌ ജീവി​ത​ത്തിൽനിന്ന്‌ ഏററവും മെച്ചമാ​യത്‌ നേടാൻ തീരു​മാ​നി​ക്കു​ക​യും ചെയ്യരു​തോ?

¹⁴ ഇപ്പോൾ ഇതു വിശേ​ഷാൽ ജീവൽ പ്രധാ​ന​മാണ്‌. ഏതൽക്കാല വ്യവസ്ഥി​തി അതിന്റെ എല്ലാ വ്യാപാര മനോ​ഭാ​വ​ത്തോ​ടും​കൂ​ടി അന്ത്യത്തെ സമീപി​ച്ചു​കൊ​ണ്ടി​രി​ക്കു​ന്നു എന്ന്‌ ബൈബിൾ പ്രവച​നങ്ങൾ വ്യക്തമാ​ക്കു​ന്നു. ഭൗതിക വസ്‌തു​ക്കൾക്ക്‌ അമിത പ്രാധാ​ന്യം കൊടു​ക്കു​ന്നത്‌ നമ്മുടെ ശ്രദ്ധയെ വ്യതി​ച​ലി​പ്പി​ക്കു​ന്ന​തി​നാൽ നമുക്ക്‌ ഒരു കെണി​യാ​യി തീർന്നേ​ക്കാം. നാം ഈ വ്യവസ്ഥി​തി​യിൽ പൂണ്ടു കിടക്കു​ന്ന​താ​യി കണ്ടെത്ത​പ്പെ​ട്ടാൽ ദൈവം ഈ വ്യവസ്ഥി​തി​യെ ശുദ്ധീ​ക​രിച്ച്‌ പുതിയ വ്യവസ്ഥി​തി ആനയി​ക്കു​മ്പോൾ നാമും പഴയ വ്യവസ്ഥി​തി​യോ​ടു​കൂ​ടി തുടച്ചു നീക്ക​പ്പെ​ട്ടേ​ക്കാം. യേശു ഇപ്രകാ​രം മുന്നറി​യി​പ്പു നൽകി: “സകല ദ്രവ്യാ​ഗ്ര​ഹ​വും സൂക്ഷിച്ചു ഒഴിഞ്ഞു​കൊൾവിൻ; കാരണം, ഒരുത്തന്‌ സമൃദ്ധി​യു​ണ്ടാ​യാ​ലും അവന്റെ വസ്‌തു​വ​കയല്ല അവന്റെ ജീവനു ആധാര​മാ​യി​രി​ക്കു​ന്നത്‌.”—ലൂക്കോസ്‌ 12:15.

¹⁵ നമുക്ക്‌ യാതൊ​രു ഭൗതിക വസ്‌തു​ക്ക​ളും ഉണ്ടായി​രി​ക്ക​രുത്‌ എന്നല്ല ഇതിന്റെ അർത്ഥം. മറിച്ച്‌ അവ നമ്മുടെ ജീവി​തത്തെ നിയ​ന്ത്രി​ക്കാൻ നാം ആഗ്രഹി​ക്കു​ന്നില്ല. കൂടാതെ യഥാർത്ഥ സന്തോ​ഷ​ത്തിന്‌ സംഭാവന ചെയ്യാൻ കഴിയുന്ന വസ്‌തു​ക്ക​ളും നമ്മുടെ ലക്ഷ്യം നേടു​ന്ന​തിന്‌ വാസ്‌ത​വ​ത്തിൽ തടസ്സമാ​യി​രു​ന്നേ​ക്കാ​വുന്ന വസ്‌തു​ക്ക​ളും തമ്മിൽ തിരി​ച്ച​റി​യാൻ നമുക്കു കഴിയണം. നിങ്ങൾക്ക്‌ എന്തെല്ലാം സ്വത്തു​ക്ക​ളു​ണ്ടാ​യി​രു​ന്നാ​ലും അതു മററു​ള​ള​വ​രു​ടെ നൻമക്കും വിശേ​ഷാൽ സ്രഷ്ടാ​വി​ന്റെ മഹത്വ​ത്തി​നും വേണ്ടി ഉപയോ​ഗി​ക്കാൻ ലക്ഷ്യം വയ്‌ക്കുക.

[അധ്യയന ചോദ്യ​ങ്ങൾ]