അധ്യായം 15

മയക്കു​മ​രു​ന്നു​കൾ—ജീവി​താ​സ്വാ​ദ​ന​ത്തി​ന്റെ താക്കോ​ലോ?

1, 2. (എ) നിങ്ങൾക്ക​റി​യാ​വുന്ന ആളുകൾക്കി​ട​യിൽ മയക്കു​മ​രു​ന്നു​കൾ എത്രമാ​ത്രം ഉപയോ​ഗി​ക്ക​പ്പെ​ടു​ന്നുണ്ട്‌? (ബി) എന്തു​കൊ​ണ്ടാണ്‌ യുവജ​നങ്ങൾ മയക്കു​മ​രു​ന്നു​കൾ ഉപയോ​ഗി​ക്കു​ന്നത്‌?

 വേദന ശമിപ്പി​ക്കു​ന്ന​തോ “ഉൻമേഷം നൽകു​ന്ന​തോ” ആയ ഏതെങ്കി​ലും മരുന്നു​കൾ നിങ്ങളു​ടെ വീട്ടി​ലു​ണ്ടാ​യി​രി​ക്കാം. കാരണം ഇന്നു നമ്മില​നേ​ക​രും ഒരു മരുന്നു ബാധിത സമൂഹ​ത്തി​ലാണ്‌ ജീവി​ക്കു​ന്നത്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ രണ്ടാം ലോക​മ​ഹാ​യു​ദ്ധ​ത്തി​നു​ശേഷം മരുന്നു​ക​ളു​ടെ വില്‌പന മുപ്പതു മടങ്ങി​ല​ധി​കം വർദ്ധി​ച്ചി​രി​ക്കു​ന്നു. ഡോക്ടർ മിററ്‌ച്ചൽ എസ്സ്‌. റോ​സെൻതാൾ പറഞ്ഞത്‌ ഐക്യ​നാ​ടു​ക​ളിൽ ഈ അടുത്ത കാലത്ത്‌ അവിടത്തെ “ഓരോ പുരു​ഷ​നും സ്‌ത്രീ​ക്കും കുട്ടി​ക്കും അവരുടെ മാനസി​കാ​വസ്ഥ ഒരു മാസക്കാ​ല​ത്തേക്ക്‌ മാററാ​നാ​വ​ശ്യ​മാ​യത്ര മരുന്നു​കൾ” ഒരു വർഷം കുറിച്ചു കൊടു​ക്ക​പ്പെ​ട്ടി​ട്ടുണ്ട്‌ എന്നാണ്‌. അതായത്‌ “അവരെ ‘ഉത്തേജി​പ്പി​ക്കു​ന്ന​തോ’ ‘ശാന്തമാ​ക്കു​ന്ന​തോ’ ഏതെങ്കി​ലും ‘മാനസിക പ്രശ്‌ന​ത്തിൽ നിന്ന്‌ ഒഴിച്ചു നിറു​ത്തു​ന്ന​തി​നാ​വ​ശ്യ​മാ​യ​തോ’ ആയ മരുന്നു​കൾ.”

² ഇന്നു മിക്ക മരുന്നു​ക​ളും മുതിർന്ന​വ​രു​ടെ ഉപയോ​ഗ​ത്തിന്‌ ഉദ്ദേശി​ക്ക​പ്പെ​ട്ടി​ട്ടു​ള​ള​വ​യാണ്‌. എന്നാൽ അതിൽ വലി​യൊ​രം​ശം യുവജ​നങ്ങൾ ‘ജീവിതം ആസ്വദി​ക്കാൻവേണ്ടി’ ഉപയോ​ഗി​ക്കു​ന്നു. സാധാരണ ചികി​ത്സ​യ്‌ക്കു​പ​യോ​ഗി​ക്കാത്ത ഹെറോയിൻ, LSD., കഞ്ചാവ്‌ മുതലായ മയക്കു​മ​രു​ന്നു​ക​ളും അവർ ഉപയോ​ഗി​ക്കു​ന്നു. ചില യുവജ​നങ്ങൾ ഇപ്രകാ​രം ന്യായ​വാ​ദം ചെയ്യാൻ ചായ്‌വു​ള​ള​വ​രാണ്‌: “മുതിർന്ന​വർക്ക്‌ ഗുളി​കകൾ കഴിക്കു​ക​യും പുകയില ഉപയോ​ഗി​ക്കു​ക​യും കുടിച്ചു മത്തരാ​വു​ക​യും ചെയ്യാ​മെ​ങ്കിൽ ഞാൻ എന്തു​കൊണ്ട്‌ കഞ്ചാവു വലിച്ചും മയക്കു​മ​രു​ന്നു​കൾ ഉപയോ​ഗി​ച്ചും ജീവിതം ആസ്വദി​ച്ചു​കൂ​ടാ?” നിങ്ങൾ എന്തു വിചാ​രി​ക്കു​ന്നു? ജീവിതം പൂർണ്ണ​മായ അളവിൽ ആസ്വദി​ക്കു​ന്ന​തി​നു​ളള താക്കോ​ലാണ്‌ മയക്കു​മ​രു​ന്നു​കൾ എന്ന്‌ നിങ്ങൾക്ക്‌ തോന്നു​ന്നു​വോ?

അനേകർ ആശ്രയി​ക്കുന്ന മയക്കു​മ​രു​ന്നു​കൾ

3-9. (എ) “അനുഭൂ​തി​കൾ”ക്കൊ രസത്തി​നോ വേണ്ടി ഉപയോ​ഗി​ക്ക​പ്പെ​ടുന്ന മയക്കു​മ​രു​ന്നു​കൾ ഏവയാണ്‌? അവ ഉപയോ​ഗി​ക്കു​ന്ന​വ​രു​ടെ​മേൽ അവയ്‌ക്ക്‌ എന്തുഫ​ല​മുണ്ട്‌? (ബി) ഈ ഫലങ്ങൾ യഥാർത്ഥ​മാ​ണെന്ന്‌ തെളി​യി​ക്കുന്ന അനുഭ​വങ്ങൾ ആളുകൾക്കു​ണ്ടാ​യി​ട്ടു​ള​ള​താ​യി നിങ്ങൾക്ക​റി​യാ​മോ?

³ “അനുഭൂ​തി​കൾക്കു”വേണ്ടി അല്ലെങ്കിൽ ആസ്വാ​ദ​ന​ത്തി​നു​വേണ്ടി  ആളുകൾ ആശ്രയി​ക്കുന്ന മയക്കു​മ​രു​ന്നു​കൾ നിരവ​ധി​യാണ്‌. അവയെ​പ്പ​ററി ഇപ്പോൾത്തന്നെ നിങ്ങൾ വളരെ​യ​ധി​കം കേട്ടി​ട്ടു​ണ്ടാ​യി​രി​ക്കാം. അവയെ​ന്തൊ​ക്കെ​യാ​ണെന്ന്‌ പുനര​വ​ലോ​കനം ചെയ്യു​ന്ന​തിന്‌ ഏതാനും നിമി​ഷങ്ങൾ എടുക്കുക.

⁴ നമ്മുടെ ഇന്ദ്രി​യ​ങ്ങളെ “മന്ദീഭ​വി​പ്പി​ക്കാ​നു​ത​കുന്ന” ചില മരുന്നു​ക​ളുണ്ട്‌. ഉറക്കം വരുത്തു​ന്ന​തിന്‌ അത്തരം മരുന്നു​ക​ളാണ്‌ ഉപയോ​ഗി​ക്കാറ്‌. അവതന്നെ ഏതാണ്ട്‌ രണ്ടുഡസൻ വ്യത്യസ്‌ത ഇനങ്ങളുണ്ട്‌. അവ അമേരി​ക്കൻ ഐക്യ​നാ​ടു​ക​ളിൽത്തന്നെ ആണ്ടു​തോ​റും ഏതാണ്ട്‌ 525 ടണ്ണില​ധി​കം (476 മെട്രി​ക്ടൺ) ഉല്‌പാ​ദി​പ്പി​ക്ക​പ്പെ​ടു​ന്നു. ഇതിൽ വലിയ ഒരു പങ്ക്‌ നിയമ​വി​രു​ദ്ധ​മായ ഉപയോ​ഗ​ങ്ങ​ളി​ലേക്കു തിരി​ച്ചു​വി​ട​പ്പെ​ടു​ന്നു.

⁵ കൂടാതെ ഒരുവനെ ഉത്തേജി​പ്പി​ക്കാൻ ഉതകു​ന്ന​തരം മരുന്നു​ക​ളു​മുണ്ട്‌. അതിൽ മുഖ്യ​മാ​യത്‌ അംഫെ​റ​റാ​മ​യിൻസ്‌ ആണ്‌. വിശപ്പ്‌ അടക്കു​ന്ന​തി​നും ക്ഷീണം കുറയ്‌ക്കു​ന്ന​തി​നും മ്ലാനത മാററു​ന്ന​തി​നും ചില ഡോക്ടർമാർ അവ നിർദ്ദേ​ശി​ക്കു​ന്നു. നിയമാ​നു​സൃ​തം നിർമ്മി​ക്കുന്ന അംഫെ​റ​റാ​മ​യിൻസിൽ പകുതി​യെ​ങ്കി​ലും നിയമ​വി​രു​ദ്ധ​മായ രീതി​യിൽ ഉപയോ​ഗി​ക്ക​പ്പെ​ടു​ന്നു.

⁶ മതി​ഭ്രമം വരുത്തുന്ന ഡസൻ കണക്കിന്‌ മയക്കു​മ​രു​ന്നു​ക​ളിൽ ഏററവും പ്രധാ​ന​മാ​യത്‌ LSD aയാണ്‌. കഴിഞ്ഞ ഏതാനും വർഷങ്ങ​ളി​ലാ​യി അനേകം “രഹസ്യ” ലബോ​റ​ട്ട​റി​ക​ളിൽ അതിന്റെ നിർമ്മാ​ണം ആരംഭി​ച്ചി​രി​ക്കു​ന്നു. അതു ഉപയോ​ഗി​ക്കു​ന്ന​വ​രിൽ അതു വിചി​ത്ര​മായ ചില അനുഭൂ​തി​ക​ളു​ള​വാ​ക്കു​ന്നു. ഒരുവന്റെ കാഴ്‌ചക്ക്‌ പ്രത്യേ​കി​ച്ചും മാററം വരുത്തുന്നു. LSD ഉപയോ​ഗി​ച്ചു കഴിഞ്ഞാൽ മാസങ്ങൾക്കു​ശേ​ഷം​പോ​ലും അത്‌ മിഥ്യാ ദർശന​മോ മതി​ഭ്ര​മ​മോ ഉളവാ​ക്കി​യേ​ക്കാം. അത്തരം ചില സന്ദർഭ​ങ്ങ​ളിൽ ആളുകൾ ദർശന​ത്തിൽ കാണുന്ന കാര്യങ്ങൾ ഭീതി​ജ​ന​ക​ങ്ങ​ളാ​യി​രി​ക്കാം.

⁷ കഞ്ചാവു​ചെ​ടി​യിൽ നിന്ന്‌ നിർമ്മി​ക്കുന്ന മരിജ്വാ​ന ഏററവും വ്യാപ​ക​മാ​യി ഉപയോ​ഗി​ക്ക​പ്പെ​ടുന്ന മയക്കു​മ​രു​ന്നു​ക​ളി​ലൊ​ന്നാണ്‌. അതിന്റെ പുക വലിച്ചി​ട്ടു​ളള ആരെ​യെ​ങ്കി​ലും നിങ്ങൾക്ക​റി​യാ​മോ? അതു ഇന്ദ്രി​യാ​നു​ഭൂ​തി​കളെ വികല​മാ​ക്കു​ന്നു​വെ​ങ്കി​ലും അതിന്റെ ഫലം LSD-യുടേതിനോളം രൂക്ഷമല്ല. മരിജ്വാ​ന വലിക്കു​മ്പോൾ ഒരുവന്‌ അഞ്ചുമി​നി​റ​റു​കൾ ഒരു മണിക്കൂ​റാ​യി തോന്നി​യേ​ക്കാം. ശബ്ദങ്ങളും നിറങ്ങ​ളും കൂടുതൽ തീവ്ര​ത​ര​മാ​യി അനുഭ​വ​പ്പെ​ട്ടേ​ക്കാം.

⁸ കറുപ്പു​ചെ​ടി​യു​ടെ സത്തായ മോർഫീ​നിൽ നിന്നാണ്‌ ഹെറോ​യിൻ നിർമ്മി​ക്കു​ന്നത്‌. ഇതു വളരെ അപകട​കാ​രി​യായ  ഒരു മയക്കു​മ​രു​ന്നാണ്‌. ഏതാനും പ്രാവ​ശ്യം കുത്തി​വ​ച്ചു​ക​ഴി​ഞ്ഞാൽ അതി​നോട്‌ ആസക്തി​യു​ണ്ടാ​കു​ന്നു. കൂടു​ത​ലാ​യി അതു ലഭിക്കാ​തെ വന്നാൽ വളരെ വിഷമം അനുഭ​വി​ക്കേ​ണ്ട​താ​യും വരുന്നു. ഹെറോ​യി​നു​ളള ആസക്തി​യു​ണ്ടാ​യാൽ അത്‌ ഒരുവന്റെ മനഃശ​ക്തി​യും പഠിക്കാ​നു​ളള പ്രാപ്‌തി​യും നശിപ്പി​ക്കു​ന്നു. അത്തരക്കാർ തങ്ങളെ​ത്തന്നെ സാവകാ​ശം നശിപ്പി​ക്കുന്ന ഒരു സ്വഭാ​വ​ത്തി​ന്റെ അടിമ​ക​ളാ​യി​ത്തീ​രു​ന്നു. ന്യൂ​യോർക്കിൽ നിന്നുളള ഒരു കോൺഗ്ര​സം​ഗം എഴുതി: “ഹെറോ​യിൻ നമ്മുടെ വിദ്യാ​ലയ വ്യവസ്ഥി​തി​യു​ടെ പ്രവർത്ത​നം​തന്നെ തകർത്തി​രി​ക്കു​ന്നു.”

⁹ ജീവിതം ആസ്വദി​ക്കാൻ സഹായ​ക​മെന്ന്‌ അനേകർ വിശ്വ​സി​ക്കുന്ന മററ്‌ മയക്കു​മ​രു​ന്നു​ക​ളും തീർച്ച​യാ​യും ഉണ്ട്‌. കൊ​ക്കേ​യിൻ അതി​ലൊ​ന്നാണ്‌. പുകയി​ല​യി​ലു​ളള നിക്കോ​ട്ടിൻ മറെറാ​ന്നാണ്‌. നിങ്ങൾ ഇത്തരം മയക്കു​മ​രു​ന്നു​കൾ ഉപയോ​ഗി​ക്ക​ണ​മോ? കഴിഞ്ഞ അദ്ധ്യാ​യ​ത്തിൽ നാം കണ്ടുക​ഴി​ഞ്ഞ​തു​പോ​ലെ ഉൻമേ​ഷ​ദാ​യ​ക​വും ഹൃദയത്തെ സന്തോ​ഷി​പ്പി​ക്കു​ന്ന​തു​മായ ലഹരി പാനീ​യങ്ങൾ മിതമായ അളവിൽ ഉപയോ​ഗി​ക്കു​ന്ന​തി​നെ ബൈബിൾ കുററം​വി​ധി​ക്കു​ന്നില്ല. എന്നാൽ ജീവിതം കൂടുതൽ സംതൃ​പ്‌തി​ക​ര​മാ​ക്കി​ത്തീർക്കാ​നു​ളള ശ്രമത്തിൽ ഇത്തരത്തി​ലു​ളള മയക്കു​മ​രു​ന്നു​കൾ ഉപയോ​ഗി​ക്കു​ന്നത്‌ ഉചിത​മോ ബുദ്ധി​പൂർവ്വ​ക​മോ ആണോ?

അവയ്‌ക്കു​ളള സ്ഥാനം?

10-12. (എ) ഒരുവനെ സഹായി​ക്കാൻവേണ്ടി ഒരു ഡോക്ടർ ഒരു മയക്കു​മ​രുന്ന്‌ ഉപയോ​ഗി​ച്ചേ​ക്കാ​വു​ന്ന​തെ​ങ്ങനെ? (ബി) എന്നാൽ മയക്കു​മ​രു​ന്നു​ക​ളു​ടെ ദുരു​പ​യോ​ഗം ആളുകൾക്ക്‌ ഭയാന​ക​മായ ഉപദ്രവം വരുത്തി​വ​യ്‌ക്കു​ന്ന​തെ​ങ്ങനെ?

¹⁰ മയക്കു​മ​രു​ന്നു​കൾക്കും അവയു​ടേ​തായ സ്ഥാനമുണ്ട്‌. ആരോ​ഗ്യ​പ​ര​മായ കാരണ​ങ്ങ​ളാൽ അതിൽ ചിലതു​പ​യോ​ഗി​ക്കാൻ ഒരു ഡോക്ടർ നിർദ്ദേ​ശി​ച്ചേ​ക്കാം. നിങ്ങൾ അസഹനീ​യ​മായ വേദന അനുഭ​വി​ക്കു​ക​യാ​ണെ​ങ്കിൽ ആശ്വാ​സ​ത്തി​നാ​യി ഡോക്ടർ മോർഫിൻ കുത്തി​വ​ച്ചേ​ക്കാം. ബാർബി​റ​റു​റേ​യി​റ​റ്‌സും അംഫെ​റ​റാ​മ​യിൻസും നിസ്സം​ശ​യ​മാ​യും രോഗി​കളെ സഹായി​ച്ചി​ട്ടുണ്ട്‌. അതു​പോ​ലെ ഹെറോ​യിൻ മരണാ​സ​ന്ന​രായ ക്യാൻസർ രോഗി​ക​ളു​ടെ വേദന ശമിപ്പി​ക്കു​ന്ന​തിന്‌ ചിലേ​ട​ങ്ങ​ളിൽ ഉപയോ​ഗി​ക്ക​പ്പെ​ടു​ന്നുണ്ട്‌.

¹¹ എന്നാൽ, നേരേ മറിച്ച്‌ ഈ മയക്കു​മ​രു​ന്നു​കൾ ദശലക്ഷ​ക്ക​ണ​ക്കി​നാ​ളു​കൾക്ക്‌ ഭയങ്കര​മായ ഉപദ്രവം വരുത്തി​വ​ച്ചു​കൊ​ണ്ടാ​ണി​രി​ക്കു​ന്നത്‌. ഐക്യ​നാ​ടു​ക​ളിൽ 10 ലക്ഷത്തി​ല​ധി​കം ആളുകൾ ബാർബി​റ​റു​റെ​യി​റ​റ്‌സിൽ ആസക്തി​യു​ള​ള​വ​രാണ്‌ എന്നാണു റിപ്പോർട്ടു​കൾ സൂചി​പ്പി​ക്കു​ന്നത്‌. ആണ്ടു​തോ​റും 3,000-ത്തിലേറെ ആളുകൾ ഇതിന്റെ അമിത​മായ  ഉപയോ​ഗ​ത്താൽ മരണമ​ട​യു​ന്നു. ഹെറോ​യി​നി​ലു​ളള ആസക്തി ദിവസേന അനേക​രു​ടെ മരണത്തി​നി​ട​യാ​ക്കു​ന്നതു കൂടാതെ അതിന്റെ അതിരു​കടന്ന ഉപയോ​ഗം പതിനാ​യി​ര​ക്ക​ണ​ക്കി​നാ​ളു​കളെ അപകട​ക​ര​മാം​വി​ധം അക്രമ​വാ​സ​ന​യു​ള​ള​വ​രാ​ക്കി​ത്തീർക്കു​ന്നു. അവരുടെ ഈ ചെല​വേ​റിയ ശീലം നിലനിർത്താൻ ന്യൂ​യോർക്ക്‌ സിററി​യിൽതന്നെ ദിവസ​വും 30,00,000 ഡോളർ വില വരുന്ന വസ്‌തു​ക്കൾ മോഷ്ടി​ക്ക​പ്പെ​ടു​ന്നു!

¹² ഇതിന്റെ അർത്ഥ​മെ​ന്താണ്‌? മയക്കു​മ​രു​ന്നു​കൾ മുഴു​വ​നാ​യും നിരോ​ധി​ക്ക​പ്പെ​ട​ണ​മോ? ഇവയിൽ പലതും പ്രയോ​ജ​ന​ക​ര​മാ​യി ഉപയോ​ഗി​ക്കാൻ കഴിയും എന്നതു​കൊണ്ട്‌ അതിന്റെ ആവശ്യ​മില്ല. എന്നാൽ വ്യാപ​ക​മായ തോതി​ലു​ളള അതിന്റെ ദുരു​പ​യോ​ഗ​മാണ്‌ പ്രശ്‌ന​മാ​യി​രി​ക്കു​ന്നത്‌. ദശലക്ഷ​ക്ക​ണ​ക്കി​നാ​ളു​കൾ ചികി​ത്സ​ക്കാ​യി​ട്ട​ല്ലാ​തെ അവ ഉപയോ​ഗി​ക്കു​ന്നു; പലപ്പോ​ഴും ചികി​ത്സ​ക്കാ​യി ഉപയോ​ഗി​ക്കാ​വു​ന്ന​തി​നേ​ക്കാൾ കൂടിയ അളവിൽതന്നെ. മിക്ക​പ്പോ​ഴും ഒരു സ്വപ്‌നാ​വ​സ്ഥ​യി​ലാ​യി​രി​ക്കു​ന്ന​തി​നോ ഒരുപക്ഷേ ഒരു മായാ​ലോ​ക​ത്തിൽ ചരിക്കു​ന്ന​തി​നോ വേണ്ടി മാത്രം ആളുകൾ ഉപയോ​ഗി​ക്കു​ന്നു. അത്തരം ഉപയോ​ഗം ന്യായീ​ക​രി​ക്ക​ത്ത​ക്ക​താ​ണോ?

ശരീര​ത്തിൻമേ​ലു​ളള ഫലം

13-17. (എ) വൈദ്യ​ശാ​സ്‌ത്ര​സം​ബ​ന്ധ​മായ കൃതി​ക​ളിൽ ചൂണ്ടി​ക്കാ​ണി​ച്ചി​രി​ക്കു​ന്ന​പ്ര​കാ​രം എല്ലാമ​രു​ന്നു​ക​ളും വാസ്‌ത​വ​ത്തിൽ എന്താണ്‌? (ബി) ചികി​ത്സ​യ്‌ക്കു​പോ​ലു​മു​ളള അവയുടെ ഉപയോ​ഗ​ത്തിൽ അപകട​സാ​ദ്ധ്യത കണക്കി​ലെ​ടു​ക്കേ​ണ്ട​തെ​ന്തു​കൊണ്ട്‌? (സി) പിൻവ​രുന്ന തിരു​വെ​ഴു​ത്തു​കൾ, രസത്തി​നോ “ഉത്തേജന”ത്തിനോ​വേണ്ടി മയക്കു​മ​രു​ന്നു​കൾ ഉപയോ​ഗി​ക്കു​ന്ന​തി​നോ​ടു​ളള ദൈവി​ക​വീ​ക്ഷണം പ്രകട​മാ​ക്കു​ന്ന​തെ​ങ്ങ​നെ​യെന്ന്‌ അപഗ്ര​ഥി​ക്കുക: 2 കൊരി​ന്ത്യർ 7:1; റോമർ 13:13; 12:1.

¹³ അനേകം മരുന്നു​ക​ളും ഒരു ഡോക്ട​റു​ടെ കുറി​പ്പും​കൊണ്ട്‌ ചെന്നാലേ കിട്ടു​ക​യു​ള​ളു​വെ​ന്നും ചില മരുന്നു​കൾ പലേരാ​ജ്യ​ങ്ങ​ളി​ലും നിരോ​ധി​ച്ചി​ട്ടു​പോ​ലും ഉണ്ടെന്നും നിങ്ങൾക്ക​റി​യാ​മാ​യി​രി​ക്കും. എന്തു​കൊണ്ട്‌ എന്ന്‌ നിങ്ങ​ളോ​ടു​തന്നെ ചോദി​ക്കുക. അതു നമ്മു​ടെ​യെ​ല്ലാം സംരക്ഷ​ണ​ത്തി​നു​വേ​ണ്ടി​യാണ്‌. അതെ, മയക്കു​മ​രു​ന്നു​കൾ അപകട​മു​ള​ള​വ​യാണ്‌. മരണത്തി​നി​ട​യാ​ക്കു​ക​പോ​ലും ചെയ്‌തേ​ക്കാം. അവ ഫലത്തിൽ രണ്ടു വശത്തും മൂർച്ച​യു​ളള വാളു​പോ​ലെ​യാണ്‌. അവയ്‌ക്ക്‌ ചില​പ്പോൾ സുഖ​പ്പെ​ടു​ത്തു​ന്ന​തി​നും ചില​പ്പോൾ ഉപദ്ര​വി​ക്കു​ന്ന​തി​നും കൊല്ലു​ന്ന​തി​നു​പോ​ലു​മു​ളള കഴിവുണ്ട്‌. ഒരു ഫാർമ​ക്കോ​ളജി പ്രൊ​ഫ​സ്സ​റും കൂടി ചേർന്നു തയ്യാറാ​ക്കിയ “മരുന്നു​കൾ” എന്ന പുസ്‌തകം വിശദീ​ക​രി​ക്കു​ന്നു:

¹⁴ “എല്ലാ മരുന്നും വിഷമാണ്‌, എല്ലാ വിഷവും മരുന്നു​മാണ്‌. ‘പോയി​സൺ’ (വിഷം) എന്നും ‘പോഷൻ’ (ഒരു നേരത്തെ മരുന്ന്‌)  എന്നും ഉളള വാക്കുകൾ ഒരേ മൂല പദത്തിൽനി​ന്നാ​യി​രി​ക്കു​ന്നത്‌ യാദൃ​ച്ഛി​കമല്ല. അതു​പോ​ലെ ‘ഫാർമസി’ എന്നും ‘ഫാർമ​ക്കോ​ളജി’ എന്നും ഉളള ഇംഗ്ലീഷ്‌ വാക്കു​ക​ളി​ലെ മൂലപദം ഗ്രീക്കി​ലെ ഫാർമ​ക്കോൺ ആണ്‌. അത്‌ മരുന്നി​നേ​യും വിഷ​ത്തേ​യും അർത്ഥമാ​ക്കാൻ ഉപയോ​ഗി​ക്ക​പ്പെ​ട്ടി​രു​ന്നു.”

¹⁵ അതു​കൊണ്ട്‌ നിങ്ങൾക്ക്‌ രോഗം വരു​മ്പോൾ മരുന്നു സേവി​ക്കു​ന്ന​തിൽ കണക്കി​ലെ​ടു​ക്കേണ്ട അപകടം ഉൾപ്പെ​ടു​ന്നു. എന്നാൽ നിങ്ങൾ ജീവനെ വിലമ​തി​ക്കു​ന്ന​തു​കൊണ്ട്‌ വേദന ശമിപ്പി​ക്കു​ന്ന​തി​നോ ആരോ​ഗ്യം മെച്ച​പ്പെ​ടു​ത്തു​ന്ന​തി​നോ വേണ്ടി ആ അപകടം നേരി​ടാൻ നിങ്ങൾ തയ്യാറാ​കു​ന്നു. എന്നാൽ ഒരു “ഉത്തേജന”ത്തിനോ യാഥാർത്ഥ്യ​ങ്ങൾ മറക്കു​ന്ന​തി​നോ ഒരു സ്വപ്‌ന​ലോ​ക​ത്തി​ലാ​യി​രി​ക്കു​ന്നതി​നോ വേണ്ടി ഇത്തരത്തി​ലൊ​രു മരുന്ന്‌ കഴിക്കു​ക​യോ കുത്തി​വ​യ്‌ക്കു​ക​യോ വലിക്കു​ക​യോ മണക്കു​ക​യോ ചെയ്യു​ന്നത്‌ ശരിയാ​യി​രി​ക്കു​മോ? ദൈവ​ദ​ത്ത​വും അത്ഭുത​ക​ര​വു​മായ നിങ്ങളു​ടെ ശരീര​ത്തി​ന്റെ ഈ ഉപയോ​ഗം സ്രഷ്ടാ​വി​ന്റെ ഉദ്ദേശ്യ​ങ്ങ​ളോ​ടു യോജി​പ്പി​ലാ​ണോ?

¹⁶ ഇതേപ്പ​ററി ചിന്തി​ക്കുക. ആർക്കെ​ങ്കി​ലും വളരെ വിലപ്പെട്ട ഒരു സമ്മാനം നൽകാൻ നിങ്ങൾക്കു കഴിഞ്ഞു​വെ​ന്നി​രി​ക്കട്ടെ, ഒരു തനി പുത്തൻ മോ​ട്ടോർകാർ തന്നെ ആയി​ക്കൊ​ള​ളട്ടെ, അയാൾ മനഃപൂർവ്വം അതു നശിപ്പി​ക്കു​ന്നു​വെ​ങ്കിൽ നിങ്ങൾക്കെന്തു തോന്നും? എഞ്ചിനിൽ എണ്ണ ഒഴിക്കാ​തെ​യും തക്ക സമയത്ത്‌ എണ്ണ മാററാ​തെ​യും അതു ഓടി​ക്കു​ക​യും ചാണകം കയററി​യി​റ​ക്കാൻ അതുപ​യോ​ഗി​ക്കു​ക​യും ചെയ്യു​ന്നു​വെ​ങ്കി​ലോ? നിങ്ങൾ കൊടുത്ത സമ്മാനം അത്ര ബുദ്ധി​ശൂ​ന്യ​മാ​യി ഉപയോ​ഗി​ക്കു​ന്ന​തിൽ നിങ്ങൾക്ക​യാ​ളോട്‌ ദേഷ്യ​വും വെറു​പ്പും തോന്നും, അല്ലേ? എങ്കിൽ നാം “ഉത്തേജന”ത്തിനും “രസ”ത്തിനും വേണ്ടി അനാവ​ശ്യ​മാ​യി നമ്മുടെ അത്‌ഭു​ത​ക​ര​മായ ശരീരത്തെ വിഷം കൊണ്ടു നിറച്ചാൽ യഹോ​വ​യാം ദൈവ​ത്തിന്‌ എന്തു തോന്നും എന്നാണ്‌ നിങ്ങൾ വിചാ​രി​ക്കു​ന്നത്‌? നമ്മേ ഇപ്രകാ​രം പ്രോ​ത്സാ​ഹി​പ്പി​ച്ചു​കൊണ്ട്‌ അവന്റെ വചനം അതു നമ്മെ അറിയി​ക്കു​ന്നു: “നമുക്ക്‌ ജഡത്തി​ന്റെ​യും ആത്മാവി​ന്റെ​യും സകല മാലി​ന്യ​വും നീക്കി നമ്മേത്തന്നെ ശുദ്ധീ​ക​രിച്ച്‌ ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കാം.” (2 കൊരി​ന്ത്യർ 7:1) അതു​കൊണ്ട്‌ “ഉത്തേജന”ത്തിനും “രസ”ത്തിനും വേണ്ടി നമ്മുടെ ശരീരത്തെ അശുദ്ധ​മാ​ക്കുന്ന മരുന്നു​കൾ നാം സ്വീക​രി​ക്കു​ന്നു​വെ​ങ്കിൽ നാം ദൈ​വോ​ദ്ദേ​ശ്യ​ത്തോ​ടു​ളള യോജി​പ്പിൽ ജീവി​ക്ക​യാ​യി​രി​ക്കില്ല.

¹⁷ ഇതും​കൂ​ടി പരിഗ​ണി​ക്കുക. കുടി​ച്ചു​മ​ത്ത​രാ​കു​ന്ന​തി​നെ സംബന്ധിച്ച്‌ സ്രഷ്ടാവ്‌ എന്തു ബുദ്ധി​യു​പ​ദേശം നൽകി​യി​രി​ക്കു​ന്നു​വെന്ന്‌ നാം നേരത്തെ ചർച്ച ചെയ്‌ത​താണ്‌. അമിത​മാ​യി  കുടിച്ചു മത്തരാ​കു​ന്നവർ ചുററു​മു​ള​ള​വ​രെ​കൂ​ടെ സംഭ്ര​മി​പ്പി​ക്കു​മാറ്‌ മ്ലേച്ഛരും മൂഢരു​മാ​യി തങ്ങളെ​ത്തന്നെ തരം താഴ്‌ത്തു​ന്നു എന്ന്‌ അവന്റെ വചനം വ്യക്തമാ​ക്കി കാണി​ക്കു​ന്നു. നമ്മുടെ സ്രഷ്ടാവ്‌, കുടി​ച്ചു​മ​ത്തു​പി​ടി​ക്കു​ന്ന​തി​നെ കുററം​വി​ധി​ക്കു​ന്നു എന്നതിൽ യാതൊ​രു സംശയ​വു​മില്ല. അതു​കൊണ്ട്‌ ഒരുവൻ ഹെറൊ​യി​നോ മരിജ്വാ​ന​യോ മറെറ​ന്തെ​ങ്കി​ലും മയക്കു​മ​രു​ന്നോ ഉപയോ​ഗിച്ച്‌ സുബോ​ധം നഷ്ടപ്പെ​ടു​ത്തു​ന്നു​വെ​ങ്കിൽ ദൈവ​ത്തി​ന്റെ വീക്ഷണം അതിൽനിന്ന്‌ വ്യത്യ​സ്‌ത​മാ​യി​രി​ക്കു​മോ? അവയിൽനി​ന്നു​ണ്ടാ​കുന്ന പ്രതി​പ്ര​വർത്തനം ലഹരി​പാ​നീ​യ​ങ്ങ​ളു​ടേ​തിൽനിന്ന്‌ വ്യത്യ​സ്‌ത​മാ​യി​രു​ന്നേ​ക്കാ​മെ​ങ്കി​ലും ലഹരി പാനീ​യ​ങ്ങ​ളാ​ലെ​ന്ന​പോ​ലെ​യോ അതിൽ കൂടു​ത​ലാ​യോ സുബോ​ധം നഷ്ടമാ​കാൻ അവയും ഇടയാ​ക്കു​ന്നു. അതു​കൊണ്ട്‌ ബൈബി​ളിൽ കാണ​പ്പെ​ടുന്ന ബുദ്ധി​പൂർവ്വ​ക​വും ന്യായ​യു​ക്ത​വു​മായ ബുദ്ധി​യു​പ​ദേ​ശ​ത്തിൽനിന്ന്‌ രസത്തി​നു​വേണ്ടി അത്തരം മയക്കു​മ​രു​ന്നു​ക​ളി​ലേക്കു തിരി​യാ​തി​രി​ക്കു​ന്ന​തി​ന്റെ മൂല്യം നമുക്ക്‌ തിരി​ച്ച​റി​യാൻ കഴിയും.

പുകയി​ല​യു​ടെ ഉപയോ​ഗം സംബന്ധി​ച്ചെന്ത്‌?

18-21. പുകവ​ലി​ക്കു​ന്നത്‌ ആരോ​ഗ്യ​ത്തിന്‌ അപകട​ക​ര​മാ​ണെന്ന്‌ പരക്കെ അറിയ​പ്പെ​ടു​ന്ന​താ​ണെ​ങ്കി​ലും എന്തു​കൊ​ണ്ടാണ്‌ അനേകർ അങ്ങനെ ചെയ്യു​ന്നത്‌? (ബി) ഒരു ക്രിസ്‌ത്യാ​നി പുകവ​ലി​ക്കു​ന്നത്‌ തെററാ​ണെ​ന്നു​ള​ള​തിന്‌ രണ്ടു കാരണ​ങ്ങ​ളെ​ങ്കി​ലും നൽകുക.

¹⁸ “എങ്കിൽ പിന്നെ, അപകട​കാ​രി​യായ നിക്കോ​ട്ടിൻ അടങ്ങി​യി​രി​ക്കുന്ന പുകയി​ല​യു​ടെ ഉപയോ​ഗം സംബന്ധി​ച്ചെന്ത്‌,” എന്ന്‌ നിങ്ങൾ ചോദി​ച്ചേ​ക്കാം. “കോടി​ക്ക​ണ​ക്കിന്‌, പ്രായ​പൂർത്തി​യാ​യവർ അവർ പറയും പോലെ ‘രസത്തി​നു​വേണ്ടി’ പുകവ​ലി​ക്കു​ന്നു. അത്‌ ഉചിത​മാ​ണോ? ഐക്യ​നാ​ടു​ക​ളിൽ വിൽക്ക​പ്പെ​ടുന്ന സിഗറ​ററ്‌ പാക്കറ​റു​ക​ളിൻമേൽ കാണുന്ന പുകവ​ലി​ക്കു​ന്നത്‌ നിങ്ങളു​ടെ ആരോ​ഗ്യ​ത്തിന്‌ അപകട​ക​ര​മാണ്‌ എന്ന മുന്നറി​യിപ്പ്‌ വ്യക്തമാ​ക്കു​ന്ന​തു​പോ​ലെ അതു തീർച്ച​യാ​യും ഉചിതമല്ല. നിങ്ങൾ ഏതു രാജ്യ​ത്തു​തന്നെ ആയിരു​ന്നാ​ലും ഈ വസ്‌തുത സത്യമാണ്‌. എങ്കിൽ പിന്നെ ഇത്രമാ​ത്രം മുതിർന്നവർ പുകവ​ലി​യി​ലൂ​ടെ മനഃപൂർവ്വം യുവജ​ന​ങ്ങൾക്ക്‌ മോശ​മായ മാതൃക വയ്‌ക്കു​ക​യും അതേസ​മ​യം​തന്നെ തങ്ങളുടെ ആരോ​ഗ്യ​ത്തെ നശിപ്പി​ക്കു​ക​യും ചെയ്യു​ന്ന​തെ​ന്തു​കൊ​ണ്ടാണ്‌? അത്‌ മുഖ്യ​മാ​യും അവർക്ക്‌ അതിനു​ളള ആസക്തി​യു​ള​ള​തു​കൊ​ണ്ടാണ്‌. സയൻസ്‌ വേൾഡ്‌ എന്ന പ്രസി​ദ്ധീ​ക​ര​ണ​ത്തി​ലെ ഒരു റിപ്പോർട്ട്‌ വിശദീ​ക​രി​ക്കു​ന്നു:

¹⁹ “ആസക്തി​യു​ള​വാ​ക്കുന്ന വസ്‌തു നിക്കോ​ട്ടിൻ ആണ്‌ . . . നിക്കോ​ട്ടിൻ ലഭിക്കാ​ത്ത​പ്പോൾ അതിനാ​യി​ട്ടു​ളള ഒരു  ‘വിശപ്പ്‌’ അനുഭ​വ​പ്പെ​ടു​ന്നു. തൽഫല​മാ​യി അതുല​ഭി​ക്കാ​ത്ത​പ്പോൾ ‘അസുഖ​മാ​യി.’ അതിന്റെ ലക്ഷണം ഒരുതരം അസ്വാ​സ്ഥ്യ​മാണ്‌. ചില​പ്പോൾ മയക്കവും തലവേ​ദ​ന​യും ഉദരസം​ബ​ന്ധ​മായ ക്രമ​ക്കേ​ടു​ക​ളും വിയർപ്പും നാടി​യി​ടി​പ്പിൽ വ്യതി​യാ​ന​വും അനുഭ​വ​പ്പെ​ട്ടേ​ക്കാം.”

²⁰ വ്യക്തമാ​യും പുകവലി നമ്മുടെ ശരീരത്തെ ദുരു​പ​യോ​ഗ​പ്പെ​ടു​ത്ത​ലാണ്‌. ക്രിസ്‌ത്യാ​നി​കൾ തങ്ങളെ​ത്തന്നെ കൻമഷ​ങ്ങ​ളിൽ നിന്ന്‌ വെടി​പ്പാ​ക്കാൻ നമ്മുടെ സ്രഷ്ടാവ്‌ ആവശ്യ​പ്പെ​ട്ടി​രി​ക്കുന്ന ‘ജഡത്തിലെ കൻമഷ’ങ്ങളി​ലൊന്ന്‌ അതാണ്‌. അതു​കൊണ്ട്‌ പുകവ​ലി​ക്കുന്ന മുതിർന്ന​യാ​ളു​കൾക്ക്‌ മയക്കു​മ​രു​ന്നു​കൾ ദുരു​പ​യോ​ഗി​ക്കുന്ന യുവജ​ന​ങ്ങളെ വിമർശി​ക്കാൻ അവകാ​ശ​മില്ല എന്ന്‌ നിങ്ങൾക്ക്‌ തോന്നി​യേ​ക്കാം. അതു വാസ്‌ത​വ​മാണ്‌. മാതാ​പി​താ​ക്കൾ നിക്കോ​ട്ടിൻ വലിച്ചു​കൊണ്ട്‌ മോശ​മാ​യി പെരു​മാ​റു​ന്നെ​ങ്കിൽ തങ്ങളുടെ കുട്ടികൾ മയക്കു​മ​രു​ന്നു​കൾ ഒഴിവാ​ക്കേ​ണ്ട​തി​ന്റെ പ്രാധാ​ന്യ​ത്തെ​പ്പ​ററി അവർ പറയു​മ്പോൾ അതിനെ കുട്ടികൾ ഗൗരവ​മാ​യി എടുക്കാൻ അവർക്കെ​ങ്ങനെ പ്രതീ​ക്ഷി​ക്കാൻ കഴിയും? എന്നാൽ മററു​ള​ളവർ ചെയ്യു​ന്ന​തോ പറയു​ന്ന​തോ പരിഗ​ണി​ക്കാ​തെ നാം ഓരോ​രു​ത്ത​രും വ്യക്തി​പ​ര​മാ​യി നമ്മുടെ പ്രവൃ​ത്തി​കൾക്ക്‌ ദൈവ​ത്തോട്‌ കണക്കു ബോധി​പ്പി​ക്കേ​ണ്ടി​വ​രും. ഒരു ക്രിസ്‌ത്യാ​നി പുകവ​ലി​ക്കു​ന്നത്‌ തെററാ​ക്കി​ത്തീർക്കുന്ന മറെറാ​രു കാരണ​വും കൂടി ദൈവ​വ​ച​ന​മായ ബൈബി​ളിന്‌ പറയാ​നുണ്ട്‌.

²¹ “നിങ്ങൾ നിങ്ങളു​ടെ അയൽക്കാ​രെ നിങ്ങ​ളെ​പ്പോ​ലെ സ്‌നേ​ഹി​ക്കണം,” എന്ന്‌ ബൈബിൾ കല്‌പി​ക്കു​ന്നു.  (മത്തായി 22:39) എന്നാൽ മററു​ള​ള​വ​രു​ടെ സാന്നി​ദ്ധ്യ​ത്തിൽ പുകവ​ലി​ക്കു​ക​യും അയൽക്കാ​രെ സ്‌നേ​ഹി​ക്കാൻ കഴിയു​ക​യും ചെയ്യു​ന്ന​തെ​ങ്ങനെ? മെഡിക്കൽ ട്രിബ്യൂൺ വിശദീ​ക​രി​ക്കു​ന്ന​തി​ന്റെ വീക്ഷണ​ത്തിൽ ഞങ്ങളിതു ചോദി​ക്കു​ന്നു: “പുകവലി പുകവ​ലി​ക്കുന്ന ആളിന്റെ മാത്രമല്ല അടുത്തു​നിൽക്കുന്ന നിരപ​രാ​ധി​യു​ടെ കൂടെ ആരോ​ഗ്യ​ത്തിന്‌ ഹാനി​ക​ര​മാ​കാം.” മറെറാ​രു സുപ്ര​ധാന വൈദ്യ​ശാ​സ്‌ത്ര പ്രസി​ദ്ധീ​ക​രണം ചൂണ്ടി​ക്കാ​ണി​ക്കു​ന്ന​പ്ര​കാ​രം: “വായു സഞ്ചാരം കുറവാ​യി​രി​ക്കുന്ന സ്ഥലങ്ങളിൽ പുകവ​ലി​ക്കാ​ത്ത​യാ​ളി​നും പുകവ​ലി​ക്കു​ന്ന​വ​രിൽ നിന്ന്‌ ആരോ​ഗ്യ​ത്തിന്‌ അപകട​മു​ണ്ടാ​കാ​നു​ളള കൂടു​ത​ലായ സാദ്ധ്യ​ത​യാ​ണു​ള​ളത്‌.” പുകവലി ചുററു​പാ​ടു​മു​ള​ള​വ​രെ​കൂ​ടി ഉപദ്ര​വി​ക്കു​ന്നു എന്നതി​നാൽ നിങ്ങൾക്ക്‌ പുകവ​ലി​ക്കു​ക​യും അയൽക്കാ​രെ യഥാർത്ഥ​മാ​യി സ്‌നേ​ഹി​ക്കു​ക​യും ചെയ്യുക അസാദ്ധ്യ​മാ​ണെ​ന്നു​ള​ളത്‌ വ്യക്തമല്ലേ?

മാരി​ഹ്വാ​ന വ്യത്യ​സ്‌ത​മാ​ണോ?

22-25. (എ) മാരി​ഹ്വാ​ന​യു​ടെ മിതമാ​യി​പ്പോ​ലു​മു​ളള ഉപയോ​ഗ​ത്തി​ന്റെ ഫലം മദ്യത്തി​ന്റേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ? (ബി) ദോഷ​ക​ര​മായ ശീലങ്ങൾക്കെ​തി​രെ മുന്നറി​യിപ്പ്‌ നൽകു​ക​വഴി ജീവിതം പരമാ​വധി ആസ്വദി​ക്കു​ന്ന​തി​നു ദൈവം എങ്ങനെ​യാണ്‌ നമ്മെ സഹായി​ക്കു​ന്നത്‌? (യെശയ്യാവ്‌ 48:17; സങ്കീർത്തനം 16:11; സദൃശ​വാ​ക്യ​ങ്ങൾ 3:1-7)

²² ചില യുവജ​നങ്ങൾ മാരി​ഹ്വാ​ന വലിക്കു​ന്ന​തി​നെ ലഹരി​പാ​നീ​യങ്ങൾ ഉപയോ​ഗി​ക്കു​ന്ന​തി​നോട്‌ താരത​മ്യ​പ്പെ​ടു​ത്താൻ ചായ്‌വു​ള​ള​വ​രാണ്‌. അവരുടെ മാതാ​പി​താ​ക്ക​ളോ മററു​ള​ള​വ​രോ “കുടി​ച്ചു​മ​ത്തരാ”കുന്നതു കണ്ടിട്ട്‌ മാരി​ഹ്വാ​നാ വലിച്ചു​മ​ത്ത​രാ​കു​ന്നത്‌ അതിൽനിന്ന്‌ വ്യത്യ​സ്‌ത​മ​ല്ലെന്ന്‌ അവർ നിഗമനം ചെയ്യുന്നു. എന്നാൽ അങ്ങനെ​യാ​ണോ?

²³ ലഹരി​പാ​നീ​യ​ങ്ങ​ളു​ടെ മിതമായ ഉപയോ​ഗത്തെ അംഗീ​ക​രി​ക്കു​ന്നു​വെ​ങ്കി​ലും അതിന്റെ അമിത​മായ ഉപയോ​ഗത്തെ ബൈബിൾ കുററം​വി​ധി​ക്കു​ന്നു എന്ന്‌ ഓർമ്മി​ക്കുക. മദ്യപൻമാർ . . . ദൈവ​രാ​ജ്യം അവകാ​ശ​മാ​ക്കു​ക​യില്ല.” (1 കൊരി​ന്ത്യർ 6:9, 10) എന്നാൽ തങ്ങൾ മാരി​ഹ്വാ​ന മിതമായ അളവിൽ മാത്രം ഉപയോ​ഗി​ക്കു​ന്നു, മത്തുപി​ടി​ക്കാൻ തക്കവണ്ണം ഉപയോ​ഗി​ക്കു​ന്നില്ല എന്ന്‌ ചില യുവജ​നങ്ങൾ പറഞ്ഞേ​ക്കാം. പക്ഷേ മാരി​ഹ്വാ​ന മദ്യത്തിൽ നിന്ന്‌ വ്യത്യ​സ്‌ത​മാണ്‌. നിങ്ങളു​ടെ ശരീര​ത്തിന്‌ മദ്യത്തെ “ഇന്ധന”മായി മാററു​ന്ന​തി​നും അതു നിങ്ങളു​ടെ ശരീര​കോ​ശ​ങ്ങ​ളിൽ “ഉപയോ​ഗി​ക്കുന്ന”തിനും കഴിയും. അതൊരു ഭക്ഷ്യവ​സ്‌തു​വാണ്‌. എന്നാൽ നിങ്ങളു​ടെ ശരീര​ത്തിന്‌ മാരി​ഹ്വാ​ന അത്തരത്തിൽ ഉപയോ​ഗി​ക്കാൻ കഴിയു​ക​യില്ല. കൂടാതെ മദ്യം ദീർഘ​നേ​ര​ത്തേക്ക്‌ ശരീര​ത്തി​ലോ മസ്‌തിഷ്‌ക കോശ​ങ്ങ​ളി​ലോ തങ്ങിനിൽക്കു​ന്നില്ല. ഏതാനും മണിക്കൂ​റു​കൾക്കു​ള​ളിൽ മദ്യം  ശരീരം വിട്ട്‌ പുറത്തു​പോ​കു​ന്നു. എന്നാൽ മാരി​ഹ്വാ​ന​യി​ലെ വിഷാം​ശം അത്ര​വേഗം വിട്ടു​പോ​കാ​തെ ശരീര​ത്തിന്‌ ഹാനി​ക​ര​മാ​യി​ത്തീ​രു​ന്നു. കൊളം​ബി​യാ യൂണി​വേ​ഴ്‌സി​റ​റി​യു​ടെ കോ​ളേജ്‌ ഓഫ്‌ ഫിസി​ഷ്യൻസ്‌ ആൻഡ്‌ സർജൻസിൽപ്പെട്ട ആറു ഡോക്ടർമാർ ന്യൂ​യോർക്ക്‌ ടൈം​സി​ന്റെ പത്രാ​ധി​പർക്കു​ളള ഒരു കത്തിൽ ഇപ്രകാ​രം വിശദീ​ക​രി​ച്ചു:

“മാരി​ഹ്വാ​ന​യിൽ വിഷവ​സ്‌തു​ക്കൾ അടങ്ങി​യി​രി​ക്കു​ന്നു. അവ കൊഴു​പ്പിൽ ലയിച്ചു ചേരു​ക​യും മസ്‌തി​ഷ്‌ക്കം ഉൾപ്പെ​ടെ​യു​ളള ശരീര കലകളിൽ DDT എന്നപോ​ലെ ആഴ്‌ച​ക​ളോ മാസങ്ങ​ളോ പോലും ശേഖരി​ച്ചു വയ്‌ക്ക​പ്പെ​ടു​ക​യും ചെയ്യുന്നു. ശരീര​ക​ല​കൾക്ക്‌ ഇത്തരം വസ്‌തു​ക്കൾ ശേഖരി​ച്ചു വയ്‌ക്കാ​നു​ളള പ്രാപ്‌തി വളരെ​യേ​റെ​യാണ്‌. പതിവാ​യി മാരി​ഹ്വാ​ന വലിക്കു​ന്ന​വ​രു​ടെ മേൽ അതിനു​ളള സാവധാ​ന​മെ​ങ്കി​ലും ദോഷ​ക​ര​മായ ഫലത്തിന്റെ കാരണ​മ​താണ്‌. ഇത്തരം വസ്‌തു​ക്കൾ ആഴ്‌ച​യിൽ ഒരു പ്രാവ​ശ്യ​ത്തിൽ കൂടുതൽ ഉപയോ​ഗി​ക്കുന്ന ആർക്കും അതിന്റെ ദോഷ​ഫ​ല​ങ്ങ​ളിൽനിന്ന്‌ വിമു​ക്ത​രാ​യി​രി​ക്കാൻ സാദ്ധ്യമല്ല.”

²⁴ അപ്രകാ​രം ററു​ലെ​യിൻ സർവ്വക​ലാ​ശാ​ല​യി​ലെ ഡോക്ടർ റോബർട്ട്‌ ഹീത്തിന്റെ അഭി​പ്രാ​യ​ത്തിൽ മാരി​ഹ്വാ​നയെ മദ്യ​ത്തോ​ടു സാമ്യ​പ്പെ​ടു​ത്തു​ന്നത്‌ “അർത്ഥശൂ​ന്യ”മാണ്‌. മദ്യത്തിന്‌ “ഒരു താൽക്കാ​ലിക ഫലമാ​ണു​ള​ളത്‌” എന്ന്‌ അദ്ദേഹം പറയുന്നു. “മാരി​ഹ്വാ​ന​യ്‌ക്കാ​കട്ടെ വളരെ സങ്കീർണ്ണ​വും നീണ്ടു​നിൽക്കു​ന്ന​തു​മായ ഫലമാ​ണു​ള​ളത്‌.” പ്രകട​മാ​യും മാരി​ഹ്വാ​ന​യു​ടെ ക്രമമായ, മിതമായ ഉപയോ​ഗം​പോ​ലും ദൂഷ്യ​ഫ​ലങ്ങൾ ഉളവാ​ക്കു​ന്നു എന്ന്‌ ഡെററ്‌റോ​യി​ററ്‌ ഫ്രീ പ്രസ്സ്‌ ചൂണ്ടി​ക്കാ​ട്ടു​ന്നു: “ആഴ്‌ച​യിൽ ഒരിക്ക​ലോ രണ്ടു തവണയോ എന്ന കണക്കിൽ ക്രമമാ​യി മാരി​ഹ്വാ​ന​യോ—അതിന്റെ ചേട്ടനായ [ഹഷീഷോ] ഉപയോ​ഗി​ച്ചാൽ അതു യഥാർത്ഥ​ത്തിൽ ശാരീ​രി​ക​മാ​യും മാനസി​ക​മാ​യും അപകട​ക​ര​മാ​ണെന്ന്‌ സൂചി​പ്പി​ക്കുന്ന പുതിയ കണ്ടുപി​ടു​ത്തങ്ങൾ വൈദ്യ​ശാ​സ്‌ത്ര​ഗ​വേ​ഷകർ റിപ്പോർട്ടു ചെയ്യുന്നു.”

²⁵ യഥാർത്ഥ​ത്തിൽ, നമ്മുടെ സ്രഷ്ടാവ്‌ നൽകി​യി​രി​ക്കുന്ന മാർഗ്ഗ​നിർദ്ദേശക തത്വങ്ങൾ സംബന്ധിച്ച്‌ നമുക്ക്‌ നന്ദിയു​ള​ള​വ​രാ​യി​രി​ക്കാൻ കഴിയും. അവൻ നമ്മേ സ്‌നേ​ഹി​ക്കു​ന്നു. അതിനാൽ നമ്മുടെ നിലനിൽക്കുന്ന സന്തോ​ഷ​ത്തി​നും ക്ഷേമത്തി​നും സംഭാവന ചെയ്യാതെ നമ്മുടെ ശരീര​ങ്ങളെ മലിന​മാ​ക്കു​ക​യും അതുവഴി നമ്മെ ഉപദ്ര​വി​ക്കു​ക​യും ചെയ്യു​ന്ന​തി​നെ ഒഴിവാ​ക്കാൻ അവൻ നമ്മെ പ്രേരി​പ്പി​ക്കു​ന്നു. ചില മരുന്നു​കൾ രോഗി​യായ ഒരാൾക്ക്‌ ഗുണക​ര​മാ​യി​രു​ന്നേ​ക്കാം. എന്നാൽ ആസ്വാ​ദ​ന​ത്തി​നു​വേണ്ടി അവയി​ലേക്കു തിരി​യു​ന്ന​വരെ അവ ഉപദ്ര​വി​ക്കുക മാത്രമേ ചെയ്യു​ക​യു​ളളു. അവ ജീവി​താ​സ്വാ​ദ​ന​ത്തി​നു​ളള താക്കോ​ലല്ല.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

 [108-ാം പേജ്‌ നിറ​യെ​യുള്ള ചിത്രം]

[113-ാം പേജിലെ ചിത്രം]

പ്രായപൂർത്തിയായ ദശലക്ഷ​ക്ക​ണ​ക്കി​നാ​ളു​കൾ പുകവ​ലി​ക്കു​ന്നു എന്നത്‌ നിങ്ങൾ അതു ചെയ്യാൻ മതിയായ കാരണ​മാ​ണോ?