അധ്യായം 20

വിവാ​ഹ​ജീ​വി​ത​ത്തിൽ നിങ്ങൾക്ക്‌ വിജയി​ക്കാ​നാ​വു​മോ?

1-4. (എ) വിജയ​ക​ര​മായ വിവാ​ഹ​ജീ​വി​ത​ത്തി​ന്റെ ഭാവി​പ്ര​തീക്ഷ സംബന്ധിച്ച്‌ താൽപ​ര്യ​മു​ണ്ടാ​യി​രി​ക്കാൻ മതിയായ കാരണ​മു​ള​ള​തെ​ന്തു​കൊണ്ട്‌? (ബി) വിവാഹ ജീവി​ത​ത്തിൽ വിജയി​ക്കു​ന്ന​തിന്‌ അതിന്റെ ഉത്ഭവം സംബന്ധിച്ച്‌ എന്തു തിരി​ച്ച​റി​യേ​ണ്ട​തുണ്ട്‌? എന്തു​കൊണ്ട്‌? (ഉൽപത്തി 2:21-24; മത്തായി 19:4-6)

 നിങ്ങൾ വിവാ​ഹി​ത​രാ​കാൻ ആഗ്രഹി​ക്കുന്ന സമയം വന്നെത്തു​ന്നു​വെ​ങ്കിൽ നിങ്ങളു​ടെ വിവാ​ഹ​ജീ​വി​തം വിജയ​ക​ര​മാ​യി​രി​ക്കാൻ നിങ്ങൾ ആഗ്രഹി​ക്കുക എന്നത്‌ സ്വാഭാ​വി​ക​മാണ്‌. വിവാ​ഹ​മോ​ച​ന​ങ്ങ​ളു​ടെ നിരക്ക്‌ കുതി​ച്ചു​യ​രു​ന്നതു വച്ചു നോക്കു​ക​യാ​ണെ​ങ്കിൽ നിങ്ങളു​ടെ ഭാവി പ്രതീക്ഷ അത്ര ശോഭ​നമല്ല. ചില സ്ഥലങ്ങളിൽ വിവാ​ഹ​മോ​ച​ന​ത്തി​ന്റെ എണ്ണം വിവാ​ഹ​ത്തി​ന്റെ എണ്ണത്തോ​ട​ടു​ക്കു​ക​യാണ്‌! നിങ്ങൾ വിവാ​ഹി​ത​രാ​കു​ന്നു​വെ​ങ്കിൽ, പ്രശ്‌നങ്ങൾ നിങ്ങളു​ടെ വൈവാ​ഹിക സന്തുഷ്ടി​യെ തകർക്കു​ന്നത്‌ തടയാൻ നിങ്ങൾക്കെ​ങ്ങനെ കഴിയും?

² വിവാ​ഹ​ത്തി​ന്റെ ഉത്ഭവ​ത്തെ​പ്പ​ററി പരിചി​ന്തി​ക്കു​ന്നത്‌ നിങ്ങളു​ടെ പ്രശ്‌ന​ങ്ങ​ളു​ടെ മേലും പ്രശ്‌ന​പ​രി​ഹാ​ര​ത്തിൻമേ​ലും വളരെ​യേറെ വെളിച്ചം വീശും. വിവാഹം മനുഷ്യർ ആരംഭിച്ച ഒരേർപ്പാ​ടാണ്‌; വളരെ മുമ്പേ എങ്ങനെ​യോ മനുഷ്യൻതന്നെ അത്തര​മൊ​രു ക്രമീ​ക​രണം ചെയ്‌തു എന്ന്‌ അനേകർ വിശ്വ​സി​ക്കു​ന്നു. എന്നാൽ ഇന്നത്തെ അപായ​ക​ര​മായ കുടുംബ തകർച്ച​യു​ടെ മൂല കാരണ​വും ആ ആശയം തന്നെയാണ്‌. എന്തു​കൊണ്ട്‌? കാരണം അതു വിവാഹ പ്രശ്‌ന​ങ്ങളെ സംബന്ധി​ക്കുന്ന ഏററവും നല്ല ഉപദേശം അപ്രധാ​ന​മെന്ന്‌ പറഞ്ഞ്‌ തളളി​ക്ക​ള​യു​ന്നു.

³ വിവാഹം വാസ്‌ത​വ​ത്തിൽ കൂടുതൽ ഉന്നതമായ ഒരുറ​വിൽ നിന്നു​ള​ള​താണ്‌. സർവ്വശ​ക്ത​നായ ദൈവം തന്നെ ആദ്യപു​രു​ഷ​നെ​യും സ്‌ത്രീ​യെ​യും സൃഷ്ടിച്ചു. അവർക്ക്‌ സന്താ​നോ​ല്‌പാ​ദ​ന​ത്തി​നു​ളള പ്രാപ്‌തി നൽകി അവരെ വിവാ​ഹ​ബ​ന്ധ​ത്തിൽ കൂട്ടി​വ​രു​ത്തി. ദൈവം അവരുടെ വിവാഹം വിജയ​പ്ര​ദ​മാ​ക്കു​ന്ന​തി​നാ​വ​ശ്യ​മായ നിർദ്ദേ​ശ​ങ്ങ​ളും—ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്നത്‌—അവർക്ക്‌ നൽകി. നിങ്ങൾ വിവാ​ഹി​ത​രാ​കു​മ്പോൾ ഈ നിർദ്ദേ​ശങ്ങൾ അനുസ​രി​ക്കു​ന്ന​തി​നാ​ലാ​യി​രി​ക്കും നിങ്ങൾക്ക്‌ സന്തോഷം ലഭിക്കുക.

⁴ ആളുകൾക്ക്‌ പണ്ടേ ബൈബിൾ ഉണ്ടായി​രു​ന്നു; എന്നിട്ടും  അവരുടെ വിവാ​ഹങ്ങൾ പരാജ​യ​മാ​യി​രു​ന്നു എന്നു പറഞ്ഞു​കൊണ്ട്‌ ചിലർ എതിർത്തേ​ക്കാം. അസന്തു​ഷ്ട​മായ വിവാ​ഹ​ജീ​വി​തം സഹിക്കാൻ മനസ്സുളള ദമ്പതി​ക​ളു​ടെ കുറവു​കൊ​ണ്ടാണ്‌ മോച​ന​നി​രക്കു വർദ്ധി​ച്ചി​രി​ക്കു​ന്നത്‌ എന്നവർ പറയുന്നു. ഈ വാദത്തിൽ കുറച്ചു സത്യമുണ്ട്‌. അസന്തു​ഷ്ട​രായ ദശലക്ഷ​ക്ക​ണ​ക്കിന്‌ ദമ്പതി​കൾക്ക്‌ ബൈബിൾ കൈവ​ശ​മുണ്ട്‌. എന്നാൽ അവർ അതു വായി​ച്ചി​ട്ടു​ണ്ടോ? അതിലും പ്രധാ​ന​മാ​യി അതിലെ തത്വങ്ങൾ അവർ തങ്ങളുടെ ജീവി​ത​ത്തിൽ ബാധക​മാ​ക്കി​യി​ട്ടു​ണ്ടോ? എന്നാൽ ബൈബി​ളി​ലെ ബുദ്ധി​യു​പ​ദേശം ലക്ഷക്കണ​ക്കിന്‌ ദമ്പതി​കളെ തങ്ങളുടെ കുടും​ബ​പ്ര​ശ്‌നങ്ങൾ വിജയ​ക​ര​മാ​യി പരിഹ​രി​ക്കാൻ സഹായി​ച്ചി​ട്ടുണ്ട്‌ എന്നതാണ്‌ വസ്‌തുത. നിങ്ങൾ സന്തുഷ്ട​മായ ഒരു വിവാ​ഹ​ജീ​വി​തം ആഗ്രഹി​ക്കു​ന്നെ​ങ്കിൽ അതിനു നിങ്ങ​ളെ​യും സഹായി​ക്കാൻ കഴിയും.

വിവാ​ഹ​ജീ​വി​ത​ത്തി​ലെ സന്തുഷ്ട​മായ ലൈം​ഗി​ക​ബ​ന്ധം

5-10. (എ) ലൈം​ഗിക സുഖത്തെ സംബന്ധിച്ച്‌ എന്ത്‌ അയഥാർത്ഥ​മായ കാഴ്‌ച​പ്പാ​ടാണ്‌ അനേകർക്കു​മു​ള​ളത്‌? (ബി) നിസ്വാർത്ഥ​മാ​യി കൊടു​ക്കാ​നു​ളള ബൈബിൾ ബുദ്ധി​യു​പ​ദേ​ശ​ത്തി​ന്റെ ബാധക​മാ​ക്കൽ എപ്രകാ​ര​മാണ്‌ ദമ്പതി​കളെ വിവാ​ഹ​ജീ​വി​ത​ത്തിൽ ഈ പ്രത്യേക സംഗതി​യിൽ സംതൃ​പ്‌തി കണ്ടെത്താൻ സഹായി​ക്കു​ന്നത്‌?

⁵ അനേകം വൈവാ​ഹിക പ്രശ്‌ന​ങ്ങ​ളു​ടെ​യും മൂലകാ​രണം ലൈം​ഗി​ക​ത​യാ​ണെന്ന്‌ നിങ്ങൾ കേട്ടി​ട്ടു​ണ്ടാ​യി​രി​ക്കാം. അതു സത്യവു​മാണ്‌. ഇന്നത്തെ വാർത്താ​മാ​ദ്ധ്യ​മ​ങ്ങ​ളു​ടെ രക്ഷാധി​കാ​ര​ത്വ​ത്തിൻ കീഴിൽ പ്രചരി​പ്പി​ക്ക​പ്പെ​ടുന്ന അയഥാർത്ഥ​ങ്ങ​ളായ വീക്ഷണ​ങ്ങ​ളാണ്‌ മിക്ക​പ്പോ​ഴും ഇതിനു കാരണം. പ്രചാരം നേടി​യി​ട്ടു​ളള പുസ്‌ത​ക​ങ്ങ​ളും മാസി​ക​ക​ളും ചലച്ചി​ത്ര​ങ്ങ​ളും രണ്ടു പേർ “പ്രണയ​ത്തി​ലാ​കു​ന്ന​താ​യും,” “എന്നേക്കും സന്തുഷ്ട​രാ​യി” കഴിയു​ന്ന​താ​യും ചിത്രീ​ക​രി​ക്കു​ന്നു. ഇത്തരം സാഹി​ത്യ​ങ്ങൾ ലൈം​ഗിക സുഖത്തെ കൂടുതൽ ഉജ്ജ്വല​മാ​ക്കി​ക്കാ​ണി​ക്കു​ക​യും അതുവഴി യഥാർത്ഥ​ത്തിൽ ലഭിക്കാ​വു​ന്ന​തി​നേ​ക്കാൾ കൂടുതൽ സുഖാ​നു​ഭൂ​തി​യു​ടെ പ്രതീ​ക്ഷകൾ ഉണർത്തു​ക​യും ചെയ്യുന്നു. ഉദാഹ​ര​ണ​ത്തിന്‌ ഒരു യുവഭാ​ര്യ വിശദീ​ക​രി​ച്ചു: “ലൈം​ഗി​ക​ബന്ധം മുഴു​ലോ​ക​ത്തെ​യും പ്രകാ​ശ​മാ​ന​മാ​ക്കുന്ന ഒരു അത്ഭുത യന്ത്രമാ​യി​രി​ക്കാൻ ഞാൻ ആഗ്രഹി​ച്ചി​രു​ന്നു എന്നാണ്‌ എനിക്കു തോന്നു​ന്നത്‌. കുഴപ്പ​മൊ​ന്നു​മി​ല്ലാ​യി​രു​ന്നു, ‘എന്നാലും ഇതിലി​ത്രയേ ഉളേളാ? വാസ്‌ത​വ​ത്തിൽ ഇത്രമാ​ത്രമേ ഉളേളാ?’ എന്നു ഞാൻ വിചാ​രി​ച്ചു​കൊ​ണ്ടേ​യി​രു​ന്നു എന്നാണ്‌ ഞാൻ അർത്ഥമാ​ക്കു​ന്നത്‌.”

⁶ ചെറു​പ്രാ​യ​ത്തി​ലു​ളള നിങ്ങൾ വിവാ​ഹി​ത​ര​ല്ലാ​യി​രു​ന്നേ​ക്കാ​മെങ്കി​ലും ഈ യുവ ഭാര്യ​യു​ടെ പ്രശ്‌നം നിങ്ങൾക്കു മനസ്സി​ലാ​യോ? അവരുടെ മുഖ്യ ചിന്ത സ്വന്തം ലൈം​ഗിക സംതൃ​പ്‌തി​യാ​യി​രു​ന്നു.  അവൾക്കു സംതൃ​പ്‌തി ലഭിച്ച​തു​മില്ല. ഇതാണ്‌ പലേ സ്‌ത്രീ​ക​ളു​ടെ​യും പരാതി—അവരുടെ ഭർത്താ​ക്കൻമാർ അവർക്ക്‌ ലൈം​ഗി​ക​മാ​യി സംതൃ​പ്‌തി നൽകു​ന്നില്ല. അത്തര​മൊ​ര​വ​സ്ഥ​യിൽ ഒരു ഭാര്യക്ക്‌ എന്തു ചെയ്യാൻ കഴിയും? സഹായ​ക​മായ എന്തെങ്കി​ലും ബൈബി​ളിന്‌ പറയാ​നു​ണ്ടോ? അതു നൽകുന്ന വ്യക്തമായ പ്രോ​ത്സാ​ഹനം ശ്രദ്ധി​ക്കുക: “ഭർത്താവ്‌ ഭാര്യ​ക്കും ഭാര്യ ഭർത്താ​വി​നും കടം​പെ​ട്ടി​രി​ക്കു​ന്നതു ചെയ്യട്ടെ. പരസ്‌പര സമ്മത​ത്തോ​ടെ​യ​ല്ലാ​തെ അന്യോ​ന്യം അതു കൊടു​ക്കാ​തി​രി​ക്ക​രുത്‌.”—1 കൊരി​ന്ത്യർ 7:3, 5.

⁷ ബൈബി​ളി​ന്റെ ബുദ്ധി​യു​പ​ദേ​ശ​മ​നു​സ​രിച്ച്‌ നിങ്ങൾ വിവാ​ഹി​ത​രാ​കു​ന്നെ​ങ്കിൽ ആരെ സന്തോ​ഷി​പ്പി​ക്കു​ന്ന​തി​ലാ​യി​രി​ക്കണം മുഖ്യ ശ്രദ്ധ? മുൻ പ്രസ്‌താ​വിച്ച ഭാര്യ​യു​ടെ കാര്യ​ത്തി​ലെ​ന്ന​തു​പോ​ലെ നിങ്ങ​ളെ​ത്തന്നെ പ്രസാ​ദി​പ്പി​ക്കു​ന്ന​തി​ലാ​യി​രി​ക്ക​ണ​മോ മുഖ്യ ശ്രദ്ധ? അല്ല, നേരെ​മ​റിച്ച്‌, നിങ്ങളു​ടെ ഇണയെ. ഇവിടെ ബൈബി​ളി​ലെ അടിസ്ഥാ​ന​ത​ത്വം കൊടു​ക്ക​ലാണ്‌. ഉചിത​മാ​യും നിങ്ങളു​ടെ വിവാഹ ഇണയുടെ ക്ഷേമവും സന്തോ​ഷ​വു​മാ​യി​രി​ക്കണം നിങ്ങൾക്ക്‌ പരമ പ്രധാനം. ഇതു കൂടു​ത​ലായ മററു ബൈബിൾ തത്വങ്ങ​ളോട്‌ യോജി​പ്പി​ലാണ്‌: “ഓരോ​രു​ത്തൻ സ്വന്ത ഗുണമല്ല മററു​ള​ള​വന്റെ ഗുണം അന്വേ​ഷി​ക്കട്ടെ.” “സ്‌നേഹം . . . സ്വാർത്ഥം അന്വേ​ഷി​ക്കു​ന്നില്ല.”—1 കൊരി​ന്ത്യർ 10:24; 13:4, 5.

⁸ എന്നാൽ നിങ്ങൾ ചോദി​ച്ചേ​ക്കാം: “ഞാൻ വിവാഹം ചെയ്‌തു കഴിയു​മ്പോൾ എന്റെ ഭാര്യ​യെ​യോ ഭർത്താ​വി​നെ​യോ പ്രസാ​ദി​പ്പി​ക്കാൻ ശ്രമി​ക്കു​ന്ന​തു​കൊണ്ട്‌ എന്റെ സംതൃ​പ്‌തി വർദ്ധി​പ്പി​ക്കു​ന്ന​തെ​ങ്ങ​നെ​യാണ്‌?” കൊള​ളാം, ലൈം​ഗി​ക​സു​ഖം ഒരു വലിയ അളവു​വരെ മനസ്സി​നെ​യും ഹൃദയ​ത്തെ​യും ആശ്രയി​ച്ചാ​ണി​രി​ക്കു​ന്നത്‌. അപ്രകാ​രം ലൈം​ഗിക ബന്ധത്തെ ഭർത്താ​വി​നോ​ടു​ളള ആഴമായ സ്‌നേഹം പ്രകടി​പ്പി​ക്കാ​നു​ളള ഒരു അവസര​മാ​യി നിങ്ങൾ കാണു​ന്നു​വെ​ങ്കിൽ അതിന്റെ ഒരു അനുബന്ധ ഫലമായി നിങ്ങൾ മിക്ക​പ്പോ​ഴും ആ ബന്ധത്തെ കൂടു​ത​ലാ​യി ആസ്വദി​ക്കും. ഒരു ഭാര്യ സ്വന്തം വികാ​ര​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​ത്ത​പ്പോൾ അവരുടെ ശരീര​ത്തിന്‌ ആകമാനം ഒരു അയവ്‌ വരുന്നു. അതിന്റെ ഒരു സ്വാഭാ​വിക പരിണ​ത​ഫലം ലൈം​ഗിക ബന്ധത്തിൽ നിന്ന്‌ അവർ യഥാർത്ഥ​ത്തിൽ ആഗ്രഹി​ക്കുന്ന സുഖം അവർക്ക്‌ ലഭിക്കു​ന്നു എന്നതാണ്‌.

⁹ ലോകം കണ്ടിട്ടു​ള​ള​തി​ലേ​ക്കും വച്ച്‌ ഏററവും മഹാനായ ഗുരു, യേശു​ക്രി​സ്‌തു, കാണി​ച്ചു​ത​ന്നി​ട്ടു​ള​ളത്‌ ഒരുവൻ തന്നെത്തന്നെ കൊടു​ത്താൽ അതിന്റെ ഫലമായി അവനു​തന്നെ സംതൃ​പ്‌തി ലഭിക്കും എന്നാണ്‌. അദ്ദേഹം പറഞ്ഞു: “സ്വീക​രി​ക്കു​ന്ന​തി​ലു​ള​ള​തി​നേ​ക്കാൾ കൂടുതൽ സന്തോഷം കൊടു​ക്കു​ന്ന​തി​ലുണ്ട്‌.” വിവാഹ ജീവി​ത​ത്തി​ലെ ഏററവും ഉററബ​ന്ധത്തെ സംബന്ധിച്ച്‌ ഈ തത്വം സത്യമാ​ണെന്ന്‌ കൂടെ​ക്കൂ​ടെ തെളി​യി​ക്ക​പ്പെ​ട്ടി​ട്ടുണ്ട്‌.—പ്രവൃ​ത്തി​കൾ 20:35.

 ¹⁰ നിങ്ങൾ വിവാ​ഹി​ത​രാ​കു​മ്പോൾ ബൈബിൾ തത്വങ്ങൾ ബാധക​മാ​ക്കു​ന്നത്‌ നിങ്ങൾക്ക്‌ സംതൃ​പ്‌തി കൈവ​രു​ത്തു​വാൻ ഇടയാ​ക്കി​യേ​ക്കാ​വു​ന്ന​തിന്‌ മറെറാ​രു കാരണ​വും കൂടി​യുണ്ട്‌. അതു മറെറ​ന്തി​നേ​ക്കാ​ളും കൂടു​ത​ലാ​യി നിങ്ങളു​ടെ ആവശ്യ​ങ്ങൾക്കും ആഗ്രഹ​ങ്ങൾക്കും പരിഗണന നൽകി​ക്കൊണ്ട്‌ നിസ്വാർത്ഥ​മാ​യി നിങ്ങ​ളോട്‌ പെരു​മാ​റാൻ നിങ്ങളു​ടെ ഭർത്താ​വി​നെ പ്രേരി​പ്പി​ക്കും. അനേക​രു​ടെ കാര്യ​ത്തിൽ ഇങ്ങനെ സംഭവി​ച്ചി​ട്ടുണ്ട്‌. കൊടു​ക്കു​ന്ന​തിൽ മുൻകൈ എടുക്കു​ന്ന​യാ​ളു​കൾക്ക്‌ അതേ അളവിൽ തിരികെ കിട്ടുന്നു. അപ്രകാ​രം വിവാ​ഹ​ജീ​വി​ത​ത്തിൽ കടം​പെ​ട്ടി​രി​ക്കു​ന്നത്‌ കൊടു​ക്കു​ന്ന​തിൽ നിസ്വാർത്ഥ​ത​യും സ്‌നേ​ഹ​വും പ്രകടി​പ്പി​ക്കാൻ ബൈബിൾ പ്രേരി​പ്പി​ക്കു​ന്നു. ഇതു മനസ്സിൽ പിടി​ക്കുക. അപ്പോൾ നിങ്ങൾ വിവാ​ഹി​ത​രാ​കു​ന്നെ​ങ്കിൽ അതൊരു സന്തുഷ്ട​മായ ബന്ധത്തിനു സംഭാവന ചെയ്യും.

11-15. (എ) സ്‌നേ​ഹ​പൂർവ്വ​ക​മായ ശ്രദ്ധ ലഭിക്കു​ന്ന​തി​നു​ളള ഒരു ഭാര്യ​യു​ടെ ആവശ്യം സംബന്ധിച്ച്‌ ഒരു ഭാവി ഭർത്താവ്‌ എന്തു തിരി​ച്ച​റി​യണം? (ബി) ഇതു സംബന്ധിച്ച്‌ ഒരു ഭർത്താ​വി​ന്റെ ഉത്തരവാ​ദി​ത്വ​ത്തെ​ക്കു​റിച്ച്‌ ബൈബിൾ എന്തു പറയുന്നു?

¹¹ തങ്ങളുടെ ഭാര്യ​മാർക്ക്‌ ലൈം​ഗി​ക​ബ​ന്ധ​ത്തി​നു “ഒട്ടും തന്നെ താൽപ​ര്യ​മില്ല” എന്ന്‌ ചില ഭർത്താ​ക്കൻമാർ മിക്ക​പ്പോ​ഴും പരാതി​പ്പെ​ടു​ന്ന​താ​യി ഒരുപക്ഷേ നിങ്ങൾ കേട്ടി​ട്ടു​ണ്ടാ​യി​രി​ക്കാം. ഈ പ്രശ്‌ന​ത്തി​ന്റെ കാരണ​മെ​ന്തെന്ന്‌ നിങ്ങൾക്ക​റി​യാ​മോ? ബൈബിൾ പറയുന്നു: “ഭർത്താ​ക്കൻമാർ തങ്ങളുടെ ഭാര്യ​മാ​രെ സ്വന്തം ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്നവൻ തന്നെത്താൻ സ്‌നേ​ഹി​ക്കു​ന്നു, ആരും തന്റെ ജഡത്തെ ഒരുനാ​ളും പകച്ചി​ട്ടി​ല്ല​ല്ലോ; എന്നാൽ അതിനെ പോറ​റി​പ്പു​ലർത്തു​ക​യ​ത്രെ ചെയ്യു​ന്നത്‌.” (എഫേസ്യർ 5:28, 29) അതെ, ബൈബിൾ ഇവിടെ പറഞ്ഞി​രി​ക്കു​ന്ന​തിന്‌ ശ്രദ്ധ കൊടു​ക്കു​ന്ന​തി​ലു​ളള ഭർത്താ​ക്കൻമാ​രു​ടെ പരാജ​യ​മാണ്‌ അടിസ്ഥാന കാരണം.

¹² സ്‌ത്രീ​കൾ തങ്ങളുടെ ഭർത്താ​ക്കൻമാ​രാൽ സ്‌നേ​ഹി​ക്ക​പ്പെ​ടേ​ണ്ടത്‌ അത്യന്താ​പേ​ക്ഷി​ത​മാ​ണോ? തീർച്ച​യാ​യും അതെ. വിവാ​ഹോ​പ​ദേ​ഷ്ടാ​ക്കൾ മിക്ക​പ്പോ​ഴും ഈ വസ്‌തുത ഊന്നി​പ്പ​റ​യു​ന്നു. അതൊ​ര​ടി​സ്ഥാന തത്വമാണ്‌: ഭാര്യ​മാർ യഥാർത്ഥ​ത്തിൽ സന്തുഷ്ട​രാ​യി​രി​ക്കു​ന്ന​തിന്‌ അവർ സ്‌നേ​ഹി​ക്ക​പ്പെ​ടു​ന്നുണ്ട്‌ എന്ന വിചാരം അവർക്കു​ണ്ടാ​യി​രി​ക്കണം. അപ്പോൾ നിങ്ങൾ വിവാ​ഹി​ത​രാ​കു​ന്നെ​ങ്കിൽ ഊഷ്‌മ​ള​മായ ഉററബ​ന്ധ​ത്തി​ന്റെ താക്കോൽ സ്‌നേ​ഹി​ക്ക​പ്പെ​ടാ​നു​ളള ഭാര്യ​യു​ടെ ഈ ആവശ്യം സാധി​ച്ചു​കൊ​ടു​ക്കു​ക​യാണ്‌ എന്ന്‌ ഓർമ്മി​ക്കുക. ബൈബിൾ ഭർത്താ​ക്കൻമാ​രെ പ്രോ​ത്സാ​ഹി​പ്പി​ക്കു​ന്നു: “ഓരോ​രു​ത്തൻ താന്താന്റെ ഭാര്യയെ തന്നെ​പ്പോ​ലെ​തന്നെ സ്‌നേ​ഹി​ക്കണം.”—എഫേസ്യർ 5:33.

 ¹³ എന്നാൽ ഭൗതി​ക​മാ​യി നിങ്ങളു​ടെ ഭാര്യക്ക്‌ വേണ്ട​തെ​ല്ലാം നൽകു​ന്നത്‌ നിങ്ങളു​ടെ സ്‌നേ​ഹ​ത്തി​ന്റെ മതിയായ തെളി​വാണ്‌ എന്ന്‌ നിങ്ങൾ വിചാ​രി​ച്ചേ​ക്കാം. എന്നാൽ നിങ്ങളു​ടെ സ്‌നേഹം പ്രകടി​പ്പി​ക്കു​ന്നി​ല്ലെ​ങ്കിൽ അതിന്‌ അവളുടെ മേലുളള ഫലമെ​ന്താ​യി​രി​ക്കും? ഒരു ഭാര്യ​യിൽ നിന്നു​മു​ളള പിൻവ​രുന്ന കത്ത്‌ അതു സംബന്ധിച്ച്‌ അല്‌പം ധാരണ നിങ്ങൾക്ക്‌ നൽകി​യേ​ക്കാം. അവൾ എഴുതി: “ഇതാ​ണെന്റെ പ്രശ്‌നം: അൽപം മധുര​മായ സംഭാ​ഷ​ണ​ത്തി​നു​വേണ്ടി, ഒരു അഭിനന്ദന വാക്കി​നു​വേണ്ടി; ഞാൻ ഭക്ഷണം പാചകം ചെയ്യു​ന്ന​തി​നി​ട​യിൽ അദ്ദേഹം കൈ​കൊ​ണ്ടെന്നെ ഒന്നു ചുററി​പ്പി​ടി​ക്കാൻ വേണ്ടി അല്ലെങ്കിൽ അദ്ദേഹ​ത്തി​ന്റെ മടിയി​ലൊ​ന്നി​രി​ക്കാൻ വേണ്ടി ഞാൻ എത്ര തീവ്ര​മാ​യി ആഗ്രഹി​ക്കു​ന്നെ​ന്നോ! സ്‌നേ​ഹ​പൂർവ്വം എന്നെ ഒന്നു പുണരു​ന്ന​തി​നു പകരമാ​യി എനിക്കു​ളള സകല ഭൗതിക സ്വത്തു​ക്ക​ളും കൊടു​ക്കാൻ ഞാൻ തയ്യാറാ​കു​മാ​യി​രു​ന്നു.”

 ¹⁴ അതെ, ഭാര്യ​മാ​രോട്‌ സ്‌നേഹം പ്രകട​മാ​ക്കേ​ണ്ട​തുണ്ട്‌. സ്‌നേഹം ലഭിക്കു​മ്പോൾ അവർ വിടരു​ന്നു. അവർ കൂടുതൽ സന്തുഷ്ട​രും ശാരീ​രി​ക​മാ​യി കൂടുതൽ ആകർഷ​ണീ​യ​ത​യു​ള​ള​വ​രു​മാ​യി​ത്തീ​രു​ന്നു. ഇത്തരത്തിൽ സ്‌നേ​ഹി​ക്ക​പ്പെ​ടു​വാ​നു​ളള ഒരാവ​ശ്യ​ത്തോ​ടെ​യാണ്‌ അവർ സൃഷ്ടി​ക്ക​പ്പെ​ട്ടി​രി​ക്കു​ന്നത്‌. അതു​കൊ​ണ്ടാണ്‌ ഭർത്താ​ക്കൻമാർ അവരുടെ ഭാര്യ​മാ​രെ സ്‌നേ​ഹി​ക്കാൻ ദൈവം പ്രോ​ത്സാ​ഹി​പ്പി​ക്കു​ന്നത്‌. ഇന്ന്‌ അനേക​രു​ടെ വിവാ​ഹ​ജീ​വി​ത​ത്തിൽ കാണ​പ്പെ​ടുന്ന അസന്തു​ഷ്ടി​യു​ടെ മുഖ്യ​കാ​രണം ഈ ബുദ്ധി​യു​പ​ദേ​ശ​ത്തിന്‌ ശ്രദ്ധ കൊടു​ക്കു​ന്ന​തി​ലു​ളള പരാജ​യ​മാണ്‌. അതെന്തു​കൊ​ണ്ടാണ്‌?

¹⁵ കാരണം ഭർത്താ​വി​ന്റെ ആർദ്ര​ത​യും സ്‌നേ​ഹ​വും ലഭിക്കാത്ത ഒരു ഭാര്യ​യ്‌ക്ക്‌ ഒരു അരക്ഷി​ത​ബോ​ധ​വും തന്റെ സ്‌​ത്രൈണ ഗുണങ്ങൾ സംബന്ധിച്ച്‌ ആത്മവി​ശ്വാ​സ​മി​ല്ലാ​യ്‌മ​യും തോന്നാ​നി​ട​യാ​യേ​ക്കാം. തന്നെ അവഗണി​ച്ചി​രി​ക്കു​ന്ന​തിൽ ഭർത്താ​വി​നോട്‌ പകരം വീട്ടാൻ ഉപബോധ മനസ്സിൽ ഒരാ​ഗ്രഹം സഹിതം അയാ​ളോട്‌ ഒരു വിരോ​ധം പോലും വികാസം പ്രാപി​ച്ചേ​ക്കാം.

16-18. (എ) തങ്ങളോട്‌ പെരു​മാ​റാൻ സ്‌ത്രീ​കൾ ആഗ്രഹി​ക്കുന്ന വിധം സംബന്ധിച്ച്‌ ചില പുരു​ഷൻമാർക്ക്‌ എന്തു തെററി​ദ്ധാ​ര​ണ​യാ​ണു​ള​ളത്‌? (ബി) 1 പത്രോസ്‌ 3:7-ലെ ബുദ്ധി​യു​പ​ദേ​ശ​ത്തി​ന്റെ അർത്ഥ​മെ​ന്താണ്‌?

¹⁶ എന്നാൽ നിങ്ങൾ വിവാഹം കഴിക്കുന്ന സ്‌ത്രീ​യോട്‌ ആദര​വോ​ടെ​യും സ്‌നേ​ഹ​ത്തോ​ടെ​യും പെരു​മാ​റു​ന്നത്‌ പുരു​ഷ​ത്വ​ത്തിന്‌ യോജി​ച്ചതല്ല എന്ന്‌ നിങ്ങൾ വിചാ​രി​ച്ചേ​ക്കാം. പരുക്കൻ രീതി​യിൽ അവരോട്‌ ഇടപെ​ടു​ന്നത്‌ സ്‌ത്രീ​കൾ വാസ്‌ത​വ​ത്തിൽ ഇഷ്ടപ്പെ​ടു​ന്നു എന്നു​പോ​ലും നിങ്ങൾ കേട്ടി​ട്ടു​ണ്ടാ​യി​രി​ക്കാം. എന്നാൽ ഇതു വാസ്‌ത​വമല്ല. ക്രൂര​നും അധികാ​ര​പൂർവ്വം പിടിച്ചു പററു​ന്ന​വ​നു​മായ ഒരു പുരു​ഷ​നോ​ടല്ല ദയയും പരിഗ​ണ​ന​യു​മു​ള​ള​യാ​ളോട്‌ പ്രതി​ക​രി​ക്കാൻ തക്കവണ്ണ​മാണ്‌ സ്‌ത്രീ ദൈവ​ത്താൽ സൃഷ്ടി​ക്ക​പ്പെ​ട്ടി​രി​ക്കു​ന്നത്‌ എന്ന കാര്യം വിലമ​തി​ക്കു​ന്ന​തിൽ ഒരു ഭർത്താവ്‌ പരാജ​യ​പ്പെ​ടു​ന്നെ​ങ്കിൽ അതു ഭാര്യക്ക്‌ ലൈം​ഗിക ബന്ധം വാസ്‌ത​വ​ത്തിൽ അസംതൃ​പ്‌ത​വും അസുഖ​ക​ര​വു​മോ പോലും ആക്കിത്തീർത്തേ​ക്കാം.

¹⁷ തെററായ അനേകം ആശയങ്ങളെ അഭിമു​ഖീ​ക​രി​ക്കുന്ന ഭർത്താ​ക്കൻമാർക്ക്‌ തങ്ങളുടെ ഭാര്യ​മാ​രെ സ്‌നേ​ഹി​ക്കേ​ണ്ട​തെ​ങ്ങ​നെ​യെ​ന്നത്‌ സംബന്ധിച്ച്‌ മാർഗ്ഗ​നിർദ്ദേശം ആവശ്യ​മാ​ണെന്ന്‌ സ്രഷ്ടാവ്‌ തിരി​ച്ച​റി​ഞ്ഞു. അതു​കൊ​ണ്ടാണ്‌ തങ്ങളുടെ ഭാര്യ​മാർക്ക്‌ സ്‌നേ​ഹ​വും പരിഗ​ണ​ന​യും കൊടു​ക്കാൻ ഇപ്രകാ​രം പറഞ്ഞു​കൊണ്ട്‌ അവൻ പ്രോ​ത്സാ​ഹി​പ്പി​ക്കു​ന്നത്‌: “നിങ്ങളും ഭർത്താ​ക്കൻമാ​രെ, സ്‌ത്രീ​ജനം ബലഹീ​ന​പാ​ത്രം  എന്ന അറിവിന്‌ ഒത്തവണ്ണം [നിങ്ങളു​ടെ ഭാര്യ​മാ​രോ​ടു​കൂ​ടി] വസിച്ച്‌ അവർക്ക്‌ ബഹുമാ​നം കൊടു​പ്പിൻ.”—1 പത്രോസ്‌ 3:7.

¹⁸ ലൈം​ഗിക ബന്ധത്തിന്റെ കാര്യ​ത്തിൽ ഒരു ഭർത്താവ്‌ ഈ ബുദ്ധി​യു​പ​ദേ​ശ​ത്തിന്‌ ശ്രദ്ധ കൊടു​ക്കു​ന്നത്‌ വിശേ​ഷാൽ പ്രധാ​ന​മാണ്‌. ദൈവം സ്‌ത്രീ​യെ എങ്ങനെ സൃഷ്ടി​ച്ചു​വെന്ന അറിവിന്‌ ഒത്തവണ്ണം അയാൾ പ്രവർത്തി​ക്കണം. കായി​ക​മാ​യി സ്‌ത്രീ​കൾ പുരു​ഷൻമാ​രോ​ടൊ​പ്പം ബലമു​ള​ള​വരല്ല. വൈകാ​രി​ക​മാ​യി അവർ സാധാ​ര​ണ​യാ​യി ദുർബ​ല​രും എളുപ്പം വികാ​ര​ങ്ങൾക്ക്‌ അടിമ​പ്പെ​ടു​ന്ന​വ​രു​മാണ്‌. അതു​കൊണ്ട്‌ ഒരു ബലഹീ​ന​പാ​ത്ര​ത്തി​നെ​ന്ന​വണ്ണം ഭാര്യ​മാർക്ക്‌ ബഹുമാ​നം കൊടു​ക്കാൻ, അവരുടെ വൈകാ​രിക ഘടനയും പോരാ​യ്‌മ​ക​ളും ഏററക്കു​റ​ച്ചി​ലു​ക​ളും കണക്കി​ലെ​ടു​ക്കാൻ, ദൈവം ഭർത്താ​ക്കൻമാ​രോ​ടു ആവശ്യ​പ്പെ​ടു​ന്നു.

മററു പ്രശ്‌നങ്ങൾ പരിഹ​രി​ക്കൽ

19. ഭാര്യ​യും ഭർത്താ​വും സന്തുഷ്ട​രാ​യി​രി​ക്കു​ന്ന​തിന്‌ ഒരു സ്‌ത്രീ​യു​ടെ ഘടനയി​ലെ മറെറ​ന്തും​കൂ​ടി ഒരു പുരുഷൻ കണക്കി​ലെ​ടു​ക്കേ​ണ്ട​തുണ്ട്‌? (കൊ​ലോ​സ്യർ 3:12-14)

¹⁹ വാസ്‌ത​വ​ത്തിൽ ലൈം​ഗി​കത വിവാഹ ജീവി​ത​ത്തി​ന്റെ ഒരു ചെറിയ ഭാഗം മാത്ര​മാണ്‌. ദൈവ​ത്തിൽ നിന്നുളള മാർഗ്ഗ​നിർദ്ദേശം വിവാഹ ജീവി​ത​ത്തി​ന്റെ എല്ലാ വശങ്ങളി​ലു​മാണ്‌ ബാധക​മാ​ക്കേ​ണ്ടത്‌. നിങ്ങൾ വിവാ​ഹി​ത​നാ​കു​മ്പോൾ നിങ്ങളു​ടെ ഭാര്യ​യു​ടെ ആർത്തവ​ച​ക്രം ശാരീ​രി​ക​മാ​യും മാനസി​ക​മാ​യും വൈകാ​രി​ക​മാ​യും അവരെ ചില​പ്പോൾ പ്രതി​കൂ​ല​മാ​യി ബാധി​ച്ചേ​ക്കാം എന്ന്‌ തിരി​ച്ച​റി​യേണ്ട ആവശ്യ​മുണ്ട്‌. അപ്പോൾ അവർ സാധാ​ര​ണ​യ​ല്ലാത്ത രീതി​യിൽ സംസാ​രി​ക്കു​ക​യും പ്രവർത്തി​ക്കു​ക​യും ചെയ്‌തേ​ക്കാം. അവർ ചില സന്ദർഭ​ങ്ങ​ളിൽ മൂർച്ച​യേ​റിയ പദങ്ങൾ ഉപയോ​ഗി​ക്കു​ക​യോ അവി​വേ​ക​മാ​യി പെരു​മാ​റു​ക​യോ ചെയ്‌താൽ നിങ്ങൾ ഈ വസ്‌തുത കണക്കി​ലെ​ടു​ക്കു​ക​യും അധികം വികാ​ര​ഭ​രി​ത​നാ​കാ​തെ ദയാപൂർവ്വം അവരോട്‌ പെരു​മാ​റു​ക​യും ചെയ്യേ​ണ്ട​തുണ്ട്‌.

20-24. (എ) വിവാ​ഹ​ജീ​വി​ത​ത്തിൽ ഏതു ധർമ്മത്തിന്‌ യോജിച്ച ഗുണങ്ങ​ളോ​ടു​കൂ​ടി​യാണ്‌ ദൈവം സ്‌ത്രീ​യെ സൃഷ്ടി​ച്ചത്‌? (ബി) തന്റെ ഭർത്താ​വി​ന്റെ ശിരഃ​സ്ഥാ​നത്തെ യഥാർത്ഥ​മാ​യി മാനി​ക്കു​ന്നു​വെന്ന്‌ ഒരു ഭാര്യക്ക്‌ എങ്ങനെ പ്രകട​മാ​ക്കാൻ കഴിയും? (സി) കുടും​ബ​ത്തി​ന്റെ സ്‌നേ​ഹ​മു​ളള ഒരു ശിരസ്സാ​യി​രി​ക്കു​ന്ന​തിന്‌ ഒരു ഭർത്താ​വി​ന്റെ ഭാഗത്ത്‌ എന്താവ​ശ്യ​മാണ്‌?

²⁰ എന്നാൽ ഇതിലു​മ​ധി​കം ഉൾപ്പെ​ട്ടി​രി​ക്കു​ന്നു. വിജയ​ക​ര​മായ വിവാ​ഹ​ജീ​വി​ത​ത്തിന്‌ സഹകര​ണ​വും ആശയവി​നി​മ​യ​വും അത്യാ​വ​ശ്യ​മാണ്‌. അതു സമ്പാദി​ക്കു​ന്ന​തിന്‌ ദൈവ​വ​ച​ന​ത്തി​ന്റെ ഗ്രാഹ്യം നിങ്ങളെ സഹായി​ക്കും. പുരു​ഷ​ന്റെ​യും സ്‌ത്രീ​യു​ടെ​യും ബന്ധം ഇരുവ​രു​ടെ​യും സന്തോ​ഷ​ത്തിന്‌  സംഭാവന ചെയ്യേ​ണ്ട​തിന്‌ അവർ കുറെ​യൊ​ക്കെ വ്യത്യ​സ്‌ത​ങ്ങ​ളായ ഗുണങ്ങ​ളോ​ടും ഉത്തരവാ​ദി​ത്വ​ങ്ങ​ളോ​ടും കൂടി​യാണ്‌ സൃഷ്ടി​ക്ക​പ്പെ​ട്ടത്‌ എന്ന്‌ ദൈവ​വ​ചനം കാണി​ച്ചു​ത​രു​ന്നു. പുരു​ഷനെ നിർമ്മി​ച്ച​തി​നു ശേഷം സ്രഷ്ടാവ്‌ പറഞ്ഞു: “അവനൊ​രു പൂരക​മാ​യി​രി​ക്കാൻ തക്കവണ്ണം ഞാൻ അവനൊ​രു സഹായി​യെ ഉണ്ടാക്കി​ക്കൊ​ടു​ക്കും.”—ഉല്‌പത്തി 2:18.

²¹ അവർ രണ്ടു പേരും തങ്ങളുടെ ഗുണങ്ങൾ ഒരു സന്തുലി​താ​വ​സ്ഥ​യിൽ നിർത്താൻ തക്കവണ്ണം പരസ്‌പര പൂരക​ങ്ങ​ളാ​യി​രി​ക്കാ​നും ഇരുവ​രും ഒരുമിച്ച്‌ മുന്നോ​ട്ടു പോകു​വാ​നു​മാണ്‌ സൃഷ്ടി​ക്ക​പ്പെ​ട്ടത്‌. ഓരോ​രു​ത്ത​രും മറേറ​യാ​ളിന്‌ നികത്താൻ കഴിയുന്ന ഒരു ആവശ്യം സഹിത​മാണ്‌ സൃഷ്ടി​ക്ക​പ്പെ​ട്ടത്‌. അപ്രകാ​രം പുരു​ഷന്‌ ഒരു സഹായി​യാ​യി​രി​ക്കാ​നാണ്‌ സ്‌ത്രീ സൃഷ്ടി​ക്ക​പ്പെ​ട്ടത്‌. അവളുടെ ആ ധർമ്മ​ത്തോ​ടു​ളള ബന്ധത്തിൽ ബൈബിൾ പ്രോ​ത്സാ​ഹി​പ്പി​ക്കു​ന്നു: “ഭാര്യ​മാ​രെ . . . ഭർത്താ​ക്കൻമാർക്ക്‌ കീഴട​ങ്ങു​വിൻ. . . . എന്തു​കൊ​ണ്ടെ​ന്നാൽ ഭർത്താവ്‌ ഭാര്യക്ക്‌ തലയാ​കു​ന്നു.” ബൈബിൾ ഇങ്ങനെ​യും കൂടി പറയുന്നു: “ഭാര്യക്കു ഭർത്താ​വി​നോട്‌ ആഴമായ ബഹുമാ​നം ഉണ്ടായി​രി​ക്കണം.” (എഫേസ്യർ 5:22, 23, 33) ഇതു വളരെ പ്രാ​യോ​ഗി​ക​മാണ്‌. കാരണം കുടും​ബ​ത്തിൽ തന്റെ ഭാര്യ​യു​ടെ ആദരവ്‌ ലഭിക്കുന്ന ഒരു ശിരസ്സി​ല്ലെ​ങ്കിൽ സാധാ​ര​ണ​യാ​യി കലഹവും കുഴപ്പ​വും ഉണ്ടായി​രി​ക്കും.

²² ഇന്ന്‌ സ്‌ത്രീ​ക​ളു​ടെ ഭാഗത്ത്‌ അക്രമ​പ്ര​വർത്ത​ന​ങ്ങ​ളും പുരു​ഷൻമാർക്കെ​തി​രെ​യു​ളള മത്സരവും സർവ്വസാ​ധാ​ര​ണ​മാ​യി​രി​ക്കു​ന്നു. ഈ സ്വഭാ​വ​വി​ശേ​ഷങ്ങൾ കുടുംബ പ്രശ്‌ന​ങ്ങ​ളു​ടെ ഒരു ഉറവാണ്‌ എന്ന്‌ വിവാഹ ഉപദേ​ഷ്ടാ​ക്കൾ ചൂണ്ടി​ക്കാ​ണി​ച്ചി​രി​ക്കു​ന്നു.  അതു​കൊണ്ട്‌ നിങ്ങൾ വിവാ​ഹി​ത​രാ​കു​മ്പോൾ ബൈബി​ളി​ന്റെ ബുദ്ധി​യു​പ​ദേ​ശങ്ങൾ ബാധക​മാ​ക്കു​ന്നെ​ങ്കിൽ അതു ജ്ഞാനപൂർവ്വ​ക​മായ നടപടി​യാ​യി​രി​ക്കും. താൻ ചെയ്യേണ്ട രീതി​യിൽ നേതൃ​ത്വ​മെ​ടു​ക്കു​ന്ന​തിൽ നിങ്ങളു​ടെ ഭർത്താവ്‌ പരാജ​യ​പ്പെ​ടു​ന്നെ​ങ്കിൽ നിങ്ങ​ളോ​ടു തന്നെ ഇപ്രകാ​രം ചോദി​ക്കാൻ നിങ്ങൾ ആഗ്രഹി​ക്കും: കുടും​ബ​ത്തി​ലെ തന്റെ ഉചിത​മായ ധർമ്മം നിർവ്വ​ഹി​ക്കു​ന്ന​തിന്‌ അദ്ദേഹത്തെ പ്രോ​ത്സാ​ഹി​പ്പി​ക്കാൻ എനിക്ക്‌ ഇനിയും എന്തെങ്കി​ലും ചെയ്യാൻ കഴിയു​മോ? ഞാൻ അദ്ദേഹ​ത്തോട്‌ അഭി​പ്രാ​യ​വും മാർഗ്ഗ​നിർദ്ദേ​ശ​വും ആരായാ​റു​ണ്ടോ? അദ്ദേഹം നേതൃ​ത്വ​മെ​ടു​ക്കാൻ ഞാൻ പ്രതീ​ക്ഷി​ക്കു​ന്നു എന്ന്‌ ഞാൻ പ്രകട​മാ​ക്കാ​റു​ണ്ടോ? അദ്ദേഹം ചെയ്യുന്ന കാര്യ​ങ്ങളെ നിസ്സാ​രീ​ക​രി​ക്കാ​തി​രി​ക്കാൻ ഞാൻ സൂക്ഷി​ക്കു​ന്നു​ണ്ടോ? തീരു​മാ​ന​മെ​ടു​ക്കു​ന്ന​തി​നോ കുടും​ബ​കാ​ര്യ​ങ്ങ​ളിൽ നേതൃ​ത്വം വഹിക്കു​ന്ന​തി​നോ ചെറിയ വിധങ്ങ​ളിൽ അദ്ദേഹം മനസ്സൊ​രു​ക്കം കാണി​ക്കു​മ്പോൾ ഞാൻ അതിൽ വിലമ​തിപ്പ്‌ കാണി​ക്കാ​റു​ണ്ടോ?

²³ എന്നാൽ പുരുഷൻ വിശേ​ഷി​ച്ചും ബൈബിൾ ബുദ്ധി​യു​പ​ദേശം ബാധക​മാ​ക്കുക വഴി വിവാഹം വിജയ​ക​ര​മാ​ക്കി​ത്തീർക്കാ​വുന്ന ഒരവസ്ഥ​യി​ലാണ്‌. നിങ്ങൾ വിവാ​ഹി​ത​നാ​കു​ന്നെ​ങ്കിൽ അതു മനസ്സിൽ പിടി​ക്കുക. നിങ്ങൾ അപ്പോൾ ഭർത്താ​വെ​ന്ന​നി​ല​യിൽ കുടും​ബ​ത്തി​ന്റെ ശിരസ്സാ​ണെ​ങ്കി​ലും അതു നിങ്ങളെ ഒരു ഏകാധി​പ​തി​യാ​ക്കു​ന്നില്ല. ഇല്ല, കാരണം ദൈവ​വ​ചനം ഭർത്താ​ക്കൻമാ​രോട്‌, “ക്രിസ്‌തു​വും [ക്രിസ്‌തീയ] സഭയെ സ്‌നേ​ഹി​ക്ക​യും അവൾക്കു​വേണ്ടി തന്നെത്താൻ ഏൽപിച്ചു കൊടു​ക്കു​ക​യും ചെയ്‌ത​തു​പോ​ലെ” അവരും തങ്ങളുടെ ഭാര്യ​മാ​രെ സ്‌നേ​ഹി​ക്കണം എന്ന്‌ കല്‌പി​ക്കു​ന്നു. (എഫേസ്യർ 5:25) അതു​കൊണ്ട്‌ ബൈബിൾ ബുദ്ധി​യു​പ​ദേ​ശങ്ങൾ അനുസ​രിച്ച്‌ നിങ്ങളും സ്‌നേ​ഹ​പൂർവ്വ​വും മനസ്സാ​ലെ​യും നിങ്ങൾ വിവാഹം ചെയ്യുന്ന സ്‌ത്രീ​ക്കു​വേണ്ടി ത്യാഗങ്ങൾ സഹിക്കും. ഗൗരവ​മായ എന്തെങ്കി​ലും കുഴപ്പ​ങ്ങ​ളി​ല്ലാത്ത കാര്യ​ങ്ങ​ളിൽ നിങ്ങളു​ടെ ഭാര്യ​യു​ടെ അഭി​പ്രാ​യ​ങ്ങ​ളും ഇഷ്ടാനി​ഷ്ട​ങ്ങ​ളും പരിഗ​ണി​ക്കു​ക​യും അവയ്‌ക്ക്‌ മുൻതൂ​ക്കം കൊടു​ക്കു​ക​യും ചെയ്യു​ന്നത്‌ നന്നായി​രി​ക്കും. അതുവഴി അവൾക്ക്‌ ബൈബിൾ ആവശ്യ​പ്പെ​ടുന്ന രീതി​യി​ലു​ളള സ്‌നേ​ഹ​വും ബഹുമാ​ന​വും കൊടു​ക്കും.

²⁴ അപ്രകാ​രം നിങ്ങൾ വിവാ​ഹി​ത​രാ​കുന്ന കാലം വരു​മ്പോൾ ദൈവ​ത്തി​ന്റെ ബുദ്ധി​യു​പ​ദേ​ശ​ത്തിന്‌ ശ്രദ്ധ കൊടു​ക്കു​ന്ന​തി​നാൽ വിവാ​ഹ​ജീ​വി​ത​ത്തിൽ നിങ്ങൾക്ക്‌ പരസ്‌പ​ര​യോ​ജി​പ്പും സമാധാ​ന​വും ആസ്വദി​ക്കാൻ കഴിയും. നിങ്ങളു​ടെ വിവാ​ഹ​ജീ​വി​തം മഹത്തായ ഈ ക്രമീ​ക​ര​ണ​ത്തി​ലൂ​ടെ നമ്മുടെ സ്രഷ്ടാവ്‌ മനുഷ്യ​വർഗ്ഗ​ത്തിന്‌ കൈവ​രു​ത്താ​നു​ദ്ദേ​ശിച്ച സംതൃ​പ്‌തി​യു​ടെ ആസ്വാ​ദ​ന​ത്തി​നി​ട​യാ​ക്കുന്ന ഒരു യഥാർത്ഥ വിജയ​മാ​യി​രി​ക്കും.

[അധ്യയന ചോദ്യ​ങ്ങൾ]

[161-ാം പേജിലെ ചിത്രം]

സന്തുഷ്‌ടയായിരിക്കുന്നതിന്‌ താൻ സ്‌നേ​ഹി​ക്ക​പ്പെ​ടു​ന്നു എന്ന്‌ ഒരു ഭാര്യ തിരി​ച്ച​റി​യേ​ണ്ട​തുണ്ട്‌

[164-ാം പേജിലെ ചിത്രം]

നിങ്ങളുടെ ഇണ സംസാ​രി​ക്കു​മ്പോൾ ശ്രദ്ധ​കൊ​ടു​ക്കു​ന്നത്‌ സന്തുഷ്‌ട വിവാ​ഹ​ജീ​വി​ത​ത്തിന്‌ ജീവൽ പ്രധാ​ന​മാണ്‌