അധ്യായം 5

സ്വയം​ഭോ​ഗ​വും സ്വവർഗ്ഗ​സം​ഭോ​ഗ​വും

1-4. (എ) സ്വയം​ഭോ​ഗം എന്നാ​ലെന്ത്‌? (ബി) ഒരു പ്രവൃത്തി സർവ്വസാ​ധാ​ര​ണ​മാണ്‌ എന്ന വസ്‌തുത അതിനെ അവശ്യം ശരിയാ​ക്കി​ത്തീർക്കാ​ത്തത്‌ എന്തു​കൊണ്ട്‌? (സി) ഈ കാര്യം സംബന്ധിച്ച ദൈവിക വീക്ഷണ​ത്തിൽ നാം തല്‌പ​ര​രാ​യി​രി​ക്കേ​ണ്ട​തെ​ന്തു​കൊണ്ട്‌?

 ആൺകു​ട്ടി​കൾ കുഞ്ഞു​ങ്ങ​ളു​ടെ പിതാ​വാ​യി​രി​ക്കാൻ തക്കവണ്ണ​വും പെൺകു​ട്ടി​കൾ ജൻമം നൽകാൻ തക്കവണ്ണ​വും താരു​ണ്യ​ത്തിൽ അവരുടെ ശരീരം വളരു​ന്നത്‌ ആശ്ചര്യ​ക​ര​മല്ലേ? ശാരീ​രി​ക​മായ ഈ രൂപാ​ന്ത​ര​ത്തോ​ടൊ​പ്പം തന്നെ സാധാ​ര​ണ​യാ​യി എതിർലിം​ഗ വർഗ്ഗത്തിൽപ്പെ​ട്ട​വ​രോ​ടു​ളള നിങ്ങളു​ടെ മനോ​ഭാ​വ​ത്തി​നും മാററം സംഭവി​ക്കു​ന്നു. ഒരു ആകർഷണം വളർന്നു​വ​രു​ന്നു. ആൺകു​ട്ടി​കൾക്ക്‌ പെൺകു​ട്ടി​ക​ളി​ലും പെൺകു​ട്ടി​കൾക്ക്‌ ആൺകു​ട്ടി​ക​ളി​ലും തീവ്ര​മായ താല്‌പ​ര്യം വികാസം പ്രാപി​ക്കു​ന്നു. എന്നാൽ അതേസ​മയം ത്വരി​ത​ഗ​തി​യിൽ മാററ​ങ്ങൾക്ക്‌ വിധേ​യ​മാ​യി​ക്കൊ​ണ്ടി​രി​ക്കുന്ന നിങ്ങളു​ടെ ശരീരത്തെ സംബന്ധിച്ച്‌ നിങ്ങൾക്ക്‌ ഒരുതരം ആശ്ചര്യ​വും ജിജ്ഞാ​സ​യും ഉണ്ടാ​യേ​ക്കാം. ഈ  ജിജ്ഞാ​സയെ എങ്ങനെ തൃപ്‌തി​പ്പെ​ടു​ത്തണം? നിങ്ങളു​ടെ ലൈം​ഗി​കാ​വ​യ​വ​ങ്ങൾകൊണ്ട്‌ പരീക്ഷണം നടത്തണ​മോ? ഏതെങ്കി​ലും തരത്തിൽ തിരുമ്മി ഉത്തേജി​പ്പി​ക്കു​ക​യും അതു മൂർദ്ധ​ന്യ​ത്തി​ലെ​ത്തി​ക്കു​ക​യും ചെയ്യു​ന്ന​തിൽ എന്തെങ്കി​ലും തെററു​ണ്ടോ?

² ഈ പ്രവൃ​ത്തി​യെ​യാണ്‌ സ്വയം​ഭോ​ഗം എന്നു വിളി​ക്കു​ന്നത്‌. ഇതു വളരെ സാധാ​ര​ണ​മാണ്‌. ഈ വിഷയം സംബന്ധിച്ച്‌ ഒരു പ്രാമാ​ണി​കൻ പറയുന്നു: “നമുക്ക്‌ ലഭ്യമായ കാര്യ​ഗൗ​ര​വ​മു​ളള എല്ലാ സ്ഥിതി​വി​വര കണക്കു​ക​ളും കാണി​ക്കു​ന്നത്‌ . . . പതിമൂ​ന്നി​നും ഇരുപ​ത്തി​യ​ഞ്ചി​നും ഇടയ്‌ക്കു പ്രായ​മു​ളള കുട്ടി​ക​ളി​ലും യുവാ​ക്ക​ളി​ലും തൊണ്ണൂ​റ​റി​യഞ്ചു ശതമാനം പേരും സ്വയം​ഭോ​ഗം ഒരു ശീലമാ​ക്കുന്ന, വ്യത്യസ്‌ത ദൈർഘ്യ​മു​ളള, ഒരു കാലഘ​ട്ട​ത്തി​ലൂ​ടെ കടന്നു​പോ​കു​ന്നു”വെന്നാണ്‌. പെൺകു​ട്ടി​ക​ളെ​പ്പ​ററി അദ്ദേഹം​തന്നെ പറയു​ന്നത്‌ “നാല്‌പതു മുതൽ അൻപതു​വരെ ശതമാനം പേർ സ്വയം​ഭോ​ഗ​ത്തി​ലേർപ്പെ​ടു​ന്നു” എന്നാണ്‌. ചിലരു​ടെ അഭി​പ്രാ​യം അനുസ​രിച്ച്‌ ഈ കണക്കുകൾ കാണി​ക്കു​ന്നത്‌, സ്വയം​ഭോ​ഗം “സാധാ​ര​ണ​ഗ​തി​യി​ലു​ള​ള​താണ്‌” എന്നും “ആരോ​ഗ്യ​മു​ളള ഒരു യുവാ​വിൽ ഇതിന്റെ അഭാവ​മാണ്‌ ആശങ്കയ്‌ക്കു ഇടയാ​ക്കു​ന്നത്‌” എന്നുമാണ്‌.

³ ആകട്ടെ, നിങ്ങൾ എന്തു വിചാ​രി​ക്കു​ന്നു? ഇന്നു ലോക​ത്തിൽ സ്വയം​ഭോ​ഗം സർവ്വസാ​ധാ​ര​ണ​മാ​യി​രി​ക്കു​ന്ന​തി​നാൽ അതിൽ കുഴപ്പ​മൊ​ന്നു​മി​ല്ലെ​ന്നും അതു ശരീര​ത്തി​ന്റെ ഒരു സ്വാഭാ​വി​ക​ധർമ്മം മാത്ര​മാണ്‌ എന്നും ഉളളതി​നോട്‌ നിങ്ങൾ യോജി​ക്കു​ന്നു​വോ? മോഷ​ണ​വും ഭോഷ്‌ക്കു​പ​റ​ച്ചി​ലും കൂടെ ഇന്നു സർവ്വസാ​ധാ​ര​ണ​മാണ്‌. അതു​കൊണ്ട്‌ അതും സ്വാഭാ​വി​ക​മാണ്‌, അതിൽ തെറെ​റാ​ന്നു​മില്ല എന്ന്‌ നിങ്ങൾ പറയു​ക​യില്ല, ഉവ്വോ? “സാധാരണ” ജലദോ​ഷം ഇന്ന്‌ ആഗോള വ്യാപ​ക​മാണ്‌. അതു​കൊണ്ട്‌ നിങ്ങൾക്കത്‌ ഉണ്ടായി​രി​ക്കാൻ നിങ്ങൾ ആഗ്രഹി​ക്കു​ന്നു എന്നർത്ഥ​മില്ല, ഉണ്ടോ? എങ്കിൽ സ്വയം​ഭോ​ഗം നിരു​പ​ദ്ര​വ​ക​ര​മാണ്‌ എന്ന അവകാ​ശ​വാ​ദം സംബന്ധി​ച്ചെന്ത്‌?

⁴ ഒരു ശാരീ​രി​ക​വീ​ക്ഷ​ണ​ത്തിൽ, ഭൂരി​പക്ഷം ഡോക്ടർമാ​രു​ടെ​യും അഭി​പ്രാ​യം വല്ലപ്പോ​ഴും മാത്ര​മു​ളള സ്വയം​ഭോ​ഗം നിരു​പ​ദ്ര​വ​ക​ര​മാണ്‌ എന്നാണ്‌. മിക്ക മനോ​രോഗ വിദഗ്‌ദ്ധ​രെ​യും​പോ​ലെ അവരും പറയു​ന്നത്‌ ഈ പ്രവൃ​ത്തി​യിൽ ഏർപ്പെ​ടുന്ന ആളിന്‌ കുററ​ബോ​ധം ഉണ്ടായി​രി​ക്കു​മ്പോൾ മാത്രമേ അയാൾക്ക്‌ മാനസി​ക​വും വൈകാ​രി​ക​വു​മായ അസ്വാ​സ്ഥ്യം അനുഭ​വ​പ്പെ​ടു​ന്നു​ളളു എന്നാണ്‌. അതു തുടർന്നു ശാരീ​രി​ക​മായ തകരാ​റു​കൾക്കി​ട​യാ​ക്കു​ന്നു. എന്നാൽ ഡോക്ടർമാ​രും മനോ​രോ​ഗ​വി​ദ​ഗ്‌ദ്ധ​രും തെററിന്‌ അധീന​രായ  അപൂർണ്ണ മനുഷ്യ​രാണ്‌. മാത്ര​വു​മല്ല അവരുടെ വീക്ഷണങ്ങൾ മാറി​ക്കൊ​ണ്ടു​മി​രി​ക്കു​ന്നു. എന്നാൽ യുവജ​ന​ങ്ങൾക്ക്‌ സ്വീക​രി​ക്കാ​വുന്ന, സ്ഥിരത​യു​ള​ള​തും തെററി​നോ അബദ്ധത്തി​നോ അടിമ​പ്പെ​ടാ​ത്ത​തു​മായ ഉപദേ​ശ​ത്തി​ന്റെ ഒരുറ​വുണ്ട്‌. അതു ദൈവ​വ​ച​ന​മാണ്‌. നാം ദീർഘാ​യു​സ്സു​മാ​ത്രമല്ല ദൈവ​പ്രീ​തി​യിൽ നിത്യാ​യുസ്സ്‌ ആഗ്രഹി​ക്കു​ന്നു​വെ​ങ്കിൽ നാം അവന്റെ ജ്ഞാനവും ഉപദേ​ശ​വും തേടണം. നമുക്ക്‌ വേണ്ടി​യും നമ്മുടെ സന്തുഷ്ടി​ക്കു​വേ​ണ്ടി​യും മനുഷ്യന്‌ ഒരിക്ക​ലും ചെയ്യാൻ കഴിയാ​ത്തത്‌ ചെയ്യാൻ അവന്‌ കഴിയും.

കൂടുതൽ ശ്രേഷ്‌ഠ​മായ വീക്ഷണം

5, 6. (എ) കൊ​ലോ​സ്യർ 3:5-ലെ ബുദ്ധി​യു​പ​ദേശം സ്വയം​ഭോ​ഗ​ത്തോട്‌ ബന്ധപ്പെ​ട്ടി​രി​ക്കു​ന്ന​തെ​ങ്ങനെ? (ബി) ബൈബിൾ ഈ പ്രവർത്ത​നത്തെ “ദുരാ​ഗ്രഹ”ത്തോടും “അത്യാ​ഗ്രഹ”ത്തോടും ബന്ധപ്പെ​ടു​ത്തു​ന്ന​തെ​ന്തു​കൊണ്ട്‌?

⁵ എന്നാൽ സ്വയം​ഭോ​ഗം​കൊണ്ട്‌ ശാരീ​രി​ക​മാ​യി എന്തുമാ​ത്രം തകരാറു സംഭവി​ക്കു​ന്നു​വെ​ന്നതല്ല ആത്മീയ​മാ​യി തകരാറു സംഭവി​ക്കു​ന്നു​ണ്ടോ എന്നതാണു യഥാർത്ഥ പ്രശ്‌നം. “സ്വയം​ഭോ​ഗം” “സ്വയദു​രു​പ​യോ​ഗം” എന്നീ വാക്കുകൾ ബൈബി​ളിൽ കാണ​പ്പെ​ടു​ന്നില്ല എന്നത്‌ വാസ്‌തവം തന്നെ. എന്നാൽ അപ്പോ​സ്‌ത​ല​നായ പൗലോ​സി​ന്റെ കൊ​ലോ​സ്യർ 3:5-ലെ നിശ്വസ്‌ത ബുദ്ധി​യു​പ​ദേ​ശ​ത്തിൽ നിന്ന്‌ നിങ്ങൾ എന്തു മനസ്സി​ലാ​ക്കു​ന്നു? ദൈവാ​നു​ഗ്രഹം നഷ്ടപ്പെ​ടു​ത്താ​നാ​ഗ്ര​ഹി​ക്കാ​ത്ത​വ​രോട്‌ പൗലോസ്‌ പറയുന്നു: “ആകയാൽ ദുർന്ന​ടപ്പ്‌, അശുദ്ധി, ലൈം​ഗി​ക​വാഞ്‌ഛ, ഹാനി​ക​ര​മായ മോഹം, ദുരാ​ഗ്രഹം എന്നിവ സംബന്ധിച്ച്‌ ഭൂമി​യി​ലു​ളള നിങ്ങളു​ടെ അവയവ​ങ്ങളെ മരിപ്പി​പ്പിൻ [ഉത്തേജി​പ്പി​ക്കയല്ല വേണ്ടത്‌].” പരസം​ഗ​ത്തിൽനിന്ന്‌ വ്യത്യ​സ്‌ത​മാ​യി സ്വയം​ഭോ​ഗം ഒരു വ്യക്തി മാത്രം ഉൾപ്പെ​ട്ടി​രി​ക്കുന്ന സംഗതി​യാണ്‌. എന്നാൽ അതു​കൊണ്ട്‌ അത്‌ അശുദ്ധമല്ല എന്നുവ​രു​മോ? മറിച്ച്‌ അതും “അതിരാഗ”ത്തിന്‌ വഴങ്ങു​ന്ന​തോ അതിനാൽ കീഴ്‌പ്പെ​ടു​ത്ത​പ്പെ​ടു​ന്ന​തോ അല്ലേ?

⁶ കൂടാതെ, “അത്യാ​ഗ്ര​ഹ​ത്തോ​ടെ സകല അശുദ്ധി​യും പ്രവർത്തി​ക്കാൻ അഴിഞ്ഞ​ന​ട​ത്തക്ക്‌ തങ്ങളെ​ത്തന്നെ ഏല്‌പ്പി​ച്ചി​രി​ക്കുന്ന”വരെപ്പ​റ​റി​യും അപ്പോ​സ്‌തലൻ എഴുതു​ന്നു. (എഫേസ്യർ 4:19) കഴിഞ്ഞ ഖണ്ഡിക​യിൽ ഉദ്ധരിച്ച കൊ​ലോ​സ്യർക്കു​ളള ലേഖന​ത്തിൽ പൗലോസ്‌ “ദുരാ​ഗ്രഹ”ത്തെപ്പറ​റി​യും ഈ ഉദ്ധരണി​യിൽ “അത്യാ​ഗ്രഹ”ത്തെപ്പറ​റി​യും പ്രസ്‌താ​വി​ക്കു​ന്നു. വാസ്‌ത​വ​ത്തിൽ സ്വയം​ഭോ​ഗം അനഭി​ല​ഷ​ണീ​യ​മായ ഈ രണ്ടു ഗുണങ്ങ​ളും പ്രകട​മാ​ക്കു​ന്നു. എങ്ങനെ?  കൊള​ളാം, ഒരുവന്‌ ന്യായ​മാ​യും അർഹമ​ല്ലാ​ത്ത​തി​നെ ആഗ്രഹി​ക്കു​ന്ന​തി​ന്റെ ഒരു പ്രകട​ന​മാ​ണത്‌. ലൈം​ഗി​ക​മായ ആഗ്രഹം തൃപ്‌തി​പ്പെ​ടു​ത്തു​ന്ന​തിന്‌ ദൈവം ഏർപ്പെ​ടു​ത്തി​യി​രി​ക്കുന്ന ക്രമീ​ക​രണം വിവാ​ഹ​മാണ്‌. എന്നാൽ സ്വയം​ഭോ​ഗ​ത്തി​ലേർപ്പെ​ടു​ന്ന​യാൾ ലൈം​ഗി​ക​മായ ആ സംതൃ​പ്‌തി​ക്കു വില കൊടു​ക്കാ​തെ അതു നേടാൻ ശ്രമി​ക്കു​ക​യാണ്‌. വിവാ​ഹ​ജീ​വി​ത​ത്തി​ന്റേ​തായ ഉത്തരവാ​ദി​ത്വ​ങ്ങൾ ഏറെറ​ടു​ക്കു​ന്ന​തും വഹിക്കു​ന്ന​തു​മാണ്‌ ആ വില. ഇതി​നോ​ടു​ളള ബന്ധത്തിൽ, ‘കാമത്താൽ എരിയു​ന്ന​വർക്ക്‌’ പൗലോസ്‌ ഉപദേശം കൊടു​ത്തത്‌ സ്വയം​ഭോ​ഗ​ത്തി​ലൂ​ടെ ആശ്വാസം തേടാനല്ല, മറിച്ച്‌ ദൈവ​ക്ര​മീ​ക​ര​ണ​മായ വിവാ​ഹ​ത്തി​ലൂ​ടെ അങ്ങനെ ചെയ്യാ​നാണ്‌ എന്നത്‌ ശ്രദ്ധി​ക്കുക.—1 കൊരി​ന്ത്യർ 7:2, 9.

7, 8. (എ) സ്വയം​ഭോ​ഗം ഒരു സ്വഭാ​വ​മാ​യി​ത്തീ​രു​ന്നു​വെ​ങ്കിൽ അതു ഒരുവന്റെ ഭാവി വൈവാ​ഹിക സന്തുഷ്ടി​യെ എങ്ങനെ ബാധി​ച്ചേ​ക്കാം? (ബി) സ്വയം​ഭോ​ഗത്തെ, ദൈവ​ക​ല്‌പ​നകൾ ഗൗരവാ​വ​ഹ​മായ രീതി​യിൽ ലംഘി​ക്കു​ന്നത്‌ ഒഴിവാ​ക്കാ​നു​ളള മാർഗ്ഗ​മാ​യി വീക്ഷി​ക്കു​ന്നത്‌ തെററാ​യി​രി​ക്കു​ന്ന​തെ​ന്തു​കൊണ്ട്‌?

⁷ വാസ്‌ത​വ​ത്തിൽ, സ്വയം​ഭോ​ഗം വിവാ​ഹ​ജീ​വി​ത​ത്തി​ലെ നിങ്ങളു​ടെ ഭാവി സന്തുഷ്ടി​യെ അപകട​പ്പെ​ടു​ത്തി​യേ​ക്കാം. ഒരു വ്യക്തി സ്വയം​ഭോ​ഗ​ത്തി​ലൂ​ടെ സ്വന്തം ആഗ്രഹത്തെ തൃപ്‌തി​പ്പെ​ടു​ത്തു​ന്നത്‌ ഒരു പതിവാ​ക്കു​ന്നു​വെ​ങ്കിൽ അതു സ്വന്തം സുഖ​ത്തെ​യും സംതൃ​പ്‌തി​യേ​യും പററി​മാ​ത്രം ചിന്തി​ക്കുന്ന ഒരു സ്വഭാവം വളർത്തു​ന്നു. എന്നാൽ വിവാ​ഹ​ജീ​വി​ത​ത്തിൽ, പ്രത്യേ​കി​ച്ചും പുരു​ഷന്റെ ഭാഗത്ത്‌, തന്റെ വിവാ​ഹ​ഇ​ണ​യു​ടെ സുഖത്തി​നും സംതൃ​പ്‌തി​ക്കും​കൂ​ടി ശ്രദ്ധ കൊടു​ക്കേ​ണ്ട​യാ​വ​ശ്യ​മുണ്ട്‌. അല്ലാഞ്ഞാൽ ദാമ്പത്യ​ബന്ധം വഷളാ​വു​ക​യും അതുവഴി ദുഃഖ​ത്തി​നും മോഹ​ഭം​ഗ​ത്തി​നും ഇടയാ​വു​ക​യും ചെയ്യുന്നു. ഈ അവസ്ഥ—ഭർത്താ​ക്കൻമാർ ഭാര്യ​മാ​രു​ടെ ആവശ്യങ്ങൾ അവഗണിച്ച്‌ സ്വന്തം തൃപ്‌തി​യേ​പ്പ​ററി മാത്രം ചിന്തി​ക്കു​ന്നത്‌—വിവാ​ഹ​ജീ​വി​ത​ത്തി​ലെ അതിരൂ​ക്ഷ​മായ പ്രശ്‌ന​ങ്ങ​ളി​ലൊ​ന്നാണ്‌. അതിൽ ഏറിയ​പ​ങ്കും വിവാ​ഹ​ത്തി​നു മുൻപ്‌ സ്വയം​ഭോ​ഗം ഒരു സ്വഭാ​വ​മാ​ക്കി​യ​തിൽ നിന്ന്‌ ഉത്ഭവി​ക്കു​ന്നു.

⁸ ചിലർ ചോദി​ച്ചേ​ക്കാം: “എന്നാൽ ഒരുവന്‌ വിവാഹം ശുപാർശ ചെയ്യ​പ്പെ​ടാൻ തക്ക പ്രായ​മാ​യി​ട്ടി​ല്ലെ​ങ്കി​ലോ? വിവാ​ഹ​ത്തി​നാ​യി കാത്തി​രി​ക്കു​ന്ന​തി​നി​ട​യിൽ പരസംഗം, സ്വവർഗ്ഗ​സം​ഭോ​ഗം എന്നിവ​പോ​ലെ, ദൈവ​കൽപ്പ​ന​ക​ളു​ടെ കൂടുതൽ മോശ​മായ ലംഘന​ത്തി​നെ​തി​രെ സ്വയം​ഭോ​ഗം ഒരുവനെ സംരക്ഷി​ക്ക​യി​ല്ലേ?” അങ്ങനെ ചിലർക്ക്‌ തോന്നി​യേ​ക്കാം. എന്നാൽ അത്‌ ശരിയായ യുക്തി​വാ​ദ​മാ​ണോ? ഒരിക്ക​ലു​മല്ല.  ഇത്തരം പ്രവൃ​ത്തി​കൾക്കെ​തി​രേ നമുക്കു സംരക്ഷ​ണ​മാ​യി​രി​ക്കാ​വുന്ന നൻമ​പ്രി​യ​വും ഉത്തമ മനസ്സാ​ക്ഷി​യും ബലഹീ​ന​മാ​ക്കു​ന്ന​തി​നേ സ്വയം​ഭോ​ഗം ഉപകരി​ക്ക​യു​ളളു. മയക്കു​മ​രു​ന്നി​ന​ടി​മ​പ്പെ​ടു​ന്നവർ പിരി​മു​റു​ക്കം അനുഭ​വ​പ്പെ​ടു​മ്പോ​ഴെ​ല്ലാം അതിനി​ട​യാ​ക്കുന്ന സാഹച​ര്യ​ങ്ങളെ നേരി​ടാൻ കഴിയാ​ത്ത​തി​നാൽ മയക്കു​മ​രു​ന്നു​കളെ ആശ്രയി​ക്കു​ന്ന​തു​പോ​ലെ സ്വയം​ഭോ​ഗ​ക്കാ​രും അതിനെ ആശ്രയി​ക്കാ​നി​ട​യാ​കു​ന്നു. ക്രമേണ ഒരുവനെ അതിന​ടി​മ​യാ​ക്കുന്ന ഒരു ദൂഷി​ത​വ​ലയം സൃഷ്ടി​ക്കാൻ അതിന്‌ കഴിയും. എന്നാൽ നമ്മുടെ ശരീരം നമ്മെ നിയ​ന്ത്രി​ക്കാൻ അനുവ​ദി​ക്കാ​തെ നാം നമ്മുടെ ശരീരത്തെ നിയ​ന്ത്രി​ക്കണം എന്നാണ്‌ ദൈവം ആവശ്യ​പ്പെ​ടു​ന്നത്‌.

സ്വവർഗ്ഗ​സം​ഭോ​ഗം

9-13. (എ) സ്വയം​ഭോ​ഗം ചില​പ്പോൾ ഒരുവൻ സ്വവർഗ്ഗ​സം​ഭോ​ഗ​ത്തി​ന​ടി​മ​പ്പെ​ടാൻ ഇടയാ​ക്കു​ന്ന​തെ​ങ്ങനെ? ആരെങ്കി​ലും ജൻമനാ സ്വവർഗ്ഗ​സം​ഭോ​ഗി​യാ​ണോ? (ബി) അത്തരം പ്രവൃ​ത്തി​കളെ ദൈവം എങ്ങനെ​യാണ്‌ വീക്ഷി​ക്കു​ന്നത്‌? (സി) അത്തരം പ്രവൃ​ത്തി​ക​ളിൽനിന്ന്‌ വിമു​ക്ത​രാ​വുക സാദ്ധ്യ​മാ​ണോ? (റോമർ 1:24-27; ലേവ്യ​പു​സ്‌തകം 18:22, 23; 1 കൊരി​ന്ത്യർ 6: 9-11)

⁹ മന​ധൈ​ര്യ​മി​ല്ലാ​തെ ലൈം​ഗി​കാ​ഗ്ര​ഹ​ങ്ങൾക്ക്‌ വഴങ്ങി സ്വയം​ഭോ​ഗ​ത്തിൽ ഏർപ്പെ​ടു​ന്നത്‌ തീർച്ച​യാ​യും പരസം​ഗ​ത്തി​ലോ സ്വവർഗ്ഗ​സം​ഭോ​ഗ​ത്തിൽപോ​ലു​മോ ഏർപ്പെ​ടു​ന്ന​തി​നു​ളള പ്രലോ​ഭ​നത്തെ നേരി​ടാ​നു​ളള ശക്തി പ്രദാനം ചെയ്യു​ക​യില്ല. നേരെ​മ​റിച്ച്‌ അത്‌ തെററായ ചിന്തയും തെററായ ആഗ്രഹ​വും നട്ടുവ​ളർത്തു​ന്നു. വാസ്‌ത​വ​ത്തിൽ, സ്വയം​ഭോ​ഗ​ത്തിന്‌ ഒരുവനെ സ്വവർഗ്ഗ​സം​ഭോ​ഗ​ത്തി​ലേക്കു നയിക്കാൻ കഴിയും. അങ്ങനെ​യു​ളള സാഹച​ര്യ​ങ്ങ​ളിൽ ഒരുവൻ തനി​യേ​യു​ളള ലൈം​ഗി​ക​പ്ര​വർത്ത​ന​ത്തിൽ തൃപ്‌ത​നാ​കാ​തെ പരസ്‌പരം ലൈം​ഗി​ക​മാ​യി ഉത്തേജി​പ്പി​ക്കു​ന്ന​തിന്‌ ഒരു പങ്കാളി​യെ തേടുന്നു.

¹⁰ നിങ്ങൾക്കു തിരി​ച്ച​റി​യാൻ കഴിയു​ന്ന​തി​നേ​ക്കാൾ കൂടു​ത​ലാ​യി, മിക്ക​പ്പോ​ഴും ഇങ്ങനെ​യാ​ണത്‌ സംഭവി​ക്കുക. പലരും വിചാ​രി​ക്കു​ന്ന​തിന്‌ വിപരീ​ത​മാ​യി, സ്വവർഗ്ഗ​സം​ഭോ​ഗി​കൾ ജൻമനാ അങ്ങനെ​യാ​യി​രി​ക്കു​ന്ന​വരല്ല; അത്തരം  സ്വഭാവം അവർ ശീലി​ക്കു​ന്ന​താണ്‌. പലപ്പോ​ഴും ഒരുവൻ വളരെ ചെറു​പ്പ​മാ​യി​രി​ക്കു​മ്പോൾ മറെറാ​രു​വന്റെ ലൈം​ഗി​കാ​വ​യവം പിടിച്ച്‌ വിനോ​ദി​ക്കാൻ ആരംഭി​ക്കു​ന്നു. തുടർന്ന്‌ സ്വവർഗ്ഗ​സം​ഭോ​ഗ​ത്തിന്‌ പ്രേരി​പ്പി​ക്ക​പ്പെ​ടു​ന്നു. ഒരു യുവാവ്‌ പറയുന്നു:

¹¹ “ഞാൻ ചെറു​പ്പ​മാ​യി​രു​ന്ന​പ്പോൾ എനിക്ക്‌ മാതാ​പി​താ​ക്ക​ളിൽനിന്ന്‌ കാര്യ​മായ മാർഗ്ഗ​നിർദ്ദേ​ശ​മൊ​ന്നും കിട്ടി​യി​രു​ന്നില്ല. എന്റെ സ്വന്തം വഴിക്കു പോകാ​നും ‘എനിക്കി​ഷ്ട​മു​ള​ള​തൊ​ക്കെ’ ചെയ്യാ​നും ഞാൻ അനുവ​ദി​ക്ക​പ്പെ​ട്ടി​രു​ന്നു. എനിക്ക്‌ ഏതാണ്ട്‌ എട്ടു വയസ്സു​ള​ള​പ്പോ​ഴാണ്‌ എന്നെക്കാൾ മൂത്ത എന്റെ മച്ചുനൻമാർ എന്നെ സ്വവർഗ്ഗ​സം​ഭോ​ഗ​വു​മാ​യി ബന്ധപ്പെ​ടു​ത്തി​യത്‌. എനിക്കത്‌ രസമായി തോന്നി​യ​തി​നാൽ അവരോ​ടൊ​ത്തും പിന്നീട്‌ മററു​ള​ള​വ​രു​മാ​യും ഈ ഏർപ്പാട്‌ തുടർന്നു പോന്നു. പെട്ടെ​ന്നു​തന്നെ ഞാൻ അനുദി​നം അതിൽ ഉൾപ്പെ​ടാൻ തുടങ്ങി. ആരംഭ​ത്തിൽ ഞാൻ എന്തെങ്കി​ലും തെററു ചെയ്യു​ക​യാ​ണെന്ന വിചാ​രമേ എനിക്കി​ല്ലാ​യി​രു​ന്നു. എന്റെ മാതാ​പി​താ​ക്കൾ ധാർമ്മി​ക​മായ നടത്ത​യെ​പ്പ​ററി എനിക്കു നിർദ്ദേ​ശ​മൊ​ന്നും തന്നിരു​ന്നില്ല. ഞാൻ എന്റെ രഹസ്യ​മൊ​ന്നും അവരോട്‌ പറഞ്ഞി​രു​ന്നു​മില്ല.

¹² “ഞങ്ങൾ അന്നു മദ്ധ്യ അമേരി​ക്ക​യി​ലെ ഒരു രാജ്യ​ത്താണ്‌ വസിച്ചി​രു​ന്നത്‌. പിന്നീട്‌ ഞങ്ങൾ ന്യൂ​യോർക്കി​ലേക്ക്‌ താമസം മാററി. അവിടെ ഞാൻ ഹൈസ്‌ക്കൂൾ വിദ്യാ​ഭ്യാ​സം പൂർത്തി​യാ​ക്കി. ഞാൻ സ്വവർഗ്ഗ​സം​ഭോ​ഗം തുടർന്നു​കൊ​ണ്ടേ​യി​രു​ന്നു. നഗരവും സ്‌കൂ​ളു​ക​ളും സ്വവർഗ്ഗ​സം​ഭോ​ഗി​ക​ളെ​ക്കൊണ്ട്‌ നിറഞ്ഞി​രു​ന്ന​തി​നാൽ അതിനു ധാരാളം അവസര​ങ്ങ​ളു​ണ്ടാ​യി​രു​ന്നു. എന്നാൽ ഞാൻ വളർന്ന​പ്പോൾ ഞാൻ ചെയ്‌തു​കൊ​ണ്ടി​രു​ന്നത്‌ പ്രകൃ​തി​വി​രു​ദ്ധ​മാ​ണെ​ന്നും തെററാ​ണെ​ന്നും എനിക്കു ബോധ്യ​മാ​യി. എന്നാലും ഞാൻ അതു ഇഷ്ടപ്പെ​ട്ട​തി​നാൽ അതു തുടർന്നു​കൊ​ണ്ടേ​യി​രു​ന്നു. ഈ ലൈം​ഗി​ക​പ്ര​വൃ​ത്തി​കൾക്ക്‌ എന്റെമേൽ ഒരു വശീകരണ ശക്തിതന്നെ ഉണ്ടായി​രു​ന്നു.”

¹³ ഈ യുവാവ്‌ ഇത്തരം പ്രവൃ​ത്തി​കൾക്ക്‌ “അടിമ”പ്പെട്ടി​രു​ന്ന​തി​നാൽ വലിയ ശ്രമം ചെയ്‌ത​ശേഷം മാത്രമേ അതിൽ നിന്നും വിമു​ക്ത​നാ​കാൻ കഴിഞ്ഞു​ളളു. എന്നാൽ ഈ മാററം​വ​രു​ത്താൻ അയാളെ പ്രേരി​പ്പി​ച്ച​തെ​ന്താ​യി​രു​ന്നു? അതു യഹോ​വ​യാം ദൈവത്തെ പ്രസാ​ദി​പ്പി​ക്കു​ന്ന​തി​നു​ളള ആഗ്രഹ​മാ​യി​രു​ന്നു. സ്വവർഗ്ഗ​സം​ഭോ​ഗത്തെ ദൈവം “പ്രകൃതി വിരുദ്ധ”മായി കണക്കാ​ക്കു​ന്നു​വെ​ന്നും അതിനെ കുററം വിധി​ക്കു​ന്നു​വെ​ന്നും ആ യുവാവ്‌ മനസ്സി​ലാ​ക്കി​യ​പ്പോൾ അതിനെ കീഴട​ക്കും​വരെ അയാൾ അതി​നെ​തി​രെ പോരാ​ടി. ഈ വസ്‌തുത  സംബന്ധിച്ച്‌ ദൈവ​വ​ചനം വളരെ വ്യക്തമാ​യി​ത്തന്നെ ഇങ്ങനെ പറയുന്നു: “നിങ്ങളെ തന്നെ വഞ്ചിക്കാ​തി​രി​പ്പിൻ: യാതൊ​രു പരസം​ഗ​ക്കാ​ര​നും വിഗ്ര​ഹാ​രാ​ധി​യും വ്യഭി​ചാ​രം സംബന്ധി​ച്ചോ സ്വവർഗ്ഗ ലൈം​ഗിക വൈകൃ​തം സംബന്ധി​ച്ചോ കുററ​ക്കാ​രാ​യ​വ​രും . . . ദൈവ​രാ​ജ്യം അവകാ​ശ​മാ​ക്കു​ക​യില്ല.”—1 കൊരി​ന്ത്യർ 6:9, 10 ന്യൂ ഇംഗ്ലീഷ്‌ ബൈബിൾ.

ആത്മനി​യ​ന്ത്ര​ണ​ത്താൽ വിജയം വരിക്കുക

14-16. (എ) ലൈം​ഗി​ക​മായ ആഗ്രഹ​ങ്ങളെ അടക്കി​നിർത്തു​ന്ന​തിന്‌ നിങ്ങൾക്ക്‌ എന്തു​ചെ​യ്യാൻ കഴിയും? (ഫിലി​പ്യർ 4:8; 1 തെസ്സ​ലോ​നി​ക്യർ 4:3-5) (ബി) നിങ്ങൾക്ക്‌ ലൈം​ഗി​ക​മായ വികാ​ര​ത്ത​ളളൽ അനുഭ​വ​പ്പെ​ടു​മ്പോൾ ആശ്വാ​സ​ത്തി​നാ​യി എന്തു ചെയ്യാൻ കഴിയും? (സങ്കീർത്തനം 1:1, 2; 63:6, 7)

¹⁴ നിങ്ങളു​ടെ ചിന്ത നിങ്ങളു​ടെ വികാ​ര​ങ്ങ​ളെ​യും നിങ്ങളു​ടെ പ്രവൃ​ത്തി​ക​ളെ​യും വലിയ ഒരളവു​വരെ ബാധി​ക്കു​ന്നു. എങ്കിൽ, നിങ്ങൾ യഥാർത്ഥ​ത്തിൽ എന്താണാ​ഗ്ര​ഹി​ക്കു​ന്നത്‌? മിക്ക​പ്പോ​ഴും ലൈം​ഗി​ക​മായ ആഗ്രഹ​ങ്ങ​ളാൽ ശല്യ​പ്പെ​ട്ടു​ക​ഴി​യാ​നും സ്വയം​ഭോ​ഗം ഒരു സ്വഭാ​വ​മാ​ക്കാ​നും ഒരുപക്ഷേ സ്വവർഗ്ഗ​സം​ഭോ​ഗ​ത്തി​ലേ​ക്കു​പോ​ലും വഴുതി വീഴാ​നും, നിങ്ങൾ ആഗ്രഹി​ക്കു​ന്നു​ണ്ടോ? ലൈം​ഗി​ക​മായ കാര്യ​ങ്ങ​ളിൽ നിങ്ങളു​ടെ മനസ്സു വ്യാപ​രി​ക്കാൻ അനുവ​ദി​ക്കു​ന്നു​വെ​ങ്കിൽ അതായി​രി​ക്കും സംഭവി​ക്കുക. എന്നാൽ ലൈം​ഗി​ക​മായ പ്രേരണ നിങ്ങൾ ജീവിതം ആസ്വദി​ക്കു​ന്ന​തി​നും നിങ്ങൾ യഥാർത്ഥ​ത്തിൽ വിലപ്പെട്ട കാര്യങ്ങൾ നിർവ്വ​ഹി​ക്കു​ന്ന​തി​നും തടസ്സമാ​കാ​തെ സൂക്ഷി​ക്കാൻ കഴിയ​ണ​മെ​ങ്കിൽ നിങ്ങൾ ആത്മനി​യ​ന്ത്രണം പാലി​ക്കു​ക​യും നിങ്ങളു​ടെ മനസ്സ്‌ മററു​കാ​ര്യ​ങ്ങ​ളി​ലേക്കു തിരി​ക്കു​ക​യും വേണം.

¹⁵ ലൈം​ഗി​ക​മാ​യി ഉത്തേജി​പ്പി​ക്കുന്ന തരത്തി​ലു​ളള കാര്യങ്ങൾ അടങ്ങിയ ചിത്ര​ങ്ങ​ളും പുസ്‌ത​ക​ങ്ങ​ളും പത്രമാ​സി​ക​ക​ളും മററും കയ്യിൽ കിട്ടു​മ്പോൾ ബലഹീ​ന​രാ​യി അതിന​ടി​മ​പ്പെ​ട്ടു​പോ​ക​രുത്‌. നിങ്ങളു​ടെ മനസ്സ്‌ അത്തരം കാര്യ​ങ്ങ​ളിൽ വ്യാപൃ​ത​മാ​കു​ന്ന​തി​നോ അത്തരം കാര്യ​ങ്ങളെ ചുററി​പ്പ​റ​റി​യു​ളള  സംസാ​ര​ത്തി​ലേർപ്പെ​ടു​ന്ന​തി​നോ നിങ്ങൾ സ്വയം അനുവ​ദി​ക്കു​ന്നു​വെ​ങ്കിൽ അതിനു നിങ്ങൾ കൊടു​ക്കേ​ണ്ടി​വ​രുന്ന വില മാനസി​ക​മായ വ്യഥയും ഉളളിൽ ഉരുണ്ടു​കൂ​ടുന്ന സമ്മർദ്ദ​ങ്ങ​ളു​മാ​യി​രി​ക്കും. എന്തു​കൊ​ണ്ടെ​ന്നാൽ എത്രയും കൂടുതൽ സമയം നിങ്ങൾ എന്തെങ്കി​ലും വീക്ഷി​ക്കു​ക​യോ എന്തി​നേ​പ്പ​റ​റി​യെ​ങ്കി​ലും സംസാ​രി​ക്കു​ക​യോ ചെയ്യു​ന്നു​വോ അത്രകണ്ട്‌ ആഴത്തിൽ നിങ്ങളു​ടെ ഹൃദയം അതിൽ ആമഗ്നമാ​കു​ന്നു. പ്രവർത്ത​ന​ത്തിന്‌ നിങ്ങളെ പ്രേരി​പ്പി​ക്കുന്ന ഒരു മുഖ്യ ഘടകം ഹൃദയ​മാ​ണു​താ​നും.

¹⁶ എന്നാൽ സാധാരണ സന്ദർഭ​ങ്ങ​ളിൽപോ​ലും നിങ്ങളു​ടെ ഉളളിൽ വികാരം വന്നു മുററു​ന്നെ​ങ്കി​ലെന്ത്‌? അതിൽ നിന്ന്‌ എങ്ങനെ ആശ്വാസം നേടാം? സ്വയം​ഭോ​ഗ​ത്താ​ലല്ല, മറിച്ച്‌ നിങ്ങളു​ടെ മനസ്സും ഹൃദയ​വും ശരീര​വും മറെറാ​രു​വ​ഴിക്ക്‌ തിരി​ച്ചു​വി​ടു​ന്ന​തി​നാൽതന്നെ. നിങ്ങൾക്ക്‌ എന്തെങ്കി​ലും ജോലി ചെയ്യു​ക​യോ വ്യായാ​മ​ത്തി​ലേർപ്പെ​ടു​ക​യോ, കളിക​ളിൽ പങ്കു​ചേ​രു​ക​യോ നടക്കാൻ പോവു​ക​യോ ചെയ്യാം. നിങ്ങൾ ബഹുമാ​നി​ക്കുന്ന ആരോ​ടെ​ങ്കി​ലും സംസാ​രി​ക്കു​ന്ന​തോ ആവശ്യ​മെ​ങ്കിൽ അങ്ങനെ​യൊ​രാ​ളെ ഫോണിൽ വിളി​ക്കു​ന്ന​തോ സഹായ​ക​മാ​യേ​ക്കാം. ബൈബി​ളോ ബൈബിൾ സാഹി​ത്യ​ങ്ങ​ളോ വായി​ക്കു​ന്നത്‌—ഉച്ചത്തിൽപോ​ലും—ഏററം മെച്ചമായ സഹായ​ങ്ങ​ളി​ലൊ​ന്നാണ്‌. എല്ലാറ​റി​ലു​മു​പ​രി​യാ​യി ഈ പ്രശ്‌ന​വു​മാ​യി നിങ്ങളു​ടെ സ്വർഗ്ഗീയ പിതാ​വായ യഹോ​വ​യാം ദൈവത്തെ പ്രാർത്ഥ​ന​യിൽ സമീപി​ക്കുക.

17-20. (എ) ഒരുവന്റെ ഉറക്കം, ഭക്ഷണം, ശുചി​ത്വം എന്നിവ സംബന്ധി​ച്ചു​ളള ചില ക്രമീ​ക​ര​ണങ്ങൾ സഹായ​ക​മാ​യി​രു​ന്നേ​ക്കാ​വു​ന്ന​തെ​ങ്ങനെ? (ബി) ശരിയാ​യതു ചെയ്യു​ന്ന​തിന്‌ ഒരുവന്‌ ഒരു കഠിന പോരാ​ട്ടം തന്നെ നടത്തേ​ണ്ട​തു​ണ്ടെ​ങ്കി​ലും തന്റെ അവസ്ഥ ആശയറ​റ​താണ്‌ എന്ന്‌ വിചാ​രി​ക്ക​രു​താ​ത്തത്‌ എന്തു​കൊണ്ട്‌? (സങ്കീർത്തനം 103:13, 14)

¹⁷ ലൈം​ഗി​ക​മായ സമ്മർദ്ദം കുറയ്‌ക്കു​ന്ന​തി​നോ ഒഴിവാ​ക്കു​ന്ന​തി​നോ സഹായ​ക​മാ​യി, നമുക്ക്‌ ചെയ്യാൻ കഴിയുന്ന ലഘുവാ​യ​തും യുക്തി​പൂർവ്വ​ക​മാ​യ​തു​മായ മററ​നേകം കാര്യങ്ങൾ തീർച്ച​യാ​യും ഇനിയു​മുണ്ട്‌. മററു​ള​ള​വ​രോ​ടു​കൂ​ടെ ആയിരി​ക്കു​ന്നത്‌—അവർ സഹവസി​ക്കാൻ കൊള​ളാ​വു​ന്ന​വ​രാ​യി​രു​ന്നാൽ—ഒരു സംരക്ഷ​ണ​മാ​യി​രി​ക്കാൻ കഴിയും. നിങ്ങൾ തനിയെ ഒരു മുറി​യിൽ ഉറങ്ങാൻ കിടക്കു​മ്പോൾ ഇത്തരം സമ്മർദ്ദങ്ങൾ അനുഭ​വ​പ്പെ​ടു​ന്നു എന്നു കാണു​ന്നു​വെ​ങ്കിൽ നിങ്ങളു​ടെ വീട്ടി​ലു​ളള മററാ​രെ​ങ്കി​ലും ഒരാ​ളോ​ടൊ​പ്പം ഒരു മുറി​യിൽ കിടന്നു​റ​ങ്ങാൻ ക്രമീ​ക​രി​ക്കാ​വു​ന്ന​താണ്‌. മലർന്നോ കമിഴ്‌ന്നോ കിടക്കു​ന്ന​തി​നേ​ക്കാൾ വശം ചരിഞ്ഞ്‌ കിടക്കു​ന്നത്‌ സഹായ​ക​മാ​ണെന്നു നിങ്ങൾ കണ്ടെത്തി​യേ​ക്കാം.

 ¹⁸ നിങ്ങളു​ടെ വസ്‌ത്രം ലൈം​ഗി​കാ​വ​യ​വ​വു​മാ​യി കൂടു​ത​ലാ​യി കൂട്ടി​യു​രു​മ്മാ​തെ ശ്രദ്ധി​ക്കു​ന്ന​താണ്‌ സഹായ​ക​മാ​യേ​ക്കാ​വുന്ന മറെറാ​രു സംഗതി. കിടന്നു​റ​ങ്ങാൻ പോകു​ന്ന​തി​നു മുൻപാ​യി നിങ്ങൾ വായി​ക്കു​ന്ന​തോ സംസാ​രി​ക്കു​ന്ന​തോ ആയ കാര്യങ്ങൾ നിങ്ങളെ ഉത്തേജി​പ്പി​ക്കാ​തെ ശാന്തരാ​ക്കാൻ തക്കതാ​യി​രി​ക്കാൻ ശ്രദ്ധി​ക്കുക. അതു​പോ​ലെ അപ്പോൾ കഴിക്കുന്ന ഭക്ഷണവും ശ്രദ്ധയർഹി​ക്കു​ന്നു. കിടക്കാൻ നേരത്തു കഴിക്കുന്ന ഭക്ഷണപാ​നീ​യ​ങ്ങ​ളിൽ മിതത്വം പാലി​ക്കു​ന്ന​താ​യാൽ നന്നായി ഉറങ്ങു​ക​യും ലൈം​ഗി​ക​മാ​യി ഉത്തേജി​ത​രാ​കാ​തി​രി​ക്കു​ക​യും ചെയ്യും എന്നും ചിലർ കണ്ടിരി​ക്കു​ന്നു. പുരു​ഷൻമാ​രും സ്‌ത്രീ​ക​ളും നല്ല ശുചി​ത്വം പാലി​ക്കു​ന്നത്‌ പ്രത്യേ​കാൽ പ്രധാ​ന​മാണ്‌. ശുചി​ത്വ​ത്തി​ന്റെ അഭാവം നമ്മുടെ ജനനേ​ന്ദ്രി​യ​ങ്ങ​ളിൽ ചൊറി​ച്ചി​ലും മററും അനുഭ​വ​പ്പെ​ടു​ന്ന​തി​നും അതുമൂ​ലം നമ്മുടെ ശ്രദ്ധ ആ ദിശയി​ലേക്ക്‌ തിരി​യാ​നി​ട​യാ​ക്കു​ന്ന​തി​നും കാരണ​മാ​യേ​ക്കാം. ശാരീ​രിക ശുചി​ത്വം സംബന്ധിച്ച്‌ ഇത്തരം വിവരങ്ങൾ ലഭിക്കു​ന്ന​തിന്‌ നിങ്ങൾക്ക്‌ നിങ്ങളു​ടെ മാതാ​പി​താ​ക്ക​ളോട്‌ ചോദി​ക്കാ​വു​ന്ന​താണ്‌.

¹⁹ ശരിയായ ശുചി​ത്വം പാലി​ക്കു​ന്ന​തിന്‌ നിങ്ങളു​ടെ ലൈം​ഗി​കാ​വ​യവം കൈ​കൊ​ണ്ടു സ്‌പർശി​ക്കു​ന്നത്‌ ആവശ്യ​മാണ്‌. അതു ലൈം​ഗി​കാ​വ​യ​വ​ത്തി​ന്റെ ഒരു ദുരു​പ​യോ​ഗ​ത്തി​ലേക്കു നയിക്കി​ല്ലേ എന്നു നിങ്ങൾ സംശയി​ച്ചേ​ക്കാം. എന്നാൽ നിങ്ങളു​ടെ ലക്ഷ്യം ശരിയാ​യി​രി​ക്കു​ന്ന​തി​നാൽ—ലൈം​ഗി​ക​മായ സമ്മർദ്ദം ഒഴിവാ​ക്കുക എന്നതു തന്നെ—അത്തരം പരിച​രണം ലൈം​ഗി​കാ​വ​യ​വ​ങ്ങ​ളോട്‌ ഉചിത​മായ വീക്ഷണം പുലർത്താൻ നിങ്ങളെ സഹായി​ക്കു​ന്നു എന്ന്‌ നിങ്ങൾ കണ്ടെത്തി​യേ​ക്കാം. അവ നിങ്ങളെ ‘കീഴ്‌പ്പെ​ടു​ത്താ​നോ’ നിങ്ങളു​ടെ മുഴു​ജീ​വി​ത​ത്തെ​യും ഭരിക്കാ​നോ ഉദ്ദേശി​ക്ക​പ്പെ​ട്ടി​ട്ടു​ള​ള​വയല്ല എന്നു നിങ്ങൾ വിലമ​തി​ക്കും.

²⁰നിങ്ങൾ ഇപ്പോൾ സ്വയം​ഭോ​ഗ​ത്തി​ന്റെ ഒരു സ്വഭാ​വ​ത്തി​നെ​തി​രെ പോരാ​ടു​ക​യാ​ണെ​ങ്കിൽ, ഓർമ്മി​ക്കുക: നിങ്ങൾ തീർച്ച​യാ​യും ഇത്തരം പ്രശ്‌നത്തെ നേരി​ട്ടി​ട്ടു​ളള ആദ്യത്തെ വ്യക്തി​യോ ഏക വ്യക്തി​യോ അല്ല. ഈ സ്വഭാവം ഉപേക്ഷി​ക്കു​ന്ന​തിന്‌ നിങ്ങൾ അതിക​ഠി​ന​മായ ഒരു പോരാ​ട്ടം​തന്നെ നടത്തേ​ണ്ട​തു​ണ്ടെ​ങ്കി​ലും യഹോ​വ​യാം ദൈവ​വും അവന്റെ പുത്ര​നായ യേശു​ക്രി​സ്‌തു​വും നിങ്ങളെ കൈവി​ട്ടി​രി​ക്ക​യാ​ണെന്ന്‌ ഒരിക്ക​ലും വിചാ​രി​ക്ക​രുത്‌. അതിനെ കീഴട​ക്കു​ന്ന​തിന്‌ നിങ്ങൾ ആത്മാർത്ഥ​മാ​യി തുടർന്നു പ്രവർത്തി​ക്കു​ന്നു​വെ​ങ്കിൽ വിജയം വരിക്കു​ന്ന​തി​നാ​വ​ശ്യ​മായ ശക്തി സംഭരി​ക്കു​ന്ന​തിന്‌ ദയയോ​ടും ക്ഷമയോ​ടും കൂടെ അവർ നിങ്ങളെ സഹായി​ക്കും.

[അധ്യയന ചോദ്യ​ങ്ങൾ]

[39-ാം പേജിലെ ആകർഷ​ക​വാ​ക്യം]

സ്വവർഗ്ഗസംഭോഗികൾ അത്തരക്കാ​രാ​യി ജനിക്കു​ന്ന​തോ, അതോ അത്തരം സ്വഭാവം ശീലി​ക്കു​ന്ന​തോ?

[41-ാം പേജിലെ ചിത്രം]

നിങ്ങൾ എന്തു വായി​ക്കു​ന്നു എന്നത്‌ പ്രധാ​ന​മാ​ണോ?