അധ്യായം 11

സ്‌കൂ​ളിൽ പഠി​ക്കേ​ണ്ടത്‌ എന്തു​കൊണ്ട്‌?

1-3. (എ) സ്‌കൂൾജീ​വി​തത്തെ സംബന്ധി​ച്ചു​ളള നിങ്ങളു​ടെ മനോ​ഭാ​വ​മെ​ന്താണ്‌? (ബി) ഗലാത്യർ 6:7-ലെ ബൈബിൾ തത്വം സ്‌കൂൾ ജീവി​ത​ത്തി​നു ബാധക​മാ​കു​ന്ന​തെ​ങ്ങനെ?

 എന്തിനാണ്‌ നിങ്ങൾ സ്‌കൂ​ളിൽ പോകു​ന്നത്‌? ഒരുപക്ഷേ നിങ്ങളു​ടെ പ്രദേ​ശത്ത്‌ നിങ്ങൾക്ക്‌ ഇഷ്ടമു​ണ്ടെ​ങ്കി​ലും ഇല്ലെങ്കി​ലും ഒരു നിശ്ചിത പ്രായം​വരെ നിങ്ങൾ സ്‌കൂ​ളിൽ പോക​ണ​മെന്ന്‌ നിർബ​ന്ധ​മു​ണ്ടാ​യി​രി​ക്കാം. അല്ലെങ്കിൽ നിങ്ങൾ ഇപ്പോ​ഴും ഒരു കുട്ടി​യാ​യി​രി​ക്കുന്ന സ്ഥിതിക്ക്‌ നിങ്ങളു​ടെ മാതാ​പി​താ​ക്ക​ളു​ടെ നിർദ്ദേ​ശങ്ങൾ അനുസ​രി​ക്കേ​ണ്ട​തു​ണ്ടാ​യി​രി​ക്കാം.

² എന്നാൽ സ്‌കൂ​ളി​ലാ​യി​രി​ക്കു​ന്ന​തിന്‌ നിങ്ങൾ വ്യക്തി​പ​ര​മാ​യി മറെറ​ന്തെ​ങ്കി​ലും കാരണം കാണു​ന്നു​ണ്ടോ? സ്‌കൂ​ളി​ലാ​യി​രി​ക്കു​മ്പോൾ നന്നായി പഠിക്കു​ന്ന​തിൽനി​ന്നും ഗൃഹപാ​ഠ​വും മററും ചെയ്യു​ന്ന​തിൽനി​ന്നും എന്തെങ്കി​ലും പ്രയോ​ജനം ലഭിക്കു​മോ? കഷ്ടിച്ചു കടന്നു​കൂ​ടാൻ മാത്രം വല്ലതും പഠിക്കു​ന്ന​വ​രോ ഒട്ടും​തന്നെ പഠിക്കാ​ത്ത​വ​രോ ആയ അനേകം ചെറു​പ്പ​ക്കാ​രെ നിങ്ങൾക്ക​റി​യാ​മാ​യി​രി​ക്കും അല്ലേ? എന്നാൽ പഠിക്കാ​നു​ളള അവസരം പ്രയോ​ജ​ന​പ്പെ​ടു​ത്താ​ത്ത​തി​നാൽ അവരുടെ ശിഷ്ട ജീവിതം മുഴു​വ​നി​ലേ​ക്കും അവർ തങ്ങൾക്കു​തന്നെ തടസ്സങ്ങൾ സൃഷ്ടി​ക്കു​ന്നു. എന്തു​കൊണ്ട്‌?

³ എന്തു​കൊ​ണ്ടെ​ന്നാൽ യൗവന​ത്തിൽ ഒരുവൻ ചെയ്യുന്ന കാര്യ​ങ്ങൾക്ക്‌ പ്രായ​പൂർത്തി​യാ​കു​മ്പോൾ അവന്‌ ചെയ്യാൻ കഴിയുന്ന കാര്യ​ങ്ങ​ളു​ടെ​മേൽ ഒരു വലിയ ഫലമുണ്ട്‌. സ്‌കൂൾ ജീവി​തത്തെ സംബന്ധി​ച്ചു​പോ​ലും ഈ ബൈബിൾ തത്വം ബാധക​മാ​കു​ന്നു: “ഒരു മനുഷ്യൻ വിതയ്‌ക്കു​ന്ന​തു​തന്നെ അവൻ കൊയ്യും.” (ഗലാത്യർ 6:7) ഇപ്പോൾ സ്‌കൂൾ പഠനത്തിൽ സമയവും ശ്രമവും ‘വിതയ്‌ക്കു​ന്നതു’ കൊണ്ടു​ളള പ്രയോ​ജ​നങ്ങൾ എന്തൊ​ക്കെ​യാണ്‌? എന്ന്‌ നിങ്ങൾ ചോദി​ച്ചേ​ക്കാം.

പ്രാ​യോ​ഗിക പരിശീ​ല​നം

4-6. (എ) ഒരുവൻ സ്‌കൂ​ളി​ലാ​യി​രി​ക്കു​മ്പോൾ അവസര​ങ്ങളെ വേണ്ടവണ്ണം ഉപയോ​ഗി​ക്കു​ന്നത്‌ അയാളെ സംബന്ധി​ച്ചി​ട​ത്തോ​ളം ഒരു നേട്ടമാ​യി​രി​ക്കു​ന്ന​തെ​ന്തു​കൊണ്ട്‌? (സദൃശ​വാ​ക്യ​ങ്ങൾ 21:5) (ബി) സ്‌കൂ​ളിൽ ലഭ്യമാ​യി​രി​ക്കുന്ന ഏതു വിഷയങ്ങൾ നിങ്ങളു​ടെ ഭാവി ജീവി​ത​ത്തിന്‌ ഏററവും സഹായ​ക​മാ​യി​രി​ക്കു​മെ​ന്നാണ്‌ നിങ്ങൾ വിചാ​രി​ക്കു​ന്നത്‌?

⁴ ഏറെ താമസി​യാ​തെ​തന്നെ നിങ്ങൾ സ്വന്തം കാര്യങ്ങൾ  നോ​ക്കേ​ണ്ടി​വ​രും എന്ന വസ്‌തു​തയെ നിങ്ങൾ അഭിമു​ഖീ​ക​രി​ക്കാ​തെ വയ്യ. ക്രമേണ നിങ്ങൾ ഒരു ഭർത്താ​വി​ന്റെ​യും പിതാ​വി​ന്റെ​യു​മോ ഒരു ഭാര്യ​യു​ടെ​യും മാതാ​വി​ന്റെ​യു​മോ ഉത്തരവാ​ദി​ത്വ​ങ്ങൾ ഏറെറ​ടു​ക്കേ​ണ്ടി​വ​രും. ആ ഉത്തരവാ​ദി​ത്വ​ങ്ങൾ അനായാ​സ​വും ആസ്വാ​ദ്യ​ക​ര​വു​മാ​ക്കി​ത്തീർക്കാൻ നിങ്ങളാ​ഗ്ര​ഹി​ക്കു​ന്നു​വോ? പിൽക്കാ​ല​ജീ​വി​ത​ത്തിന്‌ പ്രയോ​ജ​ന​പ്ര​ദ​മായ കാര്യങ്ങൾ പഠിച്ചു​കൊണ്ട്‌ സ്‌കൂൾ ജീവി​തത്തെ തക്കത്തിൽ ഉപയോ​ഗി​ക്കു​ന്നു​വെ​ങ്കിൽ നിങ്ങൾക്കതു ചെയ്യാൻ കഴിയും.

⁵ അനേകം സ്‌കൂ​ളു​ക​ളി​ലും വ്യത്യസ്‌ത വൈദ​ഗ്‌ദ്ധ്യ​ങ്ങ​ളു​ടെ അടിസ്ഥാ​ന​ത​ത്വ​ങ്ങൾ പഠിപ്പി​ക്കുന്ന അദ്ധ്യയന പദ്ധതി​ക​ളുണ്ട്‌. യുവാ​ക്കൾക്കു​വേണ്ടി മരപ്പണി, വൈദ്യു​തോ​പ​ക​ര​ണങ്ങൾ കൂട്ടി​യി​ണക്കൽ, വെൽഡിംഗ്‌, കണക്കു സൂക്ഷിപ്പ്‌, മുതലാ​യവ ഉണ്ടായി​രി​ക്കാം. യുവതി​കൾക്ക്‌ സെക്ര​ട്ട​റി​യു​ടെ ജോലി, ഗൃഹഭ​ര​ണ​ത്തിന്‌ ആവശ്യ​മായ പാചകം, തയ്യൽ, അതു​പോ​ലെ​തന്നെ വിലപ്പെട്ട മററു പല വിഷയങ്ങൾ, എന്നിവ പഠിക്കാ​വു​ന്ന​താണ്‌.

⁶ ഈ പരിശീ​ല​ന​ങ്ങ​ളിൽ മിക്കവ​യും നിങ്ങൾ സ്‌കൂൾ വിട്ട​ശേഷം  അത്ര എളുപ്പ​ത്തിൽ ലഭ്യമ​ല്ലാ​തി​രു​ന്നേ​ക്കാം. പിന്നീട്‌ അതു ലഭിക്കു​ന്നു​വെ​ങ്കിൽതന്നെ അത്‌ ചില​വേ​റി​യ​താ​യി നിങ്ങൾ കണ്ടെത്തും. അതുമ​ല്ലെ​ങ്കിൽ അതു പഠിക്കു​ന്ന​തിന്‌, നിങ്ങളെ പഠിപ്പി​ക്കാൻ ഒട്ടും​തന്നെ താല്‌പ​ര്യ​മി​ല്ലാ​ത്ത​വ​രു​ടെ കൂട്ടത്തിൽ നിങ്ങൾ ജോലി ചെയ്യേ​ണ്ട​താ​യി വന്നേക്കാം. അതു​കൊണ്ട്‌ സ്‌കൂ​ളി​ലാ​യി​രി​ക്കു​മ്പോൾതന്നെ ഇവയിൽ ചിലതു പഠിക്കാ​നു​ളള അവസരം ഉപയോ​ഗി​ക്ക​രു​തോ? സ്‌കൂ​ളിൽ പഠനവി​ഷ​യങ്ങൾ തെര​ഞ്ഞെ​ടു​ക്കേണ്ട ഘട്ടം വരു​മ്പോൾ തീർച്ച​യാ​യും നിങ്ങളു​ടെ മാതാ​പി​താ​ക്ക​ളു​മാ​യി അക്കാര്യം ചർച്ച ചെയ്യുക. അതുവഴി അവരുടെ ജീവി​താ​നു​ഭ​വ​ങ്ങ​ളിൽ നിന്ന്‌ നിങ്ങൾക്കു പ്രയോ​ജനം അനുഭ​വി​ക്കാൻ കഴിയും.

നന്നായി വായി​ക്കാൻ പഠിക്കുക

7-11. (എ) നന്നായി വായി​ക്കാ​നു​ളള പ്രാപ്‌തി വിശേ​ഷാൽ വില​പ്പെ​ട്ട​താ​യി​രി​ക്കു​ന്ന​തെ​ന്തു​കൊണ്ട്‌? (1 തിമൊ​ഥെ​യോസ്‌ 4:13, യോശുവ 1:8) (ബി) നിങ്ങളു​ടെ വായനാ​പ്രാ​പ്‌തി മെച്ച​പ്പെ​ടു​ത്തു​ന്ന​തിന്‌ എന്തൊക്കെ നിങ്ങൾക്ക്‌ സഹായ​ക​മാ​യി​രു​ന്നേ​ക്കാം?

⁷ പ്രാ​യോ​ഗിക മൂല്യ​മു​ളള പലതും നിങ്ങൾക്ക്‌ സ്‌കൂ​ളിൽ പഠിക്കാൻ കഴിയു​മെ​ങ്കി​ലും നിങ്ങൾക്ക്‌ വളരെ സന്തോഷം കൈവ​രു​ത്താ​നു​ത​കുന്ന ഒന്നുണ്ട്‌. അതിന്‌ നിങ്ങളു​ടെ ശേഷിച്ച സ്‌കൂൾ ജീവി​ത​ത്തിൻമേ​ലും പിൽക്കാല ജീവി​ത​ത്തിൻമേൽ പോലും വലിയ സ്വാധീ​ന​മു​ണ്ടാ​യി​രി​ക്കും. അതു വായി​ക്കാ​നു​ളള, നന്നായി വായി​ക്കാ​നു​ളള പ്രാപ്‌തി​യാണ്‌. അനേക തരത്തി​ലു​ളള അറിവും വൈദ​ഗ്‌ദ്ധ്യ​വും ആസ്വാ​ദ​ന​വും തുറന്നു തരുന്ന താക്കോ​ലാ​ണത്‌.

⁸ അനുദി​നം നിങ്ങൾ ഉണർന്നി​രി​ക്കു​മ്പോ​ഴെ​ല്ലാം നിങ്ങൾ പരസ്യ​പ്പ​ല​ക​ക​ളും ലേബലു​ക​ളും പുസ്‌ത​ക​ങ്ങ​ളും മാസി​ക​ക​ളും പത്രങ്ങ​ളും ഫാറങ്ങ​ളും കത്തുക​ളും പോലെ വായി​ക്കാ​നു​ള​ള​വയെ അഭിമു​ഖീ​ക​രി​ക്കു​ന്നു. നന്നായി വായി​ക്കാൻ അറിയാ​ത്ത​വർക്ക്‌ ഇതൊക്കെ ഒട്ടും​തന്നെ സുഖക​ര​മ​ല്ലാത്ത ഒരു ജോലി​യാ​യി​രി​ക്കും. നേരെ മറിച്ച്‌ നിങ്ങൾ നന്നായി വായി​ക്കാൻ പഠിക്കു​ന്നു​വെ​ങ്കിൽ ആസ്വാ​ദ്യ​ക​ര​മാം​വണ്ണം നിങ്ങളു​ടെ ജീവിതം കൂടുതൽ ധന്യമാ​യി​രി​ക്കും.

⁹ പ്രത്യേ​കി​ച്ചും നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ ദൈവ​വ​ച​ന​മായ ബൈബി​ളി​ലെ കാര്യങ്ങൾ പഠിക്കാൻ കഴി​യേ​ണ്ട​തിന്‌ നന്നായി വായി​ക്കാൻ പഠിക്കു​ന്ന​തിന്‌ നിങ്ങൾ ആഗ്രഹി​ക്കും. മററു​ള​ള​വ​രോട്‌ ദൈ​വോ​ദ്ദേ​ശ​ങ്ങ​ളെ​പ്പ​ററി സംസാ​രി​ക്കു​മ്പോ​ഴും വിദഗ്‌ദ്ധ​മായ വായന വളരെ വില​പ്പെ​ട്ട​താ​ണെന്ന്‌ നിങ്ങൾ കണ്ടെത്തും. അതെ, നല്ല വായന​യും നല്ല രീതി​യി​ലു​ളള സംസാ​ര​വും വളരെ അടുത്തു ബന്ധപ്പെ​ട്ടി​രി​ക്കു​ന്നു.

 ¹⁰ മററ​നേ​ക​രേ​യും പോലെ വായന​യു​ടെ കാര്യ​ത്തിൽ നിങ്ങൾക്ക്‌ ഒരു പ്രശ്‌ന​മു​ണ്ടെന്ന്‌ നിങ്ങൾ കാണു​ന്നു​വെ​ങ്കിൽ അതിൽ നിരാ​ശ​രാ​കേ​ണ്ട​തില്ല, അതു മുഖ്യ​മാ​യും നിരന്തര പരിശീ​ല​ന​ത്തി​ന്റെ​യും വാക്കുകൾ എപ്രകാ​രം എഴുതി​യി​രി​ക്കു​ന്നു എന്ന്‌ നന്നായി ശ്രദ്ധി​ക്കു​ന്ന​തി​ന്റെ​യും ഒരു സംഗതി​യാണ്‌. ചില​പ്പോ​ഴൊ​ക്കെ ഉച്ചത്തിൽ വായി​ക്കുക. ഇതു ശരിയായ അർത്ഥം ഗ്രഹി​ക്കു​ന്ന​തി​നും വായി​ക്കു​മ്പോൾ ഉചിത​മായ വികാരം പ്രകട​മാ​ക്കു​ന്ന​തി​നും നിങ്ങളെ സഹായി​ക്കും. സാദ്ധ്യ​മെ​ങ്കിൽ നന്നായി വായി​ക്കാൻ അറിയാ​വുന്ന ഒരാ​ളോട്‌ നിങ്ങളു​ടെ വായന ശ്രദ്ധി​ക്കാൻ ആവശ്യ​പ്പെ​ടുക. അതു തെററു​ക​ളും നിങ്ങളു​ടെ വായന​യിൽ കാണ​പ്പെ​ട്ടേ​ക്കാ​വുന്ന തെററായ രീതി​ക​ളും തിരു​ത്താൻ നിങ്ങളെ സഹായി​ക്കും.

¹¹ അനായാ​സ​വും തടസ്സം കൂടാ​തെ​യും വായി​ക്കാ​നു​ളള പ്രാപ്‌തി യഥാർത്ഥ ശ്രമം ചെയ്യാതെ കരഗത​മാ​കു​ന്നില്ല എന്നത്‌ സത്യം തന്നെ. എന്നാൽ ഇന്ന്‌ നിങ്ങൾ ചെയ്യുന്ന ശ്രമത്തിന്‌ അനേകം മടങ്ങ്‌ പ്രതി​ഫലം നിങ്ങൾക്കു ലഭിക്കും. ജീവിതം പരമാ​വധി ആസ്വദി​ക്കു​ന്ന​തിന്‌ അതു നിങ്ങളെ സഹായി​ക്കും.

പഠിക്കു​ന്ന​തു​കൊ​ണ്ടു​ളള മററു പ്രയോ​ജ​ന​ങ്ങൾ

12-14. (എ) ഇപ്പോൾ നിങ്ങൾ സ്‌കൂ​ളിൽ പഠിച്ചു​കൊ​ണ്ടി​രി​ക്കുന്ന പാഠ്യ​പ​ദ്ധ​തി​കൾ എത്രമാ​ത്രം പ്രാ​യോ​ഗി​ക​മൂ​ല്യ​മു​ള​ള​വ​യാണ്‌? (ബി) പഠനപ​ദ്ധ​തി​കൾക്ക്‌ നിങ്ങ​ളെ​ത്തന്നെ വിധേ​യ​രാ​ക്കു​ന്നത്‌ എപ്രകാ​ര​മാണ്‌ പിൽക്കാല ജീവി​ത​ത്തിൽ നിങ്ങൾക്ക്‌ വില​പ്പെ​ട്ട​താണ്‌ എന്ന്‌ തെളി​യു​ന്നത്‌?

¹² സ്‌കൂ​ളിൽ പഠിക്കുന്ന ചില വിഷയ​ങ്ങൾക്ക്‌ വലിയ പ്രാ​യോ​ഗിക മൂല്യ​മി​ല്ലാ​ത്ത​താ​യി നിങ്ങൾക്കു തോന്നി​യേ​ക്കാം. എന്നാൽ അവ നിങ്ങളു​ടെ വീക്ഷണം വിശാ​ല​മാ​ക്കു​ന്ന​തി​നും മററു ചില വിധങ്ങ​ളി​ലും പ്രയോ​ജ​ന​ക​ര​മാ​യി​രു​ന്നേ​ക്കാം. ചരി​ത്ര​വും ഭൂമി​ശാ​സ്‌ത്ര​വും ഭാഷക​ളും പഠിക്കു​ന്ന​തി​നാൽ നിങ്ങൾക്ക്‌ മററു ജനതക​ളെ​യും സ്ഥലങ്ങ​ളെ​യും​പ​ററി പഠിക്കു​ന്ന​തിന്‌ സാധി​ക്കു​ന്നു. അനേക​രും വളരെ ബുദ്ധി​മു​ട്ടു​ള​ള​താ​യി കരുതുന്ന കണക്ക്‌ പലേ പ്രവർത്ത​ന​രം​ഗ​ങ്ങ​ളി​ലും തൊഴി​ലു​ക​ളി​ലും വളരെ പ്രയോ​ജ​ന​ക​ര​മാണ്‌. ഗൃഹഭ​ര​ണ​ത്തി​ലേർപ്പെ​ട്ടി​രി​ക്കുന്ന ഒരാൾക്കു​പോ​ലും പാചക​വി​ധി​കൾ തയ്യാറാ​ക്കു​ക​യും വരവു​ചെ​ലവു കണക്കുകൾ സൂക്ഷി​ക്കു​ക​യും മററും ചെയ്യേ​ണ്ട​തു​ള​ള​തി​നാൽ ഇതു വില​പ്പെ​ട്ട​താണ്‌.

¹³ നിങ്ങൾ ഇഷ്ടപ്പെ​ടാത്ത വിഷയ​ങ്ങൾപോ​ലും സ്‌കൂ​ളിൽ പഠിക്കു​ന്ന​തു​കൊണ്ട്‌ മറെറാ​രു പ്രയോ​ജ​ന​വു​മുണ്ട്‌. പഠനം നിങ്ങളു​ടെ മനസ്സിന്‌ ഒരു അഭ്യാ​സ​മാ​യു​പ​ക​രി​ക്കു​ന്നു. അതുവഴി ബുദ്ധി​പ​ര​മായ നിങ്ങളു​ടെ പ്രാപ്‌തി​യും മെച്ച​പ്പെ​ടു​ന്നു.  ഇതു നിങ്ങളു​ടെ ശരീര​ത്തി​ലെ മാംസ​പേ​ശി​ക​ളു​ടെ കാര്യ​ത്തി​ലെ​ന്ന​തു​പോ​ലെ​യാണ്‌. നിങ്ങളു​ടെ മാംസ​പേ​ശി​കൾക്ക്‌ എത്രമാ​ത്രം വ്യായാ​മം കൊടു​ക്കു​ന്നു​വോ അത്രയും കൂടു​ത​ലാ​യി അവ നിങ്ങൾക്ക്‌ ഉപകരി​ക്കു​ന്നു. മാനസി​കോ​ദ്യ​മങ്ങൾ ക്രമേണ നിങ്ങൾക്ക്‌ ആയാസ​ര​ഹി​ത​മാ​യി​ത്തീ​രു​ക​യും അവ കൂടുതൽ ഉല്‌പാ​ദ​ന​ക്ഷ​മ​മാ​യി​രി​ക്കു​ക​യും ചെയ്യു​ന്ന​താ​യി നിങ്ങൾ കണ്ടെത്തും. എന്നാൽ മാംസ​പേ​ശി​ക​ളു​ടെ കാര്യ​ത്തി​ലെ​ന്ന​പോ​ലെ മനസ്സി​നെ​യും വേണ്ടത്ര ഉപയോ​ഗി​ക്കാൻ ശ്രദ്ധി​ക്കു​ന്നി​ല്ലെ​ങ്കിൽ അതു “ദുർബല”മായി​ത്തീ​രും. തന്റെ മനസ്സ്‌ അപ്രകാ​ര​മാ​യി​രി​ക്കാൻ ആരാണ്‌ ആഗ്രഹി​ക്കുക?

¹⁴ സ്‌കൂ​ളി​ലെ പഠനത്തിന്‌ ശ്രദ്ധ​കൊ​ടു​ക്കു​ന്ന​തിൽ നിന്ന്‌ ലഭിക്കാ​വു​ന്ന​താ​യി വിശേ​ഷാൽ വിലപ്പെട്ട മറെറ​ന്തെ​ങ്കി​ലു​മു​ണ്ടോ? ഉവ്വ്‌, നിങ്ങൾക്കു സ്വയശി​ക്ഷണം അഭ്യസി​ക്കു​ന്ന​തിന്‌ കഴിയു​ന്നു. ഇതു നിങ്ങൾക്ക്‌ ഇപ്പോൾ അത്ര ആകർഷ​ക​മാ​യി തോന്നു​ക​യി​ല്ലാ​യി​രി​ക്കാം. എന്നാൽ നിങ്ങൾക്ക​റി​യാ​വു​ന്ന​തു​പോ​ലെ, ജീവി​ത​ത്തിൽ നിങ്ങൾക്ക്‌ എല്ലായ്‌പ്പോ​ഴും നിങ്ങൾ ഇഷ്ടപ്പെ​ടു​ന്ന​തു​മാ​ത്രം ചെയ്യുക സാദ്ധ്യമല്ല. നിങ്ങൾ സ്വന്തം ജീവസ​ന്ധാ​ര​ണ​ത്തി​നോ കുടും​ബത്തെ പോറ​റു​ന്ന​തി​നോ വേണ്ടി കൂടുതൽ ഉത്തരവാ​ദി​ത്വ​ങ്ങൾ ഏൽക്കു​മ്പോൾ ഇതു ഇപ്പോ​ഴ​ത്തേ​തി​ലും അധിക​മാ​യി സത്യമാ​യി​രി​ക്കും. സമർത്ഥ​നായ ഒരു കായി​ക​താ​ര​ത്തെ​പ്പോ​ലെ ഇപ്പോൾ നിങ്ങൾക്കു​തന്നെ ശിക്ഷണം കൊടു​ത്തു നിങ്ങൾ ശീലി​ക്കു​ന്നു​വെ​ങ്കിൽ പ്രായ​പൂർത്തി​യാ​കു​മ്പോ​ഴത്തെ ഉത്തരവാ​ദി​ത്വ​ങ്ങൾ വഹിക്കു​ന്ന​തി​നാ​വ​ശ്യ​മായ ശിക്ഷണം നേടു​ന്ന​തിന്‌ അതു നിങ്ങളെ സഹായി​ക്കും. ശ്രദ്ധ കേന്ദ്രീ​ക​രി​ക്കു​ന്ന​തി​നു​ളള പ്രാപ്‌തി വികസി​പ്പി​ക്കു​ന്ന​തി​നും അതു സഹായ​ക​മാണ്‌. ചെറു​പ്പ​ത്തിൽ വളർത്തി​യെ​ടു​ക്കാൻ കഴിഞ്ഞി​രു​ന്നെ​ങ്കിൽ എന്ന്‌ അനേക​രും ആഗ്രഹി​ക്കുന്ന ഒരു ഗുണമാ​ണത്‌.

ഒരു സംരക്ഷണം

15-18. (എ) പഠനകാ​ര്യ​ങ്ങ​ളിൽ കഠിന​ശ്രമം ചെയ്യു​ന്നത്‌ എപ്രകാ​ര​മാണ്‌ നിങ്ങൾക്ക്‌ ഒരു സംരക്ഷ​ണ​മാ​യി​രി​ക്കു​ന്നത്‌? (സദൃശ​വാ​ക്യ​ങ്ങൾ 13:20) (ബി) ക്രിസ്‌ത്യാ​നി​യാ​യി​രി​ക്കുന്ന ഒരു യുവാവ്‌ സ്‌കൂ​ളിൽ നല്ല മാതൃക വയ്‌ക്കാൻ പ്രത്യേ​കാൽ ആഗ്രഹി​ക്കേ​ണ്ട​തെ​ന്തു​കൊണ്ട്‌? (തീത്തോസ്‌ 2:6, 7, 10) (സി) ക്രിസ്‌ത്യാ​നി​കൾക്കു​ളള ഏതു ഭാവി പ്രതീക്ഷ സ്‌കൂ​ളിൽ പഠിക്കു​ന്ന​തി​നും പ്രാ​യോ​ഗിക വൈദ​ഗ്‌ദ്ധ്യം നേടു​ന്ന​തി​നും ഒരു ശക്തമായ പ്രേര​ണ​യാ​യി​രി​ക്കണം? (1 യോഹ​ന്നാൻ 2:15-17; 2 പത്രോസ്‌ 3:13)

¹⁵ പഠനകാ​ര്യ​ങ്ങ​ളിൽ കഠിന​ശ്രമം ചെയ്യു​ന്നതു സംബന്ധിച്ച്‌ എടുത്തു പറയത്തക്ക മറെറാ​രു ഗുണവും കൂടി​യുണ്ട്‌. പഠനകാ​ര്യ​ങ്ങ​ളി​ലു​ളള നിങ്ങളു​ടെ കഠിന​ശ്രമം നിങ്ങൾക്ക്‌ ഒരു സംരക്ഷ​ണ​മാ​യി ഉതകി​യേ​ക്കാം. അതെ​പ്ര​കാ​ര​മാണ്‌?

¹⁶ നിങ്ങളു​ടെ സഹപാ​ഠി​ക​ളു​ടെ​യി​ട​യിൽ ധാർമ്മിക പ്രശ്‌ന​ങ്ങ​ളു​ള​ള​തി​ന്റെ ലക്ഷണങ്ങൾ നിങ്ങൾ കണ്ടിട്ടുണ്ട്‌ എന്നത്‌  മിക്കവാ​റും തീർച്ച​യാണ്‌. തികച്ചും സങ്കടക​ര​മായ ഫലങ്ങ​ളോ​ടെ​തന്നെ അവർക്കി​ട​യിൽ വളരെ​യ​ധി​കം ലൈം​ഗിക ദുർന്ന​ട​ത്ത​യും മയക്കു​മ​രു​ന്നു​ക​ളു​ടെ ഉപയോ​ഗ​വു​മുണ്ട്‌. കൂടാതെ അനേകം യുവജ​ന​ങ്ങ​ളി​ലും മത്സരത്തി​ന്റെ ഒരാത്മാവ്‌ പ്രബല​പ്പെ​ട്ടി​രി​ക്കു​ന്നു.

¹⁷ ദൈവ​വ​ച​ന​ത്തിൽ പഠിപ്പി​ക്ക​പ്പെ​ട്ടി​രി​ക്കുന്ന നടത്തയു​ടെ നല്ല നിലവാ​ര​ങ്ങ​ളോട്‌ യാതൊ​രു ബഹുമാ​ന​വും ഇല്ലാത്ത​വ​രു​മാ​യു​ളള കൂട്ടു​കെട്ട്‌ നിങ്ങളെ വളരെ​യ​ധി​കം ശല്യ​പ്പെ​ടു​ത്തി​യേ​ക്കാം. അത്തരമാ​ളു​ക​ളു​മാ​യി ബന്ധപ്പെ​ടു​ന്നത്‌ നിങ്ങൾക്ക്‌ ഒഴിവാ​ക്കാൻ സാദ്ധ്യ​മ​ല്ലെ​ങ്കി​ലും സ്‌കൂ​ളി​ലെ പഠനത്തിന്‌ ആവശ്യ​മാ​യി​രി​ക്കു​ന്ന​തി​ലും അധിക​മാ​യി അവരോ​ടു​ളള സഹവാസം നിങ്ങൾക്ക്‌ ഒഴിവാ​ക്കാൻ കഴിയും. നിങ്ങൾ പഠനത്തിന്‌ നല്ല ശ്രദ്ധ നൽകു​ന്നു​വെ​ങ്കിൽ സ്‌കൂൾ കഴിഞ്ഞു​ളള ഒഴിവു സമയത്തി​ന്റെ നല്ലൊരു ഭാഗം അതിനാ​വ​ശ്യ​മാ​യി വരും. അതിനാൽതന്നെ തത്വദീ​ക്ഷ​യി​ല്ലാ​ത്ത​വ​രു​മാ​യു​ളള സഹവാ​സ​ത്തിന്‌ ഒരു പരിധി ഉണ്ടായി​രി​ക്കു​ക​യും ചെയ്യും. നിങ്ങൾ വിദ്യാ​ഭ്യാ​സ​വു​മാ​യി മുൻപോ​ട്ടു പോകാൻ ആഗ്രഹി​ക്കു​ന്നു എന്നു കാണു​മ്പോൾ അത്തരം ആളുകൾ ക്രമേണ നിങ്ങളെ ഒഴിഞ്ഞു​മാ​റി​ക്കൊ​ള​ളും. ഇതു നിങ്ങൾക്കൊ​രു സംരക്ഷ​ണ​മാ​യി​രി​ക്കും.

¹⁸ മാത്ര​വു​മല്ല നിങ്ങൾ ഒരു സത്യ​ക്രി​സ്‌ത്യാ​നി​യാ​യി തിരി​ച്ച​റി​യ​പ്പെ​ടു​ന്നു​വെ​ങ്കിൽ പഠനത്തി​നു ശ്രദ്ധ നൽകുക വഴി നിങ്ങൾ മററു​ള​ള​വർക്ക്‌ ഒരു നല്ല മാതൃ​ക​യാ​യി​രി​ക്കും. അതു നിങ്ങൾക്കും നിങ്ങളു​ടെ മാതാ​പി​താ​ക്കൾക്കും നിങ്ങൾ ആരാധി​ക്കുന്ന ദൈവ​ത്തി​നും ബഹുമതി കൈവ​രു​ത്തും. ഒരു യുവ ക്രിസ്‌ത്യാ​നി എന്ന നിലയിൽ ഈ വസ്‌തു​ത​യിൽ നിങ്ങൾ വളരെ പ്രോ​ത്സാ​ഹ​ന​വും പ്രേര​ണ​യും കണ്ടെത്തും. നിങ്ങൾ ഇപ്പോൾ വികസി​പ്പി​ച്ചെ​ടു​ക്കുന്ന പ്രാപ്‌തി​ക​ളും വൈദ​ഗ്‌ദ്ധ്യ​ങ്ങ​ളും ഈ വ്യവസ്ഥി​തി​ക്ക​പ്പു​റ​വും പ്രയോ​ജ​ന​പ്ര​ദ​മാ​യി​രി​ക്കും, എന്തു​കൊണ്ട്‌? കാരണം ഈ മുഴു​ദു​ഷ്ട​വ്യ​വ​സ്ഥി​തി​യും അതിന്റെ അന്ത്യത്തെ സമീപി​ച്ചു​കൊ​ണ്ടി​രി​ക്ക​യാ​ണെന്ന്‌ ബൈബിൾ തെളിവു നൽകുന്നു. പെട്ടെ​ന്നു​തന്നെ തൽസ്ഥാ​നത്ത്‌ ആത്മാർത്ഥ​ഹൃ​ദ​യ​രാ​യി​ട്ടു​ളള ആളുകൾക്ക്‌ നിത്യ​ജീ​വൻ ആസ്വദി​ക്കാൻ കഴിയുന്ന, ദൈവ​ത്തി​ന്റെ നീതി​യു​ളള പുതിയ വ്യവസ്ഥി​തി സ്ഥാപി​ക്ക​പ്പെ​ടും. ആ പുതിയ വ്യവസ്ഥി​തി​യിൽ ദൈവ​ത്തി​ന്റെ വാഗ്‌ദത്തം സത്യ​മെന്നു തെളി​യും: “എന്റെ വൃതൻമാർ തന്നെ തങ്ങളുടെ അദ്ധ്വാ​ന​ഫലം പൂർണ്ണ​മാ​യി ഉപയോ​ഗി​ക്കും.” (യെശയ്യാവ്‌ 65:22) അതു​കൊണ്ട്‌ യൗവന​ത്തിൽ നിങ്ങൾ സമ്പാദി​ക്കുന്ന പഠനത്തി​ന്റെ​തും വേലയു​ടെ​തു​മായ നല്ല ശീലങ്ങൾ നിങ്ങൾക്ക്‌ എന്നേക്കും സംതൃ​പ്‌തി​യു​ടെ​യും സന്തോ​ഷ​ത്തി​ന്റെ​യും ഒരു ഉറവാ​ണെന്ന്‌ തെളി​യും.

[അധ്യയന ചോദ്യ​ങ്ങൾ]

[81-ാം പേജിലെ ചിത്രം]

പ്രായോഗിക പരിശീ​ലനം ഭാവി​ജീ​വി​ത​ത്തിന്‌ നിങ്ങളെ സജ്ജരാ​ക്കും