അധ്യായം 15

ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രുക

1, 2. ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രു​ന്ന​തിന്‌ എന്താണാ​വ​ശ്യ​മാ​യി​രി​ക്കു​ന്നത്‌?

¹ ദൈവ​ത്തി​ന്റെ ഗവൺമെൻറിൻകീ​ഴിൽ എന്നേക്കും ജീവി​ച്ചി​രി​ക്കാൻ നിങ്ങളാ​ഗ്ര​ഹി​ക്കു​ന്നു​വോ? സുബോ​ധ​മു​ളള ഏതൊ​രാ​ളും ഉവ്വ്‌ എന്ന്‌ ഉത്തരം പറയും! അത്ഭുത​ക​ര​മായ പ്രയോ​ജ​നങ്ങൾ ആസ്വദി​ക്ക​പ്പെ​ടും. എന്നാൽ അവ ലഭിക്കു​ന്ന​തി​നു വെറുതെ കൈ ഉയർത്തി ‘ഞാൻ ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​രി​ക്കാൻ ആഗ്രഹി​ക്കു​ന്നു’ എന്നു നിങ്ങൾക്കു പറയാ​വു​ന്നതല്ല. കൂടുതൽ ആവശ്യ​മാണ്‌.

² ദൃഷ്ടാ​ന്ത​മാ​യി, നിങ്ങൾ മറെറാ​രു രാജ്യത്തെ പൗരനാ​യി​ത്തീ​രാ​നാ​ഗ്ര​ഹി​ക്കു​ന്നു​വെ​ന്നി​രി​ക്കട്ടെ. അങ്ങനെ ചെയ്യു​ന്ന​തിന്‌, ആ രാജ്യത്തെ ഭരണാ​ധി​കാ​രി​കൾ വെക്കുന്ന വ്യവസ്ഥകൾ നിങ്ങൾ പാലി​ക്കേ​ണ്ട​തുണ്ട്‌. എന്നാൽ അതു ചെയ്യു​ന്ന​തി​നു​മുമ്പ്‌ ആ വ്യവസ്ഥകൾ എന്തൊ​ക്കെ​യാ​ണെന്നു നിങ്ങൾ മനസ്സി​ലാ​ക്കേ​ണ്ടി​യി​രി​ക്കു​ന്നു. അതു​പോ​ലെ​തന്നെ, ദൈവ​ത്തി​ന്റെ ഗവൺമെൻറി​ന്റെ പ്രജയാ​യി​ത്തീ​രാ​നാ​ഗ്ര​ഹി​ക്കു​ന്ന​വ​രിൽനി​ന്നു ദൈവം എന്താവ​ശ്യ​പ്പെ​ടു​ന്നു​വെന്നു നിങ്ങൾ പഠി​ക്കേ​ണ്ട​യാ​വ​ശ്യ​മുണ്ട്‌. പിന്നെ നിങ്ങൾ ആ വ്യവസ്ഥകൾ പാലി​ക്കണം.

അറിവ്‌ ആവശ്യം

3. ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രു​ന്ന​തി​നു​ളള ഒരു വ്യവസ്ഥ എന്താണ്‌?

³ ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രു​ന്ന​തി​നു​ളള സുപ്ര​ധാ​ന​മായ ഒരു വ്യവസ്ഥ അതിന്റെ “ഭാഷ”യുടെ അറിവു നേടു​ക​യാണ്‌. തീർച്ച​യാ​യും ഇതു ന്യായ​യു​ക്ത​മാണ്‌. ചില മാനു​ഷ​ഗ​വൺമെൻറു​ക​ളും പുതിയ പൗരൻമാർ ആ രാജ്യത്തെ ഭാഷ സംസാ​രി​ക്കാൻ പ്രാപ്‌ത​രാ​യി​രി​ക്ക​ണ​മെന്ന്‌ ആവശ്യ​പ്പെ​ടു​ന്നു. അപ്പോൾ ദൈവ​ത്തി​ന്റെ ഗവൺമെൻറിൻകീ​ഴിൽ ജീവൻ ലഭി​ക്കേ​ണ്ടവർ പഠി​ക്കേ​ണ്ടത്‌ ഏതു “ഭാഷ”യാണ്‌?

4. ദൈവ​ത്തി​ന്റെ ജനം ഏതു “നിർമ​ല​ഭാഷ” പഠിക്കണം?

⁴ യഹോവ അതു സംബന്ധി​ച്ചു തന്റെ വചനമായ ബൈബി​ളിൽ പറയു​ന്നതു ശ്രദ്ധി​ക്കുക: “എന്തെന്നാൽ ജനങ്ങ​ളെ​ല്ലാം യഹോ​വയെ തോ​ളോ​ടു​തോൾ ചേർന്നു സേവി​ക്കേ​ണ്ട​തിന്‌, അവന്റെ നാമത്തെ വിളി​ച്ച​പേ​ക്ഷി​ക്കേ​ണ്ട​തിന്‌, ഞാൻ അവർക്ക്‌ ഒരു നിർമ​ല​ഭാ​ഷ​യി​ലേ​ക്കു​ളള മാററം അനുവ​ദി​ക്കും.” (സെഫന്യാവ്‌ 3:9) ഈ “നിർമ​ല​ഭാഷ” ബൈബി​ളിൽ കാണ​പ്പെ​ടുന്ന ദൈവ​ത്തി​ന്റെ സത്യമാണ്‌. വിശേ​ഷാൽ അതു ദൈവ​ത്തി​ന്റെ രാജ്യ​ഗ​വൺമെൻറി​നെ​ക്കു​റി​ച്ചു​ളള സത്യമാണ്‌. അതു​കൊണ്ട്‌ ദൈവ​ത്തി​ന്റെ ഗവൺമെൻറി​ലെ ഒരു പ്രജയാ​യി​ത്തീ​രു​ന്ന​തി​നു നിങ്ങൾ യഹോ​വ​യേ​യും അവന്റെ രാജ്യ​ക്ര​മീ​ക​ര​ണ​ത്തെ​യും​കു​റി​ച്ചു​ളള അറിവ്‌ ഉൾക്കൊ​ണ്ടു​കൊണ്ട്‌ ഈ “ഭാഷ” പഠി​ക്കേ​ണ്ട​താണ്‌.—കൊ​ലോ​സ്യർ 1:9, 10; സദൃശ​വാ​ക്യ​ങ്ങൾ 2:1-5.

5. (എ) ദൈവ​ത്തി​ന്റെ ഗവൺമെൻറി​നെ​ക്കു​റി​ച്ചു നാം എന്തറി​യണം? (ബി) നിത്യ​ജീ​വൻ സമ്പാദി​ക്കു​ന്ന​തി​നു നമുക്ക്‌ എന്ത്‌ അറിവ്‌ ആവശ്യ​മാണ്‌?

 ⁵ പൗരത്വം ലഭി​ക്കേ​ണ്ടവർ തങ്ങളുടെ ഗവൺമെൻറി​ന്റെ ചരി​ത്ര​ത്തെ​ക്കു​റി​ച്ചും അതിന്റെ പ്രവർത്തനം സംബന്ധിച്ച വസ്‌തു​ത​ക​ളെ​ക്കു​റി​ച്ചും ചില​തൊ​ക്കെ അറിഞ്ഞി​രി​ക്ക​ണ​മെന്ന്‌ ഇന്നു ചില മാനു​ഷ​ഗ​വൺമെൻറു​കൾ ആവശ്യ​പ്പെ​ടു​ന്നുണ്ട്‌. അതു​പോ​ലെ, നിങ്ങൾ ദൈവ​ത്തി​ന്റെ ഗവൺമെൻറി​ന്റെ പ്രജയാ​യി​ത്തീ​ര​ണ​മെ​ങ്കിൽ നിങ്ങൾ അതി​നെ​സം​ബ​ന്ധിച്ച അത്തരം കാര്യങ്ങൾ അറിയണം. ഈ അറിവി​നു നിത്യ​ജീ​വ​നി​ലേക്കു നയിക്കാൻ കഴിയും. യേശു തന്റെ പിതാ​വി​നോ​ടു​ളള പ്രാർഥ​ന​യിൽ ഇങ്ങനെ പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും കുറി​ച്ചു​ളള അറിവ്‌ അവർ ഉൾക്കൊ​ള​ളു​ന്ന​തി​ന്റെ അർഥം നിത്യ​ജീ​വൻ എന്നാണ്‌.”—യോഹ​ന്നാൻ 17:3.

6. (എ) ദൈവ​ത്തി​ന്റെ ഗവൺമെൻറി​ന്റെ പ്രജകൾ ഉത്തരം പറയാൻ പ്രാപ്‌ത​രാ​യി​രി​ക്കേണ്ട ചില ചോദ്യ​ങ്ങ​ളേവ? (ബി) നിങ്ങൾക്ക്‌ അവയ്‌ക്ക്‌ ഉത്തരം നൽകാൻ കഴിയു​മോ?

⁶ ഈ പുസ്‌ത​ക​ത്തി​ന്റെ മുൻ അധ്യാ​യങ്ങൾ നിങ്ങൾ പഠി​ച്ചെ​ങ്കിൽ ഈ സർവ​പ്ര​ധാ​ന​മായ അറിവി​ന്റെ അധിക​ഭാ​ഗ​വും നിങ്ങൾ ഇപ്പോൾ ഉൾക്കൊ​ണ്ടി​ട്ടു​ണ്ടാ​യി​രി​ക്കും. നിങ്ങൾ പഠിച്ചോ? ചുവടെ ചേർക്കു​ന്ന​തു​പോ​ലെ​യു​ളള ചോദ്യ​ങ്ങൾക്ക്‌ ഉത്തരം പറഞ്ഞു​കൊണ്ട്‌, നിങ്ങൾ പഠിച്ചി​ട്ടു​ണ്ടെന്നു പ്രകട​മാ​ക്കാൻ കഴിയു​മോ? ദൈവം ഒരു രാജ്യ​ഗ​വൺമെൻറ്‌ സംബന്ധിച്ച തന്റെ ഉദ്ദേശ്യം ആദ്യമാ​യി പ്രസ്‌താ​വി​ച്ച​തെ​പ്പോൾ? അതിന്റെ ഭൗമി​ക​പ്ര​ജ​ക​ളാ​യി​രി​ക്കാൻ നോക്കി​പ്പാർത്തി​രുന്ന ദൈവ​ദാ​സൻമാ​രിൽ ചിലർ ആർ? ദൈവ​ത്തി​ന്റെ ഗവൺമെൻറിൽ എത്ര ഭരണാ​ധി​കാ​രി​കൾ അഥവാ രാജാ​ക്കൻമാർ ഉണ്ടായി​രി​ക്കും? ഈ രാജാ​ക്കൻമാർ എവി​ടെ​നി​ന്നാ​യി​രി​ക്കും ഭരിക്കു​ന്നത്‌? ദൈവ​ത്തി​ന്റെ ഗവൺമെൻറിൽ രാജാ​ക്കൻമാ​രാ​യി​രി​ക്കാൻ ആദ്യം തെര​ഞ്ഞെ​ടു​ക്ക​പ്പെ​ട്ടവർ ആരായി​രു​ന്നു? താൻ ഒരു നല്ല രാജാ​വാ​യി​രി​ക്കു​മെന്ന്‌ യേശു തെളി​യി​ച്ച​തെ​ങ്ങനെ? എന്നിരു​ന്നാ​ലും, ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രു​ന്ന​തി​നു കേവലം അതു സംബന്ധി​ച്ചു​ളള അറിവു നേടു​ന്ന​തി​നെ​ക്കാ​ള​ധി​കം ആവശ്യ​മാണ്‌.

 നീതി​നി​ഷ്‌ഠ​മായ നടത്ത ആവശ്യം

7. മാനു​ഷ​ഗ​വൺമെൻറു​ക​ളു​ടെ സംഗതി​യിൽ പൗരത്വ​ത്തി​നു​ളള വ്യവസ്ഥകൾ വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ?

⁷ ഇക്കാലത്തു ഗവൺമെൻറു​കൾ പുതിയ പൗരൻമാർ ഒരു പ്രത്യേക പെരു​മാ​റ​റ​നി​ല​വാ​രം പുലർത്ത​ണ​മെന്ന്‌ ആവശ്യ​പ്പെ​ടു​ന്നുണ്ട്‌. ദൃഷ്ടാ​ന്ത​മാ​യി, ഒരു പുരു​ഷന്‌ ഒരു ഭാര്യ​യും ഒരു സ്‌ത്രീക്ക്‌ ഒരു ഭർത്താ​വും മാത്രമേ ആകാവൂ എന്ന്‌ അവ പറഞ്ഞേ​ക്കാം. എന്നിരു​ന്നാ​ലും മററു ചില ഗവൺമെൻറു​കൾക്കു വ്യത്യസ്‌ത നിയമ​ങ്ങ​ളാ​ണു​ള​ളത്‌. അവ തങ്ങളുടെ പൗരൻമാർക്ക്‌ ഒന്നില​ധി​കം വിവാ​ഹ​ഇ​ണ​കളെ അനുവ​ദി​ക്കു​ന്നു. ദൈവ​ത്തി​ന്റെ ഗവൺമെൻറി​ന്റെ പ്രജക​ളാ​യി​ത്തീ​രാ​നാ​ഗ്ര​ഹി​ക്കു​ന്ന​വ​രിൽനിന്ന്‌ ഏതു നടത്തയാ​ണു പ്രതീ​ക്ഷി​ക്കു​ന്നത്‌? വിവാഹം സംബന്ധി​ച്ചു ശരി എന്താ​ണെ​ന്നാ​ണു ദൈവം പറയു​ന്നത്‌?

8. (എ) വിവാഹം സംബന്ധിച്ച ദൈവ​ത്തി​ന്റെ പ്രമാണം എന്താണ്‌? (ബി) വ്യഭി​ചാ​രം എന്താണ്‌, ദൈവം അതുസം​ബ​ന്ധിച്ച്‌ എന്തു പറയുന്നു?

⁸ ആദിയിൽ യഹോവ ആദാമിന്‌ ഒരു ഭാര്യയെ മാത്രം കൊടു​ത്ത​പ്പോൾ അവൻ വിവാ​ഹ​ത്തി​ന്റെ പ്രമാണം വെക്കു​ക​യു​ണ്ടാ​യി. ദൈവം പറഞ്ഞു: “ഒരു പുരുഷൻ തന്റെ അപ്പനേ​യും അമ്മയേ​യും​വി​ട്ടു തന്റെ ഭാര്യ​യോ​ടു പററി​നിൽക്കേ​ണ്ട​താണ്‌. അവർ ഏകജഡ​വു​മാ​യി​ത്തീ​രേ​ണ്ട​താണ്‌.” (ഉല്‌പത്തി 2:21-24) ക്രിസ്‌ത്യാ​നി​കൾക്കു​ളള ശരിയായ പ്രമാണം ഇതാ​ണെന്നു യേശു വിശദീ​ക​രി​ച്ചു. (മത്തായി 19:4-6) വിവാ​ഹി​ത​ഇ​ണകൾ “ഏകജഡ”മായി​ത്തീർന്നി​രി​ക്കു​ന്ന​തു​കൊണ്ട്‌, അവർ മററാ​രെ​ങ്കി​ലു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടു​ന്നു​വെ​ങ്കിൽ അവർ വിവാ​ഹത്തെ അപമാ​നി​ക്കു​ക​യാണ്‌. ഈ പ്രവൃത്തി വ്യഭി​ചാ​ര​മെന്നു വിളി​ക്ക​പ്പെ​ടു​ന്നു. വ്യഭി​ചാ​രി​കളെ താൻ ശിക്ഷി​ക്കു​മെന്നു ദൈവം പറയുന്നു.—എബ്രായർ 13:4; മലാഖി 3:5.

9. (എ) വിവാ​ഹി​ത​ര​ല്ലാ​ത്ത​പ്പോൾ ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടുന്ന ആളുകളെ സംബന്ധിച്ച ദൈവ​ത്തി​ന്റെ വീക്ഷണം എന്താണ്‌? (ബി) എന്താണു ദുർവൃ​ത്തി?

⁹ മറിച്ച്‌, അനേകം ജോടി​കൾ ഒരുമി​ച്ചു വസിക്കു​ക​യും ലൈം​ഗി​ക​ബ​ന്ധ​ങ്ങ​ളിൽ ഏർപ്പെ​ടു​ക​യും ചെയ്യു​ന്നുണ്ട്‌, എന്നാൽ അവർ വിവാ​ഹി​ത​രാ​കു​ന്നില്ല. എന്നിരു​ന്നാ​ലും, ഒരു പുരു​ഷ​നും സ്‌ത്രീ​യും തമ്മിലു​ളള ഈ അടുത്ത​ബന്ധം ഒരു പരീക്ഷണ അടിസ്ഥാ​ന​ത്തി​ലാ​യി​രി​ക്ക​ണ​മെന്നു ദൈവം ഉദ്ദേശി​ച്ചില്ല. അതു​കൊണ്ട്‌ വിവാ​ഹി​ത​രാ​കാ​തെ ഒന്നിച്ചു ജീവി​ക്കു​ന്നതു വിവാ​ഹ​ക്ര​മീ​ക​രണം ഏർപ്പെ​ടു​ത്തിയ ദൈവ​ത്തി​നെ​തി​രായ ഒരു പാപമാണ്‌. അതു ദുർവൃ​ത്തി​യെന്നു വിളി​ക്ക​പ്പെ​ടു​ന്നു. നിങ്ങളു​മാ​യി വിവാ​ഹ​ബ​ന്ധ​ത്തി​ലേർപ്പെ​ടാത്ത ഏതൊ​രാ​ളു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടു​ന്ന​താ​ണു ദുർവൃ​ത്തി. ബൈബിൾ പറയുന്നു: “ദൈവം ഇഷ്ടപ്പെ​ടു​ന്നത്‌ ഇതാണ്‌, . . . നിങ്ങൾ ദുർവൃ​ത്തി​യിൽനിന്ന്‌ ഒഴിഞ്ഞു​നിൽക്കണം.” (1 തെസ്സ​ലോ​നീ​ക്യർ 4:3-5) അതു​കൊണ്ട്‌ വിവാഹം കഴിക്കാത്ത ഒരാൾ ആരെങ്കി​ലു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടു​ന്നതു തെററാണ്‌.

10. വേറെ ഏതു ലൈം​ഗി​ക​ന​ട​പ​ടി​കൾ ദൈവ​നി​യ​മ​ങ്ങൾക്കെ​തി​രാണ്‌?

¹⁰ ഇന്ന്‌ അനേകം സ്‌ത്രീ​പു​രു​ഷൻമാർ തങ്ങളുടെ സ്വന്തം ലിംഗ​വർഗ​ത്തിൽപെ​ട്ട​വ​രു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടു​ന്നുണ്ട്‌—പുരു​ഷൻമാർ പുരു​ഷൻമാ​രോ​ടും സ്‌ത്രീ​കൾ സ്‌ത്രീ​ക​ളോ​ടും​തന്നെ. അങ്ങനെ​യു​ള​ളവർ സ്വവർഗ​സം​ഭോ​ഗി​കൾ എന്നു വിളി​ക്ക​പ്പെ​ടു​ന്നു. ചില​പ്പോൾ സ്വവർഗ​സം​ഭോ​ഗി​ക​ളായ സ്‌ത്രീ​കൾ സ്‌ത്രീ​സം​ഭോ​ഗി​നി​കൾ എന്നു വിളി​ക്ക​പ്പെ​ടു​ന്നു. എന്നാൽ അവർ ചെയ്യു​ന്നതു തെററാ​ണെന്ന്‌, “മ്ലേച്ഛ”മാണെന്നു ദൈവ​വ​ചനം പറയുന്നു. (റോമർ 1:26, 27) കൂടാതെ, ഒരു വ്യക്തി ഒരു മൃഗവു​മാ​യി  ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടു​ന്നതു ദൈവ​നി​യ​മ​ത്തി​നു വിരു​ദ്ധ​മാണ്‌. (ലേവ്യ​പു​സ്‌തകം 18:23) ദൈവ​ത്തി​ന്റെ ഗവൺമെൻറിൻകീ​ഴിൽ ജീവി​ക്കാ​നാ​ഗ്ര​ഹി​ക്കുന്ന ഏവനും ഈ ദുർമാർഗ​ങ്ങ​ളിൽനിന്ന്‌ അകന്നു നിൽക്കേ​ണ്ട​തുണ്ട്‌.

11. (എ) ലഹരി​പാ​നീ​യ​ങ്ങ​ളു​ടെ ഉപയോ​ഗം സംബന്ധിച്ച ദൈവി​ക​വീ​ക്ഷണം എന്താണ്‌? (ബി) ദൈവ​ത്തി​ന്റെ ഗവൺമെൻറി​ന്റെ പ്രജക​ളാ​യി​ത്തീ​രാൻ ആഗ്രഹി​ക്കു​ന്നവർ ആരോ​ഗ്യ​ത്തി​നു ഹാനി​ക​ര​മായ ഏതു ശീലങ്ങ​ളിൽനി​ന്നു മാറി​നിൽക്കേ​ണ്ട​താണ്‌?

¹¹ മിതമാ​യി വീഞ്ഞോ ബിയറോ മദ്യമോ കുടി​ക്കു​ന്നതു ദൈവ​നി​യ​മ​ത്തി​നെ​തി​രല്ല. യഥാർഥ​ത്തിൽ അല്‌പം വീഞ്ഞ്‌ ഒരുവന്റെ ആരോ​ഗ്യ​ത്തി​നു നല്ലതാ​യി​രി​ക്കാ​മെന്നു ബൈബിൾ പ്രകട​മാ​ക്കു​ന്നു. (സങ്കീർത്തനം 104:15; 1 തിമൊ​ഥെ​യോസ്‌ 5:23) എന്നാൽ കുടിച്ചു മത്തരാ​കു​ന്നത്‌, അല്ലെങ്കിൽ ആളുകൾ അസാൻമാർഗിക നടത്തയി​ലേർപ്പെ​ടുന്ന അനിയ​ന്ത്രി​ത​മായ പാർട്ടി​ക​ളിൽ പങ്കെടു​ക്കു​ന്നതു ദൈവ​നി​യ​മ​ത്തിന്‌ എതിരാണ്‌. (എഫേസർ 5:18; 1 പത്രോസ്‌ 4:3, 4) കുടി​ച്ചു​മ​ത്ത​രാ​കു​ക​യോ “പൂസാ​കു​ക​യോ” ചെയ്യു​ന്ന​തു​കൂ​ടാ​തെ, അനേകർ ഇന്ന്‌ അതേ ഉദ്ദേശ്യ​ത്തിൽ വിവിധ മയക്കു​മ​രു​ന്നു​കൾ ഉപയോ​ഗി​ക്കു​ന്നു. കൂടാതെ, ഉല്ലാസ​ത്തി​നു​വേണ്ടി അവർ കഞ്ചാവോ പുകയി​ല​യോ വലി​ച്ചേ​ക്കാം. അതേസ​മയം മററു ചിലർ അടയ്‌ക്കാ​യോ കോക്കാ​യി​ല​ക​ളോ ചവച്ചേ​ക്കാം. എന്നാൽ ഈ വസ്‌തു​ക്കൾ അവരുടെ ശരീര​ങ്ങളെ അശുദ്ധ​മാ​ക്കു​ക​യും ആരോ​ഗ്യ​ത്തെ തകരാ​റി​ലാ​ക്കു​ക​യും ചെയ്യുന്നു. അതു​കൊണ്ട്‌ നിങ്ങൾ ദൈവ​ത്തി​ന്റെ ഗവൺമെൻറി​ലെ ഒരു പ്രജയാ​യി​ത്തീ​രാ​നാ​ഗ്ര​ഹി​ക്കു​ന്നു​വെ​ങ്കിൽ നിങ്ങൾ ഈ ഹാനി​ക​ര​മായ വസ്‌തു​ക്കൾ വർജി​ക്കേ​ണ്ട​താണ്‌.—2 കൊരി​ന്ത്യർ 7:1.

12. (എ) ദൈവ​ത്തി​ന്റെ നിയമ​ങ്ങൾക്കെ​തി​രായ ചില വഞ്ചനാ​പ​ര​മായ നടപടി​കൾ ഏവ? (ബി) ഇത്തരം നടപടി​ക​ളി​ലേർപ്പെ​ടുന്ന ഒരാൾക്ക്‌ എങ്ങനെ ദൈവ​പ്രീ​തി നേടാൻ കഴിയും?

¹² മാനു​ഷ​ഗ​വൺമെൻറു​കൾ പുതിയ പൗരൻമാ​രാ​യി കുററ​പ്പു​ള​ളി​കളെ ആഗ്രഹി​ക്കു​ന്നി​ല്ലെന്നു വ്യക്തമാണ്‌. യഹോ​വ​യ്‌ക്ക്‌ അതിലും ഉയർന്ന നിലവാ​ര​ങ്ങ​ളുണ്ട്‌. “നാം സകലത്തി​ലും സത്യസ​ന്ധ​രാ​യി നടക്കണ”മെന്ന്‌ അവൻ ആവശ്യ​പ്പെ​ടു​ന്നു. (എബ്രായർ 13:18) ആളുകൾ ദൈവ​ത്തി​ന്റെ നിയമങ്ങൾ അനുസ​രി​ക്കു​ന്നി​ല്ലെ​ങ്കിൽ അവർ അവന്റെ രാജ്യ​ത്തിൽ ജീവി​ക്കാൻ അനുവ​ദി​ക്ക​പ്പെ​ടു​ക​യില്ല. ഇക്കാലത്ത്‌ ആളുകൾ മിക്ക​പ്പോ​ഴും സത്യസ​ന്ധ​രാ​ണെന്നു നടിക്കു​ന്നു, എന്നാൽ അവർ അനേകം നിയമങ്ങൾ ലംഘി​ക്കു​ന്നുണ്ട്‌. എന്നിരു​ന്നാ​ലും ദൈവ​ത്തിന്‌ എല്ലാം കാണാൻ കഴിയും. അവനെ ആർക്കും കബളി​പ്പി​ക്കാൻ സാധ്യമല്ല. (എബ്രായർ 4:13; സദൃശ​വാ​ക്യ​ങ്ങൾ 15:3; ഗലാത്യർ 6:7, 8) അതു​കൊ​ണ്ടു വ്യാജം പറയു​ന്ന​തി​നും മോഷ്ടി​ക്കു​ന്ന​തി​നും എതിരായ നിയമ​ങ്ങൾപോ​ലെ​യു​ളള തന്റെ നിയമങ്ങൾ ലംഘി​ക്കു​ന്നവർ തന്റെ ഗവൺമെൻറി​ന്റെ പ്രജകൾ ആയിത്തീ​രു​ന്നി​ല്ലെന്നു യഹോവ ഉറപ്പു വരുത്തും. (എഫേസ്യർ 4:25, 28; വെളി​പ്പാട്‌ 21:8) എന്നിരു​ന്നാ​ലും ദൈവം ക്ഷമാശീ​ല​നാണ്‌, തെററു ക്ഷമിക്കു​ന്ന​വ​നു​മാണ്‌. അതു​കൊണ്ട്‌ ഒരു ദുഷ്‌പ്ര​വൃ​ത്തി​ക്കാ​രൻ തന്റെ ദുർന്ന​ട​പ​ടി​കൾ നിർത്തി നൻമ​ചെ​യ്യാൻ തിരി​യു​ക​യാ​ണെ​ങ്കിൽ ദൈവം അയാളെ സ്വീക​രി​ക്കും.—യെശയ്യാവ്‌ 55:7.

13. മാനു​ഷ​ഗ​വൺമെൻറു​ക​ളു​ടെ നിയമ​ങ്ങ​ളോ​ടു ദൈവ​ദാ​സൻമാർക്ക്‌ എന്തു വീക്ഷണം ഉണ്ടായി​രി​ക്കണം?

¹³ എന്നാൽ മാനു​ഷ​ഗ​വൺമെൻറു​ക​ളു​ടെ നിയമങ്ങൾ അനുസ​രി​ക്കു​ന്നതു സംബന്ധി​ച്ചെന്ത്‌? മനുഷ്യ​ഗ​വൺമെൻറു​കൾ സ്ഥിതി​ചെ​യ്യു​ന്ന​ട​ത്തോ​ളം​കാ​ലം തന്റെ ദാസൻമാർ ഈ “ശ്രേഷ്‌ഠാ​ധി​കാ​രങ്ങൾ”ക്കു കീഴ്‌പ്പെ​ട്ടി​രി​ക്ക​ണ​മെന്നു ദൈവം ആവശ്യ​പ്പെ​ടു​ന്നു. നികു​തി​കൾ ഉയർന്ന​താ​യി​രു​ന്നാ​ലും, നികു​തി​പ്പണം ഉപയോ​ഗി​ക്കുന്ന വിധ​ത്തോട്‌ ഒരുവൻ യോജി​ക്കാ​തി​രു​ന്നാ​ലും, അവർക്കു നികു​തി​കൾ കൊടു​ക്കേ​ണ്ട​താണ്‌.  കൂടാതെ ഗവൺമെൻറി​ന്റെ നിയമങ്ങൾ അനുസ​രി​ക്കണം. (റോമർ 13:1-7; തീത്തോസ്‌ 3:1) ഗവൺമെൻറി​ന്റെ നിയമ​ത്തോ​ടു​ളള അനുസ​രണം ഒരുവൻ ദൈവ​നി​യ​മത്തെ ലംഘി​ക്കാൻ ഇടയാ​ക്കു​മ്പോൾ മാത്ര​മാണ്‌ അതിൽനിന്ന്‌ ഒഴിവു​ള​ളത്‌. അങ്ങനെ​യു​ളള സന്ദർഭ​ത്തിൽ പത്രോ​സും മററ​പ്പോ​സ്‌ത​ലൻമാ​രും പറഞ്ഞതു​പോ​ലെ, “നാം മനുഷ്യ​രെ​ക്കാ​ള​ധി​കം ദൈവത്തെ അധിപ​തി​യാ​യി അനുസ​രി​ക്കേ​ണ്ട​താണ്‌.”—പ്രവൃ​ത്തി​കൾ 5:29.

14. ജീവന്റെ വിലയെ സംബന്ധിച്ച ദൈവി​ക​വീ​ക്ഷ​ണ​ത്തിൽ നാം പങ്കുപ​റ​റു​ന്നു​വെന്ന്‌ എങ്ങനെ പ്രകട​മാ​ക്കാൻ കഴിയും?

¹⁴ ദൈവം ജീവന്‌ ഉയർന്ന വില കൽപ്പി​ക്കു​ന്നു. അവന്റെ ഗവൺമെൻറി​ന്റെ പ്രജക​ളാ​യി​ത്തീ​രാ​നാ​ഗ്ര​ഹി​ക്കു​ന്നവർ ഇതു മനസ്സി​ലാ​ക്കണം. പ്രസ്‌പ​ഷ്ട​മാ​യി, കൊല​പാ​തകം ദൈവ​നി​യ​മ​ത്തി​നെ​തി​രാണ്‌. എന്നാൽ വിദ്വേ​ഷം പലപ്പോ​ഴും കൊല​പാ​ത​ക​ത്തി​ലേക്കു നയിക്കു​ന്നു. ഒരുവൻ തന്റെ സമസൃ​ഷ്ടി​യെ ദ്വേഷി​ക്കു​ന്ന​തിൽ തുടരു​ന്ന​തു​പോ​ലും, ദ്വേഷി​ക്കു​ന്ന​യാ​ളി​നു ദൈവ​ത്തി​ന്റെ ഗവൺമെൻറി​ന്റെ പ്രജയാ​യി​ത്തീ​രാൻ കഴിക​യില്ല. (1 യോഹ​ന്നാൻ 3:15) അതു​കൊണ്ട്‌, നമ്മുടെ അയൽക്കാ​രെ കൊല്ലു​ന്ന​തിന്‌ ആയുധങ്ങൾ എടുക്കു​ന്ന​തു​സം​ബ​ന്ധി​ച്ചു യെശയ്യാവ്‌ 2:4-ൽ പറഞ്ഞി​രി​ക്കു​ന്നതു ബാധക​മാ​ക്കു​ന്നതു മർമ​പ്ര​ധാ​ന​മാണ്‌. മാതാ​വി​ന്റെ ഗർഭാ​ശ​യ​ത്തി​ലെ ഒരു അജാത​ശി​ശു​വി​ന്റെ ജീവൻപോ​ലും യഹോ​വക്കു വില​യേ​റി​യ​താ​ണെന്നു ദൈവ​വ​ചനം പ്രകട​മാ​ക്കു​ന്നു. (പുറപ്പാട്‌ 21:22, 23; സങ്കീർത്തനം 127:3) എന്നിരു​ന്നാ​ലും  ഓരോ വർഷവും ദശലക്ഷ​ക്ക​ണ​ക്കി​നു ഗർഭച്ഛി​ദ്രങ്ങൾ നടത്ത​പ്പെ​ടു​ന്നുണ്ട്‌. ഇങ്ങനെ ജീവനെ നശിപ്പി​ക്കു​ന്നതു ദൈവ​നി​യ​മ​ത്തി​നെ​തി​രാണ്‌, എന്തു​കൊ​ണ്ടെ​ന്നാൽ മാതാ​വി​ന്റെ ഉളളിലെ മനുഷ്യ​ശി​ശു ജീവനു​ളള ഒരു ആളാണ്‌, അതിനെ നശിപ്പി​ക്ക​രുത്‌.

15. ദൈവ​ത്തി​ന്റെ രാജാ​വി​ന്റെ ഏതു കല്‌പ​നകൾ എല്ലാ രാജ്യ​പ്ര​ജ​ക​ളും അനുസ​രി​ക്കേ​ണ്ട​താണ്‌?

¹⁵ എന്നുവ​രി​കി​ലും, ദൈവ​ത്തി​ന്റെ ഗവൺമെൻറി​ന്റെ പ്രജക​ളാ​യി​ത്തീ​രാ​നു​ള​ള​വ​രിൽനി​ന്നു കേവലം തെറേറാ അധാർമി​ക​മോ ആയതു ചെയ്യാ​തി​രി​ക്കു​ന്ന​തി​നെ​ക്കാ​ള​ധി​കം ആവശ്യ​പ്പെ​ടു​ന്നുണ്ട്‌. അവർ മററു​ള​ള​വർക്കു​വേണ്ടി ദയാപ​ര​വും നിസ്വാർഥ​വു​മായ കാര്യങ്ങൾ ചെയ്യാ​നും യഥാർഥ​ശ്രമം ചെയ്യണം. അവർ രാജാ​വായ യേശു​ക്രി​സ്‌തു നൽകിയ ദൈവി​ക​ച​ട്ട​പ്ര​കാ​രം ജീവി​ക്കണം: “അതു​കൊ​ണ്ടു മനുഷ്യർ നിങ്ങൾക്കു ചെയ്‌തു തരണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം നിങ്ങളും അതു​പോ​ലെ അവർക്കു ചെയ്‌തു​കൊ​ടു​ക്കേ​ണ്ട​താണ്‌.” (മത്തായി 7:12) മററു​ള​ള​വ​രോ​ടു സ്‌നേഹം കാണി​ക്കു​ന്ന​തിൽ യേശു മാതൃ​ക​വെച്ചു. അവൻ മനുഷ്യ​വർഗ​ത്തി​നു​വേണ്ടി തന്റെ ജീവൻ കൊടു​ക്കു​ക​പോ​ലും ചെയ്‌തു. തന്റെ അനുഗാ​മി​ക​ളോട്‌: “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ​തന്നെ നിങ്ങളും പരസ്‌പരം സ്‌നേ​ഹി​ക്കുക” എന്ന്‌ അവൻ കല്‌പി​ച്ചു. (യോഹ​ന്നാൻ 13:34; 1 യോഹ​ന്നാൻ 3:16) മററു​ള​ള​വ​രോ​ടു​ളള ഇത്തരം നിസ്വാർഥ​സ്‌നേ​ഹ​വും താൽപ​ര്യ​വു​മാ​ണു ദൈവ​രാ​ജ്യ​ഭ​ര​ണ​ത്തിൻകീ​ഴി​ലെ ജീവി​തത്തെ യഥാർഥ ഉല്ലാസ​മാ​ക്കി​ത്തീർക്കു​ന്നത്‌.—യാക്കോബ്‌ 2:8.

16, 17. (എ) ദൈവ​ത്തി​ന്റെ വ്യവസ്ഥകൾ പാലി​ക്കു​ന്ന​തി​നു നമ്മുടെ ജീവി​ത​ത്തിൽ മാററങ്ങൾ വരുത്തു​ന്ന​തിന്‌ ഏതു നല്ല കാരണ​ങ്ങ​ളുണ്ട്‌? (ബി) നമുക്ക്‌ ഏത്‌ അവശ്യ​മാ​റ​റ​വും വരുത്താൻ കഴിയു​മെന്ന്‌ ഉറപ്പു​ണ്ടാ​യി​രി​ക്കാ​വു​ന്ന​തെ​ന്തു​കൊണ്ട്‌?

¹⁶ ദൈവ​ത്തി​ന്റെ ഗവൺമെൻറി​ന്റെ പ്രജക​ളാ​യി​ത്തീ​രു​ന്ന​തി​നു​ളള വ്യവസ്ഥകൾ പാലി​ക്കു​ന്ന​തിന്‌ ആളുകൾ തങ്ങളുടെ ജീവി​ത​ത്തിൽ മാററങ്ങൾ വരു​ത്തേ​ണ്ട​താ​ണെന്നു ബൈബിൾ കാണി​ച്ചു​ത​രു​ന്നു. (എഫേസ്യർ 4:20-24) ഈ മാററങ്ങൾ വരുത്താൻ നിങ്ങൾ ശ്രമി​ക്കു​ന്നു​ണ്ടോ? തീർച്ച​യാ​യും അത്‌ ഏതു ശ്രമത്തി​നും​തക്ക വിലയു​ള​ള​താണ്‌! എന്തു​കൊണ്ട്‌? ഏതെങ്കി​ലും മാനുഷ ഗവൺമെൻറിൻകീ​ഴിൽ ചുരു​ക്കം​ചില വർഷങ്ങ​ളിൽ നിങ്ങൾക്കു കേവലം മെച്ചപ്പെട്ട ഒരു ജീവിതം ലഭിക്കു​മെന്നല്ല അതിന്റെ സാരം. അല്ല, എന്നാൽ ദൈവ​ത്താൽ ഭരിക്ക​പ്പെ​ടുന്ന ഒരു ഗവൺമെൻറിൻ കീഴിൽ ഒരു പറുദീ​സാ​ഭൂ​മി​യിൽ നിങ്ങൾക്കു പൂർണാ​രോ​ഗ്യ​ത്തി​ലു​ളള നിത്യ​ജീ​വൻ ലഭിക്കും!

¹⁷ ഇപ്പോൾപോ​ലും ദൈവ​ത്തി​ന്റെ വ്യവസ്ഥകൾ പാലി​ക്കു​ന്ന​തി​നാൽ നിങ്ങൾ കൂടുതൽ സന്തുഷ്ട​മായ ഒരു ജീവിതം ആസ്വദി​ക്കും. എന്നാൽ നിങ്ങൾ മാററങ്ങൾ വരു​ത്തേ​ണ്ട​തു​ണ്ടാ​യി​രി​ക്കാം. ശരി, വിദ്വേ​ഷ​മോ അത്യാ​ഗ്ര​ഹ​മോ ഉണ്ടായി​രുന്ന അനേക​മ​നേകം പേർ മാററം വരുത്തി​യി​ട്ടുണ്ട്‌. കൂടാതെ, ദുർവൃ​ത്ത​രും വ്യഭി​ചാ​രി​ക​ളും സ്വവർഗ​സം​ഭോ​ഗി​ക​ളും മദ്യപാ​നി​ക​ളും കൊല​പാ​ത​കി​ക​ളും കളളൻമാ​രും മയക്കു​മ​രു​ന്നു​വി​ധേ​യ​രും പുകയില ഉപയോ​ഗി​ക്കു​ന്ന​വ​രും തങ്ങളുടെ ജീവി​ത​രീ​തി​ക്കു മാററം വരുത്തി​യി​ട്ടുണ്ട്‌. അവർ യഥാർഥ​ശ്ര​മ​ത്താ​ലും ദൈവ​സ​ഹാ​യ​ത്താ​ലു​മാണ്‌ അങ്ങനെ ചെയ്‌തി​രി​ക്കു​ന്നത്‌. (1 കൊരി​ന്ത്യർ 6:9-11; കൊ​ലോ​സ്യർ 3:5-9) അതു​കൊണ്ട്‌ ദൈവ​ത്തി​ന്റെ വ്യവസ്ഥകൾ പാലി​ക്കു​ന്ന​തി​നു നിങ്ങൾ പ്രയാ​സ​മേ​റിയ മാററങ്ങൾ വരു​ത്തേ​ണ്ട​തു​ണ്ടെ​ങ്കിൽ മടുത്തു​പോ​ക​രുത്‌. നിങ്ങൾക്കു മാററം വരുത്താൻ കഴിയും!

 ദൈവ​ത്തി​ന്റെ ഗവൺമെൻറി​നോ​ടു​ളള കൂറ്‌

18. തന്റെ രാജ്യ​ത്തോ​ടു നാം ഏതു പ്രത്യേ​ക​വി​ധ​ത്തിൽ വിശ്വ​സ്‌ത​പി​ന്തുണ പ്രകട​മാ​ക്ക​ണ​മെന്നു ദൈവം പ്രതീ​ക്ഷി​ക്കു​ന്നു?

¹⁸ തന്റെ രാജ്യ​ഗ​വൺമെൻറി​നെ തന്റെ പ്രജകൾ വിശ്വ​സ്‌ത​ത​യോ​ടെ പിന്താ​ങ്ങ​ണ​മെന്നു യഹോ​വ​യാം ദൈവം ആവശ്യ​പ്പെ​ടു​ന്നത്‌ ആശ്ചര്യ​മാ​യി​രി​ക്ക​രുത്‌. മനുഷ്യ​രു​ടെ ഗവൺമെൻറു​കൾ അവയുടെ പൗരൻമാ​രോട്‌ അതുതന്നെ ആവശ്യ​പ്പെ​ടു​ന്നു. എന്നാൽ ഏതു പ്രത്യേക വിധത്തിൽ വിശ്വ​സ്‌ത​പി​ന്തുണ കൊടു​ക്കാ​നാ​ണു ദൈവം പ്രതീ​ക്ഷി​ക്കു​ന്നത്‌? തന്റെ രാജ്യ​ത്തി​നു​വേണ്ടി പോരാ​ടാൻ തന്റെ പ്രജകൾ ആയുധ​മെ​ടു​ക്കു​ന്ന​തി​നാ​ലാ​ണോ? അല്ല. പകരം, യേശു​ക്രി​സ്‌തു​വി​നെ​യും അവന്റെ ആദിമ അനുഗാ​മി​ക​ളെ​യും​പോ​ലെ അവർ ദൈവ​രാ​ജ്യ​ത്തി​ന്റെ വിശ്വസ്‌ത വക്താക്ക​ളോ ഘോഷ​ക​രോ ആയിരി​ക്കണം. (മത്തായി 4:17; 10:5-7; 24:14) തന്റെ രാജ്യം എന്താ​ണെ​ന്നും അതു മനുഷ്യ​വർഗ​ത്തി​ന്റെ പ്രശ്‌നങ്ങൾ പരിഹ​രി​ക്കു​ന്ന​തെ​ങ്ങ​നെ​യെ​ന്നും എല്ലാവ​രും അറിയ​ണ​മെ​ന്നു​ള​ളതു യഹോ​വ​യു​ടെ ഇഷ്ടമാണ്‌. നിങ്ങൾ ദൈവ​വ​ച​ന​ത്തിൽനി​ന്നു പഠിച്ച​കാ​ര്യ​ങ്ങൾ ബന്ധുക്കൾക്കും സുഹൃ​ത്തു​ക്കൾക്കും മററു​ള​ള​വർക്കും പങ്കു​വെ​ച്ചി​ട്ടു​ണ്ടോ? നിങ്ങൾ അങ്ങനെ ചെയ്യണ​മെ​ന്നു​ള​ളതു ദൈവ​ത്തി​ന്റെ ഇഷ്ടമാണ്‌.—റോമർ 10:10; 1 പത്രോസ്‌ 3:15.

19. (എ) നാം ദൈവ​രാ​ജ്യ​ത്തെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കു​മ്പോൾ നമുക്ക്‌ എതിർപ്പു പ്രതീ​ക്ഷി​ക്കാ​വു​ന്ന​തെ​ന്തു​കൊണ്ട്‌? (ബി) നിങ്ങൾ ഏതു ചോദ്യ​ത്തിന്‌ ഉത്തരം നൽകണം?

¹⁹ രാജ്യ​ത്തെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കാൻ ക്രിസ്‌തു​വി​നും അവന്റെ ആദിമ അനുഗാ​മി​കൾക്കും ധൈര്യ​മാ​വ​ശ്യ​മാ​യി​രു​ന്നു, എന്തു​കൊ​ണ്ടെ​ന്നാൽ അവർക്കു മിക്ക​പ്പോ​ഴും എതിർപ്പു നേരി​ട്ടി​രു​ന്നു. (പ്രവൃ​ത്തി​കൾ 5:41, 42) അതുതന്നെ ഇന്നും സത്യമാണ്‌. പിശാച്‌ ഭരിക്കുന്ന ഈ ലോകം രാജ്യ​ത്തി​ന്റെ സുവാർത്ത പ്രസം​ഗി​ക്ക​പ്പെ​ടാ​നാ​ഗ്ര​ഹി​ക്കു​ന്നില്ല. അതു​കൊണ്ട്‌ ചോദ്യ​ങ്ങ​ളി​വ​യാണ്‌: നിങ്ങൾ എവിടെ നില​കൊ​ള​ളു​ന്നു? നിങ്ങൾ ദൈവ​രാ​ജ്യ​ത്തി​നു വിശ്വ​സ്‌ത​പി​ന്തുണ കൊടു​ക്കു​മോ? അവസാനം വരുന്ന​തി​നു​മുൻപ്‌ ഒരു വലിയ രാജ്യ​സാ​ക്ഷ്യം കൊടു​ക്ക​പ്പെ​ട​ണ​മെ​ന്നു​ള​ള​താണ്‌ അവന്റെ ഇഷ്ടം. അതു കൊടു​ക്കു​ന്ന​തിൽ നിങ്ങൾക്ക്‌ ഒരു പങ്കുണ്ടാ​യി​രി​ക്കു​മോ?

[അധ്യയന ചോദ്യ​ങ്ങൾ]

[128-ാം പേജിലെ ചിത്രം]

ദൈവത്തിന്റെ ഗവൺമെൻറി​ന്റെ പ്രജക​ളാ​യി​ത്തീ​രു​ന്ന​വർക്ക്‌ അതി​നെ​ക്കു​റി​ച്ചു​ളള അറിവു​ണ്ടാ​യി​രി​ക്കണം

[131-ാം പേജിലെ ചിത്രം]

ദൈവത്തിന്റെ ഗവൺമെൻറി​ന്റെ പ്രജകൾ ദൈവ​ത്താൽ കുററം വിധി​ക്ക​പ്പെട്ട പ്രവർത്ത​നങ്ങൾ ഒഴിവാ​ക്ക​ണം

[133-ാം പേജിലെ ചിത്രം]

ദൈവത്തിന്റെ ഗവൺമെൻറി​ന്റെ പ്രജകൾ അതി​നെ​ക്കു​റി​ച്ചു മററു​ള​ള​വ​രോ​ടു പറയണം