അധ്യായം 23

ദൈവ​ത്തി​ന്റെ ദൃശ്യ​സ്ഥാ​പ​നം

1. ബൈബിൾ ദൈവ​ത്തി​ന്റെ അദൃശ്യ​സ്ഥാ​പ​ന​ത്തെ​ക്കു​റിച്ച്‌ എന്തു പറയുന്നു?

¹ ദൈവ​ത്തിന്‌ ഒരു ദൃശ്യ​സ്ഥാ​പ​ന​മു​ണ്ടെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌? ഒരു കാരണം അവന്‌ ഒരു അദൃശ്യ​സ്ഥാ​പ​ന​മു​ണ്ടെ​ന്നു​ള​ള​താണ്‌. സ്വർഗ​ങ്ങ​ളിൽ തന്റെ ഇഷ്ടം ചെയ്യു​ന്ന​തി​നു യഹോവ കെരൂ​ബു​ക​ളെ​യും സെറാ​ഫു​ക​ളെ​യും മററ​നേകം ദൂതൻമാ​രെ​യും സൃഷ്ടിച്ചു. (ഉൽപ്പത്തി 3:24; യെശയ്യാവ്‌ 6:2, 3; സങ്കീർത്തനം 103:20) യേശു​ക്രി​സ്‌തു ഇവർക്കെ​ല്ലാം മീതെ പ്രധാ​ന​ദൂ​ത​നാണ്‌. (1 തെസ്സ​ലോ​നീ​ക്യർ 4:16; യൂദാ 9; വെളി​പ്പാട്‌ 12:7) ദൂതൻമാർ “സിംഹാ​സ​ന​ങ്ങ​ളോ കർതൃ​ത്വ​ങ്ങ​ളോ ഭരണകൂ​ട​ങ്ങ​ളോ അധികാ​ര​ങ്ങ​ളോ” ആയി സംഘടി​പ്പി​ക്ക​പ്പെ​ട്ടി​രി​ക്കു​ന്ന​താ​യി ബൈബിൾ വർണി​ക്കു​ന്നു. (കൊ​ലോ​സ്യർ 1:16; എഫേസ്യർ 1:21) അവരെ​ല്ലാം യഹോ​വ​യു​ടെ ആജ്ഞാനു​വർത്തി​ക​ളാ​യി സേവി​ക്കു​ക​യാണ്‌. അവൻ അവർക്കു കൊടു​ത്തി​രി​ക്കുന്ന വേല അവർ സംഘടി​ത​മാ​യി ചെയ്യുന്നു.—ദാനി​യേൽ 7:9, 10; ഇയ്യോബ്‌ 1:6; 2:1.

2. ദൈവം നമ്മുടെ ഭൗതി​ക​പ്ര​പ​ഞ്ചത്തെ സൃഷ്ടി​ച്ച​വി​ധം അവൻ സംഘട​ന​യ്‌ക്കു വലിയ പ്രാധാ​ന്യം കൊടു​ക്കു​ന്നു​ണ്ടെന്നു പ്രകട​മാ​ക്കു​ന്ന​തെ​ങ്ങനെ?

² നാം ദൈവ​ത്തി​ന്റെ ഭൗതി​ക​സൃ​ഷ്ടി​ക​ളെ​ക്കു​റി​ച്ചു പരിചി​ന്തി​ക്കു​മ്പോൾ അവൻ സംഘട​ന​യ്‌ക്കു കൊടു​ക്കുന്ന പ്രാധാ​ന്യ​ത്തെ​ക്കു​റി​ച്ചു നമുക്ക്‌ ഒരു ധാരണ ലഭിക്കു​ന്നു. ദൃഷ്ടാ​ന്ത​മാ​യി, താരാ​പം​ക്തി​കൾ എന്നു വിളി​ക്ക​പ്പെ​ടുന്ന വലിയ സമൂഹ​ങ്ങ​ളാ​യി ക്രമീ​ക​രി​ക്ക​പ്പെ​ട്ടി​രി​ക്കുന്ന സഹസ്ര​കോ​ടി​ക്ക​ണ​ക്കി​നു നക്ഷത്രങ്ങൾ പ്രപഞ്ച​ത്തി​ലുണ്ട്‌. ഈ താരാ​പം​ക്തി​കൾ ഒരു ക്രമീ​കൃ​ത​മാ​യ​വി​ധ​ത്തിൽ ബാഹ്യാ​കാ​ശ​ത്തി​ലൂ​ടെ സഞ്ചരി​ക്കു​ന്നു, ഈ താരാ​പം​ക്തി​കൾക്കു​ള​ളി​ലെ ഒററ​യൊ​റ​റ​യായ നക്ഷത്ര​ങ്ങ​ളും ഗ്രഹങ്ങ​ളും അങ്ങനെ സഞ്ചരി​ച്ചു​കൊ​ണ്ടി​രി​ക്കു​ക​യാണ്‌. ഉദാഹ​ര​ണ​മാ​യി, നമ്മുടെ ഗ്രഹമായ ഭൂമി ഓരോ വർഷവും നമ്മുടെ ഏററവു​മ​ടുത്ത നക്ഷത്ര​മായ സൂര്യ​നു​ചു​റ​റും ഒരു പ്രാവ​ശ്യം കറങ്ങുന്നു, അതിനു കൃത്യ​മാ​യി 365 ദിവസ​വും 5 മണിക്കൂ​റും 48 മിനി​റ​റും 45.51 സെക്കണ്ടും എടുക്കു​ന്നു. അതെ, ഭൗതി​ക​പ്ര​പഞ്ചം അത്യന്തം ക്രമീ​കൃ​ത​മാണ്‌!

3. ദൈവ​ത്തി​ന്റെ അദൃശ്യ​സൃ​ഷ്ടി​ക​ളു​ടെ ഇടയി​ലെ​യും അവന്റെ ഭൗതി​ക​പ്ര​പ​ഞ്ച​ത്തി​ലെ​യും നല്ല സംഘട​നാ​രീ​തി നമ്മെ എന്തു പഠിപ്പി​ക്കു​ന്നു?

³ ദൈവ​ത്തി​ന്റെ അദൃശ്യ​സൃ​ഷ്ടി​ക​ളു​ടെ ഇടയി​ലെ​യും അവന്റെ ഭൗതി​ക​പ്ര​പ​ഞ്ച​ത്തി​ലെ​യും ഈ അത്ഭുത​ക​ര​മായ സംഘാ​ടനം നമ്മെ എന്തെങ്കി​ലും പഠിപ്പി​ക്കു​ന്നു​ണ്ടോ? ഉണ്ട്‌, യഹോവ സംഘാ​ട​ക​നായ ഒരു ദൈവ​മാ​ണെന്ന്‌ അതു നമ്മെ പഠിപ്പി​ക്കു​ന്നു. തീർച്ച​യാ​യും അപ്പോൾ അങ്ങനെ​യു​ളള ഒരു ദൈവം യഥാർഥ​മാ​യി അവനെ സ്‌നേ​ഹി​ക്കുന്ന ഭൂമി​യി​ലെ മനുഷ്യ​രെ മാർഗ​നിർദേ​ശ​വും സംഘട​ന​യു​മി​ല്ലാ​തെ വിടു​ക​യില്ല.

 ദൈവ​ത്തി​ന്റെ ദൃശ്യ​സ്ഥാ​പനം—കഴിഞ്ഞ​കാ​ല​ത്തേ​തും ഇപ്പോ​ഴ​ത്തേ​തും

4, 5. അബ്രാ​ഹാ​മി​ന്റെ​യും ഇസ്രാ​യേൽജ​ന​ത​യു​ടെ​യും നാളു​ക​ളിൽ ദൈവം തന്റെ ജനത്തെ സംഘടി​ത​മായ രീതി​യിൽ നടത്തി​യെന്നു നാം എങ്ങനെ അറിയു​ന്നു?

⁴ യഹോവ തന്റെ ദാസൻമാ​രെ ഒരു സംഘടി​ത​വി​ധ​ത്തിൽ എല്ലായ്‌പ്പോ​ഴും നയിച്ചി​ട്ടു​ണ്ടെന്നു ബൈബിൾ പ്രകട​മാ​ക്കു​ന്നു. ദൃഷ്ടാ​ന്ത​ത്തിന്‌ അബ്രാ​ഹാ​മി​നെ​പ്പോ​ലെ​യു​ളള വിശ്വാ​സി​കൾ യഹോ​വയെ ആരാധി​ക്കു​ന്ന​തിൽ തങ്ങളുടെ കുടും​ബ​ങ്ങ​ളെ​യും ദാസൻമാ​രെ​യും നയിച്ചി​ട്ടുണ്ട്‌. അബ്രാ​ഹാ​മു​മാ​യി സംസാ​രി​ച്ചു​കൊണ്ട്‌ യഹോവ അവനെ സംബന്ധി​ച്ചു​ളള തന്റെ ഇഷ്ടം അറിയി​ച്ചു. (ഉൽപ്പത്തി 12:1) ഈ വിവരങ്ങൾ മററു​ള​ള​വരെ അറിയി​ക്കാൻ യഹോവ അവനോ​ടു നിർദേ​ശി​ച്ചു. “അബ്രാ​ഹാ​മി​ന്റെ പുത്രൻമാ​രും അവന്റെ​ശേഷം അവന്റെ കുടും​ബ​വും യഹോ​വ​യു​ടെ വഴി അനുസ​രി​ക്ക​ത്ത​ക്ക​വണ്ണം അവൻ അവരോ​ടു കൽപ്പി​ക്കേ​ണ്ട​തി​നു ഞാൻ [അബ്രാ​ഹാ​മി​നോ​ടു] പരിച​യ​പ്പെ​ട്ടി​രി​ക്കു​ന്നു.” (ഉൽപ്പത്തി 18:19) യഹോ​വയെ ഉചിത​മാ​യി ആരാധി​ക്കാൻ ഒരു കൂട്ടം ആളുക​ളു​ടെ ക്രമീ​ക​ര​ണ​മാണ്‌ ഇവിടെ കാണു​ന്നത്‌.

⁵ പിന്നീട്‌ ഇസ്രാ​യേ​ല്യർ എണ്ണത്തിൽ പെരുകി ദശലക്ഷ​ങ്ങ​ളാ​യി​ത്തീർന്ന​പ്പോൾ ഓരോ​രു​ത്ത​രും സംഘടി​ത​ക്ര​മീ​ക​ര​ണ​ത്തിൽനി​ന്നു വിട്ടു​മാ​റി സ്വന്തവി​ധ​ത്തിൽ ആരാധി​ക്കാൻ യഹോവ അനുവ​ദി​ച്ചില്ല. ഇല്ല, ഇസ്രാ​യേ​ല്യർ സംഘടി​താ​രാ​ധ​ന​യു​ടെ ഒരു ജനതയാ​യി രൂപവൽക്ക​രി​ക്ക​പ്പെട്ടു. ഇസ്രാ​യേൽജനത “യഹോ​വ​യു​ടെ സഭ” എന്നു വിളി​ക്ക​പ്പെട്ടു. (സംഖ്യാ​പു​സ്‌തകം 20:4; 1 ദിനവൃ​ത്താ​ന്തം 28:8) നിങ്ങൾ അന്നു യഹോ​വ​യു​ടെ ഒരു സത്യാ​രാ​ധ​ക​നാ​യി​രു​ന്നെ​ങ്കിൽ നിങ്ങൾ ആരാധ​ക​രു​ടെ ആ സഭയുടെ ഭാഗമാ​യി​രി​ക്ക​ണ​മാ​യി​രു​ന്നു. അതിൽനി​ന്നു മാറി​നിൽക്കാൻ പാടി​ല്ലാ​യി​രു​ന്നു.—സങ്കീർത്തനം 147:19, 20.

6. (എ) തന്റെ പ്രീതി ക്രിസ്‌തു​വി​ന്റെ അനുഗാ​മി​ക​ളു​ടെ​മേ​ലാ​ണെന്നു ദൈവം എങ്ങനെ പ്രകട​മാ​ക്കി? (ബി) ക്രിസ്‌ത്യാ​നി​കൾ ആരാധ​ന​യ്‌ക്കു​വേണ്ടി സംഘടി​പ്പി​ക്ക​പ്പെ​ട്ടു​വെന്ന്‌ എന്തു തെളി​വുണ്ട്‌?

⁶ ഒന്നാം നൂററാ​ണ്ടി​ലെ സാഹച​ര്യം എന്തായി​രു​ന്നു? യഹോ​വ​യു​ടെ പ്രീതി അവന്റെ  പുത്ര​നായ യേശു​ക്രി​സ്‌തു​വി​ന്റെ അനുഗാ​മി​ക​ളോ​ടാ​യി​രു​ന്നു​വെന്നു ബൈബിൾ പ്രകട​മാ​ക്കു​ന്നു. യഹോവ അവരു​ടെ​മേൽ തന്റെ ആത്മാവി​നെ പകർന്നു. ഇസ്രാ​യേൽ ജനതയ്‌ക്കു​പ​കരം താൻ ഇപ്പോൾ ഈ ക്രിസ്‌തീ​യ​സ്ഥാ​പ​ന​ത്തെ​യാണ്‌ ഉപയോ​ഗി​ക്കു​ന്ന​തെന്നു പ്രകട​മാ​ക്കാൻ അവൻ രോഗി​കളെ സൗഖ്യ​മാ​ക്കാ​നും മരിച്ച​വരെ ഉയിർപ്പി​ക്കാ​നും മററത്ഭു​തങ്ങൾ ചെയ്യാ​നും ചില ആദിമ​ക്രി​സ്‌ത്യാ​നി​കൾക്കു ശക്തി നൽകി. ക്രിസ്‌ത്യാ​നി​കൾ ആരാധ​ന​യ്‌ക്കു​വേണ്ടി സംഘടി​പ്പി​ക്ക​പ്പെ​ട്ടു​വെന്ന വസ്‌തുത ബോധ്യ​പ്പെ​ടാ​തെ നിങ്ങൾക്കു ക്രിസ്‌തീയ ഗ്രീക്കു തിരു​വെ​ഴു​ത്തു​കൾ വായി​ക്കാൻ കഴിയു​ക​യില്ല. യഥാർഥ​ത്തിൽ അവർ ഈ ഉദ്ദേശ്യ​ത്തിൽ ഒന്നിച്ചു​കൂ​ട​ണ​മെന്നു കൽപ്പി​ക്ക​പ്പെ​ട്ടി​രു​ന്നു. (എബ്രായർ 10:24, 25) അതു​കൊണ്ട്‌ നിങ്ങൾ ഒന്നാം നൂററാ​ണ്ടിൽ യഹോ​വ​യു​ടെ ഒരു സത്യാ​രാ​ധ​ക​നാ​യി​രു​ന്നെ​ങ്കിൽ നിങ്ങൾ അവന്റെ ക്രിസ്‌തീ​യ​സ്ഥാ​പ​ന​ത്തി​ന്റെ ഒരു ഭാഗമാ​യി​രി​ക്ക​ണ​മാ​യി​രു​ന്നു.

7. ഒരുകാ​ല​ത്തും ഒന്നില​ധി​കം സ്ഥാപന​ങ്ങളെ യഹോവ ഉപയോ​ഗി​ച്ചി​ട്ടി​ല്ലെന്നു നാം എങ്ങനെ അറിയു​ന്നു?

⁷ യഹോവ ഏതെങ്കി​ലും കാലഘ​ട്ട​ത്തിൽ ഒന്നില​ധി​കം സ്ഥാപന​ങ്ങളെ ഉപയോ​ഗി​ച്ചി​ട്ടു​ണ്ടോ? നോഹ​യു​ടെ നാളിൽ നോഹ​യ്‌ക്കും അവനോ​ടു​കൂ​ടെ പെട്ടക​ത്തിൽ ഉണ്ടായി​രു​ന്ന​വർക്കും മാത്രമേ ദൈവ​ത്തി​ന്റെ സംരക്ഷണം ലഭിച്ചു​ളളു. അവർ മാത്രമേ ജലപ്ര​ള​യത്തെ അതിജീ​വി​ച്ചു​ളളു. (1 പത്രോസ്‌ 3:20) കൂടാതെ ഒന്നാം നൂററാ​ണ്ടിൽ രണ്ടോ അധിക​മോ ക്രിസ്‌തീ​യ​സ്ഥാ​പ​നങ്ങൾ ഉണ്ടായി​രു​ന്നില്ല. ദൈവം ഒന്നുമാ​യി മാത്രമേ ഇടപെ​ട്ടു​ളളു. “ഒരു കർത്താവ്‌, ഒരു വിശ്വാ​സം, ഒരു സ്‌നാനം” മാത്രമേ ഉണ്ടായി​രു​ന്നു​ളളു. (എഫേസ്യർ 4:5) അതു​പോ​ലെ​തന്നെ, നമ്മുടെ നാളിൽ ദൈവ​ജ​ന​ത്തി​നു​വേണ്ടി ആത്മീയ​പ്ര​ബോ​ധ​ന​ത്തി​ന്റെ ഒരു ഉറവു മാത്രമേ ഉണ്ടായി​രി​ക്ക​യു​ള​ളു​വെന്നു യേശു​ക്രി​സ്‌തു മുൻകൂ​ട്ടി​പ്പ​റ​യു​ക​യു​ണ്ടാ​യി.

8. നമ്മുടെ നാളിൽ ഭൂമി​യിൽ ദൈവ​ത്തിന്‌ ഒരു ദൃശ്യ​സ്ഥാ​പ​നമേ ഉണ്ടായി​രി​ക്ക​യു​ള​ളു​വെന്നു യേശു എങ്ങനെ പ്രകട​മാ​ക്കി?

⁸ തന്റെ രാജ്യാ​ധി​കാ​ര​ത്തി​ലു​ളള സാന്നി​ധ്യ​ത്തെ​ക്കു​റി​ച്ചു പറഞ്ഞ​പ്പോൾ യേശു ഇങ്ങനെ പ്രസ്‌താ​വി​ച്ചു: “തന്റെ വീട്ടു​കാർക്കു തക്കസമ​യത്ത്‌ ആഹാരം കൊടു​ക്കേ​ണ്ട​തി​നു യജമാനൻ അവരു​ടെ​മേൽ നിയമിച്ച വിശ്വ​സ്‌ത​നും വിവേ​കി​യു​മായ അടിമ യഥാർഥ​ത്തിൽ ആരാണ്‌? അവന്റെ യജമാനൻ വന്നെത്തു​മ്പോൾ ആ അടിമ അങ്ങനെ ചെയ്യു​ന്ന​താ​യി കണ്ടെത്തു​ന്നു​വെ​ങ്കിൽ അവൻ സന്തുഷ്ട​നാ​കു​ന്നു. സത്യമാ​യി ഞാൻ നിങ്ങ​ളോ​ടു പറയുന്നു, അവൻ തനിക്കു​ളള സകല സ്വത്തു​ക്ക​ളിൻമേ​ലും അവനെ നിയമി​ക്കും.” (മത്തായി 24:45-47) ക്രിസ്‌തു 1914-ൽ രാജ്യാ​ധി​കാ​ര​ത്തിൽ മടങ്ങി​വ​ന്ന​പ്പോൾ “വിശ്വ​സ്‌ത​നും വിവേ​കി​യു​മായ ഒരു അടിമ”വർഗം ആത്മീയ “ആഹാരം” അഥവാ വിവരങ്ങൾ കൊടു​ത്തു​കൊ​ണ്ടി​രു​ന്ന​താ​യി അവൻ കണ്ടെത്തി​യോ? ഉവ്വ്‌, അവൻ തന്റെ 1,44,000 “സഹോ​ദ​രൻമാ​രു”ടെ ഭൂമി​യി​ലെ ശേഷിപ്പ്‌ ആയ അത്തര​മൊ​രു “അടിമ”യെ കണ്ടെത്തി. (വെളി​പ്പാട്‌ 12:10; 14:1, 3) 1914 മുതൽ ദശലക്ഷ​ക്ക​ണ​ക്കി​നാ​ളു​കൾ അവർ കൊടു​ക്കുന്ന “ആഹാരം” സ്വീക​രി​ച്ചി​രി​ക്കു​ന്നു. അവരോ​ടൊത്ത്‌ അവർ സത്യാ​രാ​ധന ആചരിച്ചു തുടങ്ങു​ക​യും ചെയ്‌തി​രി​ക്കു​ന്നു. ദൈവ​ദാ​സൻമാ​രു​ടെ ഈ സ്ഥാപനം യഹോ​വ​യു​ടെ സാക്ഷികൾ എന്ന്‌ അറിയ​പ്പെ​ടു​ന്നു.

9. (എ) ദൈവ​ദാ​സൻമാർ യഹോ​വ​യു​ടെ സാക്ഷികൾ എന്ന പേർ വഹിക്കു​ന്ന​തെ​ന്തു​കൊണ്ട്‌? (ബി) അവർ തങ്ങളുടെ ആരാധ​നാ​സ്ഥ​ല​ങ്ങളെ രാജ്യ​ഹാ​ളു​കൾ എന്നു വിളി​ക്കു​ന്ന​തെ​ന്തു​കൊണ്ട്‌?

⁹ യഹോ​വ​യു​ടെ സാക്ഷികൾ തങ്ങൾ ചെയ്യു​ന്ന​തി​ലെ​ല്ലാം മാർഗ​നിർദേ​ശ​ത്തി​നാ​യി  ദൈവ​ത്തി​ലേ​ക്കും അവന്റെ വചനത്തി​ലേ​ക്കു​മാണ്‌ നോക്കു​ന്നത്‌. യഹോ​വ​യു​ടെ സാക്ഷികൾ എന്ന അവരുടെ പേർതന്നെ അവരുടെ മുഖ്യ​പ്ര​വർത്തനം ക്രിസ്‌തു ചെയ്‌ത​തു​പോ​ലെ യഹോ​വ​യാം ദൈവ​ത്തി​ന്റെ രാജ്യ​ത്തെ​യും നാമ​ത്തെ​യും​കു​റി​ച്ചു സാക്ഷീ​ക​രി​ക്കു​ക​യാ​ണെന്നു തെളി​യി​ക്കു​ന്നു. (യോഹ​ന്നാൻ 17:6; വെളി​പ്പാട്‌ 1:5) കൂടാതെ, അവർ ആരാധ​ന​യ്‌ക്കാ​യി കൂടി​വ​രുന്ന സ്ഥലത്തെ രാജ്യ​ഹാൾ എന്ന്‌ അവർ വിളി​ക്കു​ന്നു, എന്തു​കൊ​ണ്ടെ​ന്നാൽ മിശിഹാ അഥവാ ക്രിസ്‌തു മൂലമു​ളള ദൈവ​രാ​ജ്യ​മാ​ണു മുഴു ബൈബി​ളി​ന്റെ​യും പ്രതി​പാ​ദ്യം. ഒന്നാം നൂററാ​ണ്ടി​ലെ ക്രിസ്‌ത്യാ​നി​ത്വ​ത്തി​നു ദൈവാം​ഗീ​കാ​ര​മു​ണ്ടാ​യി​രു​ന്നു​വെന്നു വ്യക്തമാ​യ​തു​കൊ​ണ്ടു യഹോ​വ​യു​ടെ സാക്ഷികൾ തങ്ങളുടെ സ്ഥാപനത്തെ അതിന്റെ മാതൃ​ക​യിൽ രൂപ​പ്പെ​ടു​ത്തു​ന്നു. നമുക്ക്‌ ആ ആദിമ ക്രിസ്‌തീ​യ​സ്ഥാ​പ​ന​ത്തി​ലേ​ക്കൊ​ന്നു കണ്ണോ​ടി​ച്ചി​ട്ടു ദൈവ​ത്തി​ന്റെ ഇന്നത്തെ ദൃശ്യ​സ്ഥാ​പ​ന​വു​മാ​യു​ളള സാദൃ​ശങ്ങൾ ശ്രദ്ധി​ക്കാം.

ഒന്നാം നൂററാ​ണ്ടി​ലെ മാതൃക

10. ഒന്നാം നൂററാ​ണ്ടി​ലെ ക്രിസ്‌തീ​യ​സ്ഥാ​പ​ന​ത്തി​ന്റെ ചില സവി​ശേ​ഷ​ത​ക​ളേവ?

¹⁰ ഒന്നാം നൂററാ​ണ്ടിൽ ക്രിസ്‌ത്യാ​നി​കൾ ഉണ്ടായി​രു​ന്നി​ട​ത്തെ​ല്ലാം അവർ ആരാധ​ന​യ്‌ക്കു കൂട്ടങ്ങ​ളാ​യി ഒന്നിച്ചു​കൂ​ടി​യി​രു​ന്നു. ഈ സഭകൾ കൂട്ടാ​യ്‌മ​ക്കും പഠനത്തി​നു​മാ​യി ക്രമമാ​യി ഒന്നിച്ചു​കൂ​ടി​യി​രു​ന്നു. (എബ്രായർ 10:24, 25) അവരുടെ മുഖ്യ പ്രവർത്തനം ദൈവ​രാ​ജ്യ​ത്തെ​ക്കു​റി​ച്ചു പ്രസം​ഗി​ക്കു​ക​യും പഠിപ്പി​ക്കു​ക​യു​മാ​യി​രു​ന്നു, യേശു​ക്രി​സ്‌തു ചെയ്‌ത​തു​പോ​ലെ​തന്നെ. (മത്തായി 4:17; 28:19, 20) സഭയിലെ ഒരു അംഗം ഒരു ദുഷിച്ച ജീവി​ത​രീ​തി​യി​ലേക്കു തിരി​ഞ്ഞാൽ അയാളെ സഭയിൽനി​ന്നു പുറത്താ​ക്കി​യി​രു​ന്നു.—1 കൊരി​ന്ത്യർ 5:9-13; 2 യോഹ​ന്നാൻ 10, 11.

11, 12. (എ) ആദിമ ക്രിസ്‌തീയ സഭകൾക്കു യരുശ​ലേ​മി​ലെ അപ്പോ​സ്‌ത​ലൻമാ​രിൽനി​ന്നും “പ്രായ​മേ​റിയ പുരു​ഷൻമാ​രിൽ”നിന്നും മാർഗ​നിർദേ​ശ​വും നടത്തി​പ്പും ലഭിച്ചി​രു​ന്നു​വെന്ന്‌ എന്തു തെളി​യി​ക്കു​ന്നു? (ബി) “ദിവ്യാ​ധി​പത്യ” മാർഗ​നിർദേശം എന്നതി​നാൽ അർഥമാ​ക്ക​പ്പെ​ടു​ന്ന​തെന്ത്‌? (സി) സഭകൾ അത്തരം മാർഗ​നിർദേശം സ്വീക​രി​ച്ച​തി​ന്റെ ഫലമെ​ന്താ​യി​രു​ന്നു?

¹¹ ഒന്നാം നൂററാ​ണ്ടി​ലെ ആ ക്രിസ്‌തീ​യ​സ​ഭകൾ കാര്യങ്ങൾ സംബന്ധി​ച്ചു സ്വന്തതീ​രു​മാ​നങ്ങൾ ചെയ്‌തു​കൊണ്ട്‌ ഓരോ​ന്നും സ്വത​ന്ത്ര​മാ​യി നില​കൊ​ള​ളു​ക​യാ​യി​രു​ന്നോ? അല്ലായി​രു​ന്നു. അവ ഒരേ ക്രിസ്‌തീ​യ​വി​ശ്വാ​സ​ത്തിൽ ഏകീഭ​വി​ച്ചി​രു​ന്നു​വെന്നു ബൈബിൾ പ്രകട​മാ​ക്കു​ന്നു. എല്ലാ സഭകൾക്കും ഒരേ ഉറവിൽനി​ന്നാ​ണു മാർഗ​നിർദേ​ശ​വും നടത്തി​പ്പും ലഭിച്ചി​രു​ന്നത്‌. അങ്ങനെ, പരിച്‌ഛേദന സംബന്ധിച്ച്‌ ഒരു തർക്കം ഉയർന്നു​വ​ന്ന​പ്പോൾ എന്തു​ചെ​യ്യ​ണ​മെന്നു സഭകളോ വ്യക്തി​ക​ളോ സ്വയം തീരു​മാ​നി​ച്ചില്ല. എന്നാൽ, പൗലോ​സും ബർന്നബാ​സും മററു​ള​ള​വ​രും “ഈ സംഗതി സംബന്ധി​ച്ചു യരുശ​ലേ​മി​ലെ അപ്പോ​സ്‌ത​ലൻമാ​രു​ടെ​യും പ്രായ​മേ​റിയ പുരു​ഷൻമാ​രു​ടെ​യും അടുക്കൽ പോകാൻ” നിർദേ​ശി​ക്ക​പ്പെട്ടു. ഈ പക്വത​യു​ളള പുരു​ഷൻമാർ ദൈവ​വ​ച​ന​ത്തി​ന്റെ​യും അവന്റെ “പരിശു​ദ്ധാ​ത്മാ​വി”ന്റെയും സഹായ​ത്തോ​ടെ തീരു​മാ​നം എടുത്ത​പ്പോൾ, സഭകളെ അറിയി​ക്കാൻ അവർ വിശ്വ​സ്‌ത​രായ ആളുകളെ അയച്ചു.—പ്രവൃ​ത്തി​കൾ 15:2, 27-29.

¹² ഈ ദിവ്യാ​ധി​പ​ത്യ​പ​ര​മായ അഥവാ ദൈവ​ദ​ത്ത​മായ മാർഗ​നിർദേ​ശ​വും നടത്തി​പ്പും ലഭിച്ച​പ്പോൾ എന്തു ഫലമു​ണ്ടാ​യി? ബൈബിൾ പറയുന്നു: “ഇപ്പോൾ അവർ [അപ്പോ​സ്‌ത​ല​നായ പൗലോ​സും അവന്റെ സഹപ്ര​വർത്ത​ക​രും] നഗരങ്ങ​ളി​ലൂ​ടെ  സഞ്ചരി​ക്കവേ യരുശ​ലേ​മി​ലെ അപ്പോ​സ്‌ത​ലൻമാ​രും പ്രായ​മേ​റിയ പുരു​ഷൻമാ​രും തീരു​മാ​നിച്ച വിധികൾ അവർ അനുഷ്‌ഠാ​ന​ത്തി​നാ​യി അവരെ ഏൽപ്പി​ക്കു​മാ​യി​രു​ന്നു. അതു​കൊണ്ട്‌, തീർച്ച​യാ​യും സഭകൾ വിശ്വാ​സ​ത്തിൽ ഉറയ്‌ക്കു​ന്ന​തി​ലും അനുദി​നം എണ്ണത്തിൽ പെരു​കു​ന്ന​തി​ലും തുടർന്നു.” (പ്രവൃ​ത്തി​കൾ 16:4, 5) അതെ, യരുശ​ലേ​മി​ലെ ആ പ്രായ​മേ​റിയ പുരു​ഷൻമാ​രു​ടെ സംഘം തീരു​മാ​നി​ച്ച​തി​നോ​ടു സകല സഭകളും സഹകരി​ച്ചു, അവ വിശ്വാ​സ​ത്തിൽ പ്രബല​പ്പെട്ടു.

ദിവ്യാ​ധി​പത്യ മാർഗ​നിർദേശം ഇന്ന്‌

13. (എ)ഭൂമി​യി​ലെ ഏതു സ്ഥലത്തു​നി​ന്നും ഏത്‌ ആളുക​ളു​ടെ സംഘത്തിൽനി​ന്നും ഇന്നു ദൈവ​ത്തി​ന്റെ ദൃശ്യ​സ്ഥാ​പ​ന​ത്തി​നു മാർഗ​നിർദേശം ലഭിക്കു​ന്നു? (ബി) ഭരണസം​ഘ​ത്തി​നു “വിശ്വ​സ്‌ത​നും വിവേ​കി​യു​മായ അടിമ”യോട്‌ എന്തു ബന്ധമുണ്ട്‌?

¹³ ഇന്നും ദൈവ​ത്തി​ന്റെ ദൃശ്യ​സ്ഥാ​പ​ന​ത്തി​നു ദിവ്യാ​ധി​പത്യ മാർഗ​നിർദേ​ശ​വും നടത്തി​പ്പും ലഭിക്കു​ന്നുണ്ട്‌. ബ്രൂക്ക്‌ളിൻ ന്യൂ​യോർക്കി​ലെ യഹോ​വ​യു​ടെ സാക്ഷി​ക​ളു​ടെ ഹെഡ്‌ക്വാർട്ടേ​ഴ്‌സിൽ ഭൂമി​യു​ടെ വിവിധ ഭാഗങ്ങ​ളിൽനി​ന്നു​ളള പ്രായ​മേ​റിയ ക്രിസ്‌തീയ പുരു​ഷൻമാ​രു​ടെ ഒരു ഭരണസം​ഘ​മുണ്ട്‌, അവരാണു ദൈവ​ജ​ന​ത്തി​ന്റെ ലോക​വ്യാ​പക പ്രവർത്ത​ന​ങ്ങൾക്ക്‌ ആവശ്യ​മായ മേൽനോ​ട്ടം വഹിക്കു​ന്നത്‌. ഈ ഭരണസം​ഘം “വിശ്വ​സ്‌ത​നും വിവേ​കി​യു​മായ അടിമ”യിലെ അംഗങ്ങൾ ചേർന്നു​ണ്ടാ​യി​ട്ടു​ള​ള​താണ്‌. അത്‌ ആ വിശ്വസ്‌ത “അടിമ”യുടെ ഒരു വക്താവാ​യി സേവി​ക്കു​ന്നു.

14. ദൈവ​ജ​ന​ത്തി​ന്റെ ഭരണസം​ഘം അതിന്റെ തീരു​മാ​നങ്ങൾ ചെയ്യു​ന്ന​തിന്‌ എന്തിനെ ആശ്രയി​ക്കു​ന്നു?

¹⁴ അപ്പോ​സ്‌ത​ലൻമാ​രെ​യും യരുശ​ലേ​മി​ലെ പ്രായ​മേ​റിയ പുരു​ഷൻമാ​രെ​യും പോലെ, ആ ഭരണസം​ഘ​ത്തി​ലു​ള​ള​വർക്കു ദൈവ​സേ​വ​ന​ത്തിൽ അനേക വർഷങ്ങ​ളി​ലെ അനുഭ​വ​പ​രി​ച​യ​മുണ്ട്‌. എന്നാൽ അവർ തീരു​മാ​ന​ങ്ങ​ളെ​ടു​ക്കു​ന്ന​തിൽ മാനു​ഷ​ജ്ഞാ​നത്തെ ആശ്രയി​ക്കു​ന്നില്ല. ഇല്ല, ദിവ്യാ​ധി​പ​ത്യ​പ​ര​മാ​യി ഭരിക്ക​പ്പെ​ടു​ന്ന​തി​നാൽ അവർ യരുശ​ലേ​മി​ലെ ആദിമ ഭരണസം​ഘ​ത്തി​ന്റെ ദൃഷ്ടാ​ന്ത​മാണ്‌ പിന്തു​ട​രു​ന്നത്‌, അവരുടെ തീരു​മാ​നങ്ങൾ ദൈവ​വ​ച​ന​ത്തിൽ അധിഷ്‌ഠി​ത​മാ​യി​രു​ന്നു. പരിശു​ദ്ധാ​ത്മാ​വി​ന്റെ മാർഗ​നിർദേ​ശ​പ്ര​കാ​ര​മാ​ണു തീരു​മാ​നങ്ങൾ എടുക്ക​പ്പെ​ട്ടി​രു​ന്നത്‌.—പ്രവൃ​ത്തി​കൾ 15:13-17, 28, 29.

ഒരു ലോക​വ്യാ​പക സ്ഥാപനത്തെ നയിക്കൽ

15. അന്ത്യകാ​ലത്തു ഭൂമി​യിൽ ഒരു വലിയ സ്ഥാപന​മു​ണ്ടാ​യി​രി​ക്കു​മെന്നു മത്തായി 24:14-ലെ യേശു​വി​ന്റെ വാക്കുകൾ തെളി​യി​ക്കു​ന്ന​തെ​ന്തു​കൊണ്ട്‌?

¹⁵ “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും” എന്നു യേശു​ക്രി​സ്‌തു പറഞ്ഞ​പ്പോൾ ഈ അന്ത്യകാ​ലത്തു ദൈവ​ത്തി​നു ഭൂമി​യി​ലു​ണ്ടാ​യി​രി​ക്കുന്ന സ്ഥാപന​ത്തി​ന്റെ വലിപ്പ​ത്തെ​ക്കു​റിച്ച്‌ അവൻ ഒരു ധാരണ നൽകു​ക​യു​ണ്ടാ​യി. (മത്തായി 24:14) ദൈവ​ത്തി​ന്റെ സ്ഥാപി​ത​രാ​ജ്യ​ത്തെ​ക്കു​റി​ച്ചു ഭൂമി​യി​ലെ സഹസ്ര​ല​ക്ഷ​ക്ക​ണ​ക്കി​നാ​ളു​ക​ളോ​ടു പറയു​ന്ന​തി​നാ​വ​ശ്യ​മായ വേലയു​ടെ ബൃഹത്തായ അളവി​നെ​ക്കു​റി​ച്ചു ചിന്തി​ക്കുക. മാർഗ​നിർദേ​ശ​ത്തി​നും നടത്തി​പ്പി​നു​മാ​യി ഭരണസം​ഘ​ത്തി​ലേക്കു നോക്കുന്ന ആധുനി​ക​നാ​ളി​ലെ ക്രിസ്‌തീ​യ​സ്ഥാ​പനം യേശു പറഞ്ഞ ഈ വലിയ വേല ചെയ്യാൻ സജ്ജമാ​ണോ?

16. (എ) യഹോ​വ​യു​ടെ സാക്ഷികൾ അനേകം വലിയ അച്ചടി​ശാ​ലകൾ സ്ഥാപി​ച്ചി​ട്ടു​ള​ള​തെ​ന്തിന്‌? (ബി) ഈ ഫാക്‌റ​റ​റി​ക​ളിൽ എന്ത്‌ ഉല്‌പാ​ദി​പ്പി​ക്ക​പ്പെ​ടു​ന്നു?

 ¹⁶ യഹോ​വ​യു​ടെ സാക്ഷികൾ ഇപ്പോൾ ഭൂമി​യി​ലെ​ങ്ങും 200-ൽപരം രാജ്യ​ങ്ങ​ളി​ലും സമു​ദ്ര​ത്തി​ലെ ദ്വീപു​ക​ളി​ലും രാജ്യ​സ​ന്ദേശം പ്രസം​ഗി​ക്കു​ന്നുണ്ട്‌. ഈ വേല ചെയ്യാൻ 35,00,000ത്തിൽപരം വരുന്ന (1988-ൽ) രാജ്യ​പ്ര​ഘോ​ഷ​കരെ സഹായി​ക്കു​ന്ന​തിന്‌ അനേകം രാജ്യ​ങ്ങ​ളിൽ വലിയ അച്ചടി​ശാ​ലകൾ സ്ഥാപി​ച്ചി​ട്ടുണ്ട്‌. ഇവിടെ വളരെ വലിയ അളവിൽ ബൈബി​ളു​ക​ളും ബൈബിൾസാ​ഹി​ത്യ​വും ഉല്‌പാ​ദി​പ്പി​ക്ക​പ്പെ​ടു​ന്നു. ഓരോ പ്രവൃ​ത്തി​ദി​വ​സ​വും വീക്ഷാ​ഗോ​പു​രം, ഉണരുക! എന്നീ മാസി​ക​ക​ളു​ടെ ശരാശരി ഇരുപ​തു​ല​ക്ഷ​ത്തി​ല​ധി​കം പ്രതികൾ ഈ ഫാക്ടറി​ക​ളിൽ അച്ചടി​ക്കു​ക​യും കയററി​യ​യ​യ്‌ക്കു​ക​യും ചെയ്യു​ന്നുണ്ട്‌.

17. (എ) ഈ ബൈബിൾസാ​ഹി​ത്യം തയ്യാറാ​ക്ക​പ്പെ​ടു​ന്ന​തെ​ന്തിന്‌? (ബി) നിങ്ങൾ എന്തു​ചെ​യ്യാൻ ക്ഷണിക്ക​പ്പെ​ടു​ന്നു?

¹⁷ യഹോ​വ​യു​ടെ മഹത്തായ ഉദ്ദേശ്യ​ങ്ങ​ളെ​ക്കു​റി​ച്ചു​ളള അറിവിൽ വളരു​ന്ന​തിന്‌ ആളുകളെ സഹായി​ക്കു​ന്ന​തി​നാണ്‌ ഈ ബൈബിൾസാ​ഹി​ത്യ​മെ​ല്ലാം തയ്യാറാ​ക്കു​ന്നത്‌. യഥാർഥ​ത്തിൽ “യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു” എന്ന വാക്കുകൾ വീക്ഷാ​ഗോ​പു​രം മാസി​ക​യു​ടെ ശീർഷ​ക​ത്തി​ന്റെ ഭാഗമാണ്‌. ഈ ബൈബിൾസാ​ഹി​ത്യം വിതരണം ചെയ്യു​ന്ന​തി​നും അതില​ട​ങ്ങി​യി​രി​ക്കുന്ന ബൈബിൾസ​ത്യ​ങ്ങൾ മററു​ള​ള​വർക്കു വിശദീ​ക​രി​ച്ചു​കൊ​ടു​ക്കു​ന്ന​തി​നും നിങ്ങൾ ക്ഷണിക്ക​പ്പെ​ടു​ക​യാണ്‌. ദൃഷ്ടാ​ന്ത​ത്തിന്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന ഈ പുസ്‌ത​ക​ത്തിൽനി​ന്നു നിങ്ങൾ പഠിച്ച മർമ​പ്ര​ധാ​ന​മായ വിവരങ്ങൾ നിങ്ങൾക്കു പങ്കു​വെ​യ്‌ക്കാൻ കഴിയുന്ന ആരെങ്കി​ലു​മു​ണ്ടോ?

18. (എ) ദൈവ​ത്തി​ന്റെ സ്ഥാപനം ഇന്ന്‌ ഏതുതരം സ്ഥാപന​മാണ്‌? (ബി) ദൈവ​ത്തി​ന്റെ ജനത്തിന്‌ ഇന്നു വളരെ പ്രോ​ത്സാ​ഹനം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁸ ഒന്നാം നൂററാ​ണ്ടി​ലെ​ന്ന​പോ​ലെ, ഇന്നത്തെ  ദൈവ​സ്ഥാ​പ​ന​വും സമർപ്പി​ത​രും സ്‌നാ​ന​മേ​റ​റ​വ​രു​മായ രാജ്യ​പ്ര​സം​ഗ​ക​രു​ടെ ഒരു സ്ഥാപന​മാണ്‌. അതു സ്ഥാപി​ത​മാ​യി​രി​ക്കു​ന്നത്‌ ഈ പ്രസം​ഗ​പ്ര​വർത്ത​ന​ത്തിൽ പങ്കെടു​ക്കാൻ അതിലെ സകല അംഗങ്ങ​ളെ​യും സഹായി​ക്കു​ന്ന​തി​നാണ്‌. സാത്താ​നും അവനു സ്വാധീ​നി​ക്കാൻ കഴിയു​ന്ന​വ​രും രാജ്യ​ദൂ​തി​നെ എതിർക്കു​ന്ന​തു​കൊണ്ട്‌ അവർക്കു വളരെ​യ​ധി​കം പ്രോ​ത്സാ​ഹ​ന​വും ആത്മീയ ബലപ്പെ​ടു​ത്ത​ലും ആവശ്യ​മാണ്‌. രാജ്യ​ദൂ​തു പ്രസം​ഗി​ച്ച​തി​നാൽ യേശു​വി​നെ അങ്ങനെ​യു​ളള എതിരാ​ളി​കൾ കൊല്ലി​ച്ചു. അവന്റെ അനുഗാ​മി​ക​ളും പീഡി​പ്പി​ക്ക​പ്പെ​ടു​മെന്നു ബൈബിൾ മുന്നറി​യി​പ്പു​നൽകു​ന്നു.—യോഹ​ന്നാൻ 15:19, 20; 2 തിമൊ​ഥെ​യോസ്‌ 3:12.

19. (എ) ദൈവ​ജ​നത്തെ ബലപ്പെ​ടു​ത്താ​നും പ്രോ​ത്സാ​ഹി​പ്പി​ക്കാ​നും ഇപ്പോൾ ആർ പ്രദാനം ചെയ്യ​പ്പെ​ട്ടി​രി​ക്കു​ന്നു? (ബി) സഭയെ ദുഷി​പ്പി​ക്കാൻ കഴിയുന്ന ദുഷി​ച്ച​സ്വാ​ധീ​ന​ങ്ങ​ളിൽനിന്ന്‌ അതു സംരക്ഷി​ക്ക​പ്പെ​ടു​ന്ന​തെ​ങ്ങനെ?

¹⁹ ഒന്നാം നൂററാ​ണ്ടി​ലെ​പ്പോ​ലെ, ഓരോ സഭയെ​യും സഹായി​ക്കു​ന്ന​തി​നും ബലപ്പെ​ടു​ത്തു​ന്ന​തി​നും “പ്രായ​മേ​റിയ പുരു​ഷൻമാർ” അഥവാ മൂപ്പൻമാർ നിയമി​ക്ക​പ്പെ​ടു​ന്നു. വിവിധ പ്രശ്‌ന​ങ്ങളെ നേരി​ടു​ന്ന​തി​നു ബൈബിൾബു​ദ്ധ്യു​പ​ദേ​ശ​ത്താൽ നിങ്ങ​ളെ​യും സഹായി​ക്കു​ന്ന​തിന്‌ അവർക്കു കഴിയും. ഈ മൂപ്പൻമാർ “ദൈവ​ത്തി​ന്റെ ആട്ടിൻകൂട്ട”ത്തെ സംരക്ഷി​ക്കു​ക​യും ചെയ്യുന്നു. അങ്ങനെ, ഒരു സഭാംഗം ഒരു ദുഷിച്ച ജീവി​ത​രീ​തി​യി​ലേക്കു തിരി​യു​ക​യും മാററം​വ​രു​ത്താൻ വിസമ്മ​തി​ക്കു​ക​യു​മാ​ണെ​ങ്കിൽ അയാളെ സഭയിൽനി​ന്നു ബഹിഷ്‌ക​രി​ക്കു​ന്ന​തിൽ  അഥവാ പുറത്താ​ക്കു​ന്ന​തിൽ “പ്രായ​മേ​റിയ പുരു​ഷൻമാർ” ശ്രദ്ധി​ക്കു​ന്നു. അങ്ങനെ ആരോ​ഗ്യ​മു​ളള, ആത്മീയ​മാ​യി ശുദ്ധി​യു​ളള ഒരു സഭ നിലനിർത്ത​പ്പെ​ടു​ന്നു.—തീത്തോസ്‌ 1:5; 1 പത്രോസ്‌ 5:1-3; യെശയ്യാവ്‌ 32:1, 2; 1 കൊരി​ന്ത്യർ 5:13.

20. (എ) ഒന്നാം നൂററാ​ണ്ടിൽ ആർ യരുശ​ലേ​മി​ലെ ഭരണസം​ഘ​ത്താൽ അയയ്‌ക്ക​പ്പെ​ട്ടി​രു​ന്നു, ഏതു കാരണ​ത്താൽ? (ബി) ഇന്നു ഭരണസം​ഘം ആരെ അയയ്‌ക്കു​ന്നു?

²⁰ കൂടാതെ, യരുശ​ലേ​മി​ലെ ഭരണസം​ഘം ദൈവ​ജ​ന​ത്തി​നു പ്രബോ​ധ​ന​ങ്ങ​ളും പ്രോ​ത്സാ​ഹ​ന​വും കൊടു​ക്കാൻ പൗലോ​സി​നെ​യും ശീലാ​സി​നെ​യും​പോ​ലെ​യു​ളള പ്രത്യേക പ്രതി​നി​ധി​കളെ അയച്ചതു​പോ​ലെ ഇന്നത്തെ ഭരണസം​ഘ​വും ഈ അന്ത്യകാ​ലത്ത്‌ അങ്ങനെ ചെയ്യു​ന്നുണ്ട്‌. (പ്രവൃ​ത്തി​കൾ 15:24-27, 30-32) സർക്കിട്ട്‌ മേൽവി​ചാ​രകൻ എന്നു വിളി​ക്ക​പ്പെ​ടുന്ന പരിച​യ​സ​മ്പ​ന്ന​നായ ഒരു ശുശ്രൂ​ഷകൻ സംവത്സ​ര​ത്തിൽ രണ്ടു പ്രാവ​ശ്യം അയാളു​ടെ സർക്കി​ട്ടി​ലെ ഓരോ സഭയോ​ടൊ​ത്തും ഓരോ വാരം ചെലവ​ഴി​ക്കാൻ അയക്ക​പ്പെ​ടു​ന്നു.

21. സർക്കിട്ടു മേൽവി​ചാ​രകൻ ദൈവ​ജ​ന​ത്തി​ന്റെ സഭകളെ സഹായി​ക്കു​ന്ന​തെ​ങ്ങനെ?

²¹ ലോക​ത്തി​ലാ​സ​കലം യഹോ​വ​യു​ടെ സാക്ഷി​ക​ളു​ടെ 60,000-ത്തിൽപരം സഭകളുണ്ട്‌. അവ ഏതാണ്ട്‌ 20 സഭകൾ വീതമു​ളള സർക്കി​ട്ടു​ക​ളാ​യി വിഭജി​ക്ക​പ്പെ​ടു​ന്നു. സർക്കിട്ടു മേൽവി​ചാ​രകൻ തന്റെ സർക്കി​ട്ടി​ലെ സഭകളെ സന്ദർശി​ക്കു​മ്പോൾ പ്രസം​ഗ​വേ​ല​യി​ലും പഠിപ്പി​ക്കൽവേ​ല​യി​ലും രാജ്യ​സാ​ക്ഷി​ക​ളോ​ടു​കൂ​ടെ​ത്തന്നെ പോയി അവരെ കെട്ടു​പണി ചെയ്യുന്നു. ഈ വിധത്തിൽ അവരെ ഉത്തേജി​പ്പി​ക്കു​ന്ന​തി​നു​പു​റമേ, ശുശ്രൂ​ഷ​യിൽ മെച്ച​പ്പെ​ടാൻ അവരെ സഹായി​ക്കു​ന്ന​തിന്‌ അയാൾ അവർക്കു നിർദേ​ശങ്ങൾ കൊടു​ക്കു​ക​യും ചെയ്യുന്നു.—പ്രവൃ​ത്തി​കൾ 20:20, 21.

22. (എ) ദൈവ​ജ​നത്തെ ശക്തീക​രി​ക്കാൻ വർഷത്തിൽ രണ്ടു പ്രാവ​ശ്യം കൂടു​ത​ലായ ഏതു ക്രമീ​ക​രണം ചെയ്യ​പ്പെ​ടു​ന്നു? (ബി) നിങ്ങൾക്ക്‌ ഏതു ക്ഷണം നൽകുന്നു?

²² സാധാ​ര​ണ​യാ​യി ആണ്ടിൽ രണ്ടു പ്രാവ​ശ്യം ഓരോ സർക്കി​ട്ടി​ലെ​യും സഭകൾ ഒന്നോ രണ്ടോ ദിവസത്തെ ഒരു സമ്മേള​ന​ത്തിന്‌ ഒന്നിച്ചു​കൂ​ടു​മ്പോൾ കൂടു​ത​ലായ പ്രോ​ത്സാ​ഹ​ന​വും, ശക്തീക​ര​ണ​വും പ്രദാനം ചെയ്യ​പ്പെ​ടു​ന്നു. ഈ സന്ദർഭ​ങ്ങ​ളിൽ ഇരുന്നൂ​റോ മുന്നൂ​റോ മുതൽ 2,000-മോ അധിക​മോ വരെ ആളുകൾ ഹാജരു​ണ്ടാ​യി​രി​ക്കാം. നിങ്ങളു​ടെ പ്രദേ​ശത്തെ അടുത്ത സമ്മേള​ന​ത്തി​നു ഹാജരാ​കാൻ നിങ്ങളെ ക്ഷണിക്കു​ന്നു. സമ്മേളനം ആത്മീയ​മാ​യി നവോ​ത്തേ​ജ​ക​വും വ്യക്തി​പ​ര​മാ​യി പ്രയോ​ജ​ന​ക​ര​വു​മാ​ണെന്നു നിങ്ങൾ കണ്ടെത്തു​മെന്നു ഞങ്ങൾക്ക്‌ ഉറപ്പുണ്ട്‌.

23. (എ) വർഷത്തിൽ ഒരു പ്രാവ​ശ്യം വേറെ ഏതു സമ്മേള​നങ്ങൾ നടത്തുന്നു? (ബി) ഈ കൺ​വെൻ​ഷ​നു​ക​ളിൽ ഒന്നിന്റെ വലിപ്പം എന്തായി​രു​ന്നു?

²³ കൂടാതെ, ആണ്ടി​ലൊ​രി​ക്കൽ ഡിസ്‌ട്രിക്ട്‌ കൺ​വെൻ​ഷൻ എന്നു വിളി​ക്ക​പ്പെ​ടുന്ന കുറേ​ക്കൂ​ടി വലിയ ഒരു സമ്മേളനം പല ദിവസ​ങ്ങ​ളിൽ നടത്ത​പ്പെ​ട്ടേ​ക്കാം. അത്തര​മൊ​രു കൺ​വെൻ​ഷൻ എത്ര ഉല്ലാസ​പ്ര​ദ​വും ആത്മീയ​മാ​യി പ്രതി​ഫ​ല​ദാ​യ​ക​വു​മാ​ണെന്നു കാണാൻ ഹാജരാ​കു​ന്ന​തിന്‌ ഒരു യഥാർഥ​ശ്രമം ചെയ്‌തു​കൂ​ടേ? ചില വർഷങ്ങ​ളിൽ ഡിസ്‌ട്രി​ക്‌ററ്‌ കൺ​വെൻ​ഷ​നു​പ​കരം വലിപ്പ​മേ​റിയ ദേശീയ കൺ​വെൻ​ഷ​നോ സാർവ​ദേ​ശീയ കൺ​വെൻ​ഷ​നോ നടത്ത​പ്പെ​ട്ടി​ട്ടുണ്ട്‌. ഒരു സ്ഥലത്തു നടത്ത​പ്പെ​ട്ടി​ട്ടു​ള​ള​തി​ലേ​ക്കും ഏററവും വലിയത്‌ 1958-ൽ ന്യൂ​യോർക്ക്‌ നഗരത്തി​ലെ യാങ്കീ​സ്‌റേ​റ​ഡി​യ​ത്തി​ലും പോ​ളോ​ഗ്രൗ​ണ്ടി​ലു​മാ​യി എട്ടു ദിവസം നടന്ന കൺ​വെൻ​ഷൻ ആയിരു​ന്നു. ആ സന്ദർഭ​ത്തിൽ “ദൈവ​രാ​ജ്യം ഭരിക്കു​ന്നു—ലോക​ത്തി​ന്റെ  അവസാനം അടുത്തി​രി​ക്കു​ന്നു​വോ?” എന്ന പരസ്യ​പ്ര​സം​ഗ​ത്തിന്‌ 2,53,922 പേർ ഹാജരു​ണ്ടാ​യി​രു​ന്നു. അതിനു​ശേഷം അത്തരം വലിയ ജനക്കൂ​ട്ട​ങ്ങളെ കൈകാ​ര്യം ചെയ്യാൻതക്ക സ്ഥലമി​ല്ലാ​ത്ത​തു​കൊണ്ട്‌ വലിയ കൺ​വെൻ​ഷ​നു​കൾക്ക്‌ ഉപയോ​ഗി​ക്കാൻ പല മുഖ്യ​ന​ഗ​ര​ങ്ങ​ളി​ലെ സൗകര്യ​ങ്ങൾ ഏർപ്പാ​ടു​ചെ​യ്‌തി​ട്ടുണ്ട്‌.

സഭകൾക്കു​ള​ളി​ലെ യോഗങ്ങൾ

24. ദൈവ​ജ​ന​ത്തി​ന്റെ സഭകൾ വാരം​തോ​റു​മു​ളള ഏത്‌ അഞ്ചു മീററിം​ഗു​കൾ നടത്തുന്നു?

²⁴ യഹോ​വ​യു​ടെ സാക്ഷി​ക​ളു​ടെ ഭരണസം​ഘം യഹോ​വ​യു​ടെ ജനത്തിന്റെ എല്ലാ സഭകളി​ലും ഏകീകൃ​ത​മായ ബൈബിൾപ്ര​ബോ​ധ​ന​പ​രി​പാ​ടി നടത്താ​നും ഏർപ്പാ​ടു​ചെ​യ്യു​ന്നുണ്ട്‌. ഓരോ സഭയ്‌ക്കും വാരത്തിൽ അഞ്ചു മീററിം​ഗു​കൾ ഉണ്ട്‌. ഇവ ദിവ്യാ​ധി​പത്യ ശുശ്രൂ​ഷാ​സ്‌കൂൾ, സേവന​യോ​ഗം, പരസ്യ​യോ​ഗം, വീക്ഷാ​ഗോ​പു​രാ​ധ്യ​യനം, സഭാപു​സ്‌ത​കാ​ധ്യ​യനം എന്നിവ​യാണ്‌. നിങ്ങൾക്ക്‌ ഈ യോഗങ്ങൾ ഇതുവ​രെ​യും പരിചി​ത​മാ​യി​രി​ക്കു​ക​യി​ല്ലാ​ത്തതി​നാൽ ഞങ്ങൾ അവയെ ചുരുക്കി വിവരി​ക്കാം.

25, 26. ദിവ്യാ​ധി​പത്യ ശുശ്രൂ​ഷാ​സ്‌കൂ​ളും സേവന​യോ​ഗ​വും എന്ത്‌ ഉദ്ദേശ്യം സാധി​ക്കു​ന്നു?

²⁵ ദിവ്യാ​ധി​പത്യ ശുശ്രൂ​ഷാ​സ്‌കൂൾ ദൈവ​രാ​ജ്യ​ത്തെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കു​ന്ന​തിൽ കൂടുതൽ ഫലപ്ര​ദ​രാ​യി​ത്തീ​രാൻ വിദ്യാർഥി​കളെ സഹായി​ക്കാ​നു​ദ്ദേ​ശി​ച്ചു​ള​ള​താണ്‌. പേർ ചേർത്തി​ട്ടു​ള​ളവർ കാലാ​കാ​ല​ങ്ങ​ളിൽ മുഴു​കൂ​ട്ട​ത്തോ​ടും ബൈബിൾവി​ഷ​യ​ങ്ങളെ ആസ്‌പ​ദ​മാ​ക്കി ചെറു​പ്ര​സം​ഗങ്ങൾ നടത്തുന്നു. അനന്തരം പരിച​യ​സ​മ്പ​ന്ന​നായ ഒരു മൂപ്പൻ മെച്ച​പ്പെ​ടു​ന്ന​തി​നു​ളള നിർദേ​ശങ്ങൾ കൊടു​ക്കു​ന്നു.

²⁶ സാധാ​ര​ണ​യാ​യി അതേ വൈകു​ന്നേ​രത്ത്‌ ഒരു സേവന​യോ​ഗ​വും നടത്ത​പ്പെ​ടു​ന്നു. ഈ യോഗ​ത്തി​നു​ളള ബാഹ്യ​രേഖ, ഭരണസം​ഘം പ്രസാ​ധനം ചെയ്യുന്ന രണ്ടോ അധിക​മോ പേജുളള ഒരു പ്രതി​മാ​സ​പ്ര​സി​ദ്ധീ​ക​ര​ണ​മായ നമ്മുടെ രാജ്യ ശുശ്രൂ​ഷ​യിൽ പ്രസി​ദ്ധീ​ക​രി​ക്കു​ന്നുണ്ട്‌. ഈ യോഗ​ത്തിൽ രാജ്യ​സ​ന്ദേ​ശ​ത്തെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കു​ന്ന​തി​നു​ളള ഫലകര​മായ വിധങ്ങൾ സംബന്ധി​ച്ചു പ്രാ​യോ​ഗി​ക​മായ നിർദേ​ശ​ങ്ങ​ളും പ്രകട​ന​ങ്ങ​ളും അവതരി​പ്പി​ക്ക​പ്പെ​ടു​ന്നു. ഇതേ രീതി​യിൽ ക്രിസ്‌തു തന്റെ അനുഗാ​മി​കളെ പ്രോ​ത്സാ​ഹി​പ്പി​ക്കു​ക​യും തങ്ങളുടെ ശുശ്രൂഷ എങ്ങനെ നിറ​വേ​റ​റാ​മെന്നു നിർദേ​ശങ്ങൾ കൊടു​ക്കു​ക​യും ചെയ്‌തി​രു​ന്നു.—യോഹ​ന്നാൻ 21:15-17; മത്തായി 10:5-14.

27, 28. പരസ്യ​യോ​ഗ​വും വീക്ഷാ​ഗോ​പു​രാ​ധ്യ​യ​ന​വും സഭാപു​സ്‌ത​കാ​ധ്യ​യ​ന​വും ഏതുതരം യോഗ​ങ്ങ​ളാണ്‌?

²⁷ പരസ്യ​യോ​ഗ​വും വീക്ഷാ​ഗോ​പു​രാ​ധ്യ​യ​ന​വും സാധാ​ര​ണ​യാ​യി ഞായറാ​ഴ്‌ച​യാ​ണു നടത്ത​പ്പെ​ടു​ന്നത്‌. പുതിയ താൽപ്പ​ര്യ​ക്കാ​രെ പരസ്യ​യോ​ഗ​ത്തി​നു ക്ഷണിക്കാൻ പ്രത്യേ​ക​ശ്രമം ചെയ്യ​പ്പെ​ടു​ന്നു. അത്‌ യോഗ്യ​ത​യു​ളള ഒരു ശുശ്രൂ​ഷകൻ നടത്തുന്ന ഒരു ബൈബിൾപ്ര​സം​ഗ​മാണ്‌. വീക്ഷാ​ഗോ​പു​രാ​ധ്യ​യനം വീക്ഷാ​ഗോ​പു​രം മാസി​ക​യു​ടെ അടുത്ത​കാ​ലത്തെ ഒരു ലക്കത്തിൽ പ്രതി​പാ​ദി​ക്ക​പ്പെട്ട ഒരു ബൈബിൾലേ​ഖ​ന​ത്തി​ന്റെ ചോ​ദ്യോ​ത്ത​ര​ചർച്ച​യാണ്‌.

²⁸ മേൽവി​വ​രിച്ച യോഗ​ങ്ങൾക്കു മുഴു​സ​ഭ​യും രാജ്യ​ഹാ​ളിൽകൂ​ടി​വ​രു​മെ​ന്നി​രി​ക്കെ, കുറേ​ക്കൂ​ടെ ചെറിയ കൂട്ടങ്ങൾ വാരം​തോ​റു​മു​ളള സഭാപു​സ്‌ത​കാ​ധ്യ​യ​ന​ത്തി​നു  സ്വകാ​ര്യ​ഭ​വ​ന​ങ്ങ​ളിൽ സമ്മേളി​ക്കു​ന്നു. നിങ്ങൾ വായി​ച്ചു​കൊ​ണ്ടി​രി​ക്കുന്ന ഈ പുസ്‌ത​കം​പോ​ലെ​യു​ളള ഒരു ബൈബിൾപ​ഠ​ന​സ​ഹാ​യി ആ ബൈബിൾചർച്ച​ക്കു​ളള അടിസ്ഥാ​ന​മാ​യി ഉപയോ​ഗി​ക്ക​പ്പെ​ടു​ന്നു. ചർച്ച ഒരു മണിക്കൂർവരെ നീണ്ടേ​ക്കാം.

29. (എ) സത്യ​ക്രി​സ്‌ത്യാ​നി​കൾ ഓരോ വർഷവും ഏതു സ്‌മാ​രകം ആഘോ​ഷി​ക്കു​ന്നു? (ബി) ആർ ഉചിത​മാ​യി അപ്പവീ​ഞ്ഞു​ക​ളിൽ പങ്കുപ​റ​റു​ന്നു?

²⁹ ഈ ക്രമമായ യോഗ​ങ്ങൾക്കു​പു​റമേ, യഹോ​വ​യു​ടെ സാക്ഷികൾ ഓരോ​വർഷ​വും യേശു​വി​ന്റെ മരണത്തി​ന്റെ വാർഷി​ക​ത്തിൽ ഒരു പ്രത്യേ​ക​യോ​ഗം നടത്തുന്നു, തന്റെ മരണത്തി​ന്റെ ഈ സ്‌മാ​രകം ആദ്യം ഏർപ്പെ​ടു​ത്തി​യ​പ്പോൾ യേശു പറഞ്ഞു: “എന്റെ ഓർമ​ക്കാ​യി ഇതു ചെയ്‌തു​കൊ​ണ്ടി​രി​ക്കുക.” (ലൂക്കോസ്‌ 22:19, 20) ഒരു ലളിത​മായ ചടങ്ങിൽ, യേശു മനുഷ്യ​വർഗ​ത്തി​നു​വേണ്ടി താൻ ബലി​ചെ​യ്യാ​നി​രുന്ന ജീവന്റെ പ്രതീ​ക​ങ്ങ​ളാ​യി വീഞ്ഞും പുളി​പ്പി​ല്ലാത്ത അപ്പവും ഉപയോ​ഗി​ച്ചു. അതു​കൊണ്ട്‌ ഈ വാർഷി​ക​സ്‌മാ​രക ഭക്ഷണ​വേ​ള​യിൽ ക്രിസ്‌തു​വി​ന്റെ 1,44,000 അഭിഷി​ക്താ​നു​ഗാ​മി​ക​ളിൽ ഭൂമി​യിൽ ശേഷി​ച്ചി​ട്ടു​ള​ളവർ അപ്പവീ​ഞ്ഞു​ക​ളിൽ പങ്കുപ​റ​റി​ക്കൊ​ണ്ടു തങ്ങളുടെ സ്വർഗീയ പ്രത്യാശ പ്രകട​മാ​ക്കു​ന്നു.

30. (എ) വേറെ ആരും ഉചിത​മാ​യി സ്‌മാ​ര​ക​ത്തി​നു ഹാജരാ​കു​ന്നു? അവരുടെ പ്രത്യാ​ശ​ക​ളെന്ത്‌? (ബി) യേശു അങ്ങനെ​യു​ള​ള​വരെ എങ്ങനെ വർണി​ക്കു​ന്നു?

³⁰ ഭൂമി​യി​ലാ​സ​ക​ല​മു​ളള രാജ്യ​ഹാ​ളു​ക​ളിൽ ഈ സ്‌മാ​ര​ക​ത്തി​നു ഹാജരാ​കുന്ന ദശലക്ഷ​ക്ക​ണ​ക്കി​നു മററു​ള​ളവർ നിരീ​ക്ഷ​ക​രാ​യി​രി​ക്കാൻ സന്തോ​ഷ​മു​ള​ള​വ​രാണ്‌. അവരും പാപത്തിൽനി​ന്നും മരണത്തിൽനി​ന്നു​മു​ളള തങ്ങളുടെ ഉദ്ധാരണം സാധ്യ​മാ​ക്കു​ന്ന​തി​നു യഹോ​വ​യാം ദൈവ​വും യേശു​ക്രി​സ്‌തു​വും ചെയ്‌ത​തി​നെ​ക്കു​റിച്ച്‌  അനുസ്‌മ​രി​പ്പി​ക്ക​പ്പെ​ടു​ന്നു. എന്നാൽ അവർ സ്വർഗീയ ജീവി​ത​ത്തി​നു നോക്കി​പ്പാർത്തി​രി​ക്കു​ന്ന​തി​നു പകരം ഭൂമി​യി​ലെ പറുദീ​സ​യിൽ എന്നേക്കും ജീവി​ക്കു​ന്ന​തി​നു​ളള പ്രത്യാ​ശ​യിൽ സന്തോ​ഷി​ക്കു​ന്നു. അവർ മണവാ​ളന്റെ 1,44,000 അംഗങ്ങ​ളു​ളള സംയു​ക്ത​മ​ണ​വാ​ട്ടി​യു​ടെ ഭാഗമാ​യി​രി​ക്കാ​തെ “മണവാ​ളന്റെ സ്‌നേ​ഹി​തൻ” എന്നു തന്നെക്കു​റി​ച്ചു​തന്നെ പറഞ്ഞ യോഹ​ന്നാൻ സ്‌നാ​പ​ക​നെ​പ്പോ​ലെ​യാണ്‌. (യോഹ​ന്നാൻ 3:29) ഈ ദശലക്ഷ​ക്ക​ണ​ക്കി​നാ​ളു​കൾ യേശു​ക്രി​സ്‌തു പ്രസ്‌താ​വിച്ച “വേറെ ആടുക​ളു​ടെ” ഭാഗമാണ്‌. അവർ “ചെറിയ ആട്ടിൻകൂട്ട”ത്തിന്റെ അംഗങ്ങളല്ല. എന്നിരു​ന്നാ​ലും, യേശു പറഞ്ഞതു​പോ​ലെ, അവർ “ചെറിയ ആട്ടിൻകൂട്ട”ത്തോടു ചേർന്ന്‌ ഒററ​ക്കെ​ട്ടാ​യി സേവി​ക്കു​ന്ന​തു​കൊണ്ട്‌ എല്ലാവ​രും “ഒരു ആട്ടിൻകൂട്ട”മായി​ത്തീ​രു​ന്നു.—യോഹ​ന്നാൻ 10:16; ലൂക്കോസ്‌ 12:32.

ദൈവത്തെ അവന്റെ സ്ഥാപന​ത്തോ​ടൊ​ത്തു സേവിക്കൽ

31. വ്യാജ​മ​ത​ത്തി​ന്റെ ഭാഗമാ​യി നില​കൊ​ള​ളു​ക​യും അപ്പോ​ഴും ദൈവ​സ്ഥാ​പ​ന​ത്തി​ന്റെ ഭാഗമാ​യി​രി​ക്കാൻ ശ്രമി​ക്കു​ക​യും ചെയ്യു​ന്ന​വരെ അവൻ അംഗീ​ക​രി​ക്കു​ന്നി​ല്ലെന്ന്‌ എന്തു തെളി​വുണ്ട്‌?

³¹ പഴയകാ​ല​ങ്ങ​ളി​ലെ​പ്പോ​ലെ, യഹോ​വ​യാം ദൈവ​ത്തിന്‌ ഇന്ന്‌ ഒരു ദൃശ്യ​സ്ഥാ​പ​ന​മു​ണ്ടെന്ന്‌ എത്ര വ്യക്തമാണ്‌! അവൻ ഇപ്പോൾ തന്റെ നീതി​യു​ളള നൂതന​വ്യ​വ​സ്ഥി​തി​യി​ലെ ജീവി​ത​ത്തി​നു​വേണ്ടി ആളുകളെ പരിശീ​ലി​പ്പി​ക്കാൻ അതിനെ ഉപയോ​ഗി​ച്ചു​കൊ​ണ്ടി​രി​ക്കു​ക​യാണ്‌. എന്നിരു​ന്നാ​ലും, നമുക്കു ദൈവ​സ്ഥാ​പ​ന​ത്തി​ന്റെ ഭാഗമാ​യി​രി​ക്കാ​നും അതേസ​മയം വ്യാജ​മ​ത​ത്തി​ന്റെ ഭാഗമാ​യി​രി​ക്കാ​നും കഴിയു​ക​യില്ല. ദൈവ​വ​ചനം പറയുന്നു: “അവിശ്വാ​സി​ക​ളു​മാ​യി ഇണയി​ല്ലാ​പ്പിണ കൂടരുത്‌. എന്തെന്നാൽ നീതി​ക്കും അധർമ​ത്തി​നും തമ്മിൽ എന്തു കൂട്ടാ​യ്‌മ​യാ​ണു​ള​ളത്‌? അല്ലെങ്കിൽ വെളി​ച്ച​ത്തിന്‌ ഇരുളു​മാ​യി എന്തു പങ്കാണു​ള​ളത്‌?. . .അല്ലെങ്കിൽ ഒരു വിശ്വ​സ്‌ത​നായ ആൾക്ക്‌ ഒരു അവിശ്വാ​സി​യു​മാ​യി എന്ത്‌ ഓഹരി​യാ​ണു​ള​ളത്‌? അതു​കൊണ്ട്‌ ദൈവം കൽപ്പി​ക്കു​ന്നു: “ആകയാൽ അവരുടെ ഇടയിൽനി​ന്നു പുറത്തു​ക​ടന്നു നിങ്ങ​ളെ​ത്തന്നെ വേർപെ​ടു​ത്തുക.”—2 കൊരി​ന്ത്യർ 6:14-17.

32. (എ) നാം “അവരുടെ ഇടയിൽനി​ന്നു പുറത്തു​ക​ടക്കണ”മെങ്കിൽ നാം എന്തു ചെയ്യണം? (ബി) നാം ദൈവ​ത്തി​ന്റെ ദൃശ്യ​ദി​വ്യാ​ധി​പ​ത്യ​സ്ഥാ​പ​ന​ത്തോ​ടൊത്ത്‌ അവനെ സേവി​ക്കാൻ സുനി​ശ്ചിത നടപടി സ്വീക​രി​ക്കു​ന്നു​വെ​ങ്കിൽ നമുക്ക്‌ എന്ത്‌ അനു​ഗ്രഹം ലഭിക്കും?

³² “അവരുടെ ഇടയിൽനി​ന്നു പുറത്തു​ക​ട​ക്കുക”യെന്നാൽ അർഥ​മെ​ന്താണ്‌? ശരി, നമുക്കു യഹോ​വ​യാം ദൈവം ഉപയോ​ഗി​ച്ചു​കൊ​ണ്ടി​രി​ക്കാത്ത ഒരു മതസ്ഥാ​പ​ന​ത്തി​ന്റെ ഭാഗമാ​യി​രു​ന്നു​കൊ​ണ്ടോ അതിനെ പിന്തു​ണ​ച്ചു​കൊ​ണ്ടോ ആ കല്‌പന അനുസ​രി​ക്കാൻ സാധ്യമല്ല. അതു​കൊണ്ട്‌, നമ്മിലാ​രെ​ങ്കി​ലും ഇപ്പോ​ഴും അത്തര​മൊ​രു മതസ്ഥാ​പ​ന​ത്തിൽ ഉൾപ്പെ​ട്ടി​രി​ക്കു​ന്നു​വെ​ങ്കിൽ നാം അതിൽനി​ന്നു പിൻമാ​റു​ക​യാ​ണെന്നു നാം അറിയി​പ്പു​കൊ​ടു​ക്കേ​ണ്ട​താണ്‌. നാം ഇപ്പോൾ വ്യാജ​മതം ആചരി​ക്കു​ന്ന​വ​രു​ടെ ഇടയിൽനി​ന്നു പുറത്തു​ക​ട​ക്കു​ക​യും അവന്റെ ദൃശ്യ​ദി​വ്യാ​ധി​പ​ത്യ​സ്ഥാ​പ​ന​ത്തോ​ടൊ​ത്തു ദൈവത്തെ സേവി​ക്കാൻ സുനി​ശ്ചിത നടപടി സ്വീക​രി​ക്കു​ക​യു​മാ​ണെ​ങ്കിൽ നാം “ഞാൻ അവരുടെ ഇടയിൽ വസിക്കു​ക​യും അവരുടെ ഇടയിൽ നടക്കു​ക​യും ചെയ്യും, ഞാൻ അവരുടെ ദൈവ​മാ​യി​രി​ക്കും, അവർ എന്റെ ജനമാ​യി​രി​ക്കും” എന്നു ദൈവം പറയു​ന്ന​വ​രോ​ടു​കൂ​ടെ ആയിരി​ക്കും.—2 കൊരി​ന്ത്യർ 6:16.

[അധ്യയന ചോദ്യ​ങ്ങൾ]

[192-ാം പേജിലെ ചിത്രം]

പ്രളയസമയത്തു ദൈവ​ത്തിന്‌ ഒന്നില​ധി​കം സ്ഥാപന​ങ്ങ​ളു​ണ്ടാ​യി​രു​ന്നോ?

 [196-ാം പേജിലെ ചിത്രങ്ങൾ]

കാര്യനിർവഹണ ആപ്പീസു​കൾ

യഹോവയുടെ സാക്ഷി​ക​ളു​ടെ ലോക ആസ്ഥാനം

കംപ്യൂട്ടർ പദ്ധതികൾ

റോട്ടറി അച്ചടി

ബുക്ക്‌ ബയൻഡിംഗ്‌ ശാല

കയററി അയയ്‌ക്കൽ

ബ്രൂക്ക്‌ളിൻ അച്ചടി​ശാ​ല

[197-ാം പേജിലെ ചിത്രങ്ങൾ]

മററനേകം വാച്ച്‌റ​റവർ അച്ചടി​ശാ​ല​ക​ളിൽ ചിലത്‌

ബ്രസീൽ

ഇംഗ്ലണ്ട്‌

സൗത്താഫ്രിക്ക

വാൾക്കിൽ, ന്യൂ​യോർക്ക്‌

കാനഡാ

[198-ാം പേജിലെ ചിത്രങ്ങൾ]

ന്യൂയോർക്കിൽ നടന്ന യഹോ​വ​യു​ടെ സാക്ഷി​ക​ളു​ടെ ഒരു കൺ​വെൻ​ഷ​നിൽ ഹാജരായ 253922 പേരിൽ ചിലർ

പോളോഗ്രൗണ്ട്‌സ്‌

യാങ്കീസ്‌റേറഡിയം

[201-ാം പേജിലെ ചിത്രം]

യഹോവയുടെ സാക്ഷി​ക​ളു​ടെ യോഗ​ങ്ങ​ളിൽ ഒരു ബൈബിൾപ്ര​ബോ​ധ​ന​പ​രി​പാ​ടി ആസ്വദി​ക്ക​പ്പെ​ടു​ന്നു