അധ്യായം 26

ശരി ചെയ്യു​ന്ന​തി​നു​ളള പോരാ​ട്ടം

1. ഏതു രണ്ടു കാര്യ​ങ്ങൾക്കെ​തി​രെ ക്രിസ്‌ത്യാ​നി​കൾ പോരാ​ടേ​ണ്ട​താണ്‌?

¹ സാത്താന്റെ ലോകം സ്ഥിതി​ചെ​യ്യു​ന്നി​ട​ത്തോ​ളം കാലം ക്രിസ്‌ത്യാ​നി​കൾ അതിന്റെ ദുഷ്ടസ്വാ​ധീ​ന​ത്തിൽനിന്ന്‌ ഒഴിഞ്ഞു​നിൽക്കാൻ പോരാ​ടേ​ണ്ട​തുണ്ട്‌. “പിശാ​ചി​ന്റെ തന്ത്ര​പ്ര​വൃ​ത്തി​കൾക്കെ​തി​രെ ഉറച്ചു​നിൽക്കാൻ കഴി​യേ​ണ്ട​തി​നു ദൈവ​ത്തിൽനി​ന്നു​ളള പടക്കോ​പ്പു ധരിച്ചു​കൊൾക” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (എഫേസ്യർ 6:11-18) എന്നിരു​ന്നാ​ലും, നമ്മുടെ പോരാ​ട്ടം സാത്താ​നും അവന്റെ ലോക​ത്തി​നും എതിരാ​യി മാത്രമല്ല; അതു തിൻമ​ചെ​യ്യാ​നു​ളള നമ്മുടെ സ്വന്തം ആഗ്രഹ​ങ്ങൾക്കെ​തി​രാ​യി​ട്ടു​കൂ​ടെ​യാണ്‌. ബൈബിൾ പറയുന്നു: “മമനു​ഷ്യ​ന്റെ ഹൃദയ​ത്തി​ന്റെ ചായ്‌വ്‌ അവന്റെ ബാല്യം മുതൽ ചീത്തയാണ്‌.”—ഉല്‌പത്തി 8:21; റോമർ 5:12.

2. (എ) നമുക്കു മിക്ക​പ്പോ​ഴും തെററു​ചെ​യ്യാ​നു​ളള ഒരു ശക്തമായ ആഗ്രഹ​മു​ള​ള​തെ​ന്തു​കൊണ്ട്‌? (ബി) നാം ദുർമോ​ഹ​ങ്ങ​ളോ​ടു പോരാ​ടേ​ണ്ട​തെ​ന്തു​കൊണ്ട്‌?

² ഒന്നാം മനുഷ്യ​നായ ആദാമിൽനിന്ന്‌ അവകാ​ശ​പ്പെ​ടു​ത്തിയ പാപം നിമിത്തം നമ്മുടെ ഹൃദയങ്ങൾ തിൻമ ചെയ്യാൻ അഭില​ഷി​ച്ചേ​ക്കാം. നാം ആ മോഹ​ത്തി​നു വഴി​പ്പെ​ടു​ക​യാ​ണെ​ങ്കിൽ നാം ദൈവ​ത്തി​ന്റെ നീതി​യു​ളള പുതിയ വ്യവസ്ഥി​തി​യി​ലെ നിത്യ​ജീ​വൻ പ്രാപി​ക്കു​ക​യില്ല. അതു​കൊണ്ട്‌ ശരി ചെയ്യാൻ നാം പോരാ​ടേണ്ട ആവശ്യ​മുണ്ട്‌. അപ്പോ​സ്‌ത​ല​നായ പൗലോ​സി​നു​പോ​ലും അത്തര​മൊ​രു പോരാ​ട്ട​മു​ണ്ടാ​യി​രു​ന്നു. അവൻ വിശദീ​ക​രി​ച്ച​പ്ര​കാ​രം “ഞാൻ ശരി ചെയ്യാ​നാ​ഗ്ര​ഹി​ക്കു​മ്പോൾ തിൻമ എന്നോ​ടു​കൂ​ടെ​യുണ്ട്‌.” (റോമർ 7:21-23) ഈ പോരാ​ട്ടം കഠിന​മാ​ണെന്നു നിങ്ങളും കണ്ടെത്തി​യേ​ക്കാം. ചില സമയങ്ങ​ളിൽ ഒരു ശക്തമായ പോരാ​ട്ടം നിങ്ങളു​ടെ ഉളളിൽ നടക്കു​ന്നു​ണ്ടാ​യി​രി​ക്കാം. അപ്പോൾ നിങ്ങൾ എന്തു ചെയ്യാൻ തീരു​മാ​നി​ക്കും?

3. (എ) അനേകർക്ക്‌ ഏത്‌ ആന്തരി​ക​പോ​രാ​ട്ട​മുണ്ട്‌? (ബി) അനേക​രും ശരി ചെയ്യാ​നാ​ഗ്ര​ഹി​ക്കു​മ്പോൾ തെററു ചെയ്യുന്നു എന്ന വസ്‌തുത ഏതു ബൈബിൾസ​ത്യ​ത്തെ പ്രകട​മാ​ക്കു​ന്നു?

³ ഭൂമി​യി​ലെ പൂർണ​ത​യു​ളള അവസ്ഥക​ളിൽ എന്നേക്കും ജീവി​ക്കു​ന്നതു സംബന്ധിച്ച ദൈവ​ത്തി​ന്റെ അത്ഭുതാ​വ​ഹ​മായ വാഗ്‌ദ​ത്ത​ങ്ങ​ളെ​ക്കു​റി​ച്ചു നിങ്ങൾ അറിയാ​നി​ട​യാ​യി​രി​ക്കു​ന്നു. ഈ വാഗ്‌ദ​ത്തങ്ങൾ നിങ്ങൾ വിശ്വ​സി​ക്കു​ന്നു, നിങ്ങൾ ഈ നല്ല കാര്യങ്ങൾ ആഗ്രഹി​ക്കു​ന്നു. അതു​കൊണ്ട്‌ ദൈവത്തെ സേവി​ക്കു​ന്നതു നിങ്ങളു​ടെ നിലനിൽക്കുന്ന അത്യുത്തമ താല്‌പ​ര്യ​ങ്ങൾക്ക​നു​ഗു​ണ​മാ​ണെന്നു നിങ്ങൾക്ക​റി​യാം. എന്നാൽ വഷളാ​ണെന്നു നിങ്ങൾക്ക​റി​യാ​വുന്ന കാര്യങ്ങൾ നിങ്ങളു​ടെ ഹൃദയ​ത്തിൽ നിങ്ങൾ ആഗ്രഹി​ച്ചേ​ക്കാം. ചില​പ്പോൾ ദുർവൃ​ത്തി​യി​ലേർപ്പെ​ടു​ന്ന​തി​നോ മോഷ്ടി​ക്കു​ന്ന​തി​നോ മററു ദുഷ്‌പ്ര​വൃ​ത്തി​യി​ലേർപ്പെ​ടു​ന്നതി​നോ നിങ്ങൾക്കു ശക്തമായ ആഗ്രഹ​മു​ണ്ടാ​യേ​ക്കാം. ഈ പുസ്‌തകം പഠിക്കുന്ന ചിലർ യഥാർഥ​ത്തിൽ അത്തരം ദുർന​ട​പ​ടി​ക​ളിൽ ഏർപ്പെ​ടു​ന്നു​ണ്ടാ​യി​രി​ക്കാം, എന്നാൽ ഇവ ദൈവം കുററം​വി​ധി​ക്കുന്ന കാര്യ​ങ്ങ​ളാ​ണെന്ന്‌ അവർക്ക​റി​യാം. എന്നാൽ ശരി ചെയ്യാ​നാ​ഗ്ര​ഹി​ക്കു​മ്പോൾ അവർ  തെററു ചെയ്യു​ന്നു​വെന്ന വസ്‌തുത “ഹൃദയം മറെറ​ന്തി​നെ​ക്കാ​ളും വഞ്ചനാ​ത്മ​ക​വും സാഹസി​ക​വു​മാണ്‌” എന്ന ബൈബിൾസ​ത്യ​ത്തെ പ്രകട​മാ​ക്കു​ന്നു.—യിരെ​മ്യാവ്‌ 17:9.

പോരാ​ട്ട​ത്തിൽ വിജയി​ക്കാൻ കഴിയും

4. (എ) പോരാ​ട്ട​ത്തിൽ ജയിക്കു​ന്നു​വോ തോൽക്കു​ന്നു​വോ എന്നത്‌ ആരെ ആശ്രയി​ച്ചി​രി​ക്കു​ന്നു? (ബി) ശരി ചെയ്യാ​നു​ളള പോരാ​ട്ട​ത്തിൽ വിജയി​ക്കു​ന്ന​തിന്‌ എന്താണാ​വ​ശ്യ​മാ​യി​രി​ക്കു​ന്നത്‌?

⁴ തെററു​ചെ​യ്യാ​നു​ളള ഒരാളു​ടെ ശക്തമായ ആഗ്രഹ​ങ്ങ​ളിൻമേൽ അയാൾക്കു നിയ​ന്ത്ര​ണ​മി​ല്ലെന്ന്‌ ഇതിനർഥ​മില്ല. നിങ്ങൾ യഥാർഥ​മാ​യി ആഗ്രഹി​ക്കു​ന്നു​വെ​ങ്കിൽ നിങ്ങളെ ശരിയായ വഴിയിൽ നയിക്ക​ത്ത​ക്ക​വി​ധം നിങ്ങളു​ടെ ഹൃദയത്തെ ബലിഷ്‌ഠ​മാ​ക്കാൻ നിങ്ങൾക്കു കഴിയും. എന്നാൽ അതു ചെയ്യേ​ണ്ടതു നിങ്ങളാണ്‌. (സങ്കീർത്തനം 26:1, 11) മററാർക്കും നിങ്ങൾക്കു​വേണ്ടി പോരാ​ട്ട​ത്തിൽ വിജയി​ക്കാൻ സാധ്യമല്ല. അതു​കൊണ്ട്‌ ഒന്നാമ​താ​യി നിങ്ങൾക്കു​വേണ്ടി ജീവദാ​യ​ക​മായ ബൈബിൾ പരിജ്ഞാ​നം ഉൾക്കൊ​ള​ളു​ന്ന​തിൽ തുടരുക. (യോഹ​ന്നാൻ 17:3) എന്നിരു​ന്നാ​ലും, കേവലം ആ അറിവു തലയിൽ കയററു​ന്ന​തി​നെ​ക്കാൾ കൂടുതൽ ആവശ്യ​മാണ്‌. അതു നിങ്ങളു​ടെ ഹൃദയ​ത്തി​ലേക്ക്‌ ആണ്ടിറ​ങ്ങേണ്ട ആവശ്യ​വു​മുണ്ട്‌. നിങ്ങൾ പഠിക്കു​ന്നതു സംബന്ധി​ച്ചു പ്രവർത്തി​ക്കാൻ യഥാർഥ​ത്തിൽ ആഗ്രഹി​ക്ക​ത്ത​ക്ക​വണ്ണം നിങ്ങൾക്ക്‌ അതു സംബന്ധിച്ച്‌ ആഴമായ വികാ​ര​മു​ണ്ടാ​യി​രി​ക്കണം.

5. നിങ്ങൾക്കു ദൈവ​നി​യ​മ​ങ്ങ​ളോട്‌ എങ്ങനെ ഹൃദയ​വി​ല​മ​തി​പ്പു നേടാൻ കഴിയും?

⁵ എന്നാൽ നിങ്ങൾക്കു ദൈവ​നി​യ​മ​ങ്ങ​ളോട്‌ എങ്ങനെ ഹൃദയ​വി​ല​മ​തി​പ്പു നേടാൻ കഴിയും? നിങ്ങൾ അവയെ​ക്കു​റി​ച്ചു ധ്യാനി​ക്കേ​ണ്ട​തുണ്ട്‌, അഥവാ ഗാഢമാ​യി ചിന്തി​ക്കേ​ണ്ട​തുണ്ട്‌. ദൃഷ്ടാ​ന്ത​മാ​യി നിങ്ങ​ളോ​ടു​തന്നെ ചോദി​ക്കുക: “ദൈവത്തെ അനുസ​രി​ക്കു​ന്നതു യഥാർഥ​ത്തിൽ എന്തു വ്യത്യാ​സ​മു​ള​വാ​ക്കു​ന്നു?” അനന്തരം അവന്റെ നിയമ​ങ്ങളെ അവഗണി​ച്ചി​ട്ടു​ള​ള​വ​രു​ടെ ജീവി​തത്തെ നോക്കുക. ഉദാഹ​ര​ണ​മാ​യി, ഒരു 19 വയസ്സു​കാ​രി യുവതി എഴുതി: “എനിക്കു മൂന്നു പ്രാവ​ശ്യം ലൈം​ഗി​ക​രോ​ഗം പിടി​പെട്ടു. ഒടുവി​ലത്തെ പ്രാവ​ശ്യം എനിക്കു ഗർഭാ​ശ​യ​ഛേ​ദനം നടത്തേ​ണ്ടി​വ​ന്ന​തു​കൊ​ണ്ടു ശിശു​ക്കളെ പ്രസവി​ക്കാ​നു​ളള എന്റെ അവകാശം എനിക്കു നഷ്ടപ്പെട്ടു.” ആളുകൾ ദൈവ​നി​യമം ലംഘി​ക്കു​മ്പോൾ ഉണ്ടാകുന്ന കുഴപ്പങ്ങൾ മുഴുവൻ പരിചി​ന്തി​ക്കു​ന്നതു വാസ്‌ത​വ​ത്തിൽ സങ്കടക​ര​മാണ്‌. (2 ശമുവേൽ 13:1-19) ദുർവൃ​ത്തി​യി​ലേർപ്പെട്ട ഒരു സ്‌ത്രീ സങ്കടപൂർവം പറഞ്ഞു: “അനുസ​ര​ണ​ക്കേ​ടു​നി​മി​ത്തം ഉണ്ടാകുന്ന വേദന​യ്‌ക്കും വൈകാ​രി​ക​ത്ത​കർച്ച​യ്‌ക്കും തക്ക വില അതിനില്ല. അതുനി​മി​ത്തം ഞാൻ ഇപ്പോൾ കഷ്ടപ്പെ​ടു​ക​യാണ്‌.”

6. (എ) തിൻമ ചെയ്യു​ന്ന​തിൽനി​ന്നു സംജാ​ത​മാ​കുന്ന ഉല്ലാസം തക്ക വിലയി​ല്ലാ​ത്ത​താ​യി​രി​ക്കു​ന്ന​തെ​ന്തു​കൊണ്ട്‌? (ബി) മോശ​യ്‌ക്ക്‌ ഈജി​പ്‌റ​റിൽ ഏതുതരം ജീവിതം ആസ്വദി​ക്കാൻ കഴിയു​മാ​യി​രു​ന്നു?

⁶ എന്നിരു​ന്നാ​ലും, ദുർവൃ​ത്തി​യും മദ്യല​ഹ​രി​യും മയക്കു​മ​രു​ന്നു​ക​ളു​ടെ ഉപയോ​ഗ​വും രസമാ​ണെന്ന്‌ ആളുകൾ പറയു​ന്നതു നിങ്ങൾ കേട്ടേ​ക്കാം. എന്നാൽ ആ രസം താല്‌ക്കാ​ലി​കം മാത്ര​മാണ്‌. നിങ്ങളിൽനി​ന്നു യഥാർഥ​വും നിലനിൽക്കു​ന്ന​തു​മായ സന്തുഷ്ടി കവർന്നെ​ടു​ക്കുന്ന ഒരു പ്രവർത്ത​ന​ഗ​തി​യി​ലേക്കു വഴി​തെ​റ​റി​ക്ക​പ്പെ​ട​രുത്‌. “ഫറവോ​ന്റെ പുത്രി​യു​ടെ മകനാ”യി വളർത്ത​പ്പെട്ട മോശ​യെ​ക്കു​റി​ച്ചു ചിന്തി​ക്കുക. അവൻ പുരാതന ഈജി​പ്‌റ​റി​ലെ രാജകീയ കുടും​ബ​ത്തി​ന്റെ സമ്പന്നത​യി​ലാ​ണു ജീവി​ച്ചത്‌. എന്നിരു​ന്നാ​ലും, അവൻ വളർന്ന​പ്പോൾ “പാപത്തി​ന്റെ താൽക്കാ​ലിക ആസ്വാ​ദനം ലഭിക്കു​ന്ന​തി​നു​പ​കരം ദൈവ​ജ​ന​ത്തോ​ടു​കൂ​ടെ പീഡി​പ്പി​ക്ക​പ്പെ​ടു​ന്നതി”നെയാണ്‌ അവൻ തെര​ഞ്ഞെ​ടു​ത്തത്‌ എന്നു ബൈബിൾ പറയുന്നു. (എബ്രായർ 11:24, 25) അതു​കൊണ്ട്‌  പ്രത്യ​ക്ഷ​ത്തിൽ ഈജി​പ്‌ഷ്യൻ രാജകീ​യ​കു​ടും​ബ​ത്തിൽ നിലവി​ലി​രുന്ന അധാർമി​ക​മായ, അഴിഞ്ഞ, ജീവി​ത​രീ​തി​യിൽ ആസ്വാ​ദ​ന​മോ രസമോ ഉണ്ടായി​രു​ന്നു. അപ്പോൾ, അതിൽനി​ന്നെ​ല്ലാം മോശ അകന്നു​മാ​റി​യത്‌ എന്തു​കൊ​ണ്ടാ​യി​രു​ന്നു?

7. ഈജി​പ്‌ഷ്യൻ രാജകു​ടും​ബ​ത്തി​ലെ “പാപത്തി​ന്റെ താൽക്കാ​ലിക ആസ്വാദന”ത്തിൽനി​ന്നു മോശ വിട്ടു​മാ​റി​യ​തെ​ന്തു​കൊണ്ട്‌?

⁷ എന്തു​കൊ​ണ്ടെ​ന്നാൽ, മോശ യഹോ​വ​യാം ദൈവ​ത്തിൽ വിശ്വ​സി​ച്ചി​രു​ന്നു. അവന്‌ ഈജി​പ്‌ഷ്യൻ രാജകു​ടും​ബ​ത്തിൽ അനുഭ​വി​ക്കാ​മാ​യി​രുന്ന പാപത്തി​ന്റെ ഏതു താല്‌ക്കാ​ലിക ആസ്വാ​ദ​ന​ത്തെ​ക്കാ​ളും വളരെ മെച്ചപ്പെട്ട ഒന്നി​നെ​ക്കു​റിച്ച്‌ അവൻ അറിഞ്ഞി​രു​ന്നു. ബൈബിൾ പറയുന്നു: “പ്രതി​ഫ​ല​ല​ബ്ധി​യി​ലേക്ക്‌ അവൻ ഉററു​നോ​ക്കി.” ദൈവം വാഗ്‌ദത്തം ചെയ്‌തി​രുന്ന കാര്യ​ങ്ങ​ളെ​ക്കു​റി​ച്ചു മോശ ധ്യാനി​ച്ചു, അഥവാ ഗാഢമാ​യി ചിന്തിച്ചു. നീതി​യു​ളള ഒരു പുതിയ വ്യവസ്ഥി​തി സൃഷ്ടി​ക്കാ​നു​ളള ദൈ​വോ​ദ്ദേ​ശ്യ​ത്തിൽ അവനു വിശ്വാ​സ​മു​ണ്ടാ​യി​രു​ന്നു. മനുഷ്യ​വർഗ​ത്തോ​ടു​ളള യഹോ​വ​യു​ടെ വലിയ സ്‌നേ​ഹ​വും കരുത​ലും അവന്റെ ഹൃദയത്തെ സ്‌പർശി​ച്ചി​രു​ന്നു. മോശ യഹോ​വ​യെ​ക്കു​റി​ച്ചു കേവലം കേൾക്കു​ക​യോ വായി​ക്കു​ക​യോ ആയിരു​ന്നില്ല. “അവൻ അദൃശ്യ​നാ​യ​വനെ കാണു​ന്ന​തു​പോ​ലെ തുടർന്ന്‌ ഉറച്ചു​നി​ന്നു” എന്നു ബൈബിൾ പറയുന്നു. (എബ്രായർ 11:26, 27) യഹോവ മോശ​യ്‌ക്കു യഥാർഥ​മാ​യി​രു​ന്നു, നിത്യ​ജീ​വ​നെ​ക്കു​റി​ച്ചു​ളള അവന്റെ വാഗ്‌ദ​ത്ത​ങ്ങ​ളും അങ്ങനെ​യാ​യി​രു​ന്നു.

8. (എ) ശരി ചെയ്യാ​നു​ളള പോരാ​ട്ട​ത്തിൽ വിജയി​ക്കു​ന്ന​തി​നു നമുക്ക്‌ എന്താവ​ശ്യ​മാണ്‌? (ബി) ഒരു യുവാവ്‌ പ്രകട​മാ​ക്കിയ ഏതു വീക്ഷണ​ഗതി നമുക്കു​ണ്ടാ​യി​രി​ക്കു​ന്നതു ബുദ്ധി​പൂർവ​ക​മാണ്‌?

 ⁸ നിങ്ങളെ സംബന്ധിച്ച്‌ അതു സത്യമാ​ണോ? നിങ്ങൾ യഹോ​വയെ ഒരു യഥാർഥ വ്യക്തി​യാ​യി, നിങ്ങളെ സ്‌നേ​ഹി​ക്കുന്ന ഒരു പിതാ​വാ​യി, വീക്ഷി​ക്കു​ന്നു​വോ? ഭൂമി​യി​ലെ പറുദീ​സ​യിൽ നിത്യ​ജീ​വൻ നല്‌കാ​നു​ളള അവന്റെ വാഗ്‌ദ​ത്ത​ങ്ങ​ളെ​ക്കു​റി​ച്ചു നിങ്ങൾ വായി​ക്കു​മ്പോൾ ആ അനു​ഗ്ര​ഹങ്ങൾ ആസ്വദി​ച്ചു​കൊ​ണ്ടു നിങ്ങൾ അവിടെ ആയിരി​ക്കു​ന്ന​താ​യി വിഭാവന ചെയ്യു​ന്നു​വോ? (156 മുതൽ 162 വരെയു​ളള പേജുകൾ കാണുക.) തെററു ചെയ്യു​ന്ന​തി​നു​ളള അനേകം സമ്മർദ​ങ്ങൾക്കെ​തി​രാ​യു​ളള പോരാ​ട്ട​ത്തിൽ വിജയി​ക്കു​ന്ന​തി​നു യഹോ​വ​യോ​ടു നമുക്ക്‌ ഒരു അടുത്ത ബന്ധം ഉണ്ടായി​രി​ക്കേ​ണ്ട​താ​വ​ശ്യ​മാണ്‌. മോശ ചെയ്‌ത​തു​പോ​ലെ, നാം “പ്രതി​ഫ​ല​ല​ബ്‌ധി​യി​ലേക്ക്‌ ഉററു​നോ​ക്കേണ്ട”തുണ്ട്‌. ദുർവൃ​ത്തി​യി​ലേർപ്പെ​ടാ​നു​ളള പ്രലോ​ഭ​നത്തെ അഭിമു​ഖീ​ക​രിച്ച ഒരു 20 വയസ്സു​കാ​രന്‌ മോശ​യു​ടെ വീക്ഷണ​ഗതി ഉണ്ടായി​രു​ന്നു. അവൻ പറഞ്ഞു: “ദുർമാർഗ​ത്തി​ന്റെ ചുരുക്കം ചില നിമി​ഷ​ങ്ങൾക്കു​വേണ്ടി നഷ്ടപ്പെ​ടു​ത്താൻ പാടി​ല്ലാ​ത്ത​വി​ധം അത്ര വില​യേ​റി​യ​താ​യി​രു​ന്നു എന്റെ നിത്യ​ജീ​വന്റെ പ്രത്യാശ.” അതല്ലേ ഉണ്ടായി​രി​ക്കേണ്ട ശരിയായ മനോ​ഭാ​വം?

മററു​ള​ള​വ​രു​ടെ തെററു​ക​ളിൽനി​ന്നു പഠിക്കുക

9. ശരി ചെയ്യു​ന്ന​തി​നു​ളള പോരാ​ട്ട​ത്തിൽ ദാവീദ്‌ രാജാവ്‌ ഏതു വിധത്തിൽ പരാജ​യ​പ്പെട്ടു?

⁹ ഒരിക്കൽ ദാവീ​ദ്‌രാ​ജാ​വു ചെയ്‌ത​തു​പോ​ലെ നിങ്ങൾക്ക്‌ ഒരിക്ക​ലും ഈ പോരാ​ട്ട​ത്തിൽ ജാഗ്രത വെടി​യാ​വു​ന്നതല്ല. അവൻ ഒരിക്കൽ തന്റെ മട്ടുപ്പാ​വിൽനി​ന്നു നോക്കാ​നി​ട​യാ​യി. വിദൂ​ര​ത്തിൽ സുന്ദരി​യായ ബേത്ത്‌ശേബ കുളി​ക്കു​ന്നത്‌ അവൻ കണ്ടു. അവന്റെ ഹൃദയ​ത്തിൽ അനുചി​ത​മായ ചിന്തകൾ പുഷ്ടി​പ്പെ​ടു​ന്ന​തി​നു​മു​മ്പു മാറി​ക്ക​ള​യാ​തെ അവൻ നോക്കി​ക്കൊ​ണ്ടി​രു​ന്നു. ബേത്ത്‌ശേ​ബ​യു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പെ​ടാ​നു​ളള അവന്റെ മോഹം വളരെ ശക്തമാ​യി​ത്തീർന്ന​തി​നാൽ അവൻ അവളെ തന്റെ കൊട്ടാ​ര​ത്തി​ലേക്കു വരുത്തി. പിന്നീട്‌, അവൾ ഗർഭി​ണി​യാ​യി​ത്തീർന്ന​തു​കൊ​ണ്ടും അവരുടെ വ്യഭി​ചാ​രത്തെ മറയ്‌ക്കാൻ കഴിയാ​ഞ്ഞ​തു​കൊ​ണ്ടും അവളുടെ ഭർത്താ​വി​നെ യുദ്ധത്തിൽ കൊല്ലി​ക്കാൻ അവൻ ഏർപ്പാ​ടു​ചെ​യ്‌തു.—2 ശമുവേൽ 11:1-17.

10. (എ) ദാവീദ്‌ അവന്റെ പാപത്തിന്‌ എങ്ങനെ ശിക്ഷി​ക്ക​പ്പെട്ടു? (ബി) വ്യഭി​ചാ​ര​ത്തിൽ വീണു​പോ​കു​ന്ന​തിൽനി​ന്നു ദാവീ​ദി​നെ എന്തിനു തടയാൻ കഴിയു​മാ​യി​രു​ന്നു?

 ¹⁰ അതു തീർച്ച​യാ​യും ഒരു ഭയങ്കര പാപമാ​യി​രു​ന്നു. ദാവീദ്‌ അതു നിമിത്തം യഥാർഥ​മാ​യി കഷ്ടത അനുഭ​വി​ച്ചു. അവൻ ചെയ്‌ത​തിൽ അവനു വലിയ പ്രയാസം അനുഭ​വ​പ്പെ​ട്ടു​വെന്നു മാത്രമല്ല, അവന്റെ ശേഷിച്ച ആയുഷ്‌ക്കാ​ലത്ത്‌ അവന്റെ കുടും​ബ​ത്തിൽ കുഴപ്പങ്ങൾ വരുത്തി​ക്കൊ​ണ്ടു യഹോവ അവനെ ശിക്ഷി​ക്കു​ക​യും ചെയ്‌തു. (സങ്കീർത്തനം 51:3, 4; 2 ശമുവേൽ 12:10-12) ദാവീ​ദി​ന്റെ ഹൃദയം അവൻ തിരി​ച്ച​റി​ഞ്ഞ​തി​നെ​ക്കാൾ വഞ്ചകമാ​യി​രു​ന്നു; അവന്റെ തെററായ മോഹങ്ങൾ അവനെ കീഴടക്കി. അതിനു​ശേഷം അവൻ പറഞ്ഞു: “നോക്കൂ! അകൃത്യ​ത്തിൽ പ്രസവ​വേ​ദ​ന​ക​ളോ​ടെ ഞാൻ ജനിപ്പി​ക്ക​പ്പെട്ടു, പാപത്തിൽ എന്റെ അമ്മ എന്നെ ഗർഭം ധരിച്ചു.” (സങ്കീർത്തനം 51:5) എന്നാൽ ദാവീദ്‌ ബേത്ത്‌ശേ​ബ​യു​മാ​യി ചെയ്‌ത ദുഷ്‌ക്കാ​ര്യം സംഭവി​ക്കേ​ണ്ട​തി​ല്ലാ​യി​രു​ന്നു. അവൻ നോക്കി​ക്കൊ​ണ്ടി​രു​ന്ന​താ​ണു പ്രശ്‌ന​മാ​യി​ത്തീർന്നത്‌; മറെറാ​രാ​ളു​ടെ ഭാര്യ​യോട്‌ അവനു ലൈം​ഗി​ക​തൃഷ്‌ണ വളരാ​നി​ട​യാ​ക്കിയ സാഹച​ര്യ​ത്തെ അവൻ ഒഴിവാ​ക്കി​യില്ല.

11. (എ) ദാവീ​ദി​ന്റെ അനുഭ​വ​ത്തിൽനി​ന്നു നാം എന്തു പഠിക്കണം? (ബി) ഏതു പ്രവർത്ത​ന​ങ്ങൾക്കു “ലൈം​ഗിക വിശപ്പ്‌” വർധി​പ്പി​ക്കാൻ കഴിയു​മെന്നു നിങ്ങൾ പറയുന്നു? (സി) ഒരു യുവാവ്‌ പ്രസ്‌താ​വി​ച്ച​പ്ര​കാ​രം ജ്ഞാനി​യായ ആൾ എന്ത്‌ ഒഴിവാ​ക്കു​ന്നു?

¹¹ ദാവീ​ദി​ന്റെ അനുഭ​വ​ത്തിൽനിന്ന്‌, അനുചി​ത​മായ ലൈം​ഗി​ക​വി​കാ​ര​ങ്ങളെ ഉത്തേജി​പ്പി​ക്കുന്ന സാഹച​ര്യ​ങ്ങൾക്കെ​തി​രെ ജാഗ്രത പുലർത്താൻ നാം പഠി​ക്കേ​ണ്ട​താണ്‌. ദൃഷ്ടാ​ന്ത​മാ​യി, നിങ്ങൾ ലൈം​ഗി​ക​ത​യ്‌ക്ക്‌ ഊന്നൽ കൊടു​ക്കുന്ന പുസ്‌ത​കങ്ങൾ വായി​ക്കു​ക​യോ ടെലി​വി​ഷൻ പരിപാ​ടി​ക​ളും ചലച്ചി​ത്ര​ങ്ങ​ളും കാണു​ക​യോ ആണെങ്കിൽ എന്തു സംഭവി​ക്കും? ലൈം​ഗി​ക​മോ​ഹങ്ങൾ ഉത്തേജി​പ്പി​ക്ക​പ്പെ​ടാ​നി​ട​യുണ്ട്‌. അതു​കൊണ്ട്‌ “ലൈം​ഗി​ക​തൃഷ്‌ണ” വർധി​പ്പി​ക്കുന്ന പ്രവർത്ത​ന​ങ്ങ​ളും വിനോ​ദ​ങ്ങ​ളും ഒഴിവാ​ക്കുക. (കൊ​ലോ​സ്യർ 3:5; 1 തെസ്സ​ലോ​നീ​ക്യർ 4:3-5; എഫേസ്യർ 5:3-5) മറെറാ​രാ​ളു​മാ​യി ദുർവൃ​ത്തി​യി​ലേക്കു നയിക്കാൻ കഴിയുന്ന ഒരു സാഹച​ര്യ​ത്തിൽ നിങ്ങ​ളേ​ത്തന്നെ ആക്കി​വെ​ക്ക​രുത്‌. 17 വയസ്സുളള ഒരാൾ ബുദ്ധി​പൂർവം ഇങ്ങനെ പ്രസ്‌താ​വി​ച്ചു: “‘എപ്പോൾ നിർത്ത​ണ​മെന്നു ഞങ്ങൾക്ക​റി​യാം’ എന്ന്‌ ആർക്കും പറയാൻ കഴിയും. ശരിയാണ്‌, എപ്പോൾ നിർത്ത​ണ​മെന്ന്‌ ഒരാൾക്ക​റി​യാ​മാ​യി​രി​ക്കും, എന്നാൽ എത്ര​പേർക്ക്‌ അതു ചെയ്യാൻ കഴിയും? സാഹച​ര്യ​ത്തെ ഒഴിവാ​ക്കു​ന്ന​താ​ണു മെച്ചം.”

12. യോ​സേ​ഫി​ന്റെ ഏതു ദൃഷ്ടാന്തം നാം ഓർക്കണം?

¹² ദാവീദ്‌ യോ​സേ​ഫി​ന്റെ ദൃഷ്ടാന്തം ഓർത്തി​രു​ന്നെ​ങ്കിൽ അവൻ ഒരിക്ക​ലും ദൈവ​ത്തി​നെ​തി​രാ​യി ആ  വലിയ പാപം ചെയ്യു​മാ​യി​രു​ന്നില്ല, ഈജി​പ്‌റ​റിൽ യോ​സേ​ഫി​നു പോത്തീ​ഫ​റി​ന്റെ ഭവനത്തി​ന്റെ ചുമതല ഏല്‌പി​ക്ക​പ്പെ​ട്ടി​രു​ന്നു. പോത്തീ​ഫർ ദൂരെ​യാ​യി​രി​ക്കു​മ്പോൾ അവന്റെ ലൈം​ഗി​ക​ഭ്രാ​ന്തു​പി​ടിച്ച ഭാര്യ “എന്നോ​ടു​കൂ​ടെ ശയിക്കുക” എന്നു പറഞ്ഞു​കൊ​ണ്ടു സുന്ദര​നായ യോ​സേ​ഫി​നെ വശീക​രി​ക്കാൻ ശ്രമി​ക്കു​മാ​യി​രു​ന്നു. എന്നാൽ യോ​സേഫ്‌ വിസമ്മ​തി​ച്ചു. എന്നാൽ ഒരിക്കൽ അവൾ അവനെ കടന്നു​പി​ട​ക്കു​ക​യും അവളോ​ടു​കൂ​ടെ അവനെ ശയിപ്പി​ക്കാൻ ശ്രമി​ക്കു​ക​യും ചെയ്‌തു. എന്നാൽ യോ​സേഫ്‌ കുതറി ഓടി. അവൻ സ്വന്തം ലൈം​ഗി​ക​മോ​ഹ​ങ്ങളെ തൃപ്‌തി​പ്പെ​ടു​ത്തു​ന്ന​തി​നെ​ക്കു​റി​ച്ചല്ല, പിന്നെ​യോ ദൈവ​ദൃ​ഷ്ടി​യിൽ ശരിയാ​യ​തി​നെ​ക്കു​റി​ച്ചു ചിന്തി​ച്ചു​കൊ​ണ്ടു തന്റെ ഹൃദയത്തെ ബലിഷ്‌ഠ​മാ​ക്കി നിർത്തി. “എനിക്ക്‌ ഈ വലിയ ദോഷം ചെയ്യാ​നും യഥാർഥ​ത്തിൽ ദൈവ​ത്തി​നെ​തി​രാ​യി പാപം ചെയ്യാ​നും എങ്ങനെ കഴിയും?” എന്ന്‌ അവൻ ചോദി​ച്ചു.—ഉല്‌പത്തി 39:7-12.

നിങ്ങൾക്കു വിജയി​ക്കാ​നാ​വ​ശ്യ​മായ സഹായം

13, 14. (എ) ഈ പോരാ​ട്ട​ത്തിൽ വിജയി​ക്കാൻ ആവശ്യ​മാ​യി​രി​ക്കു​ന്ന​തെന്ത്‌? (ബി) കൊരി​ന്തിൽ ക്രിസ്‌ത്യാ​നി​ക​ളാ​യി​ത്തീർന്നവർ എന്തു മാററം വരുത്തി, എന്തു സഹായ​ത്തോ​ടെ? (സി) പൗലോ​സും തീത്തോ​സും ഏതുതരം ആളുക​ളാ​യി​രു​ന്നു?

¹³ ഈ പോരാ​ട്ട​ത്തിൽ വിജയി​ക്കു​ന്ന​തി​നു ബൈബിൾ പരിജ്ഞാ​നം നിങ്ങളു​ടെ ഹൃദയ​ത്തി​ലേക്ക്‌ ആണ്ടിറ​ങ്ങാൻ നിങ്ങൾ അനുവ​ദി​ക്കേ​ണ്ട​താണ്‌. എങ്കിൽ മാത്രമേ അതനു​സ​രി​ച്ചു പ്രവർത്തി​ക്കാൻ നിങ്ങൾ പ്രേരി​ത​നാ​കു​ക​യു​ളളു.  എന്നാൽ യഹോ​വ​യു​ടെ ദൃശ്യ​സ്ഥാ​പ​ന​ത്തി​ന്റെ ഒരു ഭാഗമാ​യി​ത്തീ​രാൻ നിങ്ങൾ ദൈവ​ജ​ന​ത്തോ​ടു സഹവസി​ക്കേ​ണ്ട​യാ​വ​ശ്യ​വു​മുണ്ട്‌. നിങ്ങൾ എത്ര ആഴമായി ദുഷ്‌പ്ര​വൃ​ത്തി​യിൽ ഉൾപ്പെ​ട്ടി​രു​ന്നാ​ലും, ദൈവ​സ്ഥാ​പ​ന​ത്തി​ന്റെ സഹായ​ത്താൽ നിങ്ങൾക്കു മാററം​വ​രു​ത്താൻ കഴിയും. മാററം​വ​രു​ത്തിയ പുരാതന കൊരി​ന്തി​ലെ ആളുകളെ സംബന്ധിച്ച്‌ അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “വഴി​തെ​റ​റി​യ്‌ക്ക​പ്പെ​ട​രുത്‌. ദുർവൃ​ത്ത​രോ വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ പ്രകൃ​തി​വി​രു​ധോ​പ​ദേ​ശ​ങ്ങൾക്കു സൂക്ഷി​ക്ക​പ്പെ​ടുന്ന പുരു​ഷൻമാ​രോ പുരു​ഷൻമാ​രോ​ടു​കൂ​ടെ ശയിക്കുന്ന പുരു​ഷൻമാ​രോ കളളൻമാ​രോ അത്യാ​ഗ്ര​ഹി​ക​ളോ മുഴു​ക്കു​ടി​യൻമാ​രോ ചീത്തപ​റ​യു​ന്ന​വ​രോ പിടി​ച്ചു​പ​റി​ക്കാ​രോ ദൈവ​രാ​ജ്യ​ത്തെ അവകാ​ശ​മാ​ക്കു​ക​യില്ല. എന്നിരു​ന്നാ​ലും, നിങ്ങളിൽ ചിലർ അങ്ങനെ​യു​ള​ളവർ ആയിരു​ന്നു. എന്നാൽ നിങ്ങൾ കഴുകി ശുദ്ധീ​ക​രി​ക്ക​പ്പെ​ട്ടി​രി​ക്കു​ന്നു.”—1 കൊരി​ന്ത്യർ 6:9-11.

¹⁴ അതി​നെ​ക്കു​റി​ച്ചു ചിന്തി​ക്കുക! ആ ആദിമ ക്രിസ്‌ത്യാ​നി​ക​ളിൽ ചിലർ മുമ്പു ദുർവൃ​ത്ത​രും വ്യഭി​ചാ​രി​ക​ളും സ്വവർഗ​സം​ഭോ​ഗി​ക​ളും കളളൻമാ​രും മുഴു​ക്കു​ടി​യൻമാ​രും ആയിരു​ന്നു. എന്നാൽ ക്രിസ്‌തീയ സ്ഥാപന​ത്തി​ന്റെ സഹായ​ത്താൽ അവർ മാററം വരുത്തി. അപ്പോ​സ്‌ത​ല​നായ പൗലോ​സ്‌തന്നെ ഒരുകാ​ലത്തു ദുഷ്‌പ്ര​വൃ​ത്തി​കൾ ചെയ്‌തി​രു​ന്നു. (1 തിമൊ​ഥെ​യോസ്‌ 1:15) തന്റെ കൂട്ടു​ക്രി​സ്‌ത്യാ​നി​യാ​യി​രുന്ന തീത്തോ​സിന്‌ അവൻ എഴുതി: “എന്തെന്നാൽ ഒരിക്കൽ നാം പോലും വഴി​തെ​റ​റി​ക്ക​പ്പെട്ടു വിവിധ മോഹ​ങ്ങൾക്കും ഉല്ലാസ​ങ്ങൾക്കും അടിമ​ക​ളാ​യി ബുദ്ധി​ശൂ​ന്യ​രും അനുസ​ര​ണം​കെ​ട്ട​വ​രും ആയിരു​ന്നു.”—തീത്തോസ്‌ 3:3.

15. (എ) പൗലോ​സി​നു ശരി ചെയ്യു​ന്നത്‌ എളുപ്പ​മ​ല്ലാ​യി​രു​ന്നു​വെന്ന്‌ എന്തു പ്രകട​മാ​ക്കു​ന്നു? (ബി) പൗലോ​സി​ന്റെ ദൃഷ്ടാ​ന്ത​ത്തിൽനി​ന്നു നമുക്ക്‌ എങ്ങനെ പ്രയോ​ജനം നേടാൻ കഴിയും?

¹⁵ പൗലോസ്‌ ഒരു ക്രിസ്‌ത്യാ​നി​യാ​യി​ത്തീർന്ന​പ്പോൾ അവനു ശരി ചെയ്യുക എളുപ്പ​മാ​യി​രു​ന്നോ? അല്ലായി​രു​ന്നു. പൗലോസ്‌ ഒരുകാ​ലത്ത്‌ ഏതു മോഹ​ങ്ങൾക്കും ഉല്ലാസ​ങ്ങൾക്കും അടിമ​യാ​യി​രു​ന്നോ അവയ്‌ക്കെ​തി​രെ ഒരു ആജീവ​നാ​ന്ത​പോ​രാ​ട്ടം​തന്നെ അവൻ ചെയ്യേ​ണ്ടി​യി​രു​ന്നു. അവൻ എഴുതി: “ഞാൻ മററു​ള​ള​വ​രോ​ടു പ്രസം​ഗി​ച്ച​ശേഷം ഞാൻതന്നെ എങ്ങനെ​യെ​ങ്കി​ലും അംഗീകാരമില്ലാത്തവനായിത്തീരാതിരിക്കേണ്ടതിനു ഞാൻ എന്റെ ശരീരത്തെ പ്രഹരി​ക്കു​ക​യാണ്‌.” (1 കൊരി​ന്ത്യർ 9:27) പൗലോസ്‌ തന്നോ​ടു​തന്നെ കഠിന​നാ​യി​ത്തീർന്നു. അവന്റെ ശരീരം തെററു ചെയ്യാ​നാ​ഗ്ര​ഹി​ച്ച​പ്പോൾപോ​ലും അവൻ ശരി ചെയ്യാൻ തന്നേത്തന്നെ നിർബ​ന്ധി​ച്ചു. അവൻ ചെയ്‌ത​തു​പോ​ലെ നിങ്ങളും ചെയ്യു​ന്നു​വെ​ങ്കിൽ നിങ്ങൾക്കും ഈ പോരാ​ട്ട​ത്തിൽ വിജയി​ക്കാൻ കഴിയും.

16. ഏത്‌ ആധുനി​ക​കാല ദൃഷ്ടാ​ന്ത​ങ്ങൾക്കു ശരി ചെയ്യു​ന്ന​തി​നു​ളള പോരാ​ട്ട​ത്തിൽ വിജയി​ക്കു​ന്ന​തി​നു നമ്മെ സഹായി​ക്കാൻ കഴിയും?

¹⁶ ഏതെങ്കി​ലും ദുശ്ശീ​ലത്തെ തരണം​ചെ​യ്യു​ന്നതു പ്രയാ​സ​മാ​ണെന്നു നിങ്ങൾ കണ്ടെത്തു​ന്നു​വെ​ങ്കിൽ യഹോ​വ​യു​ടെ സാക്ഷി​ക​ളു​ടെ അടുത്ത വലിയ സമ്മേള​ന​ത്തി​നു ഹാജരാ​കുക. ഹാജരാ​യി​രി​ക്കു​ന്ന​വ​രു​ടെ നിർമ​ല​മായ നടത്തയി​ലും സന്തോ​ഷ​ത്തി​ലും നിങ്ങൾക്കു മതിപ്പു​ണ്ടാ​കും. എന്നിരു​ന്നാ​ലും ഇവരിൽ അനേക​രും ദുർവൃ​ത്തി​യും വ്യഭി​ചാ​ര​വും മദ്യാ​സ​ക്തി​യും സ്വവർഗ​സം​ഭോ​ഗ​വും പുകവ​ലി​യും മയക്കു​മ​രു​ന്നാ​സ​ക്തി​യും മോഷ​ണ​വും വഞ്ചനയും ചൂതാ​ട്ട​വും വളരെ സാധാ​ര​ണ​മാ​യി​രി​ക്കുന്ന ഈ ലോക​ത്തി​ന്റെ ഭാഗമാ​യി​രു​ന്നു. അവരി​ല​നേ​ക​രും ഒരിക്കൽ ഈ നടപടി​ക​ളിൽ ഏർപ്പെ​ട്ടി​രു​ന്നു. (1 പത്രോസ്‌ 4:3, 4) കൂടാതെ, നിങ്ങൾ ചെറിയ സഭാമീ​റ​റിം​ഗു​ക​ളിൽ  യഹോ​വ​യു​ടെ സാക്ഷി​ക​ളോ​ടു​കൂ​ടെ സഹവസി​ക്കു​മ്പോൾ—താമസം​വി​നാ അതു ചെയ്യേ​ണ്ട​താണ്‌—നിങ്ങൾ ഇപ്പോൾ പോരാ​ടി​ക്കൊ​ണ്ടി​രി​ക്കുന്ന അതേ ദുശ്ശീ​ല​ങ്ങ​ളെ​യും മോഹ​ങ്ങ​ളെ​യും തരണം​ചെ​യ്യാൻ പോരാ​ടി​യി​ട്ടു​ള​ള​വ​രോ​ടു​കൂ​ടെ ആയിരി​ക്കു​ന്ന​താണ്‌. അതു​കൊണ്ട്‌ ധൈര്യ​പ്പെ​ടുക! അവർ ശരി​ചെ​യ്യാ​നു​ളള പോരാ​ട്ട​ത്തിൽ വിജയം വരിക്കു​ക​യാണ്‌. ദൈവ​സ​ഹാ​യ​ത്താൽ നിങ്ങൾക്കും അതുക​ഴി​യും.

17. (എ) പോരാ​ട്ട​ത്തിൽ നാം ജയിക്ക​ണ​മെ​ങ്കിൽ ഏതു സഹവാസം ആവശ്യ​മാണ്‌? (ബി) പ്രശ്‌നങ്ങൾ സംബന്ധി​ച്ചു നിങ്ങൾക്ക്‌ ആരിൽനി​ന്നു സഹായം സ്വീക​രി​ക്കാൻ കഴിയും?

¹⁷ നിങ്ങൾ ഇപ്പോൾ കുറേ​നാ​ളാ​യി യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിച്ചു​കൊ​ണ്ടാ​ണി​രി​ക്കു​ന്ന​തെ​ങ്കിൽ നിങ്ങൾ രാജ്യ​ഹാ​ളി​ലെ യോഗ​ങ്ങൾക്കു ഹാജരാ​യി​ട്ടു​ണ്ടെ​ന്നു​ള​ള​തി​നു സംശയ​മില്ല. അങ്ങനെ​യു​ളള യോഗ​ങ്ങൾക്കു ഹാജരാ​കൽ ക്രമമായ ശീലമാ​ക്കുക. അത്തരം ക്രിസ്‌തീ​യ​സ​ഹ​വാ​സ​ത്തിൽനി​ന്നു ലഭിക്കുന്ന ആത്മീയ പ്രോ​ത്സാ​ഹ​ന​വും സഹായ​വും നമു​ക്കെ​ല്ലാം ആവശ്യ​മാണ്‌. (എബ്രായർ 10:24, 25) സഭയിലെ “പ്രായ​മേ​റിയ പുരു​ഷൻമാ​രെ” അഥവാ മൂപ്പൻമാ​രെ പരിച​യ​പ്പെ​ടുക. അവരുടെ ഉത്തരവാ​ദി​ത്തം “ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കുക”യാണ്‌. (1 പത്രോസ്‌ 5:1-3; പ്രവൃ​ത്തി​കൾ 20:28) അതു​കൊണ്ട്‌ ദൈവ​നി​യ​മ​ങ്ങൾക്കു വിരു​ദ്ധ​മായ ഏതെങ്കി​ലും ശീലത്തെ തരണം​ചെ​യ്യാൻ നിങ്ങൾക്കു സഹായ​മാ​വ​ശ്യ​മാ​ണെ​ങ്കിൽ അവരുടെ അടുക്ക​ലേക്കു പോകാൻ മടിക്ക​രുത്‌. അവർ സ്‌നേ​ഹ​വും ദയയും പരിഗ​ണ​ന​യും ഉളളവ​രാ​ണെന്നു നിങ്ങൾ കണ്ടെത്തും.—1 തെസ്സ​ലോ​നീ​ക്യർ 2:7, 8.

18. പോരാ​ട്ട​ത്തിൽ തുടരു​ന്ന​തിന്‌ ഏതു ഭാവി​പ്ര​ത്യാ​ശ ശക്തി നൽകുന്നു?

¹⁸ സാത്താന്റെ ലോക​ത്തിൽനി​ന്നു മാത്രമല്ല, പാപപൂർണ​രായ നമ്മിൽനി​ന്നു തന്നെ തെററു ചെയ്യാ​നു​ളള സമ്മർദം നമ്മു​ടെ​മേ​ലുണ്ട്‌. അതു​കൊണ്ട്‌ ദൈവ​ത്തോ​ടു വിശ്വ​സ്‌തത പാലി​ക്കു​ന്നത്‌ ഒരു ദൈനം​ദിന പോരാ​ട്ട​മാണ്‌. എന്നാൽ ആ പോരാ​ട്ടം എന്നേക്കും തുടരു​ക​യി​ല്ലെ​ന്നു​ള​ളത്‌ എത്ര ആശ്വാസം! പെട്ടെ​ന്നു​തന്നെ സാത്താൻ നീക്കം ചെയ്യ​പ്പെ​ടും. അവന്റെ മുഴു​ദു​ഷ്ട​ലോ​ക​വും നശിപ്പി​ക്ക​പ്പെ​ടും. അനന്തരം ഇപ്പോൾ സമീപി​ച്ചി​രി​ക്കുന്ന ദൈവ​ത്തി​ന്റെ പുതിയ വ്യവസ്ഥി​തി​യിൽ നമ്മുടെ ഗതിയെ വളരെ​യ​ധി​കം അനായാ​സ​മാ​ക്കുന്ന നീതി​യു​ളള അവസ്ഥകൾ ഉണ്ടായി​രി​ക്കും. ഒടുവിൽ പാപത്തി​ന്റെ സകല കണിക​ക​ളും പൊയ്‌പ്പോ​യി​രി​ക്കും. മേലാൽ ശരി ചെയ്യാ​നു​ളള ഈ കഠിന​പോ​രാ​ട്ടം ഉണ്ടായി​രി​ക്ക​യില്ല.

19. യഹോ​വയെ പ്രസാ​ദി​പ്പി​ക്കാൻ ഏതു ശ്രമവും ചെയ്യു​ന്ന​തി​നു നിങ്ങൾ മനസ്സു​ള​ള​വ​രാ​യി​രി​ക്കേ​ണ്ട​തെ​ന്തു​കൊണ്ട്‌?

¹⁹ പുതിയ വ്യവസ്ഥി​തി​യി​ലെ അനു​ഗ്ര​ഹ​ങ്ങ​ളെ​ക്കു​റി​ച്ചു നിരന്തരം ചിന്തി​ക്കുക. അതെ, “രക്ഷയുടെ പ്രത്യാശ ഒരു ശിരസ്‌ത്ര​മെ​ന്ന​പോ​ലെ” ധരിക്കുക. (1 തെസ്സ​ലോ​നീ​ക്യർ 5:8) നിങ്ങളു​ടെ മനോ​ഭാ​വം ഇങ്ങനെ പറഞ്ഞ യുവതി​യു​ടേ​താ​യി​രി​ക്കട്ടെ: “യഹോവ എനിക്കു​വേണ്ടി ചെയ്‌തി​ട്ടു​ള​ള​തും വാഗ്‌ദത്തം ചെയ്‌തി​ട്ടു​ള​ള​തു​മായ സകല​ത്തെ​യും​കു​റി​ച്ചു ഞാൻ ചിന്തി​ക്കു​ന്നു. അവൻ എന്നെ കൈവി​ട്ടി​ട്ടില്ല. അവൻ എന്നെ വളരെ​യേറെ വിധങ്ങ​ളിൽ അനു​ഗ്ര​ഹി​ച്ചി​രി​ക്കു​ന്നു. എനിക്ക്‌ ഏററവും നല്ലതു മാത്രമേ അവൻ ആഗ്രഹി​ക്കു​ന്നു​ള​ളു​വെന്ന്‌ എനിക്ക​റി​യാം. അവനെ പ്രസാ​ദി​പ്പി​ക്കാൻ ഞാൻ ആഗ്രഹി​ക്കു​ന്നു. നിത്യ​ജീ​വൻ ഏതു ശ്രമത്തി​നും തക്ക മൂല്യ​മു​ള​ള​താണ്‌.” നാം വിശ്വ​സ്‌ത​ത​യോ​ടെ നീതി പിന്തു​ട​രു​ക​യാ​ണെ​ങ്കിൽ, യഹോവ തന്നെ സ്‌നേ​ഹി​ക്കു​ന്ന​വർക്കാ​യി നൽകി​യി​ട്ടു​ളള സകല വാഗ്‌ദ​ത്ത​ങ്ങ​ളും നിറ​വേ​റും.—യോശു​വാ 21:45.

[അധ്യയന ചോദ്യ​ങ്ങൾ]

[219-ാം പേജിലെ ചിത്രം]

പുരാതന ഈജി​പ്‌റ​റി​ലെ ജീവി​ത​ശൈ​ലി​യിൽ ആസ്വാ​ദ​ന​മു​ണ്ടാ​യി​രു​ന്നു​വെ​ന്നി​രി​ക്കെ, മോശ അതു ത്യജി​ച്ച​തെ​ന്തു​കൊണ്ട്‌?

[220,221 പേജു​ക​ളി​ലെ ചിത്രങ്ങൾ]

ദാവീദ്‌ നോക്കി​ക്കൊ​ണ്ടേ​യി​രു​ന്നു; ദുർമാർഗ​ത്തി​ലേക്കു നയിച്ച സാഹച​ര്യ​ത്തെ അവൻ ഒഴിവാ​ക്കി​യി​ല്ല

[222-ാം പേജിലെ ചിത്രം]

യോസേഫ്‌ പോത്തീ​ഫ​റി​ന്റെ ഭാര്യ​യു​ടെ അസാൻമാർഗിക മുന്നേ​റ​റ​ങ്ങ​ളിൽനിന്ന്‌ ഓടി​പ്പോ​യി