അധ്യായം 17

ദൈവ​ജ​ന​ത്തി​ന്റെ ഇടയിൽ സുരക്ഷി​ത​ത്വം കണ്ടെത്തുക

1, 2. മനുഷ്യ​വർഗ​ത്തി​ന്റെ അവസ്ഥ കൊടു​ങ്കാ​ററു നാശം വിതച്ച ഒരു പ്രദേ​ശത്തെ ആളുക​ളു​ടേ​തു​പോ​ലെ​യാ​യി​രി​ക്കു​ന്നത്‌ എങ്ങനെ?

 നിങ്ങൾ ജീവി​ക്കുന്ന പ്രദേ​ശത്ത്‌ ഒരു ഉഗ്രമായ കൊടു​ങ്കാ​ററു നാശം വിതച്ചു​വെന്നു സങ്കൽപ്പി​ക്കുക. നിങ്ങളു​ടെ വീടു നശിപ്പി​ക്ക​പ്പെ​ടു​ന്നു, നിങ്ങളു​ടെ സ്വത്തു​ക്ക​ളെ​ല്ലാം നഷ്ടപ്പെ​ടു​ന്നു. ആഹാരം ദുർല​ഭ​മാണ്‌. സാഹച​ര്യം ആശയറ​റ​താ​യി തോന്നു​ന്നു. അങ്ങനെ​യി​രി​ക്കെ, അപ്രതീ​ക്ഷിത ദുരി​താ​ശ്വാ​സ​വി​ഭ​വങ്ങൾ വന്നെത്തു​ന്നു. ഭക്ഷണവും വസ്‌ത്ര​വും ധാരാ​ള​മാ​യി പ്രദാനം ചെയ്യുന്നു. നിങ്ങൾക്കു​വേണ്ടി ഒരു പുതിയ വീടു പണിയു​ന്നു. ഈ വിഭവങ്ങൾ ലഭ്യമാ​ക്കിയ ആളി​നോ​ടു നിങ്ങൾക്കു നന്ദിയു​ണ്ടാ​യി​രി​ക്കു​മെന്നു തീർച്ച​യാണ്‌.

² സമാന​മായ ചിലത്‌ ഇന്നു സംഭവി​ച്ചു​കൊ​ണ്ടി​രി​ക്കു​ക​യാണ്‌. ആ കൊടു​ങ്കാ​റ​റു​പോ​ലെ, ആദാമി​ന്റെ​യും ഹവ്വായു​ടെ​യും മത്സരം മനുഷ്യ​വർഗ​ത്തി​നു വലിയ കെടുതി വരുത്തി​ക്കൂ​ട്ടി. മനുഷ്യ​വർഗ​ത്തി​ന്റെ പറുദീ​സാ​ഭ​വനം നഷ്ടപ്പെട്ടു. അന്നുമു​തൽ, മനുഷ്യ​ഗ​വൺമെൻറു​കൾ ആളുകളെ യുദ്ധത്തിൽനി​ന്നും കുററ​കൃ​ത്യ​ത്തിൽനി​ന്നും അനീതി​യിൽനി​ന്നും സംരക്ഷി​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു. പുരു​ഷാ​രങ്ങൾ ആരോ​ഗ്യാ​വ​ഹ​മായ ആത്മീയാ​ഹാ​ര​മി​ല്ലാ​തെ വിശപ്പു​കൊ​ണ്ടു വലയാൻ മതം ഇടയാ​ക്കി​യി​രി​ക്കു​ന്നു. എന്നിരു​ന്നാ​ലും, ആത്മീയ​മാ​യി പറഞ്ഞാൽ, യഹോ​വ​യാം ദൈവം ഇപ്പോൾ ആഹാര​വും വസ്‌ത്ര​വും അഭയവും പ്രദാ​നം​ചെ​യ്യു​ക​യാണ്‌. ഇത്‌ അവൻ എങ്ങനെ​യാ​ണു ചെയ്യു​ന്നത്‌?

“വിശ്വ​സ്‌ത​നും വിവേ​കി​യു​മായ അടിമ”

3. മനുഷ്യ​വർഗ​ത്തി​നു​വേണ്ടി യഹോവ വിഭവങ്ങൾ പ്രദാ​നം​ചെ​യ്യു​ന്നത്‌ എങ്ങനെ, ഏതു ദൃഷ്ടാ​ന്തങ്ങൾ പ്രകട​മാ​ക്കു​ന്ന​തു​പോ​ലെ?

³ സാധാ​ര​ണ​മാ​യി ഒരു സംഘടിത സരണി​യി​ലൂ​ടെ​യാ​ണു ദുരി​താ​ശ്വാ​സ​വി​ഭ​വങ്ങൾ വിതരണം ചെയ്യു​ന്നത്‌. സമാന​മാ​യി യഹോ​വ​യാം ദൈവം തന്റെ ജനത്തി​നു​വേണ്ടി ആത്മീയ കരുത​ലു​കൾ ചെയ്‌തി​രി​ക്കു​ന്നു. ദൃഷ്ടാ​ന്ത​ത്തിന്‌, ഇസ്രാ​യേ​ല്യർ ഏതാണ്ട്‌ 1,500 വർഷക്കാ​ലം  “യഹോ​വ​യു​ടെ സഭ” ആയിരു​ന്നു. ദൈവ​ത്തി​ന്റെ ന്യായ​പ്ര​മാ​ണം പഠിപ്പി​ക്കാൻ അവന്റെ സരണി​യാ​യി സേവി​ച്ചവർ അവരുടെ ഇടയിൽ ഉണ്ടായി​രു​ന്നു. (1 ദിനവൃ​ത്താ​ന്തം 28:8; 2 ദിനവൃ​ത്താ​ന്തം 17:7-9) പൊ.യു. ഒന്നാം നൂററാ​ണ്ടിൽ യഹോവ ക്രിസ്‌തീയ സ്ഥാപനത്തെ ഉളവാക്കി. സഭകൾ രൂപവൽക്ക​രി​ക്ക​പ്പെട്ടു, അവ അപ്പോ​സ്‌ത​ലൻമാ​രും പ്രായ​മേ​റിയ പുരു​ഷൻമാ​രു​മ​ട​ങ്ങിയ ഒരു ഭരണസം​ഘ​ത്തി​ന്റെ മാർഗ​നിർദേ​ശ​ത്തിൻകീ​ഴിൽ പ്രവർത്തി​ച്ചു. (പ്രവൃ​ത്തി​കൾ 15:22-31) അതു​പോ​ലെ, ഇന്നു യഹോവ തന്റെ ജനത്തോട്‌ ഒരു സംഘടി​ത​ഗണം മുഖേന ഇടപെ​ടു​ന്നു. നാം ഇത്‌ എങ്ങനെ അറിയു​ന്നു?

4. ആധുനിക കാലങ്ങ​ളിൽ “വിശ്വ​സ്‌ത​നും വിവേ​കി​യു​മായ അടിമ” ആരാ​ണെന്നു തെളി​ഞ്ഞി​രി​ക്കു​ന്നു, ദൈവ​ത്തി​ന്റെ ആത്മീയ കരുത​ലു​കൾ എങ്ങനെ ലഭ്യമാ​ക്ക​പ്പെ​ട്ടി​രി​ക്കു​ന്നു?

⁴ രാജ്യാ​ധി​കാ​ര​ത്തി​ലു​ളള തന്റെ സാന്നി​ധ്യ​കാ​ലത്തു “വിശ്വ​സ്‌ത​നും വിവേ​കി​യു​മായ അടിമ” തന്റെ അനുഗാ​മി​കൾക്കു “തക്ക സമയത്തെ ആഹാരം” പ്രദാനം ചെയ്‌തു​കൊ​ണ്ടി​രി​ക്കു​ന്ന​താ​യി കണ്ടെത്ത​പ്പെ​ടു​മെന്നു യേശു പറഞ്ഞു. (മത്തായി 24:45-47, NW) യേശു 1914-ൽ സ്വർഗീ​യ​രാ​ജാ​വാ​യി അവരോ​ധി​ക്ക​പ്പെ​ട്ട​പ്പോൾ ഈ “അടിമ” ആരാ​ണെന്നു തെളിഞ്ഞു? തീർച്ച​യാ​യും ക്രൈ​സ്‌ത​വ​ലോ​ക​ത്തി​ലെ വൈദി​കർ അല്ലായി​രു​ന്നു. അവരിൽ അധിക​പ​ങ്കും ഒന്നാം ലോക​മ​ഹാ​യു​ദ്ധ​ത്തിൽ തങ്ങളുടെ സ്വന്തം ദേശീയ ഗവൺമെൻറു​കളെ പിന്താ​ങ്ങിയ പ്രചാ​ര​ണം​കൊ​ണ്ടു തങ്ങളുടെ ആട്ടിൻകൂ​ട്ടത്തെ പോഷി​പ്പി​ക്കു​ക​യാ​യി​രു​ന്നു. എന്നാൽ ദൈവ​ത്തി​ന്റെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ട​വ​രും “ചെറിയ ആട്ടിൻകൂട്ട”മെന്നു യേശു വിളി​ച്ച​തി​ന്റെ ഒരു ഭാഗം ആയിരു​ന്ന​വ​രു​മായ സത്യ​ക്രി​സ്‌ത്യാ​നി​ക​ളു​ടെ കൂട്ടം ഉചിത​വും കാലാ​നു​സൃ​ത​വു​മായ ആത്മീയാ​ഹാ​രം വിതരണം ചെയ്‌തു​കൊ​ണ്ടി​രു​ന്നു. (ലൂക്കൊസ്‌ 12:32) ഈ അഭിഷിക്ത ക്രിസ്‌ത്യാ​നി​കൾ മനുഷ്യ ഗവൺമെൻറു​കൾക്കു പകരം ദൈവ​രാ​ജ്യം പ്രസം​ഗി​ച്ചു. തത്‌ഫ​ല​മാ​യി, നീതി​പ്ര​കൃ​ത​മു​ളള ‘വേറെ ആടുക​ളിൽ’പ്പെട്ട ദശലക്ഷങ്ങൾ ഈ വർഷങ്ങ​ളിൽ സത്യമതം ആചരി​ക്കു​ന്ന​തിൽ അഭിഷിക്ത “അടിമ”യോടു ചേർന്നി​രി​ക്കു​ന്നു. (യോഹ​ന്നാൻ 10:16) ‘വിശ്വ​സ്‌ത​നായ അടിമ’യെയും അതിന്റെ ഏതൽക്കാല ഭരണസം​ഘ​ത്തെ​യും ഉപയോ​ഗി​ച്ചു​കൊണ്ട്‌, ആഗ്രഹി​ക്കുന്ന എല്ലാവർക്കും ആത്മീയ​മായ ആഹാര​വും വസ്‌ത്ര​വും അഭയവും ലഭ്യമാ​ക്കാൻ ദൈവം തന്റെ സംഘടി​ത​ജ​നത്തെ നയിക്കു​ന്നു.

“തക്ക സമയത്തെ ആഹാരം”

5. ഇന്നു ലോക​ത്തിൽ ഏത്‌ ആത്മീയാ​വസ്ഥ നിലവി​ലി​രി​ക്കു​ന്നു, എന്നാൽ ഇതു സംബന്ധി​ച്ചു യഹോവ എന്തു ചെയ്‌തു​കൊ​ണ്ടി​രി​ക്കു​ന്നു?

⁵ “മനുഷ്യൻ അപ്പം​കൊ​ണ്ടു മാത്രമല്ല, യഹോ​വ​യു​ടെ വായിൽകൂ​ടി  വരുന്ന സകലവ​ച​നം​കൊ​ണ്ടും ജീവി​ക്കു​ന്നു” എന്നു യേശു പറഞ്ഞു. (മത്തായി 4:4) എന്നിരു​ന്നാ​ലും, സങ്കടക​ര​മെന്നു പറയട്ടെ, ബഹുഭൂ​രി​പക്ഷം ആളുക​ളും ദൈവ​ത്തി​ന്റെ വചനത്തി​നു ശ്രദ്ധ കൊടു​ക്കു​ന്നില്ല. യഹോ​വ​യു​ടെ പ്രവാ​ച​ക​നായ ആമോസ്‌ മുൻകൂ​ട്ടി​പ്പ​റ​ഞ്ഞ​തു​പോ​ലെ, “അപ്പത്തി​ന്നാ​യു​ളള ക്ഷാമമല്ല, വെളള​ത്തി​നാ​യു​ളള ദാഹവു​മല്ല, യഹോ​വ​യു​ടെ വചനങ്ങൾ കേൾക്കു​ന്ന​തി​നു​ളള ക്ഷാമം” ഉണ്ട്‌. (ആമോസ്‌ 8:11, NW) വളരെ മതഭക്ത​രായ ആളുകൾപോ​ലും ആത്മീയ​ക്ഷാ​മം അനുഭ​വി​ക്കു​ക​യാണ്‌. എന്നിരു​ന്നാ​ലും, യഹോ​വ​യു​ടെ ഇഷ്ടം ‘എല്ലാത്തരം മനുഷ്യ​രും രക്ഷിക്ക​പ്പെ​ടു​ക​യും സത്യത്തി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ എത്തുക​യും ചെയ്യണ’മെന്നു​ള​ള​താണ്‌. (1 തിമോ​ത്തി 2:3, 4, NW) അതിൻപ്ര​കാ​രം, അവൻ ധാരാ​ള​മാ​യി ആത്മീയാ​ഹാ​രം പ്രദാ​നം​ചെ​യ്യു​ന്നു. എന്നാൽ അത്‌ എവിടെ നിന്നു കിട്ടും?

6. കഴിഞ്ഞ കാലങ്ങ​ളിൽ യഹോവ തന്റെ ജനത്തെ എങ്ങനെ പോഷി​പ്പി​ച്ചി​രി​ക്കു​ന്നു?

⁶ ചരി​ത്ര​ത്തി​ലു​ട​നീ​ളം, യഹോവ ഒരു കൂട്ടമെന്ന നിലയിൽ തന്റെ ജനത്തിന്‌ ആത്മീയാ​ഹാ​രം വിതരണം ചെയ്‌തി​ട്ടുണ്ട്‌. (യെശയ്യാ​വു 65:13) ഉദാഹ​ര​ണ​ത്തിന്‌, ഇസ്രാ​യേല്യ പുരോ​ഹി​തൻമാർ ദൈവ​ത്തി​ന്റെ ന്യായ​പ്ര​മാ​ണ​ത്തി​ന്റെ സമൂഹ​പ​ര​മായ ഉദ്‌ബോ​ധ​ന​ത്തി​നാ​യി പുരു​ഷൻമാ​രെ​യും സ്‌ത്രീ​ക​ളെ​യും കുട്ടി​ക​ളെ​യും കൂട്ടി​വ​രു​ത്തി. (ആവർത്ത​ന​പു​സ്‌തകം 31:9, 12) ഭരണസം​ഘ​ത്തി​ന്റെ മാർഗ​നിർദേ​ശ​ത്തിൻകീ​ഴിൽ ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ സഭകൾ സംഘടി​പ്പി​ക്കു​ക​യും എല്ലാവ​രു​ടെ​യും പ്രബോ​ധ​ന​ത്തി​നും പ്രോ​ത്സാ​ഹ​ന​ത്തി​നു​മാ​യി യോഗങ്ങൾ നടത്തു​ക​യും ചെയ്‌തു. (റോമർ 16:5; ഫിലേ​മോൻ 1, 2) യഹോ​വ​യു​ടെ സാക്ഷികൾ ഈ മാതൃക പിൻപ​റ​റു​ന്നു. അവരുടെ എല്ലാ യോഗ​ങ്ങൾക്കും ഹാജരാ​കാൻ നിങ്ങളെ ഹാർദ​മാ​യി ക്ഷണിക്കു​ക​യാണ്‌.

7. ക്രിസ്‌തീയ യോഗ​ങ്ങ​ളി​ലെ ക്രമമായ ഹാജർ പരിജ്ഞാ​ന​ത്തോ​ടും വിശ്വാ​സ​ത്തോ​ടും ബന്ധപ്പെ​ട്ടി​രി​ക്കു​ന്നത്‌ എങ്ങനെ?

⁷ തീർച്ച​യാ​യും, വ്യക്തി​പ​ര​മായ ബൈബിൾ പഠനത്തിൽ നിങ്ങൾ ഇതിനകം വളരെ​യ​ധി​കം പഠിച്ചി​രി​ക്കാം. ഒരുപക്ഷേ ആരെങ്കി​ലും നിങ്ങളെ സഹായി​ച്ചി​രി​ക്കാം. (പ്രവൃ​ത്തി​കൾ 8:30-35) എന്നാൽ യഥാ​യോ​ഗ്യ​മായ പരിച​രണം കൊടു​ത്തി​ല്ലെ​ങ്കിൽ വാടി​ക്ക​രി​ഞ്ഞു​പോ​കുന്ന ഒരു ചെടി​യോ​ടു നിങ്ങളു​ടെ വിശ്വാ​സത്തെ ഉപമി​ക്കാ​വു​ന്ന​താണ്‌. അതു​കൊണ്ട്‌, നിങ്ങൾക്ക്‌ ഉചിത​മായ ആത്മീയ​പോ​ഷണം ലഭി​ക്കേ​ണ്ട​തുണ്ട്‌. (1 തിമൊ​ഥെ​യൊസ്‌ 4:6) ക്രിസ്‌തീയ യോഗങ്ങൾ നിങ്ങളെ ആത്മീയ​മാ​യി പോഷി​പ്പി​ക്കു​ന്ന​തി​നും നിങ്ങളു​ടെ ദൈവ​പ​രി​ജ്ഞാ​നം വർധി​ച്ചു​വ​രു​മ്പോൾ വിശ്വാ​സ​ത്തിൽ വളരു​ന്ന​തി​നു നിങ്ങളെ സഹായി​ക്കു​ന്ന​തി​നും ഉദ്ദേശി​ച്ചി​ട്ടു​ളള പ്രബോ​ധ​ന​ത്തി​ന്റെ  ഒരു തുടർച്ച​യായ പരിപാ​ടി ഒരുക്കി​ത്ത​രു​ന്നു.—കൊ​ലൊ​സ്സ്യർ 1:9, 10.

8. യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കാൻ നമ്മെ പ്രോ​ത്സാ​ഹി​പ്പി​ക്കു​ന്നത്‌ എന്തു​കൊണ്ട്‌?

⁸ യോഗങ്ങൾ മറെറാ​രു മർമ​പ്ര​ധാ​ന​മായ ഉദ്ദേശ്യം സാധി​ക്കു​ന്നു. പൗലോസ്‌ ഇങ്ങനെ എഴുതി: ‘നമ്മുടെ കൂടി​വ​രവ്‌ ഉപേക്ഷി​ക്കാ​തെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും പ്രചോ​ദി​പ്പി​ക്കു​ന്ന​തി​നു നമുക്ക്‌ അന്യോ​ന്യം പരിഗ​ണി​ക്കാം.’ (എബ്രായർ 10:24, 25, NW) “പ്രചോ​ദി​പ്പി​ക്കുക” എന്നു വിവർത്തനം ചെയ്‌തി​രി​ക്കുന്ന ഗ്രീക്ക്‌ പദത്തിനു “മൂർച്ച​യു​ള​ള​താ​ക്കുക” എന്നും അർഥമു​ണ്ടാ​യി​രി​ക്കാ​വു​ന്ന​താണ്‌. “ഇരുമ്പു ഇരുമ്പി​ന്നു മൂർച്ച കൂട്ടുന്നു; മനുഷ്യൻ മനുഷ്യ​ന്നു മൂർച്ച​കൂ​ട്ടു​ന്നു” എന്ന്‌ ഒരു ബൈബിൾസ​ദൃ​ശ​വാ​ക്യം പറയുന്നു. (സദൃശ​വാ​ക്യ​ങ്ങൾ 27:17) നമു​ക്കെ​ല്ലാം തുടർച്ച​യായ ‘മൂർച്ച​കൂ​ട്ടൽ’ ആവശ്യ​മാണ്‌. ലോക​ത്തിൽനി​ന്നു​ളള ദൈനം​ദിന സമ്മർദ​ത്തി​നു നമ്മുടെ വിശ്വാ​സ​ത്തി​ന്റെ മൂർച്ച കുറയ്‌ക്കാൻ കഴിയും. നാം ക്രിസ്‌തീയ യോഗ​ങ്ങൾക്കു ഹാജരാ​കു​മ്പോൾ ഒരു പ്രോ​ത്സാ​ഹ​ന​കൈ​മാ​ററം നടക്കുന്നു. (റോമർ 1:11, 12) “അന്യോ​ന്യം പ്രബോ​ധി​പ്പി​ച്ചും തമ്മിൽ ആത്മിക​വർദ്ധന വരുത്തി​യും പോരു​വിൻ” എന്ന അപ്പോ​സ്‌ത​ല​നായ പൗലോ​സി​ന്റെ മുന്നറി​യിപ്പ്‌ സഭാം​ഗങ്ങൾ അനുസ​രി​ക്കു​ന്നു, അങ്ങനെ​യു​ളള കാര്യങ്ങൾ നമ്മുടെ വിശ്വാ​സ​ത്തി​നു മൂർച്ച കൂട്ടുന്നു. (1 തെസ്സ​ലൊ​നീ​ക്യർ 5:11) ക്രിസ്‌തീയ യോഗ​ങ്ങ​ളി​ലെ ക്രമമായ ഹാജർ നാം ദൈവത്തെ സ്‌നേ​ഹി​ക്കു​ന്നു​വെ​ന്നും സൂചി​പ്പി​ക്കു​ന്നു, അത്‌ അവനെ സ്‌തു​തി​ക്കു​ന്ന​തി​നു​ളള അവസരം നമുക്കു നൽകു​ക​യും ചെയ്യുന്നു.—സങ്കീർത്തനം 35:18.

“സ്‌നേഹം ധരിപ്പിൻ”

9. സ്‌നേഹം പ്രകടി​പ്പി​ക്കു​ന്ന​തിൽ യഹോവ ദൃഷ്ടാന്തം വെച്ചി​രി​ക്കു​ന്നത്‌ എങ്ങനെ?

⁹ “എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ” എന്നു പൗലോസ്‌ എഴുതി. (കൊ​ലൊ​സ്സ്യർ 3:14) യഹോവ കൃപാ​പൂർവം നമുക്ക്‌ ഈ വസ്‌ത്രം ഒരുക്കി​ത്ത​ന്നി​ട്ടുണ്ട്‌. ഏതു വിധത്തിൽ? സ്‌നേഹം യഹോ​വ​യു​ടെ പരിശു​ദ്ധാ​ത്മാ​വി​ന്റെ ദൈവദത്ത ഫലങ്ങളി​ലൊ​ന്നാ​ക​യാൽ ക്രിസ്‌ത്യാ​നി​കൾക്ക്‌ അതു പ്രകട​മാ​ക്കാൻ കഴിയും. (ഗലാത്യർ 5:22, 23) നമുക്കു നിത്യ​ജീ​വൻ ലഭി​ക്കേ​ണ്ട​തി​നു തന്റെ ഏകജാ​ത​നായ പുത്രനെ അയച്ചു​കൊ​ണ്ടു യഹോ​വ​തന്നെ ഏററവും മഹത്തായ സ്‌നേഹം പ്രകട​മാ​ക്കി​യി​രി​ക്കു​ന്നു. (യോഹ​ന്നാൻ 3:16) സ്‌നേ​ഹ​ത്തി​ന്റെ ഈ പരമോ​ന്ന​ത​പ്ര​ക​ടനം ഈ ഗുണം പ്രകട​മാ​ക്കു​ന്ന​തിൽ നമുക്ക്‌ ഒരു മാതൃക പ്രദാനം ചെയ്‌തു. “ദൈവം നമ്മെ ഇങ്ങനെ സ്‌നേ​ഹി​ച്ചു എങ്കിൽ നാമും അന്യോ​ന്യം സ്‌നേ​ഹി​ക്കേ​ണ്ട​താ​കു​ന്നു” എന്ന്‌ അപ്പോ​സ്‌ത​ല​നായ യോഹ​ന്നാൻ എഴുതി.—1 യോഹ​ന്നാൻ 4:11.

10. “സഹോ​ദ​രൻമാ​രു​ടെ മുഴു സമൂഹ”ത്തിൽനി​ന്നും നമുക്ക്‌ എങ്ങനെ പ്രയോ​ജ​ന​മ​നു​ഭ​വി​ക്കാൻ കഴിയും?

 ¹⁰ രാജ്യ​ഹാ​ളിൽ നിങ്ങൾ യോഗ​ങ്ങൾക്കു ഹാജരാ​കു​ന്നതു സ്‌നേഹം പ്രകട​മാ​ക്കു​ന്ന​തി​നു നിങ്ങൾക്ക്‌ ഒരു വിശി​ഷ്ട​മായ അവസരം നൽകും. അവിടെ നിങ്ങൾ പല തരക്കാ​രായ ആളുകളെ കാണും. അവരിൽ പലരി​ലും നിങ്ങൾ പെട്ടെ​ന്നു​തന്നെ ആകൃഷ്ട​രാ​കു​മെ​ന്നു​ള​ള​തി​നു സംശയ​മില്ല. തീർച്ച​യാ​യും, യഹോ​വയെ സേവി​ക്കു​ന്ന​വ​രു​ടെ ഇടയിൽപോ​ലും വ്യക്തി​ത്വ​ങ്ങൾ വ്യത്യ​സ്‌ത​മാണ്‌. ഒരുപക്ഷേ കഴിഞ്ഞ കാലത്തു നിങ്ങളു​ടെ താത്‌പ​ര്യ​ങ്ങൾ അല്ലെങ്കിൽ സ്വഭാ​വ​വി​ശേ​ഷങ്ങൾ ഇല്ലാഞ്ഞ ആളുക​ളിൽനി​ന്നു നിങ്ങൾ കേവലം ഒഴിഞ്ഞു​മാ​റി​യി​രി​ക്കാം. എന്നിരു​ന്നാ​ലും ക്രിസ്‌ത്യാ​നി​കൾ “സഹോ​ദ​രൻമാ​രു​ടെ മുഴു സമൂഹ​ത്തെ​യും സ്‌നേഹി”ക്കേണ്ടതാണ്‌. (1 പത്രോസ്‌ 2:17, NW) അതു​കൊണ്ട്‌, രാജ്യ​ഹാ​ളിൽ കാണു​ന്ന​വരെ—പ്രായ​മോ വ്യക്തി​ത്വ​മോ വർഗമോ വിദ്യാ​ഭ്യാ​സ നിലവാ​ര​മോ നിങ്ങളു​ടേ​തിൽനി​ന്നു വിഭി​ന്ന​മാ​യി​ട്ടു​ള​ള​വ​രെ​പ്പോ​ലും—പരിച​യ​പ്പെ​ടു​ന്നതു നിങ്ങളു​ടെ ലക്ഷ്യമാ​ക്കുക. ഓരോ​രു​ത്ത​രും പ്രിയ​ങ്ക​ര​മായ ഏതെങ്കി​ലും ഗുണത്തിൽ മികച്ചു​നിൽക്കു​ന്ന​താ​യി നിങ്ങൾ കണ്ടെത്താ​നി​ട​യുണ്ട്‌.

11. യഹോ​വ​യു​ടെ ജനത്തിന്റെ ഇടയിലെ വൈവി​ധ്യ​മാർന്ന വ്യക്തി​ത്വ​ങ്ങൾ നിങ്ങളെ അസ്വസ്ഥ​രാ​ക്ക​രു​താ​ത്തത്‌ എന്തു​കൊണ്ട്‌?

¹¹ സഭയിലെ വ്യക്തി​ത്വ​ങ്ങ​ളി​ലു​ളള വൈവി​ധ്യം നിങ്ങളെ അസ്വസ്ഥ​രാ​ക്കേ​ണ്ട​തില്ല. ദൃഷ്ടാ​ന്ത​ത്തിന്‌, ഒരു റോഡിൽ നിരവധി വാഹനങ്ങൾ നിങ്ങളു​ടെ വശത്തു സഞ്ചരി​ക്കു​ന്ന​താ​യി സങ്കൽപ്പി​ക്കുക. എല്ലാം ഒരേ വേഗത്തി​ലല്ല നീങ്ങു​ന്നത്‌, എല്ലാം ഒരേ കണ്ടീഷ​നി​ലു​മല്ല. ചിലത്‌ അനേകം കിലോ​മീ​റ​റ​റു​കൾ സഞ്ചരി​ച്ചി​രി​ക്കു​ന്നു, മററു ചിലത്‌ നിങ്ങ​ളെ​പ്പോ​ലെ തുടക്ക​മി​ട്ട​തേ​യു​ളളു. എന്നിരു​ന്നാ​ലും ഈ വ്യത്യാ​സങ്ങൾ ഗണ്യമാ​ക്കാ​തെ, എല്ലാം റോഡി​ലൂ​ടെ സഞ്ചരി​ക്കു​ക​യാണ്‌. ഒരു സഭയിൽ ഉൾപ്പെ​ട്ടി​രി​ക്കുന്ന വ്യക്തി​കളെ സംബന്ധി​ച്ചും ഇങ്ങനെ​ത​ന്നെ​യാണ്‌. എല്ലാവ​രും ഒരേ വേഗത്തിൽ ക്രിസ്‌തീയ ഗുണങ്ങൾ വളർത്തി​യെ​ടു​ക്കു​ന്നില്ല. കൂടാതെ, എല്ലാവ​രും ശാരീ​രി​ക​മോ വൈകാ​രി​ക​മോ ആയ ഒരേ അവസ്ഥയി​ലു​മല്ല. ചിലർ അനേക​വർഷ​മാ​യി യഹോ​വയെ ആരാധി​ച്ചു​കൊ​ണ്ടാ​ണി​രി​ക്കു​ന്നത്‌; മററു ചിലർ തുടക്ക​മി​ട്ട​തേ​യു​ളളു. എന്നിരു​ന്നാ​ലും എല്ലാവ​രും നിത്യ​ജീ​വ​നി​ലേ​ക്കു​ളള പാതയിൽ യാത്ര ചെയ്യു​ക​യാണ്‌, “ഏകമന​സ്സി​ലും ഏകാഭി​പ്രാ​യ​ത്തി​ലും യോജി”ച്ചുതന്നെ. (1 കൊരി​ന്ത്യർ 1:10) അതു​കൊണ്ട്‌, സഭയി​ലു​ള​ള​വ​രു​ടെ ദൗർബ​ല്യ​ങ്ങളല്ല, സദ്‌ഗു​ണങ്ങൾ അന്വേ​ഷി​ക്കുക. അങ്ങനെ ചെയ്യു​ന്നതു നിങ്ങളു​ടെ ഹൃദയത്തെ ഊഷ്‌മ​ള​മാ​ക്കും, എന്തു​കൊ​ണ്ടെ​ന്നാൽ ദൈവം യഥാർഥ​ത്തിൽ ഈ ആളുക​ളു​ടെ ഇടയിൽ ഉണ്ടെന്നു നിങ്ങൾ തിരി​ച്ച​റി​യും. തീർച്ച​യാ​യും  നിങ്ങൾ ഇവിടെ ആയിരി​ക്കാ​നാണ്‌ ആഗ്രഹി​ക്കു​ന്നത്‌.—1 കൊരി​ന്ത്യർ 14:25.

12, 13. (എ) സഭയിലെ ആരെങ്കി​ലും നിങ്ങളെ ദ്രോ​ഹി​ക്കു​ന്നു​വെ​ങ്കിൽ നിങ്ങൾക്ക്‌ എന്തു ചെയ്യാൻ കഴിയും? (ബി) നീരസം വെച്ചു​പു​ലർത്താ​തി​രി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹² എല്ലാ മനുഷ്യ​രും അപൂർണ​രാ​യ​തു​കൊണ്ട്‌, ചില സമയങ്ങ​ളിൽ ആരെങ്കി​ലും നിങ്ങളെ അസ്വസ്ഥ​നാ​ക്കുന്ന എന്തെങ്കി​ലും പറഞ്ഞേ​ക്കാം അല്ലെങ്കിൽ ചെയ്‌തേ​ക്കാം. (റോമർ 3:23) ശിഷ്യ​നായ യാക്കോബ്‌ യാഥാർഥ്യ​ബോ​ധ​ത്തോ​ടെ ഇങ്ങനെ എഴുതി: “നാം എല്ലാവ​രും പലതി​ലും തെററി​പ്പോ​കു​ന്നു; ഒരുത്തൻ വാക്കിൽ തെററാ​തി​രു​ന്നാൽ അവൻ ശരീരത്തെ മുഴു​വ​നും കടിഞ്ഞാ​ണി​ട്ടു നടത്തു​വാൻ ശക്തനായി സൽഗു​ണ​പൂർത്തി​യു​ളള പുരുഷൻ ആകുന്നു.” (യാക്കോബ്‌ 3:2) ആരെങ്കി​ലും നിങ്ങളെ ദ്രോ​ഹി​ക്കു​ന്നു​വെ​ങ്കിൽ നിങ്ങൾ എങ്ങനെ പ്രതി​ക​രി​ക്കും? ഒരു ബൈബിൾ സദൃശ​വാ​ക്യം ഇങ്ങനെ പറയുന്നു: “വിവേ​ക​ബു​ദ്ധി​യാൽ [“ഉൾക്കാഴ്‌ച,” NW] മനുഷ്യ​ന്നു ദീർഘക്ഷമ വരുന്നു; ലംഘനം ക്ഷമിക്കു​ന്നതു അവന്നു ഭൂഷണം.” (സദൃശ​വാ​ക്യ​ങ്ങൾ 19:11) ഉൾക്കാഴ്‌ച ഉണ്ടായി​രി​ക്ക​യെ​ന്നാൽ ഒരു സാഹച​ര്യ​ത്തെ ആഴത്തിൽ നോക്കി​ക്കാ​ണുക, ഒരു വ്യക്തി ഒരു പ്രത്യേക വിധത്തിൽ സംസാ​രി​ക്കാ​നോ പ്രവർത്തി​ക്കാ​നോ ഇടയാ​ക്കുന്ന അടിസ്ഥാ​ന​വ​സ്‌തു​തകൾ എന്താ​ണെന്നു ഗ്രഹി​ക്കുക എന്നാണ്‌. നമ്മുടെ സ്വന്തം തെററു​കൾക്ക്‌ ഒഴിക​ഴി​വു കാണു​ന്ന​തിൽ നമ്മിൽ മിക്കവ​രും വളരെ​യ​ധി​കം ഉൾക്കാഴ്‌ച ഉപയോ​ഗി​ക്കു​ന്നു. മററു​ള​ള​വ​രു​ടെ അപൂർണ​തകൾ മനസ്സി​ലാ​ക്കാ​നും മറയ്‌ക്കാ​നും​കൂ​ടെ അത്‌ എന്തു​കൊണ്ട്‌ ഉപയോ​ഗി​ച്ചു​കൂ​ടാ?—മത്തായി 7:1-5; കൊ​ലൊ​സ്സ്യർ 3:13.

¹³ നമുക്കു യഹോ​വ​യു​ടെ ക്ഷമ ലഭിക്ക​ണ​മെ​ങ്കിൽ, നാം മററു​ള​ള​വ​രോ​ടു ക്ഷമിക്ക​ണ​മെ​ന്നത്‌ ഒരിക്ക​ലും മറക്കരുത്‌. (മത്തായി 6:9, 12, 14, 15) നാം സത്യം ആചരി​ക്കു​ന്നു​വെ​ങ്കിൽ നാം മററു​ള​ള​വ​രോ​ടു സ്‌നേ​ഹ​പൂർവ​ക​മായ ഒരു വിധത്തിൽ പെരു​മാ​റും. (1 യോഹ​ന്നാൻ 1:6, 7; 3:14-16; 4:20, 21) അതു​കൊണ്ട്‌, നിങ്ങൾ സഭയിലെ ഒരാളു​മാ​യു​ളള ഒരു പ്രശ്‌നത്തെ അഭിമു​ഖീ​ക​രി​ക്കു​ന്നു​വെ​ങ്കിൽ നീരസം വെച്ചു​പു​ലർത്തു​ന്ന​തി​നെ​തി​രെ പോരാ​ടുക. നിങ്ങൾ സ്‌നേഹം ധരിക്കു​ന്നു​വെ​ങ്കിൽ നിങ്ങൾ പ്രശ്‌നം പരിഹ​രി​ക്കാൻ കഠിന​ശ്രമം ചെയ്യും; നിങ്ങളാണ്‌ ഇടർച്ച വരുത്തി​യ​തെ​ങ്കിൽ ക്ഷമായാ​ചനം ചെയ്യാൻ നിങ്ങൾ മടിക്കില്ല.—മത്തായി 5:23, 24; 18:15-17.

14. നാം ഏതു ഗുണങ്ങൾ ധരിക്കണം?

¹⁴ നമ്മുടെ ആത്മീയ വസ്‌ത്ര​ത്തിൽ സ്‌നേ​ഹ​ത്തോട്‌ അടുത്തു ബന്ധമുളള മററു ഗുണങ്ങൾ ഉൾപ്പെ​ടണം. പൗലോസ്‌ ഇങ്ങനെ എഴുതി: “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ  എന്നിവ ധരിച്ചു”കൊൾക. സ്‌നേ​ഹ​ത്തിൽ പൊതിഞ്ഞ ഈ സ്വഭാ​വ​ഗു​ണങ്ങൾ ദൈവി​ക​മായ ‘പുതു മനുഷ്യ​ന്റെ’ (പുതിയ വ്യക്തിത്വം, NW) ഭാഗമാണ്‌. (കൊ​ലൊ​സ്സ്യർ 3:10, 12) നിങ്ങൾ ഈ വിധത്തിൽ വസ്‌ത്രം ധരിക്കാൻ ശ്രമി​ക്കു​മോ? നിങ്ങൾ വിശേ​ഷാൽ സഹോ​ദ​ര​സ്‌നേഹം ധരിക്കു​ന്നു​വെ​ങ്കിൽ നിങ്ങൾക്കു യേശു​വി​ന്റെ ശിഷ്യ​രു​ടെ ഒരു തിരി​ച്ച​റി​യൽ അടയാളം ഉണ്ടായി​രി​ക്കും, എന്തു​കൊ​ണ്ടെ​ന്നാൽ “നിങ്ങൾക്കു തമ്മിൽ തമ്മിൽ സ്‌നേ​ഹ​മു​ണ്ടെ​ങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും” എന്ന്‌ അവൻ പറഞ്ഞു.—യോഹ​ന്നാൻ 13:35.

ഒരു സുരക്ഷി​ത​സ്ഥാ​നം

15. സഭ ഒരു അഭയസ്ഥാ​നം പോ​ലെ​യാ​യി​രി​ക്കു​ന്നത്‌ എങ്ങനെ?

¹⁵ നിങ്ങൾക്കു സുരക്ഷി​ത​ത്വം തോന്നാൻ കഴിയുന്ന ഒരു അഭയം, ഒരു സങ്കേതം, ആയും സഭ സേവി​ക്കു​ന്നു. അതിൽ ദൈവ​ദൃ​ഷ്ടി​യിൽ ശരിയാ​യതു ചെയ്യാൻ കഠിന​ശ്രമം ചെയ്യുന്ന പരമാർഥ​ഹൃ​ദ​യ​രായ ആളുകളെ നിങ്ങൾ കണ്ടെത്തും. അവരിൽ അനേകർ നിങ്ങൾ തരണം​ചെ​യ്യാൻ ശ്രമി​ക്കു​ക​യാ​യി​രി​ക്കാ​വുന്ന ദുശ്ശീ​ല​ങ്ങ​ളെ​യും മനോ​ഭാ​വ​ങ്ങ​ളെ​യും നീക്കം ചെയ്‌തി​രി​ക്കു​ന്നു. (തീത്തൊസ്‌ 3:3) അവർക്കു നിങ്ങളെ സഹായി​ക്കാൻ കഴിയും, എന്തു​കൊ​ണ്ടെ​ന്നാൽ “തമ്മിൽ തമ്മിൽ ഭാരങ്ങളെ ചുമപ്പിൻ” എന്ന്‌ നമ്മോടു പറഞ്ഞി​രി​ക്കു​ന്നു. (ഗലാത്യർ 6:2) സ്വാഭാ​വി​ക​മാ​യി, നിത്യ​ജീ​വ​നി​ലേക്കു നയിക്കുന്ന ഒരു ഗതി പിന്തു​ട​രു​ന്നത്‌ അന്തിമ​മാ​യി നിങ്ങളു​ടെ സ്വന്തം ഉത്തരവാ​ദി​ത്വ​മാണ്‌. (ഗലാത്യർ 6:5; ഫിലി​പ്പി​യർ 2:12) എന്നിരു​ന്നാ​ലും, സഹായ​ത്തി​നും പിന്തു​ണ​യ്‌ക്കു​മു​ളള ഒരു വിശിഷ്ട മാർഗ​മെന്ന നിലയിൽ യഹോവ ക്രിസ്‌തീയ സഭയെ പ്രദാ​നം​ചെ​യ്‌തി​രി​ക്കു​ന്നു. നിങ്ങളു​ടെ പ്രശ്‌നങ്ങൾ എത്ര ക്ലേശക​ര​മാ​യി​രു​ന്നാ​ലും നിങ്ങൾക്കു വിലപ്പെട്ട സഹായം ലഭ്യമാണ്‌—ക്ലേശകാ​ല​ങ്ങ​ളിൽ അല്ലെങ്കിൽ ഞെരു​ക്ക​കാ​ല​ങ്ങ​ളിൽ നിങ്ങ​ളോ​ടൊ​പ്പം നില​കൊ​ള​ളുന്ന ഒരു സഭ.—ലൂക്കൊസ്‌ 10:29-37 താരത​മ്യം ചെയ്യുക; പ്രവൃ​ത്തി​കൾ 20:35.

16. സഭാമൂ​പ്പൻമാർ ഏതു സഹായം പ്രദാ​നം​ചെ​യ്യു​ന്നു?

¹⁶ നിങ്ങളെ പിന്തു​ണ​യ്‌ക്കാൻ ഒരുക്ക​മു​ള​ള​വ​രു​ടെ ഇടയിൽ “മനുഷ്യ​രാം ദാനങ്ങൾ”—മനസ്സോ​ടെ​യും ആകാം​ക്ഷാ​പൂർവ​വും ആട്ടിൻകൂ​ട്ടത്തെ മേയി​ക്കുന്ന നിയമിത സഭാമൂ​പ്പൻമാർ അഥവാ മേൽവി​ചാ​ര​കൻമാർ—ഉണ്ട്‌. (എഫെസ്യർ 4:8, 11, 12; പ്രവൃ​ത്തി​കൾ 20:28; 1 പത്രൊസ്‌ 5:2, 3) അവരെ സംബന്ധി​ച്ചു യെശയ്യാവ്‌ ഇങ്ങനെ പ്രവചി​ച്ചു: “ഓരോ​രു​ത്ത​നും കാററിൽനിന്ന്‌ ഒരു മറവി​ട​വും പിശറിൽനിന്ന്‌ ഒരു ഒളിപ്പി​ട​വും പോ​ലെ​യെന്ന്‌, വെളള​മി​ല്ലാത്ത ഒരു ദേശത്ത്‌ നീരൊ​ഴു​ക്കു​കൾപോ​ലെ​യെന്ന്‌, ക്ഷീണി​ത​ദേ​ശത്ത്‌ ഒരു വമ്പാറ​യു​ടെ തണൽപോ​ലെ​യെന്ന്‌, തെളി​യണം.”—യെശയ്യാവ്‌ 32:2, NW.

17. (എ) യേശു വിശേ​ഷാൽ ഏതു തരം സഹായം കൊടു​ക്കാൻ ആഗ്രഹി​ച്ചു? (ബി) ദൈവം തന്റെ ജനത്തി​നു​വേണ്ടി എന്തു കരുതൽ ചെയ്യു​മെന്നു വാഗ്‌ദാ​നം​ചെ​യ്‌തു?

 ¹⁷ യേശു ഭൂമി​യി​ലാ​യി​രു​ന്ന​പ്പോൾ, മതനേ​താ​ക്കൻമാ​രു​ടെ ഭാഗത്ത്‌ സ്‌നേ​ഹ​പൂർവ​ക​മായ മേൽവി​ചാ​ര​ണ​യു​ടെ പരിതാ​പ​ക​ര​മായ അഭാവ​മു​ണ്ടാ​യി​രു​ന്നു. ജനങ്ങളു​ടെ അവസ്ഥ അവനെ അഗാധ​മാ​യി വികാ​രാ​ധീ​ന​നാ​ക്കി. അവൻ അവരെ ആത്മീയ​മാ​യി സഹായി​ക്കാൻ വിശേ​ഷാൽ ആഗ്രഹി​ച്ചു. അവർ “ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വരു”മായി​രു​ന്ന​തു​കൊ​ണ്ടു യേശു അവരെ​ക്കു​റി​ച്ചു സഹതപി​ച്ചു. (മത്തായി 9:36) ഇത്‌ ആത്മീയ സഹായ​ത്തി​നും ആശ്വാ​സ​ത്തി​നു​മാ​യി ആരി​ലേ​ക്കും തിരി​യാ​നി​ല്ലാ​തെ ഹൃദയ​ഭേ​ദ​ക​മായ പ്രശ്‌നങ്ങൾ അനുഭ​വി​ക്കുന്ന അനേക​രു​ടെ ഇക്കാലത്തെ ദുരവ​സ്ഥയെ എത്ര നന്നായി വർണി​ക്കു​ന്നു! എന്നാൽ യഹോ​വ​യു​ടെ ജനത്തിനു തീർച്ച​യാ​യും ആത്മീയ സഹായ​മുണ്ട്‌, എന്തു​കൊ​ണ്ടെ​ന്നാൽ അവൻ ഇങ്ങനെ വാഗ്‌ദ​ത്തം​ചെ​യ്‌തു: “അവയെ മേയി​ക്കേ​ണ്ട​തി​ന്നു ഞാൻ ഇടയൻമാ​രെ നിയമി​ക്കും; അവ ഇനി പേടി​ക്ക​യില്ല, ഭ്രമി​ക്ക​യില്ല, കാണാതെ പോക​യു​മില്ല എന്നു യഹോ​വ​യു​ടെ അരുള​പ്പാ​ടു.”—യിരെ​മ്യാ​വു 23:4.

18. നമുക്ക്‌ ആത്മീയ സഹായം ആവശ്യ​മാ​കു​ന്നു​വെ​ങ്കിൽ നാം ഒരു മൂപ്പനെ സമീപി​ക്കേ​ണ്ടത്‌ എന്തു​കൊണ്ട്‌?

¹⁸ സഭയിലെ നിയമിത മൂപ്പൻമാ​രെ പരിച​യ​പ്പെ​ടുക. ദൈവ​പ​രി​ജ്ഞാ​നം ബാധക​മാ​ക്കു​ന്ന​തിൽ അവർക്കു വളരെ​യ​ധി​കം അനുഭ​വ​ജ്ഞാ​ന​മുണ്ട്‌, കാരണം അവർ ബൈബി​ളിൽ വിവരി​ച്ചി​രി​ക്കുന്ന യോഗ്യ​ത​ക​ളിൽ എത്തി​ച്ചേർന്നി​രി​ക്കു​ന്നു. (1 തിമൊ​ഥെ​യൊസ്‌ 3:1-7; തീത്തൊസ്‌ 1:5-9) ദൈവ​ത്തി​ന്റെ വ്യവസ്ഥ​കൾക്കു വിരു​ദ്ധ​മായ ഒരു ശീലമോ ഒരു സ്വഭാ​വ​വി​ശേ​ഷ​മോ തരണം​ചെ​യ്യു​ന്ന​തി​നു നിങ്ങൾക്ക്‌ ആത്മീയ സഹായം ആവശ്യ​മാ​ണെ​ങ്കിൽ അവരിൽ ഒരാളെ സമീപി​ക്കാൻ മടിക്ക​രുത്‌. “ഉൾക്കരു​ത്തി​ല്ലാ​ത്ത​വരെ ധൈര്യ​പ്പെ​ടു​ത്തു​വിൻ; ബലഹീ​നരെ താങ്ങു​വിൻ; എല്ലാവ​രോ​ടും ദീർഘക്ഷമ കാണി​പ്പിൻ” എന്നുളള പൗലോ​സി​ന്റെ ബുദ്ധ്യു​പ​ദേശം മൂപ്പൻമാർ അനുസ​രി​ക്കു​ന്ന​താ​യി നിങ്ങൾ കണ്ടെത്തും.—1 തെസ്സ​ലൊ​നീ​ക്യർ 2:7, 8; 5:14.

യഹോ​വ​യു​ടെ ജനത്തോ​ടൊ​ത്തു സുരക്ഷി​ത​ത്വം ആസ്വദി​ക്കു​ക

19. തന്റെ സ്ഥാപന​ത്തി​നു​ള​ളിൽ സുരക്ഷി​ത​ത്വം തേടു​ന്ന​വർക്കു യഹോവ എന്തനു​ഗ്ര​ഹങ്ങൾ നൽകി​യി​രി​ക്കു​ന്നു?

¹⁹ നാമി​പ്പോൾ അപൂർണാ​വ​സ്ഥ​ക​ളി​ലാ​ണു ജീവി​ക്കു​ന്ന​തെ​ങ്കി​ലും യഹോവ നമുക്ക്‌ ആത്മീയ ഭക്ഷണവും വസ്‌ത്ര​വും അഭയവും നൽകുന്നു. തീർച്ച​യാ​യും ഒരു ഭൗതി​ക​പ​റു​ദീ​സ​യു​ടെ പ്രയോ​ജ​നങ്ങൾ അനുഭ​വി​ക്കു​ന്ന​തി​നു നാം വാഗ്‌ദത്തം ചെയ്യപ്പെട്ട ദൈവ​ത്തി​ന്റെ  പുതിയ ലോക​ത്തി​നു​വേണ്ടി കാത്തി​രി​ക്കണം. എന്നാൽ യഹോ​വ​യു​ടെ സ്ഥാപന​ത്തി​ന്റെ ഭാഗമാ​യി​രി​ക്കു​ന്നവർ ഇക്കാലത്ത്‌ ഒരു ആത്മീയ പറുദീ​സ​യു​ടെ സുരക്ഷി​ത​ത്വം ആസ്വദി​ച്ചു​കൊ​ണ്ടി​രി​ക്കു​ന്നു. അവരെ സംബന്ധിച്ച്‌ എസെക്കി​യേൽ ഇങ്ങനെ പ്രവചി​ച്ചു: “അവർ നിർഭ​യ​മാ​യി വസിക്കും; ആരും അവരെ ഭയപ്പെ​ടു​ത്തു​ക​യു​മില്ല.”—യെഹെ​സ്‌കേൽ 34:28; സങ്കീർത്തനം 4:8.

20. യഹോ​വ​യു​ടെ ആരാധ​ന​യ്‌ക്കു​വേണ്ടി നാം ചെയ്‌തേ​ക്കാ​വുന്ന ഏതു ത്യാഗ​ത്തി​നും യഹോവ എങ്ങനെ പ്രതി​ഫലം നൽകും?

²⁰ യഹോവ തന്റെ വചനത്തി​ലൂ​ടെ​യും സ്ഥാപന​ത്തി​ലൂ​ടെ​യും സ്‌നേ​ഹ​പു​ര​സ്സ​ര​മായ ആത്മീയ​ക​രു​ത​ലു​കൾ ചെയ്യു​ന്ന​തിൽ നമുക്ക്‌ എത്ര നന്ദിയു​ള​ള​വ​രാ​യി​രി​ക്കാൻ കഴിയും! ദൈവ​ജ​ന​ത്തോട്‌ അടുത്തു​ചെ​ല്ലുക. ദൈവ​പ​രി​ജ്ഞാ​നം ഉൾക്കൊ​ണ്ടാൽ സുഹൃ​ത്തു​ക്ക​ളോ ബന്ധുക്ക​ളോ എന്തു വിചാ​രി​ക്കു​മെ​ന്നു​ളള ഭയത്താൽ പിൻമാ​റി​നിൽക്ക​രുത്‌. നിങ്ങൾ യഹോ​വ​യു​ടെ സാക്ഷി​ക​ളോ​ടു സഹവസി​ക്കു​ന്ന​തു​കൊ​ണ്ടും രാജ്യ​ഹാ​ളിൽ യോഗ​ങ്ങൾക്കു ഹാജരാ​കു​ന്ന​തു​കൊ​ണ്ടും ചിലർ ആക്ഷേപി​ച്ചേ​ക്കാം. എന്നാൽ ദൈവാ​രാ​ധ​ന​യ്‌ക്കു​വേണ്ടി നിങ്ങൾ അനുഷ്‌ഠി​ക്കുന്ന ഏതു ത്യാഗ​ത്തി​നും ദൈവം ഉദാര​മാ​യി പ്രതി​ഫലം നൽകും. (മലാഖി 3:10) തന്നെയു​മല്ല, “എന്റെ നിമി​ത്ത​വും സുവി​ശേഷം നിമി​ത്ത​വും വീടോ സഹോ​ദ​രൻമാ​രെ​യോ സഹോ​ദ​രി​ക​ളെ​യോ അമ്മയെ​യോ അപ്പനെ​യോ മക്കളെ​യോ നിലങ്ങ​ളെ​യോ വിട്ടാൽ, ഈ ലോക​ത്തിൽ തന്നേ, ഉപദ്ര​വ​ങ്ങ​ളോ​ടും​കൂ​ടെ നൂറു മടങ്ങു വീടു​ക​ളെ​യും സഹോ​ദ​രൻമാ​രെ​യും സഹോ​ദ​രി​ക​ളെ​യും അമ്മമാ​രെ​യും മക്കളെ​യും നിലങ്ങ​ളെ​യും വരുവാ​നു​ളള ലോക​ത്തിൽ നിത്യ​ജീ​വ​നെ​യും പ്രാപി​ക്കാ​ത്തവൻ ആരുമില്ല” എന്നു യേശു പറഞ്ഞു. (മർക്കൊസ്‌ 10:29, 30) അതേ, നിങ്ങൾ എന്തു വിട്ടു​ക​ള​ഞ്ഞാ​ലും അല്ലെങ്കിൽ സഹി​ക്കേ​ണ്ടി​വ​ന്നാ​ലും നിങ്ങൾക്കു ദൈവ​ജ​ന​ത്തി​ന്റെ ഇടയിൽ ഉല്ലാസ​പ്ര​ദ​മായ സഖിത്വ​വും ആത്മീയ സുരക്ഷി​ത​ത്വ​വും കണ്ടെത്താ​നാ​വും.

നിങ്ങളുടെ പരിജ്ഞാ​നം പരി​ശോ​ധി​ക്കു​ക

“വിശ്വ​സ്‌ത​നും വിവേ​കി​യു​മായ അടിമ” ആരാണ്‌?

നമ്മെ ആത്മീയ​മാ​യി പോഷി​പ്പി​ക്കു​ന്ന​തി​നു യഹോവ എന്തു കരുതൽ ചെയ്‌തി​രി​ക്കു​ന്നു?

ക്രിസ്‌തീയ സഭയി​ലു​ള​ള​വർക്കു നമ്മെ എങ്ങനെ സഹായി​ക്കാ​നാ​വും?

[അധ്യയന ചോദ്യ​ങ്ങൾ]

 [165-ാം പേജ്‌ നിറ​യെ​യുള്ള ചിത്രം]