അധ്യായം 18

ദൈവത്തെ എന്നേക്കും സേവി​ക്കു​ക​യെ​ന്നതു നിങ്ങളു​ടെ ലക്ഷ്യമാ​ക്കു​ക

1, 2. ദൈവ​പ​രി​ജ്ഞാ​നം സമ്പാദി​ക്കു​ന്ന​തി​നു പുറമേ, എന്താവ​ശ്യ​മാണ്‌?

 വലിയ നിക്ഷേ​പ​ങ്ങ​ളി​രി​ക്കുന്ന ഒരു മുറി​യു​ടെ അടച്ചു പൂട്ടിയ വാതി​ലി​നു മുമ്പിൽ നിങ്ങൾ നിൽക്കു​ക​യാ​ണെന്നു സങ്കൽപ്പി​ക്കുക. അധികാ​ര​മുള്ള ഒരാൾ നിങ്ങൾക്കു താക്കോൽ തന്നിരി​ക്കു​ന്നു​വെ​ന്നും ഈ വില​യേ​റിയ വസ്‌തു​ക്ക​ളിൽനി​ന്നു വേണ്ട​തെ​ല്ലാം എടുത്തു​കൊ​ള്ളാൻ നിങ്ങ​ളോ​ടു പറഞ്ഞി​ട്ടു​ണ്ടെ​ന്നു​മി​രി​ക്കട്ടെ. നിങ്ങൾ ഉപയോ​ഗി​ക്കാ​ത്ത​പക്ഷം ആ താക്കോൽ നിങ്ങൾക്കു പ്രയോ​ജനം ചെയ്യില്ല. അതു​പോ​ലെ​തന്നെ, പരിജ്ഞാ​നം നിങ്ങൾക്കു പ്രയോ​ജനം ചെയ്യണ​മെ​ങ്കിൽ, അത്‌ ഉപയോ​ഗി​ക്കണം.

² ദൈവ​പ​രി​ജ്ഞാ​ന​ത്തെ​ക്കു​റിച്ച്‌ ഇതു വിശേ​ഷാൽ സത്യമാണ്‌. വാസ്‌ത​വ​ത്തിൽ, യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചു​ളള സൂക്ഷ്‌മ​പ​രി​ജ്ഞാ​നം നിത്യ​ജീ​വൻ കൈവ​രു​ത്തു​ന്നു. (യോഹ​ന്നാൻ 17:3) പക്ഷേ, പരിജ്ഞാ​നം ഉളളതു​കൊ​ണ്ടു​മാ​ത്രം ആ പ്രതീക്ഷ സാക്ഷാ​ത്‌ക​രി​ക്ക​പ്പെ​ടുക സാധ്യമല്ല. വിലപ്പെട്ട ഒരു താക്കോൽ ഉപയോ​ഗി​ക്കു​ന്ന​തു​പോ​ലെ, നിങ്ങൾ ജീവി​ത​ത്തിൽ ദൈവ​പ​രി​ജ്ഞാ​നം ബാധക​മാ​ക്കേ​ണ്ട​തുണ്ട്‌. ദൈവ​ത്തി​ന്റെ ഇഷ്ടം ചെയ്യു​ന്നവർ ‘രാജ്യ​ത്തിൽ കടക്കു’മെന്നു യേശു പറഞ്ഞു. അങ്ങനെ​യു​ളള വ്യക്തി​കൾക്കു ദൈവത്തെ എന്നേക്കും സേവി​ക്കു​ന്ന​തി​നു​ളള പദവി ലഭിക്കും!—മത്തായി 7:21; 1 യോഹ​ന്നാൻ 2:17.

3. നമുക്കു​വേ​ണ്ടി​യു​ളള ദൈവ​ത്തി​ന്റെ ഇഷ്ടം എന്താണ്‌?

³ ദൈവ​ത്തി​ന്റെ ഇഷ്ടം എന്താ​ണെന്നു പഠിച്ച​ശേഷം അതു ചെയ്യു​ന്നതു മർമ​പ്ര​ധാ​ന​മാണ്‌. നിങ്ങളെ സംബന്ധി​ച്ചു ദൈവ​ത്തി​ന്റെ ഇഷ്ടം എന്താ​ണെ​ന്നാ​ണു നിങ്ങൾ വിചാ​രി​ക്കു​ന്നത്‌? അതിനെ ഈ വിധത്തിൽ ഉചിത​മാ​യി സംഗ്ര​ഹി​ക്കാൻ കഴിയും: യേശു​വി​നെ അനുക​രി​ക്കുക. ഒന്നു പത്രോസ്‌ 2:21 (NW) നമ്മോടു പറയുന്നു: “ഈ പ്രവർത്ത​ന​ഗ​തി​ക്കു നിങ്ങൾ വിളി​ക്ക​പ്പെട്ടു, എന്തു​കൊ​ണ്ടെ​ന്നാൽ തന്റെ ചുവടു​കൾ നിങ്ങൾ അടുത്തു​പി​ന്തു​ട​രാൻ നിങ്ങൾക്ക്‌ ഒരു മാതൃക വെച്ചു​കൊ​ണ്ടു  ക്രിസ്‌തു​പോ​ലും നിങ്ങൾക്കു​വേണ്ടി കഷ്ടമനു​ഭ​വി​ച്ചു.” അപ്പോൾ ദൈവ​ത്തി​ന്റെ ഇഷ്ടം​ചെ​യ്യു​ന്ന​തി​നു നിങ്ങൾ യേശു​വി​ന്റെ മാതൃക കഴിയു​ന്നത്ര അടുത്തു പിന്തു​ട​രേ​ണ്ട​തുണ്ട്‌. അങ്ങനെ​യാ​ണു നിങ്ങൾ ദൈവ​പ​രി​ജ്ഞാ​നം ബാധക​മാ​ക്കു​ന്നത്‌.

യേശു ദൈവ​പ​രി​ജ്ഞാ​നം ഉപയോ​ഗിച്ച വിധം

4. യേശു​വി​നു യഹോ​വ​യെ​ക്കു​റി​ച്ചു വളരെ​യ​ധി​കം അറിയാ​വു​ന്നത്‌ എന്തു​കൊണ്ട്‌, അവൻ ഈ പരിജ്ഞാ​നം എങ്ങനെ ഉപയോ​ഗി​ച്ചി​രി​ക്കു​ന്നു?

⁴ യേശു​ക്രി​സ്‌തു​വി​നു മററു​ള്ള​വ​രെ​ക്കാൾ കൂടുതൽ സൂക്ഷ്‌മ​മായ ദൈവ​പ​രി​ജ്ഞാ​ന​മുണ്ട്‌. ഭൂമി​യി​ലേക്കു വരുന്ന​തി​നു​മുമ്പ്‌ അവൻ സ്വർഗ​ത്തിൽ യുഗങ്ങ​ളോ​ളം യഹോ​വ​യാം ദൈവ​ത്തോ​ടു​കൂ​ടെ ജീവിച്ചു വേല​ചെ​യ്‌തു. (കൊ​ലൊ​സ്സ്യർ 1:15, 16) ആ പരിജ്ഞാ​നം​കൊ​ണ്ടെ​ല്ലാം യേശു എന്തു ചെയ്‌തു? അവൻ അതുണ്ടാ​യി​രി​ക്കു​ന്ന​തു​കൊ​ണ്ടു​മാ​ത്രം സംതൃ​പ്‌ത​നാ​യില്ല. യേശു അതനു​സ​രി​ച്ചു ജീവിച്ചു. അതു​കൊ​ണ്ടാണ്‌ അവൻ സഹമനു​ഷ്യ​രോ​ടു​ളള തന്റെ ഇടപെ​ട​ലു​ക​ളിൽ വളരെ ദയാലു​വും ക്ഷമാശീ​ല​നും സ്‌നേ​ഹ​സ​മ്പ​ന്ന​നു​മാ​യി​രു​ന്നത്‌. യേശു അങ്ങനെ തന്റെ സ്വർഗീയ പിതാ​വി​നെ അനുക​രി​ക്കു​ക​യും യഹോ​വ​യു​ടെ വഴിക​ളെ​യും വ്യക്തി​ത്വ​ത്തെ​യും​കു​റി​ച്ചു​ളള തന്റെ പരിജ്ഞാ​ന​ത്തി​നു ചേർച്ച​യിൽ പ്രവർത്തി​ക്കു​ക​യും ചെയ്യു​ക​യാ​യി​രു​ന്നു.—യോഹ​ന്നാൻ 8:23, 28, 29, 38; 1 യോഹ​ന്നാൻ 4:8.

5. യേശു സ്‌നാ​പ​ന​മേ​റ​റത്‌ എന്തു​കൊണ്ട്‌, അവൻ തന്റെ സ്‌നാ​പ​ന​ത്തി​ന്റെ അർഥത്തിന്‌ അനു​യോ​ജ്യ​മാ​യി ജീവി​ച്ചത്‌ എങ്ങനെ?

⁵ യേശു​വി​ന്റെ പരിജ്ഞാ​നം നിർണാ​യ​ക​മായ ഒരു നടപടി സ്വീക​രി​ക്കാ​നും അവനെ പ്രേരി​പ്പി​ച്ചി​രു​ന്നു. അവൻ ഗലീല​യിൽനി​ന്നു യോർദാൻന​ദി​യി​ലേക്കു വന്നു, അവി​ടെ​വച്ചു യോഹ​ന്നാൻ അവനെ സ്‌നാ​ന​പ്പെ​ടു​ത്തി. (മത്തായി 3:13-15) യേശു​വി​ന്റെ സ്‌നാ​പനം എന്തിനെ പ്രതീ​ക​വൽക്ക​രി​ച്ചു? ഒരു യഹൂദ​നെന്ന നിലയിൽ അവൻ ദൈവ​ത്തി​നു സമർപ്പി​ത​മാ​യി​രുന്ന ഒരു ജനതയിൽ ജനിച്ചു. അതു​കൊ​ണ്ടു യേശു ജനനം മുതൽതന്നെ സമർപ്പി​ത​നാ​യി​രു​ന്നു. (പുറപ്പാ​ടു 19:5, 6) സ്‌നാ​പ​ന​ത്തി​നു വിധേ​യ​നാ​യ​തി​നാൽ അവൻ തനിക്കു​വേ​ണ്ടി​യു​ളള അക്കാലത്തെ ദൈ​വേഷ്ടം ചെയ്യാൻ തന്നേത്തന്നെ ഏല്‌പി​ച്ചു​കൊ​ടു​ക്കു​ക​യാ​യി​രു​ന്നു. (എബ്രായർ 10:5, 7) യേശു തന്റെ സ്‌നാ​പ​ന​ത്തി​ന്റെ അർഥത്തിന്‌ അനു​യോ​ജ്യ​മാ​യി ജീവിച്ചു. അവൻ യഹോ​വ​യു​ടെ സേവന​ത്തിൽ കഠിനാ​ധ്വാ​നം​ചെ​യ്‌തു, ഏതവസ​ര​ത്തി​ലും ആളുകൾക്കു ദൈവ​പ​രി​ജ്ഞാ​നം പങ്കു​വെ​ച്ചു​കൊ​ണ്ടു​തന്നെ. യേശു ദൈ​വേഷ്ടം ചെയ്യു​ന്ന​തിൽ ഉല്ലാസം കണ്ടെത്തി, അത്‌ അവന്‌ ആഹാരം പോ​ലെ​യാ​ണെന്നു പറഞ്ഞു​കൊ​ണ്ടു​പോ​ലും.—യോഹ​ന്നാൻ 4:34.

6. യേശു ഏതു വിധത്തിൽ തന്നേത്തന്നെ ത്യജിച്ചു?

⁶ യഹോ​വ​യു​ടെ ഇഷ്ടം ചെയ്യു​ന്നതു വളരെ ചെലവു​വ​രു​ത്തു​ന്ന​താ​ണെന്ന്‌—അത്‌ അവന്റെ ജീവൻപോ​ലും നഷ്ടപ്പെ​ടു​ത്തു​ന്ന​താ​ണെന്ന്‌—യേശു പൂർണ​മാ​യും തിരി​ച്ച​റി​ഞ്ഞു. എന്നുവ​രി​കി​ലും, യേശു തന്റെ  വ്യക്തി​പ​ര​മായ ആവശ്യ​ങ്ങളെ രണ്ടാം സ്ഥാനത്തു വെച്ചു​കൊ​ണ്ടു തന്നെത്താൻ ത്യജിച്ചു. ദൈവ​ത്തി​ന്റെ ഇഷ്ടം ചെയ്യു​ന്നത്‌ എപ്പോ​ഴും ഒന്നാം സ്ഥാനത്താ​യി​രു​ന്നു. ഈ കാര്യ​ത്തിൽ, നമുക്ക്‌ എങ്ങനെ യേശു​വി​ന്റെ പൂർണ​ത​യു​ളള മാതൃക പിന്തു​ട​രാൻ കഴിയും?

നിത്യ​ജീ​വ​നി​ലേക്കു നയിക്കുന്ന പടികൾ

7. സ്‌നാ​പ​ന​ത്തി​നു യോഗ്യത നേടാൻ ഒരുവൻ സ്വീക​രി​ക്കേണ്ട ചില പടികൾ ഏവ?

⁷ യേശു​വിൽനി​ന്നു വ്യത്യ​സ്‌ത​മാ​യി, നാം അപൂർണ​രാണ്‌, മററു മർമ​പ്ര​ധാ​ന​മായ പടികൾ സ്വീക​രി​ച്ച​തി​നു​ശേഷം മാത്രമേ നമുക്കു സ്‌നാ​പ​ന​മാ​കുന്ന നാഴി​ക​ക്ക​ല്ലി​ങ്കൽ എത്താൻ കഴിക​യു​ളളു. ഇതു യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചു​ളള പരിജ്ഞാ​നം നമ്മുടെ ഹൃദയ​ത്തിൽ ഉൾക്കൊ​ള​ളു​ന്ന​തോ​ടെ തുടങ്ങു​ന്നു. ഇതു ചെയ്യു​ന്നതു നാം വിശ്വാ​സം പ്രകട​മാ​ക്കാ​നും ദൈവ​ത്തോട്‌ അഗാധ​മായ സ്‌നേ​ഹ​മു​ണ്ടാ​യി​രി​ക്കാ​നും ഇടയാ​ക്കു​ന്നു. (മത്തായി 22:37-40; റോമർ 10:17; എബ്രായർ 11:6) ദൈവ​ത്തി​ന്റെ നിയമ​ങ്ങ​ളു​ടെ​യും തത്ത്വങ്ങ​ളു​ടെ​യും പ്രമാ​ണ​ങ്ങ​ളു​ടെ​യും അനുസ​രണം നാം നമ്മുടെ കഴിഞ്ഞ​കാല പാപങ്ങൾ സംബന്ധി​ച്ചു ദൈവി​ക​ദുഃ​ഖം പ്രകട​മാ​ക്കി അനുത​പി​ക്കാൻ നമ്മെ പ്രേരി​പ്പി​ക്കണം. ഇതു പരിവർത്ത​ന​ത്തി​ലേക്കു നയിക്കു​ന്നു, അതായതു നമുക്കു ദൈവ​പ​രി​ജ്ഞാ​ന​മി​ല്ലാ​ഞ്ഞ​പ്പോൾ പിന്തു​ടർന്നു​പോന്ന ഏതു തെററായ ഗതിയും ഉപേക്ഷി​ച്ചു തിരി​ഞ്ഞു​വ​രു​ന്ന​തി​ലേക്കു നയിക്കു​ന്നു. (പ്രവൃ​ത്തി​കൾ 3:19) സ്വാഭാ​വി​ക​മാ​യി, നീതി പ്രവർത്തി​ക്കു​ന്ന​തി​നു പകരം നാം ഏതെങ്കി​ലും പാപം അപ്പോ​ഴും രഹസ്യ​മാ​യി ചെയ്‌തു​കൊ​ണ്ടി​രി​ക്കു​ക​യാ​ണെ​ങ്കിൽ നമ്മൾ യഥാർഥ​ത്തിൽ തിരി​ഞ്ഞു​വ​ന്നി​ട്ടില്ല. ദൈവത്തെ കബളി​പ്പി​ച്ചെന്നു കരുതു​ക​യും വേണ്ട. യഹോവ എല്ലാ കപടഭാ​വ​വും കണ്ടുപി​ടി​ക്കു​ന്നു.—ലൂക്കൊസ്‌ 12:2, 3.

8. നിങ്ങൾ രാജ്യ​പ്ര​സം​ഗ​പ്ര​വർത്ത​ന​ത്തിൽ പങ്കെടു​ക്കാൻ ആഗ്രഹി​ക്കു​മ്പോൾ ഏതു നടപടി സ്വീക​രി​ക്കണം?

⁸ നിങ്ങൾ ദൈവ​പ​രി​ജ്ഞാ​നം സ്വീക​രി​ച്ചു​കൊ​ണ്ടി​രി​ക്കുന്ന സ്ഥിതിക്കു വളരെ വ്യക്തി​പ​ര​മായ ഒരു വിധത്തിൽ ആത്മീയ കാര്യ​ങ്ങ​ളെ​ക്കു​റി​ച്ചു പരിചി​ന്തി​ക്കു​ന്നത്‌ ഉചിത​മല്ലേ? നിങ്ങളു​ടെ ബന്ധുക്ക​ളോ​ടും സുഹൃ​ത്തു​ക്ക​ളോ​ടും മററു​ള​ള​വ​രോ​ടും നിങ്ങൾ പഠിച്ചു​കൊ​ണ്ടി​രി​ക്കു​ന്ന​തി​നെക്കു​റി​ച്ചു പറയാൻ നിങ്ങൾക്ക്‌ ആകാം​ക്ഷ​യു​ണ്ടാ​യി​രി​ക്കാ​നി​ട​യുണ്ട്‌. യഥാർഥ​ത്തിൽ, നിങ്ങൾ ഇപ്പോൾത്തന്നെ ഇതു ചെയ്യു​ന്നു​ണ്ടാ​യി​രി​ക്കാം, യേശു അനൗപ​ചാ​രിക പശ്ചാത്ത​ല​ങ്ങ​ളിൽ മററു​ള​ള​വർക്കു സുവാർത്ത പങ്കു​വെ​ച്ച​തു​പോ​ലെ​തന്നെ. (ലൂക്കൊസ്‌ 10:38, 39; യോഹ​ന്നാൻ 4:6-15) ഇപ്പോൾ നിങ്ങൾ കൂടുതൽ ചെയ്യാൻ ആഗ്രഹി​ച്ചേ​ക്കാം. നിങ്ങൾക്കു യഹോ​വ​യു​ടെ സാക്ഷി​ക​ളു​ടെ നിരന്തര രാജ്യ​പ്ര​സംഗ പ്രവർത്ത​ന​ത്തിൽ കുറെ പങ്കുവ​ഹി​ക്കാൻ യോഗ്യ​ത​യും പ്രാപ്‌തി​യു​മു​ണ്ടോ​യെന്നു തിട്ട​പ്പെ​ടു​ത്തു​ന്ന​തി​നു നിങ്ങളു​മാ​യി സംസാ​രി​ക്കാൻ ക്രിസ്‌തീയ മൂപ്പൻമാർക്കു സന്തോ​ഷ​മു​ണ്ടാ​യി​രി​ക്കും.  നിങ്ങൾ യോഗ്യ​നും പ്രാപ്‌ത​നു​മാ​ണെ​ങ്കിൽ, നിങ്ങൾ ശുശ്രൂ​ഷ​യിൽ ഒരു സാക്ഷി​യോ​ടു​കൂ​ടെ പോകാൻ മൂപ്പൻമാർ ക്രമീ​ക​രണം ചെയ്യും. ഒരു ക്രമീ​കൃ​ത​മായ വിധത്തിൽ തങ്ങളുടെ ശുശ്രൂഷ നിർവ​ഹി​ക്കു​ന്ന​തി​നു യേശു​വി​ന്റെ ശിഷ്യൻമാർ അവന്റെ നിർദേ​ശങ്ങൾ അനുസ​രി​ച്ചു. (മർക്കൊസ്‌ 6:7, 30; ലൂക്കൊസ്‌ 10:1) നിങ്ങൾ വീടു​തോ​റും മാത്രമല്ല, മററു വിധങ്ങ​ളി​ലും രാജ്യ​സ​ന്ദേശം പരത്തു​ന്ന​തിൽ പങ്കെടു​ക്കു​മ്പോൾ നിങ്ങൾക്കു സമാന​മായ സഹായ​ത്തിൽനി​ന്നു പ്രയോ​ജനം കിട്ടും.—പ്രവൃ​ത്തി​കൾ 20:20, 21.

9. ഒരു വ്യക്തി ദൈവ​ത്തി​നു സമർപ്പി​ക്കു​ന്നത്‌ എങ്ങനെ, സമർപ്പണം വ്യക്തി​യു​ടെ ജീവി​തത്തെ ബാധി​ക്കു​ന്നത്‌ എങ്ങനെ?

⁹ സഭയുടെ പ്രദേ​ശത്ത്‌ എല്ലാത്തരം ആളുക​ളോ​ടും സുവാർത്ത പ്രസം​ഗി​ക്കു​ന്നതു നീതി​പ്ര​കൃ​ത​മു​ള​ള​വരെ കണ്ടെത്തു​ന്ന​തി​നു​ളള ഒരു മാർഗ​മാണ്‌, നിങ്ങൾക്കു വിശ്വാ​സ​മു​ണ്ടെന്നു തെളി​യി​ക്കുന്ന സത്‌പ്ര​വൃ​ത്തി​ക​ളിൽപ്പെ​ടു​ന്ന​തുമാ​ണത്‌. (പ്രവൃ​ത്തി​കൾ 10:34, 35; യാക്കോബ്‌ 2:17, 18, 26) ക്രിസ്‌തീയ യോഗ​ങ്ങ​ളി​ലെ ക്രമമായ ഹാജരും പ്രസം​ഗ​വേ​ല​യി​ലെ അർഥവ​ത്തായ പങ്കുപ​റ​റ​ലും നിങ്ങൾ അനുത​പി​ച്ചു തിരി​ഞ്ഞു​വ​ന്നി​രി​ക്കു​ന്നു​വെ​ന്നും ഇപ്പോൾ ദൈവ​പ​രി​ജ്ഞാ​ന​ത്തിന്‌ അനുസൃ​ത​മാ​യി ജീവി​ക്കാൻ നിശ്ചയി​ച്ചി​രി​ക്കു​ന്നു​വെ​ന്നും പ്രകട​മാ​ക്കു​ന്ന​തി​നു​ളള മാർഗ​ങ്ങ​ളാണ്‌. യുക്തി​പൂർവ​ക​മായ അടുത്ത പടി എന്താണ്‌? അതു യഹോ​വ​യാം ദൈവ​ത്തി​നു സമർപ്പ​ണം​ചെ​യ്യു​ക​യെ​ന്ന​താണ്‌. അതിന്റെ അർഥം നിങ്ങൾ മനസ്സോ​ടെ​യും മുഴു​ഹൃ​ദ​യ​ത്തോ​ടെ​യും ദൈവ​ത്തി​ന്റെ ഇഷ്ടം​ചെ​യ്യു​ന്ന​തി​നു നിങ്ങളു​ടെ ജീവിതം അവന്‌ അർപ്പി​ക്കു​ന്നു​വെന്നു ഹൃദയം​ഗ​മ​മായ പ്രാർഥ​ന​യിൽ അവനോ​ടു പറയുന്നു എന്നാണ്‌. നിങ്ങ​ളെ​ത്തന്നെ യഹോ​വക്കു സമർപ്പി​ക്കു​ന്ന​തി​നും യേശു​ക്രി​സ്‌തു​വി​ന്റെ സൗമ്യ​മായ നുകം സ്വീക​രി​ക്കു​ന്ന​തി​നു​മു​ളള മാർഗ​മാ​ണിത്‌.—മത്തായി 11:29, 30.

സ്‌നാ​പനം—അതു നിങ്ങൾക്ക്‌ അർഥമാ​ക്കു​ന്നത്‌

10. നിങ്ങൾ യഹോ​വക്കു നിങ്ങ​ളെ​ത്തന്നെ സമർപ്പി​ച്ച​ശേഷം സ്‌നാ​പ​ന​മേൽക്കേ​ണ്ടത്‌ എന്തു​കൊണ്ട്‌?

¹⁰ യേശു പറയു​ന്ന​ത​നു​സ​രിച്ച്‌ അവന്റെ ശിഷ്യ​രാ​കു​ന്ന​വ​രെ​ല്ലാം സ്‌നാ​പ​ന​മേൽക്കണം. (മത്തായി 28:19, 20) ദൈവ​ത്തി​നു സമർപ്പണം ചെയ്‌ത​ശേഷം ഇതാവ​ശ്യ​മാ​യി​രി​ക്കു​ന്നത്‌ എന്തു​കൊണ്ട്‌? നിങ്ങൾ നിങ്ങ​ളെ​ത്തന്നെ യഹോ​വക്കു സമർപ്പി​ച്ചി​രി​ക്കു​ന്ന​തു​കൊ​ണ്ടു നിങ്ങൾ അവനെ സ്‌നേ​ഹി​ക്കു​ന്നു​വെന്ന്‌ അവനറി​യാം. എന്നാൽ ദൈവ​ത്തോ​ടുള്ള നിങ്ങളു​ടെ സ്‌നേ​ഹ​ത്തെ​ക്കു​റി​ച്ചു മറ്റുള്ള​വരെ അറിയി​ക്കു​ന്ന​തിന്‌ കൂടു​ത​ലായ നടപടി സ്വീക​രി​ക്കാൻ നിങ്ങൾ ആഗ്രഹി​ക്കു​മെ​ന്നു​ള്ള​തി​നു സംശയ​മില്ല. ശരി, സ്‌നാ​പനം യഹോ​വ​യാം ദൈവ​ത്തി​നാ​യു​ളള നിങ്ങളു​ടെ സമർപ്പ​ണത്തെ പരസ്യ​മാ​യി അറിയി​ക്കാ​നു​ളള ഒരു അവസരം നിങ്ങൾക്കു നൽകുന്നു.—റോമർ 10:9, 10.

11. സ്‌നാ​പ​ന​ത്തി​ന്റെ അർഥ​മെന്ത്‌?

¹¹ സ്‌നാ​പ​ന​ത്തി​നു വമ്പിച്ച പ്രതീ​കാ​ത്മക അർഥമുണ്ട്‌. നിങ്ങൾ വെളള​ത്തിൽ  മുക്ക​പ്പെ​ടു​മ്പോൾ അല്ലെങ്കിൽ “കുഴി​ച്ചി​ട​പ്പെടു”മ്പോൾ അതു നിങ്ങൾ മുൻ ജീവി​ത​ഗതി സംബന്ധി​ച്ചു മരിച്ച​തു​പോ​ലെ​യാണ്‌. നിങ്ങൾ വെളള​ത്തിൽനി​ന്നു പുറത്തു​വ​രു​മ്പോൾ നിങ്ങൾ ഒരു പുതു​ജീ​വി​ത​ത്തി​ലേക്ക്‌, നിങ്ങളു​ടെ സ്വന്തം ഇഷ്ടത്താലല്ല ദൈവ​ത്തി​ന്റെ ഇഷ്ടത്താൽ ഭരിക്ക​പ്പെ​ടുന്ന ഒരു ജീവി​ത​ത്തി​ലേക്ക്‌, ഉയർന്നു​വ​രു​ന്ന​തു​പോ​ലെ​യാ​ണത്‌. തീർച്ച​യാ​യും, നിങ്ങൾ മേലാൽ തെററു​കൾ ചെയ്യു​ക​യി​ല്ലെന്ന്‌ അതിനർഥ​മില്ല, കാരണം നമ്മളെ​ല്ലാം അപൂർണ​രാണ്‌, തന്നിമി​ത്തം അനുദി​നം പാപം ചെയ്യുന്നു. എന്നിരു​ന്നാ​ലും, സ്‌നാ​പ​ന​മേററ യഹോ​വ​യു​ടെ ഒരു സമർപ്പിത ദാസനോ ദാസി​യോ എന്നനി​ല​യിൽ നിങ്ങൾ അവനു​മാ​യി ഒരു പ്രത്യേക ബന്ധത്തി​ലേക്കു വന്നിരി​ക്കും. നിങ്ങളു​ടെ അനുതാ​പ​വും സ്‌നാ​പ​ന​ത്തി​നു നിങ്ങൾ വിനീ​ത​മാ​യി വിധേ​യ​മാ​യ​തും നിമിത്തം യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ നിങ്ങളു​ടെ പാപങ്ങൾ മോചി​ക്കാൻ യഹോവ സന്നദ്ധനാണ്‌. അങ്ങനെ സ്‌നാ​പനം ദൈവ​മു​മ്പാ​കെ ഒരു ശുദ്ധമ​ന​സ്സാ​ക്ഷി​യി​ലേക്കു നയിക്കു​ന്നു.—1 പത്രൊസ്‌ 3:21.

12. (എ) ‘പിതാ​വി​ന്റെ നാമത്തിൽ’ (ബി) ‘പുത്രന്റെ നാമത്തിൽ’ (സി) ‘പരിശു​ദ്ധാ​ത്മാ​വി​ന്റെ നാമത്തിൽ,’ സ്‌നാ​പ​ന​മേൽക്കുക എന്നതിന്റെ അർഥ​മെന്ത്‌?

¹² പുതിയ ശിഷ്യരെ “പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ” സ്‌നാ​പനം ചെയ്യാൻ യേശു തന്റെ അനുഗാ​മി​ക​ളോ​ടു കല്‌പി​ച്ചു. (മത്തായി 28:19) യേശു എന്തർഥ​മാ​ക്കി? ‘പിതാ​വി​ന്റെ നാമത്തി​ലു​ളള’ സ്‌നാ​പനം സ്‌നാ​പ​ന​മേൽക്കുന്ന ആൾ യഹോ​വ​യാം ദൈവത്തെ സ്രഷ്ടാ​വും അഖിലാ​ണ്ഡ​ത്തി​ന്റെ നീതി​യു​ക്ത​നായ പരമാ​ധി​കാ​രി​യു​മാ​യി മുഴു​ഹൃ​ദ​യ​ത്തോ​ടെ സ്വീക​രി​ക്കു​ന്നു​വെന്നു സൂചി​പ്പി​ക്കു​ന്നു. (സങ്കീർത്തനം 36:9; 83:18; സഭാ​പ്ര​സം​ഗി 12:1) ‘പുത്രന്റെ നാമത്തിൽ’ സ്‌നാ​പ​ന​മേൽക്കു​ന്നതു വ്യക്തി യേശു​ക്രി​സ്‌തു​വി​നെ—വിശേ​ഷാൽ അവന്റെ മറുവി​ല​യാ​ഗത്തെ—ദൈവം പ്രദാ​നം​ചെ​യ്യുന്ന ഏക രക്ഷാമാർഗ​മാ​യി അംഗീ​ക​രി​ക്കു​ന്നു​വെന്ന്‌ അർഥമാ​ക്കു​ന്നു. (പ്രവൃ​ത്തി​കൾ 4:12) ‘പരിശു​ദ്ധാ​ത്മാ​വി​ന്റെ നാമത്തി​ലു​ളള’ സ്‌നാ​പനം സ്‌നാ​പ​നാർഥി യഹോ​വ​യു​ടെ ആത്മാവി​നാൽ നയിക്ക​പ്പെ​ടുന്ന സ്ഥാപന​ത്തോ​ടു​ളള ബന്ധത്തിൽ അവന്റെ ഉദ്ദേശ്യ​ങ്ങൾ നിറ​വേ​റ​റു​ന്ന​തി​നും അവന്റെ നീതി​യു​ളള ഇഷ്ടം ചെയ്യു​ന്ന​തിന്‌ അവന്റെ ദാസരെ ശക്തി​പ്പെ​ടു​ത്തു​ന്ന​തി​നു​മു​ളള ദൈവ​ത്തി​ന്റെ ഉപകര​ണ​മെന്ന നിലയിൽ യഹോ​വ​യു​ടെ പരിശു​ദ്ധാ​ത്മാ​വി​നെ അഥവാ പ്രവർത്ത​ന​നി​ര​ത​മായ ശക്തിയെ അംഗീ​ക​രി​ക്കു​ന്നു​വെന്നു സൂചി​പ്പി​ക്കു​ന്നു.—ഉല്‌പത്തി 1:2; സങ്കീർത്തനം 104:30; യോഹ​ന്നാൻ 14:26; 2 പത്രൊസ്‌ 1:21.

നിങ്ങൾ സ്‌നാ​പ​ന​ത്തി​നു തയ്യാറാ​ണോ?

13, 14. നാം യഹോ​വ​യാം ദൈവത്തെ സേവി​ക്കാൻ തീരു​മാ​നി​ക്കു​ന്ന​തി​നു ഭയപ്പെ​ട​രു​താ​ത്തത്‌ എന്തു​കൊണ്ട്‌?

¹³ സ്‌നാ​പനം വളരെ അർഥവ​ത്തും ഒരു വ്യക്തി​യു​ടെ ജീവി​ത​ത്തി​ലെ ഏറ്റം പ്രധാ​ന​പ്പെട്ട നാഴി​ക​ക്ക​ല്ലു​മാ​യ​തി​നാൽ നിങ്ങൾ ഭയക്കേണ്ട ഒരു  നടപടി​യാ​ണോ അത്‌? അശേഷമല്ല! സ്‌നാ​പ​ന​മേൽക്കാ​നു​ളള തീരു​മാ​നം നിസ്സാ​ര​മാ​യി കണക്കാ​ക്കേ​ണ്ട​ത​ല്ലെന്നു മാത്രമല്ല, അതു നിസ്‌തർക്ക​മാ​യി നിങ്ങൾക്കു സ്വീക​രി​ക്കാൻക​ഴി​യുന്ന ഏററം ജ്ഞാനപൂർവ​ക​മായ നടപടി​യു​മാണ്‌.

¹⁴ സ്‌നാ​പനം യഹോ​വ​യാം ദൈവത്തെ സേവി​ക്കാ​നു​ളള നിങ്ങളു​ടെ തീരു​മാ​ന​ത്തി​ന്റെ തെളി​വാണ്‌. നിങ്ങൾ സമ്പർക്ക​ത്തിൽ വരുന്ന അറിയാ​വുന്ന ആളുക​ളെ​ക്കു​റി​ച്ചു ചിന്തി​ക്കുക. അവരിൽ ഓരോ​രു​ത്ത​രും ഒന്നല്ലെ​ങ്കിൽ മറെറാ​രു വിധത്തിൽ ഒരു യജമാ​നനെ സേവി​ക്കു​ക​യല്ലേ? ചിലർ ധനത്തി​നു​വേണ്ടി അടിമ​വേല ചെയ്യുന്നു. (മത്തായി 6:24) മററു ചിലർ പാടു​പെട്ടു തങ്ങളുടെ ജീവി​ത​വൃ​ത്തി പിന്തു​ട​രു​ന്നു, അല്ലെങ്കിൽ തങ്ങളുടെ മോഹ​ങ്ങ​ളു​ടെ തൃപ്‌തി​പ്പെ​ടു​ത്ത​ലി​നെ ജീവി​ത​ത്തി​ലെ പരമ​പ്ര​ധാന സംഗതി​യാ​ക്കി​ക്കൊ​ണ്ടു തങ്ങളെ​ത്തന്നെ സേവി​ക്കു​ന്നു. വേറെ ചിലർ വ്യാജ​ദൈ​വ​ങ്ങളെ സേവി​ക്കു​ന്നു. എന്നാൽ നിങ്ങൾ സത്യ​ദൈ​വ​മായ യഹോ​വയെ സേവി​ക്കാൻ തീരു​മാ​നി​ച്ചി​രി​ക്കു​ന്നു. വേറെ ആരും അവനെ​പ്പോ​ലെ ഇത്ര ദയയും സഹതാ​പ​വും സ്‌നേ​ഹ​വും പ്രകട​മാ​ക്കു​ന്നില്ല. മനുഷ്യ​രെ രക്ഷയി​ലേക്കു നയിക്കുന്ന ഉദ്ദേശ്യ​പൂർവ​ക​മായ വേല നൽകി​ക്കൊ​ണ്ടു ദൈവം അവരെ മാനി​ക്കു​ന്നു. അവൻ തന്റെ ദാസൻമാർക്കു നിത്യ​ജീ​വന്റെ പ്രതി​ഫലം നൽകുന്നു. തീർച്ച​യാ​യും, യേശു​വി​ന്റെ മാതൃക പിന്തു​ട​രു​ന്ന​തും യഹോ​വക്കു നിങ്ങളു​ടെ ജീവിതം അർപ്പി​ക്കു​ന്ന​തും ഭയക്കേണ്ട ഒരു ഗതിയല്ല. യഥാർഥ​ത്തിൽ, അതുമാ​ത്ര​മാ​ണു ദൈവത്തെ പ്രസാ​ദി​പ്പി​ക്കു​ന്ന​തും പൂർണ​മാ​യും അർഥവ​ത്താ​യി​രി​ക്കു​ന്ന​തു​മായ ഗതി.—1 രാജാ​ക്കൻമാർ 18:21.

15. സ്‌നാ​പ​ന​ത്തി​നു​ളള ചില സാധാരണ തടസ്സങ്ങ​ളേവ?

¹⁵ എന്നിരു​ന്നാ​ലും, സ്‌നാ​പനം സമ്മർദം നിമിത്തം സ്വീക​രി​ക്കേണ്ട ഒരു നടപടി​യല്ല. അതു നിങ്ങൾക്കും യഹോ​വ​ക്കും മധ്യേ​യു​ളള വ്യക്തി​പ​ര​മായ ഒരു സംഗതി​യാണ്‌. (ഗലാത്യർ 6:4) നിങ്ങൾ ആത്മീയ പുരോ​ഗതി വരുത്തി​യി​രി​ക്കു​ന്ന​തി​നാൽ “സ്‌നാ​പ​ന​മേൽക്കു​ന്ന​തിൽനിന്ന്‌ എന്നെ തടയു​ന്നത്‌ എന്ത്‌?” എന്നറി​യാൻ നിങ്ങൾ ആഗ്രഹി​ച്ചി​ട്ടു​ണ്ടാ​യി​രി​ക്കാം. (പ്രവൃ​ത്തി​കൾ 8:35, 36, NW) നിങ്ങൾക്കു നിങ്ങ​ളോ​ടു​തന്നെ ഇങ്ങനെ ചോദി​ക്കാ​വു​ന്ന​താണ്‌: ‘കുടും​ബ​ത്തി​ലെ എതിർപ്പ്‌ എന്നെ പിന്തി​രി​പ്പി​ക്കു​ക​യാ​ണോ? ഞാൻ ഇപ്പോ​ഴും ഏതെങ്കി​ലും തിരു​വെ​ഴു​ത്തു​വി​രു​ദ്ധ​മായ സാഹച​ര്യ​ത്തി​ലോ പാപപൂർണ​മായ നടപടി​യി​ലോ ഉൾപ്പെ​ട്ടി​രി​ക്കു​ക​യാ​ണോ? ഞാൻ ജനസമു​ദാ​യ​ത്തി​ലെ പ്രീതി നഷ്ടപ്പെ​ടു​മെന്നു ഭയപ്പെ​ടു​ക​യാ​യി​രി​ക്കു​മോ?’ ഇവ പരിചി​ന്തി​ക്കാ​നു​ളള ചില കാര്യ​ങ്ങ​ളാണ്‌, എന്നാൽ അവയെ യാഥാർഥ്യ​ബോ​ധ​ത്തോ​ടെ വിലയി​രു​ത്തുക.

16. യഹോ​വയെ സേവി​ക്കു​ന്ന​തു​കൊ​ണ്ടു നിങ്ങൾക്ക്‌ എങ്ങനെ പ്രയോ​ജനം കിട്ടും?

¹⁶ യഹോ​വയെ സേവി​ക്കു​ന്ന​തി​ന്റെ പ്രയോ​ജ​നങ്ങൾ പരിഗ​ണി​ക്കാ​തെ നിഷേ​ധാ​ത്മ​ക​വ​ശങ്ങൾ വിലയി​രു​ത്തു​ന്നതു യാഥാർഥ്യ​ബോ​ധമല്ല. ഉദാഹ​ര​ണ​ത്തിന്‌, കുടും​ബ​ത്തി​ലെ എതിർപ്പി​ന്റെ കാര്യ​മെ​ടു​ക്കുക.  തന്നെ അനുഗ​മി​ക്കു​ന്നതു നിമിത്തം തന്റെ ശിഷ്യൻമാർക്കു ബന്ധുക്കളെ നഷ്ടപ്പെ​ട്ടാ​ലും അവർ വലിപ്പ​മേ​റിയ ഒരു ആത്മീയ കുടും​ബത്തെ നേടു​മെന്നു യേശു വാഗ്‌ദത്തം ചെയ്‌തു. (മർക്കൊസ്‌ 10:29, 30) ഈ സഹവി​ശ്വാ​സി​കൾ നിങ്ങ​ളോ​ടു സഹോ​ദ​ര​സ്‌നേഹം പ്രകട​മാ​ക്കും, പീഡനം സഹിക്കാൻ നിങ്ങളെ സഹായി​ക്കും, ജീവന്റെ മാർഗ​ത്തിൽ നിങ്ങളെ പിന്താ​ങ്ങു​ക​യും ചെയ്യും. (1 പത്രൊസ്‌ 5:9) വിശേ​ഷാൽ സഭാമൂ​പ്പൻമാർക്കു പ്രശ്‌ന​ങ്ങളെ നേരി​ടാ​നും മററു വെല്ലു​വി​ളി​കളെ തരണം​ചെ​യ്യാ​നും നിങ്ങളെ സഹായി​ക്കാ​നാ​വും. (യാക്കോബ്‌ 5:14-16) ഈ ലോക​ത്തി​ലെ പ്രീതി നഷ്ടപ്പെ​ടു​ന്നതു സംബന്ധി​ച്ചാ​ണെ​ങ്കിൽ നിങ്ങൾക്കു സ്വയം ഇങ്ങനെ ചോദി​ക്കാ​വു​ന്ന​താണ്‌, ‘ഞാൻ തിര​ഞ്ഞെ​ടുത്ത ജീവി​ത​ഗ​തി​യാൽ അഖിലാ​ണ്ഡ​സ്ര​ഷ്ടാ​വി​നെ സന്തോ​ഷി​പ്പി​ച്ചു​കൊണ്ട്‌ അവന്റെ അംഗീ​കാ​രം നേടു​ന്ന​തി​നോ​ടു താരത​മ്യ​പ്പെ​ടു​ത്താ​വുന്ന മറെറ​ന്താ​ണു​ള​ളത്‌?’—സദൃശ​വാ​ക്യ​ങ്ങൾ 27:11.

നിങ്ങളു​ടെ സമർപ്പ​ണ​ത്തി​നും സ്‌നാ​പ​ന​ത്തി​നും അനുസൃ​ത​മാ​യി ജീവിക്കൽ

17. നിങ്ങൾ സ്‌നാ​പ​നത്തെ ഒരു അവസാ​ന​മാ​യി​ട്ടല്ല, പിന്നെ​യോ ഒരു ആരംഭ​മാ​യി വീക്ഷി​ക്കേ​ണ്ടത്‌ എന്തു​കൊണ്ട്‌?

¹⁷ സ്‌നാ​പനം നിങ്ങളു​ടെ ആത്മീയ പുരോ​ഗ​തി​യു​ടെ അവസാ​ന​മ​ല്ലെന്ന്‌ ഓർത്തി​രി​ക്കു​ന്നതു പ്രധാ​ന​മാണ്‌. അത്‌ ഒരു നിയമിത ശുശ്രൂ​ഷ​ക​നും യഹോ​വ​യു​ടെ സാക്ഷി​ക​ളി​ലൊ​രാ​ളു​മെന്ന നിലയി​ലു​ളള ആജീവ​നാന്ത ദൈവ​സേ​വ​ന​ത്തി​ന്റെ തുടക്കത്തെ കുറി​ക്കു​ന്നു. സ്‌നാ​പനം മർമ​പ്ര​ധാ​ന​മാ​ണെ​ങ്കി​ലും അതു രക്ഷയുടെ ഉറപ്പല്ല. ‘സ്‌നാ​പ​ന​മേൽക്കുന്ന ഏവനും രക്ഷിക്ക​പ്പെ​ടും’ എന്നു യേശു പറഞ്ഞില്ല. മറിച്ച്‌, “അവസാ​ന​ത്തോ​ളം സഹിച്ചു​നി​ന്നി​രി​ക്കു​ന്ന​വ​നാ​ണു രക്ഷിക്ക​പ്പെ​ടു​ന്നവൻ” എന്നു അവൻ പറഞ്ഞു. (മത്തായി 24:13, NW) അതു​കൊണ്ട്‌, ദൈവ​രാ​ജ്യ​ത്തെ നിങ്ങളു​ടെ ജീവി​ത​ത്തി​ലെ പരമ​പ്ര​ധാ​ന​മായ താത്‌പ​ര്യ​മാ​ക്കി​ക്കൊണ്ട്‌ ഒന്നാമത്‌ അതന്വേ​ഷി​ക്കു​ന്നതു മർമ​പ്ര​ധാ​ന​മാണ്‌.—മത്തായി 6:25-34.

18. സ്‌നാ​പ​ന​ത്തി​നു​ശേഷം, പിന്തു​ട​രാ​വുന്ന ചില ലാക്കുകൾ ഏവ?

¹⁸ യഹോ​വ​യു​ടെ സേവന​ത്തിൽ നിലനിൽക്കു​ന്ന​തി​നു നിങ്ങൾ നിങ്ങൾക്കു​വേണ്ടി ആത്മീയ ലാക്കുകൾ വെക്കാ​നാ​ഗ്ര​ഹി​ക്കും. മൂല്യ​വ​ത്തായ ഒരു ലാക്ക്‌ അവന്റെ വചനത്തി​ന്റെ വ്യക്തി​പ​ര​മായ നിരന്ത​ര​പ​ഠ​ന​ത്താൽ നിങ്ങളു​ടെ ദൈവ​പ​രി​ജ്ഞാ​നം വർധി​പ്പി​ക്കുക എന്നതാണ്‌. ദൈനം​ദിന ബൈബിൾവാ​യ​നക്ക്‌ ആസൂ​ത്ര​ണം​ചെ​യ്യുക. (സങ്കീർത്തനം 1:1, 2) ക്രമമാ​യി ക്രിസ്‌തീയ യോഗ​ങ്ങൾക്കു ഹാജരാ​കുക, കാരണം നിങ്ങൾ അവിടെ കണ്ടെത്തുന്ന സഹവാസം നിങ്ങൾക്ക്‌ ആത്മീയ​ബലം നൽകാൻ സഹായി​ക്കും. സഭാ​യോ​ഗ​ങ്ങ​ളിൽ അഭി​പ്രാ​യം പറയു​ന്ന​തി​നും അങ്ങനെ യഹോ​വയെ സ്‌തു​തി​ക്കു​ന്ന​തി​നും മററു​ള​ള​വരെ പരിപു​ഷ്ടി​പ്പെ​ടു​ത്താൻ ശ്രമി​ക്കു​ന്ന​തി​നും എന്തു​കൊ​ണ്ടു വ്യക്തി​പ​ര​മാ​യി ലാക്കു​വെ​ച്ചു​കൂ​ടാ? (റോമർ 1:11, 12) മറെറാ​രു ലാക്ക്‌ നിങ്ങളു​ടെ  പ്രാർഥ​ന​ക​ളു​ടെ ഗുണം മെച്ച​പ്പെ​ടു​ത്തുക എന്നതാ​യി​രി​ക്കാം.—ലൂക്കൊസ്‌ 11:2-4.

19. ഏതു ഗുണങ്ങൾ പ്രകട​മാ​ക്കാൻ പരിശു​ദ്ധാ​ത്മാ​വി​നു നിങ്ങളെ സഹായി​ക്കാ​നാ​വും?

¹⁹ നിങ്ങളു​ടെ സ്‌നാ​പ​ന​ത്തി​ന്റെ അർഥമ​നു​സ​രി​ച്ചു ജീവി​ക്ക​ണ​മെ​ങ്കിൽ സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം എന്നിങ്ങ​നെ​യു​ളള ഗുണങ്ങൾ നിങ്ങളിൽ ഉളവാ​ക്കാൻ ദൈവ​ത്തി​ന്റെ പരിശു​ദ്ധാ​ത്മാ​വി​നെ അനുവ​ദി​ച്ചു​കൊണ്ട്‌, നിങ്ങൾ ചെയ്യു​ന്ന​തി​നു നിരന്തര ശ്രദ്ധ കൊടു​ക്കേ​ണ്ട​തുണ്ട്‌. (ഗലാത്യർ 5:22, 23; 2 പത്രൊസ്‌ 3:11) യഹോ​വ​യു​ടെ പരിശു​ദ്ധാ​ത്മാ​വി​നു​വേണ്ടി പ്രാർഥി​ക്കു​ക​യും തന്റെ വിശ്വ​സ്‌ത​ദാ​സ​രാ​യി തന്നെ അനുസ​രി​ക്കു​ക​യും ചെയ്യു​ന്ന​വർക്കെ​ല്ലാം അവൻ പരിശു​ദ്ധാ​ത്മാ​വി​നെ കൊടു​ക്കു​ന്നു​വെന്ന്‌ ഓർക്കുക. (ലൂക്കൊസ്‌ 11:13; പ്രവൃ​ത്തി​കൾ 5:32) അതു​കൊ​ണ്ടു ദൈവ​ത്തി​ന്റെ ആത്മാവി​നു​വേണ്ടി അവനോ​ടു പ്രാർഥി​ക്കു​ക​യും അവനെ പ്രസാ​ദി​പ്പി​ക്കുന്ന ഗുണങ്ങൾ പ്രകട​മാ​ക്കു​ന്ന​തിൽ സഹായ​ത്തി​നാ​യി അവനോ​ടു യാചി​ക്കു​ക​യും ചെയ്യുക. നിങ്ങൾ ദൈവാ​ത്മാ​വി​ന്റെ സ്വാധീ​ന​ത്തോ​ടു പ്രതി​ക​രി​ക്കു​മ്പോൾ നിങ്ങളു​ടെ സംസാ​ര​ത്തി​ലും നടത്തയി​ലും അങ്ങനെ​യു​ളള ഗുണങ്ങൾ കൂടുതൽ പ്രകട​മാ​യി​ത്തീ​രും. തീർച്ച​യാ​യും, ക്രിസ്‌തീയ സഭയിലെ ഓരോ വ്യക്തി​യും അധിക​മാ​യി ക്രിസ്‌തു​വി​നെ​പ്പോ​ലെ​യാ​യി​ത്തീ​ര​ത്ത​ക്ക​വണ്ണം “പുതിയ വ്യക്തി​ത്വം” വളർത്തി​യെ​ടു​ക്കാൻ കഠിന​ശ്രമം ചെയ്യു​ക​യാണ്‌. (കൊ​ലോ​സ്യർ 3:9-14, NW) ഇതു ചെയ്യു​ന്ന​തിൽ നമ്മിൽ ഓരോ​രു​ത്ത​രും വ്യത്യസ്‌ത വെല്ലു​വി​ളി​കളെ അഭിമു​ഖീ​ക​രി​ക്കു​ന്നു, എന്തു​കൊ​ണ്ടെ​ന്നാൽ നാം ആത്മീയ​പു​രോ​ഗ​തി​യു​ടെ വിവിധ ഘട്ടങ്ങളി​ലാണ്‌. നിങ്ങൾ അപൂർണ​നാ​യി​രി​ക്കു​ന്ന​തു​കൊണ്ട്‌ ഒരു ക്രിസ്‌തു​തു​ല്യ വ്യക്തി​ത്വം നേടാൻ നിങ്ങൾ കഠിന​വേല ചെയ്യേ​ണ്ട​തുണ്ട്‌. എന്നാൽ ഈ കാര്യ​ത്തിൽ ഒരിക്ക​ലും നിരാ​ശ​പ്പെ​ട​രുത്‌, കാരണം ദൈവ​സ​ഹാ​യ​ത്താൽ അതു സാധ്യ​മാണ്‌.

20. ശുശ്രൂ​ഷ​യിൽ നിങ്ങൾക്കു യേശു​വി​നെ ഏതു വിധങ്ങ​ളിൽ അനുക​രി​ക്കാ​നാ​വും?

²⁰ നിങ്ങളു​ടെ ആത്മീയ ലാക്കു​ക​ളിൽ യേശു​വി​ന്റെ സന്തോ​ഷ​പൂർണ​മായ ദൃഷ്ടാ​ന്തത്തെ കൂടുതൽ അടുത്ത്‌ അനുക​രി​ക്കു​ക​യെന്ന ലാക്ക്‌ ഉണ്ടായി​രി​ക്കേ​ണ്ട​താണ്‌. (എബ്രായർ 12:1-3) അവൻ ശുശ്രൂ​ഷയെ ഇഷ്ടപ്പെട്ടു. രാജ്യ​പ്ര​സംഗ പ്രവർത്ത​ന​ത്തിൽ പങ്കുപ​റ​റാ​നു​ളള പദവി നിങ്ങൾക്കു​ണ്ടെ​ങ്കിൽ, അപ്പോൾ അതു കേവലം ചടങ്ങ്‌ ആയിത്തീ​രാൻ അനുവ​ദി​ക്ക​രുത്‌. യേശു ചെയ്‌ത​തു​പോ​ലെ, ദൈവ​രാ​ജ്യ​ത്തെ സംബന്ധി​ച്ചു മററു​ള​ള​വരെ പഠിപ്പി​ക്കു​ന്ന​തിൽ സംതൃ​പ്‌തി കണ്ടെത്താൻ ശ്രമി​ക്കുക. ഒരു ഉപദേ​ഷ്ടാ​വെന്ന നിലയിൽ മെച്ച​പ്പെ​ടാൻ നിങ്ങളെ സഹായി​ക്കു​ന്ന​തി​നു സഭ നൽകുന്ന പ്രബോ​ധനം ഉപയോ​ഗ​പ്പെ​ടു​ത്തുക. നിങ്ങളു​ടെ ശുശ്രൂഷ നിറ​വേ​റ​റാൻ നിങ്ങൾക്കു ശക്തി നൽകു​ന്ന​തി​നു യഹോ​വക്കു കഴിയു​മെന്ന്‌ ഉറപ്പു​ണ്ടാ​യി​രി​ക്കുക.—1 കൊരി​ന്ത്യർ 9:19-23.

21. (എ) യഹോവ സ്‌നാ​പ​ന​മേററ വിശ്വസ്‌ത വ്യക്തി​കളെ വിലമ​തി​ക്കു​ന്നു​വെന്നു നമുക്ക്‌ എങ്ങനെ അറിയാം? (ബി) ഈ ദുഷ്ട വ്യവസ്ഥി​തി​യു​ടെ​മേ​ലു​ളള ദൈവ​ത്തി​ന്റെ ന്യായ​വി​ധി​നിർവ​ഹ​ണത്തെ അതിജീ​വി​ക്കു​ന്ന​തിൽ സ്‌നാ​പനം മൂല്യ​വ​ത്താ​ണെന്ന്‌ എന്തു പ്രകട​മാ​ക്കു​ന്നു?

 ²¹ യേശു​വി​നെ അനുഗ​മി​ക്കാൻ വിശ്വ​സ്‌ത​മാ​യി ശ്രമി​ക്കുന്ന സ്‌നാ​പ​ന​മേററ ഒരു സമർപ്പിത വ്യക്തി ദൈവ​ത്തി​നു വില​പ്പെ​ട്ട​വ​നാണ്‌. ശതകോ​ടി​കൾവ​രുന്ന മനുഷ്യ ഹൃദയ​ങ്ങ​ളെ​യെ​ല്ലാം യഹോവ പരി​ശോ​ധി​ക്കു​ന്നു, അങ്ങനെ​യു​ളള വ്യക്തികൾ എത്ര വിരള​മാ​ണെന്ന്‌ അവൻ അറിയു​ന്നു. അവരെ അവൻ നിക്ഷേ​പ​ങ്ങ​ളാ​യി, ‘അഭികാ​മ്യ​രാ​യി’ പരിഗ​ണി​ക്കു​ന്നു. (ഹഗ്ഗായി 2:7, NW) അങ്ങനെ​യു​ള​ള​വരെ ഈ ദുഷ്ടവ്യ​വ​സ്ഥി​തി​യു​ടെ​മേൽ പെട്ടെന്നു വരാനി​രി​ക്കുന്ന ന്യായ​വി​ധി നിർവ​ഹ​ണത്തെ അതിജീ​വി​ക്കാൻ അടയാ​ള​മി​ട​പ്പെ​ട്ട​വ​രാ​യി ദൈവം വീക്ഷി​ക്കു​ന്നു​വെന്നു ബൈബിൾ പ്രവച​നങ്ങൾ കാണി​ക്കു​ന്നു. (യെഹെ​സ്‌കേൽ 9:1-6; മലാഖി 3:16, 18) നിങ്ങൾ “നിത്യ​ജീ​വന്‌ അനുകൂ​ല​മായ സ്വഭാ​വ​മു​ളള” ആളാണോ? (പ്രവൃ​ത്തി​കൾ 13:48, NW) ദൈവത്തെ സേവി​ക്കുന്ന ഒരാളാ​യി അടയാ​ള​മി​ട​പ്പെ​ട​ണ​മെ​ന്നു​ള​ളതു നിങ്ങളു​ടെ ആത്മാർഥ​മായ ആഗ്രഹ​മാ​ണോ? സമർപ്പ​ണ​വും സ്‌നാ​പ​ന​വും ആ അടയാ​ള​ത്തി​ന്റെ ഭാഗമാണ്‌, അവ അതിജീ​വ​ന​ത്തിന്‌ അത്യന്താ​പേ​ക്ഷി​ത​മാണ്‌.

22. “മഹാപു​രു​ഷാര”ത്തിന്‌ ഏതു പ്രത്യാ​ശ​ക്കാ​യി നോക്കി​പ്പാർത്തി​രി​ക്കാ​വു​ന്ന​താണ്‌?

²² ആഗോ​ള​പ്ര​ള​യ​ത്തി​നു​ശേഷം, നോഹ​യും അവന്റെ കുടും​ബ​വും പെട്ടക​ത്തിൽനി​ന്നു ശുദ്ധീ​ക​രി​ക്ക​പ്പെട്ട ഒരു ഭൂമി​യി​ലേക്കു പുറത്തു​വന്നു. അതു​പോ​ലെ​തന്നെ ഇന്നു തങ്ങളുടെ ജീവി​ത​ത്തിൽ ദൈവ​പ​രി​ജ്ഞാ​നം ബാധക​മാ​ക്കു​ക​യും ദൈവാം​ഗീ​കാ​രം നേടു​ക​യും ചെയ്യുന്ന “ഒരു മഹാപു​രു​ഷാര”ത്തിന്‌ ഈ ദുഷ്ടവ്യ​വ​സ്ഥി​തി​യു​ടെ അന്ത്യത്തെ അതിജീ​വി​ച്ചു സ്ഥിരമാ​യി ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ നിത്യ​ജീ​വൻ ആസ്വദി​ക്കാ​നുള്ള പ്രത്യാ​ശ​യുണ്ട്‌. (വെളി​പ്പാ​ടു 7:9, 14) ആ പറുദീ​സ​യി​ലെ ജീവിതം എങ്ങനെ​യി​രി​ക്കും?

നിങ്ങളുടെ പരിജ്ഞാ​നം പരി​ശോ​ധി​ക്കു​ക

യഹോവയെക്കുറിച്ചുളള നിങ്ങളു​ടെ പരിജ്ഞാ​നം എങ്ങനെ ഉപയോ​ഗി​ക്കാൻ അവൻ ആഗ്രഹി​ക്കു​ന്നു?

സ്‌നാപനത്തിലേക്കു നയിക്കുന്ന ചില പടികൾ ഏവ?

സ്‌നാപനം ഒരു അവസാ​നമല്ല, ആരംഭ​മാ​യി​രി​ക്കു​ന്നത്‌ എന്തു​കൊണ്ട്‌?

നമുക്കു നമ്മുടെ സമർപ്പ​ണ​ത്തി​നും സ്‌നാ​പ​ന​ത്തി​നും അനുസൃ​ത​മാ​യി എങ്ങനെ ജീവി​ക്കാൻ കഴിയും?

[അധ്യയന ചോദ്യ​ങ്ങൾ]

 [172-ാം പേജിലെ ചിത്രം]

നിങ്ങൾ പ്രാർഥ​ന​യിൽ ദൈവ​ത്തിന്‌ ഒരു സമർപ്പണം നടത്തി​യി​ട്ടു​ണ്ടോ?

 [174-ാം പേജിലെ ചിത്രങ്ങൾ]

സ്‌നാപനമേൽക്കുന്നതിൽനിന്നു നിങ്ങളെ തടയു​ന്നത്‌ എന്ത്‌?