“നോക്കൂ! ഞാൻ സകലവും പുതുതാക്കുന്നു”
“നോക്കൂ! ഞാൻ സകലവും പുതുതാക്കുന്നു”
1-4. (എ) സകല മനുഷ്യരാശിയേയും അഭിമുഖീകരിക്കുന്ന മഹത്വകരമായ പ്രതീക്ഷ എന്ത്‌? (ബി) തെളിവിലേക്കുളള വസ്‌തുതകൾ ഗൗരവമായി ചിന്തിക്കാൻ അർഹമായിരിക്കുന്നത്‌ എന്തുകൊണ്ട്‌?
ഈ ചെറുപുസ്‌തകത്തിന്റെ കവറിലെ സന്തോഷമുളള ജനത്തെ കാണുക. അവരിലൊരാളായിരിക്കാൻ നിങ്ങളാഗ്രഹിക്കയില്ലയോ? ഉവ്വ്‌, എന്നു നിങ്ങൾ പറയുന്നു. എന്തുകൊണ്ടെന്നാൽ സകല മനുഷ്യവർഗ്ഗവും ആഗ്രഹിക്കുന്ന സമാധാനവും യോജിപ്പും ഇവിടെയുണ്ട്‌. സകലവർഗ്ഗങ്ങളിലെയും ആളുകൾ—കറുപ്പ്‌, വെളുപ്പ്‌, മഞ്ഞ എന്നീ നിറമുളളവരെല്ലാം—ഒരു കുടുംബത്തിലെ ആളുകളെന്നപോലെ ഒന്നായിച്ചേരുന്നു. എന്തു സന്തോഷം! എന്തു ഐക്യം! ഈ ജനങ്ങൾ ന്യൂക്ലിയർ പ്രസരങ്ങളെയോ ഹൈഡ്രജൻ ബോംബിന്റെ ഭീഷണിയെയോ സംബന്ധിച്ചു വ്യാകുലപ്പെടുന്നില്ലെന്നുളളതു സ്‌പഷ്ടം. ഈ മനോഹരമായ ഉദ്യാനത്തിൻമീതേയുളള പ്രശാന്തമായ ആകാശത്തെ ജററുവിമാനങ്ങൾ അസ്വസ്ഥമാക്കുന്നില്ല. പടയാളികളോ ററാങ്കുകളോ തോക്കുകളോ ഇല്ല, ക്രമപരിപാലനത്തിന്‌ ഒരു പോലീസ്‌ ബേററൻവടി പോലും ആവശ്യമില്ല. യുദ്ധവും നിയമലംഘനവുമൊന്നുമില്ല. പാർക്കുവാൻ വീടുകളും കുറവില്ല. എന്തുകൊണ്ടെന്നാൽ ഓരോരുത്തനും അവന്റേതായ മനോഹരമായ വീടുണ്ട്‌.
2 ആ കുട്ടികളെ നോക്കുക! അവരുടെ കളി കാണുന്നതു സന്തോഷകരമാണ്‌. കളിക്കുന്നതിന്‌ കൂട്ടായിട്ട്‌ എന്തെല്ലാം മൃഗങ്ങളാണുളളത്‌! മൃഗങ്ങളെല്ലാം, തമ്മിൽ തമ്മിലും, മനുഷ്യവർഗ്ഗവുമായും സമാധാനത്തിലിരിക്കുന്നതിനാൽ ഈ ഉദ്യാനത്തിൽ ഇരുമ്പുകമ്പികളിട്ട വേലികളാവശ്യമില്ല. സിംഹവും കുഞ്ഞാടും പോലും സ്‌നേഹത്തിൽ കഴിഞ്ഞു കൂടുന്നു. വർണ്ണശോഭയുളള പക്ഷികൾ അങ്ങുമിങ്ങും പറന്നു കളിക്കുന്നതു കാണുകയും അവയുടെ ഇമ്പമായ പാട്ടുകൾ കുട്ടികളുടെ ചിരിയോടു ചേർന്ന്‌ അന്തരീക്ഷം മുഖരിതമാക്കുന്നതു കേൾക്കുകയും ചെയ്യുക. അവയ്‌ക്കു കൂടുകളില്ലയോ? ഇല്ല, ഈ പ്രദേശത്തു സർവ്വത്രസ്വാതന്ത്ര്യവും നിയന്ത്രിക്കപ്പെടാത്ത സന്തോഷവുമേയുളളു. ആ പുഷ്‌പങ്ങളുടെ വാസന ആസ്വദിക്കുക. നീരൊഴുക്കുകളുടെ കല്ലോലം കേൾക്കുകയും സൂര്യന്റെ സുഖദമായ ചൂട്‌ അനുഭവിക്കുകയും ചെയ്‌ക. ആ കുട്ടയിലെ പഴങ്ങളുടെ സ്വാദ്‌ എത്ര വിശേഷം. അത്‌ ഭൂമിയിൽ നിന്നുണ്ടാകുന്ന അത്യുത്തമമായ പഴങ്ങളാണ്‌, ഉദ്യാന തുല്യമായ ഈ വിശേഷപ്പെട്ട ഉപവനത്തിൽ കാണാവുന്നതും അനുഭവിക്കാവുന്നതുമായ എല്ലാററിനേയുംപോലെ അത്യുത്തമമായവതന്നെ.
3 എന്നാൽ നിറുത്ത്‌, വയസ്സുചെന്നവർ എവിടെ? എന്ന്‌ ഒരാൾ ചോദിക്കുന്നു. ഈ സന്തോഷമുളള കൂട്ടത്തിൽ അവർക്കും പങ്കു വേണ്ടയോ? യഥാർത്ഥത്തിൽ വൃദ്ധൻമാർ അവിടെത്തന്നെയുണ്ടെങ്കിലും അവർ വീണ്ടും യൗവനത്തിലേക്കു വളരുകയാണ്‌. ഈ ഉദ്യാനത്തിൽ ഒരുത്തനും വാർദ്ധക്യം മൂലം മരിക്കുന്നില്ല. ചെറുപ്പക്കാർ പൂർണ്ണ പുരുഷത്വത്തിലേക്കു വളരുന്നെങ്കിലും വാർദ്ധക്യം പ്രാപിക്കുന്നില്ല. ഇവിടെ പാർക്കുന്ന അനേകായിരം പേർ, ഇരുപതു വയസ്സുളളയാളായാലും ഇരുനൂറു വയസ്സുളള ആളായാലും ശരി, ഓരോരുത്തനും യൗവനയുക്തമായ രസത്തിലും പൂർണ്ണാരോഗ്യത്തിലുമാണു ജീവിതം നയിക്കുന്നത്‌. അനേകായിരങ്ങളെന്നോ നിങ്ങൾ പറയുന്നത്‌? ഉവ്വ്‌, അനേകായിരങ്ങൾ, എന്തുകൊണ്ടെന്നാൽ ഈ ഉദ്യാനം ഭൂമിയുടെ അററങ്ങളോളം വികസിച്ചുകൊണ്ടാണിരിക്കുന്നത്‌. അതിൽ ഫുജിയാമാ മുതൽ ഹിമാലയം വരെയും ഹോങ്‌കോങ്‌ മുതൽ മെഡിറററേനിയൻ സമുദ്രംവരെയുമുളള പ്രകൃതിയിലെ മഹിമകൾക്കും പുറമെ ആയിരക്കണക്കിനു വേറെയും ഉണ്ടായിരിക്കും. എന്തുകൊണ്ടെന്നാൽ ഭൂമി മുഴുവനും ഒരു പറുദീസക്കടുത്ത പൂങ്കാവനമായി രൂപാന്തരപ്പെടും. അതു ഭൂവിസ്‌തൃതമായി പുനഃസ്ഥിതീകരിക്കപ്പെട്ട ഒരു പറുദീസയായിരിക്കും.
4 അവിശ്വസനീയമെന്നോ നിങ്ങൾ പറയുന്നത്‌? ആദ്യം തന്നെ തെളിവിലേക്കുളള വസ്‌തുതകളെ വിചാരിക്കുക. ഏതൽക്കാലത്തെ അനർത്ഥം നിറഞ്ഞ ലോകത്തിന്റെ തിരോഭാവത്തെ അതിജീവിച്ച്‌ നിങ്ങൾക്കും നിങ്ങളുടെ കുടുംബത്തിനും നമ്മുടെ കവർപേജിലുളള ചിത്രത്താൽ സൂചിപ്പിക്കപ്പെട്ടിരിക്കുന്ന പുതിയലോകത്തിലേക്കു പ്രവേശിക്കാൻ സാധിക്കുന്നതാണ്‌. a
പറുദീസയെ വിശദീകരിക്കുന്ന പുസ്‌തകം
5. (എ) ഏതു പുസ്‌തകമാണ്‌ ഈ കാര്യങ്ങളെ വിശദമാക്കുന്നത്‌? (ബി) ഏതു വിധങ്ങളിലാണ്‌ ഇത്‌ ഒരു മുഖ്യ പുസ്‌തകമായിരിക്കുന്നത്‌?
5 മഹത്തരമായ ഈ കാര്യങ്ങളൊക്കെയും അവയുടെ അസന്ദിഗ്‌ദ്ധതയും ഒരു പുസ്‌തകത്തിൽ, എഴുതപ്പെട്ടതിലേക്കും അത്യന്തം അത്ഭുതകരമായ ഒരു പുസ്‌തകത്തിൽ, വിശദീകരിച്ചിട്ടുണ്ട്‌. അതു ബൈബിൾ എന്നു വിളിക്കപ്പെടുന്നു. അത്‌ ഭൂമിയിലെ ഏററവും പഴക്കമുളളതും അതിന്റെ ഉറവുകൾ ആറായിരം സംവൽസരത്തോളം പിറകിലോളം എത്തുന്നതുമാകുന്നു. അതേസമയംതന്നെ അതു ആധുനികകാലത്തെ ജീവിതത്തിനുവേണ്ടി സാരവത്തും പ്രായോഗികവുമായ ഉപദേശം സമർപ്പിക്കുന്ന അത്യന്തം ആധുനികമായ പുസ്‌തകമാകുന്നു. അതിന്റെ പ്രവചനങ്ങൾ ഭാവിയെ സംബന്ധിച്ചു ശോഭനമായ പ്രത്യാശയെ ഉദ്ദീപിപ്പിക്കുന്നതാകുന്നു. അതു ചരിത്രത്തിൽ ഏററവും അധികം വിൽപന നടന്നിട്ടുളളതും അതായത്‌ 1100-ലധികം വിവിധ ഭാഷകളിലായി ഇരുനൂറു കോടിയിലധികം പ്രതികൾ പ്രചാരത്തിൽ വന്നിട്ടുളളതുമാകുന്നു.
6. ബൈബിളിനെ മററു വിശുദ്ധ എഴുത്തുകളിൽനിന്നൊക്കെയും വ്യത്യസ്‌തപ്പെട്ടതാക്കുന്നത്‌ എന്ത്‌?
6 മററു യാതൊരു വിശുദ്ധപുസ്‌തകവും ഇത്ര സാർവ്വദേശീയമായ പ്രചാരമുളളതും ഉത്ഭവത്തിൽ ഇതിന്റെ പകുതി കാലപ്പഴക്കമുളളതുമല്ല. മഹമ്മദുമതത്തിലെ ഖുറാന്‌ 1,400 സംവൽസരത്തിൽ കുറഞ്ഞ കാലത്തെ പുരാതനത്വമേയുളളു. ബുദ്ധനും കൺഫ്യൂഷിയസ്സും ഏകദേശം 2,500 സംവൽസരം മുമ്പു ജീവിച്ചിരുന്നു. അവരുടെ എഴുത്തുകൾക്ക്‌ ആ കാലം മുതൽക്കുളള പഴക്കമേയുളളു. ഷിന്റോയുടെ തിരുവെഴുത്തുകളുടെ ഏതൽക്കാലത്തെ രൂപത്തിലുളള രചനയുണ്ടായിട്ട്‌ 1,200 സംവൽസരത്തിലധികമായിട്ടില്ല. മോർമന്റെ പുസ്‌തകത്തിന്‌ 140 സംവൽസരത്തെ പഴക്കമേയുളളു. ഈ വിശുദ്ധ പുസ്‌തകങ്ങൾക്കൊന്നിനും മനുഷ്യചരിത്രത്തിൽ ബൈബിളിനെപ്പോലെ 6,000 സംവൽസരത്തോളം പിറകോട്ടു ചുവടുപിടിച്ച്‌ എത്തുവാൻ സാദ്ധ്യമല്ല. അതുകൊണ്ട്‌ മൂലമതത്തെ മനസ്സിലാക്കേണ്ടതിനു നാം ബൈബിളിനെ സമീപിക്കേണ്ടതാണ്‌. മനുഷ്യവർഗ്ഗത്തിന്‌ സാർവ്വത്രികമായ ഒരു ദൂതു നൽകുന്ന പുസ്‌തകം അതു മാത്രമാണ്‌.
7. ചിന്തകൻമാർ ബൈബിളിനെ സംബന്ധിച്ച്‌ എന്തുപറയുന്നു?
7 ബൈബിൾദൂതിന്റെ ജ്ഞാനവും സൗന്ദര്യവും സകല ജാതികളിലുമുളളവരും എല്ലാ ജീവിത നിലകളിലുമുളളവരുമായ ചിന്തകൻമാരാൽ പ്രശംസിക്കപ്പെട്ടിട്ടുണ്ട്‌. ശ്രുതിപ്പെട്ട ശാസ്‌ത്രജ്ഞനും ഘനാകർഷണശക്തി കണ്ടുപിടിച്ചയാളുമായ സേർ ഐസക്ക്‌ ന്യൂട്ടൻ പറഞ്ഞു: “ബൈബിളിനേക്കാൾ വിശേഷമായി സാക്ഷീകരിക്കപ്പെട്ട ശാസ്‌ത്രങ്ങളൊന്നുമില്ല.” “എനിക്കു സ്വാതന്ത്ര്യം നൽകുക, അല്ലെങ്കിൽ മരണം നൽകുക” എന്ന വാക്കുകൾ സംബന്ധിച്ചു വിഖ്യാതനായിത്തീർന്ന, അമേരിക്കൻ വിപ്‌ളവനേതാവായ പാട്രിക്‌ ഹെൻറി ഇപ്രകാരവും പ്രഖ്യാപിച്ചു: “അച്ചടിക്കപ്പെട്ട സകല പുസ്‌തകങ്ങളുടേയും വില വരുന്നതാണ്‌ ബൈബിൾ.” ഹിന്ദുയോഗിയായിരുന്ന മഹാത്മാഗാന്ധിപോലും ബ്രിട്ടീഷ്‌കാരനായിരുന്ന ഒരു ഇൻഡ്യാവൈസ്രോയിയോടു പറഞ്ഞു: “ക്രിസ്‌തുവിന്റെ മലമ്പ്രസംഗത്തിലെ ഉപദേശത്തിൽ നൽകിയ പ്രമാണങ്ങളിൽ നിങ്ങളുടെ രാജ്യവും എന്റെ രാജ്യവും യോജിച്ചാൽ നമ്മുടെ രാജ്യങ്ങളുടെ മാത്രമല്ല ലോകം മുഴുവന്റെയും വിഷമപ്രശ്‌നങ്ങൾ പരിഹരിക്കപ്പെടുന്നതാണ്‌.” ഗാന്ധി, ബൈബിളിലെ മത്തായി 5 മുതൽ 7 വരെയുളള അദ്ധ്യായങ്ങളെപ്പററിയായിരുന്നു പറഞ്ഞത്‌. നിങ്ങൾതന്നെ ഈ അദ്ധ്യായങ്ങൾ വായിച്ചുനോക്കിയിട്ട്‌ അവയിലെ ശക്തിയുളള ദൂതിനാൽ നിങ്ങൾ പുളകിതരാകുന്നില്ലയോ എന്നു നോക്കുക.
ബൈബിൾ ഒരു പൗരസ്‌ത്യഗ്രന്ഥം
8. (എ) ബൈബിളിന്റെ ഉറവുകൾ ഏവ? (ബി) ബൈബിൾ ഏതു തരത്തിലുളള പുസ്‌തകം ആകുന്നു? (സി) അതിന്റെ കർത്തൃത്വം സംബന്ധിച്ച്‌ അതിന്റെ എഴുത്തുകാർ എന്തു പറഞ്ഞു?
8 പൊതുജന വിശ്വാസത്തിന്‌ വിപരീതമായി ബൈബിൾ പാശ്ചാത്യനാഗരീകതയുടെ ഒരു കൃതിയോ അതിനെ മഹിമപ്പെടുത്തുന്നതോ ആയിരിക്കുന്നില്ല. മുഴുവൻ ബൈബിളും മിക്കവാറും പൗരസ്‌ത്യരാജ്യങ്ങളിൽ വെച്ചാണ്‌ എഴുതപ്പെട്ടത്‌. അതെഴുതിയ എഴുത്തുകാരെല്ലാവരും തന്നെ പൗരസ്‌ത്യരായിരുന്നു. ബുദ്ധന്‌ 1,000 വർഷം മുമ്പ്‌ ഉല്‌പത്തി എന്ന്‌ വിളിക്കപ്പെട്ട ബൈബിളിലെ ഒന്നാമത്തെ പുസ്‌തകം എഴുതുന്നതിന്‌ മദ്ധ്യപൂർവ്വദേശത്തു ജീവിച്ചിരുന്ന ദൈവത്തിന്റെ മനുഷ്യനായ മോശെ ദൈവത്താൽ നിശ്വസ്‌തനാക്കപ്പെട്ടു. ഈ ആരംഭംമുതൽ ബൈബിൾ, യോജിപ്പുളള ഒരേ പ്രതിപാദ്യമാണ്‌ അവസാനത്തെ പുസ്‌തകമായ വെളിപ്പാടു വരെയും തുടരുന്നത്‌. അവസാനത്തെ പുസ്‌തകം ബുദ്ധന്റെ കാലത്തിന്‌ അറുനൂറു സംവൽസരം കഴിഞ്ഞാണ്‌ എഴുതപ്പെട്ടത്‌. ബൈബിൾ അറുപത്തിയാറു വിവിധ പുസ്‌തകങ്ങൾ ചേർന്നുളള ഒരു പുസ്‌തകമാണെന്നു നിങ്ങൾ അറിഞ്ഞിട്ടില്ലയോ? ഉവ്വ്‌, ബൈബിൾ അതിൽത്തന്നെ ഒരു ഗ്രന്ഥസമാഹാരമാണ്‌! 1,600-ൽപരം വർഷങ്ങൾകൊണ്ടു മോശെയുടെ കാലംമുതൽ നാല്‌പതോളം വിവിധവ്യക്തികൾ ബൈബിളിനെ പരിപൂർണ്ണമായ ചേർച്ചയിൽ എഴുതുന്നതിൽ പങ്കെടുത്തിട്ടുണ്ട്‌. അവരുടെ എഴുത്തുകൾ മരണമുളള മനുഷ്യരെക്കാൾ വളരെയേറെ ഉന്നതമായ ഒരു ശക്തിയാൽ നിശ്വസ്‌തമായിരുന്നുവെന്ന്‌ അവർ സാക്ഷിക്കുന്നു. ക്രിസ്‌തീയ അപ്പോസ്‌തലനായ പൗലോസ്‌ ഇങ്ങനെ എഴുതി: “എല്ലാ തിരുവെഴുത്തും ദൈവ നിശ്വസ്‌തവും പഠിപ്പിക്കലിനും ശാസിക്കലിനും കാര്യങ്ങൾ നേരെയാക്കുന്നതിനും നീതിയിൽ ശിക്ഷണം കൊടുക്കുന്നതിനും പ്രയോജനപ്രദവുമാകുന്നു.” b (2 തിമൊഥെയോസ്‌ 3:16) അപ്പോസ്‌തലനായ പത്രോസ്‌ ഇങ്ങനെ വിശദീകരിച്ചു: “തിരുവെഴുത്തിലെ യാതൊരു പ്രവചനവും ഏതെങ്കിലും സ്വകാര്യ വ്യാഖ്യാനത്തിൽ നിന്നും ഉത്ഭവിക്കുന്നില്ല. എന്തെന്നാൽ പ്രവചനം ഒരു കാലത്തും മമനുഷ്യന്റെ ഇഷ്ടത്താൽ വരുത്തപ്പെട്ടിട്ടില്ല, എന്നാൽ മനുഷ്യർ പരിശുദ്ധാത്മാവിനാൽ നയിക്കപ്പെടവെ ദൈവത്തിൽനിന്ന്‌ അവർ സംസാരിക്കുകയായിരുന്നു.”—2 പത്രോസ്‌. 1:20, 21; 2 ശമുവേൽ 23:2; ലൂക്കോസ്‌ 1:70.
9. (എ) ബൈബിൾ നമ്മുടെ കാലത്തോളം വന്നുചേർന്നത്‌ എങ്ങനെ? (ബി) ആധുനികകാലത്തെ ബൈബിളിന്റെ കൃത്യത സംബന്ധിച്ചു പറയപ്പെടാവുന്നത്‌ എന്ത്‌?
9 ബൈബിൾ ഇന്നേയോളം കടന്നുവന്നവിധവും ആലോചിച്ചാൽ അത്യന്തം ശ്രദ്ധേയമായ ഒരു സംഗതിയാണ്‌. ആയിരക്കണക്കിനു വർഷങ്ങളിൽ ഏകദേശം അഞ്ഞൂറു സംവൽസരം മുമ്പുണ്ടായ അച്ചടിയുടെ കണ്ടുപിടുത്തംവരെയും, ബൈബിളിന്റെ പകർപ്പുകൾ കൈകൊണ്ടു നിർമ്മിക്കണമായിരുന്നു. അതു വീണ്ടും വീണ്ടും പകർത്തിയെഴുതിക്കൊണ്ടു പോന്നെങ്കിലും എല്ലായ്‌പ്പോഴും വളരെ സൂക്ഷ്‌മതയോടെയായിരുന്നു പകർത്തിയെഴുതപ്പെട്ടത്‌. ഇന്ന്‌ ഇപ്പോഴും ബൈബിളിന്റെയോ, ബൈബിൾ ഭാഗങ്ങളുടെയോ 16,000-ത്തോളം കയ്യെഴുത്തുപ്രതികൾ ഉണ്ട്‌. ചിലത്‌ ക്രിസ്‌തുവിന്‌ മുമ്പ്‌ രണ്ടാം നൂററാണ്ടു മുതൽ പോലും നിലനിന്നുപോരുന്നവയാണ്‌. പുരാതനകാലത്തെ മറെറാരു സാഹിത്യകൃതിയും ഇത്ര ശുഷ്‌കാന്തിപൂർവ്വം പകർത്തിയെഴുതുകയും വീണ്ടും പകർത്തിയെഴുതുകയും ചെയ്യപ്പെട്ടിട്ടില്ല. അനേകം കയ്യെഴുത്തുപ്രതികൾ ഒത്തുനോക്കിയതിന്റെ ഫലമായി തെളിഞ്ഞിട്ടുളളത്‌ പകർത്തുകയിലുണ്ടായ തെററുകൾ വളരെ അപൂർവമാണെന്നും ബൈബിളിന്റെ മൂലപാഠം സ്ഥീരികരിക്കപ്പെടുവാൻ സാദ്ധ്യമായിരിക്കുന്നുവെന്നുമാണ്‌. ബൈബിൾ കയ്യെഴുത്തുപ്രതികളെ സംബന്ധിച്ചു പ്രാമാണികൻ എന്നു അംഗീകരിക്കപ്പെട്ടിട്ടുളള പണ്ഡിതനായ സേർ ഫ്രഡറിക്‌ കെനിയൻ പറയുന്നു: “തിരുവെഴുത്തുകൾ എഴുതപ്പെട്ടിരുന്ന പ്രകാരംതന്നെ വാസ്‌തവമായി നമുക്കു കൈവന്നിരിക്കുന്നതു സംബന്ധിച്ചു സംശയിക്കാനുളള അവസാനത്തെ അടിസ്ഥാനവുംകൂടെ ഇപ്പോൾ നീക്കപ്പെട്ടിരിക്കുന്നു.” കൂടാതെ, ബൈബിൾ ആദ്യമായി എഴുതപ്പെട്ടിരുന്ന എബ്രായ, അരാമിക്ക്‌, ഗ്രീക്ക്‌ എന്നീ ഭാഷകളിൽനിന്നുളള കൃത്യമായ വിവർത്തനങ്ങൾ ഭൂമിയിലെ മിക്കവാറും എല്ലാ ഭാഷകളിലും ഉണ്ടായിട്ടുണ്ട്‌.
10. ആധുനിക കണ്ടുപിടുത്തങ്ങൾ ബൈബിൾരേഖയെ സ്ഥിരീകരിക്കുന്നത്‌ എങ്ങനെ?
10 ബൈബിൾ കൃത്യതയുളളതല്ല എന്നു പറഞ്ഞുകൊണ്ട്‌ അതു വിശ്വസനീയമല്ലെന്നു വരുത്തുവാൻ ചിലർ ശ്രമിച്ചിട്ടുണ്ട്‌. എന്നിരുന്നാലും, ഈ അടുത്തകാലത്തു പുരാവസ്‌തുശാസ്‌ത്രജ്ഞൻമാർ ബൈബിൾനാടുകളിലെ പുരാതന നഗരങ്ങളുടെ ശൂന്യശിഷ്ടങ്ങളെ ഖനനംചെയ്‌തതിന്റെ ഫലമായി ബൈബിളിലെ എററവും പുരാതനരേഖകളിൽ പോലും പറയപ്പെട്ടിരിക്കുന്ന ആളുകളും സ്ഥലങ്ങളും യഥാർത്ഥത്തിൽ സ്ഥിതിചെയ്‌തിരുന്നുവെന്നു സംശയലേശമെന്യേ തെളിയിക്കുന്ന ശിലാലിഖിതങ്ങളും മററു തെളിവുകളും കണ്ടുപിടിക്കപ്പെട്ടിട്ടുണ്ട്‌. 4,000-ത്തിൽപരം സംവൽസരംമുമ്പ്‌ നോഹയുടെ കാലത്തുണ്ടായതായി ബൈബിൾ പറയുന്ന ആഗോളവ്യാപകമായ ഒരു ജലപ്രളയം ഉണ്ടായതിന്റെ വളരെയധികം തെളിവുകൾ ഭൂമിയിൽനിന്നു കുഴിച്ചെടുക്കപ്പെട്ടിട്ടുണ്ട്‌. പുരാവസ്‌തുശാസ്‌ത്രം സംബന്ധിച്ച്‌ സുപ്രസിദ്ധ പഠിതാവും പ്രാമാണികനുമെന്നറിയപ്പെടുന്ന പ്രിൻസ്‌ മികാസാ ഈ സംഗതി സംബന്ധിച്ചു പ്രസ്‌താവിക്കുന്നു: “യഥാർത്ഥത്തിൽ ഒരു ജലപ്രളയം ഉണ്ടായിട്ടുണ്ടോ? ഇക്കഴിഞ്ഞ ചില സംവൽസരങ്ങളിൽ പുരാവസ്‌തുശാസ്‌ത്രജ്ഞൻമാർ ഖനനംചെയ്‌തതിന്റെ ഫലമായി, ജലപ്രളയം യഥാർത്ഥത്തിൽ സംഭവിച്ചതായി നിർണ്ണായകമായി തെളിയിക്കപ്പെട്ടിരിക്കുന്നു.” c
ബൈബിളിലെ ദൈവം
11. (എ) സർവ്വശക്തനായ ഒരു ദൈവം ഉണ്ടോ? (ബി) അവന്‌ ഒരു നാമം ഉണ്ടോ?
11 ബൈബിളിനെ സംബന്ധിച്ചു ചിലയാളുകൾ പരിഹസിച്ചിട്ടുളളതുപോലെ സർവ്വശക്തനായ ഒരു ദൈവം ഉണ്ടെന്നുളളതും മററു ചിലർ പരിഹാസ്യമാക്കുന്നു. (2 പത്രോസ്‌ 3:3-5) അവർ പറയുന്നു: “എനിക്കു ദൈവത്തെ കാൺമാൻ കഴിയുന്നില്ലാത്തതിനാൽ എനിക്ക്‌ അവനിൽ വിശ്വസിക്കാൻ എങ്ങനെ കഴിയും? മനുഷ്യനേക്കാൾ ഉന്നതനായ അദൃശ്യനായ ഒരു സ്രഷ്ടാവിനെ എനിക്ക്‌ എങ്ങനെ മനസ്സിലാക്കാൻ സാധിക്കും? ദൈവം സകലത്തിലും വസിക്കുന്നില്ലയോ?” മററു ചിലർ പറയുന്നു: “ദൈവം ഇല്ല, ബുദ്ധനും ഇല്ല.” എന്നിരുന്നാലും നമുക്കെല്ലാവർക്കും ഭൗമിക പിതാവിൽനിന്നു ജീവൻ ലഭിക്കുന്നതുപോലെ നമ്മുടെ ആദ്യത്തെ പൂർവ്വികർക്കു യഹോവ എന്നു വ്യക്തിപരമായ നാമമുളള ഒരു സ്വർഗ്ഗീയ പിതാവിൽനിന്നു ജീവൻ ലഭിച്ചു എന്നു ബൈബിൾ പ്രകടമാക്കുന്നു.—സങ്കീർത്തനം 100:3.
12, 13. യഹോവയാം ദൈവത്തെ സംബന്ധിച്ചു പ്രാധാന്യമുളള ചില വസ്‌തുതകൾ ഏവ?
12 യഹോവ ആകുന്നു ബൈബിളിന്റെ കർത്താവ്‌. അവൻ നിത്യതയിലെല്ലാം സ്ഥിതിചെയ്‌തുകൊണ്ടിരിക്കുന്ന വലിയ ആത്മാവ്‌ ആകുന്നു. (യോഹന്നാൻ 4:24; സങ്കീർത്തനം 90:1, 2) യഹോവ എന്നുളള അവന്റെ പേർ തന്റെ സൃഷ്ടികളെ സംബന്ധിച്ചുളള അവന്റെ ഉദ്ദേശ്യത്തെ ശ്രദ്ധയിൽ വരുത്തുന്നു. ദുഷ്ടൻമാരെ നശിപ്പിക്കുന്നതിനാലും അവനെ സ്‌നേഹിക്കുന്നവരെ അവന്റെ നൂതനക്രമത്തിൽ സന്തോഷകരമായി ജീവിക്കാൻവേണ്ടി വിടുവിക്കുന്നതിനാലും അവന്റെ വലിയ നാമത്തെ സംസ്ഥാപിക്കയെന്നുളളതാണ്‌ അവന്റെ ഉദ്ദേശ്യം. (പുറപ്പാട്‌ 6:2–8; യെശയ്യാവ്‌ 35:1, 2) അവൻ സർവ്വശക്തനായ ദൈവം ആകയാൽ അവന്‌ ഇതു ചെയ്‌വാൻ ശക്തിയുണ്ട്‌. അവൻ സർവ്വാഖിലാണ്ഡത്തിന്റെയും സ്രഷ്ടാവ്‌ എന്ന നിലയിൽ സാധാരണയിലുളള ദേശീയദേവൻമാരെക്കാളും വിഗ്രഹങ്ങളെക്കാളും വളരെയധികം ഉന്നതനാകുന്നു.—യെശയ്യാവ്‌ 42:5, 8; സങ്കീർത്തനം 115:1, 4-8).
13 യഹോവ മനുഷ്യവർഗ്ഗത്തിനു തന്നേത്തന്നെ വെളിപ്പെടുത്തിയിരിക്കുന്നത്‌ രണ്ടു പുസ്‌തകങ്ങളിൽക്കൂടെയാണ്‌. ഈ പുസ്‌തകങ്ങളിൽ വലിപ്പമേറിയത്‌ അവന്റെ ഉദ്ദേശ്യങ്ങളെ അറിയിക്കുന്ന ബൈബിൾ ആകുന്നു. (യോഹന്നാൻ 17:17; 1 പത്രോസ്‌ 1:24, 25) മറെറ പുസ്‌തകം പ്രകൃതിയിലെല്ലാം കാണാവുന്നതും വായിക്കപ്പെടാവുന്നതുമായ സൃഷ്ടിപ്പിൻ രേഖയാണ്‌.
14. പ്രകൃതിയാകുന്ന പുസ്‌തകം ദൈവത്തെ സംബന്ധിച്ചു സാക്ഷീകരിക്കുന്നത്‌ എന്ത്‌?
14 ഈ കഴിഞ്ഞ നൂററാണ്ടുകളിൽ ശാസ്‌ത്രജ്ഞൻമാർ സൃഷ്‌ടികളെക്കുറിച്ചു പഠിക്കുന്നതിന്‌ വളരെ സമയം ചെലവാക്കിയിട്ടുണ്ട്‌. അവർ തീരുമാനിച്ചിട്ടുളളത്‌ എന്ത്‌? വിദ്യുച്‌ഛക്തി കണ്ടുപിടിച്ചവരിൽ ഒരാളായ ബ്രിട്ടീഷ്‌ ശാസ്‌ത്രജ്ഞനായ ലോർഡ്‌ കെൽവിൻ പ്രഖ്യാപിച്ചു: “പ്രകൃതിവിജ്ഞാന ശാസ്‌ത്രം എത്രത്തോളം പൂർണ്ണമായി പഠിക്കുന്നുവോ അത്രയധികം അതു നമ്മെ നിരീശ്വരവാദത്തിൽനിന്നകററും.” അതുപോലെ തുല്യപ്രസിദ്ധിയാർജ്ജിച്ച യൂറോപ്യൻജാതനായ ആൽബേർട്ട്‌ ഐൻസ്‌ററീൻ എന്ന ശാസ്‌ത്രജ്ഞൻ ഉറപ്പായി പ്രസ്‌താവിച്ചു: “നമുക്കു മങ്ങലോടുകൂടെ കാൺമാൻ കഴിയുന്നതായ അഖിലാണ്ഡത്തിന്റെ അത്ഭുതകരമായ രചനയെക്കുറിച്ചു പര്യാലോചിക്കുകയും പ്രകൃതിയിൽ പ്രത്യക്ഷമായിരിക്കുന്ന ബുദ്ധിയുടെ അതിസൂക്ഷ്‌മ മായ അംശത്തെ വിനയപൂർവ്വം ഗ്രഹിക്കാൻ ശ്രമിക്കുകയും ചെയ്യുന്നതുമാത്രം . . . മതി എനിക്ക്‌.” അമേരിക്കൻ ശാസ്‌ത്രജ്ഞനും നോബൽ സമ്മാനം നേടിയ ആളുമായ ആർതർ ഹൊളളി കൊംപ്‌ററൻ പറഞ്ഞു: “ക്രമാനുസൃതം ചുരുളഴിയുന്ന അഖിലാണ്ഡം അത്യന്തം ഉജ്ജ്വലമായി ഉച്ചരിക്കപ്പെട്ടിട്ടുളള—‘ആദിയിൽ ദൈവം’ എന്ന പ്രസ്‌താവനയുടെ സത്യതയെ സാക്ഷീകരിക്കുന്നു.” അദ്ദേഹം ഇവിടെ ബൈബിളിലെ ആദ്യവാക്കുകൾ ഉച്ചരിക്കുകയായിരുന്നു.
15, 16. (എ) അഖിലാണ്ഡം ദൈവത്തിന്റെ ജ്ഞാനത്തെ മഹിമപ്പെടുത്തുന്നത്‌ എങ്ങനെ? (ബി) ദൈവം സ്ഥിതിചെയ്യുന്നില്ല എന്നു പറയുന്നതിന്റെ ഭോഷത്വത്തെ ദൃഷ്ടാന്തപ്പെടുത്തുക.
15 ശക്തിയേറിയ രാഷ്‌ട്രങ്ങളിലെ ഭരണാധിപൻമാർ, സ്‌പുട്ട്‌നിക്കിന്റെയും അതിന്റെ അനന്തരഗാമികളുടെയും പുറത്തെ ശൂന്യാകാശത്തിലേക്കുളള വിക്ഷേപണത്തിൽ, അവരുടെ ബുദ്ധിയെയും ശാസ്‌ത്രീയമായ നേട്ടത്തെ സംബന്ധിച്ച്‌ ആത്മപ്രശംസ ചെയ്‌തേക്കാം. എന്നാൽ അവരുടെ ശൂന്യാകാശക്കപ്പലുകൾ, ഭൂമിയെ ചുററുന്ന ചന്ദ്രനോടോ സൂര്യനെ അയനത്തിൽ ചുററുന്ന ഗ്രഹങ്ങളോടോ താരതമ്യപ്പെടുത്തിയാൽ എത്ര നിസ്സാരമായിരിക്കും! യഹോവ, നമ്മുടെ സ്വന്തം സൂര്യനെപ്പോലെ ശതകോടിക്കണക്കിന്‌ സൂര്യൻമാരോടുകൂടിയ ശതകോടിക്കണക്കിന്‌ ആകാശതാരാപംക്തികളെ സൃഷ്ടിച്ചതിനോടും അവയൊക്കെയും ശൂന്യാകാശത്തിൽ സമൂഹങ്ങളായി അളവില്ലാത്ത കാലത്തേക്കു സ്ഥാപിച്ചതിനോടും ഉപമിച്ചാൽ മരണമുളള ഈ മനുഷ്യരുടെ നേട്ടങ്ങൾ എത്രയോ നിസ്സാരം! (സങ്കീർത്തനം 19:1, 2; ഇയ്യോബ്‌ 26:7, 14) യഹോവ മനുഷ്യരെ വെറും വെട്ടിക്കിളികളെപ്പോലെയും ശക്തിയേറിയ ജനതകളെ “നാസ്‌തിയായും” എണ്ണുന്നത്‌ അത്ഭുതമല്ല.—യെശയ്യാവ്‌ 40:13-18, 22.
16 നിങ്ങൾ ഒരു വീട്ടിൽ പാർക്കുന്നുവോ? പക്ഷേ, ആ വീടു നിങ്ങൾതന്നെ പണിയിച്ചതല്ലായിരിക്കാം. ആരു പണിയിച്ചെന്നു നിശ്ചയവുമില്ലായിരിക്കാം. എങ്കിലും പണിയിച്ചവനെ നിങ്ങൾ അറിയുന്നില്ലെന്നുളള വസ്‌തുത ആ വീടു ബുദ്ധിയുളള ഒരാൾ പണിതതാണെന്നുളള സത്യം സ്വീകരിക്കുന്നതിന്‌ തടസ്സമായിരിക്കുന്നില്ല. വീടു തന്നെത്താൻ പണിയപ്പെട്ടു എന്നു വാദിക്കുന്നതു വളരെ ഭോഷത്വമായിരിക്കും! വലിയ അഖിലാണ്ഡവും അതിലുളളതൊക്കെയും നിർമ്മിക്കപ്പെടുന്നതിന്‌ അളവററ ബുദ്ധി ആവശ്യമായിരിക്കുന്ന സ്ഥിതിക്കു ബുദ്ധിമാനായ ഒരു സ്രഷ്ടാവില്ല എന്നു പറയുന്നതു ഭോഷത്വമായിരിക്കയില്ലയോ? സത്യമായി മൂഢൻമാത്രമേ “യഹോവ ഇല്ല” എന്നു തന്റെ ഹൃദയത്തിൽ പറയുകയുളളു.—സങ്കീർത്തനം 14:1.
17. ദൈവം സ്‌തുതിക്കു യോഗ്യനായ ആൾ ആണെന്നു പ്രകടമാക്കുക.
17 പ്രകൃതിയിലെ മഹത്തായ അത്ഭുതങ്ങൾ ആകുന്ന പുഷ്‌പങ്ങൾ, പക്ഷികൾ, മൃഗങ്ങൾ, മനുഷ്യൻ എന്നു വിളിക്കപ്പെടുന്ന അത്ഭുതസ്രഷ്ടി, ജീവന്റെയും ജനനത്തിന്റെയും അത്ഭുതങ്ങൾ—ഇവയെല്ലാം അവയെ ഉളവാക്കിയ വിദഗ്‌ദ്ധ ബുദ്ധി ഉണ്ടെന്ന്‌ അദൃശ്യശില്‌പിയുണ്ടെന്നു സാക്ഷീകരിക്കുന്നു. (റോമർ 1:20) ബുദ്ധി എവിടെ കാണുന്നുവോ അവിടെ മനസ്സ്‌ ഉണ്ട്‌. മനസ്സ്‌ ഉളളിടത്ത്‌ ഒരു ആൾ ഉണ്ട്‌. പരമോന്നതമായ ബുദ്ധി, പരമോന്നതനായ ആളിന്റേതാണ്‌. ജീവന്റെ ഉറവുതന്നെ ആയിരിക്കുന്നവനും ജീവനുളള സകലത്തിന്റെയും സ്രഷ്ടാവും അവൻതന്നെ ആകുന്നു. (സങ്കീർത്തനം 36:9) വാസ്‌തവത്തിൽ സ്രഷ്ടാവ്‌ സകല ആരാധനയ്‌ക്കും സ്‌തുതിയ്‌ക്കും അർഹനും യോഗ്യനുമാകുന്നു.—സങ്കീർത്തനം 104:24; വെളിപ്പാട്‌ 4:11.
18. രാഷ്‌ട്രങ്ങളുടെ യുദ്ധങ്ങളിൽ ദൈവത്തിനു പങ്കില്ലാത്തതെന്തുകൊണ്ട്‌?
18 രണ്ടാം ലോകമഹായുദ്ധകാലത്തുണ്ടായ പ്രയാസമേറിയ അനുഭവങ്ങളാൽ ദൈവത്തിലുളള വിശ്വാസത്തിന്‌ ഇളക്കം തട്ടിയവരുണ്ട്‌. ആ കാലത്ത്‌ ഓരോ രാജ്യക്കാരും കത്തോലിക്കരായാലും പ്രോട്ടസ്‌ററൻറുകാരായാലും പൗരസ്‌ത്യമതക്കാരായാലും അവരവരുടെ “ദൈവത്തോട്‌” വിളിച്ചപേക്ഷിച്ചു. ഈ ജാതികളിൽ ചിലർക്ക്‌ “ദൈവം” ജയം നൽകിയെന്നോ, മററു ചില ജാതികൾ തോൽക്കാൻ ദൈവം അനുവദിച്ചുവെന്നോ വരുമോ? ഈ ജാതികളിൽ ഒന്നുംതന്നെ സത്യദൈവത്തെ വിളിച്ചപേക്ഷിച്ചില്ല എന്നു ബൈബിൾ പ്രകടമാക്കുന്നു. ജാതികളുടെ ഇടയിലെ കുഴപ്പത്തിനും യുദ്ധങ്ങൾക്കും, ആകാശത്തിന്റെയും ഭൂമിയുടെയും സ്രഷ്ടാവായ യഹോവയാം ദൈവമല്ല ഉത്തരവാദിയായിരിക്കുന്നത്‌. (1 കൊരിന്ത്യർ 14:33) അവന്റെ വിചാരങ്ങൾ ഈ ഭൂമിയിലെ രാഷ്‌ട്രീയവും സൈനികമനോഭാവമുളളതുമായ രാഷ്‌ട്രങ്ങളുടെയെല്ലാം വിചാരങ്ങളെക്കാൾ ഉന്നതമാണ്‌. (യെശയ്യാവ്‌ 55:8, 9) അതുപോലെ സത്യമതത്തിനും യഹോവയുടെ ആരാധനയ്‌ക്കും രാഷ്‌ട്രങ്ങളുടെ യുദ്ധത്തിൽ യാതൊരുപങ്കുമില്ല. യഹോവ സൈനികവാഴ്‌ചയുടെ ദേവൻമാരെക്കാൾ മഹോന്നതനാകുന്നു. അവൻ സകല ജാതികളിലെയും സമാധാനപ്രേമികളായ പുരുഷൻമാരുടെയും സ്‌ത്രീകളുടെയും ദൈവം എന്ന നിലയിൽ അദ്വിതീയനാകുന്നു. ബൈബിൾ പറയുന്നതുപോലെ: “ദൈവം മുഖപക്ഷമുളളവനല്ല, ഏതു ജാതിയിലും അവനെ ഭയപ്പെട്ടു നീതി പ്രവർത്തിക്കുന്നവൻ അവനു സ്വീകാര്യയോഗ്യൻ ആകുന്നു.” (പ്രവൃത്തികൾ 10:34, 35) സകല ജാതികളിൽനിന്നുമുളളവരായ സൻമനസ്സുളള ആളുകൾ ഇപ്പോൾ ബൈബിൾ പഠിക്കുകയും സകല മനുഷ്യവർഗ്ഗത്തിന്റെയും സത്യേകദൈവവും സ്രഷ്ടാവുമായവന്റെ ആരാധനയെ സ്വീകരിക്കുകയും ചെയ്യുന്നു.—പ്രവൃത്തികൾ 17:24-27.
19. ക്രൈസ്‌തവമണ്ഡലം ക്രീസ്‌തീയമല്ലെന്നും ദൈവത്തോടു ശത്രുതയിലാണെന്നും തെളിയിക്കുന്നത്‌ എന്ത്‌?
19 ബൈബിൾ അനുസരിക്കുന്നുവെന്ന്‌ അവകാശപ്പെടുന്ന ക്രൈസ്‌തവമണ്ഡലത്തിലെ വിഭാഗങ്ങളെ ചിലർ ചൂണ്ടിക്കാണിച്ചുകൊണ്ടുചോദിക്കുന്നത്‌ “ബൈബിൾ കൈവശമുളള രാഷ്‌ട്രങ്ങൾ ആററംബോംബുകളും ഹൈഡ്രജൻ ബോംബുകളും പരീക്ഷണം നടത്തുന്നതിൽ ശുഷ്‌ക്കാന്തിയോടിരിക്കുന്ന സ്ഥിതിക്ക്‌ എനിക്ക്‌ എങ്ങനെ ബൈബിളിലെ ദൈവത്തെ വിശ്വസിക്കുവാൻ കഴിയും?” എന്നാണ്‌. ബൈബിൾ എല്ലായ്‌പോഴും സത്യമായിത്തന്നെ നിലനിൽക്കുന്നുവെങ്കിലും ക്രൈസ്‌തവമണ്ഡലത്തിലെ ജാതികൾ, ഉത്തരധ്രുവം ദക്ഷിണധ്രുവത്തിൽനിന്ന്‌ അകന്നിരിക്കുന്നതുപോലെ ബൈബിൾ ക്രിസ്‌ത്യാനിത്വത്തിൽനിന്ന്‌ അകന്നിരിക്കുന്നു. അവർ ക്രിസ്‌ത്യാനിത്വം ഭാവിക്കുന്ന കപടനാട്യക്കാരാകുന്നു. അവർക്ക്‌ ബൈബിൾ ഉണ്ടെങ്കിലും, അതിലെ ഉപദേശങ്ങളെ അനുസരിക്കുന്നില്ല. ഒന്നാമത്തെ ആററംബോംബ്‌ ഹിറോഷിമായിൽ ഇടുവാൻ കല്‌പന കൊടുത്ത അമേരിക്കൻ പ്രസിഡണ്ട്‌ ഒരിക്കൽ ഉദ്‌ഘോഷിച്ചു: “ഹാ! ലോകത്തിന്റെ ഈ പ്രതിസന്ധിഘട്ടത്തിൽ മനുഷ്യർക്കു വഴി കാണിക്കാൻ ഒരു യെശയ്യാവോ ഒരു വിശുദ്ധപൗലോസോ ഉണ്ടായിരുന്നെങ്കിൽ!” അദ്ദേഹം ബൈബിളിലെ യെശയ്യായിൽ വിശ്വസിച്ചിരുന്നെങ്കിൽ ഒരു ആററംബോംബ്‌ ഇടുവിക്കയില്ലായിരുന്നു. എന്തുകൊണ്ടെന്നാൽ യെശയ്യാവ്‌ ശുപാർശ ചെയ്‌തത്‌ ‘വാളുകളെ കൊഴുക്കളായും കുന്തങ്ങളെ കോതുകത്രികകളായും അടിച്ചുതീർക്കു’ വാനായിരുന്നു. ബൈബിളിലെ പൗലോസ്‌ ആയിരുന്നു: “നാം ജഡത്തിൽ പോരാടുന്നില്ല; നമ്മുടെ പോരിന്റെ ആയുധങ്ങളോ ജഡികങ്ങൾ അല്ല” എന്നു പറഞ്ഞത്‌. (യെശയ്യാവ്‌ 2:4; 2 കൊരിന്ത്യർ 10:3, 4) എങ്കിലും ക്രൈസ്‌തവമണ്ഡലത്തിലെ ജാതികൾ ബൈബിളിന്റെ ബുദ്ധിയുപദേശത്തെ അനുസരിക്കുന്നതിനു പകരം ആയുധ നിർമ്മാണപന്തയത്തിലാണ്‌ കുരുങ്ങിയിരിക്കുന്നത്‌. തങ്ങൾ ബൈബിൾ അനുസരിക്കുന്ന ക്രിസ്‌ത്യാനികളാണെന്നുളള അവരുടെ അവകാശവാദം വ്യാജംതന്നെയാണ്‌. അവർ ദൈവേഷ്ടം ചെയ്യാതിരിക്കയാൽ ദൈവത്തിന്റെ ന്യായവിധിയെ അഭിമുഖീകരിക്കുന്നു.—മത്തായി 7:18-23.
യഹോവയുടെ അത്ഭുതങ്ങളും സൃഷ്ടിപ്പുകളും
20. ദൈവത്തിന്റെ അത്ഭുതങ്ങളെ വിശ്വസിക്കുന്നത്‌ ന്യായയുക്തമായിരിക്കുന്നത്‌ എന്തുകൊണ്ട്‌?
20 യഹോവ സൃഷ്ടിക്കയും അത്ഭുതങ്ങൾ പ്രവർത്തിക്കയും ചെയ്യുന്നു. വെളളം രക്തമായി മാററിയതും ചെങ്കടലിനെ വിഭാഗിച്ചതും യേശുവിന്റെ കന്യകാജനനവും, ബൈബിളിലെ മററ്‌ അത്ഭുതങ്ങളും സംബന്ധിച്ചു നിങ്ങൾ വല്ലപ്പോഴും വിസ്‌മയിച്ചിട്ടുണ്ടോ? മമനുഷ്യന്റെ ബുദ്ധിശക്തി പരിമിതമാകയാൽ ഈ അത്ഭുതങ്ങളിൽ ചിലത്‌ സംഭവിച്ചത്‌ എങ്ങനെയാണെന്ന്‌ അവന്‌ ഒരിക്കലും മനസ്സിലാക്കുവാൻ സാധിക്കയില്ല. ഓരോ ദിവസവും സൂര്യൻ ഉദിക്കയും അസ്‌തമിക്കയും ചെയ്യുന്നത്‌ അവനു പൂർണ്ണമായി മനസ്സിലാക്കുവാൻ കഴിയുകയില്ലാത്തതുപോലെ തന്നെ. മമനുഷ്യന്റെ സൃഷ്ടിപ്പുതന്നെ ഒരത്ഭുതമായിരുന്നു. ആധുനികമനുഷ്യൻ ആ അത്ഭുതം കണ്ടില്ല. എന്നാൽ അവൻ ജീവിച്ചിരിക്കുന്നതുകൊണ്ട്‌ അതു സംഭവിച്ചു എന്ന്‌ അവൻ അറിയുന്നു. യഥാർത്ഥത്തിൽ സകല ജീവജാലവും അഖിലാണ്ഡം മുഴുവൻതന്നെയും ശാശ്വതമായ ഒരു അത്ഭുതമാകുന്നു. അതുകൊണ്ട്‌ ദൈവം പ്രത്യേക അത്ഭുതങ്ങൾ പ്രത്യേക കാലങ്ങളിൽ ചെയ്‌തുവെന്നു ബൈബിൾ പറയുമ്പോൾ അതേ അതിശയങ്ങൾ ചെയ്യേണ്ടയാവശ്യം ഇന്ന്‌ ഇല്ലെങ്കിൽപോലും നാം സംശയിക്കേണമോ?
21. ദൈവത്തിന്റെ അത്യത്ഭുതകരമായ സൃഷ്ടികർമ്മം വിവരിക്കുക.
21 യഹോവയുടെ സൃഷ്ടിയെല്ലാം അത്ഭുതകരവും അതിശയകരവുമാണ്‌! എന്നിരുന്നാലും യഹോവയുടെ അത്ഭുതകരമായ സൃഷ്ടികളിൽ തന്റെ ഒന്നാമത്തെ സൃഷ്ടിയാണ്‌ എല്ലാററിലും വെച്ചേററവും അത്ഭുതകരമായത്‌. ഇതൊരു ആത്മപുത്രന്റെ സൃഷ്ടിപ്പാണ്‌. ഈ പുത്രനെ സംബന്ധിച്ചു ബൈബിൾ പറയുന്നു: “അവൻ അദൃശ്യനായ ദൈവത്തിന്റെ പ്രതിമയും സകലസൃഷ്ടിയിൽവച്ചും ആദ്യജാതനുമാകുന്നു. സ്വർഗ്ഗത്തിലുളളതും ഭൂമിയിലുളളതും ദൃശ്യമായതും അദൃശ്യമായതും . . . സകലവും അവൻ മുഖാന്തരം സൃഷ്ടിക്കപ്പെട്ടു; അവൻ മുഖാന്തരവും അവനായിട്ടും മററുളളവയെല്ലാം സൃഷ്ടിക്കപ്പെട്ടിരിക്കുന്നു.” (കൊലോസ്യർ 1:15, 16; യോഹന്നാൻ 1:3) ഈ സ്വർഗ്ഗീയ പുത്രൻ “വചനം” എന്നു പേർ വിളിക്കപ്പെട്ടു. അവന്റെ സൃഷ്ടിപ്പുകഴിഞ്ഞ്‌ എണ്ണമില്ലാത്ത യുഗങ്ങളുടെ ശേഷം അവൻ ഈ ഭൂമിയിലേക്കു വരികയും “മനുഷ്യനായ ക്രിസ്‌തുയേശു” എന്നു വിളിക്കപ്പെടുകയും ചെയ്‌തു. (1 തിമൊഥെയോസ്‌ 2:5) അവനെ സംബന്ധിച്ച്‌ അപ്പോൾ പറയപ്പെട്ടു: “അപ്രകാരം വചനം ജഡമായിത്തീർന്നു നമ്മുടെ ഇടയിൽ പാർത്തു. അവന്റെ തേജസ്സ്‌ ഒരു പിതാവിൽനിന്നുളള ഏകജാതന്റെ തേജസ്സായി ഞങ്ങൾക്കു കാണായി, അവനിൽ അനർഹമായ ദയയും സത്യവും നിറഞ്ഞിരുന്നു.”—യോഹന്നാൻ 1:14.
22. (എ) ദൈവവും പുത്രനും തമ്മിലുളള ബന്ധം എങ്ങനെ വിശദീകരിക്കാം? (ബി) ദൈവം മററ്‌ ആത്മപുത്രൻമാരെ സൃഷ്ടിച്ചു എന്ന്‌ എന്തു തെളിയിക്കുന്നു?
22 പിതാവും പുത്രനും തമ്മിലുളള ബന്ധം ഒരു വ്യവസായത്തിലെ പ്രസിഡണ്ടും ആ പ്രസിഡണ്ടിന്റെ ഹിതങ്ങളെ നിറവേററുന്ന നിർവ്വാഹകോദ്യോഗസ്ഥനും തമ്മിലുളള ബന്ധത്തോടു സാദൃശ്യപ്പെടുത്താവുന്നതാണ്‌. സദൃശവാക്യങ്ങൾ 8:22, 30–ലും പുത്രൻ പറയുന്നതായി പ്രസ്‌താവിക്കപ്പെട്ടിരിക്കുന്നു: “യഹോവ പണ്ടുപണ്ടേ തന്റെ വഴിയുടെ ആരംഭമായി തന്റെ നേട്ടങ്ങളിൽ ഏററവും ആദ്യത്തേതായി എന്നെ ഉളവാക്കി. ഞാൻ അവന്റെ അടുക്കൽ വിദഗ്‌ദ്ധശിൽപി ആയിരുന്നു.” ഈ നിർവ്വാഹകോദ്യാഗസ്ഥൻ മുഖാന്തരം യഹോവ മററനേകം ആത്മസൃഷ്ടികളെ, ദൈവപുത്രൻമാരെ, സൃഷ്ടിച്ചു. അനന്തരം ഇവർ, യഹോവയുടെ വിദഗ്‌ദ്ധശിൽപി ആകാശത്തേയും നാം പാർക്കുന്ന വസ്‌തുമയമായ ഭൂമിയേയും സൃഷ്ടിക്കുന്നതു കണ്ടു സന്തോഷിച്ചു. ഇവ സൃഷ്ടിക്കപ്പെട്ടവയാണെന്നുളളതു നിങ്ങൾ സംശയിക്കുന്നുവോ? യഹോവ പുരാതന കാലത്തെ ഇയ്യോബിനോടു ചോദിച്ചു: “ഞാൻ ഭൂമിക്ക്‌ അടിസ്ഥാനമിട്ടപ്പോൾ നീ എവിടെയായിരുന്നു? നിനക്ക്‌ വിവേകം ഉണ്ടെങ്കിൽ പ്രസ്‌താവിക്ക. പ്രഭാതനക്ഷത്രങ്ങൾ ഒന്നിച്ചു ഘോഷിച്ചുല്ലസിക്കയും ദൈവപുത്രൻമാരെല്ലാം സന്തോഷിച്ചാർക്കയും ചെയ്‌തപ്പോൾ അതിന്റെ മൂലക്കല്ലിട്ടവൻ ആർ?”—ഇയോബ്‌ 38:4, 7.
23. യഹോവയുടെ ഏതു ഭൗമികസൃഷ്ടിയാണു മുന്തിനിൽക്കുന്നത്‌, ഏതു പ്രകാരത്തിൽ?
23 കാലക്രമത്തിൽ യഹോവ ജീവനുളള ഭൗതികവസ്‌തുക്കളും ചെടികളും വൃക്ഷങ്ങളും പുഷ്‌പങ്ങളും മീനുകളും പക്ഷികളും മൃഗങ്ങളും ഈ ഭൂമിയിൽ സൃഷ്ടിച്ചു. (ഉല്‌പത്തി 1:11-13, 20-25) അനന്തരം ദൈവം തന്റെ വിദഗ്‌ദ്ധശിൽപിയോട്‌ “നാം നമ്മുടെ സ്വരൂപത്തിൽ നമ്മുടെ സാദൃശ്യപ്രകാരം മനുഷ്യനെ ഉണ്ടാക്കുക . . . ദൈവം തന്റെ സ്വരൂപത്തിൽ മനുഷ്യനെ സൃഷ്ടിക്കുവാൻ പുറപ്പെട്ടു. ദൈവത്തിന്റെ സ്വരൂപത്തിൽ അവനെ സൃഷ്ടിച്ചു. ആണും പെണ്ണുമായി അവരെ സൃഷ്ടിച്ചു.” (ഉല്‌പത്തി 1:26, 27) ആദ്യമനുഷ്യൻ ദൈവത്തിന്റെ സാദൃശ്യത്തിലും സ്വരൂപത്തിലും, ദൈവത്തിന്റെ മഹത്തരമായ ലക്ഷണങ്ങളായ സ്‌നേഹം, ജ്ഞാനം, നീതി, ശക്തി എന്നിവയോടുകൂടി സൃഷ്ടിക്കപ്പെട്ടതിനാൽ മൃഗങ്ങളേക്കാൾ വളരെ ശ്രേഷ്‌ഠൻ ആകുന്നു. മനുഷ്യൻ ന്യായവാദം ചെയ്‌വാനും ഭാവിക്കായി ആസൂത്രണം ചെയ്‌വാനും ദൈവത്തെ ആരാധിക്കാനും ത്രാണിയുളളവൻ ആയിരിക്കയാൽ മൃഗങ്ങളിൽനിന്നു വേർപെട്ട ഒരു വർഗ്ഗമായി സ്ഥിതിചെയ്യുന്നു. മൃഗങ്ങൾക്കു ന്യായാന്യായങ്ങളെ വിവേചിക്കാനുളള ബുദ്ധിശക്തിയില്ല. എന്നാൽ അവ സഹജജ്ഞാനത്താലാണ്‌ ജീവിക്കുന്നത്‌. സ്രഷ്ടാവ്‌ ഇല്ല എന്നും ബുദ്ധിജീവിയായ മനുഷ്യൻ ബുദ്ധിയില്ലാത്ത താണമൃഗങ്ങളിൽനിന്നു മേലോട്ടു പരിണമിച്ചുവെന്നും പറയുന്നത്‌ എത്രയോ ഭോഷത്വം!—സങ്കീർത്തനം 92:6, 7; 139:14.
24, 25. (എ) മമനുഷ്യന്റെ മുമ്പിൽ വെക്കപ്പെട്ടിരുന്ന മഹത്തരമായ പ്രതീക്ഷ എന്തായിരുന്നു? (ബി) ഭൂമിയിൽ കണക്കിലേറെ ജനസംഖ്യാവർദ്ധനവിന്റെ വിഷമപ്രശ്‌നം ഉണ്ടാവാനിടയില്ലാതിരിക്കുമായിരുന്നത്‌ എന്തുകൊണ്ട്‌?
24 ദൈവവും തന്റെ പുത്രനും പ്രവർത്തിക്കുന്നവരാകയാൽ ദൈവം മനുഷ്യന്‌ ഇവിടെ ഭൂമിയിൽ പ്രവർത്തിക്കാൻ വേല നൽകി. (യോഹന്നാൻ 5:17) ഒന്നാമത്തെ പുരുഷനും സ്‌ത്രീയുമായ ആദാമിനോടും ഹവ്വയോടും അവൻ പറഞ്ഞു: “സന്താനപുഷ്ടിയുളളവരായി പെരുകി ഭൂമിയിൽ നിറഞ്ഞ്‌ അതിനെ അടക്കി സമുദ്രത്തിലെ മൽസ്യത്തിൻമേലും ആകാശത്തിലെ പറവജാതിയിൻമേലും സകല ഭൂചരജന്തുവിൻമേലും വാഴുവിൻ.” (ഉല്‌പത്തി 1:28) മനുഷ്യൻ വർദ്ധിച്ചുപെരുകി ഭൂമിയെ നിറച്ചശേഷം പിന്നെയും തുടർന്നു വർദ്ധിപ്പിച്ചുകൊണ്ട്‌ ഭൂമിയിൽ കൊളളാതവണ്ണം കവിഞ്ഞുപോകുവാൻ ഇടയാകണമെന്ന്‌ ഇതിന്‌ അർത്ഥമുണ്ടോ? ഇല്ല. ഒരു കോപ്പയിൽ ചായ നിറയ്‌ക്കുവാൻ വല്ലവരും നിങ്ങളോടാവശ്യപ്പെട്ടാൽ, കോപ്പയിലെ ചായ കവിഞ്ഞൊഴുകി മേശമേലും ഒഴുകുവോളം നിങ്ങൾ ഒഴിക്കുകയില്ലല്ലോ. കോപ്പ നിറച്ചശേഷം നിങ്ങൾ നിറുത്തുന്നു. അതുപോലെ “ ഭൂമിയെ നിറയ്‌ക്ക” എന്നുളള മനുഷ്യനോടുളള യഹോവയുടെ കല്‌പന സൂചിപ്പിച്ചത്‌, മനുഷ്യനു സുഖപ്രദമായി ജീവിക്കുവാൻ സാധിക്കുന്നിടത്തോളം നിറച്ചശേഷം മനുഷ്യവർഗ്ഗത്തിന്റെ പുനരുൽപാദനം നിലച്ചുപോകണമെന്നാണ്‌. ഇത്‌ ഒരു പൂർണ്ണതയുളള മനുഷ്യസമുദായത്തിന്‌ ഒരു വിഷമപ്രശ്‌നം ഉളവാക്കുമായിരുന്നില്ല. ഇന്നത്തെ അപൂർണ്ണതയുളള മനുഷ്യവർഗ്ഗത്തിന്റെ ലോകത്തിലാണ്‌ കണക്കിലേറെയുളള ജനസംഖ്യാവർദ്ധനവ്‌ ഒരു വിഷമപ്രശ്‌നമായിത്തീരുന്നത്‌.
25 ദൈവം “കിഴക്ക്‌ ഏദെനിൽ ഒരു തോട്ടത്തിൽ” മനുഷ്യനെ ആക്കി. ആദാമും അവന്റെ ഭാര്യയായ ഹവ്വായും എന്ന രണ്ടു മനുഷ്യർ മാത്രമേ ഉണ്ടായിരുന്നുളളുവെങ്കിലും നമ്മുടെ കവർപേജിലെ തോട്ടംപോലെ ആനന്ദപ്രദമായ ഒരു തോട്ടമായിരുന്നു അത്‌. നോഹയുടെ കാലത്തെ ജലപ്രളയത്തിൽ ആദ്യത്തെ പറുദീസ നശിപ്പിക്കപ്പെട്ടുപോയതിനാൽ ഇന്നു സ്ഥിതിചെയ്യുന്നില്ലെങ്കിലും മദ്ധ്യപൂർവപ്രദേശമാണ്‌ അതിന്റെ ഏകദേശമായ സ്ഥാനമെന്ന്‌ അറിയപ്പെടുന്നത്‌, അത്‌, അതിൽക്കൂടെ ഒഴുകിയതായി ബൈബിളിൽ പേർ പറയുന്ന നദികൾ ഇന്നും സ്ഥിതിചെയ്യുന്നതുകൊണ്ടാണ്‌. (ഉല്‌പത്തി 2:7–14) മനുഷ്യന്‌ ഒരു കേന്ദ്രമെന്ന നിലയിൽ ഈ തോട്ടത്തെ ഉപയോഗിച്ചുകൊണ്ട്‌ പുറത്തോട്ടു പ്രസരിപ്പിച്ചു ഭൂമി മുഴുവനും കൃഷിചെയ്‌തു അതിനെ ആഗോളവ്യാപകമായ ഒരു പറുദീസ ആക്കുന്നതിന്‌ മഹത്തരമായ സന്ദർഭം ഉണ്ടായിരുന്നു.—യെശയ്യാവ്‌ 45:12, 18.
മത്സരവും മരണവും
26. ഇപ്പോൾ ഉദയം ചെയ്യുന്ന ചോദ്യങ്ങൾ എന്തെല്ലാം?
26 ഒരു പറുദീസാഭൂമിയെ പടുത്തുയർത്തണമെന്നാണ്‌ ദൈവത്തിന്റെ ഉദ്ദേശ്യമെങ്കിൽ ഇന്നത്തെ ഭൂമിയിൽ ദുഷ്ടതയും സങ്കടവും ഇത്ര നിറഞ്ഞിരിക്കുന്നത്‌ എങ്ങനെ? ആകട്ടെ, ദൈവം അത്ര സർവ്വശക്തനല്ലെന്നാണോ ഇതു തെളിയിക്കുന്നത്‌? ഈ അവസ്ഥകൾക്കെല്ലാം ഒരു അവസാനമുണ്ടാകുമെന്ന്‌ പ്രത്യാശയുണ്ടോ? ബൈബിൾ പ്രകടമാക്കുന്നതെന്ത്‌?
27. മത്സരം ഏദെൻതോട്ടത്തിൽ പ്രവേശിച്ചത്‌ എങ്ങനെ?
27 യഹോവ മനുഷ്യനെ സൃഷ്ടിച്ചപ്പോൾ ആത്മപുത്രൻമാരിൽ ഒരുവനെ ചില സേവന പദവികൾ നിറവേററുവാൻ ഏദെനിൽ ആക്കിയിരുന്നുവെന്നു ബൈബിൾ വെളിപ്പെടുത്തുന്നു. ദീർഘകാലത്തിനുശേഷം സോർ നഗരത്തിലെ ഒരു രാജാവിനെ സംബന്ധിച്ചു സത്യമായിരുന്നതുപോലെ ‘അവന്റെ സൗന്ദര്യം നിമിത്തം അവന്റെ ഹൃദയം ഗർവ്വിക്കയും’ യഹോവയ്‌ക്കു പകരം അവൻ തന്നെത്തന്നെ ആരാധിക്കുന്നവനായിത്തീരുകയും ചെയ്‌തു. (യെഹേസ്‌ക്കെൽ 28:12, 14, 15, 17 അ. പ്ര. ഭാ.) ഒന്നാമത്തെ പുരുഷന്റേയും സ്‌ത്രീയുടേയും ആരാധന സ്രഷ്ടാവായ യഹോവയിൽനിന്നകററി അവങ്കലേക്കു തിരിച്ചു വിടുവാൻ അവൻ ദൃഢനിശ്ചയം ചെയ്‌തു. ഒരു പാമ്പു മുഖേന ഈ ദൂതൻ ഹവ്വായോടു ഭോഷ്‌കു പറയുകയും ഒന്നാമത്‌ ഹവ്വായേയും അനന്തരം അവളുടെ ഭർത്താവായ ആദാമിനേയും സർവ്വശക്തനായ ദൈവത്തോട്‌ അനുസരണമില്ലാത്തവരായിത്തീരുവാൻ പ്രേരിപ്പിക്കയും ചെയ്‌തു.—ഉല്‌പത്തി 2:15-17; 3:1-6.
28. അനുസരണക്കേടിന്റെ ഫലമായി മനുഷ്യനുണ്ടായത്‌ എന്ത്‌?
28 അനുസരണക്കേടിനുളള ശിക്ഷ മരണം ആണെന്നു ദൈവം പ്രസ്‌താവിച്ചിരുന്നു. ഒന്നാമത്തെ സ്‌ത്രീയുടെമേൽ ശിക്ഷാവിധി പ്രസ്‌താവിക്കയിൽ യഹോവ പറഞ്ഞു: “ഞാൻ നിന്റെ ഗർഭധാരണത്തിന്റെ വേദനയെ അതിയായി വർദ്ധിപ്പിക്കും; പ്രസവവേദനയോടെ നീ മക്കളെ പ്രസവിക്കും, നിന്റെ ആഗ്രഹം നിന്റെ ഭർത്താവിനോടാകും, അവൻ നിന്നെ ഭരിക്കും.” പുരുഷനായ ആദാമിനോട്‌ അവൻ പറഞ്ഞു: “നീ നിലത്തിലേക്കു തിരികെ ചേരുംവരെ മുഖത്തെ വിയർപ്പോടെ അപ്പം ഭക്ഷിക്കും; എന്തെന്നാൽ നീ അതിൽ നിന്ന്‌ എടുക്കപ്പെട്ടിരിക്കുന്നു; നീ പൊടിയാകുന്നു, പൊടിയിൽ തിരികെച്ചേരും.” (ഉല്‌പത്തി 3:16–19) അനുസരിക്കാതിരുന്ന ദമ്പതികൾ സന്തോഷത്തിന്റെ പറുദീസയിൽ നിന്നു, കൃഷിചെയ്യപ്പെടാത്ത ഭൂമിയിലേക്കു തളളിക്കളയപ്പെട്ടു. കാലാന്തരത്തിൽ അവർ മരിച്ചു.—ഉല്‌പത്തി 5:5.
29. മനുഷ്യവർഗ്ഗത്തിന്റെ അദൃശ്യനായ അധിപതിയായി നിൽക്കുന്നത്‌ ആർ? ഈ ലോകം അവന്റെ വ്യക്തിത്വത്തെ പ്രതിബിംബിക്കുന്നത്‌ എങ്ങനെ?
29 മനുഷ്യനെ വഞ്ചിച്ച ദൂതൻ സർപ്പമെന്ന്‌ അറിയപ്പെടുന്നു. (2 കൊരിന്ത്യർ 11:3) അവൻ “എതിരാളി” എന്നർത്ഥമുളള സാത്താൻ എന്നും “ദൂഷകൻ” എന്നർത്ഥമുളള പിശാച്‌ എന്നും കൂടെ വിളിക്കപ്പെടുന്നു. അവനും കൂടെ മരണമെന്ന ശിക്ഷയ്‌ക്കു അധീനനായിത്തീർന്നു. (ഉല്‌പത്തി 3:15; എബ്രായർ 2:14) എന്നിരുന്നാലും യഹോവ അവനെ ഒരു കാലത്തേക്കു നിപതിച്ച മനുഷ്യവർഗ്ഗത്തിലെ ജാതികളുടെമേലും മതങ്ങളുടെമേലും അവന്റെ ആധിപത്യം തുടരുവാൻ അനുവദിച്ചു. സാത്താന്റെ ലക്ഷണങ്ങളായ സ്വാർത്ഥതയും സ്‌നേഹമില്ലായ്‌മയും അനീതിയും ഇന്നു ലോകത്തിലെല്ലായിടത്തും കാണപ്പെടുന്നുവെന്നുളളതിൽ നിങ്ങൾ യോജിക്കുന്നില്ലയോ? ഇന്നത്തെ ലോകം യഥാർത്ഥത്തിൽ അതിന്റെ അദൃശ്യനായ അധിപതിയുടെ ചീത്തത്വത്തെ പ്രതിബിംബിപ്പിക്കുന്നു. അതുകൊണ്ടാണ്‌ “സർവ്വലോകവും ദുഷ്ടന്റെ അധീനതയിൽ കിടക്കുന്നു” എന്നു ബൈബിൾ പറയുന്നത്‌.—1 യോഹന്നാൻ 5:19.
30. “പാപം” എന്നാൽ എന്ത്‌? മനുഷ്യവർഗ്ഗത്തിന്‌ അതിന്റെ ഫലം എന്ത്‌?
30 ആദാമും ഹവ്വായും പൂർണ്ണതയുടെ സ്ഥാനത്തുനിന്നു വീണുപോയതിന്റെ ശേഷംമാത്രമാണു മക്കളെ ജനിപ്പിക്കാൻ തുടങ്ങിയത്‌. ഇന്നു മനുഷ്യരെല്ലാം അപൂർണ്ണതയിലായിത്തീർന്നവരുടെ സന്താനങ്ങളാകയാൽ എല്ലാവരും മരിക്കുന്നു. ഒരു ബൈബിൾ എഴുത്തുകാരൻ ഈ വാക്കുകളിൽ അതു വിശദമാക്കുന്നു: “ഏക മനുഷ്യനാൽ പാപവും പാപത്താൽ മരണവും ലോകത്തിൽ പ്രവേശിച്ചു; ഇങ്ങനെ എല്ലാവരും പാപം ചെയ്‌കയാൽ മരണം സകല മനുഷ്യരിലും പരന്നിരിക്കുന്നു.” (റോമർ 5:12) ഈ “പാപം” എന്നുവെച്ചാൽ എന്ത്‌? അതു പൂർണ്ണതയുടെയോ തികവിന്റെയോ ലക്ഷ്യത്തിൽനിന്ന്‌ അധഃപതിച്ചുപോകൽ ആകുന്നു. യഹോവയാം ദൈവം അപൂർണ്ണമായ യാതൊന്നിനെയും അംഗീകരിക്കുകയോ, ജീവിക്കാൻ അനുവദിക്കുകയോ ചെയ്യുന്നില്ല. സകല മനുഷ്യരും പാപവും അപൂർണ്ണതയും ആദ്യമനുഷ്യനായ ആദാമിൽനിന്ന്‌ അവകാശപ്പെടുത്തിയതിനാൽ മരണത്തിന്‌ അധീനരാണ്‌. വീണുപോയ മനുഷ്യൻ മൃഗങ്ങളെപ്പോലെ തന്നെ മരിക്കുന്നു.—സഭാപ്രസംഗി 3:19-21.
31. ആദാമിൽ നിന്നു മനുഷ്യവർഗ്ഗം അവകാശപ്പെടുത്തിയ “മരണം” എന്നാൽ എന്ത്‌?
31 ഈ “മരണം” എന്നാൽ എന്ത്‌? മരണമെന്നാൽ ജീവന്റെ വിപരീതം ആകുന്നു. മനുഷ്യൻ അനുസരണമുളളവനായിരിക്കുമെങ്കിൽ ഭൂമിയിൽ അന്തമില്ലാത്ത ജീവനാണു ദൈവം മമനുഷ്യന്റെ മുമ്പിൽ വെച്ചിരുന്നത്‌. എങ്കിലും അവൻ അനുസരിച്ചില്ല, അതിന്റെ ശിക്ഷ മരണം, ബോധരഹിതാവസ്ഥ, ആസ്‌തിക്യമില്ലായ്‌മയായിരുന്നു. (സങ്കീർത്തനം 146:4) മനുഷ്യൻ അനുസരണക്കേടുകാണിക്കയോ മരിക്കയോ ചെയ്‌താൽ അവന്റെ ജീവനെ ഒരു ആത്മലോകത്തിലേക്കോ ഒരു അഗ്‌നിമയമായ “നരക”ത്തിലേക്കോ മാററുന്നതിനെക്കുറിച്ച്‌ ദൈവം ഒന്നും തന്നെ പറഞ്ഞിട്ടില്ല. ദൈവം മനുഷ്യനു മുന്നറിയിപ്പുനൽകിയിരുന്നത്‌ “നീ മരിക്കും നിശ്ചയം” എന്നായിരുന്നു. “നിങ്ങൾ തീർച്ചയായും മരിക്കയില്ല” എന്നു മനുഷ്യകൊലപാതകനായ പിശാചു പറഞ്ഞത്‌ ഭോഷ്‌ക്‌ ആയിരുന്നു. (ഉല്‌പത്തി 2:17; 3:4; യോഹന്നാൻ 8:44) സകല മനുഷ്യരും ആദാമിൽനിന്ന്‌ അവകാശപ്പെടുത്തിയത്‌ പൊടിക്ക്‌ തുല്യമായ മരണമാണ്‌.—സഭാപ്രസംഗി 9:5, 10; സങ്കീർത്തനം 115:17.
32. മനുഷ്യവർഗ്ഗത്തിനും ഈ ഭൂമിക്കും എന്തു മഹത്വമുളള ഭാവിയാണ്‌ കാത്തിരിക്കുന്നത്‌?
32 ആ സ്ഥിതിക്കു മരിക്കുന്ന മനുഷ്യനു ഭാവിയില്ലയോ? അത്ഭുതകരമായ ഒരു ഭാവിയുണ്ട്‌! ഇപ്പോൾ മരിച്ചിരിക്കുന്നവരും ഉൾപ്പെടെയുളള സകല മനുഷ്യവർഗ്ഗത്തിനുമായി ഒരു പറുദീസാഭൂമിയെ സംബന്ധിച്ചുളള ദൈവത്തിന്റെ ഉദ്ദേശ്യം പരാജയപ്പെടുകയില്ലെന്നു ബൈബിൾ പ്രകടമാക്കുന്നു. യഹോവ പറയുന്നു: “സ്വർഗ്ഗം എന്റെ സിംഹാസനവും ഭൂമി എന്റെ പാദപീഠവുമാകുന്നു.” “ഞാൻ എന്റെ പാദസ്ഥാനത്തെ തന്നെ മഹത്വീകരിക്കും.” (യെശയ്യാവ്‌ 66:1; 60:13) യഹോവ തന്റെ സ്‌നേഹത്തിന്റെ സമൃദ്ധിയിൽ തന്റെ പുത്രനെ, വചനത്തെ, ഈ ഭൂമിയിലേക്ക്‌ അയച്ചത്‌ ലോകത്തിലെ മനുഷ്യവർഗ്ഗം അവനാൽ ജീവൻ പ്രാപിക്കേണ്ടതിനായിരുന്നു. (യോഹന്നാൻ 3:16; 1 യോഹന്നാൻ 4:9) യഹോവ തന്റെ പുത്രൻ മുഖാന്തരം സാധിപ്പിക്കുന്ന മൂന്നു പ്രധാന കാര്യങ്ങളെ സംബന്ധിച്ചു നാം ഇപ്പോൾ ചർച്ചചെയ്യേണ്ടിയിരിക്കുന്നു. അവ: (1) മരണത്തിന്റെ ശക്തിയിൽനിന്നുളള ഒരു വിടുതൽ സാധിപ്പിക്കൽ (2) മരിച്ചവരെ ജീവനിലേക്കു പുനഃസ്ഥിതീകരിക്കൽ (3) സകല മനുഷ്യവർഗ്ഗത്തിൻമേലും ഒരു പൂർണ്ണതയുളള ഭരണം സ്ഥാപിക്കൽ.
മരണത്തിൽനിന്നുളള വിടുതൽ
33, 34. (എ) മനുഷ്യൻ എങ്ങനെ മാത്രമാണു മരണത്തിൽനിന്ന്‌ വീണ്ടെടുക്കപ്പെടുവാൻ സാധിക്കുന്നത്‌? (ബി) ദൃഷ്ടാന്തീകരിക്കുക.
33 പുരാതനകാലം മുതൽ ദൈവത്തിന്റെ പ്രവാചകൻമാർ, മമനുഷ്യന്റെ അമർത്യതയിലല്ല, പിന്നെയോ ദൈവം അവരെ “മരണത്തിൽനിന്നു വിടുവിക്കും” എന്നുളള പ്രത്യാശയിൽ വിശ്വാസം പ്രകടിപ്പിച്ചിട്ടുണ്ട്‌. (ഹോശേയാ 13:14,) എന്നാൽ മനുഷ്യന്‌ മരണപാശങ്ങളിൽനിന്നു വിടുവിക്കപ്പെടുവാൻ എങ്ങനെ സാധിക്കും? യഹോവയുടെ പൂർണ്ണതയുളള നീതി ആവശ്യപ്പെട്ടത്‌: “ദേഹിക്കു പകരം ദേഹി, കണ്ണിനു പകരം കണ്ണ്‌, പല്ലിനു പകരം പല്ല്‌” എന്നാണ്‌. (ആവർത്തനം 19:21) അതിനാൽ ആദാം മനഃപൂർവ്വമായി അവന്റെ സ്വന്തം പൂർണ്ണജീവനെ തളളിക്കളഞ്ഞതിനാൽ മനുഷ്യവർഗ്ഗം അവകാശപ്പെടുത്തിയ മരണം നീങ്ങണമെങ്കിൽ ആദാം നഷ്ടപ്പെടുത്തിയതിനെ തിരികെ വാങ്ങുവാൻ ഒരു പൂർണ്ണമനുഷ്യൻ ബദൽ ആയി തന്റെ പൂർണ്ണജീവൻ നൽകേണ്ടതാണ്‌.
34 നമുക്ക്‌ ഇത്‌ ഒരു പണയക്കടയാൽ ദൃഷ്ടാന്തീകരിക്കാം. അധികമാളുകളും പണയക്കടകളിൽനിന്ന്‌ അകന്നുകളയുന്ന സ്ഥിതിക്കു മമനുഷ്യന്റെ ഇപ്പോഴത്തെ അവസ്ഥയെ ഇങ്ങനെ വിവരിക്കുന്നതു ചേർച്ചയായിരിക്കും. ആരെങ്കിലും ഒരു പണയക്കടയിൽ ഒരു വാച്ച്‌ ഈടുവച്ചിട്ടുണ്ടെങ്കിൽ പണയക്കടയിൽനിന്നു ആ വാച്ചു തിരികെ കിട്ടുന്നതിനുളള ഏകമാർഗ്ഗം വാച്ചിന്റെ വിലയായ പണം അടയ്‌ക്കുകയെന്നുളളതാണ്‌. അങ്ങനെ ആ വാച്ച്‌ സ്വാതന്ത്ര്യപ്പെടുന്നതിനു സാദ്ധ്യതയുണ്ടാകുന്നു. വാച്ച്‌ പണയക്കടയിലിരുന്നു കേടുപിടിച്ച്‌ ഉപയോഗരഹിതമായിത്തീരാവുന്നതുപോലെ മനുഷ്യവർഗ്ഗം ഇന്നു മരണത്തിലേക്കു നടത്തുന്ന അപൂർണ്ണതയ്‌ക്കു അടിമപ്പെട്ടവരായി പണയക്കടയിൽ ബന്ധിക്കപ്പെട്ടിരിക്കുന്ന ആ വാച്ചുപോലെ ആയിത്തീർന്നിരിക്കുന്നു. ഈ അരിഷ്ടാവസ്ഥയിൽ നിന്നു മനുഷ്യവർഗ്ഗത്തിന്‌ ആ വാച്ചുപോലെ സ്വയം സ്വാതന്ത്ര്യപ്പെടാൻ പാടില്ലാത്തവരായിരിക്കുന്നു. വാച്ചിന്റെ കാര്യംപോലെ പുറത്തുനിന്ന്‌ ഒരുവനു മനുഷ്യവർഗ്ഗത്തിനു വിടുതൽ സമ്പാദിക്കാനുളള വില അടയ്‌ക്കുവാൻ സാധിക്കുന്നതാണ്‌. മനുഷ്യനെ മരണത്തിന്‌ അടിമയാക്കിത്തീർത്തത്‌ ആദാമിന്റെ മാനുഷപൂർണ്ണതയിലെ ജീവൻ നഷ്ടമായിത്തീർന്നതുകൊണ്ടാണ്‌. അതുകൊണ്ടു മരണത്തിന്റെ ശക്തിയിൽ നിന്നു മനുഷ്യനെ വിടുവിക്കുവാൻ വേറൊരു മനുഷ്യജീവൻ വിലയായി അടയ്‌ക്കേണ്ടതാണ്‌.
35. മറുവില എന്ന നിലയിൽ പൂർണ്ണ മാനുഷജീവന്റെ ആവശ്യം യഹോവ എങ്ങനെയാണ്‌ സാധിച്ചത്‌?
35 എന്നിരുന്നാലും അങ്ങനെ പൂർണ്ണതയുളള ഒരു മനുഷ്യജീവൻ എവിടെ കണ്ടെത്തുവാൻ സാധിക്കും? മനുഷ്യർ എല്ലാവരും അപൂർണ്ണനായ ആദാമിന്റെ സന്തതികളെന്ന നിലയിൽ അപൂർണ്ണരായിട്ടാണ്‌ ജനിച്ചത്‌. “സഹോദരനെപ്പോലും വീണ്ടെടുപ്പാനോ അവനുവേണ്ടി ദൈവത്തിനു വീണ്ടെടുപ്പുവിലകൊടുപ്പാനോ അവരിൽ ആർക്കും കഴിയുകയില്ല.” (സങ്കീർത്തനം 49:7) ഈ ആവശ്യം നിറവേററുവാൻ യഹോവ തന്റെ ഏററവും വലിയ അതിശയങ്ങളിൽ ഒന്നു ചെയ്‌തു. അവൻ തന്റെ ആത്മപുത്രനായ വചനത്തിന്റെ പൂർണ്ണജീവൻ ഒരു യഹൂദ കന്യകയായ മറിയയുടെ ഗർഭപാത്രത്തിലേക്കു മാററി. ആ യുവതി ഗർഭവതിയാകയും തക്കസമയത്ത്‌ ഒരു പുത്രനെ പ്രസവിക്കയും ചെയ്‌തു. അവനു “യഹോവ രക്ഷ ആകുന്നു” എന്ന്‌ അർത്ഥമുളള യേശു എന്ന പേർ വിളിക്കയും ചെയ്‌തു. (മത്തായി 1:18-25) ഈ കന്യകാജനനം ചരിത്രത്തിൽ ഒരിക്കൽമാത്രം സംഭവിച്ചിട്ടുളളതാകയാൽ നിങ്ങൾ സംശയിക്കുന്നുവോ? ദൈവത്തിന്റെ മഹത്തായ ഉദ്ദേശ്യത്തിൽ അത്തരം ഒരു അതിശയം ഒരിക്കൽ മാത്രം പ്രവർത്തിച്ചാൽ മതിയായിരുന്നു.
36. ജീവനെ ആഗ്രഹിക്കുന്ന സകല മനുഷ്യരോടുമുളള സ്‌നേഹം യേശു പ്രകടമാക്കിയത്‌ എങ്ങനെ?
36 യേശു പുരുഷത്വത്തിലേക്കു വളരുകയും യഹോവയ്‌ക്കു തന്നെത്തന്നെ ഏൽപ്പിച്ചുകൊടുക്കുകയും സ്‌നാനപ്പെടുകയും ചെയ്‌തു. അപ്പോൾ യഹോവ അവനെ ദിവ്യേഷ്‌ടം ചെയ്‌വാൻ അധികാരപ്പെടുത്തി. (മത്തായി 3:13,16,17) യേശുവിന്റെ ഭൗമിക ജീവൻ സ്വർഗ്ഗത്തിൽനിന്നു വന്നതിനാലും പൂർണ്ണതയുളളതായിരുന്നതിനാലും, അവനു പൂർണ്ണതയുളള ആ മനുഷ്യജീവനെ ബലി നൽകി മനുഷ്യവർഗ്ഗത്തെയെല്ലാം മരണത്തിൽനിന്നു വിടുവിക്കുന്നതിനുപയോഗിക്കാൻ സാധിച്ചു. (റോമർ 6:23; 5:18, 19) “അവർക്കു ജീവൻ ഉണ്ടാകുവാനും സമൃദ്ധിയായിട്ടുണ്ടാകുവാനും ഞാൻ വന്നു” എന്ന്‌ അവൻതന്നെ പറഞ്ഞതുപോലെതന്നെ. “സ്‌നേഹിതൻമാർക്കുവേണ്ടി ജീവനെ കൊടുക്കുന്നതിലും അധികമായ സ്‌നേഹം ആർക്കുമില്ല.” (യോഹന്നാൻ 10:10; 15:13) ഒരു ദണ്ഡനസ്‌തംഭത്തിലെ മരണത്തിനു യേശു കീഴ്‌പ്പെട്ടുകൊടുത്തതിൽ തന്റെ വീണ്ടെടുപ്പുവ്യവസ്ഥമുഖാന്തരം സമൃദ്ധിയായ ജീവൻ ലഭിക്കാൻ ആഗ്രഹിക്കുന്ന സകല മനുഷ്യവർഗ്ഗത്തോടുമുളള തന്റെ വലിയ സ്‌നേഹമാണു പ്രകടമാക്കിയത്‌.—മത്തായി 20:28; 1 തിമോഥെയോസ്‌ 2:5, 6)
ജീവനിലേക്കുളള പുനഃസ്ഥിതീകരണം
37. ദൈവപുത്രൻ ജീവനിലേയ്‌ക്കു പുനഃസ്ഥിതീകരിക്കപ്പെട്ടത്‌ എങ്ങനെ? ഇത്‌ എന്തു തെളിയിക്കുന്നു?
37 ദൈവപുത്രനായ അവനെ അവന്റെ ശത്രുക്കൾ കൊന്നുവെങ്കിലും അവൻ ദൈവത്തോടുളള നിർമ്മലതയെ പാലിച്ചവനാകയാൽ പൂർണ്ണമാനുഷജീവനുളള അവന്റെ അവകാശം ഒരിക്കലും നഷ്ടപ്പെട്ടുപോയില്ല. എന്നുവരികിലും മരിച്ചവനായി ശവക്കുഴിയിൽ ഇരിക്കവേ യേശുവിന്‌ മാനുഷജീവനുളള അവകാശമായ മൂല്യം മനുഷ്യവർഗ്ഗത്തിനുവേണ്ടി എങ്ങനെ ഉപയോഗിക്കാൻ കഴിയും? ഇവിടെയാണ്‌ യഹോവ ആ തരത്തിലെ ഒന്നാമത്തേതായ വേറൊരു അതിശയം പ്രവർത്തിച്ചത്‌. യേശു ശവക്കുഴിയിലിരുന്ന മൂന്നാംദിവസം യഹോവ അവനെ ഈ പ്രാവശ്യം അമർത്യതയുളള ഒരു ആത്മസൃഷ്ടിയായി മരണത്തിൽ നിന്നുയർത്തെഴുന്നേൽപ്പിച്ചു. (റോമർ 6:9; 1 പത്രോസ്‌ 3:18) പുനരുത്ഥാനത്തിലുളള വിശ്വാസം സ്ഥാപിക്കേണ്ടതിനു യേശു മാനുഷികശരീരത്തിൽ ഇന്ദ്രിയഗോചരത്വമുളളവനായി പലപ്പോഴും തന്റെ ശിഷ്യൻമാരിൽ അഞ്ഞൂറും അധികവും പേർക്കു പ്രത്യക്ഷനായി. അവന്റെ പുനരുത്ഥാനത്തിന്റെ അതിശയത്തെ സംശയിക്കാൻ ഇവരിൽ ആർക്കെങ്കിലുമോ, മഹത്വം പ്രാപിച്ച യേശുവിന്റെ പിന്നീടുണ്ടായ പ്രത്യക്ഷതയാൽ കുരുടനായിത്തീർന്ന പൗലോസ്‌ അപ്പോസ്‌തലനോ യാതൊരു ന്യായവും ഉണ്ടായിരുന്നില്ല.—1 കൊരിന്ത്യർ 15:3-8; പ്രവൃത്തികൾ 9:1-9.
38. (എ) യേശു തന്റെ ബലിയുടെ മൂല്യം ഉപയോഗിക്കുന്നത്‌ എങ്ങനെ? ഒന്നാമത്‌ ആർക്കുവേണ്ടി? (ബി) മററ്‌ ഏതു വലിയ അത്ഭുതത്തെ സംബന്ധിച്ചു യേശു പറഞ്ഞു?
38 പുനരുത്ഥാനം പ്രാപിച്ച യേശു നാല്‌പതു ദിവസത്തിനു ശേഷം സ്വർഗ്ഗത്തിൽ ദൈവത്തിന്റെ സ്വന്തസന്നിധിയിൽ തന്റെ പൂർണ്ണമാനുഷബലിയുടെ മൂല്യം സകല മനുഷ്യവർഗ്ഗത്തിന്റെയും വിടുതലിനായി സമർപ്പിക്കുവാൻ പ്രത്യക്ഷനായി. “എന്നാൽ ഈ മനുഷ്യൻ പാപങ്ങൾക്കുവേണ്ടി എന്നേക്കുമായി ഏകയാഗം കഴിച്ചിട്ട്‌ ദൈവത്തിന്റെ വലത്തുഭാഗത്ത്‌ ഇരുന്നുകൊണ്ടു തന്റെ ശത്രുക്കൾ തന്റെ പാദപീഠമാകുവോളം കാത്തിരിക്കുന്നു.” (എബ്രായർ 10:12, 13) ഈ വീണ്ടെടുപ്പുബലി മുഖാന്തരം ആദ്യം വിടുതൽ ലഭിക്കുന്നവർ “ക്രിസ്‌തുവിനുളളവർ” ആയ വിശ്വസ്‌തക്രിസ്‌ത്യാനികളുടെ “ചെറിയആട്ടിൻകൂട്ട” മാണ്‌. (ലൂക്കോസ്‌ 12:32; 1 കൊരിന്ത്യർ 15:22, 23) ഇവർ “മനുഷ്യവർഗ്ഗത്തിൽനിന്നു വിലയ്‌ക്കുവാങ്ങപ്പെട്ടവർ” ആകുന്നു. അതിനാൽ പുനരുത്ഥാനത്തിൽ അവർ സ്വർഗ്ഗത്തിൽ ക്രിസ്‌തുവിന്റെ ആത്മിക സഖികളായിരിക്കും. (വെളിപ്പാട്‌ 14:1-5) എങ്കിലും ഇപ്പോൾ ശവക്കുഴിയിൽ കിടക്കുന്ന മനുഷ്യവർഗ്ഗത്തിലെ വലിയ കൂട്ടത്തെ സംബന്ധിച്ച്‌ എന്ത്‌? താൻ പറുദീസാഭൂമി പുനഃസ്ഥാപിക്കുമ്പോൾ ചെയ്‌വാനുളള വേറൊരു അത്ഭുതത്തെക്കുറിച്ച്‌ യേശു ഭൂമിയിലായിരുന്നപ്പോൾ പറഞ്ഞു: “ഇതിങ്കൽ ആശ്ചര്യപ്പെടരുത്‌; സ്‌മാരകക്കല്ലറകളിലുളളവർ എല്ലാവരും അവന്റെ ശബ്ദം കേട്ടു നൻമ ചെയ്‌തവർ ജീവന്റെ പുനരുത്ഥാനത്തിനായും തിൻമ അഭ്യസിച്ചവർ ന്യായവിധിയുടെ പുനരുത്ഥാനത്തിനായും പുറത്തുവരുവാനുളള നാഴിക വരുന്നു.”—യോഹന്നാൻ 5:28, 29.
39, 40. “പുനരുത്ഥാനം” എന്നുളളതിന്റെ കൃത്യമായ അർത്ഥം എന്താണെന്നു വിശദീകരിക്കുക.
39 “ഇതിങ്കൽ ആശ്ചര്യപ്പെടരുത്‌” എന്നുളള യേശുവിന്റെ വാക്കുകൾ ഗൗനിക്കുക. അങ്ങനെയെങ്കിൽത്തന്നെ ദീർഘകാലം മരിച്ചിരുന്ന ഒരുവൻ മരണത്തിൽനിന്നു വിടുതൽപ്രാപിച്ചു ജീവനിലേയ്‌ക്കു തിരികെ കൊണ്ടുവരപ്പെടുവാൻ എങ്ങനെ കഴിയും? അവന്റെ ശരീരം പൊടിയിലേക്കു തിരികെ ചേർന്നില്ലയോ? ആ ശരീരത്തിന്റെ ഭാഗങ്ങളിൽ ചിലതു സസ്യങ്ങളും മൃഗങ്ങളുമായ ജീവനുളള വസ്‌തുക്കളിലേക്ക്‌ വലിച്ചെടുത്തിരിക്കാം. എന്നുവരികിലും പുനരുത്ഥാനം എന്നുവെച്ചാൽ അതേ രാസമൂലകങ്ങൾ തന്നെ തിരികെ ഒരുമിച്ചു ചേരുകയല്ല, അതിന്റെ അർത്ഥം ദൈവം അതേ ആളിനെത്തന്നെ അതേ വ്യക്തിത്വത്തെത്തന്നെ, വീണ്ടും സൃഷ്ടിക്കുകയെന്നാകുന്നു. ഭൂമിയിലെ മൂലപദാർത്ഥങ്ങളിൽനിന്ന്‌ ഒരു പുതിയ ശരീരത്തെ വരുത്തുകയും ആ ശരീരത്തിൽ മരിച്ചുപോയ ആളിന്റെ മരണം വരെ വളർത്തിയ അതേ സവിശേഷതകളും വ്യതിരിക്തമായ ഗുണങ്ങളും അതേ ഓർമ്മയും അതേ ജീവിത മാതൃകയും വെയ്‌ക്കുകയുമാണു ചെയ്യുന്നത്‌.
40 യുദ്ധകാലത്തു നിങ്ങൾക്ക്‌ അതിയായി സ്‌നേഹിച്ചിരുന്ന വീടു ചുട്ടുനശിപ്പിക്കപ്പെട്ട ഒരു അനുഭവം ഉണ്ടായിരുന്നിരിക്കാം. എന്നാലും അതിന്റെ പ്രിയപ്പെട്ട എല്ലാ ഭാഗത്തിന്റേയും വിശദമായ മാതൃക നിങ്ങളുടെ ഓർമ്മയിൽ നന്നായി തെളിഞ്ഞിരുന്നാൽ, നശിപ്പിക്കപ്പെട്ട വീടുപോലെതന്നെ നിങ്ങൾക്കു വീണ്ടും പണിയുന്നതിന്‌ എളുപ്പമുണ്ട്‌. ഓർമ്മയെത്തന്നെ ഉൽപാദിപ്പിച്ച ദൈവത്തിനു തീർച്ചയായും താൻ സ്‌നേഹിച്ച്‌ ഓർമ്മയിൽ സൂക്ഷിച്ചിരിക്കുന്ന മനുഷ്യനെ വീണ്ടും സൃഷ്ടിക്കാൻ സാധിക്കുന്നതാണ്‌. (യെശയ്യാവ്‌ 64:8) ഇതുനിമിത്തമാണ്‌ ബൈബിൾ “സ്‌മാരകക്കല്ലറ”യെന്ന പദം ഉപയോഗിക്കുന്നത്‌, മരിച്ചുപോയവരെ വീണ്ടും ജീവനിലേക്കു വരുത്തുന്നതിനുളള ദൈവത്തിന്റെ തക്ക സമയം വരുമ്പോൾ ആദ്യം മനുഷ്യനെ സൃഷ്ടിക്കുന്നതിനു താൻ ചെയ്‌ത അതിശയം, ഈ സമയത്ത്‌ അനേകം പ്രാവശ്യം ചെയ്യേണമെന്നു മാത്രമേയുളളു.—ഉല്‌പത്തി 2:7; പ്രവൃത്തികൾ 24:15.
41. ഭൂമിയിൽ നിത്യജീവൻ ഉണ്ടായിരിക്കേണ്ടത്‌ ന്യായാനുസരണവും നിശ്ചയമുളളതും ആയിരിക്കുന്നത്‌ എന്തുകൊണ്ട്‌?
41 ദൈവം മനുഷ്യവർഗ്ഗത്തെ ജീവനിലേക്കു വീണ്ടും വരുത്തുന്നതു വീണ്ടും ഭൂമിയിൽനിന്ന്‌ ഒരിക്കലും മരിക്കാതിരിക്കുന്നതിനുളള പ്രതീക്ഷയോടെയാണ്‌. എന്നാൽ ഭൂമിയിൽ നിത്യജീവൻ സാദ്ധ്യമാകുന്നത്‌ എങ്ങനെ? അതു ദിവ്യേഷ്‌ടവും ഉദ്ദേശ്യവുമാകയാൽ അതു സാദ്ധ്യവും നിശ്ചയമുളളതും ആകുന്നു. (യോഹന്നാൻ 6:37-40; മത്തായി 6:10) ഇന്നു മനുഷ്യൻ ഭൂമിയിൽ നിന്നു മരിച്ചുപോകുന്നതിനുളള ഏകകാരണം അവൻ ആദാമിൽനിന്ന്‌ അത്‌ അവകാശപ്പെടുത്തി എന്നുളളതാണ്‌. എന്നിരുന്നാലും മനുഷ്യർ ഭൂമിയിൽ അനുഭവിക്കേണ്ടതിന്‌ ഉദ്ദേശിക്കപ്പെട്ടിരുന്ന അളവററതും വിവിധങ്ങളുമായ അത്ഭുതകാര്യങ്ങളെപ്പററി നാം ചിന്തിക്കുമ്പോൾ നൂറുവയസ്സിൽ താഴെയുളള ചുരുങ്ങിയ കാലം ഏതും പോരാത്തതത്രെ! ഈ ഭൂമിയെ മനുഷ്യപുത്രൻമാർക്ക്‌ കൊടുത്തതിൽ ദൈവം ഉദ്ദേശിച്ചതു മനുഷ്യൻ ദൈവത്തിന്റെ സൃഷ്ടിയുടെ മഹിമകളെയെല്ലാം ഒരു നൂറുവർഷത്തേക്കോ അഥവാ ഒരു ആയിരം വർഷത്തേക്കുമാത്രമോ അനുഭവിച്ചുകൊണ്ട്‌ ജീവിക്കാനായിരുന്നില്ല, പിന്നെയോ എന്നെന്നേക്കും ജീവിക്കാനായിരുന്നു!—സങ്കീർത്തനം 115:16; 133:3.
പൂർണ്ണതയുളള സമാധാനഭരണം
42. ഒരു പൂർണ്ണതയുളള ഭരണം ആവശ്യമായിരിക്കുന്നത്‌ എന്തുകൊണ്ട്‌? ഇത്‌ സംബന്ധിച്ചു യഹോവ ഉദ്ദേശിക്കുന്നത്‌ എന്ത്‌?
42 നമ്മുടെ ആദ്യമാതാപിതാക്കൻമാർ ദൈവത്തിന്റെ നിയമം ലംഘിച്ചതുകൊണ്ട്‌ മാനുഷഭരണം സാത്താന്റെ നിയന്ത്രണത്തിലായി. ഉചിതമായി ബൈബിൾ സാത്താനെ “ഈ വ്യവസ്ഥിതിയുടെ ദൈവം” എന്നു വിളിക്കുന്നു. (2 കൊരിന്ത്യർ 4:4) യുദ്ധങ്ങൾ, ക്രൂരതകൾ, അഴിമതി, ഉറപ്പില്ലാത്ത മാനുഷഭരണങ്ങൾ എന്നിവ തെളിയിക്കുന്നു. കുഴപ്പത്തിൽനിന്നു സമാധാനത്തെ കൈവരുത്തുന്ന കാര്യത്തിൽ സർവ്വരാജ്യസഖ്യവും ഐക്യരാഷ്‌ട്രങ്ങളും പരാജയപ്പെട്ടിരിക്കുന്നു. മനുഷ്യവർഗ്ഗം ഒരു സമാധാനഭരണത്തിനു വേണ്ടി മുറവിളിക്കുന്നു. ഈ ഭൂമിയിൽ പറുദീസ പുനഃസ്ഥാപിക്കുന്നതിന്‌ ഉദ്ദേശിക്കുന്ന സ്രഷ്ടാവ്‌ ആ പറുദീസയ്‌ക്കു ഒരു പൂർണ്ണതയുളള ഭരണം ഏർപ്പെടുത്തുമെന്നുളളതു ന്യായമായിരിക്കുന്നില്ലയോ? അതുതന്നെയാണു യഹോവ കണിശമായി ചെയ്‌വാൻ ഉദ്ദേശിച്ചത്‌. ഈ ഭരണത്തിൽ അവനെ പ്രതിനിധാനം ചെയ്യുന്ന രാജാവ്‌ “സമാധാനപ്രഭു” ആകുന്ന ക്രിസ്‌തുയേശു ആയിരിക്കും, “രാജോചിതമായ ആധിപത്യത്തിന്റെ വർദ്ധനയ്‌ക്കും സമാധാനത്തിനും അവസാനം ഉണ്ടാകയുമില്ല.”—യെശയ്യാവ്‌ 9:6, 7.
43. (എ) ഈ ഭരണത്തിനുണ്ടായിരിക്കുന്ന മുഖ്യസ്ഥാനം ഏതായിരിക്കും? (ബി) സ്വർഗ്ഗത്തിലും ഭൂമിയിലും ആ ഭരണത്തിന്റെ ഘടന എന്തായിരിക്കും?
43 ആ ഭരണത്തിന്റെ ഘടന എന്തായിരിക്കും? അത്‌ ഒരു ജനാധിപത്യം, അതോ ഒരു ഏകാധിപത്യം ആയിരിക്കുമോ? അതിന്റെ ഭരണാധികാരസ്ഥാനം വാഷിങ്‌ടനിലോ, മോസ്‌കോയിലോ റേറാക്കിയോയിലോ ആധുനിക നാളിലെ മറേറതെങ്കിലും തലസ്ഥാനനഗരങ്ങളിലോ ആയിരിക്കുമോ? പൂർണ്ണതയുളള ഭരണം ഏതൽക്കാലത്തെ രൂപത്തിലുളള ഏതെങ്കിലും മാനുഷഭരണത്തെക്കാൾ വളരെയധികം ഉൽകൃഷ്ടമായ ഒന്നായിരിക്കുമെന്നു ബൈബിൾ പ്രകടമാക്കുന്നു. അതിനു സ്വർഗ്ഗത്തിൽ സീയോൻ എന്നു വിളിക്കപ്പെടുന്ന മുഖ്യസ്ഥാനമാണുളളത്‌. ഈ അനുകൂലസ്ഥാനത്തുനിന്നു രാജാവായ യേശുക്രിസ്‌തു ഭൂമിയിലൊക്കെയും നീതിയോടെ ഫലപ്രദമായി ഭരണം നടത്തും. (സങ്കീർത്തനം 48:1,2; സെഖര്യാവ്‌ 9:9, 10) തന്നെയുമല്ല, ആ അദൃശ്യമായ സ്വർഗ്ഗീയ ഭരണത്തിൽ സഹചാരികളായ ഭരണാധിപതികളും ഉണ്ടായിരിക്കും. ഇവർ പരിശോധനകളിൽ യേശുവിനോട്‌ ചേർന്നുനിന്നവരും വിശ്വസ്‌തരുമായിരുന്ന മനുഷ്യരിൽനിന്നു തെരഞ്ഞെടുക്കപ്പെട്ടവരാകുന്നു. അവരോട്‌ അവൻ പറയുന്നു: “എന്റെ പിതാവ്‌ എന്നോട്‌ ഒരു ഉടമ്പടി ചെയ്‌തിരിക്കുന്നതുപോലെതന്നെ, ഞാനും നിങ്ങളോട്‌ ഒരു രാജ്യത്തിനുവേണ്ടി ഒരു ഉടമ്പടി ചെയ്യുന്നു.” (ലൂക്കോസ്‌ 22:28, 29) മനുഷ്യവർഗ്ഗത്തിൽ നിന്നു നന്നാ ചുരുക്കം പേർ മാത്രമായിരിക്കും ക്രിസ്‌തുയേശുവിനോടുകൂടെ ഭരിക്കുവാൻ സ്വർഗ്ഗത്തിലേക്ക്‌ എടുക്കപ്പെടുന്നത്‌. അത്‌, ഇന്നത്തെ രാഷ്‌ട്രങ്ങളിൽ ഭരണത്തിന്‌ ആലോചനാസഭയാകുന്ന പാർലമെൻറിലേക്കോ ഡയററിലേക്കോ ചുരുക്കംപേരെ തെരഞ്ഞെടുക്കുന്നതുപോലെതന്നെയാണ്‌. ക്രിസ്‌തുയേശുവിനു തന്റെ മുഖ്യസ്ഥാനമായ സീയോനിൽ സഹചാരികളായ ഭരണാധിപതികൾ 1,44,000 പേർ മാത്രമായിരിക്കുമെന്നാണ്‌ ബൈബിൾ പ്രകടമാക്കുന്നത്‌. (വെളിപ്പാട്‌ 14:1, 3) എന്നാൽ ഭൂമിയിൽ ദൃശ്യരായ ഭരണാധിപൻമാർ ആരും ഉണ്ടായിരിക്കയില്ലയോ? തീർച്ചയായും ഉണ്ടായിരിക്കും. സങ്കീർത്തനം 45:16-ൽ ഇവരിൽ ചിലരെ സംബന്ധിച്ചു പറയുന്നു, അവർ ഉയർപ്പിക്കപ്പെടുന്ന പുരാതന കാലത്തെ വിശ്വാസികളാണ്‌. അവരെ രാജാവ്‌ “ഭൂമിയിലൊക്കെയും പ്രഭുക്കൻമാരായി നിയമിക്കയും ചെയ്യും.” മററു ഭൗമികമായ ഭരണാധികാരികളുമുണ്ടായിരിക്കും. അവരിൽ ആരും തന്നെ അധികാരം പിടിച്ചുപറിക്കുന്ന രാജ്യതന്ത്രജ്ഞൻമാരായിരിക്കയില്ല. പിന്നെയോ അവരെല്ലാം നീതിപ്രമാണങ്ങളോടുളള ഭക്തിനിഷ്‌ഠ നിമിത്തം രാജാവിനാൽ നിയമിക്കപ്പെടുന്നവരായിരിക്കും.—യെശയ്യാവ്‌ 32:1
44, 45. (എ) യേശുവിന്റെ ഭൂമിയിലെ പ്രസംഗത്തിന്റെ മുഖ്യ വിഷയം എന്തായിരുന്നു? (ബി) പൂർണ്ണതയുളള ഭരണത്തിന്റെ സ്ഥാപിക്കലിനു കാത്തിരിക്കേണ്ടിയിരുന്നത്‌ എന്തുകൊണ്ട്‌? (സി) ക്രി. വ. 1914 പ്രവചനത്തിലും ലോകസംഭവങ്ങളിലും വിശേഷിച്ച്‌ മുന്തിനിൽക്കാനിടയാക്കുന്നത്‌ എന്ത്‌?
44 പൂർണ്ണതയുളള ഭരണം സ്ഥാപിക്കപ്പെടുന്നത്‌ എപ്പോൾ? എങ്ങനെ? യേശു ഭൂമിയിലായിരുന്നപ്പോൾ ഈ രാജ്യമായിരുന്നു തന്റെ പ്രസംഗത്തിന്റെ മുഖ്യവിഷയം. (മത്തായി 4:17; ലൂക്കോസ്‌ 8:1) എങ്കിലും അവൻ ആ കാലത്തോ തന്റെ പുനരുത്ഥാനത്തിങ്കലോ രാജ്യം സ്ഥാപിച്ചില്ല. (പ്രവൃത്തികൾ 1:6-8) അവൻ സ്വർഗ്ഗത്തിലേക്കു കയറിയതിന്റെ ശേഷവും യഹോവയുടെ നിശ്ചയിക്കപ്പെട്ട കാലം വരെ അവൻ കാത്തിരിക്കേണ്ടതായിരുന്നു. (സങ്കീർത്തനം 110:1, 2) ആ നിശ്ചയിക്കപ്പെട്ട കാലം (ക്രി. വ.) 1914-ൽ വന്നുവെന്നു ബൈബിൾ പ്രവചനം പ്രകടമാക്കുന്നു. എന്നിരുന്നാലും, ആ പൂർണ്ണതയുളള ഭരണത്തിനുപകരം 1914 വർദ്ധിച്ച ലോക കഷ്ടാരിഷ്ടതകളുടെ ആരംഭത്തെയല്ലയോ അടയാളപ്പെടുത്തിയത്‌? കൃത്യമായി അതുതന്നെയാണ്‌ സംഗതി! നാം ഇപ്പോൾ മനസ്സിലാക്കാൻ പോകുന്ന പ്രകാരം ദൈവത്തിന്റെ രാജ്യത്തിന്റെ വരവും ഇക്കഴിഞ്ഞ സംവൽസരങ്ങളിൽ ഉണ്ടായിട്ടുളള അപകടപൂർണ്ണമായ സംഭവങ്ങളും തമ്മിൽ ഉററബന്ധമുണ്ട്‌.
45 1914-നു മുമ്പ്‌ ഏകദേശം നാല്‌പതു സംവൽസരത്തോളം വീക്ഷാഗോപുരം (ഇപ്പോൾ ഭൂമിയിൽ ഏററവും പ്രചാരത്തിലിരിക്കുന്ന മതപരമായ മാസിക) ബൈബിൾ പ്രവചനത്തിൽ അടയാളപ്പെടുത്തിയിരിക്കുന്ന ഒരു വർഷമെന്നനിലയിൽ 1914-ലേക്ക്‌ ശ്രദ്ധ ക്ഷണിച്ചുകൊണ്ടിരുന്നു. ഈ പ്രവചനങ്ങൾക്ക്‌ 1914-ൽ വിഖ്യാതമായ നിവൃത്തിയുണ്ടാകുവാൻ ആരംഭിച്ചു. ഇവയിൽ ഒന്ന്‌ 1900 സംവൽസരം മുമ്പ്‌ യേശുതന്നെ പ്രസ്‌താവിച്ചതും, വ്യവസ്ഥിതിയുടെ സമാപനത്തിൽ പ്രത്യക്ഷപ്പെടേണ്ടതും രാജകീയാധികാരത്തോടുകൂടിയുളള തന്റെ അദൃശ്യസാന്നിദ്ധ്യത്തെ തെളിയിക്കുന്നതുമായ “അടയാളം” സംബന്ധിച്ചുളളതാണ്‌. ഈ അടയാളത്തെ സംബന്ധിച്ചുളള തന്റെ ശിഷ്യൻമാരുടെ ചോദ്യത്തിനുത്തരമായി അവൻ പറഞ്ഞു: “ജനത ജനതക്കു വിരോധമായും രാജ്യം രാജ്യത്തിനു വിരോധമായും എഴുന്നേൽക്കയും ഭക്ഷ്യദൗർലഭ്യവും ഭൂകമ്പവും അവിടവിടെയുണ്ടാകുകയും ചെയ്യും. ഇവയൊക്കെയും കൊടും വിപത്തിന്റെ വേദനകളുടെ ആരംഭമാകുന്നു.” (മത്തായി 24:3, 7, 8) വിസ്‌മയാവഹമായ നിവൃത്തിയിൽ ലോകമഹായുദ്ധങ്ങളിൽ ഒന്നാമത്തേത്‌ 1914-ൽ ആരംഭിക്കയും, അതിനുമുമ്പ്‌ 2500 സംവൽസരങ്ങളിലെ ആകെയുണ്ടായ 900 യുദ്ധങ്ങൾ വരുത്തിയ നാശങ്ങളുടെ ഏഴിരട്ടിനാശം വരുത്തുകയും ചെയ്‌തു. അന്നുമുതൽ കൊടും വിപത്തിന്റെ വേദനകൾ തുടർന്നുകൊണ്ടുതന്നെയിരിക്കുന്നു. 1914 മുതൽ ഭൂമിയെ ബാധിച്ചിട്ടുളള യുദ്ധനാശമോ, ഭക്ഷ്യക്ഷാമമോ, വലിയ ഭൂകമ്പങ്ങളോ നിങ്ങൾക്കനുഭവപ്പെട്ടിട്ടുണ്ടോ? ഉണ്ടെങ്കിൽ ഈ വ്യവസ്ഥിതിയുടെ “അന്ത്യകാലത്തിന്റെ” “അടയാള” ത്തിനു നിങ്ങൾ ഒരു ദൃക്‌സാക്ഷിയായിത്തീർന്നിരിക്കുന്നു.
46. “അടയാള”ത്തെ നിവൃത്തിയാക്കുന്ന സംഭവങ്ങൾ ഈ അടുത്ത കാലത്തെ സംവൽസരങ്ങളിൽ വർദ്ധിച്ചത്‌ എങ്ങനെ?
46 “കൊടും വിപത്തിന്റെ വേദനകൾ” ഒന്നാം ലോകമഹായുദ്ധത്തെക്കാൾ പോലും നാലിരട്ടി വിനാശകമായിരുന്ന രണ്ടാം ലോകമഹായുദ്ധത്തിൽ വർദ്ധിച്ച്‌ ന്യൂക്ലിയർ യുഗത്തിലേക്കു കടക്കുകയും യേശുവിന്റെ തുടർന്നുളള പ്രവചനത്തെ നിവർത്തിക്കയും ചെയ്‌തു: “ഭൂമിയിൽ പോംവഴി അറിയാത്ത ജനതകളുടെ അതിവേദന . . . അതേസമയം നിവസിതഭൂമിമേൽ സംഭവിക്കുന്ന കാര്യങ്ങളെക്കുറിച്ചുളള ഭയത്താലും പ്രതീക്ഷയാലും മനുഷ്യർ മോഹാലസ്യപ്പെടുന്നു.” (ലൂക്കോസ്‌ 21:25, 26) പാതകത്തിന്റെയും അധർമ്മത്തിന്റെയും വർദ്ധനവ്‌, കുട്ടികളുടെ അനുസരണക്കേടും ദുഷ്‌ക്രിയയും, അഭക്തിയുടെയും ദുർമ്മാർഗ്ഗത്തിന്റെയും വളർച്ച—ഈ ഭയാവഹമായ വികാസങ്ങളും ദുഷ്ടലോകത്തിന്റെ “അന്ത്യനാളുകളെ” അടയാളപ്പെടുത്തുന്നതായി മുൻകൂട്ടി പറയപ്പെട്ടിട്ടുളളതാണ്‌.—മത്തായി 24:12; 2 തിമോഥെയോസ്‌ 3:1-5.
47. ഭൂമിയിലെ കഷ്ടാവസ്ഥകൾക്ക്‌ ഉത്തരവാദി ആർ? 1914-നു ശേഷം അവ വർദ്ധിച്ചതെന്തുകൊണ്ട്‌?
47 എങ്ങനെയായാലും സ്വർഗ്ഗീയഭരണം 1914-ൽ സ്ഥാപിക്കപ്പെട്ടുവെങ്കിൽ ഭൂമിയിൽ ഈ കഷ്ടാവസ്ഥയുളളത്‌ എന്തുകൊണ്ടാണ്‌? ഇതിനു ഉത്തരവാദിയായിരിക്കുന്നത്‌ പിശാചായ സാത്താൻ ആകുന്നു. ക്രിസ്‌തു രാജ്യാധികാരം കൈയേററപ്പോൾ അവന്റെ ആദ്യത്തെ പ്രവൃത്തി, അദൃശ്യമായ സ്വർഗ്ഗത്തിൽ സാത്താനുമായി യുദ്ധത്തിൽ ഏർപ്പെടുകയായിരുന്നു. അതിന്റെ ഫലമായി “നിവസിതഭൂമിയെ മുഴുവനും വഴി തെററിക്കുന്ന” സാത്താനെ അവന്റെ ദൂതൻമാരോടുകൂടെ ഭൂമിയുടെ പരിസരത്തിലേക്ക്‌ ചുഴററിയെറിഞ്ഞു. അവന്റെ നാശം സമീപിച്ചിരിക്കുന്നു എന്ന്‌ അവൻ അറിഞ്ഞുകൊണ്ട്‌ ഭൂമിയിൽ വലിയ അനർത്ഥത്തെ ഇളക്കിവിട്ടിരിക്കുന്നു. “ഭൂമിക്കും സമുദ്രത്തിനും അയ്യോ കഷ്ടം; എന്തുകൊണ്ടെന്നാൽ പിശാച്‌ തനിക്ക്‌ അല്‌പകാലമേയുളളു എന്ന്‌ അറിഞ്ഞ്‌ മഹാക്രോധത്തോടെ നിങ്ങളുടെ അടുക്കൽ ഇറങ്ങി വന്നിരിക്കുന്നു.”—വെളിപ്പാട്‌ 12:7-9, 12.
48. (എ) സ്വാർത്ഥതയുളള മനുഷ്യർ ഈ ഭൂമിയെ നശിപ്പിക്കുവാൻ ദൈവം അനുവദിക്കുമോ? (ബി) കഷ്ടതകൾക്കും അവയ്‌ക്കുത്തരവാദികളായവർക്കും യഹോവ അവസാനം വരുത്തുന്നത്‌ എങ്ങനെയായിരിക്കും?
48 ഈ കഷ്ടങ്ങൾക്ക്‌ ഒരു അവസാനം ഉണ്ടാകുമോ? ഉവ്വ്‌! സർവ്വശക്തനായ ദൈവത്തിന്റെ രാജ്യം ആകുന്ന സ്വർഗ്ഗത്തിന്റെ ഭരണംതന്നെ, “ഭൂമിയെ നശിപ്പിക്കുന്നവരെ നശിപ്പിക്കുവാനുളള” പ്രവർത്തനമാരംഭിക്കുമ്പോൾ. (വെളിപ്പാട്‌ 11:18; ദാനിയേൽ 2:44) ദൈവത്തിന്റെ കൈവേലയായ ഭൂമിയെ, രാഷ്‌ട്രിയ ശക്തികളോ കളളക്രിസ്‌ത്യാനികളോ മററാരെങ്കിലുമോ തങ്ങളുടെ ന്യൂക്ലിയർ ആയുധങ്ങളാൽ നശിപ്പിക്കുന്നതിന്‌ ദൈവം ഒരിക്കലും അനുവദിക്കയില്ല. പിന്നെയോ അവൻ പ്രസ്‌താവിക്കുന്നു: “എന്റെ ഭീഷണി, എന്റെ ഉഗ്രകോപവും ചൊരിയേണ്ടതിന്‌ ജനതകളെ കൂട്ടിച്ചേർക്കാൻ, രാജ്യങ്ങളെ ഒരുമിച്ചുകൂട്ടാനാകുന്നു എന്റെ ന്യായത്തീർപ്പ്‌.” (സെഫന്യാവ്‌ 3:8) സാത്താനും അവനെ പിന്തുടരുന്നവരായി ഭൂമിയിലുളള ആർക്കും തടുക്കാൻ ആവാത്ത നാശത്തെ വരുത്തുന്നതിൽ യഹോവ തന്റെ ക്രിസ്‌തു മുഖാന്തരം, പ്രകൃതിയിൽ താൻ അടക്കിവെച്ചിരിക്കുന്ന ശക്തികളെ ഉപയോഗിക്കും. അത്‌ നോഹയുടെ കാലത്തെ ജലപ്രളയത്തെപ്പോലെ വിസ്‌തൃതിയിൽ ആഗോളവ്യാപകമായിരിക്കും.–യിരെമ്യാവ്‌ 25:31–34; 2 പത്രോസ്‌ 3:5-7, 10.
49. (എ) “അർമ്മഗെദ്ദോൻ” എന്നാൽ എന്ത്‌? (ബി) ആർ മാത്രം അർമ്മഗെദ്ദോനെ അതിജീവിക്കും?
49 ദുഷ്ടൻമാരായ ജാതികളുടെ ഈ നാശത്തെ ബൈബിളിൽ അർമ്മഗെദ്ദോൻയുദ്ധം എന്നാണ്‌ വിളിച്ചിരിക്കുന്നത്‌. (വെളിപ്പാട്‌ 16:14-16) യഹോവയേയും നീതിയേയും അന്വേഷിക്കുന്ന സൗമ്യതയുളള ആളുകൾ മാത്രമേ അർമ്മഗെദ്ദോനെ അതിജീവിച്ചു ദൈവത്തിന്റെ സമാധാനപരമായ പുതിയ ലോകത്തിലേക്കു പ്രവേശിക്കയുളളു. (സെഫന്യാവ്‌ 2:3; യെശയ്യാവ്‌ 26:20, 21) ഇവരെ സംബന്ധിച്ചു ബൈബിൾ പറയുന്നു: “എന്നാൽ സൗമ്യതയുളളവർ തന്നെ ഭൂമിയെ കൈവശമാക്കും. അവർ സമാധാനസമൃദ്ധിയിൽ പരമാനന്ദം അനുഭവിക്കും.” (സങ്കീർത്തനം 37:11) പറുദീസയെ ഭൂമിയിൽ പുനഃസ്ഥാപിക്കുന്ന മഹത്തായ വേല അന്ന്‌ ആരംഭിക്കും!
പറുദീസയിൽ പവേശിക്കുന്നതിനുളള ശിക്ഷണം
50. ഇത്‌ അത്യന്തം വിഷമകരമായ ഒരു കാലമായിരിക്കുന്നതെന്തുകൊണ്ട്‌? അതിനാൽ ഇപ്പോൾ എന്തു മഹത്തായ വേലയാണു നിറവേററിക്കൊണ്ടിരിക്കുന്നത്‌?
50 മനുഷ്യവർഗ്ഗം ഇപ്പോൾ സകല ചരിത്രത്തിലേക്കും അത്യന്തം വിഷമകരമായ ഒരു കാലഘട്ടത്തിൽക്കൂടെയാണു കടന്നുപോകുന്നത്‌. ഇന്നത്തെ അനർത്ഥം നിറഞ്ഞ വ്യവസ്ഥിതിയെയും അതിന്റെ ആസന്നമായ നാശത്തിന്റെ “അടയാള”ത്തെയും സംബന്ധിച്ചു യേശു പറഞ്ഞു: “ഇവയൊക്കെയും സംഭവിക്കുവോളം ഈ തലമുറ ഒഴിഞ്ഞുപോകയില്ല എന്നു സത്യമായിട്ടു ഞാൻ നിങ്ങളോടു പറയുന്നു.” (മത്തായി 24:34) ഇപ്പോൾ ജീവിച്ചിരിക്കുന്ന ജനങ്ങളുടെ തലമുറയ്‌ക്കാണ്‌ ബൈബിൾ പഠിക്കുന്നതിനും ലോകത്തിന്റെ അവസാനത്തെ അതിജീവിക്കുന്നതിനുമുളള സൗകര്യം ലഭിച്ചിരിക്കുന്നത്‌. ഈ നാളിനെ സംബന്ധിച്ച്‌ യേശു കൂടുതലായി പ്രവചിച്ചു: “രാജ്യത്തിന്റെ ഈ സുവാർത്ത നിവസിതഭൂമിയിലൊക്കെയും സകല ജാതികൾക്കും ഒരു സാക്ഷ്യത്തിന്റെ ഉദ്ദേശ്യത്തിൽ പ്രസംഗിക്കപ്പെടും; അപ്പോൾ അവസാനം വരും.” (മത്തായി 24:14) യഹോവയുടെ സാക്ഷികൾ എന്നറിയപ്പെടുന്ന സംഘം 33,00,000 ശുശ്രൂഷക്കാരുടെ എപ്പോഴും വർദ്ധിച്ചുകൊണ്ടിരിക്കുന്ന ഒരു കൂട്ടത്തോടൊന്നിച്ച്‌ 200 രാജ്യങ്ങളിൽ ഊർജ്ജിതമായി ഈ പ്രസംഗവേല ചെയ്‌തുകൊണ്ടിരിക്കുന്നു.—യെശയ്യാവ്‌ 43:10–12.
51. സൻമനസ്സുളളവർ ഇപ്പോൾ മതം സംബന്ധിച്ചു പ്രവർത്തിക്കേണ്ടത്‌ എന്ത്‌? എന്തുകൊണ്ട്‌?
51 നിങ്ങൾ ഈ സാക്ഷ്യം കേൾക്കുന്നുവോ? നിങ്ങൾക്ക്‌ അതിന്റെ അടിയന്തിരാവസ്ഥ ബോദ്ധ്യമായിരിക്കുന്നുവോ? താറുമാറിന്റെയും സങ്കടത്തിന്റെയും ഈ പഴയ വ്യവസ്ഥിതിയിൽ നിന്ന്‌ ദൈവത്തിന്റെ സമാധാനവും സന്തോഷവുമുളള പുതിയ വ്യവസ്ഥിതിയിലേക്ക്‌ അതിജീവിക്കാൻ നിങ്ങൾ ആഗ്രഹിക്കുന്നുവോ? അങ്ങനെയെങ്കിൽ നിങ്ങൾ പ്രവർത്തിക്കേണ്ടതാണ്‌. സത്യമതം കണ്ടുപിടിക്കാൻ നിങ്ങൾ അദ്ധ്യയനം ചെയ്യേണ്ടതാണ്‌. മതത്തെ, എല്ലായ്‌പോഴും വീട്ടിലുണ്ടായിരുന്നതും ജീവിതത്തിൽ വല്ല സാമൂഹ്യകർമ്മത്തിനുപയോഗിക്കാനുളളതുമായ ഒരു വീട്ടുപകരണത്തെപ്പോലെ മാത്രം പരിഗണിക്കുന്നത്‌ മേലാൽ സുരക്ഷിതമല്ല. എല്ലാ മതങ്ങളും നല്ലതാണെന്നും എല്ലാമതങ്ങൾക്കും ഒരേ ലാക്കുമാത്രമേയുളളു എന്നും നിങ്ങൾക്കു വിചാരിക്കാവുന്നതല്ല. അനേകമതങ്ങളും സ്വാർത്ഥതയുളളതാണ്‌. പറുദീസാഭൂമിയോടുകൂടിയുളള ദൈവത്തിന്റെ പുതിയ ലോകത്തിന്റെ പ്രത്യാശയെ ഉപദേശിക്കുന്നകാര്യത്തിൽ ആധുനികമതം പരാജയപ്പെട്ടിരിക്കുന്നു. നിങ്ങൾ ബൈബിൾ മതം പഠിക്കേണ്ടതാണ്‌. ഒരുവനെ സമുദായത്തിലെ പ്രതിദിനജീവിതത്തിൽ യോഗ്യനാക്കുന്നതിനു ലൗകിക വിദ്യാഭ്യാസം ആവശ്യമായിരിക്കുന്ന പ്രകാരം തന്നെ ഒരുവനെ പറുദീസാഭൂമിയിൽ അതിജീവിക്കുന്ന സമുദായത്തിലേക്കു പ്രവേശിക്കുവാൻ യോഗ്യനാക്കുന്നതിന്‌ ഉചിതമായ ബൈബിൾ വിദ്യാഭ്യാസം ആവശ്യമാകുന്നു. (യോഹന്നാൻ 17:3; 2 തിമൊഥെയോസ്‌ 3:16, 17) നിങ്ങളുടെ രക്ഷയും നിങ്ങളുടെ കുടുംബത്തിന്റെ ഭാവിയും ആശ്രയിച്ചിരിക്കുന്നത്‌ ഇപ്പോൾ ബൈബിൾ അദ്ധ്യയനം ചെയ്യുകയും യഹോവയുടെ സാക്ഷികളുടെ പുതിയലോകസമുദായത്തോടു സമ്മേളിക്കയും നിങ്ങളുടെ സ്രഷ്ടാവായ യഹോവയാംദൈവത്തിന്‌ സമർപ്പിക്കയും അവനുവേണ്ടി സാക്ഷിക്കയും ചെയ്യുന്നതിലാണ്‌. ഭൗതിക വസ്‌തുക്കൾക്കായുളള അനുധാവനമോ ജീവനചിന്താഭാരമോ ജീവന്റെ ഈ അത്ഭുതകരമായ സൗകര്യത്തെ അപഹരിക്കാൻ അനുവദിക്കരുത്‌. യേശു പറഞ്ഞു: “ഒന്നാമതു രാജ്യത്തേയും അവന്റെ നീതിയേയും അന്വേഷിച്ചുകൊണ്ടിരിക്കുക. ഈ മററുളളവയൊക്കെയും (ഭൗമികാവശ്യങ്ങൾ) നിങ്ങൾക്കു കിട്ടും.”—മത്തായി 6:33.
52, 53. ഏതു കാര്യത്തിലാണ്‌ പുതിയലോക സമുദായം മററു സമുദായങ്ങളിൽ നിന്നു വ്യത്യാസപ്പെട്ടിരിക്കുന്നത്‌? ഇതു തെളിയിക്കപ്പെട്ടത്‌ എങ്ങനെ?
52 യഹോവയുടെ സാക്ഷികളോടും ദൈവത്തിന്റെ പുതിയലോകസമുദായത്തോടുംകൂടി നിങ്ങൾ സമ്മേളിക്കുകയിൽ അത്‌ ഭൂമിയിലെ മറേറതു സമുദായത്തിൽ നിന്നും വ്യത്യാസപ്പെട്ടതാണെന്നു നിങ്ങൾക്കു ബോധ്യമാകും. ഈ സമുദായത്തിലുളളവരെല്ലാം “നിന്റെ ദൈവമായ യഹോവയെ നിന്റെ പൂർണ്ണഹൃദയത്തോടും പൂർണ്ണദേഹിയോടും പൂർണ്ണമനസ്സോടും കൂടെ സ്‌നേഹിക്കണം” എന്നുളള ബൈബിളിലെ ഒന്നാമത്തെ മുഖ്യകല്‌പനയെ ഗൗരവമായി വിചാരിക്കുന്നവരാണ്‌. (മത്തായി 22:37) അവർക്ക്‌, ജീവൻ നൽകുകയും ഈ പറുദീസാഭൂമിയുൾപ്പെടെ പുതിയ ജീവനിലേക്കുളള വഴി തുറക്കുകയും ചെയ്‌ത സ്രഷ്ടാവിനോട്‌ എന്തു കവിഞ്ഞൊഴുകുന്ന സ്‌നേഹമാണുളളത്‌, കൂടാതെ അവർക്ക്‌ തമ്മിൽ തമ്മിൽ വലിയ സ്‌നേഹമുണ്ട്‌. (മത്തായി 22:39) ഈ സ്‌നേഹവും മനുഷ്യവർഗ്ഗത്തെയെല്ലാം സ്‌നേഹത്തിൽ യോജിപ്പിക്കുന്നതിന്റെ പ്രായോഗികതയും അവരുടെ സാർവ്വദേശീയ സമ്മേളനങ്ങളിൽ വ്യക്തമായി പ്രകടമാക്കപ്പെട്ടു. ദൃഷ്ടാന്തമായി 1958 ജൂലൈ 27 മുതൽ ഓഗസ്‌ററ്‌ 3 വരെയുളള എട്ടു ദിവസങ്ങളിൽ ന്യൂയോർക്ക്‌ നഗരത്തിൽ യഹോവയുടെ സാക്ഷികൾ ദിവ്യേഷ്ട സാർവ്വദേശീയ സമ്മേളനത്തിൽ ഒരുമിച്ചുകൂടി. അപ്പോൾ ആയിരുന്നു യാങ്കീസ്‌റേറഡിയത്തിലും പോളോഗ്രൗണ്ടിലുമുളള രണ്ടു സ്‌റേറഡിയങ്ങളിൽ ഒന്നാം ദിവസം 1,80,291 പേരും അവസാന ദിവസം 2,53,922 പേരും കൂടുതലായ ബൈബിൾ വിദ്യാഭ്യാസാർത്ഥം മഹത്തരമായ യോജിപ്പിൽ ഒന്നിച്ചുകൂടിയ കൗതുകകാഴ്‌ച ഉണ്ടായത്‌. അവർ 123 വിവിധ നാടുകളിൽ നിന്നാണ്‌ വന്നുകൂടിയത്‌.എല്ലാവരും സത്യമായ ക്രിസ്‌തീയസ്‌നേഹബന്ധത്തിൽ ഒരുമിച്ചുകൂടിയ സഹോദരങ്ങളായിരുന്നു. ഈ സമ്മേളനത്തെ സംബന്ധിച്ചുളള ന്യൂയോർക്ക്‌ റൈറംസിന്റെ റിപ്പോർട്ട്‌ ഐക്യനാടിന്റെ 1958-ലെ കോൺഗ്രഷ്യനൽ റക്കോർഡിന്റെ അനുബന്ധത്തിൽ പേജ്‌ A 6907 സംയോജിപ്പിക്കത്തക്കവണ്ണം ഐക്യത്തിന്റെ ഈ പ്രകാശനം അത്രയ്‌ക്കു ഹൃദയഹാരിയായിരുന്നു. അതിൽനിന്നു ചില ഭാഗങ്ങൾ ഇവിടെ ഉദ്ധരിക്കുന്നു:
53 “സാക്ഷികൾ നഗരത്തിന്റെ അത്യുത്തമൻമാരായ അതിഥികൾ എന്നു വിളിക്കപ്പെട്ടു—ലോകസമ്മേളനത്തിൽ ഹാജരുണ്ടായിരുന്ന 1,80,000 പേർ മര്യാദയ്‌ക്കും, ശാന്തതയ്‌ക്കും, ശുചിത്വത്തിനും പ്രശംസാർഹരായിത്തീർന്നു . . . സാക്ഷികളുടെ പെരുമാററം ശ്ലാഘനീയമാണെന്ന്‌ ന്യൂയോർക്കു നിവാസികൾ ഏകകണ്‌ഠമായി സമ്മതിക്കുന്നു . . . അവരുടെ ശുചിത്വം ഇപ്പോൾ മിക്കവാറും ഐതിഹ്യമായതാണ്‌ . . . മര്യാദ എന്നുളളത്‌ അവരുടെ കുറിവാക്കായിരുന്നു . . . ന്യൂയോർക്കു കൺവെൻഷന്റെ സന്ദർശകബ്യൂറോയുടെ എക്‌സിക്യൂട്ടീവ്‌ വൈസ്‌ പ്രസിഡണ്ടു പ്രസ്‌താവിച്ചത്‌: ‘യഹോവയുടെ സാക്ഷികൾ ജനസമൂഹത്തിന്‌ ഒരു സ്വത്തുതന്നെയാണ്‌’ എന്നായിരുന്നു. അവരുടെ പെരുമാററം ‘ഈ ലോകത്തിനു പുറത്തുളളതാണ്‌’ എന്നും അദ്ദേഹം വർണ്ണിച്ചു.”
54. (എ) യഹോവയുടെ സാക്ഷികൾ ഈ ലോകത്തിൽനിന്നു വേർപെട്ടു നിൽക്കുന്നത്‌ എന്തുകൊണ്ട്‌? (ബി) അവർക്ക്‌ എന്തു സന്തുഷ്ടമായ പ്രതീക്ഷയാണ്‌ കരുതിവെക്കപ്പെട്ടിരിക്കുന്നത്‌?
54 ഉവ്വ്‌, “ഈ ലോകത്തിനു പുറത്തുളളവർ” ആണ്‌ യഹോവയുടെ സാക്ഷികൾ. കാരണം അവർ ‘സകല ജാതികളിലും ഗോത്രങ്ങളിലും വംശങ്ങളിലും ഭാഷകളിലും’ നിന്നുളളവരും നീങ്ങിപ്പോകുന്ന പഴയ ലോകത്തിൽനിന്നു വേർപെട്ടവരും ആകുന്നു. (വെളിപ്പാടു 7:9; 1 യോഹന്നാൻ 2:15-17) അവരുടെ പ്രത്യാശകളും പ്രീതിവാൽസല്യങ്ങളുമെല്ലാം യഹോവ സൃഷ്ടിക്കാൻ ഉദ്ദേശിക്കുന്ന മഹത്വമുളള പുതിയ ലോകത്തിൻമേലാണ്‌ പതിച്ചിരിക്കുന്നത്‌. (യെശയ്യാവ്‌ 65:17, 18) അവർക്ക്‌ ദൈവത്തിന്റെ വാഗ്‌ദാനങ്ങളിൽ ബോദ്ധ്യം ഉണ്ട്‌. ഈ ഭൂമിയിൽ ജീവിക്കുവാൻ പ്രതീക്ഷിക്കുന്നവർ ഈ ലോകത്തിന്റെ അന്ത്യത്തെ അതിജീവിച്ച്‌ ഒരിക്കലും മരിക്കാതെ പുതിയ ലോകത്തിൽ ജീവിച്ചിരിക്കാൻ പ്രത്യാശിക്കുന്നു. (എബ്രായർ 11:1, 6; സെഫെന്യാവ്‌ 2:3) ക്രിസ്‌തുവിന്റെ ബലിയുടെ പ്രയോഗത്താൽ അവരും മരിച്ചവരിൽനിന്നുയർത്തെഴുന്നേററവരുമൊന്നിച്ച്‌ മാനുഷികപൂർണ്ണതയിലേക്കു പുതുക്കപ്പെടും. ഹോ, സന്തുഷ്ടമായ, സന്തുഷ്ടമായ പ്രതീക്ഷ!
55. (എ) യഹോവയും ഭൂമിയിലെ അവന്റെ ആരാധകൻമാരും തമ്മിലുളള ദൃഢബന്ധം എന്ത്‌? (ബി) കരുതിവെക്കപ്പെട്ടിരിക്കുന്ന അനുഗ്രഹങ്ങളിൽ ചിലത്‌ എന്തെല്ലാം?
55 അങ്ങനെയെങ്കിൽ അദ്ധ്യയനം ചെയ്യുന്നതിലും യഹോവയാം ദൈവത്തോടും അവന്റെ പുത്രനോടും നീതിയുളള സ്വർഗ്ഗീയഭരണത്തോടുമുളള സ്‌നേഹത്തിലും വിലമതിപ്പിലും വളരുന്നതിലും തുടർന്നുകൊണ്ടിരിക്കുക. പുതിയലോകഭരണത്തെയും അതു മനുഷ്യവർഗ്ഗത്തിൻമേൽ വർഷിക്കാനിരിക്കുന്ന അനുഗ്രഹങ്ങളേയും വർണ്ണിക്കുന്നതിൽ ബൈബിൾപ്രവചനം പറയുന്നു: “നോക്കൂ! മനുഷ്യവർഗ്ഗത്തോടുകൂടെ ദൈവത്തിന്റെ കൂടാരം; അവൻ അവരോടുകൂടെ വസിക്കും; അവർ അവന്റെ ജനമായിരിക്കും. ദൈവംതന്നെ അവരോടുകൂടെ ഇരിക്കും.” സ്വാർത്ഥതയും ന്യൂക്ലിയർഭ്രാന്തും പിടിപെട്ട ജാതികളിൽ നിന്നു വളരെ അകന്നിരിക്കുന്നവനായ “ദൈവംതന്നെ,” ആ പുതിയ ലോകത്തിൽ തന്നെ സ്‌നേഹിക്കയും ആരാധിക്കുകയും ചെയ്യുന്ന എല്ലാവർക്കും ഒരു ദയാലുവായ പിതാവെന്നപോലെ അവരോട്‌ വളരെ അടുത്ത്‌ ഇരിക്കും. യഥാർത്ഥത്തിൽ ഒരു മതം മാത്രമേ ഉണ്ടായിരിക്കയുളളു. മക്കൾക്കു പിതാവിനോടെന്നപോലെയുളള ദൃഢബന്ധത്തിലുളള യഹോവയാം ദൈവത്തിന്റെ സത്യാരാധനതന്നെ. അവൻ എന്തോരു സ്‌നേഹമുളള പിതാവ്‌ ആണെന്നു വ്യക്തമാക്കും. “അവൻ അവരുടെ കണ്ണിൽനിന്ന്‌ കണ്ണുനീർ എല്ലാം തുടച്ചുകളയും. ഇനി മരണം ഉണ്ടാകയില്ല. ദുഃഖവും, മുറവിളിയും, വേദനയും ഇനി ഉണ്ടാകയില്ല. മുമ്പത്തേതു നീങ്ങിപ്പോയി.”—വെളിപ്പാട്‌ 21:3, 4.
56. യഹോവ “സകലവും പുതുതാക്കും” എന്നു നമുക്കു നിസ്സംശയമായി തീർച്ചയാക്കാവുന്നത്‌ എങ്ങനെ?
56 പൂർണ്ണതയുളള ഒരു സ്വർഗ്ഗീയഭരണത്തിൻകീഴിൽ ഒരു പറുദീസാഭൂമി സ്ഥാപിക്കുകയെന്ന മഹത്തായ അത്ഭുതം അങ്ങനെ നിറവേറും. സൂര്യൻ നാളെ ഉദിക്കയും അസ്‌തമിക്കയും ചെയ്യുമെന്നതുപോലെ അതു നിശ്ചയമുളളതാകുന്നു. ആകാശത്തിന്റെയും ഭൂമിയുടെയും സ്രഷ്ടാവായ യഹോവയാം ദൈവത്തിന്റെ വാഗ്‌ദത്തങ്ങൾ എന്നും “വിശ്വാസയോഗ്യവും സത്യവും ആകുന്നു.” അവൻ ആകുന്നു സ്വർഗ്ഗത്തിലെ തന്റെ സിംഹാസനത്തിൽനിന്ന്‌ “നോക്കൂ! ഞാൻ സകലവും പുതുതാക്കുന്നു” എന്ന്‌ അരുളിച്ചെയ്യുന്നത്‌.—വെളിപ്പാട്‌ 21:5.
[അടിക്കുറിപ്പുകൾ]
a മേൽപ്രസ്‌താവിച്ചതിനെ പിൻതാങ്ങുന്നതായ ബൈബിൾ പരാമർശനങ്ങൾ: (1) പ്രവൃ. 17:26; സങ്കീ. 46:9; മീഖാ. 4:3, 4; യെശ. 65:21-23; (2) യെശ. 65:25; 11:6, 9; 55:12, 13; സങ്കീ. 67:6, 7; (3) യോബ്‌ 33:25; യെശ. 35:5, 6; 33:24; സങ്കീ. 104:24; (4) യെശ. 55:11.
b മററുപ്രകാരത്തിൽ സൂചിപ്പിക്കാത്തപക്ഷം ഈ പ്രസിദ്ധീകരണത്തിൽ ഉപയോഗിച്ചിരിക്കുന്ന തിരുവെഴുത്ത്‌ ഉദ്ധരണികൾ ആധുനിക ഭാഷയിലുളള വിശുദ്ധ തിരുവെഴുത്തുകളുടെ പുതിയലോകഭാഷാന്തരം 1961-ലെ പതിപ്പിൽ നിന്നുളളതാണ്‌.
c രാജാക്കൻമാരും കല്ലറകളും ജനങ്ങളും—പൂർവ്വദിക്കിന്റെ അരുണോദയം, പുറം 25.
[അധ്യയന ചോദ്യങ്ങൾ]