“നോക്കൂ! ഞാൻ സകലവും പുതു​താ​ക്കു​ന്നു”

1-4. (എ) നമ്മുടെ കവർ ചിത്ര​ത്തി​ലെ ഏതു സവി​ശേ​ഷ​ത​ക​ളിൽ പങ്കുപ​റ​റു​ന്നത്‌ നിങ്ങൾ ആസ്വദി​ക്കും? (ബി) ഇവിടെ നിങ്ങൾക്ക്‌ മഹത്തായ എന്തു പ്രതീക്ഷ വെച്ചു നീട്ട​പ്പെ​ടു​ന്നു? (സി) അത്തര​മൊ​രു പ്രത്യാ​ശയെ പിന്താ​ങ്ങുന്ന ചില ബൈബിൾ വാക്യ​ങ്ങ​ളേവ?

 ഈ ലഘുപ​ത്രി​ക​യു​ടെ കവറിലെ സന്തോ​ഷ​മു​ളള ജനത്തെ കാണുക. അവരി​ലൊ​രാ​ളാ​യി​രി​ക്കാൻ നിങ്ങളാ​ഗ്ര​ഹി​ക്കു​ന്നു​വോ? ‘ഉവ്വ്‌,’ എന്നു നിങ്ങൾ പറയുന്നു. എന്തു​കൊ​ണ്ടെ​ന്നാൽ സകല മനുഷ്യ​വർഗ്ഗ​വും ആഗ്രഹി​ക്കുന്ന സമാധാ​ന​വും യോജി​പ്പും ഇവി​ടെ​യുണ്ട്‌. സകല വർഗ്ഗങ്ങ​ളി​ലെ​യും ആളുകൾ—കറുത്ത​വ​രും വെളു​ത്ത​വ​രും മഞ്ഞ നിറക്കാ​രും—ഒരു കുടും​ബം​പോ​ലെ ഒന്നായി​ച്ചേ​രു​ന്നു. എന്ത്‌ സന്തോഷം! എന്ത്‌ ഐക്യം! ഈ ആളുകൾ ന്യൂക്ലി​യർ പ്രസര​ത്തെ​യോ ഭീകര പ്രവർത്ത​ന​ത്തി​ന്റെ ഭീഷണി​യെ​യോ ഭയപ്പെ​ടു​ന്നി​ല്ലെന്നു സ്‌പഷ്ടം. ഈ മനോ​ഹ​ര​മായ ഉദ്യാ​ന​ത്തിൻമീ​തെ​യു​ളള പ്രശാ​ന്ത​മായ ആകാശത്തെ യുദ്ധ ജററ്‌ വിമാ​നങ്ങൾ അസ്വസ്ഥ​മാ​ക്കു​ന്നില്ല. പടയാ​ളി​ക​ളില്ല, ററാങ്കു​ക​ളില്ല, തോക്കു​ക​ളു​മില്ല ക്രമപ​രി​പാ​ല​ന​ത്തിന്‌ ഒരു പോലീസ്‌ ബാററൻ വടി​പോ​ലും ആവശ്യ​മില്ല. ഭവനങ്ങൾക്കും കുറവില്ല, എന്തു​കൊ​ണ്ടെ​ന്നാൽ ഓരോ​രു​ത്തർക്കും സ്വന്തമാ​യി മനോ​ഹ​ര​മായ ഭവനമുണ്ട്‌.

² ആ കുട്ടി​കളെ നോക്കുക! അവരുടെ കളി കാണു​ന്നത്‌ സന്തോ​ഷ​പ്ര​ദ​മാണ്‌. കളിക്കു​ന്ന​തിന്‌ കൂട്ടാ​യിട്ട്‌ ഏതെല്ലാം മൃഗങ്ങ​ളാ​ണു​ള​ളത്‌! മൃഗങ്ങ​ളെ​ല്ലാം തമ്മിൽ തമ്മിലും മനുഷ്യ​വർഗ്ഗ​വു​മാ​യും സമാധാ​ന​ത്തി​ലി​രി​ക്കു​ന്ന​തി​നാൽ ഈ ഉദ്യാ​ന​ത്തിൽ ഇരുമ്പു​വേ​ലി​ക​ളാ​വ​ശ്യ​മില്ല. സിംഹ​വും കുഞ്ഞാ​ടും പോലും സുഹൃ​ത്തു​ക്ക​ളാ​യി​ക്ക​ഴി​ഞ്ഞി​രി​ക്കു​ന്നു. വർണ്ണ​ശോ​ഭ​യു​ളള പക്ഷികൾ അങ്ങുമി​ങ്ങും പറന്നു കളിക്കു​ന്നതു കാണു​ക​യും അവയുടെ ഇമ്പമുളള പാട്ടുകൾ കുട്ടി​ക​ളു​ടെ ചിരി​യോട്‌ ചേർന്ന്‌ അന്തരീ​ക്ഷത്തെ മുഖരി​ത​മാ​ക്കു​ന്നത്‌ കേൾക്കു​ക​യും ചെയ്യുക. അവയ്‌ക്കു കൂടു​ക​ളി​ല്ല​യോ? ഇല്ല, എന്തെന്നാൽ ഈ പ്രദേ​ശത്ത്‌ സർവ്വത്ര സ്വാത​ന്ത്ര്യ​വും നിയ​ന്ത്രി​ക്ക​പ്പെ​ടാത്ത സന്തോ​ഷ​വു​മാണ്‌. ആ പുഷ്‌പ​ങ്ങ​ളു​ടെ വാസന ആസ്വദി​ക്കുക. നീരൊ​ഴു​ക്കു​ക​ളു​ടെ കല്ലോലം കേൾക്കു​ക​യും സൂര്യന്റെ സുഖദ​മായ ചൂട്‌ അനുഭ​വി​ക്കു​ക​യും ചെയ്യുക. ഹാ, ആ കുട്ടയി​ലെ പഴത്തിന്റെ സ്വാദ്‌! എന്തു​കൊ​ണ്ടെ​ന്നാൽ മഹത്തായ ഉദ്യാ​ന​തു​ല്യ​മായ ഈ ഉപവന​ത്തിൽ കാണാ​വു​ന്ന​തും അനുഭ​വി​ക്കാ​വു​ന്ന​തു​മായ എല്ലാറ​റി​നെ​യും പോലെ, അത്‌ ഭൂമിക്ക്‌ ഉല്‌പാ​ദി​പ്പി​ക്കാൻ കഴിയു​ന്ന​തി​ലേ​ക്കും അത്യു​ത്ത​മ​മാ​യ​താണ്‌.

³ ‘എന്നാൽ നിർത്ത്‌, വയസ്സു​ചെ​ന്നവർ എവിടെ? ഈ സന്തോ​ഷ​മു​ളള  ജനസമു​ദാ​യ​ത്തി​ന്റെ ആസ്വാ​ദ​ന​ത്തിൽ അവർക്കും പങ്കു​വേണ്ടേ? എന്ന്‌ ഒരാൾ ചോദി​ക്കു​ന്നു. യഥാർത്ഥ​ത്തിൽ വയസ്സു​ചെ​ന്നവർ അവി​ടെ​ത്ത​ന്നെ​യുണ്ട്‌, എന്നാൽ അവർ വീണ്ടും യൗവന​ത്തി​ലേക്ക്‌ വളരു​ക​യാണ്‌. ഈ ഉദ്യാ​ന​ത്തിൽ ആരും വാർദ്ധ​ക്യം മൂലം മരിക്കു​ന്നില്ല. ചെറു​പ്പ​ക്കാർ ഇപ്പോൾ പൂർണ്ണ മനുഷ്യ​ത്വ​ത്തി​ലേക്കു വളരു​ന്നു​വെ​ങ്കി​ലും വാർദ്ധ​ക്യം പ്രാപി​ക്കു​ന്നില്ല. പ്രായം 20 വയസ്സോ 200 വയസ്സോ ആയാലും ഈ ഉദ്യാ​ന​ത്തിൽ പാർക്കുന്ന ദശലക്ഷ​ങ്ങ​ളിൽ ഓരോ​രു​ത്ത​രും യൗവന​യു​ക്ത​മായ രസത്തി​ലും പൂർണ്ണാ​രോ​ഗ്യ​ത്തി​ലും ജീവിതം നയിക്കു​ന്നു. ദശലക്ഷ​ങ്ങ​ളെ​ന്നോ പറയു​ന്നത്‌? അതേ, ദശലക്ഷങ്ങൾ, എന്തെന്നാൽ ഈ ഉദ്യാനം എല്ലാ ദേശങ്ങ​ളി​ലേ​ക്കും വികസി​പ്പി​ക്ക​പ്പെ​ടു​ന്നു. ഫ്യൂജി മുതൽ ആൻഡീസ്‌ വരെയും ഹോം​ഗ്‌കോംഗ്‌ മുതൽ മെഡി​റ​റ​റേ​നി​യൻ വരെയും ഭൂമി​യു​ടെ അറുതി​ക​ളോ​ളം​തന്നെ ജീവനും സമാധാ​ന​വും മനോ​ഹാ​രി​ത​യും സമൃദ്ധ​മാ​യി​രി​ക്കും. എന്തു​കൊ​ണ്ടെ​ന്നാൽ മുഴു​ഭൂ​മി​യും ഒരു ഉദ്യാ​ന​പ​ര​ദീ​സ​യാ​യി രൂപാ​ന്ത​ര​പ്പെ​ടു​ന്നു. അത്‌ ഭൂവ്യാ​പ​ക​മാ​യി പുനഃ​സ്ഥി​തീ​ക​രി​ക്ക​പ്പെ​ടുന്ന പരദീ​സാ​യാ​യി​രി​ക്കും.

⁴ ‘അവിശ്വ​സ​നീ​യം’ എന്നു നിങ്ങൾ പറഞ്ഞോ? ആദ്യം തന്നെ തെളി​വി​ലേ​ക്കു​ളള വസ്‌തു​തകൾ പരിചി​ന്തി​ക്കുക. നിങ്ങൾക്കും നിങ്ങളു​ടെ കുടും​ബ​ത്തി​നും ഇപ്പോ​ഴത്തെ കുഴപ്പം നിറഞ്ഞ വ്യവസ്ഥി​തി​യു​ടെ തീരോ​ഭാ​വത്തെ അതിജീ​വിച്ച്‌ നമ്മുടെ കവറിൽ പ്രതി​നി​ധാ​നം ചെയ്‌തി​രി​ക്കുന്ന പരദീ​സ​യിൽ പ്രവേ​ശി​ക്കുക സാദ്ധ്യ​മാണ്‌. a

പരദീ​സയെ വിശദീ​ക​രി​ക്കുന്ന പുസ്‌ത​കം

5. (എ) ഈ കാര്യ​ങ്ങളെ വിശദ​മാ​ക്കു​ന്നത്‌ ഏതു പുസ്‌ത​ക​മാണ്‌? (ബി) ഏതു വിധങ്ങ​ളി​ലാണ്‌ ഇത്‌ ഒരു മുന്തിയ പുസ്‌ത​ക​മാ​യി​രി​ക്കു​ന്നത്‌?

⁵ മഹത്തായ ഈ സകല കാര്യ​ങ്ങ​ളും അവയുടെ സുനി​ശ്ചി​ത​ത്വ​വും എഴുത​പ്പെ​ട്ടി​ട്ടു​ള​ള​തി​ലേ​ക്കും അത്യന്തം വിശി​ഷ്ട​മായ ഒരു പുസ്‌ത​ക​ത്തിൽ വിശദീ​ക​രി​ച്ചി​ട്ടുണ്ട്‌. അതു ബൈബിൾ എന്നു വിളി​ക്ക​പ്പെ​ടു​ന്നു. അതു വളരെ പുരാ​ത​ന​മായ ഒരു പുസ്‌ത​ക​മാണ്‌, അതിന്റെ ഭാഗങ്ങൾ ഏതാണ്ട്‌ 3500 വർഷങ്ങൾക്കു  മുൻപ്‌ എഴുത​പ്പെട്ടു. അതേസ​മയം അത്‌ ആധുനിക കാലത്തെ ജീവി​ത​ത്തിന്‌ സാരവ​ത്തും പ്രാ​യോ​ഗി​ക​വു​മായ ഉപദേശം സമർപ്പി​ക്കുന്ന അത്യന്തം ആധുനി​ക​മായ പുസ്‌ത​ക​മാ​കു​ന്നു. അതിന്റെ പ്രവച​നങ്ങൾ ഭാവിയെ സംബന്ധിച്ച്‌ ശോഭ​ന​മായ പ്രത്യാ​ശയെ ഉദ്ദീപി​പ്പി​ക്കു​ന്നു. അത്‌ ചരി​ത്ര​ത്തി​ലെ​ല്ലാം ഏററവു​മ​ധി​കം വില്‌പ​ന​യു​ളള പുസ്‌ത​ക​മാണ്‌. മുഴു ബൈബി​ളി​ന്റെ​യോ അതിന്റെ വലിയ ഭാഗങ്ങ​ളു​ടെ​യോ 200,00,00,000 യിൽ പരം പ്രതികൾ ഏതാണ്ട്‌ 1810 ഭാഷക​ളിൽ വിതരണം ചെയ്യ​പ്പെ​ട്ടി​ട്ടുണ്ട്‌.

6. വിശു​ദ്ധ​മെന്നു പരിഗ​ണി​ക്ക​പ്പെ​ടുന്ന മററ്‌ എഴുത്തു​ക​ളിൽനിന്ന്‌ ബൈബി​ളി​നെ വ്യത്യ​സ്‌ത​മാ​ക്കു​ന്ന​തെന്ത്‌?

⁶ മററു യാതൊ​രു വിശു​ദ്ധ​ഗ്ര​ന്ഥ​ത്തി​നും ഇത്ര സാർവ്വ​ദേ​ശീ​യ​മായ വിതരണം ലഭിച്ചി​ട്ടില്ല. അവയിൽ മിക്കതി​നും ഇതി​നോട്‌ അടുത്ത പഴക്കവു​മില്ല. ഇസ്ലാമി​ന്റെ ഖുറാന്‌ 1400 വർഷത്തിൽ കുറഞ്ഞ പഴക്ക​മേ​യു​ളളു. ബുദ്ധനും കൺഫ്യൂ​ഷ്യ​സും ജീവി​ച്ചി​രു​ന്നത്‌ ഏതാണ്ട്‌ 2500 വർഷം മുമ്പാണ്‌, അവരുടെ എഴുത്തു​കൾക്ക്‌ അന്നു മുതലു​ളള പഴക്ക​മേ​യു​ളളു. ഷിന്റോ​യു​ടെ ധർമ്മശാ​സ്‌ത്രങ്ങൾ ഇപ്പോ​ഴത്തെ രൂപത്തിൽ സമാഹ​രി​ക്ക​പ്പെ​ട്ടിട്ട്‌ 1200 സംവത്സ​ര​ത്തി​ല​ധി​ക​മാ​യി​ട്ടില്ല. മോർമന്റെ പുസ്‌ത​ക​ത്തിന്‌ 160 വർഷത്തെ പഴക്ക​മേ​യു​ളളു. ഈ വിശു​ദ്ധ​പു​സ്‌ത​ക​ങ്ങൾക്കൊ​ന്നി​നും ബൈബി​ളി​നെ​പ്പോ​ലെ പിമ്പോട്ട്‌ 6000 വർഷത്തെ മനുഷ്യ​ച​രി​ത്രം കൃത്യ​മാ​യി രേഖ​പ്പെ​ടു​ത്താൻ കഴിക​യില്ല. അതു​കൊണ്ട്‌ മൂലമ​തത്തെ മനസ്സി​ലാ​ക്കേ​ണ്ട​തിന്‌ നാം ബൈബി​ളി​ലേക്ക്‌ പോ​കേ​ണ്ട​താണ്‌. സകല മനുഷ്യ​വർഗ്ഗ​ത്തി​നും വേണ്ടി​യു​ളള ഒരു സാർവ്വ​ദേ​ശീയ ദൂത്‌ നൽകുന്ന പുസ്‌തകം അതു മാത്ര​മാണ്‌.

7. ബൈബി​ളി​നെ സംബന്ധിച്ച്‌ ചിന്തകൻമാർ എന്തു പറഞ്ഞി​ട്ടുണ്ട്‌?

⁷ ബൈബിൾദൂ​തി​ന്റെ ജ്ഞാനവും സൗന്ദര്യ​വും എല്ലാ ജനതക​ളി​ലും എല്ലാ ജീവി​ത​തു​റ​ക​ളി​ലും പെട്ട ചിന്തക​രാൽ പ്രശം​സി​ക്ക​പ്പെ​ട്ടി​ട്ടുണ്ട്‌. പ്രശസ്‌ത ശാസ്‌ത്ര​ജ്ഞ​നും ഗുരു​ത്വാ​കർഷ​ണ​നി​യമം കണ്ടുപി​ടി​ച്ച​യാ​ളു​മായ സർ ഐസക്ക്‌ ന്യൂട്ടൻ ഇങ്ങനെ പറയു​ക​യു​ണ്ടാ​യി: ”ബൈബി​ളി​നെ​ക്കാൾ മെച്ചമാ​യി സാക്ഷ്യ​പ്പെ​ടു​ത്ത​പ്പെട്ട ശാസ്‌ത്ര​ങ്ങ​ളില്ല.” “എനിക്കു സ്വാത​ന്ത്ര്യം നൽകുക, അല്ലെങ്കിൽ എനിക്കു മരണം നൽകുക” എന്ന വാക്കു​കൾക്ക്‌ വിഖ്യാ​ത​നാ​യി​ത്തീർന്ന അമേരി​ക്കൻ വിപ്ലവ നേതാ​വായ പാട്രിക്ക്‌ ഹെൻട്രി​യും ഇങ്ങനെ പ്രഖ്യാ​പി​ച്ചു: “അച്ചടി​ക്ക​പ്പെ​ട്ടി​ട്ടു​ളള മററു സകല പുസ്‌ത​ക​ങ്ങ​ളു​ടെ​യും വില വരുന്ന​താണ്‌ ബൈബിൾ.” വലിയ ഹിന്ദു യോഗി​യാ​യി​രുന്ന മോഹൻദാസ്‌ കെ. ഗാന്ധി​പോ​ലും ഇൻഡ്യ​യി​ലെ ബ്രിട്ടീഷ്‌ വൈ​സ്രോ​യി​യോട്‌ ഒരിക്കൽ പറഞ്ഞു: “ഈ ഗിരി​പ്ര​ഭാ​ഷ​ണ​ത്തിൽ ക്രിസ്‌തു​വെച്ച ഉപദേ​ശ​ങ്ങ​ളിൽ നിങ്ങളു​ടെ  രാജ്യ​വും എന്റെ രാജ്യ​വും ഒത്തു​ചേ​രു​മ്പോൾ നമ്മുടെ രാജ്യ​ങ്ങ​ളി​ലേതു മാത്രമല്ല, മുഴു ലോക​ത്തി​ലെ​യും പ്രശ്‌നങ്ങൾ നാം പരിഹ​രി​ച്ചി​രി​ക്കും.” ഗാന്ധി ബൈബി​ളി​ലെ മത്തായി 5 മുതൽ 7 വരെയു​ളള അദ്ധ്യാ​യ​ങ്ങ​ളെ​ക്കു​റി​ച്ചു സംസാ​രി​ക്കു​ക​യാ​യി​രു​ന്നു. നിങ്ങൾതന്നെ ഈ അദ്ധ്യാ​യങ്ങൾ വായി​ച്ചു​നോ​ക്കി​യിട്ട്‌ അവയിലെ ശക്തമായ ദൂതി​നാൽ നിങ്ങൾ പുളകി​ത​നാ​കു​ന്നി​ല്ലേ​യെന്നു കാണുക.

ബൈബിൾ ഒരു പൗരസ്‌ത്യ ഗ്രന്ഥം

8, 9. (എ) ബൈബി​ളി​നെ ഒരു പാശ്ചാത്യ പുസ്‌ത​ക​മെന്ന്‌ വിളി​ക്കു​ന്നത്‌ തെററാ​യി​രി​ക്കു​ന്ന​തെ​ന്തു​കൊണ്ട്‌? (ബ) ബൈബിൾ എഴുത​പ്പെ​ട്ട​തെ​ങ്ങനെ, ഏതു കാലഘ​ട്ടം​കൊണ്ട്‌? (സി) ബൈബി​ളി​നെ ഒരു ഗ്രന്ഥസ​മാ​ഹാ​രം എന്നു വിളി​ക്കാൻ കഴിയു​ന്ന​തെ​ന്തു​കൊണ്ട്‌? (ഡി) ബൈബിൾ എഴുതു​ന്ന​തിന്‌ എത്ര മനുഷ്യർ ഉപയോ​ഗി​ക്ക​പ്പെട്ടു? (ഈ) ഈ മനുഷ്യ​രിൽ ചിലർ ബൈബി​ളി​ന്റെ ഉറവിനെ സംബന്ധിച്ച്‌ എന്തു സാക്ഷ്യം നൽകി?

⁸ പൊതു​ജന വിശ്വാ​സ​ത്തി​നു വിപരീ​ത​മാ​യി ബൈബിൾ പാശ്ചാ​ത്യ​നാ​ഗ​രി​ക​ത​യു​ടെ ഒരു കൃതിയല്ല, അത്‌ ആ നാഗരി​ക​തയെ മഹത്വീ​ക​രി​ക്കു​ന്നു​മില്ല. മിക്കവാ​റും മുഴു ബൈബി​ളും പൗരസ്‌ത്യ​രാ​ജ്യ​ങ്ങ​ളിൽ വച്ചാണ്‌ എഴുത​പ്പെ​ട്ടത്‌. അത്‌ എഴുതിയ എല്ലാ മനുഷ്യ​രും പൗരസ്‌ത്യ​രാ​യി​രു​ന്നു. ബുദ്ധന്‌ ആയിരം വർഷം മുമ്പ്‌ ക്രി. മു. 1513-ൽ ഉല്‌പത്തി എന്നു വിളി​ക്ക​പ്പെട്ട ബൈബി​ളി​ലെ ഒന്നാമത്തെ പുസ്‌തകം എഴുതു​ന്ന​തിന്‌ മദ്ധ്യപൂർവ്വ​ദേ​ശത്ത്‌ ജീവി​ച്ചി​രുന്ന മോശെ ദൈവ​ത്താൽ നിശ്വ​സ്‌ത​നാ​ക്ക​പ്പെട്ടു. ഈ തുടക്കം മുതൽ ബൈബിൾ അതിന്റെ അവസാ​ന​പു​സ്‌ത​ക​മായ വെളി​പ്പാ​ടു​വരെ ഉടനീളം യോജി​പ്പു​ളള ഒരേ പ്രതി​പാ​ദ്യ​മാണ്‌ തുടരു​ന്നത്‌. ബുദ്ധനു​ശേഷം ഏതാണ്ട്‌ 600 വർഷം കഴിഞ്ഞ്‌ ക്രി. വ. 98-ൽ ബൈബിൾ പൂർത്തീ​ക​രി​ക്ക​പ്പെട്ടു. ബൈബിൾ 66 വ്യത്യസ്‌ത പുസ്‌ത​കങ്ങൾ ചേർന്ന്‌ ഉണ്ടായി​ട്ടു​ള​ള​താ​ണെന്ന്‌ നിങ്ങൾക്ക​റി​യാ​മോ? അതെ, ബൈബിൾ അതിൽത്തന്നെ ഒരു ഗ്രന്ഥസ​മാ​ഹാ​ര​മാണ്‌!

⁹ അങ്ങനെ, മോ​ശെ​യു​ടെ കാലം മുതലു​ളള 1600 വർഷത്തെ ഒരു കാലഘ​ട്ട​ത്തിൽ ബൈബി​ളി​ന്റെ യോജി​പ്പു​ളള രേഖ എഴുതു​ന്ന​തിൽ ഏതാണ്ട്‌ 40 പുരു​ഷൻമാർ പങ്കെടു​ത്തു. അവരുടെ എഴുത്തു​കൾ മരണമു​ളള മനുഷ്യ​നെ​ക്കാൾ വളരെ ഉയർന്ന ഒരു ശക്തിയാൽ നിശ്വ​സ്‌ത​മാ​ണെന്ന്‌ അവർ സാക്ഷ്യ​പ്പെ​ടു​ത്തു​ന്നു. ക്രിസ്‌തീയ അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും പഠിപ്പി​ക്ക​ലി​നും ശാസി​ക്ക​ലി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം കൊടു​ക്കു​ന്ന​തി​നും പ്രയോ​ജ​ന​പ്ര​ദ​വു​മാ​കു​ന്നു.” b (2 തിമൊ​ഥെ​യോസ്‌ 3:16) അപ്പോ​സ്‌ത​ല​നായ പത്രോസ്‌ ഇങ്ങനെ വിശദീ​ക​രി​ച്ചു: “തിരു​വെ​ഴു​ത്തി​ലെ യാതൊ​രു പ്രവച​ന​വും ഏതെങ്കി​ലും സ്വകാ​ര്യ​വ്യാ​ഖ്യാ​ന​ത്തിൽനിന്ന്‌ ഉത്ഭവി​ക്കു​ന്നില്ല. എന്തെന്നാൽ പ്രവചനം ഒരു കാലത്തും മമനു​ഷ്യ​ന്റെ ഇഷ്ടത്താൽ വരുത്ത​പ്പെ​ട്ടി​ട്ടില്ല, എന്നാൽ മനുഷ്യർ പരിശു​ദ്ധാ​ത്മാ​വി​നാൽ നയിക്ക​പ്പെ​ടവേ  ദൈവ​ത്തിൽനിന്ന്‌ അവർ സംസാ​രി​ക്കു​ക​യാ​യി​രു​ന്നു.”—2 പത്രോസ്‌ 1:20, 21; 2 ശമുവേൽ 23:2; ലൂക്കോസ്‌ 1:70.

10. (എ) ബൈബിൾ നമ്മുടെ കാല​ത്തോ​ളം വന്നു​ചേർന്നത്‌ എങ്ങനെ? (ബി) നമുക്ക്‌ ഇപ്പോ​ഴും മൂല നിശ്വസ്‌ത ബൈബിൾ പാഠം ഉണ്ടെന്ന്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

¹⁰ ബൈബിൾ ഇന്നോളം കടന്നു​വ​ന്നി​രി​ക്കുന്ന വിധവും അത്യന്തം ശ്രദ്ധേ​യ​മാണ്‌. ഏതാണ്ട്‌ 500 വർഷം മുമ്പ്‌ അച്ചടി കണ്ടുപി​ടി​ക്കു​ന്ന​തു​വ​രെ​യു​ളള ആയിര​ക്ക​ണ​ക്കി​നു വർഷങ്ങ​ളിൽ ബൈബി​ളി​ന്റെ പ്രതികൾ കൈ​കൊണ്ട്‌ നിർമ്മി​ക്ക​ണ​മാ​യി​രു​ന്നു. പുരാ​ത​ന​കാ​ല​ങ്ങ​ളി​ലെ മററു യാതൊ​രു സാഹി​ത്യ​കൃ​തി​യും ഇത്ര ഉത്സാഹ​പൂർവ്വം പകർത്തി​യെ​ഴു​തു​ക​യും വീണ്ടും പകർത്തി​യെ​ഴു​തു​ക​യും ചെയ്‌തി​ട്ടില്ല. അതു വീണ്ടും വീണ്ടും പകർത്തി​യെ​ഴു​തി, എന്നാൽ എല്ലായ്‌പ്പോ​ഴും വളരെ ശ്രദ്ധ​യോ​ടെ ആയിരു​ന്നു. പകർപ്പെ​ഴു​ത്തു​കാർ ചുരുക്കം ചില നിസ്സാ​ര​തെ​റ​റു​കളേ വരുത്തി​യി​ട്ടു​ളളു, ഇവയുടെ ഒരു ഒത്തു​നോ​ട്ടം ദൈവ​നി​ശ്വ​സ്‌ത​മായ മൂല പാഠത്തെ സ്ഥിരീ​ക​രി​ച്ചി​രി​ക്കു​ന്നു. ബൈബിൾ കൈ​യെ​ഴു​ത്തു​പ്ര​തി​ക​ളു​ടെ ഒരു പ്രമുഖ പ്രാമാ​ണി​ക​നായ സർ ഫ്രെഡ​റിക്ക്‌ കെനിയൻ ഇങ്ങനെ പറയുന്നു: “ബൈബിൾ എഴുത​പ്പെട്ട പ്രകാ​രം​തന്നെ നല്ല നിലയിൽ നമുക്ക്‌ കൈവ​ന്നി​രി​ക്കു​ന്ന​തിൽ സംശയി​ക്കാ​നു​ളള അവസാ​നത്തെ അടിസ്ഥാ​ന​വും ഇപ്പോൾ നീക്ക​പ്പെ​ട്ടി​രി​ക്കു​ന്നു.” ഇന്ന്‌, ബൈബി​ളി​ന്റെ​യോ അതിന്റെ ഭാഗങ്ങ​ളു​ടെ​യോ 16,000ത്തോളം കൈ​യെ​ഴു​ത്തു​പ്ര​തി​കൾ ഇപ്പോ​ഴും സ്ഥിതി​ചെ​യ്യു​ന്നുണ്ട്‌, ചിലത്‌ ക്രിസ്‌തു​വി​നു മുൻപ്‌ രണ്ടാം നൂററാ​ണ്ടു മുതൽപോ​ലും നിലനി​ന്നു​പോ​രു​ന്ന​വ​യാണ്‌. മാത്ര​വു​മല്ല, ബൈബിൾ ആദ്യം എഴുത​പ്പെട്ട എബ്രായ, അരാമ്യ, ഗ്രീക്ക്‌ ഭാഷക​ളിൽ നിന്ന്‌ ഭൂമി​യി​ലെ മിക്കവാ​റു​മെല്ലാ ഭാഷക​ളി​ലേ​ക്കും കൃത്യ​മായ വിവർത്ത​നങ്ങൾ ഉണ്ടായി​ട്ടുണ്ട്‌.

11. ഏത്‌ ആധുനിക കണ്ടുപി​ടു​ത്തങ്ങൾ ബൈബിൾ രേഖ​യോ​ടു യോജി​ക്കു​ന്നു?

¹¹ ബൈബിൾ കൃത്യ​ത​യു​ള​ളതല്ല എന്നു പറഞ്ഞു​കൊണ്ട്‌ ചിലർ അതിനെ അവിശ്വാ​സ്യ​മാ​ക്കാൻ ശ്രമി​ച്ചി​ട്ടുണ്ട്‌. എന്നിരു​ന്നാ​ലും, അടുത്ത കാലത്ത്‌ പുരാ​വ​സ്‌തു ശാസ്‌ത്ര​ജ്ഞൻമാർ ബൈബിൾ നാടു​ക​ളി​ലെ പുരാതന നഗരങ്ങ​ളു​ടെ ശൂന്യ​ശി​ഷ്ട​ങ്ങളെ ഖനനം ചെയ്യു​ക​യും ഏററവും പഴക്കമു​ളള ബൈബിൾ രേഖക​ളിൽ പോലും പറഞ്ഞി​ട്ടു​ളള ആളുക​ളും സ്ഥലങ്ങളും യഥാർത്ഥ​ത്തിൽ സ്ഥിതി​ചെ​യ്‌തി​രു​ന്നു​വെന്നു തെളി​യി​ക്കുന്ന ശിലാ ലിഖി​ത​ങ്ങ​ളും മററു തെളി​വും കണ്ടെത്തു​ക​യും ചെയ്‌തി​ട്ടുണ്ട്‌. ഒരു ആഗോള പ്രളയ​ത്തി​ലേക്കു വിരൽ ചൂണ്ടുന്ന ധാരാളം തെളി​വു​കൾ അവർ ഭൂമി​യിൽനിന്ന്‌ കുഴി​ച്ചെ​ടു​ത്തി​ട്ടുണ്ട്‌, 4000—ത്തിൽ പരം വർഷം മുമ്പ്‌ നോഹ​യു​ടെ നാളിൽ പ്രളയ​മു​ണ്ടാ​യ​താ​യി ബൈബിൾ പറയുന്നു. ഒരു സുപ്ര​സിദ്ധ ശാസ്‌ത്ര​ജ്ഞ​നായ പ്രിൻസ്‌ മികാസാ ഈ സംഗതി സംബന്ധിച്ച്‌ ഇങ്ങനെ പ്രസ്‌താ​വി​ച്ചു: “യഥാർത്ഥ​ത്തിൽ ഒരു പ്രളയം ഉണ്ടായി​ട്ടു​ണ്ടോ? . . . പ്രളയം യഥാർത്ഥ​മാ​യി സംഭവി​ച്ചു​വെന്ന വസ്‌തുത ബോദ്ധ്യം വരത്തക്ക​വണ്ണം തെളി​യി​ക്ക​പ്പെ​ട്ടി​രി​ക്കു​ന്നു.” c

 ബൈബി​ളി​ലെ ദൈവം

12. (എ) ചില പരിഹാ​സി​കൾ ദൈവ​ത്തെ​ക്കു​റിച്ച്‌ എന്തു പറയുന്നു? (ബി) ബൈബിൾ ദൈവത്തെ ഒരു പിതാ​വെന്നു പരാമർശി​ക്കു​ന്ന​തെ​ന്തു​കൊണ്ട്‌? (സി) ദൈവ​ത്തി​ന്റെ നാമം എന്താ​ണെന്നു ബൈബിൾ പ്രകട​മാ​ക്കു​ന്നു?

¹² ബൈബി​ളി​നെ സംബന്ധി​ച്ചു ചിലയാ​ളു​കൾ പരിഹ​സി​ച്ചി​ട്ടു​ള​ള​തു​പോ​ലെ ഒരു സർവ്വശ​ക്ത​നായ ദൈവം ഉണ്ടെന്നു​ള​ള​തി​നെ​യും മററു ചിലർ പരിഹാ​സ്യ​മാ​ക്കു​ന്നു. (2 പത്രോസ്‌ 3:3-7) അവർ പറയുന്നു, ‘എനിക്ക്‌ ദൈവത്തെ കാണാൻ കഴിയാ​ത്ത​തു​കൊണ്ട്‌ എനിക്ക്‌ അവനിൽ എങ്ങനെ വിശ്വ​സി​ക്കാൻ കഴിയും? മനുഷ്യ​നെ​ക്കാൾ ഉയർന്ന ഒരു അദൃശ്യ സ്രഷ്ടാവ്‌ യഥാർത്ഥ​ത്തിൽ സ്ഥിതി​ചെ​യ്യു​ന്നു​വെന്ന്‌ തെളി​വു​ണ്ടോ? ദൈവം എല്ലാറ​റി​ലും വസിക്കു​ന്നി​ല്ലേ?’ “ദൈവം ഇല്ല, ബുദ്ധനും ഇല്ല” എന്നു മററു ചിലർ പറയുന്നു. എന്നിരു​ന്നാ​ലും, നമു​ക്കെ​ല്ലാം ഒരു ഭൗമിക പിതാ​വി​ലൂ​ടെ ജീവൻ ലഭിച്ച​തു​പോ​ലെ, നമ്മുടെ ആദിമ​പൂർവ്വ പിതാ​ക്കൾക്ക്‌ യഹോ​വ​യെന്നു വ്യക്തി​പ​ര​മായ നാമമു​ളള ഒരു സ്വർഗ്ഗീയ പിതാ​വിൽനിന്ന്‌ അഥവാ സ്രഷ്ടാ​വിൽനിന്ന്‌ ജീവൻ കിട്ടി​യെന്നു ബൈബിൾ പ്രകട​മാ​ക്കു​ന്നു.—സങ്കീർത്തനം 83:18; 100:3; യെശയ്യാവ്‌ 12:2; 26:4.

13. ഏതു രണ്ടു വിധങ്ങ​ളിൽ യഹോവ തന്നേത്തന്നെ മനുഷ്യ​വർഗ്ഗ​ത്തി​നു വെളി​പ്പെ​ടു​ത്തി​യി​രി​ക്കു​ന്നു?

¹³ രണ്ടു പ്രമുഖ വിധങ്ങ​ളിൽ യഹോവ തന്നെത്തന്നെ മനുഷ്യ​വർഗ്ഗ​ത്തി​നു വെളി​പ്പെ​ടു​ത്തി​യി​രി​ക്കു​ന്നു. മുഖ്യ​വി​ധം ബൈബി​ളാണ്‌, അത്‌ അവന്റെ സത്യ​ത്തെ​യും നിത്യോ​ദ്ദേ​ശ്യ​ങ്ങ​ളെ​യും അറിയി​ക്കു​ന്നു. (യോഹ​ന്നാൻ 17:17; 1 പത്രോസ്‌ 1:24, 25) മറേറ വിധം അവന്റെ സൃഷ്ടി​യാണ്‌. തങ്ങളുടെ ചുററു​മു​ളള അത്ഭുത​വ​സ്‌തു​ക്കളെ നിരീ​ക്ഷി​ച്ച​തി​നാൽ ഒരു സ്രഷ്ടാ​വായ ദൈവം ഉണ്ടായി​രി​ക്ക​ണ​മെന്ന്‌ അനേകർ ഗ്രഹി​ക്കാ​നി​ട​യാ​യി​രി​ക്കു​ന്നു, അവന്റെ മഹത്തായ വ്യക്തി​ത്വം അവന്റെ പ്രവൃ​ത്തി​ക​ളിൽ പ്രതി​ഫ​ലി​ച്ചി​രി​ക്കു​ന്നു.—വെളി​പ്പാട്‌ 15:3, 4.

14. ബൈബിൾ യഹോ​വ​യെ​ക്കു​റിച്ച്‌ നമ്മോട്‌ എന്തു പറയുന്നു?

¹⁴ യഹോ​വ​യാം ദൈവ​മാണ്‌ ബൈബി​ളി​ന്റെ ഗ്രന്ഥകർത്താവ്‌. അവൻ സകല നിത്യ​ത​യി​ലും സ്ഥിതി​ചെ​യ്യുന്ന വലിയ ആത്മാവാ​കു​ന്നു. (യോഹ​ന്നാൻ 4:24; സങ്കീർത്തനം 90:1, 2) “യഹോവ” എന്ന അവന്റെ നാമം അവന്റെ സൃഷ്ടി​കളെ സംബന്ധിച്ച അവന്റെ ഉദ്ദേശ്യ​ത്തി​ലേക്ക്‌ ശ്രദ്ധ ക്ഷണിക്കു​ന്നു. ദുഷ്ടൻമാ​രെ നശിപ്പി​ക്കു​ന്ന​തി​നാ​ലും തന്നെ സ്‌നേ​ഹി​ക്കു​ന്ന​വരെ, ഒരു പരദീസാ ഭൂമി​യിൽ ജീവി​ക്കാൻ കഴിയ​ത്ത​ക്ക​വണ്ണം രക്ഷിക്കു​ന്ന​തി​നാ​ലും ആ വലിയ നാമത്തെ സംസ്ഥാ​പി​ക്കു​ക​യെ​ന്ന​താണ്‌ അവന്റെ ഉദ്ദേശ്യം. (പുറപ്പാട്‌ 6:2-8; യെശയ്യാവ്‌ 35:1, 2) സർവ്വശ​ക്ത​നായ ദൈവ​മാ​ക​യാൽ ഇതു ചെയ്യു​ന്ന​തി​നു​ളള ശക്തി അവനുണ്ട്‌. സർവ്വ അഖിലാ​ണ്ഡ​ത്തി​ന്റെ​യും സ്രഷ്ടാ​വെന്ന നിലയിൽ അവൻ സാധാരണ ദേശീയ ദൈവ​ങ്ങൾക്കും വിഗ്ര​ഹ​ങ്ങൾക്കും വളരെ മീതെ​യാണ്‌.—യെശയ്യാവ്‌ 42:5, 8; സങ്കീർത്തനം 115:1, 4-8.

15. ബുദ്ധി​ശാ​ലി​ക​ളായ മനുഷ്യർ സൃഷ്ടി​യെ​ക്കു​റി​ച്ചു നടത്തിയ പഠനങ്ങൾ ഏതു നിഗമ​ന​ങ്ങ​ളി​ലേക്കു നയിച്ചി​രി​ക്കു​ന്നു?

¹⁵ ഇക്കഴിഞ്ഞ നൂററാ​ണ്ടു​ക​ളിൽ ശാസ്‌ത്ര​കാ​രൻമാർ സൃഷ്ടി​ക്രി​യ​ക​ളെ​ക്കു​റി​ച്ചു  പഠിക്കു​ന്ന​തിന്‌ വളരെ​യ​ധി​കം സമയം ചെലവ​ഴി​ച്ചി​ട്ടുണ്ട്‌. അവർ എന്തു നിഗമനം ചെയ്‌തി​രി​ക്കു​ന്നു? വിദ്യു​ച്ഛ​ക്തി​യു​ടെ മണ്ഡലത്തി​ലെ മുന്നോ​ടി​ക​ളി​ലൊ​രാ​ളും സുപ്ര​സിദ്ധ ബ്രിട്ടീഷ്‌ ഊർജ്ജ​ത​ന്ത്ര​ജ്ഞ​നു​മായ ലോർഡ്‌ കെൽവിൻ ഇങ്ങനെ പ്രഖ്യാ​പി​ച്ചു: “എത്രയ​ധി​ക​മാ​യി സയൻസ്‌ പഠിക്കു​ന്നു​വോ അത്രയ​ധി​ക​മാ​യി അത്‌ നമ്മെ നിരീ​ശ്വ​ര​വാ​ദ​ത്തോട്‌ തുലനം ചെയ്യാ​വുന്ന എന്തിൽനി​ന്നും അകററും.” ഒരു നിരീ​ശ്വ​ര​നെന്നു പ്രസി​ദ്ധ​നെ​ങ്കി​ലും യൂറോ​പ്പിൽ ജനിച്ച ശാസ്‌ത്ര​ജ്ഞ​നായ ആൽബർട്ട്‌ ഐൻസ്‌റ​റീൻ ഇങ്ങനെ ഏററു പറഞ്ഞു: “നമുക്ക്‌ മങ്ങലോ​ടെ ഗ്രഹി​ക്കാൻ കഴിയുന്ന അഖിലാ​ണ്ഡ​ത്തി​ന്റെ അത്ഭുത​ക​ര​മായ ഘടന​യെ​ക്കു​റിച്ച്‌ വിചി​ന്തനം ചെയ്യു​ന്ന​തും പ്രകൃ​തി​യിൽ പ്രത്യ​ക്ഷ​മാ​യി​രി​ക്കുന്ന ബുദ്ധി​ശ​ക്തി​യു​ടെ അതിസൂക്ഷ്‌മ ഭാഗ​ത്തെ​യെ​ങ്കി​ലും വിനയ​പൂർവ്വം മനസ്സി​ലാ​ക്കാൻ ശ്രമി​ക്കു​ന്ന​തും . . . എനിക്കു മതി.” അമേരി​ക്കൻ ശാസ്‌ത്ര​ജ്ഞ​നും നോബൽ സമ്മാനം നേടിയ ആളുമായ ആർതർ ഹൊളളി കോം​പ്‌ററൻ ഇങ്ങനെ പറഞ്ഞു: “ക്രമാ​നു​സൃ​ത​മാ​യി അനാവ​രണം ചെയ്യ​പ്പെ​ടുന്ന ഒരു അഖിലാ​ണ്ഡം ‘ആദിയിൽ ദൈവം’ എന്ന ഉച്ചരി​ക്ക​പ്പെ​ട്ടി​ട്ടു​ള​ള​തി​ലേ​ക്കും അത്യന്തം ഉജ്ജ്വല​മായ പ്രസ്‌താ​വ​ന​യു​ടെ സത്യതയെ സാക്ഷ്യ​പ്പെ​ടു​ത്തു​ന്നു.” അദ്ദേഹം ബൈബി​ളി​ലെ ആദ്യവാ​ക്കു​കൾ ഉദ്ധരി​ക്കു​ക​യാ​യി​രു​ന്നു.

16. പ്രപഞ്ചം ദൈവ​ത്തി​ന്റെ സൃഷ്ടി​പ​ര​മായ ജ്ഞാന​ത്തെ​യും ശക്തി​യെ​യും മഹിമ​പ്പെ​ടു​ത്തു​ന്ന​തെ​ങ്ങനെ?

¹⁶ ശക്തമായ രാഷ്‌ട്ര​ങ്ങ​ളി​ലെ ഭരണാ​ധി​പൻമാർ തങ്ങളുടെ ബുദ്ധി​ശ​ക്തി​യെ​യും ബാഹ്യാ​കാ​ശ​ത്തി​ന്റെ കീഴട​ക്ക​ലി​ലെ ശാസ്‌ത്രീ​യ​നേ​ട്ട​ങ്ങ​ളെ​യും കുറിച്ച്‌ വീമ്പി​ള​ക്കി​യേ​ക്കാം. എന്നാൽ ഭൂമിയെ ചുററുന്ന ചന്ദ്ര​നോ​ടോ സൂര്യനെ ചുററുന്ന ഗ്രഹങ്ങ​ളോ​ടോ താരത​മ്യ​പ്പെ​ടു​ത്തു​മ്പോൾ അവരുടെ ശൂന്യാ​കാശ ഉപഗ്ര​ഹങ്ങൾ എത്ര നിസ്സാരം! യഹോവ ശതകോ​ടി​ക്ക​ണ​ക്കിന്‌ ആകാശ​താ​രാ​പം​ക്തി​കളെ സൃഷ്ടി​ച്ചി​ട്ടുണ്ട്‌. ഓരോ​ന്നി​ലും നമ്മുടെ സ്വന്തം സൂര്യ​നെ​പ്പോ​ലെ​യു​ളള ശതകോ​ടി​ക്ക​ണ​ക്കി​നു സൂര്യൻമാ​രുണ്ട്‌. ഇവയുടെ സൃഷ്ടി​പ്പി​നോ​ടും അവയെ അവൻ കൂട്ടങ്ങ​ളാ​യി​തി​രിച്ച്‌ അളവി​ല്ലാത്ത കാല​ത്തോ​ളം ശൂന്യാ​കാ​ശ​ത്തിൽ സ്ഥാപി​ച്ച​തി​നോ​ടും താരത​മ്യ​പ്പെ​ടു​ത്തു​മ്പോൾ മർത്ത്യ​രായ മനുഷ്യ​രു​ടെ നേട്ടങ്ങൾ എത്ര നിസ്സാരം! (സങ്കീർത്തനം 19:1, 2; ഇയ്യോബ്‌ 26:7, 14) യഹോവ മനുഷ്യ​രെ വെറും വിട്ടി​ലു​ക​ളെ​പ്പോ​ലെ​യും ശക്തമായ രാഷ്‌ട്ര​ങ്ങളെ “നാസ്‌തി​യാ​യും” കരുതു​ന്നത്‌ അത്ഭുതമല്ല.—യെശയ്യാവ്‌ 40:13-18, 22.

17. ഒരു സ്രഷ്ടാ​വിൽ വിശ്വ​സി​ക്കു​ന്നത്‌ ന്യായ​യു​ക്ത​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁷ നിങ്ങൾ ഒരു വീട്ടിൽ പാർക്കു​ന്നു​വോ? ഒരു പക്ഷേ ആ വീട്‌ നിങ്ങൾതന്നെ പണിയി​ച്ച​ത​ല്ലാ​യി​രി​ക്കാം. പണിയി​ച്ച​താ​രെന്ന്‌ അറിയാ​നും  പാടി​ല്ലാ​യി​രി​ക്കാം. എന്നിരു​ന്നാ​ലും, നിർമ്മാ​താ​വി​നെ നിങ്ങൾക്ക​റി​യാൻപാ​ടി​ല്ലെ​ന്നു​ളള വസ്‌തുത, ബുദ്ധി​യു​ളള ഏതോ വ്യക്തി പണിയി​ച്ച​താണ്‌ അത്‌ എന്ന സത്യം അംഗീ​ക​രി​ക്കു​ന്ന​തിൽനിന്ന്‌ നിങ്ങളെ തടയു​ന്നില്ല. വീട്‌ അതി​നെ​ത്തന്നെ പണിതു എന്നു ന്യായ​വാ​ദം ചെയ്യു​ന്നത്‌ വളരെ വിഡ്‌ഢി​ത്ത​മാ​യി​രി​ക്കും! ബൃഹത്തായ അഖിലാ​ണ്ഡ​ത്തി​ന്റെ​യും അതിലെ സകലത്തി​ന്റെ​യും നിർമ്മാ​ണ​ത്തിന്‌ അതിര​റ​റ​വി​ധം മഹത്തര​മായ ബുദ്ധി​ശക്തി ആവശ്യ​മാ​യ​തി​നാൽ ബുദ്ധി​ശ​ക്തി​യു​ളള ഒരു സ്രഷ്ടാവ്‌ ഉണ്ടായി​രി​ക്ക​ണ​മെന്ന്‌ നിഗമനം ചെയ്യു​ന്നത്‌ ന്യായ​യു​ക്ത​മ​ല്ല​യോ? സത്യമാ​യി, മൂഢൻ മാത്രമേ തന്റെ ഹൃദയ​ത്തിൽ “യഹോവ ഇല്ല” എന്നു പറയു​ക​യു​ളളു.—സങ്കീർത്തനം 14:1; എബ്രായർ 3:4.

18. ദൈവം ഒരു ആൾ ആണെന്നും സ്‌തു​തി​ക്കു യോഗ്യ​നാ​ണെ​ന്നും എന്തു പ്രകട​മാ​ക്കു​ന്നു?

¹⁸ നമുക്ക്‌ ചുററു​മു​ളള മഹത്തായ അത്ഭുതങ്ങൾ—പുഷ്‌പങ്ങൾ, പക്ഷികൾ, മൃഗങ്ങൾ, മനുഷ്യൻ, എന്നുവി​ളി​ക്ക​പ്പെ​ടുന്ന അത്ഭുത​സൃ​ഷ്ടി, ജീവ​ന്റെ​യും ജനനത്തി​ന്റെ​യും അത്ഭുതങ്ങൾ—ഇവയെ​ല്ലാം അവയെ ഉളവാ​ക്കിയ അദൃശ്യ​മായ മഹാബു​ദ്ധി​യെ സാക്ഷ്യ​പ്പെ​ടു​ത്തു​ന്നു. (റോമർ 1:20) ബുദ്ധി ഉളളടത്ത്‌ മനസ്സ്‌ ഉണ്ട്‌. മനസ്സ്‌ ഉളളടത്ത്‌ ഒരു ആൾ ഉണ്ട്‌. പരമോ​ന്നത ബുദ്ധി സകല ജീവി​ക​ളു​ടെ​യും സ്രഷ്ടാ​വായ, ജീവന്റെ ഉറവു​തന്നെ ആയ, പരമോ​ന്ന​ത​നായ ആളി​ന്റേ​താണ്‌. (സങ്കീർത്തനം 36:9) സ്രഷ്ടാവ്‌ തീർച്ച​യാ​യും സകല സ്‌തു​തി​ക്കും ആരാധ​ന​യ്‌ക്കും യോഗ്യ​നാണ്‌.—സങ്കീർത്തനം 104:24; വെളി​പ്പാട്‌ 4:11.

19. (എ) ഇന്നു യാതൊ​രു രാഷ്‌ട്ര​ത്തി​നും യുദ്ധത്തിൽ ദൈവ​ദ​ത്ത​മായ വിജയം അവകാ​ശ​പ്പെ​ടാൻ കഴിയാ​ത്ത​തെ​ന്തു​കൊണ്ട്‌? (ബി) ദൈവ​ത്തിന്‌ രാഷ്‌ട്ര​ങ്ങ​ളു​ടെ യുദ്ധത്തിൽ പങ്കില്ലാ​ത്ത​തെ​ന്തു​കൊണ്ട്‌?

¹⁹ രണ്ടാം ലോക​മ​ഹാ​യു​ദ്ധ​കാ​ല​ത്തു​ണ്ടായ പ്രയാ​സ​ക​ര​മായ അനുഭ​വ​ങ്ങ​ളാൽ ദൈവ​ത്തി​ലു​ളള വിശ്വാ​സ​ത്തിന്‌ ഇളക്കം തട്ടിയ ചിലരുണ്ട്‌. കത്തോ​ലി​ക്കാ മതത്തി​ലോ പ്രോ​ട്ട​സ്‌റ​റൻറ്‌ മതങ്ങളി​ലോ പൗരസ്‌ത്യ മതങ്ങളി​ലോ പെട്ടതാ​യാ​ലും, ആ കാലത്ത്‌ ഓരോ രാജ്യ​വും അതിന്റെ “ദൈവ”ത്തെ വിളി​ച്ച​പേ​ക്ഷി​ച്ചു. ഈ ജനതക​ളിൽ ചിലതിന്‌ ദൈവം ജയം നൽകി​യെ​ന്നും മററു​ളളവ തോൽക്കാൻ അനുവ​ദി​ച്ചു​വെ​ന്നും പറയാൻ കഴിയു​മോ? ഈ ജനതക​ളി​ലൊ​ന്നും സത്യ​ദൈ​വത്തെ വിളി​ച്ച​പേ​ക്ഷി​ക്കു​ക​യാ​യി​രു​ന്നി​ല്ലെന്ന്‌ ബൈബിൾ പ്രകട​മാ​ക്കു​ന്നു. ആകാശ​ത്തി​ന്റെ​യും ഭൂമി​യു​ടെ​യും സ്രഷ്ടാ​വായ യഹോ​വ​യാം ദൈവം ജനതക​ളു​ടെ ഇടയിലെ കുഴപ്പ​ത്തി​നും യുദ്ധങ്ങൾക്കും ഉത്തരവാ​ദി​യല്ല. (1 കൊരി​ന്ത്യർ 14:33) അവന്റെ ചിന്തകൾ ഈ ഭൂമി​യി​ലെ  രാഷ്‌ട്രീയ, സൈനിക, ജനതക​ളു​ടെ ചിന്തക​ളെ​ക്കാൾ വളരെ ഉന്നതമാണ്‌. (യെശയ്യാവ്‌ 55:8, 9) അതു​പോ​ലെ​തന്നെ സത്യമ​ത​ത്തി​നും യഹോ​വ​യു​ടെ ആരാധ​ന​യ്‌ക്കും രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ പങ്കില്ല. യഹോവ ദേശീ​യത്വ ദൈവ​ങ്ങ​ളെ​ക്കാൾ വളരെ ഉയർന്ന​വ​നാണ്‌. അവൻ എല്ലാ രാഷ്‌ട്ര​ങ്ങ​ളി​ലും പെട്ട സമാധാന പ്രേമി​ക​ളായ സ്‌ത്രീ പുരു​ഷൻമാ​രു​ടെ ദൈവ​മാ​യി​രി​ക്കു​ന്ന​തിൽ അനുപ​മ​നാണ്‌. ബൈബിൾ പറയുന്ന പ്രകാരം: “ദൈവം പക്ഷപാ​തി​ത്വ​മു​ള​ള​വനല്ല, എന്നാൽ എല്ലാ ജനതക​ളി​ലും ദൈവത്തെ ഭയപ്പെ​ടു​ക​യും നീതി പ്രവർത്തി​ക്കു​ക​യും ചെയ്യുന്ന മനുഷ്യൻ അവനു സ്വീകാ​ര്യ​നാണ്‌.” (പ്രവൃ​ത്തി​കൾ 10:34, 35) എല്ലാ ജനതക​ളി​ലും നീതി​പ്ര​കൃ​ത​മു​ളള ആളുകൾ ഇപ്പോൾ ബൈബിൾ പഠിക്കു​ക​യും “സമാധാ​നം നൽകുന്ന” സത്യ“ദൈവ”ത്തിന്റെ, സകല മനുഷ്യ​വർഗ്ഗ​ത്തി​ന്റെ​യും സ്രഷ്ടാ​വി​ന്റെ, ആരാധന സ്വീക​രി​ക്കു​ക​യും ചെയ്യുന്നു.—റോമർ 16:20; പ്രവൃ​ത്തി​കൾ 17:24-27.

20. ക്രൈ​സ്‌ത​വ​ലോ​കം ക്രിസ്‌തീ​യ​മ​ല്ലെ​ന്നും ദൈവ​വി​രു​ദ്ധ​മാ​ണെ​ന്നും എന്തു പ്രകട​മാ​ക്കു​ന്നു?

²⁰ ചിലയാ​ളു​കൾ ബൈബി​ള​നു​സ​രി​ക്കു​ന്നു​വെ​ന്ന​വ​കാ​ശ​പ്പെ​ടുന്ന ക്രൈ​സ്‌ത​വ​ലോ​ക​ത്തി​ലെ മതങ്ങളിൽ കാണുന്ന ഭിന്നത​ക​ളി​ലേ​ക്കും കപടഭ​ക്തി​യി​ലേ​ക്കും വിരൽചൂ​ണ്ടു​ന്നു. ‘ബൈബിൾ കൈവ​ശ​മു​ളള ജനതകൾ ന്യൂക്ലി​യർ ആയുധങ്ങൾ കൂനകൂ​ട്ടു​ന്ന​തിൽ ശുഷ്‌ക്കാ​ന്തി കാട്ടു​ന്ന​വ​രിൽ ഉൾപ്പെ​ടു​മ്പോൾ എനിക്ക്‌ ബൈബി​ളി​ലെ ദൈവത്തെ എങ്ങനെ വിശ്വ​സി​ക്കാൻ കഴിയും?’ എന്നും അവർ ചോദി​ക്കു​ന്നു. ബൈബിൾ എല്ലായ്‌പ്പോ​ഴും സത്യമാ​യി നിലനിൽക്കു​ന്നു​വെ​ന്നി​രി​ക്കെ, ഉത്തര​ധ്രു​വം ദക്ഷിണ ധ്രുവ​ത്തിൽനിന്ന്‌ അകന്നി​രി​ക്കു​ന്ന​തു​പോ​ലെ ക്രൈ​സ്‌ത​വ​ലോ​ക​ത്തി​ലെ ജനതകൾ ബൈബിൾക്രി​സ്‌ത്യാ​നി​ത്വ​ത്തിൽനിന്ന്‌ അകന്നു​പോ​യി​രി​ക്കു​ന്നു. അവർ ക്രിസ്‌ത്യാ​നി​ത്വം അവകാ​ശ​പ്പെ​ടു​ന്നത്‌ കപടഭ​ക്തി​യാണ്‌. അവർക്ക്‌ ബൈബിൾ കൈവ​ശ​മുണ്ട്‌, എന്നാൽ അതിലെ ഉപദേ​ശങ്ങൾ അനുസ​രി​ക്കു​ന്നില്ല. ഒന്നാമത്തെ ആററം​ബോംബ്‌ ഹിറോ​ഷി​മാ​യിൽ ഇടാൻ ഉത്തരവിട്ട അമേരി​ക്കൻ പ്രസി​ഡണ്ട്‌ ഈ ലോക പ്രതി​സ​ന്ധി​യിൽ മനുഷ്യ​രെ നയിക്കാൻ “ഹാ, ഒരു യെശയ്യാ​വോ ഒരു വിശുദ്ധ പൗലോ​സോ ഉണ്ടായി​രു​ന്നെ​ങ്കിൽ!” എന്ന്‌ ഒരിക്കൽ ഉദ്‌ഘോ​ഷി​ക്കു​ക​യു​ണ്ടാ​യി. അദ്ദേഹം ബൈബി​ളി​ലെ യെശയ്യാ​വി​നോട്‌ യോജി​ച്ചി​രു​ന്നെ​ങ്കിൽ അദ്ദേഹം ഒരിക്ക​ലും ഒരു ആററം​ബോംബ്‌ ഇടുവി​ക്കു​ക​യി​ല്ലാ​യി​രു​ന്നു, എന്തു​കൊ​ണ്ടെ​ന്നാൽ യെശയ്യാവ്‌ ശുപാർശ ചെയ്‌തത്‌ ‘വാളു​കളെ കൊഴു​ക്ക​ളാ​യും കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർക്കാ​നാ​യി​രു​ന്നു.’ മാത്ര​വു​മല്ല, “നാം ജഡപ്ര​കാ​രം യുദ്ധം ചെയ്യു​ന്നില്ല. നമ്മുടെ യുദ്ധത്തി​ന്റെ ആയുധങ്ങൾ ജഡികമല്ല” എന്ന്‌ പ്രഖ്യാ​പി​ച്ചത്‌ ബൈബി​ളി​ലെ പൗലോ​സാ​യി​രു​ന്നു.  (യെശയ്യാവ്‌ 2:4; 2 കൊരി​ന്ത്യർ 10:3, 4) എന്നിരു​ന്നാ​ലും, ക്രൈ​സ്‌ത​വ​ലോ​ക​ത്തി​ലെ രാഷ്‌ട്രങ്ങൾ ബൈബി​ളി​ന്റെ ബുദ്ധി​യു​പ​ദേശം അനുസ​രി​ക്കു​ന്ന​തി​നു പകരം ആത്മഹത്യാ​പ​ര​മായ ഒരു ആയുധ​പ്പ​ന്ത​യ​ത്തിൽ കുരു​ങ്ങി​യി​രി​ക്കു​ന്നു. തങ്ങൾ ബൈബി​ള​നു​സ​രി​ക്കുന്ന ക്രിസ്‌ത്യാ​നി​ക​ളാ​ണെ​ന്നു​ളള അവരുടെ ഏത്‌ അവകാ​ശ​വാ​ദ​ങ്ങ​ളും വ്യാജ​മാണ്‌. അവർ ദൈ​വേഷ്ടം ചെയ്യാ​തി​രി​ക്കു​ക​യാൽ ദൈവ​ത്തി​ന്റെ ന്യായ​വി​ധി​യെ അഭിമു​ഖീ​ക​രി​ക്കേ​ണ്ട​താണ്‌.—മത്തായി 7:18-23; സെഫന്യാവ്‌ 1:17, 18.

യഹോ​വ​യു​ടെ സൃഷ്ടി​ക​ളും അത്ഭുത​ങ്ങ​ളും

21. ദൈവ​ത്തി​ന്റെ അത്ഭുത​ങ്ങളെ സംശയി​ക്കാ​തി​രി​ക്കു​ന്നത്‌ ന്യായ​യു​ക്ത​മാ​യി​രി​ക്കു​ന്ന​തെ​ന്തു​കൊണ്ട്‌?

²¹ യഹോവ സൃഷ്ടി​ക്കു​ക​യും അത്ഭുതങ്ങൾ പ്രവർത്തി​ക്കു​ക​യും ചെയ്യുന്നു. വെളളം രക്തമാക്കി മാററി​യ​തും ചെങ്കട​ലി​നെ വിഭാ​ഗി​ച്ച​തും യേശു​വി​ന്റെ കന്യകാ​ജ​ന​ന​വും ബൈബി​ളി​ലെ മററത്ഭു​ത​ങ്ങ​ളും സംബന്ധിച്ച്‌ നിങ്ങൾ എന്നെങ്കി​ലും സംശയി​ച്ചി​ട്ടു​ണ്ടോ? മമനു​ഷ്യ​ന്റെ ബുദ്ധി​ശക്തി പരിമി​ത​മാ​ക​യാൽ ഈ അത്ഭുത​ങ്ങ​ളിൽ ചിലതു സംഭവി​ച്ചത്‌ എങ്ങനെ​യാ​ണെന്ന്‌ ഒരു പക്ഷേ ഒരിക്ക​ലും അവന്‌ മനസ്സി​ലാ​കു​ക​യില്ല, ഓരോ ദിവസ​വും സൂര്യൻ ഉദിക്കു​ക​യും അസ്‌ത​മി​ക്കു​ക​യും ചെയ്യു​ന്ന​തി​ലെ അത്ഭുതം അവന്‌ പൂർണ്ണ​മാ​യി മനസ്സി​ലാ​ക്കാൻ കഴിയാ​ത്ത​തു​പോ​ലെ​തന്നെ. മമനു​ഷ്യ​ന്റെ സൃഷ്ടിപ്പ്‌ ഒരു അത്ഭുത​മാ​യി​രു​ന്നു. ആധുനിക മനുഷ്യൻ ആ അത്ഭുതം കണ്ടില്ല, എന്നാൽ അതു സംഭവി​ച്ചു​വെന്ന്‌ അവനറി​യാം, എന്തു​കൊ​ണ്ടെ​ന്നാൽ അതു തെളി​യി​ക്കു​ന്ന​തിന്‌ അവൻ ഇന്നു ജീവി​ച്ചി​രി​ക്കു​ന്നു. തീർച്ച​യാ​യും, സകല ജീവജാ​ല​വും അഖിലാ​ണ്ഡം മുഴുവൻ തന്നെയും ശാശ്വ​ത​മായ ഒരു അത്ഭുത​മാ​കു​ന്നു. അതു​കൊണ്ട്‌ ദൈവം പ്രത്യേക അത്ഭുതങ്ങൾ പ്രത്യേക കാലങ്ങ​ളിൽ ചെയ്‌തു​വെന്നു ബൈബിൾ പറയു​മ്പോൾ, അതേ അത്ഭുത​ങ്ങൾക്ക്‌ ഇന്ന്‌ ആവശ്യ​മി​ല്ലെ​ങ്കിൽപോ​ലും, നാം സംശയി​ക്കേ​ണ​മോ?

22. ദൈവ​ത്തി​ന്റെ ആദ്യസൃ​ഷ്ടി​യെ വർണ്ണി​ക്കുക.

²² യഹോ​വ​യു​ടെ സൃഷ്ടി​യെ​ല്ലാം അത്ഭുത​ക​ര​വും അതിശ​യ​ക​ര​വു​മാണ്‌! എന്നിരു​ന്നാ​ലും, അവന്റെ ആദ്യ സൃഷ്ടി​ത​ന്നെ​യാ​യി​രു​ന്നു എല്ലാറ​റി​ലും വച്ച്‌ ഏററവും അത്ഭുത​കരം. അത്‌ ഒരു ആത്മപു​ത്രന്റെ, തന്റെ “ആദ്യജാത”ന്റെ, സൃഷ്ടി​യാ​യി​രു​ന്നു. (കൊ​ലോ​സ്യർ 1:15) ഈ സ്വർഗ്ഗീയ പുത്രൻ “വചനം” എന്നു പേർവി​ളി​ക്ക​പ്പെ​ട്ടി​രു​ന്നു. അവന്റെ സൃഷ്ടി​ക്കു​ശേഷം എണ്ണമററ യുഗങ്ങൾക്കു​ശേഷം അവൻ ഈ ഭൂമി​യി​ലേക്കു വരിക​യും “മനുഷ്യ​നായ ക്രിസ്‌തു​യേശു” എന്നു വിളി​ക്ക​പ്പെ​ടു​ക​യും ചെയ്‌തു. (1 തിമൊ​ഥെ​യോസ്‌ 2:5) അപ്പോൾ അവനെ സംബന്ധിച്ച്‌ ഇങ്ങനെ പറയ​പ്പെട്ടു: “അങ്ങനെ വചനം ജഡമാ​യി​ത്തീ​രു​ക​യും നമ്മുടെ ഇടയിൽ വസിക്കു​ക​യും ചെയ്‌തു, നമുക്ക്‌ അവന്റെ മഹത്വ​ത്തി​ന്റെ ഒരു വീക്ഷണം ലഭിച്ചി​രു​ന്നു, ഒരു പിതാ​വിൽനി​ന്നു​ളള ഏകജാ​ത​പു​ത്ര​ന്റേ​തായ ഒരു മഹത്വം തന്നെ; അവനിൽ അനർഹ​ദ​യ​യും സത്യവും നിറഞ്ഞി​രു​ന്നു.”—യോഹ​ന്നാൻ 1:14.

23. (എ) ദൈവ​വും പുത്ര​നും തമ്മിലു​ളള ബന്ധത്തെ എങ്ങനെ വിശദ​മാ​ക്കാം? (ബി) യഹോവ തന്റെ പുത്രൻ മുഖേന എന്തു സൃഷ്ടിച്ചു?

 ²³ യഹോ​വ​യും അവന്റെ പുത്ര​നും തമ്മിലു​ളള ബന്ധത്തെ ഒരു വർക്ക്‌ ഷോപ്പി​ന്റെ ഉടമസ്ഥ​നായ മാനേ​ജ​രും അയാളു​ടെ പുത്ര​നും തമ്മിലു​ളള ബന്ധത്തോട്‌ ഉപമി​ക്കാ​വു​ന്ന​താണ്‌, അവിടെ പുത്രൻ തന്റെ പിതാവ്‌ രൂപക​ല്‌പന ചെയ്യുന്ന സാധനങ്ങൾ നിർമ്മി​ക്കാൻ സഹായി​ക്കു​ന്നു. തന്റെ ആദ്യജാ​ത​പു​ത്ര​നും സഹപ്ര​വർത്ത​ക​നു​മാ​യവൻ മുഖേന യഹോവ മററ​നേകം ആത്മപു​ത്രൻമാ​രെ, ദൈവ​പു​ത്രൻമാ​രെ, സൃഷ്ടിച്ചു. പിന്നീട്‌, യഹോ​വ​യു​ടെ പുത്ര​നായ തന്റെ വിദഗ്‌ദ്ധ​ശി​ല്‌പി ഭൗതി​കാ​കാ​ശ​ങ്ങ​ളെ​യും നാം പാർക്കുന്ന ഭൂമി​യെ​യും ഉളവാ​ക്കു​ന്നതു കണ്ട്‌ അവർ സന്തോ​ഷി​ച്ചു. ഇവ സൃഷ്ടി​ക്ക​പ്പെ​ട്ട​വ​യാ​ണോ​യെന്ന്‌ നിങ്ങൾ സംശയി​ക്കു​ന്നു​വോ? ആയിര​ക്ക​ണ​ക്കി​നു വർഷങ്ങൾക്കു​ശേഷം യഹോവ ഒരു വിശ്വസ്‌ത മനുഷ്യ​നോട്‌ ചോദി​ച്ചു: “ഞാൻ ഭൂമിയെ സ്ഥാപി​ച്ച​പ്പോൾ നീ എവി​ടെ​യാ​യി​രു​ന്നു? നീ വിവേകം അറിയു​ക​തന്നെ ചെയ്യു​ന്നു​വെ​ങ്കിൽ എന്നോടു പറയുക. പ്രഭാത നക്ഷത്രങ്ങൾ സന്തോ​ഷ​പൂർവ്വം ഒന്നിച്ച്‌ ആർപ്പി​ടു​ക​യും ദൈവ​പു​ത്രൻമാ​രെ​ല്ലാം പുകഴ്‌ത്തി ആർക്കു​ക​യും ചെയ്‌ത​പ്പോൾതന്നെ?”—ഇയ്യോബ്‌ 38:4, 7; യോഹ​ന്നാൻ 1:3.

24. (എ) യഹോ​വ​യു​ടെ ഏതു ഭൗമിക സൃഷ്ടി മുന്തി​നിൽക്കു​ന്നു, ഏതു വിധങ്ങ​ളിൽ? (ബി) മനുഷ്യൻ മൃഗങ്ങ​ളിൽ നിന്ന്‌ മേലോട്ട്‌ പരിണ​മി​ച്ചു​വെന്നു പറയു​ന്നത്‌ ന്യായ​ര​ഹി​ത​മാ​യി​രി​ക്കു​ന്ന​തെ​ന്തു​കൊണ്ട്‌?

²⁴ കാല​ക്ര​മ​ത്തിൽ, യഹോവ ഈ ഭൂമി​യിൽ ജീവനു​ളള ഭൗതിക അസ്‌തി​ത്വ​ങ്ങളെ—ചെടി​ക​ളെ​യും വൃക്ഷങ്ങ​ളെ​യും പുഷ്‌പ​ങ്ങ​ളെ​യും മൽസ്യ​ത്തെ​യും പക്ഷിക​ളെ​യും മൃഗങ്ങ​ളെ​യും—സൃഷ്ടിച്ചു. (ഉല്‌പത്തി 1:11-13, 20-25) അനന്തരം ദൈവം തന്റെ വിദഗ്‌ദ്ധ​ശി​ല്‌പി​യോട്‌ ഇങ്ങനെ പറഞ്ഞു: “നമുക്ക്‌ നമ്മുടെ പ്രതി​ച്ഛാ​യ​യിൽ, നമ്മുടെ സാദൃ​ശ്യ​പ്ര​കാ​രം മനുഷ്യ​നെ ഉണ്ടാക്കാം . . . ദൈവം മനുഷ്യ​നെ തന്റെ പ്രതി​ച്ഛാ​യ​യിൽ സൃഷ്ടി​ക്കാൻ തുടങ്ങി, ദൈവ​ത്തി​ന്റെ പ്രതി​ച്ഛാ​യ​യിൽ അവൻ അവനെ സൃഷ്ടിച്ചു; ആണും പെണ്ണു​മാ​യി അവൻ അവരെ സൃഷ്ടിച്ചു.” (ഉല്‌പത്തി 1:26, 27) ദൈവ​ത്തി​ന്റെ വലിയ ഗുണവി​ശേ​ഷ​ങ്ങ​ളായ സ്‌നേഹം, ജ്ഞാനം, നീതി, ശക്തി എന്നിവ​യോ​ടെ ദൈവ​ത്തി​ന്റെ പ്രതി​ച്ഛാ​യ​യി​ലും സാദൃ​ശ്യ​ത്തി​ലും സൃഷ്ടി​ക്ക​പ്പെ​ട്ട​തി​നാൽ ആദ്യ മനുഷ്യൻ മൃഗങ്ങ​ളെ​ക്കാൾ വളരെ ശ്രേഷ്‌ഠൻ ആയിരു​ന്നു. മനുഷ്യന്‌ ന്യായ​വാ​ദം ചെയ്യാൻ പ്രാപ്‌തി​യു​ള​ള​തി​നാ​ലും, അവന്‌ ഭാവി​ക്കു​വേണ്ടി ആസൂ​ത്രണം ചെയ്യാൻ കഴിയു​ന്ന​തി​നാ​ലും അവന്‌ ദൈവത്തെ  ആരാധി​ക്കാ​നു​ളള കഴിവു​ള​ള​തി​നാ​ലും അവൻ മൃഗങ്ങ​ളിൽനിന്ന്‌ വേർപെട്ട ഒരു വർഗ്ഗമാ​കു​ന്നു. മൃഗങ്ങൾക്ക്‌ ന്യായ​വാ​ദം ചെയ്യു​ന്ന​തി​നു​ളള ബുദ്ധി​യില്ല, എന്നാൽ അവ സഹജജ്ഞാ​ന​ത്താൽ ജീവി​ക്കു​ന്നു. സ്രഷ്ടാവ്‌ ഇല്ലെന്നും സമൃദ്ധ​മായ പ്രാപ്‌തി​ക​ളോ​ടു​കൂ​ടിയ ബുദ്ധി​ജീ​വി​യായ മനുഷ്യൻ ബുദ്ധി​യി​ല്ലാത്ത താണ മൃഗങ്ങ​ളിൽ നിന്ന്‌ മേലോട്ട്‌ പരിണ​മി​ച്ചു​വെ​ന്നും പറയു​ന്നത്‌ എത്ര ന്യായ​ര​ഹി​തം!—സങ്കീർത്തനം 92:6, 7; 139:14.

25, 26. (എ) മമനു​ഷ്യ​ന്റെ മുമ്പാകെ ഏതു മഹത്തായ പ്രതീക്ഷ വെക്ക​പ്പെ​ട്ടി​രു​ന്നു? (ബി) ഭൂമി​യിൽ അമിത​മായ ജനസം​ഖ്യാ വർദ്ധന​വി​ന്റെ പ്രശ്‌നം ഉണ്ടാകു​ക​യി​ല്ലാ​ത്ത​തെ​ന്തു​കൊണ്ട്‌?

²⁵ ദൈവം മനുഷ്യ​നെ “കിഴക്ക്‌ ഏദനിൽ ഒരു തോട്ട”ത്തിൽ ആക്കി. അത്‌ നമ്മുടെ കവർപേ​ജി​ലെ തോട്ട​ത്തെ​പ്പോ​ലെ ആനന്ദ​പ്ര​ദ​മായ ഒരു തോട്ട​മാ​യി​രു​ന്നു; എങ്കിലും അപ്പോ​ഴും രണ്ടു മനുഷ്യർ മാത്രമേ അവിടെ ഉണ്ടായി​രു​ന്നു​ളളു, ആദാമും അവന്റെ ഭാര്യ​യും. ഈ ആദ്യത്തെ പരദീസ മേലാൽ സ്ഥിതി​ചെ​യ്യു​ന്നില്ല. നോഹ​യു​ടെ നാളിലെ പ്രളയ​ത്തിൽ അതു നശിപ്പി​ക്ക​പ്പെട്ടു. എന്നാൽ മദ്ധ്യപൂർവ്വ​ദേ​ശത്തെ അതിന്റെ ഏകദേശ സ്ഥാനം അറിയ​പ്പെ​ടു​ന്നുണ്ട്‌, എന്തു​കൊ​ണ്ടെ​ന്നാൽ അതിലൂ​ടെ ഒഴുകി​യി​രു​ന്ന​താ​യി ബൈബി​ളിൽ പേർ പറഞ്ഞി​രി​ക്കുന്ന ചില നദികൾ ഇന്നും സ്ഥിതി​ചെ​യ്യു​ന്നു. (ഉല്‌പത്തി 2:7-14) ഈ തോട്ടത്തെ ഒരു കേന്ദ്ര​മാ​യി ഉപയോ​ഗി​ച്ചു​കൊണ്ട്‌ പുറ​ത്തേക്കു വ്യാപി​ക്കു​ന്ന​തി​നും ഭൂമി മുഴുവൻ കൃഷി​ചെ​യ്‌ത്‌ അതിനെ ഒരു ആഗോള പരദീസാ ആക്കുന്ന​തി​നു​മു​ളള മഹത്തായ അവസരം മനുഷ്യ​നു​ണ്ടാ​യി​രു​ന്നു.—യെശയ്യാവ്‌ 45:12, 18.

²⁶ ദൈവ​വും പുത്ര​നും പ്രവർത്തി​ക്കു​ന്ന​വ​രാ​ക​യാൽ, അങ്ങനെ​തന്നെ ദൈവം മനുഷ്യന്‌ ഇവിടെ ഭൂമി​യിൽ ചെയ്യാൻ വേല കൊടു​ത്തു. (യോഹ​ന്നാൻ 5:17) ഒന്നാമത്തെ മനുഷ്യ​നും സ്‌ത്രീ​യു​മാ​യി​രുന്ന ആദാമി​നോ​ടും ഹവ്വാ​യോ​ടും അവൻ പറഞ്ഞു: “സന്താന​പു​ഷ്ടി​യു​ള​ള​വ​രാ​യി പെരുകി ഭൂമിയെ നിറയ്‌ക്കു​ക​യും അതിനെ കീഴട​ക്കു​ക​യും സമു​ദ്ര​ത്തി​ലെ മൽസ്യ​ത്തെ​യും ആകാശ​ങ്ങ​ളി​ലെ പറവജാ​തി​യെ​യും ഭൂമി​യിൽ ചരിക്കുന്ന സകല ജീവി​ക​ളെ​യും അധീന​ത​യിൽ നിർത്തു​ക​യും ചെയ്യുക.” (ഉല്‌പത്തി 1:28) മനുഷ്യൻ പെരു​കു​ക​യും ഭൂമിയെ നിറയ്‌ക്കു​ക​യും പിന്നെ​യും ഭൂമി​യിൽ നിറഞ്ഞു കവിയു​ന്ന​തു​വരെ പെരു​കി​ക്കൊ​ണ്ടി​രി​ക്കു​ക​യും വേണ​മെന്ന്‌ ഇതിനർത്ഥ​മു​ണ്ടോ? ഇല്ല. ഒരു കപ്പിൽ ചായ നിറയ്‌ക്കാൻ ആരെങ്കി​ലും നിങ്ങ​ളോട്‌ പറയു​മ്പോൾ കപ്പു നിറഞ്ഞു കവിഞ്ഞ്‌ മേശ​മേ​ലെ​ല്ലാം ഒഴുകു​ന്ന​തു​വരെ നിങ്ങൾ ഒഴിച്ചു​കൊ​ണ്ടി​രി​ക്കു​ന്നില്ല. നിങ്ങൾ കപ്പു നിറച്ച​ശേഷം നിർത്തു​ന്നു. അതേവി​ധ​ത്തിൽ “ഭൂമിയെ നിറയ്‌ക്കുക” എന്ന മനുഷ്യ​നോ​ടു​ളള യഹോ​വ​യു​ടെ കല്‌പന മനുഷ്യ​നെ​ക്കൊ​ണ്ടു ഭൂമിയെ സുഖ​പ്ര​ദ​മാ​യി നിറയ്‌ക്കാ​നു​ളള അവന്റെ ഉദ്ദേശ്യ​ത്തെ സൂചി​പ്പി​ച്ചു. അനന്തരം ഇവിടെ ഭൂമി​യി​ലെ മനുഷ്യ​വർഗ്ഗ​ത്തി​ന്റെ പുനരു​ല്‌പാ​ദനം നിലയ്‌ക്കു​മാ​യി​രു​ന്നു. പൂർണ്ണ​ത​യു​ളള ഒരു മനുഷ്യ​സ​മു​ദാ​യ​ത്തിൽ ഇത്‌ പ്രശ്‌നം സൃഷ്ടി​ക്കു​മാ​യി​രു​ന്നില്ല. അപൂർണ്ണ​മ​നു​ഷ്യ​വർഗ്ഗ​ത്തി​ന്റെ ഇന്നത്തെ ലോക​ത്തിൽ മാത്ര​മാണ്‌ അമിത ജനസം​ഖ്യ​പ്ര​ശ്‌നം സൃഷ്ടി​ക്കു​ന്നത്‌.

 ദുഷ്ട കാര്യങ്ങൾ—ദൈവം അവ അനുവ​ദി​ക്കു​ന്ന​തെ​ന്തു​കൊണ്ട്‌?

27. ഇപ്പോൾ ഏതു ചോദ്യ​ങ്ങൾക്ക്‌ ഉത്തരം ആവശ്യ​മാണ്‌?

²⁷ ഒരു പരദീസാ കെട്ടി​പ്പ​ടു​ക്ക​ണ​മെ​ന്നു​ള​ള​താണ്‌ ദൈവ​ത്തി​ന്റെ ഉദ്ദേശ്യ​മെ​ങ്കിൽ ഇന്ന്‌ ഭൂമി​യിൽ ദുഷ്ടത​യും കഷ്ടപ്പാ​ടും സങ്കടവും ഇത്രയ​ധി​കം നിറഞ്ഞി​രി​ക്കു​ന്ന​തെ​ങ്ങനെ? ദൈവം സർവ്വശ​ക്ത​നാ​ണെ​ങ്കിൽ അവൻ ഈ അവസ്ഥകൾ ഇത്ര ദീർഘ​മാ​യി അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌? നമ്മുടെ കുഴപ്പ​ങ്ങൾക്കെ​ല്ലാം അറുതി​വ​രു​മെ​ന്നു​ളള പ്രത്യാ​ശ​യു​ണ്ടോ? ബൈബിൾ എന്തു പറയുന്നു?

28. മത്സരം പരദീ​സാ​തോ​ട്ട​ത്തിൽ പ്രവേ​ശി​ച്ച​തെ​ങ്ങനെ?

²⁸ ദൈവ​ത്തി​ന്റെ ആത്മപു​ത്രൻമാ​രി​ലൊ​രു​വൻ യഹോ​വ​യു​ടെ പരമാ​ധി​കാ​ര​ത്തോട്‌ അല്ലെങ്കിൽ ആധിപ​ത്യ​ത്തോട്‌ മത്സരി​ച്ച​പ്പോ​ഴാണ്‌ മനുഷ്യ​വർഗ്ഗ​ത്തി​ന്റെ കുഴപ്പങ്ങൾ തുടങ്ങി​യ​തെന്ന്‌ ബൈബിൾ പ്രകട​മാ​ക്കു​ന്നു. (റോമർ 1:20; സങ്കീർത്തനം 103:22, പു. ലോ. ഭാ. സംശോ. ബൈ. അടിക്കു​റിപ്പ്‌.) ഈ ദൂതൻ മമനു​ഷ്യ​ന്റെ സൃഷ്ടിപ്പു കണ്ടപ്പോൾ സന്തോഷിച്ചിരുന്നവരിൽപെട്ടവനായിരുന്നുവെന്നതിനു സംശയ​മില്ല. എന്നാൽ പിന്നീട്‌ അവന്റെ ഹൃദയ​ത്തിൽ അത്യാ​ഗ്ര​ഹ​വും അഹങ്കാ​ര​വും വേരു​പി​ടി​ച്ചു. ആദാമും ഹവ്വായും തങ്ങളുടെ സ്രഷ്ടാ​വായ യഹോ​വയെ ആരാധി​ക്കു​ന്ന​തി​നു പകരം തന്നെ ആരാധി​ക്ക​ണ​മെ​ന്നു​ളള ആഗ്രഹ​ത്താൽ അവൻ വശീക​രി​ക്ക​പ്പെട്ടു. ഒരു ഗാരു​ഡ​വി​ദ്യ​ക്കാ​രൻ ഒരു പാവയി​ലൂ​ടെ സംസാ​രി​ക്കു​ന്ന​തു​പോ​ലെ ഒരു സർപ്പത്തി​ലൂ​ടെ സംസാ​രി​ച്ചു​കൊണ്ട്‌ ഈ ദൂതൻ സർവ്വശ​ക്ത​നായ ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ ഹവ്വായെ പ്രേരി​പ്പി​ച്ചു. അനന്തരം അവളുടെ ഭർത്താ​വായ ആദാം അനുസ​ര​ണ​ക്കേ​ടി​ലേക്ക്‌ അവളെ പിന്തു​ടർന്നു.—ഉല്‌പത്തി 2:15-17; 3:1-6; യാക്കോബ്‌ 1:14, 15.

29. (എ) ഏതു പ്രശ്‌നങ്ങൾ തീരു​മാ​നി​ക്ക​പ്പെ​ടേ​ണ്ട​തിന്‌ പൊന്തി​വന്നു? (ബി) ദൈവം വെല്ലു​വി​ളി​യെ എങ്ങനെ നേരി​ട്ടി​രി​ക്കു​ന്നു? (സി) സാത്താന്റെ പരിഹാ​സ​ത്തിന്‌ ഒരു ഉത്തരം കൊടു​ക്കു​ന്ന​തിൽ നിങ്ങൾക്ക്‌ എങ്ങനെ പങ്കുപ​റ​റാ​വു​ന്ന​താണ്‌?

²⁹ ആ മത്സരി​യായ ദൂതൻ “ആദ്യപാമ്പ്‌” എന്നറി​യ​പ്പെ​ടാ​നി​ട​യാ​യി. (വെളി​പ്പാട്‌ 12:9; 2 കൊരി​ന്ത്യർ 11:3) അവൻ “എതിരാ​ളി” എന്നർത്ഥ​മു​ളള സാത്താൻ എന്നും “ദൂഷകൻ” എന്നർത്ഥ​മു​ളള പിശാച്‌ എന്നും കൂടെ വിളി​ക്ക​പ്പെ​ടു​ന്നു. അവൻ ഭൂമി​യു​ടെ​മേ​ലു​ളള യഹോ​വ​യു​ടെ ഭരണാ​ധി​പ​ത്യ​ത്തി​ന്റെ ഔചി​ത്യ​ത്തെ​യും നീതി​യെ​യും ചോദ്യം​ചെ​യ്‌തു. ഇപ്പോൾ തനിക്ക്‌ സകല മനുഷ്യ​വർഗ്ഗ​ത്തെ​യും സത്യാ​രാ​ധ​ന​യിൽനിന്ന്‌ അകററാൻ കഴിയു​മെന്ന്‌ അവൻ ദൈവത്തെ വെല്ലു​വി​ളി​ക്കു​ക​യും ചെയ്‌തു. യഹോ​വ​യു​ടെ പരമാ​ധി​കാ​രം സംബന്ധിച്ച വിവാ​ദ​പ്ര​ശ്‌നം സകല നിത്യ​ത​യി​ലേ​ക്കു​മാ​യി തീരു​മാ​നി​ക്ക​പ്പെ​ടേ​ണ്ട​തിന്‌ തന്റെ വെല്ലു​വി​ളി തെളി​യി​ക്കാൻ ശ്രമി​ക്കു​ന്ന​തിന്‌ ദൈവം സാത്താന്‌ ഏതാണ്ട്‌ 6000 വർഷം അനുവ​ദി​ച്ചി​രി​ക്കു​ന്നു. ദൈവത്തെ വിട്ടുളള മനുഷ്യ​ഭ​രണം പരിതാ​പ​ക​ര​മാ​യി പരാജ​യ​പ്പെ​ട്ടി​രി​ക്കു​ന്നു. എന്നാൽ വിശ്വാ​സ​മു​ളള സ്‌ത്രീ​പു​രു​ഷൻമാർ യഹോ​വയെ സംസ്ഥാ​പി​ച്ചു​കൊ​ണ്ടും സാത്താൻ അസത്യ​വാ​ദി​യാ​ണെന്ന്‌ തെളി​യി​ച്ചു​കൊ​ണ്ടും കഠിന​മായ പീഡാ​നു​ഭ​വ​ങ്ങ​ളിൽ ദൈവ​ത്തോട്‌ നിർമ്മ​ല​ത​പാ​ലി​ച്ചി​രി​ക്കു​ന്നു.  അവരിൽ മുന്തി​നിൽക്കുന്ന ദൃഷ്ടാന്തം യേശു​വാണ്‌. (ലൂക്കോസ്‌ 4:1-13; ഇയ്യോബ്‌ 1:7-12; 2:1-6; 27:5) നിങ്ങൾക്കും ഒരു നിർമ്മ​ല​താ​പാ​ല​ക​നാ​യി​രി​ക്കാൻ കഴിയും. (സദൃശ​വാ​ക്യ​ങ്ങൾ 27:11) എന്നാൽ നമ്മെ പീഡി​പ്പി​ക്കുന്ന ശത്രു സാത്താൻ മാത്രമല്ല. വേറെ ഏതു ശത്രു ഉണ്ട്‌?

ആ ശത്രു—മരണം

30. അനുസ​ര​ണ​ക്കേടു നിമിത്തം മനുഷ്യന്‌ കിട്ടിയ ശിക്ഷ​യെ​ക്കു​റിച്ച്‌ തിരു​വെ​ഴു​ത്തു​കൾ എന്തു പറയുന്നു?

³⁰ അനുസ​ര​ണ​ക്കേ​ടി​നു​ളള ശിക്ഷ മരണമാ​ണെന്നു ദൈവം പ്രസ്‌താ​വി​ച്ചി​രു​ന്നു. ഒന്നാമത്തെ സ്‌ത്രീ​യു​ടെ​മേൽ ശിക്ഷാ​വി​ധി ഉച്ചരി​ച്ച​പ്പോൾ യഹോവ ഇങ്ങനെ പറഞ്ഞു: “ഞാൻ നിന്റെ ഗർഭധാ​ര​ണ​ത്തി​ന്റെ വേദനയെ അതിയാ​യി വർദ്ധി​പ്പി​ക്കും; പ്രസവ​വേ​ദ​ന​ക​ളോ​ടെ നീ മക്കളെ പ്രസവി​ക്കും. നിന്റെ മോഹം നിന്റെ ഭർത്താ​വി​നോ​ടാ​യി​രി​ക്കും, അവൻ നിന്നെ ഭരിക്കും.” പുരു​ഷ​നായ ആദാമി​നോട്‌ അവൻ പറഞ്ഞു: “നീ നില​ത്തേക്ക്‌ തിരികെ പോകു​ന്ന​തു​വരെ നിന്റെ മുഖത്തെ വിയർപ്പോ​ടെ നീ അപ്പം ഭക്ഷിക്കും, എന്തു​കൊ​ണ്ടെ​ന്നാൽ അതിൽനിന്ന്‌ നീ എടുക്ക​പ്പെട്ടു. എന്തു​കൊ​ണ്ടെ​ന്നാൽ നീ പൊടി​യാ​കു​ന്നു, നീ പൊടി​യി​ലേക്കു തിരികെ പോകും.” (ഉല്‌പത്തി 3:16-19) അനുസ​ര​ണം​കെട്ട ഇണകൾ സന്തോ​ഷ​ത്തി​ന്റെ പരദീ​സ​യിൽനിന്ന്‌ കൃഷി​ചെ​യ്യ​പ്പെ​ടാത്ത ഭൂമി​യി​ലേക്ക്‌ പുറന്ത​ള​ള​പ്പെട്ടു. കാലാ​ന്ത​ര​ത്തിൽ അവർ മരിച്ചു.—ഉല്‌പത്തി 5:5.

31. പാപം എന്താണ്‌, അത്‌ മനുഷ്യ​വർഗ്ഗ​ത്തിന്‌ വരുത്തിയ ഫലമെന്ത്‌?

³¹ ആദാമും ഹവ്വായും പൂർണ്ണ​ത​യു​ടെ സ്ഥാനത്തു​നിന്ന്‌ വീണു​പോ​യ​ശേഷം മാത്ര​മാണ്‌ മക്കളെ ജനിപ്പി​ക്കാൻ തുടങ്ങി​യത്‌. ഇന്നുളള സകല മനുഷ്യ​രും അപൂർണ്ണ​ത​യി​ലായ അവരുടെ സന്താന​ങ്ങ​ളാണ്‌. തന്നിമി​ത്തം എല്ലാവ​രും മരിക്കു​ന്നു. ഒരു ബൈബി​ളെ​ഴു​ത്തു​കാ​രൻ ഈ വാക്കു​ക​ളിൽ അതു വിശദീ​ക​രി​ക്കു​ന്നു: “ഏക മനുഷ്യ​നാൽ പാപവും പാപത്താൽ മരണവും ലോക​ത്തി​ലേക്കു പ്രവേ​ശി​ച്ചു, അങ്ങനെ സകല മനുഷ്യ​രും പാപം ചെയ്‌തി​രു​ന്ന​തി​നാൽ മരണം അവരി​ലേ​ക്കെ​ല്ലാം പരന്നു.” ഈ “പാപം” എന്നാൽ എന്താണ്‌? അത്‌ പൂർണ്ണ​ത​യു​ടെ​യോ തികവി​ന്റെ​യോ ലക്ഷ്യത്തിൽ കുറവു​ള​ള​വ​രാ​യി​ത്തീ​രു​ന്ന​താണ്‌. യഹോ​വ​യാം ദൈവം അപൂർണ്ണ​മായ യാതൊ​ന്നി​നെ​യും അംഗീ​ക​രി​ക്കു​ക​യോ ജീവനിൽ നിലനിർത്തു​ക​യോ ചെയ്യു​ന്നില്ല. സകല മനുഷ്യ​രും ഒന്നാം മനുഷ്യ​നായ ആദാമിൽനിന്ന്‌ പാപവും അപൂർണ്ണ​ത​യും അവകാ​ശ​പ്പെ​ടു​ത്തി​യി​രി​ക്കു​ന്ന​തു​കൊണ്ട്‌ മരണം അവരു​ടെ​മേൽ “രാജാ​വാ​യി ഭരിച്ചി​രി​ക്കു​ന്നു.” (റോമർ 5:12, 14) വീണു​പോയ മനുഷ്യൻ മൃഗങ്ങൾ മരിക്കു​ന്ന​തു​പോ​ലെ​തന്നെ മരിക്കു​ന്നു.—സഭാ​പ്ര​സം​ഗി 3:19-21.

32. നാം അവകാ​ശ​പ്പെ​ടു​ത്തി​യി​രി​ക്കുന്ന മരണത്തെ ബൈബിൾ വർണ്ണി​ക്കു​ന്ന​തെ​ങ്ങനെ?

³² ഈ “മരണം” എന്നാൽ എന്ത്‌? മരണം ജീവന്റെ വിപരീ​തം ആകുന്നു. മനുഷ്യൻ അനുസ​രി​ച്ചി​രു​ന്നു​വെ​ങ്കിൽ ഭൂമി​യി​ലെ നിത്യ​ജീ​വന്റെ പ്രത്യാശ ദൈവം അവന്റെ മുമ്പാകെ വെച്ചി​രു​ന്നു. എന്നിരു​ന്നാ​ലും അവൻ അനുസ​ര​ണ​ക്കേട്‌ കാണിച്ചു. ശിക്ഷ മരണം, അബോ​ധാ​വസ്ഥ,  ആസ്‌തി​ക്യ​മി​ല്ലായ്‌മ, ആയിരു​ന്നു. മനുഷ്യൻ അനുസ​ര​ണ​ക്കേടു കാണി​ക്കു​ക​യും മരിക്കു​ക​യും ചെയ്‌താൽ അവന്റെ ജീവനെ ഒരു ആത്മമണ്ഡ​ല​ത്തി​ലേ​ക്കോ ഒരു അഗ്നി“നരക”ത്തിലേ​ക്കോ മാററു​ന്ന​തി​നെ​ക്കു​റിച്ച്‌ ദൈവം യാതൊ​ന്നും പറഞ്ഞി​രു​ന്നില്ല. “നീ തീർച്ച​യാ​യും മരിക്കും” എന്നു ദൈവം മനുഷ്യ​നു മുന്നറി​യി​പ്പു​കൊ​ടു​ത്തി​രു​ന്നു. “നിങ്ങൾ തീർച്ച​യാ​യും മരിക്കു​ക​യില്ല” എന്നു പറഞ്ഞതിൽ വ്യാജം പറഞ്ഞി​രു​ന്നത്‌ മനുഷ്യ​ഘാ​ത​ക​നായ പിശാ​ചാ​യി​രു​ന്നു. (ഉല്‌പത്തി 2:17; 3:4; യോഹ​ന്നാൻ 8:44) സകല മനുഷ്യ​രും ആദാമിൽ നിന്ന്‌ അവകാ​ശ​പ്പെ​ടു​ത്തി​യി​രി​ക്കു​ന്നത്‌ പൊടി​ക്കു തുല്യ​മായ മരണമാണ്‌.—സഭാ​പ്ര​സം​ഗി 9:5, 10; സങ്കീർത്തനം 115:17; 146:4.

33. (എ) മനുഷ്യ​വർഗ്ഗ​ത്തി​നും ഈ ഭൂമി​ക്കും എന്തു മഹത്വ​ക​ര​മായ ഭാവി​യാണ്‌ കാത്തി​രി​ക്കു​ന്നത്‌? (ബി) യഹോവ തന്റെ പുത്ര​നി​ലൂ​ടെ ഏതു മൂന്നു പ്രധാ​ന​കാ​ര്യ​ങ്ങൾ നിർവ്വ​ഹി​ക്കു​ന്നു?

³³ ആ സ്ഥിതിക്ക്‌ മരിക്കുന്ന മനുഷ്യന്‌ ഭാവി​യി​ല്ല​യോ? അത്ഭുത​ക​ര​മായ ഒരു ഭാവി​യുണ്ട്‌! ഇപ്പോൾ മരിച്ചി​രി​ക്കു​ന്ന​വ​രും ഉൾപ്പെടെ സകല മനുഷ്യ​വർഗ്ഗ​ത്തി​നും വേണ്ടി​യു​ളള ഒരു പരദീസാ ഭൂമിയെ സംബന്ധിച്ച ദൈ​വോ​ദ്ദേ​ശ്യം ഒരിക്ക​ലും പരാജ​യ​പ്പെ​ടു​ക​യി​ല്ലെന്നു ബൈബിൾ പ്രകട​മാ​ക്കു​ന്നു. യഹോവ പറയുന്നു: “സ്വർഗ്ഗങ്ങൾ എന്റെ സിംഹാ​സ​ന​വും ഭൂമി എന്റെ പാദപീ​ഠ​വു​മാ​കു​ന്നു.” “ഞാൻ എന്റെ പാദസ്ഥാ​ന​ത്തെ​ത്തന്നെ മഹത്വീ​ക​രി​ക്കും.” (യെശയ്യാവ്‌ 66:1; 60:13) യഹോവ തന്റെ സ്‌നേ​ഹ​സ​മൃ​ദ്ധി​യിൽനിന്ന്‌ തന്റെ പുത്രനെ, വചനത്തെ, അവനി​ലൂ​ടെ മനുഷ്യ​വർഗ്ഗ​ലോ​കം ജീവൻ പ്രാപി​ക്കേ​ണ്ട​തിന്‌ ഈ ഭൂമി​യി​ലേ​ക്ക​യച്ചു. (യോഹ​ന്നാൻ 3:16; 1 യോഹ​ന്നാൻ 4:9) നാം ഇപ്പോൾ ചർച്ച ചെയ്യേ​ണ്ട​തും യഹോവ തന്റെ പുത്രൻ മുഖേന നിർവ്വ​ഹി​ക്കു​ന്ന​തു​മായ മൂന്നു പ്രധാന കാര്യ​ങ്ങ​ളുണ്ട്‌, അതായത്‌ (1) മരണത്തി​ന്റെ ശക്തിയിൽനി​ന്നു​ളള ഒരു വിടുതൽ ഏർപ്പെ​ടു​ത്തൽ; (2) മരിച്ച​വരെ ജീവനി​ലേക്ക്‌ യഥാർത്ഥ​മാ​യി  പുനഃ​സ്ഥി​തീ​ക​രി​ക്കൽ; (3) സകല മനുഷ്യ​വർഗ്ഗ​ത്തിൻമേ​ലും ഒരു പൂർണ്ണ​ത​യു​ളള ഗവൺമെൻറ്‌ സ്ഥാപിക്കൽ.

മരണത്തിൽ നിന്നുളള വിടുതൽ

34, 35. (എ) മനുഷ്യന്‌ മരണത്തിൽ നിന്ന്‌ എങ്ങനെ മാത്രമേ വീണ്ടെ​ടു​ക്ക​പ്പെ​ടാൻ കഴിയൂ? (ബി) മോച​ന​ദ്ര​വ്യം എന്നാ​ലെന്ത്‌?

³⁴ പുരാ​ത​ന​കാ​ലങ്ങൾ മുതൽ ദൈവ​ത്തി​ന്റെ പ്രവാ​ച​കൻമാർ മമനു​ഷ്യ​ന്റെ അമർത്ത്യ​ത​യി​ലല്ല, പിന്നെ​യോ ദൈവം മരണത്തിൽനിന്ന്‌ “അവരെ വിടു​വി​ക്കു”മെന്നുളള പ്രത്യാ​ശ​യി​ലു​ളള വിശ്വാ​സം പ്രകട​മാ​ക്കി​യി​ട്ടുണ്ട്‌. (ഹോ​ശെയാ 13:14) എന്നാൽ മനുഷ്യന്‌ മരണത്തി​ന്റെ ബന്ധനങ്ങ​ളിൽനിന്ന്‌ എങ്ങനെ വിടു​വി​ക്ക​പ്പെ​ടാൻ കഴിയും? യഹോ​വ​യു​ടെ പൂർണ്ണ​ത​യു​ളള നീതി ‘ദേഹിക്കു പകരം ദേഹി​യും കണ്ണിനു​പ​കരം കണ്ണും പല്ലിനു പകരം പല്ലും’ ആവശ്യ​പ്പെട്ടു. (ആവർത്തനം 19:21) അതിനാൽ, മനഃപൂർവ്വം ദൈവ​ത്തോട്‌ അനുസ​ര​ണ​ക്കേടു കാണി​ച്ചു​കൊ​ണ്ടും അങ്ങനെ മനുഷ്യ​ജീ​വന്റെ പൂർണ്ണത നഷ്ടപ്പെ​ടു​ത്തി​ക്കൊ​ണ്ടും ആദാം സകല മനുഷ്യ​വർഗ്ഗ​ത്തി​ലേ​ക്കും അവകാ​ശ​പ്പെ​ടു​ത്ത​പ്പെട്ട മരണം വരുത്തി​യ​തു​കൊ​ണ്ടും, ആദാം നഷ്ടപ്പെ​ടു​ത്തി​യ​തി​നെ തിരികെ വാങ്ങാൻ ആദാമി​നു പകരം മറെറാ​രു മനുഷ്യൻ തന്റെ പൂർണ്ണ​ത​യു​ളള ജീവൻ കൊടു​ക്കാൻ വരണമാ​യി​രു​ന്നു.

³⁵ ‘തുല്യ​ത്തി​നു തുല്യം’ കൊടു​ക്കുന്ന നീതി​നി​ഷ്‌ഠ​മായ തത്വം ചരി​ത്ര​ത്തി​ലു​ട​നീ​ളം പരക്കെ അംഗീ​ക​രി​ക്ക​പ്പെ​ട്ടി​ട്ടുണ്ട്‌. പൊതു​വെ ഉപയോ​ഗി​ക്ക​പ്പെ​ടുന്ന പദപ്ര​യോ​ഗം “മോച​ന​ദ്ര​വ്യം കൊടു​ക്കുക” എന്നതാണ്‌. മോച​ന​ദ്ര​വ്യം എന്നാൽ എന്താണ്‌? “അത്‌ ഒരു വ്യക്തി​യേ​യോ വസ്‌തു​വി​നെ​യോ അടിമ​ത്ത​ത്തിൽ പിടി​ച്ചു​വെ​ച്ചി​രി​ക്കുന്ന ആളിൽനിന്ന്‌ ആ വ്യക്തി​യേ​യോ വസ്‌തു​വി​നെ​യോ വീണ്ടെ​ടു​ക്കു​വാൻ കൊടു​ക്ക​പ്പെ​ടുന്ന വിലയാണ്‌. അതു​കൊണ്ട്‌ യുദ്ധത്ത​ട​വു​കാ​രെ​യോ അടിമ​ക​ളെ​യോ ഒരു വില​കൊ​ടുത്ത്‌ മോചി​പ്പി​ക്കു​മ്പോൾ അവർ മോച​ന​ദ്ര​വ്യ​ത്താൽ വീണ്ടെ​ടു​ക്ക​പ്പെ​ടു​ന്ന​താ​യി പറയ​പ്പെ​ടു​ന്നു . . . കക്ഷിക്കു​വേണ്ടി ബദലായി കൊടു​ക്ക​പ്പെ​ടുന്ന അഥവാ പകരമാ​യി കൈമാ​ററം ചെയ്യ​പ്പെ​ടുന്ന എന്തും അയാളു​ടെ മോച​ന​ദ്ര​വ്യ​മാണ്‌.” d ആദാമി​ന്റെ പാപം മുതൽ സകല മനുഷ്യ​വർഗ്ഗ​വും യുദ്ധത്ത​ട​വു​കാ​രെ​പ്പോ​ലെ​യോ അടിമ​ക​ളെ​പ്പോ​ലെ​യോ ആണ്‌, അപൂർണ്ണ​ത​യാ​ലും മരണത്താ​ലും ബന്ധിതർതന്നെ. അവരെ വിടു​വി​ക്കാൻ മോച​ന​ദ്ര​വ്യം കൊടു​ക്ക​പ്പെ​ട​ണ​മാ​യി​രു​ന്നു. മോചന വിലയു​ടെ ഔചി​ത്യം സംബന്ധിച്ച്‌ ഇപ്പോ​ഴോ  ഭാവി​യി​ലോ ഉണ്ടാകാ​വുന്ന ഏതു വിവാ​ദ​ത്തെ​യും ഒഴിവാ​ക്കു​ന്ന​തിന്‌ ഒരു പൂർണ്ണ​മ​നു​ഷ്യ​ജീ​വൻ, അതായത്‌ ആദാമി​നോട്‌ തികച്ചും തുല്യ​മാ​യത്‌ ബലി​ചെ​യ്യേ​ണ്ടത്‌ ആവശ്യ​മാ​യി​രി​ക്കു​മാ​യി​രു​ന്നു.

36. യഹോവ മോച​ന​ദ്ര​വ്യ​മാ​യി ഒരു പൂർണ്ണ​മ​നു​ഷ്യ​ജീ​വൻ പ്രദാനം ചെയ്‌ത​തെ​ങ്ങനെ?

³⁶ എന്നിരു​ന്നാ​ലും, അങ്ങനെ പൂർണ്ണ​ത​യു​ളള ഒരു മനുഷ്യ​ജീ​വൻ എവിടെ കണ്ടെത്താൻ സാധി​ക്കും? മനുഷ്യർ എല്ലാവ​രും അപൂർണ്ണ​നായ ആദാമി​ന്റെ സന്തതി​ക​ളെന്ന നിലയിൽ അപൂർണ്ണ​രാ​യി​ട്ടാ​ണു ജനിച്ചത്‌. “അവരിൽ ഒരുവ​നു​പോ​ലും ഏതെങ്കി​ലും പ്രകാ​ര​ത്തിൽ ഒരു സഹോ​ദ​ര​നെ​പോ​ലും വീണ്ടെ​ടു​ക്കാ​നോ അവനു​വേണ്ടി ദൈവ​ത്തിന്‌ മോച​ന​ദ്ര​വ്യം കൊടു​ക്കാ​നോ കഴിക​യില്ല.” (സങ്കീർത്തനം 49:7) ഈ ആവശ്യം നിറ​വേ​റ​റാൻ യഹോവ മനുഷ്യ​വർഗ്ഗ​ത്തോ​ടു​ളള തന്റെ ആഴമായ സ്‌നേ​ഹ​ത്താൽ പ്രേരി​ത​നാ​യി യഥാർത്ഥ​ത്തിൽ തന്റെ വില​യേ​റിയ “ഏകജാത”പുത്രനെ നൽകി. അവൻ ഈ ആത്മപു​ത്ര​നായ വചനത്തി​ന്റെ പൂർണ്ണ​ത​യു​ളള ജീവനെ ഒരു യഹൂദ​ക​ന്യ​ക​യാ​യി​രുന്ന മറിയ​യു​ടെ ഗർഭാ​ശ​യ​ത്തി​ലേക്കു മാററി. ആ യുവതി ഗർഭി​ണി​യാ​കു​ക​യും തക്കസമ​യത്ത്‌ ഒരു പുത്രനെ പ്രസവി​ക്കു​ക​യും ചെയ്‌തു. അവന്‌ “യേശു” എന്നു പേർ വിളി​ക്ക​പ്പെട്ടു. (മത്തായി 1:18-25) യുക്തി​യാ​നു​സൃ​തം ജീവന്റെ സ്രഷ്ടാവ്‌ അത്തര​മൊ​രു അതിശ​യ​ക​ര​മായ അത്ഭുതം ചെയ്യാൻ പ്രാപ്‌ത​നാ​യി​രി​ക്കും.

37. യേശു ജീവൻ ആഗ്രഹി​ക്കുന്ന സകല മനുഷ്യ​രോ​ടും സ്‌നേഹം പ്രകട​മാ​ക്കി​യ​തെ​ങ്ങനെ?

³⁷ യേശു പുരു​ഷ​ത്വ​ത്തി​ലേക്കു വളരു​ക​യും തന്നേത്തന്നെ യഹോ​വ​യ്‌ക്ക്‌ ഏൽപ്പി​ച്ചു​കൊ​ടു​ക്കു​ക​യും സ്‌നാ​ന​മേൽക്കു​ക​യും ചെയ്‌തു. അപ്പോൾ തന്റെ ഇഷ്ടം ചെയ്യാൻ ദൈവം അവനെ നിയോ​ഗി​ച്ചു. (മത്തായി 3:13, 16, 17) യേശു​വി​ന്റെ ഭൗമിക ജീവൻ സ്വർഗ്ഗ​ത്തിൽ നിന്നു വന്നതി​നാ​ലും അവൻ പൂർണ്ണ​നാ​യി​രു​ന്ന​തി​നാ​ലും പൂർണ്ണ​ത​യു​ളള ആ മനുഷ്യ​ജീ​വൻ ബലി​ചെ​യ്യാ​നും മനുഷ്യ​വർഗ്ഗത്തെ മരണത്തിൽനിന്ന്‌ വിടു​വി​ക്കാൻ അതുപ​യോ​ഗി​ക്കാ​നും അവനു കഴിയു​മാ​യി​രു​ന്നു. (റോമർ 6:23; 5:18, 19) അവൻ പറഞ്ഞ പ്രകാരം: “അവർക്ക്‌ ജീവൻ ഉണ്ടാ​കേ​ണ്ട​തി​നും അതു സമൃദ്ധ​മാ​യി ഉണ്ടാ​കേ​ണ്ട​തി​നു​മാണ്‌ ഞാൻ വന്നിരി​ക്കു​ന്നത്‌.” “തന്റെ സ്‌നേ​ഹി​തർക്കു​വേണ്ടി തന്റെ ദേഹിയെ ആരെങ്കി​ലും വെച്ചു​കൊ​ടു​ക്കു​ന്ന​തി​നെ​ക്കാൾ വലിയ സ്‌നേഹം ആർക്കു​മില്ല.” (യോഹ​ന്നാൻ 10:10; 15:13) സാത്താൻ യേശു​വി​നെ ഒരു ദണ്ഡനസ്‌തം​ഭ​ത്തിൽ കൊല്ലി​ച്ച​പ്പോൾ, യേശു ഈ ക്രൂര​മ​ര​ണ​ത്തിന്‌ വഴങ്ങി, വിശ്വാ​സം പ്രകട​മാ​ക്കുന്ന മനുഷ്യർ ഈ മോച​ന​ദ്ര​വ്യ​ത്തി​ന്റെ കരുത​ലി​നാൽ ജീവൻ നേടു​മെന്ന്‌ അറിഞ്ഞു​കൊ​ണ്ടു​തന്നെ.—മത്തായി 20:28; 1 തിമൊ​ഥെ​യോസ്‌ 2:5, 6.

ജീവനി​ലേ​ക്കു​ളള പുനഃ​സ്ഥി​തീ​ക​രണം

38. ദൈവ​പു​ത്രൻ ജീവനി​ലേക്ക്‌ പുനഃ​സ്ഥി​തീ​ക​രി​ക്ക​പ്പെ​ട്ട​തെ​ങ്ങനെ, ഇതിനെ തെളി​യി​ക്കു​ന്ന​തെന്ത്‌?

³⁸ ദൈവ​പു​ത്രന്റെ ശത്രുക്കൾ അവനെ കൊന്നു​വെ​ങ്കി​ലും പൂർണ്ണ മനുഷ്യ​ജീ​വ​നു​ളള അവന്റെ അവകാശം ഒരിക്ക​ലും അവനു നഷ്ടപ്പെ​ട്ടില്ല,  എന്തു​കൊ​ണ്ടെ​ന്നാൽ അവൻ ദൈവ​ത്തോട്‌ നിർമ്മലത പാലിച്ചു. എന്നാൽ മരിച്ച്‌ ശവക്കു​ഴി​യി​ലാ​യി​രു​ന്ന​തി​നാൽ യേശു​വിന്‌ മനുഷ്യ​വർഗ്ഗ​ത്തി​നു​വേണ്ടി ഈ വില​യേ​റിയ വസ്‌തു, മനുഷ്യ​ജീ​വ​നു​ളള അവകാശം, എങ്ങനെ ഉപയോ​ഗി​ക്കാൻ കഴിയു​മാ​യി​രു​ന്നു? ഇവി​ടെ​യാണ്‌ യഹോവ അത്തരത്തിൽ ഒന്നാമ​ത്തേ​തായ മറെറാ​രു അത്ഭുതം പ്രവർത്തി​ച്ചത്‌. യേശു ശവക്കു​ഴി​യി​ലാ​യി​രുന്ന മൂന്നാം ദിവസം യഹോവ അവനെ അമർത്ത്യ​നായ ഒരു ആത്മസൃ​ഷ്ടി​യാ​യി മരണത്തിൽനിന്ന്‌ ഉയർപ്പി​ച്ചു. (റോമർ 6:9; 1 പത്രോസ്‌ 3:18) പുനരു​ത്ഥാ​ന​ത്തി​ലു​ളള വിശ്വാ​സം സ്ഥാപി​ക്കു​ന്ന​തിന്‌ യേശു വ്യത്യസ്‌ത സന്ദർഭ​ങ്ങ​ളിൽ മനുഷ്യ​ശ​രീ​രങ്ങൾ ധരിക്കു​ക​യും തന്റെ ശിഷ്യൻമാർക്കു പ്രത്യ​ക്ഷ​മാ​കു​ക​യും ചെയ്‌തു, ഒരിക്കൽ 500-ഉം അധിക​വും പേർക്കു​തന്നെ. അവന്റെ പുനരു​ത്ഥാ​ന​ത്തി​ന്റെ അത്ഭുതത്തെ സംശയി​ക്കാൻ ഇവരിൽ ആർക്കെ​ങ്കി​ലു​മോ, മഹത്വീ​ക​രി​ക്ക​പ്പെട്ട യേശു​വി​ന്റെ പ്രത്യ​ക്ഷ​ത​യാൽ പിന്നീട്‌ അന്ധതപി​ടി​പെട്ട അപ്പോ​സ്‌ത​ല​നായ പൗലോ​സി​നോ യാതൊ​രു ന്യായ​വും ഉണ്ടായി​രു​ന്നില്ല.—1 കൊരി​ന്ത്യർ 15:3-8; പ്രവൃ​ത്തി​കൾ 9:1-9.

39. (എ) യേശു തന്റെ ബലിയു​ടെ മൂല്യം ഉപയോ​ഗി​ക്കു​ന്ന​തെ​ങ്ങനെ, ആദ്യം ആർക്കു​വേണ്ടി? (ബ) വേറെ ഏത്‌ വലിയ അത്ഭുതത്തെ സംബന്ധിച്ച്‌ യേശു പറഞ്ഞു?

³⁹ പുനരു​ത്ഥാ​നം പ്രാപിച്ച യേശു നാല്‌പതു ദിവസം കഴിഞ്ഞ്‌ സ്വർഗ്ഗ​ങ്ങ​ളിൽ ദൈവ​ത്തി​ന്റെ സ്വന്തം സന്നിധി​യിൽ മനുഷ്യ​വർഗ്ഗ​ത്തിന്‌ ഒരു വിടു​ത​ലെന്ന നിലയിൽ തന്റെ പൂർണ്ണ മനുഷ്യ​ബ​ലി​യു​ടെ മൂല്യം സമർപ്പി​ക്കാൻ അവി​ടേക്ക്‌ ആരോ​ഹണം ചെയ്‌തു. “എന്നാൽ ഈ മനുഷ്യൻ പാപങ്ങൾക്കു​വേണ്ടി എന്നേക്കു​മാ​യി ഏകയാഗം കഴിക്കു​ക​യും ദൈവ​ത്തി​ന്റെ വലതു​ഭാ​ഗത്ത്‌ ഇരിക്കു​ക​യും ചെയ്‌തു, തന്റെ ശത്രുക്കൾ തന്റെ പാദങ്ങൾക്ക്‌ ഒരു പീഠ​മെ​ന്ന​പോ​ലെ വെക്ക​പ്പെ​ടു​ന്ന​തു​വരെ അന്നു മുതൽ കാത്തി​രു​ന്നു​കൊ​ണ്ടു​തന്നെ.” (എബ്രായർ 10:12, 13) ഈ മോച​ന​ദ്ര​വ്യ​ത്താൽ ആദ്യം വിടുതൽ ലഭിക്കു​ന്നവർ “ക്രിസ്‌തു​വി​നു​ള​ളവർ” ആയ വിശ്വസ്‌ത ക്രിസ്‌ത്യാ​നി​ക​ളു​ടെ ഒരു “ചെറിയ ആട്ടിൻകൂട്ട”മാണ്‌. (ലൂക്കോസ്‌ 12:32; 1 കൊരി​ന്ത്യർ 15:22, 23) ഇവർ “മനുഷ്യ​വർഗ്ഗ​ത്തി​ന്റെ ഇടയിൽ നിന്ന്‌ വിലയ്‌ക്കു വാങ്ങ”പ്പെടുന്നു. തന്നിമി​ത്തം പുനരു​ത്ഥാ​ന​ത്തിൽ അവർ സ്വർഗ്ഗ​ങ്ങ​ളിൽ ക്രിസ്‌തു​വി​ന്റെ ആത്മസഹ​കാ​രി​ക​ളാ​യി​ത്തീ​രു​ന്നു. (വെളി​പ്പാട്‌ 14:1-5) എന്നുവ​രി​കി​ലും, ഇപ്പോൾ ശവക്കു​ഴി​ക​ളിൽ മരിച്ചു കിടക്കുന്ന വലിയ മനുഷ്യ​വർഗ്ഗ​സ​മൂ​ഹ​ങ്ങളെ സംബന്ധി​ച്ചെന്ത്‌? യേശു ഭൂമി​യി​ലാ​യി​രു​ന്ന​പ്പോൾ  ന്യായ​വി​ധി​ന​ട​ത്തു​ന്ന​തി​നും ജീവൻ പ്രദാനം ചെയ്യു​ന്ന​തി​നു​മു​ളള അധികാ​രം പിതാവു തനിക്കു നൽകി​യി​ട്ടു​ണ്ടെന്ന്‌ അവൻ പറയു​ക​യു​ണ്ടാ​യി. അവൻ ഇങ്ങനെ കൂട്ടി​ച്ചേർത്തു: “ഇതിങ്കൽ ആശ്ചര്യ​പ്പെ​ട​രുത്‌, എന്തു​കൊ​ണ്ടെ​ന്നാൽ സ്‌മാ​ര​ക​ക്ക​ല്ല​റ​ക​ളി​ലു​ളള എല്ലാവ​രും അവന്റെ ശബ്ദം കേൾക്കു​ക​യും പുറത്തു​വ​രി​ക​യും ചെയ്യുന്ന നാഴി​ക​വ​രു​ന്നു, . . . ഒരു പുനരു​ത്ഥാ​ന​ത്തി​ലേക്ക്‌.” (യോഹ​ന്നാൻ 5:26-29) അവൻ അവരെ പരദീസാ ഭൂമി​യി​ലെ ജീവനിൽ പുനഃ​സ്ഥി​തീ​ക​രി​ക്കും.

40, 41. “പുനരു​ത്ഥാന”ത്താൽ കൃത്യ​മാ​യി എന്തർത്ഥ​മാ​ക്ക​പ്പെ​ടു​ന്നു​വെന്ന്‌ വിശദീ​ക​രി​ക്കുക. (ബി) ദൈവ​ത്തി​ന്റെ പുനരു​ത്ഥാന വാഗ്‌ദ​ത്ത​ത്തിൽ നമുക്ക്‌ വിശ്വ​സി​ക്കാ​വു​ന്ന​തെ​ന്തു​കൊണ്ട്‌?

⁴⁰ “ഇതിങ്കൽ ആശ്ചര്യ​പ്പെ​ട​രുത്‌” എന്ന യേശു​വി​ന്റെ വാക്കുകൾ ഗൗനി​ക്കുക. അങ്ങനെ​യെ​ങ്കിൽത്തന്നെ, ദീർഘ​കാ​ലം മരിച്ചി​രുന്ന ഒരുവനെ മരണത്തിൽനിന്ന്‌ വിടു​വിച്ച്‌ ജീവനി​ലേക്ക്‌ തിരികെ വരുത്താൻ എങ്ങനെ കഴിയും? അയാളു​ടെ ശരീരം പൊടി​യി​ലേക്കു തിരികെ ചേർന്നി​ല്ല​യോ? ആ ശരീര​ത്തി​ന്റെ ഭാഗമാ​യി​രുന്ന അണുക്ക​ളിൽ ചിലത്‌ ചെടി​ക​ളും മൃഗങ്ങ​ളും പോ​ലെ​യു​ളള മററു ജീവ വസ്‌തു​ക്ക​ളി​ലേക്ക്‌ അലിഞ്ഞു​ചേർന്നി​രി​ക്കാം. എന്നുവ​രി​കി​ലും, പുനരു​ത്ഥാ​നം അതേ രാസമൂ​ല​ക​ങ്ങളെ ഒരുമി​ച്ചു ചേർക്കു​ന്ന​തി​നെ അർത്ഥമാ​ക്കു​ന്നില്ല. പുനരു​ത്ഥാ​ന​ത്തി​ന്റെ അർത്ഥം അതേ ആളിനെ, അതേ വ്യക്തി​ത്വ​ത്തെ, ദൈവം വീണ്ടും സൃഷ്ടി​ക്കു​ന്നു​വെ​ന്നാണ്‌. അവൻ ഭൗമിക മൂലക​ങ്ങ​ളിൽ നിന്ന്‌ ഒരു പുതിയ ശരീരത്തെ ഉളവാ​ക്കു​ന്നു. ആ ശരീര​ത്തിൽ വ്യക്തി തന്റെ മരണ സമയം​വരെ വളർത്തിയ അതേ സ്വഭാ​വ​വി​ശേ​ഷ​ത​ക​ളും, അതേ വ്യതി​രിക്ത ഗുണങ്ങ​ളും, അതേ ഓർമ്മ​യും അതേ ജീവി​ത​മാ​തൃ​ക​യും ദൈവം വെക്കുന്നു.

⁴¹ നിങ്ങൾ വളരെ​യ​ധി​കം ഇഷ്ടപ്പെ​ട്ടി​രുന്ന നിങ്ങളു​ടെ വീട്‌ കത്തി​പ്പോയ ഒരു അനുഭവം നിങ്ങൾക്ക്‌ ഉണ്ടായി​രു​ന്നി​രി​ക്കാം. എന്നുവ​രി​കി​ലും, നിങ്ങൾക്ക്‌ അനായാ​സം അതേ വീട്‌ വീണ്ടും പണിയി​ക്കാം, എന്തു​കൊ​ണ്ടെ​ന്നാൽ അതിന്റെ പ്രിയ​ങ്ക​ര​മായ സകല വിശദാം​ശ​ങ്ങ​ളു​ടെ​യും രൂപമാ​തൃക നിങ്ങളു​ടെ മനസ്സിൽ വളരെ വ്യക്തമാ​യി നിൽക്കു​ന്നു. തീർച്ച​യാ​യും അപ്പോൾ ഓർമ്മ​യെ​ത്തന്നെ ഉളവാ​ക്കി​യ​വ​നായ ദൈവ​ത്തിന്‌ താൻ സ്‌നേ​ഹി​ക്കുക നിമിത്തം തന്റെ ഓർമ്മ​യിൽ സൂക്ഷി​ച്ചി​രി​ക്കുന്ന മനുഷ്യ​രെ പുനർസൃ​ഷ്ടി​ക്കാൻ കഴിയും. (യെശയ്യാവ്‌ 64:8) അതു​കൊ​ണ്ടാണ്‌ ബൈബിൾ “സ്‌മാ​ര​ക​ക്ക​ല്ല​റകൾ” എന്ന പദപ്ര​യോ​ഗം ഉപയോ​ഗി​ക്കു​ന്നത്‌. മരിച്ചു​പോ​യ​വരെ വീണ്ടും ജീവനി​ലേക്കു വരുത്തു​ന്ന​തി​നു​ളള ദൈവ​ത്തി​ന്റെ സമയം വരു​മ്പോൾ, അവൻ ആ അത്ഭുതം പ്രവർത്തി​ക്കും, ആദ്യ മനുഷ്യ​നെ സൃഷ്ടി​ച്ച​പ്പോൾ അവൻ ഒരു അത്ഭുതം പ്രവർത്തി​ച്ച​തു​പോ​ലെ​തന്നെ. ഈ പ്രാവ​ശ്യം അവൻ അതു അനേകം പ്രാവ​ശ്യം ചെയ്യു​മെന്നു മാത്രം.—ഉല്‌പത്തി 2:7; പ്രവൃ​ത്തി​കൾ 24:15.

42. ഭൂമി​യി​ലെ നിത്യ​ജീ​വൻ സാദ്ധ്യ​വും സുനി​ശ്ചി​തവു​മാ​യി​രി​ക്കു​ന്ന​തെ​ന്തു​കൊണ്ട്‌?

⁴² ദൈവം മനുഷ്യ​വർഗ്ഗത്തെ ജീവനി​ലേക്കു തിരികെ വരുത്തു​ന്നത്‌ വീണ്ടും ഒരിക്ക​ലും ഭൂമി​യിൽ നിന്നു മരിച്ചു പോകാ​തി​രി​ക്കു​ന്ന​തി​നു​ളള  പ്രതീ​ക്ത​യോ​ടെ​യാണ്‌. എന്നാൽ ഭൂമി​യിൽ നിത്യ​ജീ​വൻ സാദ്ധ്യ​മാ​കു​ന്ന​തെ​ങ്ങനെ? അത്‌ ദിവ്യേ​ഷ്ട​വും ഉദ്ദേശ്യ​വു​മാ​ക​യാൽ അതു സാദ്ധ്യ​മാണ്‌, സുനി​ശ്ചി​ത​വു​മാണ്‌. (യോഹ​ന്നാൻ 6:37-40; മത്തായി 6:10) ഇന്ന്‌ മനുഷ്യൻ ഭൂമി​യിൽനി​ന്നു മരിച്ചു​പോ​കു​ന്ന​തി​ന്റെ ഏകകാ​രണം അവൻ ആദാമിൽനിന്ന്‌ മരണം അവകാ​ശ​പ്പെ​ടു​ത്തി എന്നതാണ്‌. എന്നിരു​ന്നാ​ലും, ഭൂമി​യിൽ മനുഷ്യന്‌ അനുഭ​വി​ക്കാ​നു​ളള ഉദ്ദേശ്യ​ത്തിൽ അതിരററ വൈവി​ധ്യ​ത്തോ​ടെ ഉണ്ടാക്കി​യി​രുന്ന അത്ഭുത വസ്‌തു​ക്ക​ളെ​ക്കു​റിച്ച്‌ നാം പരിചി​ന്തി​ക്കു​മ്പോൾ നൂറു വർഷത്തിൽ കുറഞ്ഞ ഹ്രസ്വ​മായ ആയുസ്സ്‌ തീർത്തും കുറവാണ്‌! ഈ ഭൂമിയെ മനുഷ്യ​മ​ക്കൾക്കു കൊടു​ത്ത​പ്പോൾ, ഒരു നൂറു​വർഷം മാത്രമല്ല, ഒരു ആയിരം വർഷവു​മല്ല, പിന്നെ​യോ എന്നേക്കും മനുഷ്യൻ തന്റെ സൃഷ്ടി​യു​ടെ മഹിമകൾ ആസ്വദി​ക്കാൻ ജീവി​ച്ചി​രി​ക്ക​ണ​മെന്ന്‌ ദൈവം ഉദ്ദേശി​ച്ചി​രു​ന്നു!—സങ്കീർത്തനം 115:16; 133:3.

പൂർണ്ണ​ത​യു​ളള സമാധാന ഗവൺമെൻറ്‌

43. (എ) ഒരു പൂർണ്ണ​ത​യു​ളള ഗവൺമെൻറി​ന്റെ ആവശ്യ​മു​ള​ള​തെ​ന്തു​കൊണ്ട്‌? (ബി) ഈ കാര്യ​ത്തിൽ യഹോവ എന്ത്‌ ഉദ്ദേശി​ക്കു​ന്നു?

⁴³ നമ്മുടെ ആദ്യമാ​താ​പി​താ​ക്കൾ ദൈവ​നി​യ​മത്തെ തളളി​ക്ക​ള​ഞ്ഞ​തു​കൊണ്ട്‌ മാനുഷ ഗവൺമെൻറ്‌ സാത്താന്റെ നിയ​ന്ത്ര​ണ​ത്തി​ലാ​യി. ഉചിത​മാ​യി ബൈബിൾ സാത്താനെ “ഈ വ്യവസ്ഥി​തി​യു​ടെ ദൈവം” എന്നു വിളി​ക്കു​ന്നു. (2 കൊരി​ന്ത്യർ 4:4) യുദ്ധങ്ങൾ, ക്രൂര​തകൾ, അഴിമതി, മനുഷ്യ​ഭ​ര​ണ​കൂ​ട​ങ്ങ​ളു​ടെ അസ്ഥിരത എന്നിവ ഈ വസ്‌തു​തയെ തെളി​യി​ക്കു​ന്നു. കുഴപ്പ​ത്തിൽനിന്ന്‌ സമാധാ​നം കൈവ​രു​ത്തു​ന്ന​തിൽ സർവ്വരാ​ജ്യ​സ​ഖ്യ​വും ഐക്യ​രാ​ഷ്‌ട്ര​ങ്ങ​ളും പരാജ​യ​പ്പെ​ട്ടി​രി​ക്കു​ന്നു. മനുഷ്യ​വർഗ്ഗം ഒരു സമാധാന ഭരണത്തി​നു​വേണ്ടി മുറവി​ളി​കൂ​ട്ടു​ക​യാണ്‌. ഈ ഭൂമി​യിൽ പരദീസാ പുനഃ​സ്ഥി​തീ​ക​രി​ക്കാൻ ഉദ്ദേശി​ക്കുന്ന സ്രഷ്ടാവ്‌ ആ പരദീ​സ​ക്കു​വേണ്ടി പൂർണ്ണ​ത​യു​ളള ഒരു ഗവൺമെൻറും പ്രദാനം ചെയ്യു​മെ​ന്നു​ള​ളത്‌ ന്യായ​യു​ക്ത​മ​ല്ല​യോ? അതുത​ന്നെ​യാണ്‌ യഹോവ ചെയ്യാ​നു​ദ്ദേ​ശി​ച്ചി​രി​ക്കു​ന്നത്‌. ഈ ഗവൺമെൻറിൽ അവനെ പ്രതി​നി​ധാ​നം ചെയ്യുന്ന രാജാവ്‌ ക്രിസ്‌തു​യേ​ശു​വാ​കുന്ന തന്റെ “സമാധാ​ന​പ്രഭു” ആകുന്നു. “രാജകീയ ഭരണത്തി​ന്റെ സമൃദ്ധി​ക്കും സമാധാ​ന​ത്തി​നും അവസാ​ന​മു​ണ്ടാ​യി​രി​ക്കു​ക​യു​മില്ല.”—യെശയ്യാവ്‌ 9:6, 7.

44. (എ) ഈ ഗവൺമെൻറ്‌ എവി​ടെ​യാ​യി​രി​ക്കും? (ബി) അത്‌ എങ്ങനെ രൂപവൽക്ക​രി​ക്ക​പ്പെ​ടും?

⁴⁴ ആ പൂർണ്ണ​ത​യു​ളള ഗവൺമെൻറ്‌ സ്വർഗ്ഗ​ത്തി​ലാ​യി​രി​ക്കു​മെന്ന്‌ ബൈബിൾ പ്രകട​മാ​ക്കു​ന്നു. ഈ അനുകൂല സ്ഥാനത്ത്‌ നിന്ന്‌ രാജാ​വായ ക്രിസ്‌തു​യേശു സർവ്വഭൂ​മി​യെ​യും ഫലപ്ര​ദ​മാ​യി ഭരിക്കു​ന്ന​താ​യി​രി​ക്കും. മാത്ര​വു​മല്ല, ആ അദൃശ്യ സ്വർഗ്ഗീയ ഗവൺമെൻറിൽ അവന്‌ സഹഭര​ണാ​ധി​കാ​രി​കൾ ഉണ്ടായി​രി​ക്കും. ഇവർ തെര​ഞ്ഞെ​ടു​ക്ക​പ്പെ​ടു​ന്നത്‌ പീഡാ​നു​ഭ​വ​ങ്ങ​ളിൽ യേശു​വി​നോട്‌ പററി​നിന്ന അവന്റെ അനുഗാ​മി​ക​ളായ വിശ്വസ്‌ത മനുഷ്യ​രിൽനി​ന്നാണ്‌. അവരോട്‌ അവൻ പറയുന്നു: “എന്റെ പിതാവ്‌ എന്നോട്‌ ഒരു ഉടമ്പടി ചെയ്‌തി​രി​ക്കു​ന്ന​തു​പോ​ലെ,  ഞാൻ നിങ്ങ​ളോട്‌ ഒരു രാജ്യ​ത്തി​നു​വേണ്ടി ഒരു ഉടമ്പടി ചെയ്യുന്നു.” (ലൂക്കോസ്‌ 22:28, 29) മനുഷ്യ​വർഗ്ഗ​ത്തി​ന്റെ ഇടയിൽ നിന്ന്‌ ചുരുക്കം പേർ മാത്ര​മാണ്‌ ക്രിസ്‌തു​യേ​ശു​വി​നോ​ടു​കൂ​ടെ ഭരിക്കാൻ സ്വർഗ്ഗ​ത്തി​ലേക്ക്‌ എടുക്ക​പ്പെ​ടു​ന്നത്‌. അതു ഡയററി​ലോ പാർല​മെൻറി​ലോ ഭരിക്കാൻ ചുരുക്കം ചിലർ മാത്രം തെര​ഞ്ഞെ​ടു​ക്ക​പ്പെ​ടുന്ന ഇന്നത്തെ രാഷ്‌ട്ര​ങ്ങ​ളോട്‌ സമാന​മാണ്‌. യേശു​ക്രി​സ്‌തു​വിന്‌ 144,000 സഹഭര​ണാ​ധി​കാ​രി​കൾ മാത്രം ഉണ്ടായി​രി​ക്കു​മെന്ന്‌ ബൈബിൾ പ്രകട​മാ​ക്കു​ന്നു. അതു​കൊണ്ട്‌ ദൈവ​ത്തി​ന്റെ രാജ്യം അഥവാ സ്വർഗ്ഗീയ ഗവൺമെൻറ്‌ ക്രിസ്‌തു​യേ​ശു​വും ഭൂമി​യിൽനിന്ന്‌ സ്വർഗ്ഗ​ത്തി​ലേക്ക്‌ എടുക്ക​പ്പെ​ടുന്ന 144,000 ആളുക​ളും ചേർന്നു​ണ്ടാ​കു​ന്ന​താണ്‌. (വെളി​പ്പാട്‌ 14:1-4; 5:9, 10) ഭൂമിയെ സംബന്ധി​ച്ചെന്ത്‌? രാജാവ്‌ “സർവ്വഭൂ​മി​യി​ലും പ്രഭു​ക്കൻമാ​രെ” നിയമി​ക്കു​മെന്ന്‌ സങ്കീർത്തനം 45:16 പറയുന്നു. മാനുഷ “പ്രഭു​ക്കൻമാർ” അഥവാ ഭരണസം​ബ​ന്ധ​മായ മേൽവി​ചാ​ര​കൻമാർ, നീതി പ്രമാ​ണ​ങ്ങ​ളോ​ടു​ളള ആഴമായ ഭക്തിനി​മി​ത്തം സ്വർഗ്ഗ​ത്തിൽ നിന്ന്‌ നിയമി​ക്ക​പ്പെ​ടും.—യെശയ്യാവ്‌ 32:1 താരത​മ്യ​പ്പെ​ടു​ത്തുക.

45, 46. (എ) യേശു​വി​ന്റെ ഭൂമി​യി​ലെ പ്രസം​ഗ​ത്തി​ന്റെ മുഖ്യ വിഷയം എന്തായി​രു​ന്നു? (ബി) പൂർണ്ണ​ത​യു​ളള ഗവൺമെൻറ്‌ ഉടനെ സ്ഥാപി​ക്ക​പ്പെ​ടാ​ഞ്ഞ​തെ​ന്തു​കൊണ്ട്‌? (സി) ക്രി.വ. 1914 പ്രവച​ന​ത്തി​ലും ലോക​സം​ഭ​വ​ങ്ങ​ളി​ലും ഒരു പ്രമുഖ വർഷമാ​യി​രു​ന്ന​തെ​ങ്ങനെ?

⁴⁵ എപ്പോൾ, എങ്ങനെ പൂർണ്ണ​ത​യു​ളള ഗവൺമെൻറ്‌ സ്ഥാപി​ക്ക​പ്പെ​ടും? യേശു ഭൂമി​യി​ലാ​യി​രു​ന്ന​പ്പോൾ അവന്റെ പ്രസം​ഗ​ത്തി​ന്റെ മുഖ്യ​വി​ഷയം ഈ രാജ്യ​മാ​യി​രു​ന്നു. (മത്തായി 4:17; ലൂക്കോസ്‌ 8:1) എന്നിരു​ന്നാ​ലും, അവൻ ആ സമയത്തോ തന്റെ പുനരു​ത്ഥാ​ന​ത്തി​ങ്ക​ലോ രാജ്യം സ്ഥാപി​ച്ചില്ല. (പ്രവൃ​ത്തി​കൾ 1:6-8) അവൻ സ്വർഗ്ഗാ​രോ​ഹണം ചെയ്‌ത​ശേ​ഷം​പോ​ലും യഹോ​വ​യു​ടെ നിയമി​ത​സ​മ​യ​ത്തി​നു​വേണ്ടി അവൻ പിന്നെ​യും കാത്തി​രി​ക്ക​ണ​മാ​യി​രു​ന്നു. (സങ്കീർത്തനം 110:1, 2; എബ്രായർ 1:13) നിയമി​ത​സ​മയം ക്രി. വ. 1914-ൽ വന്നു​വെന്ന്‌ ബൈബിൾ പ്രവചനം പ്രകട​മാ​ക്കു​ന്നു. എന്നിരു​ന്നാ​ലും, ‘പൂർണ്ണ​ത​യു​ളള ഗവൺമെൻറി​നു പകരം 1914 വർദ്ധിച്ച ലോകാ​രി​ഷ്ട​ത​ക​ളു​ടെ തുടക്കം കുറി​ച്ചി​ല്ലേ?’ എന്നു ആരെങ്കി​ലും ചോദി​ച്ചേ​ക്കാം. കൃത്യ​മാ​യി അതുത​ന്നെ​യാണ്‌ ആശയം! നാം ഇപ്പോൾ കാണാൻ പോകു​ന്ന​തു​പോ​ലെ, ദൈവ​രാ​ജ്യ​ത്തി​ന്റെ  വരവും സമീപ​വർഷ​ങ്ങ​ളി​ലെ വിപത്‌ക്ക​ര​മായ സംഭവ​ങ്ങ​ളും തമ്മിൽ അടുത്ത ബന്ധമുണ്ട്‌.

⁴⁶ ആയിര​ത്തി​ത്തൊ​ള​ളാ​യി​ര​ത്തി​പ്പ​തി​നാ​ലിന്‌ ഏതാണ്ട്‌ 35 വർഷം മുമ്പു മുതൽ വീക്ഷാ​ഗോ​പു​രം (ഇപ്പോൾ ഭൂമി​യിൽ ഏററവും വിപു​ല​മാ​യി വിതരണം ചെയ്യ​പ്പെ​ടുന്ന മതമാ​സിക) ബൈബിൾ പ്രവച​ന​ത്തിൽ അടയാ​ള​പ്പെ​ടു​ത്തി​യി​രി​ക്കുന്ന ഒരു വർഷമെന്ന നിലയിൽ 1914-ലേക്ക്‌ ശ്രദ്ധക്ഷ​ണി​ച്ചു​കൊ​ണ്ടി​രു​ന്നു. ഈ പ്രവച​ന​ങ്ങൾക്ക്‌ 1914 മുതൽ ശ്രദ്ധേ​യ​മായ നിവൃത്തി ഉണ്ടാകാൻ തുടങ്ങി. ഇവയി​ലൊന്ന്‌ 1900 വർഷം മുമ്പ്‌ ഉച്ചരി​ക്ക​പ്പെട്ട, യേശു​വി​ന്റെ സ്വന്ത പ്രവച​ന​മാ​യി​രു​ന്നു. അത്‌ വ്യവസ്ഥി​തി​യു​ടെ അന്ത്യത്തിൽ കാണ​പ്പെ​ടു​ന്ന​തും താൻ രാജ്യാ​ധി​കാ​ര​ത്തോ​ടെ അദൃശ്യ​മാ​യി സന്നിഹി​ത​നാ​യി​രി​ക്കു​ന്നു​വെന്ന്‌ തെളി​യി​ക്കു​ന്ന​തു​മായ “അടയാള”ത്തെ സംബന്ധി​ക്കു​ന്ന​താ​യി​രു​ന്നു. ഈ “അടയാള”ത്തെ സംബന്ധിച്ച ശിഷ്യൻമാ​രു​ടെ ചോദ്യ​ത്തി​നു​ത്ത​ര​മാ​യി അവൻ പറഞ്ഞു: “ജനത ജനത​ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും അവിട​വി​ടെ ഉണ്ടായി​രി​ക്കും. ഇവയെ​ല്ലാം കൊടും​വി​പ​ത്തി​ന്റെ വേദന​ക​ളു​ടെ ആരംഭ​മാ​കു​ന്നു.” (മത്തായി 24:3, 7, 8) ശ്രദ്ധേ​യ​മായ നിവൃ​ത്തി​യിൽ ലോക​യു​ദ്ധ​ങ്ങ​ളിൽ ആദ്യ​ത്തേത്‌ 1914-ൽ തുടങ്ങി. അത്‌ പിമ്പോട്ട്‌ 2500 വർഷങ്ങ​ളിൽ നടന്ന 900 യുദ്ധങ്ങ​ളി​ലു​ണ്ടായ നാശത്തി​ന്റെ ഏഴു മടങ്ങ്‌ വലിയ നാശം വരുത്തി! അതിന്റെ ശേഷം എക്കാല​വും കൊടും​വി​പ​ത്തി​ന്റെ വേദനകൾ തുടർന്നി​രി​ക്കു​ന്നു. 1914 മുതൽ ഭൂമിയെ ബാധി​ച്ചി​ട്ടു​ളള യുദ്ധ​ക്കെ​ടു​തി​യോ ഭക്ഷ്യക്ഷാ​മ​ങ്ങ​ളോ വലിയ ഭൂകമ്പ​ങ്ങ​ളി​ലേ​തെ​ങ്കി​ലു​മോ നിങ്ങൾക്ക്‌ അനുഭ​വ​പ്പെ​ട്ടി​ട്ടു​ണ്ടോ? ഉണ്ടെങ്കിൽ, നിങ്ങൾ  ഈ വ്യവസ്ഥി​തി​യു​ടെ “അന്ത്യകാല”ത്തിന്റെ “അടയാള”ത്തിന്റെ ഒരു ദൃക്ക്‌സാ​ക്ഷി​യാ​യി​രി​ക്കു​ന്നു.—ദാനി​യേൽ 12:4.

47. “അടയാള”ത്തെ നിവർത്തി​ക്കുന്ന സംഭവങ്ങൾ സമീപ വർഷങ്ങ​ളിൽ ശക്തിമ​ത്താ​യി​ത്തീർന്ന​തെ​ങ്ങനെ?

⁴⁷ “കൊടും​വി​പ​ത്തി​ന്റെ വേദനകൾ” ഒന്നാം ലോക​മ​ഹാ​യു​ദ്ധ​ത്തെ​ക്കാൾ നാലി​രട്ടി വിനാ​ശ​ക​മാ​യി​രുന്ന രണ്ടാം ലോക​മ​ഹാ​യു​ദ്ധ​ത്തിൽ അത്യുച്ചം പ്രാപിച്ച്‌ ന്യൂക്ലി​യർ യുഗത്തി​ലേക്കു കടക്കു​ക​യും യേശു​വി​ന്റെ തുടർന്നു​ളള പ്രവച​നത്തെ നിവർത്തി​ക്കു​ക​യും ചെയ്‌തു: “ഭൂമി​യിൽ പോം​വഴി അറിയാത്ത ജനതക​ളു​ടെ അതി​വേദന . . . അതേസ​മയം നിവസിത ഭൂമി​മേൽ സംഭവി​ക്കുന്ന കാര്യ​ങ്ങ​ളെ​ക്കു​റി​ച്ചു​ളള ഭയത്താ​ലും പ്രതീ​ക്ഷ​യാ​ലും മനുഷ്യർ മോഹാ​ല​സ്യ​പ്പെ​ടു​ന്നു.” (ലൂക്കോസ്‌ 21:25, 26) കുററ​കൃ​ത്യ​ങ്ങ​ളി​ലും ദുഷ്ടത​യി​ലും കുട്ടി​ക​ളു​ടെ ഇടയിലെ അനുസ​ര​ണ​ക്കേ​ടി​ലും ദുഷ്‌പ്ര​വൃ​ത്തി​ക​ളി​ലു​മു​ളള വർദ്ധന​വും അഭക്തി​യു​ടെ​യും അധാർമ്മി​ക​ത​യു​ടെ​യും വളർച്ച​യും—ഈ ഭയജന​ക​മായ വികാ​സ​ങ്ങ​ളും ഈ ദുഷ്ടവ്യ​വ​സ്ഥി​തി​യു​ടെ “അന്ത്യനാ​ളു​കളെ” കുറി​ക്കു​ന്ന​താ​യി മുൻകൂ​ട്ടി​പ്പ​റ​യ​പ്പെട്ടു.—2 തിമൊ​ഥെ​യോസ്‌ 3:1-5; മത്തായി 24:12.

48. ഭൂമി​യി​ലെ കഷ്ടാവ​സ്ഥ​കൾക്ക്‌ ഉത്തരവാ​ദി ആർ? 1914 മുതൽ അവ വർദ്ധി​ച്ചി​രി​ക്കു​ന്ന​തെ​ന്തു​കൊണ്ട്‌?

⁴⁸ എന്നിരു​ന്നാ​ലും, 1914-ൽ സ്വർഗ്ഗീ​യ​ഗ​വൺമെൻറ്‌ സ്ഥാപി​ക്ക​പ്പെ​ട്ടെ​ങ്കിൽ ഭൂമി​യിൽ ഈ കൊടും​വി​പ​ത്തെ​ല്ലാം എന്തു​കൊണ്ട്‌? പിശാ​ചായ സാത്താ​നാണ്‌ ഉത്തരവാ​ദി​യാ​യി​രി​ക്കു​ന്നത്‌. ക്രിസ്‌തു​വിന്‌ രാജ്യാ​ധി​കാ​രം ലഭിച്ച​പ്പോൾ അവന്റെ ആദ്യ​പ്ര​വൃ​ത്തി അദൃശ്യ സ്വർഗ്ഗ​ങ്ങ​ളിൽ സാത്താ​നു​മാ​യി യുദ്ധം ചെയ്യു​ക​യെ​ന്ന​താ​യി​രു​ന്നു. തൽഫല​മാ​യി, “മുഴു​നി​വ​സിത ഭൂമി​യെ​യും വഴി​തെ​റ​റി​ക്കുന്ന” സാത്താൻ അവന്റെ ദൂതൻമാ​രോ​ടു​കൂ​ടെ ഭൂമി​യു​ടെ പരിസ​ര​ത്തി​ലേക്ക്‌ ചുഴറ​റി​യെ​റി​യ​പ്പെട്ടു. തന്റെ നാശം അടുത്തി​രി​ക്കു​ന്നു​വെന്ന്‌ അറിയാ​വു​ന്ന​തു​കൊണ്ട്‌ അവൻ ഭൂമി​യിൽ വലിയ കുഴപ്പം ഇളക്കി​വി​ടു​ക​യാണ്‌. “ഭൂമി​ക്കും സമു​ദ്ര​ത്തി​നും മഹാകഷ്ടം, എന്തു​കൊ​ണ്ടെ​ന്നാൽ തനിക്ക്‌ അല്‌പ​കാ​ലഘ​ട്ട​മാ​ണു​ള​ള​തെ​ന്ന​റി​ഞ്ഞു​കൊണ്ട്‌ പിശാച്‌ മഹാ​കോ​പ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.”—വെളി​പ്പാട്‌ 12:7-9, 12.

49. (എ) “ഭൂമിയെ നശിപ്പി​ക്കു​ന്നവർ”ക്ക്‌ എന്തു സംഭവി​ക്കും? (ബി) യഹോവ ജനതക​ളു​ടെ​മേൽ തന്റെ “ന്യായ​ത്തീർപ്പ്‌” എങ്ങനെ നടപ്പി​ലാ​ക്കും?

⁴⁹ ഈ ദുരി​ത​ങ്ങൾക്ക്‌ ഒരു അവസാ​ന​മു​ണ്ടാ​കു​മോ? ഉവ്വ്‌! സർവ്വശ​ക്ത​നായ ദൈവ​ത്തി​ന്റെ രാജ്യ​മായ സ്വർഗ്ഗീയ ഗവൺമെൻറു​തന്നെ “ഭൂമിയെ നശിപ്പി​ക്കു​ന്ന​വരെ നശിപ്പി”ക്കാൻ നടപടി സ്വീക​രി​ക്കു​മ്പോൾ. (വെളി​പ്പാട്‌ 11:18; ദാനി​യേൽ 2:44) തങ്ങളുടെ ന്യൂക്ലി​യർ ആയുധ​ങ്ങൾകൊണ്ട്‌ ദൈവ​ത്തി​ന്റെ കൈ​വേ​ല​യായ ഭൂമിയെ നശിപ്പി​ക്കാൻ അവൻ രാഷ്‌ട്രീ​യ​ശ​ക്തി​ക​ളെ​യോ കളള​ക്രി​സ്‌ത്യാ​നി​ക​ളെ​യോ മററാ​രെ​യെ​ങ്കി​ലു​മോ ഒരിക്ക​ലും അനുവ​ദി​ക്കു​ക​യില്ല. പകരം അവൻ ഇങ്ങനെ പ്രഖ്യാ​പി​ക്കു​ന്നു: “എന്റെ ഭീഷണി, എന്റെ മുഴു ഉഗ്ര​കോ​പ​വും, ചൊരി​യേ​ണ്ട​തിന്‌ ജനതകളെ കൂട്ടി​ച്ചേർക്കാൻ, രാജ്യ​ങ്ങളെ ഒരുമി​ച്ചു കൂട്ടാൻ  ആകുന്നു എന്റെ ന്യായ​ത്തീർപ്പ്‌.” (സെഫന്യാവ്‌ 3:8) ഭൂമി​യിൽ സാത്താനെ അനുസ​രി​ക്കുന്ന എല്ലാവർക്കും അപ്രതി​രോ​ധ്യ​മായ നാശം വരുത്താൻ യഹോവ താൻ പ്രപഞ്ച​ത്തിൽ നിയ​ന്ത്രി​ച്ചു​കൊ​ണ്ടി​രി​ക്കുന്ന വലിയ ശക്തികളെ തന്റെ ക്രിസ്‌തു മുഖേന ഉപയോ​ഗി​ക്കു​ന്ന​താ​യി​രി​ക്കും. ഇത്‌ നോഹ​യു​ടെ നാളിലെ പ്രളയ​ത്തെ​പ്പോ​ലെ വിപു​ല​വും ആഗോ​ള​മായ തോതി​ലു​മാ​യി​രി​ക്കും.—യിരെ​മ്യാവ്‌ 25:31-34; 2 പത്രോസ്‌ 3:5-7, 10.

50. (എ) “അർമ്മ​ഗെ​ദ്ദോൻ” എന്താണ്‌? (ബി) ആർ മാത്രമേ അർമ്മ​ഗെ​ദ്ദോ​നെ അതിജീ​വി​ക്കു​ക​യു​ളളു?

⁵⁰ ബൈബി​ളിൽ ദുഷ്ടജ​ന​ത​ക​ളു​ടെ ഈ നാശം ദൈവ​ത്തി​ന്റെ അർമ്മ​ഗെ​ദ്ദോൻ യുദ്ധം എന്നു വിളി​ക്ക​പ്പെ​ടു​ന്നു. (വെളി​പ്പാട്‌ 16:14-16) സൗമ്യ​ത​യു​ള​ളവർ, യഹോ​വ​യേ​യും നീതി​യെ​യും സ്‌നേ​ഹി​ക്കു​ന്നവർ, മാത്രമേ അർമ്മ​ഗെ​ദ്ദോ​നെ അതിജീ​വിച്ച്‌ ദൈവ​ത്തി​ന്റെ സമാധാ​ന​പൂർണ്ണ​മായ പുതിയ വ്യവസ്ഥി​തി​യി​ലേക്കു കടക്കു​ക​യു​ളളു. (സെഫന്യാവ്‌ 2:3; യെശയ്യാവ്‌ 26:20, 21) ഇവരെ സംബന്ധി​ച്ചു ബൈബിൾ ഇങ്ങനെ പറയുന്നു: “എന്നാൽ സൗമ്യ​ത​യു​ള​ള​വർതന്നെ ഭൂമിയെ കൈവ​ശ​മാ​ക്കും, അവർ തീർച്ച​യാ​യും സമാധാന സമൃദ്ധി​യിൽ പരമാ​നന്ദം കണ്ടെത്തും.” (സങ്കീർത്തനം 37:11) ഭൂമി​യിൽ പരദീസാ പുനഃ​സ്ഥാ​പി​ക്കുന്ന മഹത്തായ വേല അന്ന്‌ ആരംഭി​ക്കും!

പരദീ​സ​യിൽ പ്രവേ​ശി​ക്കു​ന്ന​തി​നു​ളള വിദ്യാ​ഭ്യാ​സം

51. നിങ്ങൾ ഇപ്പോൾ നടപടി സ്വീക​രി​ക്കേ​ണ്ട​തെ​ന്തു​കൊണ്ട്‌?

⁵¹ നിങ്ങൾ പരദീ​സ​യിൽ ജീവി​ക്കാ​നാ​ഗ്ര​ഹി​ക്കു​ന്നു​വോ? നിങ്ങളു​ടെ ഉത്തരം ‘ഉവ്വ്‌’ എന്നാ​ണെ​ങ്കിൽ, ഇന്നത്തെ അസ്വസ്ഥ വ്യവസ്ഥി​തി​യെ​ക്കു​റി​ച്ചും അതിന്റെ ആസന്നമായ നാശത്തി​ന്റെ “അടയാ​ളത്തെ”ക്കുറി​ച്ചും യേശു പ്രസ്‌താ​വി​ച്ച​പ്പോൾ “ഇവയെ​ല്ലാം സംഭവി​ക്കു​ന്ന​തു​വരെ യാതൊ​രു പ്രകാ​ര​ത്തി​ലും ഈ തലമുറ നീങ്ങി​പ്പോ​കു​ക​യില്ല” എന്നും​കൂ​ടെ അവൻ കൂട്ടി​ച്ചേർത്തു​വെ​ന്ന​റി​യു​മ്പോൾ നിങ്ങൾ രോമാ​ഞ്ച​മ​ണി​യും. 1914-ൽ “കൊടും​വി​പ​ത്തി​ന്റെ വേദന​ക​ളു​ടെ ആരംഭം” കണ്ട തലമു​റ​യി​ലെ കുറെ പേരെ​ങ്കി​ലും ഭൂമി​യിൽ പുനഃ​സ്ഥി​തീ​ക​രി​ക്ക​പ്പെ​ടുന്ന  പരദീസാ കാണാൻ ജീവി​ച്ചി​രി​ക്കും. (മത്തായി 24:3-8, 34) എന്നിരു​ന്നാ​ലും, ഇന്നത്തെ മിക്കയാ​ളു​ക​ളും നാശത്തി​ലേക്കു നയിക്കുന്ന വിശാ​ല​മായ വഴിയി​ലാ​ണെ​ന്നു​ള​ളത്‌ ഒരു ദുഃഖ​സ​ത്യ​മാണ്‌. (മത്തായി 7:13, 14) അവർക്ക്‌ മാററം​വ​രു​ത്താൻ അധികം സമയ​മൊ​ന്നും ശേഷി​ച്ചി​ട്ടില്ല. യഹോവ തക്കസമ​യത്തു മുന്നറി​യി​പ്പു​നൽകി​യി​രി​ക്കു​ന്ന​തിൽ നിങ്ങൾക്ക്‌ എത്ര നന്ദിയു​ള​ള​വ​രാ​യി​രി​ക്കാൻ കഴിയും! നിങ്ങൾക്ക്‌ ജീവൻ ലഭിക്കാൻ യഹോവ ആഗ്രഹി​ക്കു​ന്ന​തു​കൊണ്ട്‌ ശരിയായ നടപടി​കൾ സ്വീക​രി​ക്കാൻ അവൻ നിങ്ങളെ സഹായി​ക്കും.—2 പത്രോസ്‌ 3:9; യെഹെ​സ്‌ക്കേൽ 18:23.

52. മതം സംബന്ധിച്ച്‌ ജ്ഞാനപൂർവ്വ​ക​മായ ഒരു തെര​ഞ്ഞെ​ടു​പ്പു നടത്തു​ന്ന​തിന്‌ നിങ്ങൾക്ക്‌ എന്താവ​ശ്യ​മാണ്‌?

⁵² ഇപ്പോൾ നിങ്ങൾക്ക്‌ അടിയ​ന്തി​ര​മാ​യി ആവശ്യ​മാ​യി​രി​ക്കു​ന്നത്‌ സൂക്ഷ്‌മ​പ​രി​ജ്ഞാ​ന​മാണ്‌. (1 തിമൊ​ഥെ​യോസ്‌ 2:4; യോഹ​ന്നാൻ 17:3) നിങ്ങൾക്ക്‌ ഇത്‌ എവി​ടെ​നിന്ന്‌ ലഭിക്കും? ഏതു മതത്തി​ലും ഇത്‌ കണ്ടെത്താൻ കഴിയു​മോ? ഒരു പർവ്വത​ത്തി​ലെ എല്ലാ വഴിക​ളും പർവ്വത ശൃംഗ​ത്തി​ലേക്കു നയിക്കു​ന്ന​തു​പോ​ലെ എല്ലാ മതങ്ങളും ഒരേ ലക്ഷ്യത്തി​ലേക്കു നയിക്കു​ന്നു​വെന്ന്‌ ചിലർ പറയുന്നു. അവർ എത്ര തെററി​പ്പോ​യി​രി​ക്കു​ന്നു! ശരിയായ വഴി കണ്ടെത്തു​ന്ന​തിന്‌ പർവ്വതാ​രോ​ഹകർ ഭൂപടങ്ങൾ ഉപയോ​ഗി​ക്കു​ന്നു, അവർ വഴികാ​ട്ടി​കളെ കൂലിക്കു വിളി​ക്കു​ക​യും ചെയ്യുന്നു. അതു​പോ​ലെ, നിത്യ​ജീ​വ​നി​ലേക്കു നയിക്കുന്ന ഒരു സത്യമ​ത​മേ​യു​ളളു. അതു കണ്ടെത്തു​ന്ന​തിന്‌ മാർഗ്ഗ​നിർദ്ദേശം ആവശ്യ​മാണ്‌.—പ്രവൃ​ത്തി​കൾ 8:26-31.

53. (എ) നിത്യ​ജീ​വൻ നേടു​ന്ന​തിന്‌, നിങ്ങൾ എന്തു തുടർന്നു ചേയ്യേ​ണ്ട​താണ്‌? (ബി) നിങ്ങൾ സാത്താ​നിൽനി​ന്നു​ളള ഏതു പ്രലോ​ഭ​ന​ങ്ങളെ തരണം ചെയ്യേണ്ട ആവശ്യ​മു​ണ്ടാ​യി​രി​ക്കാം?

⁵³ നിങ്ങളെ സഹായി​ക്കാ​നാണ്‌ യഹോ​വ​യു​ടെ സാക്ഷികൾ ഈ ലഘുപ​ത്രിക പ്രദാനം ചെയ്‌തി​രി​ക്കു​ന്നത്‌. ഇപ്പോൾത്തന്നെ ചില അടിസ്ഥാന സത്യങ്ങൾ മനസ്സി​ലാ​ക്കാൻ ഇതു നിങ്ങളെ സഹായി​ച്ചി​രി​ക്കു​ന്നു, ഇല്ലേ? ഓരോ ആശയവും ദൈവ​ത്തി​ന്റെ നിശ്വ​സ്‌ത​വ​ച​ന​ത്തിൽ അധിഷ്‌ഠി​ത​മാ​ണെന്ന്‌ നിങ്ങൾ ഉറപ്പു​വ​രു​ത്തി​യി​ട്ടു​ണ്ടെ​ന്നു​ള​ള​തി​നു സംശയ​മില്ല. ഇപ്പോൾ നിങ്ങളു​ടെ ലക്ഷ്യത്തി​ലേക്കു പുരോ​ഗ​മി​ക്കു​ന്ന​തിന്‌ നിങ്ങൾ തുടർന്ന്‌ പഠി​ക്കേ​ണ്ട​താണ്‌. ഒരുവനെ സമുദാ​യ​ത്തി​ലെ ദൈനം​ദിന ജീവി​ത​ത്തിന്‌ യോഗ്യ​നാ​ക്കു​ന്ന​തിന്‌ ശരിയായ ലൗകിക വിദ്യാ​ഭ്യാ​സം ആവശ്യ​മാ​യി​രി​ക്കു​ന്ന​തു​പോ​ലെ, പരദീ​സാ​ഭൂ​മി​യിൽ ജീവി​ക്കാൻ അതിജീ​വി​ക്കുന്ന സമുദാ​യ​ത്തിൽ ചേരാൻ ഒരുവനെ സജ്ജനാ​ക്കു​ന്ന​തിന്‌ ശരിയായ ബൈബിൾ വിദ്യാ​ഭ്യാ​സം ആവശ്യ​മാണ്‌. (2 തിമൊ​ഥെ​യോസ്‌ 3:16, 17) ഉററ ചങ്ങാതി​മാർ നിങ്ങളെ എതിർക്കാൻ ഇടയാ​ക്കു​ന്ന​തി​നാ​ലോ സ്വാർത്ഥ ഭൗതിക വഴികൾ അഥവാ അധാർമ്മി​ക​വ​ഴി​കൾ സ്വീക​രി​ക്കാൻ നിങ്ങളെ പ്രലോ​ഭി​പ്പി​ക്കു​ന്ന​തി​നാ​ലോ നിങ്ങളെ വ്യതി​ച​ലി​പ്പി​ക്കാൻ സാത്താൻ ശ്രമി​ച്ചേ​ക്കാം. സാത്താന്‌ കീഴ്‌പ്പെ​ട​രുത്‌. നിങ്ങളു​ടെ സുരക്ഷ​യും നിങ്ങളു​ടെ​യും നിങ്ങളു​ടെ കുടും​ബ​ത്തി​ന്റെ​യും മുഴു​ഭാ​വി​യും ആശ്രയി​ച്ചി​രി​ക്കു​ന്നത്‌ നിങ്ങൾ  കൂടു​ത​ലാ​യി ബൈബിൾ പഠിക്കു​ന്ന​തി​നെ​യാണ്‌.—മത്തായി 10:36; 1 യോഹ​ന്നാൻ 2:15-17.

54. നിങ്ങളു​ടെ അയൽ പ്രദേ​ശത്ത്‌ വിദ്യാ​ഭ്യാ​സ​ത്തി​നു​വേണ്ടി ഏതു കൂടു​ത​ലായ കരുതൽ യഹോവ ചെയ്‌തി​ട്ടുണ്ട്‌?

⁵⁴ നിങ്ങളു​ടെ ഇപ്പോ​ഴത്തെ ബൈബി​ള​ദ്ധ്യ​യനം തുടരു​ന്ന​തി​നു​പു​റമേ, മറെറാ​രു വിധത്തി​ലും പഠിക്കാ​വു​ന്ന​താണ്‌. ബൈബിൾ വിദ്യാ​ഭ്യാ​സ​ത്തിൽ തത്‌പ​ര​രായ നിങ്ങളു​ടെ അയൽക്കാർ സ്ഥലത്തെ രാജ്യ​ഹാ​ളി​ലെ മീററിം​ഗു​കൾക്ക്‌ ക്രമമാ​യി ഹാജരാ​കു​ന്നുണ്ട്‌. ഹാജരാ​കു​ന്ന​വ​രെ​ല്ലാം ബൈബി​ളിൽനിന്ന്‌ പ്രബോ​ധനം സ്വീക​രി​ക്കു​ന്ന​തി​നാണ്‌ അവിടെ വരുന്നത്‌. അവർ മെച്ചപ്പെട്ട ആളുക​ളാ​യി​ത്തീ​രാൻ ആത്മാർത്ഥ​ശ്ര​മ​വും ചെയ്യുന്നു. “ജനങ്ങളേ വരുവിൻ, നമുക്ക്‌ യഹോ​വ​യു​ടെ പർവ്വത​ത്തി​ലേക്ക്‌ [അവന്റെ ആരാധ​നാ​സ്ഥലം] കയറി​പ്പോ​കാം . . . അവൻ തന്റെ വഴിക​ളെ​ക്കു​റി​ച്ചു നമ്മെ പഠിപ്പി​ക്കും, നാം അവന്റെ പാതക​ളിൽ നടക്കു​ക​യും ചെയ്യും” എന്നു പറഞ്ഞു​കൊണ്ട്‌ അവർ നവാഗ​തരെ സത്വരം സ്വാഗതം ചെയ്യുന്നു. (യെശയ്യാവ്‌ 2:3) ബൈബിൾ മീററിം​ഗു​കൾക്ക്‌ ഹാജരാ​കേ​ണ്ട​തി​ന്റെ നല്ല കാരണങ്ങൾ എബ്രായർ 10:24, 25-ൽ വിശദീ​ക​രി​ക്ക​പ്പെ​ട്ടി​രി​ക്കു​ന്നു. അതിങ്ങനെ വായി​ക്ക​പ്പെ​ടു​ന്നു: “ചിലരു​ടെ പതിവു​പോ​ലെ നമ്മുടെ കൂടി​വ​രവു ഉപേക്ഷി​ക്കാ​തെ അന്യോ​ന്യം പ്രോ​ത്സാ​ഹി​പ്പി​ച്ചു​കൊണ്ട്‌ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും പ്രചോ​ദി​പ്പി​ക്കാൻ നമുക്ക്‌ അന്യോ​ന്യം പരിഗ​ണി​ക്കാം, നാൾ സമീപി​ക്കു​ന്ന​താ​യി നിങ്ങൾ കാണു​മ്പോൾ പൂർവ്വാ​ധി​കം അങ്ങനെ ചെയ്യാം.”

55. (എ) യഹോ​വ​യു​ടെ സ്ഥാപനം ഏതു വിധങ്ങ​ളിൽ മററു​ള​ള​വ​യിൽനിന്ന്‌ വ്യത്യ​സ്‌ത​മാ​യി​രി​ക്കു​ന്നു? (ബി) മററു​ള​ള​വ​രിൽ നിന്ന്‌ വ്യത്യ​സ്‌ത​മാ​യി യഹോ​വ​യു​ടെ സാക്ഷികൾ ഏകീകൃ​ത​രാ​യി​രി​ക്കു​ന്ന​തെ​ങ്ങനെ?

⁵⁵ നിങ്ങൾ യഹോ​വ​യു​ടെ സ്ഥാപന​ത്തോ​ടു സഹവസി​ക്കു​മ്പോൾ, അവിടത്തെ അന്തരീക്ഷം ക്ഷേത്ര​ങ്ങ​ളി​ലെ​യും പളളി​ക​ളി​ലെ​യും അന്തരീ​ക്ഷ​ത്തിൽനിന്ന്‌ വളരെ വ്യത്യ​സ്‌ത​മാ​ണെന്ന്‌ നിങ്ങൾ കണ്ടെത്തും. പണത്തി​നാ​യു​ളള അഭ്യർത്ഥ​ന​യില്ല, അപവാ​ദ​പ്ര​ച​ര​ണ​മോ ശണ്‌ഠ​യോ ഇല്ല, കുടും​ബ​പ​ശ്ചാ​ത്ത​ല​മോ സാമ്പത്തി​ക​നി​ല​യോ നിമി​ത്ത​മു​ളള വിവേ​ച​ന​മില്ല. യഹോ​വ​യു​ടെ സാക്ഷി​ക​ളു​ടെ ഇടയിൽ ഏററം മുന്തി​നിൽക്കുന്ന ഗുണം സ്‌നേ​ഹ​മാണ്‌. ഒന്നാമ​താ​യി അവർ യഹോ​വയെ സ്‌നേ​ഹി​ക്കു​ന്നു, രണ്ടാമ​താ​യി അവർ മററുളള ആളുകളെ സ്‌നേ​ഹി​ക്കു​ന്നു, ഇവ സത്യ​ക്രി​സ്‌ത്യാ​നി​ക​ളു​ടെ ലക്ഷണങ്ങ​ളാണ്‌. (മത്തായി 22:37-39; യോഹ​ന്നാൻ 13:35) നിങ്ങൾ അവരുടെ മീററിം​ഗു​കൾക്കു ഹാജരാ​യി സ്വയം ഇത്‌ ഉറപ്പു​വ​രു​ത്തേ​ണ്ട​താണ്‌. അവരുടെ ഐക്യ​ത്തിൽ നിങ്ങൾക്ക്‌ മതിപ്പു​തോ​ന്നു​മെ​ന്നു​ള​ള​തിന്‌ സംശയ​മില്ല. ലോക​വ്യാ​പ​ക​മാ​യി 200-ൽ പരം രാജ്യ​ങ്ങ​ളിൽ മുപ്പതു ലക്ഷത്തി​ല​ധി​കം സാക്ഷി​ക​ളുണ്ട്‌. എന്നിരു​ന്നാ​ലും, ഭൂമി​യി​ലെ​ങ്ങു​മു​ളള സാക്ഷികൾ തങ്ങളുടെ യോഗ​ങ്ങ​ളിൽ ഒരേ പരിപാ​ടി​യാണ്‌ നടത്തു​ന്നത്‌. അനേകം ഭാഷക​ളിൽ ഒരേ സമയത്തു​ളള അച്ചടി നിമിത്തം ലോക​ത്തെ​മ്പാ​ടു​മു​ളള യഹോ​വ​യു​ടെ സാക്ഷി​ക​ളിൽ മിക്കവ​രും തങ്ങളുടെ പ്രതി​വാ​ര​യോ​ഗ​ങ്ങ​ളിൽ ഏതാനും മണിക്കൂ​റു​ക​ളു​ടെ വ്യത്യാ​സ​ത്തിൽ ഒരേ തിരു​വെ​ഴു​ത്തു​വി​ഷ​യ​ങ്ങ​ളാണ്‌  പഠിക്കു​ന്നത്‌. ഈ ഭിന്നിച്ച ലോക​ത്തിൽ യഹോ​വ​യു​ടെ സ്ഥാപന​ത്തി​ന്റെ ഐക്യം ഒരു ആധുനിക അത്ഭുത​മാണ്‌.

56. (എ) യഹോ​വ​യു​ടെ സ്ഥാപന​ത്തോ​ടു​ളള സഹവാ​സ​ത്തിൽ നിന്ന്‌ നിങ്ങൾക്ക്‌ എന്തു പ്രയോ​ജ​നങ്ങൾ ലഭിക്കാ​വു​ന്ന​താണ്‌? (ബി) പ്രശ്‌നങ്ങൾ പൊന്തി​വ​രു​മ്പോൾ നിങ്ങൾ എങ്ങനെ പ്രതി​ക​രി​ക്കണം? (സി) നിങ്ങളു​ടെ ജീവി​തത്തെ യഹോ​വ​യ്‌ക്കു സമർപ്പി​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

⁵⁶ നിങ്ങൾ യഹോ​വ​യു​ടെ ജനത്തോ​ടു ക്രമമാ​യി സഹവസി​ക്കു​മ്പോൾ, നിങ്ങൾ “പുതിയ വ്യക്തി​ത്വം” ധരിക്കു​ക​യും ആത്മാവി​ന്റെ ഫലമായ “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം” എന്നിവ നട്ടുവ​ളർത്തു​ക​യും ചെയ്യേ​ണ്ട​താ​വ​ശ്യ​മാ​യി​വ​രും. (കൊ​ലോ​സ്യർ 3:10, 12-14; ഗലാത്യർ 5:22, 23) ഇതു നിങ്ങൾക്ക്‌ ആഴമായ സംതൃ​പ്‌തി കൈവ​രു​ത്തും. നിങ്ങൾ ഒരു ദുഷിച്ച ലോക​ത്തിൽ ജീവി​ക്കു​ന്ന​തു​കൊ​ണ്ടും നിങ്ങളു​ടെ സ്വന്തം അപൂർണ്ണ​തകൾ നിമി​ത്ത​വും കാലാ​കാ​ല​ങ്ങ​ളിൽ നിങ്ങൾ പ്രശ്‌ന​ങ്ങളെ തരണം ചെയ്യേ​ണ്ടി​വ​ന്നേ​ക്കാം. എന്നാൽ യഹോവ നിങ്ങളെ സഹായി​ക്കും. തന്നെ പ്രസാ​ദി​പ്പി​ക്കാൻ ആത്മാർത്ഥ​മാ​യി ശ്രമി​ക്കു​ന്ന​വർക്ക്‌ അവന്റെ വചനം ഇങ്ങനെ ഉറപ്പു​നൽകു​ന്നു: “യാതൊ​ന്നി​നെ​ക്കു​റി​ച്ചും ഉൽക്കണ്‌ഠ​പ്പെ​ട​രുത്‌, എന്നാൽ എല്ലാറ​റി​ലും നന്ദി​പ്ര​ക​ട​ന​ത്തോ​ടെ പ്രാർത്ഥ​ന​യാ​ലും അഭ്യർത്ഥ​ന​യാ​ലും നിങ്ങളു​ടെ അപേക്ഷകൾ ദൈവത്തെ അറിയി​ക്കുക, സകല ചിന്ത​യെ​ക്കാ​ളും മികച്ചു​നിൽക്കുന്ന ദൈവ​സ​മാ​ധാ​നം ക്രിസ്‌തു​യേശു മുഖേന നിങ്ങളു​ടെ ഹൃദയ​ങ്ങ​ളെ​യും മാനസി​ക​ശ​ക്തി​ക​ളെ​യും കാക്കും.” (ഫിലി​പ്യർ 4:6, 7) നിങ്ങൾ യഹോ​വ​യു​ടെ സ്‌നേ​ഹ​ത്താൽ ആകർഷി​ക്ക​പ്പെ​ടും, തന്നിമി​ത്തം നിങ്ങൾ അവനെ സേവി​ക്കാ​നാ​ഗ്ര​ഹി​ക്കും. ഈ സ്‌നേ​ഹ​വാ​നായ ദൈവ​ത്തിന്‌ നിങ്ങളു​ടെ ജീവനെ എങ്ങനെ സമർപ്പി​ക്കാൻ കഴിയു​മെ​ന്നും അവന്റെ അനുഗൃ​ഹീത സാക്ഷി​ക​ളി​ലൊ​രാ​ളാ​യി​ത്തീ​രാൻ എങ്ങനെ കഴിയു​മെ​ന്നും നിങ്ങളെ കാണി​ച്ചു​ത​രാൻ യഹോ​വ​യു​ടെ സാക്ഷി​കൾക്കു സന്തോ​ഷ​മു​ണ്ടാ​യി​രി​ക്കും. (സങ്കീർത്തനം 104:33; ലൂക്കോസ്‌ 9:23) അതെ, അത്‌ ഒരു പദവി​യാണ്‌. ചിന്തി​ക്കുക! യഹോ​വ​യു​ടെ ഒരു ആരാധ​ക​നെന്ന നിലയിൽ നിങ്ങൾക്ക്‌ ഇവിടെ ഭൂമി​യി​ലെ ഒരു പരദീ​സ​യി​ലെ നിത്യ​ജീ​വൻ എന്ന ലാക്ക്‌ എത്തിപ്പി​ടി​ക്കാൻ കഴിയും.—സെഫന്യാവ്‌ 2:3; യെശയ്യാവ്‌ 25:6, 8.

57. (എ) പുതിയ വ്യവസ്ഥി​തി​യിൽ ദൈവ​വും മനുഷ്യ​വർഗ്ഗ​വും തമ്മിൽ ഏത്‌ ഉററബന്ധം ഉണ്ടായി​രി​ക്കും? (ബി) നിങ്ങൾക്ക്‌ അന്ന്‌ ആസ്വദി​ക്കാ​വുന്ന ചില അനു​ഗ്ര​ഹ​ങ്ങ​ളേവ?

⁵⁷ ആ സ്ഥിതിക്ക്‌, പഠിക്കു​ന്ന​തി​ലും, യഹോ​വ​യാം ദൈവ​ത്തെ​യും അവന്റെ പുത്ര​നെ​യും നീതി​നി​ഷ്‌ഠ​മായ സ്വർഗ്ഗീ​യ​ഗ​വൺമെൻറി​നെ​യും കുറി​ച്ചു​ളള വിലമ​തി​പ്പി​ലും സ്‌നേ​ഹ​ത്തി​ലും വളരു​ന്ന​തി​ലും, തുടരുക. ദൈവ​ത്തി​ന്റെ ഗവൺമെൻറി​നെ​യും അത്‌ മനുഷ്യ​വർഗ്ഗ​ത്തിൻമേൽ വർഷി​ക്കുന്ന അനു​ഗ്ര​ഹ​ങ്ങ​ളെ​യും വർണ്ണി​ക്കു​മ്പോൾ ബൈബിൾ പ്രവചനം ഇങ്ങനെ പറയുന്നു: “നോക്കൂ! ദൈവ​ത്തി​ന്റെ കൂടാരം മനുഷ്യ​രോ​ടു​കൂ​ടെ ആകുന്നു, അവൻ അവരോ​ടു​കൂ​ടെ വസിക്കും, അവർ അവന്റെ ജനങ്ങളാ​യി​രി​ക്കും. ദൈവം​തന്നെ അവരോ​ടു​കൂ​ടെ  ഇരിക്കും.” ഇന്നത്തെ വിനാശക സ്വാർത്ഥ മനുഷ്യ​ഭ​ര​ണ​ത്തി​നു വളരെ മീതെ ഉയർന്നി​രി​ക്കുന്ന “ദൈവം​തന്നെ” ആ പുതിയ വ്യവസ്ഥി​തി​യിൽ തന്നെ സ്‌നേ​ഹി​ക്കു​ക​യും ആരാധി​ക്കു​ക​യും ചെയ്യുന്ന എല്ലാവ​രോ​ടും, ഒരു ദയാലു​വായ പിതാ​വെന്ന നിലയിൽ, വളരെ അടുത്തി​രി​ക്കും. തീർച്ച​യാ​യും, യഹോ​വ​യാം ദൈവ​ത്തി​ന്റെ സത്യാ​രാ​ധ​ന​യായ ഏക മതമേ ഉണ്ടായി​രി​ക്കു​ക​യു​ളളു. അവന്റെ ആരാധകർ മക്കൾക്കു പിതാ​വി​നോ​ടു​ളള ഉററബന്ധം ആസ്വദി​ക്കു​ന്ന​താ​യി​രി​ക്കും. താൻ എന്തോരു സ്‌നേ​ഹ​നി​ധി​യായ പിതാ​വാ​ണെന്ന്‌ അവൻ തെളി​യി​ക്കും! “അവൻ അവരുടെ കണ്ണുക​ളിൽ നിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മേലാൽ മരണം ഉണ്ടായി​രി​ക്കു​ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്കു​ക​യില്ല. പൂർവ്വ​കാ​ര്യ​ങ്ങൾ നീങ്ങി​പ്പോ​യി​രി​ക്കു​ന്നു.”—വെളി​പ്പാട്‌ 21:3, 4.

58. യഹോവ ‘സകലവും പുതു​താ​ക്കു’മെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

⁵⁸ അങ്ങനെ പൂർണ്ണ​ത​യു​ളള ഒരു സ്വർഗ്ഗീയ ഗവൺമെൻറിൻ കീഴിൽ ഒരു പരദീ​സാ​ഭൂ​മി സ്ഥാപി​ക്കു​ക​യെന്ന മഹത്തായ അത്ഭുതം നിറ​വേ​റും. സൂര്യൻ നാളെ ഉദിക്കു​ക​യും അസ്‌ത​മി​ക്കു​ക​യും ചെയ്യു​മെന്ന വസ്‌തു​ത​പോ​ലെ അതു തീർച്ച​യാണ്‌. എന്തു​കൊ​ണ്ടെ​ന്നാൽ ആകാശ​ത്തി​ന്റെ​യും ഭൂമി​യു​ടെ​യും സ്രഷ്ടാ​വായ യഹോ​വ​യാം ദൈവ​ത്തി​ന്റെ വാഗ്‌ദ​ത്തങ്ങൾ എന്നും “വിശ്വ​സ്‌ത​വും സത്യവു”മാകുന്നു. അവനാണ്‌ സ്വർഗ്ഗ​ത്തി​ലെ തന്റെ സിംഹാ​സ​ന​ത്തിൽനിന്ന്‌ “നോക്കൂ! ഞാൻ സകലവും പുതു​താ​ക്കു​ന്നു” എന്ന്‌ പ്രഖ്യാ​പി​ക്കു​ന്നത്‌.—വെളി​പ്പാട്‌ 21:5.

ഈ ലഘുപ​ത്രിക പുനര​വ​ലോ​കനം ചെയ്യു​മ്പോൾ, ചുവടെ ചേർത്തി​രി​ക്കുന്ന ചോദ്യ​ങ്ങൾക്ക്‌ നിങ്ങൾ എങ്ങനെ ഉത്തരം നൽകും?

ബൈബിൾ ഏതു വിധങ്ങ​ളിൽ മുന്തി​നിൽക്കു​ന്നു?

നിങ്ങൾ ദൈവ​ത്തെ​ക്കു​റിച്ച്‌ എന്തു പഠിച്ചു?

ക്രിസ്‌തുയേശു ആരാണ്‌?

പിശാചായ സാത്താൻ ആരാണ്‌?

ദൈവം ദുഷ്ടത അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌?

മനുഷ്യൻ മരിക്കു​ന്ന​തെ​ന്തു​കൊണ്ട്‌?

മരിച്ചവരുടെ അവസ്ഥ എന്ത്‌?

മോചനദ്രവ്യം എന്നാൽ എന്ത്‌?

പുനരുത്ഥാനം എവിടെ, എങ്ങനെ, നടക്കുന്നു?

രാജ്യം എന്നാൽ എന്ത്‌, അത്‌ എന്തു സാധി​ക്കും?

“വ്യവസ്ഥി​തി​യു​ടെ സമാപ​ന​ത്തി​ന്റെ” “അടയാളം” എന്ത്‌?

നിങ്ങൾക്ക്‌ പരദീ​സ​യി​ലെ നിത്യ​ജീ​വ​നു​വേണ്ടി എങ്ങനെ ഒരുങ്ങാൻ കഴിയും?

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[13-ാം പേജിലെ ചിത്രങ്ങൾ]

സൃഷ്ടിയിൽ, മനുഷ്യൻ മൃഗങ്ങ​ളെ​ക്കാൾ ഉയർന്ന​വ​നാണ്‌

[18-ാം പേജിലെ ചിത്രങ്ങൾ]

യേശു പൂർണ്ണ മനുഷ്യ​നായ ആദാമിന്‌ തുല്യ​നാ​യി​രു​ന്നു