ആരോഹണഗീതം
120 മുതൽ 134 വരെയുള്ള സങ്കീർത്തനങ്ങളുടെ മേലെഴുത്ത്. ഈ പ്രയോഗത്തിന്റെ അർഥത്തെക്കുറിച്ച് പല അഭിപ്രായങ്ങളുണ്ട്. എങ്കിലും ഈ 15 സങ്കീർത്തനങ്ങളും മൂന്നു വലിയ വാർഷികോത്സവങ്ങളിൽ പങ്കെടുക്കാനായി ഇസ്രായേല്യർ യഹൂദാമലനിരകളിലെ യരുശലേമിലേക്ക് ‘ആരോഹണം ചെയ്യുമ്പോൾ,’ അതായത് കയറ്റം കയറിപ്പോകുമ്പോൾ, സന്തോഷത്തോടെ ആലപിച്ചിരുന്നതാണെന്നു മിക്കവരും കരുതുന്നു.