മേൽവിചാരകൻ
ഉണർന്നിരുന്ന് സഭയെ സംരക്ഷിക്കുന്നതും മേയ്ക്കുന്നതും ആണ് ഒരു മേൽവിചാരകന്റെ മുഖ്യമായ ഉത്തരവാദിത്വം. ഇതിന്റെ ഗ്രീക്കുപദമായ എപ്പിസ്കോപ്പോസ് എന്നതിന്റെ അടിസ്ഥാനാശയം സംരക്ഷണം നൽകാനായി മേൽനോട്ടം വഹിക്കുക എന്നാണ്. “മേൽവിചാരകൻ,” “മൂപ്പൻ” (പ്രെസ്ബിറ്റെറോസ്) എന്നീ പദങ്ങൾ ക്രിസ്തീയസഭയിൽ ഒരേ പദവിയെയാണു കുറിക്കുന്നത്. “മൂപ്പൻ” എന്ന പദം നിയമിതവ്യക്തിയുടെ പക്വത തെളിയിക്കുന്ന ഗുണങ്ങളെയും “മേൽവിചാരകൻ” എന്ന പദം അദ്ദേഹത്തിന്റെ ഉത്തരവാദിത്വങ്ങളെയും അർഥമാക്കുന്നു.—പ്രവൃ 20:28; 1തിമ 3:2-7; 1പത്ര 5:2.