ഭാഗം 9—ആമുഖം
യഹോവയിൽ അസാധാരണമായ വിശ്വാസം കാണിച്ച ചെറുപ്പക്കാരെയും പ്രവാചകന്മാരെയും രാജാക്കന്മാരെയും കുറിച്ചാണ് ഈ ഭാഗം നമ്മളെ പഠിപ്പിക്കുന്നത്. നയമാനെ യഹോവയുടെ പ്രവാചകൻ സുഖപ്പെടുത്തുമെന്നു സിറിയയിലുള്ള ഒരു ഇസ്രായേല്യപെൺകുട്ടിക്കു വിശ്വാസമുണ്ടായിരുന്നു. ശത്രുസൈന്യത്തിൽനിന്ന് യഹോവ തന്നെ രക്ഷിക്കുമെന്ന് എലീശ പ്രവാചകൻ ഉറച്ചുവിശ്വസിച്ചു. മുത്തശ്ശിയായ അഥല്യ എന്ന ദുഷ്ടസ്ത്രീയിൽനിന്ന് യഹോവാശ് എന്ന കുട്ടിയെ സംരക്ഷിക്കാൻ മഹാപുരോഹിതനായ യഹോയാദ തന്റെ ജീവൻ പണയപ്പെടുത്തി. യരുശലേമിനെ യഹോവ സംരക്ഷിക്കുമെന്ന് ഹിസ്കിയ രാജാവ് വിശ്വസിച്ചു; അദ്ദേഹം അസീറിയക്കാരുടെ ഭീഷണിക്കു വഴങ്ങിക്കൊടുത്തില്ല. യോശിയ രാജാവ് ദേശത്തുനിന്ന് വിഗ്രഹാരാധന തുടച്ചുനീക്കി, ആലയം പുനഃസ്ഥാപിച്ചു, ജനതയെ വീണ്ടും സത്യാരാധനയിലേക്കു കൊണ്ടുവന്നു.
ഈ വിഭാഗത്തിൽ
പാഠം 51
യോദ്ധാവും ചെറിയ പെൺകുട്ടിയും
ഒരു ഇസ്രായേല്യപെൺകുട്ടി യഹോവയുടെ മഹാശക്തിയെക്കുറിച്ച് യജമാനത്തിയോടു പറയുന്നു. അതിന്റെ ഫലം അതിശയിപ്പിക്കുന്നതായിരുന്നു.
പാഠം 52
യഹോവയുടെ അഗ്നിസേന
‘അവരോടുകൂടെയുള്ളതിനെക്കാൾ അധികം പേർ നമ്മളോടുകൂടെയുണ്ട്’ എന്ന് എലീശയുടെ ദാസൻ മനസ്സിലാക്കുന്നത് എങ്ങനെ?
പാഠം 53
യഹോയാദയുടെ ധൈര്യം
ഒരു ദുഷ്ടരാജ്ഞിക്കെതിരെ വിശ്വസ്തനായ ഒരു പുരോഹിതൻ ഉറച്ചനിലപാടെടുക്കുന്നു.
പാഠം 54
യോനയോട് യഹോവ ക്ഷമ കാണിച്ചു
ഒരു കൂറ്റൻ മത്സ്യം ദൈവത്തിന്റെ ഒരു പ്രവാചകനെ വിഴുങ്ങാൻ ഇടയായത് എങ്ങനെ? അതിന്റെ വായിൽനിന്ന് യോന രക്ഷപ്പെട്ടത് എങ്ങനെ? എന്തു പാഠമാണ് യഹോവ യോനയെ പഠിപ്പിച്ചത്?
പാഠം 55
യഹോവയുടെ ദൂതൻ ഹിസ്കിയയെ സംരക്ഷിച്ചു
യഹോവ തന്റെ ജനത്തെ സംരക്ഷിക്കില്ലെന്ന് ശത്രുക്കൾ പറയുന്നു, പക്ഷേ അവർക്കു തെറ്റി!
പാഠം 56
ദൈവനിയമം പ്രിയപ്പെട്ട യോശിയ
എട്ടാം വയസ്സിൽ രാജാവാകുന്ന യോശിയ യഹോവയെ ആരാധിക്കാൻ ജനത്തെ സഹായിക്കുന്നു.