യേശു ക്ഷീണം മാറ്റാ​നാ​യി ശമര്യ​യി​ലെ ഒരു കിണറി​ന​രി​കെ വന്നിരി​ക്കു​ക​യാണ്‌. അവന്റെ ശിഷ്യ​ന്മാർ ആഹാരം വാങ്ങാൻ പട്ടണത്തി​ലേ​ക്കു പോയി​രി​ക്കു​ന്നു. യേശു സംസാ​രി​ക്കു​ന്ന സ്‌ത്രീ വെള്ളം കോരാൻ വന്നതാണ്‌. ‘എനിക്ക്‌ അൽപ്പം കുടി​ക്കാൻ തരേണം’ എന്ന്‌ അവൻ അവളോ​ടു പറയുന്നു.

ഇത്‌ ആ സ്‌ത്രീ​യെ വളരെ​യേ​റെ ആശ്ചര്യ​പ്പെ​ടു​ത്തു​ന്നു. എന്തായി​രി​ക്കും കാരണം? യേശു ഒരു യഹൂദ​നും അവൾ ഒരു ശമര്യ​ക്കാ​രി​യും ആണ്‌ എന്നതു​ത​ന്നെ. യഹൂദ​രിൽ മിക്കവർക്കും ശമര്യ​ക്കാ​രെ ഇഷ്ടമല്ല. അവർ അവരോ​ടു മിണ്ടു​ക​പോ​ലു​മി​ല്ല! എന്നാൽ യേശു എല്ലാത്തരം ആളുക​ളെ​യും സ്‌നേ​ഹി​ക്കു​ന്നു. അതു​കൊണ്ട്‌ അവൻ ഇങ്ങനെ പറയുന്നു: ‘നിന്നോ​ടു വെള്ളം ചോദി​ക്കു​ന്നത്‌ ആരാ​ണെ​ന്നു നീ അറിഞ്ഞി​രു​ന്നെ​ങ്കിൽ നീ അവനോ​ടു ചോദി​ക്കു​ക​യും അവൻ ജീവൻ നൽകുന്ന വെള്ളം നിനക്കു തരുക​യും ചെയ്യു​മാ​യി​രു​ന്നു.’

‘യജമാ​ന​നേ, കിണറ്‌ ആഴമു​ള്ള​താണ്‌. അങ്ങേക്ക്‌ ഒരു തൊട്ടി​പോ​ലു​മി​ല്ല. അപ്പോൾപ്പി​ന്നെ എവി​ടെ​നി​ന്നാണ്‌ അങ്ങേക്ക്‌ ഈ ജീവദാ​യ​ക​മാ​യ വെള്ളം ലഭിക്കു​ന്നത്‌?’ എന്നു സ്‌ത്രീ പറയുന്നു.

‘ഈ കിണറ്റി​ലെ വെള്ളം കുടി​ച്ചാൽ നിനക്കു പിന്നെ​യും ദാഹി​ക്കും. എന്നാൽ ഞാൻ തരുന്ന വെള്ളത്തിന്‌ ഒരുവനെ എന്നേക്കും ജീവി​പ്പി​ക്കാൻ കഴിയും’ എന്ന്‌ യേശു വിശദീ​ക​രി​ക്കു​ന്നു.

‘യജമാ​ന​നേ, ആ വെള്ളം എനിക്കു തരേണം! അപ്പോൾ പിന്നെ ഒരിക്ക​ലും എനിക്കു ദാഹി​ക്കു​ക​യി​ല്ല​ല്ലോ. വെള്ളം കോരാൻ ഇവിടെ വരേണ്ടി വരിക​യു​മി​ല്ല’ എന്ന്‌ സ്‌ത്രീ പറയുന്നു.

യേശു ശരിക്കു​മു​ള്ള വെള്ള​ത്തെ​ക്കു​റി​ച്ചാ​ണു പറയു​ന്ന​തെന്ന്‌ സ്‌ത്രീ വിചാ​രി​ക്കു​ന്നു. എന്നാൽ അവൻ ദൈവ​ത്തെ​യും അവന്റെ രാജ്യ​ത്തെ​യും സംബന്ധിച്ച സത്യ​ത്തെ​ക്കു​റി​ച്ചാ​ണു സംസാ​രി​ക്കു​ന്നത്‌. ഈ സത്യം ജീവദാ​യ​ക​മാ​യ വെള്ളം പോ​ലെ​യാണ്‌. ഒരു വ്യക്തിക്കു നിത്യ​ജീ​വൻ നൽകാൻ അതിനു കഴിയും.

യേശു ഇപ്പോൾ ആ സ്‌ത്രീ​യോട്‌ “പോയി ഭർത്താ​വി​നെ വിളി​ച്ചു​കൊ​ണ്ടു​വ​രിക” എന്നു പറയുന്നു.

‘എനിക്കു ഭർത്താ​വി​ല്ല’ എന്ന്‌ അവൾ മറുപടി പറയുന്നു.

‘നീ പറഞ്ഞതു ശരിയാണ്‌. എന്നാൽ നിനക്ക്‌ അഞ്ചു ഭർത്താ​ക്ക​ന്മാർ ഉണ്ടായി​രു​ന്നു, ഇപ്പോൾ നിന്റെ കൂടെ താമസി​ക്കു​ന്ന​വൻ നിന്റെ ഭർത്താവല്ല’ എന്ന്‌ യേശു പറയുന്നു.

ഇതെല്ലാം സത്യമാ​യ​തു​കൊണ്ട്‌ സ്‌ത്രീക്ക്‌ വലിയ അത്ഭുതം തോന്നു​ന്നു. യേശു ഈ കാര്യ​ങ്ങ​ളെ​ല്ലാം അറിഞ്ഞത്‌ എങ്ങനെ​യാണ്‌? ദൈവം വാഗ്‌ദാ​നം ചെയ്‌തി​രു​ന്നത്‌ അനുസ​രിച്ച്‌ അവൻ ഭൂമി​യി​ലേക്ക്‌ അയച്ചവ​നാണ്‌ യേശു, അതു​കൊണ്ട്‌ ദൈവം​ത​ന്നെ​യാണ്‌ അവന്‌ ഈ വിവരങ്ങൾ വെളി​പ്പെ​ടു​ത്തി​ക്കൊ​ടു​ത്തത്‌. ഈ സമയത്ത്‌ യേശു​വി​ന്റെ ശിഷ്യ​ന്മാർ മടങ്ങി​വ​രു​ന്നു. യേശു ഒരു ശമര്യ​സ്‌ത്രീ​യോ​ടു സംസാ​രി​ക്കു​ന്ന​തു കണ്ട്‌ അവർ ആശ്ചര്യ​പ്പെ​ടു​ന്നു.

ഇതിൽനി​ന്നെ​ല്ലാം നാം എന്താണു പഠിക്കു​ന്നത്‌? യേശു എല്ലാ വർഗക്കാ​രോ​ടും ദയയു​ള്ള​വ​നാ​ണെന്ന്‌ അതു കാണി​ക്കു​ന്നു. നമ്മളും അങ്ങനെ ആയിരി​ക്ക​ണം. ചിലയാ​ളു​കൾ ഒരു പ്രത്യേക വർഗത്തിൽപ്പെ​ട്ട​വർ ആയതു​കൊ​ണ്ടു മാത്രം അവർ മോശ​ക്കാ​രാ​ണെ​ന്നു നാം വിചാ​രി​ക്ക​രുത്‌. നിത്യ​ജീ​വ​നി​ലേ​ക്കു നയിക്കുന്ന സത്യം സകല ആളുക​ളും അറിയ​ണ​മെന്ന്‌ യേശു ആഗ്രഹി​ക്കു​ന്നു. സത്യം മനസ്സി​ലാ​ക്കാൻ ആളുകളെ സഹായി​ക്കാൻ നാമും ആഗ്രഹി​ക്കേ​ണ്ട​താണ്‌.