ഒലീവ്‌ മലയിൽ ഇരിക്കുന്ന യേശു​വി​നെ​യാണ്‌ നാം ഇവിടെ കാണു​ന്നത്‌. അവന്റെ കൂടെ​യു​ള്ള നാലു പുരു​ഷ​ന്മാർ അവന്റെ അപ്പൊ​സ്‌ത​ല​ന്മാ​രാണ്‌. അവരിൽ രണ്ടു പേർ സഹോ​ദ​ര​ന്മാ​രാ​യ അന്ത്രെ​യാ​സും പത്രൊ​സും ആണ്‌. മറ്റേ രണ്ടു പേരാ​ക​ട്ടെ സഹോ​ദ​ര​ന്മാ​രാ​യ യാക്കോ​ബും യോഹ​ന്നാ​നും. അവിടെ അകലെ​യാ​യി കാണു​ന്നത്‌ യെരൂ​ശ​ലേ​മി​ലെ ദേവാ​ല​യ​മാണ്‌.

യേശു കഴുത​ക്കു​ട്ടി​യു​ടെ പുറത്തു കയറി യെരൂ​ശ​ലേ​മി​ലേ​ക്കു സവാരി ചെയ്‌തിട്ട്‌ രണ്ടു ദിവസം കഴിഞ്ഞി​രി​ക്കു​ന്നു. ഇതു ചൊവ്വാ​ഴ്‌ച​യാണ്‌. കുറെ സമയം മുമ്പ്‌ യേശു ആലയത്തി​ലാ​യി​രു​ന്നു. അവി​ടെ​വെച്ച്‌ പുരോ​ഹി​ത​ന്മാർ യേശു​വി​നെ പിടി​കൂ​ടി കൊല്ലാൻ ശ്രമിച്ചു. എന്നാൽ ജനങ്ങൾ യേശു​വി​നെ ഇഷ്ടപ്പെ​ടു​ന്ന​തു​കൊണ്ട്‌ ഇതു ചെയ്യാൻ അവർക്കു പേടി​യാ​യി​രു​ന്നു.

‘പാമ്പു​ക​ളേ, പാമ്പു​ക​ളു​ടെ സന്തതി​ക​ളേ!’ എന്ന്‌ യേശു ആ മതനേ​താ​ക്ക​ന്മാ​രെ വിളിച്ചു. അവർ ചെയ്‌തി​ട്ടു​ള്ള സകല ദുഷ്ടത​യ്‌ക്കു​മു​ള്ള ശിക്ഷ ദൈവം അവർക്കു നൽകു​മെന്ന്‌ അവൻ പറഞ്ഞു. അതു കഴിഞ്ഞ്‌ യേശു ഒലീവ്‌ മലയിൽ വന്നു; അപ്പോൾ ഈ നാല്‌ അപ്പൊ​സ്‌ത​ല​ന്മാർ വന്ന്‌ അവനോ​ടു ചില ചോദ്യ​ങ്ങൾ ചോദി​ക്കാൻ തുടങ്ങി. അവർ യേശു​വി​നോ​ടു ചോദി​ക്കു​ന്നത്‌ എന്താ​ണെന്ന്‌ അറിയാ​മോ?

ഭാവി​യിൽ നടക്കാൻ പോകുന്ന കാര്യ​ങ്ങ​ളെ​ക്കു​റി​ച്ചാണ്‌ അപ്പൊ​സ്‌ത​ല​ന്മാർ ചോദി​ക്കു​ന്നത്‌. യേശു ഭൂമി​യി​ലെ സകല ദുഷ്ടത​യ്‌ക്കും അവസാനം വരുത്തു​മെന്ന്‌ അവർക്ക​റി​യാം. എന്നാൽ ഇത്‌ എപ്പോൾ സംഭവി​ക്കു​മെന്ന്‌ അറിയാൻ അവർ ആഗ്രഹി​ക്കു​ന്നു. യേശു രാജാ​വാ​യി വരുന്നത്‌ എപ്പോ​ഴാ​യി​രി​ക്കും?

താൻ രാജാ​വാ​യി വരു​മ്പോൾ ഭൂമി​യി​ലു​ള്ള തന്റെ അനുഗാ​മി​കൾക്ക്‌ തന്നെ കാണാൻ കഴിയി​ല്ലെന്ന്‌ യേശു​വിന്‌ അറിയാം. ഇതിന്റെ കാരണം അവൻ സ്വർഗ​ത്തിൽ ആയിരി​ക്കു​മെ​ന്നു​ള്ള​താണ്‌. അവർക്ക്‌ അവനെ അവിടെ കാണാൻ സാധ്യമല്ല. അതു​കൊണ്ട്‌ താൻ സ്വർഗ​ത്തിൽ രാജാ​വാ​യി ഭരിക്കു​മ്പോൾ ഭൂമി​യിൽ സംഭവി​ക്കാൻ പോകുന്ന ചില കാര്യ​ങ്ങ​ളെ​ക്കു​റിച്ച്‌ യേശു തന്റെ അപ്പൊ​സ്‌ത​ല​ന്മാ​രോ​ടു പറയുന്നു. ഈ കാര്യ​ങ്ങ​ളിൽ ചിലത്‌ ഏവയാണ്‌?

വലിയ യുദ്ധങ്ങൾ നടക്കു​മെ​ന്നും രോഗ​വും പട്ടിണി​യും കുറ്റകൃ​ത്യ​വും പെരു​കു​മെ​ന്നും വലിയ ഭൂകമ്പങ്ങൾ ഉണ്ടാകു​മെ​ന്നും യേശു പറയുന്നു. ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടു​മെ​ന്നും യേശു പറയുന്നു. ഈ സംഗതി​കൾ നമ്മുടെ കാലത്തു സംഭവി​ക്കു​ന്ന​തു നമുക്കു കാണാ​നാ​കു​ന്നി​ല്ലേ? തീർച്ച​യാ​യും! അതു​കൊണ്ട്‌ യേശു ഇപ്പോൾ സ്വർഗ​ത്തിൽ ഭരിച്ചു​കൊ​ണ്ടി​രി​ക്കു​ക​യാ​ണെന്ന്‌ നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും. പെട്ടെ​ന്നു​ത​ന്നെ അവൻ ഭൂമി​യി​ലെ സകല ദുഷ്ടത​യ്‌ക്കും അവസാനം വരുത്തും.