അപ്പൊ​സ്‌ത​ല​നാ​യ പൗലൊ​സി​ന്റെ കൂടെ​യു​ള്ള ആ ചെറു​പ്പ​ക്കാ​രൻ തിമൊ​ഥെ​യൊസ്‌ ആണ്‌. തന്റെ കുടും​ബാം​ഗ​ങ്ങ​ളോ​ടൊ​പ്പം ലുസ്‌ത്ര​യി​ലാണ്‌ അവൻ താമസി​ക്കു​ന്നത്‌. അവന്റെ അമ്മയുടെ പേര്‌ യൂനിക്ക എന്നും വല്യമ്മ​യു​ടെ പേര്‌ ലോവിസ്‌ എന്നുമാണ്‌.

പൗലൊസ്‌ ലുസ്‌ത്ര​യിൽ വരുന്നത്‌ ഇതു മൂന്നാം തവണയാണ്‌. ഏകദേശം ഒരു വർഷം മുമ്പാണ്‌ പൗലൊസ്‌ ബർന്നബാ​സി​നെ​യും കൂട്ടി ആദ്യത്തെ പ്രസംഗ പര്യട​ന​ത്തിന്‌ ഇവിടെ വന്നത്‌. ഇപ്പോൾ പൗലൊസ്‌ വീണ്ടും മടങ്ങി​വ​ന്നി​രി​ക്കു​ക​യാണ്‌, ഇത്തവണ കൂട്ടു​കാ​ര​നാ​യ ശീലാ​സാണ്‌ കൂടെ​യു​ള്ളത്‌.

പൗലൊസ്‌ തിമൊ​ഥെ​യൊ​സി​നോട്‌ എന്താണു പറയു​ന്നത്‌ എന്ന്‌ ഊഹി​ക്കാ​മോ? ‘എന്റെയും ശീലാ​സി​ന്റെ​യും കൂടെ പോരാൻ നിനക്ക്‌ ഇഷ്ടമാ​ണോ?’ അവൻ ചോദി​ക്കു​ന്നു. ‘ദൂര​ദേ​ശ​ങ്ങ​ളി​ലു​ള്ള ആളുക​ളോ​ടു പ്രസം​ഗി​ക്കു​ന്ന​തിന്‌ നിന്റെ സഹായം ഉണ്ടെങ്കിൽ നന്നായി​രു​ന്നു.’

‘എനിക്കു വരാൻ ഇഷ്ടമാണ്‌,’ തിമൊ​ഥെ​യൊസ്‌ പറയുന്നു. പെട്ടെ​ന്നു​ത​ന്നെ അവൻ വീടു​വിട്ട്‌ പൗലൊ​സി​ന്റെ​യും ശീലാ​സി​ന്റെ​യും കൂടെ പോകു​ന്നു. എന്നാൽ അവരുടെ യാത്ര​യെ​ക്കു​റി​ച്ചു പഠിക്കു​ന്ന​തി​നു​മുമ്പ്‌, പൗലൊസ്‌ ഇത്രയും കാലം എന്തു ചെയ്യു​ക​യാ​യി​രു​ന്നു​വെന്നു നമുക്കു നോക്കാം. ദമസ്‌കൊ​സി​ലേ​ക്കു പോകുന്ന വഴിക്ക്‌ യേശു അവനു പ്രത്യ​ക്ഷ​പ്പെ​ട്ടിട്ട്‌ 17 വർഷം കഴിഞ്ഞി​രി​ക്കു​ന്നു.

പൗലൊസ്‌ ദമസ്‌കൊ​സി​ലേ​ക്കു പോയത്‌ ക്രിസ്‌തു​വി​ന്റെ ശിഷ്യ​ന്മാ​രെ ഉപദ്ര​വി​ക്കാ​നാ​യി​രു​ന്നു എന്ന കാര്യം ഓർക്കു​ന്നു​ണ്ട​ല്ലോ, അല്ലേ? എന്നാൽ ഇപ്പോൾ അവൻതന്നെ ഒരു ശിഷ്യ​നാ​യി​ത്തീർന്നി​രി​ക്കു​ന്നു! യേശു​വി​നെ​ക്കു​റി​ച്ചുള്ള അവന്റെ പഠിപ്പി​ക്ക​ലു​കൾ ഇഷ്ടമല്ലാത്ത ചില ശത്രുക്കൾ അവനെ കൊല്ലാൻ ആലോ​ചി​ക്കു​ന്നു. എന്നാൽ രക്ഷപ്പെ​ടാൻ ശിഷ്യ​ന്മാർ പൗലൊ​സി​നെ സഹായി​ക്കു​ന്നു. അവർ അവനെ ഒരു കുട്ടയി​ലാ​ക്കി പട്ടണമ​തി​ലി​നു പുറത്ത്‌ എത്തിക്കു​ന്നു.

പിന്നീട്‌ പ്രസം​ഗ​വേല തുടരാൻ പൗലൊസ്‌ അന്ത്യൊ​ക്ക്യ​യി​ലേ​ക്കു പോകു​ന്നു. യേശു​വി​ന്റെ ശിഷ്യ​ന്മാർ ക്രിസ്‌ത്യാ​നി​കൾ എന്ന്‌ ആദ്യമാ​യി വിളി​ക്ക​പ്പെട്ട സ്ഥലമാണ്‌ അത്‌. തുടർന്ന്‌ പൗലൊ​സും ബർന്നബാ​സും വിദൂര സ്ഥലങ്ങളിൽ സുവാർത്ത പ്രസം​ഗി​ക്കാൻ പോകു​ന്നു. അവർ പോകുന്ന പട്ടണങ്ങ​ളി​ലൊന്ന്‌ ലുസ്‌ത്ര ആണ്‌, തിമൊ​ഥെ​യൊ​സി​ന്റെ സ്വന്തം നാട്‌.

ഏകദേശം ഒരു വർഷത്തി​നു​ശേ​ഷം പൗലൊസ്‌, രണ്ടാം പ്രസംഗ പര്യട​ന​ത്തി​ന്റെ ഭാഗമാ​യി ഇപ്പോൾ ലുസ്‌ത്ര​യിൽ വന്നിരി​ക്കു​ക​യാണ്‌. തിമൊ​ഥെ​യൊസ്‌ പൗലൊ​സി​ന്റെ​യും ശീലാ​സി​ന്റെ​യും ഒപ്പം ചേർന്നു​ക​ഴിഞ്ഞ്‌ അവർ എങ്ങോ​ട്ടാ​ണു പോകു​ന്ന​തെന്ന്‌ അറിയാ​മോ? ഇവിടെ കൊടു​ത്തി​ട്ടു​ള്ള ഭൂപടം നോക്കൂ, നമുക്ക്‌ പൗലൊ​സും കൂട്ടരും പോയ ചില സ്ഥലങ്ങളു​ടെ പേരുകൾ പഠിക്കാം.

ആദ്യം അവർ പോകു​ന്നത്‌ അടുത്തുള്ള ഇക്കോ​ന്യ​യി​ലേ​ക്കാണ്‌, തുടർന്ന്‌ അന്ത്യൊ​ക്ക്യ എന്നുതന്നെ പേരുള്ള മറ്റൊരു പട്ടണത്തി​ലേ​ക്കും. അവി​ടെ​നിന്ന്‌ ത്രോ​വാസ്‌, ഫിലിപ്പി, തെസ്സ​ലൊ​നീ​ക്ക, ബെരോവ എന്നിവി​ട​ങ്ങ​ളി​ലേ​ക്കു പോകു​ന്നു. ഭൂപട​ത്തിൽ അഥേന കണ്ടുപി​ടി​ക്കാൻ കഴിയു​മോ എന്നു നോക്കൂ. പൗലൊസ്‌ അവി​ടെ​യും പ്രസം​ഗി​ക്കു​ന്നു. തുടർന്ന്‌ ഒന്നര വർഷം പ്രസം​ഗ​വേ​ല​യ്‌ക്കാ​യി അവർ കൊരി​ന്തിൽ ചെലവ​ഴി​ക്കു​ന്നു. അവസാനം എഫെ​സൊ​സിൽ കുറച്ചു കാലം തങ്ങുന്നു. പിന്നീട്‌ കപ്പലിൽ അവർ കൈസ​ര്യ​യി​ലേ​ക്കും അവി​ടെ​നിന്ന്‌ പൗലൊ​സി​ന്റെ താമസ​സ്ഥ​ല​മാ​യ അന്ത്യൊ​ക്ക്യ​യി​ലേ​ക്കും പോകു​ന്നു.

അങ്ങനെ “സുവാർത്ത” പ്രസം​ഗി​ക്കു​ന്ന​തി​നും അനേകം ക്രിസ്‌തീ​യ സഭകൾ സ്ഥാപി​ക്കു​ന്ന​തി​നും പൗലൊ​സി​നെ സഹായി​ച്ചു​കൊണ്ട്‌ തിമൊ​ഥെ​യൊസ്‌ പതിനാ​യി​ര​ക്ക​ണ​ക്കി​നു കിലോ​മീ​റ്റർ അവനോ​ടൊ​പ്പം സഞ്ചരി​ക്കു​ന്നു. വളർന്നു​വ​ലു​താ​കു​മ്പോൾ തിമൊ​ഥെ​യൊ​സി​നെ പോലുള്ള വിശ്വ​സ്‌ത​നാ​യ ഒരു ദൈവ​ദാ​സൻ ആയിത്തീ​രാൻ ആഗ്രഹ​മി​ല്ലേ?