രാജ്യവാർത്ത നമ്പർ 37

മുഴുലോകത്തിനുമുള്ള ഒരു സന്ദേശം

മതത്തിന്റെ പേരിൽ ചെയ്യുന്ന ഹീനകൃ​ത്യ​ങ്ങൾ അവസാ​നി​ക്കു​മോ?

▪ മതത്തിന്റെ പേരിൽ ചെയ്യുന്ന ചില ഹീനകൃ​ത്യ​ങ്ങൾ ഏവ?

▪ അവ എങ്ങനെ അവസാ​നി​ക്കും?

▪ വ്യാജ​മ​ത​ങ്ങ​ളു​ടെ നാശത്തെ നിങ്ങൾ അതിജീ​വി​ക്കു​മോ?

 മതത്തിന്റെ പേരിൽ ചെയ്യുന്ന ചില ഹീനകൃ​ത്യ​ങ്ങൾ ഏവ?

മതത്തിന്റെ പേരിൽ ചെയ്‌തു​കൂ​ട്ടുന്ന കാര്യങ്ങൾ കണ്ട്‌ വേദനി​ക്കുന്ന ആളാണോ നിങ്ങൾ? ദൈവത്തെ സേവി​ക്കു​ന്നു​വെന്ന്‌ അവകാ​ശ​പ്പെ​ടു​ന്നവർ നടത്തുന്ന യുദ്ധം, ഭീകര​പ്ര​വർത്തനം, അഴിമതി എന്നിവ നിങ്ങളു​ടെ നീതി​ബോ​ധത്തെ മുറി​പ്പെ​ടു​ത്തു​ന്നു​വോ? നിരവധി പ്രശ്‌ന​ങ്ങ​ളു​ടെ​യും മൂലകാ​രണം മതമാ​ണെന്നു പറയാ​വു​ന്നത്‌ എന്തു​കൊണ്ട്‌?

എല്ലാ മതങ്ങളും പ്രശ്‌ന​ങ്ങൾക്കു കാരണമല്ല. ഹീനകൃ​ത്യ​ങ്ങൾക്കു വളം​വെ​ച്ചു​കൊ​ടു​ക്കുന്ന മതങ്ങൾ മാത്ര​മാണ്‌ അതിന്‌ ഉത്തരവാ​ദി​കൾ. മതപര​മാ​യി പരക്കെ ആളുകൾ ആദരി​ക്കുന്ന ഒരു വ്യക്തി​യായ യേശു അത്തരം മതങ്ങൾ ‘ആകാത്ത വൃക്ഷം ആകാത്ത ഫലം കായ്‌ക്കുന്ന’തുപോ​ലെ മോശ​മാ​ണെന്നു സൂചി​പ്പി​ച്ചു. (മത്തായി 7:15-17) a അത്തരം മതങ്ങൾ പുറ​പ്പെ​ടു​വി​ക്കുന്ന ‘ഫലങ്ങളിൽ’ ചിലത്‌ ഏവയാണ്‌?

മതത്തിന്റെ പേരിൽ ചെയ്‌തി​രി​ക്കുന്ന ചില കാര്യ​ങ്ങ​ളാണ്‌ . . .

◼ യുദ്ധത്തി​ലും രാഷ്‌ട്രീ​യ​ത്തി​ലു​മുള്ള ഇടപെടൽ: “ഏഷ്യക്ക്‌ അകത്തും പുറത്തും അധികാ​ര​ത്വ​ര​യുള്ള മതനേ​താ​ക്ക​ന്മാർ തങ്ങളുടെ സ്വാർഥ താത്‌പ​ര്യ​ങ്ങൾക്കാ​യി വിശ്വാ​സി​ക​ളു​ടെ മതവി​കാ​ര​ങ്ങളെ മുത​ലെ​ടു​ക്കു​ക​യാണ്‌” എന്ന്‌ ഏഷ്യാ​വീക്ക്‌ പറയുന്നു. അതു​കൊണ്ട്‌ അത്‌ ഈ മുന്നറി​യി​പ്പു നൽകുന്നു: “ലോക​ത്തി​നു​തന്നെ ഭ്രാന്ത്‌ പിടി​ക്കാ​മെന്ന സ്ഥിതി​യാ​ണു​ള്ളത്‌.” ഐക്യ​നാ​ടു​ക​ളി​ലെ ഒരു പ്രമുഖ മതനേ​താവ്‌ ഇങ്ങനെ പറഞ്ഞു: “നരഹത്യ അവസാ​നി​ക്ക​ണ​മെ​ങ്കിൽ ഭീകര​പ്ര​വർത്ത​കരെ മുഴുവൻ കൊ​ല്ലേ​ണ്ട​തുണ്ട്‌.” അതിനുള്ള മാർഗ​മോ? “കർത്താ​വി​ന്റെ നാമത്തിൽ അവരെ​യെ​ല്ലാം ഉന്മൂലനം ചെയ്യുക.” അതിനു വിപരീ​ത​മാ​യി ബൈബിൾ ഇങ്ങനെ പറയുന്നു: “ഞാൻ ദൈവത്തെ സ്‌നേ​ഹി​ക്കു​ന്നു എന്നു പറകയും തന്റെ സഹോ​ദ​രനെ പകെക്ക​യും ചെയ്യു​ന്നവൻ കള്ളനാ​കു​ന്നു.” (1 യോഹ​ന്നാൻ 4:20) “നിങ്ങളു​ടെ ശത്രു​ക്കളെ സ്‌നേ​ഹി​ക്കു​ന്ന​തിൽ തുടരു​വിൻ” എന്നു​പോ​ലും യേശു പറഞ്ഞു. (മത്തായി 5:44, NW) അണികൾ യുദ്ധത്തിൽ ഏർപ്പെ​ടുന്ന എത്ര മതങ്ങളെ നിങ്ങൾക്ക​റി​യാം?

◼ വ്യാ​ജോ​പ​ദേശം പ്രചരി​പ്പി​ക്കൽ: ശരീര​ത്തി​ന്റെ മരണത്തെ അതിജീ​വി​ക്കുന്ന, മനുഷ്യ​നി​ലെ അദൃശ്യ​മായ ഒരു ഭാഗമാണ്‌ ദേഹി അല്ലെങ്കിൽ ആത്മാവ്‌ എന്ന്‌ മിക്ക മതങ്ങളും പഠിപ്പി​ക്കു​ന്നു. ആ പഠിപ്പി​ക്ക​ലി​നെ മറയാക്കി അത്തരം മതങ്ങൾ മരിച്ചു​പോയ പ്രിയ​പ്പെ​ട്ട​വ​രു​ടെ ദേഹി​കൾക്കോ ആത്മാക്കൾക്കോ​വേണ്ടി പ്രാർഥി​ക്കാൻ പണം ഈടാ​ക്കി​ക്കൊണ്ട്‌ തങ്ങളുടെ വിശ്വാ​സി​കളെ ചൂഷണം ചെയ്യുന്നു. എന്നാൽ ബൈബി​ളി​ന്റെ പഠിപ്പി​ക്കൽ മറ്റൊ​ന്നാണ്‌. “പാപം ചെയ്യുന്ന ദേഹി മരിക്കും.” (യെഹെ​സ്‌കേൽ 18:4) “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) മരിച്ചവർ പുനരു​ത്ഥാ​നം പ്രാപി​ക്കു​മെന്നു യേശു പഠിപ്പി​ച്ചു—മനുഷ്യർക്ക്‌ ഒരു അമർത്യ​ദേ​ഹി​യോ മരണാ​ന​ന്തരം ജീവി​ക്കുന്ന ആത്മാവോ ഉണ്ടെങ്കിൽ അതൊരു പാഴ്‌വേല ആയിരി​ക്കു​മാ​യി​രു​ന്നു. (യോഹ​ന്നാൻ 11:11-25) മരണാ​ന​ന്തരം ആളുകൾ ഏതെങ്കി​ലും രൂപത്തിൽ തുടർന്നു ജീവി​ക്കു​ന്ന​താ​യി നിങ്ങളു​ടെ മതം പഠിപ്പി​ക്കു​ന്നു​ണ്ടോ?

◼ അധാർമിക ലൈം​ഗി​ക​തയെ അനുവ​ദി​ക്കൽ: പാശ്ചാത്യ നാടു​ക​ളി​ലെ മതസം​ഘ​ട​നകൾ, സ്വവർഗ​ഭോ​ഗി​ക​ളായ സ്‌ത്രീ​കൾക്കും പുരു​ഷ​ന്മാർക്കും പൗരോ​ഹി​ത്യ പദവി നൽകു​ക​യും ഒരേ ലിംഗ​വർഗ​ത്തിൽപ്പെ​ട്ട​വ​രു​ടെ വിവാ​ഹ​ത്തിന്‌ നിയമാം​ഗീ​കാ​രം നൽകാൻ ഗവൺമെ​ന്റു​ക​ളു​ടെ​മേൽ സമ്മർദം ചെലു​ത്തു​ക​യും ചെയ്യുന്നു. അധാർമി​ക​തയെ എതിർക്കുന്ന മതങ്ങൾപോ​ലും കുട്ടി​കളെ ലൈം​ഗി​ക​മാ​യി ചൂഷണം ചെയ്യുന്ന പുരോ​ഹി​ത​ന്മാ​രെ വെച്ചു​പൊ​റു​പ്പി​ച്ചി​രി​ക്കു​ന്നു. എന്നാൽ ബൈബിൾ എന്താണു പഠിപ്പി​ക്കു​ന്നത്‌? അതു വ്യക്തമാ​യി ഇപ്രകാ​രം പറയുന്നു: “നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, . . . എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” (1 കൊരി​ന്ത്യർ 6:9, 10) അധാർമിക ലൈം​ഗി​ക​ത​യ്‌ക്കു നേരെ കണ്ണടയ്‌ക്കുന്ന മതങ്ങളെ നിങ്ങൾക്ക​റി​യാ​മോ?

 ‘ആകാത്ത ഫലം പുറ​പ്പെ​ടു​വി​ക്കുന്ന’ മതങ്ങളു​ടെ ഭാവി എന്തായി​രി​ക്കും? യേശു പിൻവ​രുന്ന മുന്നറി​യി​പ്പു നൽകി: “നല്ല ഫലം കായ്‌ക്കാത്ത വൃക്ഷം ഒക്കെയും വെട്ടി തീയിൽ ഇടുന്നു.” (മത്തായി 7:19) അത്തരം മതങ്ങൾ വെട്ടി​യി​ട​പ്പെ​ടു​ക​യും നശിപ്പി​ക്ക​പ്പെ​ടു​ക​യും ചെയ്യും! എന്നാൽ അത്‌ എങ്ങനെ, എപ്പോൾ സംഭവി​ക്കും? വെളി​പ്പാ​ടു എന്ന ബൈബിൾ പുസ്‌ത​ക​ത്തി​ന്റെ 17, 18 അധ്യാ​യ​ങ്ങ​ളിൽ വിവരി​ച്ചി​രി​ക്കുന്ന ഒരു പ്രാവ​ച​നിക ദർശനം അതിനുള്ള ഉത്തരം നൽകുന്നു.

ഹീനകൃത്യങ്ങൾക്കു കൂട്ടു​നിൽക്കുന്ന മതങ്ങൾ എങ്ങനെ നശിപ്പി​ക്ക​പ്പെ​ടും?

ഈ രംഗ​മൊ​ന്നു ഭാവന​യിൽ കാണുക. ഒരു വേശ്യ ഒരു ഘോര​മൃ​ഗ​ത്തി​ന്റെ പുറത്തി​രി​ക്കു​ന്നു. മൃഗത്തിന്‌ ഏഴു തലയും പത്തു കൊമ്പും ഉണ്ട്‌. (വെളി​പ്പാ​ടു 17:1-4) ഈ വേശ്യ ആരെയാണ്‌ പ്രതി​നി​ധീ​ക​രി​ക്കു​ന്നത്‌? അവൾ ‘ഭൂമി​യി​ലെ രാജാ​ക്ക​ന്മാ​രു​ടെ​മേൽ’ തന്റെ സ്വാധീ​നം പ്രയോ​ഗി​ക്കു​ന്നു. കടും​ചു​വപ്പ്‌ വസ്‌ത്രം ധരിക്കു​ക​യും ധൂപവർഗം ഉപയോ​ഗി​ക്കു​ക​യും ചെയ്യുന്ന അവൾ അത്യന്തം ധനാഢ്യ​യാണ്‌. അതിനു​പു​റമേ അവളുടെ ക്ഷുദ്ര​ത്താൽ ‘സകലജാ​തി​ക​ളും വശീക​രി​ക്ക​പ്പെ​ട്ടി​രി​ക്കു​ന്നു.’ (വെളി​പ്പാ​ടു 17:18; 18:12, 13, 23) ഈ വേശ്യ ലോക​വ്യാ​പ​ക​മായ ഒരു മതപ്ര​സ്ഥാ​ന​മാ​ണെന്നു മനസ്സി​ലാ​ക്കാൻ ബൈബിൾ നമ്മെ സഹായി​ക്കു​ന്നു. അവൾ ഏതെങ്കി​ലും ഒരു മതത്തെയല്ല, പകരം ആകാത്ത ഫലം പുറ​പ്പെ​ടു​വി​ക്കുന്ന സകല മതങ്ങ​ളെ​യു​മാണ്‌ ചിത്രീ​ക​രി​ക്കു​ന്നത്‌.

വേശ്യ സവാരി​ചെ​യ്യുന്ന മൃഗം ലോക​ത്തി​ലെ രാഷ്‌ട്രീയ ശക്തികളെ ചിത്രീ​ക​രി​ക്കു​ന്നു. b (വെളി​പ്പാ​ടു 17:10-13) ഹീനകൃ​ത്യ​ങ്ങൾക്ക്‌ കൂട്ടു​നിൽക്കുന്ന മതങ്ങൾ ആ രാഷ്‌ട്രീയ മൃഗത്തി​ന്റെ തീരു​മാ​ന​ങ്ങളെ സ്വാധീ​നി​ച്ചു​കൊ​ണ്ടും അതിന്റെ ഗതിയെ നിയ​ന്ത്രി​ച്ചു​കൊ​ണ്ടും അതിന്റെ പുറത്തു സവാരി​ചെ​യ്യു​ക​യാണ്‌.

എന്നാൽ പെട്ടെന്ന്‌ ആശ്ചര്യ​ജ​ന​ക​മായ ഒരു സംഭവം നടക്കും. “നീ കണ്ട പത്തു കൊമ്പും മൃഗവും വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും.” (വെളി​പ്പാ​ടു 17:16) പെട്ടെ​ന്നുള്ള, ഞെട്ടി​ക്കുന്ന ഒരു നീക്കത്തി​ലൂ​ടെ ലോക​ത്തി​ലെ രാഷ്‌ട്രീയ അധികാ​രി​കൾ അത്തരം മതങ്ങൾക്കെ​തി​രെ തിരി​യു​ക​യും അവയെ പൂർണ​മാ​യി നശിപ്പി​ക്കു​ക​യും ചെയ്യും! അങ്ങനെ ചെയ്യാൻ പ്രേരി​പ്പി​ക്കു​ന്നത്‌ എന്താണ്‌? വെളി​പ്പാ​ടു എന്ന ബൈബിൾ പുസ്‌തകം ഉത്തരം നൽകുന്നു: “തന്റെ ഹിതം ചെയ്‌വാ[ൻ] . . . ദൈവം അവരുടെ ഹൃദയ​ത്തിൽ തോന്നി​ച്ചു.” (വെളി​പ്പാ​ടു 17:17) ദൈവ​നാ​മ​ത്തിൽ കാട്ടി​ക്കൂ​ട്ടിയ നിന്ദ്യ​മായ സകല പ്രവൃ​ത്തി​കൾക്കും ആ മതങ്ങ​ളോട്‌ അവൻ കണക്കു ചോദി​ക്കു​ക​തന്നെ ചെയ്യും. ആ മതങ്ങളു​ടെ​തന്നെ രാഷ്‌ട്രീയ ജാരന്മാ​രെ ഉപയോ​ഗി​ച്ചു​കൊണ്ട്‌ അവൻ ന്യായ​വി​ധി നിർവ​ഹി​ക്കു​ക​യും സമ്പൂർണ നീതി നടപ്പാ​ക്കു​ക​യും ചെയ്യും.

ഈ മതവേ​ശ്യ​യു​ടെ ന്യായ​വി​ധി​യിൽ ഓഹരി​ക്കാ​രാ​കാൻ ആഗ്രഹി​ക്കു​ന്നി​ല്ലെ​ങ്കിൽ നിങ്ങൾ എന്തു ചെയ്യണം? “എന്റെ ജനമാ​യു​ള്ളോ​രേ, . . . അവളെ വിട്ടു​പോ​രു​വിൻ” എന്ന്‌ ദൈവ​ത്തി​ന്റെ സന്ദേശ​വാ​ഹകൻ ആഹ്വാനം ചെയ്യുന്നു. (വെളി​പ്പാ​ടു 18:4) വാസ്‌ത​വ​ത്തിൽ അത്തരം മതങ്ങളെ വിട്ടോ​ടാ​നുള്ള സമയം ഇപ്പോ​ഴാണ്‌! എന്നാൽ നിങ്ങൾക്ക്‌ എവി​ടേക്ക്‌ ഓടാ​നാ​കും? നിരീ​ശ്വ​ര​വാ​ദ​ത്തി​ലേക്കല്ല, കാരണം അതിന്റെ ഭാവി​യും ഇരുള​ട​ഞ്ഞ​താണ്‌. (2 തെസ്സ​ലൊ​നീ​ക്യർ 1:6-9) ഒരേ​യൊ​രു അഭയസ്ഥാ​നം സത്യമ​ത​മാണ്‌. സത്യമ​തത്തെ നിങ്ങൾക്ക്‌ എങ്ങനെ തിരി​ച്ച​റി​യാ​നാ​കും?

 സത്യമ​തത്തെ തിരി​ച്ച​റി​യാ​നാ​കുന്ന വിധം

സത്യമതം പുറ​പ്പെ​ടു​വി​ക്കേണ്ട നല്ല ഫലം എന്താണ്‌?—മത്തായി 7:17.

സത്യമതം  . . .

◼ സ്‌നേഹം പ്രകട​മാ​ക്കു​ന്നു: സത്യാ​രാ​ധകർ ‘ഈ ലോക​ത്തി​ന്റെ ഭാഗമല്ല;’ അവർക്കി​ട​യിൽ ജാതി​യു​ടെ​യോ സംസ്‌കാ​ര​ത്തി​ന്റെ​യോ പേരി​ലുള്ള ഭിന്നത​ക​ളില്ല. പകരം അവർ ‘തമ്മിൽ തമ്മിൽ സ്‌നേഹം പ്രകട​മാ​ക്കു​ന്നു.’ (യോഹ​ന്നാൻ 13:35; 17:16; പ്രവൃ​ത്തി​കൾ 10:34, 35) മറ്റുള്ള​വരെ കൊല്ലു​ന്ന​തി​നു പകരം അവർ മറ്റുള്ള​വർക്കു​വേണ്ടി മരിക്കാൻ തയ്യാറാണ്‌.—1 യോഹ​ന്നാൻ 3:16.

◼ ദൈവ​വ​ച​ന​ത്തിൽ വിശ്വാ​സ​മർപ്പി​ക്കു​ന്നു: “മാനു​ഷ​ക​ല്‌പ​ന​ക​ളായ ഉപദേശ”ങ്ങളും “സമ്പ്രദാ​യങ്ങ”ളും അഥവാ പാരമ്പ​ര്യ​ങ്ങ​ളും പഠിപ്പി​ക്കു​ന്ന​തി​നു​പ​കരം സത്യമ​ത​ത്തി​ന്റെ ഉപദേ​ശങ്ങൾ ദൈവ​വ​ച​ന​മായ ബൈബി​ളിൽ അധിഷ്‌ഠി​ത​മാണ്‌. (മത്തായി 15:6-9) എന്തു​കൊണ്ട്‌? എന്തു​കൊ​ണ്ടെ​ന്നാൽ “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.”—2 തിമൊ​ഥെ​യൊസ്‌ 3:16, 17.

◼ കുടും​ബ​ങ്ങളെ ബലിഷ്‌ഠ​മാ​ക്കു​ക​യും ഉന്നത ധാർമിക നിലവാ​രങ്ങൾ പിൻപ​റ്റു​ക​യും ചെയ്യുന്നു: സത്യമതം,‘ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കാൻ’ ഭർത്താ​ക്ക​ന്മാ​രെ പരിശീ​ലി​പ്പി​ക്കു​ന്നു, ‘ഭർത്താ​ക്ക​ന്മാ​രോട്‌ ആഴമായ ബഹുമാ​നം നട്ടുവ​ളർത്താൻ’ ഭാര്യ​മാ​രെ സഹായി​ക്കു​ന്നു, ‘അമ്മയപ്പ​ന്മാ​രെ അനുസ​രി​ക്കാൻ’ കുട്ടി​കളെ പഠിപ്പി​ക്കു​ന്നു. (എഫെസ്യർ 5:28, 33; 6:1) അതിനു​പു​റമേ, മാതൃ​കാ​യോ​ഗ്യ​മായ ധാർമിക നിലവാ​രം പുലർത്തു​ന്ന​വരെ മാത്രമേ അധികാ​ര​സ്ഥാ​ന​ങ്ങ​ളിൽ നിയമി​ക്കു​ക​യു​ള്ളൂ.—1 തിമൊ​ഥെ​യൊസ്‌ 3:1-10.

ഏതെങ്കി​ലും മതം മേൽപ്പറഞ്ഞ നിലവാ​രങ്ങൾ പുലർത്തു​ന്നു​ണ്ടോ? 2001-ൽ പ്രസി​ദ്ധീ​ക​രിച്ച കൂട്ട​ക്കൊ​ല​യും രാഷ്‌ട്രീ​യ​വും (ഇംഗ്ലീഷ്‌) എന്ന പുസ്‌തകം പറയുന്നു: “യഹോ​വ​യു​ടെ സാക്ഷികൾ പ്രസം​ഗി​ക്കു​ക​യും പ്രാവർത്തി​ക​മാ​ക്കു​ക​യും ചെയ്യുന്ന കാര്യങ്ങൾ കൂടുതൽ ആളുകൾ പിൻപ​റ്റി​യി​രു​ന്നെ​ങ്കിൽ നാസി ഭരണകാ​ലത്തെ കൂട്ട​ക്കൊ​ലകൾ തടയാ​മാ​യി​രു​ന്നു. മാത്രമല്ല വംശഹ​ത്യ​കൾ വീണ്ടു​മൊ​രി​ക്ക​ലും ലോക​ത്തിൽ നടമാ​ടു​ക​യും ചെയ്യി​ല്ലാ​യി​രു​ന്നു.”

യഥാർഥ​ത്തിൽ 235 രാജ്യ​ങ്ങ​ളിൽ യഹോ​വ​യു​ടെ സാക്ഷികൾ ബൈബി​ളി​ന്റെ ധാർമിക നിലവാ​രങ്ങൾ പ്രസം​ഗി​ക്കുക മാത്രമല്ല അവയനു​സ​രി​ച്ചു ജീവി​ക്കു​ക​യും ചെയ്യുന്നു. ദൈവത്തെ സ്വീകാ​ര്യ​മായ രീതി​യിൽ ആരാധി​ക്കു​ന്ന​തിന്‌ അവൻ നിങ്ങളിൽനിന്ന്‌ എന്താവ​ശ്യ​പ്പെ​ടു​ന്നു​വെന്നു മനസ്സി​ലാ​ക്കാൻ നിങ്ങളെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷി​കളെ സമീപി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. അതിനുള്ള സമയം ഇപ്പോ​ഴാണ്‌. താമസി​ക്ക​രുത്‌. ഹീനകൃ​ത്യ​ങ്ങൾക്ക്‌ കൂട്ടു​നിൽക്കുന്ന മതങ്ങളു​ടെ അന്ത്യം സമീപി​ച്ചി​രി​ക്കു​ന്നു!—സെഫന്യാ​വു 2:2, 3.

യഹോ​വ​യു​ടെ സാക്ഷികൾ ഉദ്‌ഘോ​ഷി​ക്കുന്ന ബൈബി​ള​ധി​ഷ്‌ഠിത സന്ദേശ​ത്തെ​ക്കു​റിച്ച്‌ കൂടുതൽ അറിയാൻ ആഗ്രഹി​ക്കു​ന്നെ​ങ്കിൽ ദയവായി താഴെ​ക്കാ​ണുന്ന മേൽവി​ലാ​സ​ത്തിൽ എഴുതുക.

□ കടപ്പാ​ടു​ക​ളൊ​ന്നും കൂടാതെ, ജാഗരൂ​കർ ആയിരി​ക്കു​വിൻ! എന്ന ലഘുപ​ത്രി​ക​യെ​ക്കു​റി​ച്ചു കൂടുതൽ വിവരങ്ങൾ അറിയാൻ ഞാൻ ആഗ്രഹി​ക്കു​ന്നു.

□ സൗജന്യ ഭവന ബൈബിൾ പഠനപ​രി​പാ​ടി​യിൽ പങ്കെടു​ക്കാൻ താത്‌പ​ര്യ​മുണ്ട്‌. എന്റെ മേൽവി​ലാ​സം ഈ കൂപ്പണിൽ കൊടു​ത്തി​രി​ക്കു​ന്നു:

[അടിക്കു​റി​പ്പു​കൾ]

[3-ാം പേജിലെ ആകർഷക വാക്യം]

ഹീനകൃത്യങ്ങൾക്ക്‌ കൂട്ടു​നിൽക്കുന്ന മതങ്ങൾ ‘ഭൂമി​യി​ലെ രാജാ​ക്ക​ന്മാ​രു​ടെ​മേൽ’ സ്വാധീ​നം ചെലു​ത്തു​ന്നു

[3-ാം പേജിലെ ആകർഷക വാക്യം]

“എന്റെ ജനമാ​യു​ള്ളോ​രേ, . . . അവളെ വിട്ടു​പോ​രു​വിൻ”