അധ്യായം 8

അതിജീ​വി​ക്കു​ന്നവർ ആരായി​രി​ക്കും?

1. (എ) ദൈവ​ത്തി​ന്റെ സമാധാ​ന​പൂർണ്ണ​മായ നൂതന ക്രമത്തി​ലേ​ക്കു​ളള ഒരുവന്റെ അതിജീ​വനം എന്തിൽ ആശ്രയി​ച്ചി​രി​ക്കും? (ബി) ഭൂമി​യി​ലെ പറുദീ​സ​യിൽ ജീവി​ക്കാൻ അതിജീ​വി​ക്കു​ന്ന​വരെ വെളി​പ്പാട്‌ 7-ാം അദ്ധ്യായം വർണ്ണി​ക്കു​ന്ന​തെ​ങ്ങനെ?

 വരുവാ​നു​ളള ലോക​നാ​ശ​ത്തി​ലെ അതിജീ​വനം, മാനു​ഷ​യു​ദ്ധ​ങ്ങ​ളിൽ മിക്ക​പ്പോ​ഴും സംഭവി​ക്കു​ന്ന​തു​പോ​ലെ ഒരു യാദൃ​ച്‌ഛിക സംഗതി​യാ​യി​രി​ക്കു​ക​യില്ല. അത്‌ ഒരുവൻ വസിക്കുന്ന ഭൂവി​ഭാ​ഗ​ത്താൽ നിർണ്ണ​യി​ക്ക​പ്പെ​ടു​ക​യില്ല. അത്‌ ഒരുവൻ എവിടെ ജീവി​ക്കു​ന്നു എന്നതി​നെ​യോ, മുന്നറി​യി​പ്പു നൽകുന്ന സൈറന്റെ ശബ്ദത്തിങ്കൽ ബോം​ബിൽനി​ന്നു രക്ഷപ്പെ​ടാ​നു​ളള ഒരു അഭയസ്ഥാ​ന​ത്തേ​ക്കോ, മറേറ​തെ​ങ്കി​ലും സങ്കേത​ത്തി​ലേ​ക്കോ ശീഘ്ര​ഗ​മനം ചെയ്യു​ന്ന​തി​നെ​യോ ആശ്രയിച്ച്‌ തീരു​മാ​നി​ക്ക​പ്പെ​ടു​ക​യില്ല. അതിജീ​വനം ദൈവ​ത്തി​ന്റെ കരുണ​യെ​യും, “മഹോ​പ​ദ്രവം” തുടങ്ങു​ന്ന​തി​നു മുൻപ്‌ ഓരോ​രു​ത്ത​രും ചെയ്യുന്ന തീരു​മാ​ന​ത്തെ​യും ആശ്രയി​ച്ചാ​യി​രി​ക്കും. ഭൂമി​യിൽ ദൈവ​ത്തി​ന്റെ സമാധാ​ന​പൂർണ്ണ​വും പറുദീ​സാ തുല്യ​വു​മായ പുതിയ വ്യവസ്ഥി​തി​യിൽ ജീവി​ക്കാ​നാ​യി അതിജീ​വി​ക്കു​ന്ന​വ​രു​ടെ കൂട്ടത്തിൽ നിങ്ങ​ളെ​ത്തന്നെ ആക്കി​വെ​ക്കുന്ന തീരു​മാ​നം നിങ്ങൾക്കെ​ങ്ങനെ ചെയ്യാൻ കഴിയും?—വെളി​പ്പാട്‌ 7:9,10,14, 15.

2. അതിജീ​വ​ന​ത്തി​നു​ളള വ്യവസ്ഥകൾ വെക്കു​ന്ന​താ​രാണ്‌, ഇവ എവിടെ കാണ​പ്പെ​ടു​ന്നു?

² വരാനി​രി​ക്കുന്ന ലോക​നാ​ശ​ത്തിൽ അതിജീ​വകർ ഉണ്ടായി​രി​ക്കും എന്നുമാ​ത്രമല്ല ബൈബിൾ മുൻകൂ​ട്ടി​പ്പ​റ​യു​ന്നത്‌. അവർ ഏതുതരം ആളുക​ളാ​യി​രി​ക്കു​മെന്ന്‌ അറിയാൻ നമ്മെ സഹായി​ക്കുന്ന മാതൃ​ക​യും അതു നൽകുന്നു. അതിജീ​വനം സാദ്ധ്യ​മാ​ക്കു​ന്നത്‌ ദൈവ​മാ​യി​രി​ക്കു​ക​യാൽ അതിനു​ളള വ്യവസ്ഥ വയ്‌ക്കു​ന്ന​തും ഉചിത​മാ​യി അവൻതന്നെ ആയിരി​ക്കും.

3. സമാധാ​ന​വും സുരക്ഷി​ത​ത്വ​വു​മു​ണ്ടാ​യി​രി​ക്കുന്ന​തിന്‌, ദുഷ്‌പ്ര​വൃ​ത്തി​ക്കാർ ഛേദിക്കപ്പെടേണ്ടതാവശ്യമായിരിക്കുന്നതെന്തുകൊണ്ട്‌?

³ അതിജീ​വകർ ദൈവ​ത്തി​ന്റെ പുതിയ വ്യവസ്ഥി​തി​ക്കു ഹാനി​വ​രു​ത്തു​ന്ന​വ​രാ​യി​രി​ക്കാ​തെ അതിന്‌ ഒരു മുതൽക്കൂ​ട്ടാ​യി​രി​ക്കു​ന്ന​വ​രാ​യിരി​ക്കാൻ അവൻ ജ്ഞാനപൂർവ്വ​വും നീതി​പൂർവ്വ​വും ശ്രദ്ധി​ക്കും. നീതി​കെ​ട്ട​യാ​ളു​കൾ അതിജീ​വി​ക്കാൻ  അവൻ അനുവ​ദി​ച്ചാൽ നീതി​മാൻമാർക്ക്‌ സമാധാ​ന​വും സുരക്ഷി​ത​ത്വ​വും ഉണ്ടായി​രി​ക്കു​ക​യില്ല. അവരുടെ ഭവനങ്ങ​ളും വ്യക്തി​പ​ര​മായ സുരക്ഷി​ത​ത്വ​വും അപ്പോ​ഴും അപകട​ത്തി​ലാ​യി​രി​ക്കും. എന്നാൽ ബൈബിൾ ഇപ്രകാ​രം വാഗ്‌ദാ​നം ചെയ്യുന്നു: “ദുഷ്‌പ്ര​വൃ​ത്തി​ക്കാർ തന്നെ ഛേദി​ക്ക​പ്പെ​ടും. യഹോ​വ​യിൽ പ്രത്യാശ വെയ്‌ക്കു​ന്ന​വ​രാ​യി​രി​ക്കും ഭൂമിയെ കൈവ​ശ​മാ​ക്കു​ന്നത്‌.” സങ്കീർത്തനം 37:9-11-ൽ വിവരി​ച്ചി​രി​ക്കുന്ന നിലവാ​രം ദൈവം പൂർണ്ണ​മാ​യി ബാധക​മാ​ക്കു​ന്ന​തി​നാൽ മാത്രമേ അതിജീ​വ​കർക്ക്‌ “സമാധാന സമൃദ്ധി​യിൽ പരമാ​നന്ദം കണ്ടെത്താൻ” കഴിയു​ക​യു​ളളു. ദൈവം ഇത്‌ എങ്ങനെ ചെയ്യു​മെ​ന്നു​ള​ളത്‌, മമനു​ഷ്യ​ന്റെ ദുഷ്ടത നാശം വരുത്താൻ ദൈവ​ത്തി​നു കടപ്പാട്‌ വരുത്തി​വച്ച കഴിഞ്ഞ​കാല സന്ദർഭ​ങ്ങ​ളിൽ കാണ​പ്പെ​ടു​ന്നു.

അതിജീ​വ​ന​ത്തി​ന്റെ കഴിഞ്ഞ​കാല ദൃഷ്ടാ​ന്ത​ങ്ങൾ

4-6. (എ) പൊ. യു. 70-ലെ യെരൂ​ശ​ലേ​മി​ന്റെ നാശം ഒരു ചരിത്ര വസ്‌തു​ത​യാ​ണെന്ന്‌ സാക്ഷ്യ​പ്പെ​ടു​ത്തു​ന്നത്‌ എന്ത്‌? (ബി) നാശം വന്നതെ​ന്തു​കൊണ്ട്‌? (സി) യേശു​വി​ന്റെ ശിഷ്യൻമാർക്ക്‌ രക്ഷപ്പെ​ടാൻ സാദ്ധ്യ​മാ​ക്കി​യ​തെന്ത്‌?

⁴ ഇന്നത്തെ റോമാ നഗരത്തിൽ, പൊതു​യു​ഗം ഒന്നാം നൂററാ​ണ്ടിൽ  നിന്നുളള ഒരു സ്‌മാ​രകം, തീത്തോ​സി​ന്റെ കവാടം ഇപ്പോ​ഴും നില​കൊ​ള​ളു​ന്നു. യെരൂ​ശ​ലേ​മി​ലെ ആലയത്തി​ന്റെ പൊ. യു. 70-ലെ നാശത്തെ തുടർന്ന്‌ അതിൽനി​ന്നു വഹിച്ചു​കൊ​ണ്ടു പോയ സാധനങ്ങൾ അതിൻമേൽ ചിത്രീ​ക​രി​ച്ചി​രി​ക്കു​ന്നു. അതു​കൊണ്ട്‌ ആ നാശം ഒരു ചരിത്ര സംഭവ​മാണ്‌. ആ നാശത്തിന്‌ ദശാബ്ദ​ങ്ങൾക്കു മുമ്പ്‌ യേശു​ക്രി​സ്‌തു അതിന്റെ വരവും, ആളുകൾക്ക്‌ എങ്ങനെ അതിജീ​വി​ക്കാ​മെ​ന്ന​തും മുൻകൂ​ട്ടി​പ്പ​റഞ്ഞു എന്ന വസ്‌തു​ത​യും അതു​പോ​ലെ തന്നെയു​ളള ചരി​ത്ര​മാണ്‌.

⁵ യഹൂദ ജനം മനുഷ്യ​രെ​യും മനുഷ്യ നിർമ്മിത മത പാരമ്പ​ര്യ​ങ്ങ​ളെ​യും പിൻപ​റ​റി​ക്കൊണ്ട്‌ ദൈവ​ത്തിൽനിന്ന്‌ അകന്നു പോയി​രു​ന്നു. (മത്തായി 15:3-9) ദൈവ​ത്തി​ന്റെ വാഗ്‌ദത്ത രാജ്യ​ത്തി​ലെ​ന്ന​തി​നേ​ക്കാൾ ഉപരി അവർ മാനുഷ രാഷ്‌ട്രീയ ഭരണാ​ധി​കാ​രി​ക​ളിൽ വിശ്വാ​സം അർപ്പിച്ചു. (യോഹ​ന്നാൻ 19:15) ദൈവ​ത്തി​ന്റെ പുത്ര​നാ​ലും അവന്റെ അപ്പോ​സ്‌ത​ലൻമാ​രാ​ലും പ്രഖ്യാ​പി​ക്ക​പ്പെട്ട സത്യത്തെ തളളി​ക്ക​ള​യു​ക​യും അതി​നെ​തി​രെ പോരാ​ടു​ക​യും ചെയ്യുന്ന ഘട്ടം വരെ അവർ പോയി. അത്തരം ഒരു ഗതി കൈവ​രു​ത്തുന്ന അനന്തര​ഫ​ല​ങ്ങളെ സംബന്ധിച്ച്‌ യേശു മുന്നറി​യി​പ്പു നൽകി.—മത്തായി 23:37, 38; 24:1, 2.

⁶ അതിന്റെ ഫലങ്ങൾ കൃത്യ​മാ​യും മുൻകൂ​ട്ടി​പ​റ​യ​പ്പെ​ട്ട​തു​പോ​ലെ​തന്നെ ആയിരു​ന്നു. പൊ. യു. 66-ൽ യഹൂദൻമാർ റോമി​നെ​തി​രെ വിപ്ലവ​മു​ണ്ടാ​ക്കി. യെരൂ​ശ​ലേ​മി​ന്റെ മേൽ റോമാ​ക്കാ​രാ​ലു​ളള പ്രാരംഭ ആക്രമ​ണത്തെ തുടർന്ന്‌ അവരുടെ അപ്രതീ​ക്ഷി​ത​മായ പിൻമാ​ററം നടന്നു. യേശു​വിൽ വിശ്വ​സി​ച്ച​വർക്ക്‌ അവൻ പറഞ്ഞത്‌ ചെയ്യാൻ ഇതൊരു അടയാ​ള​വും അവസര​വും ആയിരു​ന്നു. ഓടി​പ്പോ​വുക—ഒരുവന്‌ എന്തുതന്നെ പിമ്പിൽ വിട്ടു​ക​ള​യേണ്ടി വന്നാലും, നാശത്തി​നു വിധി​ക്ക​പ്പെട്ട നഗരത്തിൽനി​ന്നും മുഴു യഹൂദ്യ പ്രവി​ശ്യ​യിൽ നിന്നും പുറത്തു​പോ​രുക. യേശു​വി​ന്റെ യഥാർത്ഥ ശിഷ്യൻമാർ അതുതന്നെ ചെയ്‌തു. അനന്തരം പൊ. യു. 70-ൽ റോമാ​ക്കാർ മടങ്ങി​വ​രി​ക​യും ഒരു ഉപരോ​ധ​ത്തി​നു​ശേഷം യെരൂ​ശ​ലേ​മി​നെ​യും ശ്രദ്ധി​ക്കു​ന്ന​തിൽ പരാജ​യ​പ്പെ​ട്ട​വ​രെ​യും നശിപ്പി​ക്കു​ക​യും ചെയ്‌തു. ഒരു ദൃക്‌സാ​ക്ഷി, യഹൂദ ചരി​ത്ര​കാ​ര​നാ​യി​രുന്ന ജോസീ​ഫസ്‌ പറയു​ന്നത്‌ ക്ഷാമത്താ​ലോ, രോഗ​ത്താ​ലോ, ആഭ്യന്തര കലാപ​ത്താ​ലോ, അല്ലെങ്കിൽ റോമൻ വാളി​നാ​ലോ യെരൂ​ശ​ലേ​മിൽ 11,00,000 ആളുകൾ മരിച്ചു എന്നാണ്‌. എന്നാൽ ഒരു ക്രിയാ​ത്‌മ​ക​മായ നടപടി സ്വീക​രിച്ച ക്രിസ്‌ത്യാ​നി​കൾ രക്ഷപ്പെട്ടു.—ലൂക്കോസ്‌ 19:28, 41-44; 21:20-24; മത്തായി 24:15-18.

7. ബാബി​ലോൻ യിസ്രാ​യേല്യ ജനതയെ നശിപ്പി​ച്ച​പ്പോൾ അതിജീ​വി​ക്കു​ന്ന​തിന്‌ ആളുകൾ എന്തു ചെയ്യേണ്ട ആവശ്യ​മു​ണ്ടാ​യി​രു​ന്നു?

 ⁷ അതിന്‌ ഏതാണ്ട്‌ 7 നൂററാ​ണ്ടു​കൾക്കു മുമ്പ്‌ നെബു​ഖ​ദ്‌നേസ്സർ രണ്ടാമൻ രാജാ​വി​ന്റെ കീഴിലെ ബാബി​ലോ​നി​യൻ സൈന്യം യിസ്രാ​യേൽ ജനതയെ തകർക്കാൻ ദൈവം അനുവ​ദി​ച്ച​പ്പോൾ സമാന​മായ സാഹച​ര്യം നിലവി​ലി​രു​ന്നു. ആ നാശവും എഴുത​പ്പെട്ട ചരി​ത്ര​മാണ്‌. അതിനു മുമ്പ്‌, വർഷങ്ങ​ളോ​ളം, അവരുടെ ഗതി നാശത്തി​ലേ​യ്‌ക്കാണ്‌ നയിക്കു​ന്ന​തെന്ന്‌ ദൈവം തന്റെ പ്രവാ​ച​കൻമാ​രി​ലൂ​ടെ ആ വിശ്വാ​സ​ത്യാ​ഗി​ക​ളായ ജനത്തിന്‌ മുന്നറി​യി​പ്പു കൊടു​ത്തി​ട്ടു​ണ്ടാ​യി​രു​ന്നു. “നിങ്ങളു​ടെ വഷളായ വഴിക​ളിൽ നിന്നു പിന്തി​രി​യുക, പിന്തി​രി​യുക, എന്തെന്നാൽ നിങ്ങൾ മരിക്കു​ന്ന​തെ​ന്തിന്‌?” എന്നായി​രു​ന്നു അവരോ​ടു​ളള ദൈവ​ത്തി​ന്റെ ആഹ്വാനം. (യെഹെ​സ്‌ക്കേൽ 33:11) ഭൂരി​പ​ക്ഷ​വും ആ മുന്നറി​യി​പ്പിൽ വിശ്വ​സി​ച്ചില്ല. ബാബി​ലോ​ന്യ സൈന്യം യെരൂ​ശ​ലേ​മി​നെ ഉപരോ​ധി​ച്ച​പ്പോൾപോ​ലും നാശം വരിക​യില്ല എന്ന്‌ ആ യിസ്രാ​യേ​ല്യർ പ്രത്യാ​ശി​ച്ചു​കൊ​ണ്ടി​രു​ന്നു. എന്നാൽ മുൻകൂ​ട്ടി​പ്പ​റ​യ​പ്പെ​ട്ട​തു​പോ​ലെ​തന്നെ അതു സംഭവി​ച്ചു. എന്നാൽ അനുസ​ര​ണ​ത്താൽ തങ്ങളുടെ വിശ്വാ​സം പ്രകട​മാ​ക്കി​യവർ സംരക്ഷി​ക്ക​പ്പെ​ടു​വാൻ ദൈവം ശ്രദ്ധിച്ചു.—യിരെ​മ്യാവ്‌ 39:15-18; സെഫന്യാവ്‌ 2:2, 3.

8-10. (എ) നോഹ​യു​ടെ നാളു​ക​ളിൽ യഹോവ ഒരു ലോക​നാ​ശം വരുത്തി​യ​തെ​ന്തു​കൊണ്ട്‌? (ബി) നോഹ​യും അവന്റെ കുടും​ബ​വും രക്ഷിക്ക​പ്പെ​ട്ട​തെ​ന്തു​കൊണ്ട്‌?

⁸ മാനുഷ ചരി​ത്ര​ത്തിൽ കുറേ​ക്കൂ​ടെ മുമ്പ്‌, അതിജീ​വ​ന​ത്തി​ന്റെ ദിവ്യ​മാ​തൃ​ക​യു​ടെ ഏററം നേര​ത്തെ​യു​ള​ള​പ്ര​ക​ടനം നാം കാണുന്നു. അതിൽ ഒരു ദേശീയ നാശമല്ല. പിന്നെ​യോ ഒരു ലോക​നാ​ശ​മാണ്‌ ഉൾപ്പെ​ട്ടി​രു​ന്നത്‌. പൊ. യു. മു. 2370⁄2369 വർഷങ്ങ​ളി​ലെ, നോഹ​യു​ടെ നാളിലെ ആഗോള പ്രളയം ഉൾപ്പെട്ട ആ സംഭവ​വും ഒരു ചരിത്ര വസ്‌തു​ത​യാണ്‌. ആ നാശത്തി​നു മുമ്പു​ണ്ടാ​യി​രുന്ന അവസ്ഥക​ളെ​ക്കു​റിച്ച്‌ ബൈബിൾ പറയുന്നു: “തൽഫല​മാ​യി ഭൂമി​യിൽ മമനു​ഷ്യ​ന്റെ വഷളത്തം ബഹുല​മാ​ണെ​ന്നും അവന്റെ ഹൃദയ​വി​ചാ​ര​ങ്ങ​ളു​ടെ ഓരോ ചായ്‌വും എല്ലായ്‌പ്പോ​ഴും വഷളാ​ണെ​ന്നും യഹോവ കണ്ടു. ഭൂമി സത്യ​ദൈ​വ​ത്തി​ന്റെ കാഴ്‌ച​യിൽ പാഴാ​കാ​നി​ട​യാ​യി, ഭൂമി അക്രമം കൊണ്ടു നിറഞ്ഞു.”—ഉല്‌പത്തി 6:5, 11.

⁹ ദുഷ്ടത​യും അക്രമ​വും ദൈവ​ത്തിന്‌ പ്രവർത്തി​ക്കാൻ കടപ്പാടു വരുത്തി. നോഹ​യും അവന്റെ കുടും​ബ​വും മാത്രമേ വിശ്വാ​സ​വും അനുസ​ര​ണ​വും പ്രകട​മാ​ക്കി​യു​ളളു. അവരോ​ടു​ളള കരുണ​യാ​ലും, ഭൂമി​യിൽ ന്യായ​വും നീതി​യും കാത്തു​സൂ​ക്ഷി​ക്കാ​നും, യഹോ​വ​യാം ദൈവം, “ഭക്തികെട്ട ജനങ്ങളു​ടെ . . . ഒരു  പുരാതന ലോകത്തെ ശിക്ഷി​ക്കു​ന്ന​തിൽ നിന്ന്‌ പിൻമാ​റി നിന്നില്ല.” “ആ കാലത്തെ ലോകം അതു വെളള​ത്തിൽ ആഴ്‌ത്ത​പ്പെ​ട്ട​പ്പോൾ നാശമ​നു​ഭ​വി​ച്ചു” എന്നതാ​യി​രു​ന്നു ഫലം.—2 പത്രോസ്‌ 2:5; 3:5-7.

¹⁰ എന്നിരു​ന്നാ​ലും നോഹ​യും അവന്റെ കുടും​ബ​വും അതിജീ​വി​ച്ചു. എന്തു​കൊണ്ട്‌? ഒന്നാമത്‌ അവർ ആ “ഭക്തികെട്ട ജനങ്ങളു​ടെ ലോക”ത്തിന്റെ അനീതി​യിൽ അവരോ​ടു ചേർന്നു​പോ​യില്ല. അവർ ദൈ​വേഷ്ടം സംബന്ധിച്ച്‌ വേദക​ത്വ​മി​ല്ലാ​ത്ത​വ​രോ അവന്റെ മുന്നറി​യിപ്പ്‌ സംബന്ധിച്ച്‌ അശ്രദ്ധ​രോ ആയി തീരാൻ തക്കവണ്ണം തീററി, കുടി, വിവാഹം എന്നിങ്ങ​നെ​യു​ളള സാധാരണ ജീവി​ത​കാ​ര്യ​ങ്ങ​ളിൽ മുഴു​കി​പ്പോ​കാൻ ഇടയാ​യില്ല. നോഹ നീതി​യിൽ ‘ദൈവ​ത്തോ​ടു​കൂ​ടെ നടന്നു.’ ഇത്‌ അവനും കുടും​ബ​വും തിൻമ​ചെ​യ്യു​ന്ന​തിൽ നിന്ന്‌ ഒഴിഞ്ഞു നിൽക്കുക മാത്രം ചെയ്‌തു എന്നർത്ഥ​മാ​ക്കി​യില്ല. മറിച്ച്‌ നൻമ ചെയ്യു​ന്ന​തിൽ അവർ ക്രിയാ​ത്മ​ക​മായ നടപടി സ്വീക​രി​ച്ചു. ദൈവം പറഞ്ഞത്‌ അവർ വാസ്‌ത​വ​ത്തിൽ വിശ്വ​സി​ക്കു​ക​യും, നാനൂറ്‌ അടിയി​ലേറെ നീളവും മൂന്നു നിലക​ളു​ള​ള​തു​മായ ഒരു പെട്ടകം പണിയുക വഴി അതു പ്രകട​മാ​ക്കു​ക​യും ചെയ്‌തു. മററു​ള​ള​വ​രോട്‌ ദൈ​വോ​ദ്ദേ​ശ്യ​ങ്ങ​ളെ​പ്പ​റ​റി​പ്പ​റയു​ക​യും നീതി​മാർഗ്ഗ​ത്തി​നു​വേണ്ടി വാദി​ക്കു​ക​യും ചെയ്യുന്ന ഒരു “നീതി​പ്ര​സം​ഗി”യായി​രി​ക്കു​ക​യും ചെയ്‌തു​കൊണ്ട്‌ നോഹ ക്രിയാ​ത്മ​ക​മാ​യി പ്രവർത്തി​ച്ചു.—ഉല്‌പത്തി 6:9, 13-16; മത്തായി 24:37-39; എബ്രായർ 11:7.

11. മുന്നറി​യി​പ്പി​ന്റേ​തായ ഈ ദൃഷ്ടാ​ന്ത​ങ്ങ​ളാൽ സൂചി​പ്പി​ക്ക​പ്പെ​ടു​ന്ന​തു​പോ​ലെ വരുവാ​നു​ളള ലോക​നാ​ശത്തെ അതിജീ​വി​ക്ക​ണ​മെ​ങ്കിൽ നാം എന്തു ചെയ്യണം?

¹¹ ഈ എട്ടുപേർ അവരുടെ വിശ്വാ​സ​വും വിശ്വാ​സ​ത്തിൽ നിന്നു​ള​വാ​കുന്ന പ്രവൃ​ത്തി​ക​ളും നിമിത്തം അതിജീ​വി​ച്ചു. യേശു​വും അവന്റെ അപ്പോ​സ്‌ത​ലൻമാ​രും ആ ലോക​നാ​ശത്തെ ഈ “അന്ത്യകാ​ലത്ത്‌” ആളുകളെ അഭിമു​ഖീ​ക​രി​ക്കുന്ന ഒന്നിന്റെ പ്രാവ​ച​നിക മാതൃക എന്ന നിലയിൽ പരാമർശി​ച്ചി​രി​ക്കു​ന്നു. അതു​കൊണ്ട്‌ നോഹ​യും അവന്റെ കുടും​ബ​വും ചെയ്‌ത​തു​പോ​ലെ നാശത്തി​നു വിധി​ക്ക​പ്പെ​ട്ടി​രി​ക്കുന്ന ലോക​ത്തിൽ നിന്ന്‌ നാമും നമ്മെത്തന്നെ വേർപെ​ടു​ത്തേ​ണ്ട​താണ്‌ എന്നത്‌ വ്യക്തമാണ്‌. നാമും ദൈ​വേ​ഷ്ട​ത്തോ​ടു യോജി​പ്പിൽ ജീവി​ക്കണം. നമുക്ക്‌ നമ്മുടെ സ്വന്തം നിലവാ​ര​ങ്ങ​ളാൽ തന്നെ നയിക്ക​പ്പെ​ടു​ന്ന​തി​നും അതിജീ​വി​ക്കാൻ പ്രതീ​ക്ഷി​ക്കു​ന്ന​തി​നും സാദ്ധ്യമല്ല. ദൈവ​വ​ചനം പറയുന്നു: “ഒരു മമനു​ഷ്യ​ന്റെ മുമ്പാകെ നേരായ ഒരു വഴി സ്ഥിതി ചെയ്യുന്നു, എന്നാൽ മരണവ​ഴി​ക​ളാണ്‌ പിന്നീട്‌ അതിന്റെ അന്ത്യം.” (സദൃശ​വാ​ക്യ​ങ്ങൾ 16:25) നീതി​യു​ടെ  ബാഹ്യ​മായ എന്തെങ്കി​ലും ഭാവവും അതിജീ​വനം കൈവ​രു​ത്തു​ക​യില്ല. എന്തു​കൊ​ണ്ടെ​ന്നാൽ ഹൃദയ​ത്തി​ലു​ള​ളത്‌ എന്താ​ണെന്ന്‌ യഹോ​വ​യാം ദൈവം കാണുന്നു.—സദൃശ​വാ​ക്യ​ങ്ങൾ 24:12; ലൂക്കോസ്‌ 16:15.

യഹോവ മനുഷ്യ​ഹൃ​ദ​യ​ങ്ങ​ളിൽ നോക്കു​ന്നത്‌

12, 13. (എ) എന്തു സാഹച​ര്യ​ങ്ങൾ അനേകം ആളുകൾ ഒരു മാററം ആഗ്രഹി​ക്കാ​നി​ട​യാ​ക്കു​ന്നു? (ബി) ദൈവ​ത്തി​ന്റെ നൂതന​ക്ര​മ​ത്തി​ലേ​ക്കു​ളള അവരുടെ അതിജീ​വ​ന​ത്തിന്‌ ഉറപ്പു നൽകാൻ ഇതു മതിയാ​കാ​ത്ത​തെ​ന്തു​കൊണ്ട്‌? (സി) അതിജീ​വ​ക​രു​ടെ കൂട്ടത്തിൽ ഉൾപ്പെ​ടു​ന്ന​തിന്‌ ഇന്നത്തെ ദുരവ​സ്ഥ​ക​ളി​ലു​ളള ദുഃഖ​ത്തിന്‌ നമ്മെ പ്രേരി​പ്പി​ക്കേ​ണ്ട​തെന്ത്‌?

¹² ഇന്നത്തെ അവസ്ഥക​ളിൽ അനേക​രും അസന്തു​ഷ്ട​രാണ്‌. പരാതി​ക​ളാ​ലും പ്രകട​ന​ങ്ങ​ളാ​ലും ചില രാജ്യ​ങ്ങ​ളിൽ അക്രമാ​സ​ക്ത​മായ വിപ്ലവ​ങ്ങ​ളാ​ലും അവർ അതു കാണി​ക്കു​ക​യും ചെയ്യുന്നു. അനേകർ, ഉയർന്ന നികു​തി​യി​ലും കുതി​ച്ചു​യ​രുന്ന ജീവി​ത​ച്ചെ​ല​വി​ലും നീരസ​പ്പെ​ടു​ന്നു. അവർ കുററ​കൃ​ത്യ​ത്തി​ന്റെ അപകടം സംബന്ധിച്ച്‌ വിലപി​ക്കു​ന്നു. ഭയം അവർ ഒരു മാററം ആഗ്രഹി​ക്കാൻ ഇടയാ​ക്കു​ന്നു. എന്നാൽ ഇത്‌ ദൈവ​ത്തി​ന്റെ നൂതന ക്രമത്തി​ലേ​യ്‌ക്കു​ളള അവരുടെ അതിജീ​വ​ന​ത്തിന്‌ ഉറപ്പു​നൽകാൻ മതിയാ​കു​മോ? ഇല്ല. ഇതു മതിയാ​ക​യില്ല. എന്തു​കൊ​ണ്ടില്ല?

¹³ എന്തു​കൊ​ണ്ടെ​ന്നാൽ ഒരുവൻ ഈ അവസ്ഥക​ളിൽ അസന്തു​ഷ്ട​നാ​യി​രി​ക്കു​മ്പോൾ തന്നെ സ്വാർത്ഥ​മ​തി​യാ​യി​രി​ക്കാം. അയാൾക്കു​തന്നെ നഷ്ടം സംഭവി​ക്കാ​ത്തി​ട​ത്തോ​ളം കാലം അയാൾ ചില രൂപത്തി​ലു​ളള വഞ്ചന​യെ​യും ദുർമ്മാർഗ്ഗ​ത്തെ​യും അംഗീ​ക​രി​ക്കു​ക​പോ​ലും ചെയ്‌തേ​ക്കാം. എന്നാൽ നീതി​ഹൃ​ദ​യ​മു​ളള ആളുകൾ കാര്യങ്ങൾ വ്യത്യ​സ്‌ത​മാ​യി കാണുന്നു. ബൈബിൾ പഠിക്കു​മ്പോൾ, ഈ ദുഷിച്ച അവസ്ഥകൾ, ലോകത്തെ ബാധി​ച്ചി​രി​ക്കുന്ന യഥാർത്ഥ​രോ​ഗ​ത്തി​ന്റെ ബാഹ്യ​ല​ക്ഷ​ണങ്ങൾ മാത്ര​മാ​ണെന്ന്‌ അവർക്ക്‌ മനസ്സി​ലാ​കു​ന്നു. ഈ ബാഹ്യ ലക്ഷണങ്ങൾക്കു പിന്നി​ലു​ള​ളത്‌ യഹോ​വ​യു​ടെ ഇഷ്ടം അറിയു​ക​യും അവന്റെ നീതി​യു​ളള നിലവാ​ര​ങ്ങൾക്ക​നു​സ​രിച്ച്‌ ജീവി​ക്കു​ക​യും ചെയ്യാ​നു​ളള താല്‌പ​ര്യ​ത്തി​ന്റെ അഭാവ​മാ​ണെന്ന്‌ അവർ തിരി​ച്ച​റി​യു​ന്നു. അതു​കൊണ്ട്‌ സാമൂഹ്യ അനീതി, കുററ​കൃ​ത്യം, മലിനീ​ക​രണം അല്ലെങ്കിൽ യുദ്ധഭീ​ഷണി എന്നിവ​യാ​ലല്ല അവർ മുഖ്യ​മാ​യി ദുഃഖി​ത​രാ​യി​രി​ക്കു​ന്നത്‌. മറിച്ച്‌ മനുഷ്യ​വർഗ്ഗ​ത്തി​ന്റെ ദുഷിച്ച ഗതിയാൽ ദൈവ​നാ​മം അപകീർത്തി​പ്പെ​ടു​ന്ന​തിൽ അത്തരം നീതി​ഹൃ​ദ​യ​മു​ള​ളവർ വിശേ​ഷാൽ ദുഃഖി​ത​രാണ്‌. തൽഫല​മാ​യി തങ്ങൾ മാത്രമല്ല മററു​ള​ള​വ​രും വളരെ​യ​ധി​കം കഷ്ടപ്പെ​ടു​ന്ന​തിൽ അവർ ദുഃഖി​ക്കു​ന്നു.

14. ബാബി​ലോ​നാ​ലു​ളള യെരൂ​ശ​ലേ​മി​ന്റെ നാശത്തി​ന്റെ സമയത്ത്‌ അതിജീ​വ​ന​ത്തി​നു​വേണ്ടി ‘അടയാ​ള​മി​ട​പ്പെ​ട്ടവർ’ ആരായി​രു​ന്നു?

 ¹⁴ വരാനി​രി​ക്കുന്ന ലോക​നാ​ശത്തെ അതിജീ​വി​ക്കു​ന്ന​തിന്‌ നാം പൊ. യു. മു. 607-ൽ ബാബി​ലോൻ യെരൂ​ശ​ലേ​മി​നെ നശിപ്പി​ച്ച​പ്പോൾ സംരക്ഷി​ക്ക​പ്പെ​ട്ട​വ​രെ​പ്പോ​ലെ, ആ നഗരത്തിൽ ചെയ്യ​പ്പെ​ട്ടു​കൊ​ണ്ടി​രുന്ന “സകല മ്ലേച്ഛത​ക​ളും നിമിത്തം നെടു​വീർപ്പി​ട്ടു കരയു​ന്ന​വ​രാ​യി” വർണ്ണി​ക്ക​പ്പെ​ട്ട​വ​രേ​പ്പോ​ലെ, ആയിരി​ക്കേ​ണ്ട​താണ്‌. (യെഹെ​സ്‌ക്കേൽ 9:4) അവസ്ഥകൾ പലവി​ധ​ത്തി​ലും “വെറു​ക്ക​ത്ത​ക്കതാ”യിരുന്നു. ഉദാഹ​ര​ണ​ത്തിന്‌, ദരിദ്രർ പീഡി​പ്പി​ക്ക​പ്പെ​ട്ടു​കൊ​ണ്ടി​രു​ന്നു, ചിലർ തങ്ങളുടെ സ്വന്ത ദേശക്കാ​രാൽ നിയമ​വി​രു​ദ്ധ​മാ​യി അടിമ​ത്ത​ത്തിൽ വെക്ക​പ്പെ​ടു​ക​പോ​ലും ചെയ്‌തി​രു​ന്നു. (യിരെ​മ്യാവ്‌ 34:13-16) യഹൂദ രാജ്യ​ത്തി​ന്റെ ധാർമ്മി​കാ​വസ്ഥ വടക്കേ രാജ്യ​മായ യിസ്രാ​യേ​ലി​ന്റേ​തി​നേ​ക്കാൾ മോശ​മാ​യി​ത്തീർന്നി​രു​ന്നു. അതിനെ ഹോ​ശേയാ പ്രവാ​ചകൻ മുമ്പേ തന്നെ ഇങ്ങനെ വർണ്ണി​ച്ചി​രു​ന്നു: “ശാപോ​ച്ചാ​ര​ണ​വും വഞ്ചന പ്രയോ​ഗി​ക്ക​ലും കൊല​പാ​ത​ക​വും മോഷ​ണ​വു​മുണ്ട്‌. . . . രക്തച്ചൊ​രി​ച്ചി​ലി​ന്റെ പ്രവൃ​ത്തി​കൾ മററ്‌ രക്തച്ചൊ​രി​ച്ചി​ലി​ന്റെ പ്രവൃ​ത്തി​കളെ സ്‌പർശി​ച്ചി​രി​ക്കു​ന്നു.” (ഹോ​ശേയാ 4:2; യെഹെ​സ്‌ക്കേൽ 16:2, 51) അങ്ങനെ​യു​ളള അനീതി​യും അതു ദൈവ​ത്തോ​ടു പ്രകട​മാ​ക്കിയ അനാദ​ര​വും നിമിത്തം ഹൃദയ​ത്തിൽ ദുഃഖം തോന്നി​യവർ മാത്രമേ അതിജീ​വ​ന​ത്തി​നു​വേണ്ടി ‘അടയാ​ള​മി​ട​പ്പെ​ട്ടു​ളളു.’—യെഹെ​സ്‌ക്കേൽ 9:3-6.

15. വരുവാ​നു​ളള ലോക​നാ​ശ​ത്തി​ലെ അതിജീ​വ​ക​രാ​യി​രി​ക്കു​ന്ന​തിന്‌ ആവശ്യ​മാ​യി​രി​ക്കുന്ന മാററങ്ങൾ വരുത്തു​ന്ന​തിൽ നിന്ന്‌ ചിലയാ​ളു​കളെ പിൻമാ​ററി നിർത്തു​ന്ന​തെന്ത്‌?

¹⁵ ഇന്ന്‌ ധാരാളം ആളുകൾ സമാധാ​ന​ത്തി​ലും സമൃദ്ധി​യി​ലും സുഖക​ര​മായ അവസ്ഥക​ളി​ലും ഭൂമി​യിൽ എന്നേയ്‌ക്കും ജീവി​ക്കാൻ ആഗ്രഹി​ക്കു​ന്നു​ണ്ടെ​ങ്കി​ലും ശരിയായ ജീവി​ത​ത്തി​നു​ളള ബൈബിൾ മാതൃക പഠിക്കു​ന്ന​തി​നാ​ലും, അതനു​സ​രി​ക്കു​ന്ന​തി​നാ​ലും തങ്ങളുടെ ജീവി​ത​രീ​തി​യിൽ മാററം വരുത്താൻ അവർ ആഗ്രഹി​ക്കു​ന്നില്ല. ഉളളിന്റെ ഉളളിൽ അവർക്ക്‌ വാസ്‌ത​വ​ത്തിൽ നീതി​സ്‌നേ​ഹ​മോ സഹമനു​ഷ്യ​രോട്‌ ആത്‌മാർത്ഥ​മായ പരിഗ​ണ​ന​യോ ഇല്ല. ദൈവ​ത്തി​ന്റെ പുതിയ വ്യവസ്ഥി​തി “നീതി​വ​സി​ക്കാ​നി​രി​ക്കുന്ന” ഒരു പുതിയ ജനസമൂ​ഹത്തെ ഉളവാ​ക്കും എന്നതി​നാൽ അതിനെ സംബന്ധി​ച്ചു​ളള സുവാർത്ത നീതി​സ്‌നേ​ഹി​കൾക്കു മാത്രമേ ആകർഷ​ക​മാ​യി​രി​ക്കു​ന്നു​ളളു. മററു​ള​ളവർ അതിനാൽ കുററം വിധി​ക്ക​പ്പെ​ട്ട​വ​രാ​യി വിചാ​രി​ക്കു​ന്നു.—2 പത്രോസ്‌ 3:13; 2 കൊരി​ന്ത്യർ 2:14-17.

 നിങ്ങൾക്ക്‌ ഇപ്പോൾ ചെയ്യാൻ കഴിയു​ന്നത്‌

16-18. (എ) ഒരു വ്യക്തി അതിജീ​വ​ന​ത്തി​നു​വേണ്ടി ‘അടയാ​ള​മി​ട​പ്പെട്ട’വനായി​ത്തീ​രു​ന്ന​തെ​ങ്ങനെ? (ബി) അതു​കൊണ്ട്‌ ആദ്യം വ്യാജാ​രാ​ധന സംബന്ധി​ച്ചും പിന്നീട്‌ സത്യാ​രാ​ധന സംബന്ധി​ച്ചും അയാൾ എന്തു നടപടി സ്വീക​രി​ക്കണം? (സി) യു. എൻ. പോലു​ളള രാഷ്‌ട്രീയ സ്ഥാപന​ങ്ങളെ അയാൾ എങ്ങനെ വീക്ഷി​ക്കണം?

¹⁶ തന്റെ നീതി​യു​ളള ഭരണത്തിൻ കീഴിൽ ജീവി​ക്കാൻ ആത്‌മാർത്ഥ​മാ​യി ആഗ്രഹി​ക്കു​ന്ന​വരെ മാത്രമേ യഹോവ സംരക്ഷി​ക്കു​ക​യു​ളളു. അപ്പോൾ തങ്ങൾ ആഗ്രഹി​ക്കാത്ത സാഹച​ര്യ​ങ്ങ​ളിൽ ജീവി​ക്കാൻ അവൻ ആരെയും നിർബ്ബ​ന്ധി​ക്കു​ക​യില്ല. അതു​കൊണ്ട്‌ സംരക്ഷി​ക്ക​പ്പെ​ടു​ന്നവർ ഇപ്പോൾതന്നെ അവന്റെ ദിവ്യ​ഭ​ര​ണത്തെ ആത്മാർത്ഥ​മാ​യി അംഗീ​ക​രി​ക്കു​ന്നു എന്നു തെളി​യി​ക്കേ​ണ്ട​തുണ്ട്‌. ക്രിസ്‌തീ​യ​മായ ഒരു “പുതിയ വ്യക്തി​ത്വം” ധരിക്കു​ന്ന​തി​നാ​ലും തങ്ങളുടെ ജീവി​തത്തെ ദൈവ​ത്തി​ന്റെ വഴിക​ളോട്‌ ചേർച്ച​യിൽ കൊണ്ടു​വ​രു​ന്ന​തി​നാ​ലും തങ്ങൾ ദൈവ​പു​ത്രന്റെ ശിഷ്യൻമാ​രാ​ണെന്ന്‌ തെളിവു നൽകു​ന്ന​തി​നാ​ലും അവർ അതിജീ​വ​ന​ത്തി​നു​വേണ്ടി ‘അടയാ​ള​മി​ട​പ്പെ​ടു​ന്നു.’ അതുവഴി അവർ “ജീവൻ തെര​ഞ്ഞെ​ടു​ക്കു​ന്നു,” അനു​ഗ്ര​ഹ​ങ്ങ​ളും, മരണമല്ല. (കൊ​ലോ​സ്യർ 3:5-10; ആവർത്തനം 30:15, 16, 19) നിങ്ങൾ എന്തു തെര​ഞ്ഞെ​ടു​ക്കും?

¹⁷ നിങ്ങളു​ടെ തെര​ഞ്ഞെ​ടു​പ്പിൽ ആരാധ​ന​യു​ടെ സംഗതി​യിൽ ദൈവ​ത്തോ​ടു​ളള കീഴ്‌പ്പെടൽ ഉൾപ്പെ​ട്ടി​രി​ക്കു​ന്നു. യേശു പറഞ്ഞു: “സത്യാ​രാ​ധകർ പിതാ​വി​നെ ആത്മാ​വോ​ടും സത്യ​ത്തോ​ടും കൂടെ ആരാധി​ക്കുന്ന നാഴി​ക​വ​രു​ന്നു, ഇപ്പോൾ വന്നുമി​രി​ക്കു​ന്നു. എന്തു​കൊ​ണ്ടെ​ന്നാൽ, തീർച്ച​യാ​യും, പിതാവ്‌ തന്നെ ആരാധി​ക്കാൻ അങ്ങനെ​യു​ള​ള​വരെ തെരഞ്ഞു​കൊ​ണ്ടി​രി​ക്കു​ക​യാണ്‌.” (യോഹ​ന്നാൻ 4:23) അതു​കൊണ്ട്‌ വരാനി​രി​ക്കുന്ന ലോക​നാ​ശ​ത്തി​ലെ അതിജീ​വനം നാം സകല വ്യാജാ​രാ​ധ​ന​യും ഉപേക്ഷി​ക്കു​ന്ന​തും സത്യാ​രാ​ധ​ന​യിൽ പങ്കെടു​ക്കു​ന്ന​തും ആവശ്യ​മാ​ക്കി​ത്തീർക്കു​ന്നു. കൂടാതെ ഐക്യ​രാ​ഷ്‌ട്ര​ങ്ങ​ളി​ലോ മററു രാഷ്‌ട്രീയ സ്ഥാപന​ങ്ങ​ളി​ലോ പ്രത്യാശ വയ്‌ക്കു​ന്ന​വർക്കി​ട​യിൽ അതിജീ​വകർ ഉണ്ടായി​രി​ക്കു​ക​യില്ല, കാരണം അവയും നശിപ്പി​ക്ക​പ്പെ​ടാ​നു​ളള ലോക​ത്തി​ന്റെ ഭാഗമാണ്‌.—വെളി​പ്പാട്‌ 17:11; 18:17-21.

¹⁸ അതിജീ​വ​ന​ത്തി​ലേ​യ്‌ക്കു നയിക്കുന്ന ഗതി സ്വീക​രി​ച്ചി​രി​ക്കു​ന്ന​വരെ അന്തമി​ല്ലാത്ത അനു​ഗ്ര​ഹങ്ങൾ കാത്തി​രി​ക്കു​ന്നു. തന്റെ വചനത്തിൽ വിശ്വാ​സ​മർപ്പി​ക്കു​ക​യും ആ വിശ്വാ​സത്തെ ക്രിയാ​ത്മ​ക​മായ നടപടി​യാൽ തെളി​യി​ക്കു​ക​യും ചെയ്യു​ന്ന​വർക്കു​വേണ്ടി ദൈവം വാഗ്‌ദത്തം ചെയ്യുന്ന മഹത്തായ കാര്യ​ങ്ങ​ളിൽ ചിലത്‌ ഇപ്പോൾ പരിചി​ന്തി​ക്കുക.

[അധ്യയന ചോദ്യ​ങ്ങൾ]

[87-ാം പേജിലെ ചിത്രം]

ഭൂമിയിൽ, ദൈവ​ത്തി​ന്റെ പുതിയ വ്യവസ്ഥി​തി​യിൽ ജീവി​ക്കാൻ തക്കവണ്ണം “ഒരു മഹാപു​രു​ഷാ​രം” ലോക​നാ​ശത്തെ അതിജീ​വി​ക്കും