അധ്യായം 7

മുൻകൂ​ട്ടി പറയ​പ്പെ​ട്ട​ലോ​ക​നാ​ശം എപ്പോൾ വരും?

1. ദൈവ​ത്തിന്‌ മനുഷ്യ​വർഗ്ഗത്തെ സംബന്ധിച്ച്‌ എന്ത്‌ മഹത്തായ ഉദ്ദേശ്യ​മുണ്ട്‌?

 യുദ്ധവും കുററ​കൃ​ത്യ​വും ഭൂമി​യി​ലെ മലിനീ​ക​ര​ണ​വും അവസാ​നി​പ്പി​ച്ചു കാണു​ന്നത്‌ എന്തോ​രാ​ശ്വാ​സ​മാ​യി​രി​ക്കും! ഒരുവ​നും ഒരുവന്റെ കുടും​ബ​ത്തി​നും പൂർണ്ണ​സു​ര​ക്ഷി​ത​ത്വം ആസ്വദി​ക്കാൻ കഴിയുന്ന, യഥാർത്ഥ​ത്തിൽ നീതി​യു​ളള ഒരു ഭരണത്തിൻകീ​ഴിൽ ജീവി​ക്കു​ന്നത്‌ എത്ര ഉല്ലാസ​ക​ര​മാണ്‌! ദൈവം ഈ കാര്യങ്ങൾ ഒരു യാഥാർത്ഥ്യ​മാ​ക്കി​ത്തീർക്കു​മെന്ന്‌ ബൈബിൾ പ്രകട​മാ​ക്കു​ന്നു. എന്നാൽ എപ്പോൾ?

2. (എ) “യഹോ​വ​യു​ടെ ദിവസം” വരു​മ്പോൾ ആർ സംഭ്ര​മി​ച്ചു​പോ​കും? (ബി) നമുക്ക്‌ അതു സംഭവി​ക്കു​ന്ന​തി​നെ നമുക്ക്‌ എങ്ങനെ ഒഴിവാ​ക്കാൻ കഴിയും?

² ദൈവ​ത്തി​ന്റെ പുതിയ വ്യവസ്ഥി​തി​യി​ലേ​യ്‌ക്കു വഴി​തെ​ളി​ക്കുന്ന ലോക​നാ​ശ​ത്തെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ പറയുന്നു: “യഹോ​വ​യു​ടെ ദിവസം കൃത്യ​മാ​യിട്ട്‌ രാത്രി​യി​ലെ ഒരു കളള​നെ​പ്പോ​ലെ വരുന്നു.” അവൻ ഇങ്ങനെ കൂട്ടി​ച്ചേർക്കു​ന്നു: “എന്നാൽ സഹോ​ദ​രൻമാ​രേ, ആ ദിവസം കളളൻമാ​രെ എന്നപോ​ലെ നിങ്ങളെ പിടി​ക്ക​ത്ത​ക്ക​വണ്ണം നിങ്ങൾ ഇരുട്ടി​ലല്ല.” (1 തെസ്സ​ലോ​നീ​ക്യർ 5:2, 4) അതു​കൊണ്ട്‌ “യഹോ​വ​യു​ടെ ദിവസം” വന്നെത്തു​മ്പോൾ മുന്നറി​യി​പ്പു ശ്രദ്ധി​ക്കു​ന്ന​തിൽ പരാജ​യ​പ്പെ​ടു​ന്നവർ പെട്ടെന്നു കെണി​യിൽ പിടി​ക്ക​പ്പെ​ടുന്ന മൃഗങ്ങ​ളെ​പ്പോ​ലെ ആയിരി​ക്കും. എന്നാൽ അതു നിങ്ങൾക്കു സംഭവി​ക്കേ​ണ്ട​തില്ല. തിരു​വെ​ഴു​ത്തു പ്രസ്‌താ​വി​ക്കു​ന്ന​തു​പോ​ലെ “ഇരുട്ടി​ല​ല്ലാത്ത” ആളുകൾ ഉണ്ട്‌. ഇത്‌ അവർ അന്വേ​ഷണം നടത്തു​ക​യും നമ്മുടെ നാളിനെ സംബന്ധിച്ച്‌ ദൈവ​വ​ചനം പറയു​ന്നത്‌ ഗൗരവ​മാ​യി എടുക്കു​ക​യും ചെയ്യു​ന്ന​തു​കൊ​ണ്ടാണ്‌.—ലൂക്കോസ്‌ 21:34-36.

3, 4. (എ) ഇരുപ​താം നൂററാ​ണ്ടി​ലെ സംഭവ​ങ്ങ​ളു​ടെ പൂർണ്ണ​മായ പ്രാധാ​ന്യം എവിടെ വിശദീ​ക​രി​ക്ക​പ്പെ​ട്ടി​രി​ക്കു​ന്നു? (ബി) ബൈബിൾ പ്രവച​ന​ത്തിൽ വിവരി​ച്ചി​രി​ക്കുന്ന ഏതു അഞ്ച്‌ മുഖ്യ ആശയങ്ങൾ നാമി​പ്പോൾ പരി​ശോ​ധി​ക്കാൻ പോകു​ക​യാണ്‌?

³ ഈ ഇരുപ​താം നൂററാ​ണ്ടി​ലെ സംഭവ​ങ്ങളെ ബൈബിൾ വ്യക്തമാ​യി വിവരി​ക്കു​ന്നു. എന്നാൽ അത്‌ ഏതാണ്ട്‌ രണ്ടായി​രം  വർഷങ്ങൾ മുമ്പു​കൂ​ട്ടി ഇതു ചെയ്‌തു! സംഭവ​ങ്ങ​ളിൽതന്നെ അനേക​വും പൊതു​വേ അറിയ​പ്പെ​ടു​ന്ന​വ​യാ​ണെ​ങ്കി​ലും ബൈബിൾ മാത്രമേ അവയുടെ പൂർണ്ണ​മായ പ്രാധാ​ന്യം ചൂണ്ടി​ക്കാ​ണി​ക്കു​ന്നു​ളളു.

⁴ .നമ്മുടെ നാളിനെ സംബന്ധി​ച്ചു ബൈബി​ളി​ല​ട​ങ്ങി​യി​രി​ക്കുന്ന വിവര​ങ്ങ​ളിൽ പിൻവ​രു​ന്നവ ഉൾപ്പെ​ടു​ന്നു: (1) ദൈവം “മനുഷ്യ​വർഗ്ഗ​ത്തി​ന്റെ രാജ്യം” “താൻ ആഗ്രഹി​ക്കുന്ന ഒരുവന്‌” കൊടു​ക്കുന്ന കൃത്യ വർഷം. (2) “വ്യവസ്ഥി​തി​യു​ടെ സമാപനം” എന്നറി​യ​പ്പെ​ടുന്ന കാലഘ​ട്ട​ത്തിൽ നടക്കുന്ന പ്രമുഖ സംഭവങ്ങൾ. (3) അക്കാലത്തെ ശ്രദ്ധാർഹ​മായ മതപര​മായ സംഭവ​വി​കാ​സങ്ങൾ. (4) “വ്യവസ്ഥി​തി​യു​ടെ സമാപന”ത്തിന്റെ തുടക്കം കണ്ട തലമു​റ​യി​ലെ ചിലരു​ടെ​യെ​ങ്കി​ലും അതിജീ​വനം (5) ലോക​നാ​ശം തുടങ്ങാ​റാ​യി​രി​ക്കു​ന്നു എന്നതിന്റെ ഒരു അന്തിമ അടയാ​ള​മെ​ന്ന​നി​ല​യിൽ ലോക​കാ​ര്യ​ങ്ങ​ളി​ലെ ഒരു സുപ്ര​ധാന സംഭവ വികാസം. നമുക്ക്‌ ഈ പോയിൻറു​കൾ പരി​ശോ​ധി​ക്കാം.

(1) അടയാ​ള​പ്പെ​ടു​ത്ത​പ്പെട്ട വർഷം—പൊ. യു. 1914

5. ഒരു സുപ്ര​ധാന വർഷ​മെ​ന്ന​നി​ല​യിൽ ബൈബിൾ പൊ. യു. 1914-ലേക്ക്‌ വിരൽ ചൂണ്ടി​യെന്ന്‌ എത്ര നേര​ത്തെ​യു​ളള ഒരു തീയതി​യിൽ യഹോ​വ​യു​ടെ സാക്ഷികൾ തിരി​ച്ച​റി​ഞ്ഞു?

⁵ മുമ്പ്‌ 1876-ൽ തന്നെ ബൈബിൾ പ്രവച​നങ്ങൾ 1914-നെ മാനുഷ കാര്യാ​ദി​ക​ളിൻമേൽ ദൂരവ്യാ​പ​ക​മായ ഫലങ്ങൾ ഉളള പ്രമുഖ സംഭവങ്ങൾ നടക്കുന്ന ഒരു സമയമാ​യി അടയാ​ള​പ്പെ​ടു​ത്തി​യി​രി​ക്കു​ന്നു എന്ന്‌ യഹോ​വ​യു​ടെ സാക്ഷികൾ തിരി​ച്ച​റി​ഞ്ഞു. ഈ വസ്‌തു​ത​യ്‌ക്കു​ളള കാരണ​ത്തിന്‌ അവർ വിപു​ല​മായ പ്രചാരം നൽകി.

6. (എ) ദാനി​യേൽ 4:2, 3, 17 വാക്യ​ങ്ങ​ളിൽ എന്ത്‌ ചർച്ച ചെയ്യ​പ്പെ​ട്ടി​രി​ക്കു​ന്നു? (ബി) യഹോവ ആർക്കു “രാജ്യം” കൊടു​ക്കു​ന്നു​വോ ആ “ഒരുവൻ” ആരാണ്‌?

⁶ നിങ്ങൾ നിങ്ങളു​ടെ ബൈബിൾ ദാനി​യേൽ 4-ാം അദ്ധ്യാ​യ​ത്തി​ലേ​യ്‌ക്കു തുറക്കു​ന്നു​വെ​ങ്കിൽ ഭൂമി​മേ​ലു​ളള പരമാ​ധി​കാ​രം സംബന്ധിച്ച ദൈ​വോ​ദ്ദേ​ശ്യം വെളി​പ്പെ​ടു​ത്തുന്ന ഒരു പ്രവചനം നിങ്ങൾ കണ്ടെത്തും. ആ പ്രവച​ന​നി​വൃ​ത്തി​യു​ടെ പിന്നിലെ ഉദ്ദേശ്യം “അത്യു​ന്നതൻ മനുഷ്യ​വർഗ്ഗ​ത്തി​ന്റെ രാജ്യ​ത്തിൽ ഭരണാ​ധി​കാ​രി​യാ​ണെ​ന്നും താൻ ആഗ്രഹി​ക്കുന്ന ഒരുവന്‌ അവൻ അതു കൊടു​ക്കു​ന്നു​വെ​ന്നും ജീവി​ച്ചി​രി​ക്കു​ന്നവർ അറിയ​ണ​മെ​ന്നു​ള​ള​താ​ണെ​ന്നും” പ്രസ്‌താ​വി​ക്ക​പ്പെ​ട്ടി​രി​ക്കു​ന്നു. (2, 3, 17 വാക്യങ്ങൾ) അത്യു​ന്നതൻ “രാജ്യം” കൊടു​ക്കുന്ന ഈ “ഒരുവൻ” ക്രിസ്‌തു​യേശു ആണ്‌. ബൈബി​ളി​ന്റെ  അവസാന പുസ്‌തകം “ലോക​രാ​ജ്യം” സ്വർഗ്ഗീയ രാജാ​വെന്ന നിലയിൽ അവനു കൊടു​ക്ക​പ്പെ​ടുന്ന സമയ​ത്തെ​ക്കു​റി​ച്ചു പറയുന്നു. (വെളി​പ്പാട്‌ 11:15; 12:10) അപ്പോൾ ഇതിന്റെ അർത്ഥം യേശു​ക്രി​സ്‌തു​വി​നു “ലോക​രാ​ജ്യം” നൽകി​ക്കൊണ്ട്‌ ദൈവം മാനുഷ കാര്യാ​ദി​ക​ളിൽ ഇടപെ​ടുന്ന സമയ​ത്തെ​ക്കു​റിച്ച്‌ ദാനി​യേൽ പ്രവചനം പ്രതി​പാ​ദി​ക്കു​ന്നു എന്നാണ്‌. അതെ​പ്പോ​ഴാ​യി​രി​ക്കു​മെ​ന്നാണ്‌ പ്രവചനം ചൂണ്ടി​ക്കാ​ണി​ക്കു​ന്നത്‌?

7. (എ) ദാനി​യേൽ 4:10-16-ൽ ഏതു പ്രാവ​ച​നിക സ്വപ്‌നം വിവരി​ക്ക​പ്പെ​ട്ടി​രി​ക്കു​ന്നു? (ബി) അതു നെബൂ​ഖ​ദ്‌നേസ്സർ രാജാ​വിന്‌ എങ്ങനെ ബാധക​മാ​യി?

⁷ ദാനി​യേ​ലി​ലെ പ്രവാചക സ്വപ്‌നം വെട്ടി​യി​ട​പ്പെ​ട്ട​തും അതിൻമേൽ “ഏഴുകാ​ലങ്ങൾ” കടന്നു പോകു​വോ​ളം ഇരുമ്പും ചെമ്പും കൊണ്ട്‌ ബന്ധിക്ക​പ്പെ​ട്ട​തു​മായ ഒരു വലിയ വൃക്ഷത്തെ വർണ്ണി​ക്കു​ന്നു. ആ കാലത്ത്‌ അതിന്‌ “ഒരു മൃഗത്തി​ന്റെ ഹൃദയം” കൊടു​ക്ക​പ്പെ​ടു​മാ​യി​രു​ന്നു. (ദാനി​യേൽ 4:10-16) ഇതിന്റെ അർത്ഥ​മെ​ന്താ​യി​രു​ന്നു? ദാനി​യേൽ ഇതു വിശദീ​ക​രി​ക്കാൻ ദൈവം ഇടയാക്കി: ബാബി​ലോൻ രാജാ​വായ നെബു​ഖ​ദ്‌നേ​സ്സ​റിന്‌ സുബോ​ധം നഷ്ടപ്പെ​ടു​ക​യും അവൻ തന്റെ സിംഹാ​സ​ന​ത്തിൽ നിന്ന്‌ നീക്കം ചെയ്യ​പ്പെ​ടു​ക​യും ഒരു മൃഗ​ത്തേ​പ്പോ​ലെ ജീവി​ക്കാൻ മനുഷ്യ​രു​ടെ ഇടയിൽനിന്ന്‌ ഓടി​ച്ചു​ക​ള​യ​പ്പെ​ടു​ക​യും ചെയ്യു​മാ​യി​രു​ന്നു. ഏഴു വർഷങ്ങൾക്കു​ശേഷം അവന്റെ സുബോ​ധം തിരി​ച്ചു​വ​രും. ഇത്‌ രാജാ​വി​നു വാസ്‌ത​വ​ത്തിൽ സംഭവി​ക്കു​ക​യും ദൈവ​ത്തി​ന്റെ ഭരണത്തി​ന്റെ ശ്രേഷ്‌ഠ​തയെ അംഗീ​ക​രി​ച്ച​വ​നെ​ന്ന​നി​ല​യിൽ തന്റെ സിംഹാ​സ​ന​ത്തിൻമേൽ പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്‌തു. (ദാനി​യേൽ 4:20-37) എന്നിരു​ന്നാ​ലും ഇതി​നെ​ല്ലാം വലിപ്പ​മേ​റിയ ഒരർത്ഥ​മു​ണ്ടാ​യി​രു​ന്നു, ആ കാരണ​ത്താൽ അതു ബൈബി​ളിൽ രേഖ​പ്പെ​ടു​ത്ത​പ്പെ​ട്ടി​രി​ക്കു​ന്നു.

8. (എ) ഈ പ്രവച​ന​ത്തി​ന്റെ വലിപ്പ​മേ​റിയ അർത്ഥം ഏതു രാജ്യ​ത്തോട്‌ ബന്ധപ്പെ​ട്ടി​രി​ക്കു​ന്നു? (ബി) ഈ വലിപ്പ​മേ​റിയ നിവൃ​ത്തി​യിൽ, വൃക്ഷത്തി​ന്റെ വെട്ടി​യി​ടീ​ലി​നാൽ എന്തു പ്രതി​നി​ധാ​നം ചെയ്യ​പ്പെ​ടു​ന്നു, ‘അതിന്‌ ഒരു മൃഗത്തി​ന്റെ ഹൃദയം കൊടു​ക്ക​പ്പെട്ട’തെങ്ങനെ?

⁸ വലിപ്പ​മേ​റിയ അർത്ഥത്തിന്‌ ഭൂമി​യി​ലെ സകല ജീവി​കൾക്കും പ്രയോ​ജനം ചെയ്യുന്ന കൂടുതൽ ശക്തമായ ഒരു ഭരണ​ത്തോട്‌ ബന്ധമുണ്ട്‌. അതിൽനിന്ന്‌, പ്രവചനം പറയുന്നു, “എല്ലാവർക്കും ആഹാര​വും” മൃഗങ്ങൾക്കും പക്ഷികൾക്കും​പോ​ലും സംരക്ഷ​ണ​വും ഉണ്ടായി​രി​ക്കും. (ദാനി​യേൽ 4:12)  ഈ പ്രയോ​ജ​നങ്ങൾ യഥാർത്ഥ​ത്തിൽ കൈവ​രു​ത്താൻ കഴിയുന്ന ഏക ഭരണം ദൈവ​ത്തി​ന്റെ രാജ്യ​മാണ്‌. ഈ ഗവൺമെൻറി​ന്റെ നീതി​യു​ളള തത്വങ്ങൾ യെരൂ​ശ​ലേം തലസ്ഥാ​ന​മാ​ക്കി രാജാ​ക്കൻമാർ ഭരിച്ചി​രുന്ന യഹൂദ​യു​ടെ ചരി​ത്ര​ത്താൽ പ്രകട​മാ​ക്ക​പ്പെട്ടു. എന്നാൽ അവിശ്വ​സ്‌തത നിമിത്തം യഹൂദ പൊ. യു. മു. 607-ൽ ബാബി​ലോ​നാൽ ജയിച്ച​ട​ക്ക​പ്പെ​ടാൻ യഹോവ അനുവ​ദി​ച്ചു. അതു സ്വപ്‌ന​ത്തി​ലെ വൃക്ഷം വെട്ടി​യി​ട​പ്പെ​ടു​ക​യും കുററി​ക്കു ചുററും നിയ​ന്ത്ര​ണ​ത്തി​ന്റെ ബന്ധനങ്ങൾ വയ്‌ക്ക​പ്പെ​ടു​ക​യും ചെയ്‌ത​തു​പോ​ലെ ആയിരു​ന്നു. അന്നുമു​തൽ ദിവ്യ ഇടപെടൽ കൂടാതെ ദേശീയ ഗവൺമെൻറു​കൾ ലോകാ​ധി​പ​ത്യം നടത്തി​പ്പോ​രു​ന്നു. ഈ ദേശീയ രാജ്യങ്ങൾ “മൃഗങ്ങ​ളാൽ” ചിത്രീ​ക​രി​ക്ക​പ്പെ​ടു​ന്ന​തി​നാൽ “അതിന്‌ ഒരു മൃഗത്തി​ന്റെ ഹൃദയം കൊടു​ക്ക​പ്പെ​ടട്ടെ, അതിൻമേൽ ഏഴുകാ​ലങ്ങൾ കടന്നു​പോ​കട്ടെ,” എന്നു സ്വർഗ്ഗ​ത്തിൽനി​ന്നു ഒരു ദൂതൻ പ്രഖ്യാ​പി​ച്ച​തു​പോ​ലെ​യാ​യി​രു​ന്നു അത്‌. (ദാനി​യേൽ 4:16; 8:1-8, 20-22) എന്നിരു​ന്നാ​ലും ഒടുവിൽ മൃഗസ​മാ​ന​മായ ഗവൺമെൻറു​ക​ളാ​ലു​ളള ഭരണത്തി​ന്റെ ആ “ഏഴു കാലങ്ങൾ” അവസാ​നി​ക്കു​മാ​യി​രു​ന്നു. അപ്പോൾ ‘ബന്ധനങ്ങൾ’ നീക്ക​പ്പെ​ടു​ക​യും “ലോക​രാ​ജ്യം” യഹോവ ആർക്കു കൊടു​ക്കു​ന്നു​വോ അവൻ ലോകാ​ധി​പ​ത്യം പ്രയോ​ഗി​ച്ചു തുടങ്ങു​ക​യും ചെയ്യു​മ്പോൾ “വൃക്ഷം” വീണ്ടും വളരു​മാ​യി​രു​ന്നു.

9, 10. (എ) “ഏഴുകാ​ല​ങ്ങ​ളു​ടെ” ദൈർഘ്യം കണക്കു​കൂ​ട്ടു​ക​യിൽ ഓരോ “കാലവും” എത്ര ദീർഘ​മാ​ണെന്ന്‌ തെളി​യു​ന്നു? ബൈബിൾ ഇത്‌ എങ്ങനെ സൂചി​പ്പി​ക്കു​ന്നു? (ബി) “ഏഴു കാലങ്ങൾ” എപ്പോൾ തുടങ്ങി, അവ എത്ര വർഷങ്ങ​ളാണ്‌, അവ എപ്പോൾ അവസാ​നി​ക്കു​ന്നു?

⁹ ആ “ഏഴു കാലങ്ങൾ” എത്ര ദൈർഘ്യ​മു​ള​ള​വ​യാ​യി​രു​ന്നു? ഏഴുവർഷ​ങ്ങ​ളേ​ക്കാൾ വളരെ​യ​ധി​കം, എന്തു​കൊ​ണ്ടെ​ന്നാൽ നൂററാ​ണ്ടു​കൾക്കു​ശേഷം “ജനതക​ളു​ടെ നിയമിത കാലങ്ങൾ” അപ്പോ​ഴും തുടരു​ക​യാ​യി​രു​ന്നു എന്ന്‌ യേശു ചൂണ്ടി​ക്കാ​ട്ടി. പൊ. യു. മു. 607-ൽ ബാബി​ലോൻ യെരൂ​ശ​ലേ​മി​നെ ജയിച്ച​ട​ക്കി​യ​തു​മു​തൽ അവ ലോകാ​ധി​പ​ത്യം പുലർത്തി​യി​രു​ന്നു, കുറേ​ക്കാ​ല​ത്തേ​യ്‌ക്കു​കൂ​ടി അങ്ങനെ തുടരു​ക​യും ചെയ്യു​മാ​യി​രു​ന്നു.—ലൂക്കോസ്‌ 21:24.

¹⁰ ബൈബിൾ പ്രവാചക “കാലങ്ങ”ളെ പരാമർശി​ക്കു​ന്ന​തെ​ങ്ങ​നെ​യെന്ന്‌ നിങ്ങൾ തന്നെ കാണുക. 1,260 ദിവസങ്ങൾ 42 മാസങ്ങ​ളോ മൂന്നര​വർഷ​ങ്ങ​ളോ ആണെന്ന്‌ വെളി​പ്പാട്‌ 11:2, 3 കാണി​ക്കു​ന്നു. വെളി​പ്പാട്‌ 12:6, 14 അതേ ദിവസ​ങ്ങ​ളു​ടെ എണ്ണത്തേ​ക്കു​റിച്ച്‌ (1,260) “കാലവും [1] കാലങ്ങ​ളും  [2] അരക്കാ​ല​വും,” അതായത്‌ മൂന്നര“കാലങ്ങ”ൾ എന്നാണ്‌ പറഞ്ഞി​രി​ക്കു​ന്നത്‌. ആ “കാലങ്ങളി”ൽ ഒരോ​ന്നും 360 ദിവസ​ങ്ങ​ളാണ്‌. (3 1⁄2×360=1,260) ഒരു വർഷത്തിന്‌ ഒരു ദിവസം എന്ന തത്വം അനുസ​രിച്ച്‌ ഈ പ്രവാചക “കാലങ്ങ”ളുടെ “ഓരോ ദിവസ​വും ഒരു പൂർണ്ണ​വർഷത്തെ” പ്രതി​നി​ധാ​നം ചെയ്യുന്നു. (സംഖ്യാ​പു​സ്‌തകം 14:34; യെഹെ​സ്‌ക്കേൽ 4:6) അപ്രകാ​രം “ഏഴ്‌ കാലങ്ങൾ” 2,520 വർഷങ്ങൾ ആണ്‌ (7×360). യഹൂദ​യി​ലെ മാതൃ​കാ​പ​ര​മായ ദൈവ​രാ​ജ്യം ബാബി​ലോ​നാൽ നിലം​പ​രി​ചാ​ക്ക​പ്പെട്ട പൊ. യു. മു. 607-ലെ ശരത്‌കാ​ലം മുതൽ എണ്ണിയാൽ 2,520 വർഷങ്ങൾ പൊ. യു. 1914-ലെ ശരത്‌കാ​ലത്ത്‌ നമ്മെ എത്തിക്കു​ന്നു (606 1⁄4+1913 3⁄4=2,520). “ലോകരാജ്യം” യേശു​ക്രി​സ്‌തു​വിന്‌ ഭരമേൽപ്പി​ക്ക​പ്പെ​ടാ​നു​ളള വർഷം അതായി​രു​ന്നു.

11. ആയിര​ത്തി​ത്തൊ​ള​ളാ​യി​രത്തി പതിനാല്‌ എന്ന വർഷത്തി​ന്റെ പ്രാധാ​ന്യ​ത്തെ​ക്കു​റിച്ച്‌ ചരി​ത്ര​കാ​രൻമാർ എന്തു പറയുന്നു?

¹¹ ബൈബിൾ 1914-ലേയ്‌ക്കു വിരൽ ചൂണ്ടുന്നു എന്ന്‌ പ്രഖ്യാ​പി​ച്ച​ശേഷം അതിന്റെ അനന്തര​ഫലം കാണു​ന്ന​തിന്‌ മുമ്പ്‌ യഹോ​വ​യു​ടെ സാക്ഷി​കൾക്ക്‌ പല ദശാബ്ദങ്ങൾ കാത്തി​രി​ക്കേ​ണ്ട​തു​ണ്ടാ​യി​രു​ന്നു. 1914-ന്റെ ആരംഭ​ത്തിൽ നിലവി​ലി​രുന്ന സമാധാ​നാ​വസ്ഥ യാതൊ​ന്നും സംഭവി​ക്കാൻ പോകു​ന്നില്ല എന്ന്‌ പലരും വിചാ​രി​ക്കാൻ ഇടയാക്കി. എന്നാൽ വേനൽ അവസാ​നി​ക്കു​ന്ന​തി​നു​മുമ്പ്‌ അന്നുവരെ സംഭവി​ച്ചി​ട്ടി​ല്ലാത്ത തരം ഒരു യുദ്ധത്തിൽ ലോകം മുഴു​കി​യ​പ്പോൾ സാക്ഷി​ക​ളു​ടെ ആത്മവി​ശ്വാ​സം ന്യായ​യു​ക്ത​മാ​ണെന്നു തെളി​യി​ക്ക​പ്പെട്ടു. 1914 എന്ന പുസ്‌ത​ക​ത്തി​ന്റെ പുനര​വ​ലോ​ക​ന​ത്തിൽ ചരി​ത്ര​കാ​ര​നായ എ. എൽ. റൗസ്‌ ഇപ്രകാ​രം എഴുതി: “ഒരു യുഗത്തി​ന്റെ അന്ത്യ​ത്തെ​യും മറെറാ​ന്നി​ന്റെ ആരംഭ​ത്തെ​യും അടയാ​ള​പ്പെ​ടു​ത്തിയ ഒരു വർഷം എന്നെങ്കി​ലും ഉണ്ടായി​രു​ന്നി​ട്ടു​ണ്ടെ​ങ്കിൽ അത്‌ 1914 ആയിരു​ന്നു. ആ വർഷം പഴയ​ലോ​കത്തെ അതിന്റെ സുരക്ഷി​ത​ത്വ​ബോ​ധ​ത്തോ​ടെ അന്ത്യത്തി​ലേ​യ്‌ക്കു വരുത്തു​ക​യും ആധുനി​ക​യു​ഗ​ത്തിന്‌ തുടക്ക​മി​ടു​ക​യും ചെയ്‌തു. അതിന്റെ പ്രത്യേക ലക്ഷണങ്ങൾ നമ്മുടെ ദൈനം​ദി​ന​പ​ങ്കായ അരക്ഷി​താ​വ​സ്ഥ​യാണ്‌.”⁴⁴ ബ്രിട്ടീഷ്‌ രാജ്യ​ത​ന്ത്ര​ജ്ഞ​നാ​യി​രുന്ന വിൻസ്‌ററൺ ചർച്ചി​ലി​നെ കുറി​ച്ചു​ളള ഒരു റിപ്പോർട്ട്‌ ഇപ്രകാ​രം കുറി​ക്കൊ​ണ്ടു: “സാരാ​ജെ​വോ​യിൽ 1914 ജൂൺ 28-ന്‌ വച്ച വെടി സുരക്ഷി​ത​ത്വ​വും സൃഷ്ടി​പ​ര​മായ ന്യായ​ബോ​ധ​വു​മു​ളള ലോകത്തെ തകർത്തി​രു​ന്നു. . . . അന്നുമു​തൽ ലോകം ഒരിക്ക​ലും അതേസ്ഥലം തന്നെ ആയിരു​ന്നി​ട്ടില്ല. . . . അത്‌ ഒരു വഴിത്തി​രി​വാ​യി​രു​ന്നു. അത്ഭുത​ക​ര​വും ശാന്തവും  ആകർഷ​ക​വു​മാ​യി​രുന്ന ഇന്നലത്തെ ലോകം വീണ്ടും ഒരിക്ക​ലും പ്രത്യ​ക്ഷ​പ്പെ​ടാ​ത്ത​വണ്ണം അപ്രത്യ​ക്ഷ​മാ​യി​രു​ന്നു.”⁴⁵ നൂററാ​ണ്ടു​കൾക്കു​മു​മ്പേ ബൈബിൾ പ്രവച​ന​ത്താൽ അടയാ​ള​പ്പെ​ടു​ത്ത​പ്പെട്ട ആ വർഷം വാസ്‌ത​വ​ത്തിൽ ചരി​ത്ര​ത്തി​ലെ ഒരു വഴിത്തി​രി​വാ​ണെന്നു തെളിഞ്ഞു.

12. ആയിര​ത്തി​ത്തൊ​ള​ളാ​യി​രത്തി പതിനാ​ലി​ലും അതിനു ശേഷവും മാനു​ഷ​കാ​ര്യാ​ദി​ക​ളി​ലു​ണ്ടാ​യി​ട്ടു​ളള വലിയ വിപ്ലവ മുന്നേ​റ​റ​ങ്ങ​ളു​ടെ കാരണ​മെ​ന്താ​യി​രു​ന്നു?

¹² ക്രിസ്‌തു​വി​ന്റെ സിംഹാ​സ​നാ​രോ​ഹണം ഭൂമി​യിൽ മുമ്പു​ണ്ടാ​യി​ട്ടി​ല്ലാത്ത തരം യുദ്ധത്താൽ അടയാ​ള​പ്പെ​ടു​ത്ത​പ്പെ​ടു​ന്നത്‌ ആദ്യം വിചി​ത്ര​മാ​യി തോന്നി​യേ​ക്കാം. എന്നാൽ “ലോക​ത്തി​ന്റെ ഭരണാ​ധി​പൻ” പിശാ​ചായ സാത്താ​നാ​ണെന്ന്‌ മറക്കരുത്‌. (യോഹ​ന്നാൻ 14:30) ദൈവ​രാ​ജ്യം ഭൂമി​യി​ലെ കാര്യാ​ദി​കളെ നയിക്കു​ന്നതു കാണാൻ അവൻ ആഗ്രഹി​ച്ചില്ല. ആ രാജ്യ​ത്തിൽ നിന്ന്‌ ശ്രദ്ധ തിരി​ക്കു​ന്ന​തിന്‌ തങ്ങളുടെ തന്നെ പരമാ​ധി​കാ​രം സംബന്ധിച്ച അവകാ​ശ​വാ​ദം ഉയർത്തി​പ്പി​ടി​ക്കാ​നു​ളള ഒരു യുദ്ധത്തി​ലേ​യ്‌ക്കു അവൻ മനുഷ്യ​രെ തന്ത്രപൂർവ്വം നയിച്ചു. അതിലു​പരി, രാജ്യ​ഗ​വൺമെൻറി​നെ അതിന്റെ ജനനത്തി​ങ്കൽതന്നെ വിഴു​ങ്ങി​ക്ക​ള​യു​വാൻ സാത്താ​നും അവന്റെ ഭൂതങ്ങ​ളും ശ്രമിച്ചു എന്ന്‌ ബൈബിൾ പ്രകട​മാ​ക്കു​ന്നു. ഫലമെ​ന്താ​യി​രു​ന്നു? “സ്വർഗ്ഗ​ത്തിൽ യുദ്ധം പൊട്ടി​പ്പു​റ​പ്പെട്ടു. . . . മുഴു​നി​വ​സിത ഭൂമി​യെ​യും വഴി​തെ​റ​റി​ക്കുന്ന പിശാ​ചും സാത്താ​നും എന്നു വിളി​ക്ക​പ്പെ​ടുന്ന ആദ്യപാ​മ്പായ മഹാസർപ്പം താഴോ​ട്ടു വലി​ച്ചെ​റി​യ​പ്പെട്ടു; അവൻ താഴോട്ട്‌ ഭൂമി​യി​ലേക്ക്‌ വലി​ച്ചെ​റി​യ​പ്പെട്ടു; അവന്റെ ദൂതൻമാ​രും അവനോ​ടു​കൂ​ടെ താഴോ​ട്ടു വലി​ച്ചെ​റി​യ​പ്പെട്ടു.” സാത്താന്‌ “ഒരു ചുരു​ങ്ങിയ കാലഘട്ടം” മാത്രമേ അവശേ​ഷി​ച്ചി​ട്ടു​ണ്ടാ​യി​രു​ന്നു​ളളൂ എന്നതി​നാൽ അവന്റെ കോപം വലുതാ​യി​രു​ന്നു. (വെളി​പ്പാട്‌ 12:3-12) അതിന്‌ പത്തൊൻപതു നൂററാ​ണ്ടു​കൾക്കു മുമ്പ്‌ തന്നെ അനന്തര​ഫ​ല​ത്തെ​ക്കു​റിച്ച്‌ ബൈബിൾ കൃത്യ​മായ ഒരു വിവരണം നൽകി.

(2) പ്രത്യേക പ്രാധാ​ന്യ​മു​ളള സംഭവങ്ങൾ

13. യേശു ‘തന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം’ പ്രസ്‌താ​വി​ക്കു​ന്ന​തി​ലേക്ക്‌ നയിച്ച​തെന്ത്‌?

¹³ പൊ. യു. 33-ാമാണ്ടിൽ യേശു ‘തന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം’ വിശദ​മാ​യി വിവരി​ച്ചു. ഇത്‌ മത്തായി 24, 25, മർക്കോസ്‌ 13, ലൂക്കോസ്‌ 21 എന്നീ അദ്ധ്യാ​യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്നു.  ഒരു സംഘം ശിഷ്യൻമാ​രോ​ടു​കൂ​ടെ യെരൂ​ശ​ലേ​മി​ലാ​യി​രി​ക്കു​മ്പോൾ യേശു അവിടത്തെ ആലയത്തി​ന്റെ നാശം മുൻകൂ​ട്ടി​പ്പ​റ​ഞ്ഞി​രു​ന്നു. അപ്പോൾ അവന്റെ ശിഷ്യൻമാർ ചോദി​ച്ചു: “ഞങ്ങളോ​ടു പറയൂ, ഈ കാര്യങ്ങൾ എപ്പോ​ഴാ​യി​രി​ക്കും, നിന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?”—മത്തായി 24:1-3.

14. യേശു “അടയാള”ത്തിലുൾപ്പെ​ടു​ത്തിയ സുപ്ര​ധാന സംഭവ​ങ്ങ​ളിൽ ചിലത്‌ പറയുക.

¹⁴ ഉത്തരമാ​യി യേശു പറഞ്ഞു: “നിങ്ങൾ യുദ്ധങ്ങ​ളെ​യും യുദ്ധ​ശ്രു​തി​ക​ളെ​യും കുറിച്ച്‌ കേൾക്കാൻ പോവു​ക​യാണ്‌. നിങ്ങൾ ഭയപ്പെ​ടാ​തി​രി​ക്കാൻ ശ്രദ്ധി​ച്ചു​കൊൾക. എന്തു​കൊ​ണ്ടെ​ന്നാൽ ഈ കാര്യങ്ങൾ സംഭവി​ക്കേ​ണ്ട​താണ്‌, എന്നാൽ അന്ത്യം അപ്പോ​ഴും ആയിട്ടില്ല. എന്തു​കൊ​ണ്ടെ​ന്നാൽ രാഷ്‌ട്രം രാഷ്‌ട്ര​ത്തി​നെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഭക്ഷ്യക്ഷാ​മ​ങ്ങ​ളും അവിട​വി​ടെ ഭൂകമ്പ​ങ്ങ​ളും ഉണ്ടായി​രി​ക്കും. ഈ കാര്യ​ങ്ങ​ളെ​ല്ലാം കൊടും വിപത്തി​ന്റെ യാതന​ക​ളു​ടെ ആരംഭ​മാണ്‌.” ലൂക്കോസ്‌ 21:11 പ്രകട​മാ​ക്കു​ന്ന​തു​പോ​ലെ അവൻ ‘അവിട​വി​ടെ മഹാമാ​രി’ ഉണ്ടാകു​ന്ന​തി​നെ​ക്കു​റി​ച്ചും പറഞ്ഞി​രു​ന്നു. അവൻ “നിയമ​രാ​ഹി​ത്യ​ത്തി​ന്റെ വർദ്ധനവി”നെക്കു​റി​ച്ചു മുന്നറി​യി​പ്പു​കൊ​ടു​ത്തു. ഇതു നിമിത്തം “അധികം പേരു​ടെ​യും സ്‌നേഹം തണുത്തു​പോ​കു”മെന്ന്‌ അവൻ പറഞ്ഞു. പ്രാധാ​ന്യ​മർഹി​ക്കു​ന്ന​താ​യി, “രാജ്യ​ത്തി​ന്റെ ഈ സുവാർത്ത സകല ജനതകൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും, അപ്പോൾ അവസാ​നം​വ​രും” എന്ന്‌ അവൻ മുൻകൂ​ട്ടി പറഞ്ഞു.—മത്തായി 24:4-14.

15, 16. (എ) പൊ. യു. 70-ൽ യെരൂ​ശ​ലേം നശിപ്പി​ക്ക​പ്പെ​ടു​ന്ന​തിന്‌ മുമ്പ്‌ യേശു​വി​ന്റെ പ്രവച​ന​ങ്ങ​ളി​ലേ​തെ​ങ്കി​ലും നിവൃ​ത്തി​യേ​റി​യോ? (ബി) ഇതിലു​മ​ധി​കം പ്രധാ​ന​മായ മറെറാ​രു നിവൃ​ത്തി​കൂ​ടെ ഉണ്ടായി​രി​ക്കേ​ണ്ട​താ​ണെന്ന്‌ നാം എങ്ങനെ അറിയു​ന്നു?

¹⁵ ‘എന്നാൽ ഈ പ്രവച​ന​ങ്ങ​ളിൽ ചിലത്‌ പൊ. യു. 70-ാമാണ്ടിൽ റോമാ​ക്കാ​രാൽ യെരൂ​ശ​ലേ​മി​നു​ണ്ടായ നാശത്തിന്‌ മുമ്പ്‌ നിവൃ​ത്തി​യാ​യി​ല്ലേ?’ എന്ന ചോദ്യം ചോദി​ക്ക​പ്പെ​ട്ടേ​ക്കാം. ഉവ്വ്‌, ചിലത്‌ നിവൃ​ത്തി​യാ​യി. എന്നാൽ ആ പ്രവച​നങ്ങൾ തന്നെ പ്രകട​മാ​ക്കു​ന്ന​തു​പോ​ലെ, കൂടുതൽ സംഭവി​ക്കാ​നി​രു​ന്നു. യേശു തന്റെ ശിഷ്യൻമാർക്ക്‌ നേരിട്ട്‌ താല്‌പ​ര്യ​മു​ളള ഒരു ചോദ്യ​ത്തിന്‌ ഉത്തരം കൊടു​ക്കു​ക​യാ​യി​രു​ന്നു എന്നത്‌ വാസ്‌ത​വ​മാണ്‌. എന്നാൽ “ശക്തി​യോ​ടും മഹത്വ​ത്തോ​ടും കൂടി” “മനുഷ്യ​പു​ത്രൻ” വരുന്ന​തും “ദൈവ​രാ​ജ്യം  ആസന്നമാ​യി​രി​ക്കുന്ന”തുമായ സമയ​ത്തെ​ക്കു​റി​ച്ചും ഭൂവ്യാ​പ​ക​മായ വിവരങ്ങൾ നൽകാൻ അവൻ ഈ അവസരം ഉപയോ​ഗി​ച്ചു.—ലൂക്കോസ്‌ 21:27, 31.

¹⁶ തീർച്ച​യാ​യും, ഈ കാര്യങ്ങൾ പൊ. യു. 70-ലെ യെരൂ​ശ​ലേ​മി​ന്റെ നാശത്തി​ന്റെ സമയമാ​യ​പ്പോ​ഴേ​യ്‌ക്കും സംഭവി​ച്ചില്ല. പൊ. യു. 96-നോട​ടുത്ത്‌ എഴുത​പ്പെട്ട ബൈബി​ളി​ന്റെ അവസാന പുസ്‌ത​ക​മായ വെളി​പ്പാട്‌ രാജ്യത്തെ സംബന്ധി​ച്ചു​ളള ഈ സംഭവങ്ങൾ ഭാവി​യിൽ നടക്കാ​നു​ള​ള​താ​ണെന്ന്‌ പ്രകട​മാ​ക്കു​ന്നു. (വെളി​പ്പാട്‌ 1:1; 11:15-18; 12:3-12). യേശു മുൻകൂ​ട്ടി​പ്പറഞ്ഞ യുദ്ധങ്ങൾ, ഭക്ഷ്യക്ഷാ​മങ്ങൾ, പകർച്ച​വ്യാ​ധി​കൾ എന്നിവ അസാധാ​രണ അളവി​ലു​ളള ഭാവി സംഭവങ്ങൾ ആയിരി​ക്കു​മെന്ന്‌ വെളി​പ്പാട്‌ പുസ്‌തകം പ്രതീ​കാ​ത്‌മക ഭാഷയിൽ പ്രകട​മാ​ക്കു​ന്നു. അവ യേശു​ക്രി​സ്‌തു ദൈവ​രാ​ജ്യ​ത്തി​ന്റെ സകല എതിരാ​ളി​ക​ളെ​യും കീഴട​ക്കാൻ തുടങ്ങു​ക​യും കീഴടക്കൽ പൂർത്തി​യാ​ക്കു​ക​യും ചെയ്യുന്ന സമയത്തെ അടയാ​ള​പ്പെ​ടു​ത്തും. (വെളി​പ്പാട്‌ 6:1-8) യേശു​വി​ന്റെ പ്രവച​ന​ത്തി​ലെ ചില ഭാഗങ്ങൾ ഒന്നാം നൂററാ​ണ്ടിൽ പൂർത്തി​യാ​കു​ക​തന്നെ ചെയ്‌തു എന്ന വസ്‌തുത അതു സത്യമാ​ണെന്നു മുദ്ര​യ​ടി​ച്ചു. അത്‌ യേശു പറഞ്ഞ ബാക്കി കാര്യ​ങ്ങ​ളും നിവൃ​ത്തി​യാ​കു​മെന്ന്‌ വിശ്വ​സി​ക്കാൻ നല്ല കാരണം നൽകുന്നു.

17. ഇന്നത്തെ ലോകാ​വ​സ്ഥകൾ 1914-നു മുമ്പ​ത്തേ​തിൽനിന്ന്‌ യഥാർത്ഥ​ത്തിൽ വളരെ വ്യത്യ​സ്‌ത​മാ​ണോ?

¹⁷ ഈ പ്രവച​ന​ങ്ങൾക്ക്‌ 20-ാം നൂററാ​ണ്ടിൽ വലിപ്പ​മേ​റിയ, പൂർണ്ണ​മായ നിവൃ​ത്തി​യു​ണ്ടാ​യി​ട്ടു​ണ്ടോ? 70 വയസ്സിൽ കുറഞ്ഞ, കാര്യ​ജ്ഞാ​ന​മി​ല്ലാത്ത ആളുകൾ നമ്മുടെ കാലം സാധാരണ നിലയി​ലു​ള​ള​താണ്‌ എന്ന്‌ കരുതി​യേ​ക്കാം. കാരണം കാര്യങ്ങൾ ഇതിൽനിന്ന്‌ വ്യത്യ​സ്‌ത​മാ​യി​രുന്ന ഒരു സമയം അവർ ഓർമ്മി​ക്കു​ന്നില്ല. എന്നാൽ പ്രായ​മേ​റിയ ആളുകൾക്ക്‌, ചരിത്രം സംബന്ധിച്ച്‌ അഭിജ്ഞ​രാ​യ​വർക്കും വാസ്‌ത​വ​സ്ഥി​തി ഇതല്ലെ​ന്ന​റി​യാം. 1914-ലെ സംഭവ​ങ്ങ​ളെ​പ്പ​ററി ഒരു ചരിത്ര പുസ്‌തകം പറഞ്ഞ പ്രകാരം: “പതിനഞ്ച്‌ രാജ്യങ്ങൾ മാത്രമേ യുദ്ധത്തിൽ ഉൾപ്പെ​ടാ​തി​രു​ന്നു​ളളു. . . . എന്നാൽ അവയുടെ ഇടയിൽ മദ്ധ്യസ്ഥ​നാ​യി പ്രവർത്തി​ക്കാൻ ശക്തിയു​ളള ഒരു വലിയ രാജ്യം ഉണ്ടായി​രു​ന്നില്ല. ലോക ചരി​ത്ര​ത്തിൽ ഇത്‌ ഒരിക്ക​ലും സംഭവി​ച്ചി​ട്ടി​ല്ലാ​യി​രു​ന്നു; യാതൊ​രു യുദ്ധത്തി​നും ഒരിക്ക​ലും ഇത്തരം പരിമാ​ണങ്ങൾ ഉണ്ടായി​രു​ന്നി​ട്ടില്ല. ‘ജനത ജനതയ്‌ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേ​ല്‌ക്കു’മെന്നുളള വിശുദ്ധ ബൈബി​ളി​ലെ പ്രവചനം അക്ഷരീ​യ​മാ​യി നിറ​വേറി.”⁴⁶

18. വിപു​ല​വ്യാ​പ​ക​മായ യുദ്ധം മാത്ര​മാണ്‌ “അടയാള”ത്തിൽ ഉൾപ്പെ​ട്ടി​രു​ന്ന​തെന്ന്‌ നാം നിഗമനം ചെയ്യു​ന്നത്‌ തെററാ​യി​രി​ക്കു​ന്ന​തെ​ന്തു​കൊണ്ട്‌?

 ¹⁸ എന്നാൽ “അടയാളം” എന്ന്‌ യേശു പറഞ്ഞത്‌ ഇത്തരം കാര്യങ്ങൾ മാത്ര​മാ​യി​രു​ന്നില്ല. ഒരു ദൃഷ്ടാ​ന്ത​മു​പ​യോ​ഗി​ച്ചു​കൊണ്ട്‌ അവനി​ങ്ങനെ പറഞ്ഞു: “അത്തിവൃ​ക്ഷ​ത്തെ​യും മറെറ​ല്ലാ​വൃ​ക്ഷ​ങ്ങ​ളെ​യും ശ്രദ്ധി​ക്കുക. അവ തളിർക്കു​മ്പോൾ തന്നെ അതു നിരീ​ക്ഷി​ക്കു​ന്ന​തി​നാൽ വേനൽ ഇപ്പോൾ അടുത്തി​രി​ക്കു​ന്നു​വെന്ന്‌ നിങ്ങൾ തന്നെ അറിയു​ന്നു. ഈ വിധത്തിൽ, ഈ കാര്യങ്ങൾ സംഭവി​ക്കു​ന്ന​താ​യി നിങ്ങൾ കാണു​മ്പോൾ ദൈവ​രാ​ജ്യം അടുത്തി​രി​ക്കു​ന്നു എന്ന്‌ നിങ്ങളും അറിഞ്ഞു​കൊൾവിൻ. സത്യമാ​യി ഞാൻ നിങ്ങ​ളോ​ടു പറയുന്നു, സകലവും സംഭവി​ക്കു​ന്ന​തു​വരെ ഈ തലമുറ യാതൊ​രു പ്രകാ​ര​ത്തി​ലും നീങ്ങി​പ്പോ​ക​യില്ല.” (ലൂക്കോസ്‌ 21:29-32) കാലം തെററി ഒരു വൃക്ഷം മാത്രം ഇലകൾ പുറ​പ്പെ​ടു​വി​ക്കു​ന്ന​താ​യി നിങ്ങൾ കണ്ടാൽ വേനൽ അടുത്തി​രി​ക്കു​ന്നു എന്ന്‌ നിങ്ങൾ വിചാ​രി​ക്കില്ല. എന്നാൽ സകല വൃക്ഷങ്ങ​ളും ശരിയായ സമയത്ത്‌ തളിർക്കു​ന്നതു കാണു​മ്പോൾ അതിന്റെ അർത്ഥ​മെ​ന്താ​ണെന്ന്‌ നിങ്ങൾക്ക​റി​യാം. അതു​പോ​ലെ യേശു​വി​ന്റെ “സാന്നി​ദ്ധ്യ​വും” “വ്യവസ്ഥി​തി​യു​ടെ സമാപ​ന​വും” അടയാ​ള​പ്പെ​ടു​ത്തു​ന്നത്‌ യുദ്ധത്താൽ മാത്രമല്ല, പിന്നെ​യോ എല്ലാം ഒരു തലമു​റ​യിൽ തന്നെ സംഭവി​ക്കു​ന്ന​തായ, നിരവ​ധി​കാ​ര്യ​ങ്ങ​ളാ​ലാ​ണെന്ന്‌ അവൻ മുൻകൂ​ട്ടി​പ്പ​റഞ്ഞു.

19. (എ) തുടർന്നു​വ​രുന്ന ചാർട്ടിൽ കാണി​ച്ചി​രി​ക്കു​ന്ന​തു​പോ​ലെ “അടയാള”ത്തിന്റെ വിവിധ വശങ്ങൾ 1914 മുതൽ നിവൃ​ത്തി​യേ​റി​യി​രി​ക്കു​ന്ന​തെ​ങ്ങനെ? (ബി) മുമ്പു നടന്നി​ട്ടു​ളള യുദ്ധങ്ങ​ളും ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും മററും യേശു പ്രസ്‌താ​വിച്ച “അടയാള”മായി​രി​ക്കാ​ത്ത​തെ​ന്തു​കൊണ്ട്‌?

¹⁹ ആ കാര്യങ്ങൾ സംഭവി​ച്ചി​ട്ടു​ണ്ടോ? “അടയാളം എന്തായി​രി​ക്കും?” എന്ന ശീർഷകം വഹിക്കുന്ന തുടർന്നു വരുന്ന ചാർട്ട്‌ പരി​ശോ​ധി​ക്കു​മ്പോൾ മുൻനൂ​റ​റാ​ണ്ടു​ക​ളി​ലെ യുദ്ധങ്ങ​ളെ​ക്കു​റിച്ച്‌ വായി​ച്ചി​ട്ടു​ള​ളത്‌ നിങ്ങൾ ഓർമ്മി​ച്ചേ​ക്കാം. എന്നാൽ ഒന്നാം ലോക​മ​ഹാ​യു​ദ്ധം മറെറ​ല്ലാ​റ​റിൽ നിന്നും വിഭി​ന്ന​മാ​യി, ചരി​ത്ര​ത്തി​ലെ ഒരു വഴിത്തി​രി​വാ​യി, മുന്തി​നിൽക്കു​ന്നു. 1914-നു മുമ്പ്‌ ഭക്ഷ്യക്ഷാ​മ​ങ്ങ​ളോ പകർച്ച​വ്യാ​ധി​ക​ളോ ഭൂകമ്പ​ങ്ങ​ളോ നിയമ​രാ​ഹി​ത്യ​ത്തി​ന്റെ കാലങ്ങ​ളോ സമാധാ​ന​വും സുരക്ഷി​ത​ത്വ​വും സ്ഥാപി​ക്കാ​നു​ളള അസാധാ​രണ ശ്രമങ്ങ​ളോ ഉണ്ടായി​രു​ന്നി​ട്ടു​ള​ള​താ​യി നിങ്ങൾ അനുസ്‌മ​രി​ച്ചേ​ക്കാം. എന്നിരു​ന്നാ​ലും ചരി​ത്ര​ത്തി​ലെ മറെറാ​രു സമയത്തും ഈ കാര്യ​ങ്ങ​ളെ​ല്ലാം​കൂ​ടി ഒരു തലമു​റ​യിൽ ഇത്ര ഉഗ്രമായ  അളവിൽ സംഭവി​ച്ചി​ട്ടില്ല. സത്യസ​ന്ധ​മാ​യി നോക്കി​യാൽ, 1914-മുതലു​ളള സംഭവങ്ങൾ അടയാ​ളത്തെ നിവൃ​ത്തി​ക്കു​ന്നി​ല്ലെ​ങ്കിൽ എന്താണ്‌ കൂടു​ത​ലാ​യി ആവശ്യ​മു​ള​ളത്‌? നിസ്സം​ശ​യ​മാ​യി, രാജ്യാ​ധി​കാ​ര​ത്തി​ലു​ളള യേശു​വി​ന്റെ “സാന്നിദ്ധ്യ”കാലത്താണ്‌ നാം ജീവി​ക്കു​ന്നത്‌.

20, 21. ഒന്നാം ലോക മഹായു​ദ്ധ​ത്തോ​ടു ബന്ധപ്പെട്ട സംഭവങ്ങൾ, യേശു​മുൻകൂ​ട്ടി പറഞ്ഞതു​പോ​ലെ “കൊടും​വി​പ​ത്തി​ന്റെ യാതന​ക​ളു​ടെ ആരംഭം” മാത്ര​മാ​ണെന്ന്‌ തെളി​ഞ്ഞ​തെ​ങ്ങനെ?

²⁰ “അടയാള”ത്തിന്റെ ഈ വശങ്ങളു​ടെ പ്രത്യ​ക്ഷ​ത​യ്‌ക്കു ദൈവ​രാ​ജ്യം ഉടനടി ഭൂമി​യിൽ നിന്ന്‌ ദുഷ്ടത തുടച്ചു നീക്കു​മെന്ന്‌ അർത്ഥമി​ല്ലാ​യി​രു​ന്നു. യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ, “ഈ കാര്യ​ങ്ങ​ളെ​ല്ലാം കൊടും വിപത്തി​ന്റെ യാതന​ക​ളു​ടെ ഒരു ആരംഭ​മാണ്‌.” (മത്തായി 24:8) മററു​ളളവ പിന്തു​ട​രാ​നി​രു​ന്നു. ദി വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം പറയുന്നു: “ഒന്നാം ലോക​മ​ഹാ​യു​ദ്ധ​വും അതിന്റെ അനന്തര​ഫ​ല​ങ്ങ​ളും 1930-കളുടെ ആരംഭ​ത്തിൽ ചരി​ത്ര​ത്തി​ലു​ണ്ടാ​യി​ട്ടു​ള​ള​തി​ലേ​യ്‌ക്കും വലിയ സാമ്പത്തിക മാന്ദ്യ​ത്തി​ലേ​യ്‌ക്കു നയിച്ചു. യുദ്ധത്തി​ന്റെ പരിണത ഫലങ്ങളും സമാധാന ക്രമീ​ക​ര​ണ​ത്തി​ന്റെ പ്രശ്‌ന​ങ്ങ​ളും മിക്കവാ​റും എല്ലാ രാഷ്‌ട്ര​ത്തി​ലും അസ്വസ്ഥ​ത​യി​ലേ​യ്‌ക്കു നയിച്ചു.”⁴⁷ ഏതാനും വർഷങ്ങൾ കഴിഞ്ഞ്‌ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെട്ടു. അത്‌ ഒന്നാമ​ത്തേ​തി​നേ​ക്കാൾ അനേക​മ​ട​ങ്ങു​ഘോ​ര​മാ​യി​രു​ന്നു. അന്നു മുതൽ ജീവ​നോ​ടും സ്വത്തി​നോ​ടു​മു​ളള അനാദ​രവു വളർന്നു വന്നിരി​ക്കു​ന്നു, കുററ​കൃ​ത്യ​ങ്ങളെ സംബന്ധിച്ച ഭയം അനുദി​ന​ജീ​വി​ത​ത്തി​ന്റെ ഭാഗമാ​യി​ത്തീർന്നി​രി​ക്കു​ന്നു. സദാചാ​രങ്ങൾ തളളി​ക്ക​ള​യ​പ്പെ​ട്ടി​രി​ക്കു​ന്നു. ജനസം​ഖ്യാ​സ്‌ഫോ​ടനം പരിഹ​രി​ക്ക​പ്പെ​ടാൻ കഴിയാത്ത പ്രശ്‌നങ്ങൾ വരുത്തി​ക്കൂ​ട്ടു​ന്നു. മലിനീ​ക​രണം ജീവി​ത​ത്തി​ന്റെ ഗുണനി​ല​വാ​രം താഴ്‌ത്തു​ക​യും ജീവ​നെ​ത്തന്നെ ഭീഷണി​പ്പെ​ടു​ത്തു​ക​യും ചെയ്യുന്നു. ഒരു ന്യൂക്ലി​യർ കൂട്ട​ക്കൊ​ല​യു​ടെ ഭീഷണി​യും നിലവി​ലുണ്ട്‌.

²¹ ഈ “കൊടും വിപത്തി​ന്റെ യാതനകൾ” എപ്പോ​ഴാണ്‌ തുടങ്ങി​യത്‌? ലണ്ടൻ സ്‌ററാർ ഇങ്ങനെ നിരീ​ക്ഷി​ക്കു​ക​യു​ണ്ടാ​യി: “ലോക​ത്തിന്‌ ഭ്രാന്തു​പി​ടിച്ച ദിവസം. . . . 1914 [ൽ] ആയിരു​ന്നു​വെന്ന്‌ അടുത്ത നൂററാ​ണ്ടിൽ ഏതെങ്കി​ലും ചരി​ത്ര​കാ​രൻ ശരിയാ​യി നിഗമനം ചെയ്‌തേ​ക്കാം.”⁴⁸ 1914 എന്ന ആ വർഷം ബൈബിൾ പ്രവച​ന​ത്താൽ ദീർഘ​കാ​ലം മുമ്പേ അടയാ​ള​പ്പെ​ടു​ത്ത​പ്പെ​ട്ടി​രു​ന്നു.

 (3) ശ്രദ്ധാർഹ​മായ മതവി​കാ​സ​ങ്ങൾ

22. (എ) വർദ്ധിച്ച നിയമ രാഹി​ത്യ​ത്തെ​യും സ്‌നേ​ഹ​ത്തി​ന്റെ തണുക്ക​ലി​നെ​യും സംബന്ധിച്ച തന്റെ പ്രവച​നത്തെ യേശു എന്തി​നോട്‌ ബന്ധപ്പെ​ടു​ത്തി? (ബി) ക്രൈ​സ്‌ത​വ​ലോ​ക​ത്തി​ലെ വൈദി​ക​രു​ടെ ഉപദേ​ശങ്ങൾ ഈ അവസ്ഥയ്‌ക്കു സംഭാവന ചെയ്‌തി​രി​ക്കു​ന്ന​തെ​ങ്ങനെ?

²² “വ്യവസ്ഥി​തി​യു​ടെ സമാപ​ന​കാല”ത്തെ അടയാ​ള​പ്പെ​ടു​ത്തു​മെന്ന്‌ യേശു പറഞ്ഞ സുപ്ര​ധാന സംഭവ​ങ്ങ​ളിൽ പിൻവ​രു​ന്നവ ഉൾപ്പെ​ടു​ന്നു: “അനേകം കളള പ്രവാ​ച​കൻമാർ എഴു​ന്നേ​ല്‌ക്കു​ക​യും അനേകരെ വഴി​തെ​റ​റി​ക്കു​ക​യും ചെയ്യും; നിയമ​രാ​ഹി​ത്യ​ത്തി​ന്റെ വർദ്ധനവ്‌ നിമിത്തം അധികം പേരു​ടെ​യും സ്‌നേഹം തണുത്തു​പോ​കും.” (മത്തായി 24:11, 12) യേശു വർദ്ധിച്ച നിയമ​രാ​ഹി​ത്യ​ത്തെ​യും സ്‌നേ​ഹ​ത്തി​ന്റെ തണുക്ക​ലി​നെ​യും കളള​പ്ര​വാ​ച​കൻമാ​രു​ടെ, ദൈവ​ത്തി​നു​വേണ്ടി സംസാ​രി​ക്കു​ന്ന​താ​യി അവകാ​ശ​പ്പെ​ടുന്ന മതോ​പ​ദേ​ഷ്ടാ​ക്ക​ളു​ടെ, സ്വാധീ​ന​ത്തോട്‌ ബന്ധപ്പെ​ടു​ത്തി. പുരോ​ഹി​തൻമാർ രാഷ്‌ട്ര​ങ്ങ​ളു​ടെ യുദ്ധങ്ങളെ പിന്താ​ങ്ങു​ക​യും ബൈബി​ളി​ന്റെ ധാർമ്മിക നിലവാ​രങ്ങൾ കാലോ​ചി​ത​മ​ല്ലാ​ത്ത​വ​യെന്ന്‌ പറഞ്ഞ്‌ നിസ്സാ​രീ​ക​രി​ക്കു​ക​യും ബൈബി​ളി​ന്റെ ഭാഗങ്ങൾ സത്യവി​രു​ദ്ധ​മെന്നു മുദ്ര​യ​ടി​ക്കു​ക​യും ചെയ്‌തി​ട്ടുണ്ട്‌ എന്നതിനു തെളിവ്‌ ഈ പുസ്‌ത​ക​ത്തിൽ നേരത്തെ സമർപ്പി​ച്ചി​രു​ന്നു. എന്തുഫ​ല​ത്തോ​ടെ? ദൈവ​ത്തോ​ടും അവന്റെ പ്രമാ​ണ​ങ്ങ​ളോ​ടു​മു​ളള സ്‌നേ​ഹ​ത്തി​ന്റെ ഒരു ‘തണുക്കൽ.’ അധികാ​ര​സ്ഥാ​ന​ത്തോ​ടു​ളള അനാദ​ര​വും സഹമനു​ഷ്യ​രോ​ടു​ളള താല്‌പ​ര്യ​ത്തി​ന്റെ അഭാവ​വും സഹിതം ധാർമ്മീ​കാധ:പതനത്തി​ന്റെ ഒരു മുഖ്യ​കാ​രണം ഇതായി​രു​ന്നി​ട്ടുണ്ട്‌.—2 തിമൊ​ഥെ​യോസ്‌ 3:1-5.

23, 24. അടുത്ത വർഷങ്ങ​ളിൽ മതങ്ങൾക്ക്‌ എന്തു സംഭവി​ച്ചു​കൊ​ണ്ടാ​ണി​രി​ക്കു​ന്നത്‌?

²³ ഇത്തരം അവസ്ഥകൾ നിമിത്തം ദശലക്ഷ​ക്ക​ണ​ക്കി​നാ​ളു​കൾ മതസ്ഥാ​പ​നങ്ങൾ വിട്ട്‌ പോയി​ട്ടുണ്ട്‌. ചിലർ ബൈബി​ളി​ലേ​യ്‌ക്കു തിരി​യു​ക​യും അതിന്റെ വഴിക​ളോട്‌ പൊരു​ത്ത​പ്പെ​ടു​ക​യും ചെയ്യുന്നു. മററു​ള​ളവർ നിരാ​ശ​യി​ലും വെറു​പ്പി​ലും പിൻമാ​റു​ക​യാണ്‌. അനേകർ മതത്തിന്റെ ശത്രു​ക്ക​ളാ​യി​തീർന്നു​കൊ​ണ്ടി​രി​ക്കു​ന്നു. ഒരു എഴുത്തു​കാ​രൻ ഇപ്രകാ​രം പ്രസ്‌താ​വി​ച്ചു: “ലോക​ത്തി​ലെ കുഴപ്പ​ങ്ങ​ളിൽ എത്രയ​ധി​കം മതങ്ങളിൽ വേരൂ​ന്നി​യി​രി​ക്കു​ന്നു എന്ന വസ്‌തുത ഒരുവനെ തീർച്ച​യാ​യും അത്ഭുത​സ്‌ത​ബ്ധ​നാ​ക്കും. മതേതര രാഷ്‌ട്രീയ ശത്രു​ത​ക​ളിൽ ഒന്നും തന്നെ മതപര​മായ യുദ്ധത്തി​ന്റെ രക്തദാ​ഹ​ത്തോ​ടു​കൂ​ടിയ ആവേശം ജനിപ്പി​ക്കു​ന്നില്ല.” ഇതിന്റെ  വീക്ഷണ​ത്തിൽ അദ്ദേഹം ചോദി​ച്ചു: “എന്തു​കൊണ്ട്‌ മതത്തെ ഇല്ലായ്‌മ ചെയ്‌തു​കൂ​ടാ?”⁴⁹

²⁴ പ്രമു​ഖ​മ​ത​ങ്ങ​ളു​ടെ അധഃപ​ത​ന​ത്തിന്‌ മതിയായ രേഖയുണ്ട്‌. ഉദാഹ​ര​ണ​ത്തിന്‌, ഇററലി​യെ സംബന്ധിച്ച ഒരു റിപ്പോർട്ട്‌ കാണി​ക്കു​ന്നത്‌ 95 ശതമാനം ആളുക​ളും തങ്ങളെ​ത്തന്നെ കത്തോ​ലി​ക്ക​രാ​യി തിരി​ച്ച​റി​യി​ക്കു​ന്നു​ണ്ടെ​ങ്കി​ലും “ഞായറാ​ഴ്‌ച​ക​ളി​ലെ പളളി​ഹാ​ജർ 20 ശതമാ​ന​ത്തി​ലും കുറവാ​ണെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു.”⁵⁰ ലോക​ത്തി​ലാ​ക​മാ​നം പുരോ​ഹി​തൻമാ​രു​ടെ എണ്ണം കഴിഞ്ഞ പത്തുവർഷ​ങ്ങ​ളി​ലാ​യി 25,000 കണ്ട്‌ കുറഞ്ഞി​രി​ക്കു​ന്നു എന്നാണ്‌ മറെറാ​രു കണക്ക്‌ വെളി​പ്പെ​ടു​ത്തു​ന്നത്‌.⁵¹ ഐക്യ​നാ​ടു​ക​ളി​ലെ ഒരു സഭാപ​ഠനം മുൻകൂ​ട്ടി​പ്പ​റ​യു​ന്നതു “2000-ാമാ​ണ്ടോ​ടു​കൂ​ടി അമേരി​ക്ക​യി​ലെ കത്തോ​ലി​ക്കാ പുരോ​ഹി​തൻമാ​രു​ടെ എണ്ണം 50 ശതമാ​ന​വും കൂടി കുറയും” എന്നാണ്‌.⁵² ഇരുപതു വർഷത്തിൽ കുറഞ്ഞ ഒരു കാലയ​ള​വിൽ “ഐക്യ​നാ​ടു​ക​ളി​ലെ കത്തോ​ലി​ക്കാ സെമി​നാ​രി​ക​ളിൽ പ്രവേ​ശി​ക്കു​ന്ന​വ​രു​ടെ എണ്ണം 48,992 എന്ന അത്യു​ച്ച​ത്തിൽ നിന്ന്‌ 11,262 ആയി കുറഞ്ഞി​രി​ക്കു​ന്നു” എന്ന്‌ യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ട  കുറി​ക്കൊ​ണ്ടു.⁵³ കഴിഞ്ഞ 15 വർഷങ്ങ​ളിൽ ലോക​വ്യാ​പ​ക​മാ​യി “കന്യാ​സ്‌ത്രീ​ക​ളു​ടെ എണ്ണം 1,81,421-ൽ നിന്ന്‌ 1,21,370 ആയി കുറഞ്ഞു,”⁵⁴ എന്ന്‌ ദി ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു. മിക്ക മതങ്ങളി​ലെ​യും സാഹച​ര്യം സമാന​മാണ്‌.

25. (എ) ഇതിനു വിരു​ദ്ധ​മാ​യി, ഈ കാലത്ത്‌ സത്യാ​രാ​ധന സംബന്ധിച്ച്‌ എന്തു സംഭവി​ക്കു​മെന്ന്‌ ബൈബിൾ സൂചി​പ്പി​ക്കു​ന്നു? (ബി) സത്യ​ദൈ​വ​ത്തി​ന്റെ ആരാധ​ക​രു​ടെ ഈ കൂട്ടി​ച്ചേർപ്പ്‌ ആരുടെ മാർഗ്ഗ​നിർദ്ദേശ പ്രകാരം നടത്ത​പ്പെ​ടു​ന്നു, എന്തടി​സ്ഥാ​ന​ത്തിൽ? (സി) സകല രാഷ്‌ട്ര​ങ്ങ​ളി​ലെ​യും ആളുകൾ ഏതു വിവാ​ദ​വി​ഷ​യത്തെ അഭിമു​ഖീ​ക​രി​ക്കു​ന്നു?

²⁵ ഇതിന്‌ വിരു​ദ്ധ​മാ​യി, സകല ജനതക​ളിൽ നിന്നു​മു​ളള ഒരു “മഹാപു​രു​ഷാ​രം” ഈ അന്ത്യകാ​ലത്ത്‌ യഹോ​വ​യു​ടെ സത്യാ​രാ​ധ​ന​യി​ലേ​യ്‌ക്കു ആകർഷി​ക്ക​പ്പെ​ടു​മെന്ന്‌ ബൈബിൾ സൂചി​പ്പി​ക്കു​ന്നു. താൻ ആളുകളെ “മഹോ​പ​ദ്ര​വ​ത്തി​ലൂ​ടെ” സംരക്ഷി​ക്കു​ന്ന​തി​നാ​യി​ട്ടോ അല്ലെങ്കിൽ അവരുടെ “നിത്യ​ഛേ​ദ​നത്തി”നായി​ട്ടോ രണ്ടായി തിരി​ക്കും എന്നു പറഞ്ഞു​കൊണ്ട്‌ യേശു ഈ കൂട്ടി​ച്ചേർക്ക​ലി​നെ മുൻകൂ​ട്ടി​പ്പ​റഞ്ഞു. (വെളി​പ്പാട്‌ 7:9, 10, 14; യെശയ്യാവ്‌ 2:2-4; മത്തായി 25:31-33, 46) എന്താണ്‌ അതിജീ​വ​ന​ത്തി​നു​വേണ്ടി ആളുകളെ വേർതി​രി​ക്കു​ന്നത്‌? ബൈബിൾ ഉത്തരം നൽകുന്നു: “ലോകം നീങ്ങി​പ്പോ​വു​ക​യാ​കു​ന്നു, അതിന്റെ മോഹ​ങ്ങ​ളും അങ്ങനെ​തന്നെ, എന്നാൽ ദൈ​വേഷ്ടം ചെയ്യു​ന്ന​വ​നോ എന്നേയ്‌ക്കും  ഇരിക്കു​ന്നു.” (1 യോഹ​ന്നാൻ 2:17) എന്നാൽ ദൈവ​ത്തി​ന്റെ ഇഷ്ടമെ​ന്താ​ണെന്ന്‌ ആളുകൾ എങ്ങനെ​യാണ്‌ അറിയുക? ഇപ്രകാ​രം പറഞ്ഞ​പ്പോൾ യേശു മുൻകൂ​ട്ടി​പ്പറഞ്ഞ ലോക​വ്യാ​പക വിദ്യാ​ഭ്യാ​സ​വേ​ല​യോട്‌ അനുകൂ​ല​മാ​യി പ്രതി​വർത്തി​ക്കു​ന്ന​തി​നാൽ തന്നെ. “രാജ്യ​ത്തി​ന്റെ ഈ സുവാർത്ത സകല ജനതകൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും. അപ്പോൾ അവസാനം വരും.” (മത്തായി 24:14) ഈ പ്രസംഗം സകല ജനതക​ളി​ലെ​യും ആളുകൾ ഈ വിവാ​ദ​പ്ര​ശ്‌നത്തെ അഭിമു​ഖീ​ക​രി​ക്കാൻ ഇടയാ​ക്കു​ന്നു. അവർ ദൈവ​ത്തി​ന്റെ ഭരണത്തിന്‌ അനുകൂ​ല​മാ​ണോ? അതോ ഏദെനി​ലെ സാത്താന്റെ പ്രേര​ണ​യോ​ടു​ളള ചേർച്ച​യിൽ അവർ മനുഷ്യ​രാ​ലു​ളള സ്വത​ന്ത്ര​ഭ​രണം ആഗ്രഹി​ക്കു​ന്നോ? യഹോവ ആളുകൾക്കു തെര​ഞ്ഞെ​ടു​ക്കാ​നു​ളള അവസരം നൽകുന്നു.

26, 27. (എ) ഈ സാക്ഷ്യ​വേല ഇപ്പോൾതന്നെ എത്ര​ത്തോ​ളം നിർവ്വ​ഹി​ക്ക​പ്പെ​ട്ടി​രി​ക്കു​ന്നു? (ബി) രാജ്യ​ദൂ​തി​നോ​ടു​ളള ഒരുവന്റെ പ്രതി​പ്ര​വർത്തനം ഗൗരവ​മു​ളള ഒരു സംഗതി​യാ​യി​രി​ക്കു​ന്ന​തെ​ന്തു​കൊണ്ട്‌?

²⁶ വർദ്ധമാ​ന​മായ തോതിൽ ലോക​വ്യാ​പ​ക​മാ​യി രാജ്യ​സാ​ക്ഷ്യം നൽക​പ്പെ​ട്ടു​കൊ​ണ്ടി​രി​ക്കു​ന്നു. ഇരുനൂ​റി​ലേറെ രാജ്യ​ങ്ങ​ളിൽ ദശലക്ഷ​ക്ക​ണ​ക്കിന്‌ യഹോ​വ​യു​ടെ സാക്ഷികൾ ആളുകളെ അവരുടെ വീടു​ക​ളിൽ സന്ദർശി​ക്കു​ക​യും സൗജന്യ​മാ​യി അവരോ​ടൊത്ത്‌ ബൈബിൾ പഠിക്കാൻ തയ്യാറാ​വു​ക​യും ചെയ്യുന്നു. അവർ ഉപയോ​ഗി​ക്കുന്ന പ്രസി​ദ്ധീ​ക​ര​ണങ്ങൾ ലോക​ത്തി​ലെ ബൈബിൾ പ്രസി​ദ്ധീ​ക​ര​ണ​ങ്ങ​ളിൽ അത്യന്തം വ്യാപ​ക​മാ​യി പ്രചാ​ര​ത്തി​ലി​രി​ക്കു​ന്ന​വ​യിൽപ്പെ​ടു​ന്ന​വ​യാണ്‌. വാസ്‌ത​വ​ത്തിൽ അവ ഏതുത​ര​ത്തി​ലു​മു​ളള പ്രസി​ദ്ധീ​ക​ര​ണ​ങ്ങ​ളിൽ ഏററം വ്യാപ​ക​മായ പ്രചാ​ര​മു​ള​ള​വ​യിൽപ്പെ​ടു​ന്ന​വ​യാണ്‌. അവ ഇപ്പോൾ ഏതാണ്ട്‌ 190 ഭാഷക​ളിൽ ലഭ്യവു​മാണ്‌.

²⁷ ഈ വേർതി​രി​ക്കൽ വേല അനേക വർഷങ്ങ​ളാ​യി നടന്നു​കൊ​ണ്ടാ​ണി​രു​ന്നി​ട്ടു​ള​ളത്‌. ഇപ്പോൾ അത്‌ അതിന്റെ സമാപ​ന​ത്തോട്‌ അടുത്തി​രി​ക്കു​ന്നു. ദൈവ​വ​ച​ന​മ​നു​സ​രിച്ച്‌ അവന്റെ രാജ്യ​ഭ​ര​ണത്തെ തളളി​ക്ക​ള​ഞ്ഞി​ട്ടു​ള​ള​വ​രും അവനെ​പ്പ​ററി പഠിക്കാ​നു​ളള അവസരം ഉദാസീ​ന​മാ​യി ഉപേക്ഷി​ച്ചു കളഞ്ഞവ​രും ഛേദി​ക്ക​പ്പെ​ടും. (മത്തായി 25:34, 41, 46; 2 തെസ്സ​ലോ​നീ​ക്യർ 1:6-9) ദൈവ​രാ​ജ്യ​ത്തി​ന്റെ പിന്തു​ണ​ക്കാ​രാ​യി തങ്ങളെ​ത്തന്നെ തിരി​ച്ച​റി​യി​ക്കുന്ന മററു​ള​ള​വർക്ക്‌ ഇതു മഹത്തായ ആശ്വാ​സ​ത്തി​ന്റെ സമയമാ​യി​രി​ക്കും. എന്നാൽ ഈ ന്യായ​വി​ധി എപ്പോൾ വരും?

 (4) ‘ഈ തലമുറ കടന്നു​പോ​ക​യില്ല’

28. മുൻകൂ​ട്ടി​പ്പ​റ​യ​പ്പെട്ട ലോക​നാ​ശം ഏതു സമയപ​രി​ധി​ക്കു​ള​ളിൽ വരു​മെന്ന്‌ യേശു പറഞ്ഞു?

²⁸ “ആ നാളും നാഴി​ക​യും സംബന്ധിച്ച്‌ പിതാ​വ​ല്ലാ​തെ സ്വർഗ്ഗ​ത്തി​ലെ ദൂതൻമാ​രോ പുത്ര​നോ​കൂ​ടി അറിയു​ന്നില്ല” എന്ന്‌ യേശു പറഞ്ഞു. എന്നാൽ “ഇതെല്ലാം സംഭവി​ക്കു​വോ​ളം ഈ തലമുറ ഒരു പ്രകാ​ര​ത്തി​ലും കടന്നു പോക​യില്ല” എന്നു പറഞ്ഞ​പ്പോൾ അവൻ സഹായ​ക​മായ ഒരു സമയ സൂചകം തരിക​തന്നെ ചെയ്‌തു. (മത്തായി 24:34, 36) അതിൻ പ്രകാരം “അടയാള”ത്തിന്റെ എല്ലാവ​ശ​ങ്ങ​ളും “മഹോ​പ​ദ്ര​വ​വും” 1914-ലെ ആ ഒരൊററ തലമു​റ​യു​ടെ ആയുഷ്‌കാ​ല​ത്തു​തന്നെ സംഭവി​ക്കണം. അതിന്റെ അർത്ഥം “വ്യവസ്ഥി​തി​യു​ടെ സമാപ​ന​ത്തി​നു” തുടക്കം കുറിച്ച 1914-ലെ സംഭവങ്ങൾ നിരീ​ക്ഷിച്ച തലമു​റ​യി​ലെ കുറേ ആളുകൾ “മഹോ​പ​ദ്രവം” പൊട്ടി​പ്പു​റ​പ്പെ​ടു​മ്പോൾ അതിന്റെ അന്ത്യം കാണാൻ ജീവ​നോ​ടി​രി​ക്കും. 1914-ലെ സംഭവങ്ങൾ ഓർമ്മി​ക്കു​ന്ന​വർക്ക്‌ ഇപ്പോൾ പ്രായം ഏറിവ​രി​ക​യാണ്‌. അവരിൽ മിക്കവ​രും മരിച്ചു​പോ​യി​രി​ക്കു​ന്നു. എന്നാൽ ഈ ദുഷ്ട വ്യവസ്ഥി​തി​യു​ടെ നാശം വരുന്ന​തി​നു മുമ്പ്‌ “ഈ തലമുറ ഒരു പ്രകാ​ര​ത്തി​ലും നീങ്ങി​പ്പോ​ക​യില്ല” എന്ന്‌ യേശു നമുക്ക്‌ ഉറപ്പു നൽകി.—മത്തായി 24:21.

29. ആയിര​ത്തി​ത്തൊ​ള​ളാ​യി​രത്തി പതിനാ​ലു മുതലു​ളള സംഭവങ്ങൾ ഇത്ര​ത്തോ​ളം വികാസം പ്രാപി​ക്കാൻ അനുവ​ദി​ച്ച​തി​നാൽ ദൈവം ശരിയായ തീരു​മാ​നം ചെയ്യുക മനുഷ്യർക്ക്‌ കൂടുതൽ എളുപ്പ​മാ​ക്കി​ത്തീർത്തി​രി​ക്കു​ന്ന​തെ​ങ്ങനെ?

²⁹ അനുതാ​പ​ത്തി​നു ദീർഘ​മായ ഈ അവസരം നൽകി​യി​രി​ക്കു​ന്ന​തിൽ യഹോവ എത്ര ക്ഷമകാ​ട്ടി​യി​രി​ക്കു​ന്നു! (2 പത്രോസ്‌ 3:9) ചരി​ത്ര​ത്തി​ലാ​ദ്യ​മാ​യി പ്രശ്‌നങ്ങൾ ഒന്നിനു പിറകെ ഒന്നായി, ബൃഹത്തായ പരിമാ​ണ​ങ്ങ​ളി​ലെ​ത്തി​യി​രി​ക്കു​ന്നു—യുദ്ധവും, മലിനീ​ക​ര​ണ​വും, അമിത​ജ​ന​സം​ഖ്യ​യും മററു പലതും തന്നെ. അവയിൽ ഏതിനു വേണ​മെ​ങ്കി​ലും സമ്പൂർണ്ണ വിനാശം വരുത്താൻ കഴിയും. അത്തരം തെളി​വു​കൾ കുന്നു​കൂ​ടാൻ അനുവ​ദി​ച്ചു​കൊണ്ട്‌, മനുഷ്യർക്ക്‌ ഈ പ്രശ്‌ന​ങ്ങൾക്കു​ളള പരിഹാ​രം ഇല്ലെന്നു കാണുക ദൈവം ആളുകൾക്കു കൂടുതൽ എളുപ്പ​മാ​ക്കി​ത്തീർത്തി​രി​ക്കു​ന്നു. അതേ സമയം “രാജ്യ​സു​വാർത്ത​യു​ടെ” പ്രസംഗം യഥാർത്ഥ സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി​യു​ളള ഏക പ്രത്യാശ ദൈവ​രാ​ജ്യ​മാ​ണെന്ന്‌ തിരി​ച്ച​റി​യാൻ പരമാർത്ഥ​ഹൃ​ദ​യ​മു​ളള ആളുകളെ സഹായി​ച്ചി​രി​ക്കു​ന്നു. അങ്ങനെ വലിയ വിവാദ പ്രശ്‌ന​ത്തിൽ തന്റെ പക്ഷത്താ​ണെന്ന്‌ തിരി​ച്ച​റി​യി​ക്കാൻ ദൈവം അവർക്ക്‌ സമയം നൽകുന്നു.

 (5) ഒരു അന്തിമ അടയാളം

30. ലോക​നാ​ശ​ത്തി​ന്റെ സാമീ​പ്യ​ത്തി​ന്റെ എന്ത്‌ അന്തിമ അടയാളം ബൈബിൾ പ്രത്യേ​ക​മാ​യി നൽകുന്നു?

³⁰ ലോക​നാ​ശം ആസന്നമാ​യി​രി​ക്കു​ന്നു എന്നതിന്റെ പിശകു​പ​റ​റാ​നാ​വാത്ത അടയാ​ള​മാ​യി ഒരു സംഭവം കൂടി ഇനിയും നടക്കേ​ണ്ടി​യി​രി​ക്കു​ന്നു. ഇതേപ്പ​ററി അപ്പോ​സ്‌ത​ല​നായ പൗലോസ്‌ എഴുതി: “യഹോ​വ​യു​ടെ ദിവസം കൃത്യ​മാ​യി രാത്രി​യി​ലെ ഒരു കളള​നെ​പ്പോ​ലെ വരുന്നു. അവർ ‘സമാധാ​ന​വും സുരക്ഷി​ത​ത്വ​വും!’ എന്നു പറഞ്ഞു കൊണ്ടി​രി​ക്കു​ന്ന​തെ​പ്പോ​ഴോ അപ്പോൾ പെട്ടെ​ന്നു​ളള നാശം അവരു​ടെ​മേൽ ക്ഷണത്തിൽ വരാനി​രി​ക്ക​യാണ്‌. . . . അവർ യാതൊ​രു പ്രകാ​ര​ത്തി​ലും രക്ഷപെ​ടു​ക​യില്ല.”—1 തെസ്സ​ലോ​നീ​ക്യർ 5:2, 3; ലൂക്കോസ്‌ 21:34, 35.

31, 32. (എ) രാഷ്‌ട്രീയ ഭരണാ​ധി​കാ​രി​കൾ വിളം​ബരം ചെയ്യുന്ന “സമാധാ​ന​വും സുരക്ഷി​ത​ത്വ​വും” യഥാർത്ഥ​മാ​യി​രി​ക്കു​മോ? (ബി) അതിനാൽ വഴി​തെ​റ​റി​ക്ക​പ്പെ​ടു​ന്നത്‌ അപകട​ക​ര​മാ​യി​രി​ക്കു​ന്ന​തെ​ന്തു​കൊണ്ട്‌?

³¹ ഒരു ന്യൂക്ലി​യർ യുദ്ധത്തി​ന്റെ അർത്ഥം പ്രാ​യോ​ഗി​ക​മാ​യി ഇല്ലായ്‌മ​പ്പെ​ട​ലാ​ണെന്ന്‌ ലോക​നേ​താ​ക്കൻമാർക്ക​റി​യാം. മലിനീ​ക​രണം, ജനസം​ഖ്യാ സ്‌ഫോ​ടനം, കുടും​ബ​പ്ര​ശ്‌നങ്ങൾ എന്നിങ്ങ​നെ​യു​ളള നിർണ്ണാ​യക പ്രശ്‌നങ്ങൾ ശ്രദ്ധയും പണവും ആവശ്യ​മാ​ക്കി​ത്തീർക്കു​ന്നു. അതു​കൊണ്ട്‌ വഷളായ അന്താരാ​ഷ്‌ട്ര ബന്ധങ്ങളിൽ അയവു​വ​രു​ത്താൻ അവർ ആഗ്രഹി​ക്കു​ന്നു. ഐക്യ​രാ​ഷ്‌ട്ര സംഘടന 1986-നെ ‘അന്തരാ​ഷ്‌ട്ര സമാധാ​ന​ത്തി​ന്റെ​യും സുരക്ഷി​ത​ത്വ​ത്തി​ന്റെ​യും വർഷ’മായി പ്രഖ്യാ​പി​ച്ചത്‌ ഇതി​നൊ​രു തെളി​വാണ്‌. ഇതു നിസ്സം​ശ​യ​മാ​യും പൗലോ​സി​ന്റെ മേലു​ദ്ധ​രിച്ച വാക്കു​ക​ളു​ടെ നിവൃ​ത്തി​യി​ലെ ഒരു പടിയാണ്‌. തീർച്ച​യാ​യും രാഷ്‌ട്രീയ കൂടി​യാ​ലോ​ച​ന​ക​ളും കരാറു​ക​ളും ആളുകൾ തമ്മിൽ തമ്മിൽ സ്‌നേ​ഹി​ക്കാൻ ഇടയാ​ക്കാൻ തക്കവണ്ണം അവരിൽ എന്തെങ്കി​ലും കാര്യ​മായ മാററം വരുത്തു​ന്നില്ല. അവ കുററ​കൃ​ത്യ​ങ്ങൾ അവസാ​നി​പ്പി​ക്കു​ക​യോ രോഗ​വും മരണവും ഇല്ലാതാ​ക്കു​ക​യോ ചെയ്യു​ന്നില്ല. എന്നാൽ തങ്ങൾ ഒരളവിൽ “സമാധാ​ന​വും സുരക്ഷി​ത​ത്വ​വും” നേടി​യെ​ടു​ത്തി​രി​ക്കു​ന്നു എന്ന്‌ രാഷ്‌ട്രങ്ങൾ പ്രഖ്യാ​പി​ക്കുന്ന ഒരു സമയം വരു​മെന്ന്‌ പ്രവചനം പ്രകട​മാ​ക്കു​ന്നു. അതു സംഭവി​ക്കു​മ്പോൾ മനുഷ്യ​വർഗ്ഗത്തെ തെററി​ച്ചി​രി​ക്കു​ന്ന​വ​രു​ടെ​മേ​ലും അവരിൽ ആശ്രയം വച്ചിരി​ക്കു​ന്ന​വ​രു​ടെ​മേ​ലും “പെട്ടെ​ന്നു​ളള നാശം” “ക്തണത്തിൽ” വരും.

³² എന്നാൽ അതിജീ​വ​ക​രു​ണ്ടാ​യി​രി​ക്കും. നിങ്ങൾ അവരിൽ ഒരാളാ​യി​രി​ക്കു​മോ?

[അധ്യയന ചോദ്യ​ങ്ങൾ]

 [78, 79 പേജു​ക​ളി​ലെ ചതുരം]

“അടയാളം എന്തായി​രി​ക്കും?”

“രാഷ്‌ട്രം രാഷ്‌ട്ര​ത്തി​നെ​തി​രാ​യി എഴു​ന്നേൽക്കും”—

“ഒന്നാം ലോക​മ​ഹാ​യു​ദ്ധം സമഗ്ര​യു​ദ്ധ​ത്തി​ന്റെ—ആ പദത്തിന്റെ പ്രഥമ​വും പൂർണ്ണ​വു​മായ അർത്ഥത്തിൽ—ആഗോ​ള​യു​ദ്ധ​ത്തി​ന്റെ നൂററാ​ണ്ടി​നെ ആനയിച്ചു. . . . 1914-1918-നു മുമ്പ്‌ ഒരിക്ക​ലും ഒരു യുദ്ധം ഭൂമി​യു​ടെ ഇത്ര വലിയ ഒരു ഭാഗത്തെ ഉൾപ്പെ​ടു​ത്തി​യി​ട്ടില്ല. സംഹാരം ഒരിക്ക​ലും ഇത്ര വ്യാപ​ക​വും വിവേ​ച​നാ​ര​ഹി​ത​വു​മാ​യി​രു​ന്നി​ട്ടില്ല.”—ഒന്നാം ലോക​മ​ഹാ​യു​ദ്ധം എച്ച്‌. ബാൾഡ്‌വി​നാ​ലു​ള​ളത്‌.

ഒന്നാം ലോക മഹായു​ദ്ധം ഭടൻമാ​രും പൗരജ​ന​ങ്ങ​ളു​മാ​യി 14 ദശലക്ഷം പേരെ കൊ​ന്നൊ​ടു​ക്കി. രണ്ടാം ലോക​മ​ഹാ​യു​ദ്ധം 55 ദശലക്ഷം പേരെ കൊന്നു. രണ്ടാം ലോക​മ​ഹാ​യു​ദ്ധ​ത്തി​നു​ശേഷം നൂറു​ക​ണ​ക്കിന്‌ വിപ്ലവ​ങ്ങ​ളി​ലും മത്സരങ്ങ​ളി​ലും യുദ്ധങ്ങ​ളി​ലു​മാ​യി 35 ദശലക്ഷം ആളുക​ളു​ടെ ജീവൻ നഷ്ടമായി.

അങ്ങനെ 1914 മുതൽ യുദ്ധം മൂലം 10 കോടി ജീവൻ നഷ്ടമാ​യി​ട്ടുണ്ട്‌!

“ഭക്ഷ്യക്ഷാ​മങ്ങൾ ഉണ്ടായി​രി​ക്കും”—

ഒന്നാം ലോക​മ​ഹാ​യു​ദ്ധ​ത്തി​നും രണ്ടാം ലോക​മ​ഹാ​യു​ദ്ധ​ത്തി​നും ശേഷം ഭക്ഷ്യക്ഷാ​മം അനേകം രാജ്യ​ങ്ങളെ ബാധിച്ചു.

ഇപ്പോൾ ശാസ്‌ത്രീയ പുരോ​ഗ​തി​യു​ടെ അനേക വർഷങ്ങൾക്ക്‌ ശേഷവും ലോക​ത്തി​ന്റെ ഏതാണ്ട്‌ നാലി​ലൊന്ന്‌ പട്ടിണി​യി​ലാണ്‌. കണക്കു​ക​ള​നു​സ​രിച്ച്‌ ഓരോ വർഷവും 12 ദശലക്ഷം കുട്ടികൾ വികല പോഷ​ണ​ത്തി​ന്റെ ഫലമായി ഒരു വയസ്സു തികയു​ന്ന​തി​നു മുമ്പ്‌ മരണമ​ട​യു​ന്നു. ഓരോ വർഷവും ദശലക്ഷ​ക്ക​ണ​ക്കിന്‌ മററു​ള​ള​വ​രും അതേ കാരണ​ത്താൽ മരിക്കു​ന്നു.

“പകർച്ച​വ്യാ​ധി​കൾ”—

രേഖ​പ്പെ​ടു​ത്ത​പ്പെ​ട്ടി​ട്ടു​ളള യാതൊ​രു പകർച്ച​വ്യാ​ധി​യും 1918-1919-ലെ സ്‌പാ​നിഷ്‌ ഇൻഫ്‌ളു​വൻസ​യ്‌ക്കു തുല്യ​മാ​യി​രു​ന്നി​ട്ടില്ല. അതു കുറഞ്ഞ​പക്ഷം 50 കോടി ആളുകളെ ബാധിച്ചു; രണ്ടു​കോ​ടി​യിൽപരം ആളുകൾ മരിച്ചു.

ഇന്ന്‌ വൈദ്യ​ശാ​സ്‌ത്ര​ത്തിന്‌ ഹൃദ്‌രോ​ഗം​പോ​ലു​ളള രോഗ​ങ്ങളെ സാം​ക്ര​മിക പരിമാ​ണ​ങ്ങ​ളി​ലെ​ത്തു​ന്ന​തിൽനിന്ന്‌ തടയാൻ കഴിഞ്ഞി​ട്ടില്ല. കാൻസർ വളർന്നു​വ​രുന്ന ഒരു ശാപമാണ്‌. ലൈം​ഗി​ക​മാ​യി പരക്കുന്ന രോഗം ബാധി​ച്ച​വ​രു​ടെ എണ്ണം കുതി​ച്ചു​യർന്നി​രി​ക്കു​ന്നു.

“ഭൂകമ്പങ്ങൾ” അനേകം സ്ഥലങ്ങളിൽ—

മരണമ​ട​ഞ്ഞ​വ​രു​ടെ വ്യത്യസ്‌ത കേന്ദ്ര​ങ്ങ​ളിൽനി​ന്നു​ളള കണക്കുകൾ വ്യത്യ​സ്‌ത​മാ​യി​രു​ന്നി​ട്ടുണ്ട്‌. ഏതാനും ചില ദൃഷ്ടാ​ന്തങ്ങൾ കാണുക: 1915-ൽ ഇററലി​യി​ലു​ണ്ടായ ഒരു ഭൂകമ്പ​ത്തിൽ 30,000-നും 32,000-നും ഇടയ്‌ക്കു ആളുകൾ മരിച്ചു. 1920-ൽ 1 ലക്ഷത്തി​നും 2 ലക്ഷത്തി​നും ഇടയ്‌ക്കു ചൈന​യി​ലും 1923-ൽ 95,000-നും 1,50,000-നും ഇടയ്‌ക്കു ജപ്പാനി​ലും 1935-ൽ 25,000-നും 60,000-നും ഇടയ്‌ക്കു ഇൻഡ്യ​യി​ലും 1968-ൽ 12,000-നും 20,000-നും ഇടയ്‌ക്ക്‌ ഇറാനി​ലും 1970-ൽ 54,000-നും 70,000-നും ഇടയ്‌ക്കു പെറു​വി​ലും 1976-ൽ 20,000-നും 23,000-നുമി​ട​യ്‌ക്കു ഗോട്ടി​മാ​ല​യി​ലും 1976-ൽ തന്നെ 1 ലക്ഷത്തി​നും 8 ലക്ഷത്തി​നും  ഇടയ്‌ക്കു ചൈന​യി​ലും ആളുകൾ മരണമ​ടഞ്ഞു. 1914 മുതൽ നൂറു​ക​ണ​ക്കിന്‌ വലിയ ഭൂകമ്പ​ങ്ങ​ളിൽ ആയിര​ക്ക​ണ​ക്കിന്‌ ആളുകൾ ഭൂമി​യി​ലെ​ല്ലാ​മാ​യി മരണമ​ട​ഞ്ഞി​ട്ടുണ്ട്‌.

1914 മുതലു​ളള ഓരോ വർഷത്തി​ലു​മു​ണ്ടായ വലിയ ഭൂകമ്പ​ങ്ങ​ളു​ടെ ശരാശരി എണ്ണം അതിനു​മുമ്പ്‌ രണ്ടായി​രം കൊല്ല​ങ്ങ​ളി​ലു​ണ്ടായ ശരാശരി ഭൂകമ്പ​ങ്ങ​ളു​ടെ എണ്ണത്തേ​ക്കാൾ അനേക മടങ്ങ്‌ വലുതാ​ണെന്ന്‌ വിവിധ ഉറവു​ക​ളിൽ നിന്നുളള കണക്കുകൾ തെളി​യി​ക്കു​ന്നു.

“നിയമ രാഹി​ത്യ​ത്തി​ന്റെ വർദ്ധനവ്‌”—

നിങ്ങൾക്ക്‌ വസ്‌തു​ത​ക​ള​റി​യാം. കുതി​ച്ചു​യ​രുന്ന കുററ​കൃ​ത്യം ഭൂമി​യി​ലെ എല്ലാ രാജ്യ​ങ്ങ​ളെ​യും ബാധി​ക്കു​ന്നു. നിങ്ങളു​ടെ​തന്നെ ജീവി​തത്തെ അതു ബാധി​ച്ചി​രി​ക്കു​ന്നു. നിങ്ങളു​ടെ തന്നെ സമൂഹ​ത്തിൽ സ്‌കൂ​ളു​ക​ളിൽ എന്താണ്‌ സംഭവി​ച്ചു​കൊ​ണ്ടി​രി​ക്കു​ന്നത്‌? നിങ്ങളു​ടെ പ്രദേ​ശത്ത്‌ മയക്കു​മ​രു​ന്നു​ക​ളു​ടെ നിയമ​വി​രു​ദ്ധ​മായ ഉപയോ​ഗ​മു​ണ്ടോ? വ്യാപാ​ര​ത്തി​ലെ വഞ്ചനയെ സംബന്ധി​ച്ചെന്ത്‌? രാത്രി​യിൽ തെരു​വു​ക​ളിൽ നിങ്ങൾ എത്ര​ത്തോ​ളം സുരക്ഷി​ത​രാ​ണെന്ന്‌ തോന്നു​ന്നു?

നിയമ​രാ​ഹി​ത്യം മാനുഷ നിയമം സംബന്ധി​ച്ചു മാത്രമല്ല അതിൽകൂ​ടു​ത​ലാ​യി ദൈവ നിയമം സംബന്ധി​ച്ചും ഉണ്ട്‌. (2 തിമൊ​ഥെ​യോസ്‌ 3:1-5, 13 കാണുക.)

ദൈവരാജ്യം ലോക​വ്യാ​പ​ക​മാ​യി പ്രസം​ഗി​ക്ക​പ്പെ​ടു​ന്നു—

ഈ വേല 200-ലധികം രാജ്യ​ങ്ങ​ളിൽ ദശലക്ഷ​ക്ക​ണ​ക്കിന്‌ യഹോ​വ​യു​ടെ സാക്ഷി​ക​ളാൽ ക്രമമായ അടിസ്ഥാ​ന​ത്തിൽ നിർവ്വ​ഹി​ക്ക​പ്പെ​ടു​ന്നു.

കഴിഞ്ഞ പത്തു വർഷങ്ങ​ളിൽ മാത്രം ഈ ദൂതിന്റെ പരസ്യ പ്രഖ്യാ​പ​ന​ത്തി​നാ​യി യഹോ​വ​യു​ടെ സാക്ഷികൾ ഏതാണ്ട്‌ 400 കോടി മണിക്കൂ​റു​കൾ ചെലവ​ഴി​ച്ചി​രി​ക്കു​ന്നു. അതേ കാലയ​ള​വിൽ മമനു​ഷ്യ​ന്റെ ഏക പ്രത്യാശ എന്ന നിലയിൽ ദൈവ​രാ​ജ്യ​ത്തി​ലേക്കു വിരൽ ചൂണ്ടുന്ന 500 കോടി​യി​ല​ധി​കം സാഹി​ത്യ​ശ​ക​ലങ്ങൾ ഏതാണ്ട്‌ 190 ഭാഷക​ളി​ലാ​യി അവർ പുറത്തി​റ​ക്കി​യി​രി​ക്കു​ന്നു.

“സമാധാ​നം സുരക്ഷി​ത​ത്വം” എന്ന പ്രഖ്യാ​പനം—

ഒരു ന്യൂക്ലി​യർ സമഗ്ര നാശത്തെ ഒഴിവാ​ക്കു​ന്ന​തി​നും വളർന്നു വരുന്ന മററു പ്രശ്‌നങ്ങൾ പരിഹ​രി​ക്കു​ന്ന​തി​നും സമാധാ​ന​ത്തി​ന്റെ ആവശ്യത്തെ ലോക നേതാ​ക്കൻമാർ തിരി​ച്ച​റി​യു​ന്നു. ഐക്യ​രാ​ഷ്‌ട്ര​സം​ഘടന 1986-നെ “സമാധാ​ന​ത്തി​ന്റെ​യും അന്താരാ​ഷ്‌ട്ര സുരക്ഷി​ത​ത്വ​ത്തി​ന്റെ​യും സഹകര​ണ​ത്തി​ന്റെ​യും” വർഷമാ​യി പ്രഖ്യാ​പി​ച്ചത്‌ ഈ ദിശയി​ലു​ളള ഒരു ചുവടു വയ്‌പാണ്‌.—ജനറൽ അസംബ്ലി, അജൻഡ ഐററം 32, 39-ാം സമ്മേളനം.

ഇതെല്ലാം എന്തിന്റെ “അടയാള”മാണ്‌? നമ്മൾ “ഈ വ്യവസ്ഥി​തി​യു​ടെ സമാപ​ന​കാ​ലത്ത്‌” ജീവി​ക്കു​ന്നു എന്നുള​ള​തി​ന്റെ. ക്രിസ്‌തു തന്റെ സ്വർഗ്ഗീയ സിംഹാ​സ​ന​ത്തിൽ ഉപവി​ഷ്ട​നാ​യി​രി​ക്കു​ന്നു​വെ​ന്നും സകല ജനതക​ളിൽ നിന്നും ദൈ​വേഷ്ടം ചെയ്യാൻ ആഗ്രഹി​ക്കു​ന്ന​വരെ വേർതി​രി​ക്കു​ക​യാ​ണെ​ന്നു​ള​ള​തി​നും. “മഹോ​പ​ദ്രവം” ആസന്നമാ​യി​രി​ക്കു​ന്നു എന്നുള​ള​തി​നും. കൂടു​ത​ലായ വിശദാം​ശ​ങ്ങൾക്ക്‌ മത്തായി 24, 25, മർക്കോസ്‌ 13, ലൂക്കോസ്‌ 21 എന്നീ അദ്ധ്യാ​യങ്ങൾ വായി​ക്കുക.