അമേരി​ക്ക​കൾ

ചില ദേശങ്ങ​ളിൽ മറ്റു ചില ദേശങ്ങളെ അപേക്ഷി​ച്ചു കൊയ്‌ത്ത്‌ കൂടു​ത​ലാ​ണി​പ്പോൾ. എന്നാൽ ‘വയലുകൾ കൊയ്‌ത്തി​ന്നു വെളു​ത്തി​രി​ക്കു​ന്നു’ എന്ന്‌ ഇപ്പോ​ഴും തെളി​യു​ന്നു. (യോഹ. 4:35) കഴിഞ്ഞ അഞ്ചു വർഷം​കൊണ്ട്‌ ബ്രസീ​ലിൽ രാജ്യ​ഘോ​ഷ​ക​രു​ടെ എണ്ണത്തിൽ 33 ശതമാനം വർധനവ്‌ ഉണ്ടായി​ട്ടുണ്ട്‌; മെക്‌സി​ക്കോ​യിൽ 36 ശതമാനം; ക്യൂബ​യിൽ 64 ശതമാനം; കൊളം​ബി​യ​യിൽ 65 ശതമാനം. ഐക്യ​നാ​ടു​ക​ളി​ലാ​ണെ​ങ്കിൽ അതേ കാലയ​ള​വിൽ 2,09,249 പേരാണ്‌ ജലസ്‌നാ​പ​ന​ത്തി​ലൂ​ടെ തങ്ങളുടെ സമർപ്പ​ണത്തെ പ്രതീ​ക​പ്പെ​ടു​ത്തി​യത്‌. വയൽശു​ശ്രൂ​ഷ​യിൽ പങ്കെടു​ത്ത​വ​രു​ടെ പുതിയ അത്യുച്ചം 10,40,283 ആയിരു​ന്നു!

ഹോണ്ടു​റാ​സി​ന്റെ ദക്ഷിണ ഭാഗത്തു പ്രവർത്തി​ക്കുന്ന ഒരു പ്രത്യേക പയനിയർ വളരെ സന്തോ​ഷ​ക​ര​മായ ഒരു ബൈബിൾ അധ്യയനം നടത്തി​യി​രു​ന്നു. പരിജ്ഞാ​നം പുസ്‌ത​ക​ത്തി​ന്റെ 12-ാം അധ്യാ​യ​ത്തിൽ എത്തിയ​പ്പോ​ഴേ​ക്കും ആ വിദ്യാർഥി സ്‌നാ​പനം ഏറ്റിട്ടി​ല്ലാത്ത പ്രസാ​ധകൻ ആയിത്തീർന്നു. രണ്ടു മാസത്തി​നു​ള്ളിൽ ആ വിദ്യാർഥി രണ്ട്‌ അധ്യയ​നങ്ങൾ നടത്താൻ തുടങ്ങി. ആ അധ്യയ​നങ്ങൾ പുരോ​ഗതി പ്രാപി​ക്കു​ന്നു​ണ്ടാ​യി​രു​ന്നു; രണ്ടു പേരും യോഗ​ങ്ങ​ളിൽ സംബന്ധി​ക്കാ​നും തുടങ്ങി. മൂന്നര മാസം കഴിഞ്ഞ​പ്പോൾ ആ വിദ്യാർഥി​ക​ളിൽ ഒരാൾ സുവാർത്ത​യു​ടെ, സ്‌നാ​പനം ഏറ്റിട്ടി​ല്ലാത്ത ഒരു പ്രസാ​ധകൻ ആയിത്തീർന്നു. വീണ്ടും, ഒരു മൂന്നു മാസം കഴിഞ്ഞ​പ്പോൾ രണ്ടാമത്തെ വിദ്യാർഥി​യും സാക്ഷീ​ക​ര​ണ​ത്തിൽ പങ്കെടു​ക്കാൻ തുടങ്ങി. ആദ്യത്തെ വിദ്യാർഥി  സ്‌നാ​പ​ന​ത്തി​നു തയ്യാറാ​യ​പ്പോൾ അദ്ദേഹ​ത്തി​ന്റെ ആദ്യ വിദ്യാർഥി​യും അതിനു തയ്യാറാ​യി കഴിഞ്ഞി​രു​ന്നു. മറ്റേ ബൈബിൾ വിദ്യാർഥി​യും നല്ല പുരോ​ഗതി വരുത്തി​ക്കൊ​ണ്ടി​രി​ക്കു​ക​യാണ്‌. ഇപ്പോ​ഴോ? ഇപ്പോൾ നമ്മുടെ സഹോ​ദരൻ ആയ ആദ്യത്തെ വിദ്യാർഥി ഒരു ദമ്പതി​ക​ളു​മൊ​ത്തു മറ്റൊരു ബൈബിൾ അധ്യയനം നടത്തു​ന്നുണ്ട്‌. ശിഷ്യ​രാ​ക്കൽ വേല എത്ര സന്തോ​ഷ​പ്ര​ദ​മാണ്‌!

ബ്രസീ​ലി​ലെ ആമസോൺ നദീ​മേ​ഖ​ല​യിൽ ഒരു സമ്പൂർണ സാക്ഷ്യം നൽകു​ന്ന​തി​നുള്ള ആത്മാർഥ​മായ ശ്രമം നടത്തി​വ​രി​ക​യാണ്‌. നാലു വലിയ ബോട്ടു​കൾ ഉപയോ​ഗിച്ച്‌ ആ പ്രദേ​ശത്തു സുവാർത്ത ഘോഷി​ക്കു​ന്ന​തിന്‌ 21 പയനി​യർമാ​രെ ബ്രാഞ്ച്‌ നിയമി​ച്ചി​രി​ക്കു​ക​യാണ്‌. ഈ പയനി​യർമാർക്കെ​ല്ലാം ജലയാ​ത്ര​യിൽ അനുഭ​വ​പ​രി​ചയം ഉണ്ടെന്നു മാത്രമല്ല, അതിലും പ്രധാ​ന​മാ​യി മനസ്സൊ​രു​ക്ക​മുള്ള ആത്മത്യാ​ഗ​പ​ര​മായ ഒരു മനോ​ഭാ​വം അവർ നിലനിർത്തു​ക​യും ചെയ്യുന്നു. മഡിറ, പറൂസ്‌, സൂളി​മോ​യിൻഷ്‌, ടോക്കൻടിൻസ്‌ എന്നീ നദിക​ളി​ലും മാറഴോ ദ്വീപി​ന്റെ ചുറ്റു​മുള്ള പ്രദേ​ശ​ങ്ങ​ളി​ലു​മാണ്‌ ഈ ബോട്ടു​കൾ പ്രവർത്തി​ക്കു​ന്നത്‌. 9,700 കിലോ​മീ​റ്റ​റോ​ളം നീളമുള്ള ഈ നദിക​ളു​ടെ തീരത്തും പരിസ​ര​ത്തു​മാ​യി ഏകദേശം 3,70,000 ആളുക​ളാ​ണു താമസി​ക്കു​ന്നത്‌. ആ ബോട്ടു​ക​ളിൽ ഒന്നിലെ പയനി​യർമാ​രിൽനിന്ന്‌ അടുത്ത കാലത്തു കിട്ടിയ ഒരു കത്ത്‌ ഭാഗി​ക​മാ​യി ഇങ്ങനെ വായി​ക്കു​ന്നു: “ഞങ്ങൾ ഒടുവിൽ ഷാവിസ്‌ എന്ന പട്ടണത്തിൽ എത്തി. . . . ഞങ്ങൾ അവിടെ ഒരു പരസ്യ​യോ​ഗം നടത്തു​ക​യും ദിവ്യ​ബോ​ധ​ന​ത്താൽ ഏകീകൃ​തർ എന്ന വീഡി​യോ കാണി​ക്കു​ക​യും ചെയ്‌തു. 70 പേർ അതിൽ സംബന്ധി​ച്ചു. എന്നേക്കും ജീവി​ക്കാൻ പുസ്‌തകം സ്വീക​രിച്ച ഒരാൾ ഞങ്ങൾ അവിടെ തങ്ങിയ ഒരാഴ്‌ച​കൊണ്ട്‌ അതു വായി​ച്ചു​തീർത്തു. അദ്ദേഹം ഞങ്ങളോ​ടു പറഞ്ഞു: ‘നിങ്ങൾ ഇവിടെ ഒരു പള്ളി തുടങ്ങി​യാൽ, അതിലെ അംഗം ആയിരി​ക്കാൻ ഞാൻ ആഗ്രഹി​ക്കു​ന്നു.’”

മറ്റുള്ള​വ​രു​ടെ അടുക്കൽ എത്തി​ച്ചേ​രുക ദുഷ്‌ക​ര​മാണ്‌. അവർ വിദൂര ദേശങ്ങ​ളിൽ പാർക്കു​ന്ന​തു​കൊ​ണ്ടല്ല, അവധി​ക്കാ​ലത്തു വിദൂര ദേശങ്ങ​ളി​ലേക്കു യാത്ര പോകു​ന്നതു കൊണ്ടാ​ണത്‌. 20,320 അടി ഉയരമുള്ള മക്കിൻലി പർവതം കാണാൻ ഓരോ വേനൽക്കാ​ല​ത്തും അലാസ്‌ക​യി​ലേക്കു പോകുന്ന ഒരു ദശലക്ഷ​ത്തോ​ളം ആളുക​ളുണ്ട്‌! ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു ചിന്തി​ക്കാൻ അത്തരം ആളുകളെ സഹായി​ക്കുന്ന എന്തെങ്കി​ലു​മാ​യി അവരെ സമീപി​ക്കാൻ നമുക്കു കഴിയു​മോ? ദേനാലി ദേശീയ പാർക്കിൽ ഒരു സാഹിത്യ മേശ വെക്കാൻ പ്രാ​ദേ​ശിക സാക്ഷികൾ പ്രത്യേക അനുമതി വാങ്ങി. “പർവതങ്ങൾ—സൃഷ്ടി​പ്പിൻ മഹദ്‌കർമങ്ങൾ” (ഒക്‌ടോ​ബർ 8, 1994), “നമ്മുടെ ജന്തുജാ​ല​ങ്ങളെ ആർ രക്ഷിക്കും?” (ജൂലൈ 8, 1997) “നമ്മുടെ മഴവന​ങ്ങളെ രക്ഷിക്കാ​നാ​കു​മോ?” (മേയ്‌ 8, 1998) “ഐഡി​റ്റ​റോഡ്‌—സുസ്ഥാ​പി​ത​മാ​യി​ത്തീ​രാൻ പത്തു ശതകങ്ങൾ” (ഒക്‌ടോ​ബർ 8, 1995) എന്നിങ്ങ​നെ​യുള്ള ഉചിത​മായ വിവരങ്ങൾ ഉണരുക!യിൽനി​ന്നു തിര​ഞ്ഞെ​ടു​ത്തു. ആളുകൾ ഉള്ളിടത്തു ചെല്ലാ​നുള്ള ഈ ശ്രമഫ​ല​മാ​യി ഇംഗ്ലണ്ട്‌, ഇറ്റലി, ഓസ്‌​ട്രേ​ലിയ, ഗ്രീസ്‌, കാനഡ,  ചൈന, ജർമനി, തായ്‌വാൻ, സ്‌കോ​ട്ട്‌ലൻഡ്‌, സ്വിറ്റ്‌സർലൻഡ്‌, സ്വീഡൻ തുടങ്ങിയ രാജ്യ​ങ്ങ​ളിൽ നിന്നുള്ള സന്ദർശ​കരെ കാണാൻ സാധിച്ചു! ഐക്യ​നാ​ടു​ക​ളു​ടെ മറ്റു ഭാഗങ്ങ​ളിൽനിന്ന്‌ ഉള്ളവർക്കും അവർ സാക്ഷ്യം കൊടു​ത്തു.

മെക്‌സി​ക്കോ​യി​ലെ പ്രദേശം ഇപ്പോൾ കൂടെ​ക്കൂ​ടെ പ്രവർത്തി​ച്ചു തീർക്കു​ന്നുണ്ട്‌—പല നഗരങ്ങ​ളി​ലും ഒന്നോ രണ്ടോ വാരം കൂടു​മ്പോൾ പ്രദേശം പ്രവർത്തി​ച്ചു തീർക്കു​ന്നു. ചിയാ​പ്പസ്‌ സംസ്ഥാ​നത്തെ ലാസ്‌ നൂബസ്‌ പ്രദേ​ശത്തെ നിവാ​സി​ക​ളിൽ ഭൂരി​പ​ക്ഷ​വും യഹോ​വ​യു​ടെ സാക്ഷി​ക​ളാണ്‌. അവിടെ സാക്ഷി​ക​ളു​ടേ​ത​ല്ലാത്ത മൂന്നു ഭവനങ്ങളേ ഉള്ളൂ. സാൻ ആന്റോ​ണി​യോ ബ്വെനാ​വി​സ്‌ത​യിൽ ഇപ്പോൾ എട്ടു സഭകളുണ്ട്‌, അവർക്കു സന്ദർശി​ക്കു​ന്ന​തി​നാ​യി സാക്ഷി​ക​ളു​ടേ​ത​ല്ലാത്ത 64 വീടു​കളേ ഉള്ളൂ. സാക്ഷീ​കരണ പ്രദേ​ശത്ത്‌ എത്താനും ബൈബിൾ അധ്യയ​നങ്ങൾ നടത്താ​നു​മാ​യി അവിടെ സാക്ഷി​കൾക്ക്‌ അനേക മണിക്കൂ​റു​കൾ നടക്കേ​ണ്ടി​വ​രു​ന്നു.

നിക്കരാ​ഗ്വ​യി​ലെ ഒരു രാജ്യ​ഹാ​ളിൽ യോഗ​ത്തി​നു ശേഷം ഒരു സാക്ഷി രണ്ടു യുവതി​കളെ അഭിവാ​ദ്യം ചെയ്‌തു. മറ്റേ​തെ​ങ്കി​ലും സഭയിൽനി​ന്നുള്ള സാക്ഷി​ക​ളാ​യി​രി​ക്കും അവർ എന്നാണ്‌ ആ സഹോ​ദരി കരുതി​യത്‌. എന്നാൽ വാസ്‌തവം അതല്ല, അവർ ജിജ്ഞാസ നിമിത്തം വന്നതാണ്‌ എന്നു മനസ്സി​ലാ​ക്കി​യ​പ്പോൾ ആ സഹോ​ദരി അവർക്ക്‌ ബൈബിൾ അധ്യയനം വാഗ്‌ദാ​നം ചെയ്‌തു. അവർ അതിനു സമ്മതിച്ചു. അവർ ഇരുവ​രും ‘യുവജീ​വൻ’ എന്ന്‌ അറിയ​പ്പെ​ടുന്ന ഒരു മതവി​ഭാ​ഗ​ത്തിൽ അംഗങ്ങ​ളാ​യി​രു​ന്നു. തന്നെയു​മല്ല, അതിലെ മേഖലാ നേതൃ​ത്വ​ചു​മതല ഉള്ളവരാ​യി​രു​ന്നു അവർ. അവരിൽ ഒരാളായ കാരില്യ, ബൈബിൾ അധ്യയ​ന​ത്തിൽനി​ന്നു താൻ പഠിക്കുന്ന കാര്യങ്ങൾ തന്റെ കൂട്ടത്തെ പഠിപ്പി​ക്കാൻ തുടങ്ങി. അവൾ ആദ്യം അവരെ പഠിപ്പി​ച്ചതു ദൈവ​നാ​മ​മാ​യി​രു​ന്നു. യഹോവ എന്നതു ദൈവ​ത്തി​ന്റെ യഥാർഥ പേരല്ല എന്നു പറഞ്ഞു​കൊണ്ട്‌ അതു നിരു​ത്സാ​ഹ​പ്പെ​ടു​ത്താൻ സഭയിലെ ഒരു പാസ്റ്റർ ശ്രമിച്ചു. അങ്ങനെ​യെ​ങ്കിൽ മേലാൽ പാസ്റ്റർ തന്റെ ബൈബിൾ ഉപയോ​ഗി​ക്കാൻ പാടില്ല, കാരണം അതിൽ യഹോവ എന്ന നാമം അടങ്ങി​യി​ട്ടുണ്ട്‌ എന്നു കാരില്യ മറുപടി കൊടു​ത്തു. അദ്ദേഹ​ത്തി​നു മറുപടി ഒന്നും പറയാ​നി​ല്ലാ​യി​രു​ന്നു. പിന്നീട്‌ ത്രിത്വ​ത്തെ​ക്കു​റി​ച്ചും കുരി​ശി​നെ കുറി​ച്ചു​മുള്ള സത്യം കാരില്യ തന്റെ കൂട്ടത്തെ പഠിപ്പി​ച്ചു. താമസി​യാ​തെ, യോഗ​ങ്ങ​ളിൽ പ്രാർഥി​ക്കു​ക​യെന്ന പദവി പാസ്റ്റർമാർ അവളിൽനി​ന്നു നീക്കം ചെയ്‌തു. കാരണം അവൾ പ്രാർഥി​ച്ചത്‌ യേശു​ക്രി​സ്‌തു​വി​ന്റെ നാമത്തിൽ യഹോ​വ​യോട്‌ ആയിരു​ന്നു. അവരുടെ അടുത്ത റാലി​ക്കും അവൾക്കു ക്ഷണം ലഭിച്ചില്ല. തന്റെ അടുത്ത യോഗ​ത്തിൽ, താൻ ഒരു യഹോ​വ​യു​ടെ സാക്ഷി ആയിത്തീ​രാൻ ആ മതവി​ഭാ​ഗം വിട്ടു​പോ​കു​ക​യാ​ണെന്ന്‌ അവൾ അറിയി​ച്ചു. പരിജ്ഞാ​നം പുസ്‌ത​ക​ത്തി​ലെ ആദ്യത്തെ നാല്‌ അധ്യാ​യങ്ങൾ പഠിച്ച​പ്പോ​ഴേ അവൾ ഈ തീരു​മാ​നം എടുത്തു. ഏഴു മാസത്തി​നു​ള്ളിൽ അവൾ സ്‌നാ​പ​ന​മേൽക്കു​ക​യും ചെയ്‌തു.