ഭരണസം​ഘ​ത്തി​ന്റെ കത്ത്‌

“എല്ലാറ്റി​നോ​ടു​മുള്ള ബന്ധത്തിൽ നന്ദി നൽകു​വിൻ.” 1 തെസ്സ​ലൊ​നീ​ക്യർ 5:18-ൽ [NW] അപ്പൊ​സ്‌ത​ല​നായ പൗലൊസ്‌ അപ്രകാ​രം ഉദ്‌ബോ​ധി​പ്പി​ച്ചു. ഈ കഴിഞ്ഞ സേവന വർഷത്തിൽ യഹോ​വ​യു​ടെ ഉദാര​മായ കരങ്ങളിൽനിന്ന്‌, നന്ദി നൽകാൻ നമുക്കു സകല കാരണ​വും നൽകുന്ന, സമൃദ്ധ​മായ കരുത​ലു​കൾ നാം ആസ്വദി​ച്ചു. തന്റെ വാഗ്‌ദാ​ന​ത്തി​നു ചേർച്ച​യിൽ യഹോവ ‘ആകാശ​ത്തി​ന്റെ കിളി​വാ​തി​ലു​കളെ തുറന്ന്‌ നമ്മു​ടെ​മേൽ സമൃദ്ധ​മായ അനു​ഗ്ര​ഹങ്ങൾ പകർന്നു.’ അതു പലപ്പോ​ഴും നാം സന്തോ​ഷ​ത്തി​ന്റെ​യും കൃതജ്ഞ​ത​യു​ടെ​യും അശ്രുക്കൾ പൊഴി​ക്കാൻ ഇടയാക്കി.—മലാ. 3:10; സങ്കീ. 33:1.

32-39 വരെയുള്ള പേജു​ക​ളിൽ കൊടു​ത്തി​രി​ക്കുന്ന 1998 സേവന വർഷത്തി​ലെ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക റിപ്പോർട്ടിൽ പ്രകട​മാ​ക്കി​യി​രി​ക്കു​ന്നതു പോലെ, ഭൂമി​യിൽ എങ്ങും എന്തൊരു വിജയ ഘോഷ​മാ​ണു മുഴങ്ങി​ക്കേ​ട്ടത്‌! ഒരു പുതിയ അത്യു​ച്ച​മായ 58,88,650 പ്രസാ​ധകർ യഹോ​വയെ സ്‌തു​തി​ക്കു​ന്ന​തിൽ പങ്കു​ചേർന്നു. (സങ്കീ. 66:1, 8) സ്‌നാ​പ​ന​മേറ്റ പുതി​യ​വ​രായ 3,16,092 പേരും ഇതിൽ ഉൾപ്പെ​ടു​ന്നു. സ്‌മാ​ര​ക​ത്തിന്‌ 1,38,96,312 പേർ ഹാജരാ​യത്‌, ഇനിയും ദശലക്ഷങ്ങൾ യഹോ​വ​യു​ടെ നാമം വിളി​ച്ച​പേ​ക്ഷി​ച്ചേ​ക്കാ​മെന്നു സൂചി​പ്പി​ക്കു​ന്നു. ഈ കൂട്ടി​ച്ചേർക്ക​ലി​നു നാം യഹോ​വ​യ്‌ക്കു നന്ദി നൽകുന്നു—സങ്കീ. 30:4.

ഈ സേവന​വർഷ​ത്തി​ന്റെ ആരംഭ​ത്തിൽ ലോക​മെ​ങ്ങു​മുള്ള പ്രസാ​ധകർ രാജ്യ​വാർത്ത നമ്പർ 35 വിതരണം ചെയ്യു​ന്ന​തിൽ സന്തോഷം കണ്ടെത്തി. ആ വിതരണ പരിപാ​ടി​യെ വിശ്വ​സ്‌ത​മാ​യും തീക്ഷ്‌ണ​മാ​യും പിന്താ​ങ്ങി​ക്കൊണ്ട്‌ അവർ നല്ല അനുഭ​വ​ങ്ങ​ളും അനേകം അനു​ഗ്ര​ഹ​ങ്ങ​ളും ആസ്വദി​ച്ചു. (സദൃ. 10:22; 28:20) അതിനു​ശേഷം അധികം താമസി​യാ​തെ, മൂപ്പന്മാ​രും ശുശ്രൂ​ഷാ ദാസന്മാ​രും രാജ്യ​ശു​ശ്രൂ​ഷാ സ്‌കൂ​ളിൽനി​ന്നു പ്രയോ​ജനം നേടി. അവർ തികച്ചും നവോ​ന്മേ​ഷി​ത​രാ​യി. അവർ ആ പരിശീ​ല​നത്തെ അതിയാ​യി വിലമ​തി​ക്കു​ക​യും ചെയ്‌തു. ഇടയവേല, പഠിപ്പി​ക്കൽ, സുവി​ശേ​ഷി​ക്കൽ, ഐക്യ​ത്തിൽ ഒത്തൊ​രു​മി​ച്ചു പ്രവർത്തി​ക്കൽ എന്നിവ​യ്‌ക്ക്‌ ഊന്നൽ  നൽക​പ്പെട്ടു. യഹോ​വ​യ്‌ക്കു നന്ദി പ്രകാ​ശി​പ്പി​ച്ചു​കൊണ്ട്‌ അയച്ച കത്തുകൾ ആ പരിശീ​ലനം അവർക്ക്‌ എത്ര വില​പ്പെ​ട്ട​താ​യി​രു​ന്നു എന്നു പ്രകട​മാ​ക്കി.

മേയിൽ ഡിസ്‌ട്രി​ക്‌റ്റ്‌/അന്താരാ​ഷ്‌ട്ര കൺ​വെൻ​ഷ​നു​കൾ ആരംഭി​ച്ചു. വടക്കേ അമേരി​ക്ക​യിൽ നടന്ന ഒമ്പതു സാർവ​ദേ​ശീയ കൂടി​വ​ര​വു​ക​ളിൽ 160 രാജ്യ​ങ്ങ​ളിൽനി​ന്നുള്ള പ്രതി​നി​ധി​കൾ പങ്കെടു​ത്തു. ഗിലെ​യാ​ദിൽനി​ന്നും രാജ്യ​ശു​ശ്രൂ​ഷാ​സ്‌കൂ​ളിൽനി​ന്നും ബിരുദം നേടി​യവർ, സാർവ​ദേ​ശീയ ദാസർ, വിദേശ സേവന​ത്തി​ലുള്ള ബെഥേൽ അംഗങ്ങൾ എന്നിവ​രും മിഷനറി പദവി​യുള്ള മറ്റുള്ള​വ​രും കൺ​വെൻ​ഷ​നു​ക​ളിൽ സംബന്ധി​ച്ചു, അവരു​മാ​യുള്ള അഭിമു​ഖ​ങ്ങ​ളും ഉണ്ടായി​രു​ന്നു. തങ്ങളുടെ സ്വദേ​ശത്ത്‌ ഒരു കൺ​വെൻ​ഷനു ഹാജരാ​കു​ന്നതു സാധ്യ​മാ​ക്കി​ത്തീർത്ത ഉദാര​മായ സംഭാ​വ​ന​ക​ളോ​ടുള്ള തങ്ങളുടെ വിലമ​തിപ്പ്‌ അവരിൽ മിക്കവ​രും പ്രകടി​പ്പി​ച്ചു.

ലോക​ത്തി​ന്റെ പല ഭാഗങ്ങ​ളിൽനി​ന്നും എത്തിയ ആയിര​ക്ക​ണ​ക്കി​നു സന്ദർശക പ്രതി​നി​ധി​കളെ അവരുടെ ക്രിസ്‌തീയ സഹോ​ദ​ര​ങ്ങ​ളു​ടെ വീടു​ക​ളിൽ പാർപ്പി​ച്ചു. അവർ ആ സഹോ​ദ​ര​ങ്ങ​ളു​ടെ കുടുംബ ജീവി​ത​വു​മാ​യി ഇഴുകി​ച്ചേർന്നു. യഹോ​വ​യു​ടെ ജനത്തിന്റെ ലോക​വ്യാ​പക സഹോ​ദ​ര​വർഗത്തെ ഐക്യ​പ്പെ​ടു​ത്തുന്ന ഉറ്റ സ്‌നേ​ഹത്തെ കൂടുതൽ ആഴമു​ള്ള​താ​ക്കാൻ ഇത്‌ ഉപകരി​ച്ചു. (1 പത്രൊ. 4:8; 5:9) സാർവ​ദേ​ശീയ കൺ​വെൻ​ഷ​നു​ക​ളോ​ടുള്ള ബന്ധത്തിൽ മുമ്പ്‌ ഒരിക്ക​ലും അനുഭ​വ​പ്പെ​ട്ടി​ട്ടി​ല്ലാത്ത അളവോ​ളം സ്‌നേ​ഹ​വും ആതിഥ്യ​വും കവി​ഞ്ഞൊ​ഴു​കി. സന്തോ​ഷാ​ശ്രു​ക്കൾ പൊഴി​ക്കുന്ന, തൊണ്ട​യി​ട​റുന്ന ആതി​ഥേ​യരെ അതേ വികാ​ര​ങ്ങ​ളോ​ടെ പ്രതി​ക​രിച്ച തങ്ങളുടെ സന്ദർശക അതിഥി​കൾക്കു പരിച​യ​പ്പെ​ടു​ത്തുന്ന ഹൃദയ​സ്‌പർശി​യായ രംഗങ്ങൾ വിവരി​ക്കു​ന്നവ ആയിരു​ന്നു അനേകം കത്തുകൾ. ഒരു അതിഥി എഴുതി: “ഞങ്ങളുടെ ജീവി​ത​ത്തി​ലെ ഏറ്റവും അതിശ​യ​ക​ര​മായ അനുഭ​വ​ത്തി​നു നന്ദി.” ദക്ഷിണാ​ഫ്രി​ക്ക​യിൽനി​ന്നുള്ള ഒരു പ്രതി​നി​ധി എഴുതി: “ഞങ്ങൾക്കു ലഭിച്ച സ്വീക​രണം . . . ഞങ്ങൾ ഒരിക്ക​ലും മറക്കി​ല്ലാത്ത ഒരു അനുഭ​വ​മാണ്‌. . . . ലോക​വ്യാ​പക സഹോ​ദ​ര​വർഗ​ത്തോ​ടുള്ള ഞങ്ങളുടെ വിലമ​തി​പ്പി​നെ അത്‌ എല്ലായ്‌പോ​ഴും സമ്പുഷ്ട​മാ​ക്കും, അത്‌ നമ്മുടെ സ്വർഗീയ പിതാ​വായ യഹോ​വ​യിൽനി​ന്നുള്ള അതിശ​യ​ക​ര​മായ ഒരു ദാനമാണ്‌.”

ബ്രിട്ടൻ, ജർമനി, ഗ്രീസ്‌ എന്നിവി​ട​ങ്ങ​ളി​ലെ കൺ​വെൻ​ഷ​നു​ക​ളിൽ പങ്കെടുത്ത പ്രതി​നി​ധി​ക​ളി​ലും സമാന​മായ മനോ​ഭാ​വം വ്യാപ​രി​ച്ചി​രു​ന്നു. കൺ​വെൻ​ഷൻ പരിപാ​ടി​യും മറ്റു രാജ്യ​ങ്ങ​ളിൽനി​ന്നുള്ള സാക്ഷി​ക​ളു​മാ​യുള്ള സഹവാ​സ​വും സൊ​സൈ​റ്റി​യു​ടെ ബ്രാഞ്ചു​ക​ളിൽ നടത്തിയ സന്ദർശ​ന​വും അവരെ ആവേശ​ഭ​രി​ത​രാ​ക്കി. തങ്ങൾ അനുഭ​വി​ച്ച​റിഞ്ഞ സംഗതി​ക​ളോ​ടുള്ള വിലമ​തി​പ്പും നന്ദിയും പ്രകാ​ശി​പ്പി​ക്കുന്ന കത്തുകൾ അനേകർ അയച്ചു.

ആ കൺ​വെൻ​ഷ​നു​കൾ വലി​യൊ​രു സാക്ഷ്യം നൽകി. കാര്യ​പ​രി​പാ​ടി​യു​ടെ പുറം​പേ​ജിൽ എടുത്തു​കാ​ണി​ക്കു​ക​യും നമ്മുടെ സഹോ​ദ​ര​ന്മാർ ധരിച്ച ലാപ്പൽ കാർഡു​ക​ളിൽ പരസ്യ​പ്പെ​ടു​ത്തു​ക​യും ചെയ്‌തി​രുന്ന, “ദൈവ​മാർഗ​ത്തി​ലുള്ള ജീവിതം” എന്ന വിഷയ​ത്തി​നു പിന്നിൽ അർഥവ​ത്തായ എന്തോ ഉണ്ടായി​രു​ന്നെന്ന്‌ പൊതു​ജ​നങ്ങൾ തിരി​ച്ച​റി​ഞ്ഞു.

ഇനി മുതൽ ദൈവ​മാർഗ​ത്തി​ലുള്ള ജീവിത രീതി പിൻപ​റ്റാ​നും നാം ചെയ്യുന്ന എല്ലാ കാര്യ​ത്തി​ലും—നമ്മുടെ സ്വകാര്യ ജീവി​ത​ത്തി​ലും കുടുംബ വൃത്തത്തി​ലും ക്രിസ്‌തീയ സഭയുടെ ഭാഗമെന്ന നിലയി​ലും ലോക​വ്യാ​പക  സഹോ​ദ​ര​വർഗ​മെന്ന നിലയി​ലും—അതു പ്രകട​മാ​ക്കാ​നു​മുള്ള നമ്മുടെ ദൃഢനി​ശ്ചയം പ്രകടി​പ്പി​ക്കു​ന്ന​താ​യി​രു​ന്നു കൺ​വെൻ​ഷ​നു​ക​ളിൽ അവതരി​പ്പി​ക്ക​പ്പെട്ട പ്രമേയം.—തീത്തൊ. 2:11, 12; 1 പത്രൊ. 2:17.

ഈ മാർഗം പിൻപ​റ്റാ​നുള്ള നമ്മുടെ ദൃഢനി​ശ്ചയം നമ്മെ വളരെ അനുകൂ​ല​മായ ഒരു സ്ഥിതി​വി​ശേ​ഷ​ത്തിൽ ആക്കിത്തീർക്കു​ന്നു. ഇന്നത്തെ ദൈവ​ജ​ന​ത്തി​ന്റെ ആത്മീയ അവസ്ഥയും വിശ്വാ​സ​ത്യാ​ഗി​ക​ളു​ടെ​യും ദൈവത്തെ അറിയു​ക​യും ആരാധി​ക്കു​ക​യും ചെയ്യു​ന്നു​വെന്ന്‌ അവകാ​ശ​പ്പെ​ടു​ന്നു​വെ​ങ്കി​ലും പ്രവൃ​ത്തി​ക​ളാൽ അവനെ ത്യജി​ക്കുന്ന ആളുക​ളു​ടെ​യും ആത്മീയ അവസ്ഥയും തമ്മിൽ ശ്രദ്ധേ​യ​മായ വ്യത്യാ​സം ഉണ്ടെന്നു​ള്ള​തിൽ തെല്ലും സംശയ​മില്ല. (തീത്തൊ. 1:16) യെശയ്യാ​വു 65:13, 14-ലെ വാക്കുകൾ ഈ വ്യത്യാ​സത്തെ കുറിച്ച്‌ നമ്മെ ജാഗരൂ​ക​രാ​ക്കു​ന്നു: “ഇതാ, എന്റെ ദാസന്മാർ ഭക്ഷിക്കും; . . . പാനം​ചെ​യ്യും; . . . സന്തോ​ഷി​ക്കും; . . . ഹൃദയാ​ന​ന്ദം​കൊ​ണ്ടു ഘോഷി​ക്കും; നിങ്ങളോ [വിശ്വാ​സ​ത്യാ​ഗി​കൾ] മനോ​വ്യ​സ​നം​കൊ​ണ്ടു നിലവി​ളി​ച്ചു മനോ​വ്യ​ഥ​യാൽ മുറയി​ടും.” എത്ര മഹത്താ​യൊ​രു പൈതൃ​ക​മാണ്‌ നമുക്ക്‌ ഉള്ളത്‌! ഇക്കാലത്തു യഹോവ തന്റെ ജനത്തിനു വേണ്ടി ചെയ്‌തു​കൊ​ണ്ടി​രി​ക്കുന്ന എല്ലാറ്റി​നെ​യും പ്രതി നമുക്ക്‌ എല്ലായ്‌പോ​ഴും നന്ദിയു​ള്ളവർ ആയിരി​ക്കാം.

സാമ്പത്തിക ക്ലേശം, പീഡനം, ഭീകര​പ്ര​വർത്തനം, യുദ്ധങ്ങൾ എന്നിവ​യാൽ നമ്മുടെ ചില സഹദാ​സ​ന്മാർ വലിയ ദുരിതം അനുഭ​വി​ച്ചി​ട്ടുണ്ട്‌. വെള്ള​പ്പൊ​ക്കം, ചുഴലി​ക്കൊ​ടു​ങ്കാറ്റ്‌, അഗ്നിപർവത സ്‌ഫോ​ടനം തുടങ്ങിയ വിപത്തു​കൾക്കു കുറെ​യ​ധി​കം പേർ ഇരയാ​യി​ട്ടുണ്ട്‌. എന്നാൽ അവരുടെ പ്രത്യാശ മങ്ങിയി​ട്ടില്ല. യഹോ​വ​യു​ടെ വഴിക​ളിൽ ആനന്ദി​ക്കാ​നും അവന്റെ മുമ്പാകെ ഒരു അംഗീ​കൃത നിലയിൽ തുടരാ​നും അവരെ പ്രാപ്‌ത​രാ​ക്കത്തക്ക വിധം അവരുടെ എല്ലാ കഷ്ടങ്ങളി​ലും അവൻ അവരെ താങ്ങി​യി​രി​ക്കു​ന്നു.—റോമ. 5:3-5.

ഈ യാതനാ​നിർഭ​ര​മായ സമയങ്ങ​ളിൽ കഷ്ടപ്പാ​ടു​കൾ അനുഭ​വി​ക്കു​ന്നു​വെ​ങ്കി​ലും നാം അനുഗൃ​ഹീ​ത​രും സന്തുഷ്ട​രു​മായ ഒരു ജനമാണ്‌. (സങ്കീ. 3:8; 144:15ബി) നാം ഭാവി​യി​ലേക്കു നോക്കവേ, യഹോ​വ​യു​ടെ മാർഗ​ത്തി​ലുള്ള ജീവി​ത​ത്തിൽനി​ന്നു നമ്മെ​പ്പോ​ലെ​തന്നെ പ്രയോ​ജനം അനുഭ​വി​ക്കാൻ ഇനിയും അനേകരെ സഹായി​ക്കുക എന്നതാണു നമ്മുടെ ആഗ്രഹം. തിരക്കു​പി​ടിച്ച ജീവി​ത​ത്തി​നി​ട​യി​ലും യഹോ​വ​യു​ടെ മാർഗം പഠിക്കാ​നും അവന്റെ ക്ഷമയിൽനി​ന്നു പ്രയോ​ജനം അനുഭ​വി​ക്കാ​നും അവർക്ക്‌ ഇപ്പോ​ഴും സമയമുണ്ട്‌. അത്‌ 1999-ലെ നമ്മുടെ വാർഷിക വാക്യ​മായ 2 കൊരി​ന്ത്യർ 6:2 സൂചി​പ്പി​ക്കു​ന്ന​തു​പോ​ലെ ആണ്‌: “ഇപ്പോൾ ആകുന്നു രക്ഷാദി​വസം.” അതേ, പ്രവർത്തി​ക്കാ​നുള്ള സമയം ഇപ്പോ​ഴാണ്‌! കേൾക്കുന്ന എല്ലാവ​രെ​യും ഇത്‌ അറിയി​ക്കാ​നുള്ള പദവി​യെ​പ്രതി നമുക്കു നന്ദിയു​ള്ളവർ ആയിരി​ക്കാം.

ഐകമ​ത്യ​ത്തോ​ടെ നിങ്ങ​ളോ​ടൊ​പ്പം ഞങ്ങൾ സന്തോ​ഷ​പൂർവം ദൈവ​മാർഗ​ത്തി​ലുള്ള ജീവിതം പിന്തു​ട​രു​ന്നു.

നിങ്ങളുടെ സഹദാ​സ​ന്മാർ,

യഹോവയുടെ സാക്ഷി​ക​ളു​ടെ ഭരണസം​ഘം