കഴിഞ്ഞ വർഷത്തെ സവി​ശേ​ഷ​ത​കൾ

യഹോ​വ​യു​ടെ സാക്ഷി​കളെ സംബന്ധി​ച്ചി​ട​ത്തോ​ളം അവരുടെ വാർഷിക കൺ​വെൻ​ഷ​നു​കൾ വളരെ പ്രധാ​ന​പ്പെ​ട്ട​വ​യാണ്‌. 1999-ന്റെ മധ്യ​ത്തോ​ടെ തുടങ്ങിയ ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളു​ടെ വിഷയം “ദൈവ​ത്തി​ന്റെ പ്രാവ​ച​നിക വചനം” എന്നതാ​യി​രു​ന്നു. കൺ​വെൻ​ഷൻ പരിപാ​ടി​കൾ അനുദിന ബൈബിൾ വായന​യു​ടെ മൂല്യം ഊന്നി​പ്പ​റഞ്ഞു; യാക്കോ​ബി​നെ​യും ഏശാവി​നെ​യും കുറി​ച്ചുള്ള ഒരു നാടകം അതിന്‌ ഊന്നൽ നൽകു​ക​യും ചെയ്‌തു. ദാനീ​യേൽ പുസ്‌ത​ക​ത്തി​ലെ പ്രവച​ന​ങ്ങ​ളു​ടെ സംക്ഷിപ്‌ത അവലോ​ക​ന​വും ഹബക്കൂക്‌ പുസ്‌ത​ക​ത്തി​ന്റെ വിശദ​മായ ചർച്ചയും പ്രസം​ഗ​ങ്ങ​ളിൽ ഉൾപ്പെ​ട്ടി​രു​ന്നു. ഈ വ്യവസ്ഥി​തി​യു​ടെ അന്ത്യം എത്ര ആസന്നമാ​ണെന്നു കൺ​വെൻ​ഷൻ പരിപാ​ടി​കൾ എടുത്തു​കാ​ട്ടി. ഇപ്പോൾ നാം നിർവ​ഹി​ക്കുന്ന സാക്ഷീ​ക​ര​ണത്തെ കുറിച്ചു ചർച്ച ചെയ്‌ത​തി​നു പുറമേ, ‘സകലവും പുതു​താ​ക്കു’മെന്ന  യഹോ​വ​യു​ടെ ഹൃദ​യോ​ഷ്‌മ​ള​മായ വാഗ്‌ദാ​നത്തെ കുറിച്ചു ചിന്തി​ക്കാ​നും പരിപാ​ടി​കൾ നമ്മെ സഹായി​ച്ചു.—വെളി. 21:5.

47 ഭാഷക​ളിൽ പ്രസി​ദ്ധീ​ക​രിച്ച ദാനീ​യേൽ പ്രവച​ന​ത്തി​നു ശ്രദ്ധ കൊടു​പ്പിൻ! എന്ന പുതിയ പുസ്‌തകം ലഭിച്ചതു കൺ​വെൻ​ഷനു കൂടിവന്ന സഹോ​ദ​ര​ങ്ങളെ ആഹ്ലാദ​ഭ​രി​ത​രാ​ക്കി. കൊറി​യ​യി​ലെ സഹോ​ദ​ര​ങ്ങൾക്കു കൂടു​ത​ലായ സന്തോ​ഷ​ത്തി​നു കാരണം ഉണ്ടായി​രു​ന്നു, വിശുദ്ധ തിരു​വെ​ഴു​ത്തു​ക​ളു​ടെ പുതിയ ലോക ഭാഷാ​ന്തരം കൊറി​യൻ ഭാഷയിൽ അവർക്കു ലഭ്യമാ​യി.

മാസങ്ങ​ളോ​ളം യൂഗോ​സ്ലാ​വിയ യുദ്ധത്തി​ന്റെ പിടി​യിൽ അമർന്നി​രു​ന്നി​ട്ടും, സെർബി​യൻ ഭാഷയിൽ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ പുതിയ ലോക ഭാഷാ​ന്തരം പ്രകാ​ശനം ചെയ്യാൻ സഹോ​ദ​ര​ങ്ങൾക്കു സാധിച്ചു എന്നതു തികച്ചും അതിശ​യ​ക​ര​മായ സംഗതി​യാണ്‌. രാജ്യാ​ന്തര ദിവ്യാ​ധി​പത്യ സഹകര​ണ​ത്തി​ന്റെ ഫലമായി യൂഗോ​സ്ലാ​വി​യ​യു​ടെ അയൽ രാജ്യ​ങ്ങ​ളി​ലും ക്രൊ​യേ​ഷ്യൻ, മാസി​ഡോ​ണി​യൻ എന്നീ ഭാഷക​ളിൽ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ പ്രകാ​ശനം ചെയ്യ​പ്പെട്ടു. സന്തോ​ഷാ​ശ്രു​ക്ക​ളോ​ടെ​യാ​ണു സഹോ​ദ​രങ്ങൾ അവ സ്വീക​രി​ച്ചത്‌.

യൂഗോ​സ്ലാ​വി​യ​യി​ലെ സഹോ​ദ​ര​ങ്ങൾക്കു സന്തോ​ഷി​ക്കാൻ പ്രത്യേക കാരണം ഉണ്ടായി​രു​ന്നു. ആ രാജ്യം, മാർച്ച്‌ മാസത്തി​ലു​ട​നീ​ളം യുദ്ധത്തി​നു വേണ്ടി​യുള്ള ഒരുക്ക​ത്തി​ലാ​യി​രു​ന്നു. ബെൽ​ഗ്രേ​ഡിൽ ബോം​ബാ​ക്ര​മണം നടക്കു​ന്ന​പക്ഷം ടെലി​ഫോൺ ബന്ധം വിച്ഛേ​ദി​ക്ക​പ്പെ​ടാൻ സാധ്യ​ത​യു​ണ്ടാ​യി​രു​ന്നു. അങ്ങനെ സംഭവി​ച്ചാൽ, ബെൽ​ഗ്രേ​ഡി​ലുള്ള പരിഭാ​ഷാ കേന്ദ്ര​ത്തിൽ നിന്ന്‌ പരിഭാ​ഷ​പ്പെ​ടു​ത്തിയ വിവരങ്ങൾ ജർമനി​യി​ലുള്ള അച്ചടി​കേ​ന്ദ്ര​ത്തിൽ എത്തിക്കു​ന്നതു ദുഷ്‌ക​ര​മാ​കു​മാ​യി​രു​ന്നു. വ്യോ​മാ​ക്ര​മണം ഉണ്ടാകു​മെന്നു മാർച്ച്‌ 23 ചൊവ്വാഴ്‌ച ഉറപ്പായി. തന്മൂലം, ബെൽ​ഗ്രേഡ്‌ കൺ​വെൻ​ഷ​നിൽ പ്രകാ​ശനം ചെയ്യാ​നുള്ള ബൈബി​ളി​നോ​ടു ബന്ധപ്പെട്ട വേലയിൽ ഏർപ്പെ​ട്ടി​രുന്ന സഹോ​ദ​രങ്ങൾ അന്നു രാത്രി മുഴു​വ​നും ജോലി​ചെ​യ്‌തു. പിറ്റേന്നു രാവിലെ, അതുമാ​യി ബന്ധപ്പെട്ട ഇലക്‌​ട്രോ​ണിക്‌ ഫയലുകൾ ജർമനി​യി​ലേക്ക്‌ അയയ്‌ക്കാൻ അവർക്കു സാധിച്ചു. ഏതാനും മണിക്കൂ​റു​കൾക്കു ശേഷം ബോം​ബാ​ക്ര​മണം ആരംഭി​ച്ചു. ബോം​ബു​വർഷ​ത്തിൽ നിന്നു രക്ഷപ്പെ​ടു​ന്ന​തി​നു സുരക്ഷാ​സ​ങ്കേ​ത​ങ്ങ​ളി​ലേക്കു പോകാൻ നിർബ​ന്ധി​ത​രാ​യെ​ങ്കി​ലും തങ്ങളുടെ ജോലി നിർവ​ഹി​ച്ച​തിൽ ആ പരിഭാ​ഷാ സംഘം തികച്ചും സന്തുഷ്ട​രാ​യി​രു​ന്നു!

നാലു മാസത്തി​നു ശേഷം, ബെൽ​ഗ്രേ​ഡിൽ നടന്ന കൺ​വെൻ​ഷ​നിൽ ബൈബിൾ പ്രകാ​ശനം ചെയ്യ​പ്പെ​ട്ട​പ്പോ​ഴു​ണ്ടായ അവരുടെ സന്തോ​ഷ​ത്തിന്‌ അതിരി​ല്ലാ​യി​രു​ന്നു. എല്ലാവർക്കും ബൈബി​ളി​ന്റെ ഓരോ പ്രതി കിട്ടിയ ഉടനെ കൺ​വെൻ​ഷൻ സ്ഥലം ശൂന്യ​മാ​യി. ബൈബിൾ വായി​ക്കാ​നുള്ള വ്യഗ്ര​ത​യിൽ സഹോ​ദ​രങ്ങൾ തങ്ങളുടെ വാസസ്ഥാ​ന​ങ്ങ​ളി​ലേക്കു മടങ്ങി​ക്ക​ഴി​ഞ്ഞി​രു​ന്നു! കൊല​പാ​ത​ക​ത്തി​നും കടുത്ത  വിദ്വേ​ഷ​ത്തി​നും വഴിമ​രു​ന്നി​ട്ടി​രി​ക്കുന്ന വംശീ​യ​വും മതപര​വു​മായ ഭിന്നത​ക​ളാൽ ചീന്തപ്പെട്ട ഒരു ലോക​ത്തിൽ തങ്ങൾക്ക്‌ ഏറ്റവും ഉത്തമമായ സമ്മാന​മാ​ണു ലഭിച്ചി​രി​ക്കു​ന്നത്‌ എന്ന്‌ അവർക്ക്‌ ഉറച്ച ബോധ്യ​മു​ണ്ടാ​യി​രു​ന്നു.

തുടർന്നു​വന്ന വാരാ​ന്ത്യ​ത്തിൽ, ഇന്തൊ​നീ​ഷ്യ​യി​ലെ എട്ടു കൺ​വെൻ​ഷ​നു​ക​ളിൽ ആദ്യ​ത്തേതു നടക്കു​ക​യു​ണ്ടാ​യി. മത-രാഷ്‌ട്രീയ രംഗങ്ങ​ളി​ലെ ഘടകക​ക്ഷി​കൾ അക്രമം അഴിച്ചു​വി​ട്ടി​രി​ക്കുന്ന ഒരു പ്രമുഖ പൗരസ്‌ത്യ ദേശമാണ്‌ അത്‌. ജക്കാർത്ത​യിൽ നടന്ന കൺ​വെൻ​ഷ​നിൽ രാജ്യ​ത്തി​ന്റെ വിവിധ ഭാഗങ്ങ​ളിൽ നിന്നായി 15,666 പേർ ഹാജരാ​യി​രു​ന്നു. അന്നാദ്യ​മാ​യി കൺ​വെൻ​ഷൻ സ്ഥലത്തു വെച്ചു തന്നെ സ്‌നാ​പനം നടത്ത​പ്പെട്ടു. 430 പേർ സ്‌നാ​പ​ന​മേൽക്കു​ന്നത്‌ അത്യധി​കം ഉത്സാഹ​ത്തോ​ടെ​യാ​ണു സദസ്യർ വലിയ ടെലി​വി​ഷൻ സ്‌ക്രീ​നിൽ വീക്ഷി​ച്ചത്‌. എന്നാൽ, ഇന്തൊ​നീ​ഷ്യ​നിൽ സമ്പൂർണ ബൈബി​ളി​ന്റെ പുതിയ ലോക ഭാഷാ​ന്തരം അച്ചടി​ക്ക​പ്പെ​ട്ടെ​ന്നും താമസി​യാ​തെ അതു ലഭ്യമാ​കു​മെ​ന്നും അറിയി​ച്ച​പ്പോൾ അവിടെ കൂടി​യി​രു​ന്ന​വ​രു​ടെ ആവേശം അലതല്ലി.

ദൈവ​മാർഗ​ത്തി​ലുള്ള ജീവിതം നയിക്കു​ന്നു

1999 സേവന വർഷത്തി​ന്റെ—അത്‌ 1998 സെപ്‌റ്റം​ബ​റിൽ തുടങ്ങി—പ്രാരംഭ മാസങ്ങ​ളി​ലും “ദൈവ​മാർഗ​ത്തി​ലുള്ള ജീവിതം” അന്താരാ​ഷ്‌ട്ര കൺ​വെൻ​ഷ​നു​കൾ തുടരു​ക​യു​ണ്ടാ​യി. അവയിൽ പലതും ഐക്യ​നാ​ടു​ക​ളി​ലും യൂറോ​പ്പി​ലും അതി​നോ​ട​കം​തന്നെ നടന്നു​ക​ഴി​ഞ്ഞി​രു​ന്നു. എന്നാൽ, സെപ്‌റ്റം​ബർ മുതൽ ജനുവരി വരെയുള്ള കാലയ​ള​വിൽ ആഫ്രിക്ക, ഏഷ്യ, ഓസ്‌​ട്രേ​ലിയ, ലാറ്റിൻ അമേരിക്ക എന്നിവി​ട​ങ്ങ​ളിൽ ഇത്തരം 13 അന്താരാ​ഷ്‌ട്ര കൺ​വെൻ​ഷ​നു​കൾ കൂടി നടക്കു​ക​യു​ണ്ടാ​യി.

1999 സേവന വർഷത്തി​ലെ ഈ കൺ​വെൻ​ഷ​നു​ക​ളിൽ ആദ്യ​ത്തേതു നടന്നത്‌ 1998 സെപ്‌റ്റം​ബർ 18-20 തീയതി​ക​ളിൽ ബ്രസീ​ലി​ലെ സാവൊ പൗലോ​യി​ലാണ്‌. പിന്നീട്‌, മറ്റു 16 സ്ഥലങ്ങളിൽ ഒരേ സമയം കൺ​വെൻ​ഷ​നു​കൾ നടത്ത​പ്പെട്ടു. റിയോ ഡി ജനീ​റോ​യി​ലെ കൂറ്റൻ സ്റ്റേഡി​യ​മായ മാരാ​കാ​നാ​നിൽ നടത്തപ്പെട്ട കൺ​വെൻ​ഷ​നും അതിൽ ഉൾപ്പെ​ടും. 15 ദേശങ്ങ​ളിൽ നിന്നായി ആയിര​ക്ക​ണ​ക്കി​നു പേർ അതിൽ ഹാജരാ​യി​രു​ന്നു. പങ്കെടുത്ത 54 മിഷന​റി​മാ​രിൽ 23 പേർ ബ്രസീ​ലിൽ നിന്നു മൊസാ​മ്പി​ക്കി​ലേക്കു നിയമനം ലഭിച്ചവർ ആയിരു​ന്നു. ഞായറാഴ്‌ച, ദൈവ​മാർഗ​ത്തി​ലുള്ള ജീവി​ത​മാണ്‌ ഏറ്റവും ഉത്തമം എന്നു പ്രഖ്യാ​പി​ക്കുന്ന ഒരു പ്രമേയം പാസ്സാ​ക്കി​യ​പ്പോൾ 17 സ്ഥലങ്ങളി​ലാ​യി കൂടി​വ​ന്നി​രുന്ന മൊത്തം 5,16,333 പേർ ഇടിമു​ഴക്കം പോലുള്ള ശബ്ദത്തിൽ സിൻ (ഉവ്വ്‌) എന്നു പറഞ്ഞു​കൊണ്ട്‌ അത്‌ അംഗീ​ക​രി​ക്കു​ക​യു​ണ്ടാ​യി!

അതേ വാരാ​ന്ത്യ​ത്തിൽ, കൊറി​യ​യി​ലെ സോളി​ലുള്ള ഒളിമ്പിക്‌ സ്റ്റേഡിയം  63,886 പേരെ​ക്കൊ​ണ്ടു നിറഞ്ഞു. കൺ​വെൻ​ഷനു മുമ്പുള്ള ദിവസ​ങ്ങ​ളിൽ 3,046 വിദേശ പ്രതി​നി​ധി​കൾ എത്തി​ച്ചേർന്നു. അവരെ സ്വീക​രി​ക്കാൻ പരമ്പരാ​ഗത രീതി​യിൽ വർണപ്പ​കി​ട്ടാർന്ന വസ്‌ത്രങ്ങൾ ധരിച്ച സഹോ​ദ​രി​മാർ ഉൾപ്പെടെ കൊറി​യ​ക്കാ​രായ നൂറു​ക​ണ​ക്കി​നു സാക്ഷികൾ വിമാ​ന​ത്താ​വ​ള​ത്തിൽ എത്തിയി​രു​ന്നു. ഒടുവി​ലത്തെ പ്രസം​ഗ​ത്തി​നു ശേഷം, കൺ​വെൻ​ഷനു ഹാജരായ ആയിര​ക്ക​ണ​ക്കി​നു സാക്ഷികൾ ഇരുവ​ശ​ത്തും നിരനി​ര​യാ​യി നിലയു​റ​പ്പി​ച്ച​പ്പോൾ ഉണ്ടായ ഇടനാ​ഴി​യി​ലൂ​ടെ വിദേശ പ്രതി​നി​ധി​കൾ തങ്ങളുടെ ബസ്സുക​ളി​ലേക്കു നടന്നു​നീ​ങ്ങി. ചിലർ അതിനെ ‘സ്‌നേ​ഹ​ത്തി​ന്റെ ഇടനാഴി’ എന്നാണു വിശേ​ഷി​പ്പി​ച്ചത്‌. പ്രതി​നി​ധി​കൾ അതിലൂ​ടെ മുന്നോ​ട്ടു നീങ്ങവെ, “പറുദീ​സ​യിൽവെച്ച്‌ വീണ്ടും കാണാം,” “ഞങ്ങൾ നിങ്ങളെ സ്‌നേ​ഹി​ക്കു​ന്നു” എന്നിങ്ങനെ കൊറി​യ​ക്കാ​രായ സാക്ഷികൾ വിളിച്ചു പറഞ്ഞു. സന്തോഷം കൊണ്ട്‌ പലരു​ടെ​യും കണ്ണുകൾ നിറഞ്ഞി​രു​ന്നു.

സോളിൽ കൺ​വെൻ​ഷൻ നടന്ന്‌ അധികം കഴിയു​ന്ന​തി​നു മുമ്പാണ്‌ പോർട്ട​റി​ക്കോ​യിൽ ജോർജസ്‌ ചുഴലി​ക്കാറ്റ്‌ ആഞ്ഞടി​ച്ചത്‌. പിറ്റേ വെള്ളി​യാഴ്‌ച പോർട്ട​റി​ക്കോ​യിൽ അന്താരാ​ഷ്‌ട്ര കൺ​വെൻ​ഷൻ നടക്കാ​നി​രി​ക്കു​ക​യാ​യി​രു​ന്നു. അതു സാധ്യ​മാ​കു​മാ​യി​രു​ന്നോ? കൊടു​ങ്കാ​റ്റി​ന്റെ ഫലമായി, മുഴു ദ്വീപി​ലും ആഴ്‌ച​ക​ളോ​ളം വൈദ്യു​തി ഉണ്ടായി​രി​ക്കു​ക​യില്ല എന്നായി​രു​ന്നു കണക്കു​കൂ​ട്ടൽ. വെള്ളം ലഭിക്കാ​താ​യി; സാൻഹ്വാൻ വിമാ​ന​ത്താ​വളം അടച്ചു​പൂ​ട്ടി; ആയിര​ക്ക​ണ​ക്കി​നു വിദേശ സാക്ഷി​കളെ പാർപ്പി​ക്കാൻ ഉദ്ദേശി​ച്ചി​രുന്ന സഹോ​ദ​ര​ങ്ങ​ളു​ടെ വീടു​കൾക്കും കേടു​പാ​ടു​കൾ സംഭവി​ച്ചു. ദുരന്തം നിമിത്തം, കൺ​വെൻ​ഷൻ നടത്താൻ പദ്ധതി​യി​ട്ടി​രുന്ന നാല്‌ ഇടങ്ങളിൽ ഒരെണ്ണം—ഹൈറം ബിഥോൺ സ്റ്റേഡിയം—മാത്രമേ ഉപയോ​ഗ​യോ​ഗ്യ​മായ അവസ്ഥയിൽ ആയിരു​ന്നു​ള്ളൂ. എന്നാൽ അത്ഭുത​ക​ര​മെന്നു പറയട്ടെ, പ്രശ്‌നങ്ങൾ ഒന്നൊ​ന്നാ​യി പരിഹ​രി​ക്ക​പ്പെട്ടു. ആ കൺ​വെൻ​ഷന്റെ അത്യുച്ച ഹാജർ 15,065 ആയിരു​ന്നു!

ഏകദേശം ഒരു മാസം കഴിഞ്ഞ്‌, ഒക്‌ടോ​ബർ 30 മുതൽ നവംബർ 1 വരെയുള്ള തീയതി​ക​ളിൽ ഓസ്‌​ട്രേ​ലി​യ​യിൽ ബ്രിസ്‌ബെയ്‌ൻ, മെൽബൺ, സിഡ്‌നി എന്നിവി​ട​ങ്ങ​ളി​ലാ​യി മൂന്ന്‌ അന്താരാ​ഷ്‌ട്ര കൺ​വെൻ​ഷ​നു​കൾ നടന്നു. ഭരണസം​ഘാം​ഗങ്ങൾ ആയ ജോൺ ബാർ, മിൽട്ടൺ ഹെൻഷൽ, ലോയിഡ്‌ ബാരി, തിയോ​ഡർ ജാരറ്റ്‌സ്‌ എന്നിവർ ആ കൺ​വെൻ​ഷ​നു​ക​ളിൽ പങ്കെടു​ത്തു. ലോയിഡ്‌ ബാരി​യും തിയോ​ഡർ ജാരറ്റ്‌സും ഓസ്‌​ട്രേ​ലി​യ​യിൽ സേവനം അനുഷ്‌ഠി​ച്ചി​ട്ടു​ള്ള​വ​രാണ്‌. മിഷനറി സേവന​ത്തി​നാ​യി ഓസ്‌​ട്രേ​ലി​യ​യിൽ നിന്ന്‌ അയയ്‌ക്ക​പ്പെട്ട തീക്ഷ്‌ണ​ത​യുള്ള പല മിഷന​റി​മാ​രും ആ കൺ​വെൻ​ഷ​നു​ക​ളിൽ സന്നിഹി​ത​രാ​യി​രു​ന്നു.

1998-ന്റെ അവസാ​ന​ത്തോ​ടെ, ആഫ്രി​ക്ക​യിൽ കൂടു​ത​ലായ അന്താരാ​ഷ്‌ട്ര കൺ​വെൻ​ഷ​നു​കൾ നടത്ത​പ്പെട്ടു. ഡിസം​ബ​റിൽ,  കെനി​യ​യി​ലെ നയ്‌റോ​ബി​യി​ലുള്ള മൊയ്‌ ഇന്റർനാ​ഷണൽ സ്‌പോർട്‌സ്‌ സെന്ററിൽ നടന്ന കൺ​വെൻ​ഷ​നിൽ സംബന്ധിച്ച 24,502 പേരിൽ തങ്ങൾക്കും ഉൾപ്പെ​ടാൻ കഴിഞ്ഞത്‌ 16 രാജ്യ​ങ്ങ​ളിൽ നിന്നുള്ള സാക്ഷി​കളെ സന്തോ​ഷ​ഭ​രി​ത​രാ​ക്കി.

പിറ്റേ വാരം, ദക്ഷിണാ​ഫ്രി​ക്ക​യിൽ (കേപ്പ്‌ ടൗൺ, ഡർബൻ, ജോഹാ​ന​സ്‌ബർഗ്‌, പ്രി​റ്റോ​റിയ എന്നിവി​ട​ങ്ങ​ളിൽ) നാല്‌ അന്താരാ​ഷ്‌ട്ര കൺ​വെൻ​ഷ​നു​കൾ നടത്ത​പ്പെട്ടു. മൊത്തം 83,858 പേർ ഹാജരാ​യി; 1,626 പേർ സ്‌നാ​പ​ന​മേറ്റു. തുടർന്ന്‌ അവിടെ 18 ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളും നടത്ത​പ്പെട്ടു. അവയിൽ മൊത്തം 53,901 പേർ ഹാജരാ​യി, 1,065 പേർ സ്‌നാ​പ​ന​മേറ്റു. ഇത്തവണ ത്‌സോം​ഗാ​യിൽ സമ്പൂർണ ബൈബി​ളി​ന്റെ പുതിയ ലോക ഭാഷാ​ന്തരം പ്രകാ​ശനം ചെയ്‌തു. ആ കൺ​വെൻ​ഷ​നു​ക​ളിൽ പങ്കെടു​ത്ത​വർക്കി​ട​യിൽ പ്രകട​മായ സ്‌നേ​ഹ​വും ഐക്യ​വും യേശു​വി​ന്റെ പിൻവ​രുന്ന വാക്കുകൾ അവർക്കു നന്നായി ചേരുന്നു എന്നതിനു സുവ്യ​ക്ത​മായ തെളി​വേകി: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.”—യോഹ​ന്നാൻ 13:35.

ഡിസം​ബ​റി​ലെ അവസാന വാരാ​ന്ത്യ​ത്തിൽ പശ്ചിമാ​ഫ്രി​ക്ക​യി​ലെ ഐവറി കോസ്റ്റി​ലുള്ള അബിജാ​നി​ലും ഒരു കൺ​വെൻ​ഷൻ നടത്ത​പ്പെട്ടു. ഫ്രഞ്ച്‌, ഇംഗ്ലീഷ്‌, റ്റ്വി എന്നീ ഭാഷക​ളിൽ പരിപാ​ടി​കൾ അവതരി​പ്പി​ക്ക​പ്പെട്ടു. ആ രാജ്യ​ത്തുള്ള 6,000-ത്തോളം വരുന്ന പ്രസാ​ധ​ക​രും വിദേ​ശത്തു നിന്നുള്ള 500 സാക്ഷി​ക​ളും ആ കൺ​വെൻ​ഷ​നിൽ പങ്കെടു​ത്തു. എന്നാൽ അത്ഭുത​ക​ര​മെന്നു പറയട്ടെ, ദൈവ​മാർഗ​ത്തി​ലുള്ള ജീവി​തത്തെ കുറിച്ചു പഠിക്കാൻ ആ കൺ​വെൻ​ഷ​നിൽ കൂടി​വ​ന്ന​വ​രു​ടെ മൊത്ത ഹാജർ 16,009 ആയിരു​ന്നു!

ഒടുവിൽ, 32 അന്താരാ​ഷ്‌ട്ര കൺ​വെൻ​ഷ​നു​ക​ളു​ടെ ഉപസം​ഹാ​ര​മാ​യി 1999 ജനുവരി 1-3 തീയതി​ക​ളിൽ കോസ്റ്റ​റി​ക്ക​യിൽ നടന്ന കൺ​വെൻ​ഷ​നിൽ 34,431 പേർ ഹാജരാ​യി. അവിടത്തെ 19,000 വരുന്ന പ്രസാ​ധ​ക​രിൽ അത്‌ അങ്ങേയറ്റം സന്തോ​ഷ​മു​ള​വാ​ക്കി. 42 രാജ്യാ​ന്തര വിമാ​ന​ങ്ങ​ളി​ലാ​യി വന്നിറ​ങ്ങിയ പ്രതി​നി​ധി​കൾക്കു സ്വാഗ​ത​മ​രു​ളാ​നാ​യി 4,000-ത്തോളം പ്രാ​ദേ​ശിക സാക്ഷികൾ വിമാ​ന​ത്താ​വ​ള​ത്തിൽ എത്തിയി​രു​ന്നു. പ്രതി​നി​ധി​കളെ സ്വീക​രി​ക്കാ​നാ​യി ഒരു ഇടനാഴി തീർത്ത അവർ, “ബിയെൻബെ​നി​ദോസ്‌ എർമാ​നോസ്‌” (സഹോ​ദ​ര​ങ്ങളേ, നിങ്ങൾക്കു സ്വാഗതം!) എന്നു പറഞ്ഞു​കൊ​ണ്ടു കരഘോ​ഷം മുഴക്കു​ക​യും അവർക്ക്‌ ആശംസ​യേ​കു​ക​യും ചെയ്‌തു. സഹോ​ദ​ര​ങ്ങ​ളു​ടെ സ്‌നേ​ഹ​പ്ര​ക​ട​ന​ത്തിൽ ആകൃഷ്ട​നായ വിമാ​ന​ത്താ​വ​ള​ത്തി​ലെ ഒരു വിൽപ്പ​ന​ക്കാ​രൻ തന്നെ ബൈബിൾ പഠിപ്പി​ക്കാൻ സാക്ഷി​ക​ളോട്‌ ആവശ്യ​പ്പെട്ടു!

അന്താരാ​ഷ്‌ട്ര കൺ​വെൻ​ഷ​നു​ക​ളിൽ കൂടി​വ​ന്നവർ പ്രകട​മാ​ക്കിയ സ്‌നേഹം, സാക്ഷികൾ അല്ലാത്ത നിരീ​ക്ഷ​ക​രിൽ മതിപ്പു​ള​വാ​ക്കി. യഹോ​വ​യു​ടെ സാക്ഷി​കൾക്ക്‌ ഇടയി​ലുള്ള അന്താരാ​ഷ്‌ട്ര ബന്ധം  ബലിഷ്‌ഠ​മാ​കാ​നും അവ ഉതകി. വാസ്‌ത​വ​ത്തിൽ, “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു”ള്ള “ഒരു മഹാപു​രു​ഷാര”ത്തെ—രക്ഷയ്‌ക്കാ​യി യഹോ​വ​യി​ലേ​ക്കും അവന്റെ പുത്ര​നായ യേശു​ക്രി​സ്‌തു​വി​ലേ​ക്കും നോക്കുന്ന ആളുകളെ—നീതി​നി​ഷ്‌ഠ​മായ തന്റെ പുതിയ ലോക​ത്തി​ലേക്ക്‌ ആനയി​ക്കാ​നാ​യി യഹോവ കൂട്ടി​വ​രു​ത്തു​ക​യാണ്‌ എന്നതിന്റെ സുവ്യ​ക്ത​മായ തെളി​വാ​യി​രു​ന്നു ആ കൺ​വെൻ​ഷ​നു​കൾ.—വെളി. 7:9, 10.

‘പ്രവൃ​ത്തി​യി​ലും സത്യത്തി​ലും’ സ്‌നേ​ഹി​ക്കു​ന്നു

യഹോ​വ​യു​ടെ സാക്ഷി​കൾക്ക്‌ അന്യോ​ന്യ​മുള്ള സ്‌നേഹം രാജ്യ​ഹാ​ളു​ക​ളിൽ വെച്ചു കാണു​മ്പോ​ഴുള്ള പുഞ്ചി​രി​യി​ലോ ഹസ്‌ത​ദാ​ന​ത്തി​ലോ മറ്റു ദേശങ്ങ​ളിൽ നിന്നെ​ത്തുന്ന കൺ​വെൻ​ഷൻ പ്രതി​നി​ധി​കൾക്ക്‌ ആതിഥ്യ​മ​രു​ളു​ന്ന​തി​ലോ ഒന്നും ഒതുങ്ങു​ന്നില്ല. ബൈബിൾ വിദ്യാർഥി​കൾ എന്ന നിലയിൽ, 1 യോഹ​ന്നാൻ 3:17, 18-ൽ (പി.ഒ.സി. ബൈബിൾ) എന്താണു രേഖ​പ്പെ​ടു​ത്തി​യി​രി​ക്കു​ന്നത്‌ എന്നു സാക്ഷി​കൾക്കു നന്നായി അറിയാം: “ലൗകി​ക​സ​മ്പ​ത്തു​ണ്ടാ​യി​രി​ക്ക​യും സഹോ​ദ​രനെ ആവശ്യ​ക്കാ​ര​നാ​യി കാണു​ക​യും ചെയ്‌തിട്ട്‌ അയാളു​ടെ നേരെ ഹൃദയ​മ​ട​യ്‌ക്കു​ന്ന​വ​നിൽ എങ്ങനെ ദൈവ​സ്‌നേഹം കുടി​കൊ​ള്ളും? കുഞ്ഞു​മ​ക്കളേ, . . . പ്രവൃ​ത്തി​യി​ലും സത്യത്തി​ലു​മാണ്‌ നാം സ്‌നേ​ഹി​ക്കേ​ണ്ടത്‌.” ഉഗ്രമായ കൊടു​ങ്കാ​റ്റു​കൾ, വരൾച്ചകൾ, ആഭ്യന്തര യുദ്ധങ്ങൾ എന്നിവ നിമിത്തം കഴിഞ്ഞ വർഷം യഹോ​വ​യു​ടെ ജനത്തിൽ പലരും സഹായം ആവശ്യ​മായ ഒരു അവസ്ഥയിൽ ആയിത്തീർന്നു. സാർവ​ദേ​ശീയ സഹോ​ദ​ര​വർഗം അതി​നോ​ടു പ്രതി​ക​രി​ച്ചത്‌ എങ്ങനെ​യാണ്‌?

1998 സെപ്‌റ്റം​ബ​റിൽ മെക്‌സി​ക്കോ​യി​ലെ ചിയാ​പസ്‌ സംസ്ഥാ​ന​ത്തു​ണ്ടായ പ്രളയം അവിടെ നാശം വിതച്ചു. ഏതാനും വാരങ്ങൾക്കു ശേഷം, സെന്റ്‌ കിറ്റ്‌സ്‌, നെവിസ്‌, പോർട്ട​റി​ക്കോ, ഡൊമി​നി​ക്കൻ റിപ്പബ്ലിക്ക്‌, ഹെയ്‌റ്റി എന്നിവി​ട​ങ്ങ​ളി​ലും ഐക്യ​നാ​ടു​ക​ളു​ടെ ദക്ഷിണ ഭാഗത്തും വലിയ നാശനഷ്ടം വരുത്തി​ക്കൊണ്ട്‌ ജോർജസ്‌ ചുഴലി​ക്കാറ്റ്‌ ആഞ്ഞുവീ​ശി. ഒരു മാസത്തി​നു ശേഷം, മണിക്കൂ​റിൽ 290 കിലോ​മീ​റ്റർ വേഗത്തിൽ ആഞ്ഞടിച്ച മിച്ച്‌ ചുഴലി​ക്കാ​റ്റും പേമാ​രി​യും ഹോണ്ടു​റാ​സിൽ നാശം വരുത്തി​വെച്ചു. നിക്കരാ​ഗ്വ​യു​ടെ ചില ഭാഗങ്ങളെ വെള്ളത്തി​ന​ടി​യി​ലാ​ക്കു​ക​യും എൽ സാൽവ​ഡോ​റി​ലും ഗ്വാട്ടി​മാ​ല​യി​ലും കനത്ത കെടുതി വരുത്തി​വെ​ക്കു​ക​യും ചെയ്‌തു. ഒടുവിൽ മെക്‌സി​ക്കോ​യിൽ എത്തി ശക്തി കുറഞ്ഞ്‌ അത്‌ ഇല്ലാതാ​യി. യഹോ​വ​യു​ടെ സാക്ഷി​ക​ളു​ടെ 50 രാജ്യ​ഹാ​ളു​കൾക്കും 2 സമ്മേളന ഹാളു​കൾക്കും 1,800-ലധികം വീടു​കൾക്കും ഭാഗി​ക​മാ​യോ പൂർണ​മാ​യോ നാശം സംഭവി​ച്ചു. വിളവു​കൾ നശിച്ചു. സഹോ​ദ​ര​ങ്ങൾക്കു വസ്‌തു​വ​ക​ക​ളും നഷ്ടമായി. ചില സഭകളി​ലെ എല്ലാ സഹോ​ദ​ര​ങ്ങ​ളെ​യും മാറ്റി​പ്പാർപ്പി​ക്കേ​ണ്ട​താ​യി വന്നു.

 ഭക്ഷണത്തി​നും വെള്ളത്തി​നും വസ്‌ത്ര​ത്തി​നും മരുന്നി​നു​മുള്ള ആവശ്യം വർധിച്ചു. കൊടു​ങ്കാ​റ്റി​ന്റെ പ്രഹര​മേൽക്കാത്ത ഇടങ്ങളി​ലെ സാക്ഷികൾ പെട്ടെ​ന്നു​തന്നെ പ്രവർത്ത​ന​നി​ര​ത​രാ​യി. ചിലയി​ട​ങ്ങ​ളിൽ നാശന​ഷ്ടത്തെ കുറിച്ചു കേട്ടയു​ടനെ, തങ്ങളുടെ ക്രിസ്‌തീയ സഹോ​ദ​ര​ങ്ങളെ സഹായി​ക്കു​ന്ന​തി​നു വേണ്ടി ഭക്ഷണവും വസ്‌ത്ര​ങ്ങ​ളും പണവു​മാ​യി സാക്ഷികൾ തങ്ങളുടെ ദേശത്തെ ബ്രാഞ്ച്‌ ഓഫീ​സിൽ എത്താൻ തുടങ്ങി. കാറോ ട്രക്കോ പോലുള്ള വാഹന​ങ്ങൾക്കു കടന്നു ചെല്ലാ​നാ​വാത്ത ദുരന്ത സ്ഥലങ്ങളിൽ സഹോ​ദ​രങ്ങൾ തോണി​ക​ളി​ലും സൈക്കി​ളു​ക​ളി​ലും എന്തിന്‌, തോളു​ക​ളിൽ ചുമന്നു​കൊ​ണ്ടു പോലും ദുരി​താ​ശ്വാ​സ സാധനങ്ങൾ എത്തിച്ചു​കൊ​ടു​ത്തു. സഹോ​ദ​ര​ങ്ങ​ളു​ടെ വീടുകൾ നന്നാക്കാൻ പ്രാ​ദേ​ശിക മൂപ്പന്മാർ തങ്ങളാ​ലാ​കു​ന്നതു ചെയ്‌തു. ഡോക്ടർമാ​രായ സാക്ഷികൾ തങ്ങളുടെ സേവനം ലഭ്യമാ​ക്കി.

സാമ്പത്തിക സഹായം നൽകാ​നും അടിയ​ന്തി​ര​മാ​യി ആവശ്യ​മാ​യി​രുന്ന ഭക്ഷ്യവ​സ്‌തു​ക്കൾ, വസ്‌ത്രം, നിർമാണ വസ്‌തു​ക്കൾ എന്നിവ അയൽരാ​ജ്യ​ങ്ങ​ളിൽ നിന്നു കയറ്റി അയയ്‌ക്കാ​നും യഹോ​വ​യു​ടെ സാക്ഷി​ക​ളു​ടെ ഭരണസം​ഘം ക്രമീ​ക​രണം ചെയ്‌തു. വാടക​യ്‌ക്കെ​ടുത്ത വിമാ​ന​ത്തി​ലും കപ്പലി​ലും ട്രക്കു​ക​ളി​ലു​മാ​യി സാധനങ്ങൾ എത്തിച്ചു​കൊ​ടു​ത്തു. ലോക​മെ​മ്പാ​ടു​മുള്ള സഹോ​ദ​രങ്ങൾ പ്രകട​മാ​ക്കിയ സ്‌നേ​ഹത്തെ ദുരന്ത​ബാ​ധിത പ്രദേ​ശ​ങ്ങ​ളി​ലെ സഹോ​ദ​രങ്ങൾ ആഴമായി വിലമ​തി​ച്ചു.

രാജ്യ​ഹാൾ നിർമാ​ണ​ത്തിൽ സഹായി​ക്കാൻ ഉദ്ദേശി​ച്ചുള്ള മേഖല നിർമാ​ണ​ക്ക​മ്മി​റ്റി​കൾ, വീടു​ക​ളു​ടെ അറ്റകു​റ്റ​പ്പ​ണി​കൾ ചെയ്യാ​നും അവ  വൃത്തി​യാ​ക്കാ​നും സഹായി​ച്ചു. സെന്റ്‌ കിറ്റ്‌സി​ലും നെവി​സി​ലും ഉള്ള സഹസാ​ക്ഷി​ക​ളു​ടെ വീടു​കൾക്കു​ണ്ടായ കേടു​പാ​ടു​കൾ തീർക്കാൻ ഐക്യ​നാ​ടു​ക​ളിൽ നിന്ന്‌ ഏകദേശം 30 പേർ വീതം അടങ്ങുന്ന ഏഴു സംഘങ്ങൾ സ്വന്തം ചെലവിൽ എത്തി​ച്ചേർന്നു. അറ്റകു​റ്റ​പ്പ​ണി​ക​ളി​ലും പുനഃ​നിർമാ​ണ​ത്തി​ലും സഹായി​ക്കാ​നാ​യി വേറെ 600 സ്വമേ​ധയാ സേവകർ വിമാ​ന​മാർഗം പോർട്ട​റി​ക്കോ​യിൽ എത്തി. ഗലാത്യർ 6:10-ലെ ബൈബിൾ മാർഗ​നിർദേ​ശ​ത്തി​നു ചേർച്ച​യിൽ, തങ്ങളുടെ ആത്മീയ സഹോ​ദ​ര​ങ്ങളെ സഹായി​ക്കു​ന്ന​തി​ലാണ്‌ അവർ മുഖ്യ​മാ​യി ശ്രദ്ധ കേന്ദ്രീ​ക​രി​ച്ചത്‌. എങ്കിലും, ഒരു സ്‌കൂ​ളി​ന്റെ മേൽക്കൂര നന്നാക്കാ​നും മക്കളി​ല്ലാത്ത പ്രായം​ചെന്ന ചിലരു​ടെ വീടുകൾ നന്നാക്കാ​നും അവർ സഹായി​ച്ചു. ഡൊമി​നി​ക്കൻ റിപ്പബ്ലി​ക്കിൽ പ്രാ​ദേ​ശിക സാക്ഷികൾ ഒരു ആശുപ​ത്രി​യു​ടെ ചുറ്റു​പാ​ടു​കൾ വൃത്തി​യാ​ക്കി​ക്കൊ​ടു​ത്തു.

പോർട്ട​റി​ക്കോ​യിൽ സഹോ​ദ​ര​ങ്ങ​ളു​ടെ ഒരു സംഘം ഒരു മലമ്പ്ര​ദേശ പട്ടണമായ യാബൂ​ക്കോ​വ​യിൽ താമസി​ക്കുന്ന ഒരു സഹോ​ദ​രി​യു​ടെ—അവരുടെ ഭർത്താവ്‌ സാക്ഷിയല്ല—വീടു പുതു​ക്കി​പ്പ​ണി​യു​ന്ന​തി​നു സഹായി​ക്കാൻ ചെന്നു. തന്റെ ക്രിസ്‌തീയ സഹോ​ദ​രങ്ങൾ തന്നെ സഹായി​ക്കാൻ എത്തു​മെന്നു പറഞ്ഞ​പ്പോൾ അയൽക്കാർ ആ സഹോ​ദ​രി​യെ പരിഹ​സി​ച്ചി​രു​ന്നു. സഹോ​ദ​രങ്ങൾ എത്തി​ച്ചേർന്ന​പ്പോൾ സഹോ​ദ​രി​ക്കു സന്തോഷം അടക്കാ​നാ​യില്ല. ഏതാനും മണിക്കൂ​റു​കൾക്കകം 200-ഓളം കാഴ്‌ച​ക്കാർ വീടിനു ചുറ്റും കൂടി. സഹോ​ദ​രങ്ങൾ ജോലി​ചെ​യ്യു​ന്നതു നിരീ​ക്ഷി​ച്ചു​കൊണ്ട്‌ അവർ മുഴു ദിവസ​വും അവിടെ തങ്ങി. ഒടുവിൽ, മുൻവ​ശത്തെ കതകു പിടി​പ്പിച്ച ശേഷം സഹോ​ദ​രങ്ങൾ ഒരു പൂച്ചെ​ണ്ടും പുതു​ക്കി​പ്പ​ണിത വീടിന്റെ താക്കോ​ലും സഹോ​ദ​രി​ക്കു നൽകി. ലൈറ്റു​കൾ ഇട്ടപ്പോൾ അയൽക്കാർ കരഘോ​ഷം മുഴക്കി. ആ സംഭവ​ത്തി​ന്റെ ഫലമായി, അവിടെ മുമ്പു സാക്ഷി​കളെ ഒഴിവാ​ക്കി​യി​രുന്ന പലരും ഇപ്പോൾ രാജ്യ​സ​ന്ദേ​ശ​ത്തി​നു ചെവി കൊടു​ക്കാൻ സന്നദ്ധത കാട്ടു​ന്നുണ്ട്‌.

അതേസ​മ​യം, നവംബ​റിൽ യൂറോ​പ്പി​ലെ പശ്ചിമ യൂ​ക്രെ​യി​നിൽ കടുത്ത വെള്ള​പ്പൊ​ക്കം ഉണ്ടാകു​ക​യും ജനുവ​രി​യിൽ ഒരു ഭൂകമ്പം തെക്കേ അമേരി​ക്ക​യി​ലെ കൊളം​ബി​യ​യിൽ ദുരന്തം വിതയ്‌ക്കു​ക​യും ചെയ്‌തു. അവിട​ങ്ങ​ളി​ലും യഹോ​വ​യു​ടെ ജനം സ്‌നേ​ഹ​പു​ര​സ്സരം സമാന​മായ സഹായ​മേകി.

1999-ൽ അംഗോള വീണ്ടും ആഭ്യന്ത​ര​യു​ദ്ധ​ത്തി​ന്റെ പിടി​യിൽ അമർന്ന​തി​ന്റെ ഫലമായി 17,00,000 പേർ അഭയാർഥി​ക​ളാ​യി. സഹ സാക്ഷി​ക​ളായ അഭയാർഥി​കളെ—മറ്റുള്ള​വ​രെ​യും—സഹായി​ക്കാൻ, അവരുടെ  അടിസ്ഥാന ആവശ്യങ്ങൾ നിവർത്തി​ച്ചു​കൊ​ടു​ക്കാൻ, സഹോ​ദ​രങ്ങൾ ആത്മാർഥ​മാ​യി ശ്രമിച്ചു. ഇറ്റലി, പോർച്ചു​ഗൽ, ദക്ഷിണാ​ഫ്രിക്ക എന്നീ ബ്രാഞ്ചു​കൾ അയച്ചു​കൊ​ടുത്ത 34 ടൺ ഭക്ഷ്യവ​സ്‌തു​ക്ക​ളും വസ്‌ത്ര​ങ്ങ​ളും, വീടും നാടും ഉപേക്ഷി​ച്ചു പോ​കേ​ണ്ടി​വ​ന്ന​വർക്കു വിതരണം ചെയ്‌തു. മാസങ്ങ​ളാ​യി ബോം​ബാ​ക്ര​മണം നടന്നു​കൊ​ണ്ടി​രുന്ന ചില യുദ്ധ മേഖല​ക​ളിൽ പോലും ഈ ദുരി​താ​ശ്വാ​സ വസ്‌തു​ക്കൾ എത്തിച്ചു​കൊ​ടു​ക്കാൻ സഹോ​ദ​ര​ങ്ങൾക്കു സാധിച്ചു.

സേവന വർഷത്തി​ന്റെ തുടക്ക​ത്തിൽ, ആഭ്യന്ത​ര​യു​ദ്ധ​ത്തി​ന്റെ കെടുതി അനുഭ​വി​ക്കുന്ന 2,00,000-ത്തിലധി​കം ആളുകളെ സഹായി​ക്കു​ന്ന​തി​നു ദുരി​താ​ശ്വാ​സ സാധനങ്ങൾ ആവശ്യ​മാ​ണെന്ന്‌ അറിയി​ച്ചു​കൊണ്ട്‌ കോം​ഗോ (കിൻഷാസ) ബ്രാഞ്ച്‌ ഭരണസം​ഘ​ത്തിന്‌ എഴുതി. ഉടൻതന്നെ, അവി​ടേ​ക്കും മറ്റ്‌ ആഫ്രിക്കൻ രാജ്യ​ങ്ങ​ളി​ലേ​ക്കും ഭക്ഷ്യവ​സ്‌തു​ക്കൾ അയയ്‌ക്കാ​നും കൂടു​ത​ലായ ദുരി​താ​ശ്വാ​സ വസ്‌തു​ക്കൾ വാങ്ങാ​നുള്ള പണം അയച്ചു​കൊ​ടു​ക്കാ​നും ബ്രിട്ടൻ, ബെൽജി​യം, ഫ്രാൻസ്‌, സ്വിറ്റ്‌സർലൻഡ്‌, ദക്ഷിണാ​ഫ്രിക്ക എന്നീ ബ്രാഞ്ചു​കളെ ഭരണസം​ഘം ചുമത​ല​പ്പെ​ടു​ത്തി. യൂറോ​പ്പി​ലുള്ള യഹോ​വ​യു​ടെ സാക്ഷികൾ 75 ടണ്ണില​ധി​കം ദുരി​താ​ശ്വാ​സ വസ്‌തു​ക്കൾ ശേഖരിച്ച്‌ വിമാ​ന​മാർഗം അയച്ചു​കൊ​ടു​ത്തു.

എന്നാൽ കോം​ഗോ​യി​ലെ പോരാ​ട്ടം അവസാ​നി​ച്ചി​രു​ന്നില്ല. പുതിയ പ്രതി​സ​ന്ധി​കൾ തലപൊ​ക്കി. കോം​ഗോ ജനാധി​പത്യ റിപ്പബ്ലി​ക്കി​ലെ അവസ്ഥയെ കുറിച്ച്‌ 1999 ഫെബ്രു​വരി 7-ന്‌ ന്യൂ​യോർക്കി​ലെ ലോകാ​സ്ഥാ​ന​ത്തുള്ള ബെഥേൽ ഭവനത്തിൽ ഇങ്ങനെ​യൊ​രു അറിയിപ്പ്‌ നടത്ത​പ്പെട്ടു: “ആഭ്യന്ത​ര​യു​ദ്ധ​ത്തി​ന്റെ പിടി​യിൽ അമർന്നി​രി​ക്കുന്ന ആ രാജ്യ​ത്തി​ന്റെ പൂർവ ഭാഗത്തുള്ള 30,000 പ്രസാ​ധകർ ദുരി​താ​ശ്വാ​സ സാധന​ങ്ങൾക്കാ​യി കാത്തി​രി​ക്കു​ന്നു. യുദ്ധം നിമിത്തം ഈ ഭാഗത്തുള്ള സഹോ​ദ​ര​ങ്ങ​ളു​മാ​യി ബന്ധപ്പെ​ടാൻ കിൻഷാ​സ​യി​ലുള്ള ബ്രാഞ്ച്‌ ഓഫീ​സി​നു സാധി​ക്കു​ന്നില്ല. എന്നുവ​രി​കി​ലും, ബെൽജി​യ​ത്തിൽ നിന്ന്‌ അവി​ടേക്കു ദുരി​താ​ശ്വാ​സ വസ്‌തു​ക്കൾ എത്തിക്കാൻ ഭരണസം​ഘം അനുമതി നൽകി​യി​രി​ക്കു​ന്നു. അതിൽ ആദ്യത്തെ ഫ്‌​ളൈറ്റ്‌ ഈ ആഴ്‌ച​യി​ലും രണ്ടാമ​ത്തേത്‌ ഫെബ്രു​വരി 20-നും പുറ​പ്പെ​ടു​ന്ന​താ​യി​രി​ക്കും. രണ്ടാമത്തെ സംഘ​ത്തോ​ടൊ​പ്പം ചികി​ത്സ​ക​രു​ടെ ഒരു കൂട്ട​ത്തെ​യും അയയ്‌ക്കു​ന്ന​താ​യി​രി​ക്കും.” യൂറോ​പ്പി​ലെ സഹോ​ദ​രങ്ങൾ, പൂർവ കോം​ഗോ​യി​ലെ യഹോ​വ​യു​ടെ സാക്ഷി​ക​ളു​ടെ 11 ഔദ്യോ​ഗിക ദുരി​താ​ശ്വാ​സ കമ്മിറ്റി​ക​ളു​മാ​യി ചേർന്നു പ്രവർത്തി​ച്ചു.

അഭയാർഥി​ക​ളിൽ ചിലർ അയൽരാ​ജ്യ​ങ്ങ​ളി​ലേക്കു പോയി. ആയിര​ക്ക​ണ​ക്കിന്‌ ആളുകൾ പോയത്‌ അയൽരാ​ജ്യ​മായ സാംബി​യ​യി​ലേ​ക്കാണ്‌. അവിടെ ദുരി​താ​ശ്വാ​സ ഏജൻസി​കൾ അവരെ വളരെ​യ​ധി​കം സഹായി​ച്ചു; അതോ​ടൊ​പ്പം സാക്ഷികൾ അവർക്കു കമ്പിളി​പ്പു​ത​പ്പു​ക​ളും വസ്‌ത്ര​ങ്ങ​ളും ഭക്ഷണം പാകം​ചെ​യ്യാ​നുള്ള പാത്ര​ങ്ങ​ളും കാർഷി​കോ​പ​ക​ര​ണ​ങ്ങ​ളും  നൽകി. പ്രായം​ചെന്ന ഒരു സഹോ​ദ​രനു കമ്പിളി​പ്പു​തപ്പു കിട്ടി​യ​പ്പോൾ അദ്ദേഹം തലചുറ്റി വീണു; അദ്ദേഹ​ത്തി​നു സ്വന്തമാ​യി ഒരു പുതിയ കമ്പിളി​പ്പു​തപ്പു കിട്ടു​ന്നത്‌ ജീവി​ത​ത്തിൽ ആദ്യമാ​യി​ട്ടാ​യി​രു​ന്നു. സാംബി​യ​യി​ലേക്കു പോകു​ക​യാ​യി​രുന്ന ഒരു സർക്കിട്ട്‌ മേൽവി​ചാ​രകൻ അംഗ​വൈ​ക​ല്യം സംഭവിച്ച ഒരു സഹോ​ദരൻ ഒരു മരത്തിന്റെ കീഴിൽ ഇരിക്കു​ന്നതു കണ്ടു. അദ്ദേഹത്തെ തന്റെ സൈക്കി​ളിൽ ഇരുത്തി ആ സർക്കിട്ട്‌ മേൽവി​ചാ​രകൻ സൈക്കിൾ തള്ളി​ക്കൊ​ണ്ടു പോയി. കുത്ത​നെ​യുള്ള കുന്നു കയറേണ്ടി വരു​മ്പോൾ അദ്ദേഹം സർക്കിട്ട്‌ മേൽവി​ചാ​ര​കന്റെ സഹായ​ത്താൽ സൈക്കി​ളിൽ നിന്നി​റങ്ങി, ടയറിന്റെ കഷണങ്ങൾ കൈകാ​ലു​ക​ളിൽ കെട്ടി​വെച്ച്‌ വളരെ ബുദ്ധി​മു​ട്ടി നിരങ്ങി കയറു​മാ​യി​രു​ന്നു. ഒടുവിൽ അവർ സുരക്ഷി​ത​മാ​യി സാംബി​യ​യി​ലെ കാപൂട്ടാ പട്ടണത്തിൽ എത്തി​ച്ചേർന്നു. അവിടെ സഭാ യോഗ​ങ്ങ​ളിൽ ഉപയോ​ഗി​ക്കേ​ണ്ട​തി​നു ബ്രാഞ്ച്‌ ഓഫീസ്‌ സ്വാഹി​ലി​യിൽ എല്ലാവർക്കും സാഹി​ത്യ​ങ്ങൾ ലഭ്യമാ​ക്കി. ഏപ്രിൽ മാസത്തിൽ, ഈ അഭയാർഥി​ക​ളിൽ 2,000-ത്തിലധി​കം പേർ ഹാജരായ ഒരു യോഗ​ത്തിൽ ബ്രാഞ്ചിൽ നിന്നുള്ള സഹോ​ദ​രങ്ങൾ അവർക്കു സ്‌നേ​ഹ​പു​ര​സ്സ​ര​മായ ആത്മീയ പ്രോ​ത്സാ​ഹനം പകർന്നു. പലർക്കും പാട്ടു​പു​സ്‌തകം ഇല്ലായി​രു​ന്നെ​ങ്കി​ലും, മുതിർന്ന​വ​രും കുട്ടി​ക​ളും ഉൾപ്പെടെ ആ അഭയാർഥി​ക​ളെ​ല്ലാം “യഹോവ രക്ഷാദാ​യകൻ,” “യഹോവ നമ്മുടെ സങ്കേത​മാ​കു​ന്നു,” “യഹോവെ, നിനക്കു ഞങ്ങൾ നന്ദിപ​റ​യു​ന്നു,” “ദൈവ​ത്തി​ന്റെ പറുദീ​സാ വാഗ്‌ദത്തം” എന്നീ ഗീതങ്ങൾ ഹൃദയം​ഗ​മ​മാ​യി ആലപിച്ചു.

സുവാർത്ത പ്രസം​ഗി​ക്കു​ന്ന​തി​ലെ ശുഷ്‌കാ​ന്തി

ദൈവ​രാ​ജ്യ സുവാർത്ത ഘോഷ​ണ​ത്തോ​ടു യഹോ​വ​യു​ടെ സാക്ഷികൾ പ്രകട​മാ​ക്കുന്ന സ്‌നേഹം പ്രത്യേ​കാൽ ശ്രദ്ധാർഹ​മാണ്‌. യേശു​ക്രി​സ്‌തു നൽകിയ നിർദേ​ശ​ത്തോ​ടുള്ള പ്രതി​ക​ര​ണ​മാ​യി, ആവുന്നത്ര ആളുക​ളു​ടെ പക്കൽ സുവാർത്ത​യു​മാ​യി ചെല്ലാൻ അവർ ശ്രമി​ക്കു​ന്നു. (മർക്കൊ. 13:10) അതിനാ​യി അവർ തങ്ങളെ​ത്ത​ന്നെ​യും തങ്ങളുടെ വിഭവ​ങ്ങ​ളും മനസ്സോ​ടെ നൽകുന്നു. കഴിഞ്ഞ വർഷം ഈ പ്രവർത്ത​ന​ത്തിൽ പങ്കെടു​ത്ത​വ​രു​ടെ എണ്ണം 59,12,492 എന്ന അത്യു​ച്ച​ത്തി​ലെത്തി, അവർ 114,45,66,849 മണിക്കൂർ ശുശ്രൂ​ഷ​യിൽ ചെലവ​ഴി​ച്ചു. സാധാരണ പയനി​യർമാ​രോ സഹായ പയനി​യർമാ​രോ ആയി സേവി​ക്കേ​ണ്ട​തിന്‌ അനേകം സാക്ഷി​ക​ളും തങ്ങളുടെ കാര്യാ​ദി​കൾ ക്രമീ​ക​രി​ച്ചി​രി​ക്കു​ന്നു.

പയനി​യർമാർ വ്യത്യസ്‌ത പശ്ചാത്ത​ല​ങ്ങ​ളിൽ നിന്നു​ള്ള​വ​രാണ്‌. തങ്ങളുടെ ലൗകിക വിദ്യാ​ഭ്യാ​സം പൂർത്തി​യാ​ക്കി​യ​വ​രോ വിദ്യാ​ഭ്യാ​സ​ത്തോ​ടൊ​പ്പം പയനി​യ​റിങ്‌ നടത്താൻ കഴിയ​ത്ത​ക്ക​വി​ധം തങ്ങളുടെ ക്ലാസ്സുകൾ ക്രമീ​ക​രി​ച്ചി​രി​ക്കു​ന്ന​വ​രോ ആയ യുവജ​ന​ങ്ങ​ളാണ്‌ ഇവരിൽ ആയിരങ്ങൾ. മറ്റു ചിലർ കുടും​ബി​നി​ക​ളാണ്‌; ചിലരാ​കട്ടെ കുടും​ബത്തെ പോറ്റാൻ തൊഴിൽ ചെയ്യുന്ന പുരു​ഷ​ന്മാ​രും. സെന്റ്‌ ലൂഷയി​ലുള്ള ക്രിസ്‌തീയ മൂപ്പനായ ഒരു കുടും​ബ​നാ​ഥന്‌ പയനി​യ​റിങ്‌ ചെയ്യാൻ  സാധി​ച്ചി​രി​ക്കു​ന്നു. കാരണം, ‘അദ്ദേഹം തന്റെ കണ്ണ്‌ ലളിത​മാ​യി സൂക്ഷി​ക്കാൻ’ ശ്രദ്ധയു​ള്ള​വ​നാണ്‌. (മത്താ. 6:19-22, NW) ഉയർന്ന ശമ്പളം കിട്ടു​മാ​യി​രുന്ന ഒരു ലൗകിക തൊഴിൽ ഈയിടെ അദ്ദേഹ​ത്തി​നു വാഗ്‌ദാ​നം ചെയ്യ​പ്പെ​ട്ട​പ്പോൾ, അദ്ദേഹം അതു നിരസി​ച്ചു. എന്തു​കൊണ്ട്‌? ആ തൊഴിൽ സ്വീക​രി​ക്കു​ന്ന​പക്ഷം അതിനു​വേണ്ടി അദ്ദേഹം കൂടുതൽ സമയം ചെലവ​ഴി​ക്കേ​ണ്ടി​വ​രും, ക്രിസ്‌തീയ യോഗങ്ങൾ മുട​ക്കേ​ണ്ടി​വ​രും, ആറു മാസ​ത്തേക്കു കുടും​ബ​ത്തിൽ നിന്ന്‌ അകന്നു കഴി​യേ​ണ്ടി​വ​രും, മാത്രമല്ല പയനിയർ ശുശ്രൂഷ നിറു​ത്തേ​ണ്ട​താ​യും വരും. കുടും​ബ​ത്തി​നു​വേണ്ടി കരുതാ​നുള്ള തന്റെ ശ്രമങ്ങളെ യഹോവ തുടർന്നും അനു​ഗ്ര​ഹി​ക്കും എന്ന ബോധ്യ​ത്തോ​ടെ ഒന്നാമതു രാജ്യം അന്വേ​ഷി​ക്കാൻ അദ്ദേഹം തീരു​മാ​നി​ച്ചു.

ആന്റിഗ്വ​യിൽ താമസി​ക്കുന്ന 95 വയസ്സുള്ള ഒരു സാക്ഷി വർഷത്തിൽ ഒന്നോ രണ്ടോ തവണ സഹായ പയനിയർ സേവനം ആസ്വദി​ക്കാൻ തുടങ്ങി​യിട്ട്‌ വർഷങ്ങൾ ഏറെയാ​യി. എന്നു മുതലാണ്‌ അതു തുടങ്ങി​യത്‌ എന്ന്‌ അവർക്കു പോലും ഓർമ​യില്ല. താൻ പയനി​യ​റിങ്‌ ചെയ്യു​ന്ന​തി​ന്റെ കാരണം അവർ വിശദീ​ക​രി​ക്കു​ന്നു: “സാധാ​ര​ണ​യിൽ കവിഞ്ഞ ഊർജ​വും ശക്തിയും നൽകി​ക്കൊണ്ട്‌ യഹോവ എന്നെ അനു​ഗ്ര​ഹി​ച്ചി​രി​ക്കു​ന്നു, അവനോ​ടുള്ള എന്റെ സ്‌നേഹം പ്രകടി​പ്പി​ക്കാ​നുള്ള ഒരു അവസര​മാ​യാണ്‌ ഞാൻ ഇതിനെ വീക്ഷി​ക്കു​ന്നത്‌.”

ഡെന്മാർക്കിൽ, 60-കളുടെ മധ്യത്തിൽ ആയിരി​ക്കുന്ന ഒരു സഹോ​ദരി സഹായ പയനി​യ​റാ​കാൻ തീരു​മാ​നി​ച്ചു. എന്തു​കൊണ്ട്‌? അവർ ഇങ്ങനെ വിശദീ​ക​രി​ച്ചു: “ബൈബിൾ വായന​യാണ്‌ ഇതു ചെയ്യാൻ എന്നെ പ്രചോ​ദി​പ്പി​ച്ച​തെന്ന്‌ ഞാൻ വിശ്വ​സി​ക്കു​ന്നു. . . . ടെലി​വി​ഷൻ വീക്ഷി​ക്കു​ന്നത്‌ ഒരുവനെ മോശ​മാ​യി സ്വാധീ​നി​ച്ചേ​ക്കാം എന്നതു​പോ​ലെ​തന്നെ ദൈനം​ദി​നം യഹോ​വ​യു​ടെ വചനം വായി​ക്കു​ന്നത്‌ നല്ലതു ചെയ്യാൻ ഒരുവനെ സ്വാധീ​നി​ക്കു​ന്നു. അതാണ്‌ എനിക്കു ശക്തമായ പ്രേര​ണ​യേ​കി​യത്‌.”

ഭൗതിക ആവശ്യങ്ങൾ നിറ​വേ​റ്റു​ന്ന​തി​നോ​ടുള്ള ബന്ധത്തിൽ എല്ലായി​ട​ത്തു​മുള്ള ആളുകൾ അനുഭ​വി​ക്കുന്ന വർധിച്ച സമ്മർദം കണക്കി​ലെ​ടു​ത്തു​കൊണ്ട്‌ 1999 ജനുവ​രി​യിൽ സാധാരണ പയനി​യർമാർക്കും സഹായ പയനി​യർമാർക്കും ഉള്ള മണിക്കൂർ വ്യവസ്ഥ​യിൽ (യഥാ​ക്രമം 90-ൽ നിന്ന്‌ 70-ഉം 60-ൽ നിന്ന്‌ 50-ഉം ആയി കുറച്ചു​കൊണ്ട്‌) ഭരണസം​ഘം പൊരു​ത്ത​പ്പെ​ടു​ത്തൽ വരുത്തി. അത്‌ എത്ര വലിയ ഒരു അനു​ഗ്ര​ഹ​മാ​യി​രു​ന്നു! ഇതു നിമിത്തം പയനി​യ​റിങ്‌ ചെയ്‌തു​കൊ​ണ്ടി​രു​ന്ന​വർക്ക്‌ അതിൽത്തന്നെ തുടരാ​നും അനേകാ​യി​ര​ങ്ങൾക്ക്‌ പയനിയർ അണിയിൽ ചേരാ​നും സാധി​ച്ചി​രി​ക്കു​ന്നു. മറ്റ്‌ അനേക​രെ​യും സംബന്ധി​ച്ചി​ട​ത്തോ​ളം ‘കർത്താവു ദയാലു​വാ​കു​ന്നു’ എന്നതിന്റെ കൂടു​ത​ലായ തെളി​വാ​യി​രു​ന്നു അത്‌.—1 പത്രൊ. 2:3.

ഈ പൊരു​ത്ത​പ്പെ​ടു​ത്ത​ലി​നെ തുടർന്നുള്ള മാസങ്ങ​ളിൽ, ഓസ്‌​ട്രേ​ലി​യ​യിൽ സാധാരണ പയനി​യർമാ​രു​ടെ എണ്ണത്തിൽ 400 ശതമാ​ന​ത്തി​ല​ധി​കം  വർധന​വു​ണ്ടാ​യ​താ​യി അവിടത്തെ ബ്രാഞ്ച്‌ റിപ്പോർട്ടു ചെയ്യുന്നു. കൊളം​ബി​യ​യിൽ 300 ശതമാ​ന​ത്തോ​ളം വർധന​വു​ണ്ടാ​യി. യൂ​ക്രെ​യി​നിൽ ഓരോ മാസവും പയനി​യർമാ​രു​ടെ എണ്ണത്തിൽ വർധന​വു​ണ്ടാ​യി​രു​ന്നു, അത്‌ കഴിഞ്ഞ വർഷ​ത്തെ​ക്കാൾ 42 ശതമാനം കൂടുതൽ ആണെന്ന്‌ റിപ്പോർട്ടു കാണി​ക്കു​ന്നു. മൈ​ക്രോ​നേ​ഷ്യ​യിൽ, ശരാശരി ഒന്നിൽ കൂടുതൽ പയനി​യർമാർ ഓരോ സഭയോ​ടും കൂട്ടി​ച്ചേർക്ക​പ്പെട്ടു. ലൈബീ​രി​യ​യിൽ മിക്ക സഹോ​ദ​ര​ങ്ങ​ളും ചെറിയ കച്ചവടങ്ങൾ നടത്തി, വളരെ ബുദ്ധി​മു​ട്ടി​യാണ്‌ അഹോ​വൃ​ത്തി കഴിക്കു​ന്നത്‌. എന്നാൽ, മണിക്കൂർ വ്യവസ്ഥ​യി​ലെ പൊരു​ത്ത​പ്പെ​ടു​ത്ത​ലി​നെ തുടർന്ന്‌ അവിടെ സാധാരണ പയനി​യർമാ​രു​ടെ എണ്ണത്തിൽ തുടർച്ച​യായ എട്ട്‌ അത്യു​ച്ചങ്ങൾ രേഖ​പ്പെ​ടു​ത്ത​പ്പെട്ടു.

സഹായ പയനി​യർമാ​രു​ടെ എണ്ണത്തി​ലും വർധന​വു​ണ്ടാ​യി. ഓസ്‌ട്രി​യ​യിൽ 1999-ലെ ആദ്യത്തെ മൂന്നു മാസങ്ങ​ളിൽ കഴിഞ്ഞ വർഷത്തെ അപേക്ഷിച്ച്‌ 56 ശതമാനം വർധന​വു​ണ്ടാ​യി. അതേ കാലയ​ള​വിൽത്തന്നെ, മലേഷ്യ സഹായ പയനി​യർമാ​രു​ടെ എണ്ണത്തിൽ 103 ശതമാനം വർധനവു റിപ്പോർട്ടു ചെയ്‌തു. ആ വർഷത്തി​ന്റെ ആദ്യ പകുതി​യിൽ ഡെന്മാർക്കിൽ 91 ശതമാനം വർധന​വു​ണ്ടാ​യി. കൂടുതൽ പ്രവർത്ത​ന​ത്തിന്‌ അനുകൂ​ല​മായ ജനുവരി മാസം കൊറി​യ​യിൽ, പയനിയർ സേവന​ത്തി​ന്റെ ഏതെങ്കി​ലും മേഖല​യിൽ 57 ശതമാനം പേർ പങ്കെടു​ത്തു.

അതേസ​മ​യം, “പയനി​യർമാർ മറ്റുള്ള​വരെ സഹായി​ക്കു​ന്നു” എന്ന പരിപാ​ടി നല്ല ഫലങ്ങൾ ഉളവാ​ക്കി​ക്കൊ​ണ്ടി​രി​ക്കു​ന്നു. അലാസ്‌ക​യി​ലെ അങ്കൊ​റി​ജി​ലുള്ള ഫിലി​പ്പി​നോ സഭയിലെ ഒരു സഹോ​ദരി ഇങ്ങനെ പറഞ്ഞു: “ഞാൻ സത്യത്തിൽ വന്നിട്ട്‌ 11 വർഷമാ​യി. എന്നെ സംബന്ധി​ച്ചി​ട​ത്തോ​ളം വയൽസേ​വ​ന​ത്തിൽ ഏർപ്പെ​ടുക എന്നത്‌ പ്രത്യേക ലക്ഷ്യങ്ങ​ളൊ​ന്നു​മി​ല്ലാത്ത വെറു​മൊ​രു ചര്യ മാത്ര​മാ​യി​രു​ന്നു.” എന്നാൽ കുറെ​ക്കാ​ലം സ്ഥലത്തെ ഒരു പയനി​യ​റോ​ടൊ​പ്പം പ്രവർത്തി​ച്ച​തിൽപ്പി​ന്നെ, ആ സഹോ​ദ​രി​യു​ടെ കാര്യ​ത്തിൽ വയൽസേ​വനം കൂടുതൽ അർഥവ​ത്താ​യി​ത്തീർന്നു. അവർ ഈ വേലയു​ടെ അടിയ​ന്തി​ര​തയെ വിലമ​തി​ക്കാൻ ഇടയായി. ആളുക​ളിൽ കൂടുതൽ തത്‌പ​ര​യാ​യി​ത്തീർന്ന​തി​ന്റെ ഫലമായി ബൈബിൾ അധ്യയ​നങ്ങൾ തുടങ്ങാൻ ആ സഹോ​ദ​രി​ക്കു സാധിച്ചു. ദക്ഷിണാ​ഫ്രി​ക്ക​യിൽ, ഇന്റർകോ​മി​ലൂ​ടെ ആളുക​ളു​ടെ മറുപ​ടി​ക്കാ​യി കാത്തു​നിൽക്കവെ സമയം പാഴാ​ക്കാ​തെ വഴി​പോ​ക്ക​രോ​ടു സംസാ​രി​ച്ചു​കൊണ്ട്‌ കൂടു​ത​ലായ സംതൃ​പ്‌തി കണ്ടെത്താൻ ഒരു പയനിയർ സഹോ​ദരി ഒരു പ്രസാ​ധി​കയെ സഹായി​ച്ചു. അവർ ഒന്നിച്ചി​രുന്ന്‌ ശുശ്രൂ​ഷ​യി​ലെ വ്യത്യസ്‌ത ലക്ഷ്യങ്ങ​ളെ​ക്കു​റി​ച്ചും ചർച്ച ചെയ്യു​മാ​യി​രു​ന്നു. ആറു മാസത്തെ പ്രസ്‌തുത പരിപാ​ടി തീർന്ന​പ്പോ​ഴേ​ക്കും ആ പ്രസാ​ധിക ഒരു സാധാരണ പയനിയർ ആയിത്തീർന്നു. തന്നെ സഹായിച്ച ആ വ്യക്തി​യോ​ടൊ​പ്പം പ്രവർത്തി​ച്ചു​കൊണ്ട്‌ അവൾ ശുശ്രൂ​ഷ​യിൽ മുമ്പെ​ന്ന​ത്തേ​തി​ലു​മ​ധി​കം ആനന്ദം കണ്ടെത്തു​ന്നു.

 ബൈബിൾ സത്യം—അച്ചടിച്ച താളു​ക​ളിൽ

മോ​ശെ​യു​ടെ കാലം മുതൽക്കേ യഹോവ ആത്മീയ പ്രബോ​ധനം ലിഖിത രൂപത്തിൽ നൽകി​യി​ട്ടുണ്ട്‌. വാഗ്രൂ​പേ​ണ​യുള്ള പ്രബോ​ധ​ന​ത്തി​ലൂ​ടെ അത്‌ എല്ലായ്‌പോ​ഴും ദൃഢീ​ക​രി​ക്ക​പ്പെ​ടു​ക​യും ചെയ്‌തി​രി​ക്കു​ന്നു. എന്നാൽ സുവാർത്ത വ്യാപി​പ്പി​ക്കു​ന്ന​തിൽ അച്ചടിച്ച താളുകൾ ഒരു സുപ്ര​ധാന പങ്കുവ​ഹി​ച്ചി​രി​ക്കു​ന്നു. ബൈബി​ളും അതിനെ വിശദീ​ക​രി​ക്കുന്ന സാഹി​ത്യ​ങ്ങ​ളും വൻതോ​തിൽ പ്രസി​ദ്ധീ​ക​രി​ക്ക​പ്പെ​ട്ടി​ട്ടുണ്ട്‌. കഴിഞ്ഞ വർഷം​തന്നെ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും 102,67,06,628 പ്രതികൾ അച്ചടി​ക്ക​പ്പെട്ടു; 4,15,79,805 പുസ്‌ത​ക​ങ്ങ​ളും 7,12,21,759 ലഘുപ​ത്രി​ക​ക​ളും ചെറു​പു​സ്‌ത​ക​ങ്ങ​ളും ഒപ്പം ധാരാളം ലഘു​ലേ​ഖ​ക​ളും യഹോ​വ​യു​ടെ സാക്ഷികൾ ഉത്‌പാ​ദി​പ്പി​ക്കു​ക​യു​ണ്ടാ​യി. ഇവ 332 ഭാഷക​ളിൽ പ്രസി​ദ്ധീ​ക​രി​ച്ചു​വ​രു​ന്നു.

ഈ പ്രവർത്ത​ന​ത്തി​ന്റെ ഫലമായി അനേകം സ്ഥലങ്ങളി​ലെ ആളുകൾ  പ്രയോ​ജനം അനുഭ​വി​ച്ചി​രി​ക്കു​ന്നു. ടുവാ​ലു​വിൽ—പവിഴ ദ്വീപു​കൾ ചേർന്നാണ്‌ അത്‌ ഉണ്ടായി​രി​ക്കു​ന്നത്‌—9,403  നിവാ​സി​കളേ ഉള്ളൂ. അവരുടെ ഭാഷയിൽ വീക്ഷാ​ഗോ​പു​രം പ്രസി​ദ്ധീ​ക​രി​ക്കു​ന്നുണ്ട്‌. ഇപ്പോൾ യഹോ​വ​യു​ടെ ആരാധ​ക​രാ​യി 45 പേർ അവിടെ ഉണ്ട്‌. വ്യവസാ​യ​വ​ത്‌കൃത ലോക​ത്തിൽ നിന്ന്‌ അകലെ​യാ​ണെ​ങ്കി​ലും സെൻട്രൽ ആഫ്രിക്കൻ റിപ്പബ്ലി​ക്കിൽ അറബി, ഇംഗ്ലീഷ്‌, ഫ്രഞ്ച്‌, ലിംഗാല, സാൻഡേ, സാംഗോ എന്നീ ഭാഷക​ളിൽ വീക്ഷാ​ഗോ​പു​ര​വും ഉണരുക!യും വ്യാപ​ക​മാ​യി വിതരണം ചെയ്യ​പ്പെ​ടു​ന്നു. ആ രാജ്യത്ത്‌ 2,305 സാക്ഷി​ക​ളുണ്ട്‌, മാത്രമല്ല കഴിഞ്ഞ വർഷത്തെ സ്‌മാ​ര​കാ​ഘോ​ഷ​ത്തിന്‌ അതിന്റെ അഞ്ചു മടങ്ങ്‌ ആളുകൾ കൂടി​വ​രി​ക​യും ചെയ്‌തു. ആഭ്യന്തര യുദ്ധം പിച്ചി​ച്ചീ​ന്തിയ അംഗോ​ള​യിൽ മിക്കവ​രും ദരി​ദ്ര​രാണ്‌. എങ്കിലും കഴിഞ്ഞ വർഷം മുതൽ വീക്ഷാ​ഗോ​പു​രം പ്രതി​മാ​സ​പ്പ​തി​പ്പാ​യി ഉമ്പുണ്ടു ഭാഷയിൽ പ്രസി​ദ്ധീ​ക​രി​ച്ചു തുടങ്ങി. അംഗോ​ള​യി​ലെ യഹോ​വ​യു​ടെ സാക്ഷി​ക​ളു​ടെ രണ്ടു സർക്കി​ട്ടു​ക​ളി​ലെ സഹോ​ദ​ര​ങ്ങ​ളും അവർ ആത്മീയ​മാ​യി  സഹായി​ക്കുന്ന ഒട്ടനവധി ആളുക​ളും ഇതിൽ നിന്നു പ്രയോ​ജനം നേടുന്നു. കഴിഞ്ഞ വർഷം യൂ​ക്രെ​യി​നിൽ സഹോ​ദ​രങ്ങൾ 2 കോടി 60 ലക്ഷം മാസി​കകൾ സമർപ്പി​ച്ചു. 20 വർഷക്കാ​ല​മാ​യി സത്യ​ദൈ​വത്തെ അന്വേ​ഷി​ച്ചു​കൊ​ണ്ടി​രുന്ന ഒരു മനുഷ്യന്‌, ഉണരുക!യുടെ ഒറ്റ ലക്കം വായി​ച്ച​പ്പോ​ഴേ​ക്കും താൻ സത്യം കണ്ടെത്തി​യ​താ​യി ബോധ്യ​പ്പെട്ടു. ആ വർഷം മറ്റ്‌ 12,320 പേർ കൂടി സ്‌നാ​പ​ന​മേ​റ്റത്‌ യൂ​ക്രെ​യി​നി​ലെ 1,07,045 പ്രസാ​ധ​കരെ ആനന്ദഭ​രി​ത​രാ​ക്കി.

കൊളം​ബി​യ​യിൽ, ദുരിതം അനുഭ​വി​ച്ചു​കൊ​ണ്ടി​രുന്ന ഒരു സ്‌ത്രീക്ക്‌ മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ? എന്ന ലഘുലേഖ ലഭിക്കാ​നി​ട​യാ​യി. ഒരിക്ക​ലും മതത്തിൽ താത്‌പ​ര്യം ഇല്ലായി​രു​ന്നെ​ങ്കി​ലും ഒരു ഭൂകമ്പ​ത്തിൽ തന്റെ മകനെ നഷ്ടപ്പെട്ട അവരെ ഈ പ്രത്യേക വിഷയം ആകർഷി​ച്ചു. അത്‌ ഒരു ബൈബിൾ അധ്യയ​ന​ത്തി​ലേക്കു നയിച്ചു. ലിത്വാ​നി​യ​യിൽ, ഒരു സാക്ഷി ദൈവം യഥാർത്ഥ​ത്തിൽ നമ്മെ സംബന്ധിച്ച്‌ കരുതു​ന്നു​വോ? എന്ന ലഘുപ​ത്രിക ഒരു സ്‌ത്രീക്ക്‌ കൊടു​ത്തു. ദൈവ​ത്തി​നു മാത്രം നൽകാൻ കഴിയുന്ന സഹായം അങ്ങേയറ്റം അവശ്യ​മാ​യി​രുന്ന ആ സ്‌ത്രീ ഒരു ഭവന ബൈബിൾ അധ്യയ​ന​ത്തി​നു സമ്മതി​ക്കു​ക​യും പെട്ടെ​ന്നു​തന്നെ സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടിക​ളി​ലേക്കു പുരോ​ഗ​മി​ക്കു​ക​യും ചെയ്‌തു. അതേ, അനേക​രും പ്രസി​ദ്ധീ​ക​ര​ണ​ങ്ങളെ വിലമ​തി​ക്കു​ന്നു, സുവാർത്ത പ്രസി​ദ്ധ​മാ​ക്കു​ന്ന​തിൽ അവ അമൂല്യ ഉപകര​ണ​ങ്ങ​ളാണ്‌.

യഹോ​വ​യാൽ പഠിപ്പി​ക്ക​പ്പെ​ടു​ന്നു

യഹോവ തന്റെ ദാസന്മാ​രെ വ്യത്യസ്‌ത വിധങ്ങ​ളിൽ പഠിപ്പി​ച്ചു​കൊ​ണ്ടി​രി​ക്കു​ന്നു. അവരെ ഇപ്പോൾ ചെയ്യുന്ന വേലയ്‌ക്കാ​യി സജ്ജരാ​ക്കു​ന്ന​തി​നും ഭാവി പ്രവർത്ത​ന​ങ്ങൾക്കാ​യി ഒരുക്കു​ന്ന​തി​നും ആണിത്‌. (യെശ. 54:13) അതിനു പുറമെ, യഹോ​വ​യു​ടെ അത്ഭുത​ക​ര​മായ വിദ്യാ​ഭാസ പരിപാ​ടി​യിൽ നിന്നു പ്രയോ​ജനം നേടാൻ 230-ലധികം രാജ്യ​ങ്ങ​ളി​ലെ ആളുകൾക്കു വ്യക്തി​പ​ര​മായ ക്ഷണം വെച്ചു​നീ​ട്ടു​ക​യു​മാണ്‌. “നിത്യ​ജീ​വ​നാ​യി ശരിയായ മനോ​നി​ല​യുള്ള” ദശലക്ഷങ്ങൾ അതി​നോ​ടു പ്രതി​ക​രി​ച്ചി​രി​ക്കു​ന്നു. (പ്രവൃ. 13:48, NW) അത്തരം ആളുക​ളു​മാ​യി ഈ കഴിഞ്ഞ സേവന വർഷം, പ്രതി​മാ​സം ശരാശരി 44,33,884 സൗജന്യ ഭവന ബൈബിൾ അധ്യയ​നങ്ങൾ നടത്ത​പ്പെട്ടു. തങ്ങൾക്കു വ്യക്തമാ​യി മനസ്സി​ലാ​കുന്ന വിധത്തിൽ തിരു​വെ​ഴു​ത്തു വിശദീ​ക​ര​ണങ്ങൾ ലഭ്യമാ​യത്‌ അവരെ സംബന്ധി​ച്ചി​ട​ത്തോ​ളം എത്ര വലിയ അനു​ഗ്ര​ഹ​മാ​യി​രു​ന്നു!

യഹോവ തന്റെ സംഘട​ന​യി​ലൂ​ടെ പ്രദാനം ചെയ്യുന്ന പഠിപ്പി​ക്ക​ലിൽ വ്യത്യസ്‌ത തരത്തി​ലുള്ള പ്രത്യേക പരിശീ​ലന പരിപാ​ടി​ക​ളും ഉൾപ്പെ​ടു​ന്നുണ്ട്‌. ഈ വർഷം വീണ്ടും, ഒരു വർഷം പൂർത്തി​യാ​ക്കിയ ആയിര​ക്ക​ണ​ക്കി​നു സാധാരണ പയനി​യർമാർ, പയനിയർ സേവന സ്‌കൂ​ളിൽ നിന്നു പ്രയോ​ജനം നേടി. കഴിഞ്ഞ സേവന വർഷം, 40 ബ്രാഞ്ചു​ക​ളിൽ  ശുശ്രൂ​ഷാ പരിശീ​ലന സ്‌കൂൾ നടത്ത​പ്പെട്ടു. അമേരി​ക്കകൾ, ഏഷ്യ, യൂറോപ്പ്‌, ആഫ്രിക്ക, സമുദ്ര ദ്വീപു​കൾ—മൊത്തം 89 രാജ്യങ്ങൾ—എന്നിവി​ട​ങ്ങ​ളിൽ നിന്നുള്ള യോഗ്യ​രായ സഹോ​ദ​ര​ന്മാർ അതിൽ പങ്കെടു​ത്തു. 2,174 പേർക്ക്‌ ഈ പ്രത്യേക സ്‌കൂ​ളിൽ നിന്നു പരിശീ​ലനം ലഭിച്ചു. രണ്ടു മാസത്തെ പ്രത്യേക പരിശീ​ലന പരിപാ​ടി​ക്കാ​യി ന്യൂ​യോർക്കി​ലെ പാറ്റേ​ഴ്‌സ​ണി​ലുള്ള വാച്ച്‌ ടവർ വിദ്യാ​ഭ്യാ​സ കേന്ദ്ര​ത്തി​ലേക്കു 43 രാജ്യ​ങ്ങ​ളിൽ നിന്നുള്ള ബ്രാഞ്ച്‌ കമ്മിറ്റി അംഗങ്ങൾ ക്ഷണിക്ക​പ്പെ​ടു​ക​യു​ണ്ടാ​യി. ഗിലെ​യാദ്‌ സ്‌കൂ​ളിൽ സംബന്ധിച്ച വിദ്യാർഥി​കൾ—അവിടെ അവർ അഞ്ചു മാസത്തെ സമഗ്ര​മായ ഒരു ബൈബിൾ പഠനം ആസ്വദി​ച്ചു—ദൈവ​വ​ച​ന​ത്തി​ന്റെ പ്രസം​ഗ​ക​രും ഉപദേ​ഷ്ടാ​ക്ക​ളു​മെന്ന നിലയിൽ 31 രാജ്യ​ങ്ങ​ളി​ലേക്കു നിയമി​ക്ക​പ്പെട്ടു.

കൂടാതെ, വാച്ച്‌ ടവർ വിദ്യാ​ഭ്യാ​സ കേന്ദ്ര​ത്തിൽ സഞ്ചാര മേൽവി​ചാ​ര​ക​ന്മാർക്കു വേണ്ടി​യും ഒരു പുതിയ സ്‌കൂൾ ആരംഭി​ച്ചു. എട്ട്‌ ആഴ്‌ച ദൈർഘ്യ​മു​ണ്ടാ​യി​രുന്ന, 48 പേർ അടങ്ങിയ ആദ്യത്തെ ക്ലാസ്സ്‌ മേയിൽ തുടങ്ങി. ഐക്യ​നാ​ടു​ക​ളിൽ നിന്നും കാനഡ​യിൽ നിന്നും ഉള്ള സർക്കിട്ട്‌, ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാർ സന്നിഹി​ത​രാ​യി​രു​ന്നു. അവരുടെ പരിശീ​ല​നത്തെ ക്ലാസ്സ്‌ മുറി​യി​ലെ പഠനം, സേവന വിഭാ​ഗ​ത്തി​ലെ പ്രവർത്തനം എന്നിങ്ങനെ തിരി​ച്ചി​രു​ന്നു. അവരുടെ വേലയു​ടെ എല്ലാ വശങ്ങൾക്കും ശ്രദ്ധ നൽക​പ്പെട്ടു, അവർ സേവി​ക്കുന്ന സഭകളി​ലെ ആയിര​ക്ക​ണ​ക്കി​നു സഹോ​ദ​രീ​സ​ഹോ​ദ​ര​ന്മാർക്ക്‌ അതു തീർച്ച​യാ​യും വളരെ പ്രയോ​ജനം ചെയ്യും. സർക്കിട്ട്‌ മേൽവി​ചാ​ര​ക​ന്മാ​രു​ടെ ഭാര്യ​മാർ ബെഥേൽ ജോലി​കൾ ചെയ്‌തു​കൊ​ണ്ടും അടുത്തുള്ള സഭക​ളോ​ടൊ​ത്തു വയൽ സേവന​ത്തിൽ പങ്കുപ​റ്റി​ക്കൊ​ണ്ടും പാറ്റേ​ഴ്‌സ​ണി​ലെ തങ്ങളുടെ സമയം ചെലവ​ഴി​ച്ചു. തങ്ങൾക്കും സഹോ​ദ​ര​ന്മാർക്കും ഒരു​പോ​ലെ പ്രയോ​ജ​ന​പ്ര​ദ​മായ ഒരു പ്രസംഗം അവർ ആഴ്‌ച​തോ​റും ശ്രദ്ധി​ക്കു​മാ​യി​രു​ന്നു.

‘അത്‌ സാക്ഷ്യം പറവാൻ തരമാ​കും’

തന്റെ അനുഗാ​മി​കൾ “രാജാ​ക്ക​ന്മാ​രു​ടെ​യും നാടു​വാ​ഴി​ക​ളു​ടെ​യും മുമ്പി”ലേക്ക്‌ വലിച്ചി​ഴ​യ്‌ക്ക​പ്പെ​ടു​മെന്ന്‌ യേശു മുൻകൂ​ട്ടി​പ്പ​റഞ്ഞു. 20-ാം നൂറ്റാ​ണ്ടിൽ അത്തരത്തി​ലുള്ള നിരവധി സംഭവങ്ങൾ ലോക​വ്യാ​പ​ക​മാ​യി ഉണ്ടായി​ട്ടു​ണ്ടെ​ന്നുള്ള വസ്‌തുത നാം അന്ത്യനാ​ളു​ക​ളി​ലാണ്‌ ജീവി​ക്കു​ന്നത്‌ എന്നതിനു കൂടു​ത​ലായ തെളിവു നൽകുന്നു. ഇത്തരം സംഭവങ്ങൾ ഉണ്ടാകു​ന്നത്‌ എന്തു​കൊ​ണ്ടാണ്‌? അത്‌ യഹോ​വ​യു​ടെ സാക്ഷികൾ നിയമം അനുസ​രി​ക്കാ​ത്തതു നിമി​ത്തമല്ല. മറിച്ച്‌, ‘യേശു​ക്രി​സ്‌തു​വി​ന്റെ നാമം നിമിത്തം,’ അതായത്‌ അവർ ക്രിസ്‌തു​വി​നെ സ്വർഗീയ രാജാ​വാ​യി സ്വീക​രി​ക്കു​ക​യും അവനെ​പ്പോ​ലെ ‘ലോക​ത്തി​ന്റെ ഭാഗമല്ലാ’തിരി​ക്കു​ക​യും ചെയ്യു​ന്നതു നിമി​ത്ത​മാണ്‌. എന്നാൽ അവർക്ക്‌ ‘അത്‌ സാക്ഷ്യം പറവാൻ തരമാകു’മെന്നും യേശു മുൻകൂ​ട്ടി​പ്പ​റ​ഞ്ഞി​രു​ന്നു. (ലൂക്കൊ. 21:12, 13; മത്താ. 24:9; യോഹ. 17:16, NW) കഴിഞ്ഞ  സേവന​വർഷ​ത്തിൽ അതു തീർച്ച​യാ​യും സത്യമാ​ണെന്നു തെളിഞ്ഞു. നിർബാ​ധം ആരാധന നടത്താ​നുള്ള യഹോ​വ​യു​ടെ സാക്ഷി​ക​ളു​ടെ അവകാശം സംരക്ഷി​ക്കാ​നുള്ള ഉത്സാഹ​പൂർവ​ക​മായ ശ്രമങ്ങ​ളു​ടെ ഭാഗമാ​യി അനേകം രാജ്യ​ങ്ങ​ളി​ലെ ഉദ്യോ​ഗ​സ്ഥ​ന്മാർക്കു സാക്ഷ്യം നൽക​പ്പെ​ട്ടി​രി​ക്കു​ന്നു.

1998-ൽ, ബൾഗേ​റി​യ​യി​ലെ യഹോ​വ​യു​ടെ സാക്ഷികൾ ഉൾപ്പെ​ടുന്ന ഒരു കേസ്‌ യൂറോ​പ്യൻ മനുഷ്യാ​വ​കാശ കോട​തി​യു​ടെ പരിഗ​ണ​ന​യ്‌ക്കു വന്നു. അതി​ലേക്കു നയിച്ചത്‌ എന്തായി​രു​ന്നു? ബൾഗേ​റി​യൻ ഗവൺമെന്റ്‌ യഹോ​വ​യു​ടെ സാക്ഷി​കൾക്കും മറ്റ്‌ 20-ഓളം മതസം​ഘ​ട​ന​കൾക്കും ഉണ്ടായി​രുന്ന നിയമാം​ഗീ​കാ​രം പിൻവ​ലി​ച്ചു. സാക്ഷികൾ നൽകിയ അപ്പീൽ ബൾഗേ​റി​യൻ സുപ്രീം കോടതി തള്ളിക്ക​ളഞ്ഞു. ത്രിത്വ​ത്തി​ലും ക്രൈ​സ്‌ത​വ​ലോ​ക​ത്തി​ന്റെ ബൈബിൾ അധിഷ്‌ഠി​ത​മ​ല്ലാത്ത മറ്റ്‌ ഉപദേ​ശ​ങ്ങ​ളി​ലും യഹോ​വ​യു​ടെ സാക്ഷികൾ വിശ്വ​സി​ക്കു​ന്നില്ല എന്നതാ​യി​രു​ന്നു അതിന്റെ ഒരു കാരണം. തത്‌ഫ​ല​മാ​യി, അധികാ​രി​കൾ പല സാക്ഷി​ക​ളെ​യും അറസ്റ്റു ചെയ്യു​ക​യും അവരുടെ ആരാധനാ യോഗങ്ങൾ അലങ്കോ​ല​പ്പെ​ടു​ത്തു​ക​യും മതസാ​ഹി​ത്യ​ങ്ങൾ കണ്ടു​കെ​ട്ടു​ക​യും ചെയ്‌തു. യഹോ​വ​യു​ടെ സാക്ഷി​ക​ളു​മാ​യി പ്രശ്‌നങ്ങൾ സൗഹൃ​ദ​പ​ര​മാ​യി പരിഹ​രി​ക്കാൻ യൂറോ​പ്യൻ കോടതി ബൾഗേ​റി​യൻ ഗവൺമെ​ന്റി​നോട്‌ ആവശ്യ​പ്പെട്ടു. തത്‌ഫ​ല​മാ​യി, 1998 ഒക്‌ടോ​ബ​റിൽ ബൾഗേ​റിയ യഹോ​വ​യു​ടെ സാക്ഷി​കൾക്കു വീണ്ടും നിയമാം​ഗീ​കാ​രം നൽകി. തന്മൂലം, ബൾഗേ​റി​യ​യി​ലെ ആളുക​ളു​മാ​യി രാജ്യ​സു​വാർത്ത പങ്കു​വെ​ക്കു​ന്ന​തിന്‌ പ്രാ​ദേ​ശിക പ്രസാ​ധ​കരെ സഹായി​ക്കാൻ 106-ാം ഗിലെ​യാദ്‌ ക്ലാസ്സിൽനി​ന്നുള്ള നാലു മിഷന​റി​മാ​രെ അവി​ടേക്ക്‌ അയയ്‌ക്കാൻ കഴിഞ്ഞു.

ഫ്രാൻസി​ലും യഹോ​വ​യു​ടെ സാക്ഷികൾ ഉൾപ്പെ​ടുന്ന നിയമ പ്രശ്‌നങ്ങൾ വ്യാപ​ക​മായ സാക്ഷ്യ​ത്തിൽ കലാശി​ച്ചി​രി​ക്കു​ന്നു. അവിടെ സാക്ഷി​കളെ പരസ്യ​മാ​യി കരി​തേച്ചു കാണി​ക്കു​ക​യു​ണ്ടാ​യി. മതഭേദ-വിരുദ്ധ സംഘട​നകൾ അവരെ കുറിച്ച്‌ ആക്ഷേപ​ക​ര​മായ വാർത്തകൾ പത്രമാ​സി​ക​ക​ളിൽ പ്രസി​ദ്ധീ​ക​രി​ച്ചു. 1996-ൽ ഒരു പാർല​മെന്റ്‌ റിപ്പോർട്ട്‌ യഹോ​വ​യു​ടെ സാക്ഷി​കളെ ഒരു ‘അപകട​ക​ര​മായ മതഭേദ’മായി തരംതി​രി​ച്ചു. സാക്ഷി​കൾക്കു ലഭിക്കുന്ന എല്ലാ സംഭാ​വ​ന​ക​ളു​ടെ മേലും 1999 ജനുവ​രി​യിൽ ഗവൺമെന്റ്‌ 60 ശതമാനം നികുതി ഏർപ്പെ​ടു​ത്തി. അത്തരം ഒരു നടപടി മറ്റൊരു മതസം​ഘ​ട​ന​യ്‌ക്ക്‌ എതി​രെ​യും ഉണ്ടായി​ട്ടില്ല. ഒരു ത്രിദിന പ്രചാരണ പരിപാ​ടി സംഘടി​പ്പി​ച്ചു​കൊ​ണ്ടാണ്‌ യഹോ​വ​യു​ടെ സാക്ഷികൾ അതി​നോ​ടു പ്രതി​ക​രി​ച്ചത്‌. 1999 ജനുവരി 29-ന്‌ തുടങ്ങിയ ആ പ്രചാരണ പരിപാ​ടി​യിൽ, ഫ്രാൻസി​ലെ ജനങ്ങളേ, നിങ്ങൾ വഞ്ചിക്ക​പ്പെ​ടു​ന്നു! എന്ന ശീർഷ​ക​ത്തി​ലുള്ള ഒരു ലഘു​ലേ​ഖ​യു​ടെ 1,20,00,000 പ്രതികൾ അവർ വിതരണം ചെയ്‌തു.

ആ പ്രചാരണ പരിപാ​ടി​യെ കുറിച്ചു വിശദീ​ക​രി​ക്കാ​നാ​യി ആദ്യ ദിവസം  ഒരു പത്രസ​മ്മേ​ളനം നടത്തി. ഉച്ചയോ​ടെ ടെലി​വി​ഷൻ-റേഡി​യോ നിലയങ്ങൾ അതേക്കു​റി​ച്ചുള്ള വിവരങ്ങൾ പ്രക്ഷേ​പണം ചെയ്‌തു തുടങ്ങി. പ്രസ്‌തുത പ്രചാരണ പ്രവർത്ത​നത്തെ കുറിച്ച്‌ 60-ലേറെ ദേശീയ-പ്രാ​ദേ​ശിക പത്രമാ​സി​കകൾ, “യഹോവ ഫ്രാൻസി​നെ സാക്ഷി പറയാൻ വിളി​ച്ചു​വ​രു​ത്തു​ന്നു,” “യഹോ​വ​യു​ടെ സാക്ഷി​ക​ളു​ടെ സത്യ വിശദീ​കരണ ദൗത്യം” എന്നിങ്ങ​നെ​യുള്ള ശീർഷ​ക​ങ്ങ​ളോ​ടു കൂടിയ റിപ്പോർട്ടു​കൾ പ്രസി​ദ്ധീ​ക​രി​ച്ചു.

പ്രചാരണ പരിപാ​ടി​യു​ടെ ആദ്യ ദിവസം പതിനാ​യി​ര​ക്ക​ണ​ക്കി​നു പ്രസാ​ധകർ റെയിൽവേ സ്റ്റേഷനു​കൾക്കു വെളി​യി​ലും ഫാക്ടറി​ക​ളി​ലും ഓഫീ​സു​ക​ളി​ലും കടക​മ്പോ​ള​ങ്ങ​ളി​ലും മറ്റിട​ങ്ങ​ളി​ലും പ്രസ്‌തുത ലഘുലേഖ വിതരണം ചെയ്‌തു. ചുരുക്കം ചിലരേ അതു നിരസി​ച്ചു​ള്ളൂ.

ഒരു ജയിലി​ന​ടുത്ത്‌ പ്രസംഗ പ്രവർത്ത​ന​ത്തിൽ ഏർപ്പെ​ട്ടി​രുന്ന ഒരു സഹോ​ദ​രനെ ജയിൽ ഗാർഡ്‌ സമീപി​ച്ചു. സഹോ​ദരൻ ഒരു ലഘുലേഖ നൽകി​യ​പ്പോൾ ഗാർഡ്‌ ഇങ്ങനെ പറഞ്ഞു: “എനിക്ക്‌ ഇതിന്റെ കൂടുതൽ പ്രതികൾ വേണം; അകത്ത്‌ ഒട്ടേറെ ആളുകൾ ഉണ്ട്‌.” തങ്ങളുടെ റിട്ടയർമെന്റ്‌ ഭവനത്തി​ലേക്കു ബസിൽ മടങ്ങി​പ്പോ​കു​ക​യാ​യി​രുന്ന ചില വൃദ്ധജ​നങ്ങൾ ലഘുലേഖ കിട്ടാ​ഞ്ഞ​തിൽ പരിഭവം പ്രകടി​പ്പി​ച്ചു. ലഘുലേഖ ആവശ്യ​മു​ള്ളവർ കൈ ഉയർത്താൻ ഡ്രൈവർ പറഞ്ഞു. തുടർന്ന്‌, ഒരു സാക്ഷിയെ കണ്ട സ്ഥലത്തേക്കു അദ്ദേഹം വണ്ടി​യോ​ടി​ച്ചു ചെന്നിട്ട്‌ ആവശ്യ​മാ​യി​രു​ന്നത്ര ലഘു​ലേ​ഖകൾ ചോദി​ച്ചു വാങ്ങി.

ആളുകൾ നിരസി​ച്ച​തി​ന്റെ​യും അനുഭ​വ​ങ്ങ​ളുണ്ട്‌. ഗ്രെ​നോ​ബിൾ നഗരത്തി​ലെ ഒരു ചന്തയിൽ, ലഘുലേഖ കിട്ടിയ ഒരു സ്‌ത്രീ അതു നൽകിയ സാക്ഷിയെ ചീത്തപ​റഞ്ഞു. നമ്മുടെ സഹോ​ദരൻ ശാന്തനാ​യി നില​കൊ​ണ്ടു. എന്നാൽ, ആ സ്‌ത്രീ​യു​ടെ ബഹളം കേട്ട്‌ ചുറ്റും​കൂ​ടിയ കച്ചവട​ക്കാർ ഉടൻതന്നെ “യഹോവ നീണാൾ വാഴട്ടെ!” എന്ന്‌ ഉദ്‌ഘോ​ഷി​ച്ചു. അതോടെ ആ സ്‌ത്രീ സ്ഥലം വിട്ടു.

പ്രചാരണ ഫലം എന്തായി​രു​ന്നു? ഫ്രാൻസിൽ ഉടനീ​ള​മുള്ള സഭകളെ ആ പ്രവർത്തനം ആവേശം കൊള്ളി​ച്ചു. നിഷ്‌ക്രി​യ​രാ​യി​രുന്ന നൂറു​ക​ണ​ക്കി​നു സഹോ​ദ​രങ്ങൾ ഈ പ്രത്യേക പ്രചാരണ പരിപാ​ടി​യിൽ പങ്കെടു​ക്കാൻ പ്രചോ​ദി​ത​രാ​യി. ഈ വിധത്തിൽ തങ്ങളുടെ വിശ്വാ​സം ഉയർത്തി​പ്പി​ടി​ക്കാൻ അവസരം ലഭിച്ച​തിൽ രാജ്യ​ത്തി​ന്റെ എല്ലാ ഭാഗത്തു​മുള്ള പ്രസാ​ധകർ ആഴമായ സംതൃ​പ്‌തി പ്രകടി​പ്പി​ച്ചു. ബ്രാഞ്ച്‌ ഓഫീ​സിൽ പൊതു​ജ​ന​ങ്ങ​ളിൽനി​ന്നു നൂറു​ക​ണ​ക്കിന്‌ ഫോൺ വിളി​ക​ളും കത്തുക​ളും ലഭിച്ചു. ചിലർ അസഹി​ഷ്‌ണുത പ്രകട​മാ​ക്കി. അനേകർ പിന്തുണ പ്രകടി​പ്പി​ച്ചു. ആ വാരാ​ന്ത​ത്തിൽ ഉടനീളം, തങ്ങളെ സന്ദർശി​ക്കാൻ ആളുകൾ സാക്ഷി​കളെ ക്ഷണിച്ചു. അനേകം ബൈബിൾ അധ്യയ​നങ്ങൾ ആരംഭി​ച്ചു.

ഗവൺമെന്റ്‌ ചുമത്തിയ നികു​തി​യു​ടെ കാര്യ​മോ? പ്രസ്‌തുത  ഗവൺമെന്റ്‌ നടപടി​യു​ടെ ഫലമായി, ഉന്നത ഉദ്യോ​ഗ​സ്ഥ​ന്മാർക്ക്‌ യഹോ​വ​യു​ടെ സാക്ഷി​കളെ കുറി​ച്ചുള്ള നിയമ​പ​ര​മായ അനേകം രേഖകൾ പരി​ശോ​ധി​ക്കേ​ണ്ടി​വന്നു—തീർച്ച​യാ​യും ഒരു സാക്ഷ്യം​തന്നെ! ഈ നികുതി ചുമത്ത​ലിന്‌ എതിരെ അപ്പീൽ നൽകി​യി​രി​ക്കു​ക​യാണ്‌. ആവശ്യ​മെ​ങ്കിൽ, യൂറോ​പ്യൻ മനുഷ്യാ​വ​കാശ കോട​തി​വ​രെ​യും നിയമ​യു​ദ്ധം തുടരും.

യു.എസ്‌.എ.-യിലെ ന്യൂ​ജേ​ഴ്‌സി​യി​ലുള്ള ഓറഡെൽ നഗരസഭ വർഷങ്ങ​ളാ​യി സുവാർത്ത പ്രസം​ഗ​ത്തോട്‌ എതിർപ്പു പ്രകട​മാ​ക്കി​യി​രു​ന്നു. നിയമ​പ​ര​മായ അനുവാ​ദം വാങ്ങി ഒരു പ്രത്യേക ബാഡ്‌ജ്‌ ധരിക്കാ​ത്ത​പക്ഷം യഹോ​വ​യു​ടെ സാക്ഷികൾ തങ്ങളുടെ പരസ്യ ശുശ്രൂഷ നടത്താൻ പാടി​ല്ലെ​ന്നാ​യി​രു​ന്നു നഗരസ​ഭ​യു​ടെ നിലപാട്‌. ഈ നിബന്ധ​ന​ക​ളു​ടെ ഭരണഘ​ടനാ വിരു​ദ്ധ​മായ സ്വഭാവം മേയ​റെ​യും നഗരസഭാ കൗൺസി​ലി​നെ​യും ബോധ്യ​പ്പെ​ടു​ത്താൻ നടത്തിയ ആവർത്തി​ച്ചുള്ള ശ്രമങ്ങൾ പരാജ​യ​പ്പെട്ടു. ഒടുവിൽ പ്രാ​ദേ​ശിക നിയമത്തെ ചോദ്യം ചെയ്‌തു​കൊണ്ട്‌ ന്യൂ​ജേ​ഴ്‌സി ജില്ലയി​ലെ യു.എസ്‌. ജില്ലാ ഫെഡറൽ കോട​തി​യിൽ ഒരു ഹർജി സമർപ്പി​ച്ചു. പരസ്യ​ശു​ശ്രൂഷ നടത്താ​നുള്ള നമ്മുടെ അവകാശം അംഗീ​ക​രി​ച്ചു​കി​ട്ടാൻ കഴിഞ്ഞ 50 വർഷത്തി​നി​ട​യിൽ ആദ്യമാ​യി​ട്ടാണ്‌ ഐക്യ​നാ​ടു​ക​ളിൽ ഇത്തരം ഒരു നടപടി സ്വീക​രി​ക്കേ​ണ്ടി​വ​ന്നത്‌. കോട​തി​യിൽ നൽകിയ പരാതി​യിൽ, നമ്മുടെ വേലയു​ടെ സ്വഭാ​വ​വും അതിന്റെ തിരു​വെ​ഴു​ത്തു​പ​ര​മായ അടിസ്ഥാ​ന​വും വിശദീ​ക​രി​ച്ചി​രു​ന്നു; അങ്ങനെ നല്ലൊരു സാക്ഷ്യം നൽക​പ്പെട്ടു.

1999 മാർച്ച്‌ 8-ന്‌ ഫെഡറൽ ജില്ലാ മജിസ്‌​ട്രേറ്റ്‌ ജഡ്‌ജി നമ്മുടെ നിയമ വിഭാ​ഗ​ത്തി​ന്റെ പ്രതി​നി​ധി​ക​ളും ഓറഡെൽ നഗരസ​ഭ​യു​ടെ പ്രതി​നി​ധി​ക​ളും ആയി ഒരു യോഗം നടത്തു​ക​യും നഗരസ​ഭ​യോട്‌ അതിന്റെ നിയമ​ങ്ങൾക്കു മാറ്റം വരുത്താൻ നിർദേ​ശി​ക്കു​ക​യും ചെയ്‌തു. അനുവാ​ദ​വും ബാഡ്‌ജും വേണമെന്ന നിബന്ധ​ന​യിൽനിന്ന്‌ മതസം​ഘ​ട​ന​കളെ ഒഴിവാ​ക്കി​ക്കൊണ്ട്‌ നഗരസഭാ കൗൺസി​ലി​ന്റെ യോഗ​ത്തിൽവെച്ച്‌ മാർച്ച്‌ 16-ന്‌ കൗൺസി​ലും മേയറും ഒരു പ്രമേയം പാസാക്കി. ഭരണഘ​ടനാ വിരു​ദ്ധ​മായ തടസ്സങ്ങൾ കൂടാതെ ഇപ്പോൾ വീണ്ടും ഓറ​ഡെ​ലിൽ സുവാർത്ത പ്രസം​ഗി​ക്കാൻ സാധി​ക്കു​ന്നു!

യഹോ​വ​യു​ടെ നാമവും അവന്റെ നാമം വഹിക്കുന്ന ജനവും കോട​തി​യി​ലോ പാർല​മെ​ന്റി​ലോ പരാമർശി​ക്ക​പ്പെ​ടുന്ന ഓരോ തവണയും, രാജ്യ​സ​ന്ദേശം കേൾക്കാൻ പലപ്പോ​ഴും അവസരം ലഭിക്കാത്ത ഉന്നത “അധികാ​ര​സ്ഥ​ന്മാർ”ക്ക്‌ ഒരു സാക്ഷ്യം നൽക​പ്പെ​ടു​ന്നു. (1 തിമൊ. 2:2) എന്നാൽ ചില അവസര​ങ്ങ​ളിൽ, നേരി​ട്ടും വ്യാപ​ക​മാ​യും വളരെ​യേറെ സാക്ഷ്യം കൊടു​ക്കാൻ അവസരം കിട്ടുന്നു. റഷ്യയിൽ സംഭവി​ച്ചത്‌ അതാണ്‌.

യഹോ​വ​യു​ടെ സാക്ഷി​ക​ളു​ടെ മതപ്ര​വർത്തനം നിരോ​ധി​ക്കാ​നാ​യി 1998 സെപ്‌റ്റം​ബർ മുതൽ 1999 മാർച്ച്‌ വരെ റഷ്യയി​ലെ മോസ്‌കോ​യി​ലുള്ള  ഒരു ഇടുങ്ങിയ കോടതി മുറി​യിൽ നിശ്ചയ​ദാർഢ്യ​ത്തോ​ടെ​യുള്ള ഒരു ശ്രമം നടന്നു. എന്നാൽ ഈ കോടതി മുറി യഹോ​വ​യു​ടെ സാക്ഷി​കളെ നിശ്ശബ്ദ​രാ​ക്കു​ന്ന​തി​നു പകരം ശക്തമാ​യൊ​രു സാക്ഷ്യം നൽകാൻ അവർക്ക്‌ അതുല്യ​മാ​യൊ​രു അവസരം ഒരുക്കി​ക്കൊ​ടു​ക്കു​ക​യാ​ണു ചെയ്‌തത്‌.

യഹോ​വ​യു​ടെ സാക്ഷി​ക​ളു​ടെ മോസ്‌കോ സഭയെ ഇല്ലായ്‌മ ചെയ്യാ​നാ​യി മോസ്‌കോ​യി​ലെ പ്രോ​സി​ക്യൂ​ട്ട​റു​ടെ ഓഫീ​സും റഷ്യൻ ഓർത്ത​ഡോ​ക്‌സ്‌ സഭയു​മാ​യി ബന്ധമുള്ള ഒരു മതഭേദ-വിരുദ്ധ സംഘട​ന​യും പിന്നീട്‌ മോസ്‌കോ ഡിപ്പാർട്ട്‌മെന്റ്‌ ഓഫ്‌ ജസ്റ്റീസും ചേർന്ന്‌ നടപടി​കൾ ആരംഭി​ച്ചു. അവർ സാക്ഷി​കൾക്ക്‌ എതിരെ അടിസ്ഥാ​ന​ര​ഹി​ത​മായ ആരോ​പ​ണങ്ങൾ ഉന്നയിച്ച്‌ കേസ്‌ ഫയൽ ചെയ്‌തു. സിവിൽ കേസുകൾ കൈകാ​ര്യം ചെയ്യുന്ന കോട​തി​കൾ സാധാ​ര​ണ​ഗ​തി​യിൽ മതപഠി​പ്പി​ക്ക​ലു​ക​ളെ​യും വിശ്വാ​സ​ങ്ങ​ളെ​യും കുറിച്ചു കോട​തി​മു​റി​യിൽ വിമർശ​ന​പ​ര​മാ​യി അപഗ്ര​ഥനം നടത്താ​റില്ല. എന്നാൽ, ആരോ​പ​ണ​ങ്ങ​ളിൽ യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളും ആചാര​ങ്ങ​ളും ഉൾപ്പെ​ട്ടി​രു​ന്ന​തി​നാൽ അവ വിചാ​ര​ണ​യി​ലെ മുഖ്യ വിഷയ​മാ​യി​ത്തീർന്നു.

സാക്ഷി​ക​ളു​ടേത്‌ സത്യമതം ആണെന്ന്‌ പഠിപ്പി​ക്കുക വഴി അവരുടെ സാഹി​ത്യ​ങ്ങൾ മതശ​ത്രുത വളർത്തു​ന്നു​വെന്ന്‌ ഗവൺമെന്റ്‌ അഭിഭാ​ഷകൻ കോട​തി​യിൽ വാദിച്ചു. അപ്പോൾ, യഹോ​വ​യു​ടെ സാക്ഷി​ക​ളിൽ ഒരാളായ പ്രതി​ഭാ​ഗം അഭിഭാ​ഷകൻ ജഡ്‌ജി​ക്കും പ്രോ​സി​ക്യൂ​ട്ടർക്കും ബൈബി​ളി​ന്റെ ഓരോ പ്രതി നൽകി​യിട്ട്‌ “കർത്താവു ഒരുവൻ, വിശ്വാ​സം ഒന്നു, സ്‌നാനം ഒന്നു” എന്ന എഫെസ്യർ 4:5-ലെ വാക്യം വായിച്ചു. തന്റെ തിരു​വെ​ഴു​ത്തു വാദം തുടർന്ന നമ്മുടെ ആ റഷ്യൻ സഹോ​ദരൻ ‘ലോക​ത്തിൽനിന്ന്‌ വേറി​ട്ടി​രി​ക്കേ​ണ്ട​തി​ന്റെ’ ആവശ്യം പ്രകട​മാ​ക്കുന്ന യാക്കോബ്‌ 1:27, യോഹ​ന്നാൻ 17:16, വെളി​പ്പാ​ടു 18:1-4 എന്നീ തിരു​വെ​ഴു​ത്തു​കൾ ഉദ്ധരി​ച്ചു​കൊണ്ട്‌ പ്രോ​സി​ക്യൂ​ട്ട​റു​ടെ പരാതി​യി​ലെ മറ്റ്‌ ആരോ​പ​ണ​ങ്ങളെ ഖണ്ഡിച്ചു. പക്ഷേ, മഹതി​യാം ബാബി​ലോ​നെ കുറിച്ചു പറയുന്ന ആ അവസാ​നത്തെ വാക്യം മറ്റു മതങ്ങൾക്കു ബാധക​മാ​ക്കു​മ്പോൾ അത്‌ അവരുടെ വികാ​ര​ങ്ങളെ വ്രണ​പ്പെ​ടു​ത്തു​ന്നു​വെന്നു പ്രോ​സി​ക്യൂ​ട്ടർ വാദിച്ചു. എന്നാൽ ഒരു തത്ത്വശാ​സ്‌ത്ര പ്രൊ​ഫ​സ​റായ ഒരു യൂണി​വേ​ഴ്‌സി​റ്റി അധ്യാ​പിക പിന്നീട്‌ ഇങ്ങനെ അഭി​പ്രാ​യ​പ്പെട്ടു: “യഹോ​വ​യു​ടെ സാക്ഷി​കളെ അവരുടെ പഠിപ്പി​ക്ക​ലു​കളെ പ്രതി കുറ്റ​പ്പെ​ടു​ത്തുന്ന വിദഗ്‌ധർ, വാസ്‌ത​വ​ത്തിൽ തങ്ങൾ ബൈബി​ളിന്‌ എതിരാ​യി​ട്ടാണ്‌ ആരോ​പ​ണങ്ങൾ ഉന്നയി​ക്കു​ന്ന​തെന്ന്‌ മനസ്സി​ലാ​ക്കു​ന്നില്ല.”

പ്രോ​സി​ക്യൂ​ഷൻ പരാതി​യിൽ ഉൾപ്പെ​ടു​ത്തി​യി​രുന്ന യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണങ്ങൾ കോട​തി​മു​മ്പാ​കെ വായി​ക്കാ​നുള്ള അവസരം വിചാ​ര​ണ​യിൽ ലഭിച്ചു. എന്നാൽ ഇത്തവണ, ആ പ്രസി​ദ്ധീ​ക​ര​ണ​ങ്ങ​ളിൽ നിന്നുള്ള ഉദ്ധരണി​കൾ അവയുടെ പശ്ചാത്തലം സഹിത​മാ​ണു വായി​ക്ക​പ്പെ​ട്ടത്‌. അങ്ങനെ, നമ്മുടെ വിശ്വാ​സങ്ങൾ  കൃത്യ​മാ​യി അവതരി​പ്പി​ക്ക​പ്പെട്ടു. അതുവഴി, സാക്ഷികൾ തെറ്റു ചെയ്‌തു​വെന്ന നിയമ​പ​ര​മായ ആരോ​പ​ണ​ങ്ങൾക്ക്‌ അടിസ്ഥാ​ന​മി​ല്ലാ​താ​യി. പ്രോ​സി​ക്യൂ​ട്ട​റു​ടെ അവകാ​ശ​വാ​ദ​ങ്ങളെ ഖണ്ഡിക്കുന്ന, റഷ്യയി​ലെ പ്രമു​ഖ​രായ പ്രൊ​ഫ​ഷ​ണ​ലു​കൾ തയ്യാറാ​ക്കിയ അഞ്ചി​ലേറെ ശാസ്‌ത്രീയ പഠന റിപ്പോർട്ടു​ക​ളും കോട​തി​യിൽ അവതരി​പ്പി​ക്ക​പ്പെട്ടു. മതസ്വാ​ത​ന്ത്ര്യ​ത്തോ​ടുള്ള ആദരവ്‌ ആവശ്യ​പ്പെ​ടുന്ന സാർവ​ദേ​ശീയ കോടതി വിധി​ക​ളെ​യും ഉടമ്പടി​ക​ളെ​യും കുറി​ച്ചും അവിടെ ഊന്നി​പ്പ​റ​യ​പ്പെട്ടു.

പ്രോ​സി​ക്യൂ​ട്ട​റു​ടെ നിയമ നടപടിക്ക്‌ അടിസ്ഥാ​നം നൽകിയ 1997-ലെ റഷ്യൻ നിയമം യേശു​വി​ന്റെ പ്രവർത്ത​ന​ങ്ങളെ എങ്ങനെ വീക്ഷി​ക്കു​മാ​യി​രു​ന്നു? യഹോ​വ​യു​ടെ സാക്ഷി​ക​ളിൽ ഒരുവ​നായ, കാനഡ​ക്കാ​ര​നായ, ഒരു പ്രതി​ഭാ​ഗം അഭിഭാ​ഷകൻ ആ വിഷയം കൈകാ​ര്യം ചെയ്‌തു. അദ്ദേഹം കോട​തി​യോട്‌ പറഞ്ഞു: ‘“നിങ്ങൾ പിശാ​ചെന്ന പിതാ​വി​ന്റെ മക്കൾ” ആണെന്നുള്ള യോഹ​ന്നാൻ 8:44, 45-ലെ വാക്കുകൾ തന്റെ നാളിലെ മതനേ​താ​ക്ക​ന്മാർക്കു ബാധക​മാ​ക്കി​ക്കൊണ്ട്‌ യേശു അവരെ വിമർശി​ക്കു​ക​യു​ണ്ടാ​യി. മത്തായി 15:2-9-ൽ കാണുന്ന പ്രകാരം, ദൈവ​വ​ച​ന​ത്തി​നു വിരു​ദ്ധ​മായ പാരമ്പ​ര്യ​ങ്ങളെ യേശു കുറ്റം വിധിച്ചു. മത്തായി 10:34-37-ൽ പ്രസ്‌താ​വി​ച്ചി​രി​ക്കുന്ന കാര്യങ്ങൾ പറയുക വഴി യേശു കുടും​ബ​ങ്ങളെ തകർക്കാൻ ശ്രമി​ക്കുക ആയിരു​ന്നോ? അല്ല. ആളുകൾ ചില രീതി​ക​ളിൽ പ്രതി​ക​രി​ക്കു​മ്പോൾ തീർച്ച​യാ​യും ഉണ്ടാകുന്ന പരിണ​ത​ഫ​ല​ങ്ങളെ കുറിച്ചു പ്രസ്‌താ​വി​ക്കുക മാത്ര​മാ​യി​രു​ന്നു അവൻ. കൂടാതെ, തന്റെ അടുത്തു വരാൻ യേശു കുട്ടി​കളെ ക്ഷണിച്ച​താ​യി ലൂക്കൊസ്‌ 18:15, 16 ചൂണ്ടി​ക്കാ​ട്ടു​ന്നു. അതുവഴി അവൻ കൗമാ​ര​പ്രാ​യ​ക്കാ​രെ​യും പ്രായ​പൂർത്തി​യാ​കാത്ത കുട്ടി​ക​ളെ​യും ക്രിസ്‌ത്യാ​നി​ത്വ​ത്തി​ലേക്കു വശീക​രി​ക്കു​ക​യാ​യി​രു​ന്നോ? യേശു​വി​ന്റെ പ്രസം​ഗ​പ്ര​വർത്തനം തടയാൻ മത​വൈ​രി​കൾ ആഗ്രഹി​ച്ചത്‌ എന്തു​കൊ​ണ്ടാ​യി​രു​ന്നു? അത്‌ അനേകർ യേശു​വി​നെ അനുഗ​മി​ച്ച​തു​കൊണ്ട്‌ ആയിരു​ന്നെന്ന്‌ യോഹ​ന്നാൻ 11:47, 48 പ്രകട​മാ​ക്കു​ന്നു. അങ്ങനെ, തങ്ങൾക്ക്‌ അംഗങ്ങൾ നഷ്ടമാ​കു​ക​യാ​ണെന്ന്‌ യഹൂദ പുരോ​ഹി​ത​വർഗം വിചാ​രി​ച്ചു. ഈ കാര്യ​ങ്ങ​ളിൽ ചില സമാന​തകൾ നാം ഇന്ന്‌ കാണുന്നു.’ യേശു​ക്രി​സ്‌തു മോസ്‌കോ​യിൽ പ്രസം​ഗി​ച്ചി​രു​ന്നെ​ങ്കിൽ, യഹോ​വ​യു​ടെ സാക്ഷി​കൾക്ക്‌ എതിരെ ഈ കേസിൽ ഉന്നയി​ക്ക​പ്പെ​ട്ടി​രി​ക്കുന്ന അതേ ആരോ​പ​ണങ്ങൾ അവന്‌ എതിരാ​യും ഉന്നയി​ക്ക​പ്പെ​ടു​മാ​യി​രു​ന്നു എന്ന്‌ വ്യക്തമാണ്‌. എന്നാൽ തെറ്റ്‌ ആരുടെ പക്ഷത്താണ്‌? വ്യക്തമാ​യും ആരോ​പ​ണങ്ങൾ ഉന്നയി​ക്കു​ന്ന​വ​രു​ടെ പക്ഷത്താണ്‌. എന്തെന്നാൽ യേശു “പാപം ചെയ്‌തി​ട്ടില്ല.”—1 പത്രൊസ്‌ 2:22.

യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കളെ കുറിച്ച്‌ പ്രോ​സി​ക്യൂ​ഷൻ ഉയർത്തിയ ചോദ്യ​ങ്ങൾക്കു പ്രതി​ക​ര​ണ​മാ​യി, നമ്മുടെ സഹോ​ദ​ര​നായ ഒരു റഷ്യൻ അഭിഭാ​ഷകൻ ബൈബി​ളിൽ നിന്ന്‌ ദാനീ​യേൽ 2:44, 45-ഉം 2 തിമൊ​ഥെ​യൊസ്‌ 3:1-5-ഉം വായിച്ചു കേൾപ്പി​ച്ചു. ആ  ദിവസം ഉച്ചകഴിഞ്ഞ്‌, മൂന്നാം തലമു​റ​ക്കാ​ര​നായ ഒരു സാക്ഷി കോട​തി​യിൽ തെളിവു നൽകി. യഹോ​വ​യു​ടെ സാക്ഷികൾ പതിറ്റാ​ണ്ടു​ക​ളാ​യി റഷ്യയിൽ ഉണ്ടെന്ന്‌ അദ്ദേഹ​ത്തി​ന്റെ ജീവച​രി​ത്രം പ്രകട​മാ​ക്കു​ന്നു. സോവി​യറ്റ്‌ ഭരണകൂ​ട​ത്താൽ നിരോ​ധി​ക്ക​പ്പെ​ട്ടി​രുന്ന കാലത്ത്‌ സൈബീ​രി​യ​യി​ലേ​ക്കുള്ള നാടു​ക​ട​ത്ത​ലി​ന്റെ​യും മറ്റ്‌ അടിച്ച​മർത്തൽ നടപടി​ക​ളു​ടെ​യും ഫലമായി യഹോ​വ​യു​ടെ സാക്ഷികൾ അനുഭ​വിച്ച ദുരി​ത​ങ്ങ​ളു​ടെ ഒരു ഓർമി​പ്പി​ക്കൽകൂ​ടി ആയിരു​ന്നു അദ്ദേഹ​ത്തി​ന്റെ സാക്ഷ്യം.—1999 ഏപ്രിൽ 22 ലക്കം ഉണരുക!യുടെ 20-5 പേജുകൾ കാണുക.

യഹോ​വ​യു​ടെ സാക്ഷി​കളെ പ്രതി​നി​ധീ​ക​രി​ക്കാൻ മൂന്നാ​മ​താ​യി ഒരു അഭിഭാ​ഷ​ക​യും ഉണ്ടായി​രു​ന്നു. യഹോ​വ​യു​ടെ സാക്ഷി​യ​ല്ലാ​യി​രു​ന്നെ​ങ്കി​ലും വളരെ നീതി​ബോ​ധ​മുള്ള, മനുഷ്യാ​വ​കാശ വിഷയങ്ങൾ വാദിച്ച്‌ നല്ല പരിച​യ​മുള്ള, ഒരു വനിത​യാ​യി​രു​ന്നു അവർ. ബൈബിൾ തുറന്ന്‌ അനേകം വാക്യ​ങ്ങ​ളി​ലേക്ക്‌ കോട​തി​യു​ടെ ശ്രദ്ധ ക്ഷണിക്കാൻ അവർക്കും അവസരം ലഭിച്ചു. വെളി​പ്പാ​ടു 14:1; 16:16; 20:6; സങ്കീർത്തനം 37:9, 10 എന്നീ തിരു​വെ​ഴു​ത്തു​കൾ ചൂണ്ടി​ക്കാ​ട്ടിയ ശേഷം, യഹോ​വ​യു​ടെ സാക്ഷി​കൾക്ക്‌ എവി​ടെ​യാണ്‌ തെറ്റ്‌ സംഭവി​ച്ചി​രി​ക്കു​ന്നത്‌ എന്നു ചൂണ്ടി​ക്കാ​ട്ടാൻ പ്രോ​സി​ക്യൂ​ട്ട​റു​ടെ മത “പണ്ഡിതനെ” അവർ വെല്ലു​വി​ളി​ച്ചു. എന്നാൽ അയാൾക്ക്‌ അതിനു കഴിഞ്ഞില്ല.

രസാവ​ഹ​മാ​യി, 1999 ഏപ്രിൽ 29-ന്‌ റഷ്യയി​ലെ ദേശീയ നീതി​ന്യാ​യ മന്ത്രാ​ലയം യഹോ​വ​യു​ടെ സാക്ഷി​കളെ ഒരു മതസം​ഘ​ട​ന​യാ​യി രജിസ്റ്റർ ചെയ്‌തു. എന്നാൽ, അതു​കൊ​ണ്ടൊ​ന്നും കോടതി മോസ്‌കോ​യി​ലെ കേസ്‌ തള്ളിക്ക​ള​യാ​നോ യഹോ​വ​യു​ടെ സാക്ഷി​കൾക്ക്‌ അനുകൂ​ല​മാ​യി വിധി​ന്യാ​യം പറയാ​നോ തയ്യാറാ​യില്ല. പകരം വിചാ​ര​ണ​ക്കോ​ടതി, യഹോ​വ​യു​ടെ സാക്ഷി​ക​ളു​ടെ സാഹി​ത്യ​ത്തെ കുറിച്ചു വിശക​ലനം നടത്താൻ ജഡ്‌ജി നിയമിച്ച ഒരു “പണ്ഡിത” സമിതി​യു​ടെ റിപ്പോർട്ടി​നാ​യി കാത്തി​രി​ക്കു​ക​യാണ്‌. അതിന്റെ പരിണതി എന്തായി​രു​ന്നാ​ലും അത്‌ ‘സാക്ഷ്യം പറവാൻ തരമാ​കും’ എന്നു നമുക്ക്‌ ഉറപ്പ്‌ ഉണ്ടായി​രി​ക്കാ​വു​ന്ന​താണ്‌.—മത്തായി 10:18.

കോടതി മുറി​യിൽ ഉദ്യോ​ഗ​സ്ഥ​ന്മാർക്കു നൽകിയ സാക്ഷ്യ​ത്തി​നു പുറമേ, പ്രസ്‌തുത വിചാ​ര​ണയെ കുറി​ച്ചുള്ള വാർത്തകൾ റഷ്യയിൽ ഉടനീളം പത്രങ്ങ​ളി​ലും ടെലി​വി​ഷ​നി​ലും പ്രത്യ​ക്ഷ​പ്പെട്ടു. റഷ്യയി​ലെ യഹോ​വ​യു​ടെ സാക്ഷികൾ വിചാ​ര​ണയെ കുറി​ച്ചുള്ള വിവരങ്ങൾ വാർത്താ മാധ്യ​മ​ങ്ങൾക്കും പൊതു​ജ​ന​ങ്ങൾക്കും ദിവസ​വും എത്തിച്ചു​കൊ​ടു​ത്തു​കൊ​ണ്ടി​രു​ന്നു. പ്രോ​സി​ക്യൂ​ഷൻ തെറ്റായി വ്യാഖ്യാ​നിച്ച വാച്ച്‌ടവർ പ്രസി​ദ്ധീ​ക​ര​ണ​ങ്ങ​ളിൽ നിന്നുള്ള പൂർണ​മായ ഉദ്ധരണി​ക​ളും സാക്ഷി​ക​ളു​ടെ മുൻകാല പ്രവർത്ത​ന​ങ്ങളെ കുറി​ച്ചുള്ള വളരെ​യേറെ വിവര​ങ്ങ​ളും നൽക​പ്പെ​ടു​ക​യു​ണ്ടാ​യി. കുറഞ്ഞത്‌ ഏഴ്‌ പ്രമുഖ അന്താരാ​ഷ്‌ട്ര വാർത്താ ഏജൻസി​ക​ളു​ടെ പ്രതി​നി​ധി​കൾ വിചാരണ വേളയിൽ വ്യത്യസ്‌ത സമയങ്ങ​ളി​ലാ​യി സന്നിഹി​ത​രാ​യി​രു​ന്നു. മറ്റ്‌  രാജ്യ​ങ്ങ​ളു​ടെ എംബസി​ക​ളും മനുഷ്യാ​വ​കാശ സംഘട​ന​ക​ളും കോടതി നടപടി​ക​ളിൽ ആഴമായ താത്‌പ​ര്യം പ്രകട​മാ​ക്കി. മതസ്വാ​ത​ന്ത്ര്യം ഉറപ്പു​വ​രു​ത്താ​നും അങ്ങനെ തങ്ങളുടെ ഗവൺമെന്റ്‌ ഒരു അംഗമാ​യി​രി​ക്കുന്ന അന്താരാ​ഷ്‌ട്ര ഉടമ്പടി​കൾക്ക്‌ അനുസൃ​ത​മാ​യി പ്രവർത്തി​ക്കാ​നും റഷ്യയി​ലെ എല്ലാ തുറക​ളി​ലു​മുള്ള ഉദ്യോ​ഗ​സ്ഥ​ന്മാ​രോട്‌ ആവശ്യ​പ്പെ​ട്ടു​കൊണ്ട്‌ മാർച്ച്‌ 11-ന്‌ യൂറോ​പ്യൻ പാർല​മെന്റ്‌ ഒരു പ്രമേയം പാസാക്കി. പിറ്റേ മാസം, മോസ്‌കോ​യി​ലെ കോട​തി​ക്കേ​സിൽ ആശങ്ക പ്രകടി​പ്പി​ച്ചു​കൊ​ണ്ടുള്ള മറ്റൊരു പ്രമാ​ണ​ത്തിൽ യൂറോ​പ്യൻ കൗൺസി​ലി​ന്റെ പാർല​മെ​ന്ററി അസംബ്ലി​യി​ലെ 11 അംഗങ്ങൾ ഒപ്പു​വെച്ചു.

രാജ്യ സന്ദേശത്തെ എതിർക്കു​ന്ന​വർക്കു തങ്ങളുടെ നേരെ “പക” ഉണ്ടെന്ന്‌ മോസ്‌കോ​യി​ലും റഷ്യയു​ടെ മറ്റെല്ലാ ഭാഗങ്ങ​ളി​ലു​മുള്ള സഹോ​ദ​ര​ങ്ങൾക്ക്‌ നന്നായി അറിയാം. സെന്റ്‌ പീറ്റേ​ഴ്‌സ്‌ബർഗിൽ ഒരു സഭാ​യോ​ഗ​സ്ഥ​ലത്ത്‌ ഗ്യാസ്‌ ബോംബ്‌ വെക്കു​ക​യു​ണ്ടാ​യി. പ്രായ​മായ ഒരു സഹോ​ദരി വയൽസേ​വ​ന​ത്തിൽ ഏർപ്പെ​ടവെ, ഒരു എതിരാ​ളി അവരെ ഒരു ആയുധം​കൊണ്ട്‌ ആക്രമി​ച്ചു. കെട്ടിട ഉടമസ്ഥർ വാടക കരാറു​കൾ റദ്ദാക്കി​യ​തി​ന്റെ ഫലമായി മോസ്‌കോ​യി​ലെ 2,000 സാക്ഷി​കൾക്ക്‌ തങ്ങളുടെ യോഗങ്ങൾ നടത്താ​നാ​യി മറ്റു സ്ഥലങ്ങൾ അന്വേ​ഷി​ക്കേണ്ടി വന്നു. യഹോ​വ​യു​ടെ സാക്ഷികൾ മോസ്‌കോ​യിൽ നടത്താ​നി​രുന്ന കൺ​വെൻ​ഷൻ തടയാ​നുള്ള ശ്രമങ്ങ​ളും നടന്നു. എന്നാൽ അതു ഗണ്യമാ​ക്കാ​തെ ആഗസ്റ്റ്‌ മാസം അവർ അതു നടത്തി. ശനിയാഴ്‌ച ബോംബു ഭീഷണി നിമിത്തം സ്റ്റേഡി​യ​ത്തിൽനിന്ന്‌ ആളുകളെ ഒഴിപ്പി​ക്കേണ്ടി വന്നെങ്കി​ലും ആ കൺ​വെൻ​ഷ​നിൽ 600 പേർ സ്‌നാ​പ​ന​മേറ്റു. ശേഷി​ക്കുന്ന പരിപാ​ടി​കൾ ശ്രദ്ധി​ക്കാ​നാ​യി 15,100 പേർ ഞായറാഴ്‌ച മടങ്ങി​യെ​ത്തു​ക​യും ചെയ്‌തു.

ലോക​വ്യാ​പ​ക​മാ​യി യഹോ​വ​യു​ടെ സാക്ഷികൾ തങ്ങളുടെ ശുശ്രൂഷ തുടരവെ അവർക്കു നാനാ​ത​ര​ത്തി​ലുള്ള സമ്മർദ​ങ്ങളെ നേരി​ടേ​ണ്ടി​വ​രു​ന്നു. ഇതിന്റെ വീക്ഷണ​ത്തിൽ, ‘സുവാർത്ത​യ്‌ക്കു വേണ്ടി പ്രതി​വാ​ദം നടത്തു​ക​യും അതു നിയമ​പ​ര​മാ​യി സ്ഥാപി​ച്ചെ​ടു​ക്കു​ക​യും’ ചെയ്യു​ന്ന​തി​നോ​ടു ബന്ധപ്പെട്ട നിലവി​ലുള്ള ആവശ്യങ്ങൾ ചർച്ച​ചെ​യ്യാ​നാ​യി ഉത്തരവാ​ദി​ത്വ​പ്പെട്ട സഹോ​ദ​ര​ന്മാർ 1999 ഏപ്രി​ലിൽ യോഗം ചേർന്നത്‌ തികച്ചും ഉചിത​മാ​യി​രു​ന്നു.—ഫിലി. 1:7, NW.

ബൈബിൾ പറയു​ന്ന​തു​പോ​ലെ തന്നെ, “യഹോ​വ​യു​ടെ ദാസന്മാ”ർക്ക്‌ എതിരാ​യി ഉണ്ടാക്കുന്ന യാതൊ​രു ആയുധ​വും വിജയി​ക്കില്ല എന്ന കാര്യ​ത്തിൽ യഹോ​വ​യു​ടെ സാക്ഷി​കൾക്ക്‌ ഉറച്ച ബോധ്യ​മുണ്ട്‌. (യെശ. 54:17) കൂടാതെ, യിരെ​മ്യാ​വു 1:19-ൽ പിൻവ​രുന്ന വാഗ്‌ദാ​നം നൽക​പ്പെ​ട്ടി​രി​ക്കു​ന്നു: “അവർ നിന്നോ​ടു യുദ്ധം ചെയ്യും; നിന്നെ ജയിക്ക​യി​ല്ല​താ​നും; നിന്നെ രക്ഷിപ്പാൻ ഞാൻ നിന്നോ​ടു​കൂ​ടെ ഉണ്ടു എന്നു യഹോ​വ​യു​ടെ അരുള​പ്പാ​ടു.”

[6-ാം പേജിലെ ചിത്രം]

“ദാനീ​യേൽ പ്രവച​ന​ത്തി​നു ശ്രദ്ധ കൊടു​പ്പിൻ!” എന്ന ഇംഗ്ലീഷ്‌ പുസ്‌തകം ഡാനി​യേൽ സിഡ്‌ലിക്‌ പ്രകാ​ശനം ചെയ്യുന്നു

[6-ാം പേജിലെ ചിത്രം]

കൊറിയൻ ഭാഷയി​ലുള്ള “പുതിയ ലോക ഭാഷാ​ന്തരം” ചോങ്‌-ഇൽ പാക്‌ പ്രകാ​ശനം ചെയ്യുന്നു

 [12, 13 പേജു​ക​ളി​ലെ ചിത്രങ്ങൾ]

32 അന്താരാ​ഷ്‌ട്ര കൺ​വെൻ​ഷ​നു​ക​ളിൽ— ഒരെണ്ണം നടന്ന കെനി​യ​യി​ലെ നയ്‌റോ​ബി

 [14-ാം പേജിലെ ചിത്രങ്ങൾ]

മുകളിൽ ഇടത്ത്‌: ബെൽജി​യ​ത്തിൽ നിന്ന്‌ ആഫ്രി​ക്ക​യി​ലേ​ക്കുള്ള ദുരി​താ​ശ്വാ​സ സാമ​ഗ്രി​കൾ ട്രക്കിൽ കയറ്റുന്നു. താഴെ: കോം​ഗോ​യിൽ നിന്നുള്ള അഭയാർഥി​കൾക്കു പ്രബോ​ധനം ലഭിക്കു​ന്നു, അവർ ഹൃദയം​ഗ​മ​മാ​യി യഹോ​വ​യ്‌ക്കു സ്‌തു​തി​ഗീ​തം ആലപി​ക്കു​ന്നു

[20, 21 പേജു​ക​ളി​ലെ ചിത്രങ്ങൾ]

ലോക ആസ്ഥാന​ത്തു​നി​ന്നു കയറ്റി അയയ്‌ക്കാൻ തയ്യാർ ചെയ്യ​പ്പെ​ടുന്ന സാഹി​ത്യം