കഴിഞ്ഞ വർഷത്തെ സവി​ശേ​ഷ​ത​കൾ

ഈയി​ടെ​യാ​യി പ്രകൃ​തി​വി​പ​ത്തു​കൾ വർധി​ച്ചു​വ​രി​ക​യാണ്‌, 2005 സേവന​വർഷ​ത്തി​ലും പലയി​ട​ങ്ങ​ളിൽ ഇത്തരം ദുരന്തങ്ങൾ ഉണ്ടായി. നമ്മുടെ സഹോ​ദ​ര​ങ്ങ​ളെ​യും ഇവ ബാധി​ക്കു​ന്നു​വെ​ന്ന​തിൽ സംശയ​മില്ല. എന്നാൽ നാം കാണാൻ പോകു​ന്ന​തു​പോ​ലെ, പരി​ശോ​ധ​ന​യി​ന്മ​ധ്യേ ക്രിസ്‌ത്യാ​നി​കൾ പ്രകട​മാ​ക്കുന്ന സ്‌നേഹം സാഹോ​ദ​ര്യ​ത്തെ ബലപ്പെ​ടു​ത്തു​ക​യും ആത്മാർഥ​ഹൃ​ദ​യരെ സത്യത്തി​ലേക്ക്‌ ആകർഷി​ക്കു​ക​യും ചെയ്യുന്നു.—മലാ. 3:18; യോഹ. 13:35.

ഭാവി സംബന്ധി​ച്ചും ജീവി​ത​ത്തിൽ പ്രാധാ​ന്യ​മേ​റി​യത്‌ എന്താ​ണെ​ന്നതു സംബന്ധി​ച്ചും കൂടുതൽ ഗൗരവ​പൂർവം ചിന്തി​ക്കാൻ വിപത്തു​ക​ളു​ടെ വർധന പലരെ​യും പ്രേരി​പ്പി​ച്ചി​ട്ടുണ്ട്‌. അത്തരം ആളുകളെ നമ്മുടെ കാലത്തി​ന്റെ പ്രാധാ​ന്യം മനസ്സി​ലാ​ക്കാൻ സഹായി​ക്കാ​നുള്ള എത്ര മഹത്തായ പദവി​യാണ്‌ ജാഗരൂ​കർ ആയിരി​ക്കു​വിൻ! എന്ന ലഘുപ​ത്രി​ക​യു​ടെ പ്രത്യേക വിതരണ പരിപാ​ടി​യി​ലൂ​ടെ നമുക്കു ലഭിച്ചത്‌! അനേകം  രാജ്യ​ങ്ങ​ളിൽ 2004 ഒക്ടോബർ 18-ന്‌ ആരംഭിച്ച ഈ വിതരണ പരിപാ​ടി ചില നല്ല ഫലങ്ങൾ ഉളവാക്കി.

ജാഗരൂ​കർ ആയിരി​ക്കു​വിൻ! ലഘുപ​ത്രി​ക​യു​ടെ വിതരണ പരിപാ​ടി

അർജന്റീന: “ഒരു ദുരന്തം ഉണ്ടാകു​ക​യാ​ണെ​ങ്കിൽ ആരാണ്‌ അതിജീ​വി​ക്കുക—ദുഷ്ടനോ, നല്ലവനോ അതോ മുന്നറി​യി​പ്പി​നു ചെവി​കൊ​ടു​ക്കു​ന്ന​വ​നോ?” ഇപ്രകാ​ര​മാണ്‌ ഒരു സഹോ​ദരി പ്രതി​ക​രണം തീരെ​യി​ല്ലാത്ത ഒരു പ്രദേ​ശത്ത്‌ ജാഗരൂ​കർ ലഘുപ​ത്രിക പരിച​യ​പ്പെ​ടു​ത്തി​യത്‌.

ഹ്വാൻ എന്നു പേരുള്ള സഹോ​ദരൻ ഒരു 16-വയസ്സു​കാ​രന്‌ ഈ ലഘുപ​ത്രിക സമർപ്പി​ച്ചു. അവൻ അതു വായി​ക്കു​ക​യും അതിൽനി​ന്നു മനസ്സി​ലാ​ക്കിയ കാര്യങ്ങൾ ആവേശ​പൂർവം തന്റെ പിതാ​വി​നോ​ടു പറയു​ക​യും ചെയ്‌തു. ഇതു​കേട്ടു ജിജ്ഞാ​സ​പൂണ്ട പിതാ​വും ആ ലഘുപ​ത്രിക വായിച്ചു, പരാമർശി​ച്ചി​രുന്ന തിരു​വെ​ഴു​ത്തു​കൾപോ​ലും എടുത്തു​നോ​ക്കി. അങ്ങേയറ്റം മതിപ്പു തോന്നിയ അദ്ദേഹം തന്റെ കുടും​ബ​വു​മൊത്ത്‌ ഈ ലഘുപ​ത്രിക പഠിക്കാൻ തുടങ്ങി. ഹ്വാൻ അവിടെ മടങ്ങി​ച്ചെ​ന്ന​പ്പോൾ സൗജന്യ ബൈബി​ള​ധ്യ​യന ക്രമീ​ക​ര​ണ​ത്തെ​ക്കു​റിച്ച്‌ ആ കുടും​ബ​നാ​ഥ​നോ​ടു സംസാ​രി​ച്ചു. “അതുത​ന്നെ​യാ​ണു ഞങ്ങൾക്കു വേണ്ടത്‌—ഒരു കുടുംബ ബൈബി​ള​ധ്യ​യനം,” അദ്ദേഹം പ്രതി​വ​ചി​ച്ചു. അവരു​മൊത്ത്‌ ഒരു അധ്യയനം ആരംഭി​ച്ചു എന്നു പറയേ​ണ്ട​തി​ല്ല​ല്ലോ.

ഫ്രാൻസ്‌: ഷോസ്ലിൻ, മുമ്പ്‌ ബൈബിൾ പഠിച്ചു​കൊ​ണ്ടി​രുന്ന ആലിസ്യാ എന്ന യുവതിക്ക്‌ ജാഗരൂ​കർ ആയിരി​ക്കു​വിൻ! ലഘുപ​ത്രി​ക​യു​ടെ ഒരു പ്രതി നൽകി. അവർ സന്തോ​ഷ​പൂർവം ആ ലഘുപ​ത്രിക സ്വീക​രി​ക്കു​ക​യും ഷോസ്ലി​നോ​ടൊ​പ്പം അതു പഠിക്കാൻ സമ്മതി​ക്കു​ക​യും ചെയ്‌തു. ബൈബിൾ ക്രമമാ​യി വായി​ക്കു​ന്ന​തി​നും ആലിസ്യാ തീരു​മാ​നി​ച്ചു. “യേശു​വി​നെ​ക്കു​റി​ച്ചുള്ള ബൈബിൾ വിവരണം വായി​ച്ച​പ്പോൾ തന്റെ കണ്ണുകൾ നിറഞ്ഞു​പോ​യെന്ന്‌ വെറും രണ്ടാഴ്‌ച​കൾക്കു​ശേഷം അവർ പറഞ്ഞു,” ഷോസ്ലിൻ പറയുന്നു.

ഒന്നിച്ചു ജീവി​ക്കുന്ന തങ്ങൾ ദൈവത്തെ പ്രസാ​ദി​പ്പി​ക്കാൻ നിയമ​പ​ര​മാ​യി വിവാഹം കഴിക്ക​ണ​മെ​ന്നും താൻ യഹോ​വ​യു​ടെ സാക്ഷി​ക​ളിൽ ഒരാൾ ആയിത്തീ​രാൻ ആഗ്രഹി​ക്കു​ന്നെ​ന്നും ആലിസ്യാ തന്റെ കാമു​ക​നോ​ടു പറഞ്ഞു. തികച്ചും അപ്രതീ​ക്ഷി​ത​മായ ഒരു മറുപ​ടി​യാണ്‌ അവർക്കു ലഭിച്ചത്‌: “അതി​നെന്താ, ദൈവം പ്രതീ​ക്ഷി​ക്കു​ന്നതു നിറ​വേ​റ്റു​ന്ന​തിൽനി​ന്നു നിന്നെ തടയാൻ ഞാൻ ആഗ്രഹി​ക്കു​ന്നില്ല.” അതി​നെ​ത്തു​ടർന്ന്‌ ആലിസ്യാ തന്റെ ആദ്യത്തെ സർക്കിട്ട്‌ സമ്മേള​ന​ത്തി​നു ഹാജരാ​യി.

 മഡഗാ​സ്‌കർ: രണ്ടു കൊച്ചു പെൺകു​ട്ടി​ക​ളു​ടെ മാതാ​വാണ്‌ നാനാ. കൗമാ​ര​പ്രാ​യ​ത്തിൽ നാനാ മാതാ​പി​താ​ക്ക​ളോ​ടൊ​പ്പം ക്രിസ്‌തീയ യോഗ​ങ്ങൾക്കു പോകാ​റു​ണ്ടാ​യി​രു​ന്നു, എന്നാൽ അവർ യഹോ​വയെ സേവി​ക്കു​ന്നതു നിറു​ത്തി​യ​പ്പോൾ അവളും യോഗ​ങ്ങ​ളിൽ സംബന്ധി​ക്കാ​തെ​യാ​യി. അങ്ങനെ​യി​രി​ക്കെ പ്രത്യേക വിതരണ പരിപാ​ടി​യു​ടെ സമയത്ത്‌ ഒരു മിഷനറി സഹോ​ദ​രി​യിൽനി​ന്നു നാനാ ജാഗരൂ​കർ ലഘുപ​ത്രിക സ്വീക​രി​ക്കു​ക​യും ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും ചെയ്‌തു. അവർ തന്റെ രണ്ടു കുട്ടി​ക​ളോ​ടൊ​പ്പം ഇപ്പോൾ എല്ലാ യോഗ​ങ്ങൾക്കും വരുക​യും സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധ​ക​യാ​കുക എന്ന ലക്ഷ്യത്തിൽ പുരോ​ഗ​മി​ക്കു​ക​യും ചെയ്യുന്നു. മാത്രമല്ല, അവരുടെ മാതാ​പി​താ​ക്ക​ളും ഈ ലഘുപ​ത്രിക ഉപയോ​ഗി​ച്ചുള്ള ഒരു അധ്യയ​ന​ത്തി​നു സമ്മതി​ച്ചി​രി​ക്കു​ന്നു. അവരുടെ 14 വയസ്സുള്ള മകൻ ഷോസീ​യാ അവന്റെ യുവസു​ഹൃ​ത്തിന്‌ ഒരു ബൈബിൾ അധ്യയനം നടത്തു​ക​പോ​ലും ചെയ്യുന്നു. സുഹൃത്ത്‌ ഇപ്പോൾ ക്രിസ്‌തീയ യോഗ​ങ്ങൾക്കു ക്രമമാ​യി ഹാജരാ​കു​ന്നുണ്ട്‌.

നൈജീ​രി​യ: “ഈ പ്രത്യേക വിതരണ പരിപാ​ടി​യു​ടെ സമയത്താ​യി​രു​ന്നു എന്റെ അമ്മയുടെ മരണം. അത്‌ എന്റെ ഗ്രാമ​ത്തി​ലു​ള്ള​വർക്കു സാക്ഷ്യം നൽകാൻ എനിക്ക്‌ അവസരം നൽകി” എന്ന്‌ ഒരു പയനിയർ സഹോ​ദരൻ പറയുന്നു. “മരണവാർത്ത അറി​ഞ്ഞെ​ത്തിയ ബന്ധുക്കൾ നിലത്തു​വീ​ണു​കി​ടന്നു നിലവി​ളി​ക്കാൻ തുടങ്ങി. ‘നിങ്ങൾ എന്താണീ ചെയ്യു​ന്നത്‌?’ ഞാൻ അവരോ​ടു ചോദി​ച്ചു. ‘അമ്മ മരിച്ച​തിൽ നമു​ക്കെ​ല്ലാം ദുഃഖ​മുണ്ട്‌, എന്നാൽ അമ്മ മരണനി​ദ്ര​യിൽ ആണ്‌. പുനരു​ത്ഥാ​ന​ത്തിൽ ഉറക്കത്തിൽനി​ന്നെ​ന്ന​പോ​ലെ അമ്മ എഴു​ന്നേൽക്കും.’ നിറക​ണ്ണു​ക​ളോ​ടെ ഞാൻ, ജാഗരൂ​കർ ലഘുപ​ത്രി​ക​യു​ടെ 8-ാം പേജിലെ പുനരു​ത്ഥാ​ന​ത്തി​ന്റെ ദൃശ്യം അവർക്കു വിശദീ​ക​രി​ച്ചു​കൊ​ടു​ത്തു. തത്‌ഫ​ല​മാ​യി, 45 ജാഗരൂ​കർ ലഘുപ​ത്രി​ക​ക​ള​ടക്കം മൊത്തം 195 ലഘുപ​ത്രി​കകൾ ഞാൻ അവർക്കു സമർപ്പി​ച്ചു. ശവസം​സ്‌കാ​ര​സ​മ​യത്ത്‌ മറ്റു സഹോ​ദ​ര​ങ്ങ​ളും ഞാനും കൂടെ ‘മരിച്ചവർ വീണ്ടും ജീവനി​ലേക്കു വരുമോ?’ എന്ന വിഷയ​ത്തോ​ടു​കൂ​ടിയ 2005 മേയ്‌ 1-ലെ വീക്ഷാ​ഗോ​പു​ര​ത്തി​ന്റെ 100 പ്രതികൾ സമർപ്പി​ച്ചു.”

റഷ്യ: സെല്യോ​ന​ഗ്രാ​ഡ്‌സ്‌ക്‌ എന്ന സ്ഥലത്തു പ്രത്യേക പയനിയർ ആയി സേവി​ക്കുന്ന ഇറിനാ എഴുതു​ന്നു: “ഞങ്ങളെ വീട്ടി​നു​ള്ളി​ലേക്കു ക്ഷണിച്ച ആല്ല എന്ന സ്‌ത്രീ​ക്കു ഞാനും കൂടെ​യു​ണ്ടാ​യി​രുന്ന സഹോ​ദ​രി​യും ജാഗരൂ​കർ ലഘുപ​ത്രിക സമർപ്പി​ച്ചു. ആളുകൾ തികച്ചും കഠിന​ഹൃ​ദയർ ആയിത്തീർന്നി​രു​ന്ന​തി​നാൽ ജീവി​ത​ത്തി​നു യാതൊ​രു ഉദ്ദേശ്യ​വു​മി​ല്ലെന്ന്‌ ആ സ്‌ത്രീ​ക്കു തോന്നി. ഞങ്ങൾ ഒരു മടക്കസ​ന്ദർശനം ക്രമീ​ക​രി​ച്ചു. ഏതാനും ദിവസ​ങ്ങൾക്കു​ശേഷം ഞാനും അതേ സഹോ​ദ​രി​യും  ഒരുമി​ച്ചു നടന്നു​പോ​കവേ, ഒരു സ്‌ത്രീ ഞങ്ങളെ വിളി​ക്കു​ന്നതു കേട്ടു. അത്‌ ആല്ല ആയിരു​ന്നു. ഞങ്ങൾക്കു നന്ദി പറഞ്ഞു​കൊണ്ട്‌ അവർ ആ ലഘുപ​ത്രിക ബാഗിൽനി​ന്നു പുറ​ത്തെ​ടു​ത്തു താൻ അടിവ​ര​യിട്ട ചില ആശയങ്ങൾ ഞങ്ങളെ കാണിച്ചു. അവർക്കി​പ്പോൾ ആവശ്യം ലഘുപ​ത്രിക ഉപയോ​ഗി​ച്ചു ക്രമമാ​യി അധ്യയനം എടുക്കു​ന്നുണ്ട്‌.”

റഷ്യയിൽ മറ്റൊ​രി​ടത്ത്‌, വ്യെറ​യും ഭർത്താവു വിറ്റാ​ലി​യും വ്യെറ​യു​ടെ പരിച​യ​ക്കാ​രി​യായ ല്യൂഡാ ജോലി​ചെ​യ്യുന്ന വഴിയ​രി​കി​ലെ കടയിൽ ഒന്നു കയറാൻ തീരു​മാ​നി​ച്ചു. യഹോ​വ​യു​ടെ സാക്ഷി​ക​ളു​മാ​യി ബൈബിൾ വിഷയങ്ങൾ ചർച്ച​ചെ​യ്യാൻ തനിക്കു താത്‌പ​ര്യം ഇല്ലെന്നു ല്യൂഡാ മുമ്പു സൂചി​പ്പി​ച്ചി​ട്ടു​ണ്ടാ​യി​രു​ന്നു. അതു​കൊ​ണ്ടു​തന്നെ അവർക്ക്‌ ഒരു ലഘുപ​ത്രിക നൽകാൻ വ്യെറ​യ്‌ക്ക്‌ അൽപ്പം മടിയാ​യി​രു​ന്നു. എന്നാൽ വിറ്റാ​ലി​യു​ടെ പ്രോ​ത്സാ​ഹ​ന​ത്താൽ വ്യെറ അവരെ ഒരു ലഘുപ​ത്രിക കാണിച്ചു. അതിശ​യ​ക​ര​മെന്നേ പറയേണ്ടൂ, അവർ അതു സ്വീക​രി​ച്ചു. രണ്ടു ദിവസ​ങ്ങൾക്കു​ശേഷം ല്യൂഡാ ഫോൺചെ​യ്‌ത്‌ ഇപ്രകാ​രം പറഞ്ഞു: “ഒരു ലഘുപ​ത്രി​ക​യിൽനി​ന്നു ഞാൻ ഇത്രമാ​ത്രം പഠി​ച്ചെ​ങ്കിൽ ഒരു ക്രമമായ ബൈബി​ള​ധ്യ​യ​ന​ത്തിൽനിന്ന്‌ എത്രയ​ധി​കം എനിക്കു പഠിക്കാൻ കഴിയും!” ബന്ധുക്ക​ളിൽനിന്ന്‌ എതിർപ്പ്‌ ഉണ്ടായി​രു​ന്നി​ട്ടും ഉടൻതന്നെ ല്യൂഡാ പഠിക്കാ​നും യോഗ​ങ്ങൾക്കു വരാനും തുടങ്ങി. മാത്രമല്ല, അവരുടെ മകനും മകളും ഇപ്പോൾ ബൈബിൾ പഠിക്കു​ന്നുണ്ട്‌. “ഇത്‌ വളരെ രസകര​മാ​യി​രി​ക്കു​ന്നു. ഏതാനും വർഷങ്ങൾക്കു മുമ്പു ല്യൂഡാ​യ്‌ക്കു പരിജ്ഞാ​നം പുസ്‌തകം കൊടു​ത്തെ​ങ്കി​ലും അന്ന്‌ അവർക്കു യാതൊ​രു താത്‌പ​ര്യ​വും ഇല്ലായി​രു​ന്നു. എന്നാൽ ജാഗരൂ​കർ ലഘുപ​ത്രി​ക​യ്‌ക്കു ല്യൂഡാ​യിൽ താത്‌പ​ര്യം ഉണർത്താൻ കഴിഞ്ഞു,” വ്യെറ പറയുന്നു.

വെനെ​സ്വേ​ല: ഭർത്താ​വും ഭാര്യ​യും നാലു കുട്ടി​ക​ളു​മ​ട​ങ്ങുന്ന ഒരു കുടും​ബ​ത്തോട്‌ വീട്ടു​വാ​തിൽക്കൽ നിന്നു​കൊ​ണ്ടു ഒരു സർക്കിട്ട്‌ മേൽവി​ചാ​ര​കന്റെ ഭാര്യ ചർച്ച ആരംഭി​ച്ചു. കുടും​ബ​ത്തി​ലുള്ള എല്ലാവ​രും ദൈവത്തെ സംബന്ധി​ച്ചു പഠി​ക്കേ​ണ്ട​തി​ന്റെ ആവശ്യം ജാഗരൂ​കർ ലഘുപ​ത്രി​ക​യു​ടെ 16-ഉം 17-ഉം പേജു​ക​ളി​ലെ പറുദീ​സ​യു​ടെ ചിത്രം കാണി​ച്ചു​കൊ​ണ്ടു സഹോ​ദരി വ്യക്തമാ​ക്കി. തുടർന്ന്‌ അവരെ ആറു​പേ​രെ​യും വ്യാഴാഴ്‌ച വൈകി​ട്ടത്തെ യോഗ​ത്തി​നു ക്ഷണിക്കു​ക​യും അടുത്തുള്ള ബസ്‌സ്റ്റോ​പ്പിൽനി​ന്നു കൂട്ടി​ക്കൊ​ണ്ടു​പോ​കു​ന്ന​തി​നുള്ള ക്രമീ​ക​ര​ണങ്ങൾ ചെയ്യു​ക​യും ചെയ്‌തു. പറഞ്ഞ സമയത്തു​തന്നെ സഹോ​ദ​രി​യും ഭർത്താ​വും ബസ്‌സ്റ്റോ​പ്പിൽ ചെന്നെ​ങ്കി​ലും അവരെ ആരെയും അവിടെ കണ്ടില്ല. രസകര​മെന്നു പറയട്ടെ, നേര​ത്തേവന്ന ഒരു ബസ്സിൽ കയറി ആ കുടും​ബം ഇതി​നോ​ടകം രാജ്യ​ഹാ​ളിൽ എത്തിയി​രു​ന്നു! ആ കുടും​ബ​ത്തി​ലെ അഞ്ചു​പേ​രും ക്രമമാ​യി ബൈബിൾ പഠിക്കു​ന്നുണ്ട്‌. വളരെ നേരം ബസ്സുയാ​ത്ര ചെയ്‌തു വേണം യോഗ​ങ്ങൾക്കു വരാൻ,  യാത്ര​ച്ചെ​ല​വും കൂടു​ത​ലാണ്‌. എന്നിട്ടും അവർ യോഗ​ങ്ങൾക്കു ഹാജരാ​കു​ന്നു.

ശുശ്രൂ​ഷ​യ്‌ക്കി​ട​യിൽ ഒരു പയനിയർ സഹോ​ദരി ഒരു വീട്ടിൽ ചെന്നു വാതി​ലിൽ മുട്ടി​യെ​ങ്കി​ലും ആരും പുറ​ത്തേക്കു വന്നില്ല. പിന്നീട്‌, സഹോ​ദരി തിരി​കെ​ച്ചെ​ന്ന​പ്പോൾ പ്രായ​മുള്ള ഒരു മനുഷ്യൻ പുറ​ത്തേ​ക്കു​വ​രു​ന്നതു കണ്ടു. തനിക്ക്‌ ഒട്ടും​തന്നെ ചെവി​കേൾക്കാൻ പറ്റാത്ത​തി​നാൽ വാതി​ലിൽ ആരെങ്കി​ലും മുട്ടി​യാൽ ഒന്നുകിൽ കേൾക്കു​ക​യില്ല അല്ലെങ്കിൽ പതിയെ വാതിൽക്കൽ വരു​മ്പോ​ഴേ​ക്കും അവർ പോയി​ട്ടു​ണ്ടാ​കും എന്ന്‌ അദ്ദേഹം പറഞ്ഞു. ആ സഹോ​ദരി അദ്ദേഹ​ത്തിന്‌ ഒരു ജാഗരൂ​കർ ലഘുപ​ത്രിക നൽകി​യി​ട്ടു സഭാ​യോ​ഗ​ങ്ങൾക്കു ക്ഷണിച്ചു.

അന്നത്തെ യോഗ​ത്തിൽ സഹോ​ദരി ഈ അനുഭവം പറഞ്ഞു; എന്നാൽ ഈ പ്രായ​മുള്ള വ്യക്തി സദസ്സി​ലു​ണ്ടെന്നു സഹോ​ദ​രിക്ക്‌ അറിയി​ല്ലാ​യി​രു​ന്നു! ഒരു സഹോ​ദരൻ ഇപ്പോൾ ഈ ലഘുപ​ത്രിക ഉപയോ​ഗിച്ച്‌ അദ്ദേഹ​ത്തി​നു ക്രമമാ​യി അധ്യയനം നടത്തുന്നു. എല്ലാ യോഗ​ങ്ങൾക്കും ഹാജരാ​കു​ന്ന​തു​കൂ​ടാ​തെ സുവാർത്ത പ്രസം​ഗി​ക്കാ​നുള്ള ആഗ്രഹ​വും അദ്ദേഹം പ്രകടി​പ്പി​ച്ചി​ട്ടുണ്ട്‌. ആദ്യത്തെ ആ യോഗ​ത്തി​നു വന്നത്‌ എന്തു​കൊ​ണ്ടാ​ണെന്നു ചോദി​ച്ച​പ്പോൾ, ജാഗരൂ​കർ ആയിരി​ക്കു​വിൻ! ലഘുപ​ത്രിക ഉയർത്തി​പ്പി​ടി​ച്ചു​കൊണ്ട്‌ അദ്ദേഹം പറഞ്ഞു, “ഈ ലഘുപ​ത്രി​ക​യാണ്‌ അതിനു കാരണം.”

ബൈബിൾ വിവർത്ത​നം

1800-കളുടെ അവസാനം മുതൽ യഹോ​വ​യു​ടെ സംഘടന വലിയ അളവിൽ ബൈബിൾ വിലയ്‌ക്കു​വാ​ങ്ങി താത്‌പ​ര്യ​ക്കാർക്കു വിതരണം ചെയ്‌തി​രു​ന്നു, ചില​പ്പോൾ യഥാർഥ വില​യെ​ക്കാൾ 65 ശതമാനം കുറച്ച്‌. 1926 മുതൽ ദി എംഫാ​റ്റിക്‌ ഡയഗ്ലട്ട്‌, ജയിംസ്‌ രാജാ​വി​ന്റെ ഭാഷാ​ന്തരം, അമേരി​ക്കൻ പ്രമാണ ഭാഷാ​ന്തരം തുടങ്ങി​യവ ഉൾപ്പെ​ടെ​യുള്ള ചില ബൈബി​ളു​കൾ നമ്മു​ടെ​തന്നെ അച്ചടി​ശാ​ല​യിൽ സഹോ​ദ​രങ്ങൾ അച്ചടിച്ചു ബയൻഡു​ചെ​യ്യാൻ തുടങ്ങി. അങ്ങനെ​യി​രി​ക്കെ, വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം ഒരൊറ്റ വാല്യ​മാ​യി 1961-ൽ ഇംഗ്ലീ​ഷിൽ പ്രകാ​ശനം ചെയ്യ​പ്പെട്ടു.

മറ്റു ഭാഷകളെ സംബന്ധി​ച്ചെന്ത്‌? 20-ാം നൂറ്റാ​ണ്ടി​ന്റെ പ്രാരം​ഭ​ഘ​ട്ട​ത്തിൽ വ്യത്യസ്‌ത പ്രസി​ദ്ധീ​ക​ര​ണ​ശാ​ല​ക​ളിൽനി​ന്നു ബൈബിൾ വിവർത്ത​നങ്ങൾ വിലയ്‌ക്കു​വാ​ങ്ങി അതേ വിലയ്‌ക്കു വിതരണം ചെയ്‌തി​രു​ന്നു. ഇവയിൽ ചില വിവർത്ത​ന​ങ്ങ​ളിൽ ആത്മാർഥ​ത​യുള്ള വിവർത്തകർ യഹോ​വ​യെന്ന ദൈവ​നാ​മം ഉപയോ​ഗി​ക്കു​ക​പോ​ലും ചെയ്‌തി​രു​ന്നു. എന്നാൽ കാല​ക്ര​മേണ മിക്കവാ​റും വിവർത്ത​ക​രും ദൈവ​നാ​മം തങ്ങളുടെ പരിഭാ​ഷ​ക​ളിൽനി​ന്നു നീക്കി​ക്ക​ളഞ്ഞു. ചിലർ ഇപ്പോൾ ഒരു പടികൂ​ടെ മുന്നോ​ട്ടു​പോ​യി നീക്കം​ചെയ്‌ത ദൈവ​നാ​മ​ത്തി​ന്റെ സ്ഥാനത്ത്‌  ഒരു പ്രാ​ദേ​ശിക ദേവന്റെ പേര്‌ പ്രതി​ഷ്‌ഠി​ച്ചി​രി​ക്കു​ന്നു! ഉദാഹ​ര​ണ​ത്തിന്‌, മലാവി​യി​ലും മൊസാ​മ്പി​ക്കി​ലും സാംബി​യ​യി​ലും ഉപയോ​ഗി​ക്കുന്ന ബൂക്കൂ ലോ​യെറാ എന്ന ചിച്ചവ​ഭാ​ഷ​യി​ലെ ബൈബി​ളിൽ ചതുരക്ഷര ദൈവ​നാ​മ​ത്തി​നു പകരം “മഹാനായ വില്ലാളി” എന്നർഥം വരുന്ന ചൗറ്റാ എന്നൊരു കുല​ദൈ​വ​ത്തി​ന്റെ പേരാണു നൽകി​യി​രി​ക്കു​ന്നത്‌.

മറ്റനവധി ദുഷി​പ്പി​ക്ക​ലു​ക​ളും നടന്നി​ട്ടുണ്ട്‌. ഉദാഹ​ര​ണ​ത്തിന്‌, ആഫ്രി​ക്ക​യി​ലെ ഒരു വിവർത്തനം ലൂക്കൊ​സി​നെ ഒരു മന്ത്രവാദ വൈദ്യ​നാ​യി ചിത്രീ​ക​രി​ക്കു​ന്നു. ടുവാ​ലു​വൻ ഭാഷയി​ലുള്ള ബൈബിൾ അതിരു​ക​വിഞ്ഞ സ്വാത​ന്ത്ര്യം എടുത്തു​കൊണ്ട്‌ യൂദാ 23 ഇപ്രകാ​രം വിവർത്തനം ചെയ്‌തി​രി​ക്കു​ന്നു: “സോ​ദോ​മ്യ​പാ​പി​ക​ളോട്‌ ഉറ്റസ്‌നേഹം കാണി​ക്കുക; അവരുടെ സോ​ദോ​മ്യ​പാ​പം നിങ്ങളെ ബാധി​ക്കാ​തി​രി​ക്കാൻമാ​ത്രം ശ്രദ്ധി​ച്ചേ​ക്കുക.” എന്നാൽ സോ​ദോ​മ്യ​പാ​പി​കൾ എന്നോ സോ​ദോ​മ്യ​പാ​പം എന്നോ മൂല പാഠത്തിൽ കാണു​ന്നേ​യില്ല.

കഴിഞ്ഞ കാലങ്ങ​ളിൽ ബൈബിൾ ഉത്‌പാ​ദി​പ്പി​ക്കു​ന്ന​തി​ലും വിതരണം ചെയ്യു​ന്ന​തി​ലും ബൈബിൾ സൊ​സൈ​റ്റി​ക​ളാ​ണു മുന്നിട്ടു നിന്നി​രു​ന്നത്‌. എന്നാൽ അടുത്ത​കാ​ല​ങ്ങ​ളിൽ ചില ബൈബിൾ സൊ​സൈ​റ്റി​കൾ, അച്ചടി​ക്കു​ന്ന​തി​നും വിതരണം ചെയ്യു​ന്ന​തി​നു​മുള്ള അവരുടെ അവകാശം ക്രൈ​സ്‌തവ മതവി​ഭാ​ഗ​ങ്ങൾക്കു നൽകി​യി​രി​ക്കു​ന്നു. അവർ ഉയർന്ന വില ഈടാ​ക്കു​ന്നു എന്നു മാത്രമല്ല, അവരിൽ ചിലർ യഹോ​വ​യു​ടെ സാക്ഷി​കൾക്കു ബൈബിൾ വിൽക്കാൻ വിസമ്മ​തി​ക്കു​ക​യും ചെയ്യുന്നു. ഉദാഹ​ര​ണ​ത്തിന്‌, കിർഗി​സ്ഥാ​നിൽ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ കിർഗി ഭാഷയി​ലുള്ള ഒരു ആധുനിക വിവർത്ത​ന​ത്തി​ന്റെ അവകാശം ഒരു പ്രൊ​ട്ട​സ്റ്റന്റ്‌ മതത്തി​നാ​ണു​ള്ളത്‌. സഹോ​ദ​രങ്ങൾ ഒരു ബൈബിൾ വാങ്ങാൻ ചെല്ലു​മ്പോൾ സാധാരണ കേൾക്കുന്ന ഒരു ചോദ്യ​മാണ്‌: “നിങ്ങൾ യഹോ​വ​യു​ടെ സാക്ഷി​ക​ളിൽ ഒരാളാ​ണോ?” അതല്ലെ​ങ്കിൽ, “നിങ്ങൾക്കു ദൈവ​ത്തി​ന്റെ പേര്‌ അറിയാ​മോ?” ഉവ്വ്‌ എന്നാണ്‌ ഉത്തര​മെ​ങ്കിൽ അവർക്കു ബൈബിൾ ലഭിക്കില്ല.

ഈ കാരണ​ങ്ങ​ളു​ടെ​യും മറ്റു വസ്‌തു​ത​ക​ളു​ടെ​യും വെളി​ച്ച​ത്തിൽ ബൈബിൾ വിവർത്ത​ന​ത്തി​നു മുൻതൂ​ക്കം നൽകാൻ ഭരണസം​ഘം നിർദേ​ശി​ച്ചി​രി​ക്കു​ന്നു. ഇപ്പോൾ പുതി​യ​ലോക ഭാഷാ​ന്ത​ര​ത്തി​ന്റെ സമ്പൂർണ പതിപ്പ്‌ 35 ഭാഷക​ളിൽ പുറത്തി​റ​ക്കി​യി​രി​ക്കു​ന്നു. ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളാ​കട്ടെ മറ്റ്‌ 20 ഭാഷക​ളിൽക്കൂ​ടെ ലഭ്യമാണ്‌. ലോക​വ്യാ​പ​ക​മാ​യി ഇപ്പോ​ഴുള്ള 33 ബൈബിൾ പരിഭാ​ഷാ സംഘങ്ങ​ളിൽ 19 എണ്ണം എബ്രായ തിരു​വെ​ഴു​ത്തു​ക​ളും 11 എണ്ണം ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളും 3 എണ്ണം റഫറൻസ്‌ ബൈബി​ളും വിവർത്തനം ചെയ്യു​ന്ന​തിൽ ഏർപ്പെ​ട്ടി​രി​ക്കു​ന്നു. സാധാ​ര​ണ​ഗ​തി​യിൽ മൂന്നു മുതൽ ആറുവരെ ആളുക​ളാണ്‌ ഒരു ബൈബിൾ പരിഭാ​ഷാ സംഘത്തിൽ ഉണ്ടായി​രി​ക്കുക. കമ്പ്യൂ​ട്ടർവ​ത്‌കൃത വിവർത്തക  സംവി​ധാ​ന​ങ്ങ​ളും ഉത്‌കൃ​ഷ്ട​മായ രീതി​ക​ളും ഉപയോ​ഗി​ച്ചു ചില സംഘങ്ങൾ രണ്ടു വർഷത്തി​നു​ള്ളിൽ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ പൂർത്തി​യാ​ക്കി​യി​ട്ടുണ്ട്‌.

സ്വന്തം ഭാഷയിൽ പുതി​യ​ലോക ഭാഷാ​ന്തരം ലഭിക്കു​മ്പോൾ സഹോ​ദ​ര​ങ്ങൾക്ക്‌ എന്തു വികാ​ര​മാണ്‌ ഉണ്ടാവുക? അൽബേ​നി​യ​യി​ലെ ഒരു പയനി​യ​റു​ടെ വാക്കുകൾ പലരു​ടെ​യും വികാ​ര​ത്തി​ന്റെ ഒരു പ്രതി​ഫ​ല​ന​മാണ്‌. “ഞാൻ കരഞ്ഞു​പോ​യി, ഇതിനു മുമ്പു ബൈബിൾ വായി​ച്ച​പ്പോൾ ഒരിക്ക​ലും എനിക്കി​ങ്ങനെ തോന്നി​യി​ട്ടില്ല. ഓരോ വാക്യ​വും അരച്ചു​ക​ലക്കി കുടി​ക്കാൻ ഞാൻ ആഗ്രഹി​ക്കു​ന്നു!” അദ്ദേഹം പറഞ്ഞു.

നിയമ​പ​ര​മായ സംഭവ​വി​കാ​സ​ങ്ങൾ

അർമേ​നിയ: 15 അപേക്ഷകൾ നൽകി​യ​തി​നു​ശേഷം അവസാനം 2004 ഒക്ടോബർ 8-ന്‌ യഹോ​വ​യു​ടെ സാക്ഷികൾ നിയമ​പ​ര​മാ​യി രജിസ്റ്റർ ചെയ്യ​പ്പെട്ടു. എന്നുവ​രി​കി​ലും മനസ്സാ​ക്ഷി​പ​ര​മായ കാരണ​ങ്ങ​ളാൽ സൈനിക സേവന​ത്തി​നു വിസമ്മ​തി​ക്കു​ന്നതു നിമിത്തം യുവ സഹോ​ദ​രങ്ങൾ ഇപ്പോ​ഴും തടവി​ലാ​ക്ക​പ്പെ​ടു​ന്നുണ്ട്‌. (യെശ. 2:4) ഈ രജിസ്‌​ട്രേ​ഷന്റെ ഫലമായി നമ്മുടെ സഹോ​ദ​ര​ങ്ങൾക്കു ലഭി​ച്ചേ​ക്കാ​വുന്ന മത സ്വാത​ന്ത്ര്യം സാഹി​ത്യ​ങ്ങൾ ഇറക്കു​മതി ചെയ്യു​ന്ന​തും സമ്മേള​നങ്ങൾ നടത്തു​ന്ന​തും സാധ്യ​മാ​ക്കി​ത്തീർക്കു​മെന്നു പ്രത്യാ​ശി​ക്കു​ന്നു. വാസ്‌ത​വ​ത്തിൽ, ആദ്യമാ​യി അർമേ​നി​യ​യി​ലേക്കു ഔദ്യോ​ഗി​ക​മാ​യി ഇറക്കു​മ​തി​ചെയ്‌ത സാഹി​ത്യ​ങ്ങൾ 2005 ജൂണിൽ കസ്റ്റംസ്‌ അധികാ​രി​കൾ സഹോ​ദ​ര​ങ്ങൾക്കു വിട്ടു​കൊ​ടു​ത്തി​രി​ക്കു​ന്നു.

ഓസ്‌ട്രി​യ: കഴിഞ്ഞ 30 വർഷങ്ങ​ളി​ലേ​റെ​യാ​യി യഹോ​വ​യു​ടെ സാക്ഷികൾ ഒരു യഥാർഥ മതമായി അംഗീ​ക​രി​ക്ക​പ്പെ​ടു​ന്ന​തി​നാ​യുള്ള നിയമ​യു​ദ്ധം നടത്തി​വ​രു​ക​യാണ്‌. ഇതിനാ​യി നൽകിയ അഞ്ചു ഹർജികൾ ഇപ്പോൾ യൂറോ​പ്യൻ മനുഷ്യാ​വ​കാശ കോട​തി​യിൽ ഉണ്ട്‌. അതിൽ രണ്ടു കേസുകൾ പരിഗ​ണി​ക്കാൻ 2005 ഫെബ്രു​വരി 1-ന്‌ കോടതി തീരു​മാ​നി​ച്ചു. യഹോ​വ​യു​ടെ സാക്ഷി​കളെ ഒരു മതമായി അംഗീ​ക​രി​ക്കാ​ത്ത​തി​നാൽ മതശു​ശ്രൂ​ഷ​കർക്ക്‌ അർഹമായ, സൈനിക സേവന​ത്തിൽനി​ന്നുള്ള ഒഴിവു ലഭിക്കാത്ത സഹോ​ദ​രങ്ങൾ ഉൾപ്പെ​ടു​ന്ന​താണ്‌ ഈ കേസുകൾ. മൂന്നാ​മ​തൊ​രു കേസ്‌ പരിഗ​ണ​ന​യ്‌ക്കെ​ടു​ക്കാ​മെന്ന്‌ ജൂലൈ 5-ന്‌ കോടതി സമ്മതി​ച്ചെ​ങ്കി​ലും വിധി എങ്ങനെ​യാ​യി​രി​ക്കും എന്നതി​നെ​പ്പറ്റി യാതൊ​രു സൂചന​യും നൽകു​ക​യു​ണ്ടാ​യില്ല.

എറി​ട്രി​യ: അസ്‌മാ​റ​യി​ലെ സാബാ സഭയിൽ പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും ഉൾപ്പെടെ 38 പേരെ 2004 ജനുവരി 24-ന്‌ അധികാ​രി​കൾ അറസ്റ്റു​ചെ​യ്‌തു. 6 മുതൽ 94 വരെ വയസ്സു പ്രായ​മു​ള്ളവർ ആയിരു​ന്നു അവർ. ചിലർ സ്‌നാ​പ​ന​മേ​റ്റി​ട്ടി​ല്ലാ​യി​രു​ന്നു. മൂന്നു രാത്രി പോലീസ്‌ കസ്റ്റഡി​യിൽ വെച്ചതി​നു​ശേഷം കുട്ടി​കളെ വിട്ടയച്ചു. ശേഷിച്ച 28 പേരെ  അസ്‌മാ​റ​യ്‌ക്കു വെളി​യി​ലുള്ള ഒരു ജയിലി​ലേക്കു മാറ്റി. പകലത്തെ ചൂടും രാത്രി​യി​ലെ തണുപ്പും ഏറ്റുകി​ട​ക്കുന്ന ലോഹ​നിർമി​ത​മായ കണ്ടെയ്‌ന​റു​ക​ളിൽ അവിടെ അവർക്കു കഴി​യേ​ണ്ടി​വന്നു. പിന്നീട്‌, 94-ഉം 87-ഉം വയസ്സുള്ള ഏറ്റവും പ്രായം​ചെന്ന രണ്ടു​പേരെ ഏഴില​ധി​കം മാസങ്ങൾക്കു ശേഷം 2004 സെപ്‌റ്റം​ബർ 2-ന്‌ വിട്ടയച്ചു. തുടർന്നു മറ്റുചി​ല​രെ​യും വിട്ടയ​യ്‌ക്കു​ക​യു​ണ്ടാ​യി. എന്നാൽ ഇവരിൽ 6 പേരെ ഇപ്പോ​ഴും തടങ്കലിൽ വെച്ചി​രി​ക്ക​യാണ്‌. 11 വർഷത്തെ തടവു​ശിക്ഷ വിധി​ച്ചി​രി​ക്കുന്ന 3 പേരുൾപ്പെ​ടെ​യുള്ള മറ്റു 16 സഹോ​ദ​ര​ങ്ങ​ളും ഇവരോ​ടൊ​പ്പ​മുണ്ട്‌. നിങ്ങളു​ടെ പ്രാർഥ​ന​യിൽ ഈ പ്രിയ സഹോ​ദ​ര​ങ്ങ​ളെ​യും ദയവായി ഓർമി​ക്കുക.—പ്രവൃ. 12:5.

ഫ്രാൻസ്‌: 2001-ലെ വാർഷി​ക​പു​സ്‌ത​ക​ത്തിൽ റിപ്പോർട്ടു​ചെ​യ്‌തി​രു​ന്ന​തു​പോ​ലെ സഹോ​ദ​ര​ങ്ങ​ളു​ടെ സംഭാ​വ​ന​യി​ന്മേൽ നാലു​വർഷത്തെ പിൽക്കാ​ല​പ്രാ​ബ​ല്യ​ത്തോ​ടെ (1993-96) ഒരു പുതിയ നികുതി ചുമത്തി. നികു​തി​നി​രക്കു വളരെ കൂടു​ത​ലാ​യി​രു​ന്നു, 60 ശതമാനം. കൂടാതെ പിഴയും! സഹോ​ദ​രങ്ങൾ അപ്പീൽ കൊടു​ത്തെ​ങ്കി​ലും കീഴ്‌കോ​ട​തി​യി​ലും അപ്പീൽക്കോ​ട​തി​യി​ലും സുപ്രീം​കോ​ട​തി​യി​ലും വിധി എതിരാ​യി​രു​ന്നു. പ്രകട​മായ മതവി​വേ​ച​ന​ത്തി​ന്റെ അടിസ്ഥാ​ന​ത്തിൽ യൂറോ​പ്യൻ മനുഷ്യാ​വ​കാശ കോട​തി​യിൽ 2005 ഫെബ്രു​വരി 25-ന്‌ അവർ ഒരു അപേക്ഷ സമർപ്പി​ച്ചു.

ജോർജി​യ റിപ്പബ്ലിക്ക്‌: ക്രൂര​മായ പീഡനം ഏറെക്കു​റെ അവസാ​നി​ച്ചെ​ന്നു​പ​റ​യാം. നമ്മുടെ സാഹി​ത്യ​ങ്ങൾ ഇറക്കു​മതി ചെയ്യാ​നും ക്രിസ്‌തീയ യോഗങ്ങൾ തടസ്സം​കൂ​ടാ​തെ നടത്താ​നും കഴിയു​ന്നുണ്ട്‌. എന്നുവ​രി​കി​ലും നേരത്തേ നടന്ന പല ക്രൂര​ത​കൾക്കും ഇനിയും കോട​തി​കൾ വിധി പറഞ്ഞി​ട്ടില്ല. ജോർജി​യ​യ്‌ക്കെ​തി​രെ യൂറോ​പ്യൻ മനുഷ്യാ​വ​കാശ കോട​തി​യിൽ നൽകി​യി​ട്ടുള്ള നാല്‌ അപേക്ഷകൾ ഇപ്പോ​ഴും നിലവി​ലുണ്ട്‌. ഇവ നമ്മുടെ സഹോ​ദ​രങ്ങൾ സഹി​ക്കേ​ണ്ടി​വന്ന ക്രൂര​പീ​ഡ​ന​ത്തെ​യും നമ്മുടെ നിയമ കോർപ്പ​റേ​ഷ​നു​കൾ റദ്ദാക്കി​യ​തി​നെ​യും ഇക്കാര്യ​ങ്ങ​ളിൽ സഹായം പ്രദാ​നം​ചെ​യ്യാൻ നിയമ​കോ​ട​തി​കൾ പരാജ​യ​പ്പെ​ട്ട​തി​നെ​യും കുറി​ച്ചു​ള്ള​താണ്‌. ഇവയിൽ യഹോ​വ​യു​ടെ സാക്ഷി​ക​ളു​ടെ ഗ്ലഡാനി സഭ ജോർജി​യ​യ്‌ക്ക്‌ എതിരെ എന്ന കേസ്‌ 2004 ജൂലൈ 6-ന്‌ കോടതി പരിഗ​ണ​ന​യ്‌ക്കെ​ടു​ത്തു.

ജർമനി: രാജ്യം ഏകീക​രി​ക്ക​പ്പെ​ട്ട​പ്പോൾ ‘യഹോ​വ​യു​ടെ സാക്ഷി​ക​ളു​ടെ മത സമൂഹം’ ഒരു നിയമാ​നു​സൃത കോർപ്പ​റേഷൻ ആണെന്നു സ്ഥിരീ​ക​രി​ച്ചു കിട്ടണ​മെന്നു സഹോ​ദ​രങ്ങൾ അഭ്യർഥി​ച്ചു. അവിടെ ആരംഭി​ച്ചു 12 വർഷം നീണ്ടു​നിന്ന ഒരു നിയമ​യു​ദ്ധം. 2000-ത്തിലെ ഫെഡറൽ കോൺസ്റ്റി​റ്റ്യൂ​ഷണൽ കോട​തി​യു​ടെ ഒരു അനുകൂല വിധി, യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ മനസ്സാ​ക്ഷി​ക്കു നിരക്കാത്ത നിലയിൽ അവരിൽനി​ന്നു വിശ്വ​സ്‌തത ആവശ്യ​പ്പെ​ടാൻ  ഗവൺമെ​ന്റി​നു കഴിയും എന്ന ആശയം തള്ളിക്ക​ളഞ്ഞു. തുടർന്നു​ണ്ടായ നിയമ​ന​ട​പ​ടി​കൾ കാര്യങ്ങൾ പരിഹ​രി​ക്കു​ന്ന​താ​യി​രു​ന്നു. യഹോ​വ​യു​ടെ സാക്ഷി​കൾക്കു നിയമാ​നു​സൃ​ത​മായ ഒരു കോർപ്പ​റേ​ഷന്റെ അവകാശം അനുവ​ദി​ച്ചു​കൊ​ടു​ക്കാൻ 2005 മാർച്ച്‌ 4-ന്‌ ബെർലി​നി​ലെ ഉയർന്ന അഡ്‌മി​നി​സ്‌​ട്രേ​റ്റിവ്‌ കോടതി പ്രാ​ദേ​ശിക ഗവൺമെ​ന്റിന്‌ ഉത്തരവു നൽകി. ഗവൺമെന്റ്‌ ഈ ഉത്തരവി​നെ​തി​രെ അപ്പീൽകൊ​ടു​ക്കാ​നുള്ള ശ്രമത്തി​ലാണ്‌.

റഷ്യ: 2005-ലെ വാർഷി​ക​പു​സ്‌തകം റിപ്പോർട്ടു​ചെ​യ്‌ത​തു​പോ​ലെ മോസ്‌കോ​യിൽ യഹോ​വ​യു​ടെ സാക്ഷി​ക​ളു​ടെ എല്ലാ പ്രവർത്ത​ന​ങ്ങ​ളും നിരോ​ധി​ക്കാൻ ഗൊ​ലൊ​വിൻസ്‌കി ഇന്റർമു​നി​സി​പ്പൽ ജില്ലാ​ക്കോ​ടതി 2004 മാർച്ച്‌ 26-ന്‌ വിധി​ച്ചി​രു​ന്നു. അതിനു​ശേഷം യോഗ​ങ്ങൾക്കും വലിയ കൂടി​വ​ര​വു​കൾക്കും വേണ്ടി കെട്ടി​ട​ങ്ങ​ളും മറ്റും വാടക​യ്‌ക്കു ലഭിക്കു​ന്നത്‌ ഒരു പ്രശ്‌ന​മാ​യി​ത്തീർന്നു. എന്നാൽ അഞ്ച്‌ ഓഡി​റ്റോ​റി​യ​ങ്ങ​ളുള്ള ഒരു രാജ്യ​ഹാൾ കോം​പ്ല​ക്‌സ്‌ സഹോ​ദ​ര​ങ്ങൾക്കുണ്ട്‌. അവിടെ 44 സഭകളും 2 ഗ്രൂപ്പു​ക​ളും യോഗങ്ങൾ നടത്തുന്നു. മോസ്‌കോ​യി​ലുള്ള 17 സഭകൾ ഗണ്യമായ പണച്ചെ​ല​വും അസൗക​ര്യ​ങ്ങ​ളും സഹിച്ചു നഗരത്തി​നു പുറത്തു യോഗ​ങ്ങൾക്കു കൂടി​വ​രു​ന്നു. അതേസ​മയം മറ്റു 31 സഭകൾ ചെറിയ കൂട്ടങ്ങ​ളാ​യി സ്വകാര്യ ഭവനങ്ങ​ളിൽവെച്ചു യോഗങ്ങൾ നടത്തുന്നു. പോലീസ്‌ ഇടയ്‌ക്കൊ​ക്കെ അവരെ ശല്യ​പ്പെ​ടു​ത്തി​യി​ട്ടു​ണ്ടെ​ങ്കി​ലും ആരെയും അറസ്റ്റു​ചെ​യ്‌തി​ട്ടില്ല. മാർച്ച്‌ 26-ലെ വിധി​ക്കെ​തി​രെ അപ്പീൽ കൊടു​ത്തി​ട്ടുണ്ട്‌.

2004 സെപ്‌റ്റം​ബർ 9-ന്‌ യൂറോ​പ്യൻ മനുഷ്യാ​വ​കാശ കോടതി കുസ്‌നെ​റ്റ്‌സോ​ഫും മറ്റുള്ള​വ​രും റഷ്യൻ ഫെഡ​റേ​ഷന്‌ എതിരെ എന്ന കേസിന്റെ വാദം​കേട്ടു. ഒക്ടോബർ 4-ന്‌ കോടതി ഐകക​ണ്‌ഠ്യേന ഈ കേസ്‌ പരിഗ​ണ​ന​യ്‌ക്കെ​ടു​ത്തു. ചെൽയാ​ബിൻസ്‌കി​ലെ ഒരു ആംഗ്യ​ഭാ​ഷാ സഭയുടെ യോഗം പിരി​ച്ചു​വി​ടാൻ 2000 ഏപ്രിൽ മാസത്തിൽ പോലീ​സിന്‌ ഓർഡർ നൽകിയ ഒരു അധികാ​രി​യെ സംബന്ധി​ക്കു​ന്ന​താ​യി​രു​ന്നു ഈ കേസ്‌. നേരത്തേ നടന്ന വിചാ​ര​ണ​യിൽ ഉണ്ടായ പല ക്രമ​ക്കേ​ടു​ക​ളും നിമിത്തം ഈ കേസ്‌ അങ്ങേയറ്റം സങ്കീർണ​മാണ്‌. വിധി വരാനി​രി​ക്കു​ന്ന​തേ​യു​ള്ളൂ.

തുർക്ക്‌മെ​നി​സ്ഥാൻ: മനസ്സാ​ക്ഷി​പ​ര​മായ കാരണ​ങ്ങ​ളാൽ സൈനിക സേവന​ത്തി​നു വിസമ്മ​തി​ച്ച​തി​ന്റെ പേരിൽ മാൻസൂർ മഷാരി​പോഫ്‌, ആറ്റാമൂ​റാറ്റ്‌ സൂഫ്‌ഖാ​നോഫ്‌, വെപാ റ്റൂവ​ക്കോഫ്‌ എന്നീ സഹോ​ദ​ര​ങ്ങളെ 18 മാസ​ത്തേക്കു തടങ്കലിൽ അടച്ചു, ബെഗഞ്ച്‌ ഷാഖ്‌മൂ​ര​ഡോ​ഫി​നെ ഒരു വർഷ​ത്തേ​ക്കും. ഈ നാലു സഹോ​ദ​ര​ങ്ങ​ളെ​യും നിരു​പാ​ധി​കം വിട്ടയ​യ്‌ക്കാൻ ആവശ്യ​പ്പെ​ട്ടു​കൊ​ണ്ടു 2005 ഫെബ്രു​വരി 16-ന്‌ യഹോ​വ​യു​ടെ സാക്ഷി​ക​ളു​ടെ ലീഗൽ ഓഫീ​സിൽനിന്ന്‌ വാഷി​ങ്‌ടൻ ഡി.സി.-യിലെ തുർക്ക്‌മെ​നി​സ്ഥാൻ എംബസിക്ക്‌ ഒരു കത്തയച്ചു.  തുർക്ക്‌മെ​നി​സ്ഥാൻ പ്രസി​ഡന്റ്‌ നൽകിയ ഒരു പൊതു​മാ​പ്പി​ന്റെ അടിസ്ഥാ​ന​ത്തിൽ അവരെ എല്ലാവ​രെ​യും ഏപ്രിൽ 16-ന്‌ വിട്ടയച്ചു. കഴിഞ്ഞ വർഷം പല സഹോ​ദ​രീ​സ​ഹോ​ദ​ര​ന്മാ​രെ​യും അവരുടെ വിശ്വാ​സം തള്ളിപ്പ​റ​യാൻ സമ്മർദം ചെലു​ത്തു​ന്ന​തി​നാ​യി പോലീസ്‌ തടഞ്ഞു​വെച്ചു ചോദ്യം ചെയ്‌തെ​ങ്കി​ലും ഈ ശ്രമം വിഫല​മാ​യി​പ്പോ​യി.

പ്രകൃതി വിപത്തു​ക​ളു​ടെ ഒരു വർഷം

ചില ദേശങ്ങ​ളിൽ 2004 എന്ന വർഷം പ്രകൃതി വിപത്തു​ക​ളു​ടെ ഒരു പുതിയ ചരിത്രം സൃഷ്ടിച്ചു. ഈ ദുരന്തങ്ങൾ നമ്മുടെ സഹോ​ദ​ര​ങ്ങളെ എങ്ങനെ​യാ​ണു ബാധി​ച്ചത്‌?

കരിയക്കൂ, ഗ്രനേഡ, പെറ്റിറ്റ്‌ മാർട്ടി​നിക്‌: 2004 സെപ്‌റ്റം​ബർ 7-ന്‌ ഈ ദ്വീപു​കളെ പ്രഹരിച്ച ഐവാൻ എന്ന ചുഴലി​ക്കൊ​ടു​ങ്കാറ്റ്‌ 90 ശതമാ​ന​ത്തി​ല​ധി​കം വീടു​കളെ ഭാഗി​ക​മാ​യോ പരിപൂർണ​മാ​യോ നശിപ്പി​ച്ചു. അതി​നെ​ത്തു​ടർന്നു വൻകൊള്ള നടന്നു. സാധ്യ​ത​യ​നു​സ​രിച്ച്‌ ചുഴലി​ക്കൊ​ടു​ങ്കാ​റ്റു വരുത്തി​വച്ച അത്രയും​തന്നെ നഷ്ടത്തിന്‌ അതിട​യാ​ക്കി! ദുരന്ത​ത്തിൽ സഹോ​ദ​ര​ങ്ങൾക്കു സ്വത്തുക്കൾ എല്ലാം​തന്നെ നഷ്ടമായി, ഗ്രനേ​ഡ​യി​ലെ ആറു രാജ്യ​ഹാ​ളു​ക​ളിൽ രണ്ടെണ്ണ​ത്തി​നു കാര്യ​മായ കേടു​പാ​ടു​ക​ളും പറ്റി. എന്നാൽ സഹോ​ദ​ര​ങ്ങൾക്കാർക്കും ഗുരു​ത​ര​മായ പരുക്കു​ക​ളി​ല്ലാ​യി​രു​ന്നു.

ആ പ്രദേ​ശത്ത്‌ ഇതിനു​മു​മ്പു ചുഴലി​ക്കൊ​ടു​ങ്കാറ്റ്‌ ഉണ്ടായത്‌ 1955-ൽ ആയിരു​ന്നെ​ങ്കി​ലും ചുഴലി​ക്കൊ​ടു​ങ്കാ​റ്റി​നു​വേണ്ടി തയ്യാ​റെ​ടു​ക്കാൻ സഹായി​ക്കുന്ന ഒരു സേവന​യോഗ പരിപാ​ടി ക്രമീ​ക​രി​ക്കാൻ ആ ദ്വീപു​ക​ളി​ലെ വേലയ്‌ക്കു മേൽനോ​ട്ടം വഹിക്കുന്ന ബാർബ​ഡോസ്‌ ബ്രാഞ്ച്‌ മുന്ന​മേ​തന്നെ അവിടത്തെ സഭകൾക്കു നിർദേശം നൽകി​യി​രു​ന്നു. “ഇതി​നെ​ക്കാൾ പ്രാധാ​ന്യ​മേ​റിയ കാര്യങ്ങൾ ഉള്ളപ്പോൾ നാം എന്തിനാ ചുഴലി​ക്കൊ​ടു​ങ്കാ​റ്റി​നെ​പ്പറ്റി ചർച്ച​ചെ​യ്‌തു സമയം കളയു​ന്നത്‌?” എന്നു ഗ്രനേ​ഡ​യി​ലെ ഒരു സഹോ​ദരി ചോദി​ച്ചു. എന്നാൽ ഐവാ​നി​ന്റെ പ്രഹര​ത്തി​നു​ശേഷം, സംഘട​നാ​പ​ര​മായ നിർദേ​ശ​ങ്ങളെ ഒരിക്ക​ലും ചോദ്യം ചെയ്യു​ക​യി​ല്ലെന്ന്‌ ആ സഹോ​ദരി ദൃഢനി​ശ്ച​യം​ചെ​യ്‌തെന്നു പറയേ​ണ്ട​തി​ല്ല​ല്ലോ! ഉടനടി ബ്രാഞ്ച്‌ ഒരു ദുരി​താ​ശ്വാ​സ കമ്മിറ്റി രൂപീ​ക​രി​ച്ചു, ഗയാന​യി​ലും ട്രിനി​ഡാ​ഡി​ലും ഉള്ള ബ്രാഞ്ചു​ക​ളും സഹായ​ഹ​സ്‌തം നീട്ടി. കരീബി​യൻ ദ്വീപു​ക​ളി​ലും ഐക്യ​നാ​ടു​ക​ളി​ലും നിന്നുള്ള നൂറു കണക്കിനു സഹോ​ദ​രങ്ങൾ പുനർനിർമാണ പരിപാ​ടി​യിൽ സഹായി​ച്ചു.

ജമെയ്‌ക്ക, കേയ്‌മൻ ദ്വീപു​കൾ: ഐവാൻ ചുഴലി​ക്കൊ​ടു​ങ്കാ​റ്റു സഹോ​ദ​ര​ങ്ങ​ളിൽ ആരു​ടെ​യും ജീവൻ അപഹരി​ച്ചി​ല്ലെ​ങ്കി​ലും പലർക്കും അവരുടെ സ്വത്തുക്കൾ നഷ്ടമായി. കാലാവസ്ഥ മെച്ച​പ്പെ​ട്ട​യു​ടൻ ആ ദ്വീപു​ക​ളി​ലെ 199 സഭകളി​ലെ​യും മൂപ്പന്മാർ പ്രസാ​ധ​ക​രു​മാ​യി  ബന്ധപ്പെട്ടു. “യഥാർഥ​ത്തിൽ പരസ്‌പരം കരുതു​ന്നവർ ആണു നിങ്ങൾ,” ഒരു ദൃക്‌സാ​ക്ഷി പറഞ്ഞു.

ഹെയ്‌റ്റി: സെപ്‌റ്റം​ബ​റി​ന്റെ മധ്യത്തിൽ, ജീൻ എന്ന ചുഴലി​ക്കൊ​ടു​ങ്കാറ്റ്‌ ഹെയ്‌റ്റി​യു​ടെ വടക്കു​ഭാ​ഗ​ത്തേക്കു ചീറി​യ​ടു​ത്ത​പ്പോൾ തീര​പ്ര​ദേ​ശത്തെ ഗൊണാ​ഈ​വ്‌സ്‌ എന്ന പട്ടണവും ചുറ്റു​മുള്ള പ്രദേ​ശ​ങ്ങ​ളും വെള്ളത്തിൽ മുങ്ങി​പ്പോ​യി. പുരമു​ക​ളിൽ അഭയം തേടി​യ​വർപോ​ലും മുട്ടൊ​പ്പം വെള്ളത്തി​ലാ​യി! “വീടുകൾ നിലം​പ​തി​ക്കു​ന്ന​തും ആളുകൾ നിലവി​ളി​ക്കു​ന്ന​തും രാത്രി മുഴുവൻ ഞങ്ങൾക്കു കേൾക്കാ​മാ​യി​രു​ന്നു” എന്ന്‌ ഒരു സഹോ​ദരൻ പറയുന്നു. ആ പ്രളയം 83 വയസ്സുള്ള ഒരു സഹോ​ദ​രി​യുൾപ്പെടെ ഏകദേശം 2,900 പേരുടെ ജീവ​നെ​ടു​ത്തു.

ഒരു സഹോ​ദരൻ പറയുന്നു: “ഞങ്ങളുടെ കുടും​ബം സ്വത്തു​ക്ക​ളെ​ല്ലാം ഉപേക്ഷി​ച്ചു രക്ഷപ്പെ​ട്ട​ല്ലോ എന്നോർത്തു ഞാൻ യഹോ​വ​യ്‌ക്കു നന്ദി പറയുന്നു.” ഏതാനും ദിവസ​ങ്ങൾക്കകം അയൽപ​ട്ട​ണ​ങ്ങ​ളി​ലുള്ള സഹോ​ദ​രങ്ങൾ ഭക്ഷണവും ശുദ്ധജ​ല​വും എത്തിച്ചു, ബ്രാഞ്ച്‌ ഓഫീസ്‌ ഒരു ട്രക്കു​നി​റയെ അവശ്യ​സാ​ധ​നങ്ങൾ കൊണ്ടു​വന്നു വിതര​ണം​ചെ​യ്‌തു. ശുചീ​ക​ര​ണ​പ്ര​വർത്ത​ന​ങ്ങ​ളിൽ ഏർപ്പെ​ട്ടി​രു​ന്നി​ട്ടും ആഴ്‌ച​യു​ടെ അവസാ​ന​ത്തോ​ടെ എല്ലാവ​രും യോഗ​ങ്ങൾക്കു വരുക​യും പ്രസം​ഗ​വേ​ല​യിൽ പങ്കുപ​റ്റു​ക​യും ചെയ്‌തു. “നാൽപതു സ്വമേ​ധയാ സേവകർ നാലു ദിവസം ചെലവ​ഴിച്ച്‌ എന്റെ വീടു നന്നാക്കി” എന്ന്‌ ഒരു സഹോ​ദരി പറയുന്നു. “അവർ വീടു പെയി​ന്റു​ചെ​യ്യു​ക​പോ​ലും ചെയ്‌തു! സാക്ഷി​ക​ള​ല്ലാത്ത എന്റെ കുടും​ബാം​ഗ​ങ്ങ​ളിൽ ഇതെല്ലാം അങ്ങേയറ്റം വിലമ​തിപ്പ്‌ ഉളവാക്കി. അവരിൽ ഒരാൾ ഇപ്പോൾ ബൈബിൾ പഠിക്കാൻ തുടങ്ങി​യി​ട്ടുണ്ട്‌.”

ഐക്യ​നാ​ടു​കൾ: ചാർളി, ഫ്രാൻസസ്‌, ഐവാൻ, ജീൻ എന്നീ നാലു ചുഴലി​ക്കൊ​ടു​ങ്കാ​റ്റു​ക​ളാ​ണു 2004 ആഗസ്റ്റി​ലും സെപ്‌റ്റം​ബ​റി​ലു​മാ​യി ഫ്‌ളോ​റി​ഡയെ പ്രഹരി​ച്ചത്‌. a സഹോ​ദ​ര​ങ്ങ​ളു​ടെ 4,300-ലധികം വീടു​കൾക്കും കുറഞ്ഞതു പത്തു രാജ്യ​ഹാ​ളു​കൾക്കും കേടു​പറ്റി. ഈ ദുരന്ത​ത്തെ​ത്തു​ടർന്നു ഫ്‌ളോ​റി​ഡ​യി​ലെ അടിയ​ന്തിര പ്രവർത്തന കമ്മിറ്റി​യു​ടെ അധ്യക്ഷൻ അവർ പ്രദാ​നം​ചെയ്‌ത സാധനങ്ങൾ ശരിയാ​യി വിതരണം ചെയ്യ​പ്പെ​ടു​ന്നു​ണ്ടോ എന്നു പരി​ശോ​ധി​ച്ചു. യഹോ​വ​യു​ടെ സാക്ഷി​ക​ളെ​പ്പോ​ലെ അത്ര നന്നായി മറ്റാരും സംഘടി​ച്ചി​ട്ടി​ല്ലെ​ന്നും അവർക്കു വേണ്ട എല്ലാ സാധന​ങ്ങ​ളും നൽകാ​മെ​ന്നും ദുരി​താ​ശ്വാ​സ കമ്മിറ്റി​യോട്‌ അദ്ദേഹം പറഞ്ഞു.

ഒരു സഭ താത്‌കാ​ലി​ക​മാ​യി ഒരു കെട്ടിടം വാടക​യ്‌ക്കെ​ടുത്ത്‌ ഓരോ യോഗ​ത്തി​നും 50 ഡോളർ വീതം നൽകി ഉപയോ​ഗി​ച്ചു​വ​രി​ക​യാ​യി​രു​ന്നു. ആദ്യത്തെ ചുഴലി​ക്കൊ​ടു​ങ്കാ​റ്റിൽ ഈ കെട്ടി​ട​ത്തി​നും കേടു​പറ്റി.  കെട്ടിടം നന്നാക്കു​ന്ന​തി​നാ​യി പണിക്കാ​രെ കൂട്ടി​യെ​ങ്കി​ലും അവർ പണി പൂർത്തി​യാ​ക്കി​യില്ല. ഉടമസ്ഥ​രു​ടെ അനുവാ​ദ​ത്തോ​ടെ സഹോ​ദ​ര​ങ്ങൾതന്നെ ബാക്കി പണികൾ പ്രതി​ഫലം പറ്റാതെ ചെയ്‌തു​തീർത്തു. നന്ദിസൂ​ച​ക​മാ​യി ഉടമസ്ഥർ മൂന്നു മാസത്തെ വാടക വാങ്ങി​യില്ല.

ജപ്പാൻ: “രേഖകൾ സൂക്ഷി​ക്കാൻ തുടങ്ങിയ 1551 മുതൽ ജപ്പാനിൽ ഏറ്റവു​മ​ധി​കം ചുഴലി​ക്കൊ​ടു​ങ്കാ​റ്റു​കൾ അടിച്ചത്‌ [2004-ൽ] ആണ്‌” എന്ന്‌ ഒരു വാർത്താ വിവരണം പറയുന്നു. നിഗാ​ട്ടാ​യി​ലെ​യും ഫൂക്കൂ​യി​യി​ലെ​യും അതിരൂ​ക്ഷ​മായ കാലാ​വ​സ്ഥ​യു​ടെ ഫലമായി ഒരു രാജ്യ​ഹാ​ളും സഹോ​ദ​ര​ങ്ങ​ളു​ടെ 60 വീടു​ക​ളു​മ​ടക്കം 34,000-ത്തിലധി​കം വീടു​ക​ളും മറ്റു കെട്ടി​ട​ങ്ങ​ളും തകർന്നു. അയൽസ​ഭ​ക​ളിൽനി​ന്നുള്ള നൂറു​ക​ണ​ക്കി​നു സഹോ​ദ​രങ്ങൾ സഹായി​ക്കാ​നാ​യി പാഞ്ഞെത്തി. രണ്ടാഴ്‌ച​യ്‌ക്കു​ള്ളിൽ ആ രാജ്യ​ഹാൾ പുനർനിർമി​ച്ചു.

രാജ്യ​ഹാ​ളിന്‌ അടുത്തു താമസി​ക്കുന്ന സാക്ഷി​ക​ള​ല്ലാ​ത്ത​വ​രു​ടെ വീടു​ക​ളും വൃത്തി​യാ​ക്കാ​നും രോഗാ​ണു​വി​മു​ക്ത​മാ​ക്കാ​നും സഹോ​ദ​രങ്ങൾ സഹായി​ച്ചു. രാജ്യ​സ​ന്ദേ​ശ​ത്തോട്‌ എതിർപ്പു പ്രകടി​പ്പി​ച്ചി​രുന്ന ഒരു വ്യക്തി വികാ​ര​നിർഭ​ര​നാ​യി വിതു​മ്പി​പ്പോ​യി. പ്രാ​ദേ​ശിക ഗവൺമെന്റ്‌ സഹോ​ദ​ര​ങ്ങ​ളു​ടെ ശ്രമത്തെ അഭിന​ന്ദി​ച്ചു​കൊണ്ട്‌ ദുരി​താ​ശ്വാ​സ കമ്മിറ്റിക്ക്‌ ഒരു വിലമ​തി​പ്പിൻ കത്തു​പോ​ലും അയച്ചു.

സെപ്‌റ്റം​ബ​റി​ലും ഒക്ടോ​ബ​റി​ലും ജപ്പാനു കുറുകെ ആഞ്ഞടിച്ച രണ്ടു ചുഴലി​ക്കൊ​ടു​ങ്കാ​റ്റു​ക​ളെ​ത്തു​ടർന്നു​ണ്ടായ വെള്ള​പ്പൊ​ക്ക​ത്തി​ലും ഉരുൾപൊ​ട്ട​ലി​ലും ഒരു സഹോ​ദ​ര​നും സഹോ​ദ​രി​യും മരണമ​ട​യു​ക​യും ഏകദേശം 100 സാക്ഷികൾ ക്ലേശം അനുഭ​വി​ക്കു​ക​യും ചെയ്‌തു. ഹ്യോ​ഗോ​യി​ലുള്ള ടൊ​യോ​ക്കാ നഗരം വെള്ളത്തിൽ ആണ്ടു​പോ​യി. സ്വന്തം താമസ​സ്ഥലം വെള്ളത്തിൽ ആയിരു​ന്നി​ട്ടു​പോ​ലും സർക്കിട്ടു മേൽവി​ചാ​രകൻ ദുരി​താ​ശ്വാ​സ പ്രവർത്ത​നങ്ങൾ ഏകോ​പി​പ്പി​ക്കു​ന്ന​തിൽ സഹായി​ച്ചു.

ഒരു പയനിയർ സഹോ​ദ​രി​യു​ടെ അപ്പാർട്ടു​മെ​ന്റിൽ ഒരു മീറ്ററിൽ അധികം ഉയരത്തിൽ ചെളി​വെള്ളം കയറി. വെള്ളം വാർന്നു​പോയ ഉടനെ പ്രാ​ദേ​ശിക സഭയിലെ പ്രസാ​ധകർ വീട്‌ ഉരച്ചു​ക​ഴു​കി വൃത്തി​യാ​ക്കി. സാക്ഷി​യ​ല്ലാത്ത ഉടമസ്ഥന്റെ ഹൃദയത്തെ അത്‌ ആഴമായി സ്‌പർശി​ച്ചു. ആ സഹോ​ദരി ഇപ്രകാ​രം പറഞ്ഞു: “യഹോ​വ​യു​ടെ സംഘട​ന​യു​ടെ ദുരി​താ​ശ്വാ​സ പ്രവർത്ത​ന​ത്തെ​പ്പറ്റി ഇതുവരെ കേട്ടിട്ടേ ഉണ്ടായി​രു​ന്നു​ള്ളൂ. ഇപ്പോ​ഴി​താ ഞാൻ അതു നേരിട്ട്‌ അനുഭ​വി​ച്ചി​രി​ക്കു​ന്നു. നമ്മുടെ ദൈവ​മായ യഹോ​വ​യി​ലും അവന്റെ സംഘട​ന​യി​ലും ഞാൻ അഭിമാ​നം​കൊ​ള്ളു​ന്നു.”

ഉത്തര ജപ്പാനെ പിടി​ച്ചു​ലച്ച വലിയ ഒരു ഭൂകമ്പ​വും ഒക്ടോ​ബ​റിൽ ഉണ്ടായി. ഇതിൽ 40 പേർ മരിക്കു​ക​യും 1,00,000-ത്തിൽ അധികം പേർക്കു വീടു​വി​ട്ടു പോ​കേ​ണ്ടി​വ​രു​ക​യും ചെയ്‌തു. സഹോ​ദ​ര​ങ്ങ​ളു​ടെ  200-ലധികം കുടും​ബ​ങ്ങളെ ഇതു ബാധി​ക്കു​ക​യും ഒരു രാജ്യ​ഹാൾ ഉപയോ​ഗ​ശൂ​ന്യ​മാ​യി​ത്തീ​രു​ക​യും ചെയ്‌തെ​ങ്കി​ലും ആർക്കും ജീവഹാ​നി സംഭവി​ക്കു​ക​യോ പരി​ക്കേൽക്കു​ക​യോ ചെയ്‌തില്ല. ഭൂചലനം ആരംഭി​ച്ച​പ്പോൾ ആ സർക്കി​ട്ടി​ലുള്ള മൂപ്പന്മാർ ഒരു സർക്കിട്ട്‌ സമ്മേള​ന​ത്തി​നു തയ്യാറാ​കാൻ കൂടി​വ​ന്നി​രി​ക്കു​ക​യാ​യി​രു​ന്നു. അവർ എന്തു ചെയ്‌തു? ബ്രാഞ്ച്‌ ഓഫീ​സിൽനി​ന്നും മേഖലാ നിർമാണ കമ്മിറ്റി​യിൽനി​ന്നും ലഭിച്ച നിർദേ​ശ​ങ്ങൾക്ക്‌ അനുസൃ​ത​മാ​യി സത്വരം ദുരി​താ​ശ്വാ​സ പ്രവർത്ത​നങ്ങൾ സംഘടി​പ്പി​ക്കാൻ തുടങ്ങി. “ഈ സംഭവങ്ങൾ സംബന്ധിച്ച്‌ ഒരു ആത്മീയ വീക്ഷണം ഉണ്ടായി​രി​ക്കാ​നുള്ള ഓർമി​പ്പി​ക്കൽ ഞങ്ങൾക്കു ലഭിച്ചു” എന്ന്‌ ഒരു മൂപ്പൻ പറയുന്നു. സർക്കിട്ട്‌ സമ്മേളനം നടന്നു എന്നു മാത്രമല്ല ഭൂകമ്പ​ബാ​ധിത പ്രദേ​ശ​ത്തു​ള്ള​വ​രും ഹാജരാ​കു​ക​യും ചെയ്‌തു.

“ആ ഭൂമി​കു​ലു​ക്കം എന്റെ ഭർത്താ​വി​ന്റെ ഹൃദയ​ത്തെ​യാ​ണു കുലു​ക്കി​യത്‌” എന്ന്‌ വിശ്വാ​സി​യ​ല്ലാത്ത ഭർത്താ​വുള്ള ഒരു സഹോ​ദരി പറയുന്നു. അവരുടെ വീടി​നും ഭൂകമ്പ​ത്തിൽ കേടു​പ​റ്റി​യി​രു​ന്നു. ദുരി​താ​ശ്വാ​സ പ്രവർത്ത​ന​ങ്ങ​ളിൽ ക്രിസ്‌തീയ സ്‌നേ​ഹ​ത്തി​ന്റെ പ്രകടനം ദർശിച്ച ഭർത്താവു ജീവി​ത​ത്തിൽ ആദ്യമാ​യി ഒരു സഭാ​യോ​ഗ​ത്തി​നു ഹാജരാ​യി. “നിങ്ങളു​ടെ സംഘട​നയെ എനിക്കു പരിപൂർണ​മാ​യി വിശ്വ​സി​ക്കാം” എന്ന്‌ അദ്ദേഹം പറഞ്ഞു. “അത്‌ ഒരിക്ക​ലും ഞങ്ങളെ നിരാ​ശ​പ്പെ​ടു​ത്തു​ക​യില്ല.”

ഫിലി​പ്പീൻസ്‌: കേസോൺ, അറോറ എന്നീ പ്രദേ​ശ​ങ്ങ​ളിൽ 2004-ന്റെ അവസാ​ന​ത്തോ​ടെ ചുഴലി​ക്കൊ​ടു​ങ്കാ​റ്റു​കൾ ആഞ്ഞടി​ച്ച​പ്പോൾ ചെളി​യും  വെള്ളവും കൊണ്ടു വീടു മൂട​പ്പെ​ട്ട​തി​നെ​ത്തു​ടർന്നു നാലു കുട്ടി​ക​ള​ട​ങ്ങുന്ന ഒരു സാക്ഷി​ക്കു​ടും​ബം മരണമ​ടഞ്ഞു. കേസോ​ണിൽ പെട്ടെ​ന്നൊ​രു വെള്ള​പ്പൊ​ക്കം ഉണ്ടായ​പ്പോൾ ഫിലിമൻ മാരി​സ്റ്റെലാ എന്ന സർക്കിട്ട്‌ മേൽവി​ചാ​രകൻ അവിടെ ഉണ്ടായി​രു​ന്നു. “നിമി​ഷ​ങ്ങൾക്കു​ള്ളിൽ രാജ്യ​ഹാൾ വെള്ളത്തി​ന​ടി​യി​ലാ​യി” എന്ന്‌ അദ്ദേഹം എഴുതു​ന്നു. “എന്റെ ജീപ്പും വെള്ളത്തിൽ ഒഴുകി​പ്പോ​യി. രാജ്യ​ഹാ​ളി​ന്റെ ഇറമ്പു വരെ വെള്ളം ഉയർന്ന​തി​നാൽ എനിക്കും ഭാര്യ​ക്കും മറ്റു രണ്ടു സഹോ​ദ​ര​ന്മാർക്കും രാത്രി മുഴുവൻ ഹാളിന്റെ മേൽക്കൂ​ര​യ്‌ക്കു മുകളിൽ കഴി​യേ​ണ്ടി​വന്നു. പിറ്റേന്ന്‌ ഉച്ചകഴിഞ്ഞ്‌ 3 മണിക്കു ഞാൻ താഴെ ഇറങ്ങി​യ​പ്പോൾ നെഞ്ചി​നൊ​പ്പം വെള്ളമു​ണ്ടാ​യി​രു​ന്നു.”

അപകട​ക​ര​മാ​യ ഈ ഘട്ടത്തിൽപ്പോ​ലും പ്രസാ​ധകർ എല്ലാവ​രും സുഖമാ​യി​രി​ക്കു​ന്നു​വോ എന്നറി​യാൻ മാരി​സ്റ്റെലാ സഹോ​ദരൻ അവരെ അന്വേ​ഷി​ച്ചു​ചെന്നു. അറോ​റ​യി​ലെ ഡിങ്‌ഗാ​ലാൻ എന്ന സ്ഥലത്തെ ഒരു മൂപ്പനു ഹെലി​ക്കോ​പ്‌റ്റ​റി​ന്റെ സഹായ​ത്താൽ സുരക്ഷിത സ്ഥാന​ത്തേക്കു പോകാൻ അവസരം ലഭി​ച്ചെ​ങ്കി​ലും തന്റെ ക്രിസ്‌തീയ സഹോ​ദ​ര​ങ്ങളെ സഹായി​ക്കാൻ അവി​ടെ​ത്തന്നെ തുടരാൻ അദ്ദേഹം തീരു​മാ​നി​ച്ചു.

രേഖ​പ്പെ​ടു​ത്തി​യി​ട്ടു​ള്ള​തിൽവെച്ച്‌ ഏറ്റവും വിനാ​ശ​ക​ര​മായ സുനാമി

2004 ഡിസംബർ 26-ന്‌ ഇന്തൊ​നീ​ഷ്യ​യി​ലെ വടക്കൻ സുമാ​ട്ര​യു​ടെ പടിഞ്ഞാ​റെ തീരത്തി​ന​ടു​ത്താ​യി റിക്ടർ സ്‌കെ​യി​ലിൽ 9.0 രേഖ​പ്പെ​ടു​ത്തിയ ഒരു ഭൂകമ്പ​മു​ണ്ടാ​യി. രേഖ​പ്പെ​ടു​ത്തി​യി​ട്ടുള്ള ചരി​ത്ര​ത്തി​ലെ ഏറ്റവും വിനാ​ശ​ക​ര​മായ സുനാ​മിക്ക്‌ അത്‌ തിരി​കൊ​ളു​ത്തി. 2,80,000-ത്തിലധി​കം പേർ മരിക്കു​ക​യോ കാണാ​താ​വു​ക​യോ ചെയ്‌തി​ട്ടു​ണ്ടെന്നു കണക്കാ​ക്ക​പ്പെ​ടു​ന്നു. ഇന്ത്യൻ മഹാസ​മു​ദ്ര​ത്തി​ന്റെ പടിഞ്ഞാ​റുള്ള ആഫ്രി​ക്ക​യി​ലെ സൊമാ​ലി​യൻ തീരത്തു​പോ​ലും തിരമാ​ലകൾ ഏതാണ്ട്‌ 290 പേരുടെ ജീവൻ അപഹരി​ച്ചു.

ഇന്തൊ​നീ​ഷ്യ: ഏറ്റവും അധികം പേരുടെ ജീവൻ നഷ്ടപ്പെ​ട്ടത്‌ ഈ രാജ്യ​ത്താ​യി​രു​ന്നെ​ങ്കി​ലും സഹോ​ദ​ര​ങ്ങ​ളോ താത്‌പ​ര്യ​ക്കാ​രോ മരിച്ചില്ല. സുനാ​മി​ത്തി​രകൾ ആഖി എന്ന പ്രദേ​ശത്തെ താറു​മാ​റാ​ക്കി. അവി​ടെ​യു​ണ്ടാ​യി​രുന്ന സഹോ​ദ​രങ്ങൾ അവിടത്തെ അക്രമ​പ്ര​വർത്ത​നങ്ങൾ കാരണം മുന്ന​മേ​തന്നെ ഉൾപ്ര​ദേ​ശ​ങ്ങ​ളി​ലേക്കു മാറി​ത്താ​മ​സി​ച്ചി​രു​ന്നു. നിയാസ്‌ എന്ന ദ്വീപി​നെ​യും കാര്യ​മാ​യി ബാധി​ച്ചെ​ങ്കി​ലും സുരക്ഷിത സ്ഥാനങ്ങ​ളി​ലേക്കു രക്ഷപ്പെ​ടാൻ സഹോ​ദ​ര​ങ്ങൾക്കു കഴിഞ്ഞു.

ഇന്ത്യ: വീടു​ക​ളും വസ്‌തു​വ​ക​ക​ളും നഷ്ടപ്പെ​ട്ടെ​ങ്കി​ലും സഹോ​ദ​ര​ങ്ങൾക്കാർക്കും ജീവൻ നഷ്ടപ്പെ​ട്ടില്ല. പോണ്ടി​ച്ചേ​രി​യിൽ, ലക്ഷ്‌മി എന്ന സഹോ​ദരി വയൽസേ​വ​ന​ത്തിൽ ആയിരു​ന്ന​പ്പോ​ഴാ​ണു സുനാ​മി​യെ​പ്പറ്റി കേൾക്കു​ന്നത്‌. ഏതാണ്ടു മൂന്നു കിലോ​മീ​റ്റർ ഉള്ളിലാ​യി  സ്ഥിതി​ചെ​യ്‌തി​രുന്ന മണ്ണു​കൊ​ണ്ടു കെട്ടിയ തന്റെ വീട്ടി​ലേക്കു ചെന്ന​പ്പോൾ അതിനു കാര്യ​മായ കേടു​പാ​ടു​കൾ സംഭവി​ച്ചി​രി​ക്കു​ന്ന​താ​യി അവർ കണ്ടു. അതു വൃത്തി​യാ​ക്കു​ന്ന​തി​നും നന്നാക്കു​ന്ന​തി​നും സഹോ​ദ​രങ്ങൾ സഹായി​ച്ചു.

ചെ​ന്നൈ​യിൽ, 13 വയസ്സുള്ള നവീൻ ക്രിക്കറ്റു കളിച്ചു​കൊ​ണ്ടി​രി​ക്കു​മ്പോൾ രാക്ഷസ​ത്തി​ര​മാ​ലകൾ വരുന്നത്‌ അവൻ കണ്ടു. തത്‌ക്ഷണം അവൻ അമ്മയ്‌ക്കും പെങ്ങൾക്കും അപകട​സൂ​ചന നൽകി. അവർ മൂവരും സുരക്ഷിത സ്ഥാന​ത്തേക്ക്‌ ഓടി. എങ്കിൽപ്പോ​ലും വീട്ടു​സാ​ധ​ന​ങ്ങ​ളും ശവശരീ​ര​ങ്ങ​ളു​മെ​ല്ലാം അടി​ച്ചൊ​ഴു​ക്കി​ക്കൊ​ണ്ടു​വ​രുന്ന വെള്ളത്തി​ലൂ​ടെ​യാണ്‌ അവർക്കു​പോ​കേ​ണ്ടി​വ​ന്നത്‌.

ഏഴു വയസ്സുള്ള ലിനി തന്റെ ചിറ്റപ്പ​നോ​ടും അദ്ദേഹ​ത്തി​ന്റെ മകനോ​ടു​മൊ​പ്പം കന്യാ​കു​മാ​രി​ക്ക​ടു​ത്തുള്ള ബീച്ചിൽ നിൽക്കു​ക​യാ​യി​രു​ന്നു. പെട്ടെന്നു തിരമാ​ലകൾ അവളെ അടിച്ച്‌ ഉൾപ്ര​ദേ​ശ​ത്തേക്കു കൊണ്ടു​വന്നു. ഒരു തടി​വേ​ലി​യിൽ തങ്ങിനിന്ന അവളു​ടെ​മേൽ വെള്ളം അടിച്ചു​ക​യ​റി​ക്കൊ​ണ്ടേ​യി​രു​ന്നു. അവളുടെ ചിറ്റപ്പ​നും അദ്ദേഹ​ത്തി​ന്റെ മകനും രക്ഷപ്പെ​ട്ടെ​ങ്കി​ലും തന്റെ കണ്ണടകൾ നഷ്ടപ്പെ​ട്ട​തി​നാൽ ചിറ്റപ്പനു ശരിയാ​യി കാണാൻ കഴിയാ​തെ​യാ​യി. എങ്കിലും അദ്ദേഹം ലിനിയെ തിരഞ്ഞു​കൊ​ണ്ടേ​യി​രു​ന്നു. അധികം താമസി​യാ​തെ, അലയടി​ക്കുന്ന വെള്ളത്തി​നി​ട​യിൽനി​ന്നു യഹോ​വയെ വിളിച്ച്‌ അവൾ നിലവി​ളി​ക്കു​ന്നതു കേട്ട അദ്ദേഹം അവളെ രക്ഷിച്ചു. യഹോവ അവളുടെ പ്രാർഥന കേട്ടെന്നു ലിനി ഇപ്പോൾ എല്ലാവ​രോ​ടും പറയുന്നു.

ആൻഡമൻ, നിക്കബാർ ദ്വീപു​കൾ: മേരി​യും എട്ടു വയസ്സുള്ള അവരുടെ മകൻ ആൽവി​നും ഒരു ബന്ധുവി​ന്റെ വീട്ടിൽ ആയിരി​ക്കു​മ്പോ​ഴാ​ണു ഭൂമി​കു​ലു​ക്കം അനുഭ​വ​പ്പെ​ട്ടത്‌. എല്ലാവ​രും പുറ​ത്തേക്ക്‌ ഓടി. തീര​ത്തേക്കു മതിൽപോ​ലെ ഉയരത്തിൽ വെള്ളം പാഞ്ഞു​വ​രു​ന്നത്‌ അവർ കണ്ടു. ആ നിമിഷം അവിടെ വന്ന ഒരു ബസ്സിൽ ചാടി​ക്ക​യറി മേരി​യും മകനും രക്ഷപ്പെട്ടു. എന്നാൽ മറ്റുള്ളവർ സാധനങ്ങൾ എടുക്കാൻ വീട്ടി​നു​ള്ളി​ലേക്ക്‌ ഓടി​യ​തി​നാൽ അവരെ തിര അടിച്ചു​കൊ​ണ്ടു​പോ​യി. ബസ്സിൽ അൽപ്പദൂ​രം പോയ​പ്പോ​ഴേ​ക്കും ഒരു ഭൂചല​നം​കൂ​ടെ ഉണ്ടായ​താ​യി എല്ലാവർക്കും തോന്നി. ഉടൻതന്നെ അവർ ബസ്സിൽനിന്ന്‌ ഇറങ്ങി ഉയർന്ന ഒരു സ്ഥലത്തേക്ക്‌ ഓടി​ക്ക​യറി. ഏതാണ്ട്‌ 500 ആളുകൾ ഇതി​നോ​ടകം അവിടെ അഭയം തേടി​യി​ട്ടു​ണ്ടാ​യി​രു​ന്നു. അവർ നോക്കി​ക്കൊ​ണ്ടി​രി​ക്കു​മ്പോൾത്തന്നെ അലറി​പ്പാ​ഞ്ഞു​വന്ന വെള്ളം ആ ബസ്സ്‌ ഒഴുക്കി​ക്കൊ​ണ്ടു​പോ​യി, അവർ നിന്നതിന്‌ ഏകദേശം രണ്ടടി ദൂരെ​വരെ വെള്ളം പൊങ്ങി​ക്ക​ഴി​ഞ്ഞി​രു​ന്നു.

വെള്ളം താണ​പ്പോൾ മേരി തന്റെ വീട്ടി​ലേക്കു ചെന്നു ബൈബി​ളും  തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ ചെറു​പു​സ്‌ത​ക​വും എടുത്തു​കൊ​ണ്ടു​പോ​ന്നു. ഇവയാ​യി​രു​ന്നു തുടർന്നുള്ള ദിനങ്ങ​ളിൽ അവർക്കു ശക്തി പകർന്നത്‌. കപ്പലുകൾ വന്ന്‌ ആളുകളെ ദ്വീപിൽനി​ന്നു കൊണ്ടു​പോ​കും എന്ന വാർത്ത കേട്ടയു​ടൻ നൂറു​ക​ണ​ക്കിന്‌ ആളുകൾ ഏതെങ്കി​ലു​മൊ​രു ബോട്ടിൽ കയറി​പ്പ​റ്റാ​മെന്ന പ്രതീ​ക്ഷ​യോ​ടെ തീര​ത്തേക്ക്‌ ഓടി കടലി​ലൂ​ടെ കുറെ​ദൂ​രം ഇറങ്ങി​ച്ചെന്നു. ചുറ്റും ശവശരീ​രങ്ങൾ ഒഴുകി​ന​ട​ക്കുന്ന, അരയൊ​പ്പം വെള്ളത്തിൽ മേരി​യും മകനും ഓരോ ദിവസ​വും മണിക്കൂ​റു​ക​ളോ​ളം കാത്തു​നി​ന്നു. ഒടുവിൽ, നീണ്ട ആറു ദിവസ​ങ്ങൾക്കു​ശേഷം ഒരു ബോട്ട്‌ അവരെ കയറ്റി​ക്കൊ​ണ്ടു​പോ​യി. അനേക​രും ഈ ദുരന്ത​ത്തി​നു ദൈവത്തെ പഴിചാ​രി​യ​തി​നാൽ അവർക്കു നല്ലൊരു സാക്ഷ്യം നൽകാൻ മേരിക്കു കഴിഞ്ഞു. അവരുടെ സഹോ​ദ​ര​പ​ത്‌നി ഇപ്പോൾ ബൈബിൾ പഠിക്കു​ക​യും യോഗ​ങ്ങൾക്കു ഹാജരാ​കു​ക​യും ചെയ്യു​ന്നുണ്ട്‌.

പ്രശാ​ന്തി​യും അഞ്ചു വയസ്സുള്ള മകൻ ജഹോ​വാ​ഷും പ്രശാ​ന്തി​യു​ടെ വൃദ്ധപി​താ​വായ പ്രസാദ്‌ റാവു സഹോ​ദ​രനെ കാണാ​നാ​യി ഹട്‌ബേ​യി​ലേക്കു പോയി​രി​ക്കു​ക​യാ​യി​രു​ന്നു. അവി​ടെ​യാ​യി​രി​ക്കെ അവർക്കു ഭൂമി​കു​ലു​ക്കം അനുഭ​വ​പ്പെട്ടു. തുടർന്നു​വന്ന തിരമാ​ലകൾ കണ്ടമാ​ത്ര​യിൽ അവർ ഉയർന്ന ഒരു സ്ഥലത്തേക്ക്‌ ഓടി​ക്ക​യറി. വെള്ളം റോഡി​നു​മീ​തെ 15 അടി ഉയർന്നു, പ്രസാദ്‌ സഹോ​ദ​രന്റെ വീടും വെള്ളത്തി​ന​ടി​യി​ലാ​യി. അദ്ദേഹ​ത്തി​ന്റെ കിടക്ക​ക​ളും ഫ്രിഡ്‌ജും ടെലി​വി​ഷ​നും സഭയുടെ സ്റ്റോക്കി​ലെ മഹാനായ മനുഷ്യൻ പുസ്‌ത​ക​ങ്ങ​ളു​മെ​ല്ലാം ഒഴുകി​പ്പോ​യി. രക്ഷപ്പെട്ട ആളുകൾക്കു പിന്നീട്‌ ഇവയിൽ ചില പുസ്‌ത​കങ്ങൾ കിട്ടു​ക​യും അവരതു വായി​ക്കു​ക​യും ചെയ്‌തു. പ്രസാ​ദും പ്രശാ​ന്തി​യും ജഹോ​വാ​ഷും അവശേ​ഷിച്ച ആഹാര​സാ​ധ​നങ്ങൾ കഴിച്ചും കൂട്ടമാ​യെ​ത്തിയ കൊതു​കി​ന്റെ​യും ഈച്ചയു​ടെ​യും ശല്യം സഹിച്ചും തുടർന്നുള്ള അഞ്ചു ദിവസങ്ങൾ തള്ളിനീ​ക്കി. ബോട്ടു​കൾ എത്തിയ​പ്പോൾ പ്രശാ​ന്തി​യും ജഹോ​വാ​ഷും മറ്റുള്ള​വ​രോ​ടൊ​പ്പം നെഞ്ചൊ​പ്പം വെള്ളത്തി​ലൂ​ടെ​യാണ്‌ അങ്ങോ​ട്ടേക്കു നടന്നു​ചെ​ന്നത്‌, സമീപത്തു മുതലകൾ നീന്തു​ന്നു​ണ്ടാ​യി​രു​ന്നെ​ങ്കിൽപ്പോ​ലും! പോരാ​ത്ത​തി​നു പ്രശാന്തി അപ്പോൾ ആറു മാസം ഗർഭി​ണി​യും ആയിരു​ന്നു. പിതാവ്‌ പിന്നീട്‌ എത്തി​ച്ചേർന്നു.

തെരെസാ ദ്വീപിൽ ഉണ്ടായി​രുന്ന എല്ലാ വീടു​ക​ളും വെള്ളത്തിൽ ഒലിച്ചു​പോ​യി. അവിടെ ഉണ്ടായി​രുന്ന 13 സഹോ​ദ​രീ​സ​ഹോ​ദ​ര​ന്മാർക്കു വിശപ്പും പ്രാണി​ക​ളു​ടെ ശല്യവും സഹിച്ച്‌ ആറു ദിവസം കാട്ടിൽ കഴി​യേ​ണ്ടി​വന്നു. തുടർന്ന്‌ അവരെ കമോർട്ട ദ്വീപി​ലേക്കു കൊണ്ടു​പോ​യി. അവിടെ മാർക്ക്‌ പോൾ എന്ന സഹോ​ദ​രന്റെ ഭവനത്തിൽ അവർ അഭയം തേടി. ഉയർന്ന സ്ഥലത്തു സ്ഥിതി​ചെ​യ്യുന്ന അദ്ദേഹ​ത്തി​ന്റെ വീടാണു രാജ്യ​ഹാ​ളാ​യും ഉപയോ​ഗി​ക്കു​ന്നത്‌. സുനാമി ഉണ്ടായ ദിവസം, 10 മുതൽ 12 വരെയുള്ള സാധാരണ യോഗ​ഹാ​ജ​രിൽനി​ന്നു വ്യത്യ​സ്‌ത​മാ​യി  300 പേരാണ്‌ യോഗ​ത്തി​നു​ണ്ടാ​യി​രു​ന്നത്‌! യഹോ​വ​യു​ടെ ജനത്തിന്റെ സ്‌നേ​ഹ​പൂർവ​ക​മായ പരസ്‌പര പിന്തുണ നേരിൽ കണ്ടതിന്റെ ഫലമായി അതിനു​ശേഷം 18 ബൈബിൾ വിദ്യാർഥി​കൾ ക്രമമാ​യി യോഗ​ങ്ങൾക്കു വരുന്നുണ്ട്‌.

ശ്രീലങ്ക: വമ്പിച്ച നാശന​ഷ്ട​ങ്ങൾക്ക്‌ ഇടയാ​ക്കി​ക്കൊണ്ട്‌ ഈ ദ്വീപി​ലെ കടൽത്തീ​ര​ത്തി​ന്റെ മൂന്നിൽ രണ്ടുഭാ​ഗം കടലാ​ക്ര​മ​ണ​ത്തിന്‌ ഇരയായി. മിക്കവാ​റും സഹോ​ദ​രങ്ങൾ അപകട മേഖല​യ്‌ക്കു പുറത്തു സഭാ​യോ​ഗ​ങ്ങ​ളിൽ ആയിരി​ക്കു​മ്പോ​ഴാ​ണു ഞായറാഴ്‌ച രാവിലെ സുനാമി ഉണ്ടായത്‌. പത്തു സഭകളെ ഇതു ബാധിച്ചു. ഒരു സഹോ​ദ​രി​യു​ടെ വീടു കടലി​ലേക്കു അടിച്ചു​കൊ​ണ്ടു​പോ​യി, സഹോ​ദരി മരിച്ചു. ഈ പ്രിയ​സ​ഹോ​ദ​രി​യു​ടെ മരണത്തിൽ സഹോ​ദ​രങ്ങൾ ആഴമായി ദുഃഖി​ക്കു​ന്നു. താത്‌പ​ര്യ​ക്കാ​രിൽ പലരു​ടെ​യും ജീവൻ നഷ്ടപ്പെട്ടു, അതു​പോ​ലെ​തന്നെ നിരവധി സഹോ​ദ​ര​ങ്ങ​ളു​ടെ ബന്ധുക്കൾക്കും ജീവഹാ​നി സംഭവി​ച്ചു. 27 കുടും​ബാം​ഗ​ങ്ങ​ളെ​യാണ്‌ ഒരു മൂപ്പൻ സഹോ​ദ​രനു നഷ്ടമാ​യത്‌! “എന്നുവ​രി​കി​ലും ആത്മീയ​ത​യ്‌ക്കു തെല്ലും കോട്ടം​ത​ട്ടാ​തെ ഈ സഹോ​ദ​രങ്ങൾ ദുരന്ത​ത്തി​ന്റെ ആഘാത​ത്തിൽനി​ന്നും മോചി​ത​രാ​യി,” ബ്രാഞ്ച്‌ ഓഫീസ്‌ എഴുതു​ന്നു.

ബെഥേൽ നിറയെ ദുരി​താ​ശ്വാ​സ സാധനങ്ങൾ ആയിരു​ന്നു, ബെഥേൽ കുടും​ബാം​ഗങ്ങൾ എല്ലാവ​രും​തന്നെ ദുരി​താ​ശ്വാ​സ പ്രവർത്ത​ന​ങ്ങ​ളിൽ ശ്രദ്ധ കേന്ദ്രീ​ക​രി​ച്ചു. വാഹന​ങ്ങ​ളുള്ള സഹോ​ദ​രങ്ങൾ ദുരി​ത​ബാ​ധിത പ്രദേ​ശ​ങ്ങ​ളി​ലേക്ക്‌ അവശ്യ​സാ​ധ​നങ്ങൾ എത്തിച്ചു​കൊ​ണ്ടി​രു​ന്നു. നാലു ദിവസ​ങ്ങൾക്കു​ള്ളിൽ എല്ലാ സഹോ​ദ​ര​ങ്ങൾക്കും ആഹാര​വും വസ്‌ത്ര​വും പ്രദാ​നം​ചെ​യ്‌തു. മറ്റെന്താ​ണു നിങ്ങൾക്കു വേണ്ടത്‌ എന്നു ചോദി​ച്ച​പ്പോൾ, “ബൈബി​ളും പുസ്‌ത​ക​ങ്ങ​ളും! അവയെ​ല്ലാം വെള്ളത്തിൽ ഒലിച്ചു​പോ​യി” എന്നായി​രു​ന്നു അവരുടെ മറുപടി. താമസം​വി​നാ അവരുടെ ആവശ്യങ്ങൾ നിറ​വേറ്റി.

 സർക്കിട്ട്‌ മേൽവി​ചാ​ര​ക​നായ ജെരാഡ്‌ കുക്ക്‌ അപ്പോൾ കൊളം​ബോ​യിൽ ആയിരു​ന്നു. ഇരുട്ടാ​യാൽ കാട്ടാന ഇറങ്ങുന്ന അപകടം നിറഞ്ഞ ഒരു റോഡി​ലൂ​ടെ അദ്ദേഹം ഏഴു മണിക്കൂർ വാഹനം ഓടിച്ചു. രാത്രി 10:30-ന്‌ എത്തി​ച്ചേർന്ന അദ്ദേഹ​വും അവി​ടെ​യുള്ള മറ്റൊരു സഹോ​ദ​ര​നും—ഈ സഹോ​ദ​രന്റെ വീടും മുങ്ങി​പ്പോ​യി​രു​ന്നു—അപ്പോൾ മുതൽ വെളു​ക്കു​ന്ന​തു​വരെ സഹോ​ദ​ര​ങ്ങളെ സന്ദർശി​ക്കു​ന്ന​തി​ലും അവശ്യ​സാ​ധ​നങ്ങൾ വിതരണം ചെയ്യു​ന്ന​തി​ലും ഏർപ്പെട്ടു.

തായ്‌ലൻഡ്‌: അവി​ടെ​യുള്ള സഹോ​ദ​ര​ങ്ങൾക്കാർക്കും പരി​ക്കേൽക്കു​ക​യോ ജീവൻ നഷ്ടപ്പെ​ടു​ക​യോ ഉപജീ​വ​ന​മാർഗം നഷ്ടമാ​വു​ക​യോ ചെയ്‌തില്ല. എന്നാൽ അവധി​ക്കാ​ലം ചെലവ​ഴി​ക്കാ​നെ​ത്തിയ ചില വിദേ​ശി​കളെ കാണാ​താ​യി​ട്ടുണ്ട്‌, ഒരുപക്ഷേ അവർക്കു ജീവഹാ​നി സംഭവി​ച്ചി​രി​ക്കാം. ഫിൻലൻഡിൽനി​ന്നുള്ള ഒരു സഹോ​ദ​ര​നും സ്വീഡ​നിൽനി​ന്നുള്ള ഒരു ദമ്പതി​ക​ളും ഓസ്‌ട്രി​യ​യിൽനി​ന്നുള്ള ഒരു സഹോ​ദ​ര​നും ഒരു സഹോ​ദ​രി​യു​ടെ അവിശ്വാ​സി​യായ ഭർത്താ​വും അവരിൽപ്പെ​ടു​ന്നു. സ്വീഡ​നിൽനി​ന്നുള്ള രണ്ടു ദമ്പതി​മാർ തീരത്തു​നി​ന്നു കുറച്ചു ദൂരെ​യാ​യി ഒരു പ്രാ​ദേ​ശിക കൂട്ട​ത്തോ​ടൊ​പ്പം വയൽസേ​വ​ന​ത്തിൽ ഏർപ്പെ​ട്ടി​രി​ക്കു​ക​യാ​യി​രു​ന്നു. അവർ അവരുടെ ഹോട്ട​ലി​ലേക്കു തിരി​ച്ചു​ചെ​ന്ന​പ്പോൾ കണ്ടതു ശവശരീ​ര​ങ്ങ​ളും നാശശി​ഷ്ട​ങ്ങ​ളും മാത്ര​മാണ്‌.

ഭൂകമ്പ​ത്തി​ന്റെ പിറ്റേന്നു തിങ്കളാഴ്‌ച രാവിലെ, അവിടത്തെ ഒരു ആശുപ​ത്രി​യിൽ ഫിൻലൻഡിൽനി​ന്നു വന്ന ക്രിസ്റ്റിന സഹോ​ദരി ഉണ്ടെന്നു പൂക്കെറ്റ്‌ സഭയുടെ അധ്യക്ഷ മേൽവി​ചാ​ര​കനെ തായ്‌ലൻഡ്‌ ബ്രാഞ്ച്‌ ഫോൺചെ​യ്‌ത്‌ അറിയി​ച്ചു. അദ്ദേഹ​വും മറ്റൊരു സഹോ​ദ​ര​നും ഉടനടി ആശുപ​ത്രി​യി​ലേക്കു തിരിച്ചു, ഒന്നര മണിക്കൂർകൊണ്ട്‌ അവർ അവിടെ എത്തി. ആ അധ്യക്ഷ മേൽവി​ചാ​രകൻ ഇപ്രകാ​രം എഴുതു​ന്നു: “ഇത്രമാ​ത്രം യാതന ഞാൻ എന്റെ ജീവി​ത​ത്തിൽ കണ്ടിട്ടില്ല—ഇണകളെ നഷ്ടപ്പെ​ട്ടവർ, കുട്ടി​കളെ നഷ്ടപ്പെട്ട മാതാ​പി​താ​ക്കൾ, മാതാ​പി​താ​ക്കളെ നഷ്ടപ്പെട്ട കുട്ടികൾ. ചിലർ സഹായ​ത്തി​നാ​യി നിലവി​ളി​ക്കു​ന്നു; മറ്റുചി​ലർ തറയി​ലും മച്ചിലും ഒക്കെ കണ്ണും​ന​ട്ടി​രി​ക്കു​ന്നു. മനോ​ബലം വീണ്ടെ​ടു​ക്കു​ന്ന​തി​നും ശക്തി ലഭിക്കാൻ പ്രാർഥി​ക്കു​ന്ന​തി​നു​മാ​യി ഞങ്ങൾക്ക്‌ ഇടയ്‌ക്കി​ടെ പുറത്തു​പോ​കേ​ണ്ടി​വന്നു, അത്രയ്‌ക്കും ഹൃദയ​ഭേ​ദ​ക​മാ​യി​രു​ന്നു അവിടെ കണ്ട കാഴ്‌ചകൾ.”

ക്രിസ്റ്റി​ന​യു​ടെ ഒടിഞ്ഞ കാലിന്റെ ശസ്‌ത്ര​ക്രി​യ​യ്‌ക്കുള്ള തയ്യാ​റെ​ടു​പ്പു നടക്കുന്ന സമയത്താ​ണു സഹോ​ദ​രങ്ങൾ അവരെ തേടി​ക്ക​ണ്ടെ​ത്തി​യത്‌. എല്ലാ രേഖക​ളും സഹോ​ദ​രി​യു​ടെ കയ്യിൽനി​ന്നു നഷ്ടമാ​യി​രു​ന്നു. ശസ്‌ത്ര​കി​യ​യ്‌ക്കു ശേഷം ആ രണ്ടു സഹോ​ദ​രങ്ങൾ ക്രിസ്റ്റി​ന​യോ​ടൊ​ത്തു പ്രാർഥി​ച്ചു. അർധരാ​ത്രി​വരെ അവർ കൂടെ​യു​ണ്ടാ​യി​രു​ന്നു. ഏതാനും ദിവസ​ങ്ങൾക്കു​ശേഷം സഹോ​ദരി ഫിൻലൻഡി​ലേക്കു  തിരി​കെ​പ്പോ​യി. പ്രതി​സ​ന്ധി​ക​ളു​ടെ മധ്യേ​യും “ക്രിസ്റ്റിന ബലവും ധൈര്യ​വും പ്രകട​മാ​ക്കി” എന്ന്‌ സഹോ​ദ​രങ്ങൾ റിപ്പോർട്ടു​ചെ​യ്യു​ന്നു. ദുഃഖ​ക​ര​മെന്നു പറയട്ടെ, ക്രിസ്റ്റി​ന​യു​ടെ ഭർത്താ​വി​നു സുനാ​മി​യിൽ ജീവഹാ​നി സംഭവി​ച്ചു.

ബ്രാഞ്ചു​ക​ളു​ടെ സമർപ്പണം

അംഗോള, 2005 ജനുവരി 8: ഏതാണ്ടു 40 വർഷത്തെ ആഭ്യന്തര യുദ്ധത്താൽ താറു​മാ​റായ അംഗോ​ള​യിൽ ഈ പ്രത്യേക ദിനം അവിടത്തെ പ്രസം​ഗ​വേ​ല​യി​ലെ ഒരു നാഴി​ക​ക്ക​ല്ലാ​യി​രു​ന്നു. അംഗോ​ള​യി​ലെ ബെഥേ​ലി​ന്റെ സമർപ്പണ പ്രസംഗം നടത്തു​ന്ന​തി​നും അവിടം സന്ദർശി​ക്കുന്ന ഭരണസം​ഘ​ത്തി​ലെ ആദ്യ അംഗമാ​യി​രി​ക്കു​ന്ന​തി​നും ഉള്ള ഇരട്ട പദവി ലഭിച്ചതു സ്റ്റീഫൻ ലെറ്റി​നാണ്‌. 11 രാജ്യ​ങ്ങ​ളിൽനി​ന്നുള്ള ഏതാണ്ട്‌ 730 പേർ ഈ പരിപാ​ടി​ക്കു ഹാജരാ​യി​രു​ന്നു. എന്തു​കൊ​ണ്ടാണ്‌ ഒരു പുതിയ ബ്രാഞ്ച്‌ സമുച്ചയം ആവശ്യ​മാ​യി​വ​ന്നത്‌? 1975-ൽ 3,055 പ്രസാ​ധ​ക​രു​ടെ അത്യുച്ചം ബ്രാഞ്ച്‌ റിപ്പോർട്ടു​ചെ​യ്‌തു. 2004-ന്റെ അവസാനം ആയപ്പോ​ഴേ​ക്കും ഈ സംഖ്യ 18 മടങ്ങായി വർധിച്ച്‌ 54,000-ത്തിലധി​കം ആയിത്തീർന്നു!

ബൾഗേ​റി​യ, 2004 ഒക്ടോബർ 9: സോഫിയ എന്ന സ്ഥലത്തെ പുതിയ ബ്രാഞ്ച്‌ നിർമാ​ണ​ത്തി​നു കഴിഞ്ഞ മൂന്നു വർഷത്തി​ല​ധി​ക​മാ​യി 150 രാജ്യാ​ന്തര സ്വമേധാ സേവക​രും 300 പ്രാ​ദേ​ശിക സഹോ​ദ​ര​ങ്ങ​ളും സഹായി​ച്ചു. ഭരണസം​ഘാം​ഗ​മായ ഗെരിറ്റ്‌ ലോഷ്‌ സമർപ്പ​ണ​പ്ര​സം​ഗം നടത്തി. 24 രാജ്യ​ങ്ങളെ പ്രതി​നി​ധാ​നം​ചെ​യ്‌തു വന്ന 364 പേർ സന്നിഹി​ത​രാ​യി​രു​ന്നു.

എത്യോ​പ്യ, 2004 നവംബർ 20: അറുപതു പേരുള്ള ബെഥേൽകു​ടും​ബം 2004-ന്റെ തുടക്കം​വരെ ഒമ്പതി​ലേറെ സ്ഥലങ്ങളി​ലാ​യി​ട്ടാ​ണു താമസി​ച്ചി​രു​ന്നത്‌. തികച്ചും അഭികാ​മ്യ​മ​ല്ലാത്ത ഒരു അവസ്ഥയാ​യി​രു​ന്നു അത്‌! അവരുടെ മനോ​ഹ​ര​മായ ഈ ബെഥേൽ സ്ഥിതി​ചെ​യ്യു​ന്നതു സമു​ദ്ര​നി​ര​പ്പിൽനിന്ന്‌ 8,000-ത്തിലധി​കം അടി ഉയരത്തി​ലുള്ള തലസ്ഥാ​ന​മായ ആഡിസ്‌ ആബാബ​യു​ടെ കിഴ​ക്കേ​യ​റ്റ​ത്തുള്ള ചരിവി​ലാണ്‌. കഴുത​പ്പു​ലി​യു​ടെ കരച്ചിൽ മാത്ര​മാ​ണു ചില രാത്രി​ക​ളു​ടെ നിശ്ശബ്ദ​തയെ ഭേദി​ക്കു​ന്നത്‌. ഗെരിറ്റ്‌ ലോഷ്‌ ആണു സമർപ്പണ പ്രസംഗം നടത്തി​യത്‌. ഹാജരായ 2,230 പേരിൽ 29 രാജ്യ​ങ്ങ​ളിൽനി​ന്നുള്ള 200 പേരും ഉണ്ടായി​രു​ന്നു. അഭിമു​ഖം നടത്തി​യ​വ​രിൽ പലരും വിശ്വാ​സ​ത്തി​നു​വേണ്ടി തടവു​ശിക്ഷ അനുഭ​വി​ച്ചി​ട്ടു​ള്ള​വ​രും ക്രൂര​മായ പീഡനം പോലും സഹിച്ചി​ട്ടു​ള്ള​വ​രു​മാണ്‌. വധിക്ക​പ്പെട്ട ഒരു സഹോ​ദ​രന്റെ മകൾ പറഞ്ഞു, “പുനരു​ത്ഥാ​ന​ത്തിൽ വരു​മ്പോൾ എന്റെ പിതാ​വി​നു വലിയ സന്തോ​ഷ​മാ​കും, ഞാൻ അദ്ദേഹ​ത്തി​ന്റെ ദൈവ​ഭ​ക്തി​യു​ടെ മാതൃക പിൻപ​റ്റു​ക​യും ബെഥേ​ലിൽ സേവി​ക്കു​ക​യും ചെയ്‌തെന്ന്‌ അറിയു​മ്പോൾ.”

 ഘാന, 2005 മാർച്ച്‌ 5: നൈജീ​രിയ ബ്രാഞ്ചി​ലെ മാൽക്കോം ജെ. വിഗോ നടത്തിയ സമർപ്പ​ണ​പ്ര​സം​ഗ​ത്തിന്‌ 3,243 പേർ ഹാജരു​ണ്ടാ​യി​രു​ന്നു. താമസ​ത്തി​നുള്ള മൂന്നു കെട്ടി​ടങ്ങൾ, 50 ഓഫീ​സു​കൾ, ഒരു മെയി​ന്റ​നൻസ്‌ കെട്ടിടം, ഒരു രാജ്യ​ഹാൾ, ഒരു ഊണു​മു​റി, അടുക്കള, അലക്കു​ശാല തുടങ്ങി​യ​വ​യു​ടെ സമർപ്പ​ണ​മാ​ണു നടന്നത്‌. ഇവ നേര​ത്തേ​യു​ണ്ടാ​യി​രുന്ന ബ്രാഞ്ച്‌ സൗകര്യ​ങ്ങ​ളോ​ടു കൂട്ടി​ച്ചേർത്ത്‌ വിപു​ലീ​ക​രി​ച്ച​താണ്‌.

ഗ്വാം, 2005 ജൂൺ 25: ഗ്വാമിൽ ഒരു സഭ മാത്രം ഉണ്ടായി​രുന്ന 1980-നു ശേഷം നടക്കുന്ന മൂന്നാ​മത്തെ സമർപ്പണ പരിപാ​ടി​യാ​ണിത്‌. ഇപ്പോൾ അവിടെ പത്തു സഭകളുണ്ട്‌. ചില പുതു​ക്കു​പ​ണി​കൾ കൂടാതെ, പുതിയ പദ്ധതി​യിൽ ഒരു രാജ്യ​ഹാ​ളും പാർപ്പിട സൗകര്യ​ത്തി​നാ​യി ഒരു ഇരുനി​ല​ക്കെ​ട്ടി​ട​വു​മുണ്ട്‌. സ്വന്തം ചെലവിൽ ഓസ്‌​ട്രേ​ലി​യ​യിൽനി​ന്നും ഐക്യ​നാ​ടു​ക​ളിൽനി​ന്നും 100 അന്താരാ​ഷ്‌ട്ര സ്വമേധാ സേവകർ വന്നു. ഇതു കേട്ട്‌ പണിയു​ടെ ഗുണമേന്മ കാണാ​നെ​ത്തിയ ഒരു പ്രാ​ദേ​ശിക നിർമാണ ഇൻസ്‌പെക്ടർ “അത്ഭുത​ത്തോ​ടെ തല കുലുക്കി” എന്ന്‌ ബ്രാഞ്ച്‌ എഴുതു​ന്നു. പെറു ബ്രാഞ്ചി​ലെ ലോ​റെൻസ്‌ ഷെപ്‌ ആണു സമർപ്പണ പ്രസംഗം നടത്തി​യത്‌.

മൗറീ​ഷ്യസ്‌, 2004 നവംബർ 6: നിലവി​ലുള്ള ബ്രാഞ്ച്‌ വിപു​ലീ​ക​രി​ച്ച​പ്പോൾ സമർപ്പണ പ്രസംഗം നടത്തു​ന്ന​തി​നുള്ള പദവി ഗെരിറ്റ്‌ ലോഷി​നാ​ണു ലഭിച്ചത്‌. പരിഭാ​ഷാ വിഭാ​ഗ​ത്തി​ന്റെ 12 ഓഫീ​സു​ക​ളും ഒരു പുതിയ മെയി​ന്റ​നൻസ്‌ കെട്ടി​ട​വും ആണു പുതു​താ​യി ചേർത്തത്‌. യൂറോപ്പ്‌, മഡഗാ​സ്‌കർ, മായോട്ട്‌, റിയൂൺയൻ, സെയ്‌ഷൽസ്‌, ദക്ഷിണാ​ഫ്രിക്ക എന്നിവി​ട​ങ്ങ​ളിൽനി​ന്നുള്ള സന്ദർശകർ ഉണ്ടായി​രു​ന്നു.

നിക്കരാ​ഗ്വ, 2004 ഡിസംബർ 4: 330 അന്താരാ​ഷ്‌ട്ര സ്വമേധാ സേവക​രും നൂറു​ക​ണ​ക്കി​നു പ്രാ​ദേ​ശിക സഹോ​ദ​ര​ങ്ങ​ളും ചേർന്ന്‌ 2,400 പേർക്ക്‌ ഇരിക്കാ​വുന്ന വശങ്ങൾ മറച്ചി​ട്ടി​ല്ലാത്ത ഒരു സമ്മേള​ന​ഹാ​ളും ബ്രാഞ്ചിൽ പുതിയ ഓഫീ​സു​ക​ളും പാർപ്പിട സൗകര്യ​ങ്ങ​ളും നിർമി​ച്ചു. ഭരണസം​ഘ​ത്തി​ലെ സാമു​വെൽ ഹെർഡ്‌ ആണു സമർപ്പണ പ്രസംഗം നടത്തി​യത്‌. സന്നിഹി​ത​രാ​യി​രു​ന്ന​വ​രിൽ നിക്കരാ​ഗ്വ​യിൽ മിഷന​റി​മാ​രാ​യി മുമ്പു സേവി​ച്ചി​രു​ന്ന​വ​രും ഉണ്ടായി​രു​ന്നു. തങ്ങളുടെ മുൻ ബൈബിൾ വിദ്യാർഥി​കളെ മാത്രമല്ല അവരുടെ മക്കളെ​യും, ചിലരു​ടെ കാര്യ​ത്തിൽ, മക്കളുടെ മക്കളെ​യും കാണു​ന്നത്‌ അവർക്ക്‌ എത്ര പുളക​പ്ര​ദ​മാ​യി​രു​ന്നി​രി​ക്കും!

പാനമ, 2005 മാർച്ച്‌ 19: സാമു​വെൽ ഹെർഡ്‌ നടത്തിയ പ്രസംഗം കേൾക്കു​ന്ന​തി​നു 2,967 പേർ സന്നിഹി​ത​രാ​യി​രു​ന്നു. അവരിൽ ബഹുഭൂ​രി​പ​ക്ഷ​വും 20-ലധികം വർഷങ്ങ​ളാ​യി യഹോ​വയെ സേവി​ക്കു​ന്ന​വ​രാണ്‌. ഈ പദ്ധതി​യു​ടെ ആരംഭ​ഘ​ട്ട​ത്തിൽ, സാധനങ്ങൾ സൂക്ഷി​ക്കാൻ ഉപയോ​ഗി​ച്ചി​രുന്ന ചില ട്രെയ്‌ല​റു​കൾ നീക്കു​ന്ന​തി​നാ​യി  സഹോ​ദ​രങ്ങൾ ഒരു ക്രെയിൻ വാടക​യ്‌ക്കെ​ടു​ത്തു. സ്ഥലം ശരി​പ്പെ​ടു​ത്തി​യി​ട്ടി​ല്ലെന്നു പറഞ്ഞു ക്രെയിൻ ഓപ്പ​റേറ്റർ ജോലി​ചെ​യ്യാൻ വിസമ്മ​തി​ച്ചു. സഹോ​ദ​രങ്ങൾ അദ്ദേഹ​വു​മാ​യി എത്ര ന്യായ​വാ​ദം ചെയ്‌തി​ട്ടും ഒരു പ്രയോ​ജ​ന​വും ഉണ്ടായില്ല. അവസാനം അദ്ദേഹം പോകാൻ തുടങ്ങവേ സഹോ​ദ​ര​ങ്ങ​ളോ​ടു ചോദി​ച്ചു, “ആകട്ടെ, നിങ്ങൾ ഏതു മതത്തിൽപ്പെ​ട്ട​വ​രാണ്‌?”

“യഹോ​വ​യു​ടെ സാക്ഷികൾ,” അവർ മറുപടി പറഞ്ഞു.

ഒരു നിമിഷം ചിന്തി​ച്ചിട്ട്‌ അദ്ദേഹം പറഞ്ഞു, “ശരി, ഞാനിതു ചെയ്യാം.” പെട്ടെ​ന്നുള്ള ഈ മനംമാ​റ്റ​ത്തി​നു കാരണം എന്തായി​രു​ന്നു? രണ്ടു സഹോ​ദ​രി​മാർ അദ്ദേഹ​ത്തി​ന്റെ കുട്ടി​കളെ ബൈബിൾ പഠിപ്പി​ച്ചി​രു​ന്നു, അവർ ചെയ്‌തി​രു​ന്ന​തി​നെ അദ്ദേഹം വിലമ​തി​ച്ചു.

സ്ലൊവാ​ക്യ, 2005 എപ്രിൽ 16: ഭരണസം​ഘ​ത്തി​ലെ തിയോ​ഡർ ജാരറ്റ്‌സ്‌ ആണു സമർപ്പണ പ്രസംഗം നടത്തി​യത്‌. 21 ദേശങ്ങ​ളിൽനി​ന്നുള്ള 448 അതിഥി​കൾ സന്നിഹി​ത​രാ​യി​രു​ന്നു. പിറ്റേ​ദി​വസം സ്‌പോർട്‌സ്‌ സ്റ്റേഡി​യ​ത്തിൽവെച്ചു നടത്തിയ ഒരു പ്രത്യേക പ്രസം​ഗ​ത്തി​നു പലരും ബസ്സിൽ എത്തി​ച്ചേർന്നു. “നിങ്ങൾ എത്ര സന്തുഷ്ട​രും പ്രസന്ന​ത​യു​ള്ള​വ​രും ആണ്‌” എന്ന്‌ ഒരു ഡ്രൈവർ പറഞ്ഞു. “എല്ലാവ​രും വന്ദനം പറയുന്നു! എന്തു​കൊ​ണ്ടാ​ണെന്ന്‌ എനിക്ക​റി​യാം. നിങ്ങളു​ടെ വിശ്വാ​സ​മാണ്‌ ഇതിനു കാരണം. സ്‌കൂൾ കുട്ടി​ക​ളെ​യും അധ്യാ​പ​ക​രെ​യും ആണ്‌ ഞാൻ സാധാരണ കൊണ്ടു​പോ​കാ​റു​ള്ളത്‌. കുട്ടി​ക​ളു​ടെ കാര്യ​ത്തിൽ, ഞാൻ ആദ്യം അവരോ​ടു വന്ദനം പറയണം; പിന്നെ അധ്യാ​പകർ—ഒന്നു ഹലോ പറയാൻപോ​ലും അവർ മെന​ക്കെ​ടാ​റില്ല!”

ഐക്യ​നാ​ടു​ക​ളി​ലെ ന്യൂ​യോർക്കി​ലുള്ള വാൾക്കിൽ, 2005 മേയ്‌ 16: “മനോ​ഹ​ര​മായ ഈ പുതിയ അച്ചടി​ശാ​ല​യും താമസ​ത്തി​നുള്ള എ, സി, ഡി എന്നീ മൂന്നു കെട്ടി​ട​ങ്ങ​ളും ഒരേ​യൊ​രു സത്യ​ദൈ​വ​മായ യഹോ​വ​യ്‌ക്കു സമർപ്പി​ക്കു​വാൻ നാം നിശ്ചയി​ച്ചു​റ​ച്ചി​രി​ക്കു​ന്നു” എന്ന്‌ ഭരണസം​ഘാം​ഗ​മായ ജോൺ ബാർ തന്റെ സമർപ്പണ പ്രസം​ഗ​ത്തിൽ പറഞ്ഞു. പുതിയ അച്ചടി​ശാ​ല​യു​ടെ അടിസ്ഥാ​നം ഇടുന്ന​തി​നുള്ള പണി 2003 മേയ്‌ 1-നായി​രു​ന്നു ആരംഭി​ച്ചത്‌. വെറും എട്ടു മാസത്തി​നു​ശേഷം നിലവി​ലുള്ള പ്രസ്സു​ക​ളിൽ ആദ്യ​ത്തേത്‌ ഈ പുതിയ അച്ചടി​ശാ​ല​യി​ലേക്കു മാറ്റി സ്ഥാപിച്ചു.

ഐക്യ​നാ​ടു​ക​ളിൽ ഉടനീ​ള​മുള്ള, വിശേ​ഷാൽ സമീപ സംസ്ഥാ​ന​ങ്ങ​ളി​ലുള്ള മേഖലാ നിർമാണ കമ്മിറ്റി​കൾ തൊഴിൽവി​ദ​ഗ്‌ധരെ നൽകി. ചില പണികൾ ചെയ്യു​ന്ന​തി​നു പുറത്തെ കോൺട്രാ​ക്‌റ്റർമാ​രെ ഉപയോ​ഗി​ച്ചു. “എത്രയാ​യാ​ലും എന്റെ ശമ്പളക്കാർ നിങ്ങ​ളെ​പ്പോ​ലെ പണി​യെ​ടു​ക്കില്ല” എന്ന്‌ അവരി​ലൊ​രാൾ പറഞ്ഞു, “നിങ്ങൾ നിങ്ങളു​ടെ ഹൃദയം​കൊ​ണ്ടാ​ണു വേല ചെയ്യു​ന്നത്‌.” ഒരു പ്രൊ​ജക്ട്‌ മാനേജർ അഭി​പ്രാ​യ​പ്പെട്ടു, “എന്റെ തൊഴി​ലി​നെ​പ്പറ്റി അഞ്ചു വർഷം സ്‌കൂ​ളിൽ പഠിച്ച​തി​നെ​ക്കാൾ  കൂടുതൽ വാച്ച്‌ട​വ​റിൽനിന്ന്‌ ഏതാനും മാസങ്ങൾകൊ​ണ്ടു ഞാൻ പഠിക്കു​ക​യും മനസ്സി​ലാ​ക്കു​ക​യും ചെയ്‌തു!” ഒരു കൺവെയർ സിസ്റ്റം കൊണ്ടു​വന്ന കമ്പനി​യു​ടെ പ്രതി​നി​ധി പറഞ്ഞു: “ഇതിനു​മു​മ്പു ഞങ്ങൾ ഒരിക്ക​ലും ചെയ്‌തി​ട്ടി​ല്ലാ​ത്തത്ര വേഗത്തിൽ ഇതിവി​ടെ ഇൻസ്റ്റോൾ ചെയ്യാൻ ഞങ്ങൾക്കു സാധി​ച്ചതു നിങ്ങളു​ടെ സഹായ​ത്താ​ലാണ്‌. ഇവി​ടെ​യുള്ള എല്ലാവ​രും സന്തോ​ഷ​മു​ള്ളവർ ആയിരി​ക്കു​ന്നത്‌ എന്നെയും സന്തോ​ഷി​പ്പി​ക്കു​ന്നു! ഇവിടം എത്ര മനോ​ഹ​ര​മാണ്‌!”

ഏതാനും വർഷങ്ങൾക്കു​മുമ്പ്‌ ഐക്യ​നാ​ടു​ക​ളി​ലെ ബ്രാഞ്ചിൽ 15 വെബ്‌-ഓഫ്‌സെറ്റ്‌ പ്രസ്സു​ക​ളാണ്‌ ഉണ്ടായി​രു​ന്നത്‌, 11 എണ്ണം ബ്രുക്ലി​നി​ലും 4 എണ്ണം വാൾക്കി​ലി​ലും. കൂടുതൽ കാര്യ​ക്ഷ​മ​മായ സാങ്കേ​തിക വിദ്യ​യു​ടെ ഫലമാ​യും മേഖലാ അച്ചടി ക്രമീ​ക​ര​ണ​ത്തി​ന്റെ ഭാഗമാ​യി അച്ചടി​പ്ര​വർത്തനം മറ്റു ബ്രാഞ്ചു​ക​ളി​ലേക്കു വിഭജി​ച്ചു കൊടു​ത്ത​തി​നാ​ലും ഇപ്പോൾ അഞ്ചു പ്രസ്സുകൾ മാത്രമേ ഇവി​ടെ​യു​ള്ളൂ. ബയൻഡ​റി​യിൽനി​ന്നും പ്രസ്സ്‌റൂ​മിൽനി​ന്നും ഉള്ള പേപ്പർശ​ക​ലങ്ങൾ കെട്ടു​ക​ളാ​ക്കി മാറ്റുന്ന ഒരു യന്ത്രത്തിൽ എത്തിക്കുന്ന ഒരു പേപ്പർ ശേഖരണ ക്രമീ​ക​ര​ണ​വും പുതിയ അച്ചടി​ശാ​ല​യിൽ ഉണ്ട്‌; ഈ പേപ്പർ ശകലങ്ങൾ മുകളി​ലൂ​ടെ​യുള്ള ഒരു കുഴൽവ​ഴി​യാണ്‌ ഈ യന്ത്രത്തിൽ എത്തുന്നത്‌. പുറത്തെ ഒരു കമ്പനി ഈ പാഴ്‌ക​ട​ലാ​സു​കൾ വീണ്ടും ഉപയോ​ഗ​പ്ര​ദ​മായ പേപ്പറാ​ക്കി മാറ്റി​ക്കൊണ്ട്‌ ഓരോ വർഷവും ഏകദേശം 2,00,000 ഡോള​റാ​ണു ബ്രാഞ്ചി​നു നേടി​ക്കൊ​ടു​ക്കു​ന്നത്‌!

സാംബിയ, 2004 ഡിസംബർ 25: വിപു​ലീ​ക​രിച്ച ബ്രാഞ്ചി​ന്റെ സമർപ്പ​ണ​ത്തി​നു ഹാജരായ ഏകദേശം 700 പേരിൽ 374 പേർ 40-ലേറെ വർഷമാ​യി യഹോ​വയെ സേവി​ക്കു​ന്ന​വ​രാണ്‌! യേശു​വി​ന്റെ ഒരു ഉപമയി​ലെ ദാസന്മാ​രെ​പ്പോ​ലെ ഈ നിർമാണ പദ്ധതി​യിൽ പങ്കെടുത്ത എല്ലാവ​രും ഹാർദ​മായ അഭിന​ന്ദനം അർഹി​ക്കു​ന്നു​വെന്ന്‌ തന്റെ സമർപ്പണ പ്രസം​ഗ​ത്തിൽ സ്റ്റീഫൻ ലെറ്റ്‌ പറഞ്ഞു.—മത്താ. 25:33.

നിർമാണ പ്രവർത്ത​ന​ങ്ങൾക്കി​ട​യി​ലും സഹോ​ദ​രങ്ങൾ നല്ല സാക്ഷ്യം നൽകി. “നിങ്ങൾ ഒരു പറുദീ​സ​യി​ലാ​ണു ജീവി​ക്കു​ന്നത്‌” എന്ന്‌ ഒരു കോൺട്രാ​ക്‌റ്റർ പറഞ്ഞു.

“നിങ്ങൾ അർഥമാ​ക്കു​ന്നത്‌ ആത്മീയ പറുദീ​സ​യാ​ണോ അതോ ഭൗതിക പറുദീ​സ​യാ​ണോ?” എന്ന്‌ സഹോ​ദ​രങ്ങൾ ചോദി​ച്ചു.

“രണ്ടും” എന്നായി​രു​ന്നു മറുപടി.

[അടിക്കു​റിപ്പ്‌]

 [29-ാം പേജിലെ ചതുരം/ചിത്രങ്ങൾ]

“ദൈവിക അനുസ​രണം” കൺ​വെൻ​ഷ​നു​കൾ

“ദൈവിക അനുസ​രണം” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ വ്യക്തമാ​ക്കി​യ​തു​പോ​ലെ ‘ദൈവത്തെ അറിയു​ന്ന​വ​രും’ ‘സുവി​ശേഷം അനുസ​രി​ക്കു​ന്ന​വ​രും’ മാത്രമേ ദൈവ​ത്തി​ന്റെ പ്രതി​കാര ദിവസത്തെ അതിജീ​വി​ക്കു​ക​യു​ള്ളൂ. (2 തെസ്സ. 1:6-9) അതു​കൊണ്ട്‌, ഇന്നത്തെ ക്ലേശങ്ങൾ നിമിത്തം ദൈവ​ത്തെ​പ്പറ്റി ആശയക്കു​ഴ​പ്പ​ത്തി​ലാ​യി​രി​ക്കു​ന്ന​വ​രെ​യും അക്കാര​ണ​ത്താൽ അവനെ പകയ്‌ക്കുക പോലും ചെയ്യു​ന്ന​വ​രെ​യും സഹായി​ക്കു​ന്ന​തി​നു നമ്മാലാ​വു​ന്ന​തെ​ല്ലാം ചെയ്യാൻ നാം ആഗ്രഹി​ക്കു​ന്നു. ഇതിൽ നമ്മെ സഹായി​ക്കാ​നാ​ണു സകല കഷ്ടപ്പാ​ടു​കൾക്കും ഉടൻ അവസാനം! എന്ന ലഘു​ലേ​ഖ​യും ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​വും.

യുദ്ധം, ദാരി​ദ്ര്യം, പ്രകൃ​തി​വി​പത്ത്‌, അനീതി, രോഗം എന്നിവ​യ്‌ക്കു കാരണം ദൈവമല്ല എന്നു മനസ്സി​ലാ​ക്കാൻ അവയ്‌ക്ക്‌ ഇരയായ പലരെ​യും സഹായി​ച്ചു​കൊണ്ട്‌ ഈ പുതിയ ലഘുലേഖ അവർക്ക്‌ ആശ്വാസം പകരും എന്നതിനു സംശയ​മില്ല. സമാന​മാ​യി, ആത്മീയ സത്യത്തി​നാ​യി വാഞ്‌ഛി​ക്കു​ന്ന​വരെ ഈ പുതിയ പുസ്‌തകം ഹഠാദാ​കർഷി​ക്കും. ഹൃദ്യ​വും ലളിത​വും വ്യക്തവും ആയ രീതി​യി​ലാണ്‌ ഇതു രചിച്ചി​രി​ക്കു​ന്നത്‌. വാക്കു​ക​ളി​ലൂ​ടെ​യും ചിത്ര​ങ്ങ​ളി​ലൂ​ടെ​യും മുഖ്യാ​ശ​യങ്ങൾ നന്നായി ചിത്രീ​ക​രി​ച്ചി​ട്ടുണ്ട്‌. അധ്യയനം നടത്താൻ ഈ പുസ്‌തകം ഉപയോ​ഗി​ക്കു​ന്ന​തി​നു​മുമ്പ്‌ ഇതിന്റെ അനുബ​ന്ധ​ത്തി​ലുള്ള 14 വിഷയ​ങ്ങൾകൂ​ടെ നിശ്ചയ​മാ​യും നിങ്ങൾ വായി​ച്ചി​രി​ക്കണം.

 [12, 13 പേജു​ക​ളി​ലെ ചാർട്ട്‌/ചിത്രങ്ങൾ]

ചില സംഭവങ്ങൾ—2005 സേവന​വർഷ​ത്തിൽ നടന്നത്‌

2004 സെപ്‌റ്റം​ബർ 1:

ഒക്ടോബർ 8: യഹോ​വ​യു​ടെ സാക്ഷികൾ അർമേ​നി​യ​യിൽ നിയമ​പ​ര​മാ​യി രജിസ്റ്റർ ചെയ്യ​പ്പെ​ടു​ന്നു.

ഒക്ടോബർ 9: ബൾഗേ​റിയ ബ്രാഞ്ചി​ന്റെ സമർപ്പണം.

ഒക്ടോബർ 18: ജാഗരൂ​കർ ലഘുപ​ത്രി​ക​യു​ടെ വിതരണ പരിപാ​ടി ആരംഭി​ക്കു​ന്നു.

നവംബർ 6: മൗറി​ഷ്യസ്‌ ബ്രാഞ്ചി​ന്റെ സമർപ്പണം.

നവംബർ 20: എത്യോ​പ്യ ബ്രാഞ്ചി​ന്റെ സമർപ്പണം.

ഡിസംബർ 4: നിക്കരാ​ഗ്വ ബ്രാഞ്ചി​ന്റെ സമർപ്പണം.

ഡിസംബർ 25: സാംബിയ ബ്രാഞ്ചി​ന്റെ സമർപ്പണം.

ഡിസംബർ 26: ഇന്തൊ​നീ​ഷ്യ​യി​ലെ സുമാ​ട്ര​യ്‌ക്ക​ടു​ത്തു​ണ്ടായ 9.0 രേഖ​പ്പെ​ടു​ത്തിയ ഒരു ഭൂകമ്പം, രേഖ​പ്പെ​ടു​ത്തി​യി​ട്ടുള്ള ചരി​ത്ര​ത്തി​ലെ ഏറ്റവും വിനാ​ശ​ക​ര​മായ സുനാ​മി​ക്കു തിരി​കൊ​ളു​ത്തി.

2005 ജനുവരി 1

ജനുവരി 8: അംഗോള ബ്രാഞ്ചി​ന്റെ സമർപ്പണം.

 മാർച്ച്‌ 5: ഘാന ബ്രാഞ്ചി​ന്റെ സമർപ്പണം.

മാർച്ച്‌ 19: പാനമ ബ്രാഞ്ചി​ന്റെ സമർപ്പണം.

മാർച്ച്‌ 24: ബെർലി​നി​ലെ യഹോ​വ​യു​ടെ സാക്ഷി​കൾക്കു നിയമാ​നു​സൃ​ത​മായ ഒരു കോർപ്പ​റേ​ഷന്റെ അവകാശം അനുവ​ദി​ച്ചു​കൊ​ടു​ക്കാൻ 2005 മാർച്ച്‌ 4-ന്‌ അവിടത്തെ ഉയർന്ന അഡ്‌മി​നി​സ്‌​ട്രേ​റ്റിവ്‌ കോടതി പ്രാ​ദേ​ശിക ഗവൺമെ​ന്റിന്‌ ഉത്തരവു നൽകുന്നു.

ഏപ്രിൽ 16: സ്ലോവാ​ക്യ ബ്രാഞ്ച്‌ സമർപ്പണം.

2005 മേയ്‌ 1

മേയ്‌ 16: ന്യൂ​യോർക്കി​ലെ വാൾക്കി​ലി​ലുള്ള അച്ചടി​ശാ​ല​യു​ടെ​യും താമസ​ത്തി​നുള്ള കെട്ടി​ട​ങ്ങ​ളു​ടെ​യും സമർപ്പണം.

ജൂൺ 25: ഗ്വാം ബ്രാഞ്ചി​ന്റെ സമർപ്പണം.

2005 ഓഗസ്റ്റ്‌ 31

[20-ാം പേജിലെ ചിത്രം]

വെള്ളപ്പൊക്കത്തിൽ കേടു​പ​റ്റിയ ജപ്പാനി​ലെ നിഗാ​ട്ടാ​യി​ലുള്ള ഒരു രാജ്യ​ഹാൾ വൃത്തി​യാ​ക്കു​ന്നു

[24-ാം പേജിലെ ചിത്രം]

ശ്രീലങ്കയിൽ ദുരി​താ​ശ്വാ​സ സാധനങ്ങൾ കൈകാ​ര്യം ചെയ്യുന്നു