ആഗോള പ്രസംഗ-പഠിപ്പി​ക്കൽ

ആഫ്രിക്ക

ദേശങ്ങൾ 57

ജനസംഖ്യ 87,80,00,158

പ്രസാധകർ 11,71,674

ബൈബിളധ്യയനങ്ങൾ 23,82,709

ബെനിൻ

27 വർഷമാ​യി തീക്ഷ്‌ണ​ത​യോ​ടെ മിഷന​റി​സേ​വനം ചെയ്‌തു​വ​രു​ക​യാണ്‌ ക്‌ളോ​ഡും ഭാര്യ മരീക്‌ള​റും. അങ്ങനെ​യി​രി​ക്കെ, മരീക്‌ളർ വീണ്‌ കാൽ ഒടിഞ്ഞു. 2009 ഫെബ്രു​വ​രി​യി​ലാ​യി​രു​ന്നു സംഭവം. രണ്ടാഴ്‌ച കഴിഞ്ഞ്‌ മിഷന​റി​ഭ​വ​ന​ത്തിൽ ജോലി ചെയ്‌തു​കൊ​ണ്ടി​രി​ക്കെ വീണ്‌ ക്ലോഡി​ന്റെ​യും കാൽ ഒടിഞ്ഞു. വീഴ്‌ച​യെ​പ്പറ്റി അദ്ദേഹം തമാശ​രൂ​പേണ ഇങ്ങനെ പറയു​ക​യു​ണ്ടാ​യി: “വീഴു​ന്ന​കാ​ര്യ​ത്തി​ലും ഞങ്ങൾ ഒന്നിച്ചു​തന്നെ.”

ക്ലോഡിന്‌ പക്ഷേ, വീഴ്‌ച​യ്‌ക്കു​ശേ​ഷ​വും അൽപ്പസ്വൽപ്പം നടക്കാൻ സാധി​ക്കു​മാ​യി​രു​ന്നു. എന്നാൽ മരീക്‌ള​റി​ന്റെ സ്ഥിതി അങ്ങനെ​യ​ല്ലാ​യി​രു​ന്നു, ആഴ്‌ച​ക​ളോ​ളം നടക്കാ​നാ​യില്ല. തന്റെ 12 ബൈബി​ള​ധ്യ​യ​ന​ങ്ങ​ളിൽ നാലെണ്ണം മിഷന​റി​ഭ​വ​ന​ത്തിൽവെച്ച്‌ നടത്താൻ ക്രമീ​ക​രണം ചെയ്‌തെ​ങ്കി​ലും ശുശ്രൂ​ഷ​യു​ടെ മറ്റു വശങ്ങളിൽ പങ്കെടു​ക്കാൻ സാധി​ക്കാ​തി​രു​ന്നത്‌ മരീക്‌ള​റി​നെ വിഷമി​പ്പി​ച്ചു. അതു​കൊണ്ട്‌ മിഷന​റി​ഭ​വ​ന​ത്തി​നു പുറത്തി​രുന്ന്‌ അതുവഴി കടന്നു​പോ​കു​ന്ന​വ​രോ​ടു സാക്ഷീ​ക​രി​ക്കാൻ സഹോ​ദരി തീരു​മാ​നി​ച്ചു; പ്രസി​ദ്ധീ​ക​ര​ണ​ങ്ങ​ളെ​ല്ലാം ഒരു മേശയിൽ നിരത്തി​വെച്ചു. മാർച്ച്‌ മാസത്തിൽ സഹോ​ദരി  ഇങ്ങനെ എത്ര മണിക്കൂ​റാണ്‌ സാക്ഷീ​ക​രി​ച്ച​തെ​ന്നോ? 83 മണിക്കൂർ! സഹോ​ദ​രി​യു​ടെ ശ്രമത്തെ യഹോവ അനു​ഗ്ര​ഹി​ച്ചോ? തീർച്ച​യാ​യും. ആ അവസ്ഥയി​ലും 14 പുസ്‌ത​ക​ങ്ങ​ളും 452 ലഘുപ​ത്രി​ക​ക​ളും 290 മാസി​ക​ക​ളും 500-ലേറെ ലഘു​ലേ​ഖ​ക​ളും സമർപ്പി​ക്കാൻ സഹോ​ദ​രി​ക്കു സാധിച്ചു.

എത്യോപ്യ

ഒരു ഒറ്റപ്പെട്ട ഗ്രാമ​ത്തിൽ താമസി​ക്കുന്ന ആരെഗാ തന്റെ വീട്ടിൽ വാൾപേപ്പർ ഒട്ടിക്കാൻ തീരു​മാ​നി​ച്ചു. അവിട​ങ്ങ​ളി​ലുള്ള ചിലർ ന്യൂസ്‌പേ​പ്പ​റാണ്‌ അതിന്‌ ഉപയോ​ഗി​ച്ചി​രു​ന്നത്‌. പക്ഷേ, നിറമുള്ള എന്തെങ്കി​ലും ചുവരിൽ ഒട്ടിക്കാ​നാ​യി​രു​ന്നു ആരെഗാ​യ്‌ക്ക്‌ ഇഷ്ടം. അങ്ങനെ​യി​രി​ക്കെ, മാർക്ക​റ്റിൽവെച്ച്‌ ഒരാൾ ഭൂമി​യിൽ എന്നേക്കും ജീവിതം ആസ്വദി​ക്കുക! എന്ന ലഘുപ​ത്രിക ആളുകൾക്ക്‌ കൊടു​ക്കു​ന്നത്‌ അദ്ദേഹം കണ്ടു. ആരെഗാ​യും ഒരു കോപ്പി വാങ്ങി. ഒന്നു വായി​ക്കു​ക​പോ​ലും ചെയ്യാതെ അതിന്റെ പേജുകൾ വേർപെ​ടു​ത്തി അദ്ദേഹം ചുവരിൽ ഒട്ടിച്ചു. രണ്ടുവർഷം കടന്നു​പോ​യി. ഒരു ദിവസം ആരെഗാ​യു​ടെ കണ്ണുകൾ വാൾപേ​പ്പ​റി​ലെ ഒരു പ്രസ്‌താ​വ​ന​യിൽ ഉടക്കി: “യേശു ദൈവ​പു​ത്ര​നാ​യി​രു​ന്നു.” അദ്ദേഹം പഠിച്ചു​വെ​ച്ചി​രുന്ന നിഗൂ​ഢ​മായ ത്രിത്വ​ത്തി​നു നേർവി​പ​രീ​ത​മായ ആശയം! സത്യ​മെ​ന്താ​ണെന്ന്‌ അറിയാൻ അദ്ദേഹ​ത്തി​നു താത്‌പ​ര്യ​മാ​യി. ദൈവ​ത്തി​നു പുത്ര​നു​ണ്ടെന്ന്‌ വിശ്വ​സി​ക്കുന്ന ആളുകളെ കണ്ടുപി​ടി​ക്കാ​നാ​യി ഒൻപതു മണിക്കൂർ നടന്ന്‌ അദ്ദേഹം അടുത്തുള്ള പട്ടണത്തിൽ പോയി. പക്ഷേ, ആ അന്വേ​ഷ​ണം​കൊണ്ട്‌ ഫലമു​ണ്ടാ​യില്ല. നിരാ​ശ​നാ​യി അദ്ദേഹം വീട്ടി​ലേക്കു മടങ്ങി. എന്നാൽ ശ്രമം ഉപേക്ഷി​ക്കാൻ അദ്ദേഹം തയ്യാറാ​യില്ല; വീണ്ടും ശ്രമിച്ചു. ഇത്തവണ ആ ലഘുപ​ത്രിക നൽകിയ സഹോ​ദ​രന്റെ വീടു കണ്ടുപി​ടി​ക്കാൻ ചിലർ അദ്ദേഹത്തെ സഹായി​ച്ചു. ഒടുവിൽ സഹോ​ദ​രന്റെ വീട്ടിൽ എത്തിയ​പ്പോ​ഴോ? ഒരിക്കൽക്കൂ​ടെ ആരെഗാ​യു​ടെ ക്ഷമ പരീക്ഷി​ക്ക​പ്പെട്ടു. സഹോ​ദരൻ വീട്ടി​ലി​ല്ലാ​യി​രു​ന്നു. അതു​കൊണ്ട്‌ സഹോ​ദരൻ തിരി​ച്ചു​വ​രു​ന്ന​തു​വരെ മണിക്കൂ​റു​ക​ളോ​ളം ആരെഗാ​യ്‌ക്ക്‌ കാത്തു​നിൽക്കേ​ണ്ടി​വന്നു. സഹോ​ദ​ര​നു​മാ​യി നടത്തിയ ചർച്ച ഒരു ബൈബി​ള​ധ്യ​യ​ന​ത്തി​ലേക്കു നയിച്ചു. ദൈവ​ത്തെ​ക്കു​റി​ച്ചു പഠിക്കാ​നാ​യി തുടർന്നു​വന്ന മാസങ്ങ​ളിൽ പല പ്രാവ​ശ്യം അദ്ദേഹം പട്ടണത്തി​ലേക്കു പോയി. പഠിച്ച കാര്യങ്ങൾ തന്റെ ഗ്രാമ​ത്തി​ലു​ള്ള​വ​രു​മാ​യി പങ്കുവെച്ച ആരെഗാ​യ്‌ക്ക്‌ ഒരുപാട്‌ എതിർപ്പ്‌ സഹി​ക്കേ​ണ്ടി​വന്നു. ആളുകൾ അദ്ദേഹത്തെ അടുപ്പി​ക്കാ​തെ​യാ​യി. മടുത്തു​പി​ന്മാ​റാൻ ആരെഗാ​യ്‌ക്ക്‌ മനസ്സി​ല്ലാ​യി​രു​ന്നു. അങ്ങനെ ചിലർ താത്‌പ​ര്യം കാണി​ക്കാൻ തുടങ്ങി. താത്‌പ​ര്യ​ക്കാ​രു​ടെ എണ്ണം 13 ആയതോ​ടെ രണ്ടു പ്രത്യേക പയനി​യർമാ​രെ ആ പ്രദേ​ശ​ത്തേക്കു നിയമി​ച്ചു. അധികം താമസി​യാ​തെ, അവർ 40 ബൈബി​ള​ധ്യ​യ​നങ്ങൾ നടത്താൻ തുടങ്ങി. ഏതാണ്ട്‌ അത്രയും പേർ യോഗ​ങ്ങൾക്ക്‌ ഹാജരാ​കാ​നും തുടങ്ങി. ഇപ്പോൾ ഇവിടെ സജീവ​മാ​യി പ്രവർത്തി​ക്കുന്ന  എട്ടു​പ്ര​സാ​ധ​ക​രുണ്ട്‌. ആ വാൾപേപ്പർ ആരെഗാ​യു​ടെ വീടിനു മോടി​കൂ​ട്ടി​യെന്നു മാത്രമല്ല ജീവി​തം​തന്നെ മാറ്റി​മ​റി​ച്ചു.

ഘാന

ആഫ്രി​ക്ക​യിൽ മൊ​ബൈൽ ഫോണു​ക​ളു​ടെ എണ്ണത്തി​ലു​ണ്ടായ വർധന “ആശയവി​നി​മ​യ​രം​ഗത്ത്‌ ഒരു വിപ്ലവ”ത്തിനു നാന്ദി​കു​റി​ച്ചു. ഉപഭോ​ക്താ​ക്കൾക്ക്‌ ഒരു പ്രോ​ത്സാ​ഹ​ന​മെ​ന്നോ​ണം പല കമ്പനി​ക​ളും രാത്രി ഒരു നിശ്ചിത സമയത്ത്‌ സൗജന്യ ഫോൺ കോളു​കൾ നടത്താ​നുള്ള സംവി​ധാ​ന​വു​മാ​യി മുന്നോ​ട്ടു​വന്നു. ഗ്രേയ്‌സ്‌ എന്ന സഹോ​ദരി ഇത്‌ ഉപയോ​ഗ​പ്പെ​ടു​ത്താൻ തീരു​മാ​നി​ച്ചു. സഹോ​ദ​രി​യു​ടെ വിദ്യാർഥി​നി​യായ മോണി​ക്ക​യ്‌ക്ക്‌ എപ്പോ​ഴും തിരക്കാ​യ​തു​കൊണ്ട്‌ അധ്യയ​ന​ത്തി​നി​രി​ക്കാൻ ബുദ്ധി​മു​ട്ടാ​യി​രു​ന്നു. അധ്യയനം തുടരാൻവേണ്ടി എന്തു ത്യാഗം ചെയ്യാ​നും ഗ്രേയ്‌സ്‌ തയ്യാറാ​യി​രു​ന്നു. അങ്ങനെ പുലർച്ചെ അഞ്ചുമ​ണിക്ക്‌ മോണി​ക്ക​യു​ടെ വീട്ടിൽച്ചെന്ന്‌ അധ്യയനം നടത്താൻ ഗ്രേയ്‌സ്‌ തീരു​മാ​നി​ച്ചു. പക്ഷേ, ആ സമയവും ബുദ്ധി​മു​ട്ടാ​ണെന്നു വന്നപ്പോൾ സൗജന്യ ഫോൺ കോൾ സംവി​ധാ​നം ഉപയോ​ഗ​പ്പെ​ടു​ത്തി​യാ​ലോ എന്ന്‌ ഗ്രേയ്‌സി​നു തോന്നി. മോണിക്ക അതിനു സമ്മതിച്ചു. അങ്ങനെ പുലർച്ചെ നാലു​മ​ണിക്ക്‌ ഫോണി​ലൂ​ടെ അധ്യയനം നടത്താൻ അവർ തീരു​മാ​നി​ച്ചു. എന്നാൽ ആ സമയത്ത്‌ പലരും ഈ സംവി​ധാ​നം ഉപയോ​ഗ​പ്പെ​ടു​ത്തു​ന്നതു നിമിത്തം കണക്‌ഷൻ കിട്ടാൻ ബുദ്ധി​മു​ട്ടാ​യി. ഒടുവിൽ, മൂന്നു​മ​ണിക്ക്‌ അധ്യയനം നടത്താൻ അവർ തീരു​മാ​നി​ച്ചു. അധ്യയ​ന​ത്തി​നാ​യി അത്ര നേരത്തെ എഴു​ന്നേൽക്കു​ന്നത്‌ ജോലി​ക്കാ​രായ ഈ അമ്മമാരെ സംബന്ധി​ച്ചി​ട​ത്തോ​ളം ഒട്ടും എളുപ്പ​മ​ല്ലാ​യി​രു​ന്നു എന്ന്‌ പ്രത്യേ​കം  പറയേ​ണ്ട​തി​ല്ല​ല്ലോ. ഗ്രേയ്‌സി​ന്റെ വാക്കുകൾ ശ്രദ്ധി​ക്കുക: “വിദ്യാർഥി​നി​യു​ടെ താത്‌പ​ര്യ​ത്തിന്‌ ഒരു കുറവും വരരു​തെന്ന്‌ ഞാൻ ആഗ്രഹി​ച്ചു; അതു​കൊണ്ട്‌ അധ്യയനം തുടർന്നു​കൊ​ണ്ടു​പോ​കാ​നുള്ള പ്രചോ​ദ​ന​ത്തി​നും കരുത്തി​നും വേണ്ടി ഞാൻ യഹോ​വ​യോട്‌ പ്രാർഥി​ച്ചു. അലാറം​വെച്ച്‌ കൃത്യ​സ​മ​യത്ത്‌ ഉണരാൻ ഞാൻ പരമാ​വധി ശ്രമിച്ചു. ക്ഷീണം തോന്നി​യെ​ങ്കി​ലും ഞാൻ പിന്മാ​റി​യില്ല.” ഒടുവിൽ, 2008-ൽ നടന്ന “ദൈവാ​ത്മാ​വി​നാൽ നയിക്ക​പ്പെ​ടു​ന്നു” എന്ന ഡിസ്‌ട്രി​ക്‌റ്റ്‌ കൺ​വെൻ​ഷ​നിൽവെച്ച്‌ മോണി​ക്ക​യു​ടെ സ്‌നാ​ന​ത്തി​നു സാക്ഷ്യം വഹിക്കാ​നാ​യ​പ്പോൾ തന്റെ ശ്രമം ഉപേക്ഷി​ക്കാ​തി​രു​ന്ന​തിൽ ഗ്രേയ്‌സിന്‌ എത്ര സന്തോഷം തോന്നി​യെ​ന്നോ! അടുത്ത​യി​ടെ, ആ സൗജന്യ ഫോൺ കോൾ സംവി​ധാ​നം ഉപയോ​ഗ​പ്പെ​ടു​ത്തി​ക്കൊണ്ട്‌ ഗ്രേയ്‌സ്‌ മറ്റൊരു സ്‌ത്രീക്ക്‌ അധ്യയനം തുടങ്ങി. ഇപ്പോൾ അവർ യോഗ​ങ്ങൾക്ക്‌ ഹാജരാ​കു​ന്നുണ്ട്‌.

മൊസാമ്പിക്‌

2008 ആഗസ്റ്റിൽ നടന്ന കാര്യ​മാണ്‌. ഓടി​ക്കൊ​ണ്ടി​രുന്ന ഒരു വാഹന​ത്തിൽനിന്ന്‌ ഒരു ഓവർകോട്ട്‌ പറന്നു​പോ​യി വിധവ​യായ ഒരു സഹോ​ദ​രി​യു​ടെ മൺകു​ടി​ലിന്‌ അടുത്തു​വീ​ണു. സഹോ​ദരി കോ​ട്ടെ​ടു​ത്തു. അതിന്റെ പോക്ക​റ്റിൽ ചില പ്രമാ​ണ​ങ്ങ​ളും ആഭരണങ്ങൾ നിറച്ച മൂന്നു ചെറിയ ബാഗു​ക​ളും ഏകദേശം 45,000 രൂപയും ഉണ്ടായി​രു​ന്നു. ഗ്രാമ​ത്തി​ലുള്ള ആരെങ്കി​ലും പ്രമാ​ണ​ത്തിൽ കണ്ട നമ്പറിൽ വിളിച്ച്‌ കളഞ്ഞു​കി​ട്ടിയ സാധന​ത്തെ​ക്കു​റിച്ച്‌ പറയണ​മെന്ന്‌ സഹോ​ദരി ശഠിച്ചു. അന്നു വൈകു​ന്നേരം നാലു​പു​രു​ഷ​ന്മാർ ഒരു കാറിൽ ഗ്രാമ​ത്തി​ലെത്തി. ഗ്രാമ​ത്തി​ലെ അധികാ​രി​ക​ളു​ടെ മുമ്പാകെ സഹോ​ദരി കോട്ടും സാധന​ങ്ങ​ളും ഉടമസ്ഥനെ ഏൽപ്പിച്ചു. യഹോ​വ​യു​ടെ സാക്ഷി​ക​ള​ല്ലാത്ത ആരു​ടെ​യെ​ങ്കി​ലും കൈയി​ലാണ്‌ അത്‌ കിട്ടി​യി​രു​ന്ന​തെ​ങ്കിൽ ഒരിക്ക​ലും തിരി​ച്ചു​കി​ട്ടി​ല്ലാ​യി​രു​ന്നു എന്ന്‌ കരഞ്ഞു​കൊണ്ട്‌ അയാൾ പറഞ്ഞു. പാവപ്പെട്ട നമ്മുടെ സഹോ​ദ​രി​യു​ടെ സത്യസന്ധത അവളുടെ ദൈവ​മായ യഹോ​വ​യു​ടെ നാമത്തിന്‌ മഹത്ത്വം കരേറ്റു​ക​തന്നെ ചെയ്‌തു.

 അമേരിക്ക

ദേശങ്ങൾ 55

ജനസംഖ്യ 91,07,61,124

പ്രസാധകർ 35,75,123

ബൈബിളധ്യയനങ്ങൾ 37,78,321

ബാർബഡോസ്‌

തിരു​വെ​ഴു​ത്തു​കൾ ഓർമ​യിൽ വെക്കാൻ കുട്ടി​കളെ പഠിപ്പി​ക്കു​ന്നതു പ്രയോ​ജ​ന​ക​ര​മാ​ണെന്നു കരുതു​ന്ന​വ​രാണ്‌ പല മാതാ​പി​താ​ക്ക​ളും. ഗ്രനേ​ഡ​യി​ലുള്ള ഒരു കുടും​ബ​ത്തിന്‌ ഇത്തരത്തി​ലുള്ള നല്ലൊരു അനുഭ​വ​മു​ണ്ടാ​യി. യഹോവ അത്യു​ന്ന​ത​നാ​ണെന്ന്‌ തെളി​യി​ക്കാൻ ആറുവ​യ​സ്സു​കാ​ര​നായ മകൻ ഒരു തിരു​വെ​ഴുത്ത്‌ ഉപയോ​ഗി​ച്ചെന്ന്‌ അറിഞ്ഞ​പ്പോൾ അവർക്ക്‌ എത്ര സന്തോഷം തോന്നി​യെ​ന്നോ! കുടും​ബ​നാ​ഥൻ അതേക്കു​റിച്ച്‌ പറഞ്ഞതി​ങ്ങനെ: “ഒരു ദിവസം വൈകു​ന്നേരം ഞങ്ങളുടെ മകൻ സ്റ്റീഫനെ സ്‌കൂ​ളിൽനി​ന്നു കൂട്ടി​ക്കൊ​ണ്ടു​വ​രാ​നാ​യി എന്റെ ഭാര്യ ലോറ സ്‌കൂ​ളി​ലേക്കു പോയി. അപ്പോൾ അവന്റെ ടീച്ചർ അവളെ അടുത്തു​വി​ളിച്ച്‌ ഇങ്ങനെ പറഞ്ഞു: ‘നിങ്ങളു​ടെ മകൻ എന്നെ അതിശ​യി​പ്പി​ച്ചു​ക​ളഞ്ഞു. നിങ്ങളു​ടെ ഉപദേ​ശ​ങ്ങ​ളോട്‌ ഞാൻ യോജി​ക്കു​ന്നില്ല. പക്ഷേ, സ്വന്തം വിശ്വാ​സ​ങ്ങ​ളെ​ക്കു​റിച്ച്‌ വിശദീ​ക​രി​ക്കാ​നുള്ള നിങ്ങളു​ടെ മകന്റെ കഴിവ്‌ അപാരം​തന്നെ, സമ്മതി​ക്കാ​തി​രി​ക്കാ​നാ​വില്ല!’

“ടീച്ചർ അങ്ങനെ ഒരു നല്ല അഭി​പ്രാ​യം പറയാൻമാ​ത്രം സ്‌കൂ​ളിൽ എന്താണ്‌ ഉണ്ടായ​തെന്ന്‌ വീട്ടി​ലെ​ത്തി​യ​പ്പോൾ എന്റെ ഭാര്യ സ്റ്റീഫ​നോ​ടു ചോദി​ച്ചു. അന്ന്‌ ഒന്നാമത്തെ പിരി​യ​ഡിൽ സംഭവിച്ച ഒരു കാര്യം സ്റ്റീഫൻ വിവരി​ച്ചു. ‘യേശു ദൈവ​മാണ്‌’ എന്ന ടീച്ചറു​ടെ ഒരു പ്രസ്‌താ​വ​ന​യിൽനി​ന്നാ​യി​രു​ന്നു തുടക്കം.

“പ്രസ്‌താ​വന കേട്ട്‌ സ്റ്റീഫൻ കൈയു​യർത്തി ഇങ്ങനെ പറഞ്ഞു: ‘അല്ല ടീച്ചർ. യേശു ദൈവമല്ല. യേശു യഹോ​വ​യു​ടെ പുത്ര​നാണ്‌ എന്നാണ്‌ ബൈബിൾ പറയു​ന്നത്‌. അതു​കൊണ്ട്‌ യേശുവല്ല ദൈവം.’

“അപ്പോൾ ടീച്ചർ: ‘യഹോവ തന്നെയാണ്‌ യേശു എന്നാണ്‌ ഞാൻ വിശ്വ​സി​ക്കു​ന്നത്‌.’

“അതു​കേട്ട്‌ സ്റ്റീഫൻ പറഞ്ഞു: ‘പക്ഷേ, യേശുവല്ല, യഹോ​വ​യാണ്‌ അത്യു​ന്ന​ത​നെ​ന്നാണ്‌ ബൈബിൾ പറയു​ന്നത്‌; യഹോവ മാത്ര​മാണ്‌  അത്യു​ന്നതൻ.’ ഞങ്ങൾ മുമ്പ്‌ പഠിപ്പി​ക്കു​ക​യും മനഃപാ​ഠ​മാ​ക്കാൻ സഹായി​ക്കു​ക​യും ചെയ്‌ത സങ്കീർത്തനം 83:18 ഓർത്തു​കൊ​ണ്ടാണ്‌ അവൻ അങ്ങനെ പറഞ്ഞത്‌. തിരു​വെ​ഴു​ത്തു​സ​ത്യ​ങ്ങൾ അറിയാ​വുന്ന ഈ ആറുവ​യ​സ്സു​കാ​രന്റെ മുമ്പിൽ ഗൗരവ​ക്കാ​രി​യായ ആ ടീച്ചർപോ​ലും മുട്ടു​മ​ടക്കി.”

ഇക്വഡോർ

കിച്വ​ഭാഷ സംസാ​രി​ക്കുന്ന ഒരു പ്രദേ​ശത്തെ പ്രസംഗ പ്രവർത്ത​ന​ത്തി​നു​ശേഷം കുറെ സഹോ​ദ​രങ്ങൾ ഒരു ബസ്സിൽ വീട്ടി​ലേക്കു പോകു​ക​യാ​യി​രു​ന്നു. വീഡി​യോ പ്ലേയറും ടിവി​യും ഉള്ള ബസ്സായി​രു​ന്നു. ബസ്സിലു​ണ്ടാ​യി​രുന്ന യാത്ര​ക്കാ​രെ​ല്ലാം കിച്വ സംസാ​രി​ക്കു​ന്ന​വ​രാ​ണെന്നു കണ്ട സഹോ​ദ​രങ്ങൾ നോഹ​യെ​യും ദാവീ​ദി​നെ​യും കുറിച്ച്‌ കിച്വ​ഭാ​ഷ​യി​ലുള്ള വീഡി​യോ അവരെ കാണി​ക്കാൻ അനുവാ​ദം ചോദി​ച്ചു. ബസ്സുകാർ സമ്മതിച്ചു. സ്വന്തം ഭാഷയി​ലുള്ള ഒരു വീഡി​യോ കാണാൻ സാധി​ച്ച​തിൽ ആ യാത്ര​ക്കാർക്ക്‌ എത്ര സന്തോഷം തോന്നി​യെ​ന്നോ! ഇടയ്‌ക്കു ബസ്‌ നിറു​ത്തി​യ​പ്പോൾ കയറിയ ഒരു യാത്ര​ക്കാ​ര​നോട്‌ പെട്ടെന്ന്‌ സീറ്റി​ലി​രി​ക്കാൻ അവർ ആവശ്യ​പ്പെട്ടു. അയാൾ തങ്ങളുടെ കാഴ്‌ചയെ മറച്ച്‌ വീഡി​യോ​യു​ടെ ഒരു ഭാഗവും നഷ്ടപ്പെ​ടാ​തി​രി​ക്കാ​നാ​യി​രു​ന്നു അത്‌. അത്ര ശ്രദ്ധ​യോ​ടി​രു​ന്നാണ്‌ അവർ വീഡി​യോ കണ്ടത്‌. വീഡി​യോ തീർന്ന​പ്പോൾ പലരും അതിന്റെ ഒരു കോപ്പി  ചോദി​ച്ചു. ചില യാത്ര​ക്കാർക്ക്‌ ബൈബി​ളി​നെ​ക്കു​റി​ച്ചു ചോദ്യ​ങ്ങൾ ഉണ്ടായി​രു​ന്നു. അവർ ബൈബിൾ-പ്രസി​ദ്ധീ​ക​ര​ണങ്ങൾ ആവശ്യ​പ്പെട്ടു. യഹോ​വ​യു​ടെ സാക്ഷികൾ നഗരത്തി​ലെ തങ്ങളുടെ വീട്ടിൽ വരണ​മെന്ന്‌ ആഗ്രഹിച്ച മറ്റുള്ളവർ പേരും മേൽവി​ലാ​സ​വും സഹോ​ദ​ര​ങ്ങൾക്കു കൈമാ​റി. കിച്വ​ഭാ​ഷ​യിൽ നടക്കുന്ന സ്‌മാ​ര​കാ​ച​ര​ണ​ത്തി​നുള്ള ക്ഷണക്കത്ത്‌ സഹോ​ദ​രങ്ങൾ എല്ലാവർക്കും കൊടു​ത്തു. അങ്ങനെ ആ പ്രദേ​ശത്തെ സ്‌മാ​ര​ക​ഹാ​ജർ ഉയർന്നു എന്നു പറയേ​ണ്ട​തി​ല്ല​ല്ലോ.

മെക്‌സിക്കോ

വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ട്ടി​രി​ക്കു​ക​യാ​യി​രു​ന്നു ഗാബീ​നോ എന്ന ഒരു പയനിയർ. പക്ഷേ, ഒരു വീടിന്റെ വാതിൽക്കൽ മുട്ടി​യെ​ങ്കി​ലും പ്രതി​ക​ര​ണ​മൊ​ന്നും ഉണ്ടായില്ല. അതു​കൊണ്ട്‌ സഹോ​ദരൻ ഒരിക്കൽക്കൂ​ടെ വാതി​ലിൽ മുട്ടി. മൂന്നാ​മ​തും മുട്ടി​യെ​ങ്കി​ലും ആരും വാതിൽ തുറന്നില്ല. ഏതാനും നിമി​ഷ​ങ്ങൾക്കു​ശേഷം നാലാ​മ​തൊ​ന്നു​കൂ​ടി മുട്ടി. ഇത്തവണ ആരോ വാതിൽ തുറന്നു. കരഞ്ഞു​കൊ​ണ്ടു നിൽക്കു​ക​യാണ്‌ ആ മനുഷ്യൻ. വലിയ നിരാ​ശ​യി​ലാ​ണെന്ന്‌ അയാളു​ടെ മുഖം കണ്ടാല​റി​യാം. എന്തായാ​ലും അയാൾ ഗാബീ​നോ​യെ അകത്തേക്കു ക്ഷണിച്ചു. അയാൾ ഒന്നും സംസാ​രി​ച്ചില്ല. സംസാ​രി​ക്കാൻ പറ്റിയ ഒരു അവസ്ഥയി​ല​ല്ലാ​യി​രു​ന്നു അയാൾ. ഗാബീ​നോ അയാ​ളോട്‌ സുവാർത്ത പറഞ്ഞു. ആ മനുഷ്യന്‌ അൽപ്പ​മൊ​രു ആശ്വാസം തോന്നി. “നിങ്ങൾ ആ കസേര കണ്ടോ?” അവിടെ കിടന്നി​രുന്ന ഒരു കസേര ചൂണ്ടി​ക്കാ​ണിച്ച്‌ അയാൾ ചോദി​ച്ചു. “മൂന്നാ​മത്തെ തവണ നിങ്ങൾ കതകിൽ മുട്ടി​യ​പ്പോൾ ഞാൻ ആ കസേര​യിൽ നിൽക്കു​ക​യാ​യി​രു​ന്നു. മുകളിൽ കെട്ടി​യി​രി​ക്കുന്ന ആ കയറു കണ്ടില്ലേ, നാലാ​മത്തെ പ്രാവ​ശ്യം നിങ്ങൾ മുട്ടി​യ​പ്പോൾ ആ കുടുക്ക്‌ എന്റെ കഴുത്തി​ലാ​യി​രു​ന്നു. വാതി​ലിൽ മുട്ടു​ന്നത്‌ ആരാ​ണെന്ന്‌ അറിയാ​നാണ്‌ ഞാൻ അത്‌ കഴുത്തിൽനിന്ന്‌ ഊരി​യത്‌. വീണ്ടും​വീ​ണ്ടും മുട്ടി​യ​തി​നു നന്ദി. നിങ്ങൾ അങ്ങനെ ചെയ്‌തി​ല്ലാ​യി​രു​ന്നെ​ങ്കിൽ ഇങ്ങനെ നിങ്ങ​ളോട്‌ സംസാ​രി​ക്കാൻ ഞാൻ ഉണ്ടാകി​ല്ലാ​യി​രു​ന്നു.” ഭാര്യ​യു​മാ​യുള്ള വഴക്കിൽ മനംമ​ടു​ത്താണ്‌ അയാൾ  ആത്മഹത്യക്ക്‌ തുനി​ഞ്ഞ​ത​ത്രേ. ഗാബീ​നോ അയാൾക്ക്‌ ഒരു ബൈബി​ള​ധ്യ​യനം തുടങ്ങാൻ വേണ്ട ക്രമീ​ക​ര​ണങ്ങൾ ചെയ്‌തു. സാധാരണ ഈ പയനിയർ ഒന്നോ രണ്ടോ പ്രാവ​ശ്യം മാത്രമേ വാതി​ലിൽ മുട്ടാ​റു​ള്ളൂ. പക്ഷേ, ഇത്തവണ ദൂതവ​ഴി​ന​ട​ത്തി​പ്പു കൊണ്ടാ​കാം വീണ്ടും​വീ​ണ്ടും മുട്ടി​യത്‌; അത്‌ ഒരു ജീവൻ രക്ഷിച്ചു.

ചിലി

ഒരു സഹോ​ദരി താത്‌പ​ര്യ​ക്കാർക്ക്‌ സ്‌മാ​ര​ക​ക്ഷ​ണ​ക്കത്ത്‌ വിതരണം ചെയ്‌തു​കൊ​ണ്ടി​രി​ക്കു​ക​യാ​യി​രു​ന്നു. പെട്ടെന്ന്‌ ഒരു കൊച്ചു​പെൺകു​ട്ടി വന്ന്‌ സഹോ​ദ​രി​യോട്‌, “എത്ര വയസ്സായി?” എന്നു ചോദി​ച്ചു. തെല്ലൊന്ന്‌ അമ്പരന്നു​പോയ സഹോ​ദരി “മോൾക്ക്‌ എത്ര വയസ്സായി?” എന്ന്‌ തിരി​ച്ചു​ചോ​ദി​ച്ചു. ആറുവ​യ​സ്സാ​യെന്ന്‌ മറുപടി പറഞ്ഞ​ശേഷം അവൾ, യഹോ​വ​യു​ടെ സാക്ഷി​ക​ളിൽ ആരെ​യെ​ങ്കി​ലും ഏൽപ്പി​ക്കാ​നാ​യി തന്റെ അമ്മ ഒരു കത്ത്‌ തന്നയച്ചി​ട്ടു​ണ്ടെന്ന്‌ സഹോ​ദ​രി​യോ​ടു പറഞ്ഞു. കുട്ടി​യ​ല്ലാത്ത, പക്ഷേ അധികം പ്രായ​മി​ല്ലാത്ത ഒരു സാക്ഷിക്കേ കത്തു കൊടു​ക്കാ​വൂ എന്ന്‌ അമ്മ പ്രത്യേ​കം പറഞ്ഞി​രു​ന്നു. അതു​കേട്ട്‌ തനിക്ക്‌ 25 വയസ്സു​ണ്ടെന്ന്‌ സഹോ​ദരി പറഞ്ഞു. പെൺകു​ട്ടി ആ കത്ത്‌ സഹോ​ദ​രി​യെ ഏൽപ്പിച്ചു. അതിൽ ഇങ്ങനെ എഴുതി​യി​രു​ന്നു: “നിങ്ങൾ എന്റെ വീട്ടിൽ വന്നപ്പോൾ വാതിൽ തുറക്കാൻ ഞാൻ ധൈര്യ​പ്പെ​ട്ടില്ല. കടുത്ത വിഷാ​ദ​രോ​ഗ​ത്തിന്‌ അടിമ​യായ ഞാൻ ദൈവ​ത്തോട്‌ പ്രാർഥി​ച്ചു. യഹോ​വ​യു​ടെ സാക്ഷികൾ പറയു​ന്നതു ശ്രദ്ധി​ക്കാ​നും ബൈബിൾ വായി​ക്കാ​നും ഞാൻ ശ്രമിച്ചു. പക്ഷേ, എന്നെ സംബന്ധി​ച്ചി​ട​ത്തോ​ളം അത്‌ ഒട്ടും എളുപ്പമല്ല. എന്റെ ദാമ്പത്യ​ജീ​വി​തം ഒരു പരാജ​യ​മാ​യി​രു​ന്നു. അതിൽനി​ന്നു കരകയ​റാൻ എന്നെ സഹായി​ക്കാൻ പറ്റിയ ആരെങ്കി​ലും എന്നെ ബൈബിൾ പഠിപ്പി​ക്ക​ണ​മെന്ന്‌ എനിക്ക്‌ ആഗ്രഹ​മുണ്ട്‌. എന്നെ സഹായി​ക്കാൻ നിങ്ങൾക്കാ​കു​മെ​ങ്കിൽ ഇന്ന്‌ ഉച്ചയ്‌ക്കു​ശേഷം ദയവു​ചെ​യ്‌ത്‌ എന്റെ വീട്ടി​ലേക്കു വരുക; കാരണം രാവിലെ ഞാൻ കിടക്ക​യിൽത്ത​ന്നെ​യാ​യി​രി​ക്കും. നന്ദി.”

പറഞ്ഞതു​പോ​ലെ​തന്നെ സഹോ​ദരി ആ സ്‌ത്രീ​യു​ടെ വീട്ടിൽ പോയി അവരെ സ്‌മാ​ര​ക​ത്തി​നും  പ്രത്യേക പരസ്യ​പ്ര​സം​ഗ​ത്തി​നും ക്ഷണിച്ചു. രണ്ടുപ​രി​പാ​ടി​ക​ളും അവർക്ക്‌ ഇഷ്ടപ്പെട്ടു; അവർക്ക്‌ വലിയ ആശ്വാസം തോന്നി. അന്നുമു​തൽ അവർ യോഗ​ങ്ങൾക്കു ക്രമമാ​യി ഹാജരാ​കു​ന്നുണ്ട്‌. ബൈബിൾ പഠിക്കു​ന്ന​തി​ലും നല്ല പുരോ​ഗ​തി​യുണ്ട്‌. ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തിൽനി​ന്നാണ്‌ അധ്യയനം. ആറുവ​യ​സ്സു​കാ​രി മകളോ? അവളും 12 വയസ്സുള്ള ചേച്ചി​യും ബൈബിൾ പഠിക്കു​ന്നുണ്ട്‌.

പോർട്ടോറിക്കോ

ഒരു സഹോ​ദരി ഇങ്ങനെ എഴുതി: “തെരു​വിൽ മാസി​കകൾ സമർപ്പി​ച്ചു​കൊ​ണ്ടി​രി​ക്കു​ക​യാ​യി​രു​ന്നു ഞാൻ. അപ്പോൾ ഒരു ചെറു​പ്പ​ക്കാ​രി കാറിന്റെ ടയറിൽ കാറ്റടി​ക്കു​ന്നതു കണ്ടു. ഞാൻ അവരുടെ അടു​ത്തേക്കു ചെന്നു. പക്ഷേ, എനിക്ക്‌ എന്തെങ്കി​ലും പറയാൻ കഴിയു​ന്ന​തി​നു​മു​മ്പു​തന്നെ വീക്ഷാ​ഗോ​പു​ര​വും ഉണരുക!യും തരാ​മോ​യെന്ന്‌ അവൾ എന്നോടു ചോദി​ച്ചു. ആ മാസി​കകൾ വായി​ക്കാൻ വലിയ ഇഷ്ടമാ​ണെ​ന്നും പറഞ്ഞു. ബൈബിൾ പഠിക്കാൻ താത്‌പ​ര്യ​മു​ണ്ടോ​യെന്ന്‌ ഞാൻ ചോദി​ച്ച​പ്പോൾ അവൾ സമ്മതി​ച്ചില്ല. അവളുടെ അമ്മ താമസി​ക്കുന്ന വീടിന്റെ രണ്ടാമത്തെ നിലയി​ലാണ്‌ അവൾ താമസി​ക്കു​ന്ന​തെ​ന്നും അമ്മയ്‌ക്ക്‌ യഹോ​വ​യു​ടെ സാക്ഷി​ക​ളു​ടെ വേല​യോട്‌ എതിർപ്പാ​ണെ​ന്നും അവൾ കാരണം പറഞ്ഞു. മേൽവി​ലാ​സം ചോദി​ച്ച​പ്പോൾ താമസി​ക്കുന്ന തെരു​വി​ന്റെ പേരു​മാ​ത്രം അവൾ എനിക്കു പറഞ്ഞു​തന്നു. പിന്നീട്‌ ഞാൻ ആ തെരു​വിൽ പോയി അവളുടെ വീട്‌ കണ്ടുപി​ടി​ക്കാൻ ശ്രമിച്ചു. പക്ഷേ, കഴിഞ്ഞില്ല. മറ്റൊരു ദിവസം അതേ തെരു​വിൽ തിരി​ച്ചു​പോ​യി, രണ്ടുകു​ട്ടി​ക​ളുള്ള നാൻസി എന്ന ഒരു യുവതി​യെ അറിയാ​മോ എന്ന്‌ ഞാൻ അവിടത്തെ ചില വീട്ടു​കാ​രോ​ടു ചോദി​ച്ചു. അതിശ​യ​മെന്നു പറയട്ടെ, ഒടുവിൽ എനിക്ക്‌ നാൻസി​യു​ടെ മേൽവി​ലാ​സം കിട്ടി. പക്ഷേ, ഞാൻ പോയ​പ്പോ​ഴൊ​ന്നും നാൻസി വീട്ടി​ലി​ല്ലാ​യി​രു​ന്നു. അതു​കൊണ്ട്‌ നാൻസി​ക്കുള്ള കുറി​പ്പും മാസി​ക​ക​ളും ഞാൻ അവളുടെ വീട്ടിൽ ഇട്ടിട്ടു​പോ​രു​മാ​യി​രു​ന്നു. ഒടുവിൽ, ഞങ്ങൾ കണ്ടുമു​ട്ടി​യ​പ്പോൾ അവൾക്കു കരച്ചിൽ അടക്കാ​നാ​യില്ല. രാജ്യ​ഹാ​ളിൽ വരാൻ താത്‌പ​ര്യ​മു​ണ്ടെന്ന്‌ അവൾ എന്നോടു പറഞ്ഞു. രാജ്യ​ഹാ​ളിൽ കണ്ട, സഹോ​ദ​ര​ങ്ങ​ളു​ടെ സ്‌നേഹം അവളെ ഏറെ സ്‌പർശി​ച്ചു. മുമ്പ്‌ ഞാൻ വെച്ചി​ട്ടു​പോന്ന മാസി​ക​ക​ളും കുറി​പ്പും അവൾ വീട്ടിൽ വരുന്ന​തി​നു​മു​മ്പേ അമ്മ എടുത്തു നശിപ്പി​ച്ചു​ക​ള​യു​മാ​യി​രു​ന്നു എന്നും അതു​കൊ​ണ്ടാണ്‌ പരസ്‌പരം ബന്ധപ്പെ​ടാൻ സാധി​ക്കാ​തി​രു​ന്ന​തെ​ന്നും അവൾ പറഞ്ഞു. നാൻസി​യു​ടെ ചേച്ചി​യു​ടെ വീട്ടിൽവെച്ച്‌ ഞങ്ങൾ അധ്യയനം നടത്തി. താമസി​യാ​തെ നാൻസി യോഗ​ങ്ങ​ളിൽ ക്രമമാ​യി ഹാജരാ​കാൻ തുടങ്ങി. ഇപ്പോൾ ഒരു യോഗം​പോ​ലും അവൾ മുടക്കാ​റില്ല. ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ അവൾ പേർ ചാർത്തി​യി​ട്ടുണ്ട്‌. യോഗ​ങ്ങ​ളിൽ നാൻസി​യു​ടെ​യും കുട്ടി​ക​ളു​ടെ​യും ഉത്തരങ്ങൾ കേൾക്കു​ന്നത്‌ എത്ര സന്തോ​ഷ​മുള്ള കാര്യ​മാ​ണെ​ന്നോ!”

 ഏഷ്യയും മധ്യപൂർവ​ദേ​ശ​ങ്ങ​ളും

ദേശങ്ങൾ 47

ജനസംഖ്യ 4,07,35,56,172

പ്രസാധകർ 6,35,896

ബൈബിളധ്യയനങ്ങൾ 5,79,554

ദക്ഷിണ കൊറിയ

രാജ്യ​ഹാ​ളി​ന​ടുത്ത്‌ താമസി​ക്കുന്ന ഒരാൾ വീടി​നു​മു​മ്പിൽ നിറു​ത്തി​യി​ട്ടി​രി​ക്കുന്ന തന്റെ കാറിൽ ആരോ ഒരു കുറിപ്പ്‌ ഒട്ടിച്ചി​രി​ക്കു​ന്ന​താ​യി ശ്രദ്ധിച്ചു. അതിൽ ഇങ്ങനെ എഴുതി​യി​രു​ന്നു: “പാർക്കു ചെയ്യു​ന്ന​തി​നി​ടെ അബദ്ധവ​ശാൽ എന്റെ കാർ താങ്കളു​ടെ കാറിൽ ഒന്നുമു​ട്ടി. കേടു​പാട്‌ തീർത്തു​ത​രാൻ ഞാൻ തയ്യാറാണ്‌. ദയവായി ഈ നമ്പറിൽ വിളി​ക്കുക.” തന്റെ വീടി​ന​ടു​ത്തുള്ള ഹാളിൽ കൂടി​വ​രുന്ന ആളുക​ളു​ടെ പെരു​മാ​റ്റം ശ്രദ്ധി​ച്ചി​രുന്ന അയാൾ തന്നോ​ടു​തന്നെ പറഞ്ഞു, ‘ഇത്ര സത്യസന്ധത കാണി​ക്ക​ണ​മെ​ങ്കിൽ അത്‌ യഹോ​വ​യു​ടെ സാക്ഷി​ക​ളിൽപ്പെട്ട ഒരാളാ​യി​രി​ക്കണം.’

സൂയൻ എന്ന ഒരു സഹോ​ദ​രി​യാണ്‌ ആ കുറിപ്പ്‌ എഴുതി​യത്‌. കാറിന്റെ ഉടമസ്ഥൻ ഫോൺ ചെയ്‌ത​പ്പോൾ സഹോ​ദരി ക്ഷമ ചോദി​ക്കു​ക​യും കാർ നന്നാക്കി​ക്കൊ​ടു​ക്കാ​മെന്നു വീണ്ടും പറയു​ക​യും ചെയ്‌തു. അപ്പോൾ “നിങ്ങൾ യഹോ​വ​യു​ടെ സാക്ഷി​യാ​ണോ?” എന്ന്‌ ആ മനുഷ്യൻ സഹോ​ദ​രി​യോട്‌ ചോദി​ച്ചു. സഹോ​ദരി അതിശ​യി​ച്ചു​പോ​യി! കാറിന്റെ കാര്യ​മോർത്ത്‌ വിഷമി​ക്കേ​ണ്ടെ​ന്നും അത്‌ താൻ ശരിയാ​ക്കി​ക്കൊ​ള്ളാ​മെ​ന്നും അദ്ദേഹം പറഞ്ഞു. യഹോ​വ​യു​ടെ സാക്ഷി​ക​ളെ​ക്കു​റിച്ച്‌ ചില കാര്യങ്ങൾ അറിയാൻ താത്‌പ​ര്യ​മു​ണ്ടെന്നു പറഞ്ഞ അദ്ദേഹം സഹോ​ദ​രി​യെ നേരിൽ കാണാൻ ആഗ്രഹം പ്രകടി​പ്പി​ച്ചു. ഡാഡി​യെ​യും സഭയിലെ മറ്റൊരു സഹോ​ദ​ര​നെ​യും കൂട്ടി സൂയൻ അദ്ദേഹത്തെ ചെന്നു​കണ്ടു. “എന്റെ വീട്‌ രാജ്യ​ഹാ​ളി​ന​ടു​ത്താണ്‌. സാക്ഷി​ക​ളു​ടെ പെരു​മാ​റ്റം പലപ്പോ​ഴും ഞാൻ നിരീ​ക്ഷി​ച്ചി​ട്ടുണ്ട്‌. എത്ര നല്ല ആളുക​ളാണ്‌ നിങ്ങൾ! എന്നിട്ടും മറ്റുള്ളവർ നിങ്ങളെ വെറു​ക്കു​ന്നത്‌ എന്തു​കൊ​ണ്ടാ​ണെ​ന്നാണ്‌ എനിക്കു മനസ്സി​ലാ​കാ​ത്തത്‌,” അദ്ദേഹം പറഞ്ഞു. അദ്ദേഹ​ത്തിന്‌ അനേകം ചോദ്യ​ങ്ങ​ളു​ണ്ടാ​യി​രു​ന്നു. ബൈബി​ളി​ന്റെ​യും ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ​യും സഹായ​ത്തോ​ടെ  സൂയന്റെ ഡാഡി അവയ്‌ക്കെ​ല്ലാം ഉത്തരം കൊടു​ത്തു. ഇപ്പോൾ സൂയന്റെ ഡാഡി അദ്ദേഹ​ത്തിന്‌ അധ്യയനം നടത്തു​ന്നുണ്ട്‌. അദ്ദേഹം ആത്മീയ​മാ​യി നല്ല പുരോ​ഗതി വരുത്തു​ന്നു.

പ്രസംഗവേലയ്‌ക്ക്‌ നിയ​ന്ത്ര​ണ​മോ നിരോ​ധ​ന​മോ ഉള്ള ദേശങ്ങൾ

ബൈബിൾസ​ത്യം സാക്ഷി​യായ തന്റെ ഭാര്യ​യു​ടെ ജീവി​ത​ത്തിൽ ഉളവാ​ക്കിയ നല്ല ഫലം ഒരു കേണലി​ന്റെ ഹൃദയത്തെ സ്‌പർശി​ച്ചു. അങ്ങനെ, അദ്ദേഹം ബൈബിൾ പഠിക്കാൻ തുടങ്ങി. ഇതറിഞ്ഞ മേലു​ദ്യോ​ഗസ്ഥൻ അദ്ദേഹത്തെ വിളി​പ്പി​ച്ചു. യഹോ​വ​യു​ടെ സാക്ഷി​ക​ളു​മാ​യുള്ള ബന്ധം അവസാ​നി​പ്പി​ച്ചി​ല്ലെ​ങ്കിൽ ദൂരെ ഒരിട​ത്തേക്ക്‌ സ്ഥലംമാ​റ്റം കിട്ടു​മെന്ന്‌ അദ്ദേഹം മുന്നറി​യി​പ്പു​കൊ​ടു​ത്തു. തന്റെ ഭാര്യ ബൈബിൾ പഠിക്കാൻ തുടങ്ങി​യിട്ട്‌ കാലങ്ങ​ളാ​യെ​ന്നും അതിൽ എന്തെങ്കി​ലും അപകട​മു​ള്ള​താ​യി തനിക്കു തോന്നു​ന്നി​ല്ലെ​ന്നും കേണൽ പറഞ്ഞു. അതു​കൊണ്ട്‌ ബൈബിൾ പഠിക്കു​ന്നത്‌ നിറു​ത്താൻ ഉദ്ദേശി​ക്കു​ന്നി​ല്ലെന്ന്‌ അദ്ദേഹം തുറന്നു​പ​റഞ്ഞു. കുറച്ചു​നാ​ളു​കൾക്കു​ശേഷം കേണൽ സൈനി​ക​സേ​വനം നിറുത്തി. തുടർന്ന്‌ സമർപ്പി​ച്ചു സ്‌നാ​ന​മേറ്റ അദ്ദേഹം ഇപ്പോൾ ഒരു സാധാരണ പയനി​യ​റും ശുശ്രൂ​ഷാ​ദാ​സ​നു​മാ​യി സേവി​ക്കു​ന്നു. രസകര​മെ​ന്നു​പ​റ​യട്ടെ, അദ്ദേഹം സംസാ​രിച്ച ആ മേലു​ദ്യോ​ഗ​സ്ഥന്റെ ഭാര്യ​യും ബൈബിൾ പഠിക്കാൻ തുടങ്ങി. ഭാര്യ​യെ​യും പിന്തി​രി​പ്പി​ക്കാൻ ആ ഉദ്യോ​ഗ​സ്ഥ​നാ​യില്ല. ഇപ്പോൾ അവരും സാധാരണ പയനി​യ​റാണ്‌.

മറ്റൊരു രാജ്യത്ത്‌ ഒരു സഹോ​ദരി ഒരു സ്‌ത്രീ​യെ ബൈബിൾ പഠിപ്പി​ക്കാൻ തുടങ്ങി. പക്ഷേ, അവരുടെ ഭർത്താ​വിന്‌ കടുത്ത എതിർപ്പാ​യി​രു​ന്നു. അതു​കൊണ്ട്‌ അധ്യയനം അവരുടെ വീട്ടിൽവെച്ച്‌ നടത്തു​ന്ന​തി​നു​പ​കരം ഒരു പാർക്കിൽവെച്ച്‌ നടത്താൻ അവർ തീരു​മാ​നി​ച്ചു. അധ്യയന സമയത്ത്‌, ഒരു വൃദ്ധൻ അവർക്കു ചുറ്റും നടന്നു​കൊണ്ട്‌ അവരുടെ സംഭാ​ഷണം ശ്രദ്ധി​ക്കുക പതിവാ​യി​രു​ന്നു. ഒരിക്കൽ അദ്ദേഹം അവരെ സമീപിച്ച്‌ ബൈബി​ളി​നെ​ക്കു​റി​ച്ചു ചില ചോദ്യ​ങ്ങൾ ചോദി​ച്ചു. പിറ്റേ ആഴ്‌ച​യും ആ മനുഷ്യൻ വന്ന്‌ ചോദ്യ​ങ്ങൾ ചോദി​ച്ചു. ഇത്തവണ സഹോ​ദരി ബൈബിൾ പഠിപ്പി​ച്ചു​കൊ​ണ്ടി​രുന്ന ആ സ്‌ത്രീക്ക്‌ അതത്ര രസിച്ചില്ല. “എനിക്കാ​കെ​യു​ള്ളത്‌ ഈ ഒരു മണിക്കൂ​റാണ്‌. ആ സമയത്ത്‌ നിങ്ങൾവന്ന്‌ ഇങ്ങനെ ഒരുപാട്‌ ചോദ്യ​ങ്ങൾ ചോദി​ച്ചാൽ എങ്ങനെ ശരിയാ​കും?” അവർ പറഞ്ഞു. അതിനു​ശേഷം അദ്ദേഹത്തെ ബൈബിൾ പഠിപ്പി​ക്കാൻ സഹോ​ദരി ഒരു സഹോ​ദ​രനെ ഏർപ്പാ​ടാ​ക്കി. ആത്മീയ​മാ​യി പുരോ​ഗ​മിച്ച അദ്ദേഹം യോഗ​ങ്ങൾക്കു ഹാജരാ​കാൻ തുടങ്ങി. എല്ലാ ഞായറാ​ഴ്‌ച​യും മാന്യ​മാ​യി വസ്‌ത്രം ധരിച്ച്‌ കൈയിൽ  ഒരു ബ്രീഫ്‌കേ​സു​മാ​യി അദ്ദേഹം വീട്ടിൽനിന്ന്‌ പുറത്തു​പോ​കു​ന്നത്‌ അയൽപ​ക്കത്തെ രണ്ടുസ്‌ത്രീ​കൾ ശ്രദ്ധിച്ചു. അദ്ദേഹം എവി​ടെ​യാണ്‌ പോകു​ന്ന​തെന്ന്‌ അറിയാൻ അവർക്ക്‌ ആകാം​ക്ഷ​യാ​യി. അദ്ദേഹം ഏതോ ‘പുതിയ മതത്തിൽ’ വിശ്വ​സി​ക്കാൻ തുടങ്ങി​യെന്ന്‌ അവർക്കു മനസ്സി​ലാ​യി. അതേക്കു​റിച്ച്‌ അന്വേ​ഷി​ക്കാൻ അവർ ഒരിക്കൽ അദ്ദേഹത്തെ പിന്തു​ടർന്ന്‌ രാജ്യ​ഹാ​ളി​ലെ​ത്തി​പ്പെട്ടു. പല സഹോ​ദ​രി​മാ​രും ചെന്ന്‌ അവരോട്‌ സംസാ​രി​ച്ചു. അവർക്ക്‌ ബൈബിൾ പഠിക്കാൻ താത്‌പ​ര്യ​മു​ണ്ടോ എന്നും ചോദി​ച്ചു. രണ്ടു​പേ​രിൽ ഒരാൾ ബൈബി​ള​ധ്യ​യ​ന​ത്തി​നു സമ്മതിച്ചു. പാർക്കിൽവെച്ച്‌ ബൈബിൾ പഠിച്ചു​കൊ​ണ്ടി​രുന്ന സ്‌ത്രീ​യും പ്രായ​മുള്ള ആ മനുഷ്യ​നും അദ്ദേഹ​ത്തി​ന്റെ അയൽക്കാ​രി​ക​ളിൽ ഒരാളും നല്ല ആത്മീയ പുരോ​ഗതി വരുത്തി. മൂവരും ഇന്ന്‌ സ്‌നാ​ന​മേറ്റ സാക്ഷി​ക​ളാണ്‌.

കംബോഡിയ

കംബോ​ഡി​യ​യി​ലുള്ള ഒരു പയനി​യ​റാണ്‌ ലോയ്‌. അവിടത്തെ ഒരു ഗ്രാമ​ത്തി​ലേക്ക്‌ ലോയ്‌ പതിവാ​യി സൈക്കി​ളിൽ പോകു​മാ​യി​രു​ന്നു. താങ്ങു​ത​ടി​ക​ളിൽ നിറു​ത്തി​യി​രി​ക്കുന്ന മുള​കൊ​ണ്ടു നിർമിച്ച വീടു​ക​ളി​ലാണ്‌ അവിട​ത്തു​കാർ താമസി​ച്ചി​രു​ന്നത്‌. ഗ്രാമ​ത്തി​ലെ ചിലർക്ക്‌ ലോയ്‌ അധ്യയനം നടത്തു​ന്നുണ്ട്‌. സ്‌മാ​ര​ക​ത്തി​നു മൂന്നു​ദി​വസം മുമ്പ്‌, സ്‌മാ​ര​ക​ത്തി​ന്റെ ഉദ്ദേശ്യ​ത്തെ​ക്കു​റിച്ച്‌ തന്റെ ഒരു വിദ്യാർഥി​ക്കു വിശദീ​ക​രി​ച്ചു​കൊ​ടു​ക്കു​ക​യാ​യി​രു​ന്നു ലോയ്‌. അതുകണ്ട്‌ കുറെ കുട്ടികൾ ചോദ്യ​ങ്ങൾ ചോദി​ച്ചു​കൊണ്ട്‌ അവളുടെ ചുറ്റും​കൂ​ടി. പെട്ടെ​ന്നു​തന്നെ, കുട്ടി​ക​ളു​ടെ എണ്ണം കൂടി. ലോയ്‌ 57 സ്‌മാ​ര​ക​ക്ഷ​ണ​ക്ക​ത്തു​കൾ വിതര​ണം​ചെ​യ്‌തു. പിറ്റേ​ദി​വസം മറ്റൊരു അധ്യയ​ന​ത്തി​നാ​യി ലോയ്‌ ഗ്രാമ​ത്തിൽ ചെന്നു. തന്റെ ബന്ധുക്കൾക്കും സുഹൃ​ത്തു​ക്കൾക്കും സ്‌മാ​ര​ക​ത്തി​നു വരാൻ താത്‌പ​ര്യ​മു​ണ്ടെന്ന്‌ ആ വിദ്യാർഥി പറഞ്ഞു. അവർക്കു കൊടു​ക്കാ​നാ​യി 20 ക്ഷണക്കത്തു​കൾ ലോയ്‌ വിദ്യാർഥി​യെ ഏൽപ്പിച്ചു. സ്‌മാ​ര​ക​ത്തി​നു ഹാജരാ​കാൻ ഇവരെ​യെ​ല്ലാം എങ്ങനെ സഹായി​ക്കും എന്നായി പിന്നെ അവളുടെ ചിന്ത. യഹോ​വ​യോട്‌ പ്രാർഥി​ച്ച​തി​നു​ശേഷം, അവൾ ഗ്രാമ​മു​ഖ്യ​നോട്‌ കാര്യം പറഞ്ഞു. അവളുടെ ഒരു വിദ്യാർഥി​യു​ടെ അച്ഛനാ​യി​രു​ന്നു ഗ്രാമ​മു​ഖ്യൻ. ഒരു ടക്‌-ടക്‌ (ഒരു മോ​ട്ടോർ​സൈ​ക്കി​ളിൽ ഘടിപ്പി​ച്ചി​രി​ക്കുന്ന, നാലു​പേർക്ക്‌ ഇരിക്കാ​വുന്ന ഒരു ചെറിയ വണ്ടി) സംഘടി​പ്പി​ക്കാൻ ലോയ്‌ക്ക്‌ കഴിഞ്ഞാൽ പ്രശ്‌നം പരിഹ​രി​ക്കാ​മെന്ന്‌ അദ്ദേഹം അഭി​പ്രാ​യ​പ്പെട്ടു. നിന്നു​കൊ​ണ്ടോ മടിയി​ലി​രു​ന്നു​കൊ​ണ്ടോ എല്ലാവർക്കും സ്‌മാ​ര​ക​ത്തി​നു പോകാ​മെന്ന്‌ അദ്ദേഹം പറഞ്ഞു. ഒടുവിൽ, ആ ഗ്രാമ​ത്തി​ലെ 18 പേർ സ്‌മാ​ര​ക​ത്തി​നു ഹാജരാ​യ​പ്പോൾ ലോയ്‌ക്ക്‌ എത്ര സന്തോഷം തോന്നി​യെ​ന്നോ!

 ഇന്ത്യ

ഓട്ടോ​റി​ക്ഷാ ഡ്രൈ​വ​റായ ഒരു സഹോ​ദരൻ തന്റെ ഒരു യാത്ര​ക്കാ​രി​യോ​ടു സാക്ഷീ​ക​രി​ക്കാ​നുള്ള അവസരം പാഴാ​ക്കി​യില്ല. അവർ ഒരു ജേണലി​സ്റ്റാ​യി​രു​ന്നു. ഓട്ടോ​ഡ്രൈ​വ​റു​ടെ ധൈര്യ​ത്തിൽ അവർക്ക്‌ വലിയ മതിപ്പു​തോ​ന്നി. കാരണം, ആ പ്രദേ​ശത്ത്‌ സുവി​ശേഷം പങ്കു​വെ​ക്കാൻ ശ്രമിച്ച ചിലരെ ആളുകൾ ദേഹോ​പ​ദ്രവം ഏൽപ്പിച്ച വിവരം ജേണലി​സ്റ്റിന്‌ അറിയാ​മാ​യി​രു​ന്നു. ഡ്രൈ​വ​റു​മാ​യുള്ള തന്റെ സംഭാ​ഷണം ദിനപ്പ​ത്ര​ത്തിൽ പ്രസി​ദ്ധീ​ക​രി​ക്കാൻ അവർ തീരു​മാ​നി​ച്ചു. അവർ ഇങ്ങനെ എഴുതി: “ഡ്രൈ​വറെ ചെറു​താ​യൊ​ന്നു പ്രകോ​പി​പ്പി​ക്കാ​മെ​ന്നു​വെച്ച്‌ ഞാൻ ചോദി​ച്ചു: ‘നിങ്ങൾ ഇന്ന്‌ വാർത്ത കേട്ടില്ലേ? നിങ്ങളു​ടെ ആളുകളെ തല്ലുക​യും പള്ളികൾ ആക്രമി​ക്കു​ക​യും ഒക്കെ ചെയ്‌തത്‌ നിങ്ങൾ അറിഞ്ഞി​ല്ലേ?’ ‘ഉവ്വ്‌, ഇന്നത്തെ പത്രത്തിൽ വായിച്ചു,’ അയാൾ പറഞ്ഞു. ‘[എതിരാ​ളി​കൾ] ഇനിയും ഉപദ്ര​വി​ച്ചാൽ നിങ്ങൾ എന്തു ചെയ്യും?’ എന്ന്‌ ഞാൻ ചോദി​ച്ച​പ്പോൾ, നിഷേ​ധാർഥ​ത്തിൽ തലയാ​ട്ടി​ക്കൊണ്ട്‌  അയാൾ പറഞ്ഞു: ‘അതൊ​ന്നും ഞങ്ങൾക്കു പ്രശ്‌നമല്ല. എന്തുവ​ന്നാ​ലും, ഞങ്ങൾ ഞങ്ങളുടെ വിശ്വാ​സം ഉപേക്ഷി​ക്കില്ല.’

സാക്ഷി കൊടുത്ത ലഘു​ലേ​ഖ​യെ​ക്കു​റിച്ച്‌ അവർ എഴുതി​യ​തി​ങ്ങനെ: “വീട്ടിൽ ചെന്ന​പ്പോൾ ഞാൻ ബാഗിൽനിന്ന്‌ ആ ലഘുലേഖ പുറ​ത്തെ​ടു​ത്തു. പച്ചവി​രിച്ച പുൽത്ത​കി​ടി​കൾ, നീല ജലാശയം, പൂക്കള​ണി​ഞ്ഞു നിൽക്കുന്ന മാമരങ്ങൾ, ധാന്യ​ങ്ങ​ളും പഴവർഗ​ങ്ങ​ളും ശേഖരി​ക്കുന്ന മനുഷ്യർ, മഞ്ഞണിഞ്ഞ മാമലകൾ അങ്ങനെ സ്വപ്‌ന​സു​ന്ദ​ര​മായ ഒരു ദൃശ്യം. ‘സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം’ എന്നായി​രു​ന്നു അതിന്റെ തലക്കെട്ട്‌. അതിലെ സന്ദേശം മതത്തോ​ടു ബന്ധപ്പെ​ട്ട​താ​യി​രു​ന്നു. ഒരു സാരി​ക്ക​ട​യെ​ക്കു​റി​ച്ചോ മറ്റെന്തി​നെ​യെ​ങ്കി​ലും കുറി​ച്ചോ പരസ്യ​പ്പെ​ടു​ത്തുന്ന ഒരു നോട്ടീസ്‌ കൈയിൽ കിട്ടി​യാൽ ആർക്കും ഒരു പരാതി​യു​മില്ല. പക്ഷേ, സമാധാ​നം കളിയാ​ടുന്ന ഒരു പുതിയ ലോക​ത്തെ​ക്കു​റി​ച്ചു സംസാ​രി​ച്ചാൽ നിങ്ങൾ കുടു​ങ്ങി​യ​തു​തന്നെ!”

ഫിലിപ്പീൻസ്‌

സാം​ബോം​ഗാ​യിൽ വളരെ ഉയരമുള്ള ഒരു പർവത​മുണ്ട്‌. 200 കിലോ​മീ​റ്റർ അകലെ​നി​ന്നു നോക്കി​യാ​ലും അതിന്റെ അഗ്രം കാണാം. പർവത​ത്തി​ന​ടുത്ത്‌ താമസി​ക്കുന്ന സഹോ​ദ​രങ്ങൾ വയൽസേ​വ​ന​ത്തി​നി​ടെ തമാശ​യാ​യി ഇങ്ങനെ പറയാ​റുണ്ട്‌. “പർവത​ത്തി​നു മുകളിൽ താമസി​ക്കുന്ന ആരെങ്കി​ലും ബൈബിൾ പഠിക്കാൻ താത്‌പ​ര്യ​മു​ണ്ടെന്നു പറഞ്ഞാൽ നമ്മൾ എന്തു ചെയ്യും?” ഒരിക്കൽ പർവത​ത്തി​ന്റെ അടിവാ​രത്ത്‌ സാക്ഷീ​ക​രി​ച്ചു​കൊ​ണ്ടി​രി​ക്കെ സാക്ഷി​കളെ അന്വേ​ഷിച്ച്‌ ഒരാൾ വന്നു. ബൈബിൾ പഠിക്കാൻ സഹായി​ക്കാ​മോ എന്ന്‌ അയാൾ സഹോ​ദ​ര​ങ്ങ​ളോ​ടു ചോദി​ച്ചു. എവി​ടെ​യാ​ണു താമസി​ക്കു​ന്ന​തെന്ന്‌ സഹോ​ദ​രങ്ങൾ ചോദി​ച്ച​പ്പോൾ പർവത​ത്തി​ന്റെ മുകളി​ലേക്കു ചൂണ്ടി​യിട്ട്‌ അവി​ടെ​യാ​ണെന്ന്‌ അയാൾ പറഞ്ഞു. ഒരു നിമിഷം സഹോ​ദ​രങ്ങൾ നിശ്ശബ്ദ​രാ​യി​പ്പോ​യി. പർവത​ത്തി​ന്റെ മുകളി​ലല്ല, പുറകി​ലാണ്‌ താൻ താമസി​ക്കു​ന്ന​തെ​ന്നും പക്ഷേ, തന്റെ വീട്ടി​ലേക്ക്‌ പോക​ണ​മെ​ങ്കിൽ പർവതം താണ്ടി മറുവ​ശത്ത്‌ എത്തണ​മെ​ന്നും അയാൾ വിശദ​മാ​ക്കി. അമ്പരപ്പു മാറി​യ​പ്പോൾ സഹോ​ദ​രങ്ങൾ അധ്യയനം നടത്താ​മെന്നു സമ്മതിച്ചു. അങ്ങനെ അധ്യയനം തുടങ്ങി. ഇപ്പോൾ എല്ലാ ആഴ്‌ച​യും അയാൾ യോഗ​ങ്ങൾക്കു ഹാജരാ​കു​ന്നുണ്ട്‌; രാജ്യ​ഹാൾ അയാളു​ടെ വീട്ടിൽനി​ന്നും വളരെ ദൂരെ​യാ​ണെ​ങ്കി​ലും. “യഹോ​വ​യു​ടെ ആലയമുള്ള പർവ്വത”ത്തിലേക്ക്‌ ഒഴുകി​വ​രുന്ന സകല ജനതക​ളി​ലും​പെട്ട ആളുക​ളു​ടെ കൂട്ടത്തിൽ ഇപ്പോൾ ഈ മനുഷ്യ​നു​മുണ്ട്‌.—യെശ. 2:2.

 യൂറോപ്പ്‌

ദേശങ്ങൾ 47

ജനസംഖ്യ 73,69,88,468

പ്രസാധകർ 15,63,910

ബൈബിളധ്യയനങ്ങൾ 8,19,067

ഫിൻലൻഡ്‌

സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്ന ലഘുലേഖ ഉപയോ​ഗി​ച്ചു​കൊണ്ട്‌ ബൈബി​ള​ധ്യ​യനം സ്വീക​രി​ക്കാൻ ആളുകളെ പ്രോ​ത്സാ​ഹി​പ്പി​ച്ചു​വ​രു​ക​യാ​യി​രു​ന്നു രണ്ടുസ​ഹോ​ദ​ര​ന്മാർ. ഒരാൾ വാതിൽ തുറന്നു. സഹോ​ദ​രങ്ങൾ പരിച​യ​പ്പെ​ടു​ത്തി തീരും​മു​മ്പേ അയാൾ അവരെ അകത്തേക്കു വിളിച്ചു. “എനിക്കു ധാരാളം ചോദ്യ​ങ്ങ​ളുണ്ട്‌.” അദ്ദേഹം പറഞ്ഞു. “എങ്ങനെ നിങ്ങൾക്ക്‌ ഈ സമയത്തു​തന്നെ ഇവിടെ വരാൻ തോന്നി?”

“ഇന്ന്‌ സഭയോ​ടൊ​പ്പം ഞങ്ങൾ ഈ പ്രദേ​ശത്ത്‌ പ്രവർത്തി​ക്കു​ക​യാണ്‌” സഹോ​ദ​ര​ന്മാർ മറുപടി പറഞ്ഞു.

അപ്പോൾ അയാൾ പറഞ്ഞു: “യഹോ​വ​യു​ടെ സാക്ഷി​കളെ കണ്ടുമു​ട്ടു​ന്ന​തി​നു​വേണ്ടി ഞാൻ പ്രാർഥി​ക്കാൻ തുടങ്ങി​യിട്ട്‌ കുറെ നാളായി. സാധാരണ ഞാൻ ജോഗി​ങ്ങി​നു പോകുന്ന സമയമാ​ണിത്‌; പക്ഷേ, ഇന്ന്‌ പോയില്ല. ഇപ്പോ​ഴി​താ, നിങ്ങൾ എന്റെ വീട്ടിൽ വന്നിരി​ക്കു​ന്നു!” തന്റെ പ്രാർഥ​ന​യ്‌ക്ക്‌ ഉത്തരം കിട്ടി​യെന്ന്‌ അയാൾക്ക്‌ തോന്നി. അയാളു​ടെ ജോലി​സ്ഥ​ലത്ത്‌ ആളുകൾ യഹോ​വ​യു​ടെ സാക്ഷി​ക​ളെ​ക്കു​റി​ച്ചു പലപ്പോ​ഴും മോശ​മാ​യി സംസാ​രി​ക്കു​മാ​യി​രു​ന്നു. അവരുടെ ആരോ​പ​ണ​ങ്ങ​ളിൽ എന്തെങ്കി​ലും സത്യമു​ണ്ടോ എന്നറി​യാൻ അയാൾക്കു താത്‌പ​ര്യ​മാ​യി. അങ്ങനെ അയാൾ ഒരു ലൈ​ബ്ര​റി​യിൽ പോയി അന്വേ​ഷി​ച്ച​പ്പോൾ യഹോ​വ​യു​ടെ സാക്ഷികൾ—ദൈവ​രാ​ജ്യ ഘോഷകർ (ഇംഗ്ലീഷ്‌) എന്ന പുസ്‌തകം കിട്ടി. അത്‌ വായി​ച്ച​പ്പോൾ സാക്ഷി​കൾക്കെ​തി​രെ​യുള്ള ആരോ​പ​ണ​ങ്ങ​ളിൽ കഴമ്പി​ല്ലെന്നു മനസ്സി​ലാ​യി. അതു​കൊണ്ട്‌ യഹോ​വ​യു​ടെ സാക്ഷി​കളെ നേരിൽക്കാ​ണാൻ ഒരവസരം കാത്തി​രി​ക്കു​ക​യാ​യി​രു​ന്നു അയാൾ. അങ്ങനെ​യി​രി​ക്കെ​യാണ്‌ സഹോ​ദ​ര​ന്മാർ വീട്ടിൽ ചെല്ലു​ന്നത്‌. അധ്യയനം ആരംഭിച്ച്‌ പെട്ടെ​ന്നു​തന്നെ, അയാൾ യോഗ​ങ്ങൾക്കു ഹാജരാ​കാൻ തുടങ്ങി. അയാൾ തന്റെ മുൻഭാ​ര്യ​യോ​ടും മകളോ​ടും  ബൈബി​ളി​നെ​ക്കു​റി​ച്ചു പറഞ്ഞു. അവരും ഇപ്പോൾ ബൈബിൾ പഠിക്കു​ന്നുണ്ട്‌.

ബ്രിട്ടൻ

പ്രദേ​ശ​ത്തുള്ള കോം​ഗോ​ളീ​സു​കാ​രോ​ടു സാക്ഷീ​ക​രി​ക്കു​ന്ന​തി​നു​വേണ്ടി കിർസ്റ്റി എന്ന സാധാരണ പയനിയർ ഫ്രഞ്ചും ലിംഗാ​ല​യും പഠിച്ചു. ഒരു ദിവസം, കോം​ഗോ​ളീ​സു​കാ​രി​യായ ഒരു സ്‌ത്രീ ബസ്സിൽ കയറാൻ പാടു​പെ​ടു​ന്നത്‌ കിർസ്റ്റി കണ്ടു; എടുത്താൽ പൊങ്ങാ​ത്തത്ര സാധന​ങ്ങ​ളു​ണ്ടാ​യി​രു​ന്നു അവരുടെ കയ്യിൽ. താൻ സഹായി​ക്കാ​മെന്ന്‌ ലിംഗാ​ല​യിൽ പറഞ്ഞിട്ട്‌ സഹോ​ദരി അവരുടെ ബാഗുകൾ ബസ്സിൽ കയറ്റി​ക്കൊ​ടു​ത്തു. “വെള്ളക്കാ​രി​യാ​യി​ട്ടും നിങ്ങ​ളെന്താ ലിംഗാല സംസാ​രി​ക്കു​ന്നത്‌?” എന്ന്‌ ആ സ്‌ത്രീ ചോദി​ച്ചു. താൻ ഒരു ലിംഗാല സഭയിൽ യോഗ​ങ്ങൾക്കു ഹാജരാ​കു​ന്നു​ണ്ടെ​ന്നും ബൈബി​ളി​നെ​പ്പറ്റി ആളുക​ളോ​ടു സംസാ​രി​ക്കാൻ തന്നെ സഹായി​ക്കു​ന്ന​തി​നു​വേണ്ടി അവിടത്തെ സാക്ഷികൾ തന്നെ ലിംഗാല പഠിപ്പി​ച്ചെ​ന്നും കിർസ്റ്റി വിശദീ​ക​രി​ച്ചു. ബൈബി​ള​ധ്യ​യ​ന​ത്തെ​ക്കു​റിച്ച്‌ ആ സ്‌ത്രീ​യോ​ടു പറയണ​മെന്ന്‌ അവൾ തീരു​മാ​നി​ച്ചു. അതു​കൊണ്ട്‌ ആ  സ്‌ത്രീ​യു​ടെ സ്റ്റോപ്പ്‌ എത്തുന്ന​തു​വരെ കിർസ്റ്റി ബസ്സിൽനിന്ന്‌ ഇറങ്ങി​യില്ല. അവർക്ക്‌ ഇറങ്ങേണ്ട സ്ഥലമെ​ത്തി​യ​പ്പോൾ കിർസ്റ്റി​യും അവിടെ ഇറങ്ങി. എന്നിട്ട്‌ ബാഗുകൾ മൂന്നാം നിലയി​ലുള്ള അവരുടെ അപ്പാർട്ടു​മെ​ന്റിൽ കൊണ്ടു​പോ​യി​ക്കൊ​ടു​ത്തു. അവരുടെ ഭർത്താ​വും നാലു​കു​ട്ടി​ക​ളും കിർസ്റ്റി​യെ അകത്തേക്കു ക്ഷണിച്ചു. ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ സഹായ​ത്തോ​ടെ ബൈബിൾ പഠിക്കു​ന്നത്‌ എങ്ങനെ​യെന്ന്‌ കിർസ്റ്റി ആ കുടും​ബ​ത്തി​നു കാണി​ച്ചു​കൊ​ടു​ത്തു. ഇപ്പോൾ ആ സ്‌ത്രീ​യും മൂത്ത രണ്ടു കുട്ടി​ക​ളും ബൈബിൾ പഠിച്ചു​കൊ​ണ്ടി​രി​ക്കു​ന്നു. യഹോ​വയെ പ്രസാ​ദി​പ്പി​ക്കാ​നുള്ള ശ്രമത്തി​ലാണ്‌ മൂന്നു​പേ​രും.

ജോർജിയ

പയനി​യർമാ​രായ രണ്ടുസ​ഹോ​ദ​ര​ന്മാർ സാക്ഷി​ക​ളു​ടെ എണ്ണം കുറവുള്ള ഒരു പർവത​പ്ര​ദേ​ശ​ത്തേക്കു മാറി​ത്താ​മ​സി​ക്കാൻ തീരു​മാ​നി​ച്ചു. ഗ്രാമ​ങ്ങൾതോ​റും സാക്ഷീ​ക​രി​ച്ച​തി​ന്റെ ഫലം അസാധാ​ര​ണ​മാ​യി​രു​ന്നു. അവർ നൂറു​ക​ണ​ക്കിന്‌ പ്രസി​ദ്ധീ​ക​ര​ണങ്ങൾ വിതരണം ചെയ്‌തു, നിരവധി അധ്യയ​ന​ങ്ങ​ളും ആരംഭി​ച്ചു. പർവത​ങ്ങ​ളിൽ സാക്ഷീ​ക​രി​ക്കാൻ തുടങ്ങി​യ​പ്പോൾ, ഭക്ഷ്യവ​സ്‌തു​ക്ക​ളെന്നു പറയാൻ അവരുടെ പക്കൽ അധിക​മൊ​ന്നു​മി​ല്ലാ​യി​രു​ന്നു. എവി​ടെ​യു​റ​ങ്ങും എന്നതി​നെ​ക്കു​റി​ച്ചും അവർക്ക്‌ കാര്യ​മായ രൂപമി​ല്ലാ​യി​രു​ന്നു. എന്നിട്ടും അവർക്കൊ​രു കുറവും വന്നില്ല. ഗ്രാമ​ത്തി​ലു​ള്ളവർ രാത്രി അവരെ തങ്ങളുടെ വീട്ടി​ലേക്കു ക്ഷണിക്കു​ക​യും ഭക്ഷണവും താമസ​സ്ഥ​ല​വും കൊടു​ക്കു​ക​യും ചെയ്‌തു. സുവാർത്ത ശ്രദ്ധി​ക്കാൻ താത്‌പ​ര്യ​മി​ല്ലാത്ത ചിലർപോ​ലും അവർക്ക്‌ ആഹാര​വും താമസി​ക്കാ​നി​ട​വും കൊടു​ത്തു. പിന്നീട്‌ ഈ സഹോ​ദ​ര​ന്മാർക്ക്‌ ആ പ്രദേ​ശ​ത്തു​തന്നെ പ്രത്യേക പയനി​യർമാ​രാ​യി നിയമനം ലഭിച്ചു. ധാരാളം ബൈബി​ള​ധ്യ​യ​നങ്ങൾ ഉണ്ടായി​രു​ന്ന​തി​നാൽ, നടത്താ​നാ​കുന്ന അധ്യയ​ന​ങ്ങ​ളു​ടെ കാര്യ​ത്തിൽ അവർ ഒരു പരിധി നിശ്ചയി​ച്ചു. തെരു​വിൽവെ​ച്ചും മറ്റും ആളുകൾ വന്ന്‌ ഒരു ബൈബി​ള​ധ്യ​യനം വേണ​മെന്നു പറയു​ന്നത്‌ സാധാ​ര​ണ​മാണ്‌. അധ്യയ​ന​ങ്ങ​ളു​ടെ കാര്യ​ത്തിൽ പരിധി വെച്ചി​ട്ടും ഓരോ​രു​ത്ത​രും മാസം 20-ലേറെ അധ്യയ​നങ്ങൾ നടത്തു​ന്നുണ്ട്‌.

ഹംഗറി

ഒരു സഹോ​ദരി പാൽക്കാ​രി​യിൽനി​ന്നാണ്‌ പാൽ വാങ്ങി​യി​രു​ന്നത്‌. പാൽക്കു​പ്പി​കൾ ഇടാനാ​യി സഹോ​ദരി വീടിന്റെ മതിലി​ന്മേൽ ഒരു ബാഗ്‌ തൂക്കി​യി​ട്ടുണ്ട്‌. ഒരു ദിവസം ഒഴിഞ്ഞ പാൽക്കു​പ്പി​കൾ തിരി​കെ​വെച്ച കൂട്ടത്തിൽ സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്ന ലഘു​ലേ​ഖ​യും സഹോ​ദരി ആ ബാഗിൽ വെച്ചു. പിറ്റേ​ദി​വസം കിട്ടിയ പാലി​നോ​ടൊ​പ്പം ഒരു കടലാസ്‌ കണ്ട്‌ സഹോ​ദ​രിക്ക്‌ അതിശ​യ​മാ​യി. ലഘു​ലേ​ഖ​യെ​ക്കു​റിച്ച്‌  പാൽക്കാ​രി​ക്കുള്ള ചില സംശയങ്ങൾ അതിൽ എഴുതി​യി​രു​ന്നു, ഒരു ബൈബിൾ വേണ​മെ​ന്നും അവർ ആവശ്യ​പ്പെ​ട്ടി​രു​ന്നു. ഉടനെ​തന്നെ സഹോ​ദരി, ആ പാൽക്കാ​രി താമസി​ച്ചി​രുന്ന ഫാമിൽ പോയി അവരെ കണ്ടു. ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം ഉപയോ​ഗിച്ച്‌ ഒരു ബൈബി​ള​ധ്യ​യനം തുടങ്ങി. തന്റെ ചോദ്യ​ങ്ങൾക്ക്‌ ഉത്തരം​തേടി അവർ പല സഭകൾ കയറി​യി​റ​ങ്ങി​യി​ട്ടുണ്ട്‌. പക്ഷേ, അവരുടെ ആത്മീയ വിശപ്പ്‌ തൃപ്‌തി​പ്പെ​ടു​ത്താൻ ആർക്കു​മാ​യില്ല. വാസ്‌ത​വ​ത്തിൽ ആ അന്വേ​ഷണം അവരുടെ ചോദ്യ​ങ്ങ​ളു​ടെ എണ്ണം കൂട്ടു​കയേ ചെയ്‌തു​ള്ളൂ. അവരുടെ ഒരു മകളും വലിയ താത്‌പ​ര്യം കാണിച്ചു. അതു​കൊണ്ട്‌ സഹോ​ദരി, മഹാനായ അധ്യാ​പ​ക​നിൽനിന്ന്‌ പഠിക്കാം! എന്ന പുസ്‌തകം ആ കുട്ടിക്ക്‌ കൊടു​ത്തു. മകൾ രാത്രി പേടി​സ്വ​പ്‌നങ്ങൾ കണ്ട്‌ ഉണരുക പതിവാ​ണെന്ന്‌ അമ്മ സഹോ​ദ​രി​യോ​ടു പറഞ്ഞു. പക്ഷേ, പുസ്‌ത​ക​ത്തി​ലെ ഏതാനും അധ്യാ​യങ്ങൾ വായി​ച്ച​ശേഷം കുട്ടി​യു​ടെ പേടി കുറ​ഞ്ഞെ​ന്നും രാത്രി​യിൽ സുഖമാ​യി ഉറങ്ങു​ന്നു​ണ്ടെ​ന്നും അമ്മ പറയുന്നു. ബൈബിൾ പഠിച്ചു​കൊ​ണ്ടി​രി​ക്കുന്ന ആ അമ്മ രണ്ടു മക്കളെ​യും കൂട്ടി എല്ലാ ഞായറാ​ഴ്‌ച​യും യോഗ​ങ്ങൾക്കു ഹാജരാ​കു​ന്നുണ്ട്‌.

ഇറ്റലി

സെൻട്രൽ ഇറ്റലി​യിൽ നഗരത്തിൽനിന്ന്‌ അകന്ന ഒരിടത്ത്‌ സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്ന ലഘുലേഖ വിതരണം ചെയ്‌തു​കൊ​ണ്ടി​രി​ക്കു​ക​യാ​യി​രു​ന്നു മുഴു​സമയ  സുവി​ശേ​ഷ​ക​രായ ക്രിസ്റ്റീ​ന​യും മാനെ​ലും. ഒരു ഫാമിൽ എത്തിയ​പ്പോൾ പിൻവ​ശ​ത്തു​നിന്ന്‌ അവർ എന്തോ ബഹളം കേട്ടു. സാക്ഷി​കളെ കണ്ടയു​ടനെ വീട്ടു​കാ​രി വിളിച്ചു പറഞ്ഞു: “ഒന്ന്‌ ഓടി​വ​രണേ. . .സഹായി​ക്കണേ. . . ” അതു​കേട്ട്‌ സഹോ​ദ​രി​മാർ അവി​ടേക്ക്‌ ഓടി​ച്ചെന്നു. അപ്പോ​ഴാണ്‌ വെകി​ളി​പി​ടി​ച്ചു​നിൽക്കുന്ന ഒരു കൂറ്റൻ പന്നിയെ അവർ കണ്ടത്‌. അത്‌ കൂട്ടിൽനി​ന്നു രക്ഷപ്പെ​ടു​ന്നതു തടയാൻ ശ്രമി​ക്കു​ക​യാണ്‌ അവർ. ഗേറ്റിന്റെ പൂട്ട്‌ പൊളി​ഞ്ഞി​രു​ന്നു. അതു​കൊണ്ട്‌ പന്നി അടുത്തുള്ള കാട്ടി​ലേക്ക്‌ ഓടി​പ്പോ​കു​മെന്ന്‌ അവർ ഭയന്നു. ഒറ്റയ്‌ക്ക്‌ ഗേറ്റ്‌ അടച്ചു​പി​ടി​ക്കാൻ പാടു​പെ​ടു​ക​യാ​യി​രു​ന്നു അവർ. “നിങ്ങൾ ഇത്‌ അടച്ചു​പി​ടി​ക്കൂ! ഞാൻ പോയി ഇത്‌ അടച്ചു​വെ​ക്കാൻ എന്തെങ്കി​ലും കിട്ടു​മോ എന്നു നോക്കാം,” അവർ ക്രിസ്റ്റീ​ന​യോട്‌ പറഞ്ഞു. പന്നിയെ കണ്ടിട്ട്‌ തനിക്ക്‌ പേടി​തോ​ന്നു​ന്നു എന്ന്‌ ക്രിസ്റ്റീന അവരോ​ടു പറഞ്ഞു. അപ്പോൾ മാനെ​ലി​ന്റെ കൈയിൽ ഒരു മത്തങ്ങയും കത്തിയും കൊടു​ത്തിട്ട്‌ അവർ പറഞ്ഞു: “പേടി​ക്കേണ്ട. മത്തങ്ങ കുറേ​ശ്ശെ​യാ​യി എറിഞ്ഞു കൊടു​ത്താൽ മതി. അവൻ അതു തിന്നു​കൊ​ണ്ടി​രി​ക്കുന്ന സമയം​കൊണ്ട്‌ ഞാൻ പോയി വേറൊ​രു പൂട്ട്‌ കണ്ടുപി​ടി​ക്കാൻ പറ്റുമോ എന്നു നോക്കാം.”

ഇതു പറഞ്ഞിട്ട്‌ അവർ സ്ഥലംവി​ട്ടു. ഏതാനും മിനി​ട്ടു​കൾ കഴിഞ്ഞു. വേഗം​വേഗം പന്നിക്ക്‌ ആഹാരം എറിഞ്ഞു​കൊ​ടു​ക്കാൻ ക്രിസ്റ്റീന മാനെ​ലി​നോ​ടു പറഞ്ഞു. പക്ഷേ, കട്ടിയുള്ള പുറ​ന്തോ​ടു​കാ​രണം മത്തങ്ങ മുറി​ക്കാൻ മാനെ​ലിന്‌ എളുപ്പ​മ​ല്ലാ​യി​രു​ന്നു. ഒടുവിൽ വീട്ടു​കാ​രി വന്ന്‌ ഗേറ്റ്‌ നന്നാക്കി. ആശ്വാ​സ​ത്തി​ന്റെ നെടു​വീർപ്പി​ട്ടു​കൊണ്ട്‌ അവർ പറഞ്ഞു: “സർവശ​ക്ത​നായ ദൈവം അയച്ചതാണ്‌ നിങ്ങളെ!”

ബാഗിൽനിന്ന്‌ ലഘു​ലേ​ഖ​യെ​ടുത്ത്‌ അവരെ കാണി​ച്ചു​കൊണ്ട്‌ സഹോ​ദ​രി​മാർ പറഞ്ഞു: “നിങ്ങൾ പറഞ്ഞതു വളരെ ശരിയാണ്‌.”

“ഇത്ര പ്രധാ​ന​പ്പെട്ട ഒരു കാര്യം നിന്നു​കൊണ്ട്‌ സംസാ​രി​ക്കു​ന്നതു ശരിയല്ല. ഇരുന്ന്‌ ശാന്തമാ​യി സംസാ​രി​ക്കണം,” ആ സ്‌ത്രീ പറഞ്ഞു. അവർ പോയി ഏതാനും കസേരകൾ എടുത്തു​കൊ​ണ്ടു​വന്നു. എന്നിട്ട്‌ ഫാമിന്റെ മുറ്റത്തി​രുന്ന്‌ സഹോ​ദ​രി​മാർ പറഞ്ഞത്‌ ശ്രദ്ധിച്ചു കേട്ടു. വലിയ വിലമ​തി​പ്പോ​ടെ​യാണ്‌ അവർ കേട്ടി​രു​ന്നത്‌. ധാരാളം ചോദ്യ​ങ്ങ​ളും ചോദി​ച്ചു. അവർക്ക്‌ ഒരു ബൈബി​ള​ധ്യ​യനം തുടങ്ങാ​നുള്ള ക്രമീ​ക​രണം ചെയ്‌തു. തക്കസമ​യത്ത്‌ ആ പന്നി രക്ഷപ്പെ​ടാൻ ശ്രമി​ച്ച​തു​കൊ​ണ്ടാണ്‌ ഇത്ര നല്ല ഒരു അനുഭവം ഉണ്ടായ​തെന്ന്‌ ക്രിസ്റ്റീ​ന​യും മാനെ​ലും പറയുന്നു.

 ഓഷ്യാ​നി​യ

ദേശങ്ങൾ 30 ജനസംഖ്യ 3,83,38,482 പ്രസാ​ധകർ 99,816 ബൈബി​ള​ധ്യ​യ​നങ്ങൾ 59,619

ഓസ്‌ട്രേലിയ

തീര​ദേ​ശത്തു താമസി​ക്കുന്ന ഫ്രെഡ്‌ എന്ന സാക്ഷി ഒരാൾക്ക്‌ നമ്മുടെ മൂന്നു​ഡി​വി​ഡി-കൾ കൊടു​ത്തു. പിന്നീട്‌ അയാൾ ഫ്രെഡിന്‌ ഒരു കത്തയച്ചു. അതിന്റെ ഒരു ഭാഗം ഇങ്ങനെ വായി​ക്കു​ന്നു: “നിങ്ങൾ തന്ന ഡിവിഡി ശ്രദ്ധ​യോ​ടെ കണ്ടു​കൊ​ണ്ടി​രു​ന്ന​പ്പോൾ എനിക്ക്‌ എന്തെന്നി​ല്ലാത്ത പ്രശാന്തത തോന്നി. വീഡി​യോ​യിൽ കണ്ട ആളുക​ളു​ടെ സമാധാ​ന​വും സന്തോ​ഷ​വും പുഞ്ചി​രി​യു​മെ​ല്ലാം അനുഭ​വി​ച്ച​റി​യാൻ എനിക്കാ​യി. വർഷങ്ങൾക്കു​ശേ​ഷ​മാണ്‌ എനിക്ക്‌ ഇങ്ങനെ​യൊ​രു വികാരം അനുഭ​വ​പ്പെ​ടു​ന്നത്‌. ശോഭ​ന​മായ ഭാവി മുമ്പി​ലു​ണ്ടെന്ന്‌ ഞാൻ വിശ്വ​സി​ച്ചു തുടങ്ങി​യി​രി​ക്കു​ന്നു. എന്റെ വീട്ടിൽ വന്ന സാക്ഷി​ക​ളോട്‌ ഞാനെ​ന്നും പരുഷ​മാ​യേ ഇടപെ​ട്ടി​ട്ടു​ള്ളൂ. അതിനു ഞാൻ ക്ഷമ ചോദി​ക്കു​ന്നു. സുവി​ശേഷം അറിയി​ക്കാ​നുള്ള ആഗ്രഹം​കൊ​ണ്ടാണ്‌ സൗഹൃ​ദ​മ​ന​സ്‌ക​രായ നിങ്ങളു​ടെ ആളുകൾ എന്റെ അടുക്കൽ വന്നത്‌. ഒരിക്കൽ നിങ്ങളു​ടെ രാജ്യ​ഹാ​ളി​ലി​രുന്ന്‌ നിങ്ങൾ തിരിഞ്ഞു നോക്കു​മ്പോൾ പുറകി​ലെ സീറ്റിൽ ഞാനു​ണ്ടാ​വി​ല്ലെന്ന്‌ ആരുകണ്ടു?

ന്യൂസിലൻഡ്‌

രണ്ടുസ​ഹോ​ദ​രി​മാർ, കുടും​ബ​ങ്ങ​ളു​ടെ ക്ഷേമത്തി​നാ​യി പ്രവർത്തി​ക്കുന്ന ഒരു ഗവണ്മെ​ന്റു​വക സ്ഥാപനം സന്ദർശിച്ച്‌ അതിന്റെ ഡയറക്‌ടറെ കാണാൻ അനുമതി വാങ്ങി. കുടും​ബ​ങ്ങ​ളോ​ടൊ​ത്തു പ്രവർത്തി​ക്കവെ, ഡയറക്‌ടർക്ക്‌ ഉപകാ​ര​പ്പെ​ടു​മെന്നു തോന്നിയ പ്രസി​ദ്ധീ​ക​ര​ണങ്ങൾ ഉൾപ്പെ​ടു​ത്തി​ക്കൊ​ണ്ടുള്ള ഒരു ‘ഫാമിലി പാക്ക്‌’ അവർ കൂടെ കരുതി​യി​രു​ന്നു. കുടുംബ സന്തുഷ്ടി​യു​ടെ രഹസ്യം, യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്നീ പുസ്‌ത​കങ്ങൾ, “കുട്ടി​കളെ വളർത്താൻ ഏഴു വഴികൾ” എന്ന തലക്കെ​ട്ടോ​ടു​കൂ​ടിയ 2007 ആഗസ്റ്റ്‌ ലക്കം ഉണരുക!, “എത്ര സുരക്ഷി​ത​രാണ്‌ നിങ്ങളു​ടെ കുഞ്ഞുങ്ങൾ?” എന്ന  ലേഖന പരമ്പര​യോ​ടു​കൂ​ടിയ 2007 ഒക്‌ടോ​ബർ ലക്കം ഉണരുക! എന്നിവ അടങ്ങു​ന്ന​താ​യി​രു​ന്നു ‘ഫാമിലി പാക്ക്‌.’

ഡയറക്‌ട​റോട്‌ സംസാ​രി​ക്കവെ, നമ്മുടെ വേല സ്വമേ​ധ​യാ​യു​ള്ള​താ​ണെ​ന്നും കുടും​ബ​ങ്ങളെ സഹായി​ക്കാൻ, വിശേ​ഷിച്ച്‌ ആത്മീയ​മാ​യി സഹായി​ക്കാൻ, തങ്ങൾക്കു താത്‌പ​ര്യ​മു​ണ്ടെ​ന്നും സഹോ​ദ​രി​മാർ വിശദ​മാ​ക്കി. ‘ഫാമിലി പാക്കിലെ’ പ്രസി​ദ്ധീ​ക​ര​ണങ്ങൾ അവർ ഡയറക്‌ടർക്കു പരിച​യ​പ്പെ​ടു​ത്തി. സഹോ​ദ​രി​മാർ പറഞ്ഞത്‌ ശ്രദ്ധിച്ചു കേട്ട അവർ പ്രസി​ദ്ധീ​ക​ര​ണ​ങ്ങ​ളും സ്വീക​രി​ച്ചു. കേട്ട വിവരങ്ങൾ ആ സ്ഥാപന​ത്തി​ലെ 35 ജീവന​ക്കാ​രോ​ടും പങ്കു​വെ​ക്കാൻ ആഗ്രഹ​മു​ണ്ടെ​ന്നും അവർ പറഞ്ഞു. ഉണരുക! ലേഖനങ്ങൾ തന്റെ ലിസ്റ്റി​ലുള്ള 503 കുടും​ബ​ങ്ങൾക്കും പ്രയോ​ജ​ന​പ്പെ​ടു​മെന്ന്‌ അവർ കൂട്ടി​ച്ചേർത്തു. ഉണരുക!-യുടെ 557 പ്രതികൾ സംഘടി​പ്പി​ക്കാൻ സഹോ​ദ​രി​മാർക്കു സാധിച്ചു. മാസി​ക​ക​ളെ​ല്ലാം​തന്നെ കുടും​ബ​ങ്ങൾക്ക്‌ അയച്ചു​ക​ഴി​ഞ്ഞു എന്നു പറഞ്ഞു​കൊണ്ട്‌ രണ്ടാഴ്‌ച​യ്‌ക്കു​ശേഷം ഡയറക്‌ടർ സഹോ​ദ​രി​മാർക്കു ഫോൺചെ​യ്‌തു.

ഫിജി

മിടു​ക്ക​നായ ഒരു ഫുട്‌ബോൾ കളിക്കാ​ര​നാ​യി​രു​ന്നു വില്യാം. രാജ്യ​ത്തി​നു​വേണ്ടി കളിക്കു​ക​യെ​ന്നത്‌ വില്ല്യാ​മി​ന്റെ ജീവി​താ​ഭി​ലാ​ഷ​മാ​യി​രു​ന്നു. അനുജൻ ലിയോ​ണി​നും ഫുട്‌ബോ​ളിൽ കമ്പമു​ണ്ടാ​യി​രു​ന്നു. അങ്ങനെ​യി​രി​ക്കെ, ഒരു പ്രത്യേക പയനിയർ ലിയോ​ണി​നെ ബൈബിൾ പഠിപ്പി​ക്കാൻ തുടങ്ങി. അതോടെ, രണ്ടുയ​ജ​മാ​ന​ന്മാ​രെ സേവി​ക്കാൻ സാധി​ക്കി​ല്ലെന്ന്‌ ലിയോ​ണി​നു മനസ്സി​ലാ​യി. യോഗ​ങ്ങൾക്കു ഹാജരാ​കാൻ തുടങ്ങിയ അവൻ ഫുട്‌ബോൾ ഉപേക്ഷി​ച്ചു.  അവരുടെ അമ്മ യഹോ​വ​യു​ടെ സാക്ഷി​യാ​യി​രു​ന്നു. ഒരിക്കൽ അമ്മ ലിയോ​ണിന്‌ യോഗ​ങ്ങൾക്ക്‌ പോകു​മ്പോൾ ധരിക്കാ​നുള്ള വസ്‌ത്രം വാങ്ങി​ക്കൊ​ടു​ത്തു. പക്ഷേ, ഒരു തർക്ക​ത്തെ​ത്തു​ടർന്ന്‌ വില്ല്യാം ആ വസ്‌ത്രങ്ങൾ കീറി​ക്ക​ളഞ്ഞു. ലിയോ​ണിന്‌ വലിയ വിഷമ​മാ​യി; എങ്കിലും പകരം​വീ​ട്ടി​ല്ലെന്ന്‌ അവൻ തീരു​മാ​നി​ച്ചു. കുറച്ചു​ക​ഴിഞ്ഞ്‌ താൻ കൃഷി​ചെ​യ്‌തു​ണ്ടാ​ക്കിയ തണ്ണിമ​ത്ത​ങ്ങ​ക​ളു​മാ​യി അവൻ മാർക്ക​റ്റി​ലേക്കു പോയി; അതു വിറ്റു​കി​ട്ടിയ പണത്തിൽ കുറ​ച്ചെ​ടുത്ത്‌ അവൻ യോഗ​ത്തി​നു പോകു​മ്പോൾ ഇടാനുള്ള വസ്‌ത്ര​ങ്ങ​ളും ബൈബി​ളും പേനയും ഹൈ​ലൈ​റ്റ​റും വാങ്ങി. വില്ല്യാ​മി​നു​വേ​ണ്ടി​യും അവൻ അതേ സാധനങ്ങൾ വാങ്ങി. ലിയോ​ണി​ന്റെ സ്‌നേഹം വില്ല്യാ​മി​നെ സ്‌പർശി​ച്ചു. അനുജ​നോ​ടു താൻ ചെയ്‌ത ക്രൂരത ഓർത്ത​പ്പോൾ വില്ല്യാ​മി​നു പശ്ചാത്താ​പം തോന്നി. താൻ വാങ്ങി​ക്കൊ​ടുത്ത പുതിയ വസ്‌ത്രം ധരിച്ച്‌ വില്ല്യാം യോഗ​ത്തി​നു വന്നപ്പോൾ ലിയോൺ അതിശ​യി​ച്ചു​പോ​യി. വില്ല്യാ​മും ബൈബിൾ പഠിക്കാൻ തുടങ്ങി. ചേട്ടനും അനുജ​നും നല്ല പുരോ​ഗതി വരുത്തി. രണ്ടു​പേ​രും സ്‌നാ​ന​ത്തി​നു തയ്യാ​റെ​ടു​ത്തു​കൊ​ണ്ടി​രി​ക്കു​മ്പോൾ വില്ല്യാ​മിന്‌ യൂറോ​പ്പിൽ നടക്കുന്ന ഫുട്‌ബോൾ കളിയിൽ പങ്കെടു​ക്കാ​നുള്ള അവസരം ഒത്തുവന്നു. പണവും പ്രശസ്‌തി​യും സമ്പാദി​ക്കാൻ പറ്റിയ മാർഗം! പല ചെറു​പ്പ​ക്കാ​രു​ടെ​യും സ്വപ്‌ന​മാ​യി​രു​ന്നു അത്‌. പക്ഷേ, തന്റെ ജീവിതം യഹോ​വ​യ്‌ക്ക്‌ സമർപ്പി​ക്കാൻ തീരു​മാ​നി​ച്ചി​രുന്ന വില്ല്യാം അതു തള്ളിക്ക​ളഞ്ഞു. സ്‌നാ​ന​മേറ്റ്‌ ആദ്യത്തെ ആറുമാ​സം വില്ല്യാ​മും ലിയോ​ണും സഹായ പയനി​യ​റിങ്‌ ചെയ്‌തു. മക്കളുടെ നല്ല മാതൃക കണ്ട്‌ പിതാവ്‌ വൈ​സേ​യും ബൈബിൾ പഠിക്കാൻ തുടങ്ങി. ജീവി​ത​ത്തിൽ വലിയ മാറ്റങ്ങൾ വരുത്തിയ വൈസേ രണ്ടു​പെൺമ​ക്ക​ളോ​ടൊ​പ്പം ഒരു ഏകദിന സമ്മേള​ന​ത്തിന്‌ സ്‌നാ​ന​മേറ്റു.

[45-ാം പേജിലെ ചിത്രങ്ങൾ]

ആത്മശിക്ഷണവും നൂതന സാങ്കേ​തി​ക​വി​ദ്യ​യും ബൈബി​ള​ധ്യ​യനം നടത്താൻ ഒരു സഹോ​ദ​രി​യെ സഹായി​ച്ചു

[46-ാം പേജിലെ ചിത്രം]

ഈ സഹോ​ദ​രി​യു​ടെ വിശ്വ​സ്‌തത ഒരു വലിയ സാക്ഷ്യ​മാ​യി

[48-ാം പേജിലെ ചിത്രം]

സ്‌കൂളിൽ നല്ല സാക്ഷ്യം നൽകാൻ കുടും​ബാ​രാ​ധന സ്റ്റീഫനെ സഹായി​ച്ചു

[49-ാം പേജിലെ ചിത്രം]

ഈ സഹോ​ദ​രന്റെ സ്ഥിരോ​ത്സാ​ഹം ഒരു ജീവൻ രക്ഷിച്ചു

[50-ാം പേജിലെ ചിത്രം]

കുട്ടിയല്ലാത്ത, പക്ഷേ അധികം പ്രായ​മി​ല്ലാത്ത ഒരു സാക്ഷിയെ അവൾ കണ്ടുപി​ടി​ച്ചു

[55-ാം പേജിലെ ചിത്രം]

അവൾ ഒരു ‘ടക്‌-ടക്കി’നുള്ള ഏർപ്പാ​ടു​ചെ​യ്‌തു

[58-ാം പേജിലെ ചിത്രം]

മറ്റൊരു ഭാഷ പഠിച്ചത്‌ ഒരു ബൈബി​ള​ധ്യ​യ​ന​ത്തി​ലേക്കു നയിച്ചു

[60-ാം പേജിലെ ചിത്രം]

അനൗപചാരിക സാക്ഷീ​ക​രണം നടത്താൻ പല മാർഗ​ങ്ങ​ളുണ്ട്‌

[63-ാം പേജിലെ ചിത്രം]

‘ഫാമിലി പാക്ക്‌’ തയ്യാറാ​ക്കു​ന്നു

[64-ാം പേജിലെ ചിത്രം]

യഹോവയെ സേവി​ക്കു​ന്ന​തി​നു​വേണ്ടി ഫുട്‌ബോൾ സ്വപ്‌നങ്ങൾ വേണ്ടെ​ന്നു​വെ​ക്കാൻ ഇവർ തയ്യാറാ​യി