നിങ്ങളു​ടെ സമൂഹ​ത്തിൽ സദ്വാർത്ത​യു​ടെ പ്രാ​യോ​ഗിക മൂല്യം

“ക്രിസ്‌തീയ തത്ത്വങ്ങൾ ഇക്കാലത്തു പ്രാ​യോ​ഗി​കമല്ല. ജീവിതം കൂടുതൽ സങ്കീർണ​മാ​യി​ത്തീർന്നി​രി​ക്കുന്ന ഈ സാമൂ​ഹിക വ്യവസ്ഥ​യിൽ അവ വില​പ്പോ​കില്ല.” ഇന്നത്തെ ലോക​ത്തിൽ പൊതു​വേ ആളുകൾ പറയാ​റുള്ള ഒരു അഭി​പ്രാ​യ​മാ​ണിത്‌. എന്നാൽ, മോഹൻദാസ്‌ കെ. ഗാന്ധി​യും ഇന്ത്യയു​ടെ മുൻ ബ്രിട്ടീഷ്‌ വൈ​സ്രോ​യി ആയിരുന്ന ഇർവിൻ പ്രഭു​വും തമ്മിൽ നടന്നതാ​യി റിപ്പോർട്ടു ചെയ്യ​പ്പെ​ട്ടി​ട്ടുള്ള സംഭാ​ഷ​ണ​ത്തിൽ തികച്ചും വ്യത്യ​സ്‌ത​മായ ഒരു വികാ​ര​മാ​ണു പ്രതി​ഫ​ലി​ക്കു​ന്നത്‌. ഗ്രേറ്റ്‌ ബ്രിട്ട​നും ഇന്ത്യയും തമ്മിലുള്ള പ്രശ്‌നങ്ങൾ എങ്ങനെ പരിഹ​രി​ക്കാ​മെന്ന കാര്യ​ത്തിൽ ഇർവിൻ പ്രഭു ഗാന്ധി​യു​ടെ അഭി​പ്രാ​യം ആരാഞ്ഞു. ഗാന്ധി​യാ​കട്ടെ, ഒരു ബൈബിൾ എടുത്തിട്ട്‌ മത്തായി 5-ാം അധ്യാ​യ​ത്തി​ലേക്കു തുറന്നു. എന്നിട്ട്‌ പറഞ്ഞു: “ക്രിസ്‌തു തന്റെ ഗിരി​പ്ര​ഭാ​ഷ​ണ​ത്തിൽ നൽകി​യി​രി​ക്കുന്ന ഉപദേ​ശ​ങ്ങ​ളിൽ നിങ്ങളു​ടെ രാജ്യ​വും എന്റേതും ഒത്തു​ചേ​രു​മ്പോൾ നാം നമ്മുടെ രാജ്യ​ങ്ങ​ളി​ലെ മാത്രമല്ല, മുഴു ലോക​ത്തി​ലെ​യും പ്രശ്‌നങ്ങൾ പരിഹ​രി​ച്ചി​രി​ക്കും.”

ആത്മീയത അന്വേ​ഷി​ക്കുക, സൗമ്യ​പ്ര​കൃ​ത​രാ​യി​രി​ക്കുക, സമാധാ​നം ഉന്നമി​പ്പി​ക്കു​ന്ന​വ​രാ​യി​രി​ക്കുക, കരുണ​യു​ള്ള​വ​രും നീതി​സ്‌നേ​ഹി​ക​ളും ആയിരി​ക്കുക തുടങ്ങിയ കാര്യങ്ങൾ ആ പ്രഭാ​ഷ​ണ​ത്തിൽ അടങ്ങി​യി​രി​ക്കു​ന്നു. അത്‌, കൊല​പാ​ത​ക​ത്തെ​യും വ്യഭി​ചാ​ര​ത്തെ​യും മാത്രമല്ല കോപം വെച്ചു​കൊ​ണ്ടി​രി​ക്കു​ന്ന​തി​നെ​യും കാമാർത്ത​മായ ചിന്തക​ളെ​യും പോലും കുറ്റം വിധി​ക്കു​ന്നു. യാതൊ​രു ഉത്തരവാ​ദി​ത്വ ബോധ​വു​മി​ല്ലാ​തെ കുടുംബ ബന്ധങ്ങളെ പിച്ചി​ച്ചീ​ന്തു​ക​യും കുട്ടി​കളെ ബലിയാ​ടു​ക​ളാ​ക്കു​ക​യും ചെയ്യുന്ന ഉപേക്ഷണ നടപടി​കളെ അത്‌ അപലപി​ക്കു​ന്നു. ‘നമ്മെ വെറു​ക്കു​ന്ന​വരെ സ്‌നേ​ഹി​ക്കുക, ദരി​ദ്രരെ സഹായി​ക്കുക, മറ്റുള്ള​വരെ നിഷ്‌ക​രു​ണം വിധി​ക്കാ​തി​രി​ക്കുക, ആളുകൾ നമ്മോട്‌ ഇടപെ​ടാൻ നാം പ്രതീ​ക്ഷി​ക്കുന്ന വിധത്തിൽ അവരോട്‌ ഇടപെ​ടുക’ എന്ന്‌ അതു പറയുന്നു. ഈ ഉപദേ​ശങ്ങൾ എല്ലാം ബാധക​മാ​ക്കു​ന്നെ​ങ്കിൽ എണ്ണിയാ​ലൊ​ടു​ങ്ങാത്ത പ്രയോ​ജ​ന​ങ്ങ​ളാ​കും കൈവ​രുക. നിങ്ങളു​ടെ സമൂഹ​ത്തിൽ എത്രയ​ധി​കം ആളുകൾ ഇവ ബാധക​മാ​ക്കു​ന്നു​വോ അത്രയ​ധി​കം മെച്ച​പ്പെ​ട്ട​താ​യി​ത്തീ​രും നിങ്ങളു​ടെ സമൂഹം!

യഹോ​വ​യു​ടെ സാക്ഷികൾ അക്കാര്യ​ത്തിൽ നല്ലൊരു പങ്കുവ​ഹി​ക്കു​ന്നു. വിവാഹ ബന്ധത്തെ ആദരി​ക്കാൻ ബൈബിൾ അവരെ പഠിപ്പി​ക്കു​ന്നു. ശരിയായ തത്ത്വങ്ങൾ അനുസ​രി​ച്ചു ജീവി​ക്കാൻ അവരുടെ കുട്ടികൾ പരിശീ​ലി​പ്പി​ക്ക​പ്പെ​ടു​ന്നു. കുടുംബ ബന്ധത്തിന്റെ പ്രാധാ​ന്യ​ത്തിന്‌ അവർ ഊന്നൽ നൽകുന്നു. ഐക്യ​ദാർഢ്യ​മുള്ള കുടും​ബങ്ങൾ നിങ്ങളു​ടെ സമൂഹ​ത്തിന്‌, എന്തിന്‌ നിങ്ങളു​ടെ രാജ്യ​ത്തി​നു തന്നെ ഒരു മുതൽക്കൂ​ട്ടാണ്‌. കുടുംബ ബന്ധങ്ങൾ ദുർബ​ല​മാ​കു​ക​യും അധാർമി​കത പ്രബല​പ്പെ​ടു​ക​യും ചെയ്‌ത​പ്പോൾ ലോക​ശ​ക്തി​കൾതന്നെ തകർച്ച​യി​ലേക്കു കൂപ്പു​കു​ത്തി​യ​തി​ന്റെ എത്രയോ ഉദാഹ​ര​ണങ്ങൾ ചരിത്ര താളു​ക​ളി​ലുണ്ട്‌! ക്രിസ്‌തീയ തത്ത്വങ്ങൾ അനുസ​രി​ച്ചു ജീവി​ക്കാൻ തക്കവണ്ണം എത്രയ​ധി​കം വ്യക്തി​ക​ളു​ടെ​യും കുടും​ബ​ങ്ങ​ളു​ടെ​യും​മേൽ സ്വാധീ​നം ചെലു​ത്താൻ യഹോ​വ​യു​ടെ സാക്ഷി​കൾക്കു കഴിയു​ന്നു​വോ, അത്രയ​ധി​കം നിങ്ങളു​ടെ സമൂഹ​ത്തിൽ കൃത്യ​വി​ലോ​പ​വും അധാർമി​ക​ത​യും കുറ്റകൃ​ത്യ​വും കുറവാ​യി​രി​ക്കും.

 ഇന്ന്‌ സമൂഹ​ങ്ങ​ളും രാഷ്‌ട്ര​ങ്ങ​ളും നേരി​ടുന്ന നീറുന്ന പ്രശ്‌ന​ങ്ങ​ളി​ലൊന്ന്‌ വർഗീയ മുൻവി​ധി​യാണ്‌. എന്നാൽ അപ്പൊ​സ്‌ത​ല​നായ പത്രൊസ്‌ പറഞ്ഞതു ശ്രദ്ധി​ക്കുക: “ദൈവ​ത്തി​ന്നു മുഖപ​ക്ഷ​മില്ല എന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും ഞാൻ ഇപ്പോൾ യഥാർത്ഥ​മാ​യി ഗ്രഹി​ക്കു​ന്നു.” പൗലൊസ്‌ എഴുതി: “അതിൽ യെഹൂ​ദ​നും യവനനും എന്നില്ല; ദാസനും സ്വത​ന്ത്ര​നും എന്നില്ല, ആണും പെണ്ണും എന്നുമില്ല; നിങ്ങൾ എല്ലാവ​രും ക്രിസ്‌തു യേശു​വിൽ ഒന്നത്രേ.” (പ്രവൃ​ത്തി​കൾ 10:34, 35; ഗലാത്യർ 3:28) യഹോ​വ​യു​ടെ സാക്ഷികൾ ഇത്‌ അംഗീ​ക​രി​ക്കു​ന്നു. അവരുടെ ലോകാ​സ്ഥാ​ന​ത്തും ബ്രാഞ്ചു​ക​ളി​ലും സഭകളി​ലും, വ്യത്യസ്‌ത വർഗങ്ങ​ളി​ലും വർണങ്ങ​ളി​ലും പെട്ടവർ ഐക്യ​ത്തോ​ടെ ജീവി​ക്കു​ക​യും പ്രവർത്തി​ക്കു​ക​യും ചെയ്യുന്നു.

ആഫ്രി​ക്ക​യിൽ, ചില ഗോ​ത്ര​ങ്ങ​ളിൽ പെട്ടവർ അടുത്ത്‌ ഇടപഴ​കി​യാൽ സംഘട്ടനം ഉറപ്പാണ്‌. പക്ഷേ, അവിടെ യഹോ​വ​യു​ടെ സാക്ഷി​ക​ളു​ടെ സമ്മേള​നങ്ങൾ നടക്കു​മ്പോൾ, വ്യത്യസ്‌ത ഗോ​ത്ര​ങ്ങ​ളിൽനിന്ന്‌ ഉള്ളവർ ഒരുമിച്ച്‌ ആരാധി​ക്കു​ക​യും ആഹാരം കഴിക്കു​ക​യും ഉറങ്ങു​ക​യും ചെയ്യുന്നു, അതും സമ്പൂർണ യോജി​പ്പി​ലും ഊഷ്‌മള സാഹോ​ദ​ര്യ​ത്തി​ലും. ഇതു കാണു​മ്പോൾ ഗവൺമെന്റ്‌ ഉദ്യോ​ഗസ്ഥർ അതിശ​യി​ച്ചു പോകാ​റുണ്ട്‌. സത്യ​ക്രി​സ്‌ത്യാ​നി​ത്വ​ത്തി​ന്റെ ഏകീകരണ ശക്തി പ്രകട​മായ ഒരു അവസരത്തെ കുറിച്ച്‌ ന്യൂ​യോർക്കി​ലെ ആംസ്റ്റർഡാം ന്യൂസ്‌, 1958  ആഗസ്റ്റ്‌ 2-ാം തീയതി​യി​ലെ പതിപ്പിൽ അഭി​പ്രാ​യം പറയു​ക​യു​ണ്ടാ​യി. ന്യൂ​യോർക്കിൽവെച്ചു നടത്തിയ മുമ്പു പരാമർശിച്ച അന്താരാ​ഷ്‌ട്ര സമ്മേളനം നിരീ​ക്ഷി​ച്ച​താണ്‌ ആ അഭി​പ്രായ പ്രകട​ന​ത്തി​നു പ്രചോ​ദ​ന​മാ​യത്‌. രണ്ടര ലക്ഷത്തി​ല​ധി​കം സാക്ഷി​ക​ളാണ്‌ ആ സമ്മേള​ന​ത്തിൽ സംബന്ധി​ച്ചത്‌.

“ലോക​ത്തി​ന്റെ എല്ലാ കോണു​ക​ളിൽനി​ന്നും വൈവി​ധ്യ​മാർന്ന ജീവിത പശ്ചാത്ത​ല​ങ്ങ​ളിൽനി​ന്നും എത്തിയ നീ​ഗ്രോ​ക​ളും വെള്ളക്കാ​രും പൗരസ്‌ത്യ​രു​മെ​ല്ലാം സന്തോ​ഷ​ത്തോ​ടെ അടുത്ത്‌ ഇടപഴ​കുന്ന കാഴ്‌ച​യാ​യി​രു​ന്നു എവി​ടെ​യും. . . 120 ദേശങ്ങ​ളിൽ നിന്നായി എത്തിയ സാക്ഷികൾ സമാധാ​ന​ത്തോ​ടെ ഒരുമി​ച്ചു താമസി​ക്കു​ക​യും ആരാധ​ന​യിൽ പങ്കുപ​റ്റു​ക​യും ചെയ്‌തു, അങ്ങനെ എത്ര എളുപ്പ​ത്തിൽ അതു ചെയ്യാ​വു​ന്ന​താ​ണെന്ന്‌ അവർ അമേരി​ക്ക​ക്കാർക്ക്‌ കാണി​ച്ചു​കൊ​ടു​ത്തു. . . . ആളുകൾക്ക്‌ ഐക്യ​ത്തിൽ ജോലി ചെയ്യാ​നും ജീവി​ക്കാ​നും കഴിയും എന്നതിന്റെ ഉജ്ജ്വല ദൃഷ്ടാ​ന്ത​മാ​യി​രു​ന്നു ആ സമ്മേളനം!”

ക്രിസ്‌തീ​യ തത്ത്വങ്ങ​ളൊ​ന്നും ഈ ആധുനിക ലോകത്തു പ്രാ​യോ​ഗി​ക​മാ​ക്കാൻ പറ്റി​ല്ലെന്ന്‌ അനേക​രും പറഞ്ഞേ​ക്കാം. എന്നാൽ, പ്രാ​യോ​ഗി​കം എന്നു പറയാൻ കഴിയുന്ന മറ്റെ​ന്തെ​ങ്കി​ലും മുമ്പ്‌ ഉണ്ടായി​ട്ടു​ണ്ടോ? ഇനിയു​ണ്ടാ​കു​മോ? ക്രിസ്‌തീയ തത്ത്വങ്ങൾ പ്രവൃ​ത്തി​പ​ഥ​ത്തിൽ കൊണ്ടു​വ​രു​ന്നെ​ങ്കിൽ നിങ്ങളു​ടെ സമൂഹ​ത്തിന്‌ അവ ഇപ്പോൾ യഥാർഥ പ്രയോ​ജനം ചെയ്യും. മാത്രമല്ല, മനുഷ്യ​വർഗ​ത്തി​ന്മേൽ ദൈവ​രാ​ജ്യം ഭരണം നടത്തു​മ്പോൾ, ഭൂമി​യി​ലെ​മ്പാ​ടു​മുള്ള സകല ‘ജാതി​ക​ളെ​യും ഗോ​ത്ര​ങ്ങ​ളെ​യും വംശങ്ങ​ളെ​യും’ ഏകീക​രി​ക്കാ​നുള്ള അടിസ്ഥാ​ന​മാ​യി വർത്തി​ക്കാൻ പോകു​ന്ന​തും ഇതേ തത്ത്വങ്ങ​ളാണ്‌.—വെളി​പ്പാ​ടു 7:9, 10.

[23-ാം പേജിലെ ആകർഷക വാക്യം]

വർഗ-വർണ വിവേ​ച​ന​മി​ല്ലാ​തെ എല്ലാവ​രും ഒരുമി​ച്ചു ജോലി ചെയ്യുന്നു

[24-ാം പേജിലെ ആകർഷക വാക്യം]

ക്രിസ്‌ത്യാനിത്വം പ്രാ​യോ​ഗി​ക​മാണ്‌. മറ്റെന്താണ്‌ പ്രാ​യോ​ഗി​കം ആയിരു​ന്നി​ട്ടു​ള്ളത്‌?