യഹോ​വ​യു​ടെ സാക്ഷികൾ ആരാണ്‌?

 യഹോ​വ​യു​ടെ സാക്ഷി​കളെ കുറിച്ചു നിങ്ങൾക്ക്‌ എന്തറി​യാം? ചില ആളുകൾ അവരെ ക്രിസ്‌തീയ വിശ്വാ​സം പ്രചരി​പ്പി​ക്കു​ന്നവർ, ഒരു പുതിയ ക്രിസ്‌തീയ വിശ്വാ​സി​സം​ഘം, യഹൂദ മതത്താൽ സ്വാധീ​നി​ക്ക​പ്പെട്ട ഒരു ക്രിസ്‌തീയ വിഭാഗം, ചികിത്സ നിരസി​ക്കുന്ന മതഭ്രാ​ന്തർ എന്നൊക്കെ വിളി​ച്ചി​ട്ടുണ്ട്‌. എന്നാൽ യഹോ​വ​യു​ടെ സാക്ഷികൾ ഇപ്പറഞ്ഞ കൂട്ടങ്ങ​ളി​ലൊ​ന്നും പെടില്ല എന്നതാണു വാസ്‌തവം. എങ്കിൽപ്പി​ന്നെ, ചിലർ അവരെ കുറിച്ച്‌ അങ്ങനെ കരുതു​ന്നത്‌ എന്തു​കൊ​ണ്ടാണ്‌? യഹോ​വ​യു​ടെ സാക്ഷി​കളെ കുറിച്ച്‌ അവർക്കു ലഭിച്ചി​രി​ക്കുന്ന തെറ്റായ വിവര​ങ്ങ​ളാണ്‌ മിക്ക​പ്പോ​ഴും അതിനു കാരണം.

പേരു സൂചി​പ്പി​ക്കു​ന്നതു പോലെ, യഹോ​വ​യ്‌ക്കാ​യി നില​കൊ​ള്ളുന്ന സാക്ഷി​ക​ളാണ്‌ യഹോ​വ​യു​ടെ സാക്ഷികൾ. എന്നാൽ ആരാണ്‌ യഹോവ? സർവശ​ക്ത​നായ ദൈവം ബൈബിളിൽ a വെളി​പ്പെ​ടു​ത്തി​യി​രി​ക്കുന്ന സ്വന്തം പേരാണ്‌ യഹോവ. അത്‌ ഒരു വ്യക്തി​നാ​മം ആണ്‌, അല്ലാതെ ദൈവം, കർത്താവ്‌ എന്നിവ പോലുള്ള ഒരു സ്ഥാന​പ്പേരല്ല. പൊതു​വെ പറഞ്ഞാൽ, ചരി​ത്ര​ത്തിൽ എപ്പോ​ഴെ​ങ്കി​ലും ദൈവ മഹത്ത്വ​ത്തി​നു സാക്ഷ്യം വഹിച്ച ആരെയും ഒരു യഹോ​വ​യു​ടെ സാക്ഷി എന്നു വിളി​ക്കാ​വു​ന്ന​താണ്‌.—പുറപ്പാ​ടു 3:13, 15; യെശയ്യാ​വു 43:10.

തന്മൂലം, ഹാബീൽ മുതലുള്ള പുരാതന വിശ്വസ്‌ത ദാസന്മാ​രു​ടെ ഒരു നീണ്ട നിര പട്ടിക​പ്പെ​ടു​ത്തു​മ്പോൾ, “സാക്ഷി​ക​ളു​ടെ ഇത്ര വലി​യോ​രു സമൂഹം” എന്ന്‌ ബൈബിൾ അവരെ വിളി​ക്കു​ന്നു. (എബ്രായർ 11:4; 12:1) നൂഹ്‌, ഇബ്രാ​ഹിം, ഇസ്‌ഹാക്ക്‌, യാക്കൂബ്‌, യൂസഫ്‌, മൂസാ, ദാവൂദ്‌ തുടങ്ങിയ പ്രമുഖ വ്യക്തി​കളെ ദൈവ​ത്തി​ന്റെ സാക്ഷി​ക​ളാ​യി—യഹോ​വ​യു​ടെ സാക്ഷി​ക​ളാ​യി—പട്ടിക​പ്പെ​ടു​ത്തി​യി​രി​ക്കു​ന്നു. ഈസാ നബിയെ “വിശ്വ​സ്‌ത​നും  സത്യവാ​നു​മായ സാക്ഷി” എന്നു വിളി​ച്ചി​രി​ക്കു​ന്നു.—വെളി​പ്പാ​ടു 3:14.

സാക്ഷികൾ ആവശ്യ​മാ​യി​രി​ക്കു​ന്ന​തി​ന്റെ കാരണം

മനുഷ്യ​നെ പൂർണ​നാ​യി പടച്ചെ​ന്നും അവനെ ഫിർദോ​സിൽ ആക്കി​വെ​ച്ചെ​ന്നും ബൈബിൾ പറയുന്നു. എന്നേക്കും ജീവി​ക്കാ​നും മക്കളെ ജനിപ്പി​ക്കാ​നും ഫിർദോസ്‌ ഭൂഗോ​ള​മെ​മ്പാ​ടും വ്യാപി​പ്പി​ക്കാ​നു​മുള്ള പ്രാപ്‌തി​യോ​ടെ​യാണ്‌ സ്രഷ്ടാവ്‌ അവനെ പടച്ചത്‌. അന്ന്‌ മനുഷ്യ​നു പടച്ചവനെ അറിയാ​മാ​യി​രു​ന്നു. അതു​കൊണ്ട്‌ സാക്ഷി​ക​ളു​ടെ ആവശ്യം ഇല്ലായി​രു​ന്നു.—ഉല്‌പത്തി 1:27, 28.

പടച്ചവൻ മനുഷ്യന്‌ ഇച്ഛാസ്വാ​ത​ന്ത്ര്യം നൽകി​യി​രു​ന്നു. എന്നാൽ നമ്മുടെ ആദ്യ മാതാ​പി​താ​ക്കൾ തെറ്റായ ഒരു തീരു​മാ​നം എടുത്തു. അവർ പടച്ചവ​നിൽനി​ന്നു സ്വത​ന്ത്ര​രാ​കാൻ നിശ്ചയി​ച്ചു. പടച്ചവൻ പൂർണ​നും നീതി​മാ​നും വിശു​ദ്ധ​നും ആയി തുടരു​ന്നു, എന്നാൽ മനുഷ്യർ പാപി​ക​ളും നീതി​കെ​ട്ട​വ​രും ആയിത്തീർന്നു. എന്നിരു​ന്നാ​ലും, വിശു​ദ്ധ​നായ നമ്മുടെ പടച്ചവൻ പാപവും ദുഷ്ടത​യും ഒരു ചുരു​ങ്ങിയ കാലഘ​ട്ട​ത്തേക്കു മാത്രം തുടരാ​നേ അനുവ​ദി​ക്കു​ക​യു​ള്ളൂ. പടച്ചവൻ അനുവ​ദി​ച്ചു​കൊ​ടുത്ത ആ കാലഘ​ട്ട​ത്തി​ന്റെ അന്ത്യം സമീപി​ച്ചി​രി​ക്കു​ന്നെന്നു ബൈബിൾ സൂചി​പ്പി​ക്കു​ന്നു. മനുഷ്യ​വർഗ​ത്തിന്‌ ഈ കാര്യങ്ങൾ മനസ്സി​ലാ​ക്കാൻ കഴി​യേ​ണ്ട​തിന്‌ അവൻ തന്റെ വചനം—തൗറാ​ത്തും സബൂറും ഇൻജീ​ലും—ഇക്കാലം വരെ പരിര​ക്ഷി​ച്ചി​രി​ക്കു​ന്നു.

ഭൂരി​ഭാ​ഗം മനുഷ്യർക്കും പടച്ചവനെ അറിയി​ല്ലാ​ത്ത​തി​നാൽ, തന്നെ കുറിച്ചു സാക്ഷീ​ക​രി​ക്കാൻ വിശ്വ​സ്‌ത​രായ ആളുക​ളോട്‌ അവൻ കൽപ്പി​ച്ചി​രി​ക്കു​ന്നു. അത്തരം വിശ്വ​സ്‌ത​രോട്‌ അവൻ പ്രസ്‌താ​വി​ക്കു​ന്നു: ‘നിങ്ങൾ എന്റെ സാക്ഷികൾ’ ആകുന്നു. (യെശയ്യാ​വു 43:10) അവർ ചെയ്യുന്ന വേലയെ കുറിച്ച്‌ അവൻ പറയുന്നു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.)—മത്തായി 24:14.

ഇന്ന്‌, സകല വർഗങ്ങ​ളി​ലും ഭാഷക​ളി​ലും ജനതക​ളി​ലും നിന്ന്‌ മുമ്പെ​ന്ന​ത്തെ​ക്കാ​ളും അധികം ആളുകൾ ആത്മാർഥ​ത​യോ​ടെ ദൈവ​വ​ചനം പഠിക്കു​ന്നു. മതപര​മായ പല ആചാര​ങ്ങ​ളു​ടെ​യും ഉത്ഭവം പുറജാ​തീ​യ​മാ​ണെ​ന്നും അവ പടച്ചവന്‌ അപ്രീ​തി​ക​ര​മാ​ണെ​ന്നും അവർ കണ്ടെത്തി​യി​രി​ക്കു​ന്നു.

ഒരുപക്ഷേ നിങ്ങൾക്ക്‌ അറിയാ​വു​ന്ന​തു​പോ​ലെ, ചിലർ മതത്തെ കച്ചവട​പ​ര​മായ ഉദ്ദേശ്യ​ങ്ങൾക്കാ​യി ഉപയോ​ഗി​ച്ചി​രി​ക്കു​ന്നു. മറ്റു ചിലർ മതത്തെ വീക്ഷി​ക്കു​ന്നത്‌, തങ്ങളുടെ രാഷ്‌ട്രീയ ലക്ഷ്യ​പ്രാ​പ്‌തി​ക്കും ദരി​ദ്രരെ പിഴിഞ്ഞ്‌ സമ്പന്നർ ആകാനും ഉള്ള ഒരു മാർഗ​മാ​യി​ട്ടാണ്‌. പടച്ചവനെ കുറി​ച്ചുള്ള യഥാർഥ സാക്ഷ്യം നൽക​പ്പെ​ടു​മ്പോൾ, മതത്തിൽനി​ന്നു ലാഭം കൊയ്യുന്ന അത്തരം ആളുകൾ എങ്ങനെ പ്രതി​ക​രി​ക്കു​മെ​ന്നാണ്‌ നിങ്ങൾ  കരുതു​ന്നത്‌? തീർച്ച​യാ​യും അത്‌ അവർക്കൊ​രു ഭീഷണി​യാണ്‌. ചിലർ യഹോ​വ​യു​ടെ സാക്ഷി​കളെ കുറിച്ചു മോശ​മാ​യി സംസാ​രി​ക്കു​ന്ന​താ​യി നിങ്ങൾ കേട്ടി​രി​ക്കു​ന്ന​തി​ന്റെ ഒരു കാരണം അതാണ്‌.

എന്തു വില ഒടു​ക്കേ​ണ്ടി​വ​ന്നാ​ലും, യഹോ​വ​യു​ടെ സാക്ഷികൾ ബൈബി​ളി​നോ​ടു പറ്റിനിൽക്കു​ന്നു. അവർ ഒരു പുതിയ മതം ആവിഷ്‌ക​രി​ച്ചി​ട്ടില്ല. സത്യ മതത്തിന്റെ അസ്ഥിവാ​ര​മായ തൗറാ​ത്തി​ലും സബൂറി​ലും ഇൻജീ​ലി​ലും എഴുതി​യി​രി​ക്കു​ന്നതു പിൻപ​റ്റുക മാത്ര​മാണ്‌ അവർ ചെയ്യു​ന്നത്‌. അങ്ങനെ​യെ​ങ്കിൽ അവർ എന്താണു വിശ്വ​സി​ക്കു​ന്നത്‌? യഹോ​വ​യു​ടെ സാക്ഷി​ക​ളു​ടെ ചില പഠിപ്പി​ക്ക​ലു​ക​ളാണ്‌ താഴെ കൊടു​ത്തി​രി​ക്കു​ന്നത്‌. അവയിൽ സത്യം അടങ്ങി​യി​ട്ടു​ണ്ടോ ഇല്ലയോ എന്നു കാണാൻ അവ വായി​ച്ചു​നോ​ക്കുക.

ത്രിത്വം ഇല്ല

ത്രി​ത്വോ​പ​ദേശം ബൈബിൾ പഠിപ്പി​ക്കു​ന്നേ ഇല്ല. പകരം, സത്യ​ദൈവം ഒന്നേയു​ള്ളൂ എന്നും അവൻ നിത്യ​നാ​ണെ​ന്നും അതു പഠിപ്പി​ക്കു​ന്നു. “യഹോവ നമ്മുടെ ദൈവ​മാ​കു​ന്നു; യഹോവ എകൻ തന്നേ.” (ആവർത്ത​ന​പു​സ്‌തകം 6:4) അവനാണ്‌ പടച്ചവൻ—നിത്യ​നും സർവശ​ക്ത​നും അതുല്യ​നു​മാണ്‌ അവൻ. ഈസാ നബി സർവശ​ക്ത​നായ ദൈവം അല്ല. ഈസാ ഒരു പൂർണ മനുഷ്യ​നാ​യി ഭൂമി​യിൽ ജീവി​ക്കു​ക​യും അപൂർണ മനുഷ്യ​വർഗ​ത്തി​നാ​യി മരിക്കു​ക​യും ചെയ്‌തു. പടച്ചവൻ ദയാപൂർവം ഈസാ​യു​ടെ ജീവൻ ഒരു മറുവി​ല​യാ​യി സ്വീക​രി​ച്ചു. അങ്ങനെ, അവനി​ലൂ​ടെ വിശ്വ​സ്‌ത​രു​ടെ രക്ഷ സാധ്യ​മാ​യി. അതു ദൈവ​ഹി​തം ആണ്‌.—ലൂക്കൊസ്‌ 22:42; റോമർ 5:12.

അമർത്യ ആത്മാവ്‌ ഇല്ല

മനുഷ്യൻ മരിക്കു​മ്പോൾ അവന്‌ എന്തു സംഭവി​ക്കു​ന്നു? പടച്ചവന്റെ വചനം പ്രസ്‌താ​വി​ക്കു​ന്നു: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) മനുഷ്യന്‌ ഒരു അമർത്യ ആത്മാവ്‌ ഇല്ല. മരിച്ച​വ​രോ​ടു സംസാ​രി​ക്കു​ന്നു എന്നു കരുതു​ന്നവർ വാസ്‌ത​വ​ത്തിൽ ഭൂതങ്ങ​ളോ​ടാ​ണു സംസാ​രി​ക്കു​ന്നത്‌. അതു​പോ​ലെ, മരിച്ച​വർക്കാ​യി നടത്തുന്ന പ്രാർഥ​നകൾ, പണം വാങ്ങി പ്രാർഥി​ക്കുന്ന പുരോ​ഹി​ത​ന്മാർക്ക​ല്ലാ​തെ മറ്റാർക്കും യാതൊ​രു ഗുണവും ചെയ്യു​ന്നില്ല.

പുനരു​ത്ഥാ​നം

ഭൂമി​യിൽ വീണ്ടും സ്ഥാപി​ക്ക​പ്പെ​ടാ​നി​രി​ക്കുന്ന ഫിർദോ​സി​ലേക്കു മരിച്ച​വർക്കു മടങ്ങി​വ​രാൻ—പുനരു​ത്ഥാ​നം പ്രാപി​ക്കാൻ—സാധി​ക്കും എന്നതാണു മനുഷ്യ​ന്റെ യഥാർഥ പ്രത്യാശ. പടച്ചവനെ സേവി​ച്ച​വർക്ക്‌ അവരുടെ വിശ്വ​സ്‌ത​തയെ പ്രതി അനു​ഗ്ര​ഹങ്ങൾ ലഭിക്കും. പടച്ചവനെ അറിയാൻ അവസരം ലഭിക്കാ​തെ മരിച്ചു പോയ​വർക്ക്‌ അതിനുള്ള അവസരം പുനരു​ത്ഥാ​ന​ത്തിൽ ലഭിക്കും. ഈ വിധത്തിൽ, “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.” (പ്രവൃ​ത്തി​കൾ 24:15) പടച്ചവൻ അയോ​ഗ്യ​രാ​യി വിധി​ക്കു​ന്നവർ മാത്രമേ ഉയിർപ്പി​ക്ക​പ്പെ​ടാ​തി​രി​ക്കു​ക​യു​ള്ളൂ.

 അഗ്നിന​രകം ഇല്ല

മരിച്ചവർ എന്നെ​ന്നേ​ക്കും ദുരിതം അനുഭ​വി​ക്കു​ന്ന​തി​നുള്ള ഒരു സ്ഥലം സ്‌നേ​ഹ​വാ​നായ പടച്ചവൻ ഒരിക്ക​ലും സൃഷ്ടി​ക്കു​ക​യില്ല. മനുഷ്യ​രെ അഗ്നിക്ക്‌ ഇരയാ​ക്കു​ന്ന​തും പീഡി​പ്പി​ക്കു​ന്ന​തും “ഞാൻ കല്‌പി​ച്ചതല്ല; എന്റെ മനസ്സിൽ തോന്നി​യ​തു​മല്ല” എന്ന്‌ പടച്ചവൻ തന്നെ വെളി​പ്പെ​ടു​ത്തി​യി​രി​ക്കു​ന്നു.—യിരെ​മ്യാ​വു 7:31.

വിധി ഇല്ല

പടച്ചവൻ ആളുക​ളു​ടെ തലയിൽ യാതൊ​ന്നും എഴുതി​വെ​ക്കു​ന്നില്ല. നാം ജനിക്കു​ന്ന​തി​നു മുമ്പു​തന്നെ നമ്മുടെ ഭാവി നിശ്ചയി​ക്കുന്ന യാതൊ​രു വിധി​യും ഇല്ല. നമ്മുടെ ചെയ്‌തി​കൾക്കും തീരു​മാ​ന​ങ്ങൾക്കും നാം തന്നെയാണ്‌ ഉത്തരവാ​ദി​കൾ. “നമ്മിൽ ഓരോ​രു​ത്തൻ ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.”—റോമർ 14:12.

പുരോ​ഹിത വർഗം ഇല്ല

പടച്ചവനു സമർപ്പി​ക്ക​പ്പെ​ട്ട​വ​രെ​ല്ലാം അവന്റെ ദൃഷ്ടി​യിൽ തുല്യ​രാണ്‌. സത്യാ​രാ​ധകർ എല്ലാവ​രും സഹോ​ദ​രീ​സ​ഹോ​ദ​ര​ന്മാ​രാണ്‌. സാധാ​ര​ണ​ക്കാ​രെ​ക്കാൾ ഉയർന്ന ഒരു പുരോ​ഹി​ത​വർഗത്തെ പടച്ചവൻ നിയമി​ച്ചി​ട്ടില്ല. ഈസാ നബി ഇങ്ങനെ പ്രസ്‌താ​വി​ച്ചു: “തന്നെത്താൻ ഉയർത്തു​ന്നവൻ എല്ലാം താഴ്‌ത്ത​പ്പെ​ടും; തന്നെത്താൻ താഴ്‌ത്തു​ന്നവൻ എല്ലാം ഉയർത്ത​പ്പെ​ടും.” (ലൂക്കൊസ്‌ 18:14) മതത്തിന്റെ പേരിൽ സ്വയം ഉയർത്തു​ന്ന​വരെ പടച്ചവൻ പ്രതി​കൂ​ല​മാ​യി വിധി​ക്കും.—മത്തായി 23:4-12.

വിഗ്ര​ഹാ​രാ​ധന ഇല്ല

“ദൈവം ആത്മാവു ആകുന്നു; അവനെ നമസ്‌ക​രി​ക്കു​ന്നവർ ആത്മാവി​ലും സത്യത്തി​ലും നമസ്‌ക​രി​ക്കേണം.” (യോഹ​ന്നാൻ 4:24) സത്യാ​രാ​ധകർ വിഗ്ര​ഹങ്ങൾ ഉപയോ​ഗി​ക്കു​ന്നില്ല.

രാഷ്‌ട്രീ​യ​ത്തിൽ നിഷ്‌പ​ക്ഷർ

തന്റെ അനുഗാ​മി​കൾ “ലോക​ത്തി​ന്റെ ഭാഗമല്ല” എന്ന്‌ ഈസാ നബി പറഞ്ഞു. (യോഹ​ന്നാൻ 17:16, NW) അക്കാര​ണ​ത്താൽ യഹോ​വ​യു​ടെ സാക്ഷികൾ ദേശീയ, പ്രാ​ദേ​ശിക രാഷ്‌ട്രീ​യ​ത്തിൽ ഇടപെ​ടു​ന്നില്ല. മാത്രമല്ല, അവർ നിയമം അനുസ​രി​ക്കുന്ന ആളുക​ളു​മാണ്‌.—റോമർ 13:1, 5-7.

ഉയർന്ന ധാർമിക നിലവാ​ര​ങ്ങൾ

പിൻവ​രു​ന്ന​പ്ര​കാ​രം പറഞ്ഞ​പ്പോൾ, സത്യാ​രാ​ധ​കരെ എങ്ങനെ തിരി​ച്ച​റി​യാം എന്ന്‌ ഈസാ നബി വ്യക്തമാ​ക്കി: “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നാകു​ന്നു എന്റെ കല്‌പന.” (യോഹ​ന്നാൻ 15:12, 13) ബൈബി​ളി​ലെ മറ്റൊരു അധ്യായം ഇപ്രകാ​രം പ്രസ്‌താ​വി​ക്കു​ന്നു: “ആത്മാവി​ന്റെ ഫലമോ: സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വ​സ്‌തത, സൌമ്യത, ഇന്ദ്രി​യ​ജയം.” (ഗലാത്യർ 5:22, 23) ഈ ഗുണങ്ങൾ ഉള്ളവർ നുണ പറയു​ന്നില്ല, മോഷ്ടി​ക്കു​ന്നില്ല, ചൂതു കളിക്കു​ന്നില്ല, മയക്കു​മ​രുന്ന്‌ ദുരു​പ​യോ​ഗം ചെയ്യു​ന്നില്ല, ലൈം​ഗിക അധാർമി​ക​ത​യിൽ ഏർപ്പെ​ടു​ന്നില്ല.  (എഫെസ്യർ 4:25-28) അവർ പടച്ചവനെ സ്‌നേ​ഹി​ക്കു​ന്നു. അതു​കൊണ്ട്‌ അവൻ വെറു​ക്കുന്ന കാര്യങ്ങൾ അവർ ഒഴിവാ​ക്കു​ക​യും ചെയ്യുന്നു. യഹോ​വ​യു​ടെ സാക്ഷി​ക​ളു​ടെ ജീവി​തത്തെ ഭരിക്കുന്ന തത്ത്വങ്ങ​ളാണ്‌ ഇവ.

ഈ ലോക​ത്തി​ന്റെ അന്ത്യം ആസന്നം

നമ്മുടെ നാളു​കളെ മറ്റു കാലങ്ങ​ളിൽനി​ന്നു വ്യത്യ​സ്‌ത​മാ​ക്കു​ന്നത്‌ എന്താണ്‌? നാം ജീവി​ക്കു​ന്നത്‌ ഈ വ്യവസ്ഥി​തി​യു​ടെ, അതായത്‌ ഈ ലോക​ത്തി​ന്റെ, അന്ത്യനാ​ളു​ക​ളിൽ (കിയാ​മത്ത്‌ നാൾ) ആണെന്ന്‌ പ്രവച​ന​ങ്ങ​ളു​ടെ നിവൃത്തി സൂചി​പ്പി​ക്കു​ന്നു. (ദാനീ​യേൽ 2:44) അപ്പോൾ ചോദ്യ​മി​താണ്‌, നാം ചെയ്യുന്ന കാര്യങ്ങൾ പടച്ചവനു പ്രസാ​ദ​ക​ര​മാ​ണോ? പടച്ചവൻ ഒന്നേയു​ള്ളൂ. അതു​കൊണ്ട്‌ സത്യ മതവും ഒന്നു മാത്രമേ ഉണ്ടായി​രി​ക്കാ​വൂ. മാത്രമല്ല, ആ മതം തൗറാ​ത്തി​നും സബൂറി​നും ഇൻജീ​ലി​നും വിരു​ദ്ധ​മാ​യി​രി​ക്കാ​നും പാടില്ല. അതു​കൊണ്ട്‌ നാം ആ വചനം പരി​ശോ​ധി​ക്കേ​ണ്ട​തുണ്ട്‌.

അതാണ്‌ യഹോ​വ​യു​ടെ സാക്ഷികൾ ചെയ്യു​ന്നത്‌. നിങ്ങളു​ടെ മതം ഏതായി​രു​ന്നാ​ലും, നിങ്ങളും അതുതന്നെ ചെയ്യേ​ണ്ട​തുണ്ട്‌. ഈ കാര്യ​ത്തിൽ നിങ്ങൾക്കു വേണ്ടി മറ്റൊ​രാൾക്കു തീരു​മാ​ന​മെ​ടു​ക്കാൻ സാധ്യമല്ല. ഓർക്കുക: “നമ്മിൽ ഓരോ​രു​ത്തൻ ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.”—റോമർ 14:12.

ആരും ഒരു യഹോ​വ​യു​ടെ സാക്ഷി​യാ​യി ജനിക്കു​ന്നില്ല. അങ്ങനെ​യാ​കാൻ വ്യക്തി​പ​ര​മാ​യി ഓരോ സാക്ഷി​യും തീരു​മാ​നം എടുക്കു​ന്നു. ദൈവ​വ​ചനം ആത്മാർഥ​മാ​യി പഠിക്കുന്ന വ്യക്തി സത്യം തിരി​ച്ച​റി​യു​ന്നു. തുടർന്ന്‌ അതിന്റെ അടിസ്ഥാ​ന​ത്തിൽ, യഹോവ എന്നു നാമമുള്ള സത്യ​ദൈ​വ​ത്തിന്‌ അയാൾ സ്വയം സമർപ്പി​ക്കു​ന്നു. ദൈവ​വ​ചനം പഠിക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ, ദയവായി താഴെ കൊടു​ത്തി​രി​ക്കുന്ന ഒരു വിലാ​സ​ത്തിൽ എഴുതുക.

[അടിക്കു​റി​പ്പു​കൾ]

മറ്റു പ്രകാ​ര​ത്തിൽ സൂചി​പ്പി​ക്കാ​ത്ത​പക്ഷം, ഇതിൽ ഉപയോ​ഗി​ച്ചി​രി​ക്കുന്ന ബൈബിൾ ഉദ്ധരണി​കൾ ബൈബിൾ സൊ​സൈറ്റി ഓഫ്‌ ഇന്ത്യയു​ടെ ‘സത്യ​വേ​ദ​പു​സ്‌തക’ത്തിൽ നിന്നാണ്‌. NW വരുന്നി​ടത്ത്‌ ഇംഗ്ലീ​ഷി​ലുള്ള വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം—റഫറൻസു​ക​ളോ​ടു കൂടി​യത്‌ ഉപയോ​ഗി​ച്ചി​രി​ക്കു​ന്നു.