യഹോ​വ​യു​ടെ സാക്ഷികൾ എന്തു വിശ്വ​സി​ക്കു​ന്നു?

“നിന്റെ ചിന്തകൾ എന്തെല്ലാ​മാ​ണെന്നു നിന്നിൽനി​ന്നു കേൾക്കു​ന്ന​താണ്‌ ഉചിത​മെന്നു ഞങ്ങൾക്കു തോന്നു​ന്നു. എന്തെന്നാൽ, ഈ മതവി​ഭാ​ഗ​ത്തെ​ക്കു​റിച്ച്‌ എല്ലായി​ട​ത്തും എതിർത്തു സംസാ​രി​ക്കു​ന്നു​വെന്ന്‌ ഞങ്ങൾക്ക​റി​യാം.” (പ്രവൃ​ത്തി​കൾ 28:22, NW) ഒന്നാം നൂററാ​ണ്ടി​ലെ റോമാ​യി​ലെ ഈ സാമു​ദാ​യിക നേതാക്കൾ നല്ല ദൃഷ്ടാന്തം വെച്ചു. പുറത്തെ വിമർശ​ക​രിൽനി​ന്നു മാത്രമല്ല, ഉറവിൽനി​ന്നു​തന്നെ കേൾക്കാൻ അവർ ആഗ്രഹി​ച്ചു.

അതു​പോ​ലെ​ത​ന്നെ, മിക്ക​പ്പോ​ഴും ഇന്ന്‌ യഹോ​വ​യു​ടെ സാക്ഷി​കൾക്കെ​തി​രായ സംസാ​ര​മുണ്ട്‌, അവരെ സംബന്ധിച്ച സത്യം മുൻവി​ധി​യു​ളള കേന്ദ്ര​ങ്ങ​ളിൽനിന്ന്‌ പഠിക്കാൻ പ്രതീ​ക്ഷി​ക്കു​ന്നതു തെററാ​യി​രി​ക്കും. അതു​കൊണ്ട്‌ ഞങ്ങളുടെ മുഖ്യ വിശ്വാ​സ​ങ്ങ​ളിൽ ചിലത്‌ നിങ്ങൾക്ക്‌ വിശദീ​ക​രി​ച്ചു​ത​രാൻ ഞങ്ങൾക്കു സന്തോ​ഷ​മുണ്ട്‌.

ബൈബി​ളും, യേശു​ക്രി​സ്‌തു​വും, ദൈവ​വും

“എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും . . . പ്രയോ​ജ​ന​ക​ര​വു​മാ​കു​ന്നു”വെന്ന്‌ ഞങ്ങൾ വിശ്വ​സി​ക്കു​ന്നു. (2 തിമൊ​ഥെ​യോസ്‌ 3:16) ഞങ്ങൾ യഥാർത്ഥ​ത്തിൽ ക്രിസ്‌ത്യാ​നി​ക​ള​ല്ലെന്ന്‌ ചിലർ അവകാ​ശ​പ്പെ​ട്ടി​ട്ടു​ണ്ടെ​ങ്കി​ലും, അതു കേവലം സത്യമല്ല. യേശു​ക്രി​സ്‌തു​വി​നെ സംബന്ധിച്ച അപ്പോ​സ്‌ത​ല​നായ പത്രോ​സി​ന്റെ സാക്ഷ്യം ഞങ്ങൾ പൂർണ്ണ​മാ​യി അംഗീ​ക​രി​ക്കു​ന്നു: “നാം രക്ഷിക്ക​പ്പെ​ടു​ന്ന​തി​നു​ളള മുഖാ​ന്ത​ര​മാ​യി മനുഷ്യ​രു​ടെ ഇടയിൽ നൽക​പ്പെ​ട്ടി​രി​ക്കുന്ന മറെറാ​രു​നാ​മം ആകാശ​ത്തിൻ കീഴി​ലില്ല.”—പ്രവൃ​ത്തി​കൾ 4:12.

എന്നിരു​ന്നാ​ലും താൻ “ദൈവ​പു​ത്രൻ” ആണെന്നും “പിതാവു എന്നെ അയച്ചു”വെന്നും യേശു പറഞ്ഞതു​കൊണ്ട്‌ ദൈവം യേശു​വി​നെ​ക്കാൾ വലിയ​വ​നാ​ണെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. (യോഹ​ന്നാൻ 10:36; 6:57) “പിതാവ്‌ എന്നെക്കാൾ വലിയ​വ​നാ​കു​ന്നു”വെന്ന്‌ യേശു​തന്നെ സമ്മതി​ച്ചു​പ​റഞ്ഞു. (യോഹ​ന്നാൻ 14:28; 8:28) അതു​കൊണ്ട്‌ ത്രി​ത്വോ​പ​ദേശം പറയു​ന്ന​തു​പോ​ലെ  യേശു പിതാ​വി​നോ​ടു സമനാ​ണെന്ന്‌ ഞങ്ങൾ വിശ്വ​സി​ക്കു​ന്നില്ല. പകരം, അവൻ ദൈവ​ത്താൽ സൃഷ്ടി​ക്ക​പ്പെ​ട്ടു​വെ​ന്നും അവൻ ദൈവ​ത്തി​നു കീഴ്‌പ്പെ​ട്ടി​രി​ക്കു​ന്നു​വെ​ന്നും ഞങ്ങൾ വിശ്വ​സി​ക്കു​ന്നു.—കൊ​ലോ​സ്യർ 1:15; 1 കൊരി​ന്ത്യർ 11:3.

മലയാള ഭാഷയിൽ ദൈവ​നാ​മം യഹോ​വ​യെ​ന്നാണ്‌. “യഹോ​വ​യെന്നു നാമമു​ളള നീ മാത്രം സർവ്വഭൂ​മി​ക്കും മീതെ അത്യു​ന്ന​ത​നാ​കു​ന്നു”വെന്ന്‌ ബൈബിൾ പറയുന്നു. (സങ്കീർത്തനം 83:18, കിംഗ്‌ ജയിംസ്‌ വേർഷൻ) ഈ പ്രഖ്യാ​പ​ന​ത്തിന്‌ അനു​യോ​ജ്യ​മാ​യി യേശു ദൈവ​നാ​മ​ത്തിന്‌ വലിയ പ്രാധാ​ന്യം കൊടു​ക്കു​ക​യും “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ?” എന്നു പ്രാർത്ഥി​ക്കാൻ തന്റെ അനുഗാ​മി​കളെ പഠിപ്പി​ക്കു​ക​യും ചെയ്‌തു. “നീ എനിക്കു തന്ന മനുഷ്യർക്ക്‌ ഞാൻ നിന്റെ നാമം വെളി​പ്പെ​ടു​ത്തി​യി​രി​ക്കു​ന്നു” എന്ന്‌ അവൻതന്നെ ദൈവ​ത്തോ​ടു പ്രാർത്ഥി​ച്ചു.—മത്തായി 6:9; യോഹ​ന്നാൻ 17:6.

ദൈവ​നാ​മ​ത്തെ​യും ഉദ്ദേശ്യ​ത്തെ​യും മററു​ള​ള​വർക്കു വെളി​പ്പെ​ടു​ത്തു​ന്ന​തിൽ തങ്ങൾ യേശു​വി​നെ​പ്പോ​ലെ​യാ​യി​രി​ക്കണ​മെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. തന്നിമി​ത്തം, “വിശ്വ​സ്‌ത​സാ​ക്ഷി”യായ യേശു​വി​നെ ഞങ്ങൾ അനുക​രി​ക്കു​ന്ന​തു​കൊണ്ട്‌ ഞങ്ങൾ യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ചി​രി​ക്കു​ന്നു. (വെളി​പ്പാട്‌ 1:5; 3:14) ദൈവ​ത്തി​ന്റെ പ്രതി​നി​ധി​ക​ളാ​യി​രുന്ന ജനത്തോട്‌ “‘നിങ്ങൾ എന്റെ സാക്ഷി​ക​ളാ​കു​ന്നു’വെന്നാണ്‌ യഹോ​വ​യു​ടെ അരുള​പ്പാട്‌, ഞാൻ തെര​ഞ്ഞെ​ടു​ത്തി​രി​ക്കുന്ന എന്റെ ദാസൻതന്നെ” എന്ന്‌ യെശയ്യാവ്‌ 43:10 ഉചിത​മാ​യി പറയുന്നു.

ദൈവ​രാ​ജ്യം

“നിന്റെ രാജ്യം വരേണമേ” എന്നു പ്രാർത്ഥി​ക്കാൻ യേശു തന്റെ അനുഗാ​മി​കളെ പഠിപ്പി​ച്ചു. ആ രാജ്യത്തെ അവൻ തന്റെ പഠിപ്പി​ക്ക​ലി​ന്റെ പ്രമുഖ വിഷയ​വു​മാ​ക്കി. (മത്തായി 6:10; ലൂക്കോസ്‌ 4:43) രാജ്യം സ്വർഗ്ഗ​ത്തിൽനി​ന്നു​ളള ഒരു യഥാർത്ഥ ഗവൺമെൻറാ​ണെ​ന്നും അത്‌ ഭൂമി​മേൽ ഭരിക്കു​മെ​ന്നും യേശു​ക്രി​സ്‌തു അതിന്റെ അദൃശ്യ നിയമിത രാജാ​വാ​ണെ​ന്നും യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. “ഭരണകൂ​ടം അവന്റെ തോളി​ലാ​യി​രി​ക്കും, അവന്റെ ഭരണകൂ​ട​ത്തി​ന്റെ വർദ്ധന​വി​നും സമാധാ​ന​ത്തി​നും അവസാ​ന​മു​ണ്ടാ​യി​രി​ക്ക​യില്ല” എന്നു ബൈബിൾ പറയുന്നു.—യെശയ്യാവ്‌ 9:6, 7, KJ.

എന്നിരു​ന്നാ​ലും, ദൈവ​ത്തി​ന്റെ ഗവൺമെൻറി​ലെ ഏകരാ​ജാവ്‌ യേശു​ക്രി​സ്‌തു ആയിരി​ക്കു​ക​യില്ല. അവന്‌ തന്നോ​ടു​കൂ​ടെ സ്വർഗ്ഗ​ത്തിൽ അനേകം സഹഭര​ണാ​ധി​പൻമാർ ഉണ്ടായി​രി​ക്കും. “നാം തുടർന്നു സഹിച്ചു​നിൽക്കു​ന്നു​വെ​ങ്കിൽ നാം രാജാ​ക്കൻമാ​രാ​യി  ഒരുമി​ച്ചു ഭരിക്കു​ക​യും ചെയ്യും” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (2 തിമൊ​ഥെ​യോസ്‌ 2:12) ക്രിസ്‌തു​വി​നോ​ടു​കൂ​ടെ സ്വർഗ്ഗ​ത്തിൽ ഭരിക്കാൻ പുനരു​ത്ഥാ​നം പ്രാപി​ക്കുന്ന ആ മനുഷ്യർ “ഭൂമി​യിൽനിന്ന്‌ വിലക്കു വാങ്ങ​പ്പെ​ട്ടി​രി​ക്കുന്ന നൂററി​നാ​ല്‌പ​ത്തി​നാ​ലാ​യിര”മായി പരിമി​ത​പ്പെ​ട്ടി​രി​ക്കു​ന്നു​വെന്ന്‌ ബൈബിൾ സൂചി​പ്പി​ക്കു​ന്നു.—വെളി​പ്പാട്‌ 14:1, 3.

തീർച്ച​യാ​യും, ഏതു ഗവൺമെൻറി​നും പ്രജക​ളു​ണ്ടാ​യി​രി​ക്കണം. ഈ സ്വർഗ്ഗീയ ഭരണാ​ധി​കാ​രി​കൾക്കു പുറമേ ശതകോ​ടി​കൾകൂ​ടെ നിത്യ​ജീ​വൻ പ്രാപി​ക്കു​മെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. ഒടുവിൽ മനോ​ഹ​ര​മായ ഒരു പരദീ​സ​യാ​യി രൂപാ​ന്ത​ര​പ്പെ​ടുന്ന ഭൂമി ദൈവ​രാ​ജ്യ​ത്തി​ന്റെ യോഗ്യ​ത​യു​ളള ഈ പ്രജക​ളെ​ക്കൊ​ണ്ടു നിറയും, എല്ലാവ​രും ക്രിസ്‌തു​വി​ന്റെ​യും അവന്റെ സഹഭര​ണാ​ധി​പൻമാ​രു​ടെ​യും വാഴ്‌ചക്ക്‌ കീഴ്‌പ്പെ​ടും. അതു​കൊണ്ട്‌ ഭൂമി ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലെ​ന്നും “നീതി​മാൻമാർതന്നെ ഭൂമിയെ കൈവ​ശ​മാ​ക്കും, അവർ അതിൽ എന്നേക്കും വസിക്കും” എന്ന ബൈബിൾ വാഗ്‌ദത്തം നിവൃ​ത്തി​യേ​റു​മെ​ന്നും യഹോ​വ​യു​ടെ സാക്ഷി​കൾക്ക്‌ ഉറച്ച ബോദ്ധ്യ​മുണ്ട്‌.—സങ്കീർത്തനം 37:29; 104:5.

എന്നാൽ ദൈവ​രാ​ജ്യം എങ്ങനെ​യാ​ണു വരിക? എല്ലാ ആളുക​ളും സ്വമേ​ധയാ ദൈവ​ത്തി​ന്റെ ഗവൺമെൻറി​നു കീഴ്‌പെ​ടു​ന്ന​തി​നാ​ലാ​ണോ? മറിച്ച്‌, ദൈവ​രാ​ജ്യ​ത്തി​ന്റെ വരവ്‌ ഭൂമി​യി​ലെ കാര്യ​ങ്ങ​ളിൽ ദൈവ​ത്തി​ന്റെ നേരി​ട്ടു​ളള ഇടപെടൽ ആവശ്യ​മാ​ക്കി​ത്തീർക്കു​മെന്ന്‌ ബൈബിൾ വാസ്‌ത​വി​ക​മാ​യി പ്രകട​മാ​ക്കു​ന്നു: “സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. രാജ്യം​തന്നെ . . . ഈ രാജ്യ​ങ്ങ​ളെ​യെ​ല്ലാം തകർത്ത്‌ അവസാ​നി​പ്പി​ക്കും, അതുതന്നെ അനിശ്ചി​ത​കാ​ല​ങ്ങ​ളോ​ളം​നിൽക്കും.”—ദാനി​യേൽ 2:44.

ദൈവ​രാ​ജ്യം എപ്പോൾ വരും? ഇപ്പോൾ നിവർത്തി​ക്ക​പ്പെ​ടുന്ന ബൈബിൾ പ്രവച​ന​ങ്ങ​ളു​ടെ അടിസ്ഥാ​ന​ത്തിൽ അതു വളരെ വേഗം വരു​മെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. ഈ ദുഷ്ടവ്യ​വ​സ്ഥി​തി​യു​ടെ “അവസാ​ന​നാ​ളു​കളെ” മുൻകൂ​ട്ടി​പ്പ​റ​യുന്ന ചില പ്രവച​നങ്ങൾ പരിചി​ന്തി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. അവ മത്തായി 24:3-14; ലൂക്കോസ്‌ 21:7-13, 25-31; 2 തിമൊ​ഥെ​യോസ്‌ 3:1-5  എന്നിവി​ട​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്നു.

ഞങ്ങൾ ‘ഞങ്ങളുടെ ദൈവ​മായ യഹോ​വയെ ഞങ്ങളുടെ മുഴു ഹൃദയ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും​കൂ​ടെ​യും ഞങ്ങളുടെ അയൽക്കാ​രനെ ഞങ്ങളെ​പ്പോ​ലെ​യും സ്‌നേ​ഹി​ക്കു​ന്നതു’കൊണ്ട്‌ ഞങ്ങൾ ദേശീ​യ​മാ​യും വർഗ്ഗീ​യ​മാ​യും സാമൂ​ഹി​ക​മാ​യും വിഭജി​ക്ക​പ്പെ​ട്ടി​രി​ക്കു​ന്നില്ല. (മർക്കോസ്‌ 12:30, 31) സകല ജനതക​ളി​ലും കാണ​പ്പെ​ടുന്ന ഞങ്ങളുടെ ക്രിസ്‌തീയ സഹോ​ദ​രൻമാ​രു​ടെ ഇടയിൽ പ്രകട​മാ​യി​രി​ക്കുന്ന സ്‌നേഹം നിമിത്തം ഞങ്ങൾ പരക്കെ ശ്രദ്ധി​ക്ക​പ്പെ​ട്ടി​ട്ടുണ്ട്‌. (യോഹ​ന്നാൻ 13:35; 1 യോഹ​ന്നാൻ 3:10-12) അങ്ങനെ ഞങ്ങൾ ആ ജനതക​ളി​ലെ രാഷ്‌ട്രീയ കാര്യങ്ങൾ സംബന്ധിച്ച്‌ ഒരു നിഷ്‌പ​ക്ഷ​നില പാലി​ക്കു​ന്നു. ഞങ്ങൾ യേശു​വി​ന്റെ ആദിമ​ശി​ഷ്യൻമാ​രെ​പ്പോ​ലെ​യാ​യി​രി​ക്കാൻ ശ്രമി​ക്കു​ന്നു. അവരെ സംബന്ധിച്ച്‌ അവൻ പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ, അവർ ലോക​ത്തി​ന്റെ ഭാഗമല്ല.” (യോഹ​ന്നാൻ 17:16) ലോക​ത്തിൽനിന്ന്‌ വേർപെ​ട്ടു​നിൽക്കു​ന്ന​തി​ന്റെ അർത്ഥം വ്യാജം​പ​റ​ച്ചിൽ, മോഷണം, ദുർവൃ​ത്തി, വ്യഭി​ചാ​രം, സ്വവർഗ്ഗ​രതി, രക്തത്തിന്റെ ദുരു​പ​യോ​ഗം, വിഗ്ര​ഹാ​രാ​ധന, എന്നിവ​യും ബൈബി​ളിൽ കുററം​വി​ധി​ച്ചി​രി​ക്കുന്ന അത്തരം മററു കാര്യ​ങ്ങ​ളും ഉൾപ്പെടെ ഇന്നു വളരെ സാധാ​ര​ണ​മാ​യി​രി​ക്കുന്ന അധാർമ്മിക നടത്ത ഒഴിവാ​ക്കു​ക​യെ​ന്നാ​ണെന്ന്‌ ഞങ്ങൾ വിശ്വ​സി​ക്കു​ന്നു.—1 കൊരി​ന്ത്യർ 6:9-11; എഫേസ്യർ 5:3-5; പ്രവൃ​ത്തി​കൾ 15:28, 29.

ഭാവിയെ സംബന്ധിച്ച പ്രത്യാശ

ഈ ലോക​ത്തി​ലെ നമ്മുടെ ഇപ്പോ​ഴത്തെ ജീവിതം മാത്ര​മ​ല്ലു​ള​ള​തെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. മനുഷ്യർക്ക്‌ ദൈവ​മു​മ്പാ​കെ ഒരു നീതി​യു​ളള നില ലഭിക്കാ​നും ഒരു പുതിയ വ്യവസ്ഥി​തി​യി​ലെ നിത്യ​ജീ​വൻ പ്രാപി​ക്കാ​നും കഴി​യേ​ണ്ട​തിന്‌ തന്റെ ജീവര​ക്തത്തെ ഒരു മോച​ന​ദ്ര​വ്യ​മാ​യി ചൊരി​യു​ന്ന​തിന്‌ ക്രിസ്‌തു​വി​നെ യഹോവ ഭൂമി​യി​ലേ​ക്ക​യ​ച്ചു​വെന്ന്‌ ഞങ്ങൾ വിശ്വ​സി​ക്കു​ന്നു. യേശു​വി​ന്റെ ഒരു അപ്പോ​സ്‌തലൻ പറഞ്ഞതു​പോ​ലെ: “ഞങ്ങൾ ഇപ്പോൾ അവന്റെ രക്തത്താൽ നീതി​മാൻമാ​രാ​യി പ്രഖ്യാ​പി​ക്ക​പ്പെ​ട്ടി​രി​ക്കു​ന്നു.” (റോമർ 5:9; മത്തായി 20:28) ഒരു ഭാവി ജീവിതം സാദ്ധ്യ​മാ​ക്കുന്ന ഈ മോച​ന​ദ്ര​വ്യ​ത്തി​ന്റെ കരുത​ലി​നു​വേണ്ടി യഹോ​വ​യു​ടെ സാക്ഷികൾ ദൈവ​ത്തോ​ടും അവന്റെ പുത്ര​നോ​ടും അഗാധ​മായ നന്ദിയു​ള​ള​വ​രാണ്‌.

ദൈവ​രാ​ജ്യ​ത്തിൻ കീഴിൽ മരിച്ച​വ​രിൽനി​ന്നു​ളള പുനരു​ത്ഥാ​ന​ത്തിൽ അധിഷ്‌ഠി​ത​മായ ഒരു ഭാവി ജീവി​ത​ത്തിൽ യഹോ​വ​യു​ടെ സാക്ഷി​കൾക്ക്‌ പൂർണ്ണ​വി​ശ്വാ​സ​മുണ്ട്‌. ബൈബിൾ പഠിപ്പി​ക്കു​ന്ന​തു​പോ​ലെ, ഒരു വ്യക്തി മരിക്കു​മ്പോൾ അയാളു​ടെ അസ്‌തി​ത്വം യഥാർത്ഥ​ത്തിൽ നിലയ്‌ക്കു​ന്നു​വെ​ന്നും “ആ ദിവസ​ത്തിൽ അവന്റെ  ചിന്തകൾ നശിക്കു​ക​തന്നെ ചെയ്യുന്നു”വെന്നും ഞങ്ങൾ വിശ്വ​സി​ക്കു​ന്നു. (സങ്കീർത്തനം 146:3, 4; യെഹെ​സ്‌ക്കേൽ 18:4; സഭാ​പ്ര​സം​ഗി 9:5) അതെ, മരിച്ച​വർക്കു​ളള ഭാവി​ജീ​വി​തം ഒരു പുനരു​ത്ഥാ​ന​ത്തിൽ ദൈവം അവരെ ഓർക്കു​ന്ന​തിൽ അടിസ്ഥാ​ന​പ്പെ​ട്ടി​രി​ക്കു​ന്നു.—യോഹ​ന്നാൻ 5:28, 29.

എന്നിരു​ന്നാ​ലും, ദൈവ​രാ​ജ്യം ഇപ്പോ​ഴത്തെ സകല ഗവൺമെൻറു​കൾക്കും അറുതി​വ​രു​ത്തു​മ്പോൾ ഇന്നു ജീവി​ക്കുന്ന അനേകർ അതിജീ​വി​ക്കു​മെ​ന്നും, നോഹ​യും കുടും​ബ​വും പ്രളയത്തെ അതിജീ​വി​ച്ച​തു​പോ​ലെ, അവർ ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ എന്നേക്കും ജീവിതം ആസ്വദി​ക്കു​ന്ന​തിന്‌ തുടർന്നു ജീവി​ക്കു​മെ​ന്നും യഹോ​വ​യു​ടെ സാക്ഷി​കൾക്ക്‌ ബോദ്ധ്യ​മുണ്ട്‌. (മത്തായി 24:36-39; 2 പത്രോസ്‌ 3:5-7, 13) അതിജീ​വി​നം യഹോ​വ​യു​ടെ വ്യവസ്ഥകൾ പാലി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു​വെന്ന്‌ ഞങ്ങൾ വിശ്വ​സി​ക്കു​ന്നു, എന്തു​കൊ​ണ്ടെ​ന്നാൽ ബൈബിൾ പറയുന്നു. “ലോകം നീങ്ങി​പ്പോ​കു​ക​യാ​കു​ന്നു  . . . , എന്നാൽ ദൈവ​ത്തി​ന്റെ ഇഷ്ടം ചെയ്യു​ന്നവൻ എന്നേക്കും സ്ഥിതി​ചെ​യ്യു​ന്നു.”—1 യോഹ​ന്നാൻ 2:17; സങ്കീർത്തനം 37:11; വെളി​പ്പാട്‌ 7:9, 13-15; 21:1-5.

യഹോ​വ​യു​ടെ സാക്ഷി​ക​ളു​ടെ എല്ലാ വിശ്വാ​സ​ങ്ങ​ളും ഇവിടെ പരിചി​ന്തി​ക്കുക സാദ്ധ്യ​മ​ല്ലെന്ന്‌ സ്‌പഷ്ട​മാണ്‌, എന്നാൽ കൂടുതൽ വിവരങ്ങൾ സമ്പാദി​ക്കാൻ ഞങ്ങൾ നിങ്ങളെ ക്ഷണിക്കു​ന്നു.

മററു പ്രകാ​ര​ത്തിൽ സൂചി​പ്പി​ക്കാ​ത്ത​പക്ഷം എല്ലാ ബൈബി​ളു​ദ്ധ​ര​ണി​ക​ളും വിശു​ദ്ധ​തി​രു​വെ​ഴു​ത്തു​ക​ളു​ടെ പുതിയ ലോക​ഭാ​ഷാ​ന്ത​ര​ത്തിൽ നിന്നാണ്‌.

[4-ാം പേജിലെ ആകർഷക വാക്യം]

യേശുവിനെ ഞങ്ങൾ അനുക​രി​ക്കു​ന്ന​തു​കൊണ്ട്‌ ഞങ്ങൾ യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ചി​രി​ക്കു​ന്നു