ദൈവരാജ്യം പ്രസംഗിക്കുന്നതിന്‌ സംഘടിതമായിരിക്കുന്ന സഭകൾ
ദൈവരാജ്യം പ്രസംഗിക്കുന്നതിന്‌ സംഘടിതമായിരിക്കുന്ന സഭകൾ
യേശുക്രിസ്‌തു ഭൂമിയിലായിരുന്നപ്പോൾ ഗ്രാമംതോറും നഗരം തോറുംപോയി ദൈവരാജ്യം പ്രസംഗിച്ചു. അതേ വേല ചെയ്യാൻ അവൻ തന്റെ ശിഷ്യൻമാരെ പരിശീലിപ്പിക്കുകയും അയയ്‌ക്കുകയും ചെയ്‌തു. സകല ജനതകളിലെയും ആളുകളെ ശിഷ്യരാക്കാൻ സ്വർഗ്ഗാരോഹണം ചെയ്യുന്നതിന്‌ മുമ്പ്‌ അവൻ തന്റെ അനുഗാമികളോട്‌ കല്‌പിച്ചു. ആദിമ ക്രിസ്‌തീയസഭ അതിന്റെ ആവിർഭാവം മുതൽതന്നെ സുവാർത്ത പ്രസംഗിക്കാൻ സംഘടിപ്പിക്കപ്പെട്ടു. ശിഷ്യൻമാർ എവിടെയെല്ലാം പോയോ അവിടെയെല്ലാം അവർ ദൈവരാജ്യം പ്രസംഗിക്കുന്നതായി കണ്ടെത്തപ്പെടുമായിരുന്നു.—മത്തായി 4:17, 23; 10:1-16; 28:19, 20; ലൂക്കോസ്‌ 4:43, 44; 8:1; 10:1-9; പ്രവൃത്തികൾ 1:8; 4:31; 5:42; 8:12; 19:8; 28:23, 30, 31; റോമർ 10:9, 10, 14.
വ്യവസ്ഥിതിയുടെ സമാപനത്തെക്കുറിച്ചുളള യേശുവിന്റെ പ്രവചനത്തിൽ “രാജ്യത്തിന്റെ ഈ സുവാർത്ത സകല ജനതകൾക്കും സാക്ഷ്യമായി നിവസിതഭൂമിയിലെല്ലാം പ്രസംഗിക്കപ്പെടും, അപ്പോൾ അവസാനം വരും” എന്ന്‌ അവൻ പ്രസ്‌താവിച്ചിരുന്നു. ഈ പ്രസംഗം ഇന്നത്തെ ക്രിസ്‌തീയസഭയുടെ ഒരു മുഖ്യ കടപ്പാടാണ്‌.—മത്തായി 24:14; മർക്കോസ്‌ 13:10.
ലോകവ്യാപകമായി, യഹോവയുടെ സാക്ഷികളുടെ സകല സഭകളും തങ്ങളുടെ സ്വന്തപ്രദേശം വ്യവസ്ഥാനുസരണം ദൈവരാജ്യസുവാർത്ത പ്രസംഗിച്ച്‌ പൂർത്തിയാക്കാൻ സംഘടിപ്പിക്കപ്പെട്ടിരിക്കുന്നു. അത്‌ ഒരു ക്രമീകൃതരീതിയിൽ ചെയ്യപ്പെടേണ്ടതിന്‌ ഓരോ രാജ്യത്തും വാച്ച്‌ ററവർ സൊസൈററിയുടെ ബ്രാഞ്ചാഫീസ്‌ ഓരോ സഭയ്‌ക്കും സാക്ഷീകരണത്തിനായി ഒരു പ്രദേശം നിയമിച്ചുകൊടുക്കുന്നു. സഭ ആ നിയമിത പ്രദേശത്തെ കുറേക്കൂടെ ചെറിയ ഭാഗങ്ങളായി വിഭജിക്കുന്നു. അനന്തരം ആളുകളെ സന്ദർശിക്കുന്നതിൽ ശ്രദ്ധിക്കുന്നതിനുളള ഉത്തരവാദിത്തം ഏറെറടുക്കുന്നവർക്ക്‌ അവ നിയമിച്ചു കൊടുക്കുന്നു.—1 കൊരിന്ത്യർ 14:33, 40.
സാധാരണയായി സാക്ഷികൾ ആളുകളെ സമീപിക്കുന്നതിന്‌ വീടുതോറും പോകുന്നു. യഹോവയുടെ സാക്ഷികൾ തങ്ങളുടെ സഭാമീററിംഗുകളിൽ ബൈബിളുപയോഗിച്ച്‌ വീട്ടുവാതിൽക്കൽ രാജ്യസന്ദേശത്തിന്റെ ഹ്രസ്വമായ പ്രസംഗങ്ങൾ നടത്തുന്നതിന്‌ പരിശീലിപ്പിക്കപ്പെട്ടിട്ടുണ്ട്‌. ദൈവവചനത്തിന്റെ വർദ്ധിച്ച പരിജ്ഞാനം സമ്പാദിക്കുന്നതിനാഗ്രഹിക്കുന്ന വീട്ടുകാർക്ക്‌ സമർപ്പിക്കുന്നതിന്‌ സാക്ഷികൾ ബൈബിൾ സാഹിത്യം കൊണ്ടുപോകുന്നു.
പ്രാധാന്യമുളള രാജ്യസന്ദേശം കേൾക്കുന്നതിന്‌ പ്രദേശത്തെ ഓരോരുത്തർക്കും ഒരു അവസരം കൊടുക്കാൻ സാക്ഷികൾ വീടുതോറും പോകുമ്പോൾ വിശദമായ ഒരു രേഖ സൂക്ഷിക്കുകയും വീട്ടിൽ ആളില്ലാത്തത്‌ എവിടെയായിരുന്നുവെന്നോ ഏതെങ്കിലും കാരണത്താൽ എവിടെ ഒരു പൂർണ്ണസാക്ഷ്യം കൊടുക്കാൻ സാധിച്ചില്ലെന്നോ സൂചിപ്പിക്കുകയും ചെയ്യുന്നു. മറെറാരു സമയത്ത്‌ അവിടെ സന്ദർശനം നടത്തപ്പെടും. താത്‌പര്യം കാണിക്കുമ്പോൾ അത്‌ കുറിച്ചിടുന്നു. കൂടുതലായ തിരുവെഴുത്തു വിവരങ്ങൾ പ്രദാനം ചെയ്യുന്നതിന്‌ സാക്ഷികൾ മടങ്ങിച്ചെല്ലുന്നു. ആഗ്രഹിക്കുന്നുവെങ്കിൽ ഒരു ക്രമമായ ബൈബിളദ്ധ്യയനം നടത്തപ്പെടും. ഇതെല്ലാം സൗജന്യമായിട്ടാണ്‌ ചെയ്യുന്നത്‌.
യഹോവയുടെ സാക്ഷികൾ തെരുവുകളിലൂടെ കടന്നുപോകുന്നവർക്കും മാസികകൾ സമർപ്പിക്കുന്നു. ഈ വിധത്തിൽ വീട്ടിൽ കണ്ടെത്താൻ കഴിയാതിരുന്നേക്കാവുന്ന അനേകരെ സമീപിക്കാൻ അവർക്കു കഴിയുന്നു. കേൾക്കുന്ന ഓരോരുത്തരെയും സമീപിക്കാൻ യഥാർത്ഥ ശ്രമം ചെയ്യപ്പെടുന്നു.—പ്രവൃത്തികൾ 17:17; വെളിപ്പാട്‌ 14:6, 7; 22:17.
ഭൂരിപക്ഷവും യാതൊരു താത്‌പര്യവും പ്രകടമാക്കാത്തപ്പോൾ സാക്ഷികൾ സന്ദർശിച്ചുകൊണ്ടേയിരിക്കുന്നതെന്തുകൊണ്ട്‌? വ്യക്തികളുടെ സാഹചര്യം മിക്കപ്പോഴും മാറുന്നുവെന്നും മറെറാരു സന്ദർശനസമയത്ത്‌ അവർ ക്രിയാത്മകമായി പ്രതിവർത്തിക്കുന്നുവെന്നും കണ്ടെത്തപ്പെട്ടിട്ടുണ്ട്‌. അല്ലെങ്കിൽ വീട്ടിലെ മററാരെയെങ്കിലും കണ്ടേക്കാം, അവർ താത്‌പര്യം പ്രകടമാക്കിയേക്കാം.
“അപ്പോൾ, ഒന്നാമതായി രാജ്യവും അവന്റെ നീതിയും അന്വേഷിച്ചുകൊണ്ടേയിരിക്കുക” എന്ന്‌ യേശു തന്റെ ശിഷ്യൻമാരോട്‌ പറഞ്ഞു. ദൈവരാജ്യ പ്രസംഗം നാം രാജ്യം ഒന്നാമത്‌ അന്വേഷിക്കുന്നതിന്റെ ഒരു മർമ്മപ്രധാനമായ ഭാഗമാണ്‌. യഹോവയുടെ സാക്ഷികൾ അതിനെ തങ്ങളുടെ ജീവിതത്തിന്റെ ഒരു സുപ്രധാന ലക്ഷ്യമാക്കിത്തീർക്കുന്നു.—മത്തായി 6:33; 2 തിമൊഥെയോസ്‌ 4:2.
• യേശുവിന്റെയും ആദിമ ക്രിസ്‌ത്യാനികളുടെയും ഏതു വേല നമ്മുടെ നാളിലും ചെയ്യപ്പെടുമെന്ന്‌ മുൻകൂട്ടി പറഞ്ഞിരുന്നു?
• യഹോവയുടെ സാക്ഷികളുടെ പ്രസംഗപ്രവർത്തനം സംഘടിപ്പിക്കപ്പെട്ടിരിക്കുന്നതെങ്ങനെ?
• ഭൂരിപക്ഷവും താത്‌പര്യം പ്രകടമാക്കാത്തപ്പോൾ യഹോവയുടെ സാക്ഷികൾ സന്ദർശിച്ചുകൊണ്ടേയിരിക്കുന്നതെന്തുകൊണ്ട്‌?
[16, 17 പേജുകളിലെ ചിത്രങ്ങൾ]
യഹോവയുടെ സാക്ഷികൾ വിവിധരാജ്യങ്ങളിൽ ദൈവരാജ്യം പ്രസംഗിക്കുന്നു
തായ്‌ലണ്ട്‌
മെക്‌സിക്കോ
നെതർലാൻഡ്‌സ്‌
കൊറിയാ
കുറാക്കോ
ഘാനാ
ബ്രിട്ടൻ
ആസ്‌ത്രേലിയ
